#ﺷﺮﻳﻌﺔ_ﺍﻟﻌﺸﻖ
#ﺑﺎﺭﺕ٦٥
ﻧﻮﺭﺍ ﻧﺎﺻﺮ
ﺻﻮﺕ ﺻﻔﺎﺀ ﺑﻘﻰ ﺑﺄﺫﻧﻲ ﻳﺼﻴﺢ ﺧﻔﺖ ﻳﺄﺫﻭﻧﻪ ﻭﻫﻮ ﺍﺻﻼ ﺗﻌﺒﺎﻥ ، ﺑﺲ ﺗﺬﻛﺮﺕ ﺑﻬﺎﺀ ﻣﻮﺟﻮﺩ ﻭﻣﺴﺘﺤﻴﻞ ﻳﺄﺫﻭ ﺑﻮﺟﻮﺩﻩ .
ﺍﺧﺬﺕ ﺍﺑﻨﻲ ﻭﺭﺣﺖ ﻟﻠﻐﺮﻓﺔ ﻋﺰﻟﺖ ﻧﻔﺴﻲ ﻋﻦ ﺍﺻﻮﺍﺗﻬﻢ ﻭﺑﻘﻴﺖ ﺍﻓﻜﺮ ﻳﺮﺑﻲ ﻟﻴﺶ ﻫﻴﺞ ﻳﺴﻮﻭﻥ ﻟﻴﺶ ﻭﺭﻏﻢ ﻳﺸﻮﻓﻮﻥ ﺑﻌﻴﻨﻬﻢ ﺻﻔﺎﺀ ﻣﻨﺘﻬﻲ ﺑﻌﺪﻫﻢ ﻳﺮﺣﻮﻥ ﻟﻠﺴﺤﺎﺭﻳﻦ ﻣﺴﺘﻤﺮﻳﻦ ﺍﻟﺤﻤﺪﻟﻠﻪ ﺍﻟﻠﻪ ﻛﺸﻔﻬﻢ ﻭﺍﻻ ﺟﺎﻥ ﺻﻔﺎﺀ ﺭﺍﺡ ﺑﻴﻬﺎ ﺍﺳﻢ ﺍﻟﻠﻪ ﻋﻠﻴﻪ ﺭﺑﻲ ﻳﺤﻔﻈﻪ ﻷﺑﻨﻪ .
ﻇﻞ ﻫﻤﺎﻡ ﻳﻠﻌﺐ ﺑﺄﻟﻌﺎﺑﻪ ﻭﺍﻧﻲ ﻣﺘﻤﺪﺩﺓ ﻉ ﺍﻟﺴﺮﻳﺮ ﻭﺟﺴﻤﻲ ﺑﻌﺪﻩ ﺑﻲ ﺧﻮﻓﺔ ﻭﻳﺮﺟﻒ ، ﺳﻤﻌﺖ ﺻﻮﺕ ﺑﺎﺏ ﺍﻟﺸﻘﺔ
ﻛﻤﺖ ﻓﺘﺤﺘﻬﺎ ﺷﻔﺖ ﺻﻔﺎﺀ ، ﻻﺯﻡ ﺑﻄﺮﻑ ﺍﻟﺒﺎﺏ ﻭﻳﺘﻨﻔﺲ ﻛﻮﺓ ﻭﺍﻳﺪﻩ ﻋﻠﻰ ﺻﺪﺭﻩ .
ﺭﻓﻊ ﻧﻈﺮﻩ ﺑﺎﻭﻋﻠﻲ ﺑﺪﻭﻥ ﻣﺎﻳﺤﺮﻙ ﺭﺍﺳﻪ ، ﻭﺧﺮﺕ ﻣﻦ ﻛﺪﺍﻡ ﺍﻟﺒﺎﺏ ﺣﺘﻰ ﺍﻓﺘﺢ ﻟﻪ ﻃﺮﻳﻖ ﻳﻔﻮﺕ ﺟﻮﻩ .
ﻓﺎﺕ ﻛﻮﺓ ﻳﺠﺮ ﺑﺨﻄﻮﺍﺗﻪ ﻭﺷﻤﺮ ﻧﻔﺴﻪ ﻉ ﺍﻟﺘﺨﻢ ﺑﺘﻌﺐ ﻭﺍﺣﺴﻪ ﻣﺨﺘﻨﻚ ﻭﻭﺟﻬﻪ ﺍﺣﺘﻘﻦ ﻓﺪ ﻧﻮﺏ ، ﺭﺣﺖ ﻣﺮﻋﻮﺑﺔ ﻛﻌﺪﺕ ﻳﻤﻪ ..
ﺻﻔﺎﺍﺍﺀ ﺑﻴﻚ ﺷﺒﻲ ؟؟
ﻭﻇﻠﻴﺖ ﺍﻓﺮﻙ ﺑﺼﺪﺭﻩ ﻭﻫﻮ ﻳﮕﺢ .
ﺑﻌﺪﻫﺎ ﻛﺎﻡ ﺑﺴﺮﻋﺔ ﻭﺭﺍﺡ ﻟﻠﺤﻤﺎﻡ ﻭﺳﻤﻌﺘﻪ ﻳﺘﻘﻲﺀ
ﺧﻠﻴﺖ ﺍﺩﻳﻪ ﻋﻠﻰ ﻭﺟﻬﻲ ﻭﻇﻠﻴﺖ ﺍﺑﺠﻲ ﻋﻠﻰ ﺣﺎﻟﻪ ﻭﺍﺗﺤﺴﺐ ﻋﻠﻴﻬﻦ ..
ﻃﻠﻊ ﻛﻮﻩ ﻳﻤﺸﻲ ﺳﻨﺪﺗﻪ ﻭﺩﻳﺘﻪ ﻟﻠﻐﺮﻓﺔ ﻭﻧﺎﻡ ﻋﻠﻰ ﺑﻄﻨﻪ
ﻏﻄﻴﺘﻪ ﻭﺍﺧﺬﺕ ﻫﻤﺎﻡ ﻭﻃﻠﻌﺖ ﻭﺳﺪﻳﺖ ﻋﻠﻴﻪ ﺑﺎﺏ ﺍﻟﻐﺮﻓﺔ ..
ﻃﻠﻌﺖ ﻟﻠﺼﺎﻟﺔ ﺷﻐﻠﺖ ﻗﺮﺃﻥ ﻭﺍﻟﺘﻬﻴﺖ ﺍﺷﺘﻐﻞ ﻭﻓﻜﺮﻱ ﻣﻮ ﺻﺎﻓﻲ ، ﺍﻓﻜﺮ ﻟﺒﻌﻴﺪ ﻭﺑﺤﻴﺎﺗﻨﺎ ﻭﺍﻟﻲ ﺭﺍﺡ ﻳﺼﻴﺮ ﻭﺍﺻﻔﻦ .
ﻟﺤﺪ ﺑﻌﺪ ﺳﺎﻋﺔ ﺍﻭ ﺍﻗﻞ ﺳﻤﻌﺖ ﺻﻮﺕ ﺑﺎﺏ ﺍﻟﻐﺮﻓﺔ ﻃﻠﻊ ﺻﻔﺎﺀ ﻻﺯﻡ ﺭﺍﺳﻪ ﻭﻛﻮﻩ ﻳﺘﻨﻔﺲ ﺑﺎﻭﻋﻠﻲ ﻋﻴﻮﻧﻪ ﺣﻤﺮ ﺗﺨﻮﻑ ﺻﺎﺍﺡ ﻃﻔﻲ ﻫﺬﺍ ﻃﻔﻴﻴﻴﻴﻲ .
ﻫﻤﺎﻡ ﺭﻛﺾ ﺣﻀﻨﻲ ﻣﻦ ﺭﺟﻠﻴﻪ ، ﺍﺧﺬﺗﻪ ﻭﺩﻳﺘﻪ ﻟﻠﻤﻄﺒﺦ
ﺩﺧﻠﺘﻪ ﺟﻮﻩ ﻭﺭﺣﺖ ﻟﺼﻔﺎﺀ ﺍﻧﺖ ﻻﺯﻡ ﺗﺘﻌﺎﻟﺞ ﺻﻔﺎﺀ ﺍﻧﺖ ﻣﺴﺤﻮﺭ .
ﻟﺰﻡ ﺭﺍﺳﻪ ﻭﻛﻊ ﻉ ﺍﻟﻘﻨﻔﺔ ﻭﻇﻞ ﻳﺘﻨﻔﺲ ﺑﺼﻌﻮﻭﺑﺔ
ﺭﻓﻊ ﻋﻴﻨﻪ ﺑﻌﻴﻨﻲ ﻭﺧﺰﺭﻧﻲ ﻛﺘﺘﺘﺘﺘﻠﺞ ﻃﻔﻲ .
ﺭﺟﻌﺖ ﻟﻴﻮﺭﻩ ﺑﺨﻄﻮﺍﺕ ﻣﺮﻋﻮﺑﺔ ﻭﻫﻮ ﻃﻠﻊ ﻣﻦ ﺍﻟﺸﻘﺔ ﻳﺮﻛﺾ .
ﻛﻌﺪﺕ ﻣﺤﺘﺎﺭﺓ ﺳﻤﻌﺖ ﻫﻤﺎﻡ ﻳﺒﺠﻲ ﺭﻛﻀﺖ ﺟﺒﺘﻪ ﺣﻀﻨﺘﻪ ﺍﺧﺬﺕ ﺗﻠﻴﻔﻮﻧﻲ ﺧﺎﺑﺮﺕ ﺑﻬﺎﺀ ﻭﺣﺠﻴﺖ ﻭﻳﺎ ﻛﺘﻠﻪ ﺿﺮﻭﺭﻱ ﺗﻘﻨﻊ ﺻﻔﺎﺀ ﻳﺘﻌﺎﻟﺞ ﻣﻴﺼﻴﺮ ﻫﻴﺞ ﺣﺎﻟﺘﻪ ﺣﺎﻟﻪ ﻭﺍﻟﻠﻪ ... ﻭﺑﺎﺑﺎ ﻳﻌﺮﻑ ﺷﻴﺦ ﻣﻀﺒﻮﻁ .
ﻛﺎﻝ ﺍﻃﻤﺌﻨﻲ ﻣﻴﺼﻴﺮ ﺧﺎﻃﺮﺝ ﺍﻟﻪ ﻃﻴﺐ ﻭﺍﻧﻲ ﻫﻢ ﻣﻮ ﺳﺎﻛﺖ ﺍﻟﻪ ﻭﺩﺍﺍﻗﻨﻌﻪ ﻭﺍﻥ ﺷﺎﺀﺍﻟﻠﻪ ﻫﺎﻻﻳﺎﻡ ﺍﺧﺬﻩ ﻟﻠﺸﻴﺦ .
ﺗﺸﻜﺮﺕ ﻣﻨﻪ ﻭﺳﺪﻳﺘﻪ . ﺩﻗﺎﻳﻖ ﻭﺻﻌﺪ ﺻﻔﺎﺀ ﻭﻛﻒ ﻣﻘﺎﺑﻴﻠﻲ ﻭﺍﻧﻲ ﺍﺑﺎﻭﻋﻠﻪ .
_ ﺍﺳﻤﻌﻲ ﺯﻫﺮﺍﺀ ﺍﺫﺍ ﺍﺟﺖ ﺍﺳﺮﺍﺀ ﺍﻭ ﺍﻣﻬﺎ ﺍﻭ ﺣﺘﻰ ﺭﺷﺎ ﺗﮕﻮﻟﻴﻠﻲ ﺭﺃﺳﺎ ﺩﻛﻴﻠﻲ ﺗﻠﻴﻔﻮﻥ ﻣﻔﻬﻮﻭﻡ ؟
ﻫﺰﻳﺖ ﺭﺍﺳﻲ ...
ﺍﺭﺩﻑ : ﻛﻮﻥ ﻗﺒﻞ ﻻ ﻳﺪﺧﻠﻮﻥ ﻟﻠﺒﻴﺖ ﻭﺣﺘﻰ ﻣﺘﺨﻠﻴﻨﻬﻢ ﻳﺪﺧﻠﻮﻥ ﻭﻣﻌﻠﻴﺞ ﺑﺄﻣﻲ ﺍﻓﺘﻬﻤﺘﻲ ؟
_ ﺻﺎﺭ ..
ﻧﺰﻝ ﺟﻮﻩ ﺗﺒﻌﺘﻪ ﻭﻧﺰﻟﺖ ﺑﺎﻟﻜﺮﺍﺝ ﻃﻠﻌﺖ ﻋﻤﻪ ﺗﺤﺠﻲ ﻭﻳﺎ ..
ﻭﻟﻚ ﺍﻧﺖ ﺷﺒﻴﻚ ﺗﺨﺒﻠﺖ ﻟﻚ ﻣﺮﺗﻚ ﺣﺎﻣﻞ ﺩﺗﻔﻬﻢ ﻋﻠﻴﻪ ﻟﻮ ﻻ ﺣﺎﻣﻞ ﺣﺎﺍﺍﻣﻞ ﻭﺷﻮﻥ ﺗﻄﺮﺩ ﺍﺧﺘﻚ ﻣﻦ ﺍﻟﺒﻴﺖ ﻭﺗﺪﺭﻱ ﺑﻴﻬﺎ ﻛﻠﺶ ﺯﻳﻦ ﻣﺎﻋﺪﻫﺎ ﺍﺣﺪ ﻭﺯﻭﺟﻬﺎ ﺩﺍﻳﺢ ﺑﺮﻩ ﻭﻣﻴﻘﺒﻞ ﻳﺎﺧﺬﻫﻪ ﻣﻨﻮ ﺍﻟﻬﺎ ﻏﻴﺮﻧﺎ ؟
ﻋﺎﻁ : ﺍﻱ ﻣﻦ ﺳﻮﺍﻟﻔﻬﺎ ﻋﺎﻓﻬﺎ ﻭﻫﺬﺍ ﺭﺟﻠﻬﺎ ﻫﻢ ﺍﻟﻲ ﺣﺠﻲ ﻭﻳﺎ ﺑﺴﻴﻄﺔ ﺍﻧﻲ ﺍﻋﻠﻤﻪ ﻭﺑﺎﻟﻨﺴﺒﺔ ﻻﺳﺮﺍﺀ ﺧﻠﻲ ﺗﺠﻴﺐ ﻭﺍﺧﺬ ﺍﺑﻨﻲ ﻣﻨﻬﺎ ﻭﺧﺘﺮﻭﺡ ﻃﺒﻬﺎ ﺳﺘﻴﻦ ﻣﺮﺭﺭﺽ .
ﺩﺧﻞ ﺑﺴﻴﺎﺭﺗﻪ ﺣﺮﻛﻬﺎ ﻭﻃﻠﻊ .. ﻭﺍﻧﻲ ﺩﺍﺍﺻﻌﺪ ﻓﻮﻙ ﻭﺍﺳﻤﻊ ﻋﻤﻪ ﺗﺪﺭﺩﻡ ﺳﻜﺘﺖ ﻋﻨﻬﺎ ..
.........
ﻋﺒﻴﺮ .. ﻓﺘﺤﺖ ﻋﻴﻮﻧﻲ ﺻﺎﺭ ﻭﺟﻪ ﻗﺴﻮﺭ ﻛﺒﺎﻟﻲ ، ﺍﺑﺘﺴﻤﺘﺖ ﻭﻛﻤﺖ ﺗﻤﻄﻄﺖ ﻭﺍﻧﻲ ﺍﺗﻤﻄﻂ
ﻛﻠﺖ ﺻﺒﺎﺍﺍﺡ ﺍﻟﺨﻴﺮ ..
ﺍﺧﺬ ﺍﻳﺪﻱ ﺑﻮﺳﻬﺎ ﻭﻛﺎﻝ ﺻﺒﺎﺡ ﺍﻟﻨﻮﺭ ..
_ ﻣﻦ ﺷﻮﻛﺖ ﺍﻧﺖ ﻛﺎﻋﺪ ؟
_ ﺍﻭﻭﻭ ﻣﻦ ﻳﺎﺍﺩﻫﺮ ﻟﺞ ﻣﻦ ﺍﻟﺼﺒﺢ ﻭﺍﻧﻲ ﺻﺎﻓﻦ ﺑﻮﺟﻬﺞ .
_ ﺷﻌﻨﺪﻙ ﺻﺎﻓﻦ ﺑﻮﺟﻬﻲ ﻣﻀﻴﻊ ﺷﻲ ؟
ﻣﺠﺎﻭﺑﻨﻲ ﻛﺮﺻﻨﻲ ﺣﻴﻴﻞ ﺑﺨﺪﻱ ﻭﺑﺎﺳﻨﻲ .
ﻛﺎﻝ ﺍﻣﻲ ﺧﺒﺼﺖ ﺍﻟﺠﻮ ﺑﺎﻟﻤﻜﺎﻟﻤﺎﺕ ﻭﻫﺴﻪ ﺳﺎﻋﺔ ١١ ﺑﺲ ﺍﻧﻲ ﻣﺎﺭﺩﺕ ﺍﻛﻌﺪﺝ ﻣﻦ ﺍﻟﻨﻮﻡ ﻭﺍﺣﺮﻡ ﻧﻔﺴﻲ ﻣﻦ ﻫﺎﻟﻤﻨﻈﺮ ﺍﻟﺤﻠﻮ ﺑﻘﻴﺖ ﺑﺎﻟﺴﺎﻋﺎﺕ ﻭﺍﻧﻲ ﺍﺗﺄﻣﻞ ﻭﺟﻬﺞ .
_ ﻟﻴﺶ ﻣﺸﺎﻳﻔﻨﻲ ؟ ﻋﺰﺍﺍﺍ ﻫﺴﻪ ﺍﻟﺴﺎﻋﺔ ١١ ..
ﻛﻤﺰﺕ ﻣﻦ ﺍﻟﺴﺮﻳﺮ ..
ﻋﺎﻁ ﻋﻠﻰ ﻛﻴﻔﺞ ﻟﺠﺠﺞ ..
ﺭﺣﺖ ﻟﺘﻠﻴﻔﻮﻥ ﻟﻜﻴﺖ ﻣﺎﻣﺎ ﻣﺘﺼﻠﺔ ﻋﻠﻴﻪ ﻣﻜﺎﻟﻤﺔ ﻭﺣﺪﺓ
ﺗﻮﺟﻬﺖ ﻳﻤﻪ ﺷﻮﻓﺘﻪ ﺍﻟﻔﻮﻥ ﺑﺎﻉ ﻣﺎﻣﺎ ﻣﺘﺼﻠﺔ ﻣﺮﺓ ﻭﺣﺪﺓ ﺷﻜﺪ ﻋﺪﻫﻪ ﺫﻭﻕ ﻳﺮﺑﻲ .
ﻃﻮﻕ ﺧﺼﺮﻱ ﺑﺎﺩﻳﻪ ﻭﺳﺤﺒﻨﻲ ﺍﻟﻪ ﻭﻋﺒﺎﻟﻚ ﻳﺸﻴﻠﻨﻲ ﻣﻦ ﺍﻟﻜﺎﻉ : ﻟﺠﺠﺞ ﻳﻌﻨﻲ ﺍﻣﻲ ﻣﺎﻋﺪﻫﻪ ﺫﻭﻕ ﻣﻮﻭ ؟
_ ﺗﺆ ﺗﺆ ﺗﺆ ﺍﻧﻲ ﺟﺒﺖ ﺳﻴﺮﺗﻬﺎ ﻻﻣﻚ ؟
_ ﻻ ﻣﻨﻴﻦ ﺩﻳﻠﻪ ﻫﺴﻪ ﺧﺎﺑﺮﻱ ﻋﻤﺘﻲ ﻟﺘﻈﻞ ﻗﻠﻘﺔ ﻋﻠﻴﺞ ..
ﻛﺎﻝ ﻫﻴﺞ ﻭﻧﺰﻟﻨﻲ ﻣﻨﻪ ، ﺧﺎﺑﺮﺕ ﻣﺎﻣﺎ ﺍﺳﺘﻠﻤﺘﻨﻲ ﺭﺯﺍﻳﻞ ﺗﺎﻟﻲ ﺿﺤﻜﺖ ﻟﺞ ﻧﺴﻴﺖ ﺗﺰﻭﺟﺘﻲ ﻛﺒﺮﺗﻲ ﻭﺻﺎﺭ ﻋﻨﺪﺝ ﺭﺟﺎﻝ ﻭﻟﺞ ﻣﺘﻌﻮﺩﺓ ﺍﺭﺯﻝ ﺑﻴﺞ ﻣﻦ ﺩﻭﻥ ﺍﺧﻮﺍﺗﺞ ﻣﻮ ﺑﻴﺪﻱ ﺣﺘﻰ ﻟﻮ ﻣﻤﺴﻮﻳﻪ ﺷﻲ .
ﺿﺤﻜﺖ ﻭﺣﺴﻴﺖ ﻣﺎﻣﺎ ﺩﺗﺒﺠﻲ ﻭﻗﺴﻮﺭ ﻳﺒﺎﻭﻋﻠﻲ ﻳﻀﺤﻚ ﻭﻋﻮﺩ ﻣﺘﺸﻤﺖ ﺑﻴﻪ ، ﺑﻌﺪﻫﺎ ﺗﻜﻠﻢ ﻭﻳﺎﻳﻪ ﺑﺎﺑﺎ ﺑﺎﺭﻛﻠﻲ ﻭﺳﺄﻝ ﻋﻨﻲ ﻛﺘﻠﻪ ﺍﻧﻲ ﺯﻳﻨﺔ ..
ﻛﺎﻝ ﻋﺴﺎﺝ ﺩﻭﻡ ﺯﻳﻨﺔ ..
ﺧﺘﻤﺘﻪ ﻭﻳﺎﻫﻢ .
ﺑﺎﻭﻋﺖ ﻟﻘﺴﻮﺭ ﻛﺎﻝ ﺍﻟﻠﻪ ﻣﻴﻄﻚ ﺑﺤﺠﺎﺭ ﺣﺠﻴﺘﻲ ﻋﻠﻰ ﺍﻣﻲ ﻭﺍﺟﺘﺞ ﺭﺯﺍﻟﺔ ﻣﻦ ﺍﻣﺞ ..
ﺑﺮﻃﻤﺖ : ﻫﺎﺍ ﺗﺸﻤﺖ ﺑﻴﻪ ؟
ﺿﺤﻚ .. ﺍﺟﻪ ﺍﺧﺬﻧﻲ ﺍﻟﻪ ﺣﻈﻨﻲ ﻭﺑﻮﺳﻨﻲ ...
ﺭﻓﻌﺖ ﺭﺍﺳﻲ ﺍﺑﺎﻭﻋﻠﻪ ﺷﻮﻛﺖ ﺟﺒﺖ ﺳﻴﺮﺓ ﺍﻣﻚ ﺍﻧﻲ .
ﻟﺰﻡ ﺷﻔﺎﻳﻔﻲ ﺑﺎﺻﺎﺑﻌﻪ ﻋﻮﺩ ﻳﺴﺪﻫﻦ ﻋﻦ ﻻ ﺍﺣﺠﻲ
ﻭﻛﺎﻝ ﻳﻠﻠﻪ ﻧﻨﺰﻝ ﻭﻟﺞ ﺍﻣﻲ ﻣﺴﻮﻳﻪ ﻋﺰﻳﻤﺔ ﺧﺒﺼﺖ ﺍﻟﺪﻧﻴﺎ ﺗﺮﺓ ..
ﻧﺰﻟﺖ ﻏﺴﻠﻨﺎ ﻭﺻﻌﺪﺕ ﺑﺪﻟﺖ ﻣﻼﺑﺴﻲ ﻭﺩﺧﻞ ﻗﺴﻮﺭ
ﻛﺎﻝ ﺍﺟﻮ ﺍﻣﺞ ﻭﺍﺧﻮﺍﺗﺞ ﺟﺎﻳﺒﻴﻦ ﺍﻟﺮﻳﻮﻙ ..
ﻧﺰﻟﺖ ﻭﺭﺍﻩ ﻭﺭﺣﺖ ﻻﻫﻠﻲ ﺑﻮﺳﺘﻬﻢ ﻣﺎﻣﺎ ﺑﻌﺪﻫﻪ ﺗﺒﺠﻲ ﻣﺴﺤﺖ ﺩﻣﻮﻋﻬﺎ ﻭﺣﻀﻨﺘﻬﺎ ﺣﻴﻴﻴﻞ ﻭﻃﻤﻨﺘﻬﺎ ﻋﻠﻴﻪ ..
ﺗﻮﻧﺎ ﻛﺎﻋﺪﻳﻦ ﺩﻧﺘﺮﻳﻚ ﻭﻫﺠﻤﺖ ﻋﻤﻪ ﻋﻠﻴﻨﺎ ﺧﻠﺘﻨﺎ ﻧﻜﻤﺰ ..
ﻃﺒﺖ ﺗﺼﻴﺢ ﺍﻟﺴﺎﻋﺔ ﺭﺍﺡ ﺗﺼﻴﺮ ١٢ ﻭﺍﻟﻨﺎﺱ ﻳﻨﺘﻈﺮﻭﻙ ﻫﻨﺎﻙ ﻳﺮﺩﻭﻥ ﻳﺒﺎﺭﻛﻮﻟﻚ ﻭﺍﻧﺘﻪ ﻻﺑﺴﻨﻲ ﻫﻴﺞ ﻭﻟﻚ ﻗﺴﻮﺭ ؟
ﺟﺎﻭﺑﻬﺎ ﻳﻮﻡ ﺗﺮﺓ ﺻﺒﺎﺣﻴﺔ ﻋﺮﺳﻲ ﻫﺎﻱ ﺍﻟﻤﻔﺮﻭﺽ ﺗﺒﺎﺭﻛﻴﻠﻲ ..
ﺍﻱ ﺷﻌﻨﺪﻙ ﺗﻮﻙ ﻳﻠﻪ ﺗﺘﺮﻳﻚ ﻭﻳﻦ ﺟﻨﺖ ﻣﻦ ﺍﻟﺼﺒﺢ ؟
ﺗﺮﻩ ﺟﻨﻪ ﻧﺎﻳﻤﻴﻦ ..
ﻛﻞ ﻫﺬﺍ ﻧﻮﻡ ﻣﺎﺷﺒﻌﺘﻮﺍ ﻣﻦ ﺍﻟﺒﺎﺭﺣﺔ ﺧﻨﺸﻮﻑ ﺑﺎﻟﻠﻪ ﺷﻜﺪ ﺭﺍﺡ ﺗﺨﻠﻔﻠﻚ ﻋﻠﻰ ﻫﺎﻟﻨﻮﻡ ﻫﺬﺍ ..
ﻃﻜﻴﻨﺎﻫﻪ ﺿﺤﻜﺔ ﻭﻫﻲ ﻣﻌﺼﺒﺔ ﺯﺍﺩﺕ ﺑﺎﻋﺼﺎﺑﻬﺎ
ﻛﺎﻟﺖ ﻭﺑﻌﺪﻳﻦ ﺍﻧﺘﻪ ﺷﺠﺎﺑﻚ ﻣﻮ ﺟﻨﺖ ﺑﺎﻟﻔﻨﺪﻕ ﺍﺷﻮ ﻧﺮﻳﺪ ﻧﺮﻭﺡ ﻋﻠﻴﻜﻢ ﻛﺮﺍﺭ ﻛﺎﻝ ﺭﺟﻌﺘﻮﺍ ﻣﻦ ﺍﻟﺒﺎﺭﺣﺔ ..
ﺳﺤﺒﻬﺎ ﻟﺤﺪ ﺍﻟﺴﻔﺮﺓ ﻭﻛﺎﻟﻠﻬﺎ ﻫﺴﻪ ﻛﺎﻓﻲ ﻋﺼﺒﻴﺔ ﺷﺠﺎﺝ ﻭﺗﻌﺎﻟﻲ ﺍﻛﻠﻲ ﻭﻳﺎﻧﺎ ﺧﻮﺵ ﮔﻴﻤﺮ ﻋﻤﺘﻲ ﺟﺎﻳﺒﻪ .
ﻛﺎﻟﻠﻬﺎ ﻫﻴﺞ ﻭﺍﺷﺮﻟﻲ ﺍﻛﻮﻡ ﺍﺳﻠﻢ ﻋﻠﻴﻬﺎ ﻛﻤﺖ ﺑﺎﻭﺳﺘﻬﺎ
ﻛﻮﺓ ﻛﺎﻟﺖ ﻣﺒﺮﻭﻙ ...
ﺑﻌﺪﻫﺎ ﺭﺣﻨﻪ ﻟﺒﻴﺘﻬﻢ ﺗﻠﻜﻮﻧﺎ ﺧﻮﺍﺗﻪ ﻭﻋﻤﺎﺗﻪ ﻭﻋﻤﺎﺗﻲ ﻭﺍﻫﻠﻨﺎ ﻛﻠﻬﻢ ﺑﺎﻟﺠﻮﻛﻠﻴﺖ ﻭﺍﻟﻬﻼﻫﻞ ..
ﺗﻐﺪﻳﻨﺎ ﻳﻤﻬﻢ ﻭﺍﻟﻌﺼﺮ ﺭﺟﻌﻨﺎ ﻟﺒﻴﺘﻨﺎ .. ..
...
ﺯﻫﺮﺍﺀ .. ﺑﻌﺪ ﻣﺎ ﺍﻧﻄﺮﺩﺕ ﺍﺳﺮﺍﺀ ﻣﻦ ﺍﻟﺒﻴﺖ ﺑﻬﺎﺀ ﻭﺑﺎﺑﺎ ﻇﻠﻮﺍ ﻳﺎﺧﺬﻭﻥ ﺻﻔﺎﺀ ﻭﻳﻮﺩﻭﻩ ﻟﻠﺸﻴﺦ ﻳﻘﺮﺍ ﻋﻠﻴﻪ .
ﻭﺑﻴﻮﻡ ﻫﻮ ﺟﺎﻥ ﻃﺎﻟﻊ ﻭﺍﻧﻲ ﻭﻫﻤﺎﻡ ﺍﻟﻌﺼﺮ ﺟﻮﻩ ﺑﺎﻟﺤﺪﻳﻘﺔ
ﺑﻌﺪ ﺯﻭﺍﺝ ﻋﺒﻴﺮ ﻗﻠﻠﻨﺎ ﺭﻭﺣﺎﺗﻨﺎ ﻻﻫﻠﻲ ، ﻣﺮﻳﻢ ﻫﺎﻟﺴﻨﺔ ﺳﺎﺩﺱ ﻭﺷﺎﺩﺓ ﻛﻞ ﺣﻴﻠﻬﺎ ﺣﺘﻰ ﺗﻄﻠﻊ ﻃﺒﻴﺔ ﻭﻫﻤﺎﻡ ﺧﺎﻑ ﻳﺄﺧﺮﻫﺎ ﻋﻦ ﺩﺭﺍﺳﺘﻬﺎ ﻭﻣﺎﺭﻳﺪ ﻫﺎﻟﺸﻲ ﻳﺼﻴﺮ .
ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﻀﺮﺏ ﺣﻴﻴﻞ ، ﺍﺧﺘﺮﻋﺖ ﻭﺟﻴﺖ ﺍﻓﺘﺤﻪ ﺻﺤﺖ ﻣﻨﻮﻭ ؟
ﺟﺎﻭﺑﺘﻨﻲ ﻣﻦ ﻭﺭﻩ ﺍﻟﺒﺎﺏ ﺍﻧﻴﻴﻴﻲ .. ﻋﺮﻓﺘﻬﺎ ﻫﺎﻱ ﺍﻡ ﺍﺳﺮﺍﺀ ﺻﺮﺕ ﻣﺤﺘﺎﺭﺓ ﺑﻴﻦ ﺍﻓﺘﺢ ﺍﻟﻬﺎ ﻭﺑﻴﻦ ﺍﻧﻔﺬ ﻛﻼﻡ ﺻﻔﺎﺀ ﻟﻤﻦ ﻛﺎﻟﻲ ﻟﺘﻔﺘﺤﻴﻦ ﺍﻟﻬﻢ ﺍﺫﺍ ﺍﺟﻮ ﻭﻟﺘﻄﺒﺒﻴﻬﻢ .
ﺛﻮﺍﻧﻲ ﻭﻃﻠﻌﺖ ﻋﻤﻪ ﻭﺻﺎﺣﺖ ﻣﻨﻮﻭﻭ ﺑﺎﻟﺒﺎﺏ ؟؟
ﺟﺎﻭﺑﺘﻬﺎ ﺍﺧﺘﻬﺎ ﺍﻧﻲ ﻋﻴﻨﻲ ﺍﻡ ﺣﺴﻴﻦ ..
ﺑﻘﻴﺖ ﻭﺍﻛﻔﺔ ﻣﺤﺘﺎﺭﺓ ﻭﺍﺟﺖ ﻋﻤﻪ ﺗﺘﺪﻋﺒﻞ ﻭﻧﺘﺮﺕ ﺑﻴﻪ ﻟﻤﻦ ﻭﺻﻠﺖ ﻳﻤﻲ ﺷﺒﻴﺞ ﻣﺎﺗﻔﺘﺤﻴﻦ ﺍﻟﻬﻢ ﺍﻟﺒﺎﺏ ﻣﻮ ﻋﻴﺐ ﻣﺨﻠﻴﺘﻬﻢ ﻭﺍﻛﻔﻴﻦ ﺑﺮﻩ .
ﺟﺎﻭﺑﺘﻬﺎ ﺑﺘﻮﺗﺮ : ﺍﻱ ﺑﺲ ﻋﻤﻪ ﺻﻔﺎﺀ ﻛﺎﻝ ...
ﻧﺘﺮﺕ ﻭﺧﺮﺭﻱ ﻣﻌﻠﻴﻪ ﺑﺼﻔﺎﺀ ﺍﻧﻲ ﻳﺮﻳﺪ ﻳﺤﺮﻣﻨﻲ ﻣﻦ ﺍﻫﻠﻲ ﻭﺧﻮﺍﺗﻲ ﻭﺍﻟﻠﻪ ﺣﻠﻮﺓ ﻫﺎﻱ ﺑﻌﺪ .
ﺭﺍﺣﺖ ﺑﺴﺮﻋﺔ ﻓﺘﺤﺖ ﺍﻟﻬﻦ ﺍﻟﺒﺎﺏ ﺩﺧﻠﻦ ﺍﺳﺮﺍﺀ ﻭﺍﻣﻬﺎ ﺧﺰﺭﻧﻲ ﻭﻓﺎﺗﻦ ﺟﻮﻩ .
ﺟﺮﻳﺖ ﻫﻤﺎﻡ ﻭ ﺻﻌﺪﺕ ﻓﻮﻭﻙ ﺑﺴﺮﻋﺔ ، ﺍﺧﺬﺕ ﺗﻠﻴﻔﻮﻧﻲ ﻭﺧﺎﺑﺮﺕ ﺻﻔﺎﺀ ﻛﺘﻠﻪ ﺍﺳﺮﺍﺀ ﻭﺍﻣﻬﺎ ﻫﻨﺎ ..
ﻛﺎﻝ ﺟﺎﻱ ﻫﺴﻪ ..
ﺳﺪﻳﺖ ﺍﻟﻔﻮﻥ ﻭﻛﻌﺪﺕ ﻭﺳﻜﺘﺘﺖ ﻓﻮﻙ ﺍﻟﻤﻬﻢ ﺍﻟﻲ ﻋﻠﻴﻪ ﺳﻮﻳﺘﻪ ﺑﻠﻐﺘﻪ ﺑﺠﻴﺘﻬﻢ .
ﺳﻤﻌﺖ ﺻﻮﺕ ﺳﻴﺎﺭﺓ ﺻﻔﺎﺀ ﻓﺎﺗﺖ ﻟﻠﻜﺮﺍﺝ ﻏﻠﺴﺖ ﻭﺭﺣﺖ ﺧﺎﺑﺮﺕ ﻋﺒﻴﺮ ﺳﻮﻟﻔﺖ ﻭﻳﺎﻫﺎ ﺍﻟﻬﺎ ٥ ﺍﻳﺎﻡ ﻣﺘﺰﻭﺟﺔ ، ﺳﻮﻟﻔﺖ ﻭﻳﺎﻫﺎ ﺑﺲ ﺍﺭﻳﺪ ﺍﻧﺴﻰ ﺍﻟﻤﺸﺎﻛﻞ ﺍﻟﻲ ﺩﺗﺼﻴﺮ ﻫﻨﺎ .
ﺧﺘﻤﺘﻬﺎ ﻭﻳﺎﻫﺎ ﻭﻛﻤﺖ ﺻﻠﻴﺖ ﺍﻟﻤﻐﺮﺏ ﻭﺑﻠﺸﺖ ﺍﺳﻮﻱ ﺍﻟﻌﺸﻪ ، ﺳﻤﻌﺖ ﺻﻮﺕ ﺑﺎﺏ ﺍﻟﺸﻘﺔ ﺗﻨﺪﻙ ﻭﻫﻤﺎﻡ ﺻﺮﺥ ﺑﺎﺍﺍﺍﺍﺑﺎﺍﺍﺍﺍ ﻭﺭﺍﺡ ﻳﺮﻛﺾ ﻳﻔﺘﺤﻪ ، ﺣﺒﻴﺒﻲ ﻛﺒﺮﺍﻥ ﻭﺩﻳﻔﺘﺢ ﺍﻟﺒﺎﺏ ﻭﻳﻨﻮﺵ ﺍﻟﻤﻘﺒﺾ ﻣﺎﻟﺘﻪ .
ﻓﺘﺤﻪ ﻭﺩﺧﻞ ﺻﻔﺎﺀ ﺑﺎﻭﻋﻠﻲ ﺻﺪﻳﺖ ﻧﻈﺮﺍﺗﻪ ﻭﻓﺘﺖ ﻟﻠﻤﻄﺒﺦ ﻭﻫﻮ ﺍﺧﺬ ﻫﻤﺎﻡ ﻭﺭﺍﺡ ﻳﻠﻌﺒﻪ ﺑﺎﻟﺼﺎﻟﺔ .
ﺩﻗﺎﻳﻖ ﻭﺍﺟﻪ ﻭﺭﺍﻳﻪ ﻟﻠﻤﻄﺒﺦ ، ﺟﻨﺖ ﻣﻨﻄﻴﺘﻪ ﻇﻬﺮﻱ
ﻟﻤﻦ ﺳﻤﻌﺘﻪ ﻳﺤﺠﻲ : ﻋﺎﺩ ﺣﺴﺒﺘﻲ ﺣﺴﺎﺑﻲ ﻭﻳﺎﻛﻢ ﻉ ﺍﻟﻌﺸﻪ ﻟﻮ ﻻ ؟
ﺍﻟﺘﻔﺘﺖ ﻋﻠﻴﻪ ﺟﺎﻥ ﻣﺒﺘﺴﻢ ، ﺭﺟﻌﺖ ﺩﻧﻜﺖ ﻭﺍﻧﻲ ﺍﺣﻮﺱ ﺑﺎﻟﻄﺎﻭﺓ ﺍﻟﻲ ﻉ ﺍﻟﻨﺎﺭ ..
ﺍﻟﺤﻤﺪﻟﻠﻪ ﻧﻌﻤﺔ ﻭﺧﻴﺮ ﺯﺍﻳﺪ .
_ ﻳﻌﻨﻲ ﺍﻛﺪﺭ ﺍﺗﻌﺸﻰ ﻭﻳﺎﻛﻢ ﻣﻮ ؟
ﺍﻟﺘﻔﺘﺖ ﻋﻠﻴﻪ : ﺍﻱ ﻗﺎﺑﻞ ﻃﺎﺭﺩﻳﻚ ؟
ﺗﻘﺮﺏ ﻣﻨﻲ : ﻻ ﺍﺩﺭﻱ ﻣﺮﺗﻲ ﺑﻨﺖ ﺃُﺻﻮﻝ ﻣﺴﺘﺤﻴﻞ ﺗﻄﺮﺩ ﺍﺣﺪ .
ﺣﺴﻴﺘﻪ ﺍﻗﺘﺮﺏ ﺍﻛﺜﺮ ، ﺭﺟﻔﺖ ، ﻟﺰﻣﻨﻲ ﻣﻦ ﺯﻧﻮﺩﻱ ، ﻏﻤﻀﺖ ﻋﻴﻮﻧﻲ ﻭﺗﻨﻔﺴﺖ ﺑﻌﻤﻖ ، ﺣﺴﻴﺖ ﺑﺎﻧﻔﺎﺳﻪ ﻋﻠﻰ ﺭﻗﺒﺘﻲ .
ﻓﻠﺘﺖ ﺍﺩﻳﻪ ﻣﻨﻪ ﻭﺍﺑﺘﻌﺪﺕ .. ﻇﻞ ﻳﺒﺎﻭﻋﻠﻲ ﺑﻨﻈﺮﺍﺕ ﺣﻴﺮﺍﻧﺔ ﻭﺗﺎﻳﻬﺔ ..
_ ﺍﺳﺮﺍﺀ ﻇﻠﺖ ﺗﺘﻮﺳﻞ ﺍﺭﺟﻌﻬﺎ .
_ ﻣﻴﻬﻤﻨﻲ ﺭﺟﻌﺘﻬﺎ ﺍﻭ ﻻ ﺷﻲ ﺑﻴﻨﻚ ﻭﺑﻴﻨﻬﺎ ﻫﺬﺍ .
_ ﺯﻫﺮﺍﺀ ﻛﺎﻓﻲ ﺭﺍﺡ ﺍﻃﻠﻜﻬﺎ ﻟﻤﻦ ﺗﻮﻟﺪ ﻭﺍﺧﺬ ﺍﺑﻨﻲ ﻣﻨﻬﺎ ﻭﺍﻃﻮﻱ ﺻﻔﺤﺘﻬﺎ ﻭﻟﻼﺑﺪ ﻟﻴﺶ ﻣﺘﺼﺪﻛﻴﻨﻲ ﺯﻫﺮﺍﺀ ﺗﺮﺓ ﻣﺎﺍﺩﺭﻱ ﺷﻨﻮ ﺻﺎﺭ ﻭﺗﺰﻭﺟﺘﻬﺎ .
_ ﺍﻧﺖ ﺗﻌﺮﻑ ﺳﺎﺣﺮﻳﻚ ﺑﻌﺪ ﻟﻴﺶ ﺗﻨﻜﺮ ؟ ﻟﻮ ﺗﺤﺒﻨﻲ ﻣﻴﺄﺛﺮ ﺑﻴﻚ ﺳﺤﺮ ﺑﺲ ﺍﻧﺖ ﺗﺘﻤﻨﺎﻫﻪ ﻃﻮﻝ ﻋﻤﺮﻙ ﻭﺍﺟﺘﻚ ﻋﻠﻰ ﻃﺒﻖ ﻣﻦ ﺫﻫﺐ ﺑﻌﺪ ﺷﻮﻥ ﺗﻔﻮﺗﻬﺎ .
_ ﻫﺬﺍ ﻇﻨﺞ ﺑﻴﻪ ﺯﻫﺮﺍﺀ ؟ ﻟﺞ ﺍﻧﻲ ﺷﻮﻥ ﺍﺑﺪﻝ ﺍﻟﺬﻫﺐ ﺑﺎﻟﺘﺮﺍﺏ ﻟﺞ ﺍﻧﺖ ﺫﻫﺐ ﺻﺎﻓﻲ ﺑﺲ ﺍﻟﻲ ﺻﺎﺭ ﺧﺎﺭﺝ ﻋﻦ ﺍﺭﺍﺩﺗﻲ ﻛﺎﻓﻲ ﺳﺎﻣﺤﻴﻨﻲ ﺩﺧﻴﻠﺞ ﻛﺎﻓﻲ ﻗﺴﻮﺓ .
ﺍﻟﺘﻔﺘﺖ ﻋﻠﻴﻪ ﺍﺑﺎﻭﻋﻠﻪ ﺑﺘﺤﺪﻱ : ﻟﻼﺳﻒ ﻣﺎ ﺍﮔﺪﺭ ﻣﻮﻭ ﻫﺴﻪ ﺣﺎﻟﻴﺎ ﺻﻌﺒﺔ ﺻﻔﺎﺀ ﺻﻌﺒﺔ .
ﺩﺭﺕ ﺍﻟﻪ ﻇﻬﺮﻱ ﻋﻀﻴﺖ ﺷﻔﺘﻲ ﺑﻘﻮﺓ ﺍﺣﺲ ﺑﻮﺧﺰ ﺑﻘﻠﺒﻲ ﺍﻟﻤﻮﺟﻮﻉ ﻭﺍﻟﻤﺘﺸﺒﻊ ﺑﺎﻻﻟﻢ ﻭﺭﻭﺣﻲ ﻣﺘﺸﺘﺘﺔ ﻭﺿﻌﻴﻔﺔ ..
ﻏﻤﻀﺖ ﻋﻴﻮﻧﻲ ﺣﻴﻞ ﻭﺍﺣﺲ ﻧﻔﺴﻲ ﺿﺎﻳﻌﺔ .
ﻣﺎﻭﻋﻴﺖ ﺍﻟﻪ ﻋﻠﻰ ﺻﻮﺕ ﺑﺎﺏ ﺍﻟﺸﻘﺔ ﻳﻨﺮﮔﻊ ﻋﺮﻓﺘﻪ ﻃﻠﻊ
ﺑﺲ ﻣﻮ ﺑﻴﺪﻱ ﺍﺑﺪ ﻣﻮﻭﻭ ﺑﻴﺪﻱ ﻣﺎ ﺍﮔﺪﺭ ﺍﺗﻘﺒﻠﻪ ﺑﻌﺪ .
ﻳﻮﻡ ﺛﺎﻧﻲ ﺍﻟﺼﺒﺢ ﮔﻌﺪﺕ ﻭﺣﻀﺮﺕ ﻧﻔﺴﻲ ﺩﺍ ﺍﺭﻭﺡ ﻟﻠﺪﻭﺍﻡ
ﺍﺧﺬﺕ ﻫﻤﺎﻡ ﻭﻧﺰﻟﺖ ﺟﻮﻩ ﺍﺭﻳﺪ ﺍﻭﺩﻱ ﻳﻢ ﻣﺎﻣﺎ ﺍﻟﻴﻮﻡ ﺩﻭﺍﻣﻬﺎ ﻋﺼﺮﻱ ، ﻭﺍﻧﻲ ﺩﺍ ﺍﻧﺰﻝ ﺳﻤﻌﺖ ﻋﻤﻪ ﺗﺤﺠﻲ ﻋﻠﻰ ﺻﻔﺎﺀ ﻭﺻﻔﺎﺀ ﻳﺮﻳﺪ ﻳﺮﻭﺡ ﻟﻠﺪﻭﺍﻡ ﺑﺲ ﻣﻮ ﻣﻬﺘﻢ ﺍﻟﻬﺎ ﻭﺭﻏﻢ ﻫﺬﺍ ﺿﺎﻳﺞ ﻭﻣﺨﻨﺰﺭ ﻭﺣﺎﻟﺘﻪ ﺣﺎﻟﺔ ﻭﻣﺒﻴﻦ ﻣﻌﺼﺐ ﻛﻠﺶ .
ﻋﻤﻪ ﺗﺼﻴﺢ ﻫﻴﺞ ﺍﺣﺴﻠﻚ ﺍﻟﺒﺎﺭﺣﺔ ﺍﺟﺘﻚ ﺗﺒﺠﻲ ﺩﻡ ﻭﻣﻘﻬﻮﺭﺓ ﻭﺍﻧﺖ ﺑﻜﻞ ﺣﻘﺎﺭﺓ ﻃﺮﺩﺗﻬﺎ ﻭﻫﺪﺩﺗﻬﺎ ﺗﺎﺧﺬ ﺍﻟﻄﻔﻞ ﻣﻨﻬﺎ ﻭﺷﻮﻑ ﻫﺴﻪ ﺷﺴﻮﺕ ﺑﻨﻔﺴﻬﺎ ﺷﻤﺮﺕ ﺭﻭﺣﻬﺎ ﻣﻦ ﺍﻟﺪﺭﺝ ﻭﺳﻘﻄﺖ ﺍﻟﻄﻔﻞ ﺫﻧﺒﻬﺎ ﺑﺮﻛﺒﺘﻚ ﻟﻴﻮﻡ ﺍﻟﺪﻳﻦ ﺍﻧﺖ ﺍﻟﺴﺒﺐ ﺧﻠﻴﺘﻬﺎ ﺗﺴﻘﻂ .
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﺗﺠﻤﺪ ﺍﻟﺪﻡ ﺑﻌﺮﻭﻛﻲ ﻭﺗﻴﺒﺴﺖ ﺑﻤﻜﺎﻧﻲ ﺍﺑﺎﻭﻉ ﻟﻌﻤﺘﻲ ﺑﺜﻐﺮ ﺷﺒﻪ ﻣﺘﺪﻟﻲ ﻣﻦ ﺍﻟﺼﺪﻣﺔ ، ﺗﻘﺮﺏ ﻣﻨﻲ ﺻﻔﺎﺀ
ﻫﻤﺴﺖ ﺻﺼﺼﺒﺎﺡ ﺍﻟﺨﻴﺮ ..
ﻣﺨﻨﺰﺭ ﻋﻴﻮﻧﻪ ﻛﺎﻝ ﺻﺒﺎﺡ ﺍﻟﻨﻮﺭ ، ﺑﻮﺱ ﻫﻤﺎﻡ
ﻛﺎﻝ ﺍﻧﺘﻈﺮﺝ ﺑﺮﻩ ﻭﻃﻠﻊ ﻭﻋﻤﻪ ﺑﻌﺪﻫﺎ ﺗﺪﺭﺩﻡ .
ﺑﺎﻭﻋﺖ ﻟﻌﻤﻪ ﺑﺘﻮﺗﺮ ﺻﺒﺎﺡ ﺍﻟﺨﻴﺮ ..
ﻋﺎﻃﺖ ﻣﻨﻴﻦ ﻳﺠﻲ ﺍﻟﺨﻴﺮ ﻣﻨﻴﻦ ﻓﺸﻠﻨﻲ ﻛﺪﺍﻡ ﺍﺧﻮﺗﻲ ﻓﺸﻠﻨﻲ ﻛﺪﺍﻡ ﺍﺧﺘﻲ ﺍﻟﺒﺎﺭﺣﺔ ﺣﺘﻰ ﻧﺰﻟﺖ ﻋﻠﻰ ﺭﺟﻠﻴﻪ ﺑﻮﺳﺘﻬﻢ ﻭﻫﻮ ﻭﻻ ﻳﻤﻪ ﻣﺎﺭﺑﻴﺘﻪ ﻫﻴﺞ ﮔﻠﺒﻪ ﺍﺳﻮﻭﺩ
ﻟﻌﺪ ﻟﻴﺶ ﺗﺰﻭﺟﻬﺎ ﻣﻨﻮ ﺟﺒﺮﻩ ﻳﺘﺰﻭﺟﻬﺎﺍ ﻣﻨﻮﻭﻭﻭ .
_ ﺧﻴﺮ ﺷﺒﻴﻬﻪ ﺍﺳﺮﺍﺀ ﻋﻤﻪ ؟
_ ﺩﻭﻟﻲ ﺷﻜﺪ ﻓﺎﻫﻴﺔ ﺩﺍﻛﻮﻟﺞ ﺳﻘﻄﺖ .
ﻓﺮﺕ ﺑﺎﻳﺪﻫﺎ ﻭﻓﺎﺗﺖ ﺟﻮﻩ ..
ﻫﺰﻳﺖ ﺭﺍﺳﻲ ﺑﻌﺪﻡ ﺭﺿﺎ ﻭﻃﻠﻌﺖ ﻣﻦ ﺍﻟﺒﻴﺖ ﺷﻔﺖ ﺻﻔﺎﺀ ﺑﺮﻩ ﺩﻳﻨﺘﻈﺮﻧﻲ ، ﻭﺩﻳﺖ ﻫﻤﺎﻡ ﻟﻤﺎﻣﺎ ﺷﻔﺘﻬﺎ ﺗﻨﺘﻈﺮﻧﻲ ﺑﺎﻟﺤﺪﻳﻘﺔ ﺍﺧﺬﺗﻪ ﻣﻨﻲ ﻭﻫﻮ ﻣﻨﻌﺲ ﺣﺒﻴﺒﻲ ﺧﻠﻪ ﺭﺍﺳﻪ ﻋﻠﻰ ﻛﺘﻔﻬﺎ ﻭﺭﺟﻊ ﻟﻨﻮﻣﺘﻪ .
ﻃﻠﻌﺖ ﺻﻌﺪﺕ ﺑﺎﻟﺴﻴﺎﺭﺓ ﻛﻌﺪﺕ ﺑﺎﻟﺼﺪﺭ ﺑﺎﻭﻋﺘﻠﻪ
ﻛﺘﻠﻪ ﺍﻟﻠﻪ ﻳﻌﻮﺿﻚ .. ﻣﺠﺎﻭﺏ ﺍﻛﺘﻔﻰ ﺑﺲ ﺑﻬﺰ ﺭﺍﺳﻪ .
ﺭﺟﻌﺖ ﺳﺄﻟﺘﻪ ﺷﻠﻮﻧﻬﺎ ﻫﺴﻪ ﻣﺎﺭﺣﺖ ﺍﻟﻬﺎ ﻟﻠﻤﺴﺘﺸﻔﻰ ؟
ﻫﺰ ﺭﺍﺳﻪ ﺑﻤﻌﻨﻰ ﻻ . ﻭﺣﺮﻙ ﺍﻟﺴﻴﺎﺭﺓ ﻭﺍﻧﻄﻠﻘﻨﺎ ﻟﻠﻤﺴﺘﺸﻔﻰ .. ﻭﻃﻮﻝ ﺍﻟﻄﺮﻳﻖ ﻫﻮ ﺑﺲ ﻳﺘﺤﺴﺮ ﻭﺍﺣﻨﺎ ﺍﻻﺛﻨﻴﻦ ﺑﺲ ﺳﺎﻛﺘﻴﻦ .
ﻣﺮ ﺍﻟﻴﻮﻡ ﻋﺎﺩﻱ ﻭﺍﺟﻪ ﻳﻮﻡ ﺍﻟﺠﻤﻌﺔ ﺑﺎﺑﺎ ﺳﻮﺍ ﻋﺰﻳﻤﺔ ﻟﻌﺒﻴﺮ ﻭﻋﺰﻡ ﺍﻟﻜﻞ ﻣﻦ ﺍﻫﻠﻨﺎ . ﻭﻣﻦ ﺧﻠﺼﺖ ﺍﻟﻌﺰﻳﻤﺔ ﺻﺎﺣﻨﻲ ﺻﻔﺎﺀ ﺣﺘﻰ ﺍﺭﺟﻊ ﻭﻳﺎﻩ ﻟﻠﺒﻴﺖ ..
ﺑﺲ ﺑﺎﺑﺎ ﻃﻠﺐ ﻣﻨﻪ ﺍﺑﻘﻰ ﻳﻤﻬﻢ ﻫﺎﻟﻠﻴﻠﻪ ﻋﻨﺪﻩ ﻣﻮﺿﻮﻉ ﻭﻳﺎﻳﻪ ﺑﺎﻭﻋﻠﻲ ﺻﻔﺎﺀ ﻣﺤﺘﺎﺭ ﻫﺰ ﺭﺍﺳﻪ ﻣﻮﺍﻓﻖ ، ﺳﻠﻢ ﻭﻗﺒﻞ ﻟﻴﻄﻠﻊ ﻇﻞ ﻳﺘﻠﻔﺘﻠﻲ ﻭﺗﺎﻟﻲ ﺭﺍﺡ ..
ﺑﻌﺪ ﺍﻟﻌﺸﻪ ﻧﻮﻣﺖ ﻫﻤﺎﻡ ﻭﺻﺎﺣﻨﻲ ﺑﺎﺑﺎ ﻫﻮ ﻭﺍﻣﻲ ﻟﻠﻤﻜﺘﺐ
ﻓﺘﺖ ﻋﻠﻴﻬﻢ ، ﺍﺷﺮﻟﻲ ﺑﺎﺑﺎ ﺍﻛﻌﺪ ﻭﺳﺄﻟﻨﻲ ﺷﻠﻮﻧﺞ ﺑﺎﺑﺎﺗﻲ ﻣﺮﺗﺎﺣﺔ ﺍﻥ ﺷﺎﺀﺍﻟﻠﻪ ؟
ﺟﺎﻭﺑﺘﻪ : ﺍﻟﺤﻤﺪﻟﻠﻪ ﺑﺎﺑﺎ ﻣﺮﺗﺎﺣﻪ ﻭﻣﺎﻃﻮﻝ ﺍﻧﺖ ﻣﻮﺟﻮﺩ ﻣﺎﺍﺣﺘﺎﺝ ﺃﺣﺪ ﺍﻧﻲ
_ ﺑﺲ ﺃﻧﻲ ﻣﺪﺍﻳﻤﻠﺞ ﺑﺎﺑﺎﺗﻲ
ﺍﺟﻴﺖ ﺍﺣﺠﻲ ﺳﻜﺘﻨﻲ : ﺑﺎﺑﺎ ﺃﻧﻲ ﻣﻦ ﺍﺷﻮﻓﻜﻢ ﺗﺘﺄﺫﻭﻥ ﺃﻧﻲ ﻭﺍﻣﻜﻢ ﺍﻟﻠﻴﻞ ﻣﻨﻜﺪﺭ ﺍﻧﺎﻣﻪ ﻭﻻﻋﺒﺎﻟﺞ ﺍﺣﻨﻪ ﻣﺮﺗﺎﺣﻴﻦ ﻉ ﻫﺬﺍ ﻭﺿﻌﺞ .
_ ﺷﺴﻮﻱ ﺑﺎﺑﺎ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ .
ﻣﺎﻣﺎ : ﺑﻨﻴﺘﻲ ﺃﺑﻦ ﻋﻤﺞ ﺻﺢ ﻏﻠﻂ ﻭﺑﺎﻟﻨﻬﺎﻳﺔ ﻫﻮ ﺑﺸﺮ ﻭﻣﻤﻌﺼﻮﻡ ﻋﻦ ﺍﻟﻐﻠﻂ ﻭﺣﺘﻰ ﺍﻻﻧﺒﻴﺎﺀ ﻏﻠﻄﻮﺍ ﻭﺭﺑﻨﺎ ﻋﺎﻗﺒﻬﻢ ﻭﺑﺎﻟﻨﻬﺎﻳﺔ ﻏﻔﺮﻟﻬﻢ ﻭﺳﺎﻣﺤﻬﻢ ﺍﺫﺍ ﻫﻮ ﺍﻟﺮﺣﻤﻦ ﻭﻳﺴﺎﻣﺢ ﺍﺣﻨﻪ ﻟﻴﺶ ﻣﻨﺴﺎﻣﺢ ﻳﺎﺍﻣﻲ !!! ﻭﻟﺘﻨﺴﻴﻦ ﺯﻭﺟﺞ ﻳﻌﺸﻘﺞ ﺑﺲ ﺑﻨﻴﺘﻲ ﺍﻧﻐﻠﺐ ﻉ ﺃﻣﺮﻩ ﻭﺍﻧﺴﺤﺮ ﻭﻫﻴﺎﺗﻪ ﻛﺪﺍﻡ ﻋﻴﻨﺞ ﻟﺤﺪ ﺍﻟﻴﻮﻡ ﺩﻳﻌﺎﻧﻲ ﻣﻦ ﺍﺛﺎﺭ ﺍﻟﺴﺤﺮ .
ﺩﻧﻜﺖ ﺭﺍﺳﻲ ﻭﻫﺰﻳﺘﻪ ....
ﻛﻤﻠﺖ ﻣﺎﻣﺎ ؛ ﺍﻧﺘﻮﺍ ﺑﻴﻨﺎﺗﻜﻢ ﻃﻔﻞ ﺭﺩﺗﻲ ﺗﻨﻔﺼﻠﻴﻦ ﻭﺍﺣﻨﻪ ﺟﻨﺎ ﻭﻳﺎﺝ ﺑﺲ ﺷﻔﺘﻲ ﺃﺑﻨﺞ ﺷﺼﺎﺭ ﺑﻲ ﻭﻭﺻﻞ ﺍﻟﻤﻮﺕ ﻳﺎﺍﻣﻲ ﺃﺣﻨﻪ ﻻﺯﻡ ﻧﻀﺤﻲ ﻭﻧﺘﻨﺎﺯﻝ ﺍﺫﺍ ﻣﻮ ﻋﻠﻤﻮﺩﻧﺎ ﻋﻠﻤﻮﺩ ﺍﻃﻔﺎﻟﻨﺎ ﻭﺑﺎﻟﻨﻬﺎﻳﺔ ﺍﻟﺤﻴﺎﺓ ﺗﺴﺘﻤﺮ ﻭﺗﻤﺸﻲ ﻏﺼﺒﺎً ﻋﻠﻴﻨﺎ ﻭﺍﺣﻨﻪ ﻻﺯﻡ ﻧﻌﻴﺸﻬﺎ ﺑﺤﻠﻮﻫﺎ ﻭﻣﺮﻫﺎ ﺍﺣﻨﻪ ﻛﻢ ﻣﺮﺓ ﻋﺎﻳﺸﻴﻦ ﺧﻠﻲ ﻧﺴﺘﺜﻤﺮ ﻓﺮﺻﺔ ﺍﻟﺤﻴﺎﺓ ﻭﻧﺒﺘﻌﺪ ﻋﻦ ﺍﻟﺰﻋﻞ ﻭﺍﻟﺤﻘﺪ ﻭﺍﻟﻜﺮﻩ
ﺳﺎﻣﺤﻲ ﻟﺰﻭﺟﺞ ﻭﺍﺗﻌﺎﻳﺸﻲ ﻭﻳﺎﻩ ﺻﻔﺎﺀ ﻭﺭﺩﺓ ﻭﻟﻮ ﺗﺪﻭﺭﻳﻦ ﺍﻟﺪﻧﻴﺎ ﻛﻠﻬﺎ ﻣﺘﻠﻜﻴﻦ ﺃﺣﺪ ﻳﺤﺒﺞ ﺑﻜﺪﻩ ﻗﺒﻞ ﺷﻮﻳﻪ ﻣﻦ ﺃﺑﻮﺝ ﻃﻠﺐ ﻣﻨﻪ ﺗﺒﻘﻴﻦ ﻳﻤﻨﻪ ﺷﻔﺖ ﺑﻌﻴﻮﻧﻪ ﺧﻮﻑ ﺍﻟﻮﻟﺪ ﺧﺎﻳﻒ ﻟﻴﻔﻘﺪﺝ ﻣﺮﺓ ﺛﺎﻧﻴﺔ ﻭﺷﻔﺖ ﺑﻌﻴﻮﻧﻪ ﺣﺐ ﺍﻟﺞ
ﻣﺎﻣﺎﺗﻲ ﻓﻜﺮﻱ ﺯﻳﻦ ﻭﻟﺘﺨﻠﻴﻦ ﻋﺎﺋﻠﺘﺞ ﺗﺘﻄﺸﺮ
ﻣﻌﻠﻘﺖ ﻉ ﻛﻼﻣﻬﻢ ﺃﺑﺪ ﻻﻥ ﻫﻢ ﺃﻫﻠﻲ ﻭﺍﻛﻴﺪ ﻳﺘﻤﻨﻮﻟﻲ ﺍﻟﺨﻴﺮ ﻭﻛﻞ ﻛﻼﻣﻬﻢ ﺻﺢ ﺑﺲ ﺃﻧﻲ ﺍﻛﻮ ﺷﻲ ﺑﺪﺍﺧﻠﻲ ﺍﻧﻜﺴﺮ ﻭﻣﺴﺘﺤﻴﻞ ﻳﺘﺼﻠﺢ ﻭﺍﺫﺍ ﻧﻔﺬﺕ ﻛﻼﻡ ﺃﻫﻠﻲ ﻓﻬﺬﺍ ﺍﻟﺸﻲ ﺑﺲ ﻋﻠﻤﻮﺩ ﺃﺳﻌﺪﻫﻢ ﻭﻋﻠﻤﻮﺩ ﺃﺑﻨﻲ ﻻﻥ ﺑﺎﺑﺎ ﻣﺘﺄﺫﻱ ﻭﺑﺎﺑﺎ ﺑﻌﻤﺮﻱ ﻣﺸﻔﺖ ﻫﻴﺞ ﻧﻈﺮﻩ ﺍﻧﻜﺴﺎﺭ ﺑﻌﻴﻮﻧﻪ .
ﺍﻥ ﺷﺎﺀﺍﻟﻠﻪ ﺍﻟﻠﻪ ﻛﺮﻳﻢ ﺗﺼﺒﺤﻮﻥ ﻋﻠﻰ ﺧﻴﺮ ..
ﺍﺳﺘﺄﺫﻧﺖ ﻣﻨﻬﻢ ﻭﺩﺧﻠﺖ ﻟﻠﻐﺮﻓﻪ ﺍﻧﺎﻡ ..
ﺛﺎﻧﻲ ﺍﻟﻴﻮﻡ ﺍﻟﺼﺒﺢ ﺧﺎﺑﺮﻧﻲ ﺻﻔﺎﺀ ﺟﻨﺖ ﻧﺎﻳﻤﻪ ﻓﺰﺯﻧﻲ ﺻﻮﺕ ﺍﻟﻤﻮﺑﺎﻳﻞ ﺳﺤﺒﺘﻪ ﻣﻦ ﻳﻤﻲ ﺭﺃﺳﻲ ﻗﺒﻞ ﻟﻴﻜﻌﺪ ﻫﻤﺎﻡ ﻫﺬﺍ ﻧﻮﻣﺘﻪ ﻧﺤﺴﻪ ﺑﺲ ﻳﻔﺰ ﻭﻫﻮ ﻣﺸﺒﻌﺎﻥ ﻧﻮﻡ ﻳﺴﻮﻳﻠﻲ ﻋﺮﺱ ﻭﺟﻴﺐ ﺍﻟﻴﺴﻜﺘﻪ
ﺑﺎﻭﻋﺖ ﻉ ﺷﺎﺷﺔ ﺍﻟﻤﻮﺑﺎﻳﻞ ( ﺍﻟﻮﻫﻢ ) ﺟﻨﺖ ﻛﺎﺗﺒﻪ ﻉ ﺃﺳﻢ ﺻﻔﺎﺀ ﻫﻴﺞ ﺧﻔﺖ ﻛﻠﺖ ﺧﺎﻑ ﺑﻲ ﺷﻲ ﻭﺑﺪﻭﻥ ﺳﺎﺑﻖ ﺍﻧﺬﺍﺭ ﺟﺎﻭﺑﺘﻪ
_ ﺍﻟﻮﻭ ﺻﻔﺎﺀ ﺑﻴﻚ ﺷﻴﻴﻴﻲ؟
ﺟﺎﻭﺑﻨﻲ : ﺍﺧﺨﺨﺨﺦ ﺍﻟﺒﻴﻪ ﺍﻧﺘﻲ ﻋﺴﻰ ﺑﻌﺎﻓﻴﺘﻪ ﺍﻟﻔﺮﻗﻨﺎ ﺃﺑﻮﻳﻪ ﺯﻫﻮﺭﻩ ﺃﻧﻲ ﺑﺎﻟﻄﺮﻣﻪ ﺷﻮﻳﻪ ﻭﺍﺟﻴﺞ
ﺍﻧﺘﺒﻬﺖ ﻉ ﺍﻟﺴﺎﻋﻪ ﺏ٥ ﻭﻧﺺ ﺍﻟﻔﺠﺮ
ﻫﻤﺴﺖ ﻟﻴﻜﻌﺪ ﻫﻤﺎﻡ : ﺻﻔﺎﺀ ﺳﺎﻋﻪ ٥ ﻭﻧﺺ ﺷﺒﻴﻚ ﺣﻠﻤﺎﻥ
_ ﺑﺎﺍﻉ ﻫﺎﻱ ﻭﻟﺞ ﺍﻧﻲ ﺍﻟﻠﻴﻞ ﻣﻨﻤﺘﻪ ﺷﻤﺪﺭﻳﻨﻲ ﺑﻴﺶ ﺍﻟﺴﺎﻋﻪ
ﻫﻤﺴﺖ : ﻫﻴﻤﻮ ﻧﺎﻳﻢ
_ ﺃﻧﻲ ﺍﺟﻲ ﺍﺷﻴﻠﻪ ﻳﻼ ﻳﺎﺑﻪ ﺟﺎﻳﺞ
ﻛﻤﺖ ﻣﻦ ﺍﻟﻔﺮﺍﺵ ﺭﺣﺖ ﻏﺴﻠﺖ ﻭﺭﺟﻌﺖ ﻟﻤﻠﻤﺖ ﺍﻏﺮﺍﺿﻲ ﻉ ﻛﻴﻒ ﻭﺑﺪﻭﻥ ﺣﺮﻛﺔ ﻋﺒﺎﻟﻚ ﺣﺮﺍﻣﻲ
ﺩﻙ ﻣﻮﺑﺎﻳﻠﻲ ﻃﻠﻌﺖ ﻓﺘﺤﺘﻠﻪ ﺍﻟﺒﺎﺏ ﻓﺎﺕ ﻭﻳﺘﻠﻔﺖ ﺳﺄﻟﺘﻪ : ﺷﺒﻴﻚ ؟
_ ﻫﺎﺍﺍ ﻻ ﻣﺎﻛﻮ ﺷﻲ ﻛﻤﻠﺘﻲ ؟
_ ﺃﻱ ﺑﺲ ﺍﻟﺒﺲ ﺻﺎﻳﺘﻲ ﻭﺣﺠﺎﺑﻲ ﺍﺧﺬ ﺍﻟﺠﻨﻄﻪ ﻭﺷﺎﻳﻞ ﻫﻤﺎﻡ ، ﺻﻌﺪﺕ ﻟﻤﺮﻳﻢ ﻓﺘﺤﺖ ﺍﻟﺒﺎﺏ ﻋﻠﻴﻬﺎ ﺷﻔﺘﻬﺎ ﺩﺗﻘﺮﺍ ﻫﻴﻪ ﺗﻜﻌﺪ ﻣﻦ ﺍﻟﻔﺠﺮ ﺗﻘﺮﺍ .
ﻛﺘﻠﻬﺎ ﺭﺍﻳﺤﺔ ﺍﻧﻲ ﻛﻮﻟﻲ ﻟﻤﺎﻣﺎ ﺧﺎﻑ ﺗﺴﺄﻝ ﻋﻨﻲ ..
ﻛﺎﻟﺖ ﺗﻤﺎﻡ ﺍﻟﻠﻪ ﻭﻳﺎﺝ ..
ﻧﺰﻟﺖ ﺑﺲ ﻣﻜﻌﺪﺕ ﺍﻫﻠﻲ ﺧﻄﻴﻪ ﻧﺎﻳﻤﻴﻦ ﻃﻠﻌﺖ ﻭﻳﺎ ﺻﻔﺎﺀ ﺟﺎﻥ ﻭﺿﻌﻪ ﻏﺮﻳﺐ ﺻﻌﺪﺕ ﻟﺸﻘﺘﻲ ﻫﻮ ﺣﻂ ﻫﻤﺎﻡ ﺑﺴﺮﻳﺮﻩ ﻭﺣﻚ ﺭﺃﺳﻪ
_ ﺍﺍﺍ ﺯﻫﺮﺍﺀ
_ ﻫﺎ
_ ﻣﺎﻛﻮ ﺷﻲ
ﺗﺮﻛﻨﻲ ﻭﻧﺰﻝ ﻇﻠﻴﺖ ﺻﺎﻓﻨﻪ ﺷﺒﻲ ﻫﺬﺍ؟
ﺻﻔﺎﺀ : ﻣﻦ ﺭﺣﺖ ﺍﺟﻴﺐ ﺯﻫﺮﺍﺀ ﺃﻭﻝ ﻣﻔﺘﺤﺘﻠﻲ ﺍﻟﺒﺎﺏ ﺍﺗﺨﻴﻠﺘﻬﺎ ﻛﻠﺐ ﺃﺳﻮﺩ ﻭﻣﻠﻴﺎﻥ ﺷﻌﺮ ﺍﺟﻴﺖ ﺍﺧﻨﻜﻬﺎ ﺑﺲ ﻟﻌﻨﺖ ﺍﻟﺸﻴﻄﺎﻥ ﻭﺍﺳﺘﻐﻔﺮﺕ ﺭﺑﻲ ﺍﺧﺬﺗﻬﺎ ﻭﺭﺟﻌﺖ ﻟﻠﺒﻴﺖ ﻣﻜﺪﺭﺕ ﺃﺑﻘﻰ ﻳﻤﻬﺎ ﻭﺟﻬﻪ ﺳﺎﻋﻪ ﺍﺷﻮﻓﻪ ﺑﺰﻭﻥ ﻭﺳﺎﻋﻪ ﺑﻘﺮﺓ ﻭﺳﺎﻋﻪ ﻛﻠﺐ ﺧﻔﺖ ﻻ ﺃﺍﺫﻳﻬﺎ ﺗﺮﻛﺘﻬﺎ ﻭﻧﺰﻟﺖ ﺩﺧﻠﺖ ﻟﻼﺳﺘﻘﺒﺎﻝ ﺷﻐﻠﺖ ﻗﺮﺃﻥ ﻣﻦ ﺳﻤﻌﺘﻪ ﺃﺣﺲ ﺟﺴﻤﻲ ﻧﻤﻞ ﻭﺭﺃﺳﻲ ﻇﻞ ﻳﻮﺟﻌﻨﻲ ﺑﺲ ﻣﻄﻔﻴﺘﻪ ﻇﻠﻴﺖ ﺍﺳﺘﻐﻔﺮ .
ﺯﻫﺮﺍﺀ : ﺳﻤﻌﺖ ﺻﻮﺕ ﺻﻔﺎﺀ ﺩﻳﻜﺢ ﻗﻮﻱ ﻧﺰﻟﺖ ﺍﺭﻛﺾ ﺣﺘﻰ ﻧﺴﻴﺖ ﺃﺑﻨﻲ ﻟﻜﻴﺘﻪ ﺩﻳﺘﻘﻴﺊ ﺑﺲ ﻣﻜﺎﻥ ﺍﻟﺘﻘﻴﺆ ﻣﻮ ﺷﻲ ﻋﺎﺩﻱ ﺍﻧﺮﻋﺒﺖ ﻣﻦ ﺍﻟﺸﻔﺘﻪ ﺭﺟﻌﺖ ﻉ ﺍﻟﺤﺎﻳﻂ ﻭﺧﻠﻴﺖ ﻉ ﺍﻳﺪﻱ ﻉ ﻗﻠﺒﻲ ﻣﻔﺰﻭﻏﺔ ..
ﺟﺎﻥ ﺷﻌﺮ ﻉ ﺷﺤﻢ ﻭﻭﻳﺎﻩ ﺩﻡ ﻣﺘﺘﺖ ﺧﻮﻑ ﻭﺩﻣﻮﻋﻲ ﺑﻌﺪ ﻣﺎﺍﺳﻴﻄﺮ ﻋﻠﻴﻬﺎ ﻫﻮ ﺣﺲ ﺑﻴﻪ ﺣﺠﻪ ﺑﺘﻌﺐ : ﺷﺠﺎﺑﺞ ؟
ﻣﺸﻴﺖ ﺍﺗﺠﺎﻫﻪ ﻏﺴﻠﺘﻠﻪ ﻭﺳﺤﺒﺘﻪ ﻟﻠﺼﺎﻟﻪ ﺗﻤﺪﺩ ﻉ ﺍﻟﺘﺨﻢ ﺭﻓﻌﺖ ﺭﺟﻠﻴﻪ ﻟﺰﻡ ﺃﻳﺪﻱ : ﻟﺘﻌﻮﻓﻴﻨﻲ ﻣﺤﺘﺎﺟﺞ ﻳﺎﺑﻪ
ﺧﻠﻴﺖ ﺃﻳﺪﻱ ﻉ ﻛﺼﺘﻪ ﻭﻫﻤﺴﺘﻠﻪ : ﺑﺲ ﺍﻧﺰﻝ ﻫﻤﺎﻡ ﻭﺍﺟﻲ
ﻇﻞ ﻳﺘﻨﻔﺲ ﺑﺼﻌﻮﺑﺔ ﻭﺍﺷﺮﻟﻲ ﺑﻌﺪﻡ ﺍﻫﺘﻤﺎﻡ ﻭﺻﻌﺪﺕ ﺍﺧﺬﺕ ﻫﻤﺎﻡ ﻭ ﻣﻼﺑﺲ ﺍﻟﻴﻪ ﻭﻻﺑﻨﻲ ﻓﻜﺮﺕ ﺑﻜﻼﻡ ﻣﺎﻣﺎ ﻭﺑﺎﺑﺎ ﻭﻭﺿﻊ ﺻﻔﺎﺀ ﻟﻌﻨﺖ ﺍﻟﺸﻴﻄﺎﻥ ﻣﺪﺍﺍﻛﺪﺭ ﺍﺗﻘﺒﻠﻪ ﺑﻌﺪ ﺍﻟﺼﺎﺭ ﺃﻋﺮﻑ ﻣﺴﺤﻮﺭ ﻭﻣﻮ ﺑﻮﻋﻴﻪ ﺑﺲ ﻛﺮﺍﻣﺘﻲ ﺍﻧﺠﺮﺣﺖ ﻭﻛﺪﺍﻡ ﺍﻟﻜﻞ ....
ﻋﺒﻴﺮ .. ﻋﺰﻣﻮﻧﺎ ﺃﻫﻠﻲ ﻭﺭﺣﻨﺎ ﺩﺧﻠﻨﺎ ﺍﻟﻜﻞ ﻣﻮﺟﻮﺩ ﺳﻠﻤﺖ ﻋﻠﻰ ﺃﻫﻠﻲ ﻭﻉ ﺍﻟﻜﻞ ، ﺷﻔﻨﺎ ﻋﻤﺘﻲ ﻗﺒﻠﻨﺎ ، ﺑﺲ ﺷﺎﻓﺘﻨﺎ ﺟﺮﺕ ﻗﺴﻮﺭ ﻫﺎ ﻭﻟﻚ ﻧﺴﻴﺘﻨﻲ ﻣﺎﺗﻌﺮﻑ ﺗﺠﻲ ﻋﻠﻰ ﺍﻣﻚ ﺗﺎﺧﺬﻫﻪ ﺑﺎﻟﺴﻴﺎﺭﺓ ﻭﺗﺠﻴﺒﻬﺎ ﻟﻬﻨﺎﻧﻪ ؟ ﻣﻮ ﺗﻜﺴﺮﺕ ﺭﺟﻠﻴﻪ ﻣﻦ ﺍﻟﻤﺸﻲ ﻟﺤﺪ ﺑﻴﺖ ﺧﺎﻟﻚ ..
ﺟﺎﻭﺑﻬﺎ : ﺷﺴﺎﻟﻔﺔ ﻳﻮﻭﻡ ﻣﻮ ﺍﻟﺒﺎﺭﺣﺔ ﺟﻨﺖ ﻳﻤﺞ ﻭﻫﺴﻪ ﺍﻧﺖ ﺟﺎﻳﻪ ﻗﺒﻠﻨﺎ ﻳﻌﻨﻲ ﺗﺮﺓ ﻟﻮ ﻛﺎﻳﻠﺘﻠﻲ ﻣﺠﺎﻥ ﻗﺼﺮﺕ .
ﻭﺧﺮﺕ ﻣﻦ ﻳﻤﻪ ﻣﻨﺰﻋﺠﺔ ، ﻗﺮﺑﺖ ﻣﻨﻪ ﻫﻤﺴﺖ ﺑﺈﺫﻧﻪ
ﻟﺘﻬﺘﻢ ﺧﻞ ﻧﺘﻌﻮﺩ ﺷﺒﻴﻚ .
ﺟﺎﻭﺑﻨﻲ ﺑﺎﺑﺘﺴﺎﻣﺔ ؛ ﺍﻧﻲ ﺍﻫﺘﻢ ﻭﺍﻧﺖ ﻭﻳﺎﻳﻪ ﺻﺪﻙ ﺟﺬﺏ .
ﺿﺤﻜﻨﺎ ﺍﺛﻨﻴﻨﺎ ﻭﺍﺣﻨﺎ ﻧﺒﺎﻭﻉ ﻟﺒﻌﺾ ، ﺗﻐﺪﻳﻨﺎ ﻛﻠﻨﺎ ﺳﻮﺍ
ﻭﺍﻟﻌﺼﺮ ﺩﻧﺮﺟﻊ ﻟﻠﺒﻴﺖ ﺳﻠﻤﺖ ﻋﻠﻰ ﺍﻟﻜﻞ ﻭﺩﺍﺍﻃﻠﻊ
ﺻﺎﺣﺘﻨﻲ ﻣﺎﻣﺎ ﺭﺣﺖ ﺍﻟﻬﺎ ﻛﺎﻟﺖ ﺭﻭﺣﻲ ﻟﻠﻜﻨﺘﻮﺭ ﻣﺎﻟﺘﻲ ﺗﻠﻜﻴﻦ ﻋﻼﻛﺔ ﺯﺭﻛﺔ ﺑﻴﻬﺎ ﺍﻏﺮﺍﺽ ﻫﺎﻱ ﺍﻟﺞ ﺍﺷﺘﺮﻳﺘﻬﻢ .
ﻫﺰﻳﺖ ﺭﺍﺳﻲ ﻭﺭﺣﺖ ﺩﺍﺍ ﺍﺩﻭﺭ ﺑﺎﻟﻜﻨﺘﻮﺭ ﻭﺻﺎﺭﺕ ﻋﻠﺒﺔ ﻣﻬﺎ ﻣﻘﺎﺑﻴﻠﻲ ﺑﻜﻨﺘﻮﺭ ﺍﻣﻲ ﺍﻟﻈﺎﻫﺮ ﺯﻫﺮﺍﺀ ﻫﻨﺎ ﺿﺎﻣﺘﻬﺎ .
ﺟﺮﻳﺘﻬﺎ ﻣﻦ ﺍﻟﻜﻨﺘﻮﺭ ﻭﻃﻠﻌﺘﻬﺎ ﻛﻌﺪﺕ ﻋﻠﻰ ﺍﻟﺴﺮﻳﺮ ﻭﺧﻠﻴﺘﻬﺎ ﺑﺤﻀﻨﻲ ﺩﻛﺎﺕ ﻛﻠﺒﻲ ﻋﺒﺎﻟﻚ ﺻﺎﺭﺕ ﺍﻟﻒ ﺭﺟﻌﺘﻠﻲ ﻣﻌﺎﻧﺎﺗﻲ ﻟﻤﻦ ﻓﻘﺪﺕ ﻣﻬﺎ ﻳﺎﺗﺮﻯ ﻫﺴﻪ ﺗﺴﺎﻣﺤﻨﻲ ﻭﺍﻧﻲ ﻫﻤﻠﺖ ﺍﻣﺎﻧﺘﻬﺎ ، ﻣﻬﺎ ﺳﺎﻣﺤﻴﻨﻲ ﻓﻘﺪﺝ ﻣﻮ ﺷﻮﻳﻪ .
ﻓﺘﺤﺘﻬﺎ ﺑﺴﺮﻋﺔ ﻭﺻﺎﺭﺕ ﻣﻘﺎﺑﻴﻠﻲ ﺣﻠﻘﺔ ﺯﻭﺍﺟﻬﺎ ﻭﻛﻼﺩﺓ ﺑﻴﻬﺎ ﺣﺮﻑ ﻛﺮﺍﺭ ﺑﺎﻻﻧﻜﻠﻴﺰﻱ ﺍﻧﺼﺪﻣﺖ ، ﺑﺎﻭﻋﺖ ﻭﻳﺎﻫﻢ ﻭﺭﻗﺔ ، ﻣﺪﻳﺖ ﺍﻳﺪﻱ ﺍﻟﺘﺮﺟﻒ ﻭﺍﺧﺬﺗﻬﺎ ﺑﻠﻌﺖ ﺭﻳﻚ ﻳﺮﺑﻲ
ﺷﻨﻮ ﺑﻴﻬﺎ ؟
ﻳﺘﺒﻊ
