#شريعة_العشق
نورا ناصر
#بارت٦٤
ﻧﻌﻢ ؟ ﺣﺠﻴﺖ ﻫﻴﺞ ﻭﺩﺭﺗﻠﻪ ﻇﻬﺮﻱ ، ﻣﺎ ﺍﺭﻳﺪ ﻣﻼﻣﺤﻲ ﺗﻔﻀﺢ ﺣﺎﺟﺘﻲ ﺍﻟﻪ ﻭﺻﺮﺕ ﻣﺤﺘﺎﺭﺓ ﺑﻴﻦ ﺷﻌﻮﺭﻳﻦ ﻣﺤﺘﺎﺭﺓ ﺑﻴﻦ ﺇﻱ ﻭﺑﻴﻦ ୪ ، ﺟﺮﺡ ﻏﺎﺋﺮ ﺑﻌﺪﻩ ﺑﺪﺍﺧﻠﻲ ﻣﺤﺘﺎﺝ ﻛﻞ ﺧﻴﻮﻁ ﺍﻟﻜﻮﻥ ﻟﺘﻘﻄﻴﺒﻪ ﻭﻫﻢ ﻣﻴﺘﺨﻴﻂ ﻣﺴﺘﺤﻴﻞ
ﻟﺴﻪ ﺍﺣﺲ ﻣﺠﺮﻭﺣﺔ ﻣﻨﻪ ، ﺭﻏﻢ ﺩﺍﺍﺷﻮﻓﻪ ﺷﻠﻮﻥ ﻳﻌﺎﻧﻲ
ﻭﺷﻠﻮﻥ ﺗﻌﺒﺎﻥ ﻭﻣﺘﻬﺎﻟﻚ ﺑﺲ ﻛﺴﺮﺗﻲ ﺑﺎﻟﺮﻭﺡ ﻣﺎﺗﻨﺠﺒﺮ ﻭﻻ ﺑﺴﻬﻮﻟﺔ ﺍﺳﺘﺴﻠﻢ ﻭﺍﺷﻤﺮ ﻧﻔﺴﻲ ﺑﺤﻀﻨﻪ .
ﺣﺴﻴﺖ ﺑﺨﻄﻮﺍﺗﻪ ﻳﺘﻘﺪﻡ ﺑﺎﺗﺠﺎﻫﻲ ، ﺗﻤﻠﻜﺘﻨﻲ ﺭﻋﺸﺔ ﺑﻜﻞ ﺟﺴﻤﻲ ، ﺍﻳﺪﻩ ﺣﺴﻴﺘﻬﺎ ﻗﻴﺪ ﺯﻧﺪﻱ ﺑﻴﻬﺎ ﻭﺩﺍﺭﻧﻲ ﻋﻠﻴﻪ ﺑﻘﻮﺓ ﻣﺘﻬﺎﻟﻜﺔ .
ﺑﺎﻭﻋﺖ ﺑﻌﻴﻮﻧﻪ ﺧﺰﺭﺗﻪ ، ﺳﺤﺒﻨﻲ ﺍﻟﻪ ، ﻃﺨﻴﺖ ﺑﻲ .
ﺣﺎﻭﻟﺖ ﺍﺗﻤﻠﺺ ﻣﻨﻪ ، ﺗﺮﻙ ﺍﺩﻳﻪ ﺣﻮﻁ ﺧﺼﺮﻱ .
ﻣﺪ ﺭﺍﺳﻪ ﺑﺮﻗﺒﺘﻲ ﻳﺸﺘﻤﻨﻲ ، ﻏﻤﻀﺖ ﻋﻴﻮﻧﻲ ﻟﺤﻈﺎﺕ
ﻭﺑﻠﻌﺖ ﺭﻳﻜﻲ ﻳﻐﺮﺯ ﺍﺻﺎﺑﻌﻪ ﺑﺒﺸﺮﺗﻲ ﻭﻳﺘﻼﻋﺐ ﺑﻌﻮﺍﻃﻔﻲ ﻛﺮﻫﺖ ﻧﻔﺴﻲ ﻻﻥ ﻣﺎﺍﻛﺪﺭ ﺍﺳﻴﻄﺮ ﻋﻠﻴﻬﺎ .
ﺭﻓﻊ ﺭﺍﺳﻪ ﺑﺎﻭﻋﻠﻲ ﻭﻫﻤﺲ ﺑﻬﻴﺎﻡ ؛ ﺍﺣﺴﺞ ﺗﻨﺒﻀﻴﻦ ﺑﺎﻟﺤﻴﺎﺓ ﻟﻤﻦ ﺍﻗﺘﺮﺏ ﻣﻨﺞ .
ﺍﺑﺘﺴﻤﺖ ﺑﺴﺨﺮﻳﺔ ﻭﻧﻈﺮﺍﺗﻲ ﺗﺘﺠﻮﻝ ﻋﻠﻰ ﻭﺟﻬﻪ
ﻭﺍﺭﺩﻓﺖ ﺑﻨﻔﺲ ﺍﻟﻨﺒﺮﺓ : ﻫﺎﻱ ﻗﺒﻞ ﻫﺴﻪ ﺍﻟﻲ ﻛﺪﺍﻣﻚ ﻣﻮ ﺯﻫﺮﺍﺀ ﺍﻟﻘﺪﻳﻤﺔ ﺍﻟﻀﻌﻴﻔﺔ ﺍﻟﻲ ﺗﻐﻠﻂ ﻭﺗﺮﺟﻌﻠﻚ ﺷﻮﻛﺖ ﺗﺤﺲ ﺍﻧﻲ ﻫﻨﺎ ﻋﻤﻮﺩ ﺍﺑﻨﻲ ﻭﺑﺲ .
ﺣﺠﻴﺖ ﻫﻴﺞ ﻭﺍﻧﻲ ﺍﺣﺎﻭﻝ ﺍﺗﻤﻠﺺ ﻣﻨﻪ ﻭﻫﻮ ﻳﺸﺪﺩ ﻗﺒﻀﺘﻪ ﻋﻠﻴﻪ ﻭﺍﺭﺟﻊ ﺍﺗﻤﻠﺺ ﻣﻨﻪ ، ﺍﺧﻠﻲ ﺍﺩﻳﻪ ﻋﻠﻰ ﺻﺪﺭﻩ ﻭﻳﺮﺟﻊ ﻳﺴﺤﺒﻨﻲ ﺍﻟﻪ ، ﺭﺟﻊ ﺧﻼﻧﻲ ﻉ ﺻﺪﺭﻩ ﻭﻳﻬﻤﺲ ﺑﺄﺫﻧﻲ ﺯﻫﺮﺍﺀ ﺳﺎﻣﺤﻴﻨﻲ ﺍﺣﺒﺞ ﻭﺍﻟﻠﻪ ﻣﺎﺍﻋﺮﻑ ﺟﻨﺖ ﻣﻐﻴﺐ ﺑﻐﻴﺮ ﻋﺎﻟﻢ ﻣﻮ ﺣﺎﺳﺲ ﺑﻨﻔﺴﻲ .
ﺗﻼﺷﻰ ﺻﻮﺗﻪ ﻋﻦ ﺍﺳﻤﺎﻋﻲ ﻏﻤﻀﺖ ﻋﻴﻮﻧﻲ ﺑﻴﻨﻲ ﻭﺑﻴﻦ ﺍﻻﺳﺘﺴﻼﻡ ﺍﻟﻪ ﺷﻌﺮﺓ ﻭﺗﺨﻴﻠﺘﻪ ﻭﻱ ﺍﺳﺮﺍﺀ ﻳﺘﻐﺰﻝ ﺑﻴﻬﺎ ﻳﻬﻤﺲ ﺍﻟﻬﺎ ﺑﻨﻔﺲ ﺍﻟﻜﻼﻡ ﺍﻟﻲ ﺟﺎﻥ ﻳﺴﻤﻌﻪ ﺍﻟﻴﻪ
ﻳﺤﻀﻨﻬﺎ ﻭﻳﺨﻠﻴﻬﺎ ﻋﻠﻰ ﺻﺪﺭﻩ ، ﺻﻮﺕ ﺻﺪﺡ ﺑﺪﺍﺧﻠﻲ ﺍﻧﺘﻪ ﻣﻮﻭﻭ ﺇﻟﻴﻪ ﻫﺴﻪ ﻣﻮﻭﻭ ﺍﻟﻴﻪ .
ﺩﻓﻌﺘﻪ ﺣﻴﻞ ﺑﺎﻭﻋﻠﻲ ﺧﺰﺭﻧﻲ : ﺷﺒﻴﻴﻴﻴﺞ !!!!!!
ﺩﻓﻌﺘﻪ ﺑﻘﻮﻭﻭﻭﻩ ﺍﻛﺒﺮ ﻭﺍﻧﻲ ﺍﺣﺲ ﻣﻨﻬﺎﺭﺭﺭﺓ ..
ﻭﻫﻮ ﻣﺎﺑﻲ ﺣﻴﻞ ﻭﻻ ﻗﻮﺓ ﻟﺰﻡ ﺑﺎﻟﺘﻮﺭ ﻣﺎﻝ ﺍﻟﻤﻴﺰ
ﻭﻛﻌﺖ ﻣﻨﻪ ﺍﻟﻌﻄﻮﺭﺍﺕ ﻉ ﺍﻻﺭﺽ ﻭﺍﻧﻤﻠﺖ ﻛﺰﺍﺯ
ﺧﻠﻴﺖ ﺍﺩﻳﻪ ﻋﻠﻰ ﺣﻠﮕﻲ ﻭﺩﺭﺕ ﻋﻠﻰ ﻫﻤﺎﻡ ﻻ ﻳﮕﻌﺪ
ﺑﺴﺒﺐ ﺍﻟﻀﺠﺔ ، ﻭﺍﺳﻤﻊ ﺻﻮﺕ ﺻﻔﺎﺀ ﻋﺎﻁ ﻣﺘﺄﻟﻢ .
ﺑﺎﻭﻋﺘﻠﻪ ﺭﺟﻠﻪ ﻛﻠﻬﺎ ﺩﻡ ﻋﻄﺖ ﻋﺰﺍﺍﺍ ﺻﻔﺎﺍﺍﺀ ﻭﺭﺣﺖ ﻛﻨﺒﺼﺖ ﻛﺒﺎﻟﻪ ، ﺩﻳﻄﻠﻊ ﻛﺰﺍﺯﺓ ﻣﻦ ﺭﺟﻠﻪ .
ﻭﻛﻒ ﻋﻠﻰ ﺣﻴﻠﻪ ﺑﻌﺪ ﻣﻄﻠﻌﻬﺎ ، ﺧﻠﻴﺖ ﺍﻳﺪﻱ ﻋﻠﻰ ﺯﻧﺪﻩ ﻣﺘﻮﺗﺮﺓ ﻭﻣﺘﺮﺩﺩﺓ : ﺻﺼﻔﺎﺍﺀﺀ .
ﻋﺎﻁ ﺑﻮﺟﻬﻲ : ﻭﺧﺮﺭﺭﺭﺭﻱ ﻋﻨﻲ ﻣﺎ ﺍﺭﻳﺪ ﻣﻨﺞ ﺷﻲ ﻭﻭﺧﺮﺭﺭﻱ .
ﺗﺮﺍﺟﻌﺖ ﺧﻄﻮﺍﺕ ﻟﻠﺨﻠﻒ ﺷﻔﺖ ﻫﻤﺎﻡ ﻛﻌﺪ ﻳﺒﺠﻲ ﺭﺣﺖ ﺍﺭﻳﺪ ﺍﺧﺬﻩ ﻭﺍﺗﻠﻔﺖ ﻟﺼﻔﺎﺀ ﺍﻟﻲ ﻃﻠﻊ ﻳﻌﺮﺝ ﻣﻦ ﺍﻟﻐﺮﻓﺔ .
ﻗﻬﺮﻧﻲ ﻣﻨﻈﺮﻩ ﻭﻧﺰﻟﺖ ﺩﻣﻮﻋﻲ ﺑﺴﺮﻋﺔ ﻭﺍﺣﺲ ﺑﺪﺍﺧﻠﻲ ﺻﻮﺕ ﺻﻔﺎﺍﺀ ﻻﺗﻄﻠﻊ ﻻﺍﺍﺍﺍ ﺍﺑﻘﻰ ﺩﺧﻴﻠﻚ ﺑﺲ ﻫﺎﻟﺼﻮﺕ ﺍﻧﺤﺒﺲ ﺑﻔﻌﻞ ﻛﺮﺍﻣﺘﻲ ﺍﻟﻲ ﺍﻧﻬﺪﺭﺕ ﻣﻦ ﻗﺒﻞ ﻭﺑﻘﻰ ﺣﺒﻴﺲ ﺟﻮﻓﻲ .
ﺍﺧﺬﺕ ﻫﻤﺎﻡ ﻭﺣﻀﻨﺘﻪ ﻭﻇﻠﻴﺖ ﺍﻟﻮﻟﻴﻠﻪ ﻟﺤﺘﻰ ﺍﺭﺟﻌﻪ ﻋﻠﻰ ﻧﻮﻣﺘﻪ ﻭﺩﻣﻮﻋﻲ ﻋﻠﻰ ﺧﺪﻱ ﻭﻟﻤﻦ ﺳﻤﻌﺖ ﺑﺎﺏ ﺍﻟﺸﻘﺔ ﺍﻧﻄﺒﻜﺖ ﺣﻴﻞ ﻋﺮﻓﺘﻪ ﻧﺰﻝ ﺯﺩﺕ ﺑﺎﻟﺒﺠﻲ ﻭﻛﺮﻫﺖ ﻧﻔﺴﻲ .
ﻋﺒﻴﺮ . ﺧﻠﺼﺖ ﺍﻟﺤﻨﺔ ﻣﺎﻟﺘﻲ ﻭﻋﻤﺔ ﻫﻢ ﺳﻮﺗﻠﻬﺎ ﺯﻋﻠﺔ ﻭﺳﺎﻟﻔﺔ ﺧﺎﺑﺮﺕ ﻋﻠﻰ ﻣﺎﻣﺎ ﻭﻇﻠﺖ ﺗﺤﺠﻲ
ﻟﻴﺶ ﻣﺎ ﺍﺧﺬﺗﻮﺍ ﺑﻨﺎﺗﻲ ﻭﻳﺎﻛﻢ ﻟﻠﺼﺎﻟﻮﻥ ﻭﻟﻴﺶ ﺭﺣﺘﻮﺍ ﻗﺒﻠﻨﺎ ﻟﻠﻘﺎﻋﺔ ﻭﻟﻴﺶ ﻭﻟﻴﺶ ﻟﻤﻦ ﺷﺎﻓﺖ ﻗﺮﺏ ﺍﻟﻌﺮﺱ ﻭﺭﺡ ﻧﺼﻴﺮ ﻟﺒﻌﺾ ﺍﺣﺘﺎﺭﺕ ﺷﺴﻮﻱ ، ﻣﺎﻣﺎ ﺑﺮﺟﺎﺣﺔ ﻋﻘﻠﻬﺎ ﻛﺪﺭﺕ ﺗﺤﺘﻮﻱ ﻏﻀﺒﻬﺎ ﻭﺗﺎﺧﺬﻫﺎ ﻉ ﮔﺪ ﻋﻘﻠﻬﺎ .
ﻳﻮﻡ ﺛﺎﻧﻲ ﺟﺎﻥ ﺍﻟﻌﺮﺱ ﻭﺑﻴﻮﻡ ﺍﻟﺤﻨﺔ ﻗﺴﻮﺭ ﻣﻤﺼﺪﮒ ﺍﺑﺪ ﻃﺎﻳﺮ ﻣﻦ ﺍﻟﻔﺮﺡ ﻭﺣﺘﻰ ﺩﻛﺎﻳﻚ ﺍﻣﻪ ﻫﻢ ﻣﻤﺄﺛﺮﺓ ﻋﻠﻰ ﺳﻌﺎﺩﺗﻪ .
ﺍﻟﻌﺮﺱ ﻫﻢ ﺟﺎﻥ ﺑﺎﻟﻘﺎﻋﺔ ﺑﺪﻟﺘﻲ ﺟﺎﻧﺖ ﺍﻭﻑ ﻭﺍﻳﺖ ﻣﻔﺘﻮﺣﺔ ﻣﻦ ﺍﻟﺼﺪﺭ ﻭﺍﻻﻛﺘﺎﻑ ﻭﻉ ﺍﻟﺼﺪﺭ ﮔﺼﺔ ﻋﻠﻰ ﺷﻜﻞ ﻗﻠﺐ ﺍﻟﺤﺐ ﻭﺭﺩﺍﻧﺎﺕ ﻣﻦ ﺍﻟﺰﻧﻮﺩ ﻟﺤﺪ ﺍﻟﻌﻜﺲ ﻭﺍﻟﻈﻬﺮ ﻧﺼﻪ ﻣﻜﺸﻮﻑ ﻭ ﺍﻟﺘﺴﺮﻳﺤﺔ ﻣﻠﻜﻴﺔ .
ﺑﻌﺪ ﺟﻠﺴﺔ ﺍﻟﺘﺼﻮﻳﺮ ﺍﺧﺬﻭﻧﺎ ﻟﻠﻘﺎﻋﺔ ﻭﻋﻠﻰ ﺍﻧﻐﺎﻡ ﺍﻏﻨﻴﺔ ﻃﻠﻲ ﺑﺎﻻﺑﻴﺾ ﺩﺧﻠﻨﺎ ﺍﻧﻲ ﻭﻗﺴﻮﺭ ﻟﻠﻘﺎﻋﺔ .
ﻭﻛﻌﺪﻧﺎ ﺑﺎﻟﻜﻮﺷﺔ ، ﻗﺮﺏ ﻣﻨﻲ ﻫﻤﺲ ﺑﺄﺫﻧﻲ
ﻛﻞ ﻫﺎﻟﺠﻤﺎﻝ ﺍﻟﻴﻪ ؟
ﺍﺑﺘﺴﻤﺖ ﻟﻪ : ﺗﺮﻳﺪ ﺍﻛﺮﺻﻚ ﺣﺘﻰ ﺗﺼﺪﻙ ؟
ﺿﺤﻚ : ﻫﺎﻱ ﻛﻞ ﻗﻮﺗﺞ ؟ ﻫﻴﻪ ﻫﺎﻱ ﺭﻭﻣﺎﻧﺴﻴﺘﺞ ؟
ﺑﻌﺪﻧﻲ ﻣﺒﺘﺴﻤﺔ : ﺍﻋﺠﺒﻚ ﻭﺍﻟﻠﻪ .
ﺿﺤﻚ ﺑﺴﺨﺮﻳﺔ ، ﺍﺧﺬﻭﻧﺎ ﻟﻮﺳﻂ ﺍﻟﻘﺎﻋﺔ ﻟﺤﺘﻰ ﻧﺮﻛﺺ
ﺍﺟﻴﺖ ﺍﻋﺜﺮ ﺑﺎﻟﺒﺪﻟﺔ ، ﻟﺰﻣﻨﻲ ﻗﻮﻱ ﻣﻦ ﺧﺼﺮﻱ ، ﻇﻠﻴﺖ ﺍﺿﺤﻚ ، ﻗﺮﺏ ﺍﺫﻧﻪ ﻣﻨﻲ : ﻭﻟﺞ ﺷﻮﻓﻲ ﻭﻫﺎﻱ ﺣﺴﺪﺗﺞ ﺍﻧﻲ ﻣﺪﺭﻱ ﺣﺴﺪﻭﺝ ୪୪୪ ﻫﺎﻱ ﻋﻴﻮﻧﻲ ﻭﺍﻟﻠﻪ ﺟﺎﻥ ﻭﮔﻌﺘﻲ ﻭﺍﻟﻔﺸﻠﺔ ﺍﻟﺰﻳﻨﺔ .
_ ﻳﻠﻪ ﻓﺪﻭﺓ ﺍﻟﻚ ﺍﻧﻲ ﺍﺭﻭﺡ ﺑﺲ ﺷﻮﻥ ﻭﻳﻪ ﺍﻟﺸﻤﺎﺗﻪ ﺑﺎﻟﻠﻪ .
_ ﻫﺎ ﻗﺼﺪﺝ ﺍﻣﻲ ﻭﺍﺧﻮﺍﺗﻲ ﻣﻮ ؟
_ ﻏﻴﺮ ﺳﻮﺗﻠﻨﻪ ﺳﺎﻟﻔﺔ ﺍﻟﺒﺎﺭﺣﺔ ؟
_ ﺣﺒﻴﺒﺘﻲ ﻛﻞ ﺍﻟﻌﺮﺳﺎﻥ ﻫﻴﺞ ﻳﺤﺠﻮﻥ ﻟﻤﻦ ﻳﺮﻛﺼﻮﻥ ﻟﻮ ﺑﺲ ﺍﺣﻨﺎ ؟
_ ﻣﺎ ﺍﺩﺭﻱ ﺻﺮﺍﺣﺔ ﺳﺆﺍﻝ ﻭﺟﻴﻪ .
_ ﻟﻌﺪ ﺩﺧﻴﻠﺞ ﻓﻜﻴﻨﻲ ﻣﻦ ﺳﻴﺮﺓ ﺍﻣﻲ ﺑﺲ ﻫﺎﻟﻠﻴﻠﺔ ﻣﻤﻜﻦ ؟
_ ﺍﻱ ﻭﺍﻟﻠﻪ ﻣﻤﻜﻦ ﺑﺲ ﻛﻮﻥ ﻫﻲ ﻻﺗﻄﻠﻌﻨﺎ ﺳﺎﻟﻔﺔ ﺛﺎﻧﻴﺔ ﺍﻟﻠﻴﻠﺔ .
_ ﻫﺎ ﺭﺟﻌﻨﺎ ﻟﻨﻘﻄﺔ ﺍﻟﺼﻔﺮ ﻣﻮ ؟ ﺷﻜﻠﻨﺎ ﺭﺍﺡ ﻧﻘﻀﻲ ﺍﻟﻠﻴﻠﺔ ﻫﻴﺞ ﻭﺷﻜﺎﻟﺖ ﺍﻣﻚ ﻭﺷﻜﺎﻟﺖ ﺍﻣﻲ ؟
_ ﻻ ﻋﺎﺩ ﺍﻣﻲ ﺣﺒﺎﺑﺔ ﻭﻓﻘﻴﺮﺓ ﻭﺗﺤﺒﻚ ﺍﻻ ﺍﻣﻚ ﺗﻜﺮﻫﻨﻲ .
_ ﻭﺍﻧﻲ ﺍﺷﻬﺪ ﻻﻣﺞ ﺑﺲ ﻳﺎ ﻋﺒﻴﺮﻱ ﺍﻧﻲ ﺍﺣﺒﭻ ، ﺣﺒﻲ ﻣﻴﻜﻔﻴﺞ ؟
ﺑﺎﻭﻋﺖ ﺑﻌﻴﻮﻧﻪ ﻣﺒﺘﺴﻤﺔ ﻳﺎ ﺍﻟﻠﻪ ﺭﻧﺔ ﺍﺳﻤﻲ ﺑﺸﻔﺎﻓﻪ ﻋﺒﺎﻟﻚ ﻣﻮﺳﻴﻘﻰ ﻋﺬﺑﺔ ﺗﺪﺧﻞ ﺍﺳﻤﺎﻋﻲ ﻭﺗﻄﺮﺑﻨﻲ .
ﻫﺰﻳﺖ ﺭﺍﺳﻲ ﺍﻭﻣﺄﺕ ﺑﺄﻱ ﻭﺍﻧﻲ ﺍﺑﺎﻭﻋﻠﻪ .
ﺷﻌﺖ ﻣﻦ ﻋﻴﻮﻧﻪ ﻧﻈﺮﺍﺕ ﺍﻟﺤﺐ ﻭﺗﻸﻷﺕ ﺑﺴﻌﺎﺩﺓ .
ﺧﻠﺼﺖ ﺍﻟﺰﻓﺔ ﻭﺍﺧﺬﻭﻧﺎ ﻟﻠﻔﻨﺪﻕ ﺯﻓﻮﻧﺎ ، ﻫﻤﺴﺖ ﺍﻟﻲ ﻣﺎﻣﺎ
ﺍﻳﺪﻱ ﻋﻠﻰ ﻗﻠﺒﻲ ﻫﻤﺰﻳﻦ ﻋﻤﺘﺞ ﻣﺴﻮﺕ ﺷﻲ ﻣﺸﻜﻠﺔ ﻭﻓﺸﻠﺘﻨﺎ ، ﺿﺤﻜﺖ ﻭﺑﻮﺳﺘﻬﺎ ﺣﻴﻞ ﻭﻫﻲ ﺑﺎﺳﺘﻨﻲ ﻭﺩﻣﻮﻋﻬﺎ ﻏﺮﻛﺘﻨﻲ ﺣﺒﻴﺒﺘﻲ ﻣﺎﻣﺎ ﺭﺍﺡ ﺍﺷﺘﺎﻗﻠﺞ ﻭﺍﺷﺘﺎﻕ ﻟﺒﺎﺑﺎ .
ﻣﺴﺤﺖ ﺩﻣﻮﻋﻬﺎ ﻭﺍﻧﻲ ﺭﺍﺡ ﺍﺷﺘﺎﻕ ﻟﻮﻛﺎﺣﺘﺞ ﻭﺍﻟﻠﻪ ﻭﻟﺞ ﺷﻮﻥ ﺍﺗﺤﻤﻞ ﺍﻟﺒﻴﺖ ﺑﺪﻭﻧﺞ .
ﻗﺴﻮﺭ ﻛﺎﻟﻠﻬﺎ ﻋﻤﻪ ﺗﺮﺓ ﻳﻤﺞ ﺍﺣﻨﻪ ﺷﺎﺭﻋﻴﻦ ﺑﺲ ﻭﺍﺣﻨﻪ ﻳﻤﺞ ﺍﻭ ﺍﻧﺖ ﻳﻤﻨﺎ ﻭﻫﺎ ﻟﻤﻦ ﺍﻟﻠﺘﺤﻖ ﻫﻢ ﺣﺘﺒﻘﻰ ﻳﻤﺞ ﺍﻛﻴﺪ ﻣﺎ ﺍﻣﻦ ﻋﻠﻴﻬﺎ ﻭﺣﺪﻫﺎ .
ﺩﻳﺮ ﺑﺎﻟﻚ ﻋﻠﻴﻬﺎ ﻗﺴﻮﺭ ﻭﻟﻮ ﺍﻧﺘﻪ ﻣﺜﻞ ﺍﺑﻨﻲ ﻭﺍﻛﻴﺪ ﻣﺎﻳﺤﺘﺎﺝ ﺍﻭﺻﻴﻚ .
ﺗﻮﺻﻴﻨﻲ ﻋﻠﻰ ﻋﻴﻮﻧﻲ ﻋﻤﻪ ﺍﻛﻮ ﻭﺍﺣﺪ ﻳﺼﻮﻭﻧﻪ ﻋﻠﻰ ﻋﻴﻨﻪ ﻻ ﺍﺑﺪ ﻭﺍﻟﻠﻪ ﻣﻴﺤﺘﺎﺝ ﺗﻮﺻﻴﻦ .
_ ﺍﻟﻠﻪ ﻳﺴﻌﺪﻛﻢ ..
ﺍﺧﺮ ﻭﺣﺪﺓ ﻃﻠﻌﺖ ﻣﺎﻣﺎ ﻣﻦ ﻏﺮﻓﺔ ﺍﻟﻔﻨﺪﻕ ﻭﺍﻧﺴﺪﺕ ﺍﻟﺒﺎﺏ ﻭﺑﻘﻴﻨﺎ ﻭﺣﺪﻧﺎ ، ﻧﺰﻉ ﺳﺘﺮﺗﻪ ﻭﺍﺟﻪ ﻛﻌﺪ ﻳﻤﻲ .
_ ﻣﺒﺮﻭﻙ ﺍﻟﻨﺎ ﺣﺒﻴﺒﺘﻲ .
_ ﺍﻟﻠﻪ ﻳﺒﺎﺭﻙ ﺑﻴﻚ .
ﻣﺪ ﺍﺩﻳﻪ ﻟﺰﻣﻨﻲ ﻣﻦ ﺯﻧﻮﺩﻱ ﻭﻻﻓﻨﻲ ﻋﻠﻴﻪ ﻭﺍﻧﻲ ﻛﺎﻋﺪﺓ ﻋﻠﻰ ﺍﻟﺴﺮﻳﺮ ، ﻣﺮﺭ ﺍﺻﺎﺑﻌﻪ ﻋﻠﻰ ﻃﻮﻝ ﺭﻗﺒﺘﻲ ﻭﺻﻞ ﻟﺤﻨﺠﻲ ﺭﻓﻌﻪ ﻭﺻﺎﺭ ﻳﺘﺄﻣﻠﻨﻲ ﺑﻘﻴﺖ ﺑﺲ ﺳﺎﻛﺘﺔ ﻭﻋﻴﻮﻧﻪ ﺗﺘﺒﺎﺩﻝ ﺍﻟﻨﻈﺮﺍﺕ ﺍﺭﺍﻗﺒﻪ ﺑﺎﻓﺘﺘﻨﺎﻥ ﻭﻳﺒﺎﻭﻋﻠﻲ ﺑﻬﻴﺎﻡ .
ﻛﺎﻝ ﻭﺍﻟﻠﻪ ﻟﺤﺪ ﻫﺴﻪ ﺍﺷﻮﻓﺞ ﻧﺠﻤﺔ ﺻﻌﺐ ﺍﻭﺻﻞ ﺍﻟﻬﺎ ﻟﺞ ﺷﻜﺪ ﺗﻌﺒﺘﻴﻨﻲ ﻟﻬﺴﻪ ﻋﺒﺎﻟﻚ ﺍﻧﻲ ﺑﺤﻠﻢ ﻭﺭﺩﻱ .
ﻣﻮ ﺍﻛﻮﻟﺞ ﺧﻠﻲ ﺍﻛﺮﺻﻚ ﺣﺎﻯ ﺗﺼﺪﻙ ﻣﺘﻘﺒﻞ .
ﻟﺞ ﻣﻮﻭﻭﻛﺖ ﺗﺤﺸﻴﺸﺞ ﻫﺴﻪ ...
ﺭﻥ ﻣﻮﺑﺎﻳﻠﻪ ﺍﺧﺬﻩ ﺑﺎﻭﻉ ﻉ ﺍﻟﺸﺎﺷﺔ ﻛﺎﻝ ﻫﺬﺍ ﻛﺮﺍﺭ ﺍﻛﻴﺪ ﺟﺎﻳﺐ ﺍﻟﻌﺸﻪ ..
ﺟﺎﻭﺑﻪ ﻭﺗﻜﻠﻢ ﻭﻳﺎﻩ ﻭﺍﻧﻲ ﻛﻤﺖ ﻉ ﺍﻟﻤﺮﺍﻳﺔ ﺍﺑﺎﻭﻉ ﻟﻨﻔﺴﻲ ..
ﺍﺟﻪ ﻛﺎﻝ ﻛﺮﺍﺭ ﺟﺎﻳﺐ ﺍﻟﻌﺸﻪ ..
ﻟﻌﺪ ﻭﻳﻨﻪ ﻣﻴﺼﻌﺪﻩ ﺍﻱ ﻭﺍﻟﻠﻪ ﻓﺪ ﺟﻮﻭﻭﻋﺎﻧﺔ ..
ﺿﺤﻚ ﻛﺎﻝ ﺧﻠﻲ ﺍﺭﺟﻌﻜﻢ ﻟﻠﺒﻴﺖ ﺍﺣﺴﻦ ﻭﺍﻣﻦ ﺍﻟﻜﻢ ﻣﻦ ﺍﻟﻔﻨﺪﻕ ..
ﻋﻄﺖ ﺷﻨﻮﻭﻭﻭ ﻳﻜﻮﻝ ﻛﺮﺍﺭ ﺍﻓﻨﺪﻱ ؟
ﺑﺎﻭﻋﻠﻲ ﻣﺘﻌﺠﺐ ﺷﺒﻴﺞ ﺷﺒﻴﺞ ؟
ﺣﺴﻴﺖ ﻋﻠﻰ ﻧﻔﺴﻲ ﺗﺨﻠﻴﺖ ﻋﻦ ﺍﻧﻮﺛﺘﻲ ﻟﻠﺤﻈﺎﺕ ﺭﺟﻌﺖ ﻫﺪﺃﺕ ﻭﺗﻜﻠﻤﺖ ﺑﻨﻔﺎﺫ ﺻﺒﺮ : ﺷﺒﻲ ﻛﺮﺍﺭ ﺷﻴﺮﻳﺪ ﻳﺮﺟﻌﻨﺎ ﻟﻠﺒﻴﺖ ؟ ﻫﻢ ﺩﺧﻞ ﺭﻭﺣﻪ ؟
_ ﻏﻴﺮ ﻳﺨﺎﻑ ﻋﻠﻰ ﺑﻨﺖ ﻋﻤﻪ ﺩﻳﻠﻪ ﺑﺪﻟﻲ ﺧﻠﻲ ﻧﻨﺰﻝ ﻳﻨﺘﻈﺮﻧﻪ ﺟﻮﻩ ﺑﺴﻴﺎﺭﺗﻪ .
ﺑﺎﻭﻋﺖ ﻟﺒﺪﻟﺘﻲ : ﻻ ﺷﻨﻮﻭ ﺍﻧﺰﻉ ﻫﺴﻪ ﺑﻌﺪﻧﻲ ﻣﺸﺒﻌﺖ ﻣﻦ ﻣﻨﻬﺎ ﻭﺍﻟﻠﻪ ﺷﻬﺎﻟﺤﻜﻢ ﻛﻢ ﻣﺮﺓ ﺣﻠﺒﺴﻬﺎ ﺍﻧﻲ ، ﻫﻮ ﺷﻌﻠﻲ ﻛﺮﺍﺭ ﻭﺍﻧﺖ ﻟﻴﺶ ﺗﺎﺧﺬ ﺑﻜﻼﻣﻪ ﻣﻌﻠﻴﻚ ﺑﻲ .
_ ﺩﻳﻠﻠﻪ ﻳﻠﻠﻪ ﻭﻋﺪ ﻋﻠﻴﻪ ﺑﻜﻞ ﻋﻴﺪ ﺯﻭﺍﺟﻨﺎ ﺍﻟﻠﺒﺴﺞ ﺑﺪﻟﺔ ﺍﺣﻠﻰ ﻣﻨﻬﺎ ﺑﻌﺪ .
ﺑﺮﻃﻤﺖ ﺷﻔﺎﻳﻔﻲ ﻭﻫﻮ ﻇﻞ ﻳﻘﻨﻊ ﺑﻴﻪ ﺷﺮﻃﺖ ﺍﻟﻪ ﺍﻧﺰﻝ ﺑﺎﻟﺒﺪﻟﺔ ﻭﺍﻓﻖ ﻫﻮ ﻣﺠﺒﻮﺭ ﺍﺧﺬﻧﺎ ﻛﻞ ﺍﻏﺮﺍﺿﻨﺎ ﻭﻧﺰﻟﻨﻪ .
ﻭﺍﻟﻨﺎﺱ ﻳﺒﺎﻭﻋﻮﻥ ﻋﻠﻴﻨﺎ ، ﺧﺠﻠﺖ ﻭﻟﺰﻣﺖ ﺑﻘﺴﻮﺭ ﻗﻮﻱ
ﻭﺧﺘﻠﺖ ﻭﺭﺍﻩ ﻭﻫﻮ ﻳﺤﺠﻲ ﻭﻃﺎﺑﻚ ﺍﺳﻨﺎﻧﻪ
ﺷﻔﺘﻲ ﺷﺴﻮﻳﺘﻲ ﺑﻴﻨﺎ ؟ ﺍﻟﻜﻞ ﻳﺒﺎﻭﻋﻮﻟﻨﺎ ﻫﺴﻪ ﺷﻴﻜﻮﻟﻮﻥ .
ﻫﻤﺴﺖ ﺍﻟﻪ ﻛﻮﻝ ﻫﺎﻟﺤﺠﻲ ﻟﻜﺮﺍﺭ ﻣﻮ ﺍﻟﻲ .
ﻃﻠﻌﻨﺎ ﻣﻦ ﺷﻔﺖ ﻛﺮﺍﺭ ﻭﺍﻛﻒ ﻳﻢ ﺳﻴﺎﺭﺗﻪ ﻭﻣﺒﺘﺴﻢ
ﺑﺎﺭﻛﻠﻲ ﻫﺎ ﺑﻨﺖ ﻋﻤﻲ ﺍﻟﻒ ﻣﺒﺮﻭﻙ ﺷﺎﻳﻔﺔ ﻛﻞ ﺍﻟﺨﻴﺮ .
ﻏﻠﺴﺖ ﻣﻨﻪ ﻣﺠﺎﻭﺑﺘﻪ ﻣﻌﺼﺒﺔ ﻭﻓﺘﺖ ﻟﻠﺴﻴﺎﺭﺓ ، ﻭﻗﺴﻮﺭ ﻇﻞ ﻳﺪﺍﺭﻱ ﻓﺸﻠﺔ ﻛﺮﺍﺭ ﻭﻋﻮﺩ ﻫﻮ ﻳﺠﺎﻭﺏ ﻣﻜﺎﻧﻲ ﻭﺗﻘﻤﺺ ﺷﺨﺼﻴﺘﻲ ﻭﻳﻘﻠﺪ ﺻﻮﺗﻲ : ﺍﻟﻠﻪ ﻳﺒﺎﺭﻙ ﺑﻴﻚ ﺍﺑﻦ ﻋﻤﻲ ﻭﻳﻮﻡ ﺍﻻﻟﻚ ...
ﻇﻠﻴﺖ ﺍﻧﻔﺦ ﻣﺘﻌﺼﺒﺔ ، ﺩﺧﻠﻮﺍ ﺑﺎﻟﺴﻴﺎﺭﺓ ﺍﻧﺪﺍﺭﻟﻲ ﻛﺮﺍﺭ
_ ﻫﺎ ﺷﺒﻴﺞ ﺗﻨﻔﺨﻴﻦ ؟
_ ﻫﻴﻪ ﻫﺎﻱ ﺳﻮﺍﻳﻪ ﺗﺴﻮﻳﻬﺎ ﺑﻴﻨﻨﺎ ﻛﺮﺍﺭ ﺷﻜﻮ ﻣﺮﺟﻌﻨﺎ ﻟﻠﺒﻴﺖ
ﻛﻌﺪ ﺑﺼﻔﻪ ﻗﺴﻮﺭ ﺍﻟﺘﻔﺘﻠﻪ ﻳﺄﺷﺮ ﺑﻴﺪﻩ ﻋﻠﻴﻪ ﻭﻳﺤﺠﻲ
_ ﻫﺎﻱ ﺷﺒﻴﻬﺎ ﻣﺮﺗﻚ؟
ﺍﺷﺮﻟﻪ ﻗﺴﻮﺭ ﻭﺍﻧﻲ ﻓﻬﻤﺘﻬﺎ ﺗﻘﺮﺑﺖ ﻣﻨﻬﻢ ﻭﻋﻄﺖ ﺑﻴﻬﻢ
_ ﻫﺎﺍ ﺩﺗﻜﻮﻟﻪ ﻳﺎﺧﺬﻧﻲ ﻋﻠﻰ ﻛﺪ ﻋﻘﻠﻲ ﻣﻮ ؟؟؟ ﻫﺴﻪ ﺗﺎﺧﺬﻧﻲ ﻋﻠﻰ ﺑﻴﺖ ﺍﻫﻠﻲ ﺣﺎﻻ ﺣﺎﻻ
ﻗﺴﻮﺭ ﺑﺎﻭﻋﻠﻲ ﻣﺼﺪﻭﻡ ﺗﺤﺠﻴﻦ ﺻﺪﻙ ؟
ﺍﻱ ﻟﻌﺪ ﻣﺠﺬﺑﺔ ﻋﻠﻴﻚ ﻣﻦ ﻗﺒﻞ ؟؟؟ ﻳﻠﻪ ﺭﺟﻌﻨﻲ ୪ ﺍﺧﺎﺑﺮ ﺑﺎﺑﺎ .
ﻛﺮﺍﺭ ﻛﺎﻟﻪ : ﻋﻮﻓﻬﺎﺍﺍ ﺍﺟﺘﻬﺎ ﺍﻟﺤﺎﻟﺔ ﻫﺴﻪ ﺗﻬﺪﺃ .
ﻳﺎﺣﺎﻟﺔ ﺷﻘﺼﺪﻙ ﺍﻧﻲ ﻣﺨﺒﻠﺔ ...
ﻣﻨﻮ ﻛﺎﻝ ﺍﻧﺘﻲ ﻋﺎﻗﻠﺔ ؟
ﻗﺴﻮﺭ : ﻭﻛﻒ ﺍﻟﺴﻴﺎﺭﺓ ﻟﻚ ﺍﺭﻭﺡ ﺍﻛﻌﺪ ﻳﻤﻬﺎ ﺻﺪﻙ ﺍﻧﻲ ﺷﻜﻌﺪﻧﻲ ﻳﻤﻤﻤﻤﻚ .
ﻭﻛﻒ ﺍﻟﺴﻴﺎﺭﺓ ﻛﺮﺍﺭ ﻭ ﺍﺟﻪ ﻗﺴﻮﺭ ﻛﻌﺪ ﻳﻤﻲ ﺍﺑﺘﻌﺪﺕ ﻋﻨﻪ
ﻭﺣﺠﻴﺖ ﺑﺎﻧﺰﻋﺎﺝ : ﺑﻌﺪ ﻭﻛﺖ ﺗﻮﻙ ﺣﺴﻴﺖ ؟
ﻛﺮﺍﺭ ﺟﺎﻭﺏ ﻣﻦ ﻳﻤﻪ : ﺗﺮﺓ ﻻﺗﺴﻮﻳﻨﻬﺎ ﻗﺼﺔ ﻣﺼﺎﺭ ﺩﻗﻴﻘﺘﻴﻦ ﻣﻦ ﺣﺮﻛﺖ .
ﻣﻌﻠﻴﻚ ﺍﻧﺘﻪ ﻛﻞ ﺍﻟﺼﻮﺝ ﻣﻨﻚ ﻟﻴﻠﺔ ﻋﺮﺳﻲ ﺧﺮﺑﺘﻬﺎ ﻋﻠﻴﻪ .
ﻫﺴﻪ ﺷﻨﻮﻭﻭ ﺑﺎﻟﻠﻪ ﺷﺼﺎﺭ ﻫﺎﻱ ﻓﻮﻛﺎﻫﻪ ﺑﻌﺪ ﺣﺘﻰ ﻋﺸﺎﻛﻢ ﻋﻠﻴﻪ ﻣﺘﺴﺘﺎﻫﻠﻮﻥ ﻣﻮ ﺻﻮﺟﻜﻢ ﺻﻮﺟﻲ ﺍﻧﻲ ﺍﻟﻲ ﺧﺎﺑﺺ ﺭﻭﺣﻲ ﻭﺧﺎﻳﻒ ﻋﻠﻴﻜﻢ .
ﻗﺴﻮﺭ : ﺍﻳﺒﺎﺍﺍﻩ ﻇﻞ ﻳﺘﻤﻨﻦ ﻋﻠﻴﻨﺎ ... ﺩﻏﻨﻲ ﻗﺴﻮﺭ ﺑﻴﺪﻩ ﺑﺎﻭﻋﺘﻠﻪ ﻭﺻﺪﻳﺖ ﻧﻈﺮﺍﺗﻪ ﺑﺜﻮﺍﻧﻲ ﺩﺭﺕ ﺍﺑﺎﻭﻉ ﻉ ﺍﻟﺠﺎﻣﺔ ﻭﺍﻧﻲ ﺳﺎﻛﺘﺔ .
ﻭﺻﻠﻨﺎ ﻟﺒﻴﺘﻨﺎ ﻧﺰﻟﻨﺎ ﻭﺍﻧﻲ ﺩﺧﻠﺖ ﻗﺴﻮﺭ ﺑﺎﻭﻉ ﻟﻜﺮﺍﺭ
ﻫﺎ ﻫﻢ ﺗﺮﻳﺪ ﺗﻔﻮﺕ ﻭﻳﺎﻧﺎ ﺍﻥ ﺷﺎﺀﺍﻟﻠﻪ .
ﺍﻱ ﻭﺍﻟﻠﻪ ﺑﻼ ﺯﺣﻤﺔ ﺍﺫﺍ ﺑﻴﻬﺎ ﻣﺠﺎﻝ ﺍﺗﻌﺸﻰ ﻭﻳﺎﻛﻢ ﺻﺎﺭ ﺑﻨﻔﺴﻲ ﺍﻛﻞ ﻣﻦ ﺍﻟﻤﺸﺎﻭﻱ ﺍﻟﻲ ﺟﺒﺘﻬﺎ ﺍﻟﻜﻢ ﻫﺴﻪ ﺗﻐﺼﻮﻥ ﺑﻴﻬﺎ ﺗﺮﺓ ﻭﺍﻧﻲ ﻛﺘﻠﻜﻢ ﻭﺍﻧﺘﻮﺍ ﺑﻜﻴﻔﻜﻢ ﺑﻌﺪ .
ﻋﺎﻁ ﺑﻲ ﻗﺴﻮﺭ ﺩﻃﻴﻴﻴﺮ ﻟﻚ ﻳﻠﻪ ﻭﺻﻠﺖ ﻛﺮﻭﺗﻚ ﻟﻬﻨﺎ ﺣﺪﻙ ﻳﻠﻪ ﺭﻭﺡ .
_ ﻫﻴﻪ ﻛﺮﻭﺗﻲ ﻟﻮ ﻛﺮﻭﺗﻜﻢ ؟؟
ﺣﺒﻴﺒﻲ ﻛﺮﺍﺭ ﻳﻠﻪ ﺍﻧﻜﻠﻊ ﻣﺎﻗﺼﺮﺕ ﻭﻳﺎﻧﺎ ﺑﺲ ﻫﺴﻪ ﺍﻟﻠﻪ ﻭﻳﺎﻙ ﻧﻔﺘﺢ ﺑﻐﻴﺮ ﻭﻛﺖ ﺩﻳﻠﻪ ﺭﻭﺡ ﻋﺎﺩ .
ﻻ ﻭﺍﻟﻠﻪ ﻣﻮﺻﻮﺟﻜﻢ ﺍﻣﺪﺍﻧﻲ ﺍﻱ ﻭﺍﻟﻠﻪ ..
ﻃﺐ ﻗﺴﻮﺭ ﻟﻠﺒﻴﺖ ﻭﺍﻧﻲ ﻭﺍﻛﻔﺔ ﺍﺑﺎﻭﻉ ﻉ ﺍﻟﺪﺭﺝ
ﺣﺴﻴﺘﻪ ﺗﻘﺮﺏ ﻣﻨﻲ ﺧﻼ ﺭﺍﺳﻪ ﻋﻠﻰ ﻛﺘﻔﻲ ﻫﻤﺲ
ﺷﺒﻴﻬﺎ ﻋﺒﻴﺮﻱ ﺻﺎﻓﻨﺔ .
ﺟﺎﻭﺑﺘﻪ ﺑﺠﻤﻮﺩ ﻫﻢ ﻫﺬﺍ ﺍﻟﺪﺭﺝ ؟
ﺍﻟﺘﺎﻑ ﻭﻛﻒ ﻣﻘﺎﺑﻴﻠﻲ ﻭﻳﻀﺤﻚ ﺑﻤﻜﺮ .
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﻋﺮﻓﺘﻪ ﻋﻠﻰ ﺷﻨﻮ ﻧﺎﻭﻱ .
ﺷﻠﺖ ﺍﻟﺒﺪﻟﺔ ﻭﻋﻄﺖ ﻭﺍﻧﻲ ﺍﺭﻛﺾ ﻻﺍﺍﺍ ﺣﺒﺎﺏ ﻗﺴﻮﺭ ﻟﺘﺸﻴﻠﻨﻴﻴﻴﻴﻲ .
ﺑﺲ ﻫﻮ ﻟﺤﻚ ﺑﻴﻪ ﻭﺷﺎﻟﻨﻲ ﻋﻄﺘﺖ ﻋﺰﺍﺍﺍﺍ ﻗﺴﻮﻭﻭﺭ ﻭﺟﻠﺒﺖ ﺑﻘﻤﻴﺼﻪ ﻳﻤﻜﻦ ﺧﺮﻣﺸﺘﻪ ﺑﺎﻇﺎﻓﺮﻱ ﺑﺪﻭﻥ ﻗﺼﺪ ﻻﻥ ﺣﺴﻴﺘﻪ ﺗﺄﻭﻩ ﻣﺘﺄﻟﻢ ..
ﻣﻦ ﻭﺻﻠﻨﺎ ﺍﺧﺮ ﺑﺎﻳﻪ ﻧﺰﻟﻨﻲ ﻭﻛﻒ ﻳﻠﺘﻘﻂ ﺍﻧﻔﺎﺳﻪ
ﻭﺍﺩﻳﻪ ﻋﻠﻰ ﺧﺼﺮﻩ ﻭﺍﻧﻲ ﻻﺯﻣﻪ ﺑﺎﻟﺪﺭﺝ ﻭﺍﻳﺪﻱ ﻋﻠﻰ ﻗﻠﺒﻲ ﺑﻌﺪﻫﺎ ﺍﻟﺮﻋﺒﺔ ﺑﺮﻭﺣﻲ .
ﺑﺎﻭﻋﻠﻲ ﻳﺘﻨﻔﺲ ﺑﺼﻌﻮﺑﺔ : ﺍﻧﺘﻲ ﺷﻜﺪ ﻭﺯﻧﺞ .
ﺭﻓﻌﺘﻠﻪ ﺗﻚ ﺣﺎﺟﺐ ﻭﺟﺎﻭﺑﺖ : ٦٠ !!!
ﺑﺎﻭﻉ ﻟﻠﺪﺭﺝ ﻣﺼﺪﻭﻡ : ﻳﻌﻨﻲ ﺍﻧﻲ ﻫﺴﻪ ﺟﻨﺖ ﺷﺎﻳﻞ ٦٠ ﻛﻴﻠﻮﻭﻭﻭ ؟ ﻭﺭﺟﻊ ﺑﺎﻭﻋﻠﻲ ﺑﻨﻔﺲ ﺍﻟﻨﻈﺮﺓ .
ﻣﺸﻴﺖ ﺑﻔﺨﺮ ﻣﺘﻮﺟﻬﺔ ﻟﻠﻐﺮﻓﺔ : ﻗﺎﺑﻞ ﺟﺒﺮﺗﻚ ﻭﺑﻌﺪﻳﻦ ﺍﻟﻤﻔﺮﻭﺽ ﺗﻮﺩﻳﻨﻲ ﻟﺤﺪ ﺍﻟﺴﺮﻳﺮ ﻣﻮ ﻟﻬﻨﺎ ﻭﺑﺲ .
ﺍﺟﻪ ﺻﺎﺭ ﻛﺪﺍﻣﻲ ﻳﺒﺎﻭﻋﻠﻲ ﺑﻨﻈﺮﺍﺕ ﺷﻴﻄﺎﻧﻴﺔ
ﺗﺮﺩﻳﻦ ﺍﻭﺻﻠﺞ ﻟﺤﺪ ﺍﻟﺴﺮﻳﺮ ؟ ﺍﻧﻲ ﺍﻓﺮﺡ ﻭﺍﻟﻠﻪ .
ﻋﺰﺍﺍﺍ ﺣﺴﻴﺖ ﻋﻠﻰ ﻧﻔﺴﻲ ﻓﺸﻠﺖ ﻓﺸﻠﺔ ﻓﺘﺖ ﺑﻨﺺ ﻫﺪﻭﻣﻲ ﻭﻳﻦ ﺍﺭﻭﺡ ﻳﺮﺑﻲ ﻫﺴﻪ ﻭﻳﻦ ؟؟؟
ﻟﺰﻣﻨﻲ ﻣﻦ ﺧﺼﺮﻱ ﻭﺳﺤﺒﻨﻲ ﺍﻟﻪ ، ﺭﻓﻊ ﺭﺍﺳﻲ
ﻃﺒﻊ ﺑﻮﺳﻪ ﻋﻠﻰ ﻛﺼﺘﻲ ﻭﻃﻮﻝ ﺑﻴﻬﺎ ، ﻭﻋﻄﺮﻩ
ﻟﻔﺢ ﺍﻧﻔﺎﺳﻲ ، ﻏﻤﻀﺖ ﻋﻴﻮﻧﻲ ﺍﺗﺮﺱ ﺭﻳﺘﻲ ﻣﻨﻪ ..
ﻋﻄﺮﻩ ﻛﻠﺶ ﺣﻠﻮ ، ﺑﻌﺪ ﺷﻔﺎﻳﻔﻪ ﻣﻦ ﻛﺼﺘﻲ
ﻭﺍﺧﺬﻧﻲ ﻟﻠﻐﺮﻓﺔ ..
ﻏﻴﺮﻧﺎ ﻣﻼﺑﺴﻨﺎ ﻭﻧﺰﻟﻨﺎ ﺗﻌﺸﻴﻨﻪ .. ﺍﻛﻠﻨﺎ ﻭﺧﻠﺼﻨﺎ
ﺍﺭﺗﻜﻰ ﻋﻠﻰ ﺍﻟﻜﺮﺳﻲ ﻭﺍﺩﻳﻪ ﻭﺭﻩ ﺭﺍﺳﻪ .
ﻛﺎﻝ ﺧﻄﻴﺔ ﻛﺮﺍﺭ ﺍﺣﺴﻪ ﻋﺒﺎﻟﻚ ﻳﺘﻴﻢ ﺷﻮﻓﺘﻪ ﺷﻮﻓﺔ ﻳﺘﻴﻢ ﻣﻦ ﻟﻤﻦ ﺍﺳﺘﺸﻬﺪﺕ ﻣﺮﺗﻪ ﻟﻬﺴﻪ .
ﺗﺬﻛﺮﺕ ﻣﻬﺎ ﺑﻬﺎﻟﻠﺤﻈﺔ ﻧﺰﻟﺖ ﺍﻳﺪﻱ ﺣﺴﻴﺖ ﺑﻘﻬﺮ
ﺗﺤﺴﺮﺕ ﺍﺻﻼ ﻃﻮﻝ ﺍﻟﺤﻨﺔ ﻭﺍﻟﻌﺮﺱ ﻭﺍﺣﺴﻬﺎ ﻣﻮﺟﻮﺩﺓ ﺑﻴﻨﻨﺎ ﻋﺒﺎﻟﻚ ﻋﻴﻮﻧﻲ ﺗﺪﻭﺭﻫﺎ ﻭﻫﻴﻪ ﺗﺮﻛﺺ ﻭﻳﺎ ﺍﻟﺒﻨﺎﺕ ﻭﻓﺮﺣﺎﻧﺘﻠﻲ .
ﺍﻧﺘﺒﻪ ﻋﻠﻴﻪ ﻗﺴﻮﺭ ﻭﺗﺄﻛﺪ ﺑﺎﻧﻮ ﺿﺠﺖ ﻭﻋﻴﻮﻧﻲ ﺩﻣﻌﺖ
ﺣﺎﻭﻝ ﻳﻐﻴﺮ ﺍﻟﻤﻮﺿﻮﻉ ..
ﻫﺎ ﺣﺒﻴﺒﻲ ﺧﻠﺼﺘﻲ ﻧﺼﻌﺪ ﻧﻨﺎﻡ ﻭﻏﻤﺰﻟﻲ ..
ﻭﻋﻴﺖ ﻋﻠﻰ ﺻﻮﺗﻪ ﻫﺰﻳﺖ ﺭﺍﺳﻲ ﻛﻤﺖ ﻟﻤﻴﺖ ﺍﻟﺴﻔﺮﺓ ﻭﻫﻮ ﺻﻌﺪ ﻓﻮﻙ ﻏﺴﻠﺖ ﻭﻓﺮﺷﺖ ﺍﺳﻨﺎﻧﻲ ﻭﺗﺮﺩﺩﺕ ﺍﺻﻌﺪ
ﺧﺠﻠﺖ ﻭﺍﺳﺘﺤﻴﺖ ﻭﻛﻔﺖ ﻳﻢ ﺍﻟﺪﺭﺝ ﻭﺍﺑﺎﻭﻉ ﻟﻴﻔﻮﻙ
ﺍﺧﺮ ﺷﻲ ﻛﻌﺪﺕ ﻋﻠﻰ ﺍﻟﺪﺭﺝ ﻭﺍﺩﻳﻪ ﺟﻮﻩ ﺧﺪﻱ .
ﺣﺴﻴﺖ ﺑﺨﻄﻮﺍﺗﻪ ﻭﺭﺍﻳﻪ ﺩﻳﻨﺰﻝ ، ﻛﻤﺖ ﺑﺴﺮﻋﺔ ﻭﺍﻟﺘﻔﺘﺖ ﺍﻟﻪ ﺍﺑﺘﺴﻢ ﺑﺨﺠﻞ ﻭﺗﻮﺗﺮ ﻭﺍﺣﺲ ﺧﺪﻭﺩﻱ ﺗﻄﻠﻊ ﻣﻨﻬﻦ ﺣﺮﺍﺭﺓ .
ﻫﻮ ﺍﺟﻪ ﺑﺎﺗﺠﺎﻫﻲ ﻳﺒﺎﻭﻋﻠﻲ ﻣﺴﺘﻐﺮﺏ ؛ ﻟﻴﺶ ﻛﺎﻋﺪﺓ ﻫﻨﺎ ﺣﺒﻴﺒﻲ ؟ ﺗﺨﺎﻓﻴﻦ ﺗﺼﻌﺪﻳﻦ ﺍﻟﺪﺭﺝ .
ﻭﺿﺤﻚ ﺑﺎﺳﺘﻬﺰﺍﺀ .. ﺍﺑﺘﺴﻤﺖ ﻭﺩﺭﺕ ﻭﺟﻬﻲ ﺍﺳﺘﺤﻲ ﺣﺘﻰ ﺍﺧﻠﻲ ﻋﻴﻮﻧﻲ ﺑﻌﻴﻮﻧﻪ .
ﻻ ﺑﺲ ﺗﻮﺓ ﺧﻠﺼﺖ ﻭﺍﺟﻴﺖ ﺍﺻﻌﺪ ﺑﺴﺲ .
ﺑﺲ ﺷﻨﻮﻭ ؟
ﺑﺎﻭﻋﺘﻠﻪ ﺍﺑﺘﺴﻤﺖ ﺑﻮﺟﻬﻪ ..
ﻟﺰﻣﻨﻲ ﻣﻦ ﻛﻒ ﺍﻳﺪﻱ ﻭﺟﺮﻧﻲ ﻭﺭﺍﻩ ، ﺻﻌﺪﻧﺎ ﻓﻮﻙ ..
ﺗﻮﺟﻬﺖ ﻟﻠﺴﺮﻳﺮ ﻛﻌﺪﺕ ﺧﺠﻼﻧﻪ ﺍﻓﺮﻗﻊ ﺑﺎﺻﺎﺑﻌﻲ
ﺣﺴﻴﺘﻪ ﻳﺒﺎﻭﻋﻠﻲ ، ﺍﺑﺘﺴﻤﺖ ﺑﺘﻮﺗﺮ ، ﺍﺟﻪ ﺑﺎﺗﺠﺎﻫﻲ
ﻇﻠﻴﺖ ﺍﺗﻨﻔﺲ ﺑﺼﻌﻮﺑﺔ ﻭﺣﺴﻴﺖ ﻧﺒﻀﺎﺕ ﻗﻠﺒﻲ ﺗﺘﺴﺎﺭﻉ
ﺍﺳﺘﻘﺮﺕ ﻧﻈﺮﺍﺗﻪ ﻋﻠﻴﻪ ﻻﺟﺰﺍﺀ ﻣﻦ ﺛﻮﺍﻧﻲ ﺣﺴﻴﺖ ﻧﻔﺴﻲ ﺑﺤﻀﻨﻪ ﺭﺍﺳﻲ ﻋﻠﻰ ﺻﺪﺭﻩ ﻭﺍﺻﺎﺑﻊ ﺍﻳﺪﻩ ﺗﺪﺍﻋﺐ ﺑﺸﺮﺗﻲ .
ﺭﺟﻔﺖ ﺑﺎﺣﻀﺎﻧﻪ ﻭﺧﻔﺖ ﻫﻮ ﺣﺲ ﺑﻴﻪ ﺯﺍﺩ ﻣﻦ ﺷﺪﺓ ﻋﻨﺎﻗﻪ ﻭﻟﻤﺴﺎﺗﻪ ﻭﺻﺎﺭﺕ ﺟﺮﻳﺌﺔ ﺑﺰﻳﺎﺩﺓ ﻻﻣﺘﺼﺎﺹ ﺧﻮﻓﻲ ﻭﺗﻮﺗﺮﻱ ، ﻣﺪﺩﻧﻲ ﻋﻠﻰ ﺍﻟﺴﺮﻳﺮ ، ﻓﺘﺤﺖ ﻋﻴﻮﻧﻲ ﺑﺪﻭﻥ ﻣﺎﺍﺑﺎﻭﻉ ﺍﻟﻪ ﻧﻈﺮﺍﺗﻲ ﺍﺳﺘﻘﺮﺕ ﻋﻠﻰ ﺳﻘﻒ ﺍﻟﻐﺮﻓﺔ ، ﺑﻠﻌﺖ ﺭﻳﻚ ﻭﺭﺟﻌﺖ ﻏﻤﻀﺖ ﻋﻴﻮﻧﻲ ، ﺗﻘﺮﺏ ﻣﻨﻲ ، ﻫﻤﺲ ﺑﺄﺫﻧﻲ ﺍﺣﺒﺞ ...........
****
ﺯﻫﺮﺍﺀ .. ﻣﻦ ﺑﻌﺪ ﺍﻟﻲ ﺻﺎﺭ ﺑﺤﻨﺔ ﻋﺒﻴﺮ ، ﺻﻔﺎﺀ ﺍﺑﺪ ﻣﺎ ﺣﺎﻭﻝ ﺑﻌﺪ ﻳﺘﻘﺮﺏ ﻣﻨﻲ .
ﺑﺲ ﻣﻘﺼﺮ ﻭﻳﺎﻳﻪ ﻭﻻ ﻭﻳﻪ ﺇﺑﻨﻪ ﻭﺣﺎﻭﻝ ﻣﻴﺒﻴﻦ ﺍﻧﺰﻋﺎﺟﻪ
ﺑﺴﺒﺐ ﺗﺼﺮﻓﻲ ﺍﺧﺮ ﻣﺮﺓ .
ﻭﺑﻴﻮﻡ ﺍﺧﺬ ﻫﻤﺎﻡ ﻭﻧﺰﻝ ﺟﻮﻩ ، ﻭﺍﻧﻲ ﺍﻧﻬﻤﻜﺖ ﺍﻧﻈﻒ ﺑﺎﻟﺸﻘﺔ ، ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﺳﻤﻌﺖ ﻫﻮﺳﻪ ﻭﻋﻴﺎﻁ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﺔ ﻋﻔﻴﺔ ﺑﻴﺖ ﻧﻬﺎﺭ ﻛﻠﻪ ﻋﻴﺎﻁ ﻭﺻﻴﺎﺡ ﻭﻣﺸﺎﻛﻞ .
ﺍﻧﻮﺏ ﺍﺑﻨﻲ ﺟﻮﻩ ﻻ ﻳﺨﺮﻋﻮﻭﻭﻧﻪ ﻃﻔﺮﺕ ﺟﻮﻩ ﺑﺴﺮﻋﺔ
ﺳﻤﻌﺖ ﺻﻮﺕ ﺑﻬﺎﺀ ﻫﻨﺎﻧﻪ ﻭﺍﻧﻲ ﻻﺑﺴﺔ ﺑﺮﻣﻮﺩﺍ ﻭﺭﺑﻊ ﺭﺩﻥ
ﻋﺰﺍﺍﺍ ﺭﻛﻀﺖ ﺻﻌﺪﺕ ﻟﺒﺴﺖ ﺑﺴﺮﻋﺔ ﻭﻧﺰﻟﺖ ﺟﻮﻩ .
ﻭﺍﺳﻤﻊ ﺑﻬﺎﺀ ﻳﺼﻴﺢ ﻭﺻﻔﺎﺀ ﻫﻤﻴﻨﻪ ﺑﺲ ﺍﺭﻳﺪ ﺍﻓﻬﻢ ﺷﻲ ﻣﻨﻬﻢ ﻣﺎﻛﺪﺭﺕ ، ﺩﺧﻠﺖ ﺟﻮﻩ ﺷﻔﺘﻬﻢ ﺑﺎﻟﺼﺎﻟﺔ .
ﺍﺳﺮﺍﺀ ﻛﺎﻋﺪﺓ ﻉ ﺍﻟﺘﺨﻢ ﻣﺪﻧﻜﺔ ﻭﺗﻌﺼﺮ ﺑﺪﻳﻬﻪ ﻭﻋﻤﻪ ﻛﺎﻋﺪﺓ ﻉ ﺍﻟﻜﺎﻉ ﻭﻋﻤﻮ ﻛﻮﻩ ﻭﺍﻛﻒ ﻭﺭﺷﺎ ﻭﺍﻛﻔﺔ ﻭﻣﺘﺨﺼﺮﺓ .
ﺑﻬﺎﺀ ﻳﻜﻮﻝ ﻣﻮ ﻋﻴﺐ ﻋﻠﻴﻴﻴﺞ ﺗﺮﻭﺣﻴﻦ ﺍﻣﺎﻛﻦ ﻣﺸﺒﻮﻫﻪ ﻣﺸﻌﻮﺫﻳﻦ ﻭﺳﺤﺎﺭﻳﻦ ﻣﺘﺴﺘﺤﻴﻦ ﺧﺰﻳﺘﻴﻨﺎ ﻭﺍﻟﺘﻔﺘﺖ ﻟﺼﻔﺎﺀ ﻭﺍﻧﺖ ﻣﺎﺗﻀﺐ ﻣﺮﺗﻚ ﻣﺨﻠﻴﻬﺎ ﻣﻨﺎ ﻭﻣﻨﺎ ﻭﻟﻚ ﺷﻮﻑ ﺣﺎﻟﺘﻚ ﻭﻟﻚ ﺣﺲ ﻋﻠﻰ ﻧﻔﺴﻚ ﺩﺷﻮﻑ ﺭﻭﺣﻚ ﺷﺼﺎﻳﺮ ﺑﻴﻬﺎ ﻣﻦ ﺍﻛﻮﻟﻚ ﺍﺧﺬﻙ ﺗﺘﻌﺎﻟﺞ ﻋﻨﺪ ﻭﺍﺣﺪ ﻳﻔﺘﻬﻢ ﺑﺎﻟﺮﻭﺣﺎﻧﻴﺎﺕ ﻣﺘﻘﺒﻞ ﻭﺗﻌﺎﻧﺪ ﻃﻠﻌﺖ ﻫﺎﻱ ﺍﻟﻮﻛﺤﺔ ﺳﺎﺣﺮﺗﻚ ﻣﻦ ﺍﻣﺪﺍﻙ ﺍﻱ ﻭﺍﻟﻠﻪ .
ﺍﺧﺬﺕ ﻫﻤﺎﻡ ﺑﺴﺮﻋﺔ ﺿﻤﻴﺘﻪ ﻟﺼﺪﺭﻱ ﺟﺎﻥ ﺑﻴﻨﺎﺗﻬﻢ ﺻﺎﻓﻦ ﻣﻴﻌﺮﻑ ﺷﻜﻮ ﻭﻋﻴﻮﻧﻪ ﻣﺪﻣﻌﺔ ..
ﺻﻔﺎﺀ ﺗﻘﺮﺏ ﻻﺳﺮﺍﺀ ﻳﺮﻳﺪ ﻳﻀﺮﺑﻬﺎ ﺭﻓﻌﺖ ﺍﻳﺪﻫﺎ ﺗﺤﻤﻲ ﻭﺟﻬﻪ ﻣﻨﻪ ﻭﺗﺼﻴﺢ ﻭﺍﻟﻠﻪ ﻣﻌﻠﻴﻪ ﺭﺷﺎ ﺩﻟﺘﻨﻲ ﻋﻠﻴﻬﻢ ﻭﺍﻟﻠﻪ .
ﺭﺷﺎ ﻋﺰﺍﺍﺍ ﺻﺨﺎﺍﺍﻡ ﺑﻮﻭﺟﻬﺞ ﺍﻧﻲ ﻟﻮ ﺍﻣﺞ ﻭﺍﻟﻠﻪ ﻣﻌﻠﻴﻪ ﻫﺎﻱ ﺧﺎﻟﺔ ﺩﻟﺘﻨﺎ ﻭﺍﺧﺬﺗﻨﺎ ﻭﺍﻟﻠﻪ .
ﺑﻬﺎﺀ ﺗﻘﺮﺏ ﻣﻦ ﺭﺷﺎ ﻭﺳﺤﺒﻬﺎ ﻣﻦ ﺍﻳﺪﻫﺎ ﺑﻘﻮﻭﺓ ﻭﻟﺞ ﺍﻧﺖ ﻫﻢ ﺟﺎﻱ ﺍﺣﺎﺳﺒﺞ ﻭﻟﺞ ﺍﺑﻦ ﻋﻤﻲ ﻣﺼﻮﺭﺟﻦ ﺍﻧﺘﻦ ﺍﻟﺜﻼﺛﺔ ﻋﺠﻮﺯ ﺍﻟﺒﻴﻦ ﺧﺎﻟﺘﺞ ﻭﻫﺎﻱ ﺍﻟﻨﺴﺮﺓ ﻭﺍﻧﺖ ﻳﺎﻟﻌﻮﺟﺔ ﻳﺎﻟﻤﺎﻋﺮﻓﻮﺍ ﺍﺑﻮﻱ ﻭﺍﻣﻲ ﻳﺮﺑﻮﺝ .
ﻋﻤﻮ ﺩﻧﻚ ﺭﺍﺳﻪ ﻭﻇﻞ ﻳﻀﺮﺏ ﻋﻠﻰ ﻭﺟﻬﻪ .
ﺗﻘﺮﺏ ﺻﻔﺎﺀ ﺍﻛﺜﺮ ﻭ ﻳﺮﻳﺪ ﻳﻀﺮﺏ ﺍﺳﺮﺍﺀ ، ﻋﻤﻪ ﺻﺎﺭﺕ ﺑﻴﻨﺎﺗﻬﻢ ﻇﻠﺖ ﺗﺤﻠﻔﻪ ﻻﺍﺍﺍﺍ ﻋﻠﻴﻚ ﺍﻟﻠﻪ ﻋﻠﻴﻚ ﺍﻟﻨﺒﻲ ﻻﺗﻀﺮﺑﻬﺎ ﺣﺎﻣﻞ .
ﻋﺎﻁ ﻳﻤﻪ ﻭﺧﺮﺭﺭﻱ ﺧﻠﻲ ﺍﻛﺴﺤﻬﺎ ﻻﻫﻠﻬﺎ ﻣﺎﺍﺭﻳﺪﻫﺎ ﺑﻌﺪ ﻣﺎﺍﺭﻳﺪﻫﺎ .
ﻻﺍﺍﺍﺍ ﻋﻠﻴﻚ ﺑﻬﻤﺎﻡ ﻋﻠﻴﻚ ﺑﺰﻫﺮﺭﺭﺍﺀ ﻻ ﺗﻀﺮﺑﻬﺎ ﻭﻻ ﺗﻮﺩﻳﻬﺎ ﻟﻚ ﺣﺎﻣﻞ ﺧﺎﻑ ﺍﻟﻠﻪ ﺑﺎﺑﻨﻚ .
ﻭﻛﻒ ﻋﺒﺎﻟﻚ ﺍﻧﺼﻌﻖ ﻭﺍﻟﺘﻔﺘﺖ ﻇﻞ ﻳﺒﺎﻭﻉ ﻋﻠﻴﻪ ﻣﻘﻬﻮﺭ ﻧﻈﺮﺍﺗﻬﺎ ﻣﺘﻤﻠﻜﻬﺎ ﺍﻟﻨﺪﻡ ﻭﺍﻟﻘﻬﺮ ..
ﺣﺴﻴﺖ ﺑﻐﺼﺔ ﺑﻘﻠﺒﻲ ، ﻛﻠﺖ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻭﺍﺧﺬﺕ ﺍﺑﻨﻲ ﻭﺻﻌﺪﺕ ﻓﻮﻙ ﻭﺑﻌﺪﻧﻲ ﺍﺳﻤﻊ ﺻﻮﺕ ﺻﻴﺎﺣﻬﻢ ﺑﺄﺫﻧﻲ ..
ﺑﻌﺪﻫﺎ ﺳﻤﻌﺖ ﺻﻮﺕ ﺳﻴﺎﺭﺍﺕ ﻭﺻﻮﺕ ﺯﻟﻢ ﺗﻮﻗﻌﺘﻬﻢ ﺍﺧﻮﺍﻥ ﺍﺳﺮﺍﺀ ﻭﺯﺍﺩﺕ ﺍﻟﻌﺮﻛﺔ ﻭﺻﻔﺎﺀ ﻳﺼﻴﺢ ﺍﺧﺬﻭﻭﻫﺎ ﻣﺎﺍﺭﻳﺪﻫﺎ ﺑﻌﺪ .
ﻳﺘﺒﻊ
