#ﻓﻲ_ﺷﺮﻳﻌﺔ_ﺍﻟﻌﺸﻖ
ﺑﺎﺭﺕ 8
ﻧﻮﺭﺍ ﻧﺎﺻﺮ
ﺷﻔﺖ ﺍﻣﻲ ﺗﺪﻙ ﻭﺗﻠﻄﻢ ، ﺭﻛﻀﺖ ﻋﻠﻴﻬﺎ ﻣﻨﻬﺎﺭﺓ ﻟﺰﻣﺖ ﺍﻳﺪﻳﻬﺎ ﺑﻘﻮﻭﺓ ﻭﺍﺑﺎﻭﻉ ﻟﻌﻴﻮﻧﻬﺎ ﻭﺍﺣﺠﻲ ..
_ ﻳﻮﻡ ﻓﺪﻭﺓ ﺷﺒﻴﻬﺎ ﺍﺧﺘﻲ ﺑﺲ ﺟﺎﻭﺑﻴﻨﻲ ﻳﻮﻡ ﻋﻔﻴﺔ ؟
ﻣﻦ ﺑﻴﻦ ﺩﻣﻮﻋﻬﺎ ﻭﺍﻟﻐﺼﺔ ﺗﺎﺭﺳﺔ ﺻﺪﺭﻫﺎ ﺟﺎﻭﺑﺘﻤﻲ ﺑﺄﻟﻢ ﻭﺻﺮﺍﺥ : ﻭﻟﺞ ﺍﺧﺘﺞ ﺭﺍﺡ ﺗﺮﻭﺡ ﻣﻦ ﺍﻳﺪﻳﻨﺎ ﺍﺍﺍﺍﺍﻩ ﻳﻤﻪ ﻋﺒﻮﺭﺓ ﺷﺠﺎﻧﻲ ﻭﻃﻠﻌﺘﺞ ﻣﻦ ﺍﻟﺒﻴﺖ ، ﺷﺠﺎﻧﻲ ﻭﺧﻠﻴﺘﺞ ﺗﺮﻭﺣﻴﻦ ..
_ ﻳﻮﻡ ﺍﻫﺪﻱ ﻓﺪﻭﺓ ﻭﻓﻬﻤﻴﻨﻲ ﺷﺒﻴﻬﺎ ﻋﺒﻴﺮ ﻋﻔﻴﺔ ﺍﻫﺪﻱ ﻫﻴﺞ ﺍﻧﺖ ﺭﺍﺡ ﻳﺼﻴﺮ ﺑﻴﺞ ﺍﺭﺣﻤﻲ ﺣﺎﻟﺞ ﺑﺲ ﻓﻬﻤﻴﻨﻲ ؟
_ ﻭﻟﺞ ﻃﺎﻟﻌﺔ ﻭﻳﺎ ﺑﻴﺖ ﺧﺎﻟﺘﺞ ﺭﺍﻳﺤﻴﻦ ﻟﺒﻴﺖ ﺧﺎﻟﺞ ﻣﺤﻤﻮﺩ ﻭﻭﺭﺍﻫﻢ ﺭﺗﻞ ﺍﻣﺮﻳﻜﻲ ﻣﺪﺭﻱ ﻣﻨﻮ ﺿﺎﺭﺏ ﻋﻠﻰ ﺍﻟﺮﺗﻞ ﻭﻫﺬﻭﻝ ﺿﺎﺭﺑﻴﻦ ﻉ ﺍﻟﻤﺪﻧﻴﻴﻦ ﺍﻟﻲ ﺑﺎﻟﺸﺎﺭﻉ ﻃﻠﻘﺎﺕ ﻭﺟﺎﻳﺔ ﺑﺴﻴﺎﺭﺓ ﺭﺟﻞ ﺧﺎﻟﺘﺞ ﻭﻣﺘﺼﻮﺑﻴﻦ ﻛﻠﻬﻢ ..
ﻟﻄﻤﺖ ﻋﻠﻰ ﺧﺪﻭﺩﻱ ﻋﺰﺍ ﺍﻟﻌﺰﺍﻧﻲ ﺍﻟﻠﻪ ﻳﻨﺘﻘﻢ ﻣﻨﻬﻢ ﺍﻥ ﺷﺎﺀﺍﻟﻠﻪ ..
_ ﺍﺭﻛﻀﻲ ﺧﺎﺑﺮﻱ ﻻﺑﻮﺝ ﺑﺴﺮﻋﺔ ﺑﻨﺘﻲ ﻣﺎﺑﻴﻪ ﺍﻛﻮﻡ ﻋﻠﻰ ﺣﻴﻠﻲ ﻭﻟﺞ ﺍﻧﺸﻠﻴﺖ ﺍﻧﺸﻠﻴﺖ ..
ﺑﺒﻜﺎﺀ ﻭﺩﻣﻮﻉ ﺟﺎﻭﺑﺘﻬﺎ : ﻻ ﻣﺎﻣﺎ ﺍﺳﻢ ﺍﻟﻠﻪ ﻋﻠﻴﺞ ﻋﻔﻴﺔ ﺍﻫﺪﻱ ..
ﺍﺧﺬﺕ ﺍﻟﺘﻠﻴﻔﻮﻥ ﻭﺧﺎﺑﺮﺕ ﺑﺎﺑﺎ .. ﺑﺲ ﺭﻥ ﺟﺎﻭﺑﻨﻲ
ﺻﻴﺤﺖ ﺑﺎﺑﺎ ﺍﻟﺤﻚ ﻋﺒﻴﺮ ﺗﺼﻮﺑﺖ ..
ﺑﺎﺑﺎ ﻭﺑﻨﺒﺮﺓ ﺣﺰﻳﻨﺔ : ﺍﻱ ﺍﺩﺭﻱ ﺑﻨﺘﻲ ﺍﻧﻲ ﻳﻤﻬﺎ
ﺑﻤﺴﺘﺸﻔﻰ ﺍﻟﻴﺮﻣﻮﻙ ﺧﺎﺑﺮﻭﻧﻲ ﺧﻮﺍﻟﺞ ..
_ ﺑﺎﺑﺎ ﻃﻤﻨﻲ ﻋﻠﻴﻬﺎ ﻋﻔﻴﺔ ﺷﻠﻮﻧﻬﺎ ﻫﺴﻪ ﻭﻭﻟﺪ ﺧﺎﻟﺘﻲ ﺷﻠﻮﻧﻬﻢ؟
_ ﻭﻟﺪ ﺧﺎﻟﺘﺞ ﺍﺻﺎﺑﺘﻬﻢ ﺑﺴﻴﻄﺔ ﺑﺲ ﻋﺒﺮﺓ ﻣﺘﺄﺫﻳﺔ ﻻﻥ ﻫﻲ ﻛﺎﻋﺪﺓ ﺑﺎﻟﻮﺭﺍ ﻭﺫﻭﻻﻙ ﺍﻟﻨﻜﺴﻴﻦ ﺿﺎﺭﺑﻴﻦ ﺳﻴﺎﺭﺓ ﺍﻣﺠﺪ ﺍﺑﻦ ﺧﺎﻟﺘﺞ ﻣﻦ ﻭﺭﺍ ﻭﺍﻟﺸﻀﺎﻳﺎ ﻭﺍﻟﺠﺎﻡ ﻛﻠﻪ ﻭﺍﻛﻊ ﻋﻠﻰ ﻋﺒﻴﺮ ﺣﺎﻭﻟﻲ ﺗﻬﺪﺃﻳﻦ ﺍﻣﺞ ﻻﻳﺼﻴﺮ ﺑﻴﻬﺎ ﻭﺍﺫﺍ ﺍﺟﺘﻬﺎ ﻧﻮﺑﺔ ﺳﻜﺮ ﺗﻌﺮﻓﻴﻦ ﺷﺴﻮﻳﻦ ﻣﻮ ؟
_ ﺍﻱ ﺑﺎﺑﺎ ﻭﺍﻧﺖ ﻃﻤﻨﻪ ﻋﻠﻴﻬﺎ .. ﺧﺘﻤﺘﻬﺎ ﻭﺑﺎ ﺑﺎﺑﺎ ﻭﺍﻧﻲ ﺍﺭﺟﻒ ﻭﻗﻠﺒﻲ ﻳﺪﻙ ﺳﺮﻳﻊ ﻭﺩﻣﻮﻋﻲ ﺗﺎﺭﺳﺔ ﻋﻴﻮﻧﻲ
ﻭﺑﺲ ﺍﺩﻋﻲ ﺗﻄﻠﻊ ﺳﻼﻣﺎﺕ ﺍﺧﺘﻲ ﻭﻣﻴﺼﻴﺮ ﺑﻴﻬﺎ ﺷﻲ ..
ﺭﺟﻌﺖ ﻟﺰﻣﺖ ﺃﻣﻲ ﺑﺲ ﺩﺍﺭﻳﺪ ﺍﻫﺪﺋﻬﺎ ﺧﺎﻑ ﻳﺮﺗﻔﻊ ﺳﻜﺮﻫﺎ ﻭﻳﻦ ﺍﺭﻭﺡ ﺑﻴﻬﺎ ﻭﻭﺣﺪﻧﺎ ﺑﺎﻟﺒﻴﺖ ..
ﺣﺎﻭﻟﺖ ﺍﻃﻤﻨﻬﺎ ﺣﻀﻨﺘﻬﺎ ﻭﺍﺣﺠﻲ ﻭﻳﺎﻫﻪ
: ﻣﺎﻣﺎ ﻋﺒﻴﺮ ﻗﻮﻳﺔ ﻫﺴﻪ ﺗﻄﻠﻊ ﻣﻨﻬﺎ ﺳﻼﻣﺎﺕ ﺍﻥ ﺷﺎﺀﺍﻟﻠﻪ ﻟﺘﺨﺎﻓﻴﻦ ﻋﻠﻴﻬﺎ ﺑﺎﺑﺎ ﻳﻤﻬﺎ ﻭﻃﻤﻨﻲ ﻋﻠﻴﻬﺎ ..
ﻟﺰﻣﺖ ﺍﻳﺪﻱ ﺑﻘﻮﺓ ﻭﺍﻧﺎﻓﻀﺖ ﺑﺲ ﺗﻌﺒﺎﻧﻪ ﺣﻴﻴﻞ
.. ﺷﻜﺎﻝ ﺍﺑﻮﺝ ﻋﻨﻬﺎ ﺷﻠﻮﻧﻬﺎ ﺣﺎﻟﺘﻬﺎ ؟
_ ﻣﺎﻣﺎ ﺍﻻﻃﺒﺎﺀ ﻳﻤﻬﺎ ﻭﺩﻳﻌﺎﻟﺠﻮﻫﺎ ﺑﺲ ﺍﻧﺖ ﺍﺻﺒﺮﻱ ﺷﻮﻳﺔ ﻓﺪﻭﺓ ﻣﻮ ﺭﺍﺡ ﺗﺨﺮﺑﻴﻦ ﻭﺍﻟﻠﻪ ..
_ ﺧﻮ ﻣﺎﻣﻴﺖ ﻭﺍﺣﺪ ﻣﻨﻬﻢ ﺍﻭﻻﺩ ﺧﺎﻟﺘﺞ ﻭﺍﺑﻮﻫﻢ ﺯﻳﻨﻴﻦ ؟
_ ﺑﺎﺑﺎ ﻳﻜﻮﻝ ﺍﺻﺎﺑﺘﻬﻢ ﺑﺴﻴﻄﺔ ﻭﻫﻮ ﺭﺍﺡ ﻳﻄﻤﻨﻪ ﻛﻞ ﺷﻮﻳﺔ ﻭﺍﻧﺖ ﻛﻮﻣﻲ ﺍﻗﻴﺴﻠﺞ ﺍﻟﺴﻜﺮ ﺧﺎﻑ ﺻﺎﻋﺪ ﻋﻨﺪﺝ ﻻﻥ ﺩﺗﺮﺟﻔﻴﻦ ﻋﻔﻴﺔ ..
_ ﻋﻮﻓﻴﻨﻲ ﻋﻮﻓﻴﻨﻲ ﺯﻫﺮﺍﺀ ﺭﻭﺣﻲ ﺗﻮﺿﻲ ﻭﺻﻠﻲ ﻭﺍﺩﻋﻲ ﻻﺧﺘﺞ ﻣﺎﺑﻴﻪ ﺍﻛﻮﻡ ..
_ ﺟﺎﻱ ﺍﺩﻋﻴﻠﻬﺎ ﻭﺍﻟﻠﻪ ﻣﺎ ﺍﻛﺪﺭ ﺍﻋﻮﻓﺞ ﻫﺴﻪ ﺣﺎﻟﺘﺞ ﻣﻮ ﺗﻤﺎﻡ ..
ﺳﻤﻌﻨﺎ ﺍﻟﺒﺎﺏ ﺗﻨﺪﻙ ، ﻇﻠﺖ ﺗﺄﺷﺮ ﻛﻮﻣﻲ ﺷﻮﻓﻲ ﻣﻨﻮ ﺑﺎﻟﺒﺎﺏ ﺧﺎﻑ ﺍﺟﻪ ﺧﺒﺮ ﻣﻨﻬﻢ ﻳﻠﻪ ﻛﻮﻣﻲ ..ﺻﺤﺖ ﻣﺮﻳﻢ ﻣﺮﻳﻢ ﺍﻓﺘﺤﻲ ﺍﻟﺒﺎﺏ ﺷﻮﻓﻲ ﻣﻨﻮ ؟
ﺭﺍﺣﺖ ﺭﻛﺾ ﻓﺘﺤﺘﻪ ﻭﻓﺎﺗﺖ ﻛﺎﻟﺖ ﺣﺴﻴﻦ ﻭﺻﻔﺎﺀ .. ( ﺣﺴﻴﻦ ﺍﺧﻮ ﺻﻔﺎﺀ ﺍﻟﻜﺒﻴﺮ ) ....
ﻳﺮﺩﻭﻥ ﻳﻔﻮﺗﻮﻥ ..
ﻟﺒﺴﺖ ﺍﻣﻲ ﺣﺠﺎﺑﻬﺎ ﻭﻏﻄﻴﺘﻬﺎ ﻻﻥ ﻣﺪﺩﺓ ﺭﺟﻠﻴﻬﺎ ﻣﺘﻜﺪﺭ ﺗﺤﺮﻛﻬﻦ .. ﺍﺷﺮﺕ ﻟﻤﺮﻳﻢ ﺧﻠﻴﻬﻢ ﻳﻔﻮﺗﻮﻥ ..
ﺳﻠﻤﻮ ﻭﻓﺎﺗﻮ ﻭﺍﻧﻲ ﺑﻘﻴﺖ ﻋﻠﻰ ﻛﻌﺪﺗﻲ ﻣﺎﺣﺮﻛﺖ ﺳﺎﻛﻦ ﻭﺑﺲ ﺍﺑﺠﻲ .. ﺍﺟﻪ ﺻﻔﺎﺀ ﺗﻘﺮﺏ ﻣﻦ ﻣﺎﻣﺎ ..
ﺣﺠﻪ ﺑﻨﺒﺮﺓ ﻳﺤﺎﻭﻝ ﻣﻦ ﺧﻼﻟﻬﺎ ﻳﻄﻤﺄﻥ ﺍﻣﻲ ﺑﺲ ﻣﺒﻴﻦ ﺍﺭﺗﺠﺎﻓﺔ ﻧﺒﺮﺗﻪ
_ ﺍﻫﺪﺋﻲ ﻳﻮﻡ ﺍﻥ ﺷﺎﺀﺍﻟﻠﻪ ﻣﺎﺑﻴﻬﺎ ﺷﻲ ﻫﻲ ﺳﺒﺎﻋﻴﺔ ﻫﺴﻪ ﻫﻲ ﻣﺤﺘﺎﺟﻪ ﺩﻋﺎﺋﺞ ﻭﺗﺪﺭﻳﻦ ﺑﻴﻬﺎ ﺗﺘﺎﺫﻯ ﺍﺫﺍ ﻋﺮﻓﺖ ﺻﺎﻳﺮ ﺑﻴﺞ ﺷﻲ ﻛﻮﻟﻲ ﻳﺎﺍﻟﻠﻪ .....
ﺃﻣﻲ ﺣﺮﻛﺖ ﻧﻔﺴﻬﺎ ﻭﻣﺴﺤﺖ ﺩﻣﻮﻋﻬﺎ
ﺣﺠﺖ ﺑﻨﺒﺮﺓ ﺗﻮﺳﻞ ﻓﺪﻭﺓ ﻭﻟﻴﺪﻱ ﺻﻔﺎﺀ ﺍﺧﺬﻧﻲ ﺍﺷﻮﻓﻬﺎ ﻃﺎﻙ ﻛﻠﺒﻲ ﻋﻠﻴﻬﺎ ﻭﺍﻟﻠﻪ ..
ﺻﻔﺎﺀ ﻭﺣﺴﻴﻦ ﻭﺍﺣﺪ ﻇﻞ ﻳﺒﺎﻭﻉ ﻟﻠﺜﺎﻧﻲ ﺑﻨﻈﺮﺍﺕ ﺣﻴﺮﺓ ﻭﺍﺭﺗﺒﺎﻙ .. ﺣﺴﻴﻦ ﻇﻞ ﻳﻬﺰ ﺑﺮﺍﺳﻪ ﺑﻤﻌﻨﻰ ﻻ ..
ﻟﺰﻣﺖ ﻗﻠﺒﻲ ﺑﻴﺪﻱ ﺍﺣﺴﻪ ﺍﻧﻌﺼﺮ ﻋﺼﺮ ﻧﻈﺮﺍﺗﻲ ﺗﺘﺠﻮﻝ ﺑﻴﻨﺎﺗﻬﻢ ﺑﺨﻮﻑ ﻭﺭﺟﺎﺀ .. ﺣﺮﻛﺎﺗﻬﻢ ﻣﻌﻨﺎﻫﺎ ﺍﺧﺘﻲ ﺑﻴﻬﺎ ﺷﻲ ..
ﺑﻘﻮ ﺩﻗﺎﻳﻖ ﺑﺲ ﺣﺮﻛﺎﺗﻬﻢ ﻣﺘﻄﻤﻦ ﺍﺑﺪ ..
ﺣﺴﻴﻦ : ﻋﻤﻪ ﺍﺣﻨﺎ ﻧﺘﺮﺧﺺ ﺻﻴﺮﻱ ﻗﻮﻳﺔ ﺍﻥ ﺷﺎﺀﺍﻟﻠﻪ ﺗﺼﻴﺮ ﺯﻳﻨﺔ ﻭﺗﻄﻠﻊ ﻣﻨﻬﺎ ..
ﻣﺎﻣﺎ ﻣﻜﺪﺭﺕ ﺗﺠﺎﻭﺏ ﺑﺲ ﺗﺒﺠﻲ ﺍﻟﻐﺼﺔ ﺧﺎﻧﻜﺘﻬﺎ
ﻏﻤﻀﺖ ﻋﻴﻮﻧﻬﺎ ﻭﻛﻌﺖ ﺩﻣﻮﻋﻬﺎ ﻣﺤﻨﻴﺔ ﻇﻬﺮﻫﺎ ﻭﺍﻳﺪﻳﻬﺎ ﻋﻠﻰ ﺭﺟﻠﻴﻬﺎ ﺗﺴﻨﺪ ﻧﻔﺴﻬﺎ ..
ﻃﻠﻌﻮﺍ ﻣﻦ ﺍﻟﻐﺮﻓﺔ ﺭﺣﺖ ﻭﺭﺍﻫﻢ ﺗﻘﺮﺑﺖ ﻟﺤﺴﻴﻦ ﺍﻧﻲ ﺍﻛﻮﻟﻪ ﻋﻤﻮ ﻻﻥ ﻫﻮ ﻛﺒﻴﺮ ﻭﺍﺻﻐﺮ ﻣﻦ ﺑﺎﺑﺎ ﺑﺴﻨﺘﻴﻦ ﻟﺰﻣﺖ ﺍﻳﺪﻩ ﻭﺑﺘﻮﺳﻞ : ﻋﻤﻮ ﻓﺪﻭﺓ ﺍﺧﺘﻲ ﺑﻴﻬﺎ ﺷﻲ ﺑﺪﺍﻋﺔ ﻭﻟﺪﻙ ﻛﻮﻝ ﻭﺍﻟﻠﻪ ﻣﺎﺍﻛﻮﻝ ﻟﻤﺎﻣﺎ ؟
ﻣﺴﺢ ﻉ ﺭﺍﺳﻲ ﺑﺤﻨﻴﺔ ﻭﺟﺮ ﺣﺴﺮﺓ
: ﺍﺩﻋﻴﻠﻬﺎ ﺑﻨﻴﺘﻲ ﺷﺘﺘﻮﻗﻌﻴﻦ ﻣﻦ ﺿﺮﺑﺔ ﻋﺪﻭ ﻟﻌﺪﻭﻩ ﻳﺮﺣﻤﻪ؟
ﻣﺘﺘﺖ ﺑﺪﻣﻲ ﻭﺟﻬﺖ ﻧﻈﺮﺓ ﻟﺼﻔﺎﺀ ﺑﺘﻮﺳﻞ ﺍﺭﻳﺪﻩ ﻳﻄﻤﻨﻲ ﺭﻭﺣﻲ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺣﺔ ﺑﺎﻭﻋﻠﻲ ﺷﻮﻳﺔ ﺣﺴﻴﺖ ﺍﻻﺳﻒ ﺑﻴﻦ ﻧﻈﺮﺍﺗﻪ ﺩﻧﻚ ﺭﺍﺳﻪ ﻭﻃﻠﻊ ﻣﻦ ﺍﻟﺒﺎﺏ ﻭﺗﺒﻌﻪ ﺣﺴﻴﻦ .
ﺳﻤﻌﺖ ﺻﻮﺕ ﺍﻣﻲ ﺗﺼﻴﺤﻨﻲ ﺻﻮﺗﻬﺎ ﻣﺒﺤﻮﺡ ﻣﻦ ﺍﻻﻟﻢ ﻭﻣﺘﺤﺸﺮﺝ ، ﻃﺒﻜﺖ ﺍﻟﺒﺎﺏ ﺣﻴﻴﻞ ﻭﺭﻛﻀﺖ .
ﺑﺴﺮﻋﺔ ﻛﺮﻓﺼﺖ ﻣﻘﺎﺑﻴﻠﻬﺎ ﻟﺰﻣﺖ ﺍﻳﺪﻳﻬﺎ
_ ﺍﻣﺮﻳﻨﻲ ﻣﺎﻣﺎ ﺍﺟﻴﺒﻠﺞ ﺩﻭﺍﺝ ﺍﻗﻴﺴﻠﺞ ﺍﻟﺴﻜﺮ ؟
ﺑﻨﺒﺮﺓ ﻛﻠﻬﺎ ﺑﺠﻲ ﻭﻣﻼﻣﺤﻬﺎ ﻛﻠﻬﺎ ﺍﻟﻢ
_ ﻟﺞ ﺧﺎﺑﺮﻱ ﺍﺑﻮﺝ ﺷﻮﻓﻲ ﺍﺧﺘﺞ ﻟﺞ ﺍﻳﺪﻳﻪ ﺗﺮﺟﻒ ﻣﺎ ﺍﻛﺪﺭ ﺍﻟﺰﻡ ﺷﻲ ..
_ ﺻﺎﺭ ﻣﺎﻣﺎ ﺛﻮﺍﻧﻲ ﻟﺘﻌﺒﻴﻦ ﻧﻔﺴﺞ .
ﺭﺣﺖ ﺭﻛﺾ ﺍﺧﺬﺕ ﺍﻟﻔﻮﻥ ﻭﺧﺎﺑﺮﺕ ﺑﺎﺑﺎ ﺑﺲ ﺟﺎﻭﺏ
ﻭﺩﺍﺍﻛﻮﻟﻪ ﺍﻟﻮ ﺑﺎﺑﺎ ، ﺻﺎﺣﺖ ﻋﻠﻴﻪ ﻣﺎﻣﺎ
_ ﺟﻴﺒﻲ ﺍﻟﻔﻮﻥ ﺍﻧﻲ ﺍﺣﺠﻲ ﻭﻳﺎ
ﺭﻛﻀﺖ ﺍﻧﻄﻴﺘﻪ ﺍﻟﻬﺎ ﺗﺮﻳﺪ ﺗﻠﺰﻣﻪ ﻳﻮﻛﻊ ﻣﻨﻬﺎ ﺧﻼﺹ ﺍﻧﻬﺎﺭﺕ ﻛﻠﺶ ﺳﻮﺩﺓ ﻋﻠﻴﻪ . ﺍﺧﺬﺕ ﻭﻓﺘﺤﺖ ﺳﺒﻴﻜﺮ ﻭﻟﺰﻣﺘﻪ ﺍﻟﻬﺎ ..
_ ﻛﻮﻟﻲ ﺗﺤﺴﻴﻦ ﺷﻠﻮﻧﻬﺎ ﺑﻨﺘﻲ ﺑﺸﺮﻧﻲ ﺷﻮﻥ ﻣﺮﺍﺡ ﺍﺷﻮﻓﻬﺎ ﺍﻟﻮﻟﺪ ﺍﺟﻮﻱ ﻣﻘﺒﻠﻮ ﻳﺠﻴﺒﻮﻧﻲ ﻟﻌﻨﺪﻙ ﺍﻧﻲ ﺍﺭﻳﺪ ﺍﺷﻮﻑ ﺑﻨﺘﻲ ﻣﻮ ﺣﺎﻟﺔ ﻫﺎﻱ ﺑﻴﻬﺎ ﺷﻲ ﻛﻠﻮﻟﻲ ؟
_ ﻳﺎ ﻣﺮﺓ ﺍﻫﺪﻱ ﺍﻫﺪﻱ ﺟﺮﻭﺡ ﻭﻛﺴﻮﺭ ﺟﺎﻱ ﻳﻌﺎﻟﺠﻮﻫﻪ ﻫﺴﻪ ﺑﺲ ﺗﺼﺤﻰ ﺍﺧﻠﻴﺞ ﺗﺤﺠﻴﻦ ﻭﻳﺎﻫﻪ
_ ﺍﻧﻲ ﻗﻮﻳﺔ ﺗﺤﺴﻴﻦ ﺍﺭﻳﺪ ﺑﺲ ﺍﻋﺮﻑ ﺷﻠﻮﻧﻬﺎ ؟
_ ﺑﺲ ﺍﻃﻤﺄﻥ ﻋﻠﻴﻬﺎ ﺍﺩﺯ ﻋﻠﻴﺞ ﺻﻔﺎﺀ ﻳﺠﻴﺒﺞ ﺍﻟﻬﺎ .
_ ﻫﺴﻪ ﺧﺎﺑﺮﻩ ﻫﺴﻪ ﺗﺤﺴﻴﻦ ﻫﺴﻪ . ﻛﺘﻠﻪ ﻭﺭﻓﺾ ﺍﻧﺘﻪ ﻣﻨﺒﻪ ﻋﻠﻴﻬﻢ ﻣﺎﻳﺠﻴﺒﻮﻧﻲ ﺍﻟﻚ ﻣﻮ؟
_ ﺍﻧﺖ ﻣﺘﺘﺤﻤﻠﻴﻦ ﺍﻟﻤﺴﺘﺸﻔﻰ ﻭﻫﻨﺎ ﺧﺎﻻﺗﻬﺎ ﻳﻤﻬﺎ ﺍﻧﻲ ﺍﺧﺎﻑ ﻋﻠﻴﺞ ﻳﺎﻋﻴﻮﻧﻲ ﺍﻧﺖِ .
ﺻﻴﺤﺖ ﻣﺎﻣﺎ ﺑﻌﺼﺒﻴﺔ ﻭﺑﻘﻬﺮ : ﻻ ﻣﺎﻛﻮ ﺍﻧﻲ ﺍﻣﻬﺎ ﺍﻧﻲ ﺍﻟﻤﻔﺮﻭﺽ ﺍﻛﻮﻥ ﻳﻤﻬﺎ ﻣﺎﺷﻲ ﻭﻫﺴﻪ ﺧﻠﻴﻬﻢ ﻳﺠﻴﻠﻮﻧﻲ ﺍﻟﻚ ﺑﺴﺮﻋﺔ ..
_ ﺻﺎﺭ ﺑﺲ ﺍﻫﺪﻱ ﺍﻧﻄﻴﻨﻲ ﺯﻫﻮﺭﺓ ..
_ ﻫﺎﻫﻴﻪ ﻭﻳﺎﻙ ..
ﺍﺧﺬﺕ ﺍﻟﻔﻮﻥ ﻭﺳﺪﻳﺖ ﺍﻟﺴﺒﻴﻜﺮ .. ﻭﺳﻤﻌﺖ ﻟﺒﺎﺑﺎ
ﻭﺑﻨﺒﺮﺓ ﻛﻠﻬﺎ ﺣﺰﻥ ﻭﺍﻧﻜﺴﺎﺭ ﺣﺴﻴﺘﻬﺎ ﺑﻲ .
ﻛﺎﻝ ﻟﻬﻲ ﺍﻣﺞ ﺍﺧﺮﻳﻬﺎ ﺑﻴﻦ ﻣﺎ ﻳﺠﻲ ﺍﺑﻦ ﻋﻤﺞ ﻋﻠﻴﻬﺎ
ﺧﻠﻲ ﺗﺼﺤﻰ ﻋﺒﻴﺮ ﻳﻠﻪ ﻣﺎ ﺍﺭﻳﺪﻫﺎ ﺗﺘﺄﺫﻯ ..
_ ﺍﻥ ﺷﺎﺀﺍﻟﻠﻪ ﺑﺎﺑﺎ ﺗﺄﻣﺮ ﺃﻣﺮ ﺑﺲ ﻋﻔﻴﺔ ﻛﻮﻟﻲ ﺷﻠﻮﻧﻬﺎ ﻋﺒﻴﺮ ﻫﺴﻰ؟
_ ﺑﻌﺪﻫﺎ ﺑﻨﺘﻲ ﺑﺎﻟﻌﻤﻠﻴﺎﺕ ﺍﺩﻋﻴﻠﻬﺎ ﻭﺍﻟﻠﻪ ﻛﺮﻳﻢ ...
ﺷﻬﻜﺖ ﻣﻦ ﺍﻟﺒﺠﻲ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺍﻟﺘﺎﻓﻴﺖ ﺍﺑﺎﻭﻉ ﻟﻤﺎﻣﺎ ﻻ ﺗﺴﻤﻌﻨﻲ ..
_ ﻋﻠﻰ ﻛﻴﻔﺞ ﺑﻨﺘﻲ ﻛﻮﻟﻲ ﻳﺎ ﺍﻟﻠﻪ ﺍﻧﻲ ﺍﺭﻳﺪﺝ ﻗﻮﻳﺔ ﺍﻣﺞ ﺑﺄﻣﺎﻧﺘﺞ ﻫﺴﻪ ﺗﺪﺭﻳﻦ ﺑﻴﻬﺎ ﻣﺮﻳﻀﺔ ﻭﺳﻮﻱ ﻣﺜﻞ ﻣﻜﺘﻠﺞ ﺗﻤﺎﻡ ﻭﻫﺴﻪ ﻳﻠﻪ ﺭﻭﺣﻲ ﻃﻠﻊ ﺍﻟﺪﻛﺘﻮﺭ .
_ ﻃﻤﻨﻲ ﺑﺎﺑﺎ ﻋﻔﻴﺔ .. ﺳﻤﻌﺘﻪ ﻛﺎﻝ ﻫﺎ ﺩﻛﺘﻮﺭ ﺑﺸﺮ ﻭﻣﺠﺎﻭﺑﻨﻲ ﻭﺧﺘﻢ ﺍﻟﻤﻜﺎﻟﻤﺔ .
ﺭﺣﺖ ﻟﻤﺎﻣﺎ ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﺍﺭﻳﺪ ﺍﻛﻮﻣﻬﺎ
ﺑﺎﻭﻋﺘﻠﻲ ﺑﺘﻌﺠﺐ ﺣﺠﺖ ﻭﺻﻮﺗﻬﺎ ﺑﺎﻳﺢ ﻛﻠﺶ
ﻣﺒﻘﻰ ﺍﻟﻪ ﺍﻛﺜﺮ ﻭﻳﺨﺘﻔﻲ ﻧﻬﺎﺋﻴﺎ
ﺣﺠﺖ ﻭﻋﻴﻮﻧﻬﺎ ﻣﻔﺘﻮﺣﺔ ﻋﻠﻰ ﺍﺗﺴﺎﻋﻬﺎ
ﻛﺎﻟﺖ : ﻭﻳﻦ ﻣﻮﺩﻳﺘﻨﻲ ﻫﺎ ﻭﻟﺞ ﺯﻫﺮﺍﺀ ﺣﺠﺎﻟﺞ ﺍﺑﻮﺝ ﺷﻜﺎﻟﺞ ﻋﻦ ﺍﺧﺘﺞ ؟
_ ﻣﺎﻣﺎ ﻛﻮﻣﻲ ﻏﺴﻠﻲ ﻭﻟﺒﺴﻲ ﺣﻴﺠﻲ ﻋﻠﻴﺞ ﺻﻔﺎﺀ ﺗﺮﻭﺣﻴﻦ ﻟﻌﺒﻴﺮ ..
_ ﻣﺎ ﺍﺭﻳﺪ ﻻ ﺍﻏﺴﻞ ﻭﻻ ﺍﻟﺒﺲ ﻫﻴﻪ ﻋﺒﺎﻩ ﺍﺣﻄﻬﺎ ﻋﻠﻰ ﺭﺍﺳﻲ ﻭﻓﻀﺖ ﺭﺍﺣﺖ ﻭﺧﺮﻱ ﻣﻨﻲ ﺑﺲ ﺍﺫﺍ ﺍﺟﻪ ﺻﻔﺎﺀ ﻛﻮﻟﻴﻠﻲ .
_ ﻣﺎﻣﺎ ﻣﻴﺼﻴﺮ ... ﺳﻜﺘﺘﻨﻲ ﺍﺷﺸﺶ ﻭﻻ ﻛﻠﻤﺔ ﻣﺎ ﺍﺳﻤﻌﻠﺞ ﺣﺲ ﺟﻴﺒﻴﻠﻲ ﻋﺒﺎﻳﻪ ﺍﻟﻒ ﺭﻭﺣﻲ ﺑﻴﻬﺎ ﻭﺷﺤﺎﻃﺔ ﻭﻛﻮﻣﻴﻨﻲ ﺧﻞ ﺍﻃﻠﻊ ﻳﻢ ﺍﻟﺒﺎﺏ ﺍﻧﺘﻈﺮﻩ ..
ﺍﺟﺘﻲ ﻣﺮﻳﻢ ﺗﺒﺠﻲ : ﻣﺎﻣﺎ ﻣﺎﻣﺎ ﺍﺭﻭﺡ ﻭﻳﺎﺝ ﻋﻔﻴﺔ ﺍﺭﻳﺪ ﺍﺷﻮﻑ ﻋﺒﻮﺭﺓ ..
_ ﺍﺑﻘﻲ ﻳﻢ ﺍﺧﺘﺞ ﺍﻧﺘﻲ ﻣﻔﻬﻮﻡ
_ ﻳﻌﻨﻲ ﻣﺎ ﺍﺷﻮﻑ ﻋﺒﻮﺭﺓ؟
_ ﺧﻠﻲ ﺍﺷﻮﻓﻬﺎ ﺍﻧﻲ ﺑﺎﻻﻭﻝ
ﺍﺧﺬﺗﻬﺎ ﻛﻌﺪﺗﻬﺎ ﻳﻢ ﺍﻟﺒﺎﺏ ﺭﺣﺖ ﺟﺒﺘﻠﻬﺎ ﻋﺒﺎﻳﺔ ﻭﺷﺤﺎﻃﺔ
ﺩﻧﻜﺖ ﻟﺒﺴﺘﻬﺎ ﺍﻟﺸﺤﺎﻃﺔ ﻭﻟﺒﺴﺘﻬﺎ ﺍﻟﻌﺒﺎﻳﺔ
ﻭﻓﺘﺖ ﻛﻌﺪﺕ ﻳﻢ ﺍﻟﺒﺎﺏ ﻭﻫﻴﻪ ﻛﺎﻋﺪﺓ ﺑﺎﻟﻄﺮﻣﺔ
ﻛﻠﺴﺎﻉ ﺗﻔﺰ ﻣﻦ ﺗﺴﻤﻊ ﺍﺣﺪ ﺗﻘﺮﺏ ﻣﻦ ﺍﻟﺒﺎﺏ ﻋﺒﺎﻟﻬﺎ ﺍﺟﻪ ﺻﻔﺎﺀ ﺩﻳﺎﺧﺬﻫﻪ ..
ﻣﺮﺕ ﺭﺑﻊ ﺳﺎﻋﺔ ﻭﻫﻴﻪ ﻋﻠﻰ ﻛﻌﺪﺗﻬﺎ ﻭﻻ ﻫﺪﺃﺕ ﺍﺑﺪ
ﻇﻠﺖ ﺗﺼﻴﺢ ﺧﺎﺑﺮﻱ ﺍﺑﻮﺝ ﺧﺎﺑﺮﻱ ﺻﻔﺎﺀ ﻟﻴﺶ ﺗﺄﺧﺮﻭﺍ
ﻳﻠﻪ ﻭﻳﻨﺞ ﺯﻫﺮﺍﺀ ﻛﻮﻟﻴﻠﻪ ﻻﺑﻮﺝ ﻟﻴﻌﺬﺑﻨﻲ ﻣﻮ ﺣﺎﻟﺔ ﻫﺎﻱ .
ﺭﻛﻀﺖ ﺍﺭﻳﺪ ﺍﺧﺎﺑﺮ ﺍﻧﺪﻛﺖ ﺍﻟﺒﺎﺏ ﺻﺎﺣﺖ ﻣﺎﻣﺎ ﻣﺮﺓ ﺛﺎﻧﻴﺔ
ﺗﻌﺎﻟﻲ ﺯﻫﺮﺍﺀ ﺷﻮﻓﻲ ﻣﻨﻮ ﺑﺎﻟﺒﺎﺏ ﻳﻤﻜﻦ ﺍﺟﻪ ﺻﻔﺎﺀ
ﺭﺣﺖ ﺍﺭﻛﺾ ﺑﺴﺮﻋﺔ ﻭﺍﻟﻈﺎﻫﺮ ﺻﻔﺎﺀ ﺳﻤﻊ ﺻﻮﺕ ﺍﻣﻲ
ﻓﺘﺢ ﺍﻟﺒﺎﺏ ﻭﻓﺎﺕ ..
ﻣﺎ ﺍﻥ ﺍﻧﻔﺘﺢ ﺍﻟﺒﺎﺏ ﻭﻓﺎﺕ ﺻﻔﺎﺀ ﻭﺻﺎﺭ ﻛﺒﺎﻟﻲ ﻭﺷﻔﺖ ﻃﻮﻟﻪ ﻭﺍﻧﻲ ﺩﺍﺍﺭﻛﺾ ﺍﺗﺪﻋﺒﻠﺖ ﻭﻭﻛﻌﺖ ﻉ ﺍﻻﺭﺽ ..
ﺍﺟﺎﻧﻲ ﻳﺮﻛﺾ ﻭﻳﺤﺠﻲ ﺍﻟﻠﻪ ﺍﻟﻠﻪ ﺩﻧﻚ ﻋﻠﻴﻪ ﻭﻛﺮﻓﺺ ﻛﺪﺍﻣﻲ ﻛﺎﻝ ﻛﻮﻣﻲ ﻛﻮﻣﻲ ﺻﺎﺭﻟﺞ ﺷﻲ ؟
ﺻﻔﻨﺖ ﻋﻠﻴﻪ ﺍﻭﻝ ﻣﺮﺓ ﻳﻌﺎﻣﻠﻨﻲ ﺑﻠﻄﻒ ، ﺍﺟﺖ ﻋﻴﻨﻲ ﺑﻌﻴﻨﻪ ﻭﻗﻠﺒﻲ ﻳﻀﺮﺏ ﻋﻠﻰ ﺍﺿﻼﻋﻲ ﺑﻌﻨﻒ
ﻭﺍﻟﻜﻼﻡ ﺍﺗﺒﺨﺮ ﻣﻦ ﻋﻠﻰ ﻟﺴﺎﻧﻲ ..
ﺗﻐﻴﺮﺕ ﻧﻈﺮﺗﻪ ، ﻋﻜﺪ ﺣﻮﺍﺟﺒﻪ ﻭﺻﺎﺭﺕ ﻧﻈﺮﺍﺗﻪ ﻏﺎﺿﺒﻪ
_ ﻣﺘﻨﺘﺒﻬﻴﻦ ﺷﺒﻴﺞ ﺛﻮﻟﺔ ..
ﻃﻠﻌﺖ ﻫﺎﻟﺠﻤﻠﺔ ﻣﻨﻪ ﺑﻘﺴﻮﺓ ﻭﻭﺣﺸﻴﺔ ..
ﻭﻛﺎﻡ ﻣﻦ ﻳﻤﻲ ﻭﺗﻮﺟﻪ ﻷﻣﻲ ، ﺑﻘﻴﺖ ﻭﺍﻛﻌﺔ ﻉ ﺍﻻﺭﺽ
ﻣﺜﻞ ﺯﻫﺮﺓ ﻣﺮﻣﻴﺔ .. ﺍﺑﺎﻭﻋﻠﻪ ﻭﻫﻮ ﻳﺘﺠﺎﻫﻠﻨﻲ ﺣﺴﻴﺖ ﻛﻠﻤﺎﺗﻪ ﺧﻨﺠﺮ ﻭﺗﺠﺮﺡ ﻗﻠﺒﻲ .
ﺭﺍﺡ ﻛﻮﻡ ﺍﻣﻲ ﻣﻦ ﺍﻟﻜﺎﻉ ﻭﻫﻮ ﻳﻮﺍﺳﻲ ﺑﻴﻬﺎ ﻭﻳﻄﻤﻨﻬﺎ
ﻟﺰﻣﻬﺎ ﻣﻦ ﺍﻳﺪﻫﺎ ﻭﻣﺸﺎﻫﻪ ﻟﻠﺴﻴﺎﺭﺓ ، ﺍﻟﺘﻔﺘﺖ ﻋﻠﻴﻪ
_ ﺯﻫﻮﺭﺓ ﺩﻳﺮﻱ ﺑﺎﻟﺞ ﻋﻠﻰ ﺍﺧﺘﺞ ﻭﻗﻔﻠﻲ ﺍﻟﺒﻮﺏ ﻭﻟﺘﻔﺘﺤﻴﻬﺎ ﻻﺣﺪ .
_ ﺻﺎﺭ ﻣﺎﻣﺎ ﺑﺲ ﺍﻣﺎﻧﺔ ﻃﻤﻨﻴﻨﻲ ﻋﻠﻰ ﻋﺒﻴﺮ ﺑﺲ ﺗﻮﺻﻠﻴﻦ ﺍﻟﻬﺎ ﻋﻔﻴﺔ ..
ﺍﺣﺠﻲ ﻭﺍﺣﺲ ﻣﺨﻨﻮﻛﺔ ، ﺑﻘﻴﺖ ﻭﺍﻛﻔﺔ ﺑﺎﻟﺒﺎﺏ
ﻣﺎﻝ ﺍﻟﺸﺎﺭﻉ ﻣﻨﺘﺠﻴﺔ ﻉ ﺍﻻﻃﺎﺭ ﺍﻟﺤﺪﻳﺪ ﻭﺍﻳﺪﻱ ﻋﻠﻰ ﺧﺪﻱ ، ﻭﺻﻔﺎﺀ ﺻﻌﺪ ﺍﻣﻲ ﺑﺎﻟﺴﻴﺎﺭﺓ
ﻭﺳﺪ ﺍﻟﺒﺎﺏ ، ﺍﺟﻪ ﻳﺮﻳﺪ ﻳﻠﺘﺎﻑ ﺣﺘﻰ ﻳﻜﻌﺪ ﺑﺎﻟﺼﺪﺭ
ﺑﺎﻭﻋﻠﻲ ﺍﺟﻪ ﺑﺎﺗﺠﺎﻫﻲ ﺧﻨﺰﺭ ﻋﻴﻮﻧﻪ ..
ﺗﻜﻠﻢ ﺑﻨﺒﺮﺓ ﺃﻣﺮ ﻭﺗﻌﺠﺮﻑ : ﻣﻮ ﻛﻠﺘﻠﺞ ﻋﻤﺘﻲ ﻓﻮﺗﻲ ﺟﻮﺓ ﻭﺳﺪﻱ ﺍﻻﺑﻮﺍﺏ ﺷﻜﻮ ﻭﺍﻛﻔﺔ ﺗﺘﻔﺮﺟﻴﻦ ﺷﻌﺪﻧﺎ ﺳﻴﻨﻤﺎ ﻳﻠﻪ ﻓﻮﺗﻲ ﺟﻮﺍ ﻭﺳﺪﻱ ﺍﻻﺑﻮﺍﺏ ﻭﺩﻳﺮﻱ ﺑﺎﻟﺞ ﻋﻠﻰ ﺍﺧﺘﺞ ..
ﺑﻘﻴﺖ ﺻﺎﻓﻨﺔ ﺑﻮﺟﻬﻪ ﻭﺿﺎﻳﺠﺔ ﻣﻦ ﻣﻌﺎﻣﻠﺘﻪ ﺍﺣﺲ ﻧﻔﺴﻲ ﻣﻐﻴﺒﺔ ﺫﻫﻨﻴﺎ ﺑﺴﺒﺐ ﺍﻟﻌﺎﻃﻔﺔ ﺍﻟﻤﺠﺮﻭﺣﺔ .
ﻛﺎﻝ ﺻﻨﻤﺘﻲ ؟ ﺍﺑﺘﻌﺪﺕ ﺑﺨﻄﻮﺍﺕ ﻟﻠﺨﻠﻒ ﺧﻠﺘﻨﻲ ﺍﻓﻮﺕ ﺟﻮﺓ ﺑﺎﻟﻜﺮﺍﺝ ﻫﻮ ﻣﺪ ﺍﻳﺪﻩ ﻭﻳﺮﻳﺪ ﻳﺴﺪ ﺍﻟﺒﺎﺏ ﻭﺻﻞ ﺍﻟﺒﺎﺏ ﻟﻼﺧﻴﺮ ﻃﻞ ﻋﻠﻴﻪ ﻭﻛﺎﻝ ﺑﻘﺴﻮﺓ ﻗﻔﻠﻴﻴﻴﻲ ..
ﻭﻃﺒﻜﻪ ﺣﻴﻞ ﺍﺭﺗﻔﻌﺖ ﺍﻛﺘﺎﻓﻲ ﻭﺍﻫﺘﺰ ﺟﺴﻤﻲ .
( ﺍﻟﺤﺮﻣﺎﻥ ﻫﻮ ﻣﺎﻳﺒﻘﻲ ﺍﻻﺧﺮ ﺷﻬﻴﺎ ﻭﻣﺎﻳﺒﻘﻴﻪ ﻣﺮﻏﻮﺑﺎ ﻭﻣﺎﻳﺒﻘﻴﻪ ﺍﺳﺘﺜﻨﺎﺋﻴﺎ ﻣﻬﻤﺎ ﻣﺮﺕ ﻋﻠﻴﻪ ﺍﻟﺴﻨﻮﺍﺕ ... )
ﺯﻫﺮﺍﺀ : ، ﻟﻠﻴﻞ ﺍﺟﻪ ﺑﺎﺑﺎ ﻭﻣﺒﻴﻦ ﻋﻠﻴﻪ ﺗﻌﺒﺎﻥ ﻛﻠﺶ ﻭﻣﻜﺴﻮﺭ .. ﺗﻠﻜﻴﺘﻪ : ﻫﺎ ﺑﺎﺑﺎ ﺷﻠﻮﻧﻬﺎ ﻋﺒﻴﺮ ﻭﻣﺎﻣﺎ ﻭﻳﻨﻬﺎ ؟
ﺗﺤﺴﺮ ﻭﻛﻌﺪ ﻉ ﺍﻟﺘﺨﻢ ﺧﻠﻰ ﺍﻳﺪﻩ ﻋﻠﻰ ﺟﺒﻴﻨﻪ ﻭﻫﻴﺌﺘﻪ ﻭﺷﻜﻠﻪ ﻣﻘﻬﻮﺭ ﻛﻠﺶ .
ﺑﻌﺪ ﺣﺴﺮﺓ ﺟﺎﻭﺏ : ﻋﺒﻴﺮ ﺻﺤﺖ ﻣﻦ ﺍﻟﺒﻨﺞ ﺑﺲ ﺗﻌﺒﺎﻧﺔ ﺑﻌﺪﻫﺎ ﻭ ﺍﻣﺞ ﺑﻘﺖ ﻳﻤﻬﺎ ﻣﻘﺒﻠﺖ ﺗﺮﺟﻊ .
_ ﺑﺲ ﻣﺎﻣﺎ ﻛﻠﺶ ﺗﻌﺒﺎﻧﺔ ﻭﺍﻟﻠﻪ ﺣﺎﻟﺘﻬﺎ ﺣﺎﻟﺔ ﻣﻨﻮ ﺑﻘﻰ ﻳﻤﻬﻢ ؟
_ ﺧﺎﻟﺘﺞ ﻳﻤﻬﻢ ﻭﺻﻔﺎﺀ ﻫﻢ ﺣﻴﺒﻘﻰ ﺧﺎﻑ ﻳﺤﺘﺎﺟﻮﻥ ﺷﻲ ﻭﺍﻧﻲ ﺑﺎﺟﺮ ﺍﺭﻭﺡ ﻣﻦ ﺍﻟﺼﺒﺢ .
_ ﺑﺎﺑﺎ ﺍﺧﻠﻴﻚ ﻋﺸﻰ ﺗﺎﻛﻞ ﻣﺠﻮﻋﺎﻥ ؟
_ ﻻ ﺣﺒﻴﺒﺘﻲ ﻣﺎﻟﻲ ﻧﻔﺲ ﺍﻛﻞ ﺷﻮﻓﺘﻲ ﻟﻌﺒﻴﺮ ﻭﻫﻲ ﺑﻬﺎﻱ ﺍﻟﺤﺎﻟﺔ ﻛﺴﺮﺕ ﻇﻬﺮﻱ ﻳﺎ ﺯﻫﻮﺭﺓ
_ ﺑﺎﺑﺎ ﺍﻛﻴﺪ ﺍﻧﺖ ﻋﻠﻰ ﻟﺤﻢ ﺑﻄﻨﻚ ﻣﻦ ﺍﻟﺼﺒﺢ ﻣﻴﺼﻴﺮ ﻫﻴﺞ ﺗﺒﻘﻰ ﺍﻛﻞ ﻟﻜﻤﺔ ﻟﺨﺎﻃﺮﻱ .
_ ﺧﺎﻃﺮﺝ ﻋﺰﻳﺰ ﺑﻨﻴﺘﻲ ﺑﺲ ﺍﺑﻮﺝ ﺗﻌﺒﺎﻥ ﻳﺎﺑﻌﺪ ﺍﺑﻮﺝ ﺍﺭﻭﺡ ﺍﻧﺎﻡ ﻭﺍﻭﻋﺪﺝ ﺍﻟﺼﺒﺢ ﺍﻃﻤﺄﻥ ﺍﻛﺜﺮ ﻋﻠﻰ ﺍﺧﺘﺞ ﻭﺍﻛﻞ .
ﻭﻫﺴﻪ ﺭﺍﻳﺢ ﺍﻧﺎﻡ ﺗﺼﺒﺤﻴﻦ ﻋﻠﻰ ﺧﻴﺮ ..
_ ﻭﺍﻧﺖ ﺑﺨﻴﺮ ﺑﺎﺑﺎ ..
ﻣﺮﺕ ﺧﻤﺲ ﺍﻳﺎﻡ ﻭﻋﺒﻴﺮ ﺑﺎﻟﻤﺸﻔﻰ ﻣﺮﻳﻢ ﺑﻘﻴﺘﻬﺎ ﻳﻤﻲ ﺗﻨﺎﻡ ﺑﺎﻟﻐﺮﻓﺔ ﺣﺴﻴﺘﻬﺎ ﺟﺎﻱ ﺗﺄﻥ ﺭﺣﺖ ﻟﺰﻣﺘﻬﺎ ﺟﺴﻤﻬﺎ ﺣﺎﺭ ﻛﻠﺶ ..
ﺗﻤﺮﺿﺖ ﻋﻠﻰ ﻋﺒﻴﺮ ﻻﻥ ﻫﻲ ﻣﺘﻌﻮﺩﺓ ٢٤ ﺳﺎﻋﻪ ﻭﻳﺎﻫﺎ
ﻣﺘﺤﻤﻠﺖ ﻏﻴﺎﺑﻬﺎ ﺑﺤﻴﺚ ﻧﺎﻣﺖ ﺑﺎﻟﻔﺮﺍﺵ ..
ﺧﺎﺑﺮﺕ ﺍﻣﻲ ﻭﺣﺠﻴﺖ ﺍﻟﻬﺎ .. ﺩﺯﺕ ﻳﻤﻲ ﺧﺎﻟﺘﻲ ﺣﺘﻰ ﺗﻌﺎﻭﻧﻲ ﺑﻴﻬﺎ ..
ﺑﻘﻴﺖ ﻣﻜﺎﺑﻠﺘﻬﺎ ﻭﻛﺎﻋﺪﺓ ﻭﺧﺎﻳﻔﺔ ﻋﻠﻴﻬﺎ ﻭﺍﻓﻜﺮ ﺑﻌﺒﻴﺮ ﻭﺑﺎﻣﻲ ﻭﺑﺎﺑﺎ ﺍﻟﺘﻌﺒﺎﻥ ﺍﺣﺘﺎﺭﻳﺖ ﺑﻤﻨﻮ ﺍﻓﻜﺮ .. ﺍﺣﺲ ﻋﻴﻮﻧﻲ ﺟﻤﺮﺓ ﻣﻦ ﻛﺪ ﺍﻟﺒﺠﻲ ﻭﻣﺮﻳﻮﻣﺔ ﺣﺮﺍﺭﺗﻬﺎ ﻣﺠﺎﻱ ﺗﻨﺰﻝ ﻛﻠﺴﺎﻉ ﺍﺳﻮﻳﻠﻬﺎ ﻛﻤﺎﺩﺍﺕ ﻭﻣﻴﻔﻴﺪ ، ﺍﻧﺪﻛﺖ ﺍﻟﺒﺎﺏ
ﻃﻠﻌﺖ ﻓﺘﺤﺘﻪ ﺻﺎﺭ ﺻﻔﺎﺀ ﺑﻮﺟﻬﻲ ..
ﺳﻠﻢ ﻭﺑﻌﺪﻫﺎ ﻛﺎﻝ ﺍﺟﻴﺖ ﺍﺷﻮﻑ ﻣﺮﻳﻢ ﺷﻠﻮﻥ ﺻﺎﺭﺕ؟
ﺑﻨﺒﺮﺓ ﻗﻬﺮ ﻭﻏﺼﺔ ﺟﺎﻭﺑﺘﻪ : ﺣﺮﺍﺭﺗﻬﺎ ﻣﺪﺗﻨﺰﻝ ﺍﺑﺪ
_ ﺍﻧﺖِ ﻭﺣﺪﺝ ﻳﻤﻬﺎ ؟
ﺟﺎﻭﺑﺖ ﻻ ﺧﺎﻟﺘﻲ ﻳﻤﻲ ﻣﻦ ﺍﻟﺒﺎﺭﺣﺔ ..
_ ﻫﺎ ﺗﻤﺎﻡ ﺣﻀﺮﻳﻠﻲ ﻣﺮﻳﻢ ﺍﺧﺬﻫﺎ ﺗﺸﻮﻑ ﻋﺒﻴﺮ
ﺑﻠﻜﻲ ﺗﺼﻴﺮ ﺯﻳﻨﻪ ...
ﻗﻠﺒﻲ ﺍﻧﺘﻔﺾ ﻗﺮﺑﺖ ﻣﻨﻪ ﻟﺰﻣﺖ ﺍﻳﺪﻩ : ﻓﺪﻭﺓ ﺑﺪﺍﻋﺔ ﺍﻣﻚ ﺍﺧﺬﻧﻲ ﻭﻳﺎﻙ ﺍﺷﻮﻑ ﻋﺒﻴﺮ ﺑﺎﺑﺎ ﻣﺪﻳﻘﺒﻞ ﻳﻜﻮﻝ ﺍﺑﻘﻲ ﻳﻢ ﺍﺧﺘﺞ ..
ﺑﺎﻭﻋﻠﻲ ﺣﺴﻴﺖ ﻋﻠﻰ ﻧﻔﺴﻲ ﻭﺗﺮﻛﺖ ﺍﻳﺪﻩ ﻭﺍﺑﺘﻌﺪﺕ ﻋﻨﻪ
ﺑﻼ ﻣﺒﺎﻻﺓ ﻣﻦ ﺗﺼﺮﻓﻲ ﺍﻟﺴﺎﺑﻖ ﻛﺎﻝ : ﺍﻱ ﺑﺲ ﺣﺒﺎﺑﻪ ﺑﺴﺮﻋﻪ ﻗﺒﻞ ﻟﻴﺼﻴﺮ ﺣﻈﺮ ﺗﺠﻮﺍﻝ ﻭﻣﻨﻜﺪﺭ ﻧﻔﻮﺕ ﺑﻌﺪ
ﺟﺎﻭﺑﺘﻪ : ﻻ ﻭﺍﻟﻠﻪ ﺛﻮﺍﻧﻲ ﻣﺎ ﺍﺗﺎﺧﺮ ﺍﺑﺪ ﻭﺭﺣﺖ
ﺍﺭﻛﺾ ﻓﺘﺖ ﻟﻠﺒﻴﺖ ..
ﺩﻭﺭﺕ ﺧﺎﻟﺔ ﺷﻔﺘﻬﺎ ﻳﻢ ﺍﻟﻤﻐﺴﻠﺔ ﻣﺘﻮﺿﻴﺔ ﻭﺟﺎﻱ ﺗﻨﺰﻝ ﺑﺮﺩﺍﻥ ﻛﻠﺒﻴﺘﻬﺎ ..
ﻛﺘﻠﻬﺎ : ﺧﺎﻟﺔ ﺭﺍﺡ ﺍﺭﻭﺡ ﻭﻳﻪ ﺻﻔﺎﺀ ﺍﺑﻦ ﻋﻤﻲ ﻟﻠﻤﺸﻔﻰ ﻭﺍﺧﺬ ﻣﺮﻳﻢ ﻭﻳﺎﻱ ﺗﺸﻮﻑ ﻋﺒﻴﺮ ..
_ ﺯﻳﻦ ﻳﻮﻡ ﺩﻳﺮﻱ ﺑﺎﻟﺞ ﻋﻠﻰ ﺍﺧﺘﺞ ﻭﻟﺘﺘﺄﺧﺮﻭﻥ
_ ﺍﻥ ﺷﺎﺀﺍﻟﻠﻪ ..
ﺭﺣﺖ ﺟﻬﺰﺕ ﻣﺮﻳﻢ ﻛﺘﻠﻬﺎ ﺣﻨﺮﻭﺡ ﻟﻌﺒﻴﺮ ﻓﺘﺤﺖ ﻋﻴﻮﻧﻬﺎ ﻭﻫﺰﺕ ﺭﺍﺳﻬﺎ .. ﻇﻠﻴﺖ ﺍﺣﺠﻲ ﻭﻳﺎﻫﻪ ﻗﻮﻱ ﻧﻔﺴﺞ ﻭﻋﻴﻨﻴﻨﻲ ﺣﺘﻰ ﺍﻏﻴﺮ ﻣﻼﺑﺴﺞ ..
ﺧﻄﻴﺔ ﻋﻴﻮﻧﻬﺎ ﺣﻤﺮ ﻭﻛﻮﺓ ﺗﻔﺘﺤﻬﻢ ... ﺟﻬﺰﺗﻬﺎ ﻭﺍﺧﺬﺗﻬﺎ ﻛﻠﺖ ﻟﺨﺎﻟﺔ ﻭﻃﻠﻌﻨﺎ ﺑﺎﻟﻜﺮﺍﺝ ، ﺍﺗﺼﻠﺖ ﻋﻠﻰ ﺻﻔﺎﺀ ﻭﺍﺟﻪ .
ﺻﻌﺪﻧﺎ ﺑﺴﻴﺎﺭﺗﻪ .
ﺍﻟﻄﺮﻳﻖ ﻛﻠﻪ ﻣﺮﻳﻢ ﻧﺎﻳﻤﻪ ﻉ ﺭﺟﻠﻲ ﻭﺗﻬﺬﻱ ﺑﺄﺳﻢ ﻋﺒﻴﺮ
ﺍﻣﺴﺢ ﻋﻠﻰ ﺭﺍﺳﻬﺎ ﻭﺍﺗﺤﺴﺲ ﺣﺮﺍﺭﺗﻬﺎ ..
ﻭﺻﻠﻨﺎ ﻟﻠﻤﺴﺘﺸﻔﻰ ﻭﻟﻼﺳﻒ ﻭﻗﺖ ﺍﻟﺰﻳﺎﺭﺓ ﻣﻨﺘﻬﻲ
ﺻﻔﺎﺀ ﻛﺎﻝ ﺍﻧﺘﻈﺮﻱ ﻫﻨﺎ ﺧﻞ ﺍﺷﻮﻑ ﺍﺣﺪ ﻋﺮﻑ .. ﺭﺍﺡ ﻭﺍﺟﻪ ﻭﻛﺎﻝ ﻳﻠﻪ ..بيج قصص عراقيه حقيقيه من واقعنا.روعه الطائي
ﻭﺻﻠﻨﺎ ﻟﻠﺮﺩﻫﺔ ﺟﺮﻧﻲ ﺻﻔﺎﺀ ﻋﻠﻰ ﺻﻔﺤﺔ ﻳﺤﺠﻲ ﻭﻳﺒﺎﻭﻉ ﺑﻌﻴﻮﻧﻲ ﻭﺍﻧﻲ ﻧﺰﻟﺘﻬﻦ ﺑﺴﺮﻋﺔ
ﻛﺎﻝ ﺍﺧﺘﺞ ﺣﺎﻟﺘﻬﺎ ﺻﻌﺒﺔ ﻣﻦ ﺗﻮﺻﻠﻴﻦ ﻟﺘﺒﺠﻴﻦ ﻛﺪﺍﻡ ﺃﻣﺞ ﺍﻋﺮﻑ ﺍﻟﻤﻮﻗﻒ ﺻﻌﺐ ﺑﺎﻟﻨﺴﺒﺔ ﺍﻟﺞ ﺑﺲ ﺍﻣﺞ ﺑﺎﻟﻜﻮﺓ ﺩﻧﺴﻴﻄﺮ ﻉ ﺳﻜﺮﻫﺎ ﻋﻔﻴﻪ ﺯﻫﺮﺓ ﺍﺿﺒﻄﻲ ﺍﻋﺼﺎﺑﺞ
ﻭﺍﺫﺍ ﻛﻮﻟﺶ ﻭﻣﺘﺤﻤﻠﺘﻲ ﺍﻃﻠﻌﻲ ﺑﺎﻟﺤﺪﻳﻘﻪ ﺍﺑﺠﻲ
ﻟﺨﺎﻃﺮ ﺍﻣﺞ ﻭﻋﻤﻲ ..
ﺑﺲ ﻛﻤﻞ ﻛﻼﻣﻪ ﺩﻣﻌﺖ ﻋﻴﻮﻧﻲ ﺑﺎﻭﻋﻠﻲ
ﻛﺎﻝ ﺍﺣﻨﺎ ﺷﻜﻠﻨﺎ ؟ ﻣﺴﺤﺘﻬﻦ ﺑﺴﺮﻋﺔ .. ﻭﻫﺰﻳﺖ ﺭﺍﺳﻲ ..
ﺍﺧﺬﺕ ﻣﺮﻳﻢ ﻣﻦ ﺍﻳﺪﻫﺎ ﺣﺎﺭﺓ ﺑﻌﺪﻫﺎ ﻭﻛﻮﺓ ﺗﻤﺸﻲ ﻭﻓﺘﻨﺎ .. ﻋﺒﺎﻟﻲ ﺑﺲ ﺣﺠﻲ ﺍﻟﻲ ﻛﺎﻟﻪ ﺻﻔﺎﺀ
ﺑﺲ ﺍﻧﻲ ﻭﺻﻠﺖ ﻭﻳﺎ ﺭﻳﺘﻨﻲ ﻣﻮﺻﻠﺖ ...
ﺷﻔﺖ ﻋﺒﻴﺮ ﻋﺎﻳﺸﺔ ﻉ ﺍﻻﺟﻬﺰﺓ ﻭﻛﻮﻟﺸﻲ ﻣﻤﺒﻴﻦ ﻣﻨﻬﺎ
ﻏﻴﺮ ﺑﺲ ﺭﺟﻠﻴﻬﺎ ﺑﺎﻗﻲ ﺟﺴﻤﻬﺎ ﻛﻠﻪ ﻣﻠﻔﻮﻑ ﺑﺸﺎﺵ ﺍﺑﻴﺾ
ﻭﻣﻴﻘﺒﻠﻮﻥ ﺍﺣﺪ ﻳﺪﺧﻠﻠﻬﺎ ﺍﻻ ﻳﻠﺒﺲ ﻣﻼﺑﺲ ﺧﺎﺻﻪ
ﻭﺍﺻﻼ ﺍﻧﻲ ﻣﻘﺒﻠﻮﺍ ﻳﺪﺧﻠﻮﻧﻲ ....
ﺻﻔﺎﺀ ﺑﺲ ﺩﺧﻞ ﻣﺮﻳﻢ ﻻﻥ ﻣﻤﻨﻮﻉ ﺍﺣﺪ ﻳﺪﺧﻞ ﻳﺸﻮﻓﻬﺎ ﺑﺲ ﻣﻦ ﺍﻟﺠﺎﻡ ﻇﻠﻴﺖ ﺍﺑﺎﻭﻉ ، ﺷﻔﺖ ﺃﻣﻲ ﻣﻨﻬﺎﺭﺓ ﻭﺑﺎﺑﺎ ﺣﺎﻟﺘﻪ ﻣﻮ ﺍﺣﺴﻦ ﻣﻦ ﺃﻣﻲ ...
ﺣﻀﻨﺖ ﺃﻣﻲ ﻭﻫﻤﺴﺖ ﺑﺎﺫﻧﻬﺎ : ﺍﺩﻋﻴﻠﻬﺎ ﺃﻧﺘﻲ ﺍﻡ ﻭﺭﺑﻨﺎ ﻳﺴﺘﺠﺎﺏ ﻟﺪﻋﺎﺋﺞ ﻫﻲ ﻗﻮﻳﺔ ﺗﺘﺤﻤﻞ ..
ﻛﺎﻟﺖ ﻭﻟﺞ ﺷﺘﺘﺤﻤﻞ ﺷﻀﻴﻪ ﺿﺎﺭﺑﻪ ﺭﺍﺳﻬﺎ
ﻭﻛﻒ ﺍﻳﺪﻫﺎ ﺍﺧﺘﺞ ﺩﺗﻤﻮﺕ ﻛﺪﺍﻣﻲ ﻫﺎﻱ ﺻﺎﺭ ٥ ﺍﻳﺎﻡ
ﻭﻫﻲ ﻓﺎﻗﺪﻩ ﻭﻣﺘﺪﺭﻱ ﺷﻜﻮ ﺑﺎﻟﺪﻧﻴﺎ ....
ﻣﻜﺪﺭﺕ ﺍﺑﺠﻲ ﻛﺪﺍﻡ ﺃﻣﻲ ﺗﺮﻛﺘﻬﺎ ﻭﻃﻠﻌﺖ ﺑﺎﻟﺤﺪﻳﻘﻪ ﺑﺠﻴﺖ ﻟﻤﻦ ﺗﻌﺒﺖ ﻋﻴﻮﻧﻲ ﻭﺍﻧﻲ ﺩﺍﺍﺑﺠﻲ ﺣﺴﻴﺖ ﺍﻳﺪ ﻉ ﻛﺘﻔﻲ ﺭﻓﻌﺖ ﺭﺍﺳﻲ ﺷﻔﺘﻪ ﺻﻔﺎﺀ ..
ﺍﻧﻄﺎﻧﻲ ﺑﻄﻞ ﻣﻲ ﻭﻛﻌﺪ ﺑﺼﻔﻲ ﻳﺒﺎﻭﻉ ﻟﻴﻜﺪﺍﻡ ﻭﻳﺤﺠﻲ ...
_ ﺳﻬﻠﻪ ﺗﻄﻴﺐ ﺑﺲ ﻳﺤﺘﺎﺟﻠﻬﺎ ﺻﺒﺮ ﺧﻠﻴﺞ ﻗﻮﻳﺔ ﻫﺴﻪ
ﺣﺠﻴﺖ ﻭﻳﺎ ﺩﻛﺘﻮﺭﻫﺎ ﻭﻛﺎﻝ ﺑﻌﺪﻟﻬﺎ ﻋﻤﻠﻴﺔ ﻭﺣﺪﻩ
ﺍﻧﺘﻲ ﺍﺩﻋﻠﻴﻬﺎ ..
ﺑﺎﻭﻋﺘﻠﻪ ﻭﻏﺼﺔ ﻣﺎﺍﻛﺪﺭ ﺍﺣﺠﻲ ﺑﺲ ﺍﺷﻬﻚ ..
ﺗﺮﻛﻨﻲ ﻭﺭﺍﺡ ﺑﺲ ﺣﺴﻴﺖ ﺍﻛﻮ ﺷﻲ ﺿﺎﻣﻪ
ﻋﻨﻲ ﻻﻥ ﻋﻴﻮﻧﻪ ﺟﺎﻧﺖ ﺣﻤﺮﻩ ....
ﺗﺒﻌﺘﻪ ﻭﺩﺧﻠﺖ ﺑﺪﺧﻠﺘﻲ ﺳﻤﻌﺖ ﺻﺮﺧﺔ ﺃﻣﻲ ﻫﺰﺕ ﺍﻟﻤﺸﻔﻰ ﻫﺰﺯﺯ ..
ﺭﻛﻀﺖ ﺑﺴﺮﻋﺔ ﻭﺻﻠﺖ ﻻﻣﻲ ﻟﺰﻣﺘﻬﺎ ﻣﻦ ﺯﻧﻮﺩﻫﺎ
ﻭﻋﻴﻮﻧﻲ ﺑﻮﺟﻬﻪ ﺍﺑﺎﻭﻋﻠﻬﺎ ﺑﺬﻫﻮﻝ ..
ﻛﻠﺘﻠﻬﺎ ﺷﻜﻮ ﺃﻣﻲ ﺷﺒﻴﺞ ﻋﻔﻴﺔ ؟
ﻛﺎﻟﺖ ﻭﻟﺞ ﺍﺧﺘﺞ ﺍﺫﺍ ﻣﺘﻌﺪﺕ ﻫﺎﻱ ﺍﻝ ٢٤ ﺳﺎﻋﻪ ﺍﻗﺮﻱ ﻋﻠﻴﻬﺎ .. ﺍﻟﺴﻼﻡ ..
ﻟﻄﻤﺖ ﻭﻛﻌﺪﺕ ﻉ ﺍﻟﻜﺎﻉ ﻭﻇﻠﺖ ﺗﺤﺠﻲ
ﻳﺎﺭﺑﻲ ﻟﻮ ﺍﻧﻲ ﺑﻤﻜﺎﻧﻬﺎ ﻭﻻ ﻫﻲ ﺷﻤﻌﺔ ﺑﻴﺘﻲ ﺩﺗﺮﻭﺡ
ﻣﻦ ﺍﻳﺪﻱ ﻭﺻﺮﺧﺖ ﺭﺑﻴﻴﻴﻴﻲ ﺍﻧﺖ ﺍﺭﺣﻢ ﺍﻟﺮﺍﺣﻤﻴﻦ
ﺍﺭﻳﺪ ﺑﻨﺘﻲ ﻣﻨﻚ ....
ﺍﺟﻮ ﻳﻬﺪﺃﻭﻥ ﺑﻤﺎﻣﺎ ﺑﺲ ﻫﻴﻪ ﻣﺎ ﻫﺪﺃﺕ ﺧﺮﺑﺖ ﺑﺎﻟﺰﺍﻳﺪ ﺍﺧﺬﻭﻫﺎ ﻳﻌﺎﻟﺠﻮﻫﺎ ، ﻣﺮﻳﻢ ﻭﺷﺎﻓﺖ ﻣﺎﻣﺎ ﻫﻴﺞ ﻭﻣﻨﺎ ﻋﺒﻴﺮ ﺑﺤﺎﻟﺔ ﻳﺮﺛﻰ ﻟﻬﺎ ﻛﻌﺪﺕ ﻉ ﺍﻟﻜﺎﻉ ﺗﺒﺠﻲ ﺍﺣﺘﺎﺭﻳﺖ ﺍﻧﻲ ﻭﺍﻧﻬﺎﺭﻳﺖ ﺑﻌﺪ ﻣﺎﻋﻨﺪﻱ ﻗﻮﺓ ﺍﻭﺍﺟﻪ ﻛﻞ ﻫﺬﺍ ﺍﻻﻟﻢ ..
ﺍﺧﺬﺕ ﻣﺮﻳﻢ ﻭﺭﺣﺖ ﻳﻢ ﺍﻣﻲ ﻭﺑﺎﺑﺎ ﻳﻤﻬﺎ ﻭﺻﻔﺎﺀ
ﺟﺎﻧﺖ ﺗﻐﻤﺾ ﻭﺗﻔﺘﺢ ﻭﺗﻬﺬﻱ ، ﺍﺟﻪ ﺧﺎﻟﻮ ﻟﻠﻐﺮﻓﺔ ﺍﻟﻲ ﺑﻴﻬﺎ ﻣﺎﻣﺎ ﻛﺎﻝ ﻋﺒﻴﺮ ﺻﺤﺖ ﺻﺤﺖ ..
ﻋﺒﻴﺮ : ﺍﺟﻮﺍ ﻭﻟﺪ ﺧﺎﻟﺘﻲ ﻟﻠﺒﻴﺖ ﺷﺎﻓﻮﺍ ﻣﺎﻣﺎ ﻭﺑﻘﻮﺍ
ﻳﻤﻨﻪ ﺷﻮﻳﻪ ﺍﻧﻲ ﺑﻄﺒﻌﻲ ﻛﻮﻟﺶ ﺍﺣﺐ ﺍﻫﻞ ﺃﻣﻲ ﺻﺢ
ﺍﺣﺐ ﻋﻤﺎﻣﻲ ﺑﺲ ﻣﻮ ﻣﺜﻞ ﺍﻫﻠﻬﺎ ﻟﻤﺎﻣﺎ ﺗﻮﺳﻠﺖ ﺑﺎﻣﻲ ﻳﻠﻠﻪ ﻗﺒﻠﺖ ﺍﺭﻭﺡ ﻓﺮﺣﺖ ﻛﻠﺶ ﺍﺧﺬﺕ ﻣﻼﺑﺴﻲ ﻭﺭﺣﺖ ﻭﻳﺎﻫﻢ ..
ﻃﻠﻌﻨﺎ ﺑﺎﻟﺴﻴﺎﺭﺓ ﻭﺻﻠﻨﺎ ﻟﻠﺪﻭﺭﻩ ﻓﺎﺕ ﺭﺗﻞ ﺍﻣﺮﻳﻜﻲ
ﺍﺑﻦ ﺧﺎﻟﺘﻲ ﻭﻫﻮ ﺩﻳﺴﻮﻕ ﺭﺍﺡ ﻉ ﺍﻟﺠﻬﻪ ﺍﻟﻴﻤﻨﻰ
ﻻﻥ ﻣﻴﺼﻴﺮ ﺗﺒﻘﻰ ﺗﻤﺸﻲ ﻛﺪﺍﻣﻬﻢ ﻋﺒﺎﻟﻚ ﺑﻠﺪ ﺍﻟﺨﻠﻔﻬﻢ ....
ﺻﺎﺭ ﻳﻤﺸﻲ ﺑﺒﻄﺊ ﻭﺍﻟﺨﻮﻑ ﺳﻴﻄﺮ ﻋﻠﻴﻨﺎ ﺻﺮﺕ ﺍﺣﺲ ﺑﻬﺪﻭﺀ ﻭﻛﺎﻥ ﺍﻟﻬﺪﻭﺀ ﺍﻟﻲ ﻳﺴﺒﻖ ﺍﻟﻌﺎﺻﻔﺔ ﺑﺎﻟﻀﺒﻂ ..
ﺳﻤﻌﻨﺎ ﺻﻮﺕ ﻃﻠﻘﺎﺕ ﺑﻨﻔﺲ ﺍﻟﺸﺎﺭﻉ ﺍﻟﻲ ﺟﺎﻱ ﻧﻤﺸﻲ ﺑﻲ ..
ﺍﺭﺗﺒﻜﻮﺍ ﺍﻻﻣﺮﻳﻜﺎﻥ ﻭﺣﺴﻮﺍ ﺑﺨﻄﺮ ، ﺭﻓﻌﻮﺍ ﺑﻨﺎﺩﻗﻬﻢ ﻭﻇﻠﻮﺍ ﻳﺮﻣﻮﻥ ﺷﺎﻣﻲ ﻋﺎﻣﻲ ﻭﻋﻠﻰ ﺍﻟﻤﺪﻧﻴﻴﻦ ﻭﺍﻟﺴﻴﺎﺭﺍﺕ ﺍﻟﻤﺤﺎﺫﻳﺔ ..
ﺻﻮﺕ ﺍﻟﺼﺮﻳﺦ ﺑﻜﻞ ﻣﻜﺎﻥ ﺍﻟﺠﺎﻡ ﺍﻟﻮﺭﺍﻳﻪ ﺗﻔﻠﺶ ﺣﺴﻴﺖ ﺑﺎﻟﻢ ﻓﻀﻴﻊ ﻟﻠﺤﻈﺔ ﻭﺍﺑﻦ ﺧﺎﻟﺘﻲ ﻓﻘﺪ ﺍﻟﺴﻴﻄﺮﺓ ﻋﻠﻰ ﺍﻟﺴﻴﺎﺭﺓ ﻭﺍﻧﻀﺮﺑﺖ ﺑﺎﻟﺮﺻﻴﻒ ﺭﻓﻌﺖ ﺭﺍﺳﻲ ﺷﻔﺖ ﺍﻟﻜﻠﻨﻜﺲ ﺩﻳﺘﻄﺎﻳﺮ ﻋﺒﺎﻟﻚ ﺭﻳﺶ ﻣﺎﻝ ﺩﺟﺎﺝ ﻭﺍﻟﺠﺎﻡ ﻭﺻﻮﺕ ﺗﻜﺴﻴﺮﻩ ﻣﻠﺊ ﺍﺳﻤﺎﻋﻲ ..
ﺍﺑﻦ ﺧﺎﻟﺘﻲ ﻓﻘﺪ ﺳﻴﻄﺮﺗﻪ ﻋﻠﻰ ﺍﻟﺴﻴﺎﺭﺓ ﺑﺴﺒﺐ ﺍﻻﺻﺎﺑﺔ ﺍﻻﺻﺎﺑﺔ ﺍﻟﻲ ﺗﻌﺮﺽ ﺍﻟﻬﺎ ، ﺍﻟﺘﺎﻓﺖ ﺍﻟﺴﻴﺎﺭﺓ ﻭﺍﻧﻀﺮﺑﺖ ﺑﺎﻟﺮﺻﻴﻒ ﻭﺗﻮﻗﻔﺖ ﻋﻦ ﺍﻟﺤﺮﻛﺔ .. ﺑﺲ ﺍﺳﻤﻊ ﺍﺻﻮﺍﺕ ﺍﻻﻧﻴﻦ ﻣﻤﺰﻭﺟﺔ ﺑﺎﻻﻟﻢ ..
ﺣﺴﻴﺖ ﺑﺮﻭﺩﻩ ﺑﺮﺍﺳﻲ ﻭﻇﻬﺮﻱ ﻭﺍﺩﻳﻪ ﻭﺭﻃﻮﺑﺔ ﺑﻤﻼﺑﺴﻲ ﻋﻀﻴﺖ ﺷﻔﺘﻲ ﺭﻓﻌﺖ ﺍﻳﺪﻱ ﺑﺜﻘﻞ ﻟﺰﻣﺖ ﻭﺟﻬﻲ ﺗﻠﻤﺴﺘﻪ ﻭﺧﻠﻴﺖ ﺍﻳﺪﻱ ﻛﺪﺍﻣﻲ ﻋﻴﻮﻧﻲ ﺍﺑﺎﻭﻉ ﻭﻏﻮﺍﺵ ﻣﺴﻴﻄﺮ ﻋﻠﻰ ﻧﻈﺮﻱ ﺑﺲ ﻛﺪﺭﺕ ﺍﻣﻴﺰ ﻟﻮﻥ ﺍﻟﺪﻡ ﺍﻟﻲ ﻣﻠﻰ ﺍﻳﺪﻱ ..
ﺑﺲ ﻣﺠﺎﻱ ﺍﺣﺲ ﺑﺄﻟﻢ ﺍﺣﺲ ﺗﺒﻨﺠﺖ ، ﻋﻴﻮﻧﻲ ﺛﻘﻠﺖ ﻣﻜﺪﺭﺕ ﺍﺳﻴﻄﺮ ﻋﻠﻴﻬﺎ ﺍﺳﺘﺴﻠﻤﺖ ﻭﻏﻤﻀﺖ ..
ﻓﺘﺤﺖ ﻋﻴﻮﻧﻲ ﺑﺎﻟﻤﺴﺘﺸﻔﻰ ﻣﺎﺍﺷﻮﻑ ﺑﺲ ﺷﻲ ﻣﻐﻮﺵ
ﻭﺍﺑﻴﺾ ، ﺭﺟﻌﺖ ﻏﻤﻀﺖ ﺣﻴﻞ ﻭﻓﺘﺤﺘﻬﺎ ﻧﻔﺲ ﺍﻟﺸﻲ
ﺧﺮﺭﺭﺏ ﺑﺲ ﻻ ﺍﻧﻌﻤﻴﺖ ..
ﻣﻨﺎ ﻳﻤﻜﻦ ﺗﻌﻮﻗﺖ ﻭﻣﻨﺎ ﺍﻧﻌﻤﻲ ﻻ ﻫﺎﻱ ﻫﻴﻪ ﺍﻧﻼﺻﺖ ﻫﺴﻪ ﺷﻴﺨﻠﺼﻨﻲ ﻣﻦ ﺗﺤﺸﻴﺶ ( ﻛﺮﺍﺭ ) ..
ﻳﺮﺑﻲ ﺷﻜﺪ ﺗﺎﻓﻬﻪ ﺍﻧﻲ ﺗﺮﻛﺖ ﺍﻣﻲ ﻭﻓﻜﺮﺕ ﺑﺲ ﺑﻜﺮﺍﺭ ﺍﻟﻐﺒﻲ ﻫﺴﻪ ﺃﻣﻲ ﺷﻴﺼﻴﺮ ﺑﻴﻬﺎ ﺍﺫﺍ ﻋﺮﻓﺖ ﺑﻨﺘﻬﺎ
ﺻﺎﺭﺕ ﻋﻤﻴﺔ ..
ﺧﺮﺭﺭﺭﺏ ﺍﺑﻮﻛﻢ ﻳﺎ ﺍﻻﻣﺮﻳﻜﺎﻥ ﻉ ﻫﺎﻟﺪﻛﻪ ﻫﺎﻱ ﺻﻔﻨﺖ ﻭﺍﻟﻠﻪ ﺧﻮﺵ ﺩﺍﺍﺳﻮﻱ ﻣﺴﻠﺴﻞ ﺍﻧﻲ ﻫﺴﻪ ﺍﻟﻲ ﻳﻘﺮﺃ ﺍﻓﻜﺎﺭﻱ ﻣﻮ ﻳﻔﻄﺲ ﻣﻦ ﺍﻟﻀﺤﻚ ﻋﻠﻴﻪ .
ﺧﻠﻲ ﺍﺭﺟﻊ ﺍﻏﻤﺾ ﻭﺍﻓﺘﺢ ﺑﻠﻜﻲ ﺍﺷﻮﻑ ﺃﻧﻮﺏ ﺍﻳﺪﻱ
ﻣﺎﺍﻛﺪﺭ ﺍﺣﺮﻛﻬﺎ ﻭﺟﺴﻤﻲ ﻭﺭﺍﺳﻲ ﺩﻳﻤﻮﺗﻨﻲ ﻣﻦ ﺍﻟﻮﺟﻊ
ﺧﺮﺭﺭﺭﺏ ﺃﻧﻲ ﻭﻳﻦ ﻇﻠﻴﺖ ﺍﻏﻤﺾ ﻭﺍﻓﺘﺢ ﺳﻤﻌﺖ ﺻﻮﺕ ﺑﺎﺑﺎ ﺩﻳﺼﺮﺥ ﻛﺎﻝ ﺗﺤﺮﻛﺖ ﻭﺍﻟﻠﻪ ﺗﺤﺮﻛﺖ ﺑﺎﺑﺎﺗﻲ ﺩﺗﺸﻮﻓﻴﻨﻲ ﻣﺤﺠﻴﺖ ﺣﺴﻴﺖ ﺣﻨﺠﺮﺗﻲ ﻣﺠﺮﻭﺣﻪ ﺣﻤﺤﻤﺖ ﺳﻤﻌﺖ ﺻﻮﺕ ﻣﺎﻣﺎ ﻭﺍﻟﻠﻪ ﺣﺴﻴﺖ ﺭﻭﺣﻲ ﺭﺩﺗﻠﻲ ﻣﻦ ﺳﻤﻌﺖ ﺻﻮﺗﻬﺎ ...
ﺣﺴﻴﺖ ﺍﻛﻮ ﺿﻮﺀ ﻗﻮﻱ ﺑﻌﻴﻨﻲ ﻭﺻﻮﺕ ﻛﺎﻝ ﺑﻌﺪﻫﺎ
ﺑﺄﺛﺮ ﺍﻟﺼﺪﻣﻪ ﺷﻮﻳﻪ ﺷﻮﻳﻪ ﺗﻔﺘﺢ ..
ﻭﺑﺎﻟﻔﻌﻞ ﺗﻘﺮﻳﺐ ﺳﺎﻋﺔ ﺍﻭ ﻧﺺ ﺳﺎﻋﻪ ﻓﺘﺤﺖ ﺍﻭﻝ ﻭﺟﻪ ﺷﻔﺘﻪ ﻫﻮ ﺑﺎﺑﺎ ﻻﺯﻡ ﺃﻳﺪﻱ ﻭﺿﺎﻣﻬﺎ ﺑﻴﻦ ﺍﺩﻳﻪ ﻭﻣﺎﻣﺎ ﻛﺎﻋﺪﻩ
ﻳﻢ ﺭﺟﻠﻴﻪ ﺗﺤﺮﻛﺖ ﺟﺎﻥ ﺗﻨﺪﻓﺮ ﻣﺎﻣﺎ ﺑﺮﺟﻠﻲ ﻓﺰﺕ ﺧﻄﻴﻪ ﻛﺎﻣﺖ ﺷﺒﻜﺘﻨﻲ ﻭﺑﺠﺖ ﺩﻓﻌﺘﻬﺎ ﺧﻔﻴﻒ ﻻﻥ
ﺍﺗﺄﺫﻳﺖ ﻫﻲ ﻋﺮﻓﺖ ﺍﺗﺄﺫﻳﺖ ﺷﺎﻟﺖ ﺍﻳﺪﻱ ﺑﺎﺳﺘﻬﺎ
ﺑﺼﻮﺕ ﻣﺒﺤﻮﺡ ﻛﺎﻟﺖ ﺷﻠﻮﻧﺞ ﻣﺎﻣﺎ؟
ﺣﺮﻛﺖ ﺭﺍﺳﻲ ﻭﺑﺲ ..
ﺍﻣﻲ ﺑﺲ ﺗﺒﺠﻲ ﺍﻧﻜﺴﺮ ﻗﻠﺒﻲ ﻋﻠﻴﻬﺎ ﺍﺭﻳﺪ ﺍﺣﺠﻲ ﻭﺍﻛﻮﻟﻠﻬﺎ ﺍﺳﻔﺔ ﻣﺎﻣﺎ ﻣﺠﻨﺘﻲ ﻗﺎﺑﻠﺔ ﺍﺭﻭﺡ ﺍﺳﻔﺔ ﺧﻮﻓﺘﺞ ﻋﻠﻴﻪ ﻭﺍﻧﺖ ﻣﻮ ﻣﺎﻝ ﺧﻮﻑ ﻭﺍﻋﺮﻑ ﻣﺪﻯ ﺣﺒﺞ ﻭﺧﻮﻓﺞ ﻋﻠﻴﻪ ﻣﺠﺎﻥ ﻻﺯﻡ ﺍﺳﻮﻱ ﻫﻴﺞ ، ﺑﺲ ﻣﻜﺪﺭﺕ ﺍﺣﺠﻲ ﺑﻠﺴﺎﻧﻲ ﺣﺎﺟﻴﺘﻬﺎ ﺑﻌﻴﻮﻧﻲ ﻭﻫﻴﻪ ﺗﻠﻘﺖ ﺍﻟﻜﻼﻡ ﻣﻨﻲ ﺑﻠﻐﺔ ﺍﻟﻌﻴﻮﻥ ، ﺧﻠﺖ ﺍﻳﺪﻫﺎ ﻋﻠﻰ ﺭﺍﺳﻲ ﺗﻤﺴﺢ ﺑﺤﻨﻴﺔ ، ﺭﺍﺳﻲ ﻣﺸﺪﻭﺩ
ﻭﺍﻳﺪﻱ ﻣﺠﺒﺴﺔ ﻭﺍﻟﻢ ﺑﻈﻬﺮﻱ ﺩﻳﺰﻳﺪ ﺍﻛﺜﺮ ﻭﺍﻛﺜﺮ ..
ﺟﺘﻲ ﺯﻫﺮﺍﺀ ﺑﻮﺳﺘﻨﻲ ﻭﻋﻴﻮﻧﻬﺎ ﺣﻤﺮﺓ ﻣﻮ ﺑﺲ ﺗﺒﺠﻲ ﻭﺗﺸﻬﻚ ﻫﻤﻴﻦ .. ﻣﺮﻳﻢ ﻫﺠﻤﺖ ﻋﻠﻴﻪ ﻭﻣﺎﺍﺭﺗﺎﺣﺖ ﺍﻻ ﻧﺎﻣﺖ ﺑﺼﻔﻲ ..
ﻓﺎﺕ ﺻﻔﺎﺀ ﻟﻠﻐﺮﻓﺔ ﻭﺟﻪ ﻛﻼﻣﻪ ﻟﺒﺎﺑﺎ : ﻋﻤﻮ ﺍﻃﻠﻌﻮﺍ ﻣﻦ ﻳﻤﻬﺎ ﺗﻮﻫﺎ ﺻﺤﺖ ﺷﻨﻮ ﻫﺎﻟﻬﻮﺳﻪ ﻫﺎﻱ ﻣﻮ ﺯﻳﻦ ﻋﻠﻴﻬﺎ ؟بيج قصص عراقيه حقيقيه من واقعنا.روعه الطائي
ﺟﺎﻭﺑﺘﻪ ﺍﻣﻲ ﻭﺑﻌﺪﻫﻪ ﻣﻤﺒﻄﻠﺔ ﺑﺠﻲ ﻏﻴﺮ ﻣﻤﺼﺪﻛﻴﻦ ﻭﺍﻟﻠﻪ ﻋﺒﺎﻟﻲ ﺣﺘﻤﻮﺕ ﺍﻟﻄﺒﻴﺐ ﻗﺒﻞ ﺷﻮﻳﺔ ﻛﺎﻝ ٢٤ ﺳﺎﻋﺔ ﺣﺪﻫﺎ ﻭﻧﻌﻠﻦ ﻣﻮﺗﻬﺎ ﺳﺮﺳﺮﻳﺎ ﺑﺲ ﺍﻟﻠﻪ ﻗﺪﺭ ﻭﻟﻄﻒ ..
ﺻﻔﺎﺀ ؛ - ﺍﻟﻒ ﺍﻟﺤﻤﺪ ﻟﻠﻪ ﻋﻤﻪ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻬﺎ ﺗﻜﻮﻡ ﺳﺎﻟﻤﺔ ﺍﻥ ﺷﺎﺀﺍﻟﻠﻪ ..
ﺑﺎﻭﻉ ﻋﻠﻰ ﻣﺮﻳﻢ ﻣﺘﻤﺪﺩﺓ ﺑﺼﻔﻲ
ﻛﺎﻝ : ﻻ ﻳﺎﺍﻟﻠﻪ ﻫﺎﻙ ﺍﺳﺘﻠﻢ ﻫﺎﻱ ﺷﺒﻴﻬﺎ ﻣﺸﺎﺑﻌﻪ ﻧﻮﻡ ﻟﺞ ﺗﻌﺎﻟﻲ ، ﺿﺤﻚ ﻭ ﺷﺎﻟﻬﺎ .. ﻳﻠﻠﻪ ﻟﻠﺒﻴﺖ ﻣﻴﺼﻴﺮ ﺗﺒﻘﻮﻥ ﺑﻌﺪ ﻳﻠﻪ ﺯﻫﺮﺍﺀ ﺍﻣﺸﻲ ﻟﻠﺒﻴﺖ ﻗﺒﻞ ﻣﻴﺼﻴﺮ ﺍﻟﺤﻈﺮ
ﺍﺟﺖ ﺯﻫﺮﺍﺀ ﺑﻮﺳﺘﻨﻲ ﻫﻤﺴﺖ ﻭﺍﻟﻠﻪ ﺍﺣﻨﺎ ﺭﺟﻠﻨﺎ ﺧﻴﺮ ﻋﻠﻴﺞ ﺑﺲ ﺟﻴﻨﻪ ﺻﺤﺼﺤﺘﻲ .. ﺍﺑﺘﺴﻤﺖ ﺍﻟﻬﺎ ﻭﺍﺧﺬﻫﻢ ﺻﻔﺎﺀ ﻭﺭﺍﺡ ..
ﺑﻌﺪ ٣ ﺍﻳﺎﻡ ﻛﺘﺒﻠﻲ ﺍﻟﺪﻛﺘﻮﺭ ﺧﺮﻭﺝ ﻭﻃﻠﻌﺖ ﻣﻦ ﺍﻟﻤﺴﺘﺸﻔﻰ ...
ﺯﻫﺮﺍﺀ : ﻃﻠﻌﺖ ﻋﺒﻴﺮ ﻟﻠﺒﻴﺖ ﺑﺲ ﺣﻴﻞ ﻛﺌﻴﺒﺔ ﻭﻛﻞ
ﻣﺘﺼﻔﻦ ﺗﻔﺰ ﺿﺤﻜﺘﻬﺎ ﻏﺎﺑﺖ ﻫﺎﻱ ﺍﻟﻲ ﺟﺎﻧﺖ ﻫﺎﺭﺟﻪ
ﺍﻟﺒﻴﺖ ﺑﺼﻮﺗﻬﺎ ﺍﻟﻌﺎﻟﻲ ﻭﻣﺸﺎﻛﺴﺘﻬﺎ ﻭﺿﺤﻜﻬﺎ ...
ﻫﺴﻪ ﻧﺴﻤﻊ ﺑﺲ ﺻﻮﺕ ﺻﺮﺍﺧﻬﺎ ﻣﻦ ﺍﻻﻟﻢ ﻭﺍﻛﺒﺮ ﻭﺍﺣﺪ
ﺗﻌﻴﻂ ﺑﻲ ﺍﺫﺍ ﻫﺎﺝ ﻋﻠﻴﻬﺎ ﺍﻻﻟﻢ ﺑﺎﺑﺎ ﺷﻨﻮ ﺑﺎﺑﺎ ﻫﻢ ﺗﺮﻓﻊ
ﺻﻮﺗﻬﺎ ﻋﻠﻴﻪ ﻟﻮ ﻣﻦ ﺗﻨﺎﻡ ﺗﺤﻠﻢ ﺍﺣﻼﻡ ﻣﺰﻋﺠﻪ ﻭﻣﻦ
ﺗﻜﻌﺪ ﺗﻈﻞ ﺗﻌﻴﻂ ﻭﺗﻐﻠﻂ ﻉ ﺍﻟﻜﻞ ..
ﻭ ﻣﺜﻞ ﻛﻞ ﻳﻮﻡ ﺗﻌﻴﻂ ﻣﻦ ﺍﻻﻟﻢ ﺗﻌﺒﺖ
ﻣﻦ ﺍﻟﺼﻴﺎﺡ ﻧﺎﻣﺖ ﻭ ﺃﻣﻲ ﺟﺎﻧﺖ ﻳﻤﻬﺎ
ﻛﺎﻋﺪﻩ ﺗﻘﺮﺃ ﻗﺮﺃﻥ ﻉ ﺭﺍﺳﻬﺎ ..
ﺷﻮﻳﻪ ﻭﺷﻔﺖ ﺍﻣﻲ ﻃﻠﻌﺖ ﻣﻦ ﺍﻟﻐﺮﻓﺔ ﻛﺎﻟﺖ ﺩﻳﺮﻱ ﺑﺎﻟﺞ ﻋﻠﻴﻬﺎ ﺭﺍﻳﺤﺔ ﻟﻠﺤﻤﺎﻡ ..
ﺍﻧﻲ ﺍﻟﺘﻬﻴﺖ ﻭﻃﻠﻌﺖ ﺑﺮﺓ ﻛﻠﺖ ﻣﺘﻜﻌﺪ ﻫﺴﻪ ..
ﻭﺭﺓ ﺛﻮﺍﻧﻲ ﺳﻤﻌﺖ ﺻﻮﺕ ﺻﺮﺍﺧﻬﺎ .. ﻭﻣﺘﺨﺒﻠﺔ ﻭﺗﺤﺠﻲ ﺍﻧﺘﻮﺍ ﻣﺘﺮﺩﻭﻧﻲ ﺍﻧﺘﻮﺍ ﺗﻜﺮﻫﻮﻧﻲ ﻭﻟﻜﻢ ﺍﻧﻲ ﻣﺮﻳﻀﻪ ﺩﺍﺍﻣﻮﻭﻭﻭﺕ ﺩﺍﺍﺍﺍﺍﻣﻮﻭﻭﺕ ، ﻭﺍﻧﺘﻮﺍ ﺗﺎﺭﻛﻴﻨﻲ ﻭﺣﺪﻱ
ﺷﻨﻮ ﻣﻦ ﺍﻫﻞ ﺍﻧﺘﻮﺍ ﺍﻥ ﺷﺎﺀ ﺍﻟﻠﻪ ﺍﻣﻮﺕ ﻭﺍﺧﻠﺺ ﻣﻨﻜﻢ ..
ﻇﻠﺖ ﺗﻌﻴﻂ ﺣﺎﻭﻟﻨﺎ ﺍﻫﺪﺃﻫﺎ ﻣﻜﺪﺭﺕ ﺗﺮﺍﻓﺲ ﻭﺗﺼﺮﺥ ﺍﺟﺖ ﻣﺎﻣﺎ ﻟﺰﻣﺘﻪ ﻣﻜﺪﺭﺕ ﺍﻟﻬﺎ ﻭﺑﺎﺑﺎ ﻣﻤﻮﺟﻮﺩ
ﺑﻘﺖ ﻋﻠﻰ ﻫﺬﻱ ﺍﻟﺤﺎﻟﺔ ﺩﻗﺎﻳﻖ ﺍﻟﻰ ﺍﻥ ﺗﻌﺒﺖ ﻭﺳﻜﺘﺖ ﻣﻦ ﺣﺎﻟﻬﺎ ، ﺣﺎﻟﺘﻬﺎ ﺍﻟﻨﻔﺴﻴﺔ ﻛﻮﻟﺶ ﺗﻌﺒﺖ ...
ﻋﺒﻴﺮ : ﺩﻳﺼﻴﺮ ﻋﻨﺪﻱ ﺍﻟﻢ ﺍﻛﺮﻩ ﻧﻔﺴﻲ ﺍﻓﻘﺪ ﺍﻋﺼﺎﺑﻲ
ﺣﺘﻰ ﻉ ﻣﺎﻣﺎ ﻭﺑﺎﺑﺎ ﺍﺻﻴﺢ ﻣﻦ ﻛﺪ ﻣﺎﺍﺻﻴﺢ ﺍﺣﺲ
ﺑﻼﻋﻴﻤﻲ ﺣﺘﻄﻚ ﺍﻻﺻﺎﺑﻪ ﺑﺮﺍﺳﻲ ﻭﺑﻈﻬﺮﻱ ﺍﻻﻟﻢ
ﻓﻀﻴﻊ ﻣﺎﺍﻛﺪﺭ ﺍﺗﺤﻤﻠﻪ ﺍﻃﻠﻊ ﺣﺮﻛﺘﻲ ﺑﺎﻟﺼﻴﺎﺡ ﻛﻞ
ﻇﻨﻲ ﻣﻦ ﺍﺻﻴﺢ ﺍﺭﺗﺎﺡ ﺑﺲ ﻣﻦ ﺍﺻﻴﺢ ﺍﻟﻢ ﺭﺍﺳﻲ
ﻳﺰﻳﺪ ..
ﺑﺲ ﺍﻟﺸﻲ ﺍﻟﻲ ﺟﺎﻥ ﻳﺮﻳﺤﻨﻲ ﻣﻦ ﻛﺪ ﻣﺎﺍﺗﻌﺐ
ﻣﻦ ﺍﻟﺼﻴﺎﺡ ﺍﻧﺎﻡ ﻉ ﺍﻻﻗﻞ ﺍﺧﻠﺺ ﻣﻦ ﺍﻻﻟﻢ ﺟﺎﻥ
ﻳﺠﻲ ﺻﻔﺎﺀ ﻳﺸﻮﻓﻨﻲ ﻭ ﻳﺮﻭﺡ ﺍﻧﺘﺒﻬﺖ ﻉ ﻓﻘﺮﺓ
ﺯﻫﺮﺍﺀ ﺍﺑﺪ ﻣﺎﻟﻬﺎ ﺩﺧﻞ ﺑﺼﻔﺎﺀ ﻧﻈﺮﻩ ﺷﻨﻮ ﻫﻲ ﺍﻟﻨﻈﺮﻩ
ﻣﺘﺒﺎﻭﻋﻠﻪ ..
ﻛﻠﺖ ﺍﻟﻠﻪ ﻳﻬﺪﻳﻬﺎ ﺑﺲ ﺻﺎﺭ ﻋﻨﺪﻱ ﻓﻀﻮﻝ
ﻫﺎﻱ ﺷﻐﻴﺮﻫﺎ ﺍﻟﻰ ﺍﻥ ﺩﺧﻠﺖ ﺯﻫﺮﺍﺀ ﻭﺍﻧﻲ ﻣﺎﻣﺎ
ﻭﺻﺘﻨﻲ ﻣﻦ ﻳﺒﺪﻱ ﺍﻻﻟﻢ ﻋﻨﺪﻱ ﺍﻗﺮﺃ ﺩﻋﺎﺀ ﺍﻟﺘﺎﺝ ..
ﺣﻄﺘﻪ ﺍﻣﻲ ﻳﻢ ﺭﺍﺳﻲ ﺗﻮﺍ ﺑﺪﺃ ﺍﻻﻟﻢ ﻃﻠﻌﺖ ﺍﻟﺪﻋﺎﺀ
ﺩﺍﺍﻗﺮﺃ ﻭﻫﻲ ﺩﺗﺘﺤﺮﻙ ﺑﻜﻞ ﻫﺪﻭﺀ ﺗﻨﻈﻒ ﺍﻟﻐﺮﻓﻪ
ﻣﺎﺍﺩﺭﻱ ﻧﺰﺍﻛﺔ ﻣﺎﺍﺩﺭﻱ ﻓﻬﺎﻭﺓ ...
ﻗﺮﻳﺖ ﺍﻟﺪﻋﺎﺀ ﻉ ﺍﻟﺴﺮﻳﻊ ﻫﻲ ﺍﺟﺖ ﺩﺗﻌﺪﻝ ﻓﺮﺍﺷﻲ ﻟﺰﻣﺖ ﺍﻳﺪﻫﺎ ..
ﻛﺎﻟﺘﻠﻲ ﻫﺎ ﻋﺒﻮﺭﻩ ﺣﺒﻴﺒﺘﻲ ﻣﺤﺘﺎﺟﻪ ﺷﻲ ﻛﻮﻟﻲ؟
ﺟﺎﻭﺑﺘﻬﺎ ﺑﺤﺰﻡ ﺷﻮ ﺩﻛﻌﺪﻱ ﺩﺍﺍﺣﺠﻲ ﻭﻳﺎﺝ ..
ﻛﻌﺪﺕ ﻛﺎﻟﺖ ﻭﻫﺎﻱ ﻛﻌﺪﻧﺎ ..
ﻛﻠﺘﻠﻬﺎ ﺍﻧﺘﻲ ﺷﻮ ﻣﺘﻐﻴﺮﻩ ﺍﻟﻠﻪ ﻫﺪﺍﺝ ﻟﻮ ﺷﻨﻮ ﻓﻠﻤﺞ .
ﺯﻫﺮﺍﺀ : ﺷﻨﻮ ﻣﻔﺘﻬﻤﺖ
ﻋﺒﻴﺮ : ﺷﻮ ﻣﻦ ﺩﻳﺠﻲ ﺻﻔﺎﺀ ﺍﻧﺘﻲ ﻣﻤﻬﺘﻤﻪ ﺷﻐﻴﺮﺝ
ﺧﻴﺮ ﻳﺎﻃﻴﺮ ﺍﻧﻲ ﺍﻋﺮﻓﺞ ﻛﻠﺶ ﺯﻳﻦ
ﺯﻫﺮﺍﺀ : ﻋﺒﻴﺮ ﺍﻣﻲ ﺗﻌﺒﺖ ﻭﻳﺎﻳﻪ ﺣﺘﻰ ﻟﻮ ﺍﺣﺒﻪ ﻫﻮ
ﻣﻴﺮﻳﺪﻧﻲ ﻛﺎﻓﻲ ﺫﻟﻴﺖ ﻧﻔﺴﻲ ﻭﺗﻌﺒﺖ ﻣﺎﻣﺎ ﻭﺍﻧﺘﻲ
ﺷﺒﻌﺘﻲ ﺿﺮﺏ ﺑﺴﺒﺒﻲ ﻣﻦ ﻣﺎﻣﺎ ﻻﻥ ﺗﺘﺠﺎﻭﺯﻳﻦ
ﻋﻠﻴﻪ ﺍﻧﻲ ﺍﺗﻤﻨﻰ ﺍﻃﻠﻊ ﺣﺒﻪ ﻣﻦ ﻗﻠﺒﻲ ﺑﺲ ﻣﺎﺍﻛﺪﺭ
ﻫﺬﺍ ﺍﻟﺸﻲ ﻣﻮ ﺑﻴﺪﻱ ﺑﺲ ﺗﺼﺮﻓﺎﺗﻲ ﺑﻴﺪﻱ ﻭﻟﺬﻟﻚ
ﺣﺒﻪ ﺭﺍﺡ ﻳﺒﻘﻰ ﺑﻘﻠﺒﻲ ﻣﻦ ﺩﻭﻥ ﻣﺎﺍﺫﻳﻜﻢ ﻭﺍﻥ ﺷﺎﺀﺍﻟﻠﻪ ﺭﺑﻲ ﻳﻨﺴﻴﻨﻲ ﻻﻥ ﻭﺍﻟﻠﻪ ﺗﻌﺒﺖ
ﺻﻔﻨﺖ ﻋﻠﻴﻬﺎ ﻛﻠﺘﻠﻬﺎ ﺍﻱ ﺣﺒﺎﺑﻪ ﻛﺎﻓﻲ ﺃﻣﻲ ﺗﻌﺒﺖ
ﻭﻣﻦ ﻋﻘﻠﺘﻲ ﺍﻧﺘﻲ ﺍﻧﻮﺏ ﺍﻧﻲ ﺗﺼﻮﺑﺖ ﻫﺎﻟﻤﺮﺓ ﻭﻻ
ﺍﺭﺗﺎﺣﺖ ﺳﻮﺩﻩ ﻋﻠﻴﻪ ﺍﺳﻤﻬﺎ ﺣﺎﻳﺮﺓ ﺑﻴﻨﺎ ..
_ ﺍﻱ ﻭﺍﻟﻠﻪ ، ﺍﻟﻤﻼﺑﺲ ﺑﺎﻟﻐﺴﺎﻟﻪ ﺍﺭﻭﺡ ﺍﺷﻮﻓﻬﻢ ﻣﺤﺘﺎﺟﻪ
ﺷﻲ ﺍﻧﺘﻲ؟
_ ﺍﻱ ﻋﺼﻴﺮ ﻭﺩﺯﻱ ﺑﻴﺪ ﻣﺮﻳﻢ ﻭﻣﺎﻣﺎ ﻭﻳﻦ ﺷﻮ ﻣﺸﻔﺘﻬﺎ ﺍﻟﻴﻮﻡ ﺧﻮﻣﺎ ﺑﻴﻬﺎ ﺷﻲ؟
_ ﻻﻻ ﺑﺲ ﺳﺮﻭﺭ ﺑﻨﺖ ﺧﺎﻟﺘﻲ ﺟﺎﺑﺖ ﻭﺭﺍﺣﺖ ﺩﺗﺸﻮﻓﻬﺎ
ﻫﺴﻪ ﻉ ﺟﻴﻪ ..
ﺑﻌﺪ ١٠ ﺃﻳﺎﻡ ﺍﺧﺬﻭﺍ ﻋﺒﻴﺮ ﺩﻳﻔﺘﺤﻮﻥ ﺍﻟﺨﻴﺎﻁ
ﺍﻟﻬﺎ ﺑﺎﺑﺎ ﺟﺎﻥ ﻣﺴﺎﻓﺮ ﻋﻨﺪﻩ ﻧﺪﻭﺓ ﺧﺎﺭﺝ ﺑﻐﺪﺍﺩ ..
ﺑﺎﺑﺎ ﻛﻠﻒ ﺣﻴﺪﺭ ﺍﺧﻮ ﺻﻔﺎﺀ ﺣﺘﻰ ﻳﺎﺧﺬ ﻋﺒﻴﺮ ﻭﻣﺎﻣﺎ
ﻟﻠﺪﻛﺘﻮﺭ ﻳﻔﺘﺤﻮﻥ ﺍﻟﺨﻴﺎﻁ ..
ﺟﻨﺖ ﺩﺍﺍﺟﻬﺰ ﻋﺒﻴﺮ ﻭﻣﺎﻣﺎ ﺩﺗﻘﻨﻊ ﺑﻤﺮﻳﻢ ﺗﺒﻘﻰ ﺑﺎﻟﺒﻴﺖ ﻳﻤﻲ ﻻﻥ ﺳﺖ ﻣﺮﻳﻢ ﺗﺮﻳﺪ ﺗﺮﻭﺡ ﻭﻳﺎﻫﻢ
ﺗﻜﻮﻝ ﺷﻨﻮ ﻋﺒﻴﺮ ﺗﻄﻠﻊ ﻭﻣﺮﻳﻢ ﻻ ﻋﺒﺎﻟﻚ ﺍﺧﺘﻬﺎ
ﺭﺍﻳﺤﻪ ﺗﺘﻮﻧﺲ ﺍﻟﻠﻪ ﻳﺴﺎﻋﺪﻫﺎ ﺑﺲ ﻉ ﺍﻻﻟﻢ ﺍﻟﻲ
ﺩﺗﺘﺤﻤﻠﻪ ﻭﺳﺎﻛﺘﻪ ﻭﺍﻟﻠﻪ ﺳﺎﻋﺎﺕ ﺍﺻﻌﺪ ﺍﺷﻮﻓﻬﺎ
ﺍﻟﻜﺎﻫﺎ ﺗﻌﺾ ﺑﺎﻟﻤﺨﺪﻩ ﻣﻦ ﻛﺪ ﺍﻻﻟﻢ ﻭﻣﺘﺼﻴﺢ ﻻﻥ
ﺗﺨﺎﻑ ﻉ ﻣﺎﻣﺎ ﻭﺑﺎﺑﺎ ...
ﻭﺍﺧﻴﺮﺍ ﺃﻣﻲ ﻗﻨﻌﺖ ﺳﺖ ﻣﺮﻳﻢ ﺗﺒﻘﻰ ﺑﻌﺪ ﻣﺎﺍﻧﻄﺘﻬﺎ ﻓﻠﻮﺱ .. ﺩﺍﺍﻧﺰﻝ ﻋﺒﻴﺮ ﻣﻦ ﺍﻟﺪﺭﺝ ﺷﻮ ﻫﺎﻱ ﻣﺮﻳﻢ ﺑﺲ ﺷﺎﻓﺖ ﻋﺒﻴﺮ ﻛﺎﻣﺖ ﺗﻨﻮﺡ ﺗﺮﻳﺪ ﺗﺮﻭﺡ ﻭﻳﺎﻫﻢ ﺟﺮﺗﻬﺎ ﻋﺒﻴﺮ ﻛﻠﺘﻠﻬﺎ ﻭﻟﺞ ﺍﻧﻲ ﺣﺮﻭﺡ ﺍﻓﺘﺢ ﺍﻟﺨﻴﻂ ﺑﻌﺪﻳﻦ ﺍﻧﺘﻲ ﺍﺩﻋﻴﻠﻲ ﺍﻃﻴﺐ ﻣﻮ ﺗﻜﻌﺪﻳﻦ ﺗﺒﺠﻴﻦ ﻋﻴﺐ ﻛﺒﺮﺗﻲ ﻳﻼ ﺣﺒﺎﺑﻪ ﺭﻭﺣﻲ
ﻋﺰﻟﻲ ﻏﺮﻓﺘﻨﺎ ﺑﻴﻦ ﻣﻨﺠﻲ ...
ﻭﺑﺎﺳﺘﻬﺎ ﻭﻣﺮﻳﻢ ﺑﺴﺮﻋﺔ ﺳﻤﻌﺖ ﺍﻟﻜﻼﻡ ﻭ ﺍﻣﻲ ﺻﻔﻨﺖ ﻛﺎﻟﺖ ﺻﺎﺭ ﺳﺎﻋﻪ ﺍﻗﻨﻊ ﻭﺍﻧﻄﻴﺖ ﻓﻠﻮﺱ
ﻭﺍﺑﻮﺱ ﻭﺍﺣﻀﻦ ﻣﺘﻘﺘﻨﻊ ﺍﻻ ﻣﻦ ﻋﺒﻴﺮ ﻫﻲ ﻣﻨﻮ ﺍﻣﻬﺎ
ﺍﻧﻲ ﻟﻮ ﻋﺒﻴﺮ ..
ﻭﺿﺤﻜﺖ ﻭﺍﻧﻲ ﺍﺑﺎﻭﻉ ﻟﻌﺒﻴﺮ ﻫﺎﺩﺋﺔ ﻟﺘﺤﺠﻲ ﻻ ﺗﻌﻠﻖ ﻻﺗﻀﺤﻚ ﺗﺮﻛﺘﻨﺎ ﻭﻃﻠﻌﺖ ﺑﺮﺍ ﺗﻨﺘﻈﺮ ...
ﺍﻗﻞ ﺍﻟﺨﻤﺲ ﺩﻗﺎﺋﻖ ﺍﻧﺪﻙ ﺍﻟﺠﺮﺱ ﻃﻠﻌﻨﺎ ﺍﻧﻲ ﻭﻣﺎﻣﺎ ﺷﻔﻨﺎ
ﺍﺟﻪ ﺣﻴﺪﺭ ، ﺑﻌﺪﻫﻢ ﺑﺎﻟﺒﺎﺏ ﻭﺍﺟﻪ ﺻﻔﺎﺀ
ﻛﺎﻟﻠﻬﻢ ﺍﺭﻭﺡ ﻭﻳﺎﻛﻢ ﻋﻤﻲ ﻣﻤﻮﺟﻮﺩ ﺷﻠﻮﻥ ﺍﻋﻮﻓﻜﻢ ﻭﺣﺪﻛﻢ
ﻣﺎﻣﺎ ﺟﺎﻭﺑﺘﻪ ﻭﻟﻴﺪﻱ ﺗﻮﻙ ﺟﺎﻱ ﻣﻦ ﺍﻟﺪﻭﺍﻡ ﺭﻭﺡ ﺍﺭﺗﺎﺡ ﺍﺧﻮﻙ ﻭﻳﺎﻧﻪ
ﺑﺎﻭﻋﺘﻠﻪ ﺻﺪﻙ ﻣﺒﻴﻦ ﺗﻌﺒﺎﻥ .. ﺑﻮﺱ ﺃﻣﻲ ﻭﺳﻠﻢ ﻋﻠﻴﻨﺎ
ﻭﺩﺧﻞ ﻟﺒﻴﺘﻬﻢ ﻭﺍﻧﻲ ﻗﻔﻠﺖ ﺍﻟﺒﺎﺏ ﻭﺭﺟﻌﺖ ..بيج قصص عراقيه حقيقيه من واقعنا.روعه الطائي
ﺩﺧﻠﺖ ﻭﺍﻧﺼﺪﻡ ﺑﻤﺮﻳﻢ ﻣﺸﻤﺮﻩ ﻛﻞ ﻏﺮﺍﺽ ﻏﺮﻓﺘﻬﻦ
ﻫﻲ ﻭﻋﺒﻴﺮ ﻣﻦ ﺍﻟﻄﺎﺑﻖ ﺍﻟﺜﺎﻧﻲ ﻟﻼﻭﻝ ﺻﻌﺪﺗﻠﻬﺎ ﺍﺭﻛﺾ
ﻛﻠﺘﻠﻬﺎ ﻫﺎﻱ ﺷﺪﺗﺴﻮﻳﻦ ﻭﻟﺞ؟
ﻛﺎﻟﺖ ﺩﺍﺍﻋﺰﻝ ﻏﻴﺮ
ﻛﻠﺘﻠﻬﺎ ﻟﻌﺪ ﻫﻮ ﻫﻴﺞ
ﻣﺮﻳﻢ : ﺍﻱ ﻟﻌﺪ ﺷﻠﻮﻥ ﺍﻧﺘﻲ ﻣﻌﻠﻴﺞ ﺭﻭﺣﻲ ﺳﻮﻱ
ﺍﻛﻞ ﻭﺍﻧﻲ ﺍﻋﺰﻝ ﻋﺒﻴﺮ ﻛﻠﺘﻠﻲ ﻋﺰﻟﻲ
ﻫﺰﻳﺖ ﺍﻳﺪﻱ ﻭﺭﺟﻌﺖ ﺍﻟﻐﺮﺍﺽ ﻭﻫﻲ ﺗﻌﻴﻂ ﻣﺘﻘﺒﻞ
ﺍﺳﺎﻋﺪﻫﺎ ﻛﻮﻩ ﺳﻜﺘﺖ ﻛﻤﻠﺖ ﻭﻧﺰﻟﻨﺎ ﺍﻧﻲ ﻭﻳﺎﻫﺎ
ﺣﻀﺮﻧﺎ ﺍﻟﻌﺸﺎﺀ ﻭﺑﻌﺪﻳﻦ ﺍﺧﺬﺗﻬﺎ ﻟﻠﺤﻤﺎﻡ ﺳﺒﺤﺘﻬﺎ ﻭ ﻃﻠﻌﺖ
ﺍﻧﻔﺘﺤﺖ ﺑﺎﺏ ﺍﻟﺒﻴﺖ ﻭﻃﺒﺖ ﻋﺒﻴﺮ ﻭﻣﺎﻣﺎ ﻭﺻﻔﺎﺀ ..
ﻭﺻﻔﺎﺀ ﺍﻟﻲ ﻻﺯﻡ ﻋﺒﻴﺮ ﻛﻞ ﻗﻮﺗﻪ ﻭﺣﺎﺿﻨﻬﺎ ..
ﻭﻋﺒﻴﺮ ﻣﻮﺗﻪ ﻧﻔﺴﻬﺎ ﻣﻦ ﺍﻟﺒﺠﻲ ﺑﺼﻮﺕ ﻣﺴﻤﻮﻉ ﺗﺒﺠﻲ ﻭﺣﺘﻰ ﻭﺟﻬﻪ ﻣﺨﺮﻣﺶ ﺻﺎﻳﺮ ﺧﺮﻳﻄﺔ
ﻭﺍﻣﻲ ﻭﺍﻛﻔﻪ ﻉ ﺟﻬﻪ ﺗﺒﺠﻲ ﺑﻬﺪﻭﺀ ...
ﻳﺘﺒﻊ
