#ﺷﺮﻳﻌﺔ_ﺍﻟﻌﺸﻖ
ﺑﺎﺭﺕ ٤٩
ﻧﻮﺭﺍ ﻧﺎﺻﺮ
ﺍﻟﺴﻼﻡ ﻋﻠﻴﻜﻢ ، ﻛﻞ ﻋﺎﻡ ﻭﺍﻟﺠﻤﻴﻊ ﺑﺨﻴﺮ ﻭﺍﻥ ﺷﺎﺀﺍﻟﻠﻪ ﺗﺤﻘﻴﻖ ﺍﻻﻣﺎﻧﻲ ⠀.
⠀ ┅━❀❃❀━┉┈
"""""""""""""""""
ﻛﺎﻥ ﻛﺒﺮﻳﺎﺋﻬﺎ
ﻛﺄﺧﺮ ﺟﻨﺪﻱ ﺻﺎﻣﺪ ﻓﻲ ﺑﻐﺪﺍﺩ
ﻳﺎﺑﺊ ﺍﻻﻋﺘﺮﺍﻑ ﺑﺴﻘﻮﻃﻬﺎ ...
_____////_____
ﺑﺒﻜﺎﺀ ﻣﻤﺰﻭﺝ ﺑﺄﻧﻴﻦ ﺗﻠﻘﻔﺘﻨﻲ ﺍﻻﺭﺽ ﻭﺃﻟﻤﻲ ﻣﺎﻳﻨﻮﺻﻒ ﺑﻜﻠﻤﺎﺕ ، ﻛﻞ ﺟﺴﻤﻲ ﻳﻮﺟﻌﻨﻲ ﻭﺍﻟﻮﺟﻊ ﺍﻻﻛﺒﺮ ﺑﺎﻟﺮﻭﺡ ﻭﺍﻟﺨﻮﻑ ﻣﻦ ﺍﻟﻔﻘﺪ ، ﺧﺎﻳﻔﺔ ﺍﺷﺪ ﺍﻟﺨﻮﻑ ﻻ ﺍﻓﻘﺪ ﺍﺑﻨﻲ ...
ﺑﻘﻴﺖ ﺛﻮﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﺍﺑﺠﻲ ﺍﻋﻴﻂ ﻭﺍﺻﺮﺥ ﺍﻟﻰ ﺍﻥ ﺍﺟﺖ ﻋﻤﻪ ﻭﻋﻤﻮ ﺍﻟﻲ ﺑﺎﻭﻋﺘﻠﻬﻢ ﺍﺑﺠﻲ ﻭﻭﺍﻭﻥ ﻣﻦ ﺍﻟﻮﺟﻊ .
ﺑﻨﻈﺮﺍﺗﻲ ﺍﺗﻮﺳﻠﻬﻢ ﻳﻨﻘﺬﻭﻥ ﺍﺑﻨﻲ !!!!
ﺍﺟﻪ ﻋﻤﻮ ﻳﻤﻲ ﻳﺮﻳﺪ ﻳﻜﻮﻣﻨﻲ ﺻﺮﺭﺭﺧﺖ ﻻﺍﺍﺍ ﻋﻤﻮﻭﻭ ﻻ ﺗﻠﺰﻣﻨﻲ ﺍﻳﺪﻱ ﺗﻮﺟﻌﻨﻲ ﻋﻤﻮ ﺍﻳﺪﻱ ﻳﻤﻜﻦ ﺍﻧﻜﺴﺮﺕ ﻋﻤﻮﻭﻭﻭ ..
ﺑﺨﻮﻭﻑ ﻭﺭﺟﺎﺀ ﺑﻨﻴﺘﻲ ﺑﺲ ﺍﻛﻮﻣﺞ ﻣﻨﺎ ﺗﺤﻤﻠﻲ .
" ﻋﻤﻪ ﺑﺬﻋﺮ " ؛ ﻋﺰﺍﺍ ﻭﺻﺨﺎﻡ ﻫﺎﻱ ﺷﻮﻭﻥ ﻭﻛﻌﺘﻲ ﻏﻴﺮ ﺗﻨﺰﻟﻴﻦ ﻋﻠﻰ ﻛﻴﻔﺞ ﻳﺎﻋﻴﻨﻲ ﺭﺍﺍﺍﺡ ﺍﻟﻄﻔﻞ ﻫﺴﻪ ﺭﺍﺣﺤﺢ ﺩﺗﻨﺰﻓﻴﻦ .
ﺻﺮﺭﺭﺧﺖ ﺑﺄﻟﻢ ﻋﻤﻪ ﺍﻟﺪﺭﺝ ﻛﻠﻪ ﺯﺍﻫﻲ ﻭﺯﻟﻜﻜﺖ ﻋﻤﻪ ﺍﻧﺘﻲ ﻏﺴﻠﺘﻲ ؟
ﺑﺼﺪﻣﺔ ؛ ﻳﺎﺍ ﺷﻮﻭﻑ ﺍﻟﺤﻆ ﺍﻧﻲ ﺍﻏﺴﻠﻪ ؟ ﻟﻮ ﺍﻧﺘﻲ ؟؟
ﻋﻤﻮ ؛ ﻫﺴﻪ ﻣﻮ ﻭﻛﺘﺠﻦ ﺗﺴﻮﻟﻔﻦ ﻛﻮﻣﻲ ﺑﻨﻴﺘﻲ ﺍﻭﺩﻳﺞ ﻟﻠﻤﺴﺘﺸﻔﻰ .
ﺻﺮﺧﺖ ؛ ﻋﻤﻮﻭ ﺍﺭﻳﺪ ﺻﻔﺎﺀ ﺍﺭﻳﺪ ﺻﻔﺎﺍﺍﺍﺍﺍﺍﺀ ....
ﻣﻨﻴﻦ ﻣﻴﻠﺰﻣﻮﻧﻲ ﺍﻋﻴﻂ ﻭﺍﺻﺮﺥ ﻛﻞ ﺟﺴﻤﻲ ﻳﻮﺟﻌﻨﻲ ﻭﺍﻟﺮﻃﻮﺑﺔ ﺑﻴﻦ ﺭﺟﻠﻴﺔ ﺧﻠﺘﻨﻲ ﺍﻧﺼﺎﺏ ﺑﻨﻮﺑﺔ ﺫﻋﺮ ﻭﺭﻫﺒﺔ ..
ﻛﻮﻭﺓ ﻭﺑﺎﻟﺸﺎﻓﻌﺎﺕ ﻳﻠﻪ ﻭﺩﻭﻧﻲ ﻟﻠﺼﺎﻟﺔ ، ﺭﺟﻠﻲ ﻛﻮﺓ ﺍﻣﺸﻲ ﻋﻠﻴﻬﺎ ﻣﺘﺰﻟﻐﺔ ﻭﻣﺘﻌﻮﺭﺓ ..
ﻻﺯﻣﻪ ﺑﻄﻨﻲ ﺍﻋﺮﺝ ﻭﺍﻣﺸﻲ ﻭﺍﻳﺪﻱ ﺍﻟﺦ ﻻﺯﻣﺘﻨﻲ ﻋﻤﻪ ﻣﻨﻬﺎ ﻭﺗﻤﺸﻴﻨﻲ ﻛﻮﺓ ﻭﺍﻟﺪﻡ ﻳﺮﺳﻢ ﻃﺮﻳﻘﻪ ﻻﺳﻔﻞ ﺭﺟﻠﻲ ﻭﻳﺪﻣﺮ ﻣﻼﺑﺴﻲ .
ﺭﺍﺳﻲ ﺍﻧﻀﺮﺏ ﻭﺍﻧﺠﺮﺡ ﻭﺍﺣﺲ ﺭﻃﻮﺑﺔ ﺑﻲ ﻭﻳﻮﺟﻌﻨﻲ ﻭﺩﻭﺧﺔ ﻭﻋﻴﻮﻧﻲ ﻏﻮﺍﺵ ﻛﻮﺓ ﺍﺷﻮﻑ ﺑﻴﻬﻦ ﻣﻦ ﺍﻟﺒﺠﻲ ﻭﻣﻦ ﺍﻟﻢ ﺭﺍﺳﻲ
ﺧﺎﺑﺮﻭﺍ ﻋﻠﻰ ﺻﻔﺎﺀ ﺟﺎﻱ ﺑﺎﻟﻄﺮﻳﻖ ﻭﺍﺟﺖ ﻣﺎﻣﺎ ﻭﺍﺧﻮﺍﺗﻲ ﻳﻤﻲ ﻭﺍﻧﻲ ﺍﺑﺠﻲ ﻭﺣﺎﺿﻨﺔ ﻣﺎﻣﺎ ﻭﺍﻫﺬﻱ ﻭﻣﺎﻣﺎ ﺗﺒﺠﻲ ﻭﺗﺪﻋﻲ ﻭﺗﻬﺪﺃﻧﻲ .
ﺍﻟﻰ ﺍﻥ ﺍﺟﻪ ﺻﻔﺎﺀ ﻓﺘﺢ ﺍﻟﺒﺎﺏ ﺑﺴﺮﻋﺔ ﻭﺍﺟﻪ ﻳﺮﻛﺾ ﺑﺎﺗﺠﺎﻫﻲ ﻛﻤﺒﺺ ﻛﺪﺍﻣﻲ ﻭﺍﻧﻲ ﺍﺷﻜﻴﻠﻪ ﺣﺎﻟﻲ ﺑﻨﺤﻴﺐ ﻭﺻﺮﺍﺥ ، ﺭﻓﻌﻨﻲ ﻋﻦ ﺍﻻﺭﺽ ، ﺗﻌﻠﻜﺖ ﺑﺮﻛﺒﺘﻪ
ﻭﻃﻠﺐ ﻣﻦ ﻣﺎﻣﺎ ﺗﻠﺒﺴﻨﻲ ﺑﺴﺮﻋﺔ .
ﻭﻃﺎﺭ ﺑﻴﻪ ﻟﻠﺴﻴﺎﺭﺓ ﻭﺧﻼﻧﻲ ﺑﺎﻟﻮﺭﺓ ﻭﻭﺟﻬﻪ ﻳﺘﺼﺒﺐ ﻋﺮﻙ ﻭﻋﻴﻮﻧﻪ ﺣﻤﺮﺓ ﺩﻡ ﻭﺍﻧﻔﺎﺳﻪ ﺗﻠﻬﺚ .
ﺩﺍﺭ ﺑﺴﺮﻋﺔ ﺻﻌﺪ ﺑﺎﻟﺼﺪﺭ ﻭﻃﺎﺭ ﺑﻴﻨﺎ ﻟﻠﻤﺴﺘﺸﻔﻰ ....
ﺑﺎﻟﻤﺴﺘﺸﻔﻰ ﺩﺧﻠﻨﺎ ﻋﻠﻰ ﺍﻟﺪﻛﺘﻮﺭﺓ ﻓﺤﺼﺘﻨﻲ ﻛﺎﻟﺖ ﺭﺣﻤﺞ ﻣﻔﺘﻮﺡ ﻭﺩﺗﻨﺰﻓﻴﻦ ﻫﺴﻪ ﺣﺎﻻ ﺗﺮﺣﻴﻦ ﻟﻠﺼﺎﻟﺔ ﻳﺴﻮﻭﻟﺞ ﻛﺮﺩﺍﺵ ..
ﻋﻴﻄﺖ ﻭﺍﻟﻄﻔﻞ ﺩﻛﺘﻮﺭﺓ ﻭﻭﻭﻃﻔﻠﻲ ؟؟
ﻛﺎﻟﺖ ﺍﻟﻄﻔﻞ ﻣﻨﺘﻬﻲ ﺍﻟﻠﻪ ﻳﻌﻮﺿﺞ .
ﺍﻧﻬﺎﺭﻳﺖ ﺗﻤﻨﻴﺖ ﻣﻴﺘﺔ ﻭﻻ ﺫﻳﺞ ﺍﻟﺴﺎﻋﺔ
ﺷﻜﺪ ﺟﻨﺖ ﻓﺮﺣﺎﻧﺔ ﺑﻲ ﺷﻜﺪ ﺟﻨﺖ ﻣﺘﻤﻨﻴﺘﻪ ..
ﻛﻞ ﻋﻈﺎﻣﻲ ﺗﻮﻥ ﻋﻠﻴﻪ ﻭﺟﺴﻤﻲ ﻣﺘﻜﺴﺮ ﻭﺍﻳﺪﻱ ﻣﺎﻛﺪﺭ ﺍﺣﺮﻛﻬﺎ ﻭﺍﻋﺮﺝ ، ﺣﺘﻰ ﺍﻟﺴﺴﺘﺮﺍﺕ ﺍﻧﻘﻬﺮﻥ ﻋﻠﻰ ﺣﺎﻟﺘﻲ
ﺻﻌﺪﺕ ﻉ ﺍﻟﺴﺪﻳﺔ ﺑﻨﺠﻮﻧﻲ ﺑﻨﺞ ﻣﻮﺿﻌﻲ ﻭﺍﻟﺪﻛﺘﻮﺭﺓ
ﺳﻮﺗﻠﻲ ﻛﺮﺩﺍﺵ ..
ﻣﻦ ﺧﻠﺼﺖ ﺍﻏﻤﻰ ﻋﻠﻴﻪ ، ﺍﻭ ﻓﻘﺪﺕ ﺍﻟﻮﻋﻲ ﻣﺎ ﺍﻋﺮﻑ ﺷﻨﻮ ﺍﻟﻲ ﺻﺎﺭ ﺑﻴﻪ ، ﺻﺤﻴﺖ ﺃﻧﻲ ﻣﺘﻤﺪﺩﺓ ﻋﻠﻰ ﺍﻟﺴﺮﻳﺮ ﻣﺎﻝ ﺍﻟﻤﺴﺘﺸﻔﻰ ﻭﻣﺎﻣﺎ ﻛﺎﻋﺪﻩ ﺑﺼﻔﻲ ﻋﻠﻰ ﺍﻟﻜﺮﺳﻲ ..
ﺑﺎﻭﻋﺘﻠﻬﺎ ﺑﻮﻫﻦ ﻭﺭﻭﺣﻲ ﻣﺜﻘﻠﺔ ﺑﻤﻜﺎﻳﻴﻞ ﻣﻦ ﻭﺟﻊ
ﻻﺣﻈﺖ ﻋﻴﻮﻧﻬﺎ ﺣﺮﺓ ﺩﻡ ﻣﻦ ﺍﻟﺒﺠﻲ
ﺗﻘﻠﺼﺖ ﻣﻼﻣﺤﻲ ﻭﺍﻧﻈﻤﻴﺖ ﺍﻟﻬﺎ ﻭﺻﺮﺕ ﺍﺑﺠﻲ
ﻇﻠﺖ ﺗﻬﺪﻱ ﺑﻴﻪ ﺑﺼﻮﺕ ﻛﻠﻪ ﺍﻧﻜﺴﺎﺭ ﻭﺃﻟﻢ ..
ﺗﺬﻛﺮﺕ ﻛﻞ ﺷﻲ ﺻﺎﺭ ﻭﻇﻠﻴﺖ ﺍﺣﺠﻲ ﺍﻟﻬﺎ ..
_ ﻣﺎﻣﺎ ﺍﻟﺪﺭﺝ ﺟﺎﻥ ﻛﻠﻪ ﺯﻳﺖ ﺍﻱ ﻭﺍﻟﻠﻪ ﺟﺎﻥ ﻛﻠﻪ ﻳﺰﺣﻠﻚ
ﻳﻮﻭﻡ ﻫﺎﻱ ﻓﻌﻠﺔ ﻓﺎﻋﻞ ﻭﺍﻟﻠﻪ .
ﺟﺎﻭﺑﺘﻨﻲ ﻳﻮﻡ ﻣﺘﻮﻫﻤﺔ ﺷﺠﺎﺏ ﺍﻟﺰﻳﺖ ﻋﻠﻰ ﺍﻟﺪﺭﺝ ﺧﺎﻑ ﻣﻐﺴﻮﻝ ﻏﺎﺳﻠﺘﻪ ﺍﻧﺖ ﺑﺰﺍﻫﻲ ﻭﻣﻤﻨﻈﻔﺘﻪ ﺯﻳﻦ ﻭﺗﺪﻋﺒﻠﺘﻲ ﺑﻲ ﻭﻋﺒﺎﻟﺞ ﺯﻳﺖ ؟
ﺣﺎﺟﻴﺘﻬﺎ ﺑﻨﻔﻲ ؛ ﻻ ﻻ ﻭﺭﺑﻲ ﻣﺎﺍﺟﺬﺏ ﻋﻠﻴﺞ ﺟﺎﻥ ﺍﻛﻮ ﺍﺣﺪ ﻓﻮﻭﻙ ﺑﺎﻟﻐﺮﻓﺔ ﺍﻟﻔﻮﻙ ﺍﻧﻲ ﻣﺘﺄﻛﺪﺓ ﺣﺴﻴﺖ ﺑﺤﺮﻛﺔ ﻭﺍﻟﻠﻪ ﻣﺎﻣﺎ ﻭﺍﻟﻠﻪ ﻭﻛﻌﻮﻟﻲ ﺍﺑﻨﻲ ﻗﺘﻠﻮﻭﻩ ﻣﻮﺗﻮﻩ ﻭﺍﻟﻠﻪ ﻭﺍﻟﻠﻪ ﻣﺎﺍﻛﺬﺏ ﺍﺍﺍﺍﻩ ..
ﺑﻬﺎﻟﻠﺤﻈﺔ ﺩﺧﻞ ﺻﻔﺎﺀ ﻟﻠﻐﺮﻓﻪ ﺍﺟﺎﻧﻲ ﺑﺎﻭﻋﺘﻠﻪ ﺭﺍﺳﻪ ﻭﻭﺟﻬﻪ ﻋﺎﺑﺲ ﻭﻣﻬﻤﻮﻡ ﺣﺴﻴﺖ ﺑﺄﻟﻢ ﺑﺒﻄﻨﻲ ﻭﺷﻲ ﺩﻳﻮﺟﻌﻨﻲ ﻛﻮﻟﺶ .
ﺳﺄﻟﺖ ﺻﻔﺎﺀ : ﻣﺎﺕ ﺍﻟﻄﻔﻞ ﺻﻔﺎﺀ ﻣﺎﺍﺍﺕ ﺣﺠﻴﺖ ﻭﺑﺠﻴﺖ ﺑﻨﺤﻴﻴﺐ ﻣﺆﻟﻢ ..
ﺑﻨﻈﺮﺍﺕ ﻣﻠﻴﺎﻧﺔ ﺑﺎﻻﻟﻢ ﻭﺑﻨﺮﺓ ﺭﺟﺎﺀ ؛ ﻋﻤﺮﻱ ﺍﻟﻌﻮﺽ ﺑﺴﻼﻣﺘﺞ ﻣﻤﻘﺴﻮﻣﻠﻨﺎ ﺍﻥ ﺷﺎﺀﺍﻟﻠﻪ ﺭﺑﻨﺎ ﻳﺮﺯﻗﻨﺎ ﻏﻴﺮﻩ
ﺗﻬﺴﺘﺮﺕ ﻓﻘﺪﺕ ﻛﻤﺖ ﺍﻏﻠﻂ ﻭﺍﺻﻴﺢ ﻋﻠﻴﻪ : ﻻ ﻣﻘﺴﻮﻭﻭﻭﻡ ﺍﻟﻨﺎ ﻣﻘﺴﻮﻭﻡ ﻟﺤﺪ ﺍﻟﻈﻬﺮ ﻳﺘﺤﺮﻙ ﺑﺒﻄﻨﻲ ﻭﺟﺎﻥ ﻳﺪﻓﺮ ﺑﻴﻪ ﺍﺧﺘﺘﺘﺘﻚ ﺍﻟﺤﻘﻴﺮﺓ ﻗﺘﻠﺖ ﺃﺑﻨﻲ ﻭﺍﻟﻠﻪ ﺍﻻ ﺃﺷﺮﺏ ﻣﻦ ﺩﻣﻬﺎ ﻭﺍﻟﻠﻪ ﺍﻣﺸﻲ ﺍﻃﻠﻌﻌﻊ ﻣﺎﺍﺭﻳﺪ ﺃﺷﻮﻑ ﻭﺟﻬﻚ ﻛﺪﺍﻣﻲ ﺣﻘﻴﺮﺭﺭﺭ ﺑﺲ ﻋﻠﻴﻪ ﺻﺎﻳﺮ ﺭﺟﺎﻝ ﻭﺍﺧﺘﻚ ﻣﻮﺗﺖ ﺃﺑﻨﻚ ﺑﺪﻡ ﺑﺎﺭﺩ ﻭﺟﺎﻱ ﺗﻜﻮﻟﻲ ﻣﺎﻣﻘﺴﻮﻭﻭﻡ ﺍﻟﻨﺎ؟
ﻟﺰﻣﺘﻲ ﻣﻦ ﺍﻳﺪﻱ ﺟﺎﻧﺖ ﺗﻮﺟﻌﻨﻲ ﻛﻮﻟﺶ ﻋﻄﺖ ﻭﺣﺠﻴﺖ
ﻭﺍﻟﻠﻪ ﺍﻧﻲ ﻻﺣﻈﺖ ﺍﻛﻮ ﺣﺮﻛﺔ ﻓﻮﻙ ﻭﺍﻟﺪﺭﺝ ﻣﻠﻴﺎﻥ ﺑﺸﻲ ﻣﺎﺍﻋﺮﻓﻪ ﻣﺎﺍﻋﺮﻑ ﺷﻨﻮ ﺧﺎﻟﻪ ﻉ ﺩﺭﺝ ﻭﺧﻠﺘﻨﻲ ﺍﺗﺰﺣﻠﻚ ﻣﻨﻪ .
ﺻﻔﺎﺀ ؛ ﺍﻫﺪﻱ ﺍﻫﺪﻱ ﺯﻫﺮﺍﺀ ﺑﺲ ﺧﻞ ﺍﻓﻬﻢ ﻣﻨﺞ ﻳﻌﻨﻲ ﺍﻧﺖ ﺷﻔﺘﻲ ﺭﺷﺎ ﺑﺎﻟﺒﻴﺖ ﻟﻮ ﻣﺸﻔﺘﻴﻬﺎ ؟؟
_ ﻣﺎﺍﺭﻳﺪ ﺍﻓﻬﻤﻚ ﻭﻻ ﺍﺭﻳﺪﻙ ﺗﻔﻬﻢ ﻣﻨﻲ ، ﺍﻛﺮﺭﺭﺭﻫﻚ ﺍﻃﻠﻠﻠﻊ ﻣﺎﺍﺭﻳﺪ ﺍﺷﻮﻓﻚ ﺳﺎﻋﺔ ﺍﻟﺴﻮﺩﺓ ﺍﻟﺤﺒﻴﺘﻚ ﺑﻴﻬﺎ ﺷﻨﻮ ﺷﻔﺖ ﺑﻴﻚ ﺣﺘﻰ ﺣﺒﻴﺘﻚ ﺃﻣﺪﺍﻧﻲ
ﺍﻟﺘﻔﺘﺖ ﻉ ﻣﺎﻣﺎ ﺟﺎﻧﺖ ﺗﺒﺠﻲ : ﻃﻠﻌﻲ ﺃﻣﻲ ﻣﺎﺍﺭﻳﺪ ﺃﺷﻮﻓﻪ
ﻫﻮ ﺟﺎﻥ ﻳﺒﺎﻭﻋﻠﻲ ﻭﻣﺼﺪﻭﻡ ﺑﻜﻼﻣﻲ ﻃﻠﻊ ﻣﻦ ﺍﻟﻐﺮﻓﻪ
ﻭﺍﻧﻲ ﺑﻘﻴﺖ ﻣﻨﻬﺎﺭﺓ ، ﻟﺤﻈﺎﺕ ﻭﺍﺟﺖ ﺍﻟﺪﻛﺘﻮﺭﺓ ﺍﻟﻈﺎﻫﺮ ﻫﻮ ﺩﺯﻫﺎ ﺍﻧﻄﺘﻨﻲ ﺃﺑﺮﺓ ، ﻭﺭﺍﻫﺎ ﻫﺪﺃﺕ ﻭ ﻧﻤﺖ ..
ﻭﺭﺍﻫﺎ ﻛﻌﺪﺕ ﻭﻇﻠﺖ ﺍﻣﻲ ﺗﺤﻀﺮﻧﻲ ﺣﺘﻰ ﻧﻄﻠﻊ ﻻﻥ ﻛﺘﺒﻮﻟﻲ ﻋﻠﻰ ﺧﺮﻭﺝ ﻣﻦ ﺍﻟﻤﺴﺘﺸﻔﻰ .
ﺍﺟﻪ ﺻﻔﺎﺀ ﻧﺰﻝ ﺭﺟﻠﻴﻪ ﻭﻟﺒﺴﻨﻲ ﺍﻟﺤﺬﺍﺀ ﻭﻳﺮﻳﺪ
ﻳﺸﻴﻠﻨﻲ ﺩﻓﻌﺘﻪ : ﻭﺧﺮﺭﺭ ﻣﺎﺍﺭﻳﺪﻙ ﺣﺲ ﻟﺘﺼﻴﺮ ﻟﺰﻛﺔ
_ ﻣﻴﺨﺎﻟﻒ ﺑﺲ ﺧﻠﻲ ﺍﺷﻴﻠﺞ ﺣﺘﻰ ﻣﺘﺘﺄﺫﻳﻦ ﻣﻦ ﺗﻤﺸﻴﻦ
ﺳﻜﺘﺖ ﻧﺰﻟﻨﻲ ﻣﻦ ﺍﻟﺴﺮﻳﺮ ﻭﺧﻼﻧﻲ ﻋﻠﻰ ﺍﻟﻜﺮﺳﻲ ﺍﻟﻤﺘﺤﺮﻙ ﻭﺻﻠﻨﻲ ﻟﻠﺴﻴﺎﺭﺓ ﻛﻌﺪﻧﻲ ﻟﻜﺪﺍﻡ ﻭﻣﺎﻣﺎ ﻭﻋﻤﻪ ﻟﻴﻮﺭﺍ ﻭﺑﻘﻴﻨﺎ ﺍﻟﻄﺮﻳﻖ ﻛﻠﻪ ﺳﺎﻛﺘﻴﻦ ، ﺍﻟﺘﺎﻑ ﻋﻠﻴﻪ
ﻛﺎﻝ ﺍﻭﺩﻳﺞ ﺩﻛﺘﻮﺭ ﻛﺴﻮﺭ ﻧﺎﺧﺬ ﺍﻟﺞ ﺍﺷﻌﺔ ﺧﺎﻑ ﻋﻨﺪﺝ ﻛﺴﺮ ..
ﺻﻜﻴﺖ ﺍﺳﻨﺎﻧﻲ ﻭﺣﺠﻴﺖ ؛ ﻣﺎﺍﺍﺭﻳﺪ ﻣﺎﺑﻴﻪ ﺷﻲ ..
ﻭﺻﻠﻨﺎ ﻟﻠﺒﻴﺖ ﺭﺍﺩ ﻳﻨﺰﻟﻨﻲ ﻣﻘﺒﻠﺖ ﺟﻠﺒﺖ ﺑﻤﺎﻣﺎ
_ ﺃﺭﻭﺡ ﻭﻳﺎ ﺃﻣﻲ ﺍﺭﻳﺪ ﺍﺭﺗﺎﺡ
ﺳﻜﺖ ﻣﺎﺣﺠﻪ ﺷﻲ ﺩﻓﺮ ﺑﺎﺏ ﺍﻟﺒﻴﺖ ﻭﺩﺧﻞ ﻭﺃﻧﻲ ﺭﺣﺖ ﻭﻳﺎ ﻣﺎﻣﺎ ﻟﺒﻴﺘﻨﺎ ..
****
ﺻﻔﺎﺀ : ﺟﻨﺖ ﺑﺸﺎﺭﻉ ﺍﻟﻤﻐﺮﺏ ﺩﺍﺍﺧﺬ ﻋﻼﺝ ﻟﺰﻫﺮﺗﻲ ﻭﻟﻠﺤﺠﻴﺔ ﺧﺎﺑﺮﺗﻨﻲ ﺃﻣﻲ ﺗﺼﻴﺢ ﺍﻟﺤﻚ ﻣﺮﺗﻚ ﻭﻛﻌﺖ ﻣﻦ ﺍﻟﺪﺭﺝ ﻭﺩﺗﻨﺰﻑ ﻣﺎ ﻋﻮﻟﺖ ﺍﻭﺻﻞ ﻟﻠﺒﻴﺖ ﻟﻜﻴﺖ ﺯﻫﺮﺍﺀ ﺣﺎﻟﺘﻬﺎ ﺣﺎﻟﺔ ، ﺗﺒﺠﻲ ﻭﺗﺼﻴﺢ ﻣﻦ ﺍﻻﻟﻢ ، ﺷﻠﺘﻬﺎ ﻭﺭﻛﻀﺖ ﻟﻠﻤﺴﺘﺸﻔﻰ ﻭﺍﻧﻲ ﺑﻌﺪﻧﻲ ﻣﺎﺍﻋﺮﻑ ﺷﻠﻮﻥ ﻭﻛﻌﺖ ﺑﺲ ﻣﻦ ﺻﺤﺖ ﻛﺎﻣﺖ ﺗﺼﻴﺢ ﻭﺗﻐﻠﻂ ﻋﻠﻴﻪ ﻭﺗﻜﻮﻝ ﺍﺧﺘﻚ ﻗﺘﻠﺖ ﺃﺑﻨﻲ
ﺍﻧﺼﺪﻣﺖ ﺑﻜﻼﻣﻬﺎ ﻣﻌﻘﻮﻟﺔ ﺭﺷﺎ ﺗﻮﺻﻞ ﺑﻴﻬﺎ ﺍﻟﻤﺮﺣﻠﺔ ﺗﻤﻮﺕ ﺃﺑﻦ ﺍﺧﻮﻫﺎ ﻫﻲ ﺻﺢ ﺭﻋﻨﻪ ﻭﻃﺎﻳﺤﺔ ﺍﻟﺤﻆ ﺑﺲ ﻣﻮ ﻟﻬﺎﻱ ﺍﻟﺪﺭﺟﺔ ..
ﻃﻠﻌﺖ ﻣﻦ ﺍﻟﻐﺮﻓﺔ ، ﺷﻔﺖ ﺍﻣﻲ ﻣﺘﻮﺟﻬﺔ ﻟﻐﺮﻓﺔ ﺯﻫﺮﺍﺀ ﺑﺎﻟﻤﺴﺘﺸﻔﻰ ﻇﻠﻴﺖ ﺃﺑﺎﻭﻉ ﻻﻣﻲ ﺛﻮﺍﻧﻲ ﻭ ﺍﺷﺮﺗﻠﻬﺎ ﺗﺠﻲ ﻳﻤﻲ ، ﺍﺳﺘﺠﺎﺑﺖ ﺍﻟﻲ ﻭ ﺍﺟﺖ ﻳﻤﻲ .
ﺳﺄﻟﺘﻬﺎ : ﻳﻮﻡ ﺷﻨﻮ ﻣﻌﻨﻰ ﻛﻼﻡ ﺯﻫﺮﺍﺀ ﻓﺴﺮﻳﻠﻲ ﺗﺮﻯ ﻭﺍﻛﻒ ﻉ ﺷﻌﺮﺓ ﻭﺍﺗﺨﺒﻞ ..
ﺣﺠﺖ ﺑﺼﻮﺕ ﺗﻌﺒﺎﻥ : ﺷﻨﻮﻭ ﻳﻮﻡ ﺷﺒﻴﻬﺎ ﺯﻫﺮﺍﺀ ﻭﺷﻨﻮ ﺗﻜﻮﻭﻝ ؟
_ ﺗﻜﻮﻝ ﺭﺷﺎ ﻭﻛﻌﺖ ﺍﻟﻄﻔﻞ ﻫﻴﻪ ﺭﺷﺎ ﺟﺎﻧﺖ ﺑﺎﻟﺒﻴﺖ ﺍﻟﻴﻮﻡ ؟
_ ﻻ ﺷﻔﺘﻬﺎ ﺭﺷﺎ ﻭﻻ ﺍﺟﺘﻲ ﻣﺮﺗﻚ ﻟﻤﻦ ﻭﻛﻌﺖ ﺟﻨﺖ ﺍﻧﻲ ﻧﺎﻳﻤﺔ ﻭﺗﺪﺭﻱ ﺑﻴﻪ ﺍﻟﻈﻬﺮ ﺍﻓﻘﺪ ﻭﺍﻧﺎﻡ ﺍﻧﻲ ﻭﺍﺑﻮﻙ ﻭﻛﻌﺪﻧﺎ ﻋﻠﻰ ﺻﻮﺕ ﻋﻴﺎﻁ ﻣﺮﺗﻚ .
ﻇﻠﺖ ﺗﺒﺠﻲ ﺍﻣﻲ ﻋﻠﻰ ﺍﻟﻄﻔﻞ ﻭﻫﻴﻪ ﺟﺎﻧﺖ ﻓﺮﺣﺎﻧﺔ ﺑﻲ ، ﺣﺴﻴﺘﻬﺎ ﺻﺎﺩﻗﺔ ، ﻭﺯﻫﺮﺍﺀ ﺍﻛﻮ ﺷﻲ ﻭﻣﺠﺎﻱ ﺍﻓﻬﻤﻪ ﺭﺑﻲ ﻻﺗﺤﻴﺮﻧﻲ ﻭﺍﻛﺸﻒ ﺍﻟﺤﻘﻴﻘﺔ ﺑﺄﺳﺮﻉ ﻭﻗﺖ ﻭﺍﺫﺍ ﺭﺷﺎ ﻫﻲ ﺍﻟﺴﺒﺐ ﻣﺮﺍﺡ ﺍﺭﺣﻤﻬﺎ ﻫﺎﻟﻤﺮﺓ ﺑﺲ ﺍﺭﻳﺪ ﺩﻟﻴﻞ ﻗﻮﻭﻱ ﻋﻠﻰ ﺍﻧﻮ ﻫﻴﻪ ﺍﻟﻲ ﺳﻮﺕ ﺑﺰﻫﺮﺍﺀ ﻫﻴﺞ ..
ﺗﺮﻛﺘﻬﺎ ﻻﻣﻲ ﻭﺭﺣﺖ ﻟﻠﺪﻛﺘﻮﺭﺓ ﺩﺯﻳﺘﻬﺎ ﺗﻀﺮﺏ ﺯﻫﺮﺍﺀ ﺍﺑﺮﺓ ﻣﻬﺪﺋﺔ ﻻﻥ ﺍﺗﻬﺴﺘﺮﺕ
ﺯﻫﺮﺍﺀ ﺩﺗﺤﻤﻠﻨﻲ ﺍﻟﺴﺒﺐ ﻭﻣﺘﺤﺲ ﺑﻨﺎﺭﻱ ﺷﻜﺪ ﺻﻌﺒﺔ ﻋﻠﻴﻪ ﺧﺴﺮﺕ ﺃﺑﻨﻲ ﻭﺍﻧﻲ ﺑﺎﻟﻠﻴﻞ ﺟﻨﺖ ﺍﺗﻠﻤﺲ ﺑﺒﻄﻦ ﺯﻫﺮﺍﺀ ﻭﻓﺮﺣﺎﻥ ﻭﻫﻮ ﻳﺪﻓﺮ .
ﺟﻨﺖ ﻣﻨﺘﻈﺮﻩ ﻟﺤﻈﺔ ﻟﺤﻈﺔ ﺃﺣﺴﺐ ﺍﻻﻳﺎﻡ ﻭﻫﻲ ﺗﻀﺤﻚ ﻋﻠﻴﻪ ﺗﻜﻮﻟﻲ ﺷﺒﻴﻚ ﻣﺴﺘﻌﺠﻞ ﺍﻛﺜﺮ ﻣﻨﻲ ﻭﺍﻟﻤﺼﻴﺒﺔ ﺷﺎﻙ ﺑﺄﺧﺘﻲ ﻗﺘﻠﺖ ﺃﺑﻨﻲ ﺃﺧﺘﻲ ﺍﻟﻲ ﻣﻦ ﺩﻣﻲ ﻭﻟﺤﻤﻲ .
ﺍﺧﺘﻲ ﺍﻟﻲ ﺍﺫﺍ ﺯﻋﻠﻮﻫﺎ ﺃﻧﻲ ﺍﺭﻭﺣﻠﻬﺎ ﻟﺒﻴﺘﻬﺎ ﺍﺣﻴﺮ ﺷﺄﺧﺬ ﺑﻴﺪﻱ ﻭﻣﺎ ﺍﻧﺎﻡ ﺍﻟﻠﻴﻞ ﺍﺫﺍ ﻣﺎﺗﺮﺍﺿﻴﻬﺎ ﻭﺍﻃﻴﺐ ﺧﺎﻃﺮﻫﺎ ﺗﺎﻟﻴﻬﺎ ﺗﻤﻮﺕ ﺃﺑﻨﻲ !!
ﻣﺤﺪ ﻳﺤﺲ ﺑﻴﻪ ﺯﻫﺮﺍﺀ ﻧﻈﺮﺍﺕ ﺍﻟﻠﻮﻡ ﻭﺍﻟﻌﺘﺐ ﺑﻌﻴﻮﻧﻬﺎ ﺗﺬﺑﺤﻨﻲ ﺻﻌﺪﺕ ﻟﻠﻐﺮﻓﻪ ﻓﺘﺤﺖ ﺍﻟﺨﺎﻧﻪ ﻣﺎﻝ ﻣﻼﺑﺴﻬﺎ ﺻﺎﺭﺕ ﻣﻼﺑﺲ ﺍﻟﻄﻔﻞ ﻛﺪﺍﻣﻲ ﻃﻠﻌﺖ ﻭﺿﻌﻔﺖ ﻛﺪﺍﻣﻬﻢ
ﺑﺠﻴﺖ ﻭﻋﺎﺗﺒﺖ ﺭﺑﻲ ﺷﺴﻮﻳﺖ ﺃﻧﻲ ﻭﻫﻴﺞ ﻣﺸﻠﻮﻉ ﮔﻠﺒﻲ ﻣﻦ ﺩﻭﻥ ﺍﺧﻮﺍﻧﻲ ﻣﻮ ﺣﺴﺪ ﺑﺲ ﻫﻢ ﺃﻧﻘﻬﺮ ﻋﻠﻰ ﻧﻔﺴﻲ ﺣﺒﻴﺖ ﻭﺍﻧﺨﺬﻟﺖ ﻭﺗﺎﻟﻲ ﻟﻤﻦ ﺭﺑﻲ ﺟﺒﺮ ﺑﺨﺎﻃﺮﻱ ﺗﺠﻲ ﺑﻨﺖ ﺃﻣﻲ ﻭﺍﺑﻮﻳﻪ ﺗﻬﺪﻡ ﺳﻌﺎﺩﺗﻲ ﻭﺗﺤﺮﻣﻨﻲ ﻣﻦ ﺍﺣﻠﻰ ﻟﺤﻈﺎﺕ ﺑﺤﻴﺎﺗﻲ
ﺩﺧﻠﺖ ﺃﻣﻲ ﻟﻠﻐﺮﻓﻪ ﺍﺧﺬﺗﻨﻲ ﻟﺤﻀﻨﻬﺎ : ﻳﻤﻪ ﺍﻟﻤﺆﻣﻦ ﻣﺒﺘﻠﻰ ﻭﺃﻧﺖ ﻣﺆﻣﻦ ﺍﻟﻠﻪ ﻳﻌﻮﺿﻜﻢ ﺍﻥ ﺷﺎﺀﺍﻟﻠﻪ
_ ﻳﻤﻪ ﻭ ﺣﺮﻛﺔ ﮔﻠﺐ ﺯﻫﺮﺍﺀ ﺷﻠﻮﻥ ﺑﻴﻬﺎ ﻭﺃﻧﻲ ﻭﻟﻬﻔﺘﻲ ﻟﻠﻄﻔﻞ ﺷﻠﻮﻥ ﺍﺗﻌﻮﺩ ﻫﻮ ﺭﺍﺡ ﻭﺑﻌﺪ ﻣﻴﺮﺟﻊ ﺑﺲ ﻓﻬﻤﻴﻨﻲ ﺭﺷﺎ ﺍﻧﻲ ﺷﺴﻮﻳﺘﻠﻬﺎ ﻭﻫﻴﺞ ﻫﻲ ﻭﻳﺎﻳﻪ ﻳﻮﻡ ﻛﻞ ﻣﺘﺠﻲ ﻫﻨﺎ ﻭﺗﺴﻮﻳﻠﻬﺎ ﻣﺸﻜﻠﻪ ﺃﻧﻲ ﺑﺎﻟﻠﻴﻞ ﺃﺭﻭﺣﻠﻬﺎ ﻭﺍﺭﺍﺿﻴﻬﺎ
ﺣﺎﺟﺘﻨﻲ ﺍﻣﻲ ؛ ﻳﻤﻪ ﻣﺮﺗﻚ ﻣﺘﻮﻫﻤﺔ ﺭﺷﺎ ﻣﺎﺟﺘﻲ ﺻﺎﺭﻟﻬﺎ ﻛﻮﻭﻣﺔ ﺷﻨﻮ ﻧﺴﻴﺖ ﺍﺑﻮﻙ ﻃﺮﺩﻫﺎ ﻭﺭﺍﺣﺖ ﺑﻌﺪ ﻣﺎﺟﺘﻲ ﺍﻧﻲ ﺍﺭﻭﺣﻠﻬﺎ ﻟﻠﺒﻴﺘﻬﺎ ﺑﺲ ﻣﺎﺗﺠﻲ ﻭﺍﻟﻠﻪ ﺻﺪﻛﻨﻲ ..
ﺗﺠﺎﻫﻠﺖ ﻛﻼﻣﻬﺎ ، ﻃﻔﺮﺕ ﻣﻦ ﺣﻀﻨﻬﺎ ، ﻭﻧﺰﻟﺖ ﺟﻮﻩ ﺷﻐﻠﺖ ﺍﻟﺴﻴﺎﺭﺓ ﻭﺑﻮﺟﻬﻲ ﻟﺒﻴﺖ ﺭﺷﺎ ..
ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﺃﺑﻨﻬﺎ ﺣﻀﻨﻲ ﺑﻮﺳﺘﻪ ﻭﺩﺧﻠﺖ ﻫﻲ ﺟﺎﻧﺖ ﻛﺎﻋﺪﻩ ﻉ ﺍﻟﻤﻴﺰ ﺑﺎﻟﻤﻄﺒﺦ ﺑﺲ ﺷﺎﻓﺘﻨﻲ ﺍﺭﺗﺒﻜﺖ
ﺍﻟﺘﻔﺘﺖ ﻉ ﺍﻃﻔﺎﻟﻬﺎ : ﺧﺎﻟﻮ ﺭﻭﺣﻮﺍ ﻟﻐﺮﻓﺘﻜﻢ ﺃﺭﻳﺪ ﺍﺣﺠﻲ ﻭﻳﺎ ﻣﺎﻣﺎ
ﻣﺸﻴﺖ ﻗﺒﻠﻬﺎ ﻟﻼﺳﺘﻘﺒﺎﻝ ﻭﻫﻲ ﺍﺗﺒﻌﺘﻨﻲ ﻛﻌﺪﺕ ﻟﺰﻣﺖ ﺭﺃﺳﻲ ﺑﺄﺛﻨﻴﻦ ﺍﺩﻳﻪ ﺑﺎﻭﻋﺘﻠﻬﺎ
ﺑﺎﻟﻠﻪ ﻋﻠﻴﺞ ﺃﺳﺄﻟﺞ ﺳﺆﺍﻝ ﻭﺟﺎﻭﺑﻲ : ﺑﺸﻨﻮ ﺃﺫﻳﺘﺞ ﻟﺞ ﻣﻦ ﺩﻭﻥ ﺃﺧﻮﺍﻧﺞ ﻣﻴﻤﺮ ﻳﻮﻣﻲ ﺍﺫﺍ ﻣﺎﺍﺟﻲ ﺍﺷﻮﻓﺞ ﺷﻤﺤﺘﺎﺟﻪ
ﻟﺞ ﺷﺴﻮﻳﺘﻠﺞ ﻭﻫﻴﺞ ﺗﺠﺎﺯﻳﻨﻲ ﺷﻠﻮﻥ ﻧﻔﺴﺞ ﺳﻤﺤﺘﻠﺞ ﺗﺪﻓﻌﻴﻦ ﺑﻨﺖ ﻋﻤﺞ ﻭﻫﻲ ﺣﺎﻣﻞ ﻭﻟﺞ ﺣﺘﻰ ﻟﻮ ﻣﻮ ﺑﻨﺖ ﻋﻤﺞ ﻭﻣﻮ ﺯﻭﺟﺘﻲ ﺑﻨﻴﺔ ﺣﺎﻣﻞ ﺷﻠﻮﻥ ﺗﺪﻓﻌﻴﻬﺎ ﺍﻧﺘﻲ ﻣﺎﻋﻨﺪﺝ ﻣﺨﺎﻓﺔ ﺍﻟﻠﻪ ﻣﺘﻔﻜﺮﻳﻦ ﻻ ﺍﻟﻠﻪ ﻳﻌﺎﻗﺒﺞ ﺑﺄﻃﻔﺎﻟﺞ ﻟﺠﺞ ﺃﻧﺘﻲ ﻣﻦ ﻳﺎﻃﻴﻦ ﺍﻟﻠﻪ ﺧﺎﻟﻘﺞ ﺧﺮﺭﺭﺭﺭﺏ ﻳﻮﻭﻭﻣﺞ ..
ﺭﺷﺎ ؛ ﺷﺒﻴﻴﻚ ﺻﻔﺎﺀ ﺷﻨﻮﻭ ﻛﺎﻳﻠﺘﻠﻚ ﻣﺮﺗﻚ ﻋﻨﻲ ﺑﺎﻟﻠﻪ ﺍﻧﻲ ﻣﻦ ﺍﺷﻬﺮ ﻣﺎﺟﺎﻳﺔ ﻟﺒﻴﺘﻜﻢ ﻭﻻ ﺍﺩﺭﻱ ﺷﺼﺎﺭ ﻣﺎ ﺻﺎﺭ .
ﺗﻘﺮﺑﺖ ﻣﻨﻬﺎ ﺍﺑﺘﻌﺪﺕ ﺧﻄﻮﺍﺕ ﻟﻠﺨﻠﻒ ﻣﺮﻋﻮﺑﺔ ﻭﻣﺎﺗﺤﻂ ﻋﻴﻨﻬﺎ ﺑﻌﻴﻨﻲ ؛ ﺍﻧﺖ ﺍﻟﻴﻮﻡ ﻣﺎﺟﻨﺘﻲ ﺍﺑﻴﺘﻨﺎ ؟؟
_ ﻻ ﻭﺍﻟﻠﻪ ﺻﻔﺎﺍﺍﺀ ﻣﺎﺍﺟﻴﺖ ﻟﺒﻴﺘﻜﻢ ﺍﺻﻼ ﻣﺴﺘﻐﺮﺑﺔ ﻛﻼﻣﻚ ﻫﺴﻪ ..
ﺻﻴﺤﺖ ﺍﺛﻴﻴﻴﺮ ﻟﻴﻴﻴﻴﻨﺎ ﻭﻳﻨﻜﻢ ﺗﻌﺎﻟﻮﻟﻲ ..
ﺍﺟﻮﻱ ﻳﺮﻛﻀﻮﻥ ﻣﻦ ﺍﻟﻤﻤﺮ ، ﻭﺻﻠﻮﺍ ﻳﻤﻲ
ﺍﺻﻴﺮ ﺻﺎﺭ ﻋﻠﻰ ﻳﻤﻴﻨﻲ ﻭﻟﻴﻨﺎ ﻋﻠﻰ ﻳﺴﺎﺭﻱ .
ﺧﻠﻴﺖ ﺍﺩﻳﻪ ﻋﻠﻰ ﻇﻬﺮﻫﻢ ﻭﺩﻓﻌﺘﻬﻢ ﺑﺨﻔﺔ ﺑﺎﺗﺠﺎﻩ ﺍﻣﻬﻢ .
ﺑﺎﻭﻋﺖ ﺑﻌﻴﻮﻧﻬﺎ ﺑﻨﻈﺮﺍﺕ ﺣﺎﺭﻗﺔ ﻣﺸﺘﻌﻠﺔ ﻭﺩﺍﺧﻠﻲ ﺍﻟﻠﻪ ﻳﻌﻠﻢ ﺑﻲ ﺍﺣﺲ ﺑﺮﻛﺎﻥ ﻣﺸﺘﻌﻞ ﻭﺩﻳﺤﺮﻛﻨﻲ ..
_ ﺍﺣﻠﻔﻲ ﺑﺠﻬﺎﻟﺞ ﺍﻧﺖ ﻣﺠﻨﺘﻲ ﺍﺑﻴﺘﻨﺎ ﺍﻟﻴﻮﻡ ﻭﻣﺎﺗﺴﺒﺒﺘﻲ ﺑﻮﻛﻌﺔ ﺯﻫﺮﺍﺀ .. ﻳﻠﻪ ﺟﺎﻭﺑﻲ ﺍﺑﻨﻲ ﻣﻘﺎﺑﻞ ﺟﻬﺎﻟﺞ !!!
ﺳﻜﺘﺖ ﻭﺗﺒﺎﻭﻋﻠﻲ ﺻﻴﻴﺤﺖ ﺍﺣﺠﻴﻴﻴﻴﻲ ﻳﻠﻪ ...
ﺗﻘﺮﺑﺖ ﻋﻠﻴﻬﺎ ﻟﺰﻣﺘﻬﺎ ﻣﻦ ﺭﻛﺒﺘﻬﺎ ﺧﻨﻜﺘﻬﺎ ، ﻋﺎﻃﻮﺍ ﺍﻟﺠﻬﺎﻝ ﺩﻓﺮﺗﻬﺎ ﻭﻛﻌﺖ ﻋﻠﻰ ﺍﻟﻘﻨﻔﺔ ﻭﺗﻮﺟﻬﺖ ﺑﺎﺗﺠﺎﻫﻪ ﻏﻀﺐ ﻣﺘﻤﻠﻜﻨﻲ ﻣﺪﻓﻮﻉ ﺑﺮﻏﺒﺔ ﻣﺎﺍﻛﺪﺭ ﺍﺗﺤﻜﻢ ﺑﻴﻬﺎ ، ﺍﺭﻳﺪ ﺍﻗﺘﻠﻬﺎ ﻭﺍﻧﻬﻴﻬﺎ ﻭﺍﺧﻠﺺ ﻣﻨﻬﺎ ﻫﺴﻪ ﺑﻬﺎﻟﻠﺤﻈﺔ .
ﺑﺲ ﺍﻟﻲ ﻭﻛﻔﻨﻲ ﺣﻠﻔﺎﻧﻬﺎ ﺑﺠﻬﺎﻟﻬﺎ
_ ﺻﻔﺎﺀ ﻭﺩﺍﻋﺖ ﺟﻬﺎﻟﻲ ﻣﻮ ﺍﻧﻲ ﺍﻟﻲ ﺩﻓﻌﺘﻬﺎ ﻭﻻ ﺗﺴﺒﺒﺖ ﺑﺪﻓﻌﻬﺎ ..
ﻫﺰﻳﺖ ﺭﺍﺳﻲ ﺑﺄﺳﻒ ﺗﻤﺘﻤﺖ ؛ ﺍﻟﻠﻪ ﻳﻤﻬﻞ ﻭﻻ ﻳﻬﻤﻞ ﺍﻧﺘﻈﺮﻱ ﺟﺰﺍﺋﺞ ﻣﻦ ﺍﻟﻠﻪ ﺍﻧﻲ ﺑﻌﺪ ﻣﺎﻟﻲ ﺷﻐﻞ ﺑﻴﺞ ..
... ﻓﻌﺘﻬﺎ ﻭﻃﻠﻌﺖ ﻣﺘﻨﺪﻡ ﻳﺎﺭﻳﺘﻨﻲ ﻣﺎﺣﻠﻔﺘﻬﺎ ﺑﺠﻬﺎﻟﻬﺎ ﻣﺎ ﺍﻟﻬﻢ ﺫﻧﺐ ﺑﺲ ﺍﻟﻐﻀﺐ ﺍﻟﻲ ﺑﺪﺍﺧﻠﻲ ﻃﻐﻰ ﻋﻠﻴﻪ ..
ﻫﺪﺃﺕ ﺷﻮﻳﺔ ﻧﺰﻟﺖ ﻟﻠﺴﻮﻙ ﺍﺧﺬﺕ ﻣﺴﻮﺍﮒ ﻭﻣﻌﻼﻙ ﺷﻮﻳﺘﻪ ﻭﺭﺣﺖ ﻟﺒﻴﺖ ﻋﻤﻲ ﺗﺤﺴﻴﻦ ..
ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﻋﻤﻲ ﺳﻠﻤﺖ ﻋﻠﻴﻪ ﻭﺩﺧﻠﺖ ﺟﻮﻩ
ﻛﺎﻝ ﺍﻟﻠﻪ ﻳﻌﻮﺿﻜﻢ ﻭﻟﺘﻀﻮﺝ ﻣﻦ ﺣﺠﻲ ﺯﻫﺮﺍﺀ ﺃﻡ ﻭﻣﺤﺮﻭﮒ ﮔﻠﺒﻬﺎ ﺍﻋﺬﺭﻫﺎ ﺗﺮﻯ ﻫﻲ ﺗﺤﺒﻚ ...
_ ﺍﻋﺮﻑ ﻋﻤﻲ ﺣﻘﻬﺎ ﻭﻋﺎﺫﺭﻫﺎ ..
ﺍﺳﺘﺄﺫﻧﺖ ﻣﻦ ﻋﻤﻲ ﻭﺩﺧﻠﺖ ﻟﻐﺮﻓﺘﻬﺎ ﻟﻜﻴﺖ ﻋﺒﻴﺮ ﻣﺘﻤﺪﻩ ﻳﻤﻬﺎ ﺷﺎﻓﺘﻨﻲ ﻃﻔﺮﺕ ﺳﻠﻤﺖ ﻭﻃﻠﻌﺖ ﺍﻣﺎ ﺯﻫﺮﺍﺀ ﺟﺎﻧﺖ ﻧﺎﻳﻤﻪ ﻭﻭﺟﻬﺎ ﺍﺻﻔﺮ ﺗﻌﺒﺎﻥ ﺑﺴﺘﻬﺎ ﺑﻜﺼﺘﻬﺎ ﻓﺰﺕ ﺑﺎﻭﻋﺘﻠﻲ ﻭﺑﺮﻃﻤﺖ
ﻫﻤﺴﺘﻠﻬﺎ : ﻟﺘﺒﺠﻴﻦ ﻳﺎﺭﻭﺡ ﺻﻔﺎﺀ ﻭﻓﺮﺣﺘﻪ ﻭﺍﻟﻠﻪ ﺑﺲ ﺗﺼﻴﺮﻳﻦ ﺯﻳﻨﺔ ﺃﺣﺒﻠﺞ ﺑﺘﻮﺃﻡ
_ ﺟﺬﺍﺍﺍﺏ ﻭﺧﺮﺭﺭ ﻋﻨﻲ ..
_ ﻫﺎ ﻣﺴﺘﻌﺠﻠﻪ ﺗﺮﻳﺪﻳﻦ ﻫﺴﻪ ﻟﺞ ﻣﻮ ﺯﻳﻦ ﻫﺴﻪ ﻻﺯﻡ ﺗﻄﻴﺒﻴﻦ ﻳﻼ ﻧﺪﺍﻫﻢ ﺍﻟﻐﺎﺭ
ﺿﺤﻜﺖ ...
: ﺍﻱ ﺍﺿﺤﻜﻲ ﻭﺍﻟﻠﻪ ﻳﻌﻮﺿﻨﺎ ﻳﻼ ﺃﻛﻌﺪﻱ ﺍﻛﻠﻲ ﺟﺒﺘﻠﺞ ﻣﻌﻼﻙ
_ ﻻﺍ ﻣﺎﺍﺣﺒﻪ ﺻﻔﺎﺀ ﺗﻠﻌﺐ ﻧﻔﺴﻲ
_ ﻣﺎﻛﻮ ﺗﻠﻌﺐ ﻧﻔﺴﺞ ﻏﺼﺒﺎً ﻋﻠﻴﺞ ﺗﺎﻛﻠﻴﻦ ﺧﺴﺮﺗﻲ ﻫﻮﺍﻱ ﺩﻡ ﻳﻼ ﻋﻤﺮﻱ ﻛﻮﻣﻲ ...
_ ﺍﻱ ﺑﺲ ﺗﺄﻛﻞ ﻭﻳﺎﻳﻪ ﺃﻛﻴﺪ ﺍﻧﺖ ﻟﻬﺴﻪ ﻉ ﺍﻟﺮﻳﻮﻙ
_ ﻣﻴﺨﺎﻟﻒ ﺃﻛﻞ ﻭﻳﺎﺝ ﻓﺪﻳﺖ ﺍﻟﻲ ﺑﺎﻟﻬﺎ ﻳﻤﻲ ﻭﺗﻔﻜﺮ ﺑﻴﻪ ..
ﻛﻤﺖ ﻓﺘﺤﺖ ﺍﻟﺒﺎﺏ ﺻﺤﺖ ﻉ ﻋﺒﻴﺮ ﺟﺎﺑﺖ ﺍﻻﻛﻞ ﻭﻣﺴﻮﻳﻪ ﻋﺼﻴﺮ ﻭﻛﺮﻓﺲ ﺍﻧﻄﺘﻨﻲ ﺍﻻﻛﻞ ﻭﺭﺍﺣﺖ
ﺑﺎﻟﻜﻮﺓ ﺟﺒﺮﺗﻬﺎ ﺗﺄﻛﻞ ﺳﺄﻟﺘﻬﺎ : ﺯﻫﺮﺍﺀ ﺷﺒﻴﻬﺎ ﺍﺧﺘﺞ
_ ﻣﻨﻮ ﻣﻨﻬﻢ؟
_ ﻋﺒﻴﺮ ﺷﻮ ﻣﻮ ﻋﻠﻰ ﺑﻌﻀﻬﺎ
_ ﻫﺎ ﻫﻴﺞ ﻋﻠﻰ ﻣﻮﺿﻮﻉ ﺧﻄﻮﺑﺘﻬﺎ ﻣﻮ ﺗﻔﺮﻛﺶ ﻛﻮﻟﺸﻲ
_ ﺍﻱ ﺍﺩﺭﻱ ﺳﻮﻟﻔﺘﻴﻠﻲ
_ ﺍﻱ ﻫﻲ ﻋﻠﻴﻪ ﻭﻛﺮﺍﺭ ﻛﻞ ﻣﻴﺸﻮﻓﻬﺎ ﻳﺮﺯﻟﻬﺎ ﻭﻫﺴﻪ ﻫﻲ ﺭﺍﺣﺖ ﺳﺎﺩﺱ ﻭﺑﺪﺕ ﺧﺼﻮﺻﻲ ﻭﺷﻮ ﺿﺎﺭﺑﻪ ﺍﻟﺪﻧﻴﺎ ﻋﺮﺽ ﺍﻟﺤﺎﻳﻂ ﻭﻟﻮ ﺳﺎﻋﺎﺕ ﻣﺎﻣﺎ ﺗﻜﻮﻝ ﺗﻠﻜﺎﻫﺎ ﺗﺒﺠﻲ ﻭﻣﺘﻌﺮﻑ ﺷﺘﺮﻳﺪ
_ ﺧﺎﻑ ﺗﺮﻳﺪ ﺗﺮﺟﻊ ﻟﻘﺴﻮﺭ
_ ﻻ ﻣﻮ ﺍﺟﻪ ﻋﻤﻮ ﻋﺒﺪ ﺍﻟﻠﻄﻴﻒ ﻭﺳﺄﻟﻬﺎ ﻭﻛﻌﺪ ﻭﻳﺎﻫﺎ ﻉ ﺍﻧﻔﺮﺍﺩ ﻣﺎﻛﻮ ﻗﺎﻓﻠﻪ
_ ﻋﻮﻓﻮﻫﺎ ﺑﺮﺍﺣﺘﻬﺎ ﻟﺘﻀﻐﻄﻮﻥ ﻋﻠﻴﻬﺎ ..
_ ﺍﻱ ﻫﻴﻪ ﺑﺮﺍﺣﺘﻬﺎ ﻣﺤﺪ ﺿﺎﻏﻂ ﻋﻠﻴﻬﺎ ﺑﺲ ﻫﻴﻪ ﻣﺪﺭﻱ ﺷﺒﻴﻬﺎ ﺿﺎﻳﺠﺔ ..
_ ﻳﻠﻪ ﻣﺘﺮﻭﺣﻴﻦ ﻭﻳﺎﻳﻪ ؟
_ ﻻﻻ ﺧﻠﻴﻨﻲ ﻫﻨﺎﻧﻪ ﺍﺭﺗﺎﺡ ﻭﺍﺭﺟﻊ ..
_ ﺑﺮﺍﺣﺘﺞ .. ﺑﻮﺳﺘﻬﺎ ﻭﺍﺧﺬﺕ ﺍﻳﺪﻫﺎ ﺷﻔﺘﻬﺎ ﻣﺸﺪﻭﺩﺓ ﺳﺄﻟﺘﻬﺎ ﺑﻌﺪﻫﺎ ﺗﻮﺟﻌﺞ ؟
ﺑﺤﺰﻥ ﺭﺩﺕ ﻛﻞ ﺷﻲ ﻳﻮﺟﻌﻨﻲ ...
ﺭﺟﻌﺖ ﻛﻌﺪﺕ ﻳﻤﻬﺎ ﻉ ﺍﻟﺠﺮﺑﺎﻳﺔ ﺩﺍﺧﻠﻲ ﺭﺍﺳﻬﺎ ﻋﻠﻰ ﺻﺪﺭﻱ ﻋﺎﻃﺖ ﺍﺧﺨﺦ .
ﺭﻗﻘﺖ ﻟﻤﺴﺘﻲ ﻭﺑﺴﺘﻬﺎ ﻋﻠﻰ ﺭﺍﺳﻬﺎ ﻭﺧﺪﻭﺩﻫﺎ
ﺳﺄﻟﺘﻬﺎ ؛ ﺍﺑﻘﻰ ﻳﻤﺞ ؟
ﻫﺰﺕ ﺭﺍﺳﻬﺎ ﻭﺟﺎﻭﺑﺖ ﺑﻨﻔﻲ ﻻ ﺻﻔﺎﺀ ﻻﺍ ﺭﻭﻭﺡ .
ﺭﺟﻌﺖ ﺑﺴﺘﻬﺎ ﻭﻃﻮﻟﺖ ﺑﻮﺳﺘﻲ ﻭﺍﺗﻨﻔﺴﺘﻬﺎ ﻭﺩﺍﺧﻠﻲ ﻳﺤﻤﻞ ﻛﻞ ﻗﻬﺮﺭﺭ ﺍﻟﻜﻮﻭﻥ ..
ﻃﻠﻌﺖ ﻣﻦ ﻳﻤﻬﺎ ﺑﺼﻤﺖ ، ﺳﻠﻤﺖ ﻋﻠﻰ ﺑﻴﺖ ﻋﻤﻲ ﻭﺭﺟﻌﺖ ﻟﻠﺒﻴﺖ ﻃﻠﻌﺖ ﻣﻼﺑﺲ ﺍﻟﻄﻔﻞ ﻭ ﻭﻳﺎﻧﻪ ﻣُﻌﻴﻦ ﺯﻭﺟﺘﻪ ﺣﺎﻣﻞ ﻭﺣﺎﻟﺘﻬﻢ ﺗﻌﺒﺎﻧﻪ ﻛﻠﺖ ﺑﺎﺟﺮ ﺍﻧﻄﻴﻬﻴﺎ ﺑﺎﻟﺪﻭﺍﻡ ﻟﻔﻴﺖ ﺭﺍﺳﻲ ﻭﺣﺎﻭﻟﺖ ﺍﻧﺎﻡ
ﻛﺮﺍﺭ : ﺭﺟﻌﺖ ﻟﻠﺒﻴﺖ ﺗﻔﺎﺟﺌﺖ ﺷﻔﺖ ﻣﻬﺎ ﺑﺎﻟﺒﻴﺖ ﻛﺎﻋﺪﺓ ﻳﻢ ﺍﻣﻲ ، ﺧﺰﺭﺗﻬﺎ ﺩﻧﻜﺖ ﻭﻇﻠﺖ ﺗﻌﺼﺮ ﺑﺄﺻﺎﺑﻌﻬﺎ .
ﺍﺟﺖ ﺍﻣﻲ ﺑﺎﺗﺠﺎﻫﻲ .. ﺍﻟﻠﻪ ﻳﺴﺎﻋﺪﻙ ..
ﺟﺎﻭﺑﺖ ﺍﻣﻲ ﻭﻧﻈﺮﺍﺗﻲ ﺑﺎﺗﺠﺎﻫﻪ ﻣﺸﺘﻌﻠﺔ ﺑﻐﻀﺐ ..
ﻛﺎﻝ ﻳﻮﻡ ﻣﺮﺗﻚ ﻋﺮﻓﺖ ﺧﻄﺌﻬﺎ ﻭﺍﻟﻲ ﻓﺎﺕ ﻣﺎﺕ ﻫﺴﻪ ﺍﺧﺬﻫﺎ ﻓﻮﻙ ﻭﺍﺗﻔﺎﻫﻤﻮﺍ ﻭﻛﺎﻓﻲ ﺯﻋﻞ ﺍﻧﺘﻪ ﺗﺤﺒﻬﺎ ﻭﻫﻴﻪ ﺗﺤﺒﻚ ﻭﻣﺎﻟﻬﺎ ﺩﺍﻋﻲ ﻛﻞ ﻫﺬﺍ ﺍﻟﻲ ﺩﺗﺴﻮﻱ .
ﺳﺄﻟﺘﻬﺎ ؛ ﻣﻨﻮ ﺟﺎﺑﻬﺎ ؟
ﻣﺪﺭﻱ ﻣﻨﻴﻦ ﻃﻠﻊ ﺍﺑﻮﻳﻪ ﻭﺟﺎﻭﺑﻨﻲ ﻋﻠﻰ ﺳﺆﺍﻟﻲ ؛ ﺍﻧﻲ ﺟﺒﺘﻬﺎ ﻋﻨﺪﻙ ﺍﻋﺘﺮﺍﺽ ..
ﺳﻜﺘﺖ ﻭﺑﻌﺪﻫﺎ ﻧﻈﺮﺍﺗﻲ ﻋﻠﻴﻬﺎ
ﺍﺑﻮﻳﻪ ﻛﺎﻝ ﺍﺧﺬﻫﺎ ﻭﺣﻠﻮ ﻣﺸﺎﻛﻠﻜﻢ ﻭﻛﺎﻓﻲ ﺯﻋﻞ ﻣﺎﺗﺴﻮﻯ .
ﻫﺰﻳﺖ ﺭﺍﺳﻲ ﻭﺑﻌﺪﻧﻲ ﻣﻌﺼﺐ ﺗﻮﺟﻬﺖ ﻟﻴﻤﻬﺎ ﺣﺠﻴﺖ ﻣﻦ ﺑﻴﻦ ﺍﺳﻨﺎﻧﻲ ؛ ﻛﻮﻣﻲ ﻛﺪﺍﻣﻲ ﻭﺻﻌﺪﻱ ﻓﻮﻙ .
ﺭﻓﻌﺖ ﺭﺍﺳﻬﺎ ﻭﻋﻴﻮﻧﻬﺎ ﺗﻌﺒﺎﻧﺔ ﻭﻣﻘﻬﻮﺭﺓ ﻭﺗﺘﻮﺳﻞ
_ ﺍﺣﻠﻒ ﻛﺮﺍﺭ ﻣﺎ ﺗﺄﺫﻳﻨﻲ ؟
ﺍﺑﻮﻳﻪ ﺟﺎﻭﺑﻬﺎ ﺷﺤﺪﻩ ﻳﺄﺫﻳﺞ ﺑﺎﺑﺎ ﻛﻮﻣﻲ ﻭﻳﺎﻩ ﻭﺗﻔﺎﻫﻤﻮﺍ ﻋﻠﻰ ﻛﻴﻔﻜﻢ ﻭﺍﺳﺘﻔﺎﺩﻱ ﻣﻦ ﺍﺧﻄﺎﺋﺞ ﻭﺑﻌﺪ ﻻ ﺗﻜﺮﺭﻳﻬﺎ .
ﻛﺎﻣﺖ ﻣﺜﻞ ﺍﻟﻤﺠﺒﻮﺭﺓ ﻭﺧﺎﻳﻔﺔ ، ﺍﺷﺮﺗﻠﻬﺎ ﺑﻴﺪﻱ ﻳﻠﻪ ﻓﻮﺗﻲ
ﻓﺎﺗﺖ ﻗﺒﻠﻲ ﻭﺍﻧﻲ ﻭﺭﺍﻫﺎ ، ﺻﻌﺪﻧﺎ ﻟﻐﺮﻓﺘﻨﺎ ﻓﺘﻨﻪ ﻭﺳﺪﻳﺖ ﺍﻟﺒﺎﺏ ﺑﻘﺖ ﺟﺎﻣﺪﺓ ﺑﻤﻜﺎﻧﻬﺎ ﻋﺒﺎﻟﻚ ﺗﺎﻳﻬﺔ ﻭﻣﺘﻨﺪﻝ ﺷﻲ ﻭﻣﺒﻴﻨﻪ ﺍﻃﺮﺍﻓﻬﺎ ﺩﺗﺮﺟﻒ ﻭﺧﺎﻳﻔﺔ ..
ﺭﺣﺖ ﺻﺮﺕ ﻛﺒﺎﻟﻬﺎ ؛ ﺷﻮﻓﻲ ﻟﺞ ﺧﻄﺞ ﻫﺴﻪ ﺗﻜﺴﺮﻱ ﻣﻮﺑﺎﻳﻞ ﺑﻌﺪ ﻣﺎﻛﻮ ﺗﺨﺎﺑﺮﻳﻦ ﺍﻫﻠﺞ ﻣﻦ ﻣﻮﺑﺎﻳﻠﻲ ﺑﻨﺖ ﺧﺎﻟﺞ ﺍﺫﺍ ﻋﺮﻓﺖ ﻋﻨﺪﺝ ﺗﻮﺍﺻﻞ ﻭﻳﺎﻫﺎ ﻫﺎﻱ ﺍﻟﻲ ﺍﻟﻠﻪ ﻛﺘﺒﻬﺎ ﻋﻠﻴﺞ ﻭﻣﻮﺿﻮﻉ ﺍﻟﻄﻔﻞ ﺍﺫﺍ ﻋﺪﺗﻲ ﺃﺑﺘﻠﻲ ﺑﻴﺞ ﻣﻮ ﺩﺗﻮﻟﻴﻦ ﻟﻠﺪﻛﺘﻮﺭﺓ ﻭﺗﺎﺧﺬﻳﻦ ﻋﻼﺝ ﻟﻮ ﺍﻻ ﺗﺼﺨﻤﻴﻦ ﻭﺟﻬﺞ ﻭﺗﺼﻴﺮﻳﻦ ﺣﺪﺍﺩ ﺑﺮﺍﺳﻲ
_ ﻛﻞ ﺍﻟﻲ ﺗﺮﻳﺪﻩ ﻳﺼﻴﺮ ﻓﺪﻭﺓ ﺣﺒﺎﺏ ﻛﺮﺍﺭ ﻏﻠﻄﺔ ﻭﻣﺘﺘﻜﺮﺭ ..
ﺗﺮﻛﺘﻬﺎ ﻭﺭﺣﺖ ﺑﺪﻟﺖ ﻣﻼﺑﺴﻲ ، ﻭﺗﻮﺟﻬﺖ ﻟﻠﺴﺮﻳﺮ ﺍﺭﻳﺪ ﺍﻧﺎﻡ ﻟﻬﺴﺔ ﺣﺎﻗﺪ ﻋﻠﻴﻬﺎ ﻳﻤﻜﻦ ﻟﻮ ﻣﺎ ﻣﺨﺎﻓﺔ ﺍﻟﻠﻪ ﺟﺎﻥ ﺟﻨﺰﺗﻬﺎ ﺑﺲ ﻟﻌﻨﺖ ﺍﻟﺸﻴﻄﺎﻥ ﻭﻫﻲ ﻇﻠﺖ ﺗﻨﻚ ﻓﻮﻙ ﺭﺃﺳﻲ
ﻛﺮﺍﺭ ﺗﺮﻳﺪ ﻏﺪﻩ ﺍﺧﻠﻴﻠﻚ .. ؟ ﻛﺮﺍﺭ ﺍﺻﺒﻠﻚ ﺟﺎﻱ ، ﺗﺮﻳﺪ ﺷﻲ ؟
ﻭﺧﺮﺕ ﺍﻟﻐﻄﻪ ﻭﻋﻄﺖ ﺑﻴﻬﺎ ..
_ ﺑﺴﺴﺴﺴﺴﺲ ﻟﺘﺤﺠﻴﻦ ﻭﻣﺎﺭﻳﺪ ﻣﻨﺞ ﺷﻲ
ﺃﺳﻜﺘﻲ ﺍﺭﻳﺪ ﺍﻧﻄﻤﺮﺭﺭﺭ ﺗﻌﺒﺎﺍﺍﺍﺍﻥ
ﺧﻠﺖ ﺃﻳﺪﻫﺎ ﻉ ﺣﻠﻜﻬﺎ ﻭﺩﺧﻠﺖ ﺑﺎﻟﻔﺮﺍﺵ ﻭﺍﺳﻤﻊ ﺑﺲ ﺻﻮﺕ ﺷﻬﻜﺎﺗﻬﺎ ..
ﻋﻔﺘﻬﺎ ﻭﻃﻠﻌﺖ ﺑﺮﺍ ﺍﻟﻐﺮﻓﻪ ...
ﻣﺮﺓ ﺍﻳﺎﻡ ﺑﻘﻴﺖ ﺍﻋﺎﻣﻠﻬﺎ ﺑﺒﺮﻭﺩ ﻭﻣﺮﺍﺕ ﻋﺼﺒﻴﺔ ، ﺗﻤﺮﺿﺖ ﻻﻥ ﺃﺑﺘﻌﺪﺕ ﻋﻨﻬﺎ ﻭﻋﺎﻣﻠﺘﻬﺎ ﺑﻘﺴﻮﺓ ﻇﻠﺖ ﺗﺎﻛﻞ ﺷﻲ ﻗﻠﻴﻞ ﻭﻣﺮﺍﺕ ﻣﺘﺎﻛﻞ ، ﺣﺠﻲ ﻣﺘﺤﺠﻲ ﺍﺑﺪ ﻭﺍﻧﻲ ﻣﻐﻠﺲ ﻋﻨﻬﺎ ..
ﻓﺪﻳﻮﻡ ﺭﺟﻌﺖ ﻟﻠﺒﻴﺖ ﺻﻌﺪﺕ ﻟﻠﻐﺮﻓﺔ ﻟﻜﻴﺘﻬﺎ ﻧﺎﻳﻤﺔ ..
ﺑﺪﻟﺖ ﻭﺷﻜﺪ ﺗﺤﺮﻛﺖ ﺑﺎﻟﻐﺮﻓﺔ ﻭﻫﻴﻪ ﻣﺎﻛﻮ ﺣﺘﻰ ﻣﺎﺗﺤﺮﻛﺖ ..
ﻧﺰﻟﺖ ﺳﺄﻟﺖ ﺃﻣﻲ ﻋﻠﻴﻬﺎ ﻛﺎﻟﺖ ﺗﺮﻳﻜﺖ ﻭﺭﺟﻌﺖ ﻧﺎﻣﺖ ﺗﻜﻮﻝ ﻣﺎﻟﻲ ﺧﻠﻚ ﻭﺍﻧﺘﻪ ﻫﻢ ﻋﻠﻰ ﻛﻴﻔﻚ ﻭﻳﺎﻫﺎ ﻳﺎ ﺍﻣﻲ ﻣﻴﺼﻴﺮ ﻫﻴﺞ ﻛﺎﻓﻲ ﻓﻜﻚ ﺻﺎﺭ ﺷﻜﺪ ﻋﻠﻰ ﻫﺎﻟﺴﺎﻟﻔﺔ ﻭﺍﻧﺖ ﻣﺎﻧﺴﻴﺘﻬﺎ ﻭﺑﻌﺪﻳﻦ ﻫﻴﻪ ﺭﺍﺩﺕ ﺗﺮﻭﺡ ﻣﺎﺭﺍﺣﺖ ﺍﺻﻼ ﻛﺎﻓﻲ ﺗﻌﺬﺑﻬﺎ ..
ﻫﺰﻳﺖ ﺭﺍﺳﻲ ﺑﺘﻔﻬﻢ ﻭﺻﻌﺪﺗﻠﻬﺎ ، ﺑﺎﻭﻋﺖ ﺑﻮﺟﻬﻪ ﻧﺎﻳﻤﻪ ﻭ ﻣﺒﻴﻦ ﺑﺎﺟﻴﻪ ﺟﻔﻮﻧﻬﺎ ﻭﻫﻴﻪ ﻣﺴﺪﻭﺩﺓ ﻣﺒﻴﻨﺔ ﺣﻤﺮﺓ ..
ﻛﻌﺪﺗﻬﺎ ﻣﻦ ﺍﻟﻨﻮﻡ .. ﺳﺄﻟﺘﻬﺎ ﺷﺒﻴﺞ
ﺟﺎﻭﺑﺖ ﺑﺘﻌﺐ ﻭﻗﻬﺮ ؛ ﻣﺎﺑﻴﻪ ﺗﻌﺒﺎﻧﻪ ﺃﺭﻳﺪ ﺍﺭﻭﺡ ﻻﻫﻠﻲ
_ ﻻ ﻣﺎﻛﻮ ﺭﻭﺣﻪ ﻻﻫﻠﺞ ﻭﻛﻮﻣﻲ ﺑﺪﻟﻲ ﺍﺧﺬﺝ ﻟﻠﺪﻛﺘﻮﺭ ﻭﺿﻌﺞ ﻣﺎﻋﺎﺟﺒﻨﻲ
_ ﻣﺎﺍﺭﻳﺪ ﺍﺭﻭﺡ ﻛﻮﻟﺸﻲ ﻣﺎﺭﻳﺪ ..
_ ﻻﻻ ﺗﺮﻳﺪﻳﻦ ﺑﺴﺮﻋﻪ ﻛﻮﻣﻲ ﻳﻼ ﺍﺳﺒﺢ ﻭﺍﻃﻠﻊ ﺍﻟﻜﺎﺝ ﻣﻐﻴﺮﻩ ﻣﻼﺑﺴﺞ ﻣﻔﻬﻮﻭﻭﻡ؟
ﺗﺮﻛﺘﻬﺎ ﻭﺩﺧﻠﺖ ﻟﻠﺤﻤﺎﻡ ﻃﻠﻌﺖ ﻟﻜﻴﺘﻬﺎ ﺩﺗﺒﺪﻝ ﺣﺮﻛﺘﻬﺎ ﺑﻄﻴﺌﺔ ...
ﺍﺧﺬﺗﻬﺎ ﻟﻠﺪﻛﺘﻮﺭ ﻃﻠﺐ ﻣﺠﻤﻮﻋﻪ ﺗﺤﺎﻟﻴﻞ ﺳﻮﻳﻨﺎﻫﺎ ﻭﻫﻲ ﻣﺘﻤﻠﻤﻠﻪ ﻭﻣﺎﻟﻬﺎ ﺧﻠﮓ ، ﺍﻟﺪﻛﺘﻮﺭ ﻛﺎﻝ ﺭﻭﺣﻮﺍ ﻟﺪﻛﺘﻮﺭﺗﻬﺎ ﺭﺣﻨﺎﻟﻬﺎ ﻫﻲ ﻭﻳﺎﻩ ﻧﻔﺲ ﺍﻟﻤﺠﻤﻊ
ﻃﻠﺒﺖ ﺗﺤﻠﻴﻞ ﺣﻤﻞ ﺳﻮﺗﻪ ﻭﻛﻌﺪﻧﺎ ﻧﻨﺘﻈﺮ
ﻣﻬﺎ : ﻳﻌﻨﻲ ﻫﺴﻪ ﻣﻦ ﺳﻮﻳﻨﺎ ﻛﻞ ﻫﺎﻟﺘﺤﺎﻟﻴﻞ ﻭﻃﻠﻊ ﻣﺎﺑﻴﻪ ﺷﻲ ﺍﺭﺗﺎﺣﻴﺖ ﻣﻦ ﺻﺮﻓﺖ ﻫﻠﻜﺪ ﻓﻠﻮﺱ ﻉ ﺷﻲ ﻣﻮ ﺿﺮﻭﺭﻱ
_ ﺍﻱ ﺍﺭﺗﺎﺣﻴﺖ ﺍﻧﺘﻲ ﻣﻌﻠﻴﺞ ﻣﺼﺎﺭﻑ ﻣﻦ ﺟﻴﺐ ﺍﺑﻮﺝ
_ ﺍﺳﻜﺖ ﻋﻨﻚ ﺍﺣﺴﻦ ﺍﺣﺎﺟﻴﻚ ﺣﺠﺎﻳﺔ ﻭﺣﺪﺓ ﺗﺮﺟﻊ ﺍﻟﺤﺠﺎﻳﻪ ﻋﻠﻴﻪ ﺑﻌﺸﺮﻩ .
_ ﺍﻱ ﺍﺣﺴﻦ ﻟﻮ ﺗﺴﺪﻳﻦ ﺑﻮﺯﺝ ﻭﺗﺴﻜﺘﻴﻦ ..
ﺻﺎﺣﻮﺍ ﺃﺳﻤﻬﺎ ﺭﺣﺖ ﺟﺒﺖ ﺍﻟﺘﺤﻠﻴﻞ ﻃﻠﻌﺖ ﺣﺎﻣﻞ ، ﻃﺮﺕ ﻣﻦ ﺍﻟﻔﺮﺡ ﺑﻠﺤﻈﺘﻬﺎ ﻋﻠﻤﻮﺩﻫﺎ ﻻﻥ ﺣﺘﺘﺨﺒﻞ ﻭﻫﻢ ﻓﺮﺣﺖ ﺣﺼﻴﺮ ﺍﺏ ..
ﺭﺣﺖ ﻳﻤﻬﺎ ﻛﻮﻣﺘﻬﺎ ﻭﺍﻧﻲ ﺍﺿﺤﻚ ﻫﻤﺴﺘﻠﻬﺎ : ﻫﺬﺍ ﺣﺘﻰ ﺍﻟﻄﻔﻞ ﺧﺎﻑ ﻣﻦ ﺍﻟﺴﺤﺮ ﻛﺎﻝ ﺧﻠﻲ ﺍﺷﻜﻞ ﺍﺣﺴﻦ ﻣﻦ ﻣﺎﻳﺴﻤﻄﻮﻧﻲ ﺑﺴﺤﺮ ﻳﺸﻌﻠﻮﻥ ﺍﻫﻞ ﺍﻫﻠﻲ
_ ﺷﻨﻮ ﻃﻔﻞ ؟ ﻛﺮﺍﺭ ﺃﻧﻲ ﺣﺎﻣﻞ ﻛﻤﺖ ﺍﺿﺤﻚ
_ ﺩﻣﺸﻲ ﻧﺸﻮﻑ ﺍﻟﺪﻛﺘﻮﺭﺓ ﺩﺧﻠﻨﺎ
ﻛﺎﻟﺖ ﻣﺎﻣﺎ ﺃﻧﺘﻲ ﺣﺎﻣﻞ ﺷﻬﺮﻳﻦ ﻭﻧﺺ ﺷﻠﻮﻥ ﻣﺤﺴﻴﺘﻲ
ﺟﺎﻭﺑﺘﻬﺎ : ﺍﻱ ﺩﻛﺘﻮﺭﺓ ﻣﻮ ﻫﻲ ﻛﻞ ﻣﺮﺓ ﺗﻐﻴﺐ ﻭﺑﻌﺪﻳﻦ ﺗﺠﻲ ﻓﻤﺎ ﺧﻠﻴﺖ ﺑﺒﺎﻟﻲ ﻭﻧﻔﺲ ﺍﻻﻋﺮﺍﺽ ﺑﺎﻟﻀﺒﻂ ..
ﻛﺘﺒﺘﻠﻬﺎ ﻣﻘﻮﻳﺎﺕ ﻭﺭﺟﻌﻨﺎ ﻟﻠﺒﻴﺖ ﻟﻜﻴﻨﺎ ﺧﺎﻟﺘﻬﺎ ﻳﻤﻨﺎ ﺑﺎﻭﻋﻠﺘﻬﺎ : ﺍﻛﻠﺞ ﺷﻌﺪﻫﺎ ﺧﺎﻟﺘﺞ ﻳﻤﻨﻪ ﺷﻨﻮ ﺷﻤﺖ ﺧﺒﺮ
_ ﻭﺍﻟﻠﻪ ﻣﻜﻠﺘﻠﻬﺎ
_ ﺍﻋﺮﻑ ﺑﺲ ﺧﺎﻑ ﻭﺍﻓﻘﺖ ﻉ ﺍﻟﻔﻼﺡ ﻭﺟﺎﻳﻪ ﺗﺮﺟﻊ ﻣﻮﺍﻓﻘﻪ
ﺿﺤﻜﺖ ﻣﻬﺎ ﻭ ﻧﺰﻟﻨﺎ ﺳﻠﻤﻨﺎ ..
ﺭﺣﺖ ﻳﻤﻬﺎ ﺣﺠﻴﺖ ﺑﻤﻜﺮ ؛ ﻫﺎ ﺧﺎﻟﻪ ﺍﻟﻴﻮﻡ ﺟﺎﻳﻪ ﺗﺮﺟﻌﻴﻦ ﻣﻮﺍﻓﻘﻪ ﻣﻮ
_ ﻣﻮﺍﻓﻘﺘﻴﺶ ﻳﻤﻪ
_ ﻉ ﺍﻟﻌﺮﻳﺲ ﻏﻴﺮ ...
ﺧﺎﻟﺔ ﻣﻬﺎ ﻓﺘﺤﺖ ﺣﻠﻜﻬﺎ ﺑﺼﺪﻣﺔ ؛ ﻳﺎﺍ ﺷﻮﻑ ﺍﻟﺨﺒﻴﺚ ﻣﺘﺠﻮﺯ ﻣﻦ ﺳﻮﺍﻟﻔﻚ ﺍﻧﺘﻪ ..
ﺍﻟﺘﻔﺘﺖ ﻋﻠﻰ ﻣﻬﺎ ﻫﻤﺴﺖ ﺷﻮﻓﻴﻬﺎ ﺷﻠﻮﻥ ﻭﺟﻬﻪ ﻭﺭﺩ ﺍﻛﻠﺞ ﻣﻬﺎ ﺣﻮﺍﺟﺐ ﺧﺎﻟﺘﺞ ﻣﺜﻞ ﺍﻟﻤﻜﻨﺎﺳﺔ ﻣﺎﻝ ﺍﻟﺴﻌﻒ
ﺿﺤﻜﺖ ﻣﻬﺎ ﺑﺼﻮﺕ ﻋﺎﻟﻲ ﻭﺧﺎﻟﺘﻬﺎ ﺍﻧﺘﺒﻬﺖ
ﻛﻤﺖ ﻛﺮﺻﺘﻬﺎ .. ﺗﻮﺟﻌﺖ ﻭﻇﻠﺖ ﺗﻔﺮﻙ ﻣﻜﺎﻥ ﺍﻟﻜﺮﺻﺔ ..
ﺍﻣﻲ ﻟﺰﻣﺖ ﺧﺎﻟﺘﻬﺎ ﻋﻠﻰ ﺍﻟﻌﺸﻪ ﻣﻘﺒﻠﺖ ﺗﺒﻘﻰ ﺭﺍﺣﺖ ﻭﺻﻠﻨﺎﻫﻪ ﻟﻠﺒﺎﺏ ﻭﺭﺟﻌﻨﻪ ..
ﺍﻣﻲ ﺳﺄﻟﺘﻨﺎ ﺑﺸﺮﻭﺍ ﺷﺒﻴﻬﺎ ﻣﻬﺎ ﺷﻄﻠﻊ ﻋﺪﻫﺎ ؟
ﺟﺎﻭﺑﺘﻬﺎ ﻣﻬﺎ ﺍﻡ ﺍﻟﺴﺤﻮﺭﺓ ﺣﺎﻣﻞ ﺣﺘﺠﻴﺒﻠﻨﺎ ﻭﻟﺪ ﻣﻦ ﺍﻟﺴﺤﻮﺭﺓ ..
ﺍﻣﻲ ﺟﺎﻭﺑﺖ ﺑﺮﻓﺾ ؛ ﻟﻚ ﺣﺘﻰ ﻣﻠﺤﻜﺖ ﺭﻭﺣﻲ ﺍﺳﻜﺖ ﻻﺗﻠﺰﻛﻠﻬﺎ ﻣﺒﺮﻭﻙ ﻳﻮﻭﻡ ﻭﺍﻥ ﺷﺎﺀﺍﻟﻠﻪ ﺍﻟﻠﻪ ﻳﺴﻬﻠﻠﻬﺎ
ﻭ ﻣﻦ ﺍﻟﻴﻮﻡ ﺗﻨﺰﻟﻮﻥ ﺗﻨﺎﻣﻮﻥ ﺟﻮﺍ ﻭﺑﻌﺪ ﻣﻤﻨﻮﻉ ﺗﺸﺘﻐﻠﻴﻦ
: ﺍﻱ ﺣﺠﻴﻪ ﻣﻤﻨﻮﻉ ﺗﺸﺘﻐﻞ ﺷﻐﻞ ﺍﻟﺒﻴﺖ ﺑﺲ ﻋﺎﺩﻱ ﺗﺸﺘﻐﻞ ﻳﻤﻲ
_ ﺷﻐﻠﻴﺶ ﻣﺎﻣﺎ
_ ﻣﺜﻞ ﺷﻐﻠﺞ ﺃﻧﺘﻲ ﻭﺍﺑﻮﻳﻪ ﻣﻦ ﻃﻠﻌﺘﻮﻧﻲ ﻫﻬﻬﻬﻬﻬﻬﻬﻪ
_ ﻻﻳﺎ ﺳﺎﻓﻞ ﺷﻮﻛﺖ ﻳﺼﻴﺮ ﺑﺮﺃﺳﻚ ﺧﻴﺮ ﺍﻧﺖ
_ ﻟﻴﺶ ﻣﻮ ﺭﺍﺡ ﺍﺳﻮﻳﺞ ﺑﻴﺒﻴﺔ ﻭﺗﻌﺒﺖ ﻇﻬﺮﻱ ﻋﻠﻤﻮﺩﺝ ﻭﺗﺎﻟﻲ ﺗﻜﻮﻟﻴﻠﻲ ﺳﺎﻓﻞ ﻭﻛﺪﺍﻡ ﻣﺮﺗﻲ ﻫﻢ ﻣﺎ ﻣﺮﺟﻴﻪ ﻣﻨﺞ ﻫﺎﻱ ﻭﻟﻮ ﺯﻭﺟﺞ ﻋﻘﻴﺪ ﻭﻋﻨﺪﺝ ﺍﻟﺤﺴﺎﺏ
_ ﺍﻱ ﻭﺷﻨﻮ ﻳﻌﻨﻲ
_ ﻳﻌﻨﻲ ﻛﻞ ﺍﻟﺴﻮﺍﻟﻒ ﺍﻟﻤﻜﺴﺮﺓ ﻋﻨﺪﻩ
ﺩﺍﺍﺣﺠﻲ ﻭﺍﺑﻮﻳﻪ ﻛﺎﻣﻠﻲ ﻭﺍﻧﻲ ﻃﻔﺮﺕ ﻭﺗﺮﻛﺘﻬﻢ ﻳﺘﻌﺎﺭﻛﻮﻥ ﺍﺟﺘﻨﻲ ﻣﻬﺎ ﺧﺮﺑﺎﻧﻪ ﺿﺤﻚ ﻫﺎﻱ ﺷﺴﻮﻳﺖ ﺑﺮﺑﻚ
_ ﻟﺞ ﺧﻠﻴﺘﻬﻢ ﻳﺘﻌﺎﺭﻛﻮﻥ ﺣﺘﻰ ﺍﺧﻤﻄﺞ ﺍﺩﺭﻱ ﺑﻴﺞ ﺑﻌﺪ ﻣﺘﻜﻮﻣﻴﻦ ﻣﻦ ﻳﻤﻬﻢ ﺗﻌﺎﻟﻲ ﻧﺤﺘﻔﻞ ﺑﺎﻟﻄﻔﻞ ﺍﺑﻮ ﺍﻟﺴﺤﻮﺭﺓ
_ ﻛﺮﺍﺍﺍﺍﺍﺭ ﻭﺍﻟﻠﻪ ﺍﺯﻋﻞ ﻭﺍﻟﻨﺒﻲ ﻣﻮ ﺳﺤﺎﺭﺓ ﻫﻲ ﺗﺎﺧﺬ ﺧﻴﺮﺓ ﺃﻣﺸﻲ ﺍﻭﺩﻳﻚ ﻋﻠﻴﻬﺎ
ﺿﺤﻜﺖ ﺟﺮﻳﺘﻬﺎ ﻟﻠﺴﺮﻳﺮ ﺗﻌﺎﺍﺍﻱ ﻣﺸﺘﺎﻗﻠﺞ ﻭﺭﺑﻲ ..
ﻋﺎﺍﻃﺖ ﻋﻠﻰ ﻛﻴﻔﻚ ﻛﺮﺍﺍﺍﺭ ...
..........
ﻋﺒﻴﺮ .. ﺭﺟﻌﺖ ﻣﻦ ﺍﻟﻤﺪﺭﺳﺔ ﻣﺸﻲ ﺍﻟﺨﻂ ﻣﺎﻛﻮ ﺍﻟﻴﻮﻡ
ﺩﺧﻠﺖ ﻟﻔﺮﻋﻨﺎ ﻭﺩﺍ ﺍﻣﺸﻲ ، ﺍﻟﺸﺎﺭﻉ ﺷﺒﻪ ﻓﺎﺭﻍ ﺩﻧﻴﺎ ﺍﻟﻈﻬﺮ ﺣﺴﻴﺖ ﺑﺴﻴﺎﺭﺓ ﺑﺼﻔﻲ ﺗﻤﺸﻲ ﻋﻠﻰ ﻛﻴﻒ ﺑﺎﻭﻋﺖ ﻋﺮﻓﺘﻬﺎ ﺳﻴﺎﺭﺓ ﻛﺮﺍﺭ .
ﺩﺭﺕ ﻭﺟﻬﻲ ﻭﺳﺮﻋﺖ ﻣﺸﻴﺘﻲ ﺳﻤﻌﺖ ﺻﻮﺗﻪ ﺍﺟﺎﻧﻲ
ﺑﺎﻭﻋﺖ ﻓﺎﺗﺢ ﺍﻟﺠﺎﻣﺔ ﻭﻇﻞ ﻳﺤﺠﻲ ﻭﻳﺎﻱ ..
ﺍﺻﻌﺪﻱ ﻋﺒﻴﺮ ﺧﻠﻲ ﻧﺤﺠﻲ !!!
ﺭﻓﻌﺖ ﺭﺍﺳﻲ ﺑﺘﻜﺒﺮ ﻭﺗﻤﺴﻜﺖ ﺑﺠﻨﻄﻲ ﺛﺒﺘﺘﻬﺎ ﺯﻳﻦ ﻭﻛﻤﻠﺖ ﻣﺸﻴﺘﻲ ﻭﺳﺮﻋﺖ ﺧﻄﻮﺍﺗﻲ ..
ﺣﺴﻴﺖ ﺧﻄﻮﺍﺕ ﻭﺭﺍﻳﻪ ﺷﻔﺘﻪ ﻧﺎﺯﻝ ﻣﻦ ﺍﻟﺴﻴﺎﺭﺓ ﻭﻟﺤﻜﻨﻲ
ﻣﺸﻴﺖ ﺍﺳﺮﻉ ﺑﻌﺪ ﺷﻮﻳﺔ ﻭﺍﺭﻛﺾ ..
ﺑﺲ ﻫﻮ ﺧﻄﻮﺍﺗﻪ ﺟﺎﻧﺖ ﺍﺳﺮﻉ ﻟﺤﻚ ﺑﻴﻪ ، ﻟﺰﻣﻨﻲ ﻣﻦ ﺍﻳﺪﻱ ﻭﺩﻳﻮﻛﻔﻨﻲ ، ﺍﺭﻳﺪ ﺍﻓﻠﺖ ﺍﻳﺪﻱ ﻣﻨﻪ ﺑﻘﻮﻭﺓ ﺑﺲ ﻫﻮ ﺑﻘﻰ ﻻﺯﻣﻨﻲ ، ﻋﻄﺖ ﺑﻲ
ﻭﺧﺮﺭﺭ ﻻ ﻋﺒﺎﻟﻚ ﻛﻞ ﻣﺮﺓ ﺗﻀﺮﺑﻨﻲ ﻫﻞ ﻣﺮﺓ ﺍﻧﺖ ﻣﻌﻠﻴﻚ ﺑﻴﻪ ﻭ ୪ ﺃﻧﺖ ﺇﺑﻦ ﻋﻤﻲ ﻭ ୪ ﺍﻋﺮﻓﻚ .....
ﻛﺮﺍﺭ ؛ ﺛﻮﻭﻝ ﻋﺒﻴﺮ ﺑﺲ ﺩﺍ ﻧﺤﺠﻲ ﺗﻌﺎﻟﻲ ﺍﺻﻌﺪ
ﺑﻌﺪﻩ ﻣﻤﻜﻤﻞ ﺍﺟﺎﻧﻪ ﺻﻮﺕ ؛ ﻫﺎﻱ ﺷﻜﻮ ﺷﺼﺎﻳﺮ ﺑﻴﻨﻜﻢ ؟
ﺍﻟﺘﻔﺘﻨﻪ ﻭﻛﺮﺍﺭ ﻋﺎﻑ ﺍﻳﺪﻱ ﻭﺍﺷﻮﻑ ﻗﺴﻮﺭ ﻣﻘﺎﺑﻴﻠﻲ ﺑﻤﻼﺑﺴﻪ ﺍﻟﻌﺴﻜﺮﻳﺔ ﻭﻧﻈﺮﺍﺗﻪ ﻣﺎ ﺗﺘﻔﺴﺮ ..
ﻳﺘﺒﻊ ....
" ﻓﻘﻂ ﺍﻳﺎﻡ ﺍﻟﻌﻴﺪ ﺍﻟﻨﺸﺮ ﺑﻴﻦ ﻳﻮﻡ ﻭﻳﻮﻡ
