#ﻓﻲ_ﺷﺮﻳﻌﺔ_ﺍﻟﻌﺸﻖ
ﻧﻮﺭﺍ ﻧﺎﺻﺮ
#بارت٧
ﺻﻔﺎﺀ : ﺷﻜﺪ ﺩﺍﺍﺣﺎﻭﻝ ﺍﻧﺠﻤﻊ ﻭﻳﺎ ﻣﺤﺒﻮﺑﺘﻲ ﺩﺍﺧﻞ
ﺑﻴﺖ ﻭﺍﺣﺪ ﻣﺪﻳﺼﻴﺮ ، ﺍﻟﻘﺪﺭ ﻳﺨﺎﻟﻒ ﻭﻳﺎﻳﻪ ..
ﻗﺒﻞ ﺟﺎﻥ ﺑﺲ ﺍﺧﻮﻫﺎ ﺍﻟﻮﺳﻄﺎﻧﻲ ﻣﻌﺎﺭﺽ ﻫﺴﻪ ﺻﺎﺭﻭﺍ ﺍﺑﻮﻫﺎ ﻭﺍﺧﻮﻫﺎ ﺍﻟﻮﺳﻄﺎﻧﻲ ﻭ ﺯﻭﺝ ﺍﺧﺘﻲ ﻫﻢ ..
ﻭﻫﻲ ﻫﻢ ﺧﺒﻠﺘﻨﻲ ﺧﺎﺑﺮﺗﻬﺎ ..
ﻛﺘﻠﻬﺎ ﺭﺍﺡ ﺍﺟﻲ ﺍﺣﺠﻲ ﻭﻳﺎﻫﻢ ﻭﺍﺫﺍ ﺳﺄﻟﻮﺝ ﺗﺮﻳﺪﻱ ﻟﻮﻻ ﺍﺣﺠﻲ ﺍﻟﺘﺮﺩﻱ .. ﻣﺎﺷﻲ
ﻇﻠﺖ ﺗﺒﺠﻲ ﻭﻛﺎﻟﺖ ﺍﺟﻞ ﺍﻟﻤﻮﺿﻮﻉ ﻭﺍﻧﻲ ﻫﺴﻪ ﻣﺸﻐﻮﻟﺔ ﺑﻌﺪﻳﻦ ﻧﺤﺠﻲ ﺣﺴﻴﺘﻬﺎ ﻣﻤﺴﻴﻄﺮﺓ ﻋﻠﻰ ﻧﻔﺴﻬﺎ ﻭﻣﺎﺍﻋﺮﻑ ﺷﺒﻴﻬﺎ .. ﻛﺘﻠﻬﺎ ﺑﺮﺍﺣﺘﺞ ﻭﺍﻧﻬﺖ ﺍﻟﻤﻜﺎﻟﻤﺔ ..
ﻇﻠﻴﺖ ﻛﻠﻤﺎ ﺍﺧﺎﺑﺮﻫﺎ ﻣﺘﺮﺩ ﺗﻐﻴﺮﺕ ﻓﺠﺄﺓ ﺧﺎﺻﺔ ﺑﻌﺪ ﻣﺎ ﺍﺟﻪ ﻏﻴﺚ ﻣﻦ ﺍﻟﺴﻔﺮ ..
ﺩﺧﺖ ﺣﺴﻴﺖ ﻧﻔﺴﻲ ﺑﺪﻭﺍﻣﻪ ﻭﻋﻤﺎﻣﻲ ﻛﺪ ﻣﻄﻠﺒﺖ ﻣﺴﺎﻋﺪﺗﻬﻢ ﺍﺣﺲ ﻓﺸﻠﺘﻬﻢ ﻭﻳﺎﻳﻪ ﻭﺻﺮﺕ ﺍﺣﺲ ﺑﺎﻻﺣﺮﺍﺝ ﻣﻨﻬﻢ ..
ﺑﺲ ﺍﻟﻲ ﻣﺎﻋﺮﻓﺘﻪ ﺍﻧﻮ ﻋﻤﻲ ﺗﺤﺴﻴﻦ ﺍﺑﻮ ﺯﻫﺮﺍﺀ ﺭﺍﻳﺢ ﻭﺣﺎﺟﻲ ﻭﻳﺎﻫﻢ ﺑﺲ ﻣﻔﺸﻠﻲ ﻭﻛﺎﻳﻠﻴﻠﻪ ﺍﺣﻨﻪ ﻣﻤﻨﻄﻲ
ﺑﻨﺘﻨﻪ ﻭﺍﻧﺘﻬﻰ ﺍﻟﻤﻮﺿﻮﻉ ..
ﻭﺍﻟﻲ ﻋﺮﻓﺘﻪ ﺍﻧﻮ ﻋﻤﻲ ﻣﺘﻼﻃﻢ ﻭﻳﺎﻫﻢ ﻭﺗﺎﺭﻛﻬﻢ ﻭﻃﺎﻟﻊ ﻭﻫﺎﻱ ﺍﻧﺴﺪﺕ ﻛﻞ ﺍﻻﺑﻮﺍﺏ ﺑﻮﺟﻬﻲ ...
ﺍﺧﺮ ﺷﻲ ﻗﺮﺭﺕ ﺍﺧﺬ ﻋﻤﺎﻣﻲ ﻭﺍﺭﻭﺡ ﻭﻭﻳﻦ ﻣﺎﺗﺮﻳﺪ ﺗﻮﺻﻞ
ﺧﻞ ﺗﻮﺻﻞ ..
ﻭﻓﻌﻼً ﺍﺧﺬﺗﻬﻢ ﻭﺭﺣﺖ ﺑﺪﻭﻥ ﻣﺎﺍﻛﻮﻝ ﻻﺳﺮﺍﺀ
ﻻﻥ ﺍﻋﺮﻑ ﺍﺫﺍ ﺧﺎﺑﺮﺗﻬﺎ ﺣﺘﻜﻮﻡ ﺗﺒﺠﻲ ﻭﺗﺮﺟﻒ ﻭﺗﺨﺎﻑ ﻭﺍﻟﺴﺒﺐ ﻣﺎﺍﻋﺮﻓﻪ ﺍﻋﺘﻘﺪ ﺍﺧﻮﻫﺎ ﻏﻴﺚ ﺍﻟﻪ ﺍﻳﺪ ﺑﺎﻟﻤﻮﺿﻮﻉ ﻭﺧﺎﺻﺔ ﺑﻌﺪ ﻣﺎﺭﺟﻊ ﻣﻦ ﺍﻟﺴﻔﺮ ﻭﻋﺮﻑ ﺍﺣﻨﺎ ﻟﺒﺴﻨﺎ ﺣﻠﻘﺎﺕ ﻭﻇﻞ ﻳﺴﻮﻱ ﻣﺸﺎﻛﻞ ﺍﻟﻴﻪ ﻭﺍﻟﻠﻪ ﺍﻋﻠﻢ ﺑﺸﻨﻮ ﻫﺪﺩ ﺍﺳﺮﺍﺀ ..
ﺍﻧﻄﻴﺖ ﺧﺒﺮ ﻻﺑﻮﻫﻪ ﻭﺍﺧﺬﺕ ﻋﻤﺎﻣﻲ ﻭﺭﺣﺖ
ﻭﺻﻠﻨﺎ ﻟﺒﻴﺘﻬﻢ ﻟﻜﻴﻨﻪ ﻋﻤﺎﻣﻬﺎ ﺟﺎﻳﻴﻦ ..
ﺑﺪﺃ ﺍﺑﻮﻳﻪ ﻳﺤﺠﻲ ﻭﻳﺎﻫﻢ ..
ﻛﺎﻝ : ﺍﺣﻨﻪ ﻧﺮﻳﺪ ﻧﺰﻭﺝ ﺍﺑﻨﻪ ﻭﺍﻧﺘﻮﺍ ﺍﻧﻄﻴﺘﻮﻧﺎ ﺍﻟﻤﺮﺓ
ﻭﻭﺍﻧﻄﻴﺘﻮﻧﺎ ﻣﻮﺍﻓﻘﺘﻜﻢ ﻧﺮﻳﺪ ﻧﻌﺮﻑ ﺍﻟﻲ ﺗﻐﻴﻴﺮ ﻫﺴﻪ ﺷﻨﻮ ؟ ﺍﻟﻲ ﻋﺮﻓﻨﺎ ﺍﻧﺘﻮﺍ ﻣﺘﻘﺒﻠﻮﻥ ﻭﺭﺍﻓﻀﻴﻦ ﻫﺬﺍ ﺍﻟﺸﻲ ﻟﻌﺪ ﻟﻴﺶ ﻭﺍﻓﻘﺘﻮﺍ ﻉ ﺍﻟﺨﻄﻮﺑﻪ ﻣﻦ ﺍﻟﺒﺪﺍﻳﺔ ﻭﺍﺭﻓﺾ ﻭﺧﻮ ﺍﻧﺘﻮﺍ ﻋﺪﻛﻢ ﻋﻠﻢ ﻫﻢ ﻣﻦ ﺍﻟﺼﻐﺮ ﻭﺍﺣﺪ ﻳﺮﻳﺪ ﺍﻟﺜﺎﻧﻲ ﺍﺣﻨﻪ ﺍﻫﻞ ﻭﻧﻌﺮﻑ ﻫﺎﻟﺸﻲ ..
ﻧﻂ ﻏﻴﺚ ﻣﻦ ﻣﻜﺎﻧﻪ ﻛﺎﻝ ﺍﻧﻲ ﻣﻤﻮﺍﻓﻖ ﺍﺑﻮﻳﻪ ﺍﺳﺘﻐﻞ ﺳﻔﺮﻱ ﻭﺍﻧﻄﺎﻫﻪ ﺍﻟﻜﻢ ﻭﺍﺑﻦ ﻋﻤﻬﺎ ﺭﺍﻳﺪﻫﺎ ﻫﻮ ﺍﻭﻟﻰ ﺑﻴﻬﺎ ..
ﺍﻧﺘﻔﻀﺖ ﻭﻛﻤﺖ ﻋﻠﻰ ﺣﻴﻠﻲ ﺣﺎﺟﻴﺘﻪ ﺑﻌﺼﺒﻴﺔ
_ ﺷﻨﻮ ﻫﻮ ﻟﻌﺐ ﺧﻠﻲ ﻋﻨﺪﻙ ﺭﺟﻮﻟﺔ ﺍﺑﻦ ﻋﻤﻬﺎ ﻳﺮﻳﺪﻫﺎ ﺷﻨﻮ ﺗﺤﺠﻴﻬﺎ ﻛﺪﺍﻣﻲ ﺍﻧﻲ ﺧﻄﻴﺒﻬﺎ ..
_ ﺩﺭﻭﺡ ﻣﺎﻛﻮ ﺷﻲ ﻳﺮﺑﻄﻜﻢ ﺑﺲ ﺣﻠﻘﺎﺕ ..
_ ﺍﺣﺘﺮﻡ ﻧﻔﺴﻚ ﻛﺎﻋﺪﻳﻦ ﺍﺑﻴﺘﻚ ﺍﻟﻤﻔﺮﻭﺽ ﺗﺤﺘﺮﻡ ﻣﻮ ﺗﺘﺠﺎﻭﺯ ﻟﻮ ﺍﻧﺖ ﻣﻨﻴﻦ ﺗﻌﺮﻑ ﺍﻻﺣﺘﺮﺍﻡ ﺍﻟﻲ ﺩﺯﻳﺖ ﺍﻻﻣﺮﻳﻜﺎﻥ ﻋﻠﻰ ﺍﺑﻦ ﺑﻠﺪﻙ ﻭﺍﺑﻦ ﺧﺎﻟﺘﻚ ﻳﺎ ﺧﺴﻴﺲ ..
ﺻﺎﺡ : ﺍﻧﺖ ﺍﻟﻲ ﺗﺤﺘﺮﻡ ﻧﻔﺴﻚ ﻛﺎﻋﺪ ﺍﺑﻴﺘﻲ ﻟﻮ ﺗﻄﻠﻊ ﺑﺮﺍ
ﺍﺑﻮﻳﻪ ﻭﻋﻤﺎﻣﻲ ﻃﻠﺒﻮ ﻣﻨﻲ ﺍﻫﺪﺃ ، ﺍﺟﻪ ﺍﺑﻮﻳﻪ
ﻫﻤﺲ ﺑﺎﺫﻧﻲ ﺍﻛﻌﺪ ﺑﻼ ﻋﺼﺒﻴﺔ ﻣﻮ ﻫﻴﺞ ﺗﻨﺤﻞ ﺍﻻﻣﻮﺭ ..
ﺍﺑﻮﻫﺎ ﻛﺎﻝ ﻫﺴﻪ ﺍﻻﻣﻮﺭ ﺍﺧﺘﻠﻔﺖ ﻭﺍﻧﻲ ﺑﻨﺘﻲ
ﻣﺎﺍﻧﻄﻴﻬﺎ .. ﻭﻳﻮﺯﻉ ﻧﻈﺮﺍﺗﻪ ﺻﻮﺏ ﺍﺑﻨﻪ ﻏﻴﺚ ..
ﻋﻤﻲ ﺗﺤﺴﻴﻦ : ﻭﺍﻟﻠﻪ ﻋﻴﺐ ﻋﻠﻴﻜﻢ ﺍﺣﻨﺎ ﻋﻮﺩ ﺍﻫﻞ ﻭﺍﻧﺘﻮﺍ ﺍﻧﻄﻴﺘﻮ ﻛﻠﻤﺔ ﻭﺍﻟﺰﻟﻢ ﻣﻦ ﺗﻨﻄﻲ ﺣﺠﺎﻳﺔ ﺍﻟﻤﻔﺮﻭﺽ ﺗﻠﺘﺰﻡ ﺑﻴﻬﺎ ..
ﻏﻴﺚ ﺑﺼﻴﺎﺡ : ﻣﻮ ﺍﻧﺖ ﺗﻌﻠﻤﻨﻲ ﺍﻟﻌﻴﺐ ﺍﻓﺘﻬﻤﺖ ﻟﻮﻻ؟
ﺍﺣﻨﺎ ﺷﻔﻨﺎﻩ ﻫﻴﺠﻲ ﻋﺎﻁ ﺑﻮﺟﻪ ﻋﻤﻲ ﻭﻣﺎ ﺍﺣﺘﺮﻣﻪ
ﻛﻤﻨﺎ ﺍﻧﻲ ﻭﻭﻟﺪ ﻋﻤﺎﻣﻲ ﺑﺲ ﻋﻤﻲ ﺍﺷﺮﻟﻨﺎ ﻧﻜﻌﺪ ..
ﻫﻢ ﺷﺎﻓﻮﻧﺎ ﻫﻴﺞ ﺍﺑﻮﻫﺎ ﻛﺎﻝ ﺗﺮﺩﻭﻥ ﺗﻬﺪﻭﻥ ﻋﻠﻴﻪ ﻭﺑﻴﺘﻲ ﺍﻣﺸﻮ ﻛﻠﻜﻢ ﻃﻠﻌﻮ ﺑﺮﻩ ﻭﻣﺎﻟﻜﻢ ﻣﺮﺓ ﻳﻤﻨﺎ ..
ﺷﻔﺘﻪ ﻫﻴﺞ ﻣﻴﺤﺘﺮﻡ ﻭﺍﻫﺎﻧﻪ ﻫﺠﻤﺖ ﻋﻠﻴﻪ
ﻣﻔﻜﺮﺕ ﺑﺸﻲ ﻏﻴﺮ ﺍﺭﺩ ﺍﻻﻋﺘﺒﺎﺭ ﻟﻌﻤﺎﻣﻲ ﻻﻥ ﺻﺎﺭﺕ ﺑﻮﺟﻬﻲ ﻭﻓﺸﻠﺖ ﻭﻣﻬﺘﻤﻴﺖ ﻟﻠﺤﺐ ﺍﻧﻌﻞ ﺍﺑﻮﻩ
ﻻﺑﻮ ﺣﺘﻰ ﺍﻟﺤﺐ ﻭﻳﺎﻩ ..
ﻫﺎﻥ ﻋﻤﻲ ﻭﺑﺄﻣﺮ ﻋﻤﻲ ﺳﻜﺘﺖ ﺍﻧﻮﺏ ﻳﻜﻮﻝ ﻳﻄﺮﺩﻧﻪ ﺍﻧﻲ ﻣﺮﺩﺕ ﺍﺩﻙ ﺍﻟﻨﺎﻗﺼﻪ ﻭﺍﺗﺮﻙ ﺑﻨﺘﻬﻢ ﺍﺟﻴﺘﻬﻢ ﺑﻜﻞ ﺍﻟﻄﺮﻕ ﻻﻥ ﻣﻮ ﻣﻦ ﺍﺧﻼﻗﻲ ﺍﺧﺬﻝ ﺍﻟﻲ ﺍﺣﺒﻬﺎ ..
ﺟﻴﺖ ﺍﺿﺮﺑﻪ ﻟﺰﻣﻮﻧﻲ ﻋﻤﺎﻣﻲ ﻇﻠﻴﺖ ﺍﺻﻴﺢ
ﻛﻠﺘﻠﻪ ﻫﺴﻪ ﺗﺼﻴﺤﻬﺎ ﻭﺍﺳﻤﻊ ﻛﻼﻣﻬﺎ ﺍﺫﺍ ﺭﻓﻀﺘﻨﻲ ﻟﻮ ﺗﺼﻴﺮ ﻣﻼﻙ ﺑﻌﺪ ﻣﺎﺍﺭﻳﺪﻫﺎ ﻭﻓﻮﻙ ﻛﻞ ﻫﺬﺍ ﺍﻧﺖ ﺍﺑﻮﻫﺎ ﺧﺮﺭﺭﺏ ﻫﻴﺞ ﻧﺴﺐ ...
ﺭﺍﺡ ﺻﺎﺣﻬﺎ ﺍﺧﻮﻫﺎ ﺍﻟﻲ ﻫﻮ ﺯﻭﺝ ﺭﺷﺎ ﺍﺧﺘﻲ
ﺍﺟﺖ ﻭﺟﻬﻪ ﻣﺤﺘﻘﻦ ﻭﺧﺎﻳﻔﺔ ﻣﺪﻧﻜﺔ
ﻣﺘﺨﻠﻲ ﻋﻴﻨﻬﺎ ﺑﻌﻴﻨﻲ ..
ﺳﺄﻟﻬﺎ ﻏﻴﺚ ﺍﺣﺠﻲ ﺍﺳﺮﺍﺀ ﺗﺮﻳﺪﻳﻦ ﺻﻔﺎﺀ ﻟﻮﻻ ..
ﺭﻓﻌﺖ ﺭﺍﺳﻬﺎ ﺑﺎﺗﺠﺎﻫﻲ ﻭﺑﺴﺮﻋﺔ ﺩﻧﻜﺖ
ﻛﺎﻟﺖ ﻻ .. ﻭﻇﻠﺖ ﺗﻌﺼﺮ ﺑﺎﺻﺎﺑﻌﻬﺎ ..
ﻇﻠﻴﺖ ﺻﺎﻓﻦ ﺛﻮﺍﻧﻲ ﻣﻤﺼﺪﻙ ﻋﻴﻮﻧﻲ ﺍﻧﻔﺘﺤﺖ ﻋﻠﻰ ﺍﻭﺳﻌﻬﺎ ﺗﻘﺮﺑﺖ ﻣﻨﻬﺎ ﺑﺲ ﺍﺧﻮﻫﺎ ﻭﻛﻔﻨﻲ ﻭﻛﺎﻝ ﺣﺪﻙ ﻟﻬﻨﺎ
ﻛﻠﺘﻠﻬﺎ ﺷﻨﻮ ﻭﻟﺞ ﺑﺎﺳﺘﻐﺮﺍﺏ .
ﺳﻜﺘﺖ ﺷﻮﻳﺔ ﻭﻛﺎﻟﺖ ﺍﻟﻲ ﻳﺤﺠﻲ ﺍﺑﻮﻳﻪ ﻫﻮ ﺍﻟﺼﺢ ﺍﻧﻲ
ﻣﺎﺍﺗﺰﻭﺝ ﺑﺪﻭﻥ ﺭﺿﺎﺗﻬﻢ ﻟﻮ ﺍﻣﻮﺕ ..
ﻛﻠﺘﻠﻬﺎ ﻻﺍﺍﺍ ﺗﺸﺎﻗﻴﻦ ... ﺍﻛﻴﺪ
ﻛﺎﻟﺖ ﻻ ﻭﺩﺍﻋﺔ ﺍﻣﻲ ﺣﺴﺒﺘﻬﺎ ﺻﺢ ﺍﻧﻲ ﻭﻳﺎﻙ ﻣﻨﺮﻫﻢ
ﻭﻧﺰﻋﺖ ﺍﻟﺤﻠﻘﻪ ﻭﺣﻄﺘﻬﺎ ﺑﻴﺪﻱ .. ﻭﺍﻳﺪﻫﺎ ﺗﺮﺟﻒ .. ﻭﻋﻴﻨﻬﺎ ﻣﺘﺨﻠﻴﻬﺎ ﺑﻌﻴﻨﻲ ...
ﻓﺸﻠﺘﻨﻲ ﻛﺪﺍﻡ ﺍﻫﻠﻲ ﻭﻧﺎﺳﻲ ﻭﺷﻔﺖ ﻧﻈﺮﺓ ﺍﻟﺸﻤﺎﺗﻪ ﺑﻌﻴﻮﻥ ﺍﺧﻮﺗﻬﺎ ، ﻧﺰﻟﺖ ﻣﻦ ﻋﻴﻨﻲ ﻭ ﻛﺮﻫﺘﻬﺎ ﻛﺮﻩ ﻣﺼﺎﻳﺮ ﻟﻮ ﻻﺯﻣﻬﺎ ﺍﻻ ﺍﻣﻮﺗﻬﺎ ﻛﺘﻞ ﻭﺍﻧﺘﻘﻢ ﺍﻟﻜﺮﺍﻣﺘﻲ ﺑﺲ ﻣﺘﺴﺘﺎﻫﻞ ﺍﻭﺻﺦ ﺍﻳﺪﻱ ﺑﻴﻬﺎ ﺑﻌﺪ ...
ﺑﻬﺎﻻﺛﻨﺎﺀ ﻏﻴﺚ ﻛﺎﻝ ﺍﺗﻔﻀﻞ ﻳﻼ ﻣﺘﺮﻳﺪﻙ ﻫﺴﻪ ﺻﺪﻛﺖ
ﻫﻮ ﺑﺲ ﺣﺠﻪ ﻫﻴﺞ ﻭﺍﻧﻲ ﺻﺎﻳﺮ ﻧﺎﺭ ﺑﺎﻭﻋﺘﻠﻪ ﺑﻨﻈﺮﺓ ﺣﻘﺪ ..
ﻛﻤﺰﺕ ﻋﻠﻴﻪ ﻫﻮ ﺑﻜﺪ ﺍﻟﺒﻜﻪ ﺑﺲ ﺑﻮﺧﺔ ﻭﺣﺠﻲ
ﻭﺍﻧﻲ ﺷﻄﻮﻟﻨﻲ ﻭﺍﻟﻌﺐ ﺣﺪﻳﺪ ..
ﻟﺰﻣﺘﻪ ﻭﺿﺮﺑﺘﻪ ﺑﻮﻛﺲ ﻋﻠﻰ ﻭﺟﻬﻪ .. ﻃﻠﻌﺖ ﺣﺮﻛﺔ ﺍﻟﻲ ﺧﻠﻔﺘﻬﺎ ﺍﺧﺘﻪ ﻛﻠﻬﺎ ﺑﻲ ..
ﺍﺟﻮﻱ ﻋﻤﺎﻣﻲ ﻭﺍﻭﻻﺩﻫﻢ ﻓﺎﻛﻜﻮﻧﺎ ﻣﺨﻠﻮﻧﻲ ﺍﺿﺮﺑﻪ ﺑﻌﺪ ﺟﺎﻥ ﺟﻨﺰﺗﻪ ﺗﺠﻨﺰ ..
ﻃﻠﻌﻨﺎ ﺍﻧﻲ ﻭﻋﻤﺎﻣﻲ ﻭﺍﻟﺨﺬﻻﻥ ﻣﻄﻮﻗﻨﻲ ﺍﺳﻤﻌﻬﻢ ﻳﺤﺠﻮﻥ ﺑﺲ ﺻﻮﺗﻬﻢ ﻳﻮﺻﻠﻨﻲ ﺑﻌﻴﺪ ..
ﻛﺎﻟﻮ ﻳﻠﻠﻪ ﻫﺎﻱ ﻣﺘﻔﻴﺪﻙ ﻣﺪﺍﻡ ﺑﺎﻋﺘﻚ ﻣﻦ ﺍﻭﻟﻬﺎ
ﻳﺤﺠﻮﻥ ﻋﻮﺩ ﻳﻘﻨﻌﻮﻧﻲ ﺑﺲ ﺍﻧﻲ ﺷﻴﻘﻨﻌﻨﻲ
ﻭﺧﺎﺻﺔ ﺍﻻﻫﺎﻧﺔ ﺍﻟﻲ ﺗﻌﺮﺿﺖ ﺍﻟﻬﺎ ﻭ ﻛﺪﺍﻡ ﺍﻫﻠﻲ ﻭﻧﺎﺳﻲ ﻭﺧﺴﺮﺕ ﺣﺐ ﺣﻴﺎﺗﻲ ، ﻻ ﻳﺎﺣﺐ ﺍﻗﺸﻤﺮ ﻉ ﻧﻔﺴﻲ ﻭﺍﻛﻮﻝ ﻫﺎﻱ ﻭﺣﺪﻩ ﺭﺧﻴﺼﻪ ﺑﺎﻋﺘﻨﻲ ﺑﺎﺭﺧﺺ ﺛﻤﻦ ﻭﻗﺖ ﺍﻟﻲ ﺟﻨﺖ ﻣﺴﺘﻌﺪ ﺍﺿﺤﻲ ﺑﺮﻭﺣﻲ ﻋﻠﻤﻮﺩﻫﺎ .. ﻣﺠﺎﻱ ﺍﺻﺪﻙ ﻭﻟﻴﺶ ﺳﻮﺕ ﻫﻴﺞ ﻟﻴﺶ !!!!
ﺯﻫﺮﺍﺀ : ﺑﺎﻟﻴﻮﻡ ﺍﻟﻲ ﺭﺍﺣﻮ ﺑﺎﺑﺎ ﻭﻋﻤﺎﻣﻲ ﻟﺤﺘﻰ ﻳﺤﺠﻮﻥ ﻭﻳﺎ ﺍﻫﻞ ﺍﺳﺮﺍﺀ ﻭﻳﺴﻤﺤﻮﻥ ﺍﻟﻬﻢ ﻳﺘﺰﻭﺟﻮﻥ ﻻﻥ ﺻﻔﺎﺀ ﺣﻴﺘﺨﺒﻞ ﻋﻠﻴﻬﺎ ، ﺭﺍﺣﻮ ﻭﺍﻧﻲ ﺑﻘﻴﺖ ﻋﻠﻰ ﻧﺎﺭ ﻣﺪﺍ ﺍﻋﺮﻑ ﺷﺮﺍﺡ ﻳﺼﻴﺮ ﻭﺍﻟﻲ ﺍﻋﺮﻓﻪ ﺍﻧﻮ ﻏﻴﺚ ﺭﺍﻓﺾ ﺍﻟﺨﻄﺒﺔ ﺟﻤﻠﺔ ﻭﺗﻔﺼﻴﻼ ﻭﻣﻦ ﺟﺎﻥ ﻣﺴﺎﻓﺮ ﺍﺑﻮﻩ ﻭﺍﻓﻖ ﻭﻣﻦ ﺍﺟﻪ ﺿﻐﻂ ﻋﻠﻴﻪ ﻭﺗﻐﻴﺮ ﻛﻞ ﺷﻲ ..
ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺤﺖ ﻃﻠﻌﺖ ﻣﻦ ﻏﺮﻓﺘﻲ ﺭﻛﺾ
ﺍﺷﻮﻑ ﺑﺎﺑﺎ ﺍﺫﺍ ﺍﺟﻪ ﺍﻭ ﻻ ﺣﺘﻰ ﺍﻋﺮﻑ ﺍﻻﺧﺒﺎﺭ ﺍﻟﻲ ﺟﺎﻳﺒﻬﺎ ﻭﻳﺎ ﻣﻦ ﺍﻟﻜﻌﺪﺓ ﻭﻳﺎ ﺍﻫﻞ ﺍﺳﺮﺍﺀ .
ﺷﻔﺖ ﺑﺎﺑﺎ ﻫﺴﺘﻮﺓ ﻓﺎﺕ ﻟﻠﻬﻮﻝ ﻭﺍﻣﻲ ﻛﺎﻣﺖ ﻛﻠﺘﻠﻪ ﻫﺎ ﺗﺤﺴﻴﻦ ﺑﺸﺮ ﺷﺼﺎﺭ ﺍﻟﻴﻮﻡ ﻭﺍﻓﻘﻮ ﺍﻟﺠﻤﺎﻋﺔ ؟
ﺟﺮ ﺣﺴﺮﺓ ﻭﻛﺎﻝ ﺧﺮﺑﺖ ﺍﻟﺴﺎﻟﻔﺔ ﺍﻫﻞ ﺍﺳﺮﺍﺀ ﺭﻓﻀﻮﺍ ﻳﻨﻄﻮﺍ ﺍﺳﺮﺍﺀ ﻻﻥ ﺍﺧﻮﻫﺎ ﻳﻜﻮﻝ ﺍﻟﺨﻄﺒﺔ ﺗﻤﺖ ﺑﺪﻭﻥ ﻋﻠﻤﻲ ﻭﻣﻮﺍﻓﻘﺘﻲ ﻭﻻﺯﻡ ﺗﺘﻔﺮﻛﺶ ..
ﺟﺎﻭﺑﺘﻪ ﻣﺎﻣﺎ : ﺻﺪﻙ ﺟﺬﺏ ﻭﺍﻟﻠﻪ ﻋﺠﻴﺒﻪ ﻫﻴﺞ ﺑﺴﻬﻮﻟﺔ ﻭﺍﺳﺮﺍﺀ ﺷﻨﻮ ﻣﻮﻗﻔﻬﺎ ؟
_ ﺍﻟﺤﻘﻴﺮﺓ ﺻﺎﺭﺕ ﺿﺪﻩ ﻭﺻﻔﺎﺀ ﻣﻨﻬﺎﺭ ﻭﻫﻨﺎﻙ ﻋﺼﺐ ﻭﻛﻮﺓ ﻟﺰﻣﻨﺎ ﺿﺮﺏ ﺃﺧﻮﻫﺎ ﻭﺩﻣﻤﻪ ﻭﺍﻫﻠﻬﺎ ﻛﻠﺶ ﻣﻮﺧﻮﺵ ﺻﺎﺭﻭ ﻭﻳﺎﻧﻪ ﻻ ﺍﺣﺘﺮﻣﻮﻧﻪ ﻭﻻ ﺍﺑﺪ ﻣﺎ ﺍﺩﺭﻱ ﺷﺠﺎﻫﻢ ..
ﻇﻞ ﺑﺎﺑﺎ ﻳﺤﺠﻲ ﻭﻳﺎ ﻣﺎﻣﺎ ﻭﺃﻧﻲ ﺑﺲ ﺳﻤﻌﺖ ﺍﻟﺨﻄﺒﺔ ﺧﺮﺑﺖ ﺣﺴﻴﺖ ﻣﺜﻞ ﻭﺍﺣﺪ ﻣﺤﻜﻮﻡ ﺍﻋﺪﺍﻡ ﻭﺍﺟﻪ ﻗﺮﺍﺭ
ﺍﻻﻓﺮﺍﺝ ﻋﻨﻪ .. ﻭﺍﻟﻠﻪ ﻟﻮ ﻣﺎﻋﻴﺐ ﺍﻛﻮﻡ ﺍﺭﻛﺺ ﻣﻦ ﺍﻟﻔﺮﺡ ..
ﺃﻣﻲ ﻛﻠﺘﻠﻪ ﺳﻮﺩﻩ ﻋﻠﻴﻪ ﻫﺎﻟﻮﻟﺪ ﻭﻻ ﺍﺭﺗﺎﺡ ﺍﻧﻮﺏ
ﺍﻟﻤﺴﻜﻴﻦ ﻳﻤﻮﺕ ﻋﻠﻴﻬﺎ ﺍﻟﻠﻪ ﻳﺼﺒﺮﻩ ﻭﻳﻌﻮﺿﻪ ﺍﻥ ﺷﺎﺀﺍﻟﻠﻪ ﺑﺒﻨﺖ ﺍﻟﺤﻼﻝ ﺍﻟﻲ ﺗﺴﻌﺪﻩ ..
ﺑﺎﺑﺎ ﻛﺎﻝ ﺑﻘﻬﺮ ﺃﻣﻴﻦ ...
ﻋﺒﻴﺮ ﻧﻄﺖ ﺧﺰﺭﺗﻨﻲ ﻭﻛﺎﻟﺖ ﻷﻣﻲ ﻃﺒﻌﺎً ﻣﺎﻣﺎ ﻣﻴﺘﻬﻨﻰ ﻭﻻ
ﻳﺸﻮﻑ ﺍﻟﺨﻴﺮ ﻣﺎ ﺩﺍﻡ ﺍﻛﻮ ﻧﺎﺱ ﺗﻨﻐﻂ ﻋﻠﻴﻪ ﻣﺜﻞ
ﺍﻟﺒﻮﻣﻪ ﻓﻜﺮﺗﻪ ﻓﻜﺮ ﻭﻫﺴﻪ ﺭﺩﺗﻠﻬﻢ ﺍﻟﺤﻴﺎﺓ ﺑﺲ ﻋﻼﺟﻬﻢ ﻋﻨﺪﻱ ﺑﺴﻴﻄﻪ ...
ﺃﻣﻲ ﻭﺑﻨﺒﺮﺓ ﺗﺤﺬﻳﺮﻳﺔ ﻛﺎﻟﺖ : ﻋﺒﻴﺮ ﻭﻛﺰﺕ ﻉ ﺳﻨﻮﻧﻬﺎ
ﺑﺎﺑﺎ ﺑﺘﻌﺠﺐ ﻛﺎﻝ : ﺷﻜﻮ؟ ﻋﺒﻚ ﺑﺎﺑﺎ ﺷﺒﻴﺞ ﺗﺒﺴﻤﺮﻳﻦ ﻣﻨﻮ ﻳﻤﺞ ؟
ﻛﻠﺘﻠﻪ ﻻ ﺑﺲ ﺍﻟﻐﺮﺑﺎﻥ ﻛﺜﺮﺍﻧﻪ ﻫﺎﻻﻳﺎﻡ ﻳﺤﺘﺎﺟﻠﻬﻢ ﺣﺸﺎﻙ ﻧﻌﺎﻝ ﻭﺻﻮﻧﺪﺍ ..
ﺍﻣﻲ ﻛﻠﺘﻠﻬﺎ ﺑﻌﺼﺒﻴﺔ : ﻛﻮﻣﻲ ﺍﺻﻌﺪﻱ ﺷﻮﻓﻲ
ﻣﺮﻳﻢ ﺷﺪﺗﺴﻮﻱ ﺷﻮ ﻫﺎﻱ ﺧﺎﻧﺴﻪ ﺍﻧﻲ ﺍﺧﺎﻑ ﻣﻨﻬﺎ
ﻣﻦ ﺗﺨﻨﺲ ﺍﻛﻴﺪ ﺩﺗﺴﻮﻱ ﻣﺼﻴﺒﺔ ...
ﻛﺎﻣﺖ ﻭﻫﻲ ﺗﻔﺮ ﺑﻴﺪﻫﺎ ﻣﻌﺎﺟﺒﻬﺎ ﺍﻟﻮﺿﻊ ..
ﺍﻧﻲ ﺭﺣﺖ ﻟﻠﻐﺮﻓﻪ ﺷﻐﻠﺖ ﻧﻮﺍﻝ ﺍﻟﺰﻏﺒﻲ ﺍﻏﻨﻴﺔ ﺍﻟﻠﻴﺎﻟﻲ ﻭﺍﻧﻄﺮﺑﺖ ﻭﻳﺎﻫﻪ ﻣﻨﺎ ﻭﺟﺎﻱ ﺍﺳﺮﺍﺀ ﻃﻠﻌﺖ ﻣﻦ ﺣﻴﺎﺓ ﺻﻔﺎﺀ ﻫﺴﻪ ﺍﺟﻪ ﺩﻭﺭﻱ ﺍﻻ ﺍﺟﻴﺒﻪ ﻟﻠﻄﺮﻳﻖ ....
ﻋﺒﻴﺮ : ﻣﻦ ﺳﻤﻌﺖ ﻛﻼﻡ ﺑﺎﺑﺎ ﺣﺴﻴﺖ ﻣﺜﻞ ﺍﻟﺼﺎﻋﻘﻪ
ﻭﻭﻛﻌﺖ ﻉ ﺭﺍﺳﻲ ﺻﻔﺎﺀ ﻣﻮ ﺑﺲ ﺍﺑﻦ ﻋﻤﻲ ﻻ ﺍﺧﻮﻳﻪ
ﺍﻟﻤﺠﺎﺑﺘﻪ ﺃﻣﻲ ﺟﺎﻥ ﺩﻭﻣﻪ ﻳﻮﻛﻔﻠﻨﺎ ﻭﻛﻔﺎﺕ ﺣﻠﻮﺓ
ﺍﺗﻤﻨﻴﺖ ﻳﺘﺰﻭﺝ ﺍﺳﺮﺍﺀ ﻻﻥ ﻳﺤﺒﻬﺎ ..
ﺳﻌﺎﺩﺗﻪ ﺟﺎﻧﺖ ﻣﻘﺘﺼﺮﺓ ﻉ ﻫﺬﺍ ﺍﻟﺸﺨﺺ ﺑﺲ ﺍﺳﺮﺍﺀ ﻧﺬﻟﺔ ﺧﺬﻟﺘﻪ ﺧﺎﻓﺖ ﻣﻦ ﺍﻫﻠﻬﺎ ﺍﻭ ﺍﻟﻠﻪ ﺍﻋﻠﻢ ﻳﻤﻜﻦ ﺍﺧﻮﻫﺎ ﻫﺪﺩﻫﺎ
ﻭﻣﻨﺎ ﻫﺎﻱ ﺍﺧﺘﻲ ﺍﻟﻌﻮﺑﺔ ﺍﻟﻮﺍﻛﻌﻪ ﺑﺤﺒﻪ ﻭﻫﻮ ﻣﻮ ﺑﺤﺎﻟﻬﺎ ﻭﻣﺘﺄﻛﺪﺓ ﻣﻨﻬﺎ ﺣﺘﺤﺎﻭﻝ ﺗﺘﻘﺮﺑﻠﻪ ﻭﻫﻮ ﻫﺴﻪ
ﻃﺎﻟﻊ ﻣﻦ ﺗﺠﺮﺑﺔ ﻓﺎﺷﻠﺔ ﺃﻛﻴﺪ ﺣﻴﺠﺮﺣﻬﺎ ﻭﺍﺫﺍ ﺟﺮﺡ
ﺍﺧﺘﻲ ﺍﻧﻲ ﻣﺴﺘﺤﻴﻞ ﺍﺳﻜﺘﻠﻪ ﻭﺑﻨﻔﺲ ﺍﻟﻮﻗﺖ ﻣﺎﺍﺭﻳﺪ
ﺍﺧﺴﺮﻩ ﻫﺬﺍ ﺣﺰﺍﻡ ﻇﻬﺮﻱ ...
ﺻﻌﺪﺕ ﻟﻠﻐﺮﻓﻪ ﻣﻦ ﻃﺮﺩﺗﻨﻲ ﺃﻣﻲ ﺍﻧﻲ ﻣﺨﻠﺼﻪ ﺣﻴﺎﺗﻲ ﻛﻞ ﻣﺎﺍﺣﺠﻲ ﺃﻣﻲ ﺗﺨﺎﻑ ﻉ ﺑﻨﺘﻬﺎ ﺍﻟﺨﻮﺛﻪ ﻭﺗﻄﺮﺩﻧﻲ ﺑﺲ ﻣﻊ ﺫﻟﻚ ﻣﺎﺍﺳﻜﺖ ﻭﻫﻲ ﺻﺢ ﺗﻄﺮﺩﻧﻲ ﺑﺲ ﺑﻌﺪﻳﻦ ﺗﺠﻲ ﺗﺤﺠﻲ ﻭﻳﺎﻳﻪ ﺣﺘﻰ ﻣﺎﺍﺣﻘﺪ ﻉ ﺍﺧﺘﻲ ﻭﻻ ﺍﺯﻋﻞ ﻣﻦ
ﺃﻣﻲ ..
ﻣﺘﺪﺭﻱ ﺃﻣﻲ ﺍﻧﻲ ﻓﺎﻫﻤﺘﻬﺎ ﻭﻋﺎﺫﺭﺗﻬﺎ ﻻﻥ ﻫﻴﺞ
ﺩﺗﺘﺼﺮﻑ ﻭﻳﺎﻳﻪ ﺧﻄﻴﻪ ﻋﺒﺎﻟﻬﺎ ﺑﻨﺘﻬﺎ ﺍﻟﺼﺨﻠﻪ ﺑﻼ
ﺍﺣﺴﺎﺱ ﻭﻛﺮﺍﻣﺔ ..
ﻋﺠﻴﺐ ﻣﺪﺭﻱ ﺷﻠﻮﻥ ﺗﺤﺲ ﺑﺎﻟﺤﺐ
ﺍﺗﺠﺎﻩ ﺻﻔﺎﺀ ﻫﻢ ﻧﻌﻤﺔ ﻋﺪﻫﺎ ﺣﺎﺳﺔ ﺗﺸﺘﻐﻞ ..
ﺑﻌﺪﻳﻦ ﺿﺠﺖ ﺻﻌﺪﺕ ﺑﺎﻟﺴﻄﺢ ﻛﻌﺪﺕ ﻉ ﺍﻟﻘﻨﻔﻪ
ﺍﺟﺖ ﺃﻣﻲ ﻛﺎﻟﺖ ﺍﻡ ﺍﻟﻌﺒﺮ ﻣﺎﻣﺎ ..
ﻛﻠﺘﻠﻬﺎ ﻧﻌﻢ ﺃﻣﻲ ﺗﻔﻀﻠﻲ
ﻛﺎﻟﺖ ﻣﺎﻣﺎﺗﻲ ﺍﺗﺮﻛﻲ ﺍﺧﺘﺞ ﺑﺤﺎﻟﻬﺎ ﻭﻟﺘﻈﻠﻴﻦ ﺗﺸﻤﺮﻳﻦ ﺣﺠﻲ ﻻ ﺍﺑﻮﺝ ﻳﺤﺲ ﺷﻔﺘﻲ ﺷﻠﻮﻥ ﻇﻞ ﻳﺴﺄﻝ ..
ﻛﻠﺘﻠﻬﺎ ﺻﺎﺭ ..
ﻛﺎﻟﺖ ﻟﻴﺶ ﺯﻋﻼﻧﻪ ﺍﻟﺤﻠﻮﺓ ؟
ﻛﻠﺘﻠﻬﺎ ﻻ ﻣﻨﻮ ﻛﺎﻝ ﺯﻋﻼﻧﻪ ﺑﺲ ﺍﺗﻤﻨﻰ ﻣﻦ ﺍﺣﺠﻲ ﻣﻨﺎ ﻭﺟﺎﻱ ﺗﻨﻄﻴﻨﻲ ﻣﺠﺎﻝ ﺗﺮﻯ ﻛﺒﺮﺕ ﻣﻮ ﺑﻌﺪﻧﻲ ﺍﺑﺘﺪﺍﺋﻲ ﻭﺩﻭﻣﺞ ﺗﺴﻜﺘﻴﻨﻲ ﻣﺜﻞ ﻣﺎﻫﻲ ﺑﻨﺘﺞ ﺍﻧﻲ ﻫﻢ ﺑﻨﺘﺞ ﺍﻧﺘﻲ ﺗﺪﺭﻳﻦ ﺑﻴﻬﺎ ﻉ ﻏﻠﻂ ﻭﻣﻊ ﺫﻟﻚ ﺗﺘﻌﺎﻣﻠﻴﻦ ﻭﻳﺎﻫﺎ ﺑﻜﻞ ﻫﺪﻭﺀ ﻭﺍﻧﻲ ﻛﻞ ﻣﺎﺍﺣﺠﻲ ﻟﻮ ﺗﺴﻜﺘﻴﻨﻲ ﻟﻮ ﺗﻄﺮﺩﻳﻨﻲ ..
ﻛﺎﻟﺖ ﻭﺍﻧﺘﻲ ﻣﺎﻓﻜﺮﺗﻲ ﻟﻴﺶ ﺍﻧﻲ ﺍﺳﻮﻱ ﻫﻴﺞ ؟
ﻛﻠﺘﻠﻬﺎ ﺑﻠﻲ ﻓﻜﺮﺕ
ﻛﺎﻟﺖ ﺍﻱ ﻭ ﻭﻳﻦ ﻭﺻﻠﺘﻲ ﺑﺎﻟﺘﻔﻜﻴﺮ
ﻛﻠﺘﻠﻬﺎ ﺃﻧﺘﻲ ﺗﺴﻮﻳﻦ ﻫﻴﺞ ﻋﻮﺩ ﺣﺘﻰ ﺑﻨﺘﺞ ﻳﺼﻴﺮ ﺑﺮﺍﺳﻬﺎ ﺧﻴﺮ ﻭﺗﻜﻮﻝ ﺃﻣﻲ ﺭﻏﻢ ﺍﻧﻲ ﻣﺄﺫﻳﺘﻬﺎ ﺑﺲ ﻫﻲ ﻣﺘﻨﻄﻲ ﺑﻴﻪ ﻋﺒﺎﻟﺞ ﺍﻧﺘﻲ ﻫﻲ ﺣﺘﻘﺪﺭ ﻫﺎﻟﺸﻲ ﻻ ﻣﺎﻣﺎ ﺍﻧﺘﻲ ﻏﻠﻄﺎﻧﻪ ﻫﺎﻱ ﻋﺒﺎﻟﻬﺎ ﺍﻧﺘﻲ ﺩﺗﺸﺠﻌﻴﻬﺎ
ﻛﺎﻟﺖ ﺯﻳﻦ ﻫﺴﻪ ﺍﻧﻲ ﺍﺭﻳﺪ ﺍﻃﻠﻊ ﻭﺍﺭﻳﺪ ﺍﺧﺬ ﺑﻨﻴﺘﻲ ﻭﻳﺎﻳﻪ ﻳﺼﻴﺮ ؟
ﺑﺎﻭﻋﺘﻠﻬﺎ ﻛﻠﺘﻠﻬﺎ ﻭﻳﻦ؟
ﻛﺎﻟﺖ ﻟﻠﺼﺎﻟﻮﻥ ..
ﺿﺤﻜﺖ ﻭﺳﻜﺘﺖ ..
ﻛﺎﻟﺖ ﺷﻜﻮ ﻭﻟﺞ ؟
ﻛﻠﺘﻠﻬﺎ ﻫﺎ ﻋﺪﻛﻢ ﺣﻔﻠﺔ ﺑﺎﻟﻠﻴﻞ ﻣﻮ؟
ﻓﺘﺤﺖ ﻋﻴﻮﻧﻬﺎ ﻋﻠﻰ ﺍﺗﺴﺎﻋﻬﺎ
ﻛﺎﻟﺖ ﻭﻟﺞ ﺍﺩﺑﺴﺰ ﻫﺎﻱ ﻣﻨﻴﻠﺞ ﻫﺎﻟﺴﻮﺍﻟﻒ ؟ ﻃﺎﻳﺤﺔ ﺍﻟﺤﻆ ..
ﻣﺴﺘﻤﺮﺓ ﺗﺮﺯﻝ ﺑﻴﻪ ﻭﺍﻧﻲ ﺧﺮﺑﺎﻧﻪ ﺿﺤﻚ
ﻛﺎﻟﺖ ﻋﺒﺎﻟﻲ ﺯﻋﻼﻧﻪ ﻭﻛﻠﺖ ﺍﺳﻮﻳﻠﺞ ﻣﻔﺎﺟﺌﺔ ﻭﺍﺧﺬﺝ ﺍﺷﺘﺮﻳﻠﺞ ﻣﻼﺑﺲ ﺑﺲ ﻭﻻ ﺗﺴﺘﺎﻫﻠﻴﻦ ..
ﻃﻔﺮﺕ ﻋﻠﻴﻬﺎ ﻛﻠﺘﻠﻬﺎ ﺷﺒﻴﺞ ﻏﻴﺮ ﺩﺍﺍﺗﺸﺎﻗﻪ ﻭﻳﺎﺝ ﻣﺎﺍﺭﻳﺪ ﻣﻼﺑﺲ ﺳﻮﻳﻠﻲ ﻛﻴﻜﻪ ﺍﺧﺬﻫﺎ ﻭﺍﺭﻭﺡ ﻳﻢ ﻛﺮﺍﺭ ﻭﻋﺒﻮﺩﻱ
ﻛﺎﻟﺖ ﻭﻟﺞ ﺑﺲ ﻻ ﺗﺴﻮﻳﻦ ﻣﺜﻞ ﺯﻫﺮﺍﺀ ..
ﻛﻠﺘﻠﻬﺎ ﻻ ﻳﻮﻡ ﺍﻧﻲ ﺑﻨﺘﺞ ﺍﻻ ﺍﺧﻠﻲ ﺍﻟﻜﻞ ﺗﺤﺴﺪﺝ ﻋﻠﻴﻪ ﻟﺘﻘﺎﺭﻧﻴﻨﻲ ﺑﺰﻫﺮﺍﺀ ﻭﺑﺴﺖ ﺍﻳﺪﻫﺎ ﻭﻧﺰﻟﻨﺎ ..
ﻋﻠﻲ : ﻣﻦ ﻃﻠﻌﺖ ﻣﻦ ﺑﻴﺖ ﺍﻫﻞ ﺍﺳﺮﺍﺀ ﺷﻐﻠﺖ ﺳﻴﺎﺭﺗﻲ
ﻓﺮﻓﺤﺖ ﺭﻭﺣﻲ ﻭﻳﻦ ﺍﺭﻭﺡ ﻳﺎﺭﺑﻲ ﺃﻭﻝ ﻣﺮﺓ ﺑﺤﻴﺎﺗﻲ
ﻫﻴﺞ ﺍﻧﺤﻂ ﺑﻤﻮﻗﻒ ﺑﺲ ﺣﻠﻔﺖ ﻳﻤﻴﻦ ﺍﻻ ﺍﺑﺠﻲ ﺍﺳﺮﺍﺀ
ﺩﻡ ..
ﺗﺪﻟﻞ ﺳﻬﻠﻪ ﺩﺍﺍﻣﺸﻲ ﻭﻣﺎﺍﺣﺲ ﺍﻻ ﻭﺍﻧﻲ
ﺑﺎﻟﻜﺎﻇﻤﻴﺔ ﻳﺎ ﻳﺎﺑﻪ ﺍﻧﻲ ﺷﻔﺖ ﺍﻟﻤﻨﺎﻳﺮ ﺍﺣﺲ ﻣﺜﻞ
ﻭﺍﺣﺪ ﻋﻄﺸﺎﻥ ﻭﺻﺎﻳﻢ ﻭﺑﻌﺰ ﺗﻤﻮﺯ ﻭﺍﻧﻄﻮﺍ ﻣﻲ ﺑﺎﺭﺩ ..
ﻛﻤﺖ ﺍﻫﺮﻭﻝ ﺍﻟﻰ ﺍﻥ ﻭﺻﻠﺖ ﻟﻼﻣﺎﻡ ﻛﻌﺪﺕ ﻳﻢ ﺍﻟﺸﺒﺎﻙ ﻭﻛﻤﺖ ﺍﺣﺠﻲ ﺑﺼﻮﺕ ﻋﺎﻟﻲ ﻟﻴﺶ ﻳﺎﺭﺑﻲ ﻣﻮ ﺭﺩﺗﻬﺎ ﺑﺎﻟﺤﻼﻝ ﻭﺍﻟﻠﻪ ﺣﺘﻰ ﻣﺪﻧﺴﺘﻬﺎ ﻛﻠﺖ ﻛﻮﻟﺸﻲ ﺑﺎﻟﺤﻼﻝ ﺍﺣﻠﻰ .
ﻳﺎﺭﺑﻲ ﻣﺎﺍﻋﺘﺮﺽ ﻉ ﺍﺭﺍﺩﺗﻚ ﺑﺲ ﻃﻔﻴﻠﻲ ﻧﺎﺭ ﻗﻠﺒﻲ ﻓﺪﻭﻭﺓ
ﺭﺣﺖ ﻻﺳﻤﻚ ﺍﻟﻠﻬﻲ ﺑﺤﻖ ﺑﺎﺏ ﺍﻟﺤﻮﺍﺋﺞ ﺳﻴﺪﻱ ﻭﻣﻮﻻﻱ ﺍﺭﻳﺪ ﺣﺎﺟﺘﻲ ﻣﻨﻜﻢ ﻣﻮ ﻣﻦ ﻏﻴﺮﻛﻢ ﺭﺑﻲ ﺑﺮﺩﻟﻲ ﻗﻠﺒﻲ ..
ﻓﺘﺤﺖ ﻋﻴﻨﻲ ﻋﻠﻴﻬﺎ ﺍﻧﺖ ﺍﺣﻦ ﻣﻦ ﺍﻻﻡ
ﻉ ﻭﻟﺪﻫﺎ ﺍﺭﺣﻢ ﺑﺤﺎﻟﻲ ﻭﺍﻧﻲ ﻉ ﻫﺎﻟﺤﺎﻝ ﺍﺟﻪ ﮔﻴﻢ ﻣﻦ
ﮔﻮﺍﻡ ﺍﻻﻣﺎﻡ ﺣﻂ ﺑﻴﺪﻱ ﻋﻠﻚ ﺻﻐﻴﺮ ﻭﺍﻧﻄﺎﻧﻲ ﻣﻲ
ﻭﻛﺎﻝ ﺑﻮﻳﻪ ﺍﻟﻠﻪ ﻳﺒﺮﺩ ﻗﻠﺒﻚ ﻫﻲ ﻫﺎﻱ ﺩﻧﻴﺘﻨﺎ ﺑﻴﻬﺎ
ﻫﻮﺍﻱ ﻣﻔﺎﺭﻗﺎﺕ ﺍﺻﺒﺮ ﻭﺭﺍ ﻛﻞ ﺧﺴﺎﺭﺓ ﺗﻌﻮﻳﺾ
ﺍﻟﻠﻬﻲ ﺭﺏ ﺍﻟﻌﺒﺎﺩ ﻣﻴﺘﺮﻙ ﻋﺒﺪﻩ ﻻ ﺣﺰﻳﻦ ﻭﻻ ﻣﻈﻠﻮﻡ
ﻫﻮ ﻳﺘﻮﻟﻰ ﺍﻣﺮﻩ ..
_ ﺍﺷﺮﺏ ﺑﻮﻳﻪ ﺍﺷﺮﺏ ﺍﺧﺬﺗﻪ ﻣﻨﻪ ﺍﺑﺎﻭﻋﻠﻪ ﻭﺍﺣﺲ ﺭﻭﺣﻲ ﺟﻤﺮ ﺷﺮﺑﺖ ﻣﻲ ﻗﺴﻢ ﺑﺎﻟﻠﻪ ﺣﺴﻴﺖ ﺑﺮﺍﺣﻪ ﻭﻃﻤﺎﺋﻨﻴﻨﻪ ﻣﺤﺎﺱ - ﺑﻴﻬﺎ ﻗﺒﻞ ﺍﺑﺪ ..
ﺯﺭﺕ ﻭﺭﺣﺖ ﺻﻠﻴﺖ ﺭﺟﻌﺖ ﻟﻠﺒﻴﺖ ﻟﻜﻴﺖ ﺃﻣﻲ ﻛﺎﻋﺪﻩ ﺑﺎﻟﺒﺎﺏ ﺗﻨﺘﻈﺮﻧﻲ ﻭﺑﻴﺪﻫﺎ ﺳﺒﺤﺘﻬﺎ ..
ﻧﺰﻟﺖ ﻣﻦ ﺍﻟﺴﻴﺎﺭﺓ ﺩﻧﻜﺖ ﻋﻠﻴﻬﺎ ﺑﺴﺘﻬﺎ ﻛﺎﻟﺖ ﻳﻤﻪ ﺧﻮﻓﺘﻨﻲ ﻋﻠﻴﻚ ﻟﻴﺶ ﺗﺄﺧﺮﺕ .. ﺍﻧﺖ ﺯﻳﻦ ﻣﺎﺑﻴﻚ ﺷﻲ ﻳﻤﻪ ﻻﺗﻀﻮﺝ ﺍﻟﻠﻪ ﻳﻌﻮﺿﻚ ..
ﻛﺘﻠﻬﺎ ﻟﻴﻈﻞ ﺑﺎﻟﺞ ﺍﻧﻲ ﺯﻳﻦ ﺑﺲ ﺭﺣﺖ ﺯﺭﺕ ..
ﺍﺧﺬﺗﻬﺎ ﻣﻦ ﺍﻳﺪﻫﺎ ﻭﺩﺧﻠﺘﻬﺎ ﻟﻠﺒﻴﺖ ﻭﺭﺟﻌﺖ ﺩﺧﻠﺖ ﺳﻴﺎﺭﺗﻲ ﻭﺑﻮﺟﻬﻲ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ
ﺣﺴﻴﺖ ﺑﺮﻏﺒﻪ ﻓﻀﻴﻌﻪ ﺍﺭﻳﺪ ﺑﺲ ﺍﻧﺎﻡ ..
ﺑﺲ ﺷﻴﻨﻮﻣﻨﻲ ﻇﻠﻴﺖ ﺍﺗﻜﻠﺐ ﺑﻔﺮﺍﺷﻲ ﻛﻤﺖ ﺩﺧﻨﺖ
ﻳﻤﻜﻦ ﺑﺎﻛﺘﻴﻦ ﻭﻣﺎﺣﺴﻴﺖ ﻋﻠﻰ ﻧﻔﺴﻲ ..
ﺻﻔﻨﺖ ﻭﻳﻦ ﺍﻧﻄﻲ ﻭﺟﻬﻲ ﻛﻠﺖ ﻣﺎﻛﻮ ﻏﻴﺮﻫﺎ ﺑﺲ ﻫﻲ ﺗﺤﻠﻬﺎ ﺍﻟﻴﻪ ﺯﻭﺟﺔ ﻋﻤﻲ ﺗﺤﺴﻴﻦ ﺍﺭﻭﺣﻠﻬﺎ ﺍﺣﺴﻦ ﺷﻲ ....
ﺑﺎﻭﻋﺖ ﺳﺎﻋﻪ ١٢ ﺑﺎﻟﻠﻴﻞ ﻓﻜﺮﺕ ﻻ ﺯﺣﻤﻪ ﻣﻮ ﻣﺎﻝ ﺍﺭﻭﺡ ﺍﺣﺴﻦ ﺷﻲ ﺍﺧﺎﺑﺮ ﻉ ﻣﻮﺑﺎﻳﻞ ﺍﻟﺒﻨﺎﺕ ﻭﺍﺷﻮﻑ ﺑﻠﻜﻲ ﺍﻣﻬﻢ ﻛﺎﻋﺪﻩ ..
ﺧﺎﺑﺮﺕ ﺩﻙ ﻭﻳﺎ ﺍﻭﻝ ﺭﻧﻪ ﺟﺎﻥ ﺗﺠﺎﻭﺏ ﻋﺒﻴﺮ ﻛﺎﻟﺖ
ﻫﺎ ﺻﻔﺎﺀ ﺑﺎﻟﻲ ﻳﻤﻚ ﻃﻤﻨﻲ ﻓﺪﻭﺓ ﺧﻮﻣﺎ ﺑﻴﻚ ﺷﻲ . ؟
ﻛﻠﺘﻠﻬﺎ ﻻ ﺣﺒﻴﺒﺘﻲ ﻣﺎﺑﻴﻪ ﺷﻲ ﻛﺎﻟﺖ ﻭﻟﻚ ﺷﻨﻮ ﺣﺒﻴﺒﺘﻚ
ﻣﺘﺴﺘﺤﻲ ﻣﺎﻋﻨﺪﻙ ﺍﺧﻮﺍﺕ ﺍﻓﺘﻬﻤﻨﺎ ﺍﻧﻔﺼﻠﺖ ﺷﺒﺴﺮﻋﻪ ﻛﻤﺖ ﺗﻨﺴﻖ ﻋﺎﺑﺖ ﺷﻜﻮﻝ ﺷﻜﻮﻝ ﻭﺍﻟﻠﻪ ..
ﺿﻠﻴﺖ ﺍﺿﺤﻚ .. ﻛﻠﺘﻠﻬﺎ ﻭﻟﺞ ﺍﻧﺘﻲ ﻭﺍﻟﻠﻪ ﻓﻠﻢ
ﻛﺎﻟﺖ ﻓﻠﻢ ﻣﺤﺮﻭﻙ ﺍﻟﻠﻪ ﻭﻛﻴﻠﻚ
ﻛﻠﺘﻠﻬﺎ ﻟﻴﺶ ؟ ﻛﺎﻟﺖ ﻳﻤﻌﻮﺩ ﻋﺴﻰ ﻣﺎﺍﺣﺠﻲ ﻭﺭﻓﻌﻮﻟﻲ ﻛﺎﺭﺕ ﺍﺣﻤﺮ ﻭﻃﺮﺩﻭﻧﻲ ﺧﺮﺭﺭﺏ ﺣﻈﻲ ﻋﺒﺎﻟﻚ ﻣﺎﻋﺪﻫﻢ ﻏﻴﺮﻱ ﻣﺨﻠﺼﻪ ﺣﻴﺎﺗﻲ ﺑﺲ ﻃﺮﺩﺍﺕ ﻟﺘﺴﺘﻐﺮﺏ ﺍﺫﺍ ﺷﻔﺘﻨﻲ ﻓﺪﻳﻮﻡ ﻛﺎﻋﺪﻩ ﺑﺎﻟﺸﺎﺭﻉ ﻭﺣﺎﻃﻪ ﻣﻼﺑﺴﻲ ﺑﺤﻀﻨﻲ ...
ﻛﻠﺘﻠﻬﺎ ﻣﻨﻮ ﻭﻳﺎﺝ ﻭﻟﺞ ؟ﻭﻫﻴﺞ ﺗﺪﺭﺩﻣﻴﻦ ؟
ﻛﺎﻟﺖ ﻣﺎﻣﺎ ﻛﻠﺘﻠﻬﺎ ﺻﺪﻙ ﻭﻳﻨﻬﺎ ﻫﻲ ﻧﺎﻳﻤﻪ ﻛﺎﻋﺪﻩ ..
ﺿﺤﻜﺖ ﻭﻛﺎﻟﺖ ﻭﻟﻚ ﻏﻴﺮ ﻣﻦ ﻋﺮﻓﺖ ﺍﻟﻲ ﺻﺎﺭ ﻭﻳﺎﻙ ﻛﺎﻣﺖ ﺗﺒﺠﻲ ﻭﻟﺰﻣﺖ ﺍﻟﻘﺮﺃﻥ ﺗﻘﺮﺃ ﻭﺗﺪﻋﻲ ﺣﺘﻰ ﺍﻟﻠﻪ ﻳﺒﺮﺩ ﻗﻠﺒﻚ ﻫﻮ ﺍﻧﻲ ﺑﻨﺘﻬﺎ ﻣﺘﺪﻋﻴﻠﻲ ﻫﻴﺞ ﺑﺲ ﻫﻲ ﺣﻈﻮﻅ ....
ﻛﻠﺘﻠﻬﺎ ﻭﻟﺞ ﻫﺴﻪ ﻫﻲ ﻧﺎﻳﻤﻪ؟
ﻛﺎﻟﺖ ﻻ ﺷﻴﻨﻮﻣﻬﺎ ﻛﺎﻟﺖ ﻣﺘﺄﻛﺪﺓ ﺻﻔﺎﺀ ﺍﻟﻴﻮﻡ ﻳﺤﺘﺎﺟﻨﻲ ﻭﺩﺗﻨﺘﻈﺮﻙ ﻫﺎﻱ ﺩﺍﺍﺷﻮﻓﻬﺎ ﻣﻦ ﺷﺒﺎﻙ ﺍﻟﻐﺮﻓﻪ ﺩﺗﻨﺘﻈﺮ ﺍﺑﻨﻬﺎ ﺑﺎﻟﺤﺪﻳﻘﻪ ﺍﺗﺄﺧﺮ ﻋﻠﻴﻬﺎ ﻭﺿﺤﻜﺖ ..
ﻛﻠﺘﻠﻬﺎ ﻓﺪﻭﻭﺓ ﺍﺭﻭﺡ ﻟﺘﺮﺍﺏ ﺭﺟﻠﻴﻬﺎ ﺗﺤﺲ ﺑﻴﻪ ﺟﺎﻳﻜﻢ ﻫﺴﻪ
ﻛﺎﻟﺖ ﺍﻱ ﻣﻮ ﺍﺣﻨﻪ ﻧﺎﻗﺼﻴﻦ ﻋﻄﻼﺕ ﻣﻨﺎ ﺍﻧﺖ ﻭﻣﻨﺎ ﺯﻩ . ﻭﺟﺎﻥ ﺗﺴﻜﺖ ﺍﻧﻲ ﻋﺮﻓﺖ
ﺷﺘﻘﺼﺪ ﺑﺲ ﻏﻠﺴﺖ ﺳﻮﻳﺖ ﻧﻔﺴﻲ ﻣﺎﺍﺳﻤﻊ
ﻛﻠﺘﻠﻬﺎ ﺩﻳﻼ ﺑﺎﻱ
ﻛﺎﻟﺖ ﻫﻠﻮ ....
ﻟﺒﺴﺖ ﺳﺘﺮﺗﻲ ﻭ ﺭﺣﺖ ﻟﻌﻤﺘﻲ ﺷﻔﺘﻬﺎ ﺑﺎﻟﺤﺪﻳﻘﺔ ﺗﻨﺘﻈﺮﻧﻲ
ﻛﺎﻟﺖ ﺗﻌﺎﻝ ﺍﺑﻨﻲ ﺗﻔﻀﻞ .. ﺭﺣﺖ ﻛﻌﺪﺕ ﻳﻤﻬﺎ ﺑﺎﻟﺤﺪﻳﻘﺔ
ﻛﺘﻠﻬﺎ ﻋﻤﺔ ﺗﻌﺒﺎﻥ ﻛﻠﺶ ..
ﻛﺎﻟﺖ ﻳﺎ ﺍﺑﻨﻲ ﻣﻮ ﻛﻮﻟﺸﻲ ﻧﺮﻳﺪﻩ ﻧﺤﺼﻠﻪ
( ﻋﺴﻰ ﺍﻥ ﺗﺤﺒﻮﺍ ﺷﻴﺌﺎً ﻭﻫﻮ ﺷﺮﺍً ﻟﻜﻢ ) ﻣﺎﻣﺎ ﺍﻧﺖ
ﻟﻮ ﻣﺘﺰﻭﺟﻬﺎ ﻭﻳﺼﻴﺮ ﺷﻲ ﻳﺼﺪﻣﻜﻢ ﻣﻤﻜﻦ ﻻ ﺳﻤﺢ ﺍﻟﻠﻪ ﺗﺨﻮﻧﻚ ﻣﻤﻜﻦ ﻳﺼﻴﺮ ﻣﻌﺪﻛﻢ ﺍﻃﻔﺎﻝ ﻭﻟﺘﻜﻮﻟﻲ ﺣﺐ ﻭﻣﺪﺭﻱ ﺷﻨﻮ ﻭﻟﻴﺪﻱ ﺍﻻﻃﻔﺎﻝ ﺯﻳﻨﺔ ﺍﻟﺤﻴﺎﺓ ﺳﻌﺎﺩﺗﻜﻢ ﻣﺘﻜﻤﻞ ﺑﺪﻭﻧﻬﻢ ..
ﺍﻟﺸﻲ ﺍﻟﻲ ﺻﺎﺭ ﻫﺬﺍ ﻳﻤﻜﻦ ﻟﻤﺼﻠﺤﺘﻚ ﺍﻭ ﻣﺼﻠﺤﺔ ﺑﻨﺖ ﺧﺎﻟﺘﻚ ﺭﺑﻚ ﻳﻘﺴﻢ ﺭﺯﻗﻪ ﻟﻠﻌﺒﺎﺩ ﻭﺍﻧﺖ ﺇﺳﺮﺍﺀ ﻣﻮ ﻧﺼﻴﺒﻚ ..
ﻛﻠﺘﻠﻬﺎ ﻋﻤﻪ ﺗﺪﺭﻳﻦ ﺷﻜﺪ ﺟﻨﺖ ﺍﺣﺒﻬﺎ ﺑﺲ ﺩﺍﺳﺖ ﻉ ﻛﺮﺍﻣﺘﻲ ﻣﻦ ﻛﺎﻟﺖ ﻣﺎﺍﺭﻳﺪﻙ ﺃﻛﺬﺏ ﻋﻠﻴﺞ ﺍﺫﺍ ﺍﻛﻮﻟﺞ ﻛﺮﻫﺘﻬﺎ ﻫﺬﺍ ﺍﻟﺸﻲ ﻣﺒﺎﻟﻎ ﺑﻲ ﻣﻮ ﺑﻬﺎﻟﺴﺮﻋﻪ ﺑﺲ ﻣﺎﻃﻮﻝ ﻫﻴﺞ ﺍﻫﺎﻧﺘﻨﻲ ﺍﺩﻭﺱ ﻉ ﻗﻠﺒﻲ ﻭﺍﺷﻤﺮﻩ ﻭﻫﺬﺍ ﺍﺧﻮﻫﺎ ﺍﻟﻨﺬﻝ ﺃﻧﻲ ﺍﻋﻠﻤﻪ ﺍﻃﻠﺒﻪ ﻓﻠﻮﺱ ﺑﻜﺪ ﺷﻌﺮ ﺭﺍﺳﻪ ﺍﺫﺍ ﻣﺎ ﺯﻭﻋﺘﻪ ﺍﻟﻌﺎﻓﻴﻪ
ﻓﻼ ﺍﺗﺴﻤﻰ ﺻﻔﺎﺀ ﻳﺘﺪﻟﻞ ﺳﻬﻠﻪ ...
ﻛﻠﺘﻠﻲ ﻭﻟﻴﺪﻱ ﺍﻻﻧﺘﻘﺎﻡ ﻣﻮ ﺣﻠﻮ ﺍﻟﺰﻡ ﺍﻟﻘﺮﺃﻥ ﻫﺴﻪ ﺗﻠﻜﻪ ﺍﻟﻄﻤﺄﻧﻴﻨﺔ ﺑﻲ ﺍﻟﻠﻪ ﻳﻌﻮﺿﻚ ﺍﻥ ﺷﺎﺀﺍﻟﻠﻪ ﺑﺎﻻﺣﺴﻦ ﻣﻨﻬﺎ ...
ﺿﺤﻜﺖ ﻛﻠﺘﻠﻬﺎ ﺗﺮﺑﻴﺔ ﺃﻳﺪﻱ ﻭﻏﺪﺭﺕ ﺑﻴﻪ ﺷﺘﺮﺟﻰ ﻣﻦ ﻏﻴﺮﻫﺎ ؟
ﻛﺎﻟﺖ ﻻ ﻣﺘﻌﺮﻑ ﺍﻟﻠﻪ ﺷﻀﺎﻣﻠﻚ ﻭﺿﺤﻜﺖ
ﻛﻤﺖ ﺑﻮﺳﺘﻬﺎ ﻛﻠﺘﻠﻬﺎ ﺃﺭﻭﺡ ﺍﻧﻲ ﺍﻟﺤﺠﻲ ﻭﺍﻟﺤﺠﻴﺔ ﻭﺣﺪﻫﻢ ﻟﻴﺮﺣﻮﻥ ﻳﺴﻮﻭﻥ ﻭﻛﺎﺣﻪ ﺧﻠﻲ ﺍﻟﺤﻚ ﺑﻴﻬﻢ ..
ﺿﺮﺑﺘﻨﻲ ﺑﺨﻔﺔ ﻉ ﻛﺘﻔﻲ ﻛﺎﻟﺖ ﺍﻧﺰﻭﻝ ﻋﻠﻴﻚ ﻭﻉ ﺳﻮﺍﻟﻔﻚ ﺳﻠﻤﺖ ﻋﻠﻴﻬﺎ ﻭﻃﻠﻌﺖ ..
ﺯﻫﺮﺍﺀ : ﺍﻻﻳﺎﻡ ﺍﻟﺒﻌﺪﻫﺎ ﻧﻔﺬﺕ ﻛﻼﻡ ﺃﻣﻲ ﻭﺍﺑﺘﻌﺪﺕ ﻋﻦ
ﺻﻔﺎﺀ ..
ﺻﺢ ﺟﺎﻥ ﺍﺑﺎﻟﻲ ﻣﺨﻄﻂ ﺍﻥ ﺍﺗﻘﺮﺏ ﻣﻨﻪ ﺑﺲ
ﻛﺎﻓﻲ ﺯﻭﺩﺗﻬﺎ ﻣﻨﺎ ﻭﺟﺎﻱ ﺩﺭﺍﺳﺘﻲ ﻭﺍﻫﻠﻲ ﻭﺑﺲ ..
ﻋﻠﻰ ﻛﻮﻟﺔ ﺃﻣﻲ ﺍﻟﺤﻴﺎﺓ ﻛﺪﺍﻣﻲ ﻭﺍﻧﻲ ﺍﺫﺍ ﺍﺗﻘﺮﺑﺖ
ﻣﻦ ﺻﻔﺎﺀ ﻫﺴﻪ ﻭﻫﻮ ﺗﻮﻩ ﻃﺎﻟﻊ ﻣﻦ ﺗﺠﺮﺑﺔ ﻓﺎﺷﻠﺔ
ﻳﻄﻴﺢ ﺣﻈﻲ ..
ﻛﺎﻓﻲ ﺑﻌﺪ ﻣﻨﺎ ﻭﺟﺎﻱ ﺍﺧﻠﻲ ﻫﻮ ﻳﺮﻛﺾ ﻭﺭﺍﻱ
ﻋﻠﻰ ﺷﻨﻮ ﺍﺧﺘﻲ ﺍﻟﺼﻐﻴﺮﺓ ﺗﺮﺯﻝ ﺑﻴﻪ ، ﻻﺯﻡ
ﺍﻧﻲ ﺍﻓﺮﺽ ﻧﻔﺴﻲ ﻋﻠﻴﻬﺎ ﻣﻮ ﻫﻲ ..
ﺑﺲ ﺍﻧﻲ ﺍﻣﺸﻲ ﺑﺎﻟﻌﻜﺲ ..
ﻭﻫﺎﻟﺴﻨﻪ ﺍﻧﻲ ﺧﺎﻣﺲ ﻭﺍﻟﺤﻤﺪﻟﻠﻪ ﺩﺭﻭﺳﻲ
ﻛﻠﻬﺎ ﻣﺴﻴﻄﺮﺓ ﻋﻠﻴﻬﺎ ﻭﺍﻥ ﺷﺎﺀﺍﻟﻠﻪ ﺍﻧﻌﻔﻲ ﺑﻜﻞ ﺍﻟﺪﺭﻭﺱ ﻣﺎﻋﺪﺍ ﺍﻟﻌﺮﺑﻲ ﻣﺎﺍﻧﻌﻔﻲ ﺑﻲ ﺑﻌﺪﻫﺎ ﻻﺯﻡ ﺍﺣﻀﺮ ﻟﻠﺴﺎﺩﺱ ﻭﺍﺭﻓﻊ ﺭﺍﺱ ﻣﺎﻣﺎ ﺗﻌﺒﺘﻬﺎ ﻫﻮﺍﻱ ﻭﻫﻴﻪ ﺍﺻﻼ ﻣﺮﻳﻀﺔ ...
ﺍﺟﻮﻧﻪ ﺧﺎﻻﺗﻲ ﻉ ﺍﻟﻐﺪﺍﺀ ﺗﻐﺪﻭﺍ ﻳﻤﻨﺎ ﻭﺍﻟﻌﺼﺮ ﺩﻳﺮﻭﺣﻮﻥ
ﻋﺒﻴﺮ ﺍﺳﺘﺄﺫﻧﺖ ﻣﻦ ﺍﻣﻲ ﻛﺎﻟﺖ ﺍﻟﻬﺎ ﻣﺎﻣﺎ ﺍﺭﻳﺪ ﺍﺭﻭﺡ ﻭﻳﺎﻫﻢ ﻟﻠﺪﻭﺭﺓ ﻭﺍﻟﻠﻪ ﻣﺸﺘﺎﻗﺘﻠﻬﺎ ..
ﺍﻣﻲ : ﺍﻛﻌﺪﻱ ﻭﺍﺳﻜﺘﻲ ﺍﻻﺳﺒﻮﻉ ﺍﻟﺠﺎﻱ ﺍﻣﺘﺤﺎﻧﺎﺕ ﻛﻌﺪﻱ ﺍﻗﺮﻱ ﺍﺣﺴﻦ ..
_ ﻣﺎﻣﺎ ﻓﺪﻭﺓ ﺗﺪﺭﻳﻦ ﺑﻴﻪ ﻣﺴﻴﻄﺮﺓ ﻭﺣﺎﻓﻈﺔ ﺍﻟﻤﺎﺩﺓ ﻫﻴﺞ ﺭﺍﺡ ﻳﺼﻴﺮ ﻋﻠﻴﻪ ﺿﻐﻂ ﻛﻠﺶ ﺟﺒﻴﺮ ﺧﻠﻴﻨﻲ ﺍﻏﻴﺮ ﺟﻮ ﻭﻳﺎﻫﻢ ﻭﺑﺎﺟﺮ ﺩﺯﻱ ﺑﺎﺑﺎ ﻋﻠﻴﻪ ﻳﺠﻲ ﻳﺎﺧﺬﻧﻲ ..
ﻣﻘﺒﻠﺖ ﺍﻣﻲ ﻭﺍﺳﺘﻤﺮﺕ ﺑﺎﻟﺮﻓﺾ ﺑﺲ ﺧﺎﻻﺗﻲ ﺗﺪﺧﻠﻮﺍ ﻭﻗﻨﻌﻮﻫﺎ ﺭﺍﺣﺖ ﻋﺒﻴﺮ ﺍﺧﺬﺕ ﻣﻼﺑﺲ ﻭﺭﺍﺣﺖ ﻭﻳﺎﻫﻢ ..
ﻳﻮﻡ ﺛﺎﻧﻲ ﺍﻟﻤﻘﺮﻭﺽ ﻋﺒﻴﺮ ﺗﺠﻲ ﺍﻟﺼﺒﺢ ﺑﺲ ﻣﺎ ﺍﺟﺘﻲ ﻭﺍﻣﻲ ﻇﻠﺖ ﻛﻠﺶ ﻗﻠﻘﺔ ﺩﺗﺨﺎﺑﺮ ﻋﻠﻰ ﺧﺎﻟﺘﻲ ﻣﻴﺠﺎﻭﺑﻨﻬﺎ ..
ﻟﻠﻌﺼﺮ ﻃﻠﻌﺖ ﻣﻦ ﻏﺮﻓﺘﻲ ﻋﻠﻰ ﻫﻮﺳﺔ ﻭﺻﻴﺎﺡ
ﻭ ﺍﻟﺒﻴﺖ ﻣﺨﺒﻮﺹ ، ﺧﻠﻴﺖ ﺍﻳﺪﻱ ﻋﻠﻰ ﻗﻠﺒﻲ ﻣﻴﺘﺔ ﺧﻮﻑ ﺷﻜﻮ ﺷﺼﺎﻳﺮ ﻳﺎﺭﺑﻲ ..
ﺭﻛﻀﺖ ﺍﺭﻳﺪ ﺍﺩﻭﺭ ﻭﺍﺗﺒﻊ ﺻﻮﺕ ﺍﻣﻲ ﻭﻫﻲ ﺗﺒﺠﻲ ﻭﺗﺼﻴﺢ ..
ﺻﺎﺭﺕ ﻛﺒﺎﻟﻲ ﻣﺮﻳﻢ ﻛﺘﻠﻬﺎ ﻭﻟﺞ ﺷﻜﻮ ﺷﺒﻴﻬﺎ ﺍﻣﻲ ..
ﻇﻠﺖ ﺗﺤﺠﻲ ﻭﺗﺮﺟﻒ ﻭﻟﺞ ﺯﻫﺮﺍﺀ ﻟﺤﻜﻲ ﺍﺧﺘﻨﺎ ﺭﺍﺡ ﺗﺮﻭﺡ ﻣﻨﻪ ﻋﺒﻴﺮ ﻣﺘﺼﻮﺑﺔ ..
ﻟﻄﻤﺖ ﻋﻠﻰ ﺻﺪﺭﻱ ﻋﺰﺍﺍ ﻭﺭﺣﺖ ﺍﺭﻛﺾ ﻻﻣﻲ
ﻭﻣﺮﻳﻢ ﺗﺤﺠﻲ ﻭﺗﻤﺸﻲ ﻭﺭﺍﻱ
ﻛﺎﻟﺖ ﻭﻟﺞ ﻫﺴﻪ ﻋﺒﻴﺮ ﻣﺘﺼﻮﺑﺔ ﺑﺮﺍﺳﻬﺎ ﻭﺍﻳﺪﻫﺎ ﻭﻇﻬﺮﻫﺎ ﺻﺤﺖ ﻋﺰﺯﺯﺍ ﺑﻌﻴﻨﻲ ﺑﻌﺪ ﻋﻤﺮﻱ ﺍﺧﺘﻲ ، ﺭﺣﺖ ﺍﺭﻛﺾ ﺍﺩﻭﺭ ﻉ ﺃﻣﻲ ﻟﻜﻴﺖ ﺃﻣﻲ ﻣﺎﺩﻩ ﺭﺟﻠﻴﻬﺎ ﻭﺗﻠﻄﻢ ..
ﻳﺘﺒﻊ
