ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﺣﻨﺰﻝ ﺍﻟﻴﻮﻡ ﺑﺎﺭﺕ ﺧﺎﻑ ﺑﺎﺟﺮ ﻣﺎ ﺍﻧﺸﺮ ..
"""""""""""":::""""""""""""""""""
#ﺷﺮﻳﻌﺔ_ﺍﻟﻌﺸﻖ
ﺑﺎﺭﺕ ٥٠
ﻧﻮﺭﺍ ﻧﺎﺻﺮ
""""""""""""":::"""""""""""""""
ﺑﺎﻭﻋﺖ ﻟﻜﺮﺍﺭ ﺟﻤﺪﺕ ﻧﻈﺮﺍﺗﻪ ، ﻏﻀﺒﻲ ﺗﺒﺨﺮ ﺗﺤﺖ ﺗﺄﺛﻴﺮ ﻧﻈﺮﺍﺗﻪ ﺍﻟﺠﺎﻣﺪﺓ
ﺍﻣﺎ ﻗﺴﻮﺭ ﻋﻴﻮﻧﻪ ﺗﺸﺘﻌﻞ ﺍﺛﻨﺎﺀ ﻣﺎﻳﺒﺎﻭﻋﻠﻲ .. ﻇﻠﻴﺖ ﺍﺑﺎﻭﻋﻠﻪ ﺑﺤﻴﺮﺓ ﻭﺃﻟﻢ ﻣﻘﻬﻮﺭﺓ ﻋﻠﻰ ﺣﺎﻟﻪ ﻣﺒﻴﻦ ﺗﻌﺒﺎﻥ ﻛﻮﻟﺶ ..
ﻛﺎﻝ ﺑﺘﻌﺐ ﻭﻧﺒﺮﺓ ﺣﺰﻥ ﻣﻬﺰﻭﺯﺓ ؛ ﺷﻮﻧﺞ ﻋﺒﻴﺮ ؟
ﺑﺒﺮﻭﺩ ﺟﺎﻭﺑﺘﻪ ﺗﻤﺎﻡ ﺯﻳﻨﺔ ﺍﻧﺖ ﺷﻠﻮﻧﻚ ؟
ﺟﺎﻭﺏ ﺍﻟﺤﻤﺪﻟﻠﻪ .. ﺣﺴﻴﺖ ﺑﻌﻴﻮﻧﻪ ﻛﻼﻡ ﻫﻮﺍﻱ ..
ﺣﺴﻴﺖ ﺍﻟﺸﻜﻮﻙ ﺍﺳﺘﻌﺮﺕ ﺑﺪﺍﺧﻠﻪ ﻋﻠﻰ ﺍﺛﺮ ﻧﻈﺮﺍﺗﻪ ﺍﻟﻲ ﺻﺎﺭ ﻳﻮﺯﻋﻬﺎ ﺑﻴﻨﻲ ﻭﺑﻴﻦ ﻛﺮﺍﺭ ، ﺧﻠﺖ ﻛﺮﺍﺭ ﻳﺪﻧﻚ ﺭﺍﺳﻪ ﺍﻣﺎ ﺍﻧﻲ ﻇﻠﻴﺖ ﺍﺑﺎﻭﻋﻠﻪ ﺑﺜﻘﺔ ﺍﺣﺎﻭﻝ ﺍﻓﻨﺪ ﺷﻜﻮﻛﻪ ﺍﻟﻲ ﺗﻮﻟﺪﺕ ﻋﻨﺪﻩ ﻭﻓﻀﺤﺘﻬﺎ ﻧﻈﺮﺍﺗﻪ ..
ﻋﻔﺘﻬﻢ ﻭﻇﻠﻴﺖ ﺍﻣﺸﻲ ﻭﺍﺳﻤﻌﻬﻢ ﻳﺤﺠﻮﻥ ﻫﻮ ﻭﻛﺮﺍﺭ ﻭﻛﺮﺍﺭ ﻳﺸﺮﺡ ﺍﻟﻪ .. ﻭﺍﻧﻲ ﺭﺟﻌﺖ ﻟﻠﺒﻴﺖ ..
ﻭ ﻫﺎﻟﻔﺘﺮﺓ ﻓﺘﺮﺓ ﻣﺮﺍﺟﻌﺔ ﺍﻟﺴﺎﺩﺱ ﺍﻧﻘﻄﻌﺖ ﻋﻦ ﺍﻟﻜﻞ ﺻﺢ ﻫﻮ ﺃﺩﺑﻲ ﺑﺲ ﻉ ﺍﻻﻗﻞ ﻻﺯﻡ ﺍﻃﻠﻊ ﺍﻋﻠﻰ ﺷﻲ ﺑﻲ ﺍﺫﺍ ﻣﻮ ﺍﻋﻠﻰ ﻋﺎﺩ ﻛﻠﻴﺔ ﻣﻘﺒﻮﻟﺔ ﻭﻟﻮ ﺑﺎﻟﻌﺮﺍﻕ ﻣﺎﻛﻮ ﺷﻬﺎﺩﺓ ﺗﺘﻘﺪﺭ ..
ﺑﺎﻟﻠﻴﻞ ﺿﺠﺖ ﻭﻣﺎﺍﺟﺎﻧﻲ ﻧﻮﻡ ﻛﻤﺖ ﻃﻠﻌﺖ ﺍﻟﻤﻮﺑﺎﻳﻞ ﻭﻓﺘﺤﺘﻪ ﻻﻥ ﺟﻨﺖ ﻗﺎﻓﻠﺘﻪ ، ﻓﺘﺤﺘﻪ ﻭﻟﻜﻴﺖ ﻛﻮﻣﺔ ﺭﺳﺎﺋﻞ ﻣﻦ ﻗﺴﻮﺭ ..
ﻓﺘﺤﺘﻬﻢ ﺟﺎﻥ ﻳﺤﺠﻴﻠﻲ ﻋﻦ ﻳﻮﻣﻪ ﺷﻠﻮﻥ ﻳﻤﺮ ﺍﻭ ﻳﻌﺎﺗﺒﻨﻲ ﻭﺍﻛﻮ ﺭﺳﺎﺋﻞ ﺣﺐ ﻭﺍﻛﻮ ﺭﺳﺎﺋﻞ ﻣﺮﺯﻟﻨﻲ ﺑﻴﻬﻢ
ﺍﻛﻮ ﺭﺳﺎﻟﻪ ﺑﻴﻬﻢ ﻛﺎﺗﺐ ( ﺩﺧﻴﻞ ﺭﺑﺞ ﺷﻨﻮ ﻣﻦ ﺑﺸﺮ ﺃﻧﺘﻲ ﻟﺞ ﺑﺎﻟﺠﺬﺏ ﻣﺎﻛﻠﺘﻲ ﺃﺳﺎﻝ ﻋﺎﺩ ﻛﻮﻟﻲ ﺃﺑﻦ ﻋﻤﺘﻲ ﺍﺷﻮﻑ ﺷﻠﻮﻧﻪ )
ﻭﺭﺳﺎﻟﺔ ﻟﺦ ﻛﺎﺗﺐ ( ﺑﺎﻟﺮﻏﻢ ﻣﻦ ﺍﻧﺞ ﺣﻘﻴﺮﺓ ﻭﻧﺬﻟﻪ ﻭﻧﺎﻛﺮﺓ ﺍﻟﻌﺸﻴﺮﺓ ﺑﺲ ﻫﻢ ﺍﺣﺒﺞ ﺃﻧﺘﻲ ﻣﺮﺽ ﻣﺰﻣﻦ ﻣﺴﺘﺤﻴﻞ ﺍﺗﻌﺎﻓﻰ ﻣﻨﻪ )
ﻭﺭﺳﺎﻟﺔ ( ﺃﺣﺒﺞ ﻳﺎﻗﺎﺳﻴﺔ ﺍﻟﻤﻼﻣﺢ ﻭﺍﻻﻃﺒﺎﻉ ) ...
ﺑﻘﻴﺖ ﻟﺴﺎﻋﺔ ﻣﺘﺄﺧﺮﺓ ﺍﻗﺮﺃ ﺑﻴﻬﻢ ﻭﺍﺑﺘﺴﻢ ﻭﻧﻔﺲ ﺍﻟﺸﻲ ﻣﺎﻛﻮ ﻣﺸﺎﻋﺮ ﺑﺪﺍﺧﻠﻲ ﺍﺣﺲ ﺩﺍﺧﻠﻲ ﺟﻠﻴﺪ ﻭﺑﺲ . .
ﻏﻠﻘﺖ ﺍﻟﻔﻮﻥ ﻭﻧﻤﺖ ....
ﻭ ﺑﻬﺎﻻﺳﺒﻮﻉ ﺗﻔﺎﺟﺌﺖ ﺑﺠﻴﺔ ﻋﻤﺔ ﺃﻡ ﻗﺴﻮﺭ ﻭﺍﺑﻮﻩ
ﺭﺟﻌﻮﺍ ﺧﻄﺒﻮﻧﻲ ﻭﻫﺎﻟﻤﺮﺓ ﻣﻮ ﺃﻧﻲ ﺭﻓﻀﺖ ﺑﺎﺑﺎ ﻫﻮ ﺍﻟﺮﻓﺾ ﺧﺼﻮﺻﺎً ﺑﻌﺪ ﻣﺎ ﻣﺎﻣﺎ ﻛﺎﻟﺘﻠﻪ ﻉ ﻛﻼﻡ ﻋﻤﻪ
ﺟﺎﻭﺑﻬﻢ : ﻣﺎﻛﻮ ﻗﺴﻤﺔ ﻳﺎﺑﻪ ﺑﺎﺟﺮ ﻋﻜﺒﺔ ﺗﺠﻴﻨﻲ ﺑﻨﺘﻲ ﺳﺎﺑﺤﻪ ﺑﺪﻣﻬﺎ ﺍﻟﻮﻟﺪ ﺿﺎﺑﻂ ﻭﻳﻮﻡ ﻫﻨﺎ ﻭﻋﺸﺮﺓ ﺑﺪﻭﺍﻣﻪ ﺷﻨﻮ ﺟﺎﻳﺰ ﻣﻦ ﺑﻨﺘﻲ ﺃﻧﻲ ﻫﺎﻱ ﺯﻫﻮﺭﻩ ﺍﺗﻌﺬﺑﺖ ﻟﻤﻦ ﺭﺑﻨﺎ ﻛﺎﻝ ﺑﺲ ﺍﺟﻲ ﺍﻋﺬﺏ ﺍﻟﺜﺎﻧﻴﺔ ﻟﻴﺶ ﻣﺎﻋﻨﺪﻱ ﺧﺒﺰ ﺍﻭﻛﻠﻬﻦ ..
ﻣﻦ ﺑﻌﺪ ﻛﻼﻡ ﺑﺎﺑﺎ ﺷﻔﺖ ﻧﻈﺮﺍﺕ ﻓﺮﺡ ﺑﻌﻴﻮﻥ ﻋﻤﻪ ﻻﻥ ﺑﺎﺑﺎ ﺟﺎﻥ ﻫﻴﺞ ﺟﻮﺍﺑﻪ ﻭﺑﺎﻻﺧﻴﺮ ﺧﺘﻤﺘﻬﺎ : ﻗﺤﻂ ﺑﻨﺎﺕ ﻫﺴﻪ ﻉ ﺣﻮﺭﻫﺎ ﺑﻨﺘﻚ ﻣﻮ ﺯﻳﻦ ﻣﻦ ﺃﺑﻨﻲ ﻛﻠﺒﻬﺎ ﺧﻠﻴﻬﺎ ﻉ ﮔﻠﺒﻚ ﺳﻤﺞ ﺑﺎﻳﺮ
ﺑﺎﺑﺎ ﺿﺤﻚ : ﺳﻤﺞ ﺑﺎﻳﺮ ﺧﺎﻳﺲ ﻣﺎﺷﺎﻣﺮﻫﺎ ﻋﻠﻴﺞ ﺧﻮﻳﻪ ﺑﻨﺘﻲ ﺃﺭﻳﺪﻫﺎ ﻳﻤﻲ ﺳﻨﺪﺍﻧﻪ ﻭﺭﺩ ﺃﻧﻲ ﺍﺳﻘﻴﻬﺎ ﺑﻴﺪﻱ ﻳﻮﻣﻴﺔ ﻭﻻ ﺍﺧﻠﻴﻬﺎ ﺗﺘﻌﺬﺏ ﻳﻤﺞ ﺑﻨﺘﻲ ﻭﺍﻋﺮﻓﻬﺎ ﺻﺢ ﻟﺴﺎﻥ ﺑﺲ ﺍﺫﺍ ﺭﺍﺣﺖ ﻳﻤﻜﻢ ﺭﺍﺡ ﺗﺘﺤﻤﻞ ﺍﻟﻤﺮ ﻋﻠﻤﻮﺩ ﻳﺴﺘﻤﺮ ﺯﻭﺍﺟﻬﺎ ﻭﻣﺘﺸﻮﻑ ﻧﻈﺮﺓ ﺣﺰﻥ ﺑﻌﻴﻨﻲ ﺍﻭ ﻋﻴﻦ ﺃﻣﻬﺎ ﻭﺍﻧﻲ ﺷﻠﻲ ﺑﻬﺎﻟﺪﻭﺧﻪ ﻉ ﻛﻮﻟﺘﺞ
ﻭﺩﻙ ﻉ ﺻﺪﺭﻩ ﺧﻠﻴﻬﺎ ﺳﻤﺞ ﺑﺎﻳﺮ ﻉ ﮔﻠﺒﻲ ﻭﺑﺎﻭﻋﻠﻲ ﻭﺍﺑﺘﺴﻢ
ﺭﺩﻳﺖ ﺍﻻﺑﺘﺴﺎﻣﺔ ﻟﺒﺎﺑﺎ .. ﻭﻋﻤﻪ ﺟﺎﻭﺑﺘﻪ ﻳﻌﻨﻲ ﺗﻔﺸﻠﻨﻲ ﺍﻧﻲ ﺟﺎﻳﺔ ﻋﻤﻮﺩ ﺍﺑﻨﻲ ﺗﺮﺓ ﻻﻥ ﺛﺒﺮﻧﻲ ﺑﻴﻬﺎ ﻣﻮ ﻋﻠﻤﻮﺩ ﺷﻲ ﻭﺍﻟﻠﻪ ..
ﺍﺑﻨﺞ ﺩﺭﺓ ﻣﺎﻝ ﺍﻟﻠﻪ ﺑﺲ ﻣﺎﻟﻪ ﻧﺼﻴﺐ ﻳﻤﻨﻪ ﺍﻟﻠﻪ ﻳﻌﻮﺿﻪ ﺑﻮﺣﺪﺓ ﺗﻨﺎﺳﺒﻪ ﺍﻛﺜﺮ ..
ﻃﻠﻌﺖ ﻋﻤﻪ ﻣﻌﺼﺒﺔ ..
ﻛﺮﺍﺭ .. ﻛﺮﻫﺖ ﻧﻔﺴﻲ ﻟﻤﻦ ﺷﻔﺖ ﻗﺴﻮﺭ ﻭﻫﻮ ﻳﺒﻮﻋﻠﻬﺎ ﺑﻨﻈﺮﺍﺕ ﺗﻤﻮﻭﺕ ﻗﻬﺮ ﻭﺑﻨﻔﺲ ﺍﻟﻮﻗﺖ ﻛﺮﻫﺖ ﻋﺒﻴﺮ ﺑﺴﺒﺐ ﻗﺴﺎﻭﺗﻬﺎ ﻭﻳﺎﻩ ﻭﻫﻴﻪ ﺗﺒﺎﻭﻋﻠﻪ ﺑﺘﻜﺒﺮ ﻭﻏﺮﻭﺭ ..
ﻭﺯﺍﺩ ﻛﺮﻫﻲ ﻟﻨﻔﺴﻲ ﺍﻛﺜﺮ ﻟﻤﻦ ﺗﺬﻛﺮﺕ ﻧﻔﺴﻲ ﻣﻦ ﺿﺮﺑﺘﻬﺎ ﻭﺗﺠﺎﻭﺯﺕ ﻋﻠﻰ ﺍﻣﻼﻛﻪ ﺗﻤﻨﻴﺖ ﺍﻣﺤﻲ ﻫﺬﻳﺞ ﺍﻟﺤﻈﺔ ﻣﻦ ﺗﺎﺭﻳﺦ ﺣﻴﺎﺗﻲ ﺑﺲ ﻟﻤﻦ ﺷﻔﺘﻬﺎ ﻭﻫﻴﻪ ﺗﺒﺎﻭﻋﻠﻬﺎ ﺑﻘﺴﺎﻭﺓ ﺑﺪﺍﺧﻠﻲ ﺍﻛﻮﻝ ﺗﺴﺘﺎﻫﻞ ﺍﻟﺮﺍﺷﺪﻱ ﺍﻟﻲ ﺍﻛﻠﺘﻪ ﻣﻨﻲ ..
ﺭﺟﻌﺖ ﻟﻠﺒﻴﺖ ﺻﻌﺪﺕ ﻟﻐﺮﻓﺘﻲ ﻟﻜﻴﺖ ﻣﻬﺎ ﺗﺒﺠﻲ ﻭﺍﻣﻲ ﻳﻤﻬﺎ ﺍﻧﺼﺪﻣﺖ ﺳﺄﻟﺘﻬﻢ ﺧﻴﺮ ﺷﻜﻮ ﺷﺼﺎﻳﺮ ؟
ﺍﻣﻲ ﺟﺎﻭﺑﺘﻨﻲ ؛ ﻣﺮﺗﻚ ﺗﻨﺰﻑ ﻭﺩﻳﻬﺎ ﻟﻠﺪﻛﺘﻮﺭﺓ ﻳﻠﻪ ﺑﺴﺮﻋﺔ
ﺭﺣﺖ ﻳﻤﻬﺎ ﻛﻤﺒﺼﺖ ﻛﺪﺍﻣﻬﺎ ﻟﺰﻣﺖ ﺍﺩﻳﻬﺎ ﺍﻫﺪﻳﻬﺎ ..
ﺑﺎﻭﻋﺘﻠﻲ ﻭﻋﻴﻮﻧﻬﺎ ﺣﻤﺮﺓ ﺩﻡ ؛ ﻛﺮﺍﺭ ﺍﺑﻨﻲ ﻭﻛﻊ ﻳﻤﻜﻦ !
_ ﻟﻴﺶ ﺷﺼﺎﺭ ﻭﻛﻌﺘﻲ ﺗﻌﻮﺭﺗﻲ ﺷﺒﻴﺞ ﺷﻮﻥ ﻭﻛﻊ ؟
ﻫﺰﺕ ﺭﺍﺳﺨﺎ ﺑﻨﻔﻲ ؛ ﻻ ﻣﺎ ﻭﻛﻌﺖ ﻭﻻ ﺷﻲ ﺑﺲ ﻧﺰﻑ ﺧﻔﻴﻒ ..
ﺑﺎﻭﻋﺖ ﻻﻣﻲ ﺑﻨﻈﺮﺓ ﺍﺳﺘﻔﺴﺎﺭ
ﺍﻓﺘﻬﻤﺖ ﻧﻈﺮﺍﺗﻲ ﻭﺟﺎﻭﺑﺖ ؛ ﻋﺎﺩﻱ ﺗﺼﻴﺮ ﻣﻮ ﺍﻟﻪ ﻭﻛﻊ ﻫﺴﻪ ﺍﺭﺗﺎﺡ ﻭﻭﺩﻳﻬﺎ ﻟﺪﻛﺘﻮﺭﺗﻬﺎ ..
ﺭﺟﻌﺖ ﺑﺎﻭﻋﺖ ﻟﻤﻬﺎ ﺳﺄﻟﺘﻬﺎ ﻣﺘﻮﺟﻌﺔ ﻳﺄﺫﻳﺞ ﺷﻲ ؟
ﻫﺰﺕ ﺭﺍﺳﻬﺎ ﺑﻤﻌﻨﻰ ﻻ ؛ ﻻ ﺑﺲ ﺑﻄﻨﻲ ﻣﺪﺗﻜﺒﺮ ﻭﻻ ﻧﺴﺎﻭﺓ ﻋﻨﺪﻱ ﻣﻮ ﻣﺜﻞ ﻫﺬﻳﺞ ﺍﻻﻳﺎﻡ ﺍﺻﻼ ﻋﺎﺩﻱ ﻋﺒﺎﻟﻚ ﻣﻮ ﺣﺎﻣﻞ ..
ﻣﻌﻘﻮﻟﺔ ﺍﻟﺘﺤﻠﻴﻞ ﻳﺨﻄﺄ ؟ ﺑﺎﻭﻋﺖ ﻻﻣﻲ ﻭﻭﺟﻬﺖ ﺍﻟﺴﺆﺍﻝ ﺍﻟﻬﺎ ..
ﻛﻞ ﺷﻲ ﺗﻮﻗﻊ ﻳﻮﻭﻡ ﻭﻫﺴﻪ ﻣﺜﻞ ﻣﻜﺘﻠﻚ ﻃﺐ ﺍﻏﺴﻞ ﻭﺍﻃﻠﻊ ﺍﺣﻀﺮﻟﻚ ﺍﻻﻛﻞ ﻭﺍﻧﺘﻲ ﻣﻬﺎ ﺣﻀﺮﻱ ﻧﻔﺴﺞ ﻧﺮﻭﺡ ﻟﺪﻛﺘﻮﺭﺗﺞ ﺗﺸﻮﻑ ﺣﺎﻟﺘﺞ .
ﻋﺎﻓﺘﻨﺎ ﺍﻣﻲ ﻭﻃﻠﻌﺖ ، ﻏﺴﻠﺖ ﻭﺍﻛﻠﺖ ﺷﻮﻳﻪ ﻭﻛﻤﺖ ﺑﺪﻟﺖ ﻣﻼﺑﺴﻲ ﻭﺍﺧﺬﺕ ﻣﻬﺎ ﻟﻠﺪﻛﺘﻮﺭﺓ ﻣﺎﻟﺘﻬﺎ ﺍﺧﺬﺕ ﺳﻮﻧﺎﺭ
ﻛﺎﻟﺘﻠﻬﺎ ﺍﻱ ﺣﻤﻞ ﻣﺎﻛﻮ ﺍﺑﻄﻨﺞ ﺳﻮﻱ ﺗﺤﻠﻴﻞ ﺣﻤﻞ ﺑﺎﻟﺪﻡ ﻭﺍﻻﺩﺭﺍﺭ ﻣﺮﺓ ﺛﺎﻧﻴﺔ ﻭﺗﻌﺎﻟﻲ ﺭﺣﻨﻪ ﺳﻮﻳﻨﺎ ﺍﻟﺘﺤﺎﻟﻴﻞ ﻭﻃﻠﻊ ﻣﺎﻛﻮ ﺣﻤﻞ ..
ﺭﺟﻌﻨﺎ ﺍﻟﻄﺮﻳﻖ ﻣﻬﺎ ﻛﻠﻪ ﺗﺒﺠﻲ ﻭﺍﻧﻲ ﺑﺲ ﺳﺎﻛﺖ ﺣﺘﺘﺨﺒﻞ ﻋﻠﻰ ﺍﻟﻄﻔﻞ ﻭﺍﻧﻲ ﻣﻌﺼﺐ ﻣﻨﻬﺎ ﺑﺲ ﻣﺎﻛﺪﺭ ﺍﺭﺯﻟﻬﺎ ﻫﺴﻪ ﺑﻨﻔﺲ ﺍﻟﻮﻗﺖ ﻣﻘﻬﻮﺭ ﻋﻠﻴﻬﺎ .
ﺍﺳﻤﻌﻬﺎ ﺗﺤﺠﻲ ﻭﻱ ﺍﻣﻲ ؛ ﻋﻤﻪ ﻭﺍﻟﻠﻪ ﺍﻟﺪﻛﺘﻮﺭﺓ ﺫﻳﺞ ﺍﻟﻤﺮﺓ ﺣﺴﺒﺘﻠﻲ ﻭﻛﺎﻟﺘﻠﻲ ﻋﻠﻴﺞ ﺷﻬﺮ ﻭﻧﺺ ..
ﺟﺎﻭﺑﺘﻬﺎ ﺍﻣﻲ ؛ ﺍﺧﺬﺗﻲ ﺳﻮﻧﺎﺭ ﺫﻳﺞ ﺍﻟﻤﺮﺓ؟
_ ﻻ ﻣﺎ ﺍﺧﺬﺕ .. ﺑﺲ ﻫﺴﻪ ﺍﺧﺬﺗﻠﻲ ﻭﻛﺎﻟﺖ ﻋﻨﺪﻱ ﺗﻜﻴﺲ ﻭﺍﻟﻠﺘﻬﺎﺑﺎﺕ ﻭﻫﻴﻪ ﻣﺄﺛﺮﺓ ﻋﻠﻴﻪ ..
ﺟﺎﻭﺑﺘﻬﺎ ؛ ﻛﺎﻓﻲ ﻣﻬﺎ ﺳﺪﻱ ﺍﻟﻤﻮﺿﻮﻉ ﻭﺑﻌﺪ ﻻﺗﺤﺠﻴﻦ ﺑﻲ
ﻋﻮﻓﻴﻬﺎ ﺑﻴﺪ ﺭﺏ ﺍﻟﻌﺎﻟﻤﻴﻦ ..
ﻛﺮﺍﺭ ﺑﺴﺲ ..
ﺍﺷﺸﺶ ﻛﺎﻓﻲ ﻛﺘﻠﺞ ﺳﺪﻱ ﺍﻟﻤﻮﺿﻮﻉ ..
ﻭﺭﺓ ﻓﺘﺮﺓ ﺟﺘﻲ ﻳﻤﻨﺎ ﺑﻨﺖ ﺧﺎﻟﺘﻲ ﻫﻨﺪ ، ﺯﻭﺟﻬﺎ ﺗﻮﻓﻰ ﻗﺒﻞ ﻣﺪﺓ ﻭﺣﺎﻟﺘﻬﺎ ﺍﻟﻨﻔﺴﻴﺔ ﺗﻌﺒﺎﻧﺔ ﻭﻫﻴﻪ ﻛﻠﺶ ﺗﺤﺐ ﺍﻣﻲ ﻭﺗﺮﺗﺎﺡ ﺍﻟﻬﺎ ﻟﺬﻟﻚ ﺍﺟﺖ ﻳﻤﻨﻪ ..
ﻻﺣﻈﺖ ﻋﻠﻰ ﻣﻬﺎ ﺗﻐﺎﺭ ﻣﻦ ﻫﻨﺪ ﺻﺢ ﻣﺘﺸﻜﻲ ﻭﻫﻲ ﻭﻳﺎﻫﺎ ﺣﺒﺎﻳﺐ ﺑﺲ ﺃﻧﻲ ﺍﻋﺮﻑ ﻣﺮﺗﻲ ﻭﺣﺎﻓﻈﻬﺎ ..
ﺑﺎﻟﻠﻴﻞ ﻧﺰﻟﺖ ﺃﺷﺮﺏ ﻣﻲ ﻟﻜﻴﺖ ﻫﻨﺪ ﺷﺎﻳﻠﻪ ﺍﺑﻨﻬﺎ ﻭﺗﻔﺘﺮ ﺑﻴﻪ ﺍﻟﺒﻨﻴﺔ ﻣﻦ ﺷﺎﻓﺘﻨﻲ ﺧﺠﻠﺖ
ﻛﺎﻟﺖ : ﺃﺳﻔﻪ ﺧﺎﻑ ﻛﻌﺪﺕ ﻋﻠﻰ ﺻﻮﺗﻪ ﺑﺲ ﺷﻮﻓﺔ ﻋﻴﻨﻚ ﻣﺪﻳﻘﺒﻞ ﻳﻨﺎﻡ
_ ﻻ ﻳﻤﻌﻮﺩﺓ ﺷﺴﺎﻟﻔﺔ ﺍﺧﺬﻱ ﺭﺍﺣﺘﺞ ﺍﻧﻲ ﺍﺻﻼ ﻧﺰﻟﺖ ﺍﺷﺮﺏ ﻣﻲ ﻻ ﺳﻤﻌﺖ ﺻﻮﺗﻪ ﻭﻻ ﺍﺑﺪ .. ﺍﺷﻮﻭ ﺍﻧﻄﻴﻨﻴﺎ ﺍﺧﺬﻩ ﻳﻤﻲ ﻓﻮﻙ ﻭﺍﻧﺖ ﺭﻭﺣﻲ ﻧﺎﻣﻲ ..
_ ﻻ ﻻ ﺧﻄﻴﺔ ﻣﻬﺎ ﺗﻜﻌﺪ ﺧﺎﻑ ﻧﺎﻳﻤﺔ ﺍﻧﻲ ﻫﺴﻪ ﺍﺧﺬﻩ ﺑﺎﻟﺤﺪﻳﻘﺔ ﻭﺑﻠﻜﻲ ﻳﺴﻜﺖ ..
ﺩﺍ ﺍﺟﺎﻭﺑﻬﺎ ﻧﺰﻟﺖ ﻣﻬﺎ ﻇﻠﺖ ﺗﺒﺎﻭﻉ ﻋﻠﻴﻨﺎ ﺑﻨﻈﺮﺍﺕ ﻣﺎﺗﺘﻔﺴﺮ
ﻫﻨﺪ ﺑﺎﻭﻋﺘﻠﻬﺎ ﻛﺎﻟﺖ : ﻭﻫﺎﻱ ﻧﺰﻟﺖ ﻣﻬﺎﻭﻱ ﺍﻟﻈﺎﻫﺮ ﺍﻓﺘﻘﺪﺗﻚ ﻳﻼ ﺧﻮﻳﻪ ﺗﺼﺒﺢ ﻋﻠﻰ ﺧﻴﺮ ﺍﺧﺬﺕ ﺃﺑﻨﻬﺎ ﻭﺭﺍﺣﺖ ﻭﺍﻧﻲ ﺷﺮﺑﺖ ﻣﻲ ﻭﺻﻌﺪﺕ ﻟﺤﻜﺘﻨﻲ ﻣﻬﺎ
_ ﺷﻌﻨﺪﻙ ﻧﺎﺯﻝ ﻫﻴﺞ ﻭﻗﺖ؟
_ ﻋﻄﺸﺎﻥ ﻧﺰﻟﺖ ﺍﺷﺮﺏ ﻣﻲ
_ ﻫﺎﺍﺍ ﻟﻴﺶ ﻣﻜﻌﺪﺗﻨﻲ ﺍﺟﻴﺒﻠﻚ ﻣﻲ
_ ﻫﺎﻱ ﺷﺒﻴﺞ ﺗﺮﻯ ﻣﻮ ﻣﻜﺴﺮ ﻭﺷﻜﻮ ﺍﻛﻌﺪﺝ ﺗﻨﺰﻟﻴﻦ ﺣﺘﻰ ﺗﺠﻴﺒﻴﻠﻲ ﻣﻲ !!!!
_ ﺍﻱ ﺷﻜﻮ ﺑﻴﻬﺎ ﺍﻧﺰﻝ ﻭﺍﺫﺍ ﻳﻌﻨﻲ ؟؟
ﺭﻓﻌﺖ ﺗﻚ ﺣﺎﺟﺒﻲ ﻣﻬﺎﺍ ﺍﻟﻲ ﺍﺑﺎﻟﺞ ﺷﻴﻠﻲ ﺍﻭﻛﻲ ﻭﻳﻠﻪ ﺗﻌﺎﻟﻲ ﻧﺎﻣﻲ ﺍﺧﺬﺗﻬﺎ ﻟﺤﻀﻨﻲ ﻭﻇﻠﻴﺖ ﺍﺑﻮﺱ ﺑﺮﺍﺳﻬﺎ
ﺗﺤﺴﺮﺕ ﺧﻠﺖ ﺍﺩﻳﻬﺎ ﻋﻠﻰ ﺻﺪﺭﻱ ﺍﺧﺬﺕ ﻛﻒ ﺍﻳﺪﻫﺎ ﻭﻇﻠﻴﺖ ﺍﺑﻮﺱ ﺑﻲ ..
ﻭﻫﻢ ﻇﻠﺖ ﺗﺘﺤﺴﺮ ﺩﺭﺕ ﺟﺴﻤﻲ ﻋﻠﻴﻬﺎ ﻇﻠﻴﺖ ﺍﺑﺎﻭﻋﻠﻬﺎ
ﻣﺒﺘﺴﻢ ؛ ﺷﻜﻮ ﻫﺎﻟﺤﺴﺮﺍﺕ ﺑﻠﻠﻪ ؟
ﺍﺗﺴﻌﺖ ﺍﺑﺘﺴﺎﻣﺘﻬﺎ ﻫﻤﺴﺖ ﺍﺣﺒﻚ ﺍﺭﻳﺪﻙ ﺑﺲ ﺍﻟﻲ ﻣﻮ ﺑﻴﺪﻱ ﻭﺍﻟﻠﻪ ﻫﻨﺪ ﺣﺒﺎﺑﺔ ﺑﺲ ﺍﻟﻲ ﺑﻴﻪ ﻣﺎﻳﺨﻠﻴﻨﻲ ﻛﺮﺍﺭ ﺍﺣﺒﻚ ﻭﺍﻟﻠﻪ ..
ﻗﺮﺑﺖ ﺷﻔﺘﻲ ﻣﻦ ﻛﺼﺘﻬﺎ ﺑﺴﺘﻬﺎﺍﺍ ﺣﻴﻴﻴﻴﻞ ﻭﻇﻠﻴﺖ ﺍﻃﺒﻊ ﺑﻮﺳﺎﺗﻲ ﻋﻠﻰ ﺧﺪﻫﺎ ﻭﺣﻨﺠﻬﺎ ﻭﺭﺍﺳﻬﺎ ﻭﺍﺧﺮ ﺷﻲ ﺧﺘﻤﺘﻬﺎ ﻋﻠﻰ ﺷﻔﺘﻬﺎ ﻭﺧﺮﺕ ﻟﻤﻦ ﺷﻔﺘﻬﺎ ﻣﺤﺘﺎﺟﺔ ﻫﻮﺍ ﻛﺘﻠﻬﺎ ﻭﺍﻧﻲ ﺍﺷﺪﺩ ﻋﻠﻰ ﺍﻻﺣﺮﻑ ﻭﺍﻧﻲ ﺍﻣﻮﻭﻭﻭﺕ ﻋﻠﻴﺞ ﻭﻫﺴﻪ ﻳﻠﻪ ﻧﺎﻣﻲ ﺍﻟﻮﻗﺖ ﻣﺘﺄﺧﺮ ﻭﺑﺎﺟﺮ ﻭﺭﺍﻱ ﺩﻭﺍﻡ ..
ﺯﻫﺮﺍﺀ ... ﻛﺎﻋﺪﻳﻦ ﻧﺴﻮﻟﻒ ﺃﻧﻲ ﻭﻣﺎﻣﺎ ﻋﻦ ﻣﻬﺎ ﺧﻄﻴﺔ ﺷﻠﻮﻥ ﻃﻠﻌﺖ ﻣﻮ ﺣﺎﻣﻞ ﻭﻫﻴﻪ ﺟﺎﻧﺖ ﻓﺮﺣﺎﻧﺔ ..
ﺻﻔﻨﺖ ﻭﻇﻠﻴﺖ ﺍﻓﻜﺮ ﺍﻟﺪﻭﺭﺓ ﻣﺎﻟﺘﻲ ﺷﻮ ﻣﺎﺍﺟﺖ ﻫﺬﺍ ﺍﻟﺸﻬﺮ
ﺑﺎﻭﻋﺘﻠﻲ ﻣﺎﻣﺎ : ﻫﺎ ﺷﻮ ﺻﻔﻨﺘﻲ
_ ﺃﻛﻮﻟﺞ ﻳﻮﻡ ﺗﺮﻯ ﺍﻟﺸﻬﺮﻳﺔ ﻣﺘﺄﺧﺮﺓ ﻋﻨﻲ ﺻﺎﺭ ١٣ ﻳﻮﻡ
_ ﻟﻴﺶ ﻣﺤﺠﻴﺘﻲ ﻟﻌﺪ ﻏﻴﺮ ﺗﻜﻮﻟﻴﻦ ﻳﺎﻣﺎﻣﺎ
_ ﻭﺍﻟﻠﻪ ﻣﺎﺍﺩﺭﻱ ﺷﻠﻮﻥ ﻧﺴﻴﺖ
_ ﻫﺴﻪ ﺍﺟﻴﺒﻠﺞ ﺍﺧﺘﺒﺎﺭ ﻣﻨﺰﻟﻲ ﻭﺷﻮﻓﻲ ﻭﻣﻨﺎ ﻟﻠﻌﺼﺮ ﺍﺧﺬﺝ ﻟﻠﻤﺨﺘﺒﺮ ﻭﻧﺸﻮﻑ
ﻃﻠﻌﺖ ﻣﺎﻣﺎ ﻟﻠﺼﻴﺪﻟﻴﺔ ﻭ ﺭﺍﺣﺖ ﺟﺎﺑﺘﻠﻲ ﺍﺧﺘﺒﺎﺭ ﺭﺣﺖ ﺍﺳﺘﺨﺪﻣﺘﻪ ، ﻭﻃﻠﻌﺖ ﺍﻟﻨﺘﻴﺠﺔ ﺧﻄﻴﻦ ﻭﺍﺿﺤﺎﺕ ﻛﻤﺰﺕ ﻣﻦ ﺍﻟﻔﺮﺣﻪ ﺗﺎﻟﻲ ﺧﻠﻴﺖ ﺃﻳﺪﻱ ﻉ ﺑﻄﻨﻲ : ﺳﻮﺭﻱ ﺃﺑﻨﻲ ﺣﺒﻴﺒﻲ ﺍﺫﻳﺘﻚ ..
ﻃﻠﻌﺖ ﻣﻦ ﺍﻟﺤﻤﺎﻡ ﻭﺭﺣﺖ ﺑﺸﺮﺕ ﻣﺎﻣﺎ ..
ﻛﺎﻟﺖ ﺍﻟﻌﺼﺮ ﻫﻢ ﺍﺧﺬﺝ ﻭ ﻧﺮﻭﺡ ﻧﺘﺄﻛﺪ ..
ﺑﻘﻴﺖ ﻳﻢ ﻣﺎﻣﺎ ﻭﺍﻟﻌﺼﺮ ﺭﺣﺖ ﻟﻠﻤﺨﺘﺒﺮ ﻭ ﺣﻠﻠﺖ ﻭﻃﻠﻌﺖ ﺣﺎﻣﻞ ﻓﺮﺣﺖ ﻭﺩﻋﻴﺖ ﻣﻦ ﺍﻋﻤﺎﻗﻲ ﺭﺑﻲ ﻳﺤﻔﻈﻪ ﻫﺎﻟﻤﺮﺓ ﻭﻳﺴﻠﻢ ﻭﺍﺟﻴﺒﻪ ﺻﺎﺣﻲ ﻭﺍﺷﻮﻓﻪ ..
ﺭﺟﻌﺖ ﻟﻠﺒﻴﺖ ﻟﻜﻴﺖ ﺻﻔﺎﺀ ﺻﺎﻳﺮ ﺍﻋﺼﺎﺏ ﻻﻥ ﻣﺘﺼﻞ ﺑﻴﻪ ﻭﺍﻧﻲ ﻣﻤﺠﺎﻭﺑﺘﻪ ﺗﻠﻴﻔﻮﻧﻲ ﺑﻘﻰ ﺑﺒﻴﺖ ﺍﻫﻠﻲ ..
ﻟﺰﻣﺖ ﺍﻳﺪﻩ : ﺣﺒﻲ ﻭﺍﻟﻠﻪ ﻏﺼﺒﺎً ﻋﻠﻴﻪ ﺗﺄﺧﺮﺕ ﺃﺑﻨﻚ ﺳﺒﺐ ﺗﺄﺧﻴﺮﻱ
ﺿﺤﻚ ﻣﺘﻔﺎﺟﺄ ؛ ﺷﻨﻮ ﺃﺑﻨﻲ ﻟﺘﻜﻮﻟﻴﻦ ﺣﺎﻣﻞ !!!
_ ﻋﻤﺮﻱ ﺍﻟﻒ ﻣﺒﺮﻭﻙ ﺣﺘﺼﻴﺮ ﺍﺣﻠﻰ ﺃﺏ ﺑﺎﻟﺪﻧﻴﺎ
ﺷﺎﻟﻨﻲ ﻭﻇﻞ ﻳﻔﺘﺮ ﺑﻴﻪ : ﻛﺎﺍﺍﻓﻲ ﺣﺒﺎﺏ ﺩﺧﺖ ﻛﻤﺖ ﺍﺿﺤﻚ ﺑﺼﻮﺕ ﻋﺎﻟﻲ ﻭﻫﻮ ﻳﺒﻮﺱ ﺑﺮﻛﺒﺘﻲ
ﻏﻤﺰﻟﻲ : ﺷﻮﻓﻲ ﻣﻮ ﻛﻠﺘﻠﺞ ﺃﺩﺍﻫﻢ ﺍﻟﻤﻐﺎﺭﺓ ﻭﺍﺣﺒﻠﺞ ﻭﺳﻮﻳﺘﻬﺎ
_ ﺩﻳﻼ ﻫﺴﻪ ﺍﻟﻴﺴﻤﻌﻚ ﻳﻜﻮﻝ ﺣﺒﻠﺘﻨﻲ ﻭﺭﺍ ﺷﻬﺮﻳﻦ ﺗﺮﻯ ﺻﺎﺭ ٦ ﺍﺷﻬﺮ ﻣﻦ ﺳﻘﻄﺖ ﻣﻮ ﻣﺴﻮﻱ ﻧﻔﺴﻚ ﺑﺮﺃﺳﻲ ﺳﺘﺔ ﺳﻠﻨﺪﺭ ﻫﻬﻬﻬﻪ
_ ﻟﺞ ﻏﻴﺮ ﺭﺣﻤﺖ ﺑﺤﺎﻟﺞ ﻭﻛﻠﺖ ﺧﻄﻴﻪ ﺃﻧﺘﻲ ﺷﺎﻳﻔﻪ ﻧﻔﺴﺞ ﺷﻠﻮﻥ ﺗﻜﻮﻣﻴﻦ ﺗﻤﺸﻴﻦ ﺑﻌﺪ ﻣﺎﺍﻧﺎﻡ ﻭﻳﺎﺝ ﻣﺎﻳﻌﻪ ﻫﻢ ﺗﺤﺠﻲ
ﺿﺮﺑﺘﻪ ﻉ ﺟﺘﻔﻪ : ﻋﺰﺯﺯﺍ ﺑﻌﻴﻨﻚ ﻭﻻﺗﺴﺘﺤﻲ
ﺿﺤﻚ ﺑﺼﻮﺕ ﻋﺎﻟﻲ ﻭﺩﺧﻞ ﻟﻠﺤﻤﺎﻡ ..
ﻣﺮﺕ ﺍﻳﺎﻡ ﻭﺍﻟﻨﺴﺎﻭﺓ ﻣﺄﺫﻳﺘﻨﻲ ﻛﻠﺶ ﻭﺩﻭﻣﻲ ﻣﺒﺘﻌﺪﺓ ﻋﻦ ﺻﻔﺎﺀ ﻣﺮﺍﺕ ﻳﺰﻋﻞ ﻭﻣﺮﺍﺕ ﻳﻌﺬﺭﻧﻲ ﻭﺑﻴﻮﻡ ﺟﺎﻥ ﺯﻋﻼﻥ ﻣﻨﻲ ﻻﻥ ﺍﻏﻠﺐ ﻭﻗﺘﻲ ﺍﺑﻴﺖ ﺍﻫﻠﻲ ..
ﺩﺧﻠﺖ ﻋﻠﻴﻪ ﺗﻮﺓ ﺟﺎﻱ ﻣﻦ ﺍﻟﺪﻭﺍﻡ ﺭﺣﺖ ﻇﻠﻴﺖ ﺍﺑﻮﺱ ﺑﻲ ﻭﺑﺎﻻﺧﻴﺮ ﺑﺴﺘﻪ ﻣﻦ ﺗﻔﺎﺣﺔ ﺃﺩﻡ ..
_ ﺯﻫﺮﺭﺭﺭﺭﺍﺍﺍﺍﺀ ﻭﺧﺮﺭﻱ ﻟﺘﺘﺤﺮﺷﻴﻦ ﻭﻫﺴﻪ ﺑﺲ ﺍﺟﻲ ﻳﻤﺞ ﺍﻭﻭﻱ ﻭﺧﺮ ﻋﻄﺮﻙ ﻭ ***
_ ﻋﺰﺯﺯﺯﺍ ﻫﺎﻱ ﻟﻴﺶ ﺗﻔﺸﺮ ﻣﻮ ﻋﻴﺐ ﺃﺩﺭﻱ ﺷﻨﻮ ﻫﺬﺍ ﻟﺴﺎﻧﻚ ﻣﺘﺒﺮﻱ ﻣﻨﻚ
_ ﻣﺘﺒﺮﻱ ﻣﻨﻲ ﺑﺲ ﻣﺎ ﺗﺒﺮﻱ ﻣﻨﺞ ﺷﻨﻮ ﺭﺃﻳﺞ ﻫﺴﻪ ﺍﺧﻠﻲ ﻟﺴﺎﻧﻲ ﻳﺘﺮﺟﻢ ﺍﺛﺎﺭﻩ ﻉ ﺟﺴﻤﺞ ﻭﻏﻤﺰﻟﻲ
ﺩﻓﻌﺘﻪ ﻭﻛﻤﺖ ﺑﺲ ﻫﻮ ﺃﺳﺮﻉ ﻣﻨﻲ ﻟﺰﻣﻨﻲ ﻭﺳﺤﺒﻨﻲ ﻋﻠﻴﻪ
ﺑﺎﻭﻋﻠﻲ ﺑﺘﻮﺳﻞ : ﻭﺍﻟﻠﻪ ﻣﺸﺘﺎﻕ ﻋﺎﺩ ﺑﺲ ﺷﻮﻳﻪ ﻳﻤﻜﻦ ﺑﺲ ﺍﺷﻤﺞ ﻧﻜﻤﻞ ﻣﺎﺍﻃﻮﻝ ﺍﺑﺪ
_ ﻋﺰﺯﺯﺯﺯﺍ ﻫﻬﻬﻬﻬﻬﻬﻬﻪ ﺷﺒﻴﻚ ﺣﺒﻴﺒﻲ ﺷﻮ ﻓﺪﻣﺮﺓ
_ ﺩﺗﻌﺎﻟﻴﻴﻲ ﺍﺷﺘﻌﻞ ﺍﺑﻮ ﺣﺒﻴﺒﺞ ﺍﻧﻲ ﺑﺎﻟﻀﻴﻢ ﻭﻫﻲ ﺗﺠﺮ ﺍﻟﺤﺠﺎﻳﺔ ﺟﺮ ﻭﻟﺞ ﺩﺧﻴﻞ ﺭﺑﺞ ﺣﺘﻰ ﻓﻬﺎﻭﺗﺞ ﺍﻋﺸﻘﻬﺎ
ﺧﺰﺭﺗﻪ : ﻣﻮ ﻓﺎﻫﻴﺔ
_ ﺃﺣﻠﻰ ﻓﺎﻫﻴﺔ ﺍﻧﺘﻲ ﻣﺤﺒﻮﺑﺘﻲ
ﻭﺑﺎﺳﻨﻲ ﺟﺎﻥ ﻣﺨﺒﻮﺹ ﻋﺒﺎﻟﻚ ﺃﻭﻝ ﻣﺮﺓ ﻳﺘﻘﺮﺑﻠﻲ ﺣﺎﻳﺮ ﺷﻠﻮﻥ ﻳﺘﺮﺟﻢ ﺍﺷﺘﻴﺎﻗﻪ ﻭﺑﺲ ﻫﻤﺴﺎﺗﻪ ﻟﺤﺎﻟﻬﻢ ﺗﻜﻔﻲ ﻭﺗﻮﻓﻲ ﻏﻤﺮﻧﻲ ﺑﺄﺣﻠﻰ ﻛﻠﻤﺎﺕ ﺍﻟﺤﺐ
ﺗﺮﻛﻴﺒﺔ ﻋﺠﻴﺒﺔ ﺻﻔﺎﺀ ﺑﺤﻀﻨﻲ ﻃﻔﻞ ﺻﻐﻴﺮ ﻭﻳﻢ ﺃﻫﻠﻪ ﺭﺟﻞ ﺑﻤﻌﻨﻰ ﺍﻟﻜﻠﻤﻪ ﻳﺄﻣﺮ ﻭﻳﻨﻬﻲ ﻛﻼﻣﻪ ﻣﺴﻤﻮﻉ ﺣﺎﻟﻪ ﺣﺎﻝ ﻋﻤﻮ ﻭﺍﺧﻮﻩ ﺍﻟﺠﺒﻴﺮ ﺑﺲ ﺍﺫﺍ ﻋﺼﺐ ﺍﻭﻭﻭﻳﻠﻲ ﻭﻫﻮ ﻣﻨﺎ ﺻﻮﺗﻪ ﺧﺸﻦ ﺍﺫﺍ ﻋﺎﻁ ﺑﻴﻪ ﺍﻧﺨﻠﺲ ﻣﻦ ﺻﺪﻭﻙ ﻳﺼﻴﺮ ﻳﺨﻮﻑ ..
ﺭﺍﺡ ﺳﺒﺢ ﻭﺍﺟﻪ ﻧﺎﻡ ﻭﺍﻧﻲ ﺑﻘﻴﺖ ﻛﺎﻋﺪﺓ ﻇﻠﻴﺖ ﺍﺟﻴﺐ ﺍﻃﺮﺍﻑ ﺷﻌﺮﻱ ﻭﺍﻣﺮﺭﻫﺎ ﻉ ﻭﺟﻬﻪ ﻭ ﻉ ﺻﺪﺭﻩ ﻭﻃﻔﺮ ﻣﻦ ﻧﻮﻣﺘﻪ ﻭ ﻓﺰ ، ﻭﻳﻈﻞ ﻳﺒﺎﻭﻋﻠﻲ ﻭﻋﻴﻮﻧﻪ ﺣﻤﺮ
ﻣﺼﺪﻭﻡ ﺳﺄﻟﻨﻲ ﺧﻮﻣﺎ ﺑﻴﺞ ﺷﻲ ﻳﺎﺭﻭﺣﻲ
ﺍﺑﺘﺴﻤﺖ ﻭﺟﺎﻭﺑﺘﻪ : ﻻ ﺑﺲ ﺿﺠﺖ ﺃﻧﻲ ﻛﺎﻋﺪﻩ ﻭﺍﻧﺖ ﻧﺎﻳﻢ ﻛﻮﻡ ﺃﻛﻌﺪ ﻭﻳﺎﻳﻪ ﻟﺘﻨﺎﻡ ﻭﺗﺨﻠﻴﻨﻲ ﻭﺣﺪﻱ
_ ﺯﻫﺮﺗﻲ ﻭﺍﻟﻠﻪ ﺗﻌﺒﺎﻥ ﻭﺍﻟﺼﺒﺢ ﻋﻨﺪﻱ ﺩﻭﺍﻡ ﺑﺎﺟﺮ ﺧﻤﻴﺲ ﻭﺍﺳﻬﺮ ﻭﻳﺎﺝ
_ ﻣﺎﺍﺍ ﺃﺑﻨﻚ ﺩﻳﺪﻓﺮ ﺑﻴﻪ ﻭﺍﻧﺖ ﻧﺎﻳﻢ ﻛﻮﻡ ﻟﺘﻨﺎﻡ ﻣﺎﺍﺍ
ﻛﺎﻝ ﺍﻣﺮﻱ ﻻﻟﻠﻪ .. ﻇﻞ ﻛﺎﻋﺪ ﻭﻳﺎﻳﻪ ﻭﺍﻧﻲ ﺍﺣﺠﻲ ﻭﻫﻮ ﺑﺲ ﺻﺎﻓﻦ ﻋﻠﻴﻪ ﻭﻋﻴﻮﻧﻪ ﺣﻤﺮ ﻳﺮﻳﺪ ﻳﻨﺎﻡ ﺃﺧﻴﺮ ﺷﻲ ﺟﺮﻧﻲ ﻟﺤﻀﻨﻪ ﻭﻫﻤﺲ :
ﺧﻠﻲ ﺍﻧﻮﻣﺞ ﻭﺍﻧﺎﻡ ﺑﻌﺪﻳﻦ ﺣﺒﺎﺑﻪ ﺃﺭﺣﻤﻲ ﺣﺎﻝ ﺍﻟﻌﺒﺪ ﺍﻟﺒﺎﺋﺲ ﺍﻟﻲ ﺍﻟﻠﻪ ﻣﻄﻴﺢ ﺣﻈﻪ ﻭﺑﻼﻩ ﺑﻮﺣﺪﻩ ﺧﺒﻠﻪ ﻭﺑﻼ ﺿﻤﻴﺮ ..
ﺍﺟﻴﺖ ﺍﺟﺎﻭﺑﻪ ﺳﻜﺘﻨﻲ ﺑﺒﻮﺳﻪ ﺑﻌﺪﻫﺎ ﺑﺎﻟﻔﻌﻞ ﻧﻤﺖ ﻛﻮﺓ ..
ﻛﻌﺪﺕ ﺍﻟﺼﺒﺢ ﺟﺎﻥ ﻛﺎﻋﺪ ﻗﺒﻠﻲ ﻧﺰﻟﺖ ﻭﺗﺮﻳﻜﻨﺎ ﻭﺻﻌﺪﺕ ﺍﺑﺪﻝ .. ﻇﻞ ﻳﺒﺎﻭﻋﻠﻲ ﻳﺸﻮﻓﻨﻲ ﺷﻨﻮ ﺃﻟﺒﺲ ﻭﺧﺎﻑ ﺍﻃﻮﺥ ﺑﺎﻟﻤﻜﻴﺎﺝ ﻳﺮﺍﻗﺒﻨﻲ ..
ﺍﺣﺐ ﻏﻴﺮﺗﻪ ﻋﻠﻴﻪ ﻇﻠﻴﺖ ﺍﻃﻮﺥ ﺑﺎﻟﻤﻜﻴﺎﺝ ﻣﺘﻌﻤﺪﺓ ﺗﺨﺒﻞ ﻇﻞ ﻳﻔﺘﺮ ﻭﺭﺍﻳﻪ ، ﻟﺰﻣﻨﻲ ﻭﺛﺒﺘﻨﻲ ﻋﻠﻰ ﺍﻟﺤﺎﻳﻂ ﻭﻳﻤﺴﺢ ﺑﻮﺟﻬﻲ
ﺗﺼﻨﻌﺖ ﺍﻟﺒﺠﻲ ؛ ﺻﻔﺎﺍﺍﺀ ﻋﻮﻭﻭﻓﻨﻲ ﺣﺒﺎﺏ ﻇﻠﺖ ﻋﻠﻴﻪ ﺗﺮﺓ ﺍﻟﻜﻞ ﻳﺤﻄﻦ ﻣﻜﻴﺎﺝ ﻣﻮﺑﺲ ﺍﻧﻲ
ﺟﺎﻭﺑﻨﻲ ﺑﺄﻗﻨﺎﻉ : ﺟﻤﺎﻟﺞ ﺑﺲ ﺃﻟﻴﻪ ﻣﺎﺍﻗﺒﻞ ﺍﺣﺪ ﻳﺸﻮﻓﺞ ﻭﺍﻧﺘﻲ ﻣﺨﻠﻴﻪ ﻣﻜﻴﺎﺝ ، ﺷﻮﻛﺖ ﺗﺨﻠﺼﻴﻦ ﻛﻠﻴﺔ ﺗﺮﺭﺭﺭﺭﻯ ﺍﺧﺘﻨﻜﺖ ..
( ﻫﻮﺍﻳﻪ ﻳﻐﺎﺭ ﻋﻠﻴﻪ ﻭﺣﺮﺻﻪ ﻭﺧﻮﻓﻪ ﻋﻠﻴﻪ ﺍﻛﺒﺮ ﻣﻦ ﻏﻴﺮﺗﻪ ﻭﺍﺣﺴﺎﺳﻪ ﺑﺎﻟﻤﺴﺆﻭﻟﻴﺔ ﺧﻼﻧﻲ ﺍﺷﻮﻓﻪ ﻣﺜﻞ ﺍﺑﻮﻳﻪ ﻭﺍﻟﺒﻨﻴﺔ ﻣﻦ ﺗﺸﻮﻑ ﺷﺨﺺ ﻣﺜﻞ ﺍﺑﻮﻫﺎ ﻣﻌﻨﺎﻫﺎ ﻋﻈﻴﻢ ﻫﻮﺍﻱ ﺑﻌﻴﻨﻬﺎ ) .....
ﻋﺒﻴﺮ ﺧﻠﺼﺖ ﺍﻣﺘﺤﺎﻧﺎﺕ ﺍﻟﺤﻤﺪﻟﻠﻪ ﻭﺟﻨﺖ ﻣﺠﺎﻭﺑﻪ ﺑﻴﻬﻢ ﻣﺎﻋﺪﺍ ﺍﻟﺠﻐﺮﺍﻓﻴﺔ ﻭﻣﺎﺍﻋﺮﻑ ﻟﻴﺶ ﻣﺎﺍﺟﻠﺘﻬﺎ ﻭﻣﺮﻳﻢ ﻗﺒﻠﻲ ﻣﺨﻠﺼﻪ ﺑﺎﺑﺎ ﻛﺎﻝ ﺑﺎﻟﻠﻴﻞ ﻧﻄﻠﻊ ﺍﺧﺘﺎﺭﻭﺍ ﺍﻟﻤﻜﺎﻥ ﻛﻞ ﻣﺮﺓ ﺍﺭﻭﺡ ﻟﺸﺎﺭﻉ ﺍﻟﺮﺑﻴﻌﻲ ﻫﺎﻟﻤﺮﺓ ﻋﺠﺒﻨﻲ ﺍﺭﻭﺡ ﻟﻠﻤﻨﺼﻮﺭ
ﻭﺑﺎﻟﻔﻌﻞ ﺑﺎﻟﻠﻴﻞ ﻃﻠﻌﻨﻪ ﻭﺻﻔﺎﺀ ﻭ ﺯﻫﺮﺍﺀ ﺍﺟﻮﻱ ﻭﻳﺎﻧﻪ ﺍﻓﺘﺮﻳﻨﺎ ﺷﻮﻳﻪ ﺻﻔﺎﺀ ﺍﺟﺎﻩ ﺍﺗﺼﺎﻝ ﻭﻃﻠﻊ ﺑﺎﻟﺤﺪﻳﻘﻪ ﻣﺎﻝ ﺍﻟﻤﻄﻌﻢ ﻳﺠﺎﻭﺏ ﻭﺍﻧﻲ ﺿﺠﺖ ﻋﺠﺒﻨﻲ ﺍﻃﻠﻊ ﺷﻮﻳﻪ ﺍﺷﻢ ﻫﻮﺍ
ﻃﻠﻌﺖ ﻭﺍﻧﺼﺪﻣﺖ ﺻﻔﺎﺀ ﻭﺍﻛﻒ ﻭﻳﺎ ﺍﺳﺮﺍﺀ ﻭﺭﺷﺎ
ﺻﻔﺎﺀ : ﺧﺎﺑﺮﻧﻲ ﺻﺪﻳﻘﻲ ﻃﻠﻌﺖ ﻟﻠﺤﺪﻳﻘﺔ ﻣﺎﻟﺔ ﺍﻟﻤﻄﻌﻢ
ﻭﺍﻟﺼﺪﻣﻪ ﺍﺷﻮﻑ ﺭﺷﺎ ﻭﻳﺎﻫﺎ ﺃﺳﺮﺍﺀ ﺻﺎﺭﻥ ﺑﻮﺟﻬﻲ ..
ﻇﻠﻴﺖ ﺃﺑﺎﻭﻉ ﺑﻮﺟﻪ ﺭﺷﺎ ﻣﺎﺍﻋﺮﻑ ﺣﻘﺎﺭﺓ ﺧﺒﺎﺛﻪ ﺍﻭ ﺻﺪﻓﻪ ﺑﺲ ﻧﻈﺮﺍﺗﻬﺎ ﻣﺘﻮﺣﻲ ﺃﻧﻮ ﻫﺎﻱ ﺻﺪﻓﻪ ﺟﻴﺘﻬﺎ ﻟﻬﻨﺎ
ﺗﻘﺮﺑﻦ ﺑﺎﺗﺠﺎﻫﻲ ﻭﺍﺟﻦ ﺩﻳﺴﻠﻤﻦ ﻋﻠﻴﻪ ..
ﺑﻘﻴﺖ ﺍﺑﺎﻭﻋﻠﻬﻦ ﺑﻨﻈﺮﺍﺕ ﻓﻀﺐ ﺑﻌﺪﻧﻲ ﺻﺎﻓﻦ ﻋﻠﻴﻬﻦ ﻃﻠﻌﺖ ﻋﺒﻴﺮ ﺑﺲ ﺷﺎﻓﺘﻨﻲ ﺃﺟﺖ ﻳﻤﻨﻪ
ﺑﺎﻭﻋﺘﻠﻬﺎ ﻭﻫﻲ ﺑﺴﺮﻋﻪ ﺳﺄﻟﺘﻨﻲ : ﺻﻔﺎﺀ ﺫﻧﻲ ﺷﻴﺴﻮﻥ ﻫﻨﺎ ﺗﺮﻯ ﺃﺑﺪ ﻣﻮ ﻭﻗﺘﻬﻦ ﺯﻫﺮﺍﺀ ﺣﺎﻣﻞ ﻭﺫﻳﺞ ﺍﻟﻤﺮﺓ ﻫﺎﻱ ﻭﺍﺷﺮﺕ ﻉ ﺭﺷﺎ ﻭﻛﻌﺘﻬﺎ ﻭﻣﻮﺗﺖ ﺃﺑﻨﻬﺎ ﺍﻧﻮﺑﻪ ﻫﺴﻪ ﻭﻳﺎﻫﺎ ﺍﺳﺮﺍﺀ ﺷﻜﻮ ﺷﺪﻳﺼﻴﺮ ﻭﻟﻴﺶ ﺃﻧﺖ ﻣﻦ ﺍﺟﺎﻙ ﺍﺗﺼﺎﻝ ﻃﻠﻌﺖ ﺑﺮﺍ ﺟﻨﺖ ﺗﻌﺮﻑ ﺑﻮﺟﻮﺩﻫﻦ؟
ﺟﺎﻭﺑﺘﻬﺎ ﺑﻌﺼﺒﻴﺔ : ﻻ ﻣﻨﻴﻦ ﺃﻋﺮﻑ ﺑﺲ ﺃﺟﺎﻧﻲ ﺍﺗﺼﺎﻝ ﻣﻦ ﺻﺪﻳﻘﻲ ﻭﻃﻠﻌﺖ ﺩﺍﺍﺟﺎﻭﺑﻪ ﻻﻥ ﺟﻮﻩ ﻫﻮﺳﻪ ﻋﻮﺩ ﻫﻨﺎ ﺃﺳﻤﻊ ﺯﻳﻦ ﺍﺷﻮ ﻃﻠﻌﺖ ﺻﺎﺭﻥ ﺑﻮﺟﻬﻲ
ﺑﺎﻭﻋﺘﻠﻲ ﺑﻨﻈﺮﺓ ﻋﺒﺎﻟﻚ ﺗﺮﻳﺪ ﺗﺪﺭﺳﻨﻲ ﺍﻟﺘﻔﺘﺖ ﻉ ﺭﺷﺎ : ﺍﻛﻮﻝ ﻳﺎ ﺣﻠﻮﺓ ﻃﻜﻄﻜﻲ ﻧﻌﺎﻟﺞ ﺃﻧﺘﻲ ﻭﻫﺎﻱ ﺍﻟﺴﺤﻠﻴﺔ ﻭﻳﻼ ﻣﻨﺎ ﺟﺎﻳﺒﺘﻬﺎ ﻭﺟﺎﻳﻪ ﺷﻜﻮ ﻋﺪﻧﺎ ﻋﺮﺱ ﻣﺜﻼً
ﻭﺑﻌﺪﻳﻦ ﺍﻧﺘﻲ ﻭﺑﺎﻭﻋﺖ ﻉ ﺃﺳﺮﺍﺀ ﺍﺩﺭﻱ ﻣﻮ ﻣﺘﺰﻭﺟﻪ ﺃﺛﻜﻠﻲ ﺧﻠﻲ ﻃﺎﺑﻮﻛﺔ ﻣﻨﺎ ﻭﻣﻨﺎ ﻋﻴﺐ ﺗﺮﻛﻀﻴﻦ ﻭﺭﺍ ﺭﺟﺎﻝ ﻣﺘﺰﻭﺝ ﻭﺣﻴﺼﻴﺮ ﺃﺏ ﺷﻨﻮ ﻣﺎﻋﻨﺪﺝ ﺧﺠﻞ ﺃﻧﺘﻲ ﻭﻟﺞ
ﺟﺮﻳﺖ ﻋﺒﻴﺮ ﺣﺘﻰ ﺃﻧﺒﻬﻪ ﻻﻥ ﺻﻮﺗﻬﺎ ﺑﺪﺃ ﻳﻌﻠﻰ ﻭﺍﺣﻨﻪ ﺑﻤﻜﺎﻥ ﻋﺎﻡ ﻭﺟﻬﺖ ﻛﻼﻣﻲ ﻟﺮﺷﺎ : ﺍﺧﺬﻱ ﺯﺑﺎﻟﺘﺞ ﻭﺍﺭﺟﻌﻲ ﻣﻨﻴﻦ ﻣﺎﺍﺟﻴﺘﻲ ﻻ ﺍﻃﻴﺢ ﺣﻈﺞ ﻻﺑﺎﺭﻙ ﺍﻟﻠﻪ ﺑﻴﺞ ﻣﻦ ﺃﺧﺖ ﻗﺬﺭﺓ ﻛﻞ ﻣﺎﺍﻛﻮﻝ ﺗﻨﻌﺪﻟﻴﻦ ﺍﻟﻜﺎﺝ ﺍﻛﺜﺮ ﻋﻮﺟﻪ ﻣﻮ ﺑﻴﺪﺝ ﺫﻳﻞ ﺍﻟﺠﻠﺐ ﻣﻴﻨﻌﺪﻝ
ﺭﺷﺎ ؛ ﻣﻜﺎﻥ ﻋﺎﻡ ﻫﺬﺍ ﻣﻮ ﻟﻠﺨﻠﻔﻮﺝ ﺍﻓﺘﻬﻤﺘﻲ ..
ﻋﺮﻓﺖ ﺣﺘﻜﺐ ﻋﺮﻛﺔ ﺟﺮﻳﺖ ﻋﺒﻴﺮ ﻭﺩﺧﻠﺖ ﺑﺎﻟﻤﺪﺧﻞ ﻣﺎﻝ ﺍﻟﻤﻄﻌﻢ ﻛﺎﻟﺖ ﺻﻔﺎﺀ ﺃﺣﻠﻒ ﻣﺘﺪﺭﻱ ﺑﻴﻬﻦ ؟
_ ﺷﺒﻴﺞ ﺧﺒﻠﻪ ﺃﻧﺘﻲ ﻟﺞ ﻣﺎﺍﺑﺪﻝ ﺃﺧﺘﺞ ﺑﻜﻨﻮﺯ ﺍﻟﺪﻧﻴﺎ ﺑﺎﺑﺎ ﺃﺧﺘﺞ ﺻﺎﺭﺗﻠﻲ ﻭﻃﻦ ﻭﺳﻨﺪ ﺷﺪﺗﺤﺠﻴﻦ ﺃﻧﺘﻲ
ﺭﺟﻌﻨﺎ ﻛﻌﺪﻧﺎ ﺍﻛﻠﻨﺎ ﺟﻨﺖ ﻛﺎﻋﺪ ﻉ ﺃﻋﺼﺎﺑﻲ ﻛﻠﺶ ﺗﻮﺗﺮﺕ ﺑﺲ ﺭﺩﺕ ﻧﺮﺟﻊ ﻭﺟﻨﺖ ﻧﺎﻭﻱ ﺍﻛﻮﻝ ﻟﺰﻫﺮﺍﺀ ﺣﺘﻰ ﻣﺘﻌﺮﻑ ﻣﻦ ﻏﻴﺮﻱ ﻭﺗﺴﻮﻳﻠﻲ ﺯﻓﻪ ..
ﺯﻫﺮﺍﺀ ﻣﻦ ﺭﺟﻌﻨﺎ ﺣﺠﺎﻟﻲ ﺻﻔﺎﺀ ﻛﻠﺸﻲ ﻟﻤﻦ ﺷﺎﻑ ﺭﺷﺎ ﻭﺃﺳﺮﺍﺀ ﺟﺎﻭﺑﺘﻪ : ﺣﺒﻴﺒﻲ ﺃﻧﻲ ﻛﻠﻲ ﺛﻘﻪ ﺑﻴﻚ ﻭﺑﺤﺒﻚ ﻭﺍﻋﺮﻑ ﻋﻴﻮﻧﻚ ﻣﺘﺸﻮﻑ ﻏﻴﺮﻱ ﻭﮔﻠﺒﻚ ﻣﻴﻨﺒﺾ ﺑﻌﺪ ﻟﻠﻤﺎﺿﻲ
ﺳﺄﻟﻨﻲ : ﺍﻱ ﻣﺤﻘﻖ ﻛﻮﻧﺎﻥ ﺷﻠﻮﻥ ﻋﺮﻓﺖ
_ ﺍﻋﺮﻑ ﺣﺒﻲ ﺍﻋﺮﻑ ﺃﻧﺘﻲ ﺑﺤﻀﻨﻲ ﻃﻔﻞ ﺻﻐﻴﺮﻭﻥ ﻭﻣﺘﺸﻮﻑ ﻧﻔﺴﻚ ﺷﻠﻮﻥ ﺗﻀﻴﻊ ﻣﻦ ﺗﻨﺎﻡ ﻳﻤﻲ ﺣﺘﻰ ﻧﻔﺴﻚ ﺗﺴﺤﺒﻪ ﺑﺼﻌﻮﺑﻪ
ﺗﺮﻛﺘﻪ ﻭﻛﻤﺖ ﺍﺭﻳﺪ ﺃﺭﻭﺡ ﻟﻠﺤﻤﺎﻡ ﺟﺎﻥ ﻣﻜﻌﺪﻧﻲ ﺑﺤﻀﻨﻪ ﺳﺄﻟﻨﻲ ﻭﻳﻦ ؟
_ ﻟﻠﺤﻤﺎﻡ ﺣﺒﻴﺒﻲ ﻫﺴﻪ ﺃﺟﻴﻚ ﻣﻮ ﺗﻨﺎﻡ ﻭﻏﻤﺰﺗﻠﻪ
_ ﺗﺮﻳﺪﻳﻦ ﺣﻘﺞ ﺍﻟﺸﺮﻋﻲ ﻣﻮ ﻫﻬﻬﻬﻬﻬﻬﻪ
_ ﺃﻱ ﻟﻌﺪ ﺷﻨﻮ ﻭﺣﺪ ﻣﺸﺘﺎﻗﺘﻠﻚ ﺍﺫﺍ ﺍﺟﻴﺖ ﻭﻟﻜﻴﺘﻚ ﻧﺎﻳﻢ ﺍﺫﺑﺤﻚ
ﺭﻓﻊ ﺍﺩﻳﻪ ﺑﺄﺳﺘﺴﻼﻡ : ﺣﺎﺿﺮ ﺳﻴﺪﺗﻲ ﻣﺎﺍﻧﺎﻡ ﺑﺲ ﺗﻌﺎﻟﻲ ﺟﺎﻱ ﺷﻌﻨﺪﺝ ﺭﺍﻳﺤﻪ ﻟﻠﺤﻤﺎﻡ
_ ﻳﻌﻨﻲ ﺣﺒﻴﺒﻲ ﺍﻟﻲ ﻳﺮﻭﺡ ﻟﻠﺤﻤﺎﻡ ﺷﻴﺴﻮﻱ؟
ﺟﻨﺖ ﺍﺣﺠﻲ ﻭﺷﻔﺎﻳﻔﻪ ﻣﺨﻠﻴﻬﺎ ﻭﺭﺍ ﺃﺫﻧﻲ ﻭﻛﻞ ﺷﻮﻳﻪ ﻳﺎﺧﺬ ﺷﺤﻤﺎﻳﺔ ﺃﺫﻧﻲ ﺑﻴﻦ ﺷﻔﺎﻳﻔﻪ ﺩﻳﺜﻴﺮ ﻣﺸﺎﻋﺮﻱ ﻭﺍﻧﻲ ﺗﻜﺶ ﺭﻭﺣﻲ ﺑﺲ ﺍﺭﻳﺪ ﺍﻓﻠﺖ ﻭﻫﻮ ﻣﻘﻴﺪﻧﻲ ﺑﺤﻀﻨﻪ ﻣﻴﺨﻠﻴﻨﻲ ﺃﻛﻮﻡ
ﻫﻤﺲ : ﺍﻟﻴﺮﻭﺡ ﻟﻠﺤﻤﺎﻡ ﻋﻨﺪﻩ ﺧﻴﺎﺭﻳﻦ ﺃﻧﺘﻲ ﻳﺎﻫﻮ ﻣﻨﻬﻢ ؟ ﻳﺤﺠﻲ ﻭﺍﻧﻔﺎﺳﻪ ﺍﻟﺤﺎﺭﺓ ﺗﻀﺮﺏ ﻉ ﺑﺸﺮﺗﻲ ﻭﻟﺤﻴﺘﻪ ﺗﺪﻏﺪﻏﻨﻲ
ﺟﺎﻭﺑﺘﻪ ﺑﺼﻮﺕ ﻧﺎﺻﻲ : ﺃﻧﺖ ﻟﻮﻳﺶ ﺗﻔﺎﺻﻴﻠﻚ ﻣﻨﺤﺮﻓﻪ ﺣﺒﻴﺒﻲ ﺍﺗﺮﻛﻨﻲ ﺍﻛﻮﻡ ﺣﺒﺎﺏ
_ ﻟﺞ ﺗﺮﻯ ﺑﻌﺪﻧﻲ ﻣﺸﻮﻓﺘﺞ ﺍﻻﻧﺤﺮﺍﻑ ﻉ ﺍﺻﻮﻟﻪ ﺗﻌﺎﻟﻲ ﺍﺷﻮﻓﺞ ﺷﻠﻮﻥ ﻳﺼﻴﺮ ﺍﻻﻧﺤﺮﺍﻑ ﺃﻧﺘﻲ ﻣﺎﻃﻠﺒﺘﻲ ﺍﻻ ﺣﻘﺞ
_ ﺻﻔﺎﺍﺍﺍﺍﺍﺍﺀ
_ ﻋﻴﻮﻧﻪ ﻭﻧﺒﻀﻪ ﻭﺭﻭﺣﻪ
_ ﻭﺧﺮﺭﺭ ﻟﺤﻴﺘﻚ ﺗﺪﻏﺪﻏﻨﻲ ﻭﺍﻧﻔﺎﺳﻚ ﺣﺎﺭﺓ ﺗﭽﻮﻳﻨﻲ
_ ﻫﺎ ﻳﻌﻨﻲ ﺍﺑﻄﻞ ﺍﺷﺎﻭﺭﺝ ﻟﻮ ﺍﺯﻳﻦ ﻟﺤﻴﺘﻲ ﺃﻧﺘﻲ ﺍﺧﺘﺎﺭﻱ
ﺍﻟﺘﻔﺘﺖ ﻋﻠﻴﻪ ﺧﺰﺭﺗﻪ : ﺣﺘﻰ ﺍﺫﺑﺤﻚ ﺍﺫﺍ ﺯﻳﻨﺖ ﻟﺤﻴﺘﻚ
ﺿﺤﻚ ﺑﺼﻮﺕ ﻋﺎﻟﻲ : ﺩﺗﻌﺎﺍﺍﺍﻟﻲ ﺃﻧﻲ ﺍﺫﺑﺤﺞ ﻉ ﻓﺮﺍﺵ ﺍﻟﺰﻭﺟﻴﺔ ﻭﻧﺸﻮﻑ ﻣﻨﻮ ﻳﺬﺑﺢ ﻣﻨﻮ ﺃﻭﻝ ﻭﻟﻮ ﺃﻧﻲ ﺫﺑﺤﺘﺞ ﻣﻦ ﺯﻣﺎﻥ ﺣﺘﻰ ﺷﺮﺣﺘﺞ ﻫﻬﻬﻬﻬﻬﻬﻬﻪ
ﺟﺎﻧﺖ ﺟﻮﻟﺔ ﻣﻦ ﺍﻟﺤﺐ ﺍﻟﻤﺘﺨﻠﻮ ﻣﻦ ﻫﻤﺴﺎﺗﻪ ﺍﻟﺘﺨﻠﻴﻨﻲ ﺃﺿﻴﻊ ﻭﺍﻧﺴﻰ ﺣﺘﻰ ﻧﻔﺴﻲ ﻭﺍﻧﻲ ﺑﺤﻀﻦ ﺣﺒﻴﺒﻲ ﻭﻟﻤﺴﺎﺗﻪ ﺍﻟﺪﺍﻓﻴﺔ ﻣﻦ ﺃﻛﻮﻝ ﻛﻠﻤﺔ ﺃﺣﺒﻪ ﺃﻋﻨﻴﻬﺎ ﺑﻜﻞ ﻣﻌﻨﻰ ﻭﺑﻜﻞ ﺻﺪﻕ ﺃﻛﻮﻟﻬﺎ ﻫﺬﺍ ﺍﻟﺮﺟﻞ ﺍﺗﻤﻠﻜﻨﻲ ﻳﻔﻬﻤﻨﻲ ﻣﻦ ﻧﻈﺮﺓ ﻭﺍﻧﻲ ﻫﻢ ﺃﻋﺮﻑ ﺷﻨﻮ ﺍﻟﻴﻀﻮﺟﻪ ﻭﺷﻨﻮ ﺍﻟﻴﻔﺮﺣﻪ
ﺟﻨﺖ ﺃﺗﺠﻨﺐ ﺍﻻﺷﻴﺎﺀ ﺍﻟﺘﻐﺜﻪ ﺑﺲ ﻫﻮ ﻻ ﺧﺒﻴﺚ ﻳﺤﺐ ﻳﻀﻮﺟﻨﻲ ﻭﻣﻦ ﺃﻋﺼﺐ ﻳﻨﺮﻓﺰﻧﻲ ﺃﻛﺜﺮ ﻳﻀﺤﻚ
ﻳﻜﻮﻟﻲ : ﺃﻭﻝ ﻣﺮﺓ ﺍﺷﻮﻑ ﻓﺎﻫﻴﺔ ﺗﻌﺼﺐ
ﻳﺨﻠﻴﻨﻲ ﺍﺗﻌﺼﺐ ﺑﺎﻟﺰﺍﻳﺪ ﻭﻫﻮ ﻳﻈﻞ ﻳﻀﺤﻚ ﻋﻠﻴﻪ ﻭﻳﺎﺧﺬﻧﻲ ﺑﺤﻀﻨﻪ
ﻟﺤﺪ ﻣﺎﻓﺪﻳﻮﻡ ﺟﺎﻥ ﻋﻠﻴﻪ ٨ ﺃﺷﻬﺮ ﻭﺑﻄﻨﻲ ﻭﺍﺻﻠﻪ ﻟﺨﺸﻤﻲ ﻭﺍﻧﻮﺏ ﻭﺯﻧﻲ ﺯﺍﺩ ﺑﺸﻜﻞ ﻓﻀﻴﻊ ﻭﺍﻧﻲ ﻗﺰﻣﻪ ﺟﻨﺖ ﻳﻢ ﺃﻫﻠﻲ ﻭﺍﺟﻪ ﺻﻔﺎﺀ ﻋﻠﻴﻪ ﻭﺫﻧﻲ ﻋﺒﻴﺮ ﻭﻣﺮﻳﻢ ﺍﻟﺤﻘﻴﺮﺍﺕ ﺷﺒﻌﻨﻲ ﺗﺼﻨﻴﻒ ﻻﻥ ﻗﺰﻣﻪ ﻭﻣﻨﺎ ﺣﺎﻣﻞ
ﻋﺒﻴﺮ ﺗﻔﺘﺮ ﻭﺭﺍﻳﻪ ﻭﺗﺤﺠﻲ : ﺍﺩﺭﻱ ﺩﻭﺧﺮﻱ ﻣﻨﺎ ﻟﻨﺪﻭﺱ ﻋﻠﻴﺞ ﺟﻨﺞ ﺭﻛﻴﺔ ﺗﻤﺸﻲ ﻭﺗﺪﻋﺒﻞ
ﻭﻣﺮﻳﻢ ﺗﺠﺎﻭﺑﻬﺎ : ﻟﺞ ﺍﻱ ﺑﺮﺑﻲ ﺻﺪﻭﻙ ﺭﻛﻴﺔ ﺍﻟﻤﺼﻴﺒﻪ ﺯﻭﺟﻬﺎ ﺷﻄﻮﻟﻪ ﻭﻫﻲ ﺍﺫﺍ ﻭﻛﻔﺖ ﻳﻤﻪ ﺭﻗﻢ ﻋﺸﺮﻩ
ﺍﺟﺎﻫﻢ ﺻﻮﺕ ﻣﺎﺍﺩﺭﻱ ﺷﻮﻛﺖ ﺃﺟﻪ ﺍﺻﻼً : ﺑﻨﺎﺕ ﻋﻤﻲ ﺣﺠﻴﺘﻮﺍ ﻣﻌﺎﻧﺎﺗﻲ ﻭﻳﺎ ﺍﻟﺴﻨﺎﻓﺮ ﻭﻃﻜﻬﺎ ﺑﻀﺤﻜﻪ
ﺍﻧﻲ ﻣﻨﺎ ﻫﺮﻣﻮﻧﺎﺕ ﺍﻟﺤﻤﻞ ﻣﺄﺛﺮﺓ ﻋﻠﻴﻪ ﻭﺫﻭﻟﻪ ﻳﺼﻨﻔﻮﻥ ﻋﻠﻴﻪ ﻛﻌﺪﺕ ﺑﺒﺎﺏ ﻏﺮﻓﺔ ﺑﺎﺑﺎ ﻭﻣﺎﻣﺎ ﺃﺑﺠﻲ ﻭﺍﺷﻜﻲ
ﺍﺟﺎﻧﻲ ﺻﻔﺎﺀ ﻳﺤﺠﻲ ﻭﻳﻀﺤﻚ : ﻫﺎﻱ ﺷﻨﻮ ﻭﻟﺞ ﻛﻌﺪﺗﻲ ﺑﺒﺎﺏ ﻏﺮﻓﺔ ﺃﻣﺞ ﻭﺍﺑﻮﺝ ﺣﺘﻰ ﻳﺴﻤﻌﻮﺝ ﻭﺃﻧﺘﻲ ﺗﺒﺠﻴﻦ ﻣﺘﺨﺎﻓﻴﻦ ﺭﺑﺞ ﺧﺎﻑ ﺃﻧﻄﺮﺩ ﻭﺍﻧﻲ ﺟﻮﻋﺎﻥ ﻭﺍﻣﻲ ﻳﻢ ﺑﻴﺖ ﺑﻬﺎﺀ ﺟﺎﻥ ﺧﻔﺘﻲ ﺭﺑﺞ ﺷﻮﻳﻪ
ﻋﺒﻴﺮ ﻭﻣﺮﻳﻢ ﺧﺮﺑﺎﺕ ﺿﺤﻚ ﻋﻠﻴﻪ ﻭﻫﻮ ﻳﺒﺎﻭﻋﻠﻬﻢ ﻋﻮﺩ ﻳﺨﺰﺭﻫﻢ ﺑﺲ ﻫﻮ ﺑﺎﻟﻜﻮﺓ ﻛﺎﺗﻢ ﺿﺤﻜﺘﻪ
_ ﻫﺎﻱ ﺷﻨﻮﻭ ﺑﻨﺎﺕ ﻣﻮ ﻋﻴﺐ ﺗﻀﺤﻜﻮﻥ ﻉ ﺍﺧﺘﻜﻢ ﺍﻟﺴﻨﻔﻮﺭﺓ ﺍﺍﺍﻗﺼﺪ ﺍﻟﺠﺒﻴﺮﺓ ﺗﺮﻯ ﻋﻴﺐ ﻋﺎﺩ ﺍﺣﺘﺮﻣﻮﻫﺎ ﻛﺪﺍﻣﻲ ﺷﺠﻌﻮﻧﻲ ﺃﺣﺘﺮﻣﻬﺎ
ﻋﺒﻴﺮ ﺗﺠﺎﻭﺑﻪ : ﻳﻤﻌﻮﺩ ﻛﻮﻣﻬﺎ ﻋﺎﺩ ﻣﻦ ﺑﺎﺏ ﺍﻟﻐﺮﻓﻪ ﺗﺮﻯ ﺃﻣﻲ ﻣﺎﻋﺪﻫﺎ ﻣﺎﻧﻊ ﺗﺒﻘﻴﻨﺎ ﺑﺪﻭﻥ ﺃﻛﻞ ﻣﺠﺮﻣﺔ ﺗﻔﻘﺪ ﻉ ﺑﻨﺘﻬﺎ ﺍﻟﻘﺰﻣﻪ ﺍﻟﻘﺰﻣﺔ ﺍﻟﺪﺑﺔ ﺣﻤﻴﺴﻪ ﻭﻃﻜﺘﻬﺎ ﺿﺤﻜﻪ
ﺍﺟﻪ ﺻﻔﺎﺀ ﻛﻮﻣﻨﻲ ﻭﺍﻧﻲ ﺑﻌﺪﻧﻲ ﺃﺑﺠﻲ : ﻭﻟﺞ ﻛﺎﻓﻲ ﺑﺠﻲ ﺧﺎﻑ ﺍﻧﻮﺏ ﺗﻜﺼﺮﻳﻦ ﺑﺎﻟﺰﺍﻳﺪ ﺷﻠﻮﻥ ﺑﻴﻪ ﺃﺷﻴﻠﺞ ﻟﻮ ﺍﻋﻠﻜﺞ ﺣﺘﻰ ﺍﻟﻨﺎﺱ ﺗﺸﻮﻓﺞ
ﻃﻠﻌﻮﺍ ﺑﺎﺑﺎ ﻭﻣﺎﻣﺎ ﻣﻦ ﺍﻟﻐﺮﻓﻪ ﻭﺫﻭﻟﻪ ﺍﻟﺜﻼﺛﻲ ﺍﻧﺨﺮﺳﻮﺍ ﺫﻧﻴﺞ ﺭﺍﺣﻦ ﻟﻠﻤﻄﺒﺦ ﻭﺻﻔﺎﺀ ﻛﺎﻋﺪ ﻋﺎﻗﻞ ﻭﻳﻐﻤﺰﻟﻲ ﻭﻳﺄﺷﺮ ﻉ ﺑﻄﻨﻪ ﻋﻮﺩ ﻟﺘﺤﺠﻴﻦ ﺟﻮﻋﺎﻥ ﺧﺎﻑ ﺍﻧﻄﺮﺩ
ﺿﺤﻜﺖ ﻋﻠﻴﻪ ﻭﺗﺮﻛﺘﻪ ﻭﺭﺣﺖ ﻭﻳﺎ ﺍﻟﺒﻨﺎﺕ ﺍﺣﻀﺮ ﺍﻟﻐﺪﺍﺀ
....
ﻋﺒﻴﺮ .. ﻃﻠﻌﺖ ﻣﻦ ﺑﻴﺘﻨﺎ ﺗﻮﺟﻬﺖ ﻟﺒﻴﺖ ﻋﻤﻮ ﻛﺮﻳﻢ
ﺭﺍﻳﺤﻪ ﺍﺷﻮﻑ ﻣﻬﺎ .. ﺧﺎﺑﺮﺗﻨﻲ ﺗﺒﺠﻲ ﻭﻣﺎﻋﺮﻓﺖ ﺷﺒﻴﻬﺎ ﺍﺻﺮﺕ ﺍﻟﻪ ﺍﺟﻴﻬﺎ ﻭﺭﻏﻢ ﻛﺎﺭﻫﺔ ﻛﺮﺍﺭ ﻫﺎﻟﻔﺘﺮﺓ ﻭﻣﺰﺍﻋﻠﺘﻪ ﺻﺎﺭ ﻫﻮﺍﻳﻪ ﺑﺲ ﺍﻧﻘﻬﺮﺕ ﻋﻠﻴﻬﺎ ﻭﺭﺣﺖ ..
ﻭﺻﻠﺖ ﻟﺒﻴﺖ ﻋﻤﻮ ﻓﺘﺖ ﻟﻜﻴﺖ ﻗﺴﻮﺭ ﻭﻛﺮﺍﺭ ﻛﺎﻋﺪﻳﻦ ﺑﺎﻟﺤﺪﻳﻘﻪ ﺳﻠﻤﺖ ﻋﻠﻴﻬﻢ ﺑﺒﺮﻭﺩ ﻭﻣﺪﻧﻜﺔ ..
ﺭﺩﻭﺍ ﻋﻠﻴﻪ ﺭﻓﻌﺖ ﺭﺍﺳﻲ ﺑﻼ ﻭﻋﻲ ﺍﺟﺖ ﻋﻴﻨﻲ ﺑﻌﻴﻦ ﻗﺴﻮﺭ
ﺗﻨﻬﺪﺕ ﻭﻧﻈﺮﺍﺗﻪ ﺗﺒﺚ ﺷﺘﺎﺕ ﻣﺘﻤﺎﺳﻚ ، ﺣﺴﻴﺖ ﻋﻠﻰ ﺍﺛﺮﻫﺎ ﺑﻮﺧﺰﺍﺕ ﺗﺨﺘﺮﻕ ﻗﻠﺒﻲ ﻭﺗﺄﻟﻤﻨﻲ ﻋﻠﻰ ﺣﺎﻟﻪ ، ﻻﺍﺭﺍﺩﻳﺎ ﺗﻮﺟﻬﺖ ﻧﻈﺮﺍﺗﻲ ﻟﻜﺮﺍﺭ ﺍﻟﻮﺍﻛﻒ ﺑﺼﻔﻪ ﻭﺟﺎﻥ ﻳﺒﺎﻭﻋﻠﻲ ﺑﺼﺒﺮ ﺷﺒﻪ ﻣﻔﻘﻮﺩ ﻭﻧﻈﺮﺍﺕ ﺍﻟﺮﻓﺾ ﺗﻨﺒﺜﻖ ﻣﻦ ﻋﻴﻮﻧﻪ ﺑﺸﺮﺍﺳﺔ ..
ﺣﺴﻴﺘﻬﺎ ﺍﻃﻮﻝ ﻟﺤﻈﺔ ﺑﺤﻴﺎﺗﻲ ﻋﻔﺘﻬﻢ ﺗﺸﺘﺖ ﻭﺗﺒﻌﺜﺮﺕ
.. ﺩﺧﻠﺖ ﻟﻠﺒﻴﺖ ﺑﺴﺮﻋﺔ ..
ﺳﻠﻤﺖ ﻋﻠﻰ ﻋﻤﻪ ﻭﻋﻤﻮ ﻭﺍﺳﺘﺄﺫﻧﺖ ﻣﻨﻬﻢ ﺍﺭﻭﺡ ﻟﻐﺮﻓﺔ
ﻣﻬﺎ ﺩﻛﻴﺖ ﺍﻟﺒﺎﺏ ﻣﺎﻝ ﻏﺮﻓﺘﻬﺎ ، ﻓﺘﺤﺘﻪ ﺑﻌﺪ ﺛﻮﺍﻧﻲ
ﻭﺩﻣﻮﻋﻬﺎ ﺣﻤﺮﺓ ﻭ ﺗﺒﺠﻲ ﻭﺗﺸﻬﻚ ..
ﻓﺘﺤﺖ ﺍﻟﺒﺎﺏ ﻭﺭﺍﺣﺖ ﻟﻨﺺ ﺍﻟﻐﺮﻓﺔ ﺗﺒﺠﻲ ﻭﺗﻤﺴﺢ ﺑﺪﻣﻮﻋﻬﺎ ﺗﻮﺟﻬﺖ ﺍﻟﻬﺎ ﺑﻨﻔﺎﺫ ﺻﺒﺮ ؛ ﻳﻤﻌﻮﺩﺓ ﺷﺒﻴﺞ ﺷﻜﻮ ؟
ﻇﻠﺖ ﺗﺠﺮ ﺍﻧﻔﺎﺳﻬﺎ ﻛﻮﺓ ﻭﻧﻄﻘﺖ : ﻭﻟﺞ ﻋﺒﻴﺮ ﺍﻟﺤﻜﻴﻠﻲ ﻛﺮﺍﺭ ﺣﻴﺘﺰﻭﺝ ﻫﻨﺪ ﻋﻠﻴﻪ ﻭﺍﻟﻠﻪ ﺍﻣﻮﻭﻭﺕ ﺍﺫﺍ ﺳﻮﺍﻫﺎ ...
ﻳﺘﺒﻊ ...
