#ﻓﻲ_ﺷﺮﻳﻌﺔ_ﺍﻟﻌﺸﻖ
#ﺑﺎﺭﺕ٤
ﻧﻮﺭﺍ ﻧﺎﺻﺮ
ﻇﻞ ﺑﺎﺑﺎ ﻳﻀﺮﺏ ﻋﻠﻰ ﺭﺍﺳﻪ ﺑﺜﻨﻴﻦ ﺍﻳﺪﻳﻪ ﻭﻳﺼﻴﺢ
ﻣﻴﺖ ﻣﻴﺖ ﻟﻜﻮ ﺟﺜﺔ ﺑﺎﻟﻄﺐ ﺍﻟﻌﺪﻟﻲ ﻣﻜﺘﻮﻝ ﻣﻜﺘﻮﻭﻭﻭﻝ .. ﻭﺭﺍﺡ ﻟﻠﺴﻴﺎﺭﺓ ﺷﻐﻠﻬﺎ ﺑﺴﺮﻋﺔ ﻭﻃﻠﻊ ..
ﺍﻣﻲ ﺑﺲ ﺳﻤﻌﺘﻪ ﻫﻴﺞ ﻛﺎﻝ ﺍﻧﻬﺎﺭﺕ ﻭﻭﻛﻌﺖ ﺑﺒﺎﺏ ﺍﻟﺒﻴﺖ ﻭﻇﻠﺖ ﺗﻠﻄﻢ ﻋﻠﻰ ﺭﺟﻠﻴﻬﺎ ﻭﺗﺒﺠﻲ ﻫﺎ ﺿﻴﺎﺀ ﺭﺣﺖ ﻭﻓﺠﻌﺖ ﻗﻠﺐ ﺍﻣﻚ ﻭﻛﺴﺮﺕ ﻗﻠﺐ ﻣﺮﺗﻚ ﻟﻮ ﺍﺑﻨﻚ ﺍﻭﻝ ﻓﺮﺣﺘﻚ ﺣﺘﻰ ﺑﻌﺪﻩ ﻣﺠﺎﻱ ﻟﻠﺪﻧﻴﺎ ﺭﺣﺖ ﻳﺎ ﺍﺑﻮ ﺿﺤﻜﺔ ﺍﻟﺤﻠﻮﺓ ﻳﺎ ﺍﺑﻮ ﺍﻟﻨﻔﺲ ﺍﻟﻄﻴﺒﺔ ..
ﺍﻣﻲ ﺗﺒﺠﻲ ﻭﺗﻨﻌﻰ ﻟﻀﻴﺎﺀ ﻭﺍﺣﻨﺎ ﻛﻠﻤﻦ ﻣﻜﺎﻧﻬﺎ ﻫﻢ ﻧﺒﺠﻲ ﻓﺘﺤﻨﺎ ﻋﻴﻮﻧﻪ ﺑﺲ ﻉ ﺍﻟﻤﻮﺕ ﻭﺍﻟﺪﻡ ﻭﺍﻟﺤﺮﻭﺏ ﻭﺷﺒﺎﺏ ﺗﻨﻘﻄﻒ ﺍﻋﻤﺎﺭﻫﺎ ﻣﺜﻞ ﺍﻟﻮﺭﺩ ﻭﺑﻌﻤﺮﻩ ، ﻣﺎﻳﻮﻡ ﺍﺭﺗﺎﺣﻴﻨﺎ
ﺍﻭ ﺷﻔﻨﺎ ﺍﻟﺮﺍﺣﺔ ..
ﻭﺭﺓ ﻛﻢ ﺳﺎﻋﺔ ﺍﺟﻪ ﻋﻠﻴﻨﺎ ﺻﻔﺎﺀ ﻛﺎﻝ ﻳﻠﻠﻪ ﺍﻣﺸﻮ ﺍﻭﺩﻳﻜﻢ ﻟﺒﻴﺖ ﻋﻤﺘﻲ ﻋﻤﻮﺩ ﺍﻟﻌﺰﺍ ، ﺟﺎﻥ ﺻﻮﺗﻪ ﺑﺎﻳﺢ ﻭﻋﻴﻮﻧﻪ ﺣﻤﺮﺓ ﺟﻤﺮ ، ﻳﺪﻧﻚ ﺗﻮﻛﻊ ﺍﻟﺪﻣﻌﺔ ﻣﻦ ﻋﻴﻨﻪ ، ﻣﺮﺩ ﻛﻠﺒﻲ ﻭﺍﺣﺲ ﺭﻭﺣﻲ ﺻﺎﺭﺕ ﺗﺘﻜﻄﻊ ﻋﻠﻰ ﻣﻨﻈﺮﻩ ﻫﺬﺍ ..
ﻭﺻﻠﻨﺎ ﻟﻠﻌﺰﺍﺀ ﻭﺟﺎﻥ ﺍﻟﻜﻞ ﻣﻘﻬﻮﺭ ﻋﻠﻰ ﺷﺎﺏ ﻣﺜﻞ ﺿﻴﺎﺀ ﻃﻮﻝ ﻋﻤﺮﻩ ﻳﻤﺸﻲ ﺑﺼﻒ ﺍﻟﺤﺎﻳﻂ ﻳﺮﻭﺡ ﺑﺪﺭﺑﻪ ﻭﻳﺮﺟﻊ ﺑﺪﺭﻩ ﻭﻣﻤﺄﺫﻱ ﺑﺎﻟﻌﻜﺲ ، ﺑﺲ ﺷﻨﻜﻮﻝ ﻭﺍﺣﻨﺎ ﻋﺎﻳﺸﻴﻦ ﺑﺒﻠﺪ ﻣﺎﻳﻌﺮﻑ ﺍﻟﻤﻘﺘﻮﻝ ﺑﺎﻱ ﺫﻧﺐ ﻗُﺘِﻞ ﻭﺍﻟﻘﺎﺗﻞ ﻣﻴﻌﺮﻑ ﻟﻴﺶ ﻳﻘﺘﻞ ، ﻣﻜﺘﻮﺏ ﻋﻠﻴﻨﺎ ﻧﻌﻴﺶ ﻛﻞ ﻫﺬﺍ ﺍﻻﻟﻢ ..
ﻋﻤﺔ ﺟﺎﻧﺖ ﻣﻨﻬﺎﺭﺓ ﻃﻮﻝ ﻓﺘﺮﺓ ﺍﻝ ٣ ﺍﻳﺎﻡ ﺍﻟﻔﺎﺗﺤﺔ
ﻭﺳﻮﺳﻦ ﺯﻭﺟﺔ ﺿﻴﺎﺀ ﻟﻤﻦ ﺍﻓﺘﻘﺪﺕ ﻋﻤﺔ ﻭﻫﻲ ﺑﺎﻟﻤﺴﺘﺸﻔﻰ ﺍﻧﻬﺎﺭﺕ ﻭﺍﻧﺠﺒﺮﻭﺍ ﻳﻜﻮﻟﻮﻟﻬﺎ ﺍﻧﻮ ﻫﻢ ﻟﻜﻮ ﺟﺜﺘﻪ ﻟﻀﻴﺎﺀ ﻣﻴﺖ .. ﻣﺎﺗﺤﻤﻠﺖ ﺻﺎﺭ ﻋﺪﻫﻪ ﻧﺰﻑ ﻭﺳﻘﻄﺖ ﺍﻟﺠﻨﻴﻦ ..
ﺭﺟﻌﻨﺎ ﻟﺒﻴﺘﻨﺎ ﻭﻣﺮﺕ ﺍﻻﻳﺎﻡ ﻛﺌﻴﺒﺔ ﺣﺘﻰ ﺑﺎﺑﺎ ﻇﻞ ﺩﺍﺋﻤﺎ ﻣﻨﻌﺰﻝ ﻭﺣﺰﻳﻦ ﻭﻳﻮﻣﻴﺔ ﻳﺮﻭﺡ ﻳﻢ ﻋﻤﺔ ﻳﻮﺍﺳﻴﻬﺎ
ﻭﻻ ﻛﺪﺭﻧﺎ ﺣﺘﻰ ﻧﻨﺘﻘﻞ ﻟﺒﻴﺘﻨﺎ ﺍﻟﺠﺪﻳﺪ ﻭﺍﺑﻮ ﺍﻻﻳﺠﺎﺭ ﻫﻢ ﻗﺪﺭ ﻭﺿﻌﻨﺎ ﻭﺧﻼﻧﺎ ﻧﺒﻘﻰ ﻓﺘﺮﺓ ﺍﻟﻰ ﺍﻥ ﻃﻠﻊ ﺍﻻﺭﺑﻌﻴﻦ ﻣﺎﻝ ﺿﻴﺎﺀ ﺭﺣﻨﺎ ﺯﺭﻧﺎ ﻗﺒﺮﻩ ﺑﺎﻟﻨﺠﻒ ..
ﻭﺭﺍﻫﺎ ﺑﺄﻳﺎﻡ ﺳﺄﻟﺖ ﻣﺎﻣﺎ ﺷﻮﻛﺖ ﻧﺸﻴﻞ ﻟﻌﺪ ؟
ﻛﺎﻟﺖ ﺧﻠﺼﻮﺍ ﺍﻣﺘﺤﺎﻧﺎﺗﻜﻢ ﻣﺎﻟﺔ ﺍﺧﺮ ﺍﻟﺴﻨﺔ ﻭﻧﻨﺘﻘﻞ ﺍﻥ ﺷﺎﺀﺍﻟﻠﻪ ..
_ ﻳﻌﻨﻲ ﺍﻟﺒﻴﺖ ﺍﻟﻲ ﺑﺼﻒ ﺑﻴﺖ ﻋﻤﻮ ﺍﺑﻮ ﺻﻔﺎﺀ ﻫﻮ ﺣﻨﻜﻌﺪ ﺑﻲ . ؟ ﺣﺠﻴﺘﻬﺎ ﺑﻨﺒﺮﺓ ﻓﺮﺡ ﻭﻣﻤﺴﻴﻄﺮﺓ ﻋﻠﻰ ﻧﻔﺴﻲ ﻭﺑﺪﻭﻥ ﻭﻋﻲ ﻣﻨﻲ ..
ﺣﺴﻴﺖ ﻣﺎﻣﺎ ﺿﺎﺟﺖ ﻣﻦ ﻣﻼﻣﺤﻬﺎ ﻛﺎﻟﺘﻠﻲ ﺍﺗﺒﻌﻴﻨﻲ ﻟﻠﻐﺮﻓﺔ .. ﻛﻤﺖ ﻭﺭﺍﻫﺎ ﻭﺩﺧﻠﻨﺎ ﻟﻠﻐﺮﻓﺔ ﻛﺎﻟﺖ ﺗﻌﺎﻟﻲ ﺍﻛﻌﺪﻱ ﻳﻤﻲ ﻭﺍﺷﺮﺗﻠﻲ ﻋﻠﻰ ﺍﻟﺴﺮﻳﺮ ..
ﻛﺎﻟﺖ -: ﺷﻮﻓﻲ ﺍﻧﺖ ﺻﺮﺗﻲ ﻛﺒﻴﺮﺓ ﻭﺍﻥ ﺷﺎﺀﺍﻟﻠﻪ ﺑﻌﺪ ﻫﺎﻻﻣﺘﺤﺎﻧﺎﺕ ﺗﻨﺠﺤﻴﻦ ﻭﺗﺮﺣﻴﻦ ﻟﻠﺨﺎﻣﺲ
ﻭﺍﺣﻨﺎ ﺭﺍﺡ ﻧﻨﺘﻘﻞ ﻭﻧﻜﻌﺪ ﻳﻢ ﺑﻴﺖ ﻋﻤﺞ ﺍﻱ ﺣﺠﺎﻳﻪ ﺍﺳﻤﻌﻬﺎ ﻋﻨﺞ ﺍﻭ ﺍﺷﻮﻓﺞ ﺑﻌﺪ ﺍﻟﺞ ﻧﻔﺲ ﻳﻢ ﺻﻔﺎﺀ ﻭﺣﻖ ﺍﻟﻌﻠﻲ ﺍﻟﻌﻈﻴﻢ ﻳﺎﺯﻫﺮﺍﺀ ﺍﺯﻋﻞ ﻋﻠﻴﺞ ﺍﻧﻲ ﺍﻣﺞ ﻭﺍﻋﺮﻑ
ﺑﻤﺼﻠﺤﺘﺞ ﺍﻟﻤﻮﺍﻝ ﺍﻟﻲ ﺑﺮﺍﺳﺞ ﺷﻴﻠﻲ ﺯﻳﻦ ﺩﺗﻔﺘﻬﻤﻴﻦ
ﺷﻨﻮ ﺍﺣﺠﻲ ؟
ﺣﺴﻴﺖ ﺍﻟﺪﻣﻌﺔ ﺭﺍﺡ ﺗﻄﻔﺮ ﻣﻦ ﻋﻴﻨﻲ ﻭﻗﻠﺒﻲ ﻇﻞ ﻳﺪﻙ ﺳﺮﻳﻊ ﻭﺍﻧﻔﺎﺳﻲ ﺗﻮﺗﺮﺕ ﻭﻣﺎ ﺍﻋﺮﻑ ﺭﻏﻢ ﻛﻼﻡ ﺍﻣﻲ ﺍﻟﺸﺪﻳﺪ ﺍﻟﻠﻬﺠﺔ ﻛﺘﻠﻬﺎ ﻻﻣﻲ ﺑﺲ ﻣﺎﻣﺎ ﻣﻮ ﺑﻴﺪﻱ ﺍﻧﻲ ..
ﻭﺑﻨﺒﺮﺓ ﺣﺎﺩﺓ ﻛﺎﻟﺖ ﻻ ﺑﻴﺪﺝ ﻭﻧﺺ ﻭﺧﻠﻲ ﺑﺒﺎﻟﺞ ﺻﻔﺎﺀ ﺍﺳﺘﺄﺫﻥ ﻣﻦ ﻋﻤﺘﺞ ﻧﻬﺎﻳﺔ ﻫﺎﻟﺸﻬﺮ ﻳﺨﻄﺐ ﻟﺘﺨﻠﻴﻨﻲ ﺍﻃﻠﻊ
ﻧﺎﺭ ﻗﻠﺒﻲ ﺑﻴﺞ ﻭ ﺍﻭﻝ ﻭﺣﺪﻩ ﺍﻧﺘﻲ ﺗﺤﻀﺮﻳﻦ ﻭﺗﺸﻮﻓﻴﻦ ﻓﺮﺣﺘﻪ ﺣﺘﻰ ﻳﻤﻮﺕ ﺣﺒﻪ ﺑﻘﻠﺒﺞ ﺍﻓﺘﻬﻤﺘﻲ
ﻣﺎﺍﺭﻳﺪ ﺍﺍﺫﻳﺞ ﻻﻥ ﺍﻧﻲ ﻣﺮﺓ ﻣﺮﻳﻀﻪ ﺍﻟﻴﻮﻡ ﺑﺎﺟﺮ
ﻣﻴﺘﻪ ﻣﺎﺍﺭﻳﺪﺝ ﺗﺤﻘﺪﻳﻦ ﻋﻠﻴﻪ ﻭﺗﻜﻮﻟﻴﻦ ﺍﻣﻲ ﺍﺫﺗﻨﻲ ..
ﻛﻤﺖ ﺑﺴﺮﻋﺔ ﺣﻀﻨﺘﻬﺎ ﻭﻣﺎﻛﻮ ﺷﻲ ﻭﻛﻒ ﻛﺪﺍﻡ ﺩﻣﻮﻋﻲ ﺍﻟﻲ ﺟﻨﺖ ﺣﺎﺑﺴﺘﻬﺎ ﻗﺒﻞ ﺷﻮﻳﺔ ، ﺑﺠﻴﺖ ﺑﺤﺮﻛﺔ ﻭﻛﺘﻠﻬﺎ ﻻ ﻣﺎﻣﺎ ﻓﺪﻭﺓ ﻟﺘﻜﻮﻟﻴﻦ ﻫﻴﺞ ﻭﺻﺮﺕ ﺍﺑﻮﺱ ﺑﻴﺪﻫﺎ
ﻋﻤﺮﺝ ﻃﻮﻳﻞ ﻳﻮﻡ ﻭﺍﻟﻠﻪ ﺍﺭﻭﺣﻠﺞ ﻓﺪﻭﺓ ﺍﻧﻲ ﻳﻮﻣﻲ ﻗﺒﻞ ﻳﻮﻣﺞ ﻛﻠﺸﻲ ﺗﺮﻳﺪﻱ ﺍﺳﻮﻱ ﺣﺎﺿﺮﺓ ﺍﻧﻲ ﺧﻠﺺ ﺧﻠﺺ ﺍﻋﺘﺒﺮﻳﻨﻲ ﻧﺴﻴﺘﻪ ﻣﻦ ﻫﺎﻟﻠﺤﻈﺔ ..
ﻋﺒﻴﺮ ..
ﻭﺑﺎﻟﻔﻌﻞ ﺯﻫﺮﺍﺀ ﺍﺑﺘﻌﺪﺕ ﻋﻦ ﺻﻔﺎﺀ ﻭﺻﺎﺭﺕ ﻣﺴﺆﻭﻟﻴﺘﻬﺎ
ﺍﻟﺒﻴﺖ ﻭﺗﺴﺎﻋﺪ ﺍﻣﻲ ﻭﺗﻬﺘﻢ ﺑﻴﻨﺎ ﻟﺤﺪ ﻗﺒﻞ ﺧﻄﺒﺔ ﺻﻔﺎﺀ ﺑﺄﺳﺒﻮﻉ ﻭﺑﻌﺪ ﻣﺎ ﺍﺧﺬﻭﺍ ﻣﻮﺍﻓﻘﺔ ﻋﻤﺔ ﺍﻡ ﺿﻴﺎﺀ ﺣﺪﺩﻭ ﻣﻮﻋﺪ ﻟﻠﺨﻄﺒﺔ ..
ﺟﺎﻧﺖ ﺯﻫﺮﺍﺀ ﻣﻤﻬﺘﻤﻪ ﺍﻭ ﺗﻤﺜﻞ ﺍﻧﻮ ﻫﻲ ﻣﻤﻬﺘﻤﻪ ﺑﺲ ﻫﻮﺍﻱ ﺗﺼﻔﻦ ﺍﻣﻲ ﺟﺎﻧﺖ ﻣﻘﺮﺑﺘﻬﺎ ﺣﻴﻞ ﺍﻟﻬﺎ ﻣﻦ ﺗﺼﻔﻦ ﺗﺠﻲ ﺗﺤﻀﻨﻬﺎ ﻭﺗﺒﻮﺳﻬﺎ ﻭﺗﻀﺤﻜﻬﺎ ..
ﻟﻮ ﻣﻦ ﺗﻀﻮﺝ ﺗﺮﻭﺡ ﻫﻲ ﻭﻳﺎﻫﺎ ﻳﺴﻮﻭﻥ ﻛﻴﻚ
ﻭﻧﻄﻠﻊ ﺑﺎﻟﺤﺪﻳﻘﻪ ﺣﺎﻭﻟﺖ ﺍﻣﻲ ﺷﻜﺪ ﻣﺘﻜﺪﺭ ﺗﻄﻠﻌﻬﺎ
ﻣﻦ ﺍﻟﻤﻮﺩ ﺍﻟﻲ ﻫﻲ ﺑﻲ ..
ﻭﺑﺎﻟﻔﻌﻞ ﺯﻫﺮﺍﺀ ﺟﺎﻧﺖ ﻣﺴﺘﺠﺎﺑﻪ ﻷﻣﻲ ﺑﺲ ﺑﺎﻟﻠﻴﻞ ﺍﺳﻤﻊ ﺑﺠﻴﻬﺎ ﻭﺃﻧﻴﻨﻬﺎ ﺟﺎﻧﺖ ﺗﺘﻌﺬﺏ ﺑﺲ ﻣﺘﺒﻴﻦ ﻛﺪﺍﻡ ﺍﻣﻲ ﻣﺘﺮﻳﺪ ﺗﺨﺬﻟﻬﺎ ...
ﺻﻔﺎﺀ ... ﻗﺮﺏ ﻣﻮﻋﺪ ﺧﻄﺒﺘﻲ ﺭﺣﺖ ﻟﻌﻤﺘﻲ ﺗﺮﺧﺼﺖ ﻣﻨﻬﺎ ﻛﺎﻟﺖ ﺗﺰﻭﺝ ﺣﺒﻴﺒﻲ ﺍﻟﺒﻠﺪ ﻭﺿﻌﻪ ﻣﺎﻳﻨﺤﺰﺭ ﻭﺍﻟﺮﺍﺡ ﻣﺎﻳﺮﺟﻊ ﺑﻌﺪ ﺍﺫﺍ ﺍﺟﻠﺖ ﺯﻭﺍﺟﻚ ﺗﺰﻭﺝ ﻭﺍﻟﻠﻪ ﻳﺴﻌﺪﻛﻢ ..
ﺑﻮﺳﺘﻬﺎ ﻣﻦ ﺭﺍﺳﻬﺎ ﻭﺍﻳﺪﻳﻬﺎ ..
ﻛﺎﻟﺖ ﺗﻌﺬﺭﻧﻲ ﻣﺎ ﺍﻛﺪﺭ ﺍﺟﻲ ﺑﺲ ﻭﺭﺓ ﺍﻟﺨﻄﺒﺔ ﺍﺟﻲ ﺍﺑﺎﺭﻛﻠﻜﻢ ﻭﺷﺘﻴﻔﻴﻦ ﺍﻟﻒ ﺧﻴﺮ ..
ﻃﻠﻌﺖ ﻣﻦ ﺑﻴﺖ ﻋﻤﺘﻲ ﻭﺭﺣﺖ ﻟﺒﻴﺖ ﻋﻤﻲ ﺗﺤﺴﻴﻦ ﻭﺍﻧﻲ ﺟﻨﺖ ﺍﺗﻤﻨﻰ ﺿﻴﺎﺀ ﻋﺎﻳﺶ ﻭﻳﺤﻀﺮ ﻓﺮﺣﺘﻲ ﺑﺲ ﺣﺮﻣﻮﻧﻲ ﻣﻨﻪ ﺍﻟﻤﺠﺮﻣﻴﻦ ﻗﺘﻠﻮ ﺑﺪﻭﻥ ﺫﻧﺐ ﻭﺣﺮﻣﻮﻧﺎ ﻛﻠﻨﺎ ﻣﻨﻪ ..
ﺩﻛﻴﺖ ﺍﻟﺒﺎﺏ ﻓﺘﺤﺘﻪ ﺍﻟﻲ ﺯﻫﺮﺍﺀ .. ﺳﻠﻤﺖ ﻋﻠﻴﻬﺎ
ﺭﺩﺕ ﺑﺼﻮﺕ ﻣﻠﻴﺊ ﺑﺎﻟﺨﻴﺒﺔ ﻭﺩﻧﻜﺖ ﺑﺴﺮﻋﺔ ﻣﺎ ﺍﻥ ﺍﺟﺖ ﻋﻴﻮﻧﻲ ﺑﻌﻴﻮﻧﻬﺎ ..
ﻓﺎﺗﺖ ﻗﺒﻠﻲ ﻭﻃﻠﻌﺖ ﻋﻤﺘﻲ ﻣﻦ ﺍﻟﺒﺎﺏ ﺳﻠﻤﺖ ﻋﻠﻴﻬﺎ
ﻛﺎﻟﺖ ﺗﻔﻀﻞ ﺟﻮﺓ ..
_ ﻻ ﻋﻤﺔ ﺍﻟﺠﻮ ﺣﻠﻮ ﻫﻨﺎ ﻭﺍﻧﻲ ﺟﺎﻱ ﺍﺷﻮﻓﻜﻢ ﻭﺍﺭﻭﺡ ﻋﻤﻲ ﻣﻮﺟﻮﺩ ؟
_ ﻻ ﻋﻤﻚ ﻃﺎﻟﻊ .. ﺗﻌﺎﻟﻲ ﺯﻫﺮﺍﺀ ﺟﻴﺐ ﺟﺎﻱ ﻻﺑﻦ ﻋﻤﺞ ..
ﺑﻌﺪﻫﻪ ﺍﺟﺘﻲ ﺯﻫﺮﺍﺀ ﺟﺎﻳﺒﺔ ﺻﻴﻨﻴﺔ ﺑﻴﻬﺎ ﺟﺎﻱ ﻭﻛﻠﺘﺺ ﻣﻲ ﻗﺪﻣﺘﻬﺎ ﺍﻟﻲ ﺑﺲ ﻛﻠﺶ ﻣﺒﻴﻨﻪ ﺿﺎﻳﺠﺔ ..
ﻛﺘﻠﻬﺎ ﺷﻜﺮﺍ ﺍﻡ ﺍﻟﺰﻭﺯ ﺑﺎﻭﻋﺘﻠﻬﺎ ﻭﺍﺑﺘﺴﻤﺖ ﺑﺲ ﻫﻴﻪ ﺑﻘﺖ ﻣﺨﻨﺰﺭﺓ ﻭﺿﺎﻳﺠﺔ ..
ﺭﻓﻌﺖ ﺭﺍﺳﻲ ﺻﻔﻨﺖ ﺑﻮﺟﻬﻪ ﺍﻧﺘﺒﻬﺖ ﻋﻠﻰ ﻧﻈﺮﺍﺗﻲ ﻭﺗﺤﺴﺮﺕ ﺑﺎﻭﻋﺘﻠﻲ ، ﻋﺒﺜﺖ ﺑﺨﺼﻼﺕ ﺷﻌﺮﻫﺎ ﺍﻟﻤﺘﻨﺎﺛﺮﺓ ﻋﻠﻰ ﻃﻮﻝ ﻭﺟﻬﻪ ﻭﻳﻢ ﻋﻴﻮﻧﻬﺎ ﺗﺮﻛﺖ ﺧﺼﻠﺔ ﻣﺘﺪﻟﻴﺔ ﻋﻠﻰ ﺟﺒﻴﻨﻬﺎ ﺗﺘﺄﺭﺟﺢ ﺑﺎﻟﻔﺮﺍﻍ ﻭﺍﻟﺒﺎﻗﻲ ﺧﻠﺘﻪ ﻭﺭﻩ ﺍﺫﻧﻬﺎ ﻭﺭﺍﺣﺖ ..
ﻛﺘﻠﻬﺎ ﻋﻤﺔ ﺷﺒﻴﻬﺎ ﺯﻫﺮﺍﺀ ؟ ﺍﺷﻮ ﻣﻮ ﻋﻠﻰ ﺑﻌﻀﻬﺎ ؟
ﻛﺎﻟﺖ -: ﺍﻣﺘﺤﺎﻧﺎﺕ ﺟﺎﻳﺘﻬﺎ ﻭﺿﺎﻳﺠﺔ ﺷﻮﻳﺔ ..
_ ﺍﻟﻠﻪ ﻳﻮﻓﻘﻬﺎ ﺷﻮﻛﺖ ﺗﻨﺘﻘﻠﻮﻥ ﺍﺷﻮ ﻃﻮﻟﺘﻮ ؟
_ ﻭﺍﻟﻠﻪ ﺍﻟﺒﻴﺖ ﻳﺤﺘﺎﺟﻠﻪ ﺗﺮﺗﻴﺒﺎﺕ ﻭﻫﻢ ﺍﻟﺒﻨﺎﺕ ﻋﺪﻫﻢ ﺍﻣﺘﺤﺎﻧﺎﺕ ﺍﺧﺮ ﺍﻟﺴﻨﺔ ﻣﺒﻘﻰ ﺷﻲ ﻋﻠﻴﻬﺎ ﻭﺍﺫﺍ ﺍﻧﺘﻘﻠﻨﺎ ﺗﺼﻴﺮ ﺍﻟﻤﺪﺭﺳﺔ ﺑﻌﻴﺪﺓ ﻋﻨﻬﻦ ..
_ ﺍﻥ ﺷﺎﺀﺍﻟﻠﻪ ﺧﻴﺮ ﻋﻤﺔ ، ﺍﻟﺨﻤﻴﺲ ﺍﻟﺠﺎﻱ ﺍﻥ ﺷﺎﺀﺍﻟﻠﻪ ﺣﻨﺴﻮﻱ ﺧﻄﻮﺑﺘﻨﺎ ﺍﻧﻲ ﻭﺍﺳﺮﺍﺀ ﺣﻔﻠﺔ ﺑﺴﻴﻄﺔ ﺑﻴﻨﺎﺗﻨﺎ ﻭﺟﻴﺖ ﺩﺍ ﺍﺑﻠﻐﻜﻢ ﻭﻏﻴﺮ ﻣﺮﺓ ﺍﻣﺮ ﻋﻠﻰ ﻋﻤﻲ ﻭﻫﻢ ﺍﻛﻮﻟﻪ ..
_ ﺷﺎﻳﻔﻴﻦ ﻛﻞ ﺍﻟﺨﻴﺮ ﺍﻥ ﺷﺎﺀﺍﻟﻠﻪ ..
_ ﻳﻠﻪ ﺍﻧﻲ ﺍﺗﺮﺧﺺ ﻋﻤﺔ ..
_ ﻭﻳﻦ ﺑﻌﺪ ﻭﻛﺖ ﺍﻧﺘﻈﺮ ﻋﻤﻚ ﻋﻠﻰ ﺟﻴﺔ ..
_ ﻻ ﻋﻤﺔ ﻫﺎﻱ ﺟﻴﺘﻲ ﻣﻦ ﺍﻟﺪﻭﺍﻡ ﻭﺭﺣﺖ ﺑﻴﺖ ﻋﻤﺘﻲ ﻭﺍﺭﻳﺪ ﺍﺭﺟﻊ ﺍﺭﺗﺎﺡ ﻭﻫﻢ ﺍﺷﻮﻑ ﺍﺳﺮﺍﺀ ﺷﻨﻮ ﻧﺎﻗﺼﻬﺎ ..
_ ﻟﻌﺪ ﺭﻭﺡ ﺍﺭﺗﺎﺡ ﻭﻋﻤﻚ ﺍﻧﻲ ﺍﺑﻠﻐﻪ ..
، _ ﻭﺍﻧﻲ ﻫﻢ ﺍﺧﺎﺑﺮﻩ ﻋﻮﺩ .. ﺍﻟﻠﻪ ﻭﻳﺎﺝ ﻋﻤﻪ
_ ﺍﻟﻠﻪ ﻭﻳﺎﻙ ﺍﺑﻨﻲ ..
ﺯﻫﺮﺍﺀ .. ﻭﻗﺮﺏ ﻣﻮﻋﺪ ﺧﻄﺒﺘﻪ ﻟﺼﻔﺎﺀ ﺟﻨﺖ ﻣﺜﻞ ﺍﻟﻲ ﻳﺒﻠﻊ ﺍﻟﺠﻤﺮ ﻋﻠﻰ ﺍﻧﻮ ﺛﻠﺞ ﻫﻴﺞ ﺟﺎﻥ ﺍﺣﺴﺎﺳﻲ ﺑﺎﺧﻔﺎﺀ ﺷﻌﻮﺭﻱ ..
ﺑﻴﻮﻡ ﺍﻟﺨﻄﺒﺔ ﺭﺟﻌﻨﺎ ﻣﻦ ﺍﻟﺪﻭﺍﻡ ﻋﻠﻰ ﻭﻗﺖ .. ﻧﺤﻀﺮ ﻟﻠﺨﻄﺒﺔ ﻣﺎﻣﺎ ﺭﺍﺩﺕ ﺗﺴﻮﻱ ﺍﻛﻞ
ﻛﺘﻠﻬﺎ ﺍﻧﺘﻈﺮﻱ ﻣﺘﻤﺎ ﺍﻧﻲ ﺍﺳﻮﻱ ﻭﺍﻧﺖ ﺭﻭﺣﻲ ﺍﻫﺘﻤﻲ ﺑﻌﺒﻴﺮ ﻭﻣﺮﻳﻢ ..
ﻛﺎﻟﺖ ﻣﺎﻣﺎ ﻻ ﺍﺭﻳﺪﺝ ﺗﻄﻠﻌﻴﻦ ﺍﻣﻴﺮﺓ ﻳﻼ ﺭﻭﺣﻲ ﺍﺳﺒﺤﻲ ﻭﺗﻌﺎﻟﻲ ﺍﻛﻠﻲ ﺣﺘﻰ ﺗﺒﺪﻟﻴﻦ ﻭﻣﺜﻞ ﻣﻮﺻﻴﺘﺞ ﺯﻳﻦ؟ ﺍﻭﻛﻔﻲ ﻛﺪﺍﻣﻬﻢ ﻭﺷﺒﻌﻲ ﺷﻮﻑ ﻣﻨﻪ ﺷﻮﻓﻲ ﻭﻫﻮ ﻓﺮﺣﺎﻥ ﺣﺘﻰ ﻳﻨﻜﺴﺮ ﺣﺒﻪ ﺑﻘﻠﺒﺞ ، ﻛﺪﺍﻣﺞ ﺣﻴﺎﺓ ﻃﻮﻳﻠﻪ ﻭﻛﻠﻴﺔ
ﺣﺘﺸﻮﻓﻴﻦ ﺑﻴﻬﺎ ﻧﻤﺎﺫﺝ ﺑﺲ ﺗﻜﺒﺮﻳﻦ ﺗﻀﺤﻜﻴﻦ ﻉ
ﻋﻘﻠﺞ ﻫﺴﻪ ..
ﻫﺰﻳﺖ ﺭﺍﺳﻲ ﻭﺭﺣﺖ ﺳﺒﺤﺖ ﻭﻣﺸﻄﺖ ﻭﺳﺮﺣﺖ ﺷﻌﺮﻱ ﻭﺍﺟﻴﺖ ﺍﻛﻠﻨﺎ ﻣﺎﻣﺎ ﺟﺎﻧﺖ ﺗﺎﻛﻞ ﻭﺗﺒﺘﺴﻢ
ﻛﺎﻟﺖ ﺑﻨﺎﺗﻲ ﻛﺒﺮﻥ ﻭﺻﺎﻳﺮﺍﺕ ﺍﻣﻴﺮﺍﺕ ﺿﺤﻜﻨﺎ ﻭﺍﻛﻠﻨﺎ
ﺑﻌﺪﻫﺎ ﺑﺪﻟﻨﺎ ﻭﺍﺟﻪ ﺑﺎﺑﺎ ﺳﺒﺢ ﻭﺑﺪﻝ ﻭﺭﺣﻨﺎ ..
ﺍﻣﻲ ﺟﺎﻧﺖ ﺗﻤﺸﻲ ﻭﻳﺎﻳﻪ ﻭﻣﺘﺮﻛﺘﻨﻲ
ﺑﺎﺑﺎ ﻛﺎﻟﻠﻬﺎ ﺷﻮ ﺗﺎﺭﻛﺘﻨﻲ ﺑﻨﺘﺞ ﺻﺎﺭﺕ ﺷﺎﺑﻪ ﻭﺍﻧﻲ ﻧﺴﻴﺘﻴﻨﻲ ﻣﻮ؟ ﺑﺴﻴﻄﻪ !
ﻛﻠﺘﻠﻪ ﻣﺎﻣﺎ ﻻ ﺍﻧﺖ ﺍﻻﺻﻞ ﺑﺲ ﺑﻨﻴﺘﻲ ﺷﺎﺑﻪ ﻭﺣﻠﻮﺓ ﻭﺍﺧﺎﻑ ﻋﻠﻴﻬﺎ ..
_ ﺍﻱ ﺣﻘﺞ ﻳﺎﺑﻪ ﺣﻘﺞ ..
ﺩﺧﻠﻨﺎ ﺟﻮﺍ ﻭﺍﺟﺖ ﻋﻴﻨﻲ ﻋﻠﻰ ﺻﻔﺎﺀ ﻃﺎﻟﻊ ﻛﻮﻟﺶ ﺣﻠﻮ ﻭﺑﺲ ﻳﻀﺤﻚ ﻣﻊ ﺍﻧﻮ ﻫﻮ ﻣﻐﺮﻭﺭ ﺑﺲ ﺑﻬﺬﺍ ﺍﻟﻴﻮﻡ ﻳﻀﺤﻚ
ﻭﻳﺎ ﺍﻟﻜﻞ ﻭﻛﻞ ﺷﻮﻳﻪ ﻳﺮﻛﺺ ..
ﺣﺎﻭﻟﺖ ﺑﺄﻱ ﻣﻜﺎﻥ ﻳﺘﻮﺍﺟﺪ ﺑﻲ ﺍﻃﻠﻊ ﻣﻨﻪ .. ﺑﻌﺪﻫﺎ ﺍﺧﺬﻭﻧﺎ ﻭ ﺭﺣﻨﺎ ﻟﺒﻴﺖ ﺍﺳﺮﺍﺀ ﺑﺤﻲ ﺍﻭﺭ .. ﺷﻔﺘﻬﺎ ﻃﺎﻟﻌﺔ ﺗﺠﻨﻦ .. ﻫﻴﻪ ﺣﻠﻮﺓ ﻣﻠﻴﺎﻧﺔ ﻭﻋﻴﻮﻧﻬﺎ ﻋﺴﻠﻲ ﻭﺑﺸﺮﺗﻬﺎ ﺣﻨﻄﻴﺔ ﻭﺷﻌﺮﻫﺎ ﺑﻨﻲ .. ﺭﺍﻓﻌﺔ ﺷﻌﺮﻫﺎ ﺑﺘﺴﺮﻳﺤﺔ ﻧﺎﺯﻛﺔ ﻭﺑﺪﻟﺔ ﻭﺭﺩﻳﺔ ..
ﺭﺣﺖ ﺩﺍ ﺍﺑﺎﺭﻛﻠﻬﺎ .. ﻛﺎﻟﺖ ﻳﻮﻡ ﺍﻻﻟﺞ ﻭﺍﺧﻠﺺ
ﻣﻨﺞ ﻭﺣﺼﻴﺮ ﻗﺮﻳﺒﻪ ﻋﻠﻴﺞ ﻣﻮ ﺗﻈﻠﻴﻦ ﻛﻞ ﺷﻮﻳﻪ
ﺗﺠﻴﻦ ﺑﺤﺠﺔ ﻋﻤﻲ ﻭﻋﻤﺘﻲ .. ﻭﻇﻠﺖ ﺗﻀﺤﻚ ..
ﺿﺮﺑﻬﺎ ﺻﻔﺎﺀ ﺑﺨﻔﺔ ﻋﻠﻰ ﺍﻳﺪﻫﺎ ﻭﺧﺰﺭﻫﺎ ..
ﻛﺎﻟﻠﻬﺎ ﻫﻲ ﺷﻮﻛﺖ ﺍﺟﺖ ﺯﻫﺮﺍﺀ ﻟﺒﻴﺘﻨﺎ ﺣﺘﻰ ﺗﺤﺠﻴﻦ
ﻫﻴﺞ ﺍﻧﺘﻲ ﻭﺷﻨﻮ ﻫﺎﻟﺤﺠﻲ ﺍﻧﺘﻲ ﻋﺮﻭﺱ ﻻﺯﻡ ﺗﻜﻮﻧﻴﻦ ﻣﻤﻴﺰﺓ ﺣﺘﻰ ﺑﺄﺳﻠﻮﺑﺞ ﺑﻼ ﺣﺠﻲ ﻣﺎﺻﺦ ﻣﻮ ﻭﻛﺘﻬﺎ ..
ﻫﻲ ﻛﻠﺘﻠﻪ ﺷﺒﻴﻚ ﺩﺍﺍﺗﺸﺎﻗﻪ ﻭﻫﻢ ﻃﻜﺘﻬﺎ ﺿﺤﻜﺔ ﻭﻛﺄﻧﻪ ﺍﻟﻜﺎﻉ ﻣﺸﺎﻳﻠﺘﻬﺎ ..
ﺭﻓﻌﺖ ﺣﺎﺟﺒﻲ ﺑﺎﻭﻋﺘﻠﻬﻢ ﺑﻨﻈﺮﺓ ﻋﺪﻡ ﺭﺿﺎ
ﺷﻠﻮﻥ ﺯﻭﺝ ﻧﻔﺲ ﺍﻻﺳﻠﻮﺏ ﻻﻳﻜﻴﻦ
ﻟﺒﻌﺾ ..
ﻭﺭﺣﺖ ﻛﻌﺪﺕ ﻳﻢ ﺍﻣﻲ ﻭﺍﺧﻮﺍﺗﻲ ﻇﻠﺖ ﺍﻣﻲ ﺗﺒﺎﻭﻋﻠﻲ ﺑﺘﻔﺤﺺ ..
ﺑﺪﺕ ﻣﺮﺍﺳﻴﻢ ﺍﻟﺨﻄﻮﺑﻪ ﻭﺍﺳﺮﺍﺀ ﺑﺲ ﺗﺨﺰﺭ ﺑﻴﻪ ﺗﺪﻭﺭ ﺗﺪﻭﺭ ﻭﺗﺒﺎﻭﻋﻠﻲ ﻟﻮ ﺗﺴﻮﻱ ﺣﺮﻛﺎﺕ ﻋﻮﺩ ﺗﻐﻮﺭﻧﻲ ..
ﻭﺍﻧﻲ ﺑﺲ ﺍﻓﺮ ﺑﻴﺪﻱ ﻭﺍﺩﻳﺮ ﺭﺍﺳﻲ ﻋﻨﻬﺎ ﻛﻠﺶ ﻧﺮﻓﺰﺗﻨﻲ ..
ﺍﺧﻴﺮ ﺷﻲ ﺍﻣﻲ ﻏﻴﺮﺕ ﻣﻜﺎﻧﻲ ﻛﻤﻨﺎ ﻣﻦ ﻛﺪﺍﻣﻬﺎ
ﺍﻣﺎ ﻭﻋﺒﻴﺮ ﻭﻣﺮﻳﻢ ﻣﺎﺧﺬﺍﺕ ﻣﻬﻤﺔ ﺍﻟﺮﻛﺺ ﻋﺪﻫﻢ ﺣﻔﻠﻪ
ﺷﺎﻭﺭﺕ ﺍﻣﻲ ﻛﺘﻠﻬﺎ ﻣﻜﺎﻓﻲ ﺑﻨﺎﺗﺞ ﺍﻟﺮﺍﻛﻮﺻﺎﺕ ﻣﺼﺎﺭ ﻭﻗﺖ ﻳﻜﻌﺪﻥ ﻛﺎﻓﻲ ﻋﺎﺩ ..
ﻣﺎﻣﺎ ﺧﺰﺭﺗﻬﻦ ﻭﺍﺷﺮﺕ ﻋﻠﻴﻬﻦ
ﻛﺎﻟﺖ ﻛﺎﻓﻲ ﺗﻌﺎﻟﻦ ﺍﻛﻌﺪﻥ .. ﺍﺟﻦ ﻛﻌﺪﻥ ..
ﻛﺘﻠﻬﻦ ﺍﻟﻲ ﺗﻜﻮﻡ ﺗﺮﻛﺺ ﺍﻛﺴﺮ ﺭﺟﻠﻴﻬﺎ ﺍﻛﻌﺪﻥ ﻭﺑﻼ ﻟﻐﻮﺓ ..
ﻫﻨﻪ ﺿﺎﺟﻦ ﻭﺗﺬﻣﺮﻥ ﻭﺭﺍﺩﻥ ﻳﻜﻮﻣﻦ ﻣﺮﺓ ﺛﺎﻧﻴﺔ
ﺑﺲ ﻣﺎﻣﺎ ﺳﺎﻧﺪﺗﻨﻲ ﻭﻣﺨﻠﺘﻬﻦ ..
ﺭﺟﻌﺖ ﻃﻠﻴﺖ ﻋﻠﻰ ﺻﻔﺎﺀ ﻭﺍﺳﺮﺍﺀ
ﻭﺍﺷﻮﻓﻪ ﺑﺲ ﻳﻬﻤﺲ ﺑﺄﺫﻧﻬﺎ ﻭﻳﻀﺤﻚ
ﻣﻦ ﺍﻋﻤﺎﻗﻪ ..
ﺑﻨﻔﺲ ﺍﻟﻮﻗﺖ ﺍﻣﻲ ﺟﺎﻧﺖ ﺩﺗﻀﺤﻜﻨﻲ ﺗﺮﻳﺪ ﺗﻨﺴﻴﻨﻲ
ﻭﺗﺨﻠﻴﻨﻲ ﺍﺑﺎﻭﻋﻠﻬﻢ ﺣﺘﻰ ﺗﻘﻮﻳﻨﻲ ﺑﺲ ﺍﻧﻲ ﻣﺜﻞ ﺍﻟﻲ ﻻﺯﻡ ﺟﻤﺮ ﺑﻴﺪﻩ ﻭﻳﺠﻮﻳﻪ ..
ﻭ ﺻﺎﺭ ﻭﻗﺖ ﺗﻠﺒﻴﺲ ﺍﻟﺤﻠﻘﺎﺕ ﻭﺑﻬﺎﻱ ﺍﻟﻠﺤﻈﺔ ﺍﺣﺲ ﺻﻔﺎﺀ ﻃﺎﺭ ﻣﻦ ﺍﻟﻔﺮﺣﺔ ..
ﻛﺎﻣﺖ ﺍﻣﻲ ﺟﺮﺗﻨﻲ ﺣﻴﻞ ﻭﻛﺎﻟﺖ ﻛﻮﻣﻲ ﻭﻳﺎﻱ ..
ﻛﺘﻠﻬﺎ ﺷﻜﻮ ﻣﺎﻣﺎ ﻭﻭﻳﻦ ؟
ﻣﺠﺎﻭﺑﺘﻨﻲ ﻟﺰﻣﺘﻨﻲ ﻣﻦ ﺍﻛﺘﺎﻓﻲ ﻭﻛﻔﺘﻨﻲ ﻛﺪﺍﻣﻬﻢ
ﻭﺟﺒﺮﺗﻨﻲ ﺍﺑﺎﻭﻉ ﻋﻠﻴﻬﻢ ..
ﺣﺴﻴﺖ ﻭﺟﻬﻲ ﺍﺣﺘﻘﻦ ﺣﻘﻦ ﻇﻠﻴﺖ ﺍﻋﺾ ﺑﺸﻔﺘﻲ ﺍﺭﻳﺪ ﺍﺳﻴﻄﺮ ﻋﻠﻰ ﻧﻔﺴﻲ ، ﺗﺮﻛﺖ ﺍﻳﺪ ﺍﻣﻲ ﻭﺧﺮﺗﻬﺎ ﻣﻨﻲ
ﻭﻋﻔﺘﻬﻢ ﻗﺒﻞ ﻟﻴﻜﻤﻠﻮﻥ ﺗﻠﺒﻴﺲ ﺍﻟﺬﻫﺐ ..
ﺭﺟﻌﺖ ﻛﻌﺪﺕ ﺷﺮﺑﺖ ﻣﻲ ﻭﺳﻜﺘﺖ ﺍﻟﻰ
ﺍﻥ ﺭﺟﻌﻨﺎ ﻟﻠﺒﻴﺖ ﺍﻧﻈﺎﻫﺮ ﺑﺎﻟﻬﺪﻭﺀ ﺍﺩﻋﻲ ﺍﻧﻮ ﺍﻧﺐ ﻫﺎﺩﺋﻪ
ﺑﺲ ﺑﺪﺍﺧﻠﻲ ﺍﻟﻌﻜﺲ ﺑﺮﺍﻛﻴﻦ ﻣﻦ ﻧﺎﺭ ﻭﻭﺟﻊ ﺗﺘﻼﻃﻢ ﻭﺗﺠﻮﻳﻨﻲ ..
ﺑﺲ ﻭﺻﻠﻨﺎ ﻟﻠﺒﻴﺖ ﺭﻛﻀﺖ ﻟﻠﻐﺮﻓﺔ ﻭﻇﻠﻴﺖ ﺍﺑﺠﻲ ﺑﺼﻮﺕ ﻋﺎﻟﻲ ﻣﻜﺪﺭﺕ ﺍﺳﻴﻄﺮ ﻋﻠﻰ ﻧﻔﺴﻲ ..
ﻋﺒﻴﺮ ....
ﻣﻦ ﺳﻤﻌﻨﺎ ﺻﻮﺕ ﺯﻫﺮﺍﺀ ﺗﺒﺠﻲ ﺑﺼﻮﺕ ﻋﺎﻟﻲ ﻇﻠﻴﻨﻪ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ .. ﺃﻣﻲ ﻛﺎﻟﺖ ﺍﺗﺮﻛﻮﻫﺎ ﺑﺮﺍﺣﺘﻬﺎ ﻭﺍﻧﺘﻮﺍ ﺭﻭﺣﻮﺍ ﺑﺪﻟﻮﺍ ﻭﻏﺴﻠﻮﺍ ﻭﻧﺎﻣﻮﺍ
ﺻﻌﺪﻧﺎ ﺍﻧﻲ ﻭﻣﺮﻳﻢ ﻟﻐﺮﻓﺘﻨﺎ ﻓﻮﻙ
ﻣﺮﻳﻢ : ﻭﻟﺞ ﺟﺎﻥ ﺑﻴﻪ ﺭﻛﺺ ﻣﺜﻞ ﻣﻼﻳﻴﻦ ﺍﻟﺮﻗﺎﺻﻪ ﺑﺲ ﻣﺎﻣﺎ ﻭﺯﻫﺮﺍﺀ ﻭﻛﻔﻮﺍ ﺑﻄﺮﻳﻘﻲ ﻭ ﻣﻘﺒﻠﻮﺍ ..
ﻛﻠﺘﻠﻬﺎ ﻭﺍﻟﻠﻪ ﻫﺴﻪ ﺍﺫﺍ ﺗﺴﻤﻌﺞ ﺍﻣﻲ ﺗﺴﻮﻳﺞ ﻭﺻﻠﺔ ﻣﻼﻳﻴﻦ ﺍﻟﺮﻗﺎﺻﻪ ﺩﻧﺎﻣﻲ ﻭﻟﺞ ﺑﻄﻮﻝ ﺍﻻﺑﺮﺓ ﻭﺗﻌﺮﻑ ﻣﻼﻳﻴﻦ ..
_ ﺩﻳﻼ ﻫﺴﻪ ﺍﻧﺘﻲ ﻣﻦ ﻛﺒﺮﺝ ﻋﻮﺩ ﻭﻟﺞ ﻧﺎﻣﻲ ..
ﺻﺪﻙ ﺑﺲ ﺑﺎﺟﺮ ﻧﺸﺒﻊ ﻧﻮﻡ ﺍﻟﺴﺒﺖ ﺩﻭﺍﻡ ﻏﻀﺐ ﻭﺃﻣﻲ ﺗﻔﺘﺮ ﻉ ﺭﺍﺳﻨﺎ ﻋﺒﺎﻟﻚ ﻣﺪﻳﺮﺓ ﻣﺪﺭﺳﺔ ﻫﺴﻪ ﻫﻲ ﺻﺢ ﻣﺪﺭﺳﺔ ﺑﺲ ﻣﻮ ﻋﻠﻴﻨﺎ ﺷﻮﻛﺖ ﺍﺧﻠﺺ ﻣﺪﺭﺳﺔ ﻭﺍﺭﺗﺎﺡ ...
ﺑﻬﺎﻟﻠﺤﻈﺔ ﻓﺎﺗﺖ ﺃﻣﻲ ﻭﻣﺒﻴﻨﺔ ﺳﻤﻌﺘﻬﺎ ..
ﻭﺑﻨﺒﺮﺓ ﺗﻬﺪﻳﺪ ﻛﺎﻟﺖ : ﻭﻟﺞ ﺳﻤﻌﺘﺞ ﻣﻮ ﺍﺟﻴﺞ ﺍﺷﻠﻊ ﺍﺫﺍﻧﺎﺗﺞ ﻧﺎﻣﻲ ﺍﺣﺴﻠﺞ ..
ﻣﺮﻳﻢ : ﻫﺴﻪ ﻭﺍﺣﺪ ﻣﻴﺼﻴﺮ ﻳﺘﺸﺎﻗﻰ ..
ﻭﺑﺴﺮﻋﻪ ﺗﻤﺪﺩﺕ ﺑﺠﺮﺑﺎﻳﺘﻬﺎ ﻭﻏﻄﺖ ﺣﺘﻰ ﻭﺟﻬﻪ ..
ﺍﻟﺼﺒﺢ ﻛﻌﺪﻧﺎ ﺑﺎﻭﻋﺖ ﻟﺰﻫﺮﺍﺀ ﻋﻴﻮﻧﻬﺎ ﻣﻨﻔﻮﺧﻪ ﻭﺣﻤﺮ
ﻭﺧﺸﻤﻬﺎ ﺍﺣﻤﺮ ، ﺍﻣﻲ ﺑﺎﻭﻋﺘﻠﻬﺎ ﺑﻌﺪﻡ ﺭﺿﺎ ﻭﺩﺍﺭﺕ
ﻭﺟﻬﻪ ﻫﻲ ﺭﺍﺣﺖ ﻟﻤﺎﻣﺎ ..
ﻛﻠﺘﻠﻬﺎ ﺍﺳﺎﻋﺪﺝ ﺑﺸﻲ ؟
ﺍﻣﻲ ﺑﻘﺖ ﺳﺎﻛﺘﺔ ﺗﺒﺎﻭﻋﻠﻬﺎ ﺑﻌﻴﻮﻧﻬﺎ ﺑﻨﻈﺮﺍﺕ ﻣﺘﺬﻣﺮﺓ ﻭﺑﺲ ﻭﻣﺤﺠﺖ ﻭﻳﺎﻫﺎ ﺍﺑﺪ ..
ﺭﺟﻌﺖ ﻋﺎﺩﺕ ﻧﻔﺲ ﺍﻟﺴﺆﺍﻝ ﻭﺃﻣﻲ ﻫﻢ ﻣﺠﺎﻭﺑﺘﻬﺎ
ﺗﺤﺴﺮﺕ ﻭ ﺟﺮﺕ ﻛﺮﺳﻲ ﻭﻛﻌﺪﺕ ﻭﺧﻠﺖ ﺍﻳﺪ ﻉ ﺭﺍﺳﻬﺎ ﻭﺍﻟﺜﺎﻧﻴﺔ ﺗﺪﻙ ﺑﻴﻬﺎ ﻉ ﺍﻟﻤﻴﺰ ..
ﺃﻣﻲ ﺟﺎﻥ ﻗﺼﺪﻫﺎ ﺗﺘﺠﺎﻫﻠﻬﺎ ﺣﺘﻰ ﺗﺤﺴﺴﻬﺎ ﺑﻐﻠﻄﻬﺎ
ﻻﻥ ﻣﺴﻤﻌﺖ ﻛﻼﻡ ﺃﻣﻲ ..
ﺃﺟﻪ ﺑﺎﺑﺎ ﺟﺎﻳﺐ ﺻﻤﻮﻥ ﺷﺎﻑ ﺯﻫﺮﺍﺀ ﺟﺎﻥ ﻳﻔﺰ
ﻛﺎﻝ ﻷﻣﻲ ﻭﻟﺞ ﻫﺎﻱ ﺷﺒﻴﻬﺎ ﺑﻨﺘﺞ؟
ﺟﺎﻭﺑﺘﻪ ﺃﻣﻲ : ﺍﻧﻔﻠﻮﻧﺰﺍ ﻫﺴﻪ ﺗﺸﺮﺏ ﺣﻠﻴﺐ ﻭﺗﺮﺟﻊ
ﺗﻨﺎﻡ ﺗﺼﻴﺮ ﺯﻳﻨﻪ ﻭﺧﺰﺭﺕ ﺯﻫﺮﺍﺀ .
ﺑﺎﺑﺎ ﺍﻧﻄﺎﻧﻲ ﺍﻟﺼﻤﻮﻥ ﺩﺍﺍﻓﺮﻏﻪ ﺑﺎﻟﺴﻠﻪ ﻭﺍﻣﻲ ﺧﻠﺖ
ﺍﻻﻛﻞ ﻭﺍﻛﻠﻨﺎ ﺑﺲ ﺑﺎﺑﺎ ﺟﺎﻥ ﻳﺎﻛﻞ ﻭﻳﺒﺎﻭﻉ ﻟﺰﻫﺮﺍﺀ
ﻭﻳﻬﺰ ﺑﺮﺍﺳﻪ ..
ﺑﺲ ﻛﻤﻠﻨﺎ ﺃﻣﻲ ﻛﺎﻟﺖ ﻟﺰﻫﺮﺍﺀ ﺭﻭﺣﻲ
ﻧﺎﻣﻲ ﺑﻠﻜﻲ ﺗﺼﻴﺮﻳﻦ ﺯﻳﻨﻪ .. ﺑﻌﺪﻫﺎ ﺍﻣﻲ ﺑﻌﺪﻫﺎ ﺗﺤﺠﻲ
ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ..
ﻃﻠﻊ ﺻﻔﺎﺀ ﻭﻣﻦ ﺷﻔﺘﻪ ﻋﺮﻓﺖ ﻟﻴﺶ ﻣﺎﻣﺎ ﻛﺎﻟﺖ ﻟﺰﻫﺮﺍﺀ ﺭﻭﺣﻲ ﺣﺘﻰ ﻟﺘﺸﻮﻓﻪ ﻭﺗﺰﻳﺪ ﺣﺎﻟﺘﻬﺎ ﺳﻮﺀ ..
ﻛﺮﺻﻨﻲ ﻣﻦ ﺧﺪﻱ ﻭﻓﺎﺕ ﻭﻫﻮ
ﺩﻳﻤﺸﻲ ﻛﺎﻝ ﺧﻮﻣﺎ ﺗﺮﻳﻜﺘﻮﺍ ؟
ﻛﻠﺘﻠﻪ ﻗﺎﺑﻞ ﻧﻨﺘﻈﺮﻙ ﻟﻮ ﻣﺜﻼ ﻋﺮﻳﺲ ﻭﻧﺠﻴﺒﻠﻚ ﮔﻴﻤﺮ ﻋﺮﺏ ﻛﺎﻝ ﻋﺒﻮﺩ ﺷﻠﻮﻥ ﺑﻠﺴﺎﻧﻚ ﺍﺣﻨﻪ ﺍﻧﺖ ﻣﺸﺮﻭﻉ ﺯﻟﻤﺔ ﺑﺲ ﻣﺎﻧﺠﺢ ..
ﻛﻠﺘﻠﻪ ﺃﺳﻤﻲ ﻋﺒﻴﺮ ﻣﻮ ﻋﺒﻮﺩ ..
ﻛﺎﻝ ﻭﺍﻟﻠﻪ ﺍﻧﺖ ﺗﻠﻌﺐ ﻭﻳﺎ ﻭﻟﺪ ﺍﻟﻤﻨﻄﻘﻪ ﻭﺗﺘﻌﺎﺭﻙ
ﻭﻳﺎﻫﻢ ﻣﺎﺍﺷﻮﻓﻚ ﺑﻨﻴﺔ ﺍﺷﻮﻓﻚ ﻭﻟﺪ
ﻭﻫﺴﻪ ﻛﻮﻟﻴﻠﻲ ﻋﻤﻲ ﻫﻨﺎ ؟
ﻛﻠﺘﻠﻪ ﺑﻠﻲ ﺩﻳﻨﺘﻈﺮﻙ ﺗﻔﻀﻞ .. ﺟﺎﻥ ﻳﻔﺘﺢ
ﻋﻴﻮﻧﻪ ﺣﻴﻴﻴﻞ ﻛﺎﻝ ﻭﻟﺞ ﺻﺎﺭ ﺳﺎﻋﻪ ﺗﺨﻄﺒﻴﻦ ﻉ
ﺭﺍﺳﻲ ﺧﻄﺒﺔ ﺍﻟﺠﻤﻌﻪ ﻭﻫﺴﻪ ﺗﻜﻮﻟﻴﻠﻲ ﺗﻔﻀﻞ ﻻﻻ
ﺍﻧﺼﺪﻣﺖ ..
ﻛﻠﺘﻠﻪ ﻻ ﺧﻄﺒﺔ ﺍﻟﺠﻤﻌﻪ ﺑﺎﻟﺠﺎﻣﻊ ﻣﻮ ﻫﻨﺎ ...
ﺩﺧﻞ ﺷﺎﻑ ﺍﻣﻲ ﺩﺗﺨﺰﺭ ﺑﺰﻫﺮﺍﺀ ﻇﻞ ﻳﺒﺎﻭﻋﻠﻬﻦ
ﺯﻫﺮﺍﺀ ﻛﻠﺘﻠﻪ ﻫﻠﻮ ﺻﻔﺎﺀ ﺑﺪﻭﻥ ﻣﺘﺮﻓﻊ ﻭﺟﻬﻪ ﻭﻓﺎﺗﺖ ﺟﻮﺍ ﺑﺴﺮﻋﺔ ﻗﺒﻞ ﻟﻴﺮﺩ ﻋﻠﻴﻬﺎ ..
ﺣﺘﻰ ﺑﻘﻰ ﻳﺒﺎﻭﻉ ﻭﺭﺍﻫﺎ ﺑﺎﺳﺘﻐﺮﺍﺏ ﻻﻥ ﻫﻴﺞ ﻋﺎﻣﻠﺘﻪ .. ﺑﻌﺪﻳﻦ
ﺍﺧﺬ ﺑﺎﺑﺎ ﻭﺭﺍﺣﻮﺍ ﻭﺍﻧﻲ ﻛﻤﺖ ﺩﺍﺍﺳﺎﻋﺪ ﺃﻣﻲ ﺩﺧﻠﺖ ﺍﻧﻈﻒ ﻏﺮﻓﺔ ﺯﻫﺮﺍﺀ ﺷﻮ ﻟﻜﻴﺘﻬﺎ ﺗﺒﺠﻲ ﻭﻻﺯﻣﻪ
ﺻﻮﺭﺓ ﺑﻴﺪﻫﺎ ..
ﺑﺎﻭﻋﺖ ﻭﺭﻛﺰﺕ ﺑﺎﻟﺼﻮﺭﺓ ﻃﻠﻌﺖ ﺻﻮﺭﺓ ﺻﻔﺎﺀ ﺗﻌﺠﺒﺖ ﻛﺘﻠﻬﺎ ﻫﺎﻱ ﺷﺘﺴﻮﻱ ﻳﻤﺞ ﺍﻟﺼﻮﺭﺓ ﻣﻮ ﻋﻴﺐ ﺃﻣﻲ ﺍﺫﺍ ﺷﺎﻓﺘﻬﺎ ﺗﺮﺯﻟﺞ ..
ﺍﺣﺠﻲ ﻭﻳﺎﻫﻪ ﺑﺲ ﻫﻲ ﻣﻬﺘﻤﺘﻠﻲ
ﺃﻣﻲ ﺳﻤﻌﺘﻨﺎ ﻭﺍﺟﺖ ﺷﺎﻓﺘﻬﺎ ..
ﻛﺎﻟﺖ : ﻋﺒﻴﺮ ﻣﺎﻣﺎ ﺍﻃﻠﻌﻲ ﺑﺮﺍ
ﻛﻠﺘﻠﻬﺎ : ﻋﻔﻴﻪ ﻋﺒﻴﺮ ﻭﻳﻦ ﻣﺘﻮﻟﻲ ﺗﻨﻄﺮﺩ ﺍﻃﺮﺩﻭﻧﻲ ﺑﺎﻟﺸﺎﺭﻉ
ﺑﻌﺪ ﻳﺎﺍﻣﻲ ﺍﺷﺮﻑ ..
ﻛﺎﻟﺖ ﺑﻼ ﻟﻐﻮﺓ ﻭﺍﻃﻠﻌﻲ ﺑﺮﺍ ﻳﻼ
ﻛﻠﺘﻠﻬﺎ ﺍﻱ ﺣﻄﻠﻊ ﺑﺲ ﻣﺎﺍﻧﻈﻒ ﺍﻟﻐﺮﻓﻪ ﺍﻧﺘﻮﺍ ﺍﻃﻠﻌﻮﺍ
ﺣﺘﻰ ﺍﻧﻈﻔﻬﺎ ﻭﺳﻮﻭﺍ ﻧﻘﺎﺷﻜﻢ ﺑﺎﻟﻤﻄﺒﺦ ﻭﺍﻟﻠﻪ ﻣﺎﺍﺟﻲ
ﻳﻤﻜﻢ ..
ﺷﻮ ﻣﺎﻣﺎ ﻋﺼﺒﺖ ﻛﺎﻟﺖ ﻭﻟﺞ ﺗﻄﻠﻌﻴﻦ ﻻ ﺍﺟﻲ
ﺍﺧﻠﻲ ﺭﺃﺳﺞ ﺑﺎﻟﺒﻠﻮﻋﻪ ..
ﻛﻠﺘﻠﻬﺎ ﺍﻭﻭﻭﻭﻭﻭﻉ ﻫﺴﻪ ﻣﺘﺮﻳﻜﻪ ﺷﻨﻮ ﺑﻠﻮﻋﻪ ﻭﺍﻟﻠﻪ ﻳﺎﺭﺑﻲ ﻃﺎﻟﻌﻪ ﻃﺎﻟﻌﻪ ﻟﻌﺒﺖ ﻧﻔﺴﻲ ..
ﺃﻣﻲ ﺻﺢ ﻣﺨﻨﺰﺭﺓ ﻋﻠﻴﻪ ﺑﺲ ﺑﺎﻟﻜﻮﺓ
ﻛﺎﺗﻤﻪ ﺿﺤﻜﺘﻬﺎ ..
ﺯﻫﺮﺍﺀ ﻣﻦ ﻃﻠﻌﺖ ﻋﺒﻴﺮ ﺟﺘﻲ ﻣﺎﻣﺎ ﻛﻌﺪﺕ ﺑﺼﻔﻲ
ﻛﺎﻟﺖ ﻭﺗﺎﻟﻲ ﻭﻳﺎﺝ ﻭﻟﺞ ﻣﻮ ﺣﺘﻰ ﺻﻔﺎﺀ ﻳﻤﻜﻦ
ﻋﺮﻑ ﺑﻴﺞ ﺍﻧﺘﻲ ﻟﻴﺶ ﻫﻴﺞ ﺗﺴﻮﻳﻦ ﺑﻴﻪ ﺍﻟﺮﺟﺎﻝ ﺍﺭﺗﺒﻂ ﻭﻟﺞ ﺍﻧﺴﺴﺴﻲ ﻟﺘﺨﻠﻴﻨﻲ ﺍﺟﺒﺮﺝ ﺑﺎﻟﺰﻭﺍﺝ ﺑﻬﺬﺍ ﻋﻤﺮﺝ ﻟﺘﺘﺨﺒﻠﻴﻦ ﻣﻦ ﺗﺎﻟﻲ ﻛﻮﻣﻲ ﺑﺴﺮﻋﻪ ﻛﺪﺍﻣﻲ ...
ﺗﺠﺎﻫﻠﺖ ﺍﻣﻲ ﻭﺍﺣﺲ ﺻﻮﺗﻬﺎ ﻳﻮﺻﻠﻨﻲ ﺑﻌﻴﺪ
ﻭﻋﺒﺎﻟﻚ ﺍﻧﻲ ﻋﻨﻬﺎ ﺑﻐﻴﺮ ﻋﺎﻟﻢ ..
ﻇﻠﺖ ﺃﻣﻲ ﺗﻬﺰ ﺑﻴﻪ ﻣﻦ ﺍﻛﺘﺎﻓﻲ : ﻭﻟﺞ ﻣﻮ ﺩﺍﺍﺣﺠﻲ ﻭﻳﺎﺝ ﻣﺘﺴﻤﻌﻴﻦ ..
ﺑﺎﻭﻋﺖ ﻟﻤﺎﻣﺎ ﺑﻄﺮﻑ ﻋﻴﻨﻲ ﻭﺭﺟﻌﺖ ﺩﺭﺕ ﻭﺟﻬﻲ
ﻣﺎﻣﺎ ﻛﺎﻟﺖ ﻭﻟﺞ ﺷﻨﻮ ﻫﺎﻟﺼﻼﻓﻪ ﺷﻠﻮﻥ ﺗﺒﺎﻭﻋﻴﻠﻲ
ﻫﻴﺞ ﺍﻓﻜﺲ ﻋﻴﻨﺞ ﺗﺮﻯ ..
ﻋﺼﺒﺖ ﻛﻠﺶ ﻭﺟﺮﺗﻨﻲ ﻣﻦ ﺷﻌﺮﻱ ﻭﺩﺧﻠﺘﻨﻲ ﻟﻠﺤﻤﺎﻡ ﺧﻠﺖ ﺭﺍﺳﻲ ﺟﻮﺍ ﺍﻟﺪﻭﺵ ..
ﻭﺗﺼﻴﺢ ﺑﻴﻪ ﺍﺻﺤﻲ ﻻ ﺍﺩﺧﻞ ﺍﺑﻮﺝ ﺑﺎﻟﻤﻮﺿﻮﻉ ﻭﺍﻟﻠﻪ ﻭﺍﺧﻠﻲ ﻳﺸﻮﻓﻠﺞ ﺣﻞ ﺍﻧﻲ ﺗﻌﺒﺒﺒﺒﺖ ﻣﻨﺞ ﻭﻟﺞ ﺍﺧﻮﺍﺗﺞ
ﺻﻐﺎﺭ ﻣﺘﻌﺒﻨﻲ ﻣﺜﻠﺞ ﺍﻧﺘﻲ ﻣﺮﻳﻢ ﺷﻜﺪﻭﺗﻬﺎ ﻭﺗﺪﺍﻓﻌﻠﺞ
ﻭﻋﺒﻴﺮ ﺻﺎﻳﺮﺗﻠﺞ ﺳﻨﺪ ﻭﺍﺥ ﻭﺍﻧﺘﻲ ﺍﻟﻤﻔﺮﻭﺽ ﺗﻘﻮﻣﻴﻦ
ﺑﻬﺬﺍ ﺍﻟﺪﻭﺭ ﻛﺎﻋﺪﻩ ﺗﺒﺠﻴﻦ ﻉ ﻭﺍﺣﺪ ﺑﻨﻌﺎﻝ ﻣﻤﻌﺘﺮﻑ
ﺑﻴﺞ ﻭﻟﺞ ﻻ ﻋﺒﺎﻟﺞ ﺍﻧﻲ ﻣﺎﺍﺩﺭﻱ ﺍﺩﺭﻱ ﺑﻲ ﻛﺎﺷﻔﺞ
ﻭﻣﻐﻠﺴﻪ ﻭﺑﺎﻟﻌﻪ ﺳﻤﻲ ﺷﺤﺠﻲ ﻭﺷﻜﻮﻝ ﻣﻦ ﻛﻮﻥ ﺍﻟﻠﻪ ﻳﺄﺧﺬﻧﻲ ﻭﻻ ﺍﺷﻮﻑ ﺑﻨﺘﻲ ﺍﻣﻮﺗﻪ ﻧﻔﺴﻬﺎ ﻉ ﺷﺨﺺ ﻣﻴﺮﻳﺪﻫﺎ ﻛﺮﺍﻣﺘﺞ ﻣﻦ ﻛﺮﺍﻣﺘﻲ ﺑﺲ ﺍﻧﺘﻲ ﻭﺣﺪﻩ ﺑﻼ ﻋﻘﻞ ...
ﻇﻠﻴﺖ ﺍﺑﺠﻲ ﻭﺭﻓﻌﺖ ﺭﺍﺳﻲ ﻣﻦ ﺍﻟﻤﻲ ﻭﻣﺒﻠﻠﺔ ﻣﻼﺑﺴﻲ ﻭﺷﻌﺮﻱ .. ﻛﻠﺘﻠﻬﺎ ﻣﻮ ﺑﻴﺪﻱ ﻭﺍﻟﻠﻪ ﺍﻟﻠﻴﻞ ﻛﻠﻪ ﺍﺣﺠﻲ ﻭﺍﻗﻨﻊ ﻧﻔﺴﻲ ﺑﺲ ﺍﻧﻲ ﺍﺣﺒﻪ ﻣﻦ ﺍﻟﻄﻔﻮﻟﻪ ﻳﺎﺍﻣﻲ ﺍﻓﺘﻬﻤﻲ ﻋﻠﻴﻪ ﺍﻧﺘﻲ ﻣﻮ ﺍﻣﻲ ﻻﺯﻡ ﺗﺤﺴﻴﻦ ﺑﻴﻪ ﻣﻨﻮ ﻳﺤﺲ ﺑﻴﻪ ﻏﻴﺮﺝ ﻣﻨﻮﻭ؟ ﻣﺎﻋﻨﺪﻱ ﺍﺣﺪ ﺍﻧﻲ ..
_ ﻭﻣﻨﻮ ﻛﺎﻟﺞ ﻣﺤﺎﺳﻪ ﺑﻴﺞ ﻭﻟﺞ ﺣﻤﻮﺕ ﻣﻦ ﻗﻬﺮﺝ ﺣﻤﻮﻭﻭﻭﺕ ﺑﺲ ﻫﺎﻱ ﻫﻲ ﺗﻌﺒﺖ ﺍﺣﺴﻦ ﺷﻲ ﺍﻛﻮﻝ ﻻﺑﻮﺝ ﻭﻫﺎﻱ ﺍﻧﺘﻲ ﻛﻠﺘﻴﻬﺎ ﺗﺤﺒﻲ ﻣﻦ ﺍﻟﻄﻔﻮﻟﻪ ﻟﻌﺪ ﻛﻴﻒ ﻫﻮ ﻭﺍﺳﺮﺍﺀ ﺣﺒﻬﻢ ﻃﻔﻮﻟﻲ ﻭﻫﺴﻪ ﻛﺒﺮﻭﺍ ﻭﻫﻲ ﺗﺨﺮﺟﺖ ﻭﻫﻮ ﺩﻛﺘﻮﺭ ﺭﺍﺡ ﻳﺘﺨﺮﺝ ﺷﺒﻮﺍ ﻭﻫﻢ ﻳﺤﺒﻮﻥ ﺑﻌﺾ ﺟﺎﻳﻪ ﺍﻧﺘﻲ ﺑﻜﺪ ﺍﻟﻔﺼﻤﻪ ﺗﺮﻳﺪﻳﻦ ﺗﺎﺧﺬﻱ ﺍﻟﺞ ﻭﻟﺞ ﺍﻧﻲ ﺍﻣﺞ ﻣﺎﺍﻗﺒﻞ
ﺍﺳﺮﺍﺀ ﻳﻨﻜﺴﺮ ﻗﻠﺒﻬﺎ ﻋﻠﻤﻮﺩ ﺳﻌﺎﺩﺗﺞ ...
ﺳﻜﺘﺖ ﻣﺎﻋﻨﺪﻱ ﺍﺟﺎﺑﺔ ﺍﻧﻲ ﻣﺎﺭﻳﺪ ﺍﺧﺮﺏ ﻋﻼﻗﺘﻬﺎ ﺑﺲ ﻣﺎﻋﻨﺪﻱ ﻗﺪﺭﺓ ﻋﻠﻰ ﻣﻮﺍﺟﻬﺔ ﻣﺸﺎﻋﺮﻱ ..
ﺑﻌﺪﻫﺎ ﻃﻠﻌﺖ ﺍﻣﻲ ﻭﺗﺮﻛﺘﻨﻲ ﻭﺣﺪﻱ ... ﺑﻘﻴﺖ ﻟﻠﻈﻬﺮ ﺑﻐﺮﻓﺘﻲ ﺳﻤﻌﺖ ﺻﻮﺕ ﻫﻮﺳﺔ ﻭﻃﻠﻌﺖ ﻭﺷﻔﺖ ﺍﻣﻲ ﺗﻌﺒﺎﻧﺔ ﻛﻠﺶ ﻭﺑﺎﺑﺎ ﺩﻳﻮﺩﻳﻬﺎ ﻟﻠﻤﺴﺘﺸﻔﻰ ﺑﺲ ﺍﻧﻲ ﻣﺎﻟﻲ ﻋﻴﻦ ﺣﺘﻰ ﺍﺗﻘﺮﺏ ﻣﻨﻬﺎ ﻻﻥ ﺍﻧﻲ ﺍﻟﺴﺒﺐ ﺑﻜﻠﺸﻲ ﻫﻴﻪ ﺑﻲ ..
ﻋﺒﻴﺮ .. ﺭﺣﺖ ﻭﻳﺎ ﻣﺎﻣﺎ ﻟﻠﻤﺴﺘﺸﻔﻰ ﻻﻥ ﺯﻫﺮﺍﺀ ﻣﺮﻳﻀﺔ ﺑﺎﺑﺎ
ﻣﻘﺒﻞ ﻳﺎﺧﺬﻫﺎ ﻻ ﺗﺘﻌﺐ ﺍﻛﺜﺮ .. ﻭ ﺩﺧﻠﻮﻫﺎ ﻣﺴﺘﺸﻔﻰ
ﻭ ﺳﻜﺮﻫﺎ ﻛﻮﻟﺶ ﻣﺮﺗﻔﻊ ..
ﺑﺎﺑﺎ ﺳﺎﻟﻨﻲ ﻛﺎﻝ ﺷﺼﺎﺭ ﺷﺒﻴﻬﺎ ﺍﻣﺞ ﺍﻟﺼﺒﺢ ﻣﺎﺑﻴﻬﺎ ﺷﻲ ﺧﻮ ﻣﺎ ﺍﻧﺘﻦ ﺗﻌﺒﺘﻨﻬﺎ ؟
ﺍﻣﻲ ﺧﺰﺭﺗﻨﻲ ﺣﺘﻰ ﻣﺎﺍﺣﺠﻲ ..
ﻛﻠﺘﻠﻪ ﻣﺎﺍﺩﺭﻱ ﺑﺲ ﻫﻲ ﺍﻣﻲ ﺍﻟﺼﺒﺢ ﺗﺬﻛﺮﺕ ﻋﻠﻲ ﻭﻓﺪﻯ ﻭﻛﺎﻣﺖ ﺗﺒﺠﻲ ﻋﻠﻴﻬﻢ ..
ﺑﺎﺑﺎ ﺑﺎﻭﻉ ﻉ ﺍﻣﻲ ﻭﻛﺎﻟﻠﻬﺎ ﺃﻡ ﺯﻫﺮﺍﺀ ﺍﻧﺘﻲ ﺿﻮﺀ ﻋﻴﻮﻧﻲ
ﻭﺣﻖ ﺍﻟﻠﻪ ﺍﻋﺰﺝ ﺍﻛﺜﺮ ﻣﻨﻬﻦ ﻭﺍﺷﺮ ﻋﻠﻴﻪ ﻳﻌﻨﻲ ﻋﻠﻲ
ﻭﻓﺪﻯ ﻣﺎﺗﻮﺍ ﻣﻨﻘﻬﺮﺕ ﻋﻠﻴﻬﻢ ﻛﺪ ﻣﺎﺍﻧﻘﻬﺮﺕ ﻋﻠﻴﺞ
ﻣﻦ ﺷﻔﺘﺞ ﺍﻏﻤﻰ ﻋﻠﻴﺞ ﻟﻴﺶ ﺗﺄﺫﻳﻦ ﻧﻔﺴﺞ ﻭﺗﺄﺫﻳﻨﻲ ..
ﺍﻣﻲ ﻛﻠﺘﻠﻪ ﻣﺎﺑﻴﻪ ﺷﻲ ﻫﺴﻪ ﺍﺻﻴﺮ ﺯﻳﻨﻪ ﻭﺍﻭﻋﺪﻙ ﺍﻫﺘﻢ ﺑﻨﻔﺴﻲ ﻣﻨﺎ ﻭﺟﺎﻱ ..
ﻣﺎﻗﺒﻞ ﺍﻟﺪﻛﺘﻮﺭ ﻳﻄﻠﻌﻬﺎ ﻣﺤﺘﺎﺟﺔ ﻋﻨﺎﻳﺔ ﺑﻘﻴﺖ ﺍﻧﻲ ﻳﻤﻬﺎ ﺑﺎﻟﻠﻴﻞ ﺍﺟﺖ ﺧﺎﻟﺘﻲ ﺩﺗﺒﺎﺕ ﻳﻢ ﺍﻣﻲ ﻭﺑﺎﺑﺎ ﻳﺮﺟﻊ ﻳﻢ ﺯﻫﺮﺍﺀ ﻭﻣﺮﻳﻢ ..
ﺧﺎﻟﺘﻲ ﻛﻠﺘﻠﻪ ﺍﺧﺬ ﻋﺒﻮﺭﻩ ﻭﻳﺎﻙ ... ﺑﺲ ﺍﻧﻲ ﻣﻘﺒﻠﺖ
ﺷﻠﻮﻥ ﺍﻃﻠﻊ ﻭﺍﻣﻲ ﻫﻴﺞ ﺗﻌﺒﺎﻧﻪ ﻭﺍﺗﺮﻛﻬﺎ ﻋﺎﻧﺪﺕ ﻭﺑﻘﻴﺖ ﻳﻢ ﺃﻣﻲ ...
ﺍﻟﺼﺒﺢ ﺍﺟﺖ ﺯﻫﺮﺍﺀ ﻟﻠﻤﺴﺘﺸﻔﻰ ﺟﺎﺑﻬﺎ ﺑﺎﺑﺎ ﻭﻣﺮﻳﻢ ﺑﻘﺖ ﻳﻢ ﺑﻴﺖ ﻋﻤﻲ ، ﺯﻫﺮﺍﺀ ﺑﺲ ﺍﺟﺖ ﺷﻤﺮﺕ ﻧﻔﺴﻬﺎ ﻉ ﺍﻣﻲ ﻭﻛﺎﻣﺖ ﺗﺒﺠﻲ ﻭﺗﺒﻮﺱ ﺑﺄﻣﻲ ﻭﺗﻌﺘﺬﺭ ﺍﻣﻲ ﻣﺴﺤﺖ ﻉ ﺭﺍﺳﻬﺎ ﺑﺲ ﻣﺤﺠﺖ ..
ﺑﺎﺑﺎ ﻇﻞ ﻳﺒﺎﻭﻉ ﻣﺴﺘﻐﺮﺏ ﻛﺎﻝ ﺷﻜﻮ ﺯﻫﺮﺍﺀ ﻟﻴﺶ ﺗﻌﺘﺬﺭ؟
ﺭﻓﻌﺖ ﺭﺍﺳﻬﺎ ﺗﺒﺎﻭﻉ ﻭﻋﻴﻮﻧﻬﺎ ﺗﺠﺮﻱ ﺩﻣﻊ ﻭﺻﺎﻳﺮﺓ ﺣﻤﺮﺓ .. ﺟﺎﻥ ﺍﻧﻲ ﺍﻧﻂ ﻭﻛﻠﺘﻠﻪ ﻣﻮ ﻫﻲ ﺟﺎﺑﺖ ﺻﻮﺭ ﻓﺪﻯ ﻭﻋﻠﻲ ﻭﺷﻮﻓﺘﻬﻢ ﻟﻤﺎﻣﺎ ﻭﻫﺴﻪ ﺩﺗﺤﺲ ﺑﺎﻟﺬﻧﺐ ﺍﻛﻴﺪ ...
ﺑﻌﺪﻫﺎ ﺍﻟﺪﻛﺘﻮﺭ ﻛﺘﺐ ﻟﻤﺎﻣﺎ ﺧﺮﻭﺝ ﻭﻃﻠﻌﻨﺎ
ﺑﺲ ﻭﺻﻠﻨﺎ ﻟﻠﺒﻴﺖ ﺑﺎﺑﺎ ﻛﺎﻝ ﺍﻣﺸﻲ ﻋﺒﻴﻜﺔ ﻧﺴﻮﻱ ﺍﻛﻞ ﻭﻛﻌﺖ ﺑﺮﺍﺳﻨﺎ ﻣﻨﺎ ﺯﻫﻮﺭﺓ ﻣﺮﻳﻀﺔ ﻭﻣﻨﺎ ﺍﻣﺞ ﺍﻳﺪﻧﺎ ﻭﺭﺟﻠﻨﺎ ﻫﻢ ﺗﻌﺒﺎﻧﺔ ﻣﻈﻞ ﺑﺲ ﺍﺣﻨﺎ .. ﻭﺍﻧﺘﻲ ﻃﺒﺦ ﻃﻴﺐ ..
ﺣﺴﻴﺘﻪ ﺩﻳﺸﺠﻌﻨﻲ ﺣﺘﻰ ﺍﺳﺎﻋﺪﻩ ﺭﺣﺖ ﻭﻳﺎﻩ ﻛﻌﺪﻧﺎ ﻧﻄﺒﺦ
ﻫﻮ ﻳﺪﻭﺭ ﻉ ﺍﻟﺒﻬﺎﺭﺍﺕ ﻭﺃﻧﻲ ﺍﺩﻭﺭ ﻉ ﺍﻟﺠﺪﺍﺣﻪ ..
ﻛﺎﻝ ﻭﻟﺞ ﺍﻧﺘﻲ ﺻﺪﻙ ﻭﻟﺪ ﺷﻮ ﻛﻮﻟﺸﻲ ﻣﺘﻨﺪﻟﻴﻦ ؟
ﻛﻠﺘﻠﻪ : ﺷﻨﻮ ﻭﻟﺪ ﺑﺎﺑﺎ ﻫﺴﻪ ﻛﻠﺖ ﻃﺒﺨﺞ ﻃﻴﺐ ﻭﻫﺴﻪ
ﺳﻮﻳﺘﻨﻲ ﻭﻟﺪ؟
ﻛﺎﻝ ﺍﺗﺸﺎﻗﻪ ﺍﺗﺸﺎﻗﻪ ﺍﺳﺘﻤﺮﻱ ﺑﺎﻟﺒﺤﺚ ﻣﺒﻴﻦ ﻫﺎﻟﻴﻮﻡ ﺣﻠﻮ ﻣﻦ ﺑﺪﺍﻳﺘﻪ ﺑﺸﻐﻞ ﺍﻟﻨﺴﻮﺍﻥ ..
ﻛﻠﺘﻠﻪ ﺑﺲ ﺗﺪﺭﻱ ﻻﻳﻜﻠﻚ ..
ﻛﺎﻝ ﺷﻨﻮ ﻭﻟﺞ ؟
ﻛﻠﺘﻠﻪ ﻭﻛﻔﺘﻚ ﺑﺎﻟﻤﻄﺒﺦ ﻭﺍﻟﻠﻪ ﺣﻠﻮﺓ ﻭﺗﻀﺤﻚ
_ ﺗﻀﺤﻜﻴﻦ ﻋﻠﻰ ﺍﺑﻮﺝ ﻻﻥ ﻳﻄﺒﺦ ﻫﺎ ﻭﻟﺞ . ﻭﻛﺮﺻﻨﻲ ﺍﺑﺘﺴﻤﺖ .. ﻭﺳﺎﻋﺪﺗﻪ ﺑﺎﻟﻄﺒﺦ .. ﻭﻛﻞ ﺷﻮﻳﻪ ﻭﺍﺣﺪ ﻣﻦ ﻋﺪﻧﺎ ﻳﺘﺬﻭﻕ ﺍﻻﻛﻞ ﺧﺎﻑ ﻳﺨﺮﺏ ..
ﺿﺤﻜﺖ ﻛﻠﺘﻠﻪ ﻭﺍﻟﻠﻪ ﺑﺎﺑﺎ ﺣﻴﺨﻠﺺ ﺍﻻﻛﻞ
ﺑﺲ ﻉ ﺷﻐﻠﺔ ﺍﻟﺘﺬﻭﻕ ﻣﺎﻟﺘﻨﺎ ..
ﻛﺎﻝ ﺍﻱ ﻣﺒﻴﻦ ﻫﻴﺞ ﺍﻧﻲ ﺷﻠﻮﻥ ﻧﺴﻴﺖ ﺍﺟﻴﺐ ﺟﺎﻫﺰ
ﻛﻠﺘﻠﻪ ﺍﻟﺤﻆ ﻧﺴﺎﻙ ﺣﺘﻰ ﻧﺘﻮﺭﻁ ﺑﺸﻐﻞ ﺍﻟﻤﻄﺒﺦ ..
ﻛﻤﻠﻨﺎ ﻃﺒﺦ ﻭﺑﺎﺑﺎ ﺭﺍﺡ ﻳﺴﺒﺢ ﻭﺍﻧﻲ ﺻﺒﻴﺖ ﻟﻤﺎﻣﺎ
ﻃﻠﻊ ﺑﺎﺑﺎ ﺍﺧﺬ ﺍﻻﻛﻞ ﻭﺭﺍﺣﻠﻬﺎ ﻭﺍﻧﻲ ﺻﻌﺪﺕ ﻓﻮﻙ
ﺩﺍﺍﺭﻳﺪ ﺍﺳﺒﺢ ﺟﺎﻥ ﺍﻟﻜﻲ ﻣﺮﻳﻢ ﺍﻟﻐﻀﺐ ﺩﺍﻳﺮﺗﻪ
ﻉ ﺳﺒﻴﺴﺘﻮﻥ ﻭﺩﺗﺸﻮﻑ ﺗﻮﻡ ﻭﺟﻴﺮﻱ ﻛﻌﺪﺕ ﻭﻳﺎﻫﺎ
ﺍﺗﻔﺮﺝ ﻳﺎﺳﺒﺢ ﻳﺎﺑﻄﻴﺦ ﺣﺘﻰ ﻧﺴﻴﺖ ﺍﻛﻞ ﺍﺧﻴﺮ ﺷﻲ
ﺧﻠﺼﺖ ﻛﻠﺘﻠﻬﺎ ﺟﻴﺒﻲ ﻭﻟﺞ ﻧﺪﻳﺮ ﻉ ﺍﻻﻏﺎﻧﻲ ﻭﻧﻜﻤﻞ
ﺍﻟﺮﻛﺺ ﺍﻟﻲ ﻣﺮﻛﺼﻨﺎ ﺑﺤﻔﻠﺔ ﺻﻔﺎﺀ ......
ﻛﺎﻟﺖ ﺩﺭﻭﺣﻲ ﺍﺭﻳﺪ ﺍﺷﻮﻑ ﻛﺎﺭﺗﻮﻥ ..
ﻛﻠﺘﻠﻬﺎ ﺗﺠﻴﺒﻲ ﻻ ﺍﻛﻮﻣﻠﺞ ﻭﺍﻟﻠﻪ
ﻫﻲ ﺗﺨﺎﻑ ﻣﻨﻲ ﻛﻮﻟﺶ ﻭﺍﻧﻲ ﻣﻤﺼﺪﻛﻪ ﻋﺎﻳﺸﻪ ﺍﻟﻠﺤﻈﻪ ﺑﺮﺍﺳﻬﺎ ..
ﻛﺎﻟﺖ ﻋﺒﻮﺭﺓ ﺍﻧﻄﻴﺞ ﺍﻟﻒ ﻭﺍﻟﻠﻪ ﺑﺲ ﺍﺷﻮﻑ ﺷﻮﻳﻪ ..
ﻛﻠﺘﻠﻬﺎ ﻳﻼ ﺟﻴﺒﻲ ﺍﻻﻟﻒ ..
ﻛﺎﻣﺖ ﺟﺎﺑﺘﻪ ﻭﺑﺎﺳﺘﻨﻲ ﻭﻫﻲ ﺍﻟﻤﻤﻨﻮﻧﻪ ..
ﺗﺮﻛﺘﻬﺎ ﻭﺩﺧﻠﺖ ﺳﺒﺤﺖ ..
ﻭﻧﺰﻟﺖ ﺟﻮﺍ ﺻﺒﻴﺖ ﺍﻛﻞ ﺍﻟﻴﻪ ﻭﺍﻟﻬﺎ ﻻﻥ ﺍﻟﺠﻤﺎﻋﻪ ﺗﻐﺪﻭﺍ ﻭﻧﺎﻣﻮﺍ ﺷﻜﻠﻬﻢ ﻧﺴﻮﻧﺎ ﻫﺎﻱ ﻛﻞ ﻣﺘﺘﻤﺮﺽ ﺍﻣﻲ
ﻫﻴﺞ ﻧﺘﺸﺘﺖ ﻭﻳﻄﻴﺢ ﺣﻈﻨﺎ ..
.. ﺻﻌﺪﺕ ﻟﻜﻴﺘﻬﺎ ﻧﺎﻳﻤﻪ ﻭﺣﺎﺿﻨﻪ ﺩﺑﺪﻭﺑﻬﺎ ﻭﻫﻲ ﺩﺑﺪﻭﺑﻪ
ﻭﺗﺸﺒﻪ ﺃﻣﻲ ﻧﺴﺨﻪ ﻣﻨﻬﺎ ﺧﻠﻴﺖ ﺍﻳﺪﻱ ﺟﻮﺍ ﺭﺍﺳﻬﺎ
ﻭﺭﻓﻌﺘﻪ ﻭﺧﻠﻴﺘﻪ ﻉ ﺭﺟﻠﻲ ﻭﺑﺴﺘﻬﺎ ﻭﺣﻄﻴﺖ ﺍﻻﻟﻒ ﺑﻴﺪﻫﺎ ...
ﻛﻌﺪﺕ ﺍﺣﺠﻲ ﻭﻳﺎﻫﺎ ﻭﻫﻲ ﻧﺎﻳﻤﻪ ﻛﻠﺘﻠﻬﺎ ﻭﻟﺞ ﻣﺮﻳﻢ ﺍﻣﻲ ﻣﺮﻳﻀﻪ ﺍﺫﺍ ﻣﺎﺗﺖ ﺍﺣﻨﻪ ﺷﻠﻮﻥ ﺑﻴﻨﺎ ﻭﻳﻦ ﻧﻮﻟﻲ ﻫﻲ ﺑﺲ ﺗﺘﻤﺮﺽ ﺍﺣﻨﻪ ﻧﺘﺒﻬﺬﻝ ﺍﺩﻋﻲ ﻣﻦ ﺍﻟﻠﻪ ﺍﻧﺘﻲ ﻃﻔﻠﻪ ﻛﻮﻥ ﺍﻟﻠﻪ ﻳﺤﻔﻈﻬﺎ ﺍﻟﻨﺎ ...
ﺑﺲ ﺍﻧﻲ ﻟﺘﺨﺎﻓﻴﻦ ﻭﺍﻟﻠﻪ ﺍﺣﺒﺞ ﺻﺢ ﺍﺗﻌﺎﺭﻙ ﻭﻳﺎﺝ ﻭﺍﺿﻮﺟﺞ ﺍﻧﺘﻲ ﻭﺯﻫﺮﺍﺀ ﻻﻥ ﺍﺧﺎﻑ ﻋﻠﻴﻜﻢ ﺍﻧﻲ ﺣﺎﺳﺒﻪ ﻧﻔﺴﻲ ﻭﻟﺪ ﻭﺍﺥ ﺍﻟﻜﻢ ﺣﺘﻰ ﻣﺤﺪ ﻳﺄﺫﻳﻜﻢ .....
ﺟﺮﻳﺖ ﻣﺨﺪﻩ ﻭﺧﻠﻴﺘﻬﺎ ﺟﻮﺍ ﺭﺍﺳﻬﺎ ﻭﻏﻄﻴﺘﻬﺎ ﻭﻧﺰﻟﺖ ﻟﺰﻫﺮﺍﺀ ﻟﻜﻴﺖ ﺍﻟﻌﻴﻨﺘﻴﻦ ﺣﺎﻃﻪ ﺻﻮﺭﺓ ﺻﻔﺎﺀ ﻭﺗﻨﻮﺡ ﺍﻧﻲ ﺷﻔﺘﻬﺎ ﻭﺷﻴﺎﻃﻴﻦ ﺍﻟﺪﻧﻴﺎ ﻛﻠﻬﺎ ﺗﺮﺑﻌﺖ ﺑﺮﺍﺳﻲ ..
ﺭﺣﺖ ﻋﻠﻴﻬﺎ ﺟﺮﻳﺖ ﺍﻟﺼﻮﺭﺓ ﻛﻠﺘﻠﻬﺎ ﻭﻟﺞ ﺍﻧﺘﻲ ﺻﺪﻙ ﻭﺣﺪﻩ
ﻣﺘﺴﺘﺤﻴﻦ ﻭﺍﺩﺑﺴﺰ ﺍﻧﻲ ﺻﺢ ﺍﺻﻐﺮ ﻣﻨﺞ ﺑﺲ ﺍﻋﻘﻞ
ﻣﻨﺞ ﺑﻬﻮﺍﻱ ﺳﺨﻴﻔﻪ ﺣﺮﺍﻣﺎﺕ ﺍﻧﺘﻲ ﺍﺧﺘﻲ ﻭﻟﺞ ﺍﻣﻲ ﻭﺻﻠﺖ ﺍﻟﻤﻮﺕ ﻣﻦ ﻭﺭﺍﺝ ﻳﺎﺣﻘﻴﺮﺓ ﻭﺍﻧﺘﻲ ﻛﺎﻋﺪﻩ ﺗﺒﺎﻭﻋﻴﻦ ﺑﺼﻮﺭﺗﻪ ﻻﻋﺒﺎﻟﺞ ﻣﺎﺍﻋﺮﻑ ﻻ ﺣﺒﻴﺒﺘﻲ ﻛﻮﻟﺸﻲ ﺍﻋﺮﻑ ﺍﻧﺘﻲ ﺗﺤﺒﻴﻦ ﺻﻔﺎﺀ ﻭﺟﺮﻳﺘﻬﺎ ﻣﻦ ﻳﺎﺧﺘﻬﺎ ﻭﻛﻤﻠﺖ ﻛﻼﻣﻲ ﻭﻫﺬﺍ ﺻﻔﺎﺀ ﻧﻌﺎﻝ ﺍﺳﺮﺍﺀ ﻳﻔﻀﻠﻪ ﻋﻠﻴﺞ ﺍﺣﺘﺮﻣﻲ ﻧﻔﺴﺞ ﻭﺍﺛﻜﻠﻲ ﺣﻠﻮﺓ ﺍﻟﺒﻨﻴﺔ ﻣﻦ ﺗﺒﻴﻊ ﺛﻜﻞ ﻣﻦ ﻭﺭﺍﺝ ﺣﺘﻨﺰﻟﻴﻦ ﺭﺍﺱ ﺍﻣﻲ ﻭﺍﺑﻮﻳﻪ ...
ﻫﻴﻪ ﺑﺲ ﺻﺎﻓﻨﺔ ﺑﻮﺟﻬﻲ ﻭﻣﺘﻔﺎﺟﺄﺓ ..
ﺍﺟﻴﺖ ﺍﻃﻠﻊ ﺭﺟﻌﺖ ﺩﺭﺕ ﻭﺟﻬﻲ ﻋﻠﻴﻬﺎ
ﻛﻠﺘﻠﻬﺎ ﺍﺫﺍ ﺻﺎﺭ ﺷﻲ ﺑﻤﺎﻣﺎ ﻣﺤﺪ ﻳﺨﻠﺼﺞ ﻣﻨﻲ
ﻛﺎﻟﺖ ﺍﻧﺘﻲ ﻭﻟﺞ ﻣﻨﻮ ﻋﻠﻤﺞ ﻫﺬﺍ ﺍﻟﻜﻼﻡ ﺍﻟﻲ
ﺍﻛﺒﺮ ﻣﻦ ﺭﺍﺳﺞ ؟
ﻛﻠﺘﻠﻬﺎ ﺣﺒﻴﺒﺘﻲ ﻣﻦ ﺷﻔﺖ ﺍﺧﺘﻲ ﺍﻟﺠﺒﻴﺮﺓ ﻓﺎﺷﻠﺔ ﻗﺮﺭﺕ ﺍﺑﻨﻲ ﺷﺨﺼﻴﺘﻲ ﻭﻣﺎﺍﺻﻴﺮ ﻣﺜﻠﺞ ﻭﻣﻨﺎ ﻭﺟﺎﻱ ﻟﺘﺘﻮﻗﻌﻴﻦ ﻣﻨﻲ ﺍﺣﺘﺮﻣﺞ ﺍﻧﻲ ﺍﺣﺘﺮﻣﺞ ﻟﺨﺎﻃﺮ ﺍﻣﻲ ﻭﺍﺑﻮﻳﻪ ﻛﺪﺍﻣﻬﻢ ﺣﻌﺎﻣﻠﺞ ﺑﻜﻞ ﺍﺣﺘﺮﺍﻡ ﺗﺪﺭﻳﻦ ﻟﻴﺶ ﻣﻮ ﺍﺧﺪﻋﻬﻢ ﻻ ﺑﺲ ﺣﺘﻰ ﻣﻴﻜﻮﻟﻮﻥ ﻣﺎﻋﺮﻓﻨﺎ ﻧﺮﺑﻲ ﺻﺢ ...
ﺟﺮﻳﺖ ﺍﻟﺼﻮﺭﺓ ﻭﺷﻜﻴﺘﻬﺎ ﻭﺷﻤﺮﺗﻬﺎ ﻉ ﺭﺍﺳﻬﺎ ...
ﺗﻘﺮﺑﺖ ﻣﻨﻲ ﺭﺍﻓﻌﺔ ﺍﻳﺪﻫﺎ ﻭ ﺍﺟﺖ ﺗﻀﺮﺑﻨﻲ
ﻭﺟﺎﻥ ﻳﻨﻔﺘﺢ ﺍﻟﺒﺎﺏ ﻭﺩﺧﻠﺖ ﻣﺎﻣﺎ ...
ﻛﺎﻟﺖ ﻋﺒﻴﺮ ﻟﻴﺶ ﻫﻴﺞ ﻭﻳﺎ ﺍﺧﺘﺞ ﺍﻻﻛﺒﺮ ﻣﻨﺞ ؟
ﻛﻠﺘﻠﻬﺎ ﺍﻣﻲ ﺗﻌﺒﺖ ﺍﺣﻨﻪ ﻣﺎﻋﺪﻧﺎ ﻫﻴﺞ ﻋﻴﺎﺭﺓ ﺷﺨﺺ
ﻣﻴﺮﻳﺪﻫﺎ ﺷﻜﻮ ﻻﺯﻛﻪ ﺷﻨﻮ ﻣﻦ ﺷﺨﺼﻴﺔ ﻭﺷﻮﻓﻲ ﺍﻣﻲ ﺻﺢ ﺍﺣﺒﺞ ﻭﻧﻌﺎﻟﺞ ﺗﺎﺝ ﻉ ﺭﺍﺳﻲ ﺑﺲ ﺧﻠﻲ
ﺍﻛﻮﻟﺠﻴﺎﻫﺎ ﻫﺎﻱ ﺑﻨﺘﺞ ﺍﻧﺘﻲ ﻣﻌﺮﻓﺘﻲ ﺗﺮﺑﻴﻬﺎ ﺯﻳﻦ
ﻋﻴﺪﻱ ﺗﺮﺑﻴﺘﺞ ﺑﻴﻬﺎ ..
ﺑﻌﺪﻧﻲ ﺩﺍﺍﺣﺠﻲ ﺟﺎﻥ ﻣﺎﻣﺎ ﺿﺮﺑﺘﻨﻲ ﺭﺍﺷﺪﻱ ﺍﺟﺖ ﺍﻳﺪﻫﺎ ﻋﻠﻰ ﺍﺫﻧﻲ ﻭﺍﻟﺘﺮﺟﻴﺔ ﻣﻦ ﻗﻮﺗﻪ ﺍﺫﻧﻲ ﻃﻠﻊ ﻣﻨﻬﺎ ﺩﻡ ...
ﻛﺎﻟﺘﻠﻲ ﺳﺨﻴﻔﻪ ﺩﺗﺤﺠﻴﻦ ﻋﺪﻝ ﻭﻓﺮﺣﺎﻧﻪ ﺑﻴﺞ ﻭﺍﻛﻮﻝ ﻋﻨﺪﻱ ﺑﻨﻴﺔ ﺑﺄﻟﻒ ﺭﺟﺎﻝ ﺑﺲ ﺗﻮﻛﻔﻴﻦ ﺑﻮﺟﻬﻲ ﻭﺗﻜﻮﻟﻴﻠﻲ
ﻣﻌﺮﻓﺘﻲ ﺗﺮﺑﻴﻦ ﺍﺩﻭﺱ ﻉ ﺭﺍﺳﺞ ﺑﻨﻌﺎﻟﻲ ﻫﺴﻪ ﻭﺍﻟﻠﻪ
ﻭﻟﺞ ﺍﻧﻲ ﺍﻋﺎﻣﻞ ﺍﺧﺘﺞ ﺑﻬﺪﻭﺀ ﻻﻥ ﺍﻋﺮﻓﻬﺎ ﻣﺎﺑﻴﻬﺎ
ﺧﻴﺮ ﺧﺎﻑ ﺍﺫﻳﻬﺎ ﻭﺗﺴﻮﻱ ﺷﻲ ﺑﻨﻔﺴﻬﺎ ﻭﺗﻔﻀﺤﻨﻲ
ﺑﺲ ﺍﻧﺘﻲ ﻣﻦ ﺍﻗﺴﻲ ﻋﻠﻴﺞ ﺍﻋﺮﻓﺞ ﺳﺒﺎﻋﻴﺔ ﻣﺘﻬﺘﻤﻴﻦ
ﻭﻗﺴﻮﺗﻲ ﺍﻟﺞ ﺗﺰﻳﺪﺝ ﻗﻮﺓ ﺑﺲ ﻣﻮ ﻣﻌﻨﺎﻫﺎ ﺗﻘﻠﻠﻴﻦ
ﺍﺩﺏ ﻭﻳﺎﻳﻪ ... ﻛﻮﻣﻲ ﺍﻃﻠﻌﻲ ﺑﺮﺍ ..
ﻛﻠﺘﻠﻬﺎ ﺍﻱ ﺣﻄﻠﻊ ﺑﺲ ﺑﻨﺘﺞ ﺭﺑﻴﻬﺎ ﻋﺪﻝ ﺗﺮﻯ ﻭﺍﻟﻠﻪ ﺍﻧﻲ ﺑﺲ ﺗﺘﺨﺮﺑﻄﻴﻦ ﺑﻌﺪ ﺍﻛﻮﻝ ﻟﺒﺎﺑﺎ ﻭﺣﺘﻰ ﺻﻔﺎﺀ ﺍﻭﺻﻠﻬﺎ ﺍﻟﻪ ﺍﻛﻮﻟﻪ ﺑﻨﺖ ﻋﻤﻚ ﺗﺤﺒﻚ ﺑﻌﺪ ﻟﺘﺠﻲ ﻟﺒﻴﺘﻨﺎ ﺣﺘﻰ ﻣﺘﺸﻮﻓﻚ ﺟﻮﻟﻴﺖ ﻭﺗﻨﻬﺎﺭ ..
ﻣﺎﻣﺎ ﺧﺰﺭﺗﻨﻲ ﺧﺰﺭﺓ ﺗﺨﻮﻑ ﻋﺮﻓﺖ ﺭﺍﺡ ﻳﺠﻴﻨﻲ ﺍﻟﺜﺎﻧﻲ ... ﺗﺮﻛﺘﻬﻢ ﻭﻃﻠﻌﺖ
ﻭﺍﺳﻤﻊ ﻣﺎﻣﺎ ﺗﻌﻴﻂ ﻋﻠﻰ ﺯﻫﺮﺍﺀ ﻭﻻ ﻧﺰﻟﺖ ﻭﻻ ﺍﻫﺘﻤﻴﺖ ﻛﻠﺖ ﺷﻴﺼﻴﺮ ﺧﻠﻲ ﻳﺼﻴﺮ ﺻﻌﺪﺕ ﻟﻜﻴﺖ ﻣﺮﻳﻢ ﺗﺒﺠﻲ ....
ﻛﻠﺘﻠﻬﺎ ﺷﻜﻮ ﺑﺲ ﺍﺳﻤﻌﻠﺞ ﻧﻔﺲ ﺍﺟﺮﺝ ﻣﻦ ﺷﻌﺮﺝ ﻭﺍﻟﻠﻪ ...
ﻫﻲ ﺧﺎﻓﺖ ﺍﻧﻲ ﺧﺰﺭﺗﻬﺎ ...
ﻛﺎﻟﺖ ﻋﺒﻴﺮ ﺑﺲ ﺍﻛﻮﻟﺞ ﺷﻲ ﺍﻧﻲ ﻣﺎﺍﺧﺬﺗﻪ ﻫﻮ ﺍﺟﻪ ﻳﻤﻲ ...
ﺻﻔﻨﺖ ﻋﻠﻴﻬﺎ ﺷﻨﻮ ﻣﺎﺍﺧﺬﺗﻪ ﺷﻨﻮ ﺍﺟﻪ ﻳﻤﻲ ﺷﺒﻴﻬﺎ ﻫﺎﻱ ﺍﻫﻠﻲ ﺷﺒﻴﻬﻢ؟
ﻛﻠﺘﻠﻬﺎ ﺷﻨﻮ ؟
ﻛﺎﻟﺖ ﺑﺲ ﻣﻮ ﺗﻀﺮﺑﻴﻨﻲ
ﻛﻠﺘﻠﻬﺎ ﻻ ﺍﺣﺠﻲ
ﻛﺎﻟﺖ ﺍﻧﻲ ﻣﻮ ﺍﻧﻄﻴﺘﺞ ﺍﻟﻒ؟
ﻛﻠﺘﻠﻬﺎ ﺍﻱ ﺻﺢ
ﻛﺎﻟﺖ ﺍﻧﻲ ﻧﺎﻳﻤﻪ ﻭﻛﻌﺪﺕ ﺷﻮ ﻟﻜﻴﺘﻪ ﺭﺍﺟﻊ ﺑﻴﺪﻱ ﻳﺼﻴﺮ ﻫﻮ ﺭﺟﻊ ﻣﻦ ﺣﺎﻟﻪ ﻻﻥ ﻋﺮﻑ ﺍﻧﻲ ﺍﻣﻪ ؟
ﻫﻲ ﺣﺠﺖ ﻫﻴﺞ ﻭﺍﻧﻲ ﻭﻛﻌﺖ ﺑﺎﻟﻜﺎﻉ ﻣﻦ ﺍﻟﻀﺤﻚ
ﻛﻠﺘﻠﻬﺎ ﻭﻟﺞ ﻣﺘﺪﺭﻳﻦ ﺍﻧﺘﻲ ﺍﻟﺒﻨﻚ ﺍﻟﻤﺮﻛﺰﻱ ﻭﺻﺮﺗﻲ ﺍﻣﻪ ﻭﻟﺞ ﻫﻮ ﺍﻟﻒ ﻣﻠﺰﻭﻙ ﺑﻤﻴﺔ ﻧﻌﺎﻝ ..
ﻛﺎﻟﺖ ﺍﻱ ﻋﻔﻴﻪ ﻫﺎﺟﻴﺎ ﺑﺲ ﻟﺘﻀﺮﺑﻴﻨﻲ ..
ﻛﻠﺘﻠﻬﺎ ﺩﺭﻭﺣﻲ ﻫﻮ ﺍﻧﻲ ﺍﻧﻄﺘﺠﻴﺎ ﻣﻦ ﻧﻤﺘﻲ
ﺟﻨﺖ ﺍﺿﺤﻚ ﻋﻠﻴﺞ ﻭﺍﺧﺬﺗﻪ
ﻛﺎﻟﺖ ﺯﻳﻦ ﻫﺴﻪ
ﺍﻧﻲ ﺟﻮﻋﺎﻧﻪ ﺷﻮﻛﺖ ﻧﺎﻛﻞ ؟
ﻛﻠﺘﻠﻬﺎ ﻣﻮ ﺳﻮﻳﺘﻠﺞ ﺍﻛﻞ ﻭﺍﻧﺘﻲ ﻧﺎﻳﻤﻪ ...
ﻛﺎﻟﺖ ﺍﻱ ﺑﺲ ﻫﺴﻪ ﺟﻮﻋﺎﻧﻪ ..
_ ﺗﻌﺎﻟﻲ ﻧﻨﺰﻝ ﺍﺳﻮﻳﻠﺞ ﺍﻛﻞ ..
_ ﻭﺍﻧﺘﻲ ﻣﺘﺎﻛﻠﻴﻦ ﻭﻳﺎﻳﻪ ؟
_ ﺍﻭﻭﻭ ﻣﺎﺍﺭﻳﺪ ﺳﻢ ..
_ ﻟﻌﺪ ﻣﺎﺍﺭﻳﺪ ﺍﻧﻲ ﻫﻤﻴﻦ ..
ﺍﺭﻳﺪ ﺍﺟﺎﻭﺑﻬﺎ ﻇﻠﺖ ﺗﺼﺮﺥ ﺩﻡ ﺩﻡ ﺩﻡ ..
ﻛﻤﺰﺕ ﻛﺘﻠﻬﺎ ﺷﻨﻮ؟؟ ﻭﻳﻦ ؟؟
ﻇﻠﺖ ﺗﺄﺷﺮ ﻳﻢ ﺍﺫﻧﺞ ﺩﻡ ..
ﻟﺰﻣﺖ ﺍﺫﻧﻲ ﻧﺴﻴﺖ ﻫﻲ ﻃﻠﻌﺖ ﺩﻡ ..
ﻛﻠﺘﻠﻬﺎ ﺍﻱ ﻣﻦ ﺍﻟﺘﺮﺍﺟﻲ ﻫﺴﻪ ﺍﻧﺰﻋﻬﻢ ..
ﻛﻤﺖ ﻧﺰﻋﺖ ﺍﻟﺘﺮﺍﺟﻲ ﻭ ﻧﻈﻔﺖ ﺍﺫﻧﻲ
ﻭﻧﺰﻟﻨﺎ ﺟﻮﺓ ﺩﻧﺘﻐﺪﻩ .. ﺩﺧﻠﺖ ﻣﺎﻣﺎ ﻟﻠﻤﻄﺒﺦ ﺑﺎﻭﻋﺘﻠﻲ ﺑﺨﺰﺭﺓ ﻭﺭﺍﻫﺎ ﻓﺎﺗﺖ ﺯﻫﺮﺍﺀ ..
ﻣﺎﻣﺎ : ﻛﻮﻣﻲ ﺍﻋﺘﺬﺭﻱ ﻣﻦ ﺍﺧﺘﺞ ﻳﻠﻪ ﺍﺷﻮ ﻛﺪﺍﻣﻲ ..
ﻛﻠﺘﻠﻬﺎ ﻣﻨﻮ؟ ﺗﻘﺼﺪﻳﻦ ﻋﻠﻴﻪ ؟
ﻛﺎﻟﺖ ﻟﻴﺶ ﺍﻛﻮ ﻏﻴﺮﺝ ؟
ﻛﻠﺘﻠﻬﺎ ﺑﺲ ﺍﻧﻲ ﻣﺴﻮﻳﺖ ﺷﻲ
ﻛﺎﻟﺖ ﺩﺍﺍﻛﻮﻟﺞ ﻛﻮﻭﻭﻣﻲ ﻟﺘﺨﻠﻴﻨﻲ ﺍﺗﺼﺮﻑ ﻏﻴﺮ ﺗﺼﺮﻑ ﻭﻳﺎﺝ ..
ﻛﻤﺖ ﺟﺎﻱ ﺍﻋﺘﺬﺭ ﻣﻦ ﺯﻫﺮﺍﺀ ﺑﺴﺘﻬﺎ ﻭﻛﻌﺪﺕ
ﺍﻣﻲ ﻛﺎﻟﺖ ﺷﻮ ﻣﺴﻤﻌﺖ ﻛﻠﻤﺔ ﺍﺳﻔﻪ
ﻛﻠﺘﻠﻬﺎ ﺑﻮﺳﺔ ﻣﻌﻨﺎﻫﺎ ﺍﺳﻔﻪ ..
ﻛﺎﻟﺖ ﻛﻮﻟﻲ ﺍﺳﻔﻪ ﻛﻠﺘﻠﻬﺎ ﻭﻏﺼﻴﺖ ﺑﺎﻟﻠﻜﻤﺔ ﺣﺴﻴﺖ ﺍﻣﻲ ﻫﺎﻧﺘﻨﻲ ﻭﺯﻫﺮﺍﺀ ﺭﺍﺣﺖ ..
ﻛﺎﻣﺖ ﺍﻣﻲ ﺣﻀﻨﺘﻨﻲ ..
ﻛﺎﻟﺖ ﻭﻟﺞ ﺍﻧﺘﻲ ﺍﺣﺒﺞ ﻭﺍﻛﻮﻝ ﺳﺒﺎﻋﻴﺔ ﺑﺲ ﻣﻮ ﺗﻮﺻﻞ ﻟﺪﺭﺟﺔ ﺗﻘﻠﻠﻴﻦ ﻣﻨﻲ ﻟﻴﺶ ﺗﺠﺒﺮﻳﻨﻲ ﺍﺍﺫﻳﺞ ..
ﻛﻠﺘﻠﻬﺎ ﻭﺍﻧﺘﻲ ﻟﻴﺶ ﻣﺎﺍﺫﻳﺘﻨﻲ ﻣﻮ ﻃﻠﻌﺘﻲ ﺩﻣﻲ
ﺍﺟﺖ ﺩﺗﻠﺰﻡ ﺍﺫﻧﻲ ﺑﻌﺪﺕ ﺭﺍﺳﻲ ﻋﻨﻬﺎ
ﻛﺎﻟﺖ ﺑﻜﻴﻔﺞ ﻣﺎﻣﺎ ﺑﻜﻴﻔﺞ ﻭﺭﺍﺣﺖ ..
ﺍﻣﺘﺤﻨﺎ ﺍﺧﺮ ﺍﻟﺴﻨﺔ ﻭﺑﺎﺑﺎ ﻛﻤﻞ ﺗﺮﻣﻴﻢ ﺍﻟﺒﻴﺖ ﺍﻟﺠﺪﻳﺪ ﺍﻟﻲ ﻳﻢ ﺑﻴﺖ ﻋﻤﻮ ﺍﺑﻮ ﺻﻔﺎﺀ .. ﺑﺎﺑﺎ ﻛﺎﻝ ﺍﻧﻲ ﺭﺍﻳﺢ ﺍﺷﻮﻑ ﺷﻨﻮ ﻧﺎﻗﺺ ﺑﻌﺪ ﻭﺍﻧﺘﻮﺍ ﻓﺮﻏﻮ ﺍﻟﻤﻜﺘﺒﺔ ﻣﻦ ﺍﻟﻜﺘﺐ ﻭﺧﻠﻮﻫﻦ ﺑﺎﻟﻜﺮﺍﺗﻴﻦ ﻭﺩﻳﺮﻭ ﺑﺎﻟﻜﻢ ﻋﻠﻴﻬﻢ ﻛﻠﺶ ﺯﻳﻦ ...
ﻃﻠﻊ ﺑﺎﺑﺎ ﻭﺍﺣﻨﻪ ﻛﺒﻞ ﻟﻠﻤﻜﺘﺐ ﻇﻠﻴﻨﻪ ﻧﻄﻠﻊ ﺍﻟﻜﺘﺐ ﻭﻧﺨﻠﻴﻬﻦ ﺑﺎﻟﻜﺮﺍﺗﻴﻦ ﺍﻛﻮ ﺑﻮﻓﻴﻪ ﻭﺑﻴﻬﺎ ﺩﻭﺍﻟﻴﺐ ﻫﻢ ﺩﻧﻔﺮﻏﻬﺎ ﺣﺘﻰ ﻧﻔﺘﺤﻬﺎ ﻭﻧﻨﻘﻠﻬﺎ ﻟﻠﺒﻴﺖ ﺍﻟﺠﺪﻳﺪ .. ﻓﺘﺤﺖ ﻣﺎﻣﺎ ﻭﺣﺪﺓ ﻣﻦ ﺍﻟﺪﻭﺍﻟﻴﺐ ﻭﻃﻠﻌﺖ ﻣﻨﻬﺎ ﺍﻏﺮﺍﺽ ﻭﺟﺎﻥ ﺗﻮﻛﻊ ﻭﻳﺎ ﺍﻻﻏﺮﺍﺽ ﻣﻼﺑﺲ ﺩﺍﺧﻠﻴﺔ ..
ﻇﻠﺖ ﺗﻘﻠﺐ ﺑﻴﻬﻦ ﻣﺎﻣﺎ ﺑﺼﺪﻣﺔ ، ﺻﺎﺣﺖ ﺯﻫﺮﺍﺀ ﻫﺎﻱ ﺍﻟﺞ ﺷﻴﺴﻮﻭﻥ ﻫﻨﺎ ؟
ﺗﻘﺪﻣﺖ ﻣﻨﻬﺎ ﺯﻫﺮﺍﺀ ﻛﻢ ﺧﻄﻮﺓ ﺑﺎﻭﻋﺖ ﻋﻠﻴﻬﻦ ﺑﺮﻓﺾ ﻛﺎﻟﺖ ﻻ ﻻ ﻣﺎﻣﺎ ﻗﺎﺑﻞ ﻟﻴﺶ ﺍﺧﻠﻴﻬﻢ ﻫﻨﺎ ﻣﺜﻼ ﻭﺑﻌﺪﻳﻦ ﻫﺬﺍ ﺣﺠﻢ ﻛﺒﻴﺮ ﻣﻮ ﺍﻟﺴﺎﻳﺰ ﻣﺎﻟﺘﻲ ..
ﺍﻣﻲ ﻟﻄﻤﺖ ﻭﺟﻬﻬﺎ ﻭﻛﺎﻟﺖ ﻳﺎ ﻋﺰﺍ ﺧﺎﻑ ﺧﺎﻑ ﻫﺎﻱ ﺍﻟﻤﻼﺑﺲ ﻟﻬﺒﺔ ﺑﻨﺖ ﺍﻡ ﺣﺴﻴﻦ ، ﻭﻟﺞ ﻋﺒﻴﺮ ﺍﻧﻄﻴﻨﻲ ﺗﻠﻴﻔﻮﻧﻲ ﺑﺴﺮﻋﺔ ..
ﺭﻛﻀﺖ ﺟﺒﺖ ﺗﻠﻴﻔﻮﻧﻬﺎ ﺟﺎﻥ ﻛﺘﻜﺎﺕ ﺍﺳﻤﻪ ﺟﺎﻧﻦ ﺍﻟﺘﻠﻴﻔﻮﻧﺎﺕ ﺍﻧﺘﺸﺮﻥ ﻗﺒﻞ ﺑﻮﻗﺖ ..
ﺍﻧﻄﻴﺘﻬﺎ ﺍﻟﻔﻮﻥ ﺍﺧﺬﺗﻪ ﻣﻨﻲ ﺑﺴﺮﻋﺔ
ﺧﺎﺑﺮﺕ ﺑﺎﺑﺎ ﻭﻇﻠﺖ ﺗﻌﻴﻂ
ﻛﻠﺘﻠﻪ ﻫﺴﻪ ﺗﺠﻲ ﻟﻠﺒﻴﺖ ﺗﺮﻯ ﻭﺣﻖ ﺍﻟﻠﻪ ﻣﺘﻠﻜﺎﻧﻲ ﺑﻲ ﺍﺧﺬ ﺑﻨﺎﺗﻲ ﻭﺍﻃﻠﻊ ..
ﻣﺎﺍﻋﺮﻑ ﺷﻨﻮ ﺟﺎﻭﺑﻬﺎ ﻫﻮ .. ﺑﺲ ﻫﻴﻪ ﺑﺴﺮﻋﺔ ﻋﻴﻄﺖ ﻣﺮﺓ ﺛﺎﻧﻴﺔ ﺑﺎﻧﻔﺎﺱ ﻣﺘﻬﺎﻟﻜﺔ ..
ﺻﺎﺣﺖ ﻣﻼﺑﺲ ﺩﺍﺧﻠﻴﺔ ﺳﻮﺩﺓ ﻭﻗﺬﺭﺓ ﻭﻋﻠﻴﻬﺎ ﺍﺛﺎﺭ ﻣﻤﺎﺭﺳﺔ ﺷﻴﺴﻮﻭﻥ ﺑﺒﻴﺘﻲ ﻭﺑﻐﺮﻓﺔ ﺍﻟﻤﻜﺘﺐ ﻫﺎﺍ ؟؟
ﻳﺘﺒﻊ ..
ﻛﻠﺶ ﺍﻋﺘﺬﺭ ﻉ ﺗﺄﺧﻴﺮ 😔 ﻫﻮﺍﻱ ﺻﺎﺭﺕ ﺍﻋﺘﺬﺍﺭﺍﺕ ﺍﻋﺮﻑ ﺑﺲ ﻋﻨﺪﻱ ﺷﻌﻨﻮﻧﺔ ﺻﻐﻴﺮﺓ ﺗﺎﺧﺬ ﺗﻠﻴﻔﻮﻧﻲ ﻭﺗﺸﻮﻑ ﻉ ﻳﻮﺗﻴﻮﺏ ﻭﺟﻮﻳﺴﻢ ﻣﻜﻴﻒ ﻉ ﺍﻟﻮﺿﻌﻴﺔ ﻭﻣﻴﻘﺒﻞ ﻳﺠﻴﺒﻠﻬﺎ ﺍﻳﺒﺎﺩ ﻳﻜﻮﻝ ﺍﺣﺴﻦ ﻧﻬﺎﺭ ﻛﻠﻪ ﻋﻴﻮﻧﺞ ﺑﺎﻟﺘﻠﻴﻔﻮﻥ
