#ﺷﺮﻳﻌﺔ_ﺍﻟﻌﺸﻖ
ﻧﻮﺭﺍ ﻧﺎﺻﺮ
#ﺑﺎﺭﺕ٦١
_ ﻋﻤﻠﻴﺔ ﺛﻘﺐ ﺑﺎﻟﻤﻌﺪﺓ !!!
ﺟﺎﻭﺑﺘﻨﻲ ﺍﻟﺪﻛﺘﻮﺭﺓ ﺑﺎﻗﺘﻀﺎﺏ ﻭﺃﻧﻔﺔ ﻭﻫﻲ ﺗﻘﺮﺍ ﻋﻼﻣﺎﺕ ﺍﻟﺤﺰﻥ ﻋﻠﻰ ﻣﻼﻣﺤﻲ ﻭﻛﻤﻠﺖ ﺑﺘﺴﺎﺅﺅﻝ
_ ﺣﺘﺠﻴﻦ ﻟﻮ ﻻ ؟
ﻭﺍﻧﻄﺘﻨﻲ ﻇﻬﺮﻫﺎ ﻭﻛﺄﻥ ﻣﻼﻣﺤﻲ ﺍﻛﺪﺗﻠﻬﺎ ﺟﻮﺍﺑﻲ ﺑﺈﻱ ..
ﺗﺒﻌﺘﻬﺎ ﺍﺳﺘﺨﺮﺝ ﺻﻮﺕ ﻣﺴﺠﻮﻥ ﺑﺪﻫﺎﻟﻴﺰ ﺿﺎﻗﺖ ﻣﻦ ﺍﻟﻌﺒﺮﺍﺕ ؛ ﺩﻛﺘﻮﺭﺓ ﺣﺎﻟﺘﻪ ﺷﻠﻮﻧﻬﺎ ؟
ﺟﺎﻭﺑﺘﻨﻲ ؛ ﻣﺎ ﺍﺩﺭﻱ ﺍﺳﺄﻟﻲ ﺍﻟﺪﻛﺘﻮﺭ ﻣﺎﻟﺘﻪ ..
_ ﻭﻳﻨﻪ ﻫﺴﻪ ﻫﻮ ؟
_ ﺑﻐﺮﻓﺔ ﺍﻟﺘﺨﺪﻳﺮ ..
ﺳﻜﺘﺖ ﻭﺍﻧﻲ ﺍﺗﺒﻌﻬﺎ ﻭﺍﻟﻠﺘﻬﻴﺖ ﺍﻣﺴﺢ ﺩﻣﻮﻋﻲ ، ﻓﺘﺖ ﻣﻦ ﺑﺎﺏ ﺑﺲ ﺍﻻﻃﺒﺎﺀ ﻳﻔﻮﺗﻮﻟﻪ ، ﺷﻔﺘﻪ ﻣﻤﺪﺩ ﻉ ﺍﻟﺴﺪﻳﻪ ﻭﻻﺑﺲ ﻣﻼﺑﺲ ﺍﻟﻌﻤﻠﻴﺔ ﺍﻧﻜﺴﺮ ﻗﻠﺒﻲ ﻋﻠﻴﻪ .
ﻫﻮ ﺷﺎﻓﻨﻲ ﺑﺎﻭﻋﺘﻠﻲ ﺍﺑﺘﺴﻢ ﻭﺍﻟﺪﻣﻌﺔ ﺑﻄﺮﻑ ﻋﻴﻨﻪ
ﻣﺎﻛﺪﺭﺕ ﺍﺧﻔﻲ ﺩﻣﻮﻋﻲ ﻭﻻ ﺍﺳﻴﻄﺮ ﻉ ﺍﻟﻐﺼﺎﺕ ﺍﻟﻲ ﺣﺸﺮﺕ ﺑﺤﻨﺠﺮﺗﻲ ﻭ ୪ ﻛﺪﺭﺕ ﺍﺳﻴﻄﺮ ﻋﻠﻰ ﻛﺒﻮﺓ ﻣﺸﺎﻋﺮﻱ ﻛﺪﺍﻣﻪ .
ﻧﺎﺩﺍﻧﻲ ﺑﺼﻮﺕ ﺭﺍﺟﻒ ﻭﻣﺘﻜﺴﺮ ؛ ﺯﻫﺮﺍﺀ !! ﺗﻮﻗﻌﺖ ﻣﺘﺠﻴﻦ ﺍﺫﻳﺘﺞ ﺍﻧﻲ ﺯﻫﺮﺍﺀ ﺍﺫﻳﺘﺞ ..
ﺧﻨﻜﺖ ﺍﻟﻌﺒﺮﺓ ﺻﻮﺗﻪ .
ﺧﻠﻴﺖ ﺍﺩﻱ ﻋﻠﻰ ﺣﻠﻜﻲ ﺍﻛﺘﻢ ﺷﻬﻜﺔ ﻓﺮﺕ ﻣﻦ ﺣﻨﺠﺮﺗﻲ
ﻭﺿﺎﻗﺖ ﺑﻴﻬﺎ ﺍﻧﻔﺎﺳﻲ .
ﻛﻤﻞ .. ﺯﻫﺮﺍﺀ ﺳﺎﻣﺤﻴﻨﻲ ﺍﺭﻳﺪ ﺍﺩﺧﻞ ﻟﻠﻌﻤﻠﻴﺔ ﻣﺮﺗﺎﺡ .
.. ﺳﻬﻠﺔ ﺑﺴﻴﻄﺔ ﺍﻥ ﺷﺎﺀﺍﻟﻠﻪ ﺗﺮﺟﻊ ﺀﺀﺀ ﻻﺑﻨﻚ ﺳﺎﻟﻢ ..
ﺑﺲ ﻻﺑﻨﻲ ﺯﻫﺮﺍﺀ ﻭﺍﻟﺞ ﻣﺎﺍﺭﺟﻊ ﺯﻫﺮﺍﺀ ﺍﻧﻲ ﻣﺴﺘﺤﻴﻞ ﺍﻃﻠﻜﺞ .
ﺻﻔﺎﺀ ﺣﺒﺎﺏ ﻣﻮ ﻭﻛﺘﻬﺎ ﺍﻧﺖ ﺗﻌﺒﺎﻥ ﻫﺴﻪ ﻭﺭﺍﻙ ﻋﻤﻠﻴﺔ ﻓﺪﻭﺓ ﻻﺗﺴﻮﻱ ﻫﻴﺞ ﺑﻴﻪ ﻭﺑﻨﻔﺴﻚ ﺍﺭﺗﺎﺡ ..
ﺍﻧﺖ ﺭﻳﺤﻴﻨﻲ ﺯﻫﺮﺍﺀ ﺭﻳﺤﻴﻨﻲ ..
ﺯﺩﺕ ﺑﺠﻲ ﺍﺣﺲ ﻋﺎﺟﺰﺓ ، ﺍﺑﺎﻭﻋﻠﻪ ﺣﺎﻟﺘﻪ ﺿﻌﻔﻪ ﻳﻤﻮﺗﻨﻲ ﻭﻳﺪﻣﺮﻧﻲ ..
ﻛﻤﻞ .. ﺯﻫﺮﺍﺀ ﻣﻦ ﺭﺣﺘﻲ ﻟﻠﻴﻮﻡ ﺍﻧﻲ ﺍﻣﻮﺕ ﺑﻌﻴﻨﻲ ﻛﻞ ﻳﻮﻡ ﺍﻣﻮﺕ ﻭﻛﺎﺭﻩ ﻧﻔﺴﻲ ﺯﻫﺮﺍﺀ ﺍﻋﺮﻑ ﺍﻧﻲ ﻣﻮ ﻃﺒﻴﻌﻲ ﻟﺞ ﺯﻫﺮﺍﺀ ﻭﺍﻟﻠﻪ ﻭﺧﺎﻑ ﻣﺘﺼﺪﻛﻴﻨﻲ ﺍﻧﻲ ﻛﻞ ﺻﺒﺢ ﺍﻛﻌﺪ ﺍﺣﺲ ﻣﻮ ﺻﺒﺢ ﺍﺣﺲ ﺑﻌﺪﻩ ﻟﻴﻞ ﻇﻠﻤﺔ ﺑﺲ ﺍﻧﺖ ﺍﻟﺠﻨﺘﻲ ﻧﻮﺭ ﺑﺤﻴﺎﺗﻲ .
ﻛﺎﻓﻲ ﺣﺒﺎﺏ ﺻﻔﺎﺀ ﻛﺎﻓﻲ ﻟﺘﻌﺐ ﻧﻔﺴﻚ ﻭﺭﺍﻙ ﻋﻤﻠﻴﺔ ﺍﻧﺘﻪ ﺍﺭﺣﻤﻨﻲ ﻭﺍﺭﺣﻢ ﻧﻔﺴﻚ ..
ﻗﺮﺑﺖ ﻣﻨﻪ ﻟﺰﻣﺖ ﺟﺒﻴﻨﻪ ، ﻏﻤﺾ ﻋﻴﻮﻧﻪ ، ﻣﺪ ﺍﻳﺪﻩ ﻟﺰﻡ ﺍﻳﺪﻱ ﻭﺍﺑﺘﺴﻢ ﻭﺍﺑﺘﺴﻤﺖ ﻭﻋﻴﻮﻧﻲ ﻛﻠﻬﺎ ﺩﻣﻮﻉ
ﻇﻞ ﻫﻮ ﻳﻄﻤﻦ ﻧﻔﺴﻪ ؛ ﺍﺩﺭﻱ ﺑﻴﺞ ﺗﺤﺒﻴﻨﻲ ﺍﺩﺭﻱ ﻣﺘﺄﻛﺪ ﺍﻧﻲ .
ﺩﺧﻞ ﻃﺒﻴﺐ ﺍﻟﺘﺨﺪﻳﺮ ؛ ﻳﻠﻪ ﺩﻛﺘﻮﺭ ﺻﻔﺎﺀ ﺟﺎﻫﺰ .
ﺗﺮﻙ ﺍﻳﺪﻱ ﻭﻃﻠﻌﺖ ﻣﻦ ﻳﻤﻪ ..
ﺍﺧﺬﺗﻠﻲ ﻧﻮﺑﺔ ﺑﺠﻲ ﻗﺒﻞ ﻻ ﺍﺭﺟﻊ ﻟﻠﻤﺨﺘﺒﺮ ، ﺷﻔﺖ ﻋﻤﻮ ﺍﺑﻮ ﺍﺣﻤﺪ ﻭﺑﻬﺎﺀ ، ﺣﺎﻭﻟﺖ ﺍﺗﻬﺮﺏ ﻣﻨﻬﻢ ﻣﺎﺍﺭﻳﺪ ﻳﺸﻮﻓﻮﻧﻲ ﺑﻬﺎﻟﺤﺎﻟﺔ ﻭﺑﻨﻔﺲ ﺍﻟﻮﻗﺖ ﻋﻴﻮﻧﻲ ﺑﻘﺖ ﺗﺪﻭﺭﻫﺎ ﻭﻳﻨﻬﺎ
ﺍﺩﻭﺭ ﺍﻻﺧﺬﺗﻪ ﻣﻨﻲ ﻣﺪﺭﻱ ﺍﻻﺧﺬﺗﻪ ﻣﻨﻬﺎ .... ﻣﺸﻔﺘﻬﺎ ﺍﺳﺘﻐﺮﺑﺖ ﻭﺭﺟﻌﺖ ﻟﻠﻤﺨﺘﺒﺮ .
ﺷﻔﺖ ﻳﺎﺳﻤﻴﻦ ﺻﺎﻓﻨﺔ ﻭﺣﺴﻦ ﺩﻳﺸﺘﻐﻞ ﻟﻤﻦ ﻭﺻﻠﺖ ﻳﻤﻬﺎ ﻛﺎﻟﺖ ﻫﻴﻪ ﻣﻮ ﺍﻟﺒﻮﻣﺔ ﺑﻮﻣﺔ ﻳﻌﻨﻲ ﺍﻧﺜﻰ ﻫﻮ ﺷﻜﻮ ﻳﺤﻂ ﻣﺼﻄﻠﺢ ﺍﻧﺜﻰ ﻗﺒﻠﻬﺎ ﻫﺬﺍ ﺷﻴﻘﺼﺪ ﻭﺑﺎﻭﻋﺖ ﻋﻠﻰ ﺣﺴﻦ ﺧﺰﺭﺗﻪ ﻫﻮ ﺷﺎﻓﻬﺎ ﺭﻓﻌﻠﻬﺎ ﺗﻚ ﺣﺎﺟﺒﻪ .
ﻛﺘﻠﻬﺎ ﺑﻤﺮﺍﺭﺓ ﻫﻴﻪ ﻫﺎﻱ ﺍﻛﺒﺮ ﻫﻤﻮﻣﺞ ؟
ﻟﺞ ﻻ ﺍﻟﺒﺎﺭﺣﺔ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻓﺘﺖ ﻉ ﻣﺤﻞ ﺩﺍﺍﻃﻠﻊ ﺷﻔﺖ ﻭﺍﺣﺪ ﺻﺎﻙ ﻧﺰﻝ ﻣﻦ ﺳﻴﺎﺭﺓ ﻛﻮﻟﺶ ﻃﺎﻛﺔ ﻭﺍﺧﺮ ﻣﻮﺩﻳﻞ
ﻭﻛﻔﺖ ﺍﺑﺎﺏ ﺍﻟﻤﺤﻞ ﺍﺑﺎﻭﻋﻠﻪ ﻫﻮ ﺍﺟﻪ ﺑﺎﺗﺠﺎﻫﻲ ﻭﺍﻧﻲ ﺑﻘﻴﺖ ﻣﺼﻔﺼﻔﺔ ﺑﻤﻜﺎﻧﻲ ﻫﻮ ﻛﺎﻝ ﻭﺧﺮﻱ ﺷﻮﻳﻪ .
ﺑﺎﻭﻋﺘﻠﻬﺎ ﻛﺘﻠﻬﺎ ﺍﻱ !!!
ﻛﺎﻟﺖ ﻟﺞ ﻻﺯﻣﺔ ﺻﺪﺭﻳﺘﻲ ﺍﻟﺒﻴﻀﻪ ﻳﻌﻨﻲ ﺍﻧﻲ ﻣﻮ ﺷﻜﻮﻝ ﺩﻛﺘﻮﺭﺓ ؟ ﺍﻟﻠﻪ ﻋﻠﻴﺞ ﻃﻠﻲ ﺑﻮﺟﻬﻲ ﻣﻮ ﺷﻜﻮﻝ ﺩﻛﺘﻮﺭﺓ ..
ﺍﻧﻲ ﻭﻳﻦ ﻭﺍﻧﺖ ﻭﻳﻦ ﺩﺧﻴﻠﺞ ؟
ﺍﻱ ﻳﻌﻨﻲ ﻟﻮ ﺷﻜﻮﻝ ﺩﻛﺘﻮﺭﺓ ﺟﺎﻥ ﻛﺎﻟﻲ ﻣﻦ ﺭﺧﺼﺘﺞ ﺩﻛﺘﻮﺭﺓ ﻭﺧﺮﻱ ﺩﻛﺘﻮﺭﺓ ﻣﻮ ﺻﺢ ؟
ﻓﺮﻳﺖ ﺍﻳﺪﻱ ﻭﻟﺞ ﺍﻧﻲ ﺑﻴﺎ ﺣﺎﻝ ..
ﺻﺪﻙ ﺷﺮﺍﺩﺕ ﻣﻨﺞ ﺩﻛﺘﻮﺭﺓ ﺭﻫﺎﻡ ؟
ﺣﺠﻴﺘﻠﻬﺎ ﻭﻛﻮﺓ ﻣﺴﻴﻄﺮﺓ ﻋﻠﻰ ﻧﻔﺴﻲ ﻣﺎ ﺍﺑﺠﻲ ..
ﻛﺎﻟﺖ ﻳﺎ ﻋﺰﺍﺍﺍ ﻫﺎﻱ ﻣﻦ ﻛﺪ ﺍﻟﺴﺤﻮﺭﺓ ﺣﺘﻰ ﻣﻌﺪﺗﻪ ﺛﻘﺒﻨﺨﺎ ﺍﻟﻤﺎﻳﺨﺎﻓﻦ ﻣﻦ ﺍﻟﻠﻪ ﻃﻴﺢ ﺍﻟﻠﻪ ﺣﻈﻬﻦ ﻭﺍﻧﺖ ﺷﻠﻮﻥ ﺳﺎﻛﺘﺔ ﻫﻨﻴﺎﻟﺞ ﻋﻠﻰ ﺑﺮﻭﺩﺝ .
ﻏﻤﻀﺖ ﻋﻴﻮﻧﻲ ﻭﻋﻀﻴﺖ ﺷﻔﺘﻲ ..
ﻓﺰﺯﻧﻲ ﺻﻮﺕ ﺣﺴﻦ ﻭﻫﻮ ﻳﻜﻮﻝ ﺍﻧﺘﻦ ﻣﻮ ﻻﻫﻴﺎﺕ ﺗﺤﺠﻦ ﺑﺎﻟﺴﺤﻮﺭﺓ ﻭﻋﺎﻳﻔﺎﺕ ﺍﻟﺸﻐﻞ ﻋﻠﻴﻪ
ﺍﻧﺪﺍﺭﺕ ﺍﻟﻪ ﻳﺎﺳﻤﻴﻦ ﻛﺎﻟﺘﻠﻪ ﺷﺘﻘﺼﺪ ﻋﻴﻨﻲ ﻳﻌﻨﻲ ﺍﺣﻨﻪ ﺍﻣﻬﺎﺕ ﺳﺤﻮﺭﺓ ؟
ﻭﺍﻟﻠﻪ ﻣﺎ ﺍﺩﺭﻱ ﺍﻧﺎﻱ ﺍﺩﺭﻯ
ﻳﻌﻨﻲ ﺍﻧﺖ ﺑﻌﺪﻙ ﻣﻘﺘﻨﻊ ﺑﻴﻪ ﺍﺳﻮﻱ ﺳﺤﻮﺭﺓ ﻣﻮ ؟
ﺍﻱ ﻭﺍﻟﻠﻪ ﻣﺒﻴﻦ ﻋﻠﻴﺞ ﺧﺒﺮﺓ ﺑﻬﺎﻟﻤﺠﺎﻝ ﺻﺮﻋﺘﻲ ﺭﺍﺳﻬﺎ ﻟﻠﺒﻨﻴﺔ ﻭﺍﻧﻲ ﺭﺍﻳﺢ ﻟﻠﻜﺎﻓﺘﺮﻳﺎ ﻭﺍﻧﺘﻦ ﻛﻤﻠﻦ ﺍﻟﺒﺎﻗﻲ .
ﺭﺟﻌﺖ ﻟﻠﺒﻴﺖ ﺣﺠﻴﺖ ﻟﻤﺎﻣﺎ ﻛﻞ ﺷﻲ ﻇﻠﻴﻨﻪ ﻧﺼﻠﻲ ﻭﻧﺪﻋﻴﻠﻪ ، ﺭﺑﻲ ﻳﺨﻠﺼﻪ ﻣﻦ ﺷﺮﻫﻦ ..
ﻳﻮﻡ ﺛﺎﻧﻲ ﺍﺟﻪ ﺑﺎﺑﺎ ﻛﺎﻝ ﺻﻔﺎﺀ ﻃﻠﻌﻮﺍ ﻟﻠﺒﻴﺖ ﺍﻣﺸﻮﺍ ﻧﺘﺤﻤﺪ ﺍﻟﺴﻼﻣﺔ ﺍﻟﻪ ﺧﻄﻴﺔ ﺣﺎﻟﺘﻪ ﺣﺎﻟﻪ ﻭﺗﻌﺒﺎﻥ ، ﺑﺎﻟﺒﺪﺍﻳﺔ ﺭﻓﻀﺖ ﺑﺪﺍﺧﻠﻲ ﻭﺑﻘﻴﺖ ﺳﺎﻛﺘﺔ ..
ﻇﻠﻮﺍ ﻳﺒﺎﻭﻋﻮﻟﻲ ﻫﺎ ﺯﻫﺮﺍﺀ ﺷﻜﻠﺘﻲ ؟
ﺭﻭﺣﻮﺍ ﺍﻧﺘﻮﺍ ..
ﻣﺎﻣﺎ ؛ ﻻﻳﺼﻴﺮ ﻗﻠﺒﺞ ﻗﺎﺳﻲ ﺑﻨﻴﺘﻲ ﻫﺬﺍ ﻗﺒﻞ ﻛﻞ ﺷﻲ ﺍﺑﻦ ﻋﻤﺞ ﻭﺍﺑﻮ ﺍﺑﻨﺞ ﻭﻻﺗﻨﺴﻴﻦ ﺣﺒﺞ ﺍﻟﻪ .
ﺍﻱ ﺣﺒﻲ ﺍﻟﻪ ﺍﻟﻲ ﺩﻣﺮﻧﻲ ..
ﺑﺎﺑﺎ ﻛﺎﻝ ؛ ﺍﺣﻨﻪ ﻣﻨﻜﻮﻟﺞ ﺭﺟﻌﻴﻠﻪ ﻻ ﺑﺲ ﺩﻧﺮﻭﺡ ﻧﺸﻮﻓﻪ ﻭﺧﻠﻲ ﺍﺑﻨﺞ ﻳﺸﻮﻓﺞ ﻭﻳﻪ ﺍﺑﻮﻩ ﻭﻫﻮ ﻣﺮﻳﺾ ﺣﺘﻰ ﻟﻮ ﺩﻗﻴﻘﺔ ﻭﺣﺪﺓ .
ﺍﺑﻨﻲ ﻃﻔﻞ ﻭﻣﻴﻔﺘﻬﻢ ..
ﺍﻧﺖ ﺗﺸﻮﻓﻲ ﻃﻔﻞ ﻭﺗﺸﻮﻓﻲ ﻣﻴﻔﻬﻢ ﺑﺲ ﺗﺮﻩ ﻳﺤﺲ ﻭﻳﻌﺮﻑ ﺑﺲ ﻣﻴﻌﺮﻑ ﻳﻌﺒﺮ ﻋﻦ ﺩﻭﺍﺧﻠﻪ ﻭﻫﺬﺍ ﻛﻠﻪ ﻭﻛﻞ ﺍﻟﻲ ﺩﺗﻤﺮﻭﻥ ﺑﻲ ﻳﺄﺛﺮ ﻋﻠﻴﻪ ﺍﺫﺍ ﻣﻮ ﻫﺴﻪ ﺑﺎﻟﻤﺴﺘﻘﺒﻞ .
ﺟﺮﻳﺖ ﻧﻔﺲ ﺑﻌﻤﻖ ﺑﺎﻭﻋﺖ ﺑﻌﻴﻮﻧﻬﻢ ﺛﻮﺍﻧﻲ ﻭﻛﻤﺖ ﻋﻠﻰ ﺣﻴﻠﻲ ﻭﻧﻈﺮﺍﺗﻬﻢ ﺗﻄﺎﻟﻌﻨﻲ ..
ﺍﻧﻲ ﺭﺍﺡ ﺍﻟﻠﺒﺲ ﻭﺍﺟﻲ .. ﻋﻔﺘﻬﻢ ﻭﻓﺘﺖ ﻟﻠﻐﺮﻓﺔ ﻭﺍﺣﺲ ﻧﻔﺴﻲ ﺑﺪﻭﺍﻣﺔ ﻭﺍﻓﻜﺎﺭ ﻣﻘﺘﺤﻤﺔ ﻣﺨﻴﻠﺘﻲ ، ﻳﺮﺑﻲ ﺍﻟﻲ ﺩﺍ ﺍﺳﻮﻱ ﺻﺢ ﻟﻮ ﻏﻠﻂ ﻭﺍﻧﻲ ﻣﺘﺄﻛﺪﺓ ﺍﻧﻮ ﺍﻫﻠﻲ ﺻﺢ ﺍﻛﻴﺪ ﻭﻣﺴﺘﺤﻴﻞ ﻳﻔﻜﺮﻭﻥ ﺑﺸﻲ ﻣﻮ ﻣﻦ ﻣﺼﻠﺤﺘﻲ ﻭﺍﻧﻲ ﻛﻠﻲ ﺛﻘﺔ ﺑﻴﻬﻢ .
ﺑﺪﻟﺖ ﺍﻧﻲ ﻭﻫﻤﺎﻡ ﻛﻌﺪﺗﻪ ﻣﻦ ﺍﻟﻨﻮﻡ ﻛﻌﺪ ﻣﺰﻋﻮﺝ ﻭﻳﺨﻮﺯﺭ ﻭﺍﻧﻮﺏ ﻃﻜﻬﻪ ﺑﺠﻴﻪ ﻛﻮﺓ ﻏﺴﻠﺘﻠﻪ ﻭﺍﻧﻄﻴﺘﻪ ﻣﻮﺯﺓ ﻇﻞ ﻳﺎﻛﻞ ﺑﻴﻬﺎ ﻻﻥ ﻳﻜﻌﺪ ﺟﻮﻋﺎﻥ ﻭﻫﻮ ﻳﺤﺐ ﺍﻟﻤﻮﺯ ﺍﻛﻞ ﻧﺼﻬﺎ ، ﻏﺴﻠﺘﻠﻪ ﻣﺮﻩ ﺛﺎﻧﻴﺔ ﻭﺩﺍ ﺍﺑﺪﻟﻪ ﻧﺤﺴﺲ ﻭﻇﻞ ﻳﺒﺠﻲ
ﻟﻤﻦ ﻛﺘﻠﻪ ﺣﻨﺮﻭﺡ ﻟﺒﺎﺑﺎ ﻛﻴﻒ ﻭﻭﻛﻒ ﻣﺜﻞ ﺍﻟﺼﻨﻢ ﺑﺪﻟﺘﻠﻪ ﻭﻃﻠﻌﻨﻪ ﻣﺎﻣﺎ ﻭﺑﺎﺑﺎ ﻳﻨﺘﻈﺮﻭﻧﻪ ..
ﺭﺣﻨﻪ ﻟﺒﻴﺖ ﻋﻤﻮ ﺑﻌﺪ ﺍﺷﻬﺮ ﺍﻧﻲ ﻣﺎﻓﺎﻳﺘﻪ ﻟﺒﻴﺘﻬﻢ ﻭﻻ ﺍﻣﻲ ﻭﻻ ﺍﺑﻮﻳﻪ ، ﻋﻤﻪ ﻭﺟﻬﻪ ﻣﺘﻔﺸﻞ ﻭﻣﺘﺤﻂ ﻋﻴﻨﻬﺎ ﺑﻌﻴﻨﻪ
ﺑﺎﺑﺎ ﻛﺎﻟﻠﻬﺎ ﺟﺎﻳﻴﻦ ﻋﻤﻮﺩ ﺍﺑﻮ ﺣﻔﻴﺪﻱ ..
ﻫﻲ ﻓﻬﻤﺖ ﻭﻓﻮﺗﺘﻨﺎ ﻋﻠﻰ ﺻﻔﺎﺀ ﻣﺨﻠﻴﻨﻪ ﺟﻮﺓ ﺑﺎﻟﺼﺎﻟﺔ
ﻣﻴﻜﺪﺭ ﻳﺼﻌﺪ ﻓﻮﻙ ﺷﻜﻠﻪ ﺗﻌﺒﺎﻥ ﻣﻦ ﺷﺎﻓﻨﻪ ﺍﺑﺘﺴﻢ ﻭﻫﻤﺎﻡ
ﺭﻛﺾ ﻳﺮﻳﺪ ﻳﺸﻤﺮ ﻧﻔﺴﻪ ﻋﻠﻴﻪ ﻟﺰﻣﻪ ﻋﻤﻮ ﺑﺴﺮﻋﺔ ..
ﻃﻚ ﺑﺠﻲ ﻭﻳﺮﻳﺪ ﻳﺮﻭﺡ ﻻﺑﻮﻩ ﻭﻳﺼﻴﺢ ﺗﻔﺘﻒ ﺍﻟﻪ ﻣﺎ ﺗﻔﺘﻒ
ﻋﻤﻮ ﺍﺧﺬﻩ ﻓﻬﻤﻪ ﺍﻧﻮ ﺍﺑﻮﻩ ﻣﺮﻳﺾ ﻭﻛﺎﻟﻪ ﺍﻛﻌﺪ ﻳﻢ ﺭﺍﺳﻪ ﺑﻮﺳﻪ ﻣﻦ ﺭﺍﺳﻪ ﺣﺘﻰ ﻳﻄﻴﺐ ﻭﻳﺼﻴﺮ ﺯﻳﻦ ..
ﻫﻮ ﺍﺧﺬ ﻛﻼﻡ ﻋﻤﻮ ﻭﺭﺍﺡ ﺑﺎﺗﺠﺎﻩ ﺍﺑﻮ ﻳﻤﺸﻲ ﻋﻠﻰ ﻛﻴﻔﻪ ﻭﻳﻤﺴﺢ ﺩﻣﻮﻋﻪ ﻛﻌﺪ ﻳﻢ ﺭﺍﺱ ﺻﻔﺎﺀ ﻭﻳﺒﻮﺱ ﺑﻲ
ﻭﺻﻔﺎﺀ ﺍﺧﺬ ﺍﺩﻳﻪ ﻭﻳﺒﻮﺱ ﺑﻴﻬﺎ ﻭﻳﺒﺎﻭﻋﻠﻲ ﺑﺲ ﻣﻴﻜﺪﺭ ﻳﺘﺤﺮﻙ ﺍﺑﺪ .
ﻭﺍﻧﻲ ﻇﻠﻴﺖ ﺍﺩﻭﺭ ﺑﻌﻴﻮﻧﻲ ﻋﻠﻴﻬﺎ ﻭﻳﻨﻬﺎ ﻣﺎﻛﻮ ﻣﻤﺒﻴﻨﺔ
ﺍﻧﺰﺭﻋﺖ ﺑﺪﺍﺧﻠﻲ ﺍﻣﻨﻴﺔ ﺑﺲ ﺷﻨﻮ ﺍﻟﻔﺎﻳﺪﺓ ﺍﻟﻲ ﺍﻧﻜﺴﺮ
ﻣﺎﻳﺘﺼﻠﺢ ..
ﺍﺟﺖ ﻋﻤﻪ ﻛﻮﺓ ﺗﻤﺸﻲ ﺟﺎﻳﺒﻪ ﺍﻟﻌﺼﻴﺮ ﻭﺧﻠﺘﻪ ﻳﻤﻨﻪ
ﻣﺤﺘﺎﺭﺓ ﺗﻜﻌﺪ ﻟﻮ ﻻ ﻣﺘﻔﺸﻠﺔ ﻛﻠﺶ ﻣﻦ ﺍﻫﻠﻲ .
ﻭﺟﻴﺘﻨﻪ ﻓﺸﻠﺘﻬﺎ ﺍﻛﺜﺮ .
ﺻﻔﺎﺀ ﺻﺎﺣﻨﻲ ﺍﻛﻌﺪ ﻳﻤﻪ ﺑﻘﻴﺖ ﺻﺎﻓﻨﺔ ﻣﺮﺣﺖ
ﺑﺎﺑﺎ ﺍﺷﺮﻟﻲ ﺍﺭﻭﺡ ﻳﻤﻪ .
ﺗﻨﻬﺪﺕ ﻛﻤﺖ ﻭﺗﻘﺮﺑﺖ ﻣﻨﻪ ﻫﻤﺴﻠﻲ ﺗﺪﻭﺭﻳﻦ ﻋﻠﻴﻬﺎ ﻣﻮ ؟
ﺗﺮﺓ ﻛﺴﺤﺘﻬﺎ ﻻﻫﻠﻬﺎ ﻭﺍﺣﺘﻤﺎﻝ ﺟﺒﻴﺮ ﻣﺘﺮﺟﻊ ﺑﻌﺪ .
ﺑﻠﻌﺖ ﺭﻳﻚ ﻭﻇﻠﻴﺖ ﺍﺑﺎﻭﻉ ﺑﺎﻻﺭﺟﺎﺀ ﻣﺎﻋﺪﺍﻩ ﻫﻮ ﻣﺎﺑﺎﻭﻋﻠﻪ
ﺧﺎﻳﻔﺔ ﻳﻨﻜﺸﻒ ﻓﺮﺣﻲ
ﺟﺎﻭﺑﺘﻪ ﻣﻴﻬﻤﻨﻲ ﻭﺍﻟﻲ ﺍﻧﻜﺴﺮ ﻣﻴﺘﺼﻠﺢ
ﻛﺎﻝ ﺯﻫﺮﺍﺀ
ﻗﺎﻃﻌﺘﻪ ﻛﻤﺖ ﺭﺣﺖ ﻛﻌﺪﺕ ﻳﻢ ﺍﻫﻠﻲ ..
ﻟﻤﻦ ﺟﻴﻨﻪ ﺩﻧﻄﻠﻊ ﻫﻤﺎﻡ ﺳﻮﺍﻟﻨﻪ ﺣﻔﻠﺔ ﺍﻟﻪ ﻳﺒﻘﻰ ﻳﻢ ﺍﺑﻮﻩ
ﻋﻤﻪ ﻛﺎﻟﺖ ﻭﺍﻟﻠﻪ ﻣﺎ ﺍﻛﺪﺭ ﺍﺑﻘﻲ ﻳﻤﻲ ﻭﺍﻟﻠﻪ ﻟﻮ ﺗﺎﺧﺬﻭﻧﻪ ﺍﺣﺴﻦ ﻻﻥ ﺑﺲ ﻭﺣﺪﻱ ﻭﺍﻟﺨﻄﺎﺭ ﺭﺍﻳﺢ ﺟﺎﻱ ﻭﺻﻔﺎﺀ ﺷﻮﻓﺔ ﻋﻴﻮﻧﻜﻢ ﻻ ﺍﻳﺪ ﻻ ﺭﺟﻞ ﻭﺍﺑﻮﻩ ﺍﺫﺍ ﻏﻔﻰ ﻣﻴﺤﺲ ﺑﻨﻔﺴﻪ ﻭﻣﻴﻜﺪﺭ ﻳﺪﺍﺭﻱ ﺍﻟﻄﻔﻞ .
ﺑﺎﺑﺎ ﺟﺎﻭﺑﻬﻪ ﺑﺴﺨﺮﻳﺔ ﻟﻌﺪ ﺑﻨﺖ ﺍﺧﺘﺞ ﺯﻭﺟﺔ ﺍﻟﺪﻛﺘﻮﺭ ﻭﻳﻨﻬﺎ ؟
ﻫﺎ ﻭﺍﻟﻠﻪ ﻳﻢ ﺍﻫﻠﻬﺎ ..
ﺷﻌﺠﺐ ﺯﻭﺟﻬﺎ ﻣﺴﻮﻱ ﻋﻤﻠﻴﺔ ﻭﻫﻲ ﻳﻢ ﺍﻫﻠﻬﺎ ؟؟ ﻏﻴﺮ ﻣﺮﺓ ﻫﺎﻱ ..
ﺍﻱ ﻣﻮ ﺍﺑﻮﻫﺎ ﻣﺮﻳﺾ ..
ﻭﺑﻨﺘﺞ ﺍﻟﺴﺒﺎﻋﻴﺔ ﺍﻡ ﻋﻀﻼﺕ ﻣﺎﻛﻮ ؟
ﻗﺼﺪﻙ ﺭﺷﺎ ..
ﻟﻴﺶ ﺍﻛﻮ ﻏﻴﺮﻫﻪ ﺍﻟﺒﻠﻮﻯ ﻫﺎﻱ ..
ﻭﺍﻟﻠﻪ ﻣﺸﺎﻛﻞ ﻭﻱ ﺯﻭﺟﻬﺎ ﺍﻟﺤﻘﻴﺮ ﻫﺎﻱ ﻛﻢ ﺳﻨﺔ ﻳﻠﻪ ﺭﺟﻊ ﻭﻣﻴﻘﺒﻞ ﻳﺎﺧﺬﻫﻪ ﻭﻳﺎ ﻭﻳﺮﻳﺪ ﺗﻮﻛﻴﻞ ﻣﻨﻬﺎ ﺗﺨﻠﻲ ﻳﺎﺧﺬ ﺍﻟﺠﻬﺎﻝ ﺑﻌﺪ ﻫﺎﻟﺘﻌﺐ ﻋﻠﻴﻬﻢ ﺗﺼﺮﻑ ﻋﻠﻴﻬﻢ ﻛﻠﻪ ﻣﻦ ﺭﺍﺗﺒﻬﺎ ﻭﻫﻮ ﻛﻠﻪ ﻫﻨﺎﻙ ﺣﺘﻰ ﻣﻴﺴﺄﻝ ﻋﻨﻬﻢ .
ﺑﺎﺑﺎ ﻇﻞ ﻳﺤﻚ ﺑﻠﺤﻴﺘﻪ ﺑﺘﻔﻜﻴﺮ ﻭﺍﻛﺘﻔﻰ ﺑﻘﻮﻝ ﺇﻱ ..
ﻛﻮﺓ ﺷﻠﻌﻨﻪ ﻫﻤﺎﻡ ﻣﻨﻬﻢ ﻭﻃﻠﻌﻨﻪ ، ﻃﻠﻌﺖ ﻭﺍﺣﺲ ﺍﺧﺘﻨﻜﺖ ﺯﺍﺣﻤﺘﻨﻲ ﺫﻛﺮﻳﺎﺗﻲ ﺑﻬﺬﺍ ﺍﻟﺒﻴﺖ ﺍﻟﻲ ﺟﻨﺖ ﺟﺰﺀ ﻣﻨﻪ ..
ﺍﻣﻨﻴﺔ ﺑﺪﺍﺧﻠﻲ ﺍﺗﻤﻨﻰ ﺍﺭﺟﻊ ﺑﺲ ﻭﺍﺭﺟﻊ ﺍﻟﺰﻣﻦ ﻭﻳﺎﻫﺎ ﻫﺎﻟﺮﺟﻌﺔ ..
ﺍﺧﺬﺗﻪ ﻭﺭﺟﻌﺖ ﻟﻠﺒﻴﺖ ﻭﻫﻤﺎﻡ ﻣﺎﺳﻜﺖ ﺍﻻ ﻟﻠﻤﻐﺮﺏ ﻳﻠﻪ ﻧﻠﻢ ﻭﺣﺘﻰ ﺑﺪﻭﻥ ﺍﻛﻞ ﻭﻟﻤﻦ ﻛﻌﺪ ﻫﻢ ﺧﺒﺼﻨﻲ ﺑﺎﺑﺎ ﻭﺑﺎﺑﺎ
ﺍﺧﺬﺗﻪ ﻋﺒﻴﺮ ﻭ ﺻﻌﺪﺕ ﺗﺴﻜﺘﻪ ، ﻛﻌﺪﺕ ﻣﺤﺘﺎﺭﺓ ﻭﺍﻓﻜﺮ ﻭﺍﺧﻄﻂ ، ﻃﻼﻙ ﺧﻠﻴﺘﻪ ﺍﺧﺮ ﺷﻲ ﻭﻣﺴﺘﺤﻴﻞ ﺍﻓﻜﺮ ﺑﻲ
ﺍﺳﺮﺍﺀ ﻣﻤﻮﺟﻮﺩﺓ ﻭﺍﺣﺘﻤﺎﻝ ﻫﻮ ﻛﺎﻟﻲ ﻳﻄﻠﻜﻬﺎ ، ﺭﺷﺎ ﻣﻠﺘﻬﻴﺔ ﺑﻤﺸﺎﻛﻠﻬﺎ ﻫﺎﻟﻤﺮﺓ ﻣﻌﻘﻮﻟﺔ ﺗﺴﺎﻓﺮ ﻭﻳﺎ ﺯﻭﺟﻬﺎ ﻳﺎﺭﻳﺖ ﻭﺍﻟﻠﻪ ﺗﺴﺎﻓﺮ ﻭﺍﺭﺗﺎﺡ ﻳﺎﺭﻳﺖ .
ﺻﻌﺪﺕ ﻓﻮﻙ ﺩﺧﻠﺖ ﻟﻐﺮﻓﺔ ﻋﺒﻴﺮ ﺳﻤﻌﺘﻬﺎ ﺩﺗﺨﺎﺑﺮ ﻗﺴﻮﺭ ﻭﺗﺤﺠﻲ ﻭﻳﺎﻩ ﻭﻫﻤﺎﻡ ﻧﺎﻳﻢ ﺑﺤﻀﻨﻬﺎ ﻭﺑﻌﺪﻩ ﺷﻬﻜﺎﺗﻪ ﻣﺴﻴﻄﺮﺓ ﻋﻠﻰ ﻣﺨﺎﺭﺝ ﺍﻧﻔﺎﺳﻪ ﻣﻮﺗﻨﻲ ﻗﻬﺮ ..
ﺩﺍﺍﺭﻳﺪ ﺍﺧﺬﻩ ﻫﻴﻪ ﺧﺘﻤﺖ ﺍﻟﻤﻜﺎﻟﻤﺔ ﻭﻳﺎ ﻗﺴﻮﺭ
ﻛﺎﻟﺖ ﺍﺻﺒﺮﻱ ﻭﻳﻦ ﻣﺎﺧﺬﺗﻪ ﺑﻘﻲ ﻳﻤﻲ ..
ﻟﻴﺶ ﺳﺪﻳﺘﻲ ﺟﻨﺖ ﺭﺍﺡ ﺍﻧﺰﻝ ..
ﻻ ﺧﻠﺼﻨﺎ ﺣﺠﻲ ..
ﻣﺎ ﺍﻛﻞ ﻫﻤﺎﻡ ﺷﻲ ..
ﻛﻮﻟﺸﻲ ﻣﺎ ﺍﻛﻞ ﺍﺑﻨﺞ ﺭﺍﺡ ﻳﻨﺘﻜﺲ ﻣﺮﺓ ﺛﺎﻧﻴﺔ ﺧﺎﺻﺔ ﺍﺑﻮﻩ ﻣﺮﻳﺾ ﻭﻣﻴﺮﻭﺡ ﻳﻤﻪ ﻫﺎﻟﻔﺘﺮﺓ ..
ﺩﺭﺕ ﻭﺟﻬﻲ ﻣﺤﺘﺎﺭﺓ .. ﻧﺰﻟﺖ ﺟﻮﻩ ﺣﻴﺮﺓ ﻳﺮﺑﻲ ﺍﺑﻨﻲ ﻭﺣﺒﻲ ﺑﻮﻗﺖ ﻭﺍﺣﺪ ﺍﻟﻠﻪ ﻻ ﻳﻨﻄﻲ ﻟﻠﻲ ﻛﺎﻥ ﺍﻟﺴﺒﺐ ..
ﺩﺧﻠﺖ ﺍﻟﻐﺮﻓﺘﻲ ، ﺭﻥ ﺗﻠﻴﻔﻮﻧﻲ ﺑﺎﻭﻋﺖ
ﺻﻔﺎﺀ ﻳﺘﺼﻞ ﺑﻴﻪ ، ﺩﺍﺍﺭﻳﺪ ﺍﻧﻄﻲ ﺭﻓﺾ ﻓﺘﺤﺖ ﺧﻂ ﺑﺎﻟﻐﻠﻂ ﺗﻨﻔﺴﺖ ﺑﻀﻴﻖ ﻭﺑﻘﻠﺔ ﺣﻴﻠﻪ ﺧﻠﻲ ﺍﺷﻮﻓﻪ ﺧﺎﻑ ﻣﺤﺘﺎﺝ ﺷﻲ ..
ﺧﻠﻴﺖ ﺍﻟﻔﻮﻥ ﻋﻠﻰ ﺇﺫﻧﻲ ﺑﺴﺮﻋﻪ ﺣﺠﻪ
_ ﺑﺪﺍﻋﺔ ﻫﻤﺎﻡ ﻋﻨﺪﺝ ﻟﺘﺴﺪﻳﻦ ﺍﻟﺨﻂ ﺑﻮﺟﻬﻲ ﺑﺲ ﻫﺎﻟﻤﺮﺓ ﺍﺳﻤﻌﻴﻨﻲ
ﺳﻜﺘﺖ ﺳﻤﻌﺖ ﺻﻮﺗﻪ ﻣﺎﻝ ﻭﺍﺣﺪ ﻋﺒﺎﻟﻚ ﺩﻳﺒﺠﻲ ﻫﻤﺴﺖ : ﺻﻔﺎﺀ ﺩﺗﺒﺠﻲ ﺷﻌﺪﻧﻚ ﺑﻬﺎﻟﻠﻴﻞ ﻛﺎﻋﺪ ﻭﺍﻧﺖ ﺗﻮﻙ ﻃﺎﻟﻊ ﻣﻦ ﻋﻤﻠﻴﺔ
_ ﺍﻱ ﻛﺎﻋﺪ ﻣﺠﺎﻳﻨﻲ ﻧﻮﻡ ﻣﻦ ﻟﻤﻦ ﻃﻠﻌﺘﻲ ﺍﻟﻌﺼﺮ ﻣﻦ ﻳﻤﻨﻪ ﻟﻬﺴﻪ ﻭﺍﻧﻲ ﺍﻟﻮﺟﻊ ﺍﻛﻠﻨﻲ ﺍﻛﻞ .. ﺯﻫﺮﺍﺀ ﺍﻟﺒﻴﺖ ﺍﻇﻠﻢ ﺑﺪﻭﻧﺞ ﻭﺍﻟﻠﻪ ﻣﺎﺑﻲ ﺣﻴﺎﺓ ﻓﺪﻭﻭﺓ ﺍﺭﺟﻌﻲ ﻭﺷﺘﺮﻳﺪﻳﻦ ﺃﻧﻲ ﺣﺎﺿﺮ ﻭﺍﻟﻠﻪ ﺯﻫﺮﺍﺀ ﺍﻧﻲ ﺩﺍﺍﻣﻮﺕ ﺍﻟﻒ ﻣﻮﻭﺗﻪ ﺑﺎﻟﻴﻮﻡ ﻟﺞ ﻣﻦ ﺻﺪﻙ ﺩﺍﺍﻣﻮﻭﻭﻭﺕ ..
ﺻﻮﺗﻪ ﻳﺒﺠﻴﻨﻲ ﺧﻔﺖ ﻻ ﺍﺷﻬﻚ ﺑﺠﻲ ﻭﺍﺑﻴﻦ ﺿﻌﻔﻲ ﺳﺪﻳﺖ ﺍﻟﺨﻂ ﺑﻮﺟﻬﻪ ﻭﻇﻠﻴﺖ ﺍﻓﻜﺮ ﺍﻟﻠﻴﻞ ﻛﻠﻪ ﺍﻓﻜﺮ ﻭﻣﺎﻧﻤﺖ ..
ﺍﻟﻰ ﺍﻥ ﻭﺻﻠﺖ ﻟﺤﻞ ...
ﺍﻟﻔﺠﺮ ﻧﻤﺖ ﻭ ﻣﻦ ﻛﻌﺪﺕ ﺍﻟﺼﺒﺢ ﻃﻠﻌﺖ ﻣﻦ ﺍﻟﻐﺮﻓﺔ ﻓﺘﺖ ﻉ ﺍﻟﻤﻄﺒﺦ ، ﻟﻜﻴﺖ ﻋﺒﻴﺮ ﻭﻳﻤﻬﺎ ﻫﻤﺎﻡ ﻭﻛﺒﺎﻟﻬﻢ ﺻﻴﻨﻴﺔ ﺍﻟﺮﻳﻮﻙ
ﺑﺲ ﺟﺎﻧﺖ ﻣﻌﺼﺒﻪ ﻋﻠﻴﻪ ﻭﺗﺨﻮﺯﺭ ﺑﻲ ﻭﻫﻮ ﺣﺒﻴﺒﻲ ﺑﺲ ﺷﺎﻓﻨﻲ ﻇﻞ ﻳﺒﺎﻭﻋﻠﻲ ﻣﺒﺮﻃﻢ ..
ﺷﻠﺘﻪ ﻭﺍﺧﺬﺗﻪ ﺷﺒﻴﺞ ﻭﻳﺎ ﻭﻟﺞ ؟
ﻭﻛﻊ ﺍﻟﺤﻠﻴﺐ ﻉ ﺍﻟﻜﺎﻉ ﻭﺧﺰﺭﺗﻪ ﺍﺷﻮ ﺍﻧﺨﻠﺲ ....
ﺍﺧﺬﺗﻪ ﻏﺴﻠﺘﻠﻪ ﻭﺍﺣﺎﺟﻲ .. ﻣﻴﺨﺎﻟﻒ ﺣﺒﻴﺒﻲ ﻭﺩﻟﻴﺖ ﺍﺑﻮﺳﻪ ﻛﺎﻝ ﺑﺎﺑﺎ ﺗﻔﺘﻒ ﻭﻃﻚ ﺑﺠﻲ ..
ﻋﺒﻴﺮ ﺍﺧﺬﻱ ﺍﻟﻠﻴﻞ ﻛﻠﺴﺎﻉ ﻛﻌﺪ ﻭﻛﺎﻝ ﺑﺎﺑﺎ ﻭﺻﻔﺼﻒ ﺍﻧﻲ ﺭﺍﺡ ﺍﺭﺟﻊ ﺍﻧﺎﻡ ..
ﺻﻌﺪﺕ ﻓﻮﻙ
ﻭﺭﻩ ﻳﻮﻣﻴﻦ ﻣﻦ ﺍﻟﺴﻬﺮ ﻭﺍﻟﺘﻌﺐ ﻭﺍﻻﺭﻕ ﻭﺍﻟﺘﻔﻜﻴﺮ
ﺣﺎﺟﻴﺖ ﻣﺎﻣﺎ ﻭﺑﺎﺑﺎ ﻛﺘﻠﻬﻢ ﺍﻧﻲ ﻗﺮﺭﺕ ﺍﺭﺟﻊ ﻟﺼﻔﺎﺀ ..
ﺃﻫﻠﻲ ﻇﻠﻮﺍ ﺻﺎﻓﻨﻴﻦ ﻋﻠﻴﻪ ﻭﺍﻧﻲ ﻛﻤﻠﺖ ﻛﻼﻣﻲ ﺃﺭﺟﻌﻠﻪ ﺑﺲ ﺑﺸﺮﻁ ﺍﻟﻄﺎﺑﻖ ﺍﻟﺜﺎﻧﻲ ﻛُﻠﻪ ﻳﻌﺰﻟﻪ ﺍﻟﻴﻪ ﻭﻳﻄﻠﻌﻠﻲ ﺩﺭﺝ ﻉ ﺍﻟﺤﺪﻳﻘﻪ ﻭﺷﻐﻠﻲ ﻣﻴﺒﻄﻠﻨﻲ ﻣﻨﻪ ..
ﺃﻧﻲ ﺩﺍﺍﺣﺠﻲ ﺍﻧﺘﺒﻬﺖ ﺍﻫﻠﻲ ﺻﺎﻓﻨﻴﻦ ﻋﻠﻴﻪ ﺑﺎﻭﻋﺖ ﻋﻠﻴﻬﻢ
_ ﺷﻜﻮ ﺩﺍﺍﺣﺠﻲ ﺷﻲ ﻏﻠﻂ
ﺣﺠﺖ ﻣﺎﻣﺎ : ﺯﻫﺮﺍﺀ ﺃﻧﺘﻲ ﻛﺪ ﻗﺮﺍﺭﺝ ﻫﺬﺍ ﻭﻟﺞ ﺧﺎﻑ ﺗﺮﺟﻊ ﻣﺮﺗﻪ ﻭﻳﻦ ﺗﺘﺤﻤﻠﻴﻦ ﻭﺟﻮﺩ ﺃﺳﺮﺍﺀ ﺃﻧﺘﻲ ﺗﻐﺎﺭﻳﻦ ﻉ ﺯﻭﺟﺞ ﻣﻦ ﺍﻟﻬﻮﺍ ﻣﻮ ﺍﻧﻮﺏ ﺗﺸﻮﻓﻲ ﻳﻄﺐ ﻭﻳﻄﻠﻊ ﻭﻳﺎﻫﺎ ﻭﻳﻌﺎﺷﺮﻫﺎ
ﺑﺎﺑﺎ : ﺷﻮﻓﻲ ﺃﻧﻲ ﻣﻮ ﺿﺪ ﻗﺮﺍﺭﺝ ﺃﺑﺪ ﺑﺲ ﺍﺩﺭﺳﻲ ﻗﺮﺍﺭﺝ ﺻﺢ ﺑﺎﻟﻨﻬﺎﻳﺔ ﺍﺫﺍ ﺍﻧﻔﺼﻠﺘﻮﺍ ﻣﺤﺪ ﺧﺴﺮﺍﻥ ﻏﻴﺮ ﺃﺑﻨﻜﻢ
_ ﺃﻱ ﺑﺎﺑﺎ ﻭﻟﺬﻟﻚ ﺃﻧﻲ ﺣﺮﺟﻊ ﻋﻠﻤﻮﺩ ﺃﺑﻨﻲ ﺻﺤﺘﻪ ﺑﺎﻟﻨﺎﺯﻝ ﺃﻧﻲ ﻣﻤﺴﺘﻌﺪﺓ ﺃﺧﺴﺮ ﺃﺑﻨﻲ ﻋﻠﻤﻮﺩ ﺻﻔﺎﺀ ﺃﺭﺟﻌﻠﻪ ﺑﺲ ﻋﻠﻤﻮﺩ ﻫﻴﻤﻮ ﺑﺲ ﻫﻮ ﻣﺎﻋﻨﺪﻩ ﺷﻲ ﻳﻤﻲ ﺃﺑﺪ ﻭﺍﻧﻲ ﺍﻛﻮﻟﻪ ﻉ ﻛﻞ ﺷﺮﻭﻃﻲ ﻭﺍﺭﻳﺪ ﺍﻛﻌﺪ ﻭﻳﺎﻩ ﻉ ﺍﻧﻔﺮﺍﺩ
ﺗﻤﺎﻡ ﻳﺠﺮﺍﻟﺞ ﺑﺎﺑﺎ ﻭﻋﻔﻴﺔ ﻋﻠﻴﺞ ﺍﻧﺖ ﻗﻮﻳﺔ ﺍﻥ ﺷﺎﺀﺍﻟﻠﻪ ﻭﺍﺣﻨﺎ ﻭﻳﺎﺝ ﺑﻠﻲ ﺗﺮﺩﻱ ﻭﺗﺸﻮﻓﻴﻪ ﻣﻨﺎﺳﺐ ﺍﻟﺞ ﻭﻻﺑﻨﺞ .
ﺍﻭﻛﻲ ﺑﺎﺑﺎ ﺷﻮﻛﺖ ﺭﺍﺡ ﺗﻜﻮﻟﻪ ؟
ﻫﺴﻪ ﺍﺧﺎﺑﺮﻩ ﻭﺍﺳﻮﻟﻒ ﻭﻳﺎﻩ ..
ﺗﻤﺎﻡ ﺑﺎﺑﺎ ﺍﻧﻲ ﺭﺍﻳﺤﺔ ﻟﺪﻭﺍﻣﻲ .. ﺭﺣﺖ ﺑﺪﻟﺖ ﻭﺩﺍﻭﻣﺖ
ﻛﻀﻴﺘﻬﺎ ﺻﻔﻨﺎﺕ ﺧﺎﻳﻔﺔ ﻣﻦ ﻗﺮﺍﺭﻱ ﺍﻟﻲ ﺍﺗﺨﺬﺗﻪ ﻣﺎ ﺍﺩﺭﻱ ﺻﺢ ﻟﻮ ﻏﻠﻂ ..
ﻟﻠﻈﻬﺮ ﺧﻠﺺ ﺍﻟﺪﻭﺍﻡ ﻭﺭﺟﻌﺖ ﻟﻠﺒﻴﺖ ، ﺭﺣﺖ ﺑﺪﻟﺖ ﻭﻛﻌﺪﺕ ﺑﺎﻟﻤﻄﺒﺦ ﻳﻢ ﻣﺎﻣﺎ ﻭﻇﻠﺖ ﺗﺤﺠﻴﻠﻲ ﻋﻦ ﻣﻜﺎﻟﻤﺔ ﺑﺎﺑﺎ ﻭﺻﻔﺎﺀ ..
_ ﺍﺑﻮﺝ ﻳﻜﻮﻝ ﺻﻔﺎﺀ ﻛﻞ ﻓﺮﺡ ﻟﻤﻦ ﻛﺎﻟﻪ ﺯﻫﺮﺍﺀ ﺣﺘﺮﺟﻌﻠﻚ .
_ ﻣﺎﻣﺎ ﻓﺪﻭﺓ ﺍﺩﻋﻴﻠﻲ ﻣﺎ ﺍﻧﺪﻡ ﺑﻌﺪﻳﻦ ..
_ ﻻ ﻋﻠﻴﺶ ﺍﻟﻨﺪﻡ ﻣﺎﻛﻮ ﺷﻲ ﺍﻥ ﺷﺎﺀﺍﻟﻠﻪ ﻭﺍﻫﻢ ﺷﻲ ﺻﺤﺔ ﺍﺑﻨﺞ ﺩﺍﺍﺷﻮﻓﻪ ﻳﺬﺑﻞ ﻳﻮﻡ ﻋﻦ ﻳﻮﻡ ، ﺧﻮ ﺻﻔﺎﺀ ﺑﺤﺚ ﺍﺧﺮ ﻭﺍﺣﻨﻪ ﻭﻳﺎﺝ ﺑﻨﺘﻲ ﻟﺘﺨﺎﻓﻴﻦ ..
ﺗﻨﻬﺪﺕ ﺍﻟﻠﻪ ﻛﺮﻳﻢ ..
ﺍﻛﻠﺖ ﻭ ﺭﺣﺖ ﺍﺭﺗﺎﺣﻴﺖ ﺷﻮﻳﻪ .. ﻏﻔﻴﺖ ﻳﻢ ﻫﻤﺎﻡ ، ﻓﺰﻳﺖ ﻋﻠﻰ ﺻﻮﺕ ﺍﻟﺒﺎﺏ ﻳﻨﻔﺘﺢ ، ﻛﻤﺖ ﺷﻔﺖ ﻣﺎﻣﺎ ﺑﺎﻟﺒﺎﺏ ، ﺗﻤﻄﻄﺖ ﺣﺠﻴﺖ ﻭﺑﻌﺪﻧﻲ ﻧﻌﺴﺎﻧﺔ ؛ ﻫﺎ ﻣﺎﻣﺎ ﺍﻛﻮ ﺷﻲ ؟
ﺻﻔﺎﺀ ﺣﻴﺠﻲ ﻫﺴﻪ ﺗﻮﺓ ﺧﺎﺑﺮ ﺍﺑﻮﺝ ....
ﻭﻳﻦ ﻳﺤﻲ ﻫﻮ ﺗﻮﻩ ﻣﺴﻮﻱ ﻋﻤﻠﻴﺔ ﻳﻌﻨﻲ ﺻﺎﺭ ﺯﻳﻦ ؟
ﻫﻮ ﻛﺎﻝ ﻻﺑﻮﺝ ﺣﻴﺠﻲ ﺣﺘﻰ ﻳﺴﻤﻊ ﻣﻨﺞ ..
ﺗﻤﺎﻡ ﻛﺎﻳﻤﺔ .. ﻛﻤﺖ ﺍﻧﺘﻈﺮﻩ ﺑﺎﻻﺳﺘﻘﺒﺎﻝ ..
ﺍﻧﺪﻛﺖ ﺍﻟﺒﺎﺏ ﺭﺍﺣﺖ ﻣﺮﻳﻢ ﻓﺘﺤﺘﻪ ﺍﻟﻪ ﻭﻓﺎﺕ
ﻳﻤﺸﻲ ﻭﺍﻳﺪﻩ ﻋﻠﻰ ﺑﻄﻨﻪ ﻭﻣﺒﻴﻦ ﻣﺘﺄﻟﻢ ..
ﻛﺎﻡ ﻋﻠﻴﻪ ﺑﺎﺑﺎ ﺳﺄﻟﻪ ؛ - ﺃﺑﻨﻲ ﺑﻴﻚ ﺷﻲ ﻫﺎﻱ ﺷﺼﺎﻳﺮ ﺑﻴﻚ ﻭﻟﻚ ﻣﺪﺍﻡ ﺑﻌﺪﻫﺎ ﻋﻤﻠﻴﺘﻚ ﺗﻮﺟﻌﻚ ﻟﻴﺶ ﺍﺟﻴﺖ ﺟﺎﻥ ﺍﺭﺗﺎﺣﻴﺖ ﻭﻻ ﺣﻜﻴﻦ ﻧﺤﺠﻲ ﺑﺎﻟﻤﻮﺿﻮﻉ ؟
ﺗﻜﻠﻢ ﺑﺘﻌﺐ ؛ ﻻ ﻋﻤﻲ ﻣﺎ ﺍﺭﻳﺪ ﺷﻲ ﻳﺘﺄﺟﻞ ﻓﺪﻭﺓ ﺍﺭﻭﺣﻠﻚ
ﻛﺎﻓﻲ ﺗﻌﺒﺖ ﻭﺍﻟﻠﻪ .
ﺑﺎﻭﻋﺘﻠﻪ ﺟﺎﻥ ﺷﻜﻠﻪ ﻳﺨﻮﻑ ﺣﺘﻰ ﺍﻭﺭﺩﺗﻪ ﺑﺎﺭﺯﻩ ﻣﻦ ﻛﺪ ﻣﻀﻌﻔﺎﻥ ﻭﻣﺤﺪﺏ ﻣﻦ ﻳﻤﺸﻲ ﻭﻣﻮ ﺫﺍﻙ ﺻﻔﺎﺀ ﺍﻻﻧﻴﻖ ﺃﺑﺪ ﺻﺎﻳﺮ ﻣﻦ ﻳﻤﺸﻲ ﻳﺴﺤﻞ ﺑﺮﺟﻠﻴﻪ ﺳﺤﻞ
ﻣﻦ ﺷﻔﺘﻪ ﺑﻬﺎﻟﻮﺿﻊ ﻟﺰﻣﺖ ﻗﻠﺒﻲ ﺃﺣﺴﻪ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ ﻫﺬﺍ ﺣﺒﻴﺒﻲ ﺍﻟﻔﺘﺤﺖ ﻋﻴﻨﻲ ﻋﻠﻴﻪ ﺍﺧﺬﻭﺍ ﻣﻨﻲ ﻭﻋﺬﺑﻮﺍ ﺷﺼﺎﻳﺮ ﺑﻲ ﺩﻣﻌﺖ ﻋﻴﻨﻲ ﻣﻦ ﺷﻔﺘﻪ ﻭﺑﻘﻴﺖ ﺑﺎﻫﺘﺔ
ﻭﻫﻮ ﻋﺒﺎﻟﻚ ﺩﻳﺤﺲ ﺑﻴﻪ ﺭﻓﻊ ﺭﺃﺳﻪ ﻣﻦ ﺷﺎﻓﻨﻲ ﺃﺑﺘﺴﻢ ﻭﻛﻤﻞ ﻣﺸﻴﺘﻪ ﻭﺻﻞ ﻳﻤﻲ ﺳﻠﻢ ﻋﻠﻴﻪ ﺑﻠﻬﻔﻪ
_ ﺷﻠﻮﻧﺞ ﺑﻨﺖ ﻋﻤﻲ ﺷﻠﻮﻧﺞ ﻳﺎﺑﻌﺪ ﻋﻤﺮ ﺻﻔﺎﺀ ﻭﺭﻭﺣﻪ ﺷﻠﻮﻧﺞ ﺃﺑﻮﻳﻪ ﺃﻧﺘﻲ
ﺟﺎﻭﺑﺘﻪ ﺍﺗﺼﻨﻊ ﺍﻟﺒﺮﻭﺩ ؛ ﺍﻟﺤﻤﺪﻟﻠﻪ ﺑﺨﻴﺮ
_ ﻋﺴﺎﺝ ﺑﺨﻴﺮ ﻳﺎﻟﺒﻌﺪﺝ ﻣﺎﺷﻔﺖ ﺍﻟﺨﻴﺮ
ﺩﻧﻜﺖ ﺭﺍﺳﻲ ﻭﺗﻨﻬﺪﺕ ،
ﺍﺧﺬﻩ
ﺩﻧﻜﺖ ﺭﺍﺳﻲ ﻭﺗﻨﻬﺪﺕ ،
ﺍﺧﺬﻩ ﺑﺎﺑﺎ ﻭﺩﺧﻠﻮﺍ ﻟﻼﺳﺘﻘﺒﺎﻝ ﻳﺤﺠﻮﻥ ﻭﺍﻧﻲ ﺭﺣﺖ ﻟﻬﻤﺎﻡ ﺳﻤﻌﺘﻪ ﻳﺒﺠﻲ ﺭﺣﺖ ﺍﺧﺬﺗﻪ ﻭﻇﻠﻴﺖ ﺍﺣﺎﺟﻲ
ﺣﺒﻴﺒﻲ ﺑﺎﺑﺎ ﻫﻨﺎﻧﻪ ﺍﻫﺪﺃ ﻳﻠﻪ ﺧﻠﻲ ﻧﻐﺴﻞ ﻭﻧﺒﺪﻝ ﺣﺘﻰ ﻧﺮﻭﺡ ﻳﻤﻪ ، ﻫﻮ ﻇﻞ ﻳﺼﻴﺢ ﺑﻤﺮﺡ ﻭﻓﺮﺣﺎﻥ .
ﻏﺴﻠﺘﻬﻠﻪ ﻭﺑﺪﻟﺘﻠﻪ ﻣﻼﺑﺴﻪ ، ﻭﻃﻠﻌﺖ ﺩﺍ ﺍﺧﺬﻩ ﻃﻠﻊ ﺑﺎﺑﺎ ﻣﻦ ﺍﻻﺳﺘﻘﺒﺎﻝ ﺗﻠﻜﺎﻧﻲ ﻭﻗﺒﻞ ﻻ ﺍﺩﺧﻞ ﻟﻼﺳﺘﻘﺒﺎﻝ ﻟﺰﻣﻨﻲ ﻭﺣﻄﻨﻲ ﺟﻮﺍ ﻛﺘﻔﻪ ﻭﻇﻞ ﻳﺤﺠﻲ ﻭﻳﺎﻳﻪ
_ ﺑﺎﺑﺎﺗﻲ ﺩﻳﺮﻱ ﺑﺎﻟﺞ ﻉ ﺃﺑﻦ ﻋﻤﺞ ﺗﺮﻯ ﻭﺿﻌﻪ ﺗﻌﺒﺎﻥ ﻭﻣﺎﻋﺠﺒﻨﻲ ﺣﺘﻰ ﺃﻛﻞ ﻣﺎﺍﻛﻞ ﻣﻌﺪﺗﻪ ﺗﻮﺟﻌﻪ ﺯﻳﻦ ﺣﺒﻴﺒﺘﻲ
_ ﺻﺎﺭ ﺑﺎﺑﺎ
ﺍﻭﻝ ﻣﺪﺧﻠﺖ ﻟﻼﺳﺘﻘﺒﺎﻝ ﻫﻮ ﺑﺲ ﺷﺎﻓﻨﻲ ﻛﺎﻡ ﻣﻦ ﻣﻜﺎﻧﻪ ﻭﺍﺟﻪ ﺍﺗﺠﺎﻫﻲ ﻳﺴﺤﻞ ﺑﺮﻭﺣﻪ ﺳﺤﻞ ﺩﻧﻚ ﻋﻠﻰ ﻫﻤﺎﻡ ﻭﻳﻪ ﻣﺎﺩﻧﻚ ﻛﺎﻝ ﻣﺘﻮﺟﻊ ﺍﺧﺨﺨﺦ ﺑﻮﻳﻪ .
ﻛﺘﻠﻪ ﻋﻠﻰ ﻛﻴﻔﻚ ..
ﺑﺎﻭﻋﻠﻲ ﻭﺍﺑﺘﺴﻢ ﺑﺲ ﺣﺘﻰ ﻣﻜﺪﺭ ﻳﺸﻴﻞ ﻫﻤﺎﻡ
ﺑﺲ ﻟﺰﻣﻪ ﻣﻦ ﺍﻳﺪﻩ ﻭﺍﻧﻲ ﻛﻠﺒﻲ ﻳﺘﻜﻄﻊ ﻭﺭﻭﺣﻲ ﺩﺗﻤﻮﻭﺕ ﻋﻠﻰ ﻫﺬﺍ ﺣﺎﻟﻪ
:. ﺯﻫﺮﺗﻲ ﻋﻤﻲ ﻛﺎﻝ ﺗﺮﻳﺪﻳﻦ ﺗﺤﺠﻴﻦ ﻭﻳﺎﻳﻪ ﺃﻣﺮﻳﻨﻲ ﺷﺮﺍﻳﺪﻩ ﺑﺲ ﻟﺘﻜﻮﻟﻴﻦ ﻃﻠﻜﻨﻲ ﺗﺮﻯ ﻭﻣﺤﻤﺪ ﻣﺎﺍﻃﻠﻜﺞ
ﺃﺑﺘﺴﻤﺖ : ﻻ ﻣﺎﺍﻛﻮﻟﻚ ﻃﻠﻜﻨﻲ ﺃﺳﻤﻌﻨﻲ ﺃﻧﻲ ﻗﺮﺭﺕ ﺃﺭﺟﻌﻠﻚ
ﺑﻌﺪﻧﻲ ﻣﻤﻜﻤﻠﻪ ﻛﻼﻣﻲ ﻋﺎﻁ : ﻭﻋﻠﻲ ﺷﺘﺮﺩﻳﻦ ﻳﺠﺮﺍﻟﺞ ﻣﺤﺒﻮﺑﺘﻲ
ﺍﺟﻪ ﺩﻳﺮﻳﺪ ﻳﺤﻀﻨﻲ ﺍﺷﺮﺗﻠﻪ ﺑﻤﻌﻨﻰ ﺍﻭﻛﻒ ﻇﻞ ﺑﻤﻜﺎﻧﻪ
ﻭﺃﻧﻲ ﻛﻤﻠﺖ ﻛﻼﻣﻲ : ﺑﺲ ﺑﺸﺮﻭﻁ
ﺑﺼﺪﻣﻪ : ﺷﺮﻭﻭﻭﻁ !!!!
_ ﺑﻠﻲ ﺷﺒﻴﻚ ﻣﺘﻌﺠﺐ ﻟﻌﺪ ﺗﺮﻳﺪﻧﻲ ﺍﺭﺟﻌﻠﻚ ﻭﺍﻛﻮﻟﻚ ﺷﺒﻴﻚ ﻟﺒﻴﻚ ﻋﺒﺪﻙ ﺑﻴﻦ ﺍﺩﻳﻚ ﺷﻮﻑ ﻳﺎﺍﺑﻮ ﺃﺑﻨﻲ ﺗﻌﺰﻟﻲ ﺍﻟﻄﺎﺑﻖ ﺍﻟﻔﻮﻙ ﺍﻟﻴﻪ ﻭﺣﺪﻱ ﻭﺗﻨﺰﻟﻲ ﺩﺭﺝ ﻉ ﺍﻟﺤﺪﻳﻘﻪ ﻭﻣﺎﺍﺭﻳﺪ ﺍﺷﻮﻑ ﺷﻜﻮﻝ ﺃﺧﺘﻚ ﻭﻣﺮﺗﻚ
ﻣﻦ ﺣﺠﻴﺖ ﻛﻠﻤﺔ ﻣﺮﺗﻚ ﺍﺣﺲ ﺳﺠﺎﺟﻴﻦ ﺩﺗﻜﻄﻊ ﺑﮕﻠﺒﻲ ﺑﺲ ﻣﺤﺒﻴﺖ ﺃﺑﻴﻦ ﺿﻌﻔﻲ ﻛﺪﺍﻣﻪ ﻭﻛﻤﻠﺖ ﻛﻼﻣﻲ ؛ ﻭﺷﻐﻠﻲ ﺍﺳﺘﻤﺮ ﺑﻲ ..
_ ﺃﻱ ﻣﻦ ﺣﻘﺞ ﺷﻐﻠﺞ ﻭﺍﻧﻲ ﻣﻤﺎﻧﻌﺞ ﺑﺲ ﺷﻐﻠﺔ ﺍﻋﺰﻟﺞ ﺍﻟﻄﺎﺑﻖ ﺍﻟﺜﺎﻧﻲ ﺷﻠﻮﻥ ﻭﺍﻧﺘﻲ ﺗﻌﺮﻓﻴﻦ ﺍﺣﻨﻪ ﺑﻨﺎﺀ ﺑﻴﺘﻨﺎ ﻛﻠﻪ ﺑﺎﻟﻄﺎﺑﻖ ﺍﻟﺜﺎﻧﻲ ﻳﻌﻨﻲ ﺍﻻﺭﺿﻲ ﻣﺎﺑﻲ ﻏﻴﺮ ﺑﺲ ﻏﺮﻓﺔ ﺍﻟﻮﺍﻟﺪ
_ ﺍﻣﻤﻤﻢ ﻗﺼﺪﻙ ﺃﻧﺖ ﻭﺃﺳﺮﺍﺀ ﺍﺫﺍ ﺭﺟﻌﺖ ﻭﻳﻦ ﺗﺮﺣﻮﻥ ﺃﻭﻛﻲ ﺍﺧﺬﻭﺍ ﻏﺮﻓﺘﻜﻢ ﻭﺍﻟﺒﺎﻗﻲ ﺗﻌﺰﻟﻪ ﺍﻟﻴﻪ
_ ﻣﺘﺮﺟﻊ ﺍﻥ ﺷﺎﺀﺍﻟﻠﻪ ﺍﻃﻠﻚ ﺷﻴﻠﻴﻬﺎ ﻣﻦ ﺑﺎﻟﺞ
ﺍﻧﺖ ﺗﺪﻟﻠﻴﻦ ﻭ ﺻﺎﺭ ﻳﺠﺮﺍﻟﺞ ﺑﺲ ﺷﻮﻛﺖ ﺗﺮﺟﻌﻴﻦ؟
_ ﻣﻴﻬﻤﻨﻲ ﺩﺍﺭﺟﻊ ﻋﻤﻮﺩ ﺍﺑﻨﻲ ﻃﻠﻜﺘﻬﺎ ﺍﻭ ﻻ ﻭﺍﺭﺟﻊ
ﺑﻌﺪ ﻣﺘﻌﺰﻟﻲ ﺍﻟﺒﻴﺖ ﺃﻛﻴﺪ ﻻﻥ ﻣﺎ ﺍﺿﻤﻦ ﺗﻄﻠﻜﻬﺎ
ﻭﻫﺴﻪ ﻣﻦ ﺭﺧﺼﺘﻚ
ﻃﻠﻌﺖ ﻭﺻﺤﺖ ﺑﺎﺑﺎ ﺭﺍﺡ ﻳﻤﻪ ....
ﻋﺒﻴﺮ .. ﺑﺬﻛﺮﻯ ﺳﻨﻮﻳﺔ ﻣﻬﺎ ﺭﺣﻨﺎ ﻟﻠﻤﻘﺒﺮﺓ ﻧﺰﻭﺭﻫﺎ
ﺟﺎﻥ ﻗﺴﻮﺭ ﻧﺎﺯﻝ ﺑﺎﺟﺎﺯﺓ ﻭﺭﺍﺡ ﻭﻳﺎﻧﻪ
ﻛﻌﺪﻧﺎ ﻳﻢ ﻗﺒﺮﻫﺎ ﺍﻭﻝ ﻣﻮﺻﻠﻨﻪ ﺍﻧﻬﺎﺭﻳﻨﻪ ﻳﻤﻬﺎ
ﺧﻮ ﻛﺮﺍﺭ ﺍﻧﺘﻬﻰ ﻇﻞ ﻳﺼﻴﺢ ﺑﺼﻮﺕ ﻣﺒﺤﻮﺡ
ﻭﻣﻠﻴﺎﻥ ﺑﺎﻟﻌﺒﺮﺍﺕ ..
ﻟﺞ ﻣﻬﺎ ﺻﺎﺭ ﺳﻨﺔ ﻋﺎﻳﻔﺘﻨﻲ ﻣﺎﺍﺷﺘﺎﻗﻴﺘﻴﻠﻲ ؟
ﻣﺎﺗﻮﻗﻌﺘﺞ ﻫﻴﺞ ﻗﺎﺳﻴﺔ ﻣﻌﻘﻮﻟﺔ ﻣﺘﺤﺒﻴﻨﻲ ﻭﻫﺎﻱ ﺍﻻﺭﺑﻊ ﺳﻨﻮﺍﺕ ﺍﺣﻨﻪ ﺳﻮﺓ ﻭﻗﺒﻠﻬﺎ ﺣﺐ ﻭﺧﻄﻮﺑﺔ ﻣﺎﺷﻔﻌﺘﻠﻲ
ﻟﺞ ﻣﺸﺘﺎﻗﻠﺞ ﻳﺎﺍﺍ ﺍﻟﻠﻪ ﻣﺸﺘﺎﻗﻠﺞ ﻭﺿﺮﺏ ﺍﻟﻜﺎﻉ ﺑﻘﺒﻀﺔ ﺍﻳﺪﻩ .. ﻟﺰﻣﻪ ﻗﺴﻮﺭ ﻳﻬﺪﺃ ﺑﻲ ﻭﻳﺨﻔﻒ ﻋﻨﻪ ..
ﻭﺍﻧﻲ ﻓﻘﺪﺕ ﺧﻠﻴﺖ ﺭﺍﺳﻲ ﻉ ﺍﻟﻘﺒﺮ ﻭﺑﺲ ﺷﻬﻜﺎﺕ ﺑﻜﺎﺋﻲ ﻣﺴﻤﻮﻋﺔ ، ﻣﺎﺣﺴﻴﺖ ﺑﺲ ﻟﻤﻦ ﻗﺴﻮﺭ ﻳﻮﺧﺮﻧﻲ ﻣﻦ ﺍﻟﻘﺒﺮ
ﻭ ﻳﻐﺴﻞ ﻭﺟﻬﻲ ﻭﻳﺨﻠﻲ ﺑﻴﺪﻱ ﻗﺮﺃﻥ ﺻﻐﻴﺮ ﺑﻲ ﻋﺪﺩ ﺳﻮﺭ ﻣﻦ ﺍﻟﻘﺮﺁﻥ ، ﻓﺘﺤﻪ ﻋﻠﻰ ﺳﻮﺭﺓ ﺍﻟﻤﻠﻚ ﻭﻟﺰﻣﻪ ﺍﻟﻲ ﻭﻇﻠﻴﻨﻪ ﻧﻘﺮﺃ ﺍﻧﻲ ﻭﻳﺎ ﻭﻛﻠﺴﺎﻉ ﻳﻤﺴﺢ ﺩﻣﻮﻋﻲ ..
ﺧﻠﺼﻨﺎ ﺻﻼﺓ ﻭﻗﺮﺍﺀﺓ ﻗﺮﺁﻥ ، ﻏﺴﻠﻨﺎ ﺍﻟﻘﺒﺮ ﻭﻃﻠﻌﻨﺎ ﻣﻦ ﺍﻟﻤﻘﺒﺮﺓ ﻧﺮﻳﺪ ﻧﺘﻮﺟﻪ ﻟﻜﺮﺑﻼﺀ ، ﺩﺍﺍﻧﺰﻝ ﻣﻦ ﺍﻟﺴﻴﺎﺭﺓ ﻋﺜﺮﺕ
ﺍﻟﺴﻴﺎﺭﺓ ﻋﺎﻟﻴﺔ ﻭﺍﻧﻲ ﻛﻤﺰﺕ ، ﻗﺴﻮﺭ ﺟﺎﻥ ﻛﺒﺎﻟﻲ
ﻛﺎﻝ ﺧﻮ ﻣﺎﺗﻌﻮﺭﺗﻲ ﺑﺎﻭﻋﺘﻠﻪ ﻭﺍﺑﺘﺴﻤﺖ
ﺟﺎﻭﺑﺘﻪ ﺑﻬﺪﻭﺀ ﻻ ﻣﺎﺻﺎﺭﻟﻲ ﺷﻲ ..
ﻛﺎﻝ ﻓﺪﻭﺓ ﻟﻄﻮﻟﺞ ..
ﻛﺮﺍﺭ ﺗﻮﻩ ﺩﻳﻨﺰﻝ ﻣﻦ ﺍﻟﺴﻴﺎﺭﺓ ﺳﻤﻌﻪ ﻳﺤﺠﻲ ﻭﻳﺎﻳﻪ ..
ﻛﺎﻝ ﻭﻫﻮ ﺩﻳﻔﺘﺢ ﺍﻟﺒﺎﺏ ﻷﻣﻪ ﻋﺎﺩ ﺷﻮﻧﻪ ﻃﻮﻟﻬﺎ ﻛﻠﻬﺎ ﻣﺎﺑﻴﻬﺎ ﺷﺒﺮﻳﻦ ﺛﻼﺛﺔ .. ﻭﻣﺪ ﻟﺴﺎﻧﻪ
ﺍﻧﺪﺍﺭﻟﻪ ﻗﺴﻮﺭ ﻭﺿﺮﺑﻪ ﻋﻠﻰ ﻛﺘﻔﻪ ؛ ﺍﺷﺸﺶ ﻟﻚ ﺍﻧﺖ ﻛﻠﻚ ﺗﺮﻭﺡ ﻓﺪﻭﺓ ﻟﻄﻮﻟﻬﺎ ..
ﺟﺎﻭﺑﺘﻪ ﻣﻌﻠﻴﻚ ﺑﻲ ﻫﻮ ﻣﻦ ﻳﻮﻡ ﻳﻮﻣﻪ ﻳﻌﻴﺐ ﻋﻠﻰ ﻃﻮﻟﻲ ..
ﻗﺴﻮﺭ ﻛﺎﻝ ﺷﺤﺪﻩ ﻳﻌﻴﺐ ﻣﻨﺎ ﻭﺟﺎﻱ ...
ﺭﻓﻊ ﺭﺍﺳﻪ ﻛﺮﺍﺭ ؛ ﺍﻱ ﻭﺷﺴﻮﻱ ﻳﺎﺑﻪ ؟
ﺟﺎﻭﺑﻪ ﻣﻦ ﻫﺴﻪ ﻗﺒﻞ ﻟﻨﺮﺟﻊ ﺍﺣﻔﺮﻟﻚ ﻛﺒﺮ ﻫﻨﺎ
ﻋﻤﻪ ﺍﻡ ﻛﺮﺍﺭ ﺻﺎﺣﺖ ﻳﻤﻪ ﺍﺳﻢ ﺍﻟﻠﻪ ﻋﻠﻴﻪ ﺍﻥ ﺷﺎﺀﺍﻟﻠﻪ ﺍﻟﻲ ﻳﻜﺮﻫﻮﺍ ..
ﺟﺎﻭﺑﻬﺎ ﻗﺴﻮﺭ ؛ ﺧﺎﻟﺔ ﺗﺮﺓ ﻭﺍﻟﻠﻪ ﻣﺎ ﺍﺍﻛﺮﻫﻪ ﺍﻧﻲ ..
ﻣﺎﻣﺎ ﻛﺎﻟﺘﻠﻪ ؛ ﺍﺳﻢ ﺍﻟﻠﻪ ﻋﻠﻴﻚ ﻳﻮﻡ ﺍﻟﻠﻪ ﻳﺨﻠﻴﻚ ﻟﺸﺒﺎﺑﻚ ..
ﺯﺭﻧﺎ ﻭﺭﺟﻌﻨﺎ ﻟﺒﻐﺪﺍﺩ ﻭﺻﻠﻨﺎ ﺭﺍﺳﻲ ﺻﺎﻳﺮ ﺷﻜﺪﻩ ﻣﻦ ﺍﻟﺒﺠﻲ
ﺭﻛﻀﺖ ﻟﻠﺤﻤﺎﻡ ﺳﺒﺤﺖ ﻭﺭﺣﺖ ﻧﻤﺖ ...
ﻛﻌﺪﺕ ﻋﻠﻰ ﺣﺲ ﻫﻤﺎﻡ ﻳﻤﻲ ﻳﻜﻌﺪ ﺑﻴﻪ ﻛﻌﺪﺕ ﻟﺰﻣﺖ ﺭﺍﺳﻲ ، ﺷﻔﺖ ﺯﻫﺮﺍﺀ ﺩﺗﺮﻳﺪ ﺗﺎﺧﺬﻩ
ﻛﺘﻠﻬﺎ ﻋﻮﻓﻲ ﻋﻮﻓﻲ ﺑﻌﺪ ﻛﻌﺪﺕ ﺷﻴﺮﺟﻌﻨﻲ ﻋﻠﻰ ﻧﻮﻣﺘﻲ ..
ﻟﺞ ﻭﺍﻟﻠﻪ ﻏﻠﺒﻨﻲ ﻣﻜﺪﺭﺕ ﺍﻟﺰﻣﻪ ﺷﻮﻧﻬﺎ ﺯﻳﺎﺭﺗﻜﻢ ؟
ﺷﻮﻧﻬﺎ ﺑﻌﺪ ﻟﺞ ﻭﺍﻟﻠﻪ ﻣﻤﺼﺪﻛﺔ ﺻﺎﺭﺕ ﺳﻨﺔ ﻣﻤﺼﺪﻛﺔ ..
ﺍﻟﻠﻪ ﻳﺮﺣﻤﻬﺎ ﺍﻟﻮﻗﺖ ﻳﻤﺮ ﺑﺴﺮﻋﺔ ﻭﻛﻠﻪ ﻣﻦ ﻋﻤﺮﻧﺎ ..
ﺍﻱ ﺯﻫﺮﺍﺀ ﻭﻳﻨﻬﺎ ﺍﻻﻣﺎﻧﺔ ﻣﺎﻟﺔ ﻣﻬﺎ ﺭﺟﻌﻴﻠﻴﺎﻫﻪ ﺍﺭﻳﺪ ﺍﺷﻮﻑ ﺷﻨﻮ ﺑﻴﻬﺎ ..
ﺍﻧﺖ ﻣﺴﺘﻌﺪﺓ ؟؟
ﺗﻮﺗﺮﺕ ﺀﺀﺀ ...
ﺍﻧﺠﺒﻲ ﻋﺒﻴﺮ ﻭﺭﺍﺝ ﻋﺮﺱ ﻣﺒﻘﻰ ﺷﻲ ﺧﻄﻴﺔ ﻗﺴﻮﺭ ﻣﺎﺻﺪﻙ ﺗﺼﻴﺮﻳﻦ ﺍﻟﻪ ﻟﺘﻌﻜﺮﻳﻦ ﻣﺰﺍﺟﺞ ﻫﺴﻪ .
ﻟﺞ ﺧﺎﻑ ﺑﻴﻬﺎ ﺷﻲ ﻣﻬﻢ ..
ﻟﺞ ﻋﺒﻴﺮ ﺍﻟﺤﻲ ﺍﺑﻘﻰ ﻣﻦ ﺍﻟﻤﻴﺖ ﺧﻄﻴﺔ ﻗﺴﻮﺭ ﻓﻜﺮﻱ ﺑﻲ ﺍﺩﺭﻱ ﺑﻴﺞ ﻫﺴﻦ ﺗﻨﻬﺎﺭﻳﻦ ﺧﻠﻴﻬﺎ ﻟﻐﻴﺮ ﻭﻛﺖ ..
ﺻﻔﻨﺖ ﺑﻮﺟﻬﻪ ، ﻳﻮﻡ ﺛﺎﻧﻲ ﺧﻠﻴﺘﻬﺎ ﺗﺮﻭﺡ ﻟﻠﺪﻭﺍﻡ ﻭﺗﻮﺟﻬﺖ ﻟﻐﺮﻓﺘﻬﺎ ﺩﻭﺭﺗﻬﺎ ﻣﺎﻟﻜﻴﺘﻬﺎ ﻣﺎﺩﺭﻱ ﻭﻳﻦ ﻣﺨﻠﻴﺘﻬﺎ ..
ﻣﻦ ﺭﺟﻌﺖ ﻧﺴﻴﺖ ﺍﺳﺄﻟﻬﺎ ﻋﻨﻬﺎ ...
ﻭﺭﻩ ﺍﻟﺴﻨﻮﻳﺔ ﺑﻜﻢ ﻳﻮﻡ ﺍﺟﺘﻲ ﻋﻤﻪ ﺗﺘﻔﻖ ﻭﻳﺎﻧﻪ ﻉ ﺗﺤﻀﻴﺮﺍﺕ ﺍﻟﺰﻭﺍﺝ ..
ﻛﻌﺪﺕ ﻣﻌﺎﺟﺒﻬﺎ ﺑﺲ ﻣﺎﻣﺎ ﻫﻤﺴﺘﻠﻲ ﺍﻫﻢ ﺷﻲ ﻗﺴﻮﺭ ﺧﻄﻴﺔ ﺍﻟﻮﻟﺪ ﺍﺛﺚ ﺍﻟﺒﻴﺖ ﻭﻣﻤﻘﺼﺮ ﺑﺘﻨﻔﻴﺬ ﻃﻠﺒﺎﺗﺞ ..
ﻫﺰﻳﺖ ﺭﺍﺳﻲ ﺑﺲ ﻣﻤﺮﺗﺎﺣﺔ ﻟﻌﻤﺔ .
ﻋﺎﺩ ﻫﻴﻪ ﻛﺎﻟﺖ ﺗﺮﺓ ﻗﺴﻮﺭ ﻫﻮﺍﻱ ﻣﺘﻜﻠﻒ ﺍﻟﺒﻴﺖ ﻫﻮﺍﻱ ﻛﻠﻔﻪ ﻳﻌﻨﻲ ﻣﺘﺤﺘﺎﺝ ﺣﻔﻠﺔ ﺧﻄﻮﺑﺔ ﻧﺴﻮﻱ ﻋﺮﺱ ﺑﺎﻟﻘﺎﻋﺔ ﻭﻫﺎﻱ ﻫﻴﻪ ..
ﺍﺭﻳﺪ ﺍﺣﺠﻲ ﻛﺮﺻﺘﻨﻲ ﻣﺎﻣﺎ ... ﻭﺟﺎﻭﺑﺘﻬﺎ
_ ﻋﻴﻨﻲ ﻫﺎﻱ ﺍﻟﺸﻐﻼﺕ ﻛﻠﻬﺎ ﻣﺎﺗﻜﺒﺮ ﺑﺨﺖ ﺍﻟﺒﻨﻴﺔ ﻭﺍﺣﻨﻪ ﺷﺎﺭﻳﻦ ﺍﻟﻮﻟﺪ ﺩﺭﺓ ﻣﺎﻝ ﺍﻟﻠﻪ ﻭﻳﻨﺤﻂ ﻉ ﺍﻟﺠﺮﺡ ﻭﻣﻤﻘﺼﺮ ﻭﻳﺎﻫﻪ ﻭﺍﻧﻲ ﺍﺳﻮﻳﻠﻬﺎ ﺣﻨﺔ ﺑﺎﻟﻘﺎﻋﺔ ﺷﻜﻢ ﻋﺒﻮﺭﺓ ﻋﻨﺪﻱ ﺍﻧﻲ ؟ ﻭﺑﺎﻭﻋﺘﻠﻲ ﻭﺍﺑﺘﺴﻤﺖ ..
ﺿﺤﻜﺖ ﺑﻮﺟﻪ ﺍﻣﻲ ﻭﺑﺎﻭﻋﺖ ﻟﻌﻤﻪ ﻗﺴﻮﺭ ﻛﺎﻝ ﻧﺮﻭﺡ ﺍﻧﻲ ﻭﻳﺎﻩ ﻧﺨﺘﺎﺭ ﺍﻟﺒﺪﻻﺕ ﻋﻤﻪ ﻣﻨﺮﻳﺪ ﻧﺘﻌﺒﺞ ...
ﺗﻌﺒﻮﻧﻲ ﻟﻮ ﻣﺘﺮﺩﻭﻧﻲ ﻭﻳﺎﻛﻢ ﻭﺩﺍﺭﺕ ﻭﺟﻬﻪ ..
ﻣﺎﻣﺎ ﻛﺎﻟﺘﻠﻬﺎ ﻳﺎ ﻋﻴﻮﻧﻲ ﻳﺎﺧﺬﻭﺝ ﺍﻧﺖ ﺍﻻﺻﻞ ﻭﺍﻟﺨﻴﺮ ﻭﺍﻟﺒﺮﻛﺔ ﺟﺒﺘﻲ ﻭﺭﺑﻴﺘﻲ ﻭﺗﻌﺒﺘﻲ ﻭﺳﻬﺮﺗﻲ ﺷﻮﻥ ﻟﻌﺪ ..
ﺍﻱ ﻗﻨﻌﻴﻨﻲ ﺑﺤﺠﻴﺞ ﻫﺬﺍ ﻗﻨﻌﻴﻨﻲ ..
ﺍﺭﻳﺪ ﺍﻛﻮﻝ ﺷﻮﻥ ﺑﻠﻠﻪ ﺳﻜﺘﺘﻨﻲ ﺍﻣﻲ ..
ﻃﻠﻌﺖ ﻋﻤﻪ ﻭﺍﻧﻲ ﺭﺣﺖ ﺍﺭﻳﺪ ﺍﺧﺎﺑﺮ ﻗﺴﻮﺭ ﺷﻔﺖ ﺯﻫﺮﺍﺀ ﻣﺤﻀﺮﺓ ﺭﻭﺣﻬﺎ ﺩﺗﺮﻭﺡ ﺗﺮﺟﻊ ﻟﺒﻴﺖ ﺻﻔﺎﺀ ..
ﺑﺎﻭﻋﺖ ﺍﻟﻬﺎ ﻫﺎ ﺍﻧﺖ ﻛﺪ ﻗﺮﺍﺭﺝ ؟ ﺣﺘﺮﻭﺣﻴﻦ ﻳﻌﻨﻲ ؟؟
ﺟﺎﻭﺑﺖ ﺍﻱ ﻟﺨﺎﻃﺮ ﺍﺑﻨﻲ ﻣﺎﺭﻳﺪ ﺍﺧﺴﺮﻩ ..
ﺍﺑﻘﻲ ﻳﻤﻲ ﻋﺎﺩ ﺑﻴﻨﻤﺎ ﺍﻋﺮﺱ ﻭﻛﺮﺻﺘﻬﺎ ..
ﻳﻤﺞ ﻫﻨﺎ ﺍﻧﻲ ﻣﻮ ﺑﻌﻴﺪﺓ ﻭﺑﻮﺳﺘﻨﻲ ...
.......
ﺍﺟﻪ ﻋﻠﻴﻪ ﺻﻔﺎﺀ ﺑﺎﺑﺎ ﻛﺎﻟﻪ : ﻣﻴﺤﺘﺎﺝ ﺍﻭﺻﻴﻚ ﻻﻥ ﻭﺻﻴﺘﻚ ﻗﺒﻞ ﻭﺧﻮﺵ ﺻﻨﺖ ﺍﻻﻣﺎﻧﻪ ﻣﺎﻗﺼﺮﺕ ﺃﻣﺎ ﻫﺴﻪ ﻣﺎﻋﻨﺪﻱ ﺃﻱ ﻭﺻﻴﺔ ﺍﻟﻚ ﻻﻥ ﺍﻧﺖ ﺳﻮﻳﺖ ﺍﻟﻤﻤﺴﻮﻱ ﺑﺸﺮ ﺑﺲ ﻫﺎﻟﻤﺮﺓ ﺃﺫﺍ ﺍﺟﺘﻨﻲ ﺯﻫﻮﺭﻩ ﻭ ﺟﺎﻥ ﺳﺒﺐ ﺩﻣﻮﻋﻬﺎ ﺃﻧﺖ ﺍﻭ ﻭﺣﺪﻩ ﻣﻦ ﻧﺴﻮﺍﻥ ﺑﻴﺘﻜﻢ ﺫﻳﺞ ﺍﻟﺴﺎﻋﻪ ﻳﺎ ﺻﻔﺎﺀ ﺃﺣﻔﺮ ﻟﺤﺪﻙ ﺑﻴﺪﻙ ﺧﻮﻭﻭﻭﻭﺵ
ﺻﻔﺎﺀ ﻣﺎﺣﺠﻪ ﺑﺲ ﻫﺰ ﺭﺃﺳﻪ
ﻭﺑﺎﺱ ﺃﺑﻮﻳﻪ ﻭﻃﻠﻌﻨﺎ ﻗﺒﻞ ﻟﻨﻄﻠﻊ ﺑﺎﺑﺎ ﻛﺎﻝ : ﺯﻫﺮﻩ ﺃﺧﺬﻱ ﺳﻴﺎﺭﺗﺞ ﺑﺎﺑﺎﺗﻲ ﺍﻟﻌﺪﻫﻦ ﺳﻴﺎﺭﺓ ﻣﻮ ﺃﺣﺴﻦ ﻣﻨﺞ
ﺻﻔﺎﺀ ﻇﻞ ﺻﺎﻓﻦ ﺻﻌﺪﺕ ﺑﺎﻟﺴﻴﺎﺭﺓ ﻣﺎﻟﺘﻲ ﻭﺧﻠﻴﺖ ﻏﺮﺍﺿﻲ ﺑﻴﻬﺎ ﺍﺟﻪ ﺻﻔﺎﺀ ﺻﻌﺪ ﻳﻤﻲ ﻛﺎﻝ : ﺷﺪﻋﻮﻩ ﺗﺮﻯ ﻫﻴﺎﺗﻪ ﺍﻟﺒﻴﺖ ﺣﺎﻳﻂ ﻉ ﺣﺎﻳﻂ
_ ﻣﻴﺨﺎﻟﻒ ﺍﺧﺬ ﺳﻴﺎﺭﺗﻲ ﻭﻳﺎﻳﻪ
ﺭﺣﻨﺎ ﻟﺒﻴﺖ ﻋﻤﻮ ﺳﻠﻤﺖ ﻉ ﻋﻤﻮ ﻭﻋﻤﻪ ﻭﺻﻌﺪﺕ ﻟﺸﻘﺘﻲ ﻃﻮﻝ ﻣﺎﺻﻔﺎﺀ ﺟﺎﻥ ﻳﺸﺘﻐﻞ ﺣﺘﻰ ﻳﻌﺰﻟﻬﺎ ﺍﻧﻲ ﻣﺎﺍﺟﻴﺖ
ﺷﻔﺖ ﺍﻻﺛﺎﺙ ﻛﻠﻪ ﻣﻦ ﺍﻟﺮﺍﻗﻲ ﻭﻣﺮﺗﺐ ، ﻋﺮﻓﺖ ﺻﻔﺎﺀ ﺣﻴﺼﻌﺪﻟﻲ ﻗﻔﻠﺖ ﺍﻟﺒﺎﺏ ﻭﻇﻠﻴﺖ ﺍﺭﺗﺐ ﺑﺎﻏﺮﺍﺿﻲ ﻭﻣﻦ ﻛﻤﻠﺖ ﻛﻤﺖ ﻧﻈﻔﺖ ﺍﻟﺸﻘﻪ ﻭﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺛﻪ ﻟﻜﻴﺘﻪ ﻣﺘﺴﻮﮒ ﺣﺘﻰ ﻧﺴﺎﺗﻞ ﻭﺟﺒﺲ ﻫﻢ ﻣﺸﺘﺮﻱ .
ﺳﻮﻳﺖ ﻏﺪﺍﺀ ﻭﺍﻛﻠﺖ ﺍﻧﻲ ﻭﻫﻤﺎﻡ ﻭﻧﻮﻣﺘﻪ ﻭﺗﻤﺪﺩﺕ ﺑﺼﻔﻪ ﻇﻠﻴﺖ ﺍﻓﻜﺮ ﻳﺎﺗﺮﻯ ﻗﺮﺍﺭﻱ ﺻﺢ ﻟﻮ ﻏﻠﻂ
ﺳﻤﻌﺖ ﺍﻟﺒﺎﺏ ﺗﻨﺪﻙ ﻛﻤﺖ ﻉ ﻛﻴﻒ ﻣﻦ ﻳﻢ ﻫﻤﺎﻡ ﺣﺘﻰ ﻟﻴﻔﺰ ﻭﺭﺣﺖ ﻓﺘﺤﺖ ﺍﻟﺒﺎﺏ ﺻﺎﺭ ﺻﻔﺎﺀ ﺑﻮﺟﻬﻲ
ﺣﺠﻪ ﻭﻋﺒﺎﻟﻚ ﻳﺘﺮﺟﺎﻧﻲ : ﺑﺲ ﺧﻠﻲ ﺃﻧﺎﻡ ﻫﻨﺎ ﻭﺍﻟﻠﻪ ﻣﺎﺍﺿﻮﺟﺞ ﻭﻻ ﺃﺍﺫﻳﺞ ﺯﻫﺮﺍﺍﺍﺍﺍﺀ ﺗﻌﺒﺎﺍﺍﺍﻥ ﺃﺭﻳﺪ ﺍﺷﺮﺩ ﻣﻦ ﻛﻮﻟﺸﻲ ﺧﻠﻴﻨﻲ ﺃﻧﺎﻡ ﺣﺘﻰ ﻟﻮ ﻫﻨﺎ ﺑﺎﻟﺼﺎﻟﻪ ﻭﻋﺪ ﻣﺎﺍﺟﻲ ﻳﻤﺞ
_ ﺃﻣﺸﻲ ﺍﻧﺰﻝ ﺻﻔﺎﺀ ﻣﺎﺍﺗﻔﻘﻨﺎ ﻫﻴﺞ ﺃﺑﺪ
_ ﺍﻋﺮﻑ ﻭﺍﻟﻠﻪ ﺍﻋﺮﻑ ﺩﺍﺍﻛﻮﻟﺞ ﺗﻌﺒﺎﺍﺍﻥ ﻣﺎﻋﻨﺪﺝ ﺭﺣﻤﻪ
ﺃﻧﺘﻲ ؟
ﻇﻠﻴﺖ ﺳﺎﻛﺘﻪ ﺗﺮﻛﻨﻲ ﻭﻧﺰﻝ ﻣﺪﻳﺖ ﺭﺃﺳﻲ ﺍﺑﺎﻭﻋﻠﻪ ﻣﻦ ﺩﻳﻨﺰﻝ ﻋﺜﺮ ﺑﺎﻟﺪﺭﺝ ﺻﺤﺖ : ﺍﻟﻠﻪ
ﺍﻟﺘﻔﺘﻠﻲ ﻣﺒﺘﺴﻢ ﻭﻛﻤﻞ ﻃﺮﻳﻘﻪ
ﻭﺭﺍ ﺷﻮﻳﻪ ﺳﻤﻌﺖ ﺻﻮﺕ ﺃﺳﺮﺍﺀ ﺗﻌﻴﻂ ﻭﺻﻮﺕ ﺯﻟﻢ ﺍﻟﻈﺎﻫﺮ ﺍﺧﻮﺗﻬﺎ ﺟﺎﻳﻴﻦ ﻭﻳﺎﻫﻪ
ﺍﻧﺼﺪﻣﺖ ﻫﺎﻱ ﺷﺪﻳﺼﻴﺮ !!! ....
......
ﻳﺘﺒﻊ
