في شريعه العشق

السابع والاربعون

ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٤٧
ﻧﻮﺭﺍ ﻧﺎﺻﺮ
ﺑﺎﻟﺘﺮﻙ ﻣﺎﻝ ﺍﻟﺒﻴﺖ ﺟﻨﺖ ﺩﺍﺍﺣﻤﺲ ﺍﻟﺒﺼﻞ ﻭﺩﺍﺍﻓﻜﺮ ﺑﺼﻔﺎﺀ ﺍﻟﺨﺒﻴﺚ ﺣﺮﻙ ﺩﻣﻲ ﻭﻟﺒﺲ ﺍﻟﺪﺷﺪﺍﺷﺔ ﺍﻟﺴﻮﺩﻩ ﻭﻣﺎﻓﻜﺮ ﺑﻤﺸﺎﻋﺮﻱ ﻭﺍﻧﻲ ﺍﻏﺎﺭ ﻋﻠﻴﻪ ، ﻭﺫﻧﻲ ﺑﻨﺎﺕ ﺧﺎﻻﺗﻪ ﻭﺧﻮﺍﻟﻪ ﻳﻜﻮﻟﻦ ﺍﻟﻪ ﻣﻦ ﻟﺒﺲ ﺍﻟﺴﻮﺍﺩ ﺳﺒﻲ ﺍﻟﻌﺒﺎﺩ ﻭﺍﻧﻲ ﺩﻣﻲ ﻳﻔﻮﺭ ﻭﻳﻐﻠﻲ .
ﻓﺰﺯﻧﻲ ﻣﻦ ﺻﻔﻨﺘﻲ ﺻﻮﺕ ﺩﻛﺘﻮﺭ ﺭﺍﻓﺪ ﻭﻫﻮ ﻳﺴﻠﻢ ﻋﻠﻴﻪ ﺟﻤﺪﺕ ﺑﻤﻜﺎﻧﻲ ﻭﺗﺬﻛﺮﺕ ﻛﻞ ﻛﻼﻡ ﺻﻔﺎﺀ ﻋﻨﻪ ﻭﺗﺬﻛﺮﺕ ﻣﻦ ﺳﻤﻌﺖ ﺍﻟﻤﻜﺎﻟﻤﻪ ﻭﺗﻬﺪﻳﺪﺍﺕ ﺻﻔﺎﺀ ، ﻫﺬﺍ ﺷﺠﺎﺑﻪ ﻫﺴﻪ !! ﻭﻣﻨﻮ ﻋﺰﻣﻪ ؟ ﺍﻛﻴﺪ ﺍﻟﻮﻟﺪ ﻭﻣﻴﺪﺭﻭﻥ ﺑﻌﻤﻠﺘﻪ
ﺭﺩﻳﺖ ﺍﻟﺴﻼﻡ ﺑﺘﻮﺗﺮ
ﻭﻛﻤﻠﺖ : ﻋﻤﻮ ﻣﺪﺗﺸﻮﻑ ﺍﻧﻲ ﻭﺣﺪﻱ ﻫﻨﺎ ﻭﺍﻟﻤﻜﺎﻥ ﺍﻇﻠﻢ ﻳﻌﻨﻲ ﺍﺫﺍ ﺍﺣﺪ ﺷﺎﻓﻚ ﻫﻨﺎ ﻭﺣﺪﻧﺎ ﺷﻴﻜﻮﻝ ﺷﻌﻨﺪﻙ ﺟﺎﻱ ﻫﻨﺎ ؟
ﺟﺎﻭﺑﻨﻲ : ﺍﻭﻝ ﺷﻲ ﺃﻧﻲ ﻣﻮ ﻋﻤﺞ ﻭﺛﺎﻧﻲ ﺷﻲ ﺍﻓﺘﻘﺪﺗﺞ ﻣﺪﺍﺍﺷﻮﻓﺞ ﺑﺎﻟﻜﻠﻴﺔ ﻭﺳﺄﻟﺖ ﻋﻠﻴﺞ ﻛﺎﻟﻮﺍ ﺩﺗﺪﺍﻭﻡ ﻣﻌﻨﺎﻫﺎ ﺩﺗﺘﻬﺮﺑﻴﻦ ﻣﻨﻲ
_ ﻟﻴﺶ ﺍﺗﻬﺮﺏ ﻣﻨﻚ ﺍﻛﻮ ﺷﻲ ﺣﺘﻰ ﺍﺗﻬﺮﺏ ﺑﺲ ﻣﺤﺎﺿﺮﺗﻚ ﻣﻤﻠﺔ ﻭﺍﻧﻲ ﺍﻛﺘﻔﻲ ﺍﺳﺘﻨﺴﺨﻬﻢ ﻣﻦ ﺻﺪﻳﻘﺎﺗﻲ ﻭﺍﺩﺭﺱ ﺑﺎﻟﺒﻴﺖ ﻭﻫﺎﻱ ﻛﻞ ﺍﻟﺴﺎﻟﻔﻪ
_ ﺍﻣﻤﻤﻢ ﺑﺲ ﺗﺮﻯ ﺍﻓﺼﻠﺞ ﻏﻴﺎﺑﺞ ﻛﺜﺮ
_ ﺑﺮﺍﺣﺘﻚ ﻭﻳﺎﺭﻳﺖ ﻫﺴﻪ ﺗﺮﻭﺡ ﻭﺟﻮﺩﻙ ﻫﻨﺎ ﻏﻠﻂ ﺍﻧﻲ ﺩﺍﺍﺷﺘﻐﻞ ﻭﺧﺎﻑ ﺍﺣﺪ ﻳﺸﻮﻓﻚ ﻭﻳﻔﻬﻢ ﻏﻠﻂ
_ ﻋﻼﻭﺍ ﻳﺠﻲ ﻭﺍﺣﺪ ﻭﻳﻔﻬﻢ ﻏﻠﻂ ﺍﻧﻲ ﺍﺭﻳﺪ ﻳﻔﻬﻤﻮﻥ ﻏﻠﻂ ﻣﻦ ﺣﺴﻦ ﺣﻈﻲ ﺍﺫﺍ ﻓﻬﻤﻮﺍ ﻏﻠﻂ
_ ﻧﻌﻤﻤﻤﻤﻤﻢ ﺷﺒﻴﻚ ﻋﻤﻮ ﺷﺪﺗﺤﺲ ﺗﺮﻯ ﻋﻴﺐ ﻋﻠﻴﻚ
" ﺑﺈﺻﺮﺍﺭ " ﻛﻠﺘﻠﺞ ﻣﻮ ﻋﻤﺞ ﺃﻧﻲ ﺯﻫﺮﺍﺀ .. ﺯﻫﺮﺍﺍﺀ ﺍﻧﻲ ﺍﺣﺒﺞ ﻣﻦ ﻗﺒﻞ ﻻ ﺗﺘﺰﻭﺟﻴﻦ ﻭﺟﻨﺖ ﻣﻘﺮﺭ ﺍﺧﻄﺒﺞ ﻭﺍﻋﺮﻑ ﺻﻔﺎﺀ ﺗﺰﻭﺟﺞ ﻭﻫﻮ ﻣﺠﺒﻮﺭ ﻭﻫﻮ ﻳﺤﺐ ﺑﻨﺖ ﺧﺎﻟﺘﻪ ، ﺑﻮﻗﺘﻬﺎ ﺟﻨﺖ ﺍﺩﺭﺱ ﻭﻣﺸﻐﻮﻝ ﻭﺍﻧﺖ ﺻﻐﻴﺮﺓ ﻭﻣﻠﺤﻜﺖ ﺍﺧﻄﺒﺞ
ﻣﻦ ﺗﺰﻭﺟﺘﻲ ﺻﻔﺎﺀ ﺍﻧﺼﺪﻣﺖ ﻭﻫﺴﻪ ﺍﻧﺖِ ﻛﺒﺎﻝ ﻋﻴﻨﻲ
ﺍﺩﺭﻱ ﺑﻴﺞ ﻣﺘﻌﺬﺑﺔ ﻭﻳﻪ ﺻﻔﺎﺀ ﻫﻮﺍﻱ ﺍﻃﻠﻜﻲ ﻣﻨﻪ ﻭﺭﺑﻲ ﺍﺳﻌﺪﺝ ﺍﻧﻲ .
_ ﺍﺷﺸﺶ ﺍﺳﻜﺖ ﺗﺨﺒﻠﺖ ﻭﺧﺮﺭﺭ ﻣﻨﺎﺍﺍ ﻳﻠﻪ .. ﺷﺠﺎﺑﻚ ﻋﻠﻰ ﺻﻔﺎﺀ ﻭﺗﻘﺎﺭﻥ ﻧﻔﺴﻚ ﺑﻲ ﺍﻧﺘﻪ
_ ﻟﻴﺶ ﺑﻠﻠﻪ ﺷﻨﺎﻗﺼﻨﻲ ﻭﺻﻔﺎﺀ ﺍﺣﺴﻦ ﻣﻨﻲ .
ﺣﺠﻪ ﻫﻴﺞ ﻭﻫﻮ ﻳﺘﻘﺮﺏ ﻣﻨﻲ ..
ﺍﺑﺘﻌﺪﺕ ﻛﻢ ﺧﻄﻮﺓ ﻭﺟﺎﻭﺑﺘﻪ ؛ ﻻﺍ ﺍﻧﺖ ﺗﺨﺒﻠﺖ ﺭﺳﻤﻲ ﻭﺍﺫﺍ ﺗﺮﻳﺪ ﺗﻌﺮﻑ ﺷﻨﺎﻗﺼﻚ ﺍﻧﺖ ﻳﻨﻘﺼﻚ ﻫﻮﺍﻱ ﺍﻭﻟﻬﻢ ﺍﻟﻐﻴﺮﻩ ﻭﺍﻟﺸﺮﻑ ﺍﻧﺖ ﻭﺍﺣﺪ ﺧﺴﻴﺲ ﺟﺎﻱ ﺩﺗﺼﺎﺭﺡ ﻣﺮﺓ ﻣﺘﺰﻭﺟﻪ ﺷﻜﺪ ﺷﺮﻓﻚ ﺭﺧﻴﺺ ﻳﺎ ﺧﺎﻳﺲ
ﺍﺗﻘﺪﻡ ﻋﻠﻴﻪ ﺣﺎﻭﻝ ﻳﻠﺰﻣﻨﻲ ﻭﻳﺤﺠﻲ ؛ ﻭﺍﻟﻠﻪ ﺯﻫﺮﺍﺀ ﺍﻧﻲ ﺩﺍ ﺍﺣﺠﻴﻠﺞ ﺍﻟﺤﻘﻴﻘﺔ ﻫﺎﻱ ﻣﺸﺎﻋﺮﻱ ﺍﻟﺞ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ ﺯﻫﺮﺍﺀ ﺍﻧﻲ ﻛﻠﺶ ﺣﺎﺑﺞ ﻭﺍﻟﻠﻪ !!!!
ﻣﺎﻛﺪﺭ ﺍﺻﺮﺥ ﻻﺗﺼﻴﺮ ﻣﺸﻜﻠﺔ ﺟﺒﻴﺮﺓ ﺗﻘﺮﺑﺖ ﻣﻨﻪ ﺍﺭﻳﺪ ﺍﺿﺮﺑﻪ ﺭﺍﺷﺪﻱ ﻛﻤﺖ ﺍﺭﺟﻒ ﺍﻭﻝ ﻣﺮﺓ ﺍﺗﻌﺼﺐ ، ﻣﺪ ﺍﻳﺪﻩ ﻟﺰﻡ ﺍﻳﺪﻱ ﺍﻟﻲ ﺭﻓﻌﺘﻬﺎ ﺑﻮﺟﻬﻪ ..
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ، ﺳﺤﺒﺖ ﺍﻳﺪﻱ ﻣﻨﻪ ﻭﺍﺭﻳﺪ ﺍﻧﻬﺰﻡ ﻣﻦ ﻳﻤﻪ ﻣﺎﺍﺷﻮﻑ ﺍﻻ ﺻﻔﺎﺀ ﻛﺒﺎﻟﻲ ﻭﻋﻴﻮﻧﻪ ﻳﺘﻄﺎﻳﺮ ﻣﻨﻬﺎ ﺷﺮﺍﺭﺍﺕ ﺍﻟﻐﻀﺐ .
ﺑﺴﺮﻋﻪ ﺻﻔﺎﺀ ﺩﻓﻌﻪ ﻭﺻﺎﺭ ﻭﺟﻬﻪ ﻉ ﺍﻟﺤﺎﻳﻂ ﺍﻟﻨﺜﺮ ،
ﻟﺰﻡ ﺭﺃﺳﻪ ﻭﻟﻄﺨﻪ ﺑﺎﻟﺤﺎﻳﻂ ﻭﻇﻞ ﻳﻐﻠﻂ ﻋﻠﻴﻪ ﻭﻳﺴﺒﻪ
ﻭﺫﺍﻛﻪ ﻳﺤﻮﺱ ﻳﺮﻳﺪ ﻳﻔﻠﺖ ﻧﻔﺴﻪ .
ﻋﻄﺖ ﺻﻔﺎﺍﺀ ، ﺍﻟﺘﻔﺘﻠﻲ ﻭﺩﻓﻌﻨﻲ ﻣﻦ ﺯﻧﺪﻱ ﻭﻻﺯﻣﻪ ﺑﻴﺪ ﻭﺣﺪﻩ .
ﻭﻫﻤﺲ : ﺛﻮﻭﻭﻭﻭﻟﻪ ﺗﺮﻳﺪﻳﻦ ﺗﻔﻀﺤﻴﻦ ﻧﻔﺴﺞ ﻫﺴﻪ ﻛﻠﻬﺎ ﺗﻜﻮﻝ ﻫﻲ ﻣﻮﺍﻋﺪﺗﻪ ﻣﺤﺪ ﻳﻜﻮﻝ ﻋﻨﻪ ﻛﻠﺐ ﺃﺑﻦ ﻛﻠﺐ ﺗﻌﺮﻓﻴﻦ ﻣﺠﺘﻤﻌﻨﺎ ﻳﻘﺪﺱ ﺍﻟﺬﻛﻮﺭ .
ﻛﻤﻞ ﻛﻼﻣﻪ ﺩﺍﺭ
ﻭﻇﻞ ﻳﻠﻜﻢ ﺭﺍﻓﺪ ﻉ ﻣﻜﺎﻧﻪ ﺍﻟﺤﺴﺎﺱ ﻣﺮﺓ ﻭﻣﺮﺓ ﻳﺮﻛﻊ ﺭﺍﺳﻪ ﺑﺎﻟﻜﺎﻉ ﻭﺍﻟﺤﺎﻳﻂ ﻭﺫﺍﻙ ﻳﺮﺍﻓﺲ ﻭﺍﻟﺠﺪﻭﺭﺓ ﻛﺒﺎﺭ ﻭﻧﺎﺭ ﻣﺸﻌﻮﻟﺔ ﻇﻠﻴﺖ ﺍﺷﻬﻚ ﺑﺨﻮﻭﻑ ﻭﺭﻋﺐ .
ﻭﺫﺍﻙ ﺣﺎﺭ ﺷﻠﻮﻥ ﻳﻤﺴﺢ ﺍﻟﺪﻡ ﻋﻦ ﻭﺟﻬﻪ ﻭﺻﻔﺎﺀ ﺗﻮﻻﻩ ﺑﻮﻛﺴﺎﺕ ﻭﺩﻓﺮﺍﺕ ﺍﻟﺠﺪﺭ ﻭﻛﻊ ﻉ ﺍﻟﻜﺎﻉ ﻭﺍﺭﺗﺠﻰ ﻉ ﺍﻟﺤﺎﻳﻂ ﻭﺍﻧﻲ ﺍﻳﺪﻳﻪ ﻋﻠﻰ ﻭﺟﻬﻲ ﻣﺮﻋﻮﺑﺔ ، ﺭﻛﻀﺖ ﻃﻔﻴﺖ ﺍﻟﺒﺮﻳﻤﺰ .
ﻇﻠﻴﺖ ﺍﺟﺮﺟﺮ ﺑﺼﻔﺎﺀ ﺍﻟﺘﻔﺘﺖ ﻋﻠﻴﻪ ﺻﺎﻙ ﺍﺳﻨﺎﻧﻪ ﻭﻣﻌﺼﺐ ﻛﺎﻝ ﻓﻮﺗﻲ ﺟﻮﺍ ﺑﺴﺮﻋﻪ ﻭﺑﻮﺟﻬﺞ ﻟﻐﺮﻓﺘﺞ ﻭﺍﺑﺪ ﻟﺘﻨﺰﻟﻴﻦ
ﻟﺰﻣﺘﻪ ﻣﻦ ﺍﻳﺪﻩ : ﻓﺪﻭﻭﺓ ﺷﺤﺘﺴﻮﻱ ﺃﺑﻮﺱ ﺍﻳﺪﻙ ﻟﺘﻌﺼﺐ ﺷﻮﻑ ﺍﻳﺪﻙ ﺷﻠﻮﻥ ﺩﺗﺮﺟﻒ ﺧﻴﻮﻟﻲ ﻣﻴﻮﺻﻞ ﻟﻨﻌﺎﻟﻚ ﻭﺍﻟﻠﻪ
_ ﻟﺞ ﺑﻮﻳﻪ ﻓﻮﺗﻲ ﺟﻮﺍ " ﻭﻳﺪﻓﻊ ﺑﻴﻪ "
ﻳﺪﻓﻊ ﻳﺮﻳﺪ ﻳﻄﻠﻌﻨﻲ ﻭﺭﺍﻓﺪ ﻛﺎﻡ ﻟﺰﻡ ﺻﻔﺎﺀ ﻣﻦ ﻣﻼﺑﺴﻪ ﻭﻭﻛﻌﻪ ﻉ ﺍﻟﻜﺎﻉ ، ﺍﺟﺖ ﺍﻳﺪﻩ ﻉ ﺍﻟﺠﺪﺭ ﺍﻟﺤﺎﺭ ، ﻳﺮﻳﺪ ﻳﻜﻮﻡ ﺿﺮﺑﻪ ﻋﻠﻰ ﻭﺟﻬﻪ ﻇﻞ ﻳﻄﻠﻊ ﺍﻟﺪﻡ ﻣﻦ ﺧﺸﻤﻪ ﺣﻠﻜﻪ .
ﻭﻛﺎﻣﻮﺍ ﻭﺍﺣﺪ ﻳﻤﻠﺦ ﺍﻟﻠﺦ ، ﻓﻘﺪﺕ ﻣﻦ ﺷﻔﺘﻬﻢ ﻭﺻﻔﺎﺀ ﻳﻀﺮﺏ ﻭﻳﻨﻀﺮﺏ ﻛﻤﺖ ﺍﺻﺮﺧﺦ ، ﻋﻠﻰ ﺻﻮﺗﻲ ﺍﺟﻮﺍ ﺣﻤﻮﻳﻨﻲ ﻭﻭﻟﺪ ﻋﻤﺎﻣﻲ ﺍﻟﺒﻘﻴﺔ
ﺍﻭﻝ ﻭﺍﺣﺪ ﻭﺻﻞ ﻋﻤﻮ ﺣﺴﻴﻦ ﺷﺎﻓﻬﻢ ﻳﺘﻤﺎﻟﺨﻮﻥ
ﻋﺎﻁ : ﻫﺎﺍﺍﺍﻱ ﺷﻜﻮﻭﻭ ﻫﻨﺎ ؟
ﻭﺭﺍﺡ ﻇﻞ ﻳﻔﺎﻛﻜﻬﻢ ..
ﻃﺐ ﻭﺭﺍﻩ ﺑﻬﺎﺀ ﻭﺍﻧﻲ ﻃﻠﻌﻮﻧﻲ ، ﻭﻛﻌﺖ ﺑﺎﻟﻤﻄﺒﺦ
ﻛﻤﺖ ﺍﻟﻄﻢ ﺍﺟﻮﻱ ﺍﻟﺒﻨﺎﺕ ﻛﻮﻣﻮﻧﻲ ﻭﺍﺳﺘﻠﻤﻨﻲ ﺧﺎﻻﺕ ﺻﻔﺎﺀ ﺗﺤﻘﻴﻖ ﻭﺍﻧﻲ ﻣﺎﺑﻴﻪ ﺣﻴﻞ ﺣﺘﻰ ﺍﺭﺩﻫﻦ ﺑﺎﻟﻲ ﻳﻢ ﺻﻔﺎﺀ ﻣﻨﻈﺮﻩ ﻣﻴﺮﻭﺡ ﻣﻦ ﺑﺎﻟﻲ ﻭﺍﻟﺪﻡ ﻳﻄﻠﻊ ﻣﻦ ﺣﻠﻜﻪ ﻭﺧﺸﻤﻪ ، ﻣﺎ ﺍﺗﺤﻤﻞ ﺍﺷﻮﻓﻪ ﻫﻴﺞ ﻗﻠﺒﻲ ﻳﻌﻮﺭﻧﻲ ﻋﻠﻴﻪ .
ﺗﺠﻤﻌﻦ ﺑﻨﺎﺕ ﺧﺎﻻﺗﻪ ﻭﻇﻠﻦ ﻳﺘﻬﺎﻣﺴﻦ ﻭﺍﺳﻤﻊ ﺑﻨﺖ ﺧﺎﻟﺘﻪ ﺗﻬﻤﺲ ﻭﻳﺎ ﺑﻨﺖ ﺧﺎﻟﻬﺎ : ﻟﺞ ﻋﻴﻨﻲ ﻟﻜﻔﻬﺎ ﻭﻳﺎ ﻫﺬﺍ ﺭﺍﻓﺪ ﺍﺑﻦ ﻋﻤﺔ ﺍﺑﻮﻫﺎ ﻉ ﺍﺳﺎﺱ ﺩﻛﺘﻮﺭﻫﺎ ﺗﻠﻜﻴﻬﺎ ﻣﺴﻮﻳﻪ ﻭﻳﺎﻩ ﻋﻼﻗﻪ ﻭﺻﻔﺎﺀ ﺷﺎﻓﻬﻢ
ﻭﺫﻳﺞ ﺗﺠﺎﻭﺑﻬﺎ : ﻫﺴﻪ ﻫﻲ ﺷﻨﻮ ﻭﺍﺫﺍ ﺣﻠﻮﺓ ﻭﻋﻴﻮﻧﻬﺎ ﻣﻠﻮﻧﻪ ﺍﺷﻮ ﺗﻨﻜﻂ ﻓﻬﺎﻭﺓ ﺷﻨﻮ ﺷﺎﻑ ﺑﻴﻬﺎ ﻟﺞ ﺷﺎﻳﻔﺘﻪ ﺷﻠﻮﻥ ﻳﺒﺎﻭﻋﻠﻬﺎ ﻣﻦ ﺗﻔﻮﺕ ﻋﻴﻮﻧﻪ ﺗﺮﻳﺪ ﺗﺎﻛﻠﻬﺎ
ﻋﺒﺎﻟﻬﻦ ﻻﻫﻴﺔ ﺍﻟﻠﻄﻢ ﻭﻣﺎ ﺍﺳﻤﻌﻬﻦ ﻭﻫﻨﻪ ﻳﺤﺠﻦ ﻋﻠﻴﻪ ﻭﺑﺴﻤﻌﺘﻲ ﻋﺬﺭﺕ ﺻﻔﺎﺀ ﺍﺛﺎﺭﻳﻪ ﻳﻌﺮﻑ ﺷﻨﻮ ﻣﻦ ﻣﻠﺔ ﻫﺬﻭﻝ .
ﻣﺘﺤﻤﻠﺖ ﻛﻼﻣﻬﻢ ﻋﻄﺖ ﺑﻴﻬﻦ : ﺍﻧﺘﻦ ﺷﻨﻮﻭﻭ ﺟﺎﻳﺎﺕ ﻟﺒﻴﺘﻲ ﻭﺗﻄﻌﻨﻨﻲ ﺑﺸﺮﻓﻲ ﻭﺣﺪﺗﺠﻦ ﻣﺘﻮﺻﻞ ﻻﻇﻔﺮﻱ ﺟﺎﻳﺎﺕ ﺗﺤﺠﻦ ﻋﻠﻴﻪ ﺣﻘﻴﺮﺍﺕ ﺻﻔﺎﺀ ﺣﺒﻨﻲ ﻻﻥ ﺷﺎﻑ ﺍﻟﻌﻨﺪﻱ ﻣﻦ ﺍﺧﻼﻕ ﻭﺃﺩﺏ ﺍﻧﺘﻦ ﺗﻔﺘﻘﺪﻧﻪ ﺍﻟﻠﻪ ﻻﻳﺒﺎﺭﻙ ﺑﻴﺠﻦ ﻋﺪﺟﻦ ﺍﻟﺸﺮﻑ ﺷﻲ ﺳﻬﻞ ﻭﺗﻜﻌﺪﻥ ﺗﺤﺠﻦ ﺑﻲ
ﻇﻠﻴﺖ ﺍﻋﻴﻂ ﻋﻠﻴﻬﻦ ﻭﻫﻨﻪ ﺳﻮﻥ ﻧﻔﺴﻬﻢ ﻣﺼﺪﻭﻣﺎﺕ
ﺍﺟﺖ ﺯﻭﺟﺔ ﺣﺴﻴﻦ ﺃﺭﻭﻯ ﺷﺎﻓﺘﻨﻲ ﺍﺻﻴﺢ ..
ﺗﻘﺮﺑﺖ ﻣﻨﻲ ﺗﻬﺪﺃ ﺑﻴﻪ ؛ ﺯﻫﺮﺍﺀ ﻋﻠﻰ ﻛﻴﻔﺞ ﺍﻋﺼﺎﺑﺞ
ﺷﻜﻮﻭ ﺷﺒﻴﻬﻦ ﻭﻳﺎﺝ ؟ ﺗﺒﺎﻭﻋﻠﻬﻦ ﻭﺗﺒﺎﻭﻋﻠﻲ ..
ﺣﺠﻴﺘﻠﻬﺎ ﻭﺍﻧﻲ ﺍﺭﺟﻒ ﻭﺍﺷﺮ ﻋﻠﻴﻬﻦ ، ﻫﻨﻪ ﻳﺒﺘﻌﺪﻥ ﻭﺍﻧﻲ ﺍﻣﺸﻲ ﻭﺭﺍﻫﻦ ﻭﺍﺻﻴﺢ ..
ﻭﻛﻔﺘﻨﻲ ﻋﻠﻰ ﺟﻬﺔ ﻭﺣﺎﺟﺘﻬﻦ ؛ ﺍﺣﻨﻪ ﺑﻤﺼﺎﺏ ﻭﺣﺰﻧﺎﻧﻴﻦ ﻋﻠﻰ ﺍﻻﻣﺎﻡ ﻭﺍﻧﺘﻦ ﺟﺎﻳﺎﺕ ﺗﺴﻮﻭﻥ ﺍﻓﻼﻡ ﻣﻜﺴﻴﻜﻴﺔ ﺍﻭﺻﻠﻦ ﻻﺧﻼﻕ ﺯﻫﻮﺭﺓ ﻭﺑﻌﺪﻳﻦ ﺍﺣﺠﻦ
ﻭﻛﻔﺖ ﺑﻮﺟﻬﻪ ﻭﺣﺪﺓ ؛ ﺍﻧﺖ ﻓﺎﻫﻤﺔ ﻏﻠﻂ ﺗﺮﺓ ﻣﺎﺣﺠﻴﻨﻪ ﻋﻠﻴﻬﺎ ﻭﻻ ﻃﻌﻨﺎﻫﻪ ﺑﺲ ﺍﻟﻲ ﺑﻌﺒﻪ ﺻﺨﻞ ﻳﻤﻌﻤﻊ .
ﺗﺴﺎﺭﻋﺖ ﺍﻧﻔﺎﺳﻲ ﺷﻬﻜﺖ ﻣﺼﺪﻭﻣﻪ ﻣﻦ ﺣﻘﺎﺭﺗﻬﻦ ﺗﻮﺟﻬﺖ ﺍﻟﻬﻦ ﺍﻡ ﺍﺣﻤﺪ ﺗﻄﻠﻊ ﺑﻴﻬﻦ ﻭﺗﺤﺎﺟﻴﻬﻦ ؛ ﻻ ﺗﺰﻭﺩﻭﻫﺎ ﻛﺎﻓﻲ ﻣﺘﺸﻮﻓﻮﻫﺎ ﺷﻮﻥ ﻣﺘﻔﺮﻓﺮﺓ ﻋﻠﻰ ﺭﺟﻠﻬﺎ ﺻﺪﻙ ﺟﺬﺏ .
ﺍﺧﺬﺗﻨﻲ ﻣﻦ ﺍﻳﺪﻱ ﻭﺗﺼﻌﺪ ﺑﻴﻪ ﻉ ﺍﻟﺪﺭﺝ ؛ ﺭﻭﺣﻲ ﻟﻐﺮﻓﺘﺞ ﺯﻫﻮﺭﺓ ﻫﺴﻪ ﺍﺟﻲ ﻳﻤﺞ ﺑﺲ ﺍﺳﻮﻳﻠﺞ ﻋﺼﻴﺮ ﻟﻴﻤﻮﻥ .
ﺍﻟﺘﻔﺘﺖ ﻋﻠﻴﻬﺎ ﻭﻛﻮﺓ ﻣﺘﺤﻤﻠﻪ ﺍﻟﻲ ﺍﻧﻲ ﺑﻲ ﺍﺣﺲ ﺩﻭﺧﺔ ﻓﻀﻴﻌﻪ ﻭﻧﻔﺴﻲ ﺗﻠﻌﺐ ﺍﺭﻳﺪ ﺍﺗﻘﻲﺀ ﺑﺲ ﻣﺎ ﺍﻛﺪﺭ
_ ﻣﺎﺭﻳﺪ ﺍﺭﻳﺪ ﺍﺭﻭﺡ ﺍﺷﻮﻑ ﺻﻔﺎﺀ ﺣﺒﺎﺑﺔ ﺷﻠﻮﻧﻪ ﻫﺴﻪ .
_ ﻣﺎﺑﻲ ﺷﻲ ﺻﺪﻙ ﺟﺬﺏ ﻣﻨﺞ ﻫﺴﻪ ﻫﻢ ﺑﺮﺓ ﺟﺎﻱ ﻳﺘﻔﺎﻫﻤﻮﻥ ﻭﺷﻮﻳﻪ ﻭﻳﺮﺟﻊ .
ﺻﻌﺪﺕ ﻟﻐﺮﻓﺘﻲ ﺍﻃﻜﻄﻚ ﺑﺎﺻﺎﺑﻌﻲ ﺗﻨﻬﺪﺍﺕ ﺍﻻﺳﻰ ﺗﻨﺒﺜﻖ ﻣﻦ ﺍﻋﻤﺎﻕ ﺻﺪﺭﻱ ، ﻭﺩﻣﻮﻋﻲ ﺗﺠﻮﻱ ﺧﺪﻱ ﺷﻮﻛﺖ ﺍﺭﺗﺎﺡ ﻳﺮﺑﻲ ﻣﺎﻣﻘﺴﻮﻣﻠﻲ ﻻ ﺍﻓﺮﺡ ﻭﻻ ﺍﺭﺗﺎﺡ .
ﺻﻌﺪﺕ ﺍﻡ ﺍﺣﻤﺪ ﺑﻴﺪﻫﺎ ﻛﻼﺹ ﺍﻟﻌﺼﻴﺮ ﺧﻠﺘﻪ ﻉ ﺍﻟﻜﻮﻣﺪﻱ ؛ ﻣﺪﺩﻱ ﻭﻧﺎﻣﻲ ﺍﺭﺗﺎﺣﻲ ﻻﺗﺨﺎﻓﻴﻦ ﺻﻔﺎﺀ ﻳﻢ ﺍﻟﻮﻟﺪ ﺑﺮﺓ ﻳﺤﺠﻮﻥ ﺍﻧﺖ ﺍﺭﺗﺎﺣﻲ ﺷﻮﻓﻲ ﺷﺼﺎﺭ ﺑﻴﺞ ﻭﻭﺟﻬﺞ ﺷﺤﺎﻟﻪ .
_ ﺧﺎﺑﺮﺕ ﻉ ﺻﻔﺎﺀ ﺍﺩﻙ ﻭﻣﻴﺠﺎﻭﺑﻨﻲ . ﺧﻮ ﻣﺎﺑﻌﺪﻫﻢ ﻳﺘﻌﺎﺭﻛﻮﻥ ﻓﺪﻭﺓ ﺍﻡ ﺍﺣﻤﺪ ﻭﺍﻟﻠﻪ ﺍﺧﺎﻑ ﻳﺼﻴﺮ ﺑﻲ ﺷﻲ ﻭﺍﻳﺪﻩ ﻃﺨﺖ ﺑﺎﻟﺠﺪﺭ ﻫﻤﺎﺗﻴﻦ ﺑﺲ ﻻ ﺍﺣﺘﺮﻛﺖ ﺍﻳﺪﻩ .
_ ﻻ ﺗﺨﺎﻓﻴﻦ ﺯﻫﻮﺭﺓ ﻻ ﺗﺨﺎﻓﻴﻦ ﻋﻠﻰ ﻛﻴﻔﺞ ﻟﻴﺶ ﻫﻴﺞ ﺍﻧﺖ ﺧﻮﺍﻓﺔ ؟
ﻛﻌﺪﺕ ﻳﻤﻲ ﻭﺍﻧﻄﺘﻨﻲ ﻛﻼﺹ ﺍﻟﻌﺼﻴﺮ ، ﺍﺧﺬﺕ ﻣﻨﻪ ﺭﺷﻔﺔ ﻭﺧﻠﻴﺘﻪ ﺍﺣﺲ ﻟﻌﺒﺖ ﻧﻔﺴﻲ ﻣﻦ ﺭﻳﺤﺘﻪ .
ﻃﻠﻌﺖ ﺍﻡ ﺍﺣﻤﺪ ، ﺍﺭﺗﺎﺣﻴﺖ ﺷﻮﻳﻪ ﺑﺲ ﺭﻭﺣﻲ ﻣﺠﺎﻱ ﺗﻬﺪﺃ ، ﻏﺴﻠﺖ ﻭﺟﻬﻲ ﺑﻤﻲ ﺩﺍﻓﻲ ﻭﻧﺰﻟﺖ ﺟﻮﺓ ﻇﻠﻴﺖ ﺍﻧﺘﻈﺮﻫﻢ ﻛﻌﺪﺕ ﻳﻢ ﻋﻤﻪ ﻛﻠﺴﺎﻉ ﺗﺒﺎﻭﻋﻠﻲ ﺑﺸﻚ ﻭﺗﺴﺄﻝ ﺑﻴﻪ ؛ ﺑﻨﺎﺕ ﺍﺧﺘﻲ ﻳﻜﻮﻟﻦ ﺟﻨﺘﻲ ﻳﻢ ﺭﺍﻓﺪ ﺑﺎﻟﺘﺮﻙ ﻭﺩﺧﻞ ﻋﻠﻴﻜﻢ ﺻﻔﺎﺀ ﻭﺻﺎﺭﺕ ﺍﻟﻌﺮﻛﺔ ﺷﺴﺎﻟﻔﺔ ؟ ﺍﺣﺠﻴﻠﻲ ﻫﺴﻪ ؟
ﻏﻤﻀﺖ ﻋﻴﻮﻧﻲ ﻭﺩﻧﻜﺖ ﺭﺍﺳﻲ ﺗﻨﻔﺴﺖ ﺑﻀﻴﻖ ﻭﺭﻭﺣﻲ ﺍﺣﺴﻬﺎ ﺑﺨﺸﻤﻲ ، ﺷﺠﺎﻭﺑﻬﺎ ﻫﺴﻪ ، ﺍﻡ ﺍﺣﻤﺪ ﺗﻮﻟﺖ ﺍﻟﻤﻬﻤﺔ ﻋﻨﻲ ﻭﺳﻜﺘﺖ ﻋﻤﻪ ؛ ﻋﻤﻪ ﻣﺎﻛﻮ ﺷﻲ ﺑﻴﻨﺎﺗﻬﻢ ﺭﺍﻓﺪ ﻣﺘﺠﺎﻭﺯ ﻭﻣﻔﺸﺮ ﻋﻠﻰ ﺻﻔﺎﺀ ﻭﺗﺪﺭﻳﻦ ﺑﺼﻔﺎﺀ ﻋﺼﺒﻲ ﻭﻣﺎﻳﺘﺤﻤﻞ .
ﺳﻜﺘﺖ ﺑﺲ ﻧﻈﺮﺍﺗﻬﺎ ﺑﺎﺗﺠﺎﻫﻲ ﻛﻠﻬﺎ ﺷﻜﻮﻙ .
ﺍﻡ ﺍﺣﻤﺪ ﺗﺮﻳﺪ ﺗﻐﻴﺮ ﺍﻟﻤﻮﺿﻮﻉ ﺳﺄﻟﺘﻨﻲ ﻟﻴﺶ ﻣﺎ ﺍﺟﻮﻱ ﺍﻫﻠﻲ ..
ﺟﺎﻭﺑﺘﻬﺎ ﻋﻤﻪ ؛ ﻫﻢ ﻫﻤﺎﺗﻴﻦ ﻋﻨﺪﻫﻢ ﻃﺒﺦ .
ﻇﻠﻴﺖ ﺍﺑﺎﻭﻉ ﻟﻠﺴﺎﻋﺔ ﻭﺍﻛﻞ ﺑﺎﻇﺎﻓﺮﻱ ﺑﺎﻭﻋﺖ ﻻﻡ ﺍﺣﻤﺪ ﺑﺤﻴﺮﺓ ؛ ﺍﻡ ﺍﺣﻤﺪ ﺗﺄﺧﺮﻭﺍ ﺷﻌﺪﻫﻢ ؟
_ ﻫﺴﻪ ﺍﺧﺎﺑﺮ ﺍﺣﻤﺪ ، ﻭﻛﺎﻣﺖ ﻋﻠﻰ ﺣﻴﻠﻬﺎ .
ﺭﺍﺣﺖ ﺗﺨﺎﺑﺮ ﺑﺎﻭﻋﺖ ﻟﻠﺴﺎﻋﺔ ﺻﺎﺭﺕ ﺗﻘﺮﻳﺒﺎً ﺳﺎﻋﻪ ٣ :٣٠ ﺑﺎﻟﻠﻴﻞ ، ﻭﺭﺓ ﺩﻗﺎﻳﻖ ﺩﺧﻠﻮﺍ ﺑﺎﻭﻋﺖ ﻟﺼﻔﺎﺀ ﺟﺎﻥ ﻣﺸﺪﻭﺩﻩ ﺍﻳﺪﻩ ﻭﻭﺟﻬﻪ ﺧﺮﻳﻄﺔ
ﻧﺴﻴﺖ ﺍﻟﻜﻞ ﻭﺍﻛﻒ
ﺭﻛﻀﺖ ﻋﻠﻴﻪ ﻭ ﻋﻴﻮﻧﻲ ﺗﺴﺒﻖ ﺧﻄﻮﺍﺗﻲ
ﺣﻀﻨﺘﻪ ﻭﺍﺑﺠﻲ ﻭﻫﻮ ﺍﺳﺘﺤﻰ ﻻﻥ ﺧﺎﻻﺗﻪ ﻭﺧﻮﺍﻟﻪ ﻭﺍﺧﻮﺍﻧﻪ ﻭ ﻋﻤﺎﻣﻨﺎ ﻭﺍﻛﻔﻴﻦ ﻭﺍﻧﻲ ﺣﺎﺿﻨﺘﻪ ﻛﺪﺍﻣﻬﻢ .
ﺑﻌﺪﻧﻲ ﻭﺍﺑﺘﺴﻢ ﻃﻤﻨﻲ ﺍﻧﻮ ﻫﻮ ﻣﺎﺑﻲ ﺷﻲ ﺧﺎﻻﺗﻪ ﺗﺤﻤﺪﻟﻪ ﺑﺎﻟﺴﻼﻣﻪ ﻭﻳﺴﺄﻟﻮﺍ ﻋﻦ ﺳﺒﺐ ﺍﻟﻌﺮﻛﺔ ﻇﻞ ﻳﺴﺐ ﺑﺮﺍﻓﺪ ﻭﻳﻐﻠﻂ ﺑﺪﻭﻥ ﻣﻴﻨﻄﻴﻬﻢ ﺍﺳﺒﺎﺏ ﺍﻟﻌﺮﻛﺔ ﺍﻟﺮﺋﻴﺴﻴﺔ .بيج قصص عراقيه حقيقيه من واقعنا.روعه الطائي
ﺗﺮﻛﻬﻢ ﻭﺻﻌﺪ ﻟﺤﻜﺘﻪ ﻟﻜﻴﺘﻪ ﺩﻳﻄﻠﻊ ﻣﻼﺑﺲ ﻣﻦ ﺩﺧﻠﺖ ﻟﻠﻐﺮﻓﻪ
ﺍﻟﺘﻔﺘﻠﻲ : ﺗﻌﺎﻟﻲ ﺣﻀﺮﻳﻠﻲ ﻣﻼﺑﺲ ﺳﻮﺩﻩ ﺣﻄﻴﺘﻲ ﻋﻴﻨﺞ ﻉ ﺍﻟﺪﺷﺪﺍﺷﺔ ﺗﺎﻟﻲ ﺍﻧﺘﺮﺳﺖ ﺩﻡ " ﺣﺠﺎﻫﺎ ﻭﻫﻮ ﻣﺒﺘﺴﻢ "
ﻛﻤﺖ ﺍﺑﺠﻲ ﻇﻞ ﻳﺘﺄﻓﺄﻑ ﻭ ﺍﺟﻪ ﻳﻤﻲ ﻟﺰﻡ ﻭﺟﻬﻲ ﻭﺑﺎﻭﻉ ﺑﻌﻴﻮﻧﻲ : ﺑﺲ ﻓﻬﻤﻴﻨﻲ ﺣﻨﻔﻴﺘﺞ ﺷﻮﻛﺖ ﺗﺨﻠﺺ
_ ﻣﺘﺨﻠﺺ
_ ﻣﻌﻨﺎﻫﺎ ﺗﻮﺭﻃﺖ ﻟﻌﺪ ﻣﺎﻛﻮ ﻓﺪ ﻃﺮﻳﻘﻪ ﺍﺗﺮﺍﺟﻊ ﺑﻴﻬﺎ ﻭﺍﺭﺟﻌﺞ ﻟﺒﻴﺖ ﻋﻤﻲ؟
ﺑﺎﻭﻋﺘﻠﻪ ﻣﺒﺮﻃﻤﺔ ﻭﺩﻣﻮﻋﻲ ﻋﻠﻰ ﺧﺪﻱ
ﻫﻮ ﻛﻤﻞ ﻛﻼﻣﻪ : ﻭﻟﻮ ﺷﺮﺟﻊ ﻣﻨﺞ ﺍﺧﺬﺗﺞ ﻣﻦ ﺑﻴﺘﺞ ﻣﺴﻠﻔﻨﻪ ﺍﺭﺟﻌﺞ ﻣﻜﺴﻮﺭﻩ ﺯﺣﻤﻪ ﺻﺮﺗﻲ ﺣﺎﺟﻪ ﺧﺮﺑﺎﻧﻪ ﻭﺍﻛﺴﺒﺎﻳﺮ
ﺿﺮﺑﺘﻪ ﻉ ﺻﺪﺭﻩ ﻏﻤﺰﻟﻲ : ﺍﻛﺴﺒﺎﻳﺮ ﻳﻢ ﺍﻟﻜﻞ ﺑﺲ ﻳﻤﻲ ﺻﻼﺣﻴﺘﺞ ﻣﺘﺠﺪﺩﻩ
_ ﺩﻭﺧﺮ ﺷﻜﺪ ﻣﺘﺴﺘﺤﻲ
ﻧﺼﻪ ﺻﻮﺗﻪ ﻭﻗﻠﺪ ﺻﻮﺗﻲ : ﺷﺴﺘﺤﻲ ﺧﻴﻴﻴﻴﻪ ﻭﻣﻂ ﺣﻠﻜﻪ ﻣﻮ ﺷﻔﺖ ﺍﻟﺼﺎﻳﻪ ﻭﺍﻟﺼﺮﻣﺎﻳﻪ ﺑﻌﺪ ﻋﻤﺞ ﻭﺿﺤﻚ ﺑﺼﻮﺕ ﻋﺎﻟﻲ
_ ﻉ ﻓﻜﺮﺓ ﺍﻧﺖ ﻭﺍﺣﺪ ﻗﻠﻴﻞ ﺍﻻﺩﺏ
_ ﻻﻋﻴﺐ ﻗﺎﺑﻞ ﺷﻔﺘﻴﻨﻲ ﻣﻐﺘﺼﺒﺞ ﻟﻮ ﻣﺘﺤﺮﺵ ﺑﻴﺞ ﻫﺎ ﻣﻨﻮ ﺭﻛﺾ ﻭﺭﺍ ﻣﻨﻮ ﺩﻣﺸﻲ ﻟﺞ ﻛﻞ ﻣﺎﺍﺷﻮﻓﺞ ﺟﻨﺖِ ﺗﻮﻛﻌﻴﻦ ﻛﺪﺍﻣﻲ ﻫﻢ ﻭﺍﻛﻌﻪ ﺑﺤﺒﻲ ﻭﻫﻢ ﻣﺨﻠﺼﺘﻬﺎ ﺗﻜﻮﻡ ﻭﺗﻮﻛﻊ .
ﺑﺮﻃﻤﺖ ﺷﻔﺎﻳﻔﻲ ﻭﺭﺣﺖ ﺑﺎﺗﺠﺎﻩ ﺍﻟﻜﻨﺘﻮﺭ
ﺭﺣﺖ ﻃﻠﻌﺘﻠﻪ ﻣﻼﺑﺴﻪ ﺍﺟﻪ ﺣﻀﻨﻲ ﻣﻦ ﻭﺭﻩ ﻭﺑﺎﺱ ﺧﺪﻱ
ﺳﺄﻟﻨﻴﻰ : ﺷﺒﻴﺞ ﺯﻫﺮﺗﻲ ﺷﻨﻮ ﺿﺠﺘﻲ ﻻﻥ ﻛﻠﺘﻠﺞ ﺗﺮﻛﻀﻴﻦ ﻭﺭﺍﻳﻪ ﺍﺫﺍ ﺍﻧﺘﻲ ﺭﻛﻀﺘﻲ ﺗﺮﻯ ﺍﻧﺘﻲ ﺍﺣﺴﻦ ﻣﻨﻲ ﺍﻧﻲ ﺯﺣﻔﺖ ﻟﻌﺪ ﻫﻬﻪ ﺍﺣﺒﺞ ﻭﺍﻟﻠﻪ
_ ﻻ ﻭﺍﻟﻠﻪ ﻣﺰﻋﻠﺖ ﺑﺲ ﺳﻜﺘﺖ ﻻﻥ ﺍﻋﺮﻑ ﺍﺫﺍ ﺍﺑﻘﻰ ﺍﻧﺎﻗﺸﻚ ﺗﻜﻮﻡ ﺗﺤﺠﻲ ﺣﺠﻲ ﻓﺎﺳﺪ
ﺿﺤﻚ ﺑﺼﻮﺕ ﻋﺎﻟﻲ : ﻭﻟﺞ ﺣﺠﻲ ﻓﺎﺳﺪ ﺷﻨﻮ ﺍﻧﺘﻲ ﻣﻨﻴﻦ ﺗﺠﻴﺒﻴﻦ ﻫﺎﻟﺴﻮﺍﻟﻒ ، ﺍﻣﺸﻲ ﺍﻃﻠﻌﻲ ﻣﻦ ﺍﻟﻐﺮﻓﻪ ﻻﺻﺪﻙ ﺍﺻﻴﺮ ﻓﺎﺳﺪ ﻭﺟﻬﺞ ﺻﺎﻳﺮ ﺍﺣﻤﺮ ﻣﻦ ﺍﻟﺒﺠﻲ ﻭﻋﻴﻮﻧﺞ ﺫﺑﻼﻧﻪ ﺗﺮﻯ ﻫﺬﺍ ﺍﻟﺸﻲ ﻳﻐﺮﻳﻨﻲ ...
ﺷﻤﺮﺕ ﺍﻟﻤﻼﺑﺲ ﻋﻠﻴﻪ ﻭﺷﺮﺩﺕ ﻣﻦ ﺍﻟﻐﺮﻓﺔ ....
**** ****
ﻛﺮﺍﺭ : ﻣﻦ ﺑﻌﺪ ﺍﻟﻤﻮﻗﻒ ﺍﻟﺼﺎﺭ ﺑﻴﻦ ﻗﺴﻮﺭ ﻭﻋﺒﻴﺮ ﺑﻌﺪ ﻣﺸﻔﺘﻬﺎ ﺍﺑﺪ ، ﻭﺭﺍ ﺷﻬﺮﻳﻦ ﻋﻤﻲ ﺩﺯ ﻋﻠﻴﻪ ﻋﻨﺪﻩ ﺷﻐﻠﻪ ﻭﻳﺮﻳﺪﻧﻲ ﺍﺧﻠﺼﻬﺎ ﺍﻟﻪ ﺭﺣﺘﻠﻬﻢ ﻃﺒﻴﺖ ﻟﻠﺒﻴﺖ ﻭﻛﻌﺪﺕ ﻳﻢ ﻋﻤﻲ ﺳﻮﻟﻔﻨﻪ ﻃﺒﺖ ﻋﻤﺘﻲ ﺳﻠﻤﺖ ﻋﻠﻴﻬﺎ ﻭﻛﻌﺪﺕ ﻳﻤﻨﻪ ﻭﺍﺟﺖ ﻣﺮﻳﻢ ﺟﺎﺑﺖ ﺿﺎﻳﻔﺔ ، ﻫﺬﺍ ﻛﻠﻪ ﻭﻋﺒﻴﺮ ﻣﺎﻛﻮ ﻣﺎﺷﻔﺘﻬﺎ ﻭﻻ ﺍﺟﺖ ﺳﻠﻤﺖ ﺍﺑﺪ .
ﻛﻤﻠﺖ ﺷﻐﻠﻲ ﻭﻳﺎ ﻋﻤﻲ ﻭﻃﻠﻌﺖ ، ﺷﻔﺖ ﻋﺒﻴﺮ
ﻛﺎﻋﺪﻩ ﺑﺎﻟﺤﺪﻳﻘﺔ ..
ﺭﺣﺖ ﻳﻤﻬﺎ ﺳﻠﻤﺖ ﻋﻠﻴﻬﺎ ﺭﺩﺕ ﻋﻠﻴﻪ ﺑﺒﺮﻭﺩ ﻭﺩﻧﻜﺖ ﺗﺒﺎﻭﻉ ﻟﻠﻜﺘﺎﺏ ﺍﻟﻲ ﺑﻴﺪﻫﺎ ، ﺑﺎﻭﻋﺘﻠﻬﺎ ﻫﻴﺌﺘﻬﺎ ﺷﻜﺪ ﻗﺎﺳﻴﺔ ﻭﺫﺍﻙ ﺍﻟﻤﺴﻜﻴﻦ ﻗﺴﻮﺭ ﺭﺍﺡ ﻳﻤﻮﺕ ﺑﺴﺒﺒﻬﺎ ﻭﻫﻲ ﻭﻻ ﻳﻤﻬﺎ
ﺗﻨﻬﺪﺕ ﻭ ﺳﺄﻟﺘﻬﺎ : ﻣﻮ ﻛﺎﻓﻲ؟
ﺑﺎﻭﻋﺘﻠﻲ ؛ ﺑﺤﻴﺮﺓ ﻛﺎﻓﻲ ﺷﻨﻮ؟
ﺟﺎﻭﺑﺘﻪ ﺑﺒﺮﻭﺩ ﺣﺎﺯﻡ ؛ ﻋﺒﻴﺮ ﻗﺴﻮﺭ ﻳﺤﺒﺞ ﻭﺛﻘﻲ ﺑﻤﺤﻤﺪ ﻟﻮ ﺗﺪﻭﺭﻳﻦ ﺍﻟﺪﻧﻴﺎ ﻛﻠﻬﺎ ﻣﺘﻠﻜﻴﻦ ﺍﺣﺪ ﻳﺤﺒﺞ ﻣﻦ ﺑﻌﺪ ﺍﻣﺞ ﻭﺍﺑﻮﺝ ﺑﻜﺪ ﻗﺴﻮﺭ ﻟﺞ ﻓﻠﺶ ﺑﻴﺖ ﺍﻫﻠﻪ ﻣﻦ ﻋﺮﻑ ﺃﻣﻪ ﻫﻴﺞ ﺣﺎﺟﻴﻪ ﻭﻳﺎﺝ ﻋﺒﻴﺮ ﻗﺴﻮﺭ ﺧﻮﺵ ﻭﻟﺪ ﻭﺻﺎﻳﻢ ﻣﺼﻠﻲ
ﺍﺳﺄﻟﻨﻲ ﺍﻟﻴﻪ ﺍﻧﻲ ﺍﻋﺮﻑ ﺳﻮﺍﻟﻒ ﺍﻟﻀﺎﺑﻂ ﻣﺎﺍﻋﻤﻢ ﻭﺍﻛﻮﻝ ﺍﻟﻜﻞ ﺑﺲ ﺍﻻﻏﻠﺒﻴﺔ ﺗﺮﺍﻱ
_ ﺗﺮﺍﻱ؟ ﺷﻨﻮ ﻫﺎﻱ ﺍﻧﻮﺏ
_ ﻫﻬﻬﻬﻪ ﻫﺴﻪ ﺍﻧﺘﻲ ﺗﺮﻛﺘﻲ ﻛﻞ ﺍﻟﻜﻼﻡ ﺭﻛﺰﺗﻲ ﺑﺘﺮﺍﻱ ﻋﺒﻴﺮ ﻟﺘﻮﻛﻔﻴﻦ ﺣﻴﺎﺗﺞ ﻉ ﺣﺠﺎﻳﺔ ﺍﻗﺴﻢ ﺑﻤﻌﺘﻘﺪﺍﺗﻲ ﻟﻮ ﻋﻨﺪﻱ ﺍﺧﺖ ﺍﻛﺒﻌﻬﺎ ﻭﺍﻧﻄﻴﻬﺎ ﻟﻘﺴﻮﺭ ﻟﺞ ﺑﺎﺑﺎ ﺻﻌﺐ ﺑﻬﺬﺍ ﺍﻟﺰﻣﻦ ﺗﻠﻜﻴﻦ ﻫﻴﺞ ﺭﺟﺎﻝ ﻳﺤﺒﺞ ﻓﻜﺮﻱ ﺯﻳﻦ ﻭﻟﺘﺨﺴﺮﻳﻦ ﻫﻴﺞ ﺍﻧﺴﺎﻥ
_ ﻻ ﻣﺘﺴﻮﻯ ﺑﻌﺪ ﻛﻠﻤﻦ ﻳﺮﻭﺡ ﺑﻄﺮﻳﻘﻪ ﺃﻧﻲ ﻣﺘﺄﻛﺪﺓ ﺍﺫﺍ ﺍﺗﺰﻭﺟﻪ ﻧﻬﺎﻳﺔ ﺯﻭﺍﺟﻨﺎ ﺍﻟﻄﻼﻙ ﺧﻠﻴﻨﻲ ﻫﻴﺞ ﺍﺑﻘﻰ ﺑﺎﻟﻨﺴﺒﺔ ﺍﻟﻪ ﺫﻛﺮﻯ ﺣﻠﻮﺓ ﻭﻻ ﻳﺠﻲ ﻳﻮﻡ ﻭﻳﻜﺮﻫﻨﻲ ﺍﻧﻲ ﻣﺘﺄﻛﺪﺓ ﺍﺫﺍ ﺗﺰﻭﺟﻨﺎ ﺣﻴﻜﺮﻫﻨﻲ
ﻛﺮﺍﺭ ﺃﻧﻲ ﺍﻋﺮﻑ ﻧﻔﺴﻲ ﻣﺎﺍﺗﻌﺎﺷﺮ ﻣﺰﺍﺟﻴﻪ ﻭﻋﺼﺒﻴﺔ ﻭﻣﻐﺮﻭﺭﺓ ﻭﻣﻴﻌﺠﺒﻨﻲ ﺍﻟﻌﺠﺐ ﻭﺍﻧﺘﻪ ﺗﻌﺮﻓﻨﻲ ﻟﻮ ﻣﺘﻌﺮﻓﻨﻲ ﻛﺮﺍﺭ ؟
ﻫﺰﻳﺖ ﺭﺍﺳﻲ ﺑﺜﻘﺔ ..
ﻛﻤﻠﺖ ﻛﻼﻣﻬﺎ ؛ ﺗﻤﺎﻡ ﻭﺑﻌﺪ ﻓﻮﻙ ﻛﻞ ﻫﺬﺍ ﺍﻧﺎﻧﻴﺔ ﻳﻌﻨﻲ ﻳﻤﻜﻦ ﺑﺎﻟﻤﺴﺘﻘﺒﻞ ﺍﺫﺍ ﺍﺳﺘﻤﺮﺕ ﺍﻣﻪ ﻫﻴﺞ ﺗﻌﺎﻣﻠﻨﻲ ﺍﻣﻨﻌﻪ ﻳﺘﻮﺍﺻﻞ ﻭﻳﺎﻫﺎ ﻭﻫﻮ ﺷﻠﻪ ﺑﻬﺎﻟﺪﻭﺧﺔ
ﻭﺍﻟﺘﻤﻌﻤﺲ ﺧﻠﻲ ﻳﺸﺘﺮﻱ ﺭﺍﺣﺔ ﺑﺎﻟﻪ ﺍﺣﺴﻦ ﺍﻟﻪ .
_ ﻣﺼﺮﺓ ﻋﻠﻰ ﻛﻼﻣﺞ ﺍﺧﺮ ﺣﺠﻲ ﻋﻨﺪﺝ ﻫﺬﺍ ﻭﻟﺞ ﺍﻟﻮﻟﺪ ﺗﻌﺒﺎﻥ ﺑﺴﺒﺒﺞ ﺗﻌﺒﺎﻥ ؟؟ ﺣﺴﻴﻴﻲ .
_ ﺷﻮﻑ ﻛﺮﺍﺭ ﺃﻧﻲ ﺍﻋﺮﻑ ﺃﻧﺖ ﺗﺘﻮﺍﺻﻞ ﻭﻳﺎﻩ ﺑﻠﻐﻪ ﻛﻼﻣﻲ ﻛﻮﻟﻪ ﻋﺒﻴﺮ ﺗﺴﻠﻢ ﻋﻠﻴﻚ ﻭﺗﻜﻮﻝ ﺧﻠﻲ ﻳﻨﺴﺎﻧﻲ ﻭﻳﺸﻮﻑ ﺣﻴﺎﺗﻪ ﻭﺑﺤﺎﻟﻪ ﻭﺣﺪﻩ ﺃﺻﻴﺮ ﺍﻟﻪ
_ ﺷﻨﻮ ﻫﻲ ؟
_ ﺍﻻ ﺍﺫﺍ ﺍﻧﻄﺒﻘﺖ ﺍﻟﺴﻤﻪ ﻉ ﺍﻻﺭﺽ
ﺑﻌﺼﺒﻴﺔ ؛ ﺧﺮﺭﺭﺭﺏ ﻳﻮﻣﺞ ﺷﻜﺪ ﻗﺎﺳﻴﺔ ﻟﺞ ﺍﻧﺘﻲ ﺷﻨﻮ ﻭﻻ ﺗﺴﺘﺎﻫﻠﻴﻦ ﺣﺒﻪ ﺩﻣﻌﻪ ﻣﻦ ﺩﻣﻮﻋﻪ ﻣﺘﺴﺘﺎﻫﻠﻴﻦ ﻇﻠﻲ ﻫﻴﺞ ﺑﻬﺬﺍ ﻏﺮﻭﺭﺝ ﻭﻛﺒﺮﻳﺎﺋﺞ ﻭﺍﺫﺍ ﻣﺎﻋﻀﻴﺘﻲ ﺍﺻﺎﺑﻌﺞ ﻧﺪﻡ ﻣﻮ ﺍﺑﻦ ﺣﻼﻝ ﺃﻧﻲ .
ﻇﻠﺖ ﺗﺒﺎﻭﻋﻠﻲ ﺑﺸﻤﻮﺥ ﻭﻻ ﺍﺛﺮ ﻛﻼﻣﻲ ﻭﻻ ﺣﺘﻰ ﺑﻘﺪﺭ ﺫﺭﺓ
ﻋﺼﺒﺖ ﻣﻨﻬﺎ ﻛﻠﺶ ﻣﺎ ﺍﺗﺤﻤﻠﻬﺎ ﺍﺑﺪ .
ﺗﺮﻛﺘﻬﺎ ﻭﻃﻠﻌﺖ ﺍﺫﺍ ﺍﺑﻘﻰ ﻛﺎﻋﺪ ﻳﻤﻬﺎ ﻭﺍﻟﻠﻪ ﺍﺟﺮﻡ ﺑﻴﻬﺎ ﺭﺟﻌﺖ ﻟﻠﺒﻴﺖ ﺑﻌﺪﻧﻲ ﺑﺎﻟﺒﺎﺏ ﺧﺎﺑﺮﻧﻲ ﻗﺴﻮﺭ ﻋﺒﺎﻟﻚ ﻳﻌﻠﻢ ﺟﻨﺖ ﻳﻢ ﺍﻟﻲ ﻳﺤﺒﻬﺎ ﻭﺍﺫﺗﻪ ﻗﺒﻞ ﺷﻮﻳﺔ .
ﺭﺣﺘﻠﻪ ﺣﺠﻴﺘﻠﻪ ﻛﻞ ﻛﻼﻣﻬﺎ ﻛﺎﻝ ﻫﺬﺍ ﻫﻮ ﺑﺮﺍﺣﺘﻬﺎ ﺑﻠﻜﻲ ﻳﺠﻲ ﻳﻮﻡ ﻭﺗﺤﻦ ﻭﺗﺸﻮﻑ ﺣﺒﻲ
ﻧﺼﺤﺘﻪ ﺍﺗﺰﻭﺝ ﺑﻠﻜﻲ ﺗﻨﺴﻰ ﻫﺎﻱ ﻗﺎﻓﻠﻪ ﻭﻣﺴﺘﺤﻴﻞ ﻳﺠﻲ ﻳﻮﻡ ﺗﻮﺍﻓﻖ ﺑﻠﻜﻲ ﺍﺫﺍ ﺷﺎﻓﺖ ﺗﺨﻄﺐ ﺗﺘﺤﺮﻙ ﻣﺸﺎﻋﺮﻫﺎ ﻭﻟﻮ ﻫﻲ ﻣﺠﻤﺪﺓ ﺷﻴﺤﺮﻛﻬﺎ ﺭﺏ ﺍﻟﺤﻠﻮ
ﻗﺴﻮﺭ : ﻛﻞ ﻋﻘﻠﻚ ﺍﻧﺖ ﺗﺤﺠﻲ ﺗﺼﻴﺮﻟﻲ ﻣﺮﺓ ﻏﻴﺮ ﻋﺒﻴﺮﻱ ﺷﻜﺪ ﺑﻄﺮﺍﻥ ﻟﻴﺶ ﻫﻮ ﺍﻧﻲ ﺍﺷﻮﻑ ﻏﻴﺮﻫﺎ ﺑﻌﻴﻮﻧﻲ ﻟﻮ ﺗﺤﻼﻟﻲ ﻣﺮﺓ ﻏﻴﺮﻫﺎ
ﺑﺎﻭﻋﺖ ﻋﻠﻴﻪ ﻭﺻﻔﻨﺖ ﺣﺒﻪ ﻋﺠﻴﺐ ﺣﺘﻰ ﻣﻴﻔﻜﺮ ﺑﻜﺮﺍﻣﺘﻪ ﻭﻣﻊ ﺫﻟﻚ ﻣﺎﺍﺫﺍﻫﺎ ﻭﻻ ﺿﻐﻂ ﻋﻠﻴﻬﺎ ﻣﻜﺘﻔﻲ ﻳﺮﺍﻗﺒﻬﺎ ﻣﻦ ﺑﻌﻴﺪ ..
ﺿﺤﻚ : ﺗﺪﺭﻱ ﻫﻲ ﻣﻮ ﺑﻼ ﺍﺣﺴﺎﺱ ﻟﻚ ﻣﻦ ﺗﺼﻮﺑﺖ ﻣﺘﻈﻬﺮ ﺁﻟﻤﻬﺎ ﻭﻻ ﺗﺸﺘﻜﻲ ﻛﺪﺍﻡ ﺍﻫﻠﻬﺎ ﻭﻣﻦ ﺟﻨﺖ ﺍﺭﻭﺡ ﺍﺷﻮﻓﻬﺎ ﺟﺎﻧﺖ ﺗﺸﻜﻴﻠﻲ ﺷﻨﻮ ﻳﻮﺟﻌﻬﺎ ﻭﺗﻈﻞ ﺗﺒﺠﻲ ﻭﺗﻌﺒﺮ ﻋﻦ ﺃﻟﻤﻬﺎ ﺑﺲ ﻛﺪﺍﻣﻲ ﻣﺘﺮﻳﺪ ﺍﻣﻬﺎ ﺗﺸﻮﻓﻬﺎ ﻭﺗﺘﺄﺫﻯ ﻋﻠﻴﻬﺎ
ﺑﺲ ﺣﻈﻲ ﺍﻻﺳﻮﺩ ﻣﻦ ﺍﺳﺄﻟﻬﺎ ﺗﺤﺒﻴﻨﻲ ﺗﺠﺎﻭﺑﻨﻲ ﺑﻜﻞ ﺍﺩﺏ ﻭﺍﺧﻼﻕ : ﻻ ﺍﻟﺤﺐ ﻳﺠﻲ ﺑﻌﺪ ﺍﻟﺰﻭﺍﺝ ﻭﺍﺫﺍ ﺍﻧﺖ ﻛﺪﻫﺎ ﺣﺘﺨﻠﻴﻨﻲ ﺍﺣﺒﻚ ﺍﻣﺎ ﻫﺴﻪ ﺃﻧﻲ ﻣﺎﺍﺣﺒﻚ
ﺣﺮﻛﻨﻲ ﺣﺮﻙ ﻣﻦ ﻳﺤﺠﻲ ﻭﻋﻴﻮﻧﻪ ﺩﻡ ، ﻗﻬﺮﻧﻲ
ﻃﻠﻌﺖ ﻣﻦ ﻳﻤﻪ ﻭﺍﻧﻲ ﺑﺬﻳﺞ ﺍﻟﺴﺎﻋﺔ
ﻛﺮﻫﺖ ﻋﺒﻴﺮ ﻭﺣﻘﺪﺕ ﻋﻠﻴﻬﺎ ﺑﺰﻳﺎﺩﺓ ﻭ ﺍﺗﻤﻨﻴﺖ ﺍﻟﻴﻪ ﺳﻠﻄﻪ ﻋﻠﻴﻬﺎ ﺣﺘﻰ ﺍﻋﺮﻑ ﺷﻮﻥ ﺍﺗﺼﺮﻑ ﻭﻳﺎﻫﻪ .
ﻭﺻﻠﺖ ﻟﻠﺒﻴﺖ ﻟﻜﻴﺖ ﻣﻬﺎ ﺩﺗﻨﻈﻒ ﻭﺍﻣﻲ ﻭﺍﺑﻮﻳﻪ ﻛﺎﻋﺪﻳﻦ ﺑﺎﻟﺼﺎﻟﻪ ﺳﻠﻤﺖ ﻭﻛﻌﺪﺕ ﻳﻤﻬﻢ ﺭﻭﺣﻲ ﺑﺨﺸﻤﻲ ﺍﺫﺍ ﻭﺍﺣﺪ ﺩﻏﻨﻲ ﺍﻧﻔﺠﺮ ﺑﻲ ﺍﺟﺘﻨﻲ ﻣﻬﺎ ﺟﺎﺑﺘﻠﻲ ﺟﺎﻱ ﻭﺭﺍﺣﺖ ﺷﺮﺑﺘﻪ ﻭﺻﻌﺪﺕ ﻟﻠﻐﺮﻓﻪ ﺗﻤﺪﺩﺕ ﻉ ﺍﻟﺠﺮﺑﺎﻳﻪ ﻇﻠﻴﺖ ﺑﺲ ﺍﺗﺼﻔﻦ ﻓﻜﺮﺕ ﺍﺧﺎﺑﺮ ﻉ ﻋﺒﻴﺮ ﺗﺎﻟﻲ ﻛﻠﺖ ﺗﻮﻟﻲ ﺷﻜﻮ ﺍﻛﺒﺮ ﺭﺃﺳﻬﺎ
ﺩﻙ ﺗﻠﻴﻔﻮﻥ ﻣﻬﺎ ﻣﺠﺎﻭﺑﺖ ﻇﻞ ﻳﺪﻙ ﻏﻠﺴﺖ ﻋﻨﻪ ﺳﻄﺮﻧﻲ
ﺍﺟﺘﻬﺎ ﺭﺳﺎﻟﺔ ﺍﺧﺬﺕ ﺍﻟﻔﻮﻥ ﻭﻓﺘﺤﺘﻬﺎ ..
ﺟﺎﻧﺖ ﺍﻟﺮﺳﺎﻟﻪ ﻣﻦ ﺑﻨﺖ ﺧﺎﻟﻬﺎ ؛ ﻛﺎﺗﺒﺘﻠﻬﺎ ﻋﺮﻓﺖ ﻣﻜﺎﻥ ﻫﺎﻱ ﺍﻟﺴﺤﺎﺭﺓ ﺑﺼﻠﻴﺦ ﺍﺧﺬﺕ ﻣﻮﻋﺪ ﺍﻟﺞ ﻳﻮﻡ ﺍﻟﺠﻤﻌﻪ ﺗﻌﺎﻟﻲ ﻋﻠﻴﻪ ﻭﻧﺮﻭﺡ ...
ﺍﻧﺼﺪﻣﺖ ﺷﻨﻮ ﺳﺤﺎﺭﺓ؟؟ ﻭﻣﻬﺎ ﻣﻨﻴﻦ ﺗﻌﺮﻑ ﻫﻴﺞ ﻧﻤﺎﺫﺝ ﻗﺬﺭﺓ ، ﻋﺼﺮﺕ ﺍﻟﺘﻠﻴﻔﻮﻥ ﺑﻴﺪﻱ ﺣﻴﻴﻞ ، ﻛﻤﺖ ﻣﻦ ﻣﻜﺎﻧﻲ ﻓﺘﺤﺖ ﺍﻟﺒﺎﺏ ﻭﻣﺪﻳﺖ ﺭﺃﺳﻲ ﺻﺤﺘﻬﺎ ﺑﻌﺼﺒﻴﺔ
_ ﻣﻬﺎﺍﺍﺍﺍﺍﺍ
ﺍﺟﺎﻧﻲ ﺻﻮﺗﻬﺎ ﻣﻦ ﺟﻮﺓ ؛ ﺍﺟﻴﺘﻚ ﻛﺮﺍﺭ .
ﺑﻘﻴﺖ ﻭﺍﻛﻒ ﺑﺒﺎﺏ ﺍﻟﻐﺮﻓﺔ ، ﺍﺣﺲ ﺍﻟﺘﻠﻴﻔﻮﻥ ﺭﺍﺡ ﻳﻨﻜﺴﺮ ﺑﻴﺪﻱ ﻣﻦ ﺷﺪﺓ ﺿﻐﻄﻲ ﻋﻠﻴﻪ .
ﺍﺟﺖ ﺑﺎﻭﻋﺘﻠﻬﺎ ﻭﺍﺷﺮﺗﻠﻬﺎ ﺗﻔﻮﺕ ﻟﻠﻐﺮﻓﺔ .
ﻓﺎﺗﺖ ﻭﺍﻧﻲ ﻓﺘﺖ ﻗﺒﻠﻬﺎ ، ﺳﻤﻌﺖ ﺻﻮﺗﻬﺎ .
_ ﻫﺎ ﺣﺒﻴﺒﻲ ؟
ﺍﻟﺘﻔﺘﺖ ﻋﻠﻴﻬﺎ ﺑﻌﺼﺒﻴﺔ ، ﻃﺎﺑﻚ ﺍﺳﻨﺎﻧﻲ ﻭﻋﻴﻮﻧﻲ ﺑﻜﺼﺘﻲ ﺭﻓﻌﺖ ﺍﻟﻤﻮﺑﺎﻳﻞ ﻭﺑﻌﺪﻧﻲ ﻓﺎﺗﺢ ﺍﻟﺮﺳﺎﻟﺔ ﺧﻠﻴﺘﻪ ﺑﻤﺴﺘﻮﻯ ﻋﻴﻮﻧﻬﺎ
_ ﻫﺎﻱ ﺷﻨﻮ ﻣﻬﺎ ﺷﺪﻳﺼﻴﺮ ﺑﻠﻪ ﺗﻜﺪﺭﻳﻦ ﺗﻔﻬﻤﻴﻨﻲ ﺷﻨﻮ ﺍﻧﻲ ﻏﺸﻴﻢ ﻭﻧﺎﻳﻢ ﻭﺭﺟﻠﻴﻪ ﺑﺎﻟﺸﻤﺲ ﻭﻣﺮﺗﻲ ﻣﻦ ﻭﺭﺍﻳﻪ ﺗﻔﺘﺮ ﻉ ﺍﻟﺴﺤﺎﺭﺍﺕ
ﺗﻘﺮﺑﺖ ﻣﺪﺕ ﺍﻳﺪﻫﺎ ﺍﺧﺬﺕ ﺍﻟﻔﻮﻥ ﻣﻦ ﺃﻳﺪﻱ ﻭﺗﺮﺟﻒ ﻭﺗﺒﺎﻭﻉ ﺑﺎﻟﺸﺎﺷﺔ ﻗﺮﺕ ﺍﻟﺮﺳﺎﻟﻪ ﻭﺑﺎﻭﻋﺘﻠﻲ ﺩﺗﺨﻔﻲ ﺧﻮﻓﻬﺎ ﻭﺍﺭﺗﺒﺎﻛﻬﺎ ﺧﺰﺭﺗﻬﺎ ﻭﺻﻜﻴﺖ ﻉ ﺃﺳﻨﺎﻧﻲ : ﺍﺣﺠﻴﻴﻲ ﻻ ﺃﺑﺘﻠﻲ ﺑﻴﺞ ﻭﻣﺤﻤﺪ
ﺑﺘﻮﺳﻞ ؛ ﻛﺮﺍﺭ ﺧﻠﻲ ﺍﻓﻬﻤﻚ
_ ﺍﻱ ﻓﻬﻤﻴﻨﻲ ﻏﺒﻲ ﻛﺪﺍﻣﺞ ﺧﻠﻴﻨﻲ ﺍﻓﺘﻬﻢ
_ ﻻﺣﺸﺎﻙ ﺣﺒﻴﺒﻲ ﺷﻮﻑ ﻫﺎﻱ ﻭﺣﺪﻩ ﺗﺎﺧﺬ ﺧﻴﺮﺓ ﻭﺍﻧﻲ ﻛﻠﺖ ﺧﻠﻲ ﺃﺷﻮﻑ ﻟﻴﺶ ﻣﺪﻳﺼﻴﺮ ﻋﻨﺪﻱ ﺣﻤﻞ ﺧﺎﻑ ﺍﺣﺪ ﻣﺴﻮﻳﻠﻨﺎ ﺳﺤﺮ .
_ ﺳﺤﺮ !!! ﻣﻨﻮ ﻳﺴﻮﻳﻠﻨﺎ ﺑﺮﺃﻳﺞ ﻭﻉ ﺷﻨﻮ ﻳﺴﻮﻭﻥ ﻏﻴﺮ ﺍﻛﻮ ﺷﻲ ﺑﻴﻨﺎ ﻳﺠﺬﺏ ﺍﻻﻧﺘﺒﺎﻩ ﺣﺘﻰ ﻳﺴﻮﻭﻥ ﻋﻠﻤﻮﺩﻩ ﺻﺨﺎﻡ ﺑﻮﺟﻬﺞ ﺍﺫﺍ ﻫﺴﻪ ﺍﺟﻨﺰﺝ ﺍﻛﻮ ﻛﻠﺐ ﺃﺑﻦ ﻛﻠﺐ ﻳﻠﻮﻣﻨﻲ
ﺳﻜﺘﺖ ﻣﺘﺤﺠﻲ ﺟﺮﻳﺘﻬﺎ ﻣﻦ ﺷﻌﺮﻫﺎ ﺻﺎﺣﺖ ﺍﺧﺦ ﻛﺮﺍﺭ ﺣﺒﺎﺏ ﺑﺲ ﺍﻓﻬﻤﻨﻲ .. ﻭﻟﺰﻣﺖ ﺍﻳﺪﻱ ﺍﻟﻲ ﻻﺯﻡ ﺑﻴﺪﻱ ﺷﻌﺮﻫﺎ ، ﻃﻠﻴﺖ ﺑﻮﺟﻬﻪ ﺣﺠﻴﺖ
ﻣﻦ ﺑﻌﺪ ﻣﺎﺷﺪﺩﺕ ﻟﺰﻣﺘﻲ ﻟﺸﻌﺮﻫﺎ : ﺍﻫﻠﻲ ﺍﻭ ﻋﻤﺎﻣﻲ ﻭﺣﺘﻰ ﺍﻫﻞ ﺍﻣﻲ ﻣﺎﻋﺪﻫﻢ ﺳﻮﺍﻟﻒ ﺍﻟﺴﺤﺮ ﻭﺍﻟﺸﻌﻮﺫﺓ ﺍﺫﺍ ﺍﺑﺎﻟﺞ ﻭﺍﺣﺪ ﻣﺴﻮﻳﻠﺞ ﺳﺤﺮ ﺍﻣﻴﺮﺓ ﺩﻳﺎﻧﺎ ﺩﻭﺭﻱ ﻋﻠﻴﻪ ﻳﻢ ﺍﻫﻠﺞ
ﺭﺍﺡ ﺍﻃﻠﻊ ﺍﺭﺟﻊ ﻣﺎﺍﺭﻳﺪ ﺍﺷﻮﻓﺞ ﻛﺒﺎﻟﻲ ﻭﺣﻖ ﻣﺤﻤﺪ ﺍﺫﺍ ﺭﺟﻌﺖ ﻭﺷﻔﺘﺞ ﺑﺎﻟﺒﻴﺖ ﺍﺟﻨﺰﺝ ﻭﻋﻠﻲ ﺍﻧﻌﻞ ﺃﺑﻮﺝ ﻻﺑﻮ ﺳﺎﻋﺔ ﺍﻟﺴﻮﺩﺓ ﺍﻟﻌﺮﻓﺘﺞ ﺑﻴﻬﺎ ﺑﻨﺖ ﺍﻟﻜﻠﺐ ﺍﻧﻮﺏ ﺗﻔﺘﺮﻳﻦ ﻉ ﺍﻟﺴﺤﺎﺭﺍﺕ ﻣﻮﻭﻭﻭ ؟
ﻳﺘﺒﻊ ...