#ﻓﻲﺷﺮﻳﻌﺔ_ﺍﻟﻌﺸﻖ
بقلم ﻧﻮﺭﺍ ﻧﺎﺻﺮ
#بارت١٩
ﺑﻘﻴﻨﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ﺍﻧﻲ ﻭﺍﻣﻲ ، ﺫﻫﻮﻝ ﻭﺗﻌﺠﺐ ﺷﺪﻳﺼﻴﺮ ﺟﻮﺓ ﻭﻣﻨﻮ ﻳﻢ ﻋﺒﻴﺮ !! ؟
ﺭﻛﻀﻨﺎ ﻟﻠﺼﺎﻟﻪ ﺑﺴﺮﻋﺔ ﺍﻧﺼﺪﻣﻨﺎ ﺑﻮﺟﻮﺩ ﺃﻡ ﺍﺳﺮﺍﺀ
ﻭﺯﻭﺟﻬﺎ ، ﻫﺎﻱ ﺷﺪﺗﺴﻮﻱ ﻳﻤﻨﺎ ؟ ﻭﻫﻢ ﺍﻟﻬﺎ ﻋﻴﻦ ﺷﻮﻥ ﻋﺎﻟﻢ ﻣﺘﺴﺘﺤﻲ ! ﺑﺎﻭﻋﺖ ﻟﻠﻜﺎﻉ ﻛﻠﻬﺎ ﻛﺰﺍﺯ ﻭﻛﻼﺻﺎﺕ ﻣﻜﺴﺮﻩ ..
ﺭﻛﺾ ﺑﺎﺑﺎ ﻋﻠﻰ ﻋﺒﻴﺮ ﻭﻓﺎﺕ ﺣﺘﻰ ﺑﺪﻭﻥ ﻣﺎﻳﺴﻠﻢ
_ ﺷﻜﻮ ﺑﻨﺘﻲ ﺷﺼﺎﻳﺮ ﻫﻨﺎ؟
ﺑﺎﺑﺎ ﻫﺎﻱ ﺍﻡ ﺍﺳﺮﺍﺀ ﺍﺟﺖ ﺗﻜﻮﻝ ﺑﻨﺘﻜﻢ ﺑﺎﻟﺴﺤﺮ ﺍﺧﺬﺕ ﺻﻔﺎﺀ ﻭﺍﻻ ﻫﻮ ﺑﻨﻌﺎﻝ ﻣﻴﺸﺘﺮﻳﻬﺎ
ﺍﻟﻠﻪ ﻳﻌﻠﻢ ﺍﻣﺞ ﻟﻴﺎ ﺳﺤﺎﺭﺓ ﺍﺧﺬﺗﻬﺎ ﻭﺳﻬﻠﺖ ﺍﻟﻘﺴﻤﻪ
ﺑﺎﺑﺎ ﻋﻴﻮﻧﻪ ﺻﺎﺭﺕ ﺩﻡ ﻭﺷﺮﺍﻳﻴﻦ ﻭﺟﻬﻪ ﻛﻠﻬﺎ
ﺑﺮﺯﺕ ﻣﻦ ﺍﻟﻌﺼﺒﻴﻪ ﺑﺎﻭﻉ ﻋﻠﻰ ﺍﻡ ﺍﺳﺮﺍﺀ ﻭﻋﺎﻁ ﺑﻮﺟﻬﻪ
: ﺑﻴﺞ ﺑﺨﺖ ﺃﻧﺘﻲ ﻣﺮﺓ ﻟﻮﺭﺟﺎﻝ ﺟﺎﻥ ﻋﺮﻓﺖ ﺷﻠﻮﻥ ﺍﺭﺩﺝ ﻭﺍﻟﻌﺘﺐ ﻣﻮ ﻋﻠﻴﺞ ﺍﻟﻌﺘﺐ ﻋﻠﻰ ﺍﻟﻲ ﺟﺎﻱ ﻭﻳﺎﺝ ﻛﺎﻋﺪﺓ ﺍﺑﻴﺘﻨﺎ ﻭﺗﺤﺠﻴﻦ ﻋﻠﻴﻨﺎ ﺑﺲ ﺻﺪﻙ ﺍﻟﻲ ﺍﺳﺘﺤﻮﺍ ﻣﺎﺗﻮﺍ ....
ﻫﻴﻪ ﻛﺎﻣﺖ ﻋﻠﻰ ﺣﻴﻠﻬﺎ ﺑﻮﺟﻪ ﺑﺎﺑﺎ ؛ - ﻻ ﻋﻴﻨﻲ ﺍﺑﻮ ﺯﻫﺮﺍﺀ ﺗﺮﺓ ﺍﺣﻨﺎ ﺟﺎﻳﻴﻨﻜﻢ ﺯﻳﺎﺭﺓ ﺩﻧﺸﻮﻓﻜﻢ ﺍﻧﺖ ﺷﻮﻥ ﺗﺼﺪﻙ ﻛﻼﻡ ﻭﺣﺪﺓ ﺟﺎﻫﻠﺔ ﻣﺜﻞ ﻫﺎﻱ ؟
ﺗﻘﺪﻣﺖ ﺍﻣﻲ ﺍﻟﻬﺎ ؛ - ﻣﺎ ﺍﺳﻤﺤﻠﺞ ﺑﻨﺎﺗﻲ ﻣﺘﺮﺑﻴﺎﺕ ﺍﺣﺴﻦ ﺗﺮﺑﻴﺔ ﻣﺎ ﻋﻠﻤﻨﺎﻫﻦ ﻉ ﺍﻟﻜﺬﺏ ﻋﻴﺐ ﻋﻠﻴﺞ ﺟﺎﻱ ﺗﻬﻴﻨﻴﻨﺎ ﺍﺑﻴﺘﻨﺎ ؟
_ ﻋﻴﻨﻲ ﺯﻫﺮﺍﺀ ﻳﺎ ﺍﻫﺎﻧﺔ ﻟﻴﺶ ﻣﻜﺒﺮﺓ ﺍﻟﻤﻮﺿﻮﻉ
ﻣﺮﻳﺖ ﻋﻠﻰ ﺍﺧﺘﻲ ﺍﺷﻮﻓﻬﻪ ﻃﻠﻌﺖ ﻣﻤﻮﺟﻮﺩﺓ ﺟﻴﺖ ﺩﺍ ﺍﻃﻠﻊ ﻓﻜﺮﺕ ﺍﻣﺮ ﻋﻠﻴﻜﻢ ﺍﺷﻮﻓﻜﻢ ، ﺻﻠﺔ ﺭﺣﻢ ﺳﻮﻳﺘﻮﻫﻪ ﺍﻫﺎﻧﺔ
ﻭﻇﻠﺖ ﺗﻔﺮ ﺑﻴﺪﻫﺎ -: ﺍﻣﺸﻲ ﺍﺑﻮ ﺿﺮﻏﺎﻡ ﺍﻣﺸﻲ ﺍﻟﻈﺎﻫﺮ ﻣﻴﺮﺩﻭﻥ ﺍﺣﺪ ﻳﺪﻙ ﺑﺎﺑﻬﻢ ﻳﺸﻮﻓﻬﻢ ..
ﺩﺗﻄﻠﻊ ﻭﻫﻴﻪ ﺗﻔﺮ ﺑﻴﺪﻫﺎ ﻣﻦ ﻭﺻﻠﺖ ﻳﻤﻲ ﺑﻌﺪﺗﻨﻲ ﻋﻦ ﻃﺮﻳﻘﻬﺎ ﺑﻘﺴﻮﺓ ﺣﺎﺳﺘﻬﺎ ﻛﺎﺭﻫﺘﻨﻲ ﻫﻮﺍﻳﻪ
ﺗﺼﺮﻓﻬﺎ ﻫﺬﺍ ﺧﻠﻰ ﻗﻠﺒﻲ ﻳﻨﺒﺾ ﺑﺸﻜﻞ ﻣﺆﻟﻢ
ﻭﺗﻼﺷﺖ ﺍﻟﻔﺮﺣﺔ ﻣﻦ ﺭﻭﺣﻲ ..
ﻃﻠﻌﺖ ﻭﺯﻭﺟﻬﺎ ﻭﺭﺍﻫﺎ ﻋﺒﺎﻟﻚ ﺧﺮﻭﻑ ﻳﺘﺒﻌﻬﺎ
ﻻ ﻛﺎﻝ ﺍﻟﻬﺎ ﻋﻴﺐ ﻭﻻ ﺭﺩﻋﻬﺎ ..
ﻃﻠﻌﺖ ﻭﺭﺍﺣﺖ ﻋﺒﻴﺮ ﺳﺪﺕ ﺍﻟﺒﺎﺏ ﻭﺭﺍﻫﻢ ﻭﺍﺟﺖ
ﻣﺎﻣﺎ ﻋﺼﺒﺖ ﺣﻴﻞ ﺑﺤﻴﺚ ﺍﺣﺲ ﺍﻟﺪﻡ ﺍﺣﺘﻘﻦ ﺑﻮﺟﻬﻪ
ﺑﺲ ﻛﺘﻤﺖ ﻭ ﻣﺤﺠﺖ ﻻﻥ ﺷﺎﻓﺖ ﺑﺎﺑﺎ ﺍﻋﺼﺎﺑﻪ ﻓﻮﻝ
ﺍﺟﺖ ﻋﺒﻴﺮ ﻟﻤﺖ ﺍﻟﻜﺰﺍﺯ ﻣﻦ ﺍﻟﻜﺎﻉ ﻣﺎﻣﺎ ﺑﺎﻭﻋﺖ ﻉ ﺑﺎﺑﺎ
ﻭﺣﺠﺖ : ﺍﻛﻮﻟﻚ ﻋﻴﻨﻲ ﻫﺎﻱ ﺍﻭﻟﻬﺎ ﻫﻴﺞ ﻟﻌﺪ ﺑﻌﺪﻳﻦ
ﺷﻨﻮ ﺣﻴﺼﻴﺮ ﺑﺒﻨﺘﻲ ﺍﺫﺍ ﺩﺧﻠﺖ ﺑﻴﺖ ﺍﺧﺘﻬﺎ ﺧﺎﺑﺮ
ﺍﺧﻮﻙ ﻭﺧﺮﺏ ﻛﻮﻟﺸﻲ ...
ﺑﺎﺑﺎ ﻭﺑﺎﻭﻉ ﻉ ﻣﺎﻣﺎ ﻭﺣﺠﻪ ﺑﻜﻞ ﻋﺼﺒﻴﻪ : ﺷﻨﻮ ﺍﺧﺮﺭﺭﺭﺭﺭﺭﺏ ﻭﻟﺠﺠﺠﺞ ﻫﻲ ﻟﻌﺐ ﺍﻃﻔﺎﻝ ﺑﻴﺖ ﺍﺧﻮﻳﻪ ٤ ﻣﺮﺍﺕ ﻳﺨﻄﺒﻮﻫﺎﺍﺍﺍﺍﺍ ﻣﻨﻲ ﻭﺍﺭﺩﻫﻢ ﻭﻫﺴﻪ
ﻣﻦ ﻭﺻﻠﺖ ﻟﻠﺼﺪﻙ ﺍﺭﻭﺣﺢ ﺍﻛﻮﻟﻪ ﺑﻄﻠﺖ ﻭﻋﻠﻤﻮﻭﻭﻭﻭﺩ ﻣﻨﻮﻭﻭ ﻋﻠﻤﻮﺩ ﻭﺣﺪﻩ ﺯﺑﺎﻟﻪ ﺗﺮﻳﺪﻳﻨﻲ
ﺍﺧﺮﺭﺭﺭﺏ ﻭﻳﺎ ﺍﺧﻮﻭﻭﻳﻪ ؟
ﻣﺎﻣﺎ ﻣﻦ ﺷﺎﻓﺖ ﺑﺎﺑﺎ ﻋﺼﺒﻲ ﺳﻜﺘﺖ ، ﻭﺑﻘﺖ ﻭﺍﻛﻔﺔ ﻣﻜﺎﻧﻬﺎ
ﻭﺑﺎﺑﺎ ﺭﺍﺡ ﻛﻌﺪ ﻋﻠﻰ ﺍﻟﺘﺨﻢ ﻭﻳﺘﻨﻔﺲ ﺑﻌﺼﺒﻴﺔ ﻭﺍﻳﺪﻳﻪ ﻋﻠﻰ ﺟﺒﻴﻨﻪ ، ﺍﻟﺒﻴﺖ ﺍﻟﻮﺿﻊ ﻣﻜﻬﺮﺏ ﺑﻲ ﻭﻛﻠﻨﺎ ﻣﺼﺪﻭﻣﻴﻦ
ﻣﺮﻳﻢ ﻇﻠﺖ ﺗﺒﺎﻭﻉ ﺑﺎﻟﻮﺟﻮﻩ -: ﺍﺩﺭﻱ ﺣﺘﺒﻘﻮﻥ ﺻﺎﻓﻨﻴﻦ ﺗﺮﻩ ﺧﻠﻲ ﺍﻛﻮﻟﻜﻢ ﺍﻻﻛﻞ ﺍﻟﻲ ﺟﺒﻨﺎﻩ ﻣﻦ ﺍﻟﻤﻄﻌﻢ
ﺣﻴﺒﺮﺩ ﺷﻮﻛﺖ ﻧﺄﻛﻞ ..
ﺑﺎﺑﺎ ﺑﺎﻭﻋﻠﻬﺎ ﻭﺿﺤﻚ ﻭﻛﺄﻥ ﻛﻞ ﻋﺼﺒﻴﺘﻪ ﺗﻼﺷﺖ
: - ﻭﺍﻧﺘﻲ ﻫﻤﺞ ﺑﻄﻨﺞ ﻳﻌﻨﻲ؟
_ ﺍﻱ ﺑﺎﺑﺎ ﺷﺴﻮﻳﻠﻜﻢ ﻟﻌﺪ ﻫﺴﻪ ﺑﻴﺪﻱ ﺷﻲ ﻭﻣﺎﺍﺳﻮﻱ ..
ﻛﺮﺻﻬﺎ ﻣﻦ ﺧﺪﻫﺎ ﻭﺩﻳﻔﻮﺕ ﺟﻮﺍ ﻛﺎﻝ ؛ - ﻳﻠﻠﻪ ﺑﻨﺎﺗﻲ ﺧﻠﻮ ﻛﻞ ﺍﻟﻲ ﺻﺎﺭ ﻭﺭﺍ ﻇﻬﺮﻛﻢ ﻭﺧﻠﻮ ﺍﻟﻌﺸﻰ ﺩﻧﺘﻌﺸﻰ ﺍﻧﻲ ﺭﺍﻳﺢ ﺍﻏﺴﻞ .. ﻭﻓﺎﺕ ﺟﻮﺍ
ﻛﻠﻨﺎ ﺗﺤﺮﻛﻨﺎ ﺑﺪﻭﻥ ﺻﻮﺕ ﻣﺎﻣﺎ ﺗﺒﻌﺘﻪ ﻟﺒﺎﺑﺎ ﻭﺍﻧﻲ ﺭﺣﺖ ﻟﻐﺮﻓﺘﻲ ﺧﻠﻴﺖ ﺍﻟﻌﻼﻟﻴﻚ ﻭﺑﺪﻟﺖ ﻣﻼﺑﺴﻲ ﻭﺭﺣﺖ ﻟﻠﻤﻄﺒﺦ
ﺣﻀﺮﺕ ﺍﻻﻛﻞ ﻭﻳﺎ ﻋﺒﻴﺮ ﺑﺼﻤﺖ ﺑﺪﻭﻥ ﻣﻨﺤﺠﻲ ﺍﺣﺲ ﺍﻟﺼﺪﻣﺔ ﺑﻌﺪﻫﺎ ﻣﺴﻴﻄﺮﺓ ﻋﻠﻴﻨﺎ ، ﻟﻌﺪ ﻫﺎﻱ ﺍﻡ ﺍﺳﺮﺍﺀ ﺷﻜﺪ ﺣﺎﻗﺪﺓ ، ﺯﻳﻦ ﻫﻢ ﺭﻓﻀﻮ ﻟﺼﻔﺎﺀ ﻟﻴﺶ ﻫﺴﻪ ﺩﺗﻄﻠﻊ ﺳﻤﻬﺎ ﻋﻠﻴﻨﺎ؟؟
ﻣﻌﻘﻮﻟﺔ ﻫﻴﻪ ﻣﺠﺎﻧﺖ ﻣﻮﺍﻓﻘﺔ ﻉ ﺍﺑﻦ ﻋﻤﻬﺎ ﻻﺳﺮﺍﺀ ﺯﻳﻦ ﻫﻴﻪ ﻣﻮ ﺍﻣﻬﺎ ﺍﻟﻤﻔﺮﻭﺽ ﺗﻮﻛﻒ ﻭﻳﺎﻫﻪ ﻭﺗﺴﺎﻋﺪﻫﺎ ﺗﺘﺰﻭﺝ ﺍﻟﻲ ﺗﺤﺒﻪ ﻟﻴﺶ ﺧﻠﺖ ﺍﺳﺮﺍﺀ ﺗﻨﻈﻠﻢ ﻫﻴﺞ ؟ ﺷﺒﻴﻬﺎ ﻣﺎﻋﺪﻫﺎ ﺷﺨﺼﻴﺔ ﻋﻠﻰ ﻭﻟﺪﻫﻪ ﻭﻣﺨﻠﻴﺘﻬﻢ ﺑﻜﻴﻔﻬﻢ ﻳﺰﻭﺟﻮﻫﺎ ؟
ﻟﻮ ﻫﻲ ﺷﻐﻠﺔ ﻋﻨﺎﺩ ﺻﺎﺭﺕ ﻻﻥ ﺻﻔﺎﺀ ﻣﻘﺒﻞ ﻳﺘﻨﺎﺯﻝ ﻋﻦ ﺍﻟﻔﻠﻮﺱ ﺍﻟﻲ ﻳﻄﻠﺒﻬﻦ ﻣﻦ ﻏﻴﺚ ﺷﻐﻠﺔ ﺗﺤﻴﺮ ﻓﻌﻼ ﺍﻛﻠﺖ ﺭﺍﺳﻲ ﻣﻦ ﺍﻟﻘﻠﻖ ﻭﺑﺲ ﺍﻓﻜﺮ ..
ﺧﻠﻴﻨﺎ ﺍﻟﻌﺸﻰ ﻭﻛﻌﺪﻧﺎ ﻧﺘﻌﺸﻰ ﻭﺍﻟﻬﺪﻭﺀ ﻭﺍﻟﺴﻜﻮﺕ ﺳﻴﺪ ﺍﻟﻤﻜﺎﻥ ، ﺣﺘﻰ ﻧﻔﺴﻨﺎ ﻣﺴﺪﻭﺩﺓ ، ﺍﻛﻠﻨﺎ ﺷﻮﻳﺔ ﺑﺲ ﻣﺮﻳﻢ ﺑﻘﺖ ﺍﺧﺮ ﻭﺣﺪﺓ ﻳﻠﻪ ﻛﺎﻣﺖ ﻣﻦ ﺍﻟﺴﻔﺮﺓ ...
ﺍﻧﺪﻛﺖ ﺍﻟﺒﺎﺏ ﻭﻃﻠﻊ ﺑﺎﺑﺎ ﻳﺸﻮﻑ ﻣﻨﻮ ﻃﻮﻝ ﺷﻮﻳﻪ ﻳﻠﻪ ﺭﺟﻊ
ﺳﺄﻟﺘﻪ ﻣﺎﻣﺎ ؛ - ﻣﻨﻮ ﺑﺎﻟﺒﺎﺏ ؟
ﻛﻌﺪ ﺑﺎﺑﺎ ﻭﺗﻨﻬﺪ ﻭﻓﺮﻙ ﻭﺟﻬﻪ ﺑﻴﺪﻳﻪ ؛ - ﺻﻔﺎﺀ ﻭﺍﻣﻪ ﺍﺟﻮ ﺩﻳﻌﺘﺬﺭﻭﻥ ﻋﻦ ﺗﺼﺮﻑ ﺍﻡ ﺍﺳﺮﺍﺀ ، ﺑﺲ ﻋﺠﻴﺐ ﺷﻤﺪﺭﻳﻬﻢ؟
ﺟﺎﻭﺑﺘﻪ ﻣﺮﻳﻢ : ﺃﻛﻴﺪ ﻋﺒﻴﺮ ﻛﺎﻟﺘﻠﻬﻢ
_ ﻭﻳﻨﻬﺎ ﻋﺒﻴﺮ ﺻﻴﺤﻴﻬﺎ
ﺭﺍﺣﺖ ﻣﺮﻳﻢ ﺟﺎﺑﺘﻬﺎ ﻭﺍﺟﺖ ..
ﺑﺎﺑﺎ ﺑﺎﻭﻉ ﻋﻠﻰ ﻋﺒﻴﺮ ﻭ ﺳﺄﻟﻬﺎ ؛ - ﻫﺎﻱ ﺍﻧﺘﻲ ﻛﺎﻳﻠﻪ ﻟﺼﻔﺎﺀ ﻭﺍﻣﻪ ﻉ ﺧﺎﻟﺘﻪ؟
ﺑﺴﺮﻋﺔ ﺟﺎﻭﺑﺘﻪ _ ﺑﻠﻲ ﺍﻧﻲ ..
_ ﺍﺳﺘﺸﺎﺭﻳﺘﻲ ﻣﻨﻮ ﻭﺭﺣﺘﻲ ﺣﺠﻴﺘﻲ ﻛﻠﺘﻲ ﻻﻣﺞ
ﻟﻮ ﺍﻟﻴﻪ ﺷﻨﻮ ﺍﻧﺘﻲ ﻣﻦ ﺣﺎﻟﺞ ﺗﺘﺼﺮﻓﻴﻦ؟
_ ﻻ ﺑﺎﺑﺎ ﻣﻮ ﻣﻦ ﺣﺎﻟﻲ ﺑﺲ ﺍﻧﺘﻮﺍ ﺟﻨﺘﻮﺍ ﻣﺎﻛﻮ ﻭﺍﻧﻲ
ﺧﻔﺖ ﻣﻨﻬﺎ ﻧﻈﺮﺍﺗﻬﺎ ﻣﺪﺭﻱ ﺷﻮﻧﻬﺎ ﻫﻴﻪ ﻭﺯﻭﺟﻬﺎ ﻭﻣﻨﺎ ﻇﻠﺖ ﺗﺤﺠﻲ ﺣﺠﻲ ﺯﺍﻳﺪ ﻛﺘﻠﻬﺎ ﺭﺍﺡ ﺍﺧﺎﺑﺮ ﺻﻔﺎﺀ ﻳﻘﺒﻞ ﺑﺨﺮﻃﻜﻢ ﻫﺬﺍ ؟
ﺧﺎﺑﺮﺕ ﻋﻠﻰ ﺻﻔﺎﺀ ﻛﺘﻠﻪ ﺗﻌﺎﻝ ﺷﻮﻑ ﺧﺎﻟﺘﻚ ﺷﻨﻮ ﺗﻜﻮﻝ
ﻛﺎﻝ ﺍﺣﻨﻪ ﺑﻜﺮﺑﻼﺀ ﺩﻧﺰﻭﺭ ﻭﻫﺎﻱ ﻛﻞ ﺍﻟﻘﺼﻪ ....
ﺳﻜﺖ ﺑﺎﺑﺎ ﻭﻫﻲ ﺻﻌﺪﺕ ...
ﺍﻟﻠﻴﻠﺔ ﻫﺎﻱ ﻛﻀﻴﻨﺎﻫﻪ ﻛﻠﻨﺎ ﺿﺎﻳﺠﻴﻦ ﺍﺣﺲ ﻓﺮﺣﺘﻲ ﻧﺎﻗﺼﺔ ﺑﺴﺒﺐ ﺍﻟﻲ ﺻﺎﺭ ..
ﻭﺍﺣﺲ ﺍﻟﺤﻴﺮﺓ ﻣﺤﺎﺻﺮﺗﻨﻲ ﻣﻌﻘﻮﻟﺔ ﺑﻌﺪ ﻣﺘﺨﻠﺼﺖ ﻣﻦ ﺍﺳﺮﺍﺀ ﻟﺴﻪ ؟
ﻛﺮﺍﺭ ....: ﺧﺎﺑﺮﺕ ﻋﻠﻰ ﻣﻬﺎ ﻣﺎﻛﻮ ﺭﺩ ﺍﻧﺘﺎﺑﻨﻲ ﺍﻟﻘﻠﻖ ﻭﺍﻧﻲ ﻣﺘﻌﻮﺩ ﺍﺧﺎﺑﺮﻫﺎ ﺍﺣﺠﻲ ﻭﻳﺎﻫﻪ ﻛﻞ ﺷﻮﻳﻪ ﺑﺲ ﺍﻟﻴﻮﻡ ﻣﺎﻛﻮ ﺍﺳﺘﻐﺮﺑﺖ ﻭﻗﻠﻘﺖ ﻋﻠﻴﻬﺎ ﺑﺲ ﻻ ﺍﻧﻠﻜﻔﺖ ..
ﻣﺎ ﺍﺳﺘﺴﻠﻤﺖ ﻇﻠﻴﺖ ﺍﺗﺼﻞ ﺑﻴﻬﺎ ﻣﻦ ﺍﻟﺼﺒﺢ ﻟﻠﻴﻞ
ﻭﻫﻢ ﻣﺎﻛﻮ ﺟﻮﺍﺏ ﺯﺍﺩ ﻗﻠﻘﻲ ﻭﺗﻔﻜﻴﺮﻱ ﻻﺍ ﺃﻛﻴﺪ ﺻﺎﻳﺮ
ﺑﻴﻬﺎ ﺷﻲ ..
ﻓﻜﺮﺕ ﻭﺭﺣﺖ ﺧﺎﺑﺮﺕ ﻋﻠﻰ ﻋﺒﻴﺮ ﻃﻠﺒﺖ ﻣﻨﻬﺎ ﺗﺘﺼﻞ ﺑﻴﻬﺎ
ﻛﺎﻟﺖ ﺍﻧﻲ ﻫﻢ ﺩﺍ ﺍﺗﺼﻞ ﺑﻴﻬﺎ ﻣﺎﻛﻮ ﻣﺨﺘﻔﻴﺔ ..
ﻟﺞ ﺷﻮﻓﻠﻴﺎﻫﻪ ﺗﺮﺓ ﻇﻞ ﺑﺎﻟﻲ ﻋﻠﻴﻬﺎ ﻟﻴﻜﻮﻥ ﺑﻴﻬﺎ ﺷﻲ ﺩﺑﺮﻳﻬﺎ ﺍﻟﻴﻪ ﺍﺗﺼﻠﻲ ﻫﺴﻪ
_ ﻋﻠﻰ ﻛﻴﻔﻚ ﺭﻭﻣﻴﻮ ﺍﺻﺒﺮ ﺷﻮﻳﻪ ﺷﺨﺒﺼﺘﻨﻲ ....
_ ﺩﻳﻠﻠﻪ ﻻﺗﺼﻴﺮﻳﻦ ﻓﺎﻫﻴﺔ ﺩﺍﻛﻮﻟﺞ ﻗﻠﻖ ﻗﻠﻖ ..
ﺳﺪﺗﻪ ﺑﻌﺪ ﺩﻗﺎﻳﻖ ﺍﻧﺘﻈﺮﺗﻬﺎ ﺗﺨﺎﺑﺮ ﺗﻨﻄﻴﻨﻲ ﺧﺒﺮ ﻋﻨﻬﺎ ﺭﻥ ﺗﻠﻴﻔﻮﻧﻲ ﻟﺰﻣﺘﻪ ﺟﺎﻭﺑﺖ ﻋﺒﻴﺮ ﺑﺴﺮﻋﺔ
ﺍﺟﺎﻧﻲ ﺻﻮﺗﻬﺎ -: ﺍﻛﻮﻟﻚ ﻛﺮﺍﺭ ﻫﺎﻱ ﻣﺘﻌﺎﺭﻛﻪ ﻭﻳﺎ ﺯﻭﺟﺔ ﺍﺧﻮﻫﺎ ..
_ ﻻ ﻳﺎ ﺍﻟﻠﻪ ﻟﻴﺶ ﻭﺍﻟﺘﻠﻴﻔﻮﻥ ﺷﻌﻠﻴﻪ ﻣﺘﺠﺎﻭﺏ ﻋﻠﻴﻪ ؟
_ ﻣﻮ ﻫﺎﻱ ﻣﻔﺘﻨﻪ ﻻﺧﻮ ﻣﻬﺎ ﻭﻫﺬﺍ ﻻﺯﻡ ﻣﻬﺎ ﺍﻣﻮﺗﻬﺎ ﻛﺘﻞ
ﻭﺧﻄﻴﻪ ﻫﺴﻪ ﺍﻳﺪﻫﺎ ﻣﻜﺴﻮﺭﺓ ..
_ ﻻ ﻳﺎ ﺍﻟﻠﻪ ﻛﺴﺮ ﺑﻴﺪﺝ ﻭﻻ ﺑﻴﺪﻫﺎ
_ ﻭﺍﻧﻲ ﺷﻌﻠﻴﻪ ؟
_ ﻳﻠﻪ ﻟﺘﺰﻋﻠﻴﻦ ﺑﻴﺪ ﺍﺧﻮ ﻣﻬﺎ ﻭﻻ ﺑﻴﺪﻫﺎ ، ﺗﻌﺎﻟﻲ ﻛﻮﻟﻴﻠﻲ ﺍﻧﺘﻲ ﻣﻨﻮ ﺟﺎﻭﺑﺞ؟ ﺻﺎﺭ ﻣﻦ ﺍﻟﺼﺒﺢ ﻟﻬﺴﻪ ﺍﺗﺼﻞ ﻣﺎﻛﻮ ﺭﺩ ..
_ ﺳﻬﻰ ﺍﺧﺘﻬﺎ ﺟﺎﻭﺑﺖ
_ ﺍﻭﻛﻲ ﻣﻘﺼﺮﺗﻲ ﺑﻨﺖ ﻋﻤﻲ ﻳﻠﻪ ﺑﺎﻱ ﺭﻭﺣﻲ ﺭﻭﺣﻲ ﻣﻦ ﻭﺟﻬﻲ
_ ﻭﻻ ﺗﺴﺘﺎﻫﻞ ﻃﺒﻌﺎ ...
ﺳﺪﻳﺘﻪ ﻣﻦ ﻋﺒﻴﺮ ﻇﻠﻴﺖ ﺍﻟﻮﺏ ﻛﻠﺖ ﺑﻌﺪ ﻣﺎﺑﻴﻬﺎ ﻣﺠﺎﻝ ﺍﺧﻄﺒﻬﺎ ﻭﺍﺧﻠﺼﻬﺎ ﻣﻦ ﻫﺎﻟﻤﻌﺎﻧﺎﺓ ، ﻫﺬﺍ ﺍﺧﻮﻫﺎ ﻭﺍﺣﺪ ﺳﻜﻂ
ﺍﻫﻢ ﺷﻲ ﺍﻟﻔﻠﻮﺱ ﻭﺯﻭﺟﺘﻪ ﻭﺍﻟﺒﺎﻗﻲ ﻻﺷﻲ ﻋﻨﺪﻩ
ﻃﻠﻌﺖ ﻣﻦ ﻏﺮﻓﺘﻲ ﺑﻘﺼﺪ ﺍﺣﺎﺟﻲ ﺍﺑﻮﻳﻪ ، ﺍﻣﺸﻲ ﻭﺍﻳﺪﻳﻪ ﺑﺠﻴﻮﺑﻲ ، ﻣﺤﺘﺎﺭ ﻣﻦ ﺭﺩﺓ ﻓﻌﻞ ﺍﺑﻮﻳﺔ ﺧﺎﻑ ﻫﻢ ﻳﺤﻂ ﺑﻴﻬﺎ ﺍﻧﻪ ﻭﻳﺄﺟﻠﻬﺎ ..
ﻓﺘﺖ ﻋﻠﻴﻪ ﻟﻠﺼﺎﻟﺔ ﻫﺴﺘﻮﺓ ﻳﺮﻳﺪ ﻳﻜﻮﻡ ﻳﻨﺎﻡ
ﺩﻳﻄﻔﻲ ﺍﻟﺘﻠﻔﺰﻳﻮﻥ ..
ﻛﺘﻠﻪ ﻳﺎﺑﻪ ﻓﺪ ﺩﻗﻴﻘﺔ ﺑﺲ ﺍﺣﺠﻲ ﻭﻳﺎﻙ ﺑﻤﻮﺿﻮﻉ
ﺍﺷﺮﻟﻲ ﺍﻛﻌﺪ -: ﺍﺣﺠﻲ ﻛﺮﺍﺭ ﺍﺳﻤﻌﻚ ﺷﻜﻮﻭ ﺑﻬﺎﻟﻠﻴﻞ ؟
_ ﻳﺎﺑﻪ ﺍﺭﻳﺪ ﺍﺧﻄﺒﻬﺎ ﻟﻠﺒﻨﻴﺔ ﺿﺮﻭﺭﻱ ﻫﺴﻪ
_ ﺷﻨﻮ ﺻﺎﺭ ﻭﻟﻚ ﺧﻮ ﻣﺎ ﺻﺨﻤﺖ ﻭﺟﻮﻫﻨﺎ ﻭﺳﻮﻳﺘﻠﻚ ﻣﻜﺴﻮﺭﺓ ﻭﻳﺎﻫﻪ
_ ﻳﺎﺑﻪ ﺑﺎﻭﻉ ﻟﻮﺟﻬﻲ ﻣﺎﻝ ﺻﺨﺎﻡ ﻭﺟﻪ ﺍﻧﻲ ﺑﺲ ﻃﻞ ﺑﻮﺟﻬﻲ ﺍﻟﻠﻪ ﻋﻠﻴﻚ ...
_ ﻫﺴﺘﻮﺓ ﻣﺎﻛﻞ ﻣﺎﺭﻳﺪ ﺍﺭﻭﺡ ﺍﺳﺘﻔﺮﻍ
_ ﻫﻮ ﻏﻴﺮ ﺍﻧﺘﻪ ﺍﺑﻮﻳﻪ
_ ﺷﺘﻘﺼﺪ ﻭﻟﻚ ؟؟؟
_ ﻳﺎﺑﻪ ﺗﺮﺓ ﻭﺍﻟﻠﻪ ﺻﺎﻙ ﻭﺍﺧﺒﻞ ﺩﺧﻄﺒﻠﻴﺎﻫﻪ ﺍﺳﻮﻳﻠﻜﻢ ﺍﺣﻔﺎﺩ ﻳﻮﻧﺴﻮﻛﻢ
_ ﺧﻠﻴﻬﺎ ﻭﺭﺓ ﺧﻄﺒﺔ ﺻﻔﺎﺀ ﺍﻟﻠﻪ ﻛﺮﻳﻢ
_ ﻳﺎﺑﻪ ﺍﻟﻠﻪ ﻣﺎﻛﻮ ﺍﻛﺮﻡ ﻣﻨﻪ ﻫﺎﻱ ﻣﻨﺘﻬﻴﻦ ﻣﻨﻬﺎ ﺍﺣﻨﺎ
_ ﺍﻥ ﺷﺎﺀﺍﻟﻠﻪ ﺍﻥ ﺷﺎﺀﺍﻟﻠﻪ ﺑﺲ ﻭﺧﺮ ﻋﻨﻲ ﻋﻮﺩ ﺍﺧﻄﺒﻬﺎ ﺍﻟﻚ ..
ﺭﺍﺡ ﻟﻐﺮﻓﺘﻪ ﻭﺍﻧﻲ ﺻﻌﺪﺕ ﻟﻐﺮﻓﺘﻲ ....
.
.
.
ﺯﻫﺮﺍﺀ : ﻗﺒﻞ ﺍﻟﺨﻄﻮﺑﻪ ﺑﻴﻮﻡ ﺍﺧﺬﺗﻨﻲ ﻣﺎﻣﺎ ﻟﻠﺼﺎﻟﻮﻥ
ﺣﻔﻴﺖ ﻭﺭﺗﺒﺖ ﺷﻌﺮﻱ ﻭﺳﻮﻳﺖ ﺗﻨﻈﻴﻒ ﺑﺸﺮﺓ ..
ﺑﺎﻭﻋﺘﻠﻲ ﺍﻟﻜﻮﺍﻓﻴﺮﺓ ﻭﺭﻛﺰﺕ ﺑﻴﻪ
ﻛﺎﻟﺖ ﺧﻠﻲ ﺍﺳﻮﻳﻠﺞ ﺧﺼﻞ ﺍﺷﻘﺮ ﻛﻠﺶ ﻳﺮﻫﻢ ﻭﻳﺎ ﺑﺸﺮﺗﺞ ..
ﺟﺎﻭﺑﺘﻬﺎ ﻣﺎﻣﺎ ﺑﺴﺮﻋﺔ ؛ ﻻ ﻻ ﺧﻠﻴﻬﺎ ﻉ ﺍﻟﻌﺮﺱ ﺍﺣﺴﻦ ﺣﻠﻮ ﺷﻌﺮﻫﺎ ﻟﻮﻧﻪ ﺑﻨﻲ ﻃﺒﻴﻌﻲ ..
ﻛﺎﻟﺖ ﻋﻠﻰ ﺭﺍﺣﺘﻜﻢ ...
ﺭﺟﻌﻨﺎ ﻟﻠﺒﻴﺖ ﻣﺎﻣﺎ ﻛﺎﻟﺖ ﺻﻌﺪﻱ ﺍﺭﺗﺎﺣﻲ ﻭﻧﺎﻣﻲ ﺯﻳﻦ ﺑﺎﺟﺮ ﺍﻛﻌﺪﺝ ﻣﻦ ﻭﻛﺖ ..
ﺻﻌﺪﺕ ﺍﺑﺎﻭﻉ ﻟﻮﺟﻬﻲ ﺑﺎﻟﻤﺮﺍﻳﺔ
ﻃﻠﻌﺖ ﻏﻴﺮ ﺷﻜﻞ ﺍﺣﺲ ﻧﻔﺴﻲ ﺑﺤﻠﻢ ﻣﻮﺣﻘﻴﻘﺔ ﻭﺍﺧﻴﺮﺍ ﺭﺍﺡ ﺍﺻﻴﺮ ﺍﻟﻪ ﻭﺍﺫﺍ ﺟﺎﻥ ﺣﻠﻢ ﻳﺎﺭﻳﺖ ﻣﺎ ﺍﺻﺤﻰ ﻣﻨﻪ ..
ﻇﻠﻴﺖ ﺍﻛﺮﺹ ﺑﺨﺪﻭﺩﻱ ﻭﺍﺿﺤﻚ ..
ﺭﺣﺖ ﻟﻠﺴﺮﻳﺮ ﻋﻮﺩ ﻣﺎﻣﺎ ﻛﺎﻟﺖ ﻧﺎﻣﻲ ﻭﻛﺖ
ﻭﻣﻨﻴﻦ ﻳﺠﻴﻨﻲ ﺍﻟﻨﻮﻡ ﻇﻠﻴﺖ ﺑﺲ ﺍﺗﻘﻠﺐ ﺑﻔﺮﺍﺷﻲ
ﻭﺍﻓﻜﺮ ﺑﻜﻞ ﺣﻴﺎﺗﻲ ﺍﻟﺠﺎﻳﺔ ﻭﺷﻠﻮﻥ ﺍﺧﻠﻲ ﺻﻔﺎﺀ ﻳﻌﺸﻘﻨﻲ ﻇﻠﻴﺖ ﺍﺧﻄﻂ ﻭﺍﻓﻜﺮ ﺍﺳﻮﻱ ﻫﻴﺞ ﻭﺍﺳﻮﻱ ﻫﻴﺞ ﻭﺍﺿﺤﻚ ﻋﻠﻰ ﻧﻔﺴﻲ ﺣﺪ ﻣﺎ ﻧﻤﺖ ...
ﺣﺴﻴﺖ ﺑﺼﻮﺕ ﻣﺎﻣﺎ ﻳﻤﻲ ﻭﻛﻌﺪﺕ ﺗﻤﻄﻄﺖ
ﻭﻛﻤﺖ ﻏﺴﻠﺖ ﻭﺟﻬﻲ ﻭﺭﺣﺖ ﻟﻠﻤﻄﺒﺦ
ﺷﺎﻓﺘﻨﻲ ﻣﺎﻣﺎ ﺍﺑﺘﺴﻤﺖ -: ﻫﻼ ﺑﺎﻟﻌﺮﻭﺳﺔ
ﺍﺑﺘﺴﻤﺖ ﻭﺍﺣﺲ ﺍﻟﺴﻌﺎﺩﺓ ﺍﺣﺘﻠﺘﻨﻲ ..
ﻭﺍﻟﺪﻡ ﻣﻠﺊ ﺧﺪﻭﺩﻱ ﻣﻦ ﺍﻟﺨﺠﻞ ..
ﺻﺒﺖ ﺍﻟﺤﻠﻴﺐ ﺩﺍﻓﻲ ﻭﺧﻠﺘﻪ ﻉ ﺍﻟﻤﻴﺰ ﻭ ﺟﺒﺮﺗﻨﻲ ﺍﺷﺮﺑﻪ
ﺍﺭﺗﺸﻔﺖ ﻣﻨﻪ ﺷﻮﻳﻪ ﻭﺑﺎﻭﻋﺖ ﻋﻠﻰ ﻣﺎﻣﺎ ﺧﻄﻴﺔ ﻭﺣﺪﻫﺎ ﺗﻔﺘﺮ ﺗﺮﻭﺡ ﻣﻨﺎ ﻭﺗﺠﻲ ﻣﻨﺎ ﻭﻻ ﺗﻜﻌﺪ
ﻭﺻﻮﺕ ﺍﻧﻔﺎﺳﻬﺎ ﺍﻟﻤﺘﻌﺒﺔ ﻳﺘﺨﻠﻞ ﻻﺳﻤﺎﻋﻲ ..
ﺳﺄﻟﺘﻬﺎ ﻟﻌﺪ ﻭﻳﻦ ﻋﺒﻴﺮ ﺍﺷﻮ ﻣﺪﺗﺴﺎﻋﺪﺝ؟
ﻭﻫﻴﻪ ﺗﻄﻠﻊ ﺍﻟﺠﺪﺭ ﺟﺒﻴﺮ ﻣﻦ ﺍﻟﻜﺎﻭﻧﺘﺮ ﺟﺎﻭﺑﺘﻨﻲ
_ ﻛﻌﺪﺕ ﻣﻦ ﺍﻟﺴﺘﻪ ﺧﻄﻴﻪ ﻏﺴﻠﺖ ﺍﻟﻄﺮﻣﺔ ﻭﻧﻈﻔﺖ ﻭﻫﺴﻪ ﺩﺧﻠﺖ ﺗﺴﺒﺢ ..
_ ﺯﻳﻦ ﻣﻨﻮ ﻳﺮﻭﺡ ﻭﻳﺎﻳﻪ ﻟﻠﺼﺎﻟﻮﻥ؟
_ ﻋﻤﺘﺞ ﺍﻡ ﻛﺮﺍﺭ ﻭﺑﻨﺖ ﺧﺎﻟﺘﺞ
_ ﻟﻌﺪ ﻭﺍﻧﺘﻲ؟
_ ﺷﻠﻮﻥ ﺍﺗﺮﻙ ﺍﻟﺒﻴﺖ ﻭﺑﻌﺪ ﺷﻮﻳﻪ ﻳﺠﻮﻥ ﺧﻮﺍﻟﺞ
ﻭﺧﺎﻻﺗﺞ ﺍﺑﻘﻰ ﺍﺳﻮﻱ ﻏﺪﻩ ..
ﺯﻫﺮﺍﺀ : ﻣﺎﻣﺎ ﻋﺒﻴﺮ ﻣﻮﺟﻮﺩﻩ
_ ﻭﻟﺞ ﻭﻳﻦ ﺗﻜﺪﺭ ﻭﺣﺪﻫﺎ ﻭﺍﻟﻴﻮﻡ ﻫﻲ ﺻﺒﺤﺖ ﻣﺮﻳﻀﻪ ﺳﺎﺑﺤﻪ ﻭﻧﺎﻳﻤﻪ ﻉ ﺍﻟﺴﺒﻠﺖ ﻭﻫﺴﻪ ﺑﻼﻋﻴﻤﻬﺎ
ﻭﻣﺼﺨﻨﻪ ﻻ ﻣﺎﻣﺎ ﻻ ﻣﺎﺍﻛﺪﺭ ﺍﺗﺮﻛﻬﺎ ﻭﻳﻦ ﺗﺪﺑﺮ ﺗﻄﺒﺦ
ﻭﺗﺤﻀﺮ ﻛﻞ ﻫﺎﻻﻣﻮﺭ ﺯﻳﻦ ﻣﻦ ﻋﺪﻫﺎ ﻧﻀﻔﺖ ﻭﻫﻴﻪ ﺑﻬﺎﻟﺤﺎﻟﺔ ..
ﻫﺰﻳﺖ ﺭﺍﺳﻲ ﻣﺴﺘﺴﻠﻤﺔ ﻭﺍﻣﻲ ﺍﺷﺮﺗﻠﻲ ﺍﻛﻤﻞ ﺍﺷﺮﺏ ﺍﻟﺤﻠﻴﺐ ، ﺷﺮﺑﺘﻪ ﻭﺍﻧﺪﻛﺖ ﺍﻟﺒﺎﺏ ، ﻣﺎﻣﺎ ﺻﺎﺣﺖ ﻋﻠﻰ ﻣﺮﻳﻢ ﺗﻔﺘﺤﻪ ، ﺭﺍﺣﺖ ﻓﺘﺤﺘﻪ ﻭ ﺍﺟﺖ ﻋﻤﻪ ﺍﻡ
ﻛﺮﺍﺭ ﻭﺑﻌﺪﻫﺎ ﺑﺸﻮﻳﻪ ﺍﺟﻦ ﺧﺎﻻﺗﻲ ﻭﺑﻨﺎﺗﻬﻢ ...
ﺻﺎﺣﺘﻨﻲ ﻋﻤﻪ ﻛﺎﻟﺖ ﻋﺠﻠﻲ ﺑﻨﺘﻲ ﺣﺘﻰ ﻧﺮﻭﺡ ﻟﻠﺼﺎﻟﻮﻥ ﻟﻨﺘﺄﺧﺮ ..
ﻭﺍﻧﻲ ﺩﺍﻛﻮﻡ ﺟﺎﻭﺑﺘﻬﺎ -: ﺍﻥ ﺷﺎﺀﺍﻟﻠﻪ ﻋﻤﻪ ﺍﻧﻲ ﻣﺨﻠﺼﺔ ﻣﻌﻨﺪﻱ ﺷﻲ ..
ﺭﺣﺖ ﻏﺴﻠﺖ ﻭ ﺑﺪﻟﺖ ﻭﻃﻠﻌﺖ ، ﺍﺧﺬﺗﻨﻲ ﻋﻤﻪ
ﻭﺭﺣﻨﺎ ﻟﺼﺎﻟﻮﻥ ﺍﺭﻳﺪﻭ ﺑﺸﺎﺭﻉ ﻓﻠﺴﻄﻴﻦ ...
ﺍﻟﻔﺮﺣﻪ ﻣﺴﺎﻳﻌﺘﻨﻲ ﺑﻌﺪ ﺳﺎﻋﺎﺕ ﺍﺗﺴﻤﻰ
ﺑﺄﺳﻤﻪ ﻭﺍﺻﻴﺮ ﺯﻭﺟﺘﺔ ﺷﺮﻋﺎً ...
ﺍﻟﺤﻠﻢ ﺍﻟﻲ ﺟﻨﺖ ﺍﺣﻠﻢ ﺑﻲ ﺻﺎﺭ ﺣﻘﻴﻘﻪ
ﻣﺠﺎﻥ ﺑﺒﺎﻟﻲ ﺃﻱ ﺷﻲ ﻏﻴﺮ ﺍﺭﺟﻊ
ﻟﻠﺒﻴﺖ ﻭﺍﺗﻢ ﺍﻟﺤﻔﻠﻪ ...
ﻣﺮﺩﺕ ﺍﻋﻜﺮ ﻣﺰﺍﺟﻲ ﺑﺄﻱ ﺷﻲ ﺣﺘﻰ ﺍﻻﻓﻜﺎﺭ ﺍﻟﺴﻠﺒﻴﺔ ﺑﻌﺪﺗﻬﺎ ﻋﻨﻲ ، ﺍﻟﻴﻮﻡ ﻳﻮﻣﻲ ﺭﺑﻲ ﻋﻮﺿﻨﻲ ﻧﻬﺎﻳﺔ ﺻﺒﺮﻱ ﻓﺮﺡ ﻭﻓﺮﺝ ....
ﺭﻓﻌﺖ ﺭﺍﺳﻲ ﻟﻜﻴﺖ ﺍﻡ ﺍﻟﺼﺎﻟﻮﻥ ﻣﻜﻤﻠﻪ ﺣﻘﻴﻘﻪ
ﻣﻌﺮﻓﺖ ﻧﻔﺴﻲ ﻣﻦ ﺻﺪُﻙ ﻃﺎﻟﻌﻪ ﻣﻤﻴﺰﺓ ﺩﻋﻴﺖ ﺑﻬﺎﻱ
ﺍﻟﻠﺤﻈﻪ ﺭﺑﻲ ﻳﺮﺯﻕ ﻛﻞ ﺑﻨﻴﺔ ﺑﻤﺜﻞ ﻓﺮﺣﺘﻲ ﺍﻟﻲ ﺩﺍﺍﻋﻴﺸﻬﺎ ﻭﻣﻴﺤﺮﻡ ﻛﻞ ﻭﺣﺪﻩ ﺣﺒﺖ ﻣﻦ ﺣﺒﻴﺒﻬﺎ ..
ﺑﻌﺪ ﻣﺎ ﺧﻠﺼﻨﺎ ﺧﺎﺑﺮﻧﺎ ﻋﻠﻰ ﺑﺎﺑﺎ ﺣﺘﻰ ﻳﺠﻲ ﻋﻠﻴﻨﺎ
ﻭﺑﻘﻴﻨﺎ ﻛﺎﻋﺪﻳﻦ ﻧﻨﺘﻈﺮﻩ ، ﺣﺴﻴﺖ ﻧﻔﺴﻲ ﻣﺎ ﺍﻛﺪﺭ ﺍﻧﺘﻈﺮ ﺑﻌﺪ ، ﺧﺎﻳﻔﺔ ﻟﻴﺼﻴﺮ ﺷﻲ ﻭﻣﺎﺗﺘﻢ ﺍﻟﺤﻔﻠﺔ ﻳﺮﺑﻲ ﻋﺠﻠﻬﺎ ﺧﻠﻲ ﻧﻌﻘﺪ ﻗﺒﻞ ﻟﻴﺼﻴﺮ ﺷﻲ ﻫﻴﺞ ﺟﻨﺖ ﺍﻓﻜﺮ ...بيج قصص عراقيه حقيقيه من واقعنا.روعه الطائيﺧﺎﺑﺮﻧﺎ ﺑﺎﺑﺎ ﻛﺎﻝ ﻭﺻﻠﺖ ، ﻭﻓﺎﺗﺖ ﻣﺎﻣﺎ ﻟﻠﺼﺎﻟﻮﻥ ﻇﻠﺖ ﺗﺒﺎﻭﻋﻠﻲ ﻓﺮﺣﺎﻧﺔ ﻟﻤﻌﺖ ﻋﻴﻮﻧﻬﺎ ﺑﺎﻟﺪﻣﻊ ﺣﻀﻨﺘﻨﻲ ﻭﺣﻀﻨﺘﻬﺎ ...
ﻋﻤﻪ ﺍﻡ ﻛﺮﺍﺭ ﻛﺎﻟﺘﻠﻬﺎ ﻻﺗﺒﺠﻴﻨﻬﺎ ﺍﻡ ﺯﻫﺮﺍﺀ ﻟﻴﺨﺮﺏ ﻣﻜﻴﺎﺟﻬﻪ ، ﻫﺰﺕ ﺭﺍﺳﻬﺎ ﺍﻣﻲ ﻭﻣﺠﺎﻭﺑﺖ ﺑﺲ ﺍﺑﺘﺴﻤﺖ ﻣﺪﻳﺖ ﺍﻳﺪﻱ ﻟﺨﺪﻫﺎ ﻭﻣﺴﺤﺖ ﺩﻣﻮﻋﻬﺎ ﻭﻫﻴﻪ ﺍﺑﺘﺴﻤﺖ ﺑﻮﺟﻬﻲ ..
ﺧﻠﻮ ﺍﻟﺒﺮﻧﺺ ﻋﻠﻰ ﺭﺍﺳﻲ ﻭﻏﻄﻮ ﻭﺟﻬﻲ ﻭﻃﻠﻌﻨﺎ ﻣﻦ ﺍﻟﺼﺎﻟﻮﻥ ﺍﺟﻪ ﺑﺎﺑﺎ ﺑﺎﺱ ﺭﺍﺳﻲ ﻭﻓﺘﺤﻠﻲ ﺑﺎﺏ ﺍﻟﺴﻴﺎﺭﺓ ﻭﺻﻌﺪﺕ ﺑﻴﻬﺎ ﻣﺎﻣﺎ ﻛﻌﺪﺕ ﺑﺎﻟﺼﺪﺭ ﻭﺍﻧﻲ ﺑﺎﻟﻮﺭﺓ ﺑﻴﻦ ﻋﻤﻪ ﺍﻡ ﻛﺮﺍﺭ ﻭﻋﻤﺔ ﺍﻡ ﺻﻔﺎﺀ ﺑﺲ ﺻﻌﺪﺕ ﻇﻠﺖ ﺗﻬﻠﻬﻞ ﺑﺎﻟﺴﻴﺎﺭﺓ ، ﻇﻠﻴﻨﺎ ﻧﻀﺤﻚ ..
ﻭﺻﻠﻨﺎ ﻟﻠﻘﺎﻋﻪ ﺷﻔﺖ ﺻﻔﺎﺀ ﻭﺍﺻﻞ ﻗﺒﻠﻲ ﺑﺲ ﺷﻔﺘﻪ
ﻗﻠﺒﻲ ﺻﺎﺭﺕ ﻧﺒﻀﺎﺗﻪ ﻣﻀﻄﺮﺑﻪ ﻭﺳﺮﺕ ﺭﻋﺸﻪ ﺑﻜﻞ
ﺟﺴﻤﻲ ﺗﻤﻠﻜﺘﻨﻲ ﺭﻏﺒﺔ ﻋﺎﺭﻣﺔ ﻭﻣﻠﺤﺔ ﺑﺎﻥ ﻳﺠﻲ ﻭﻳﺎﺧﺬﻧﻲ ﺑﻴﻦ ﺍﺿﻼﻋﻪ ﻭﻧﻐﻴﺐ ﻋﻦ ﺍﻟﻌﺎﻟﻢ ﻛﻠﻪ ﺑﻠﺤﻈﺔ ﻋﻨﺎﻕ ﺩﺍﻓﻴﺔ ..
ﺍﺷﺮﻭﻟﻪ ﻳﺠﻲ ﻳﺎﺧﺬﻧﻲ ، ﻣﻴﻞ ﺭﻭﺣﻪ ﻋﻠﻴﻪ ﺭﺍﺩ ﻳﻮﺧﺮ ﺍﻟﺒﺮﻧﺺ ﻣﻦ ﻋﻠﻰ ﻭﺟﻬﻲ ، ﻟﺰﻣﺘﻪ ﺍﻣﻪ ﻣﻦ ﺍﻳﺪﻩ ﻛﻠﺘﻠﻪ ﺍﻋﻘﺪ ﻳﻠﻠﻪ ..
ﻟﺰﻣﻨﻲ ﻣﻦ ﺍﻳﺪﻱ ﻭﺭﺣﻨﺎ ﻟﻐﺮﻓﺔ ﺍﻻﻧﺘﻈﺎﺭ
ﻫﻨﺎﻙ ﻣﺘﻮﺍﺟﺪ ﺳﻴﺪ ﻳﻌﻘﺪﻟﻨﺎ ...
ﺍﺧﺬﻧﻲ ﻭﻛﻌﺪﺕ ﻋﻠﻰ ﺟﻬﺔ ﻭﻇﻠﻮﺍ
ﻳﺤﺠﻮﻥ ﺑﺎﺑﺎ ﻭﺍﻟﺴﻴﺪ ﻭﺻﻔﺎﺀ ﻭﺑﻌﺪﻫﺎ ﺍﺟﻪ ﻋﻤﻮ
ﺑﺪﺃ ﺍﻟﺴﻴﺪ ﻳﺤﺠﻲ ﻋﻦ ﺍﻟﺰﻭﺍﺝ ﻭﺑﻌﺪﻳﻦ ﺑﺪﺃ ﺑﻤﺮﺍﺳﻴﻢ
ﻣﻦ ﺳﺄﻟﻨﻲ ﺍﻟﺴﻴﺪ ﺭﺃﺳﺎ ﻛﻠﺖ ﻧﻌﻢ ﺍﻗﺒﻞ ﺑﺴﺮﻋﺔ
ﺍﺷﺮﻟﻲ ﺍﻟﺴﻴﺪ ﻛﺎﻝ ﺧﻞ ﺍﻛﻤﻞ ﻭﺑﻌﺪﻳﻦ ﻛﻮﻟﻲ
ﻓﺸﻠﺖ ﻛﻠﺶ ﻭﺻﻔﺎﺀ ﺩﻧﻚ ﺭﺍﺳﻪ ﻭﻇﻞ ﻳﻀﺤﻚ ﺑﺪﻭﻥ ﺻﻮﺕ ..
ﺷﺴﻮﻱ ﻣﺴﺘﻌﺠﻠﺔ ﻋﺒﺎﻟﻲ ﺩﻳﺴﺄﻟﻨﻲ ﻃﻠﻊ ﺑﻌﺪﻩ ﻣﻤﻜﻤﻞ ... ﻭﻭﺍﻓﻘﺖ ﻣﺠﻨﺖ ﻣﺼﺪﻛﻪ ﻫﺎﻟﻠﺤﻈﻪ ﻋﻴﻮﻧﻲ
ﺑﻌﺪ ﻣﺎﺍﺳﻴﻄﺮ ﻋﻠﻴﻬﺎ ﺑﺲ ﻣﺎﻣﺎ ﺣﺴﺖ ﺑﻴﻪ ﻭﺷﺎﻭﺭﺗﻨﻲ
_ ﻣﺒﺮﻭﻙ ﺑﻨﺘﻲ ﺍﻥ ﺷﺎﺀﺍﻟﻠﻪ ﻫﺎﻱ ﺩﻣﻮﻉ ﺍﻟﻔﺮﺡ ﺩﻭﻡ
ﺍﺷﻮﻓﻬﺎ ﻉ ﻭﺟﻬﺞ ﻭﻫﺴﻪ ﺍﻣﺴﺤﻲ ﺩﻣﻮﻋﺞ ﻗﺒﻞ
ﻟﺘﺼﻴﺮ ﺳﻬﻮﻝ ﻭﻭﺩﻳﺎﻥ ﺑﻮﺟﻬﺞ ﻭﻳﻄﻔﺮ ﺍﻟﻮﻟﺪ
ﺿﺤﻜﺖ ﺑﻌﺪﻫﺎ ﻣﺎﻣﺎ ﻋﺪﻟﺖ ﻭﺟﻬﻲ ﻭﻫﻢ ﺭﺍﺣﻮﺍ
ﺩﺧﻠﻮﺍ ﻟﻠﻘﺎﻋﻪ ﻭﺑﻘﻴﻨﺎ ﺑﺲ ﺍﻧﻲ ﻭﻳﺎﻩ ﺍﺟﻪ ﺗﻘﺮﺏ ﻣﻨﻲ
ﺭﻓﻊ ﺍﻟﺒﺮﻧﺺ ﻋﻦ ﻭﺟﻬﻲ ﻣﻦ ﺷﺎﻓﻨﻲ ﻇﻞ ﺻﺎﻓﻦ
ﻭﺷﺒﻪ ﺍﺑﺘﺴﺎﻣﻪ ﻉ ﻭﺟﻬﻪ
_ ﻣﺒﺮﻭﻙ ﺯﻫﺮﺍﺀ ﺭﺑﻲ ﻳﻮﻓﻘﻨﻲ ﺍﻥ ﺷﺎﺀﺍﻟﻠﻪ ﻭﺍﻛﺪﺭ
ﺍﺳﻌﺪﺝ
ﻭﺑﺎﺱ ﻛﺼﺘﻲ
ﻫﻤﺴﺘﻠﻪ : ﺭﺑﻲ ﻳﺒﺎﺭﻙ ﺑﻴﻚ
ﺍﺟﺖ ﺍﻟﻤﺼﻮﺭﻩ ﻭﺑﺪﻳﻨﺎ ﻧﺼﻮﺭ ...
ﻃﻠﺒﺖ ﻣﻦ ﺻﻔﺎﺀ ﻳﻠﻒ ﺍﻳﺪﻩ ﻋﻠﻰ ﺧﺼﺮﻱ ﻭﺍﻻﻳﺪ ﺍﻟﺦ ﻻﺯﻣﺔ ﺍﻳﺪﻱ ﻭﺭﺍﻓﻌﻬﺎ ﺑﻌﻠﻮ ﻛﺘﻔﻲ ﻭﻳﻘﺮﺏ ﺷﻔﺘﻲ ﻣﻦ ﺷﻔﺘﻪ ﺑﺲ ﺑﺪﻭﻥ ﻣﺎﻳﻼﻣﺴﻬﺎ ..
ﺧﺠﻠﺖ ﻛﻠﺶ ﻣﻦ ﻟﺰﻣﻨﻲ ﻣﺎﻛﺪﺭﺕ ﺍﺳﻴﻄﺮ ﻋﻠﻰ ﺍﺭﺗﻌﺎﺷﺔ ﺟﺴﻤﻲ ﻭﻫﻮ ﺣﺲ ﺑﻴﻪ ﻇﻞ ﻳﺒﺎﻭﻉ ﺑﻌﻴﻮﻧﻲ ﺛﻮﺍﻧﻲ ﻭﻧﺰﻝ ﻋﻴﻨﻪ ﺣﺴﻴﺘﻪ ﻣﺰﻋﻮﺝ ...
ﺍﻟﻠﻘﻄﺎﺕ ﺟﺎﻧﺖ ﻛﻠﺶ ﺟﺮﻳﺌﺔ ﻭﺍﺣﻨﺎ ﻣﻮ ﻛﺪﻫﺎ ﻛﻮﺓ ﺩﺑﺮﻧﺎﻫﻪ ، ﺣﺴﻴﺖ ﺻﻔﺎﺀ ﻣﺠﺎﻱ ﻳﻜﺪﺭ ﻳﻨﺠﺬﺏ ﺍﻟﻲ ﻭﺑﺎﻟﻪ ﻣﻮ ﻭﻳﺎﻱ ..
ﺧﻠﺼﻨﺎ ﺗﺼﻮﻳﺮ ﻭ ﺍﺟﺖ ﻣﻨﺴﻘﺔ ﺍﻟﺤﻔﻠﻪ ﻛﺎﻟﺖ ٥ ﺩﻗﺎﺋﻖ ﻭﺗﺪﺧﻠﻮﻥ ..
ﻣﻦ ﺩﺧﻠﻨﺎ ﺷﻐﻠﻮﺍ ﺍﻏﻨﻴﺔ ﻧﺎﻧﺴﻲ ﻟﻮﻥ ﻋﻴﻮﻧﻚ ﻏﺮﺍﻣﻲ
ﺣﺴﻴﺖ ﻛﻞ ﻛﻠﻤﺔ ﺑﻴﻬﺎ ﺗﻌﻨﻴﻠﻲ ﻋﺒﺎﻟﻚ ﺩﺗﻌﺒﺮ ﻋﻦ
ﺍﺣﺴﺎﺳﻲ ...
ﺑﺪﻭﻥ ﺍﺩﺭﺍﻙ ﻟﺰﻣﺖ ﺃﻳﺪ ﺻﻔﺎﺀ ﺣﻴﻞ ﻫﻮ ﺍﻧﺘﺒﻪ ﻋﻠﻴﻪ ﻭﺍﺑﺘﺴﻢ ﻭﺩﻧﻚ ﻳﻜﻤﻞ ﺿﺤﻜﺘﻪ ﺑﺼﻤﺖ ..
ﻣﻦ ﻭﺻﻠﻨﺎ ﻟﻠﺴﺘﻴﺞ ﺷﻐﻠﻮﺍ ﺍﻏﻨﻴﺔ
ﺍﻟﻴﺴﺎ ( ﻋﺒﺎﻟﻲ ﺣﺒﻴﺒﻲ ) ﺑﺪﻳﻨﺎ ﻧﺮﻗﺺ ﺳﻠﻮ ﺟﻨﺖ ﺑﻬﺎﻱ
ﺍﻟﻠﺤﻈﻪ ﺍﺳﻌﺪ ﺍﻧﺴﺎﻧﻪ ﺑﺎﻟﺪﻧﻴﺎ ﺍﺣﺲ ﻣﺤﻠﻘﺔ ﻓﻮﻙ ﺍﻟﻐﻴﻢ ﺑﺠﻨﺎﺣﻴﻦ ﻣﻦ ﺳﻌﺎﺩﺓ ..
ﺑﻌﺪﻫﺎ ﺟﺘﻲ ﺯﻭﺟﺔ ﺍﺧﻮﻩ ﺣﺴﻴﻦ ﻫﻤﺴﺖ ﺑﺎﺫﻧﻪ
ﻣﻜﺪﺭﺕ ﺍﻭﺻﻞ ﻟﻠﻜﻼﻡ ﺍﻟﻲ ﻛﺎﻟﺘﻪ ، ﺑﻘﻰ ﺣﺎﺿﻨﻲ ﻭﻳﺤﺠﻲ ﻭﻳﺎﻫﻪ ، ﻫﺰ ﺭﺍﺳﻪ ﻣﺰﻋﻮﺝ ﻭﻫﻴﻪ ﺭﺍﺣﺖ ﻛﻌﺪﺕ ، ﺗﺮﻛﻨﻲ ﻛﻌﺪﺕ ﺑﺎﻟﻜﻮﺷﺔ ﻭﻫﻮ ﺭﺍﺡ ﺻﻮﺏ ﺯﻭﺟﺔ ﺍﺧﻮ ﻳﺤﺠﻲ ﻭﻳﺎﻫﻪ ..
ﺑﺎﻭﻋﺘﻠﻪ ﻣﻦ ﻣﻜﺎﻧﻲ ﻳﺤﺠﻲ ﻣﻌﺼﺐ ﺿﺠﺖ ﻛﻠﺶ ﻭﺗﻤﻨﻴﺖ ﺍﻋﺮﻑ ﺷﺒﻲ ، ﺍﺟﺖ ﻋﺒﻴﺮ ﺑﻮﺳﺘﻨﻲ ﻭﺑﺎﺭﻛﺘﻠﻲبيج قصص عراقيه حقيقيه من واقعنا.روعه الطائي
ﺣﺴﻴﺖ ﺑﺒﺸﺮﺗﻬﺎ ﻧﺎﺭ ﻣﻦ ﺍﻟﺼﺨﻮﻧﺔ ، ﻟﺰﻣﺖ ﺍﻳﺪﻫﺎ
ﻫﻤﺴﺘﻠﻬﺎ : ﺷﻠﻮﻥ ﺻﺮﺗﻲ؟
_ ﻻ ﺍﺣﺴﻦ ﻟﺘﺸﻐﻠﻴﻦ ﺑﺎﻟﺞ ﺑﺸﻲ ﻋﻴﺸﻲ ﺍﻟﻠﺤﻈﻪ
ﻭﺍﻓﺮﺣﻲ ..
ﺗﺮﻛﺘﻨﻲ ﻭﺭﺍﺣﺖ ﺑﺎﻭﻋﺖ ﻟﻤﺮﻳﻢ ﻣﺎﺧﺬﻩ ﺍﻟﻘﺎﻋﻪ ﻃﻮﻝ ﻭﻋﺮﺽ ﺗﺮﻛﺺ ﻭﻣﺎﻣﺎ ﺗﻜﻮﻟﻬﺎ ﺍﻛﻌﺪﻱ ..
ﺍﺟﺖ ﻣﺎﻣﺎ ﻳﻤﻲ ﻛﺎﻟﺖ ﺷﻮﻓﻲ ﺍﻟﻤﻌﺰﺍﻳﺔ ﺍﻛﻮﻟﻠﻬﺎ ﻛﻌﺪﻱ ﺗﻜﻮﻟﻲ : ﻫﻢ ﺍﺧﺖ ﺍﻟﻌﺮﻭﺱ ﻭﻫﻢ ﺑﻨﺖ ﻋﻢ ﺍﻟﻌﺮﻳﺲ
ﺷﻠﻮﻥ ﺃﻛﻌﺪ ..
ﻇﻠﻴﻨﺎ ﻧﻀﺤﻚ ﻛﺘﻠﻬﺎ ﻣﻦ ﺣﻘﻬﺎ ﺍﻧﻲ ﺍﺗﻤﻨﻰ ﺍﻛﻮﻡ ﺍﺭﻛﺺ ﻫﺴﻪ ﻋﻔﻴﺔ ﻛﻮﻣﻮﻧﻲ ﺧﻞ ﺍﺭﻛﺺ ..
ﻣﺎﻣﺎ ﻇﻠﺖ ﺗﻀﺤﻚ ﻫﺴﻪ ﻳﺠﻲ ﺧﻄﻴﺒﺞ ﺍﺭﻛﺼﻲ ﻭﻳﺎ ..
ﺭﻓﻌﺖ ﺭﺍﺳﻲ ﻭﺍﻟﻀﺤﻜﺔ ﺗﺎﺭﺳﺔ ﻭﺟﻬﻲ ؛ - ﺧﻠﻲ ﻳﺠﻲ ﻭﻳﻨﻪ ﻫﻮ ﺍﺷﺘﺎﻗﻴﺘﻠﻪ ، ﻭﻇﻠﻴﺖ ﺍﺩﻭﺭ ﻋﻠﻴﻪ ﺑﺎﻟﻘﺎﻋﺔ ﻭﺍﺑﺎﻭﻉ ﻉ ﺍﻟﻤﻌﺎﺯﻳﻢ
ﻛﻤﻠﺖ ﻛﻼﻣﻲ ؛ - ﻫﺴﻪ ﻣﻴﺠﻲ ﻳﻜﻮﻝ ﺍﻛﻌﺪ ﻳﻢ ﻣﺮﺗﻲ ﻭﻳﻦ ﺭﺍﺡ ..
ﻛﺮﺻﺘﻨﻲ ﻣﺎﻣﺎ ﻛﺎﻟﺖ ﻭﻟﺞ ﺍﺻﺒﺮﻱ ﺍﺳﻜﺘﻲ ﻓﻀﺤﺘﻴﻨﺎ ..
ﺿﺤﻜﺖ ﺩﺍ ﺍﺷﺎﻗﺔ ﻣﺎﻣﺎ
_ ﺍﻧﺘﻲ ﺗﺸﺎﻗﻴﻦ ﻭﻫﻢَ ﻳﺴﻤﻌﻮﺝ ﻳﻜﻮﻟﻮﻥ ﻣﻤﺼﺪﻛﺔ ﺍﺛﻜﻠﻲ ...
ﺍﺭﺗﻜﻴﺖ ﺑﻈﻬﺮﻱ ﻭﺧﻠﻴﺖ ﺭﺟﻞ ﻋﻠﻰ ﺭﺟﻞ ﺍﺭﺗﻔﻌﺖ ﺍﻟﺒﺪﻟﺔ ﻟﻴﻔﻮﻙ ﻭﻛﺘﻔﺖ ﺍﻳﺪﻳﻪ ﻛﺘﻠﻬﺎ ﻫﺎ ﻛﻌﺪﻧﺎ ﻳﻠﻪ ﺳﺖ ﻭﻫﺴﻪ ﺷﻠﻮﻧﻲ ﻋﺎﻗﻠﺔ ﻣﻮ ..
ﺿﺤﻜﺖ ﻛﺎﻟﺖ ﺍﺭﻭﺣﻠﺞ ﻓﺪﻭﺓ
_ ﺍﺳﻢ ﺍﻟﻠﻪ ﻋﻠﻴﺞ ﺑﺲ ﺟﻴﺒﻴﻠﻲ ﺭﺟﻠﻲ ﺗﺮﺓ ﺑﺎﻟﻤﻮﺕ ﻳﻠﻪ ﺣﺼﻠﺘﻪ ..
ﻇﻠﺖ ﺗﻬﺰ ﺭﺍﺳﻬﺎ ﻭﺗﻀﺤﻚ ﻭﺗﻜﻮﻝ ﻣﺘﺼﻴﺮﻟﺞ ﺟﺎﺭﺓ ..
ﺷﻐﻠﻮﺍ ﺍﻏﺎﻧﻲ ﺳﺮﻳﻌﻪ ﻭﺑﺪﺍ ﺍﻟﺮﻛﺺ ﺍﺟﻪ ﺻﻔﺎﺀ ﻛﻌﺪ ﻳﻤﻲ ﻣﺰﻋﻮﺝ ﻭﻳﺘﺄﻓﺄﻑ ...
ﺍﻟﺘﻔﺖ ﻋﻠﻴﻪ
ﺳﺄﻟﺘﻪ : ﺷﻜﻮ ﺷﺒﻴﻚ ﻋﺼﺒﻲ ؟
_ ﻻ ﻣﺎﻛﻮ ﺷﻲ ﻟﺘﺸﻐﻠﻴﻦ ﺑﺎﻟﺞ ...
_ ﺷﻠﻮﻥ ﻳﻌﻨﻲ ﻣﺎ ﺍﺷﻐﻞ ﺑﺎﻟﻲ ؟ ﺿﺮﻭﺭﻱ ﺑﻬﺎﻟﻴﻮﻡ ﺗﺼﻴﺮ ﻋﺼﺒﻲ ﻳﻌﻨﻲ ؟ ﺩﻛﻮﻝ ﻣﺠﺒﻮﺭ ﻋﻠﻴﻪ ﻭﻓﻀﻬﺎ ...
ﺑﺎﻭﻋﻠﻲ ﻭﺧﺰﺭﻧﻲ ﺧﺰﺭﺓ ﻋﻴﻮﻧﻪ ﺟﺎﻧﺖ ﺗﺮﺳﻞ ﺑﺮﻳﻖ ﺷﺮﻳﺮ ﺷﻠﺖ ﺣﺮﻛﺘﻲ ﺷﻞ
ﺣﺠﻰ -: ﻣﻮ ﻭﻛﺖ ﺳﻮﺍﻟﻒ ﺍﻟﻤﺰﻋﻄﺔ ﻣﺎﻟﺘﺞ ﺯﻫﺮﺍﺀ ﻣﻔﻬﻮﻭﻡ ؟
ﺑﺤﺪﻳﺔ ﻛﺎﻝ ﻛﻮﻣﻲ ؛ - ﻛﻮﻣﻲ ﻧﺮﻛﺺ
ﻟﺰﻣﻨﻲ ﻣﻦ ﺍﻳﺪﻱ ﺣﻴﻞ ﻋﺼﺮﻧﻲ ﻋﺼﺮ ، ﺗﻮﺟﻌﺖ ﺍﺣﺴﻪ ﻧﺰﻟﻨﻲ ﺳﺤﻞ ﻣﻦ ﻋﻠﻰ ﺩﺭﺟﺎﺕ ﺍﻟﻜﻮﺷﺔ ...
ﺍﻻﻧﻔﻌﺎﻝ ﺑﺼﻮﺗﻪ ﺑﻌﺚ ﺍﻟﻘﻠﻖ ﺑﻨﻔﺴﻲ ﻭﺗﻤﻠﻜﻨﻲ ﺍﻻﺿﻄﺮﺍﺏ ﻭﺭﺍﺣﺖ ﺍﻟﺸﻜﻮﻙ ﺍﻟﻤﺰﻋﺠﺔ ﺗﺤﺮﻕ ﺍﻋﺼﺎﺑﻲ ..
ﺳﻜﺘﻨﻲ ﻛﻮﺓ ﻭﺑﺪﻳﻨﺎ ﻧﺮﻛﺺ ﺷﻮﻳﻪ ﻭﺗﺮﻛﺘﻪ ﺍﺭﻳﺪ ﺍﺭﺟﻊ ﻟﻠﻜﻮﺷﺔ ﻻﻥ ﻣﺎﻟﻲ ﻣﺰﺍﺝ ﺍﻛﻤﻞ ﻭﺿﺠﺖ ﻣﻦ ﺗﺼﺮﻓﻪ ..
ﻟﺰﻣﻨﻲ ﺣﻴﻞ ﻣﻦ ﺧﺼﺮﻱ ﺛﺒﺘﻨﻲ ﻋﻠﻰ ﺟﺴﻤﻪ
ﺍﺭﻳﺪ ﺍﻭﺧﺮ ﻣﻜﺪﺭﺕ ﺑﺎﻭﻉ ﺑﻮﺟﻬﻲ
_ ﻭﻳﻦ ﺭﺍﻳﺤﺔ ﻫﺴﻪ ﺑﺪﻳﻨﻪ
ﺗﺤﺠﺠﺖ : ﺍﻟﻜﻌﺐ ﺑﺪﺃ ﻳﺄﺫﻱ ﺭﺟﻠﻲ ﺍﺭﻳﺪ ﺍﺭﻭﺡ ﺍﻛﻌﺪ
ﺣﺎﺟﻴﺘﻪ ﻭﺍﻧﻲ ﺩﺍﻳﺮﺓ ﻭﺟﻬﻲ ﻋﻨﻪ ..
ﺭﺧﻪ ﺍﻳﺪﻩ ﻣﻦ ﻋﻠﻴﻪ ، ﺩﺭﺕ ﻭﺟﻬﻲ ﻋﻨﻪ ﻭ ﺗﺮﻛﺘﻪ ﻭﺭﺟﻌﺖ
ﻛﻌﺪﺕ ﻭﻫﻮ ﺑﺎﻭﻋﻠﻲ ﺑﻨﻈﺮﺓ ﻋﻤﻴﻘﺔ ﻭﺭﺍﺡ ﻳﻢ ﺑﺎﺑﺎ ﻭﺍﺑﻮﻩ
ﺑﻘﻴﺖ ﻛﺎﻋﺪﺓ ﻣﺰﻋﻮﺟﺔ ﻭﻳﻤﻲ ﺑﻨﺎﺕ ﺧﺎﻻﺗﻲ ﻭﺑﻨﺎﺕ ﻋﻤﻲ ﻳﺴﻮﻟﻔﻦ ﺑﺲ ﺍﻧﻲ ﺑﻌﺎﻟﻢ ﺛﺎﻧﻲ ﻋﻦ ﻋﺎﻟﻤﻬﻦ ﻳﺴﺄﻟﻨﻲ ﺍﺳﺌﻠﺔ ﻳﻜﺮﺭﻭﻫﺎ ﻋﻠﻴﻪ ﻛﺬﺍ ﻣﺮﺓ ﻳﻠﻠﻪ ﺍﺟﺎﻭﺏ ..
ﺷﻐﻠﻮﺍ ﺍﻟﺠﻮﺑﻲ ﻭﺑﺪﺃ ﺍﻟﺮﻛﺺ ﺑﻴﻦ ﺍﻟﻮﻟﺪ ﻭﻋﻤﺎﻣﻲ
ﻭﺑﺎﺑﺎ ﺟﺎﻥ ﻣﺘﺮﺃﺱ ﺍﻟﺮﻛﺼﻪ ﻭﺑﺎﻟﻄﺮﻑ ﺻﻔﺎﺀ ...
ﺻﻔﺎﺀ : ﺍﻟﻲ ﻳﺸﻮﻓﻨﻲ ﺍﺭﻛﺺ ﻳﻜﻮﻝ ﻣﺎﻛﻮ ﻫﻢ ﻉ ﻗﻠﺒﻪ
ﻭﻛﻮﻟﺶ ﻣﺮﺗﺎﺡ ﺑﺲ ﺍﻧﻲ ﻋﻜﺲ ﻫﺎﻟﺸﻲ ...
ﺣﺘﻰ ﺑﻴﻮﻡ ﺧﻄﻮﺑﺘﻲ ﺻﺎﺭﺗﻠﻲ ﻛﻮﻣﻪ ﻣﺸﺎﻛﻞ ﺍﻭﻟﻬﺎ ﻣﻦ ﻭﺻﻠﺖ ﻟﻠﻘﺎﻋﻪ ﻟﻜﻴﺖ ﺭﺷﺎ ﻭﺯﻭﺟﺔ ﺣﺴﻴﻦ ﻣﺘﻌﺎﺭﻛﺎﺕ ﻭﺑﺎﻟﺘﺎﻟﻲ ﻃﻠﻌﺖ ﺭﺷﺎ ﺯﻋﻼﻧﻪ ﻟﺤﻜﺘﻬﺎ ﺍﺗﻮﺳﻠﺖ ﺑﻴﻬﺎ
ﺗﺮﺟﻊ ..
ﺟﺎﻭﺑﺘﻨﻲ
_ ﺑﻴﻚ ﺧﻴﺮ ﺍﻃﺮﺩ ﺯﻭﺟﺔ ﺣﺴﻴﻦ ﻣﻦ ﺍﻟﻘﺎﻋﻪ ﻋﻮﺩ ﺳﺎﻋﺘﻬﺎ ﺍﺣﻀﺮ ﺧﻄﻮﺑﺘﻚ ..
_ ﺍﻧﺖ ﺍﻡ ﺍﻟﻤﺸﺎﻛﻞ ﻣﺘﺠﻮﺯﻳﻦ ﻣﻦ ﺳﻮﺍﻟﻔﺞ ﺷﻮﻥ ﺍﻃﺮﺩ ﻣﺮﺓ ﺣﺴﻴﻦ ﺑﻠﻠﻪ ﺷﻠﺞ ﺑﻴﻬﺎ ﻫﺎﻱ ؟ ﻫﻮ ﺍﻛﻌﺪﻱ ﺑﻤﻜﺎﻥ ﺑﻌﻴﺪ ﻋﻨﻬﺎ ﻟﻮ ﻣﺘﺮﺗﺎﺣﻴﻦ ﺍﻟﻪ ﺗﻄﻠﻌﻴﻦ ﺑﻴﻬﺎ ﺍﻧﻪ ؟
_ ﺍﻧﺘﻮﺍ ﺍﺧﻮﺍﻧﻲ ﻭﻻ ﻭﺍﺣﺪ ﺑﻴﻜﻢ ﺭﺟﺎﻝ ...
_ ﻟﺞ ﺍﺣﺠﻲ ﻋﺪﻝ ﻻ ﺍﻓﺮﻙ ﺣﻠﻜﺞ ..
ﻇﻠﺖ ﺗﻔﺮ ﺑﻴﺪﻫﺎ
ﺗﺮﻛﺘﻬﺎ ﻭﻓﺘﺖ ﺟﻮﺓ ﻋﻠﻴﻤﻦ ﻣﺘﻌﺐ ﻧﻔﺴﻲ ﻫﻴﻪ ﻫﺎﻱ ﺗﺠﻮﺯ ﻣﻦ ﺳﻮﺍﻟﻔﻬﺎ ﻻ ﻭﺍﻟﻠﻪ ..
ﻭﺻﻴﺖ ﺑﻬﺎﺀ ﺍﺧﻮﻳﻪ ﺍﻟﻮﺳﻄﺎﻧﻲ ﻳﻮﺻﻠﻬﺎ ﻭﺍﻧﻲ ﻓﺘﺖ ﺟﻮﺓ ..
ﺯﻫﺮﺍﺀ : ﺧﻠﺼﺖ ﺍﻟﺤﻔﻠﺔ ﻭﺍﺟﻪ ﺻﻔﺎﺀ ﺍﺧﺬﻧﻲ ﺻﻌﺪﺕ ﺑﺴﻴﺎﺭﺗﻪ ﺑﺲ ﺍﺣﺲ ﻧﻔﺴﻲ ﺿﺎﻳﺠﺔ ، ﻃﻠﻌﺖ ﺍﻟﺴﻌﺎﺩﺓ ﺍﻟﻲ ﺣﺴﻴﺘﻬﺎ ﺑﺒﺪﺍﻳﺔ ﺍﻟﻌﻘﺪ ﻛﻠﻬﺎ ﻣﻦ ﺧﺸﻤﻲ ..
ﺻﻌﺪﺕ ﺑﺼﻔﻪ ﻭﺣﺮﻙ ﺍﻟﺴﻴﺎﺭﺓ ﺍﺑﺎﻭﻋﻠﻪ ﺍﻟﻄﺮﻳﻖ ﻛﻠﻪ ﺻﺎﻓﻦ ﻭﻣﻮﺑﺎﻳﻠﻪ ﻣﺎﺳﻜﺖ ﺑﺲ ﻳﺮﻥ ..
ﺑﺎﻭﻋﺘﻠﻪ ﻭﺑﻨﺒﺮﺓ ﺣﺪﻳﺔ ؛ - ﺻﻔﺎﺀ ﺟﺎﻭﺏ ﻉ ﺍﻟﻤﻮﺑﺎﻳﻞ ...
ﺗﻨﻬﺪ -: ﻣﻌﻠﻴﺞ ﺯﻫﺮﺍﺀ ﻋﻮﻓﻲ ..
_ ﺣﻴﺤﺘﺮﻙ ﻣﻦ ﻛﺪ ﺍﻟﻤﻜﺎﻟﻤﺎﺕ ﻭﺍﻧﺖ ﻣﺪﺗﺠﺎﻭﺏ ..
ﻣﺠﺎﻭﺑﻨﻲ ﻣﺨﻠﻲ ﺍﻳﺪﻩ ﺟﻮﺓ ﺣﻨﻜﻪ ﻭﻳﺴﻮﻕ ﻭﻣﺒﻴﻦ ﻋﻠﻴﻪ ﻣﻌﺼﺐ ﻛﻠﺶ ..
ﺑﺎﻭﻋﺘﻠﻪ ﺑﻌﺼﺒﻴﺔ ؛ - ﺍﻧﺖ ﻟﻴﺶ ﻣﺪﺗﺠﺎﻭﺏ ﻣﻨﻮ ﺩﻳﺘﺼﻞ ﺑﻴﻚ ﻣﻤﻜﻦ ﺍﻋﺮﻑ ؟
ﺟﺎﻭﺑﻨﻲ ﺑﻐﻀﺐ : ﺯﻫﺮﺍﺍﺍﺍﺀ ﺍﺗﺮﻛﻲ ﺍﻟﻤﻮﺑﺎﻳﻞ ﺗﺮﻯ ﺍﻛﺴﺮﻩ ﻣﺎﺍﺭﻳﺪ ﺍﻋﻜﺮ ﻣﺰﺍﺟﻲ ﻓﻮﻙ ﻣﺎ ﻫﻮ ﻣﺘﻌﻜﺮ ...
ﺍﺳﺘﻐﻔﺮﺍﻟﻠﻪبيج قصص عراقيه حقيقيه من واقعنا.روعه الطائي
ﺑﺎﻭﻋﻠﻲ ﺑﻨﻈﺮﺓ ﻣﻌﺮﻓﺖ ﺍﻓﺴﺮﻫﺎ ، ﻟﺴﺎﻧﻲ ﺗﺠﻤﺪ ﺑﺨﻠﻜﻲ ﺩﺭﺕ ﻭﺟﻬﻲ ﻣﻨﻪ ﺻﻮﺏ ﺍﻟﺠﺎﻣﺔ ﻭﺍﻟﻄﺮﻳﻖ ﻛﻠﻪ ﺍﻧﻲ ﻋﻴﻮﻧﻲ ﻣﺪﻣﻌﺔ ﻭﻏﺼﺔ ﻣﺎﻛﺪﺭ ﺍﺑﻠﻌﻬﺎ ﺗﺄﺟﺠﺖ ﺍﻟﻨﻴﺮﺍﻥ ﻭﺍﺳﺘﻌﺮﺕ ﺑﺪﺍﺧﻠﻲ ﻣﻄﻠﻌﺖ ﻋﻠﻴﻪ ﺣﻔﻠﺔ ..
ﻭﺻﻠﻨﺎ ﻟﺒﻴﺘﻨﺎ ﺩﺧﻞ ﺍﻟﺴﻴﺎﺭﺓ ﺑﺎﻟﻜﺮﺍﺝ ﻭﺍﻟﺘﺎﻑ ﻭﺍﺟﻪ ﺩﻳﻨﺰﻟﻨﻲ ﻧﺘﺮﺕ ﺍﻳﺪﻩ ﻭﺍﻧﻲ ﻣﺨﻨﺰﺭﺓ ﻭﺍﺗﻨﻔﺲ ﺑﺼﻌﻮﺑﺔ
ﺍﺑﺘﻌﺪ ﻋﻦ ﻃﺮﻳﻘﻲ ﻭﺍﻧﻲ ﻧﺰﻟﺖ ﻭﺣﺪﻱ ﺗﺮﻛﺘﻪ
ﻭﺩﺧﻠﺖ ﺳﻤﻌﺘﻪ ﻭﺭﺍﻳﻪ
ﻳﺴﺐ ﻭﻳﻐﻠﻂ ﻭﻛﺄﻧﻪ ﻳﺴﺐ ﺷﺨﺺ ﺑﺲ ﻣﻜﺪﺭﺕ ﺍﻋﺮﻑ ﻣﻨﻮ ؟
ﺩﺧﻠﺖ ﻟﻐﺮﻓﺘﻲ ﺻﺤﺖ ﻉ ﻋﺒﻴﺮ ﺳﺎﻋﺪﺗﻨﻲ ﺍﻧﺰﻉ ﺍﻟﺒﺪﻟﻪ
ﻭﺍﻓﺘﺢ ﺍﻟﺘﺴﺮﻳﺤﻪ ﺧﻠﺼﺖ ﻭﺩﺧﻠﺖ ﻟﻠﺤﻤﺎﻡ ﻣﻦ ﻃﻠﻌﺖ
ﺳﻤﻌﺖ ﺻﻮﺕ ﺑﻴﺖ ﻋﻤﻮ ﺑﺎﻟﺒﻴﺖ ﺍﺟﻴﺖ ﺩﺍﺍﻃﻠﻊ
ﺍﻧﺘﺒﻬﺖ ﻋﻠﻰ ﻣﻮﺑﺎﻳﻠﻲ ﺩﻳﺪﻙ ...
ﺟﺎﻭﺑﺖ ﺳﻤﻌﺖ ﺻﻮﺕ ﺑﻨﻴﺔ ...
ﺣﺠﻴﺖ ﻣﻨﻮ ﻭﻳﺎﻳﻪ؟
_ ﺍﻧﻲ ﺍﺳﺮﺍﺀ ..
ﺟﺮﻳﺖ ﻧﻔﺲ ﻫﺎﻱ ﺷﺘﺮﻳﺪ ﺍﻧﻮﺏ ﺷﻨﻮ ﻣﺎ ﻧﺎﻭﻳﻪ ﺍﺧﻠﺺ ﺍﻧﻮﺏ ﺫﺍﻙ ﻣﺪﺭﻱ ﺷﺒﻲ ﻋﺎﺑﺲ ﻭﺟﻬﻪ ﻭﺑﺲ
ﻳﻨﺘﺮ ﻭﻳﻌﻴﻂ ...
ﺟﺎﻭﺑﺘﻬﺎ ﺗﻔﻀﻠﻲ ؟
ﺑﻨﺒﺮﺓ ﺣﺰﻳﻨﺔ ﻭﻣﺒﺤﻮﺣﺔ ﺍﺟﺎﻧﻲ ﺻﻮﺗﻬﺎ : ﻣﺒﺮﻭﻙ ﺯﻫﺮﺍﺀ ﺍﻥ ﺷﺎﺀﺍﻟﻠﻪ ﺯﻭﺍﺟﺔ ﺍﻟﺪﻫﺮ
_ ﺍﻟﻠﻪ ﻳﺒﺎﺭﻙ ﺑﻴﺞ ﺗﺴﻠﻤﻴﻦ
ﺍﺳﺮﺍﺀ : ﻓﺪﻭﺓ ﺯﻫﺮﺍﺀ ﺩﻳﺮﻱ ﺑﺎﻟﺞ ﻋﻠﻴﻪ ﻭﺧﻠﻲ ﺑﻌﻴﻮﻧﺞ
ﺻﻔﺎﺀ ﻳﺴﺘﺎﻫﻞ ﻛﻞ ﺍﻟﺨﻴﺮ
ﺟﺎﻭﺑﺘﻬﺎ : ﻳﻤﻌﻮﺩﻩ ﺑﺒﻄﻦ ﻋﻴﻨﻲ ﺻﺎﺭ ﺯﻭﺟﻲ ﻭﻗﺒﻠﻬﺎ ﻫﻮ ﺃﺑﻦ ﻋﻤﻲ ﻟﺘﻮﺻﻴﻦ ﺣﺮﻳﺺ ﻭﺍﻧﺘﻲ ﺍﻫﺘﻤﻲ ﺑﺒﻴﺘﺞ
ﻭﻟﺘﻈﻠﻴﻦ ﺗﺮﻛﻀﻴﻦ ﻭﺭﺍ ﺍﻟﻤﺎﺿﻲ ﺗﺮﻯ ﻫﺎﻱ ﺧﻴﺎﻧﻪ
ﺧﺎﻑ ﺯﻭﺟﺞ ﻳﺴﻤﻊ ﺍﺗﺼﺎﻟﺞ ﻋﻴﺐ
ﻭﺳﺪﻳﺖ ﺍﻟﺨﻂ ﺑﻮﺟﻬﻪ .....
ﻳﺘﺒﻊ
