#ﻓﻲ_ﺷﺮﻳﻌﺔ_ﺍﻟﻌﺸﻖ
#ﺑﺎﺭﺕ٥
#ﻧﻮﺭﺍ_ﻧﺎﺻﺮ
ﺗﻘﺮﻳﺒﺎ ﻭﺭﻩ ﻋﺸﺮﻳﻦ ﺩﻗﻴﻘﺔ ﻓﺎﺕ ﺑﺎﺑﺎ ﻟﻠﺒﻴﺖ
ﻭﺭﺃﺳﺎ ﺍﺟﻪ ﺩﺧﻞ ﻟﻠﻤﻜﺘﺐ ﻣﺎﻣﺎ ﺟﺎﻧﺖ ﺗﻨﺘﻈﺮﻩ ﻋﻠﻰ ﻧﺎﺭ ﻭﻣﺘﻮﺗﺮﺓ ..
ﻛﺒﺖ ﻋﻴﻄﺘﻬﻢ ﺑﺴﺮﻋﺔ ..
ﻛﺎﻟﻠﻬﺎ ﺗﺸﻜﻴﻦ ﺑﻴﻪ ﻭﻟﺞ؟ ﺑﻌﺪ ﻫﺎﻟﻌﻤﺮ ﻫﺬﺍ ﻛﻠﻪ ..
ﻛﻠﺘﻠﻪ ﻋﻤﺮﻱ ﻣﺸﻜﻴﺖ ﺑﻴﻚ ﺑﺲ ﺍﺭﻳﺪ ﻫﺴﻪ ﺗﺒﺮﺭﻟﻲ ﺷﻨﻮ ﺫﻧﻲ ﻭﻟﻴﺶ ﺑﻤﻜﺘﺒﻚ .. ؟
ﺑﺎﺑﺎ ﻭﺑﻌﺪﻫﺎ ﻋﻼﻣﺎﺕ ﺍﻟﺬﻫﻮﻝ ﻋﻠﻰ ﻣﺤﻴﺎﻩ
ﻛﺎﻟﻠﻬﺎ ﻣﺎﻋﻨﺪﻱ ﻋﻠﻢ ﺑﻴﻬﻢ ..
ﻛﻠﺘﻠﻪ ﻫﺴﻪ ﺗﺨﺎﺑﺮ ﻫﺒﻪ ﻭﺍﻣﻬﺎ ﻻ ﺍﻧﻲ ﺍﺭﻭﺣﻠﻬﻢ ﻟﻠﺒﻴﺖ ﻭﺍﻋﺮﻑ ﺷﻮﻥ ﺍﺗﺼﺮﻑ ﻭﻳﺎﻫﻢ ..
ﺑﺼﻴﺎﺡ ﺟﺎﻭﺑﻬﺎ ﺷﺒﻴﺞ ﺗﺨﺒﻠﺘﻲ ﺍﻧﻲ ﻣﺎﻋﻮﻧﺖ ﺍﻗﻠﻌﻬﺎ ﻣﻦ ﺍﻟﺒﻴﺖ ﺗﺮﺩﻳﻦ ﺍﺗﺼﻞ ﺑﻴﻬﺎ ..
_ ﻟﺘﺨﺒﻠﻨﻲ ﻣﻼﺑﺴﻬﺎ ﻗﺬﺭﺓ ﻭﺍﻧﻲ ﻣﺮﺓ ﻣﺘﺰﻭﺟﻪ ﻭﺍﻋﺮﻑ ﺷﻨﻮ ﻫﺎﻻﺛﺎﺭ ﺍﻟﻲ ﺑﻤﻼﺑﺴﻬﺎ ﺷﻮﻑ
ﻫﺎﻱ ﻭﺭﺍﻫﺎ ﺑﻠﻮﺓ ﻭﺗﺮﻳﺪ ﺗﺒﻠﻴﻨﺎ ﺍﻓﺘﻬﻤﻨﻲ ﻳﺎﺭﺟﺎﻝ ..
ﺑﺎﺑﺎ ﻛﺎﻟﻠﻬﺎ ﺷﻮ ﺩﺭﻭﺣﻲ ﻭﺍﻟﻠﻪ ﻟﻮ ﺗﻄﻠﻊ ﻧﺨﻠﻪ ﺑﺮﺍﺳﺞ
ﻣﺎﺍﺧﺎﺑﺮﻫﺎ ﻭﺍﺫﺍ ﺗﺮﻳﺪﻳﻦ ﺗﺮﻭﺣﻴﻦ ﺍﻧﺘﻲ ﺗﺤﺮﻣﻴﻦ ﻋﻠﻴﻪ ﻣﻨﺎ ﻟﻴﻮﻡ ﺍﻟﻘﻴﺎﻣﻪ ﻣﺎ ﻧﺎﻗﺼﻨﻲ ﻏﻴﺮ ﺍﻧﻮﺏ ﺍﺩﺧﻞ ﻭﺣﺪﻩ ﺭﺧﻴﺼﻪ ﻟﺒﻴﺘﻲ ﻭﺍﻧﻲ ﺍﺑﻮ ﺑﻨﺎﺕ ﻭﺑﻨﺎﺗﻲ ﺍﺛﻨﻴﻨﻬﻢ ﻣﺮﺍﻫﻘﺎﺕ ﻭﺍﻟﻠﻪ
ﻋﻘﻠﺞ ﺻﻐﻴﺮ ﻟﻮ ﺍﺭﻳﺪ ﺍﺧﻮﻥ ﻣﺨﺎﻳﻒ ﻻ ﻣﻨﺞ ﻭﻻ ﻣﻦ
ﻏﻴﺮﺝ ﺑﺲ ﺍﺧﺎﻑ ﻣﻦ ﺍﻟﻠﻪ ﻭﺍﺧﺎﻑ ﻟﺘﻄﻠﻊ ﺑﺒﻨﺎﺗﻲ
ﻫﺎﻱ ﺗﻠﻜﻴﻬﺎ ﻣﺎﺭﺳﺖ ﻭﻳﺎ ﻧﻔﺴﻬﺎ ﻭﺷﻤﺮﺗﻬﻢ ﻫﻨﺎ ..
ﻫﻮ ﺩﻳﺤﺠﻲ ﺟﺎﻥ ﻣﺎﻣﺎ ﺗﻌﻴﻂ ﺑﻴﻨﺎ ﺍﻣﺸﻦ ﻭﻟﻦ ﻣﻨﺎ ﻳﻴﻠﻠﻪ ﻃﻠﻌﻨﺎ ﺑﺲ ﻭﻛﻔﻨﺎ ﺍﺑﺎﺏ ﺍﻟﻐﺮﻓﺔ ﻭﺻﻮﺕ ﺻﻴﺎﺣﻬﻢ ﻳﻮﺻﻞ ﺍﻟﻨﺎ ..
ﻫﻮ ﻣﻴﺪﺭﻱ ﺍﺣﻨﻪ ﻭﺍﻛﻔﺎﺕ ﺍﻟﺘﻔﺖ ﺷﺎﻓﻨﻪ ﻇﻞ ﻣﺼﺪﻭﻡ
ﻻﻥ ﻫﻴﺞ ﺣﺠﻪ ..
ﻛﺎﻟﻠﻬﺎ ﻫﺎ ﺍﺭﺗﺎﺣﻴﺘﻲ ﻃﻠﻌﺘﻴﻨﻲ ﻋﻦ ﻃﻮﺭﻱ ﺣﺘﻰ ﺍﻟﺒﻴﺖ ﺗﺎﺭﻛﻪ ﺍﻟﺞ ﺍﻧﻌﻞ ﺍﺑﻮ ﻫﺎﻟﻌﻴﺸﻪ ﺍﺑﺘﻠﻴﺖ ﺟﺒﺖ ﻭﺣﺪﻩ ﺗﺴﺎﻋﺪﺝ ﺍﻧﻲ ﻣﻮ ﺧﻮﺵ ﺍﺩﻣﻲ ﻭﺍﻟﻠﻪ ﻫﺴﻪ ﺍﺧﻠﻲ ﺻﻔﺎﺀ ﻳﺠﻴﺐ ﻫﺒﻪ ﻛﺪﺍﻣﺞ ﺑﺲ ﻭﺍﻟﻠﻪ ﻭﺣﻖ ﻫﻮ ﺍﻟﻠﻪ ﻣﻦ ﺗﻌﺮﻓﻴﻦ ﺍﻟﺤﻘﻴﻘﻪ ﺷﻮﻓﻲ ﺷﺴﻮﻱ ﺑﻴﺞ ..
ﻟﺰﻡ ﺍﻟﻔﻮﻥ ﺣﺘﻰ ﻳﺨﺎﺑﺮ ﺭﻛﻀﺖ ﺍﻣﻲ ﻋﻠﻴﻪ ﻟﺰﻣﺘﻪ ﻣﻦ ﺍﻳﺪﻩ ..
ﻭﺑﺘﻮﺳﻞ ﻛﻠﺘﻠﻪ ﺧﻠﺺ ﺧﻠﺺ ﻟﺘﺨﺎﺑﺮ ﻭﻻ ﺷﻲ ..
ﺑﻌﺼﺒﻴﺔ ﺟﺎﻭﺑﻬﺎ : ﺷﻮ ﺩﺭﻭﺣﻲ ﻟﻌﺪ ﻋﻠﻴﻤﻦ ﻫﺎﻟﻤﻬﺮﺟﺎﻥ ﻉ ﺍﻣﻲ، ﺧﻠﻲ ﺍﺳﻮﻱ ﺍﻟﻲ ﺗﺮﻳﺪﻱ ﺑﻠﻜﻲ ﺗﺮﺗﺎﺣﻴﻦ ..
ﻭﻓﻌﻼ ﺧﺎﺑﺮ ﻋﻠﻰ ﺻﻔﺎﺀ ﻭﻛﺎﻟﻪ ﺗﺮﻭﺡ ﻟﺒﻴﺖ ﺍﻡ ﺣﺴﻴﻦ ﺗﺠﻴﺐ ﻫﺒﺔ ﻭﺍﻣﻬﺎ ﻭﺗﺠﻲ ..
ﺑﻘﻰ ﺟﻮ ﺍﻟﺒﻴﺖ ﻣﺸﺤﻮﻥ ﺑﺎﻟﺘﻮﺗﺮ ﺍﻟﻰ ﺍﻥ ﻭﺻﻠﺖ ﻫﺒﺔ ﻭﺍﻡ ﺣﺴﻴﻦ ﻭﻭﻳﺎﻫﻢ ﺻﻔﺎﺀ ﻓﺎﺗﻮ ﻟﻠﺒﻴﺖ
ﻭﺍﺟﻪ ﺑﺎﺑﺎ ﺑﺴﺮﻋﻪ ﺟﺎﺏ ﺍﻟﻘﺮﺃﻥ ﻭﺣﻄﻪ ﻛﺪﺍﻡ ﻫﺒﻪ
ﻛﻠﻠﻬﺎ ﺍﺣﻠﻔﻲ ...
ﺍﻣﻬﺎ ﺗﺒﺎﻭﻉ ﺑﺄﺳﺘﻐﺮﺍﺏ ﻣﺘﻌﺮﻑ ﺷﻜﻮ
ﻭ ﻫﻲ ﻋﻼﻣﺔ ﺍﻟﺨﻮﻑ ﻋﻠﻰ ﻭﺟﻬﻪ
ﺭﻓﻌﺖ ﺭﺍﺳﻬﺎ ﻭﻧﻈﺮﺍﺗﻬﺎ ﺗﺒﺎﻭﻉ ﻟﻠﻜﻞ ﻭﺍﺧﻴﺮﺍ ﺍﺳﺘﻘﺮ ﻧﻈﺮﻫﺎ ﻋﻠﻰ ﺑﺎﺑﺎ ﻭﺗﻨﺼﻲ ﺗﺒﺎﻭﻉ ﻉ ﺍﻟﻘﺮﺍﻥ ﺍﻟﻲ ﺑﺎﻳﺪﻩ
ﻛﻠﺘﻠﻪ ﻋﻠﻰ ﺷﻨﻮ ﺍﺣﻠﻒ ﺩﻛﺘﻮﺭ ..
ﺑﺎﺑﺎ ﺧﺰﺭﻫﺎ ﻛﺎﻟﻠﻬﺎ ﻣﻼﺑﺴﺞ ﺍﻟﺪﺍﺧﻠﻴﻪ ﺷﺘﺴﻮﻱ ﺑﻤﻜﺘﺒﻲ ﻭﻭﺳﺨﺎﺕ ﻭﻟﺞ ؟
ﻫﻮ ﺩﻳﺤﺠﻲ ﻭﺻﻔﺎﺀ ﺻﻔﻦ ﻋﻠﻴﻬﺎ ﻭﺣﻂ ﺍﻳﺪﻩ ﻭﺭﺍ
ﺭﺍﺳﻪ .. ﻭﺍﻡ ﺣﺴﻴﻦ ﺷﻬﻜﺖ ﻭﻇﻠﺖ ﺗﻠﻄﻢ ﻋﻠﻰ ﺻﺪﺭﻫﻪ
ﻫﻲ ﺑﺴﺮﻋﻪ ﺍﻧﺘﻔﻀﺖ ﻛﻠﺘﻠﻪ ﻣﺎﺍﺣﻠﻒ
ﻛﺎﻟﻠﻬﺎ ﺍﺣﻠﻔﻲ ﻻ ﺍﺑﺘﻠﻲ ﺑﻴﺞ ﻭﺣﻖ ﺍﻟﻠﻪ .ﺑﺎﺑﺎ ﺩﻳﺤﺠﻲ ﻭﻳﺎﻫﺎ ﺍﻣﻬﺎ ﻃﻠﻌﺖ ﺑﺮﺓ ﻟﻠﺤﺪﻳﻘﺔ ﻭﺭﺟﻌﺖ ﺟﺎﻳﺒﺔ ﻭﻳﺎﻫﺎ ﺻﻮﻧﺪﻩ ..
ﻭﻟﺰﻣﺖ ﻫﺒﻪ ﻣﻮﺗﺘﻬﺎ ﻛﺘﻞ ﻭﻛﺒﺖ ﻋﻴﻄﺘﻬﻦ ﺑﺎﻟﺒﻴﺖ ﺍﻡ ﺣﺴﻴﻦ ﺗﻀﺮﺏ ﺑﻴﻬﺎ ﻭﺗﺠﺮ ﺍﻧﻔﺎﺳﻬﺎ ﺑﻘﻮﺓ ﻭﺍﺣﻨﺎ ﻣﻔﺰﻭﻋﻴﻦ ...
ﺗﻀﺮﺑﻬﺎ ﻭﺗﺼﻴﺢ ﻭﻟﺞ ﻓﺸﻠﺘﻴﻨﻲ ﺗﺮﺩﻳﻦ ﺗﻔﻀﺤﻴﻨﻲ ﻣﺘﺴﺘﺤﻴﻦ ﺷﻨﻮ ﻳﻜﻮﻟﻮﻥ ﻋﻨﻲ ﻣﻌﺮﻓﺖ ﺍﺭﺑﻲ ..
ﻭﺍﻣﻲ ﻭﺑﺎﺑﺎ ﻭﺻﻔﺎﺀ ﻛﻮﺓ ﺧﻠﺼﻮﺍ ﻫﺒﻪ ﻣﻦ ﺍﻣﻬﺎ ..
ﺑﻌﺪﻫﺎ ﺍﺧﺬﻫﻢ ﺻﻔﺎﺀ ﻭﻃﻠﻊ ..
ﺑﺎﺑﺎ ﺧﺰﺭ ﺍﻣﻲ ﻭﺭﺍﺡ ﺷﻐﻞ ﺍﻟﺴﻴﺎﺭﺓ ﺭﻛﻀﺖ ﻭﺭﺍﻩ ﻭﺻﻌﺪﺕ ﻭﻳﺎﻩ ﻭﺍﺑﺎﻭﻉ ﻻﻣﻲ ﺗﺮﻛﺾ ﻭﺭﺍﻩ ﺣﺘﻰ ﺑﺪﻭﻥ ﺣﺠﺎﺏ ﺑﺲ ﻣﻠﺤﻜﺖ ﺑﻴﻨﺎ ﻭﺑﺴﺮﻋﺔ ﺑﺎﺑﺎ ﺷﺨﻂ ﺍﻟﺴﻴﺎﺭﺓ ...
...
ﺯﻫﺮﺍﺀ : ﻣﻦ ﻃﻠﻊ ﺑﺎﺑﺎ ﺍﻣﻲ ﻛﺎﻟﺖ ﺍﺩﺧﻠﻮﺍ ﺟﻮﺍ ﻳﻠﻠﻪ
ﻣﺮﻳﻢ : ﻫﺎﻱ ﺷﻨﻮ ﺑﺎﺑﺎ ﻃﻠﻊ ﻭﻋﺒﻴﺮ ﻭﻳﺎﻩ ﻏﻴﺮ ﻳﺎﺧﺬﻭﻧﻲ ﻭﻳﺎﻫﻢ ..
ﺃﻣﻲ : ﺷﻨﻮ ﻟﻴﺶ ﻭﻳﻦ ﻋﺒﻴﺮ ؟
ﻣﺮﻳﻢ : ﻭﻳﺎ ﻫﻮ ﺷﻐﻞ ﺍﻟﺴﻴﺎﺭﺓ ﻭﻫﻲ ﻓﺘﺤﺖ
ﺍﻟﺒﺎﺏ ﻭﺻﻌﺪﺕ ..
ﺃﻣﻲ ﺿﺤﻜﺖ ﻛﺎﻟﺖ ﻳﺎ ﻭﻻ ﺍﻧﺘﺒﻬﺖ ﺍﻟﻬﺎ ﺑﺲ ﻫﻲ ﻫﺎﻱ
ﺩﻭﻣﻬﺎ ﻭﻳﻦ ﻣﻴﺮﻭﺡ ﺍﺑﻮﻫﺎ ﻫﻲ ﻭﻳﺎ ﻻﺗﻌﺮﻑ ﺃﺑﻮﻫﺎ
ﺿﺎﻳﺞ ﻻ ﺷﻲ ﺑﺎﻟﻠﻪ ﻫﺴﻪ ﺍﺫﺍ ﺭﺍﺡ ﻟﻠﻜﻬﻮﺓ ﻫﻲ ﻫﻢ ﻭﻳﺎﻩ ﺣﺮﺍﻡ ﻭﻟﺪ ﻣﻮ ﺑﻨﻴﺔ ﻣﺨﻠﻔﻪ ﺍﻧﻲ ..
ﺩﺧﻠﻨﺎ ﺟﻮﺍ ﻛﻠﺘﻠﻬﺎ ﻣﺎﻣﺎ ﺍﺭﺗﺎﺣﻲ ﺍﻧﻲ ﺍﺳﻮﻱ ﻋﺸﺎﺀ
ﻛﺎﻟﺖ ﻫﻮ ﻣﻨﻮ ﺑﺤﺎﻝ ﺍﻟﻌﺸﺎﺀ ﺍﻧﻲ ﺍﺩﺭﻱ ﺍﺑﻮﺝ ﻭﻳﻦ ﺭﺍﺡ
ﻫﺴﻪ ..
ﻛﻠﺘﻠﻬﺎ ﺍﻫﺪﺃﻱ ﻟﻴﺮﺗﻔﻊ ﺍﻟﺴﻜﺮ ﻓﺪﻭﺓ ﻳﻌﻨﻲ
ﻭﻳﻦ ﻳﺮﻭﺡ ﺍﻛﻴﺪ ﻳﺮﺟﻊ ﻟﻠﺒﻴﺖ ﻫﺎﻱ ﻋﺒﻴﺮ ﻟﻮﺗﻴﺔ
ﺭﺍﺣﺖ ﻭﻳﺎﻩ ﺣﺘﻰ ﺗﺠﺒﺮﻩ ﻳﺮﺟﻊ ﻟﻠﺒﻴﺖ
ﺃﻣﻲ ﺑﺎﻭﻋﺘﻠﻲ ﻭﺻﻔﻨﺖ ﺑﻮﺟﻬﻲ ﻛﺎﻟﺖ ﻳﺎﺍﺍﺍ ﺻﻠﻮﺍﺕ
ﻭﺍﻟﻠﻪ ﺯﻳﻦ ﻃﻠﻌﺘﻲ ﺗﻔﻜﺮﻳﻦ ﻭﻋﻨﺪﺝ ﻋﻘﻞ ﻋﺒﺎﻟﻲ
ﺛﻮﺭ ﺃﺻﻠﻲ ﻟﻌﺪ ﺷﺒﻴﺞ ﻣﺎﻃﻠﻌﺘﻲ ﻣﺜﻠﻬﺎ ﻭﻣﺜﻞ
ﺗﻔﻜﻴﺮﻫﺎ ﺷﻮﻓﻴﻬﺎ ﺷﻠﻮﻥ ﺻﻌﺪﺕ ﻭﻳﺎ ﺍﺑﻮﻫﺎ ﻭﻫﻮ
ﺑﻘﻤﺔ ﻋﺼﺒﻴﺘﻪ ﻻ ﺧﺎﻓﺖ ﺧﺎﻑ ﻳﻀﺮﺑﻬﺎ ﻭﻻ ﺷﻲ
ﻛﻞ ﻫﻤﻬﺎ ﺳﻌﺎﺩﺓ ﺍﻣﻬﺎ ﻭﺃﺑﻮﻫﺎ ﺍﻻ ﺍﻧﺘﻲ ﺭﺑﻴﺘﻴﻠﻲ
ﻋﻠﺔ ﺗﺎﻟﻴﺘﻲ ﺃﻣﻮﺕ ﻧﺎﻗﺼﺔ ﻋﻤﺮ ﺑﺴﺒﺒﺞ ﺍﻣﺸﻲ ﻭﻟﻲ
ﻣﻦ ﻭﺟﻬﻲ ...
ﺩﺍﺍﺭﻭﺡ ﻛﺎﻟﺖ ﺍﻭﻛﻔﻲ ﺟﻴﺒﻴﻠﻲ ﺍﻟﻤﻮﺑﺎﻳﻞ
ﺧﻠﻲ ﺍﺧﺎﺑﺮ ﺑﻠﻜﻲ ﻋﺒﻴﺮ ﻣﺎﺧﺬﻩ ﻣﻮﺑﺎﻳﻠﻜﻢ ﻭﻳﺎﻫﺎ
ﺭﺣﺖ ﺟﺒﺘﻠﻬﺎ ﺍﻟﻔﻮﻥ ﺩﻛﺖ ﻃﻠﻊ ﺻﺪﻙ ﻋﻨﺪ ﻋﺒﻴﺮ ...
ﻓﺘﺤﺖ ﺍﻣﻲ ﺳﺒﻴﻜﺮ ﻭﺗﺤﺠﻲ ﻭﻫﻲ ﻣﺘﻤﺪﺩﻩ
ﻛﻠﺘﻠﻬﺎ ﺃﻣﻲ ﻫﺎ ﺣﺒﻴﺒﺘﻲ ﺍﻧﺘﻮﺍ ﻭﻳﻦ؟
ﻋﺒﻴﺮ : ﺗﻜﻮﻟﻬﺎ ﺍﻭﻛﻔﻲ ﻗﺒﻞ ﻻ ﺍﻛﻮﻟﺞ ﺍﺣﻨﻪ ﻭﻳﻦ ﺑﺮﺑﺞ ﺷﻠﻮﻥ ﺧﻄﻮﺓ ﻣﻦ ﻋﺒﻮﺩ ﺍﺧﺬﺕ ﺍﻟﻤﻮﺑﺎﻳﻞ ﻻﻥ ﺍﻋﺮﻑ ﺑﺎﺑﺎ
ﻣﻴﺠﺎﻭﺑﺞ ﻭﻋﻠﻴﻪ ﻣﻦ ﺍﺟﻲ ﺗﻨﻄﻴﻨﻲ ﻓﻠﻮﺱ ﺧﻮﺵ
ﺍﻡ ﺍﻟﺴﻮﺱ؟
ﺃﻣﻲ ﺿﺤﻜﺖ ﻛﻠﺘﻠﻬﺎ ﻭﻟﺞ ﺍﻧﺘﻲ ﺷﻨﻮ ﻣﺘﺸﺒﻌﻴﻦ
ﻛﻠﺘﻠﻬﺎ ﻣﻦ ﺑﻨﺘﺞ ﺯﻫﺮﺍﺀ ﺗﺸﺒﻊ ﺑﺠﻲ ﺍﻧﻲ
ﺍﺷﺒﻊ ﻣﻦ ﺍﻟﻔﻠﻮﺱ ﺣﺒﻴﺒﺎﺗﻲ ﺫﻧﻲ ﺍﻟﻤﻬﻢ ﻟﺘﻐﻴﺮﻳﻦ
ﺍﻟﻤﻮﺿﻮﻉ ﺑﻌﺪ ﺭﻭﺣﻲ ﺣﻀﺮﻳﻠﻲ ﻓﻠﻮﺱ ..
ﺍﻣﻲ : ﺻﺎﺭ ﺑﺲ ﻣﻜﻠﺘﻴﻠﻲ ﻫﺴﻪ ﺍﻧﺘﻮﺍ ﻭﻳﻦ؟
ﻋﺒﻴﺮ : ﻭﺍﻟﻠﻪ ﻳﺎ ﻳﻮﻡ ﺍﻭﻝ ﺷﻲ ﻛﻮﻟﻴﻠﻲ ﺷﻠﻮﻧﻪ ﺳﻜﺮﺝ
ﺍﻣﻲ : ﺗﺤﺠﻴﻦ ﻟﻮ ﺷﻠﻮﻥ ؟
ﻋﺒﻴﺮ : ﻫﺴﻪ ﺩﺟﺎﻭﺑﻲ ﻣﻮ ﺍﺧﺎﻑ ﻋﻠﻴﺞ
ﺃﻣﻲ : ﺯﻳﻦ ﻋﺒﻴﺮ ﺑﺴﻴﻄﺔ ﺍﻧﻲ ﺍﻋﻠﻤﺞ ..
ﻋﺒﻴﺮ : ﻳﻠﻪ ﻳﻠﻪ ﺣﺠﺎﻭﺑﺞ ﺍﺣﻨﻪ ﺑﺎﻟﻜﻬﻮﺓ ﻭﺑﺎﺑﺎ ﻛﻌﺪ ﻳﻠﻌﺐ ﻃﺎﻭﻟﻲ ﻭﺩﻭﻣﻨﻪ ﻭﺍﺑﺸﺮﺝ ﺗﻌﻠﻤﺖ ﺍﻟﻌﺐ ﺩﻭﻣﻨﻪ ﻭﻃﺎﻭﻟﻲ
ﻋﺒﻮﺩ ﺻﺎﺭ ﻭﻟﺪ ﺑﺄﺣﺘﺮﺍﻑ ..
ﺿﺤﻜﺖ ﺍﻣﻲ ﺣﺴﻴﺖ ﺑﻴﻬﺎ ﻣﻔﺘﺨﺮﺓ ﺑﻌﺒﻴﺮ ﺍﻻ ﺍﻧﻲ ﺟﺎﻳﺒﺘﻠﻬﺎ ﺷﻠﻌﺎﻥ ﺍﻟﻘﻠﺐ ﻓﻮﻙ ﻣﺎﻫﻲ ﻣﺮﻳﻀﻪ ﺳﻮﺩﺓ ﻋﻠﻴﻪ
ﻭﺍﻟﻠﻪ ﺳﺎﻋﺎﺕ ﺍﺿﻮﺝ ﻣﻦ ﻋﺒﻴﺮ ﺍﺷﻮﻓﻬﺎ ﺷﻠﻮﻥ
ﻗﻮﻳﺔ ﻭﺗﺎﺧﺬ ﺣﻘﻬﺎ ﻭﺣﻘﻨﺎ ﻭﻣﻦ ﺗﺼﻴﺮ ﻣﺸﻜﻠﻪ
ﺷﻠﻮﻥ ﺗﻜﻠﺐ ﺟﻮ ﺍﻟﺒﻴﺖ ﻣﻦ ﺗﺸﻨﺞ ﺍﻟﻰ ﻫﺪﻭﺀ ﻣﻦ
ﺣﻘﻬﺎ ﺍﻣﻲ ﺗﻔﺘﺨﺮ ﺑﻴﻬﺎ ﻛﻞ ﻫﺬﺍ ﻭﻫﻲ ﻋﻤﺮﻫﺎ ١٣
ﻭﺍﻧﻲ ﻋﻮﺩ ﺧﺎﻣﺲ ﺍﻋﺪﺍﺩﻱ ﻉ ﻛﻮﻟﺖ ﻣﺎﻣﺎ ﺛﻮﺭ ﻉ
ﺍﻗﻞ ﺷﻲ ﻭﻛﻌﺪﺕ ﺍﺑﺠﻲ ﺑﻜﻮﻟﺸﻲ ﻣﻔﺎﻟﺤﻪ ﻋﺎﺩ
ﻫﻤﺰﻳﻦ ﻓﺎﻟﺤﻪ ﺑﺎﻟﺪﺭﺍﺳﺔ ﺍﻟﺤﻤﺪﻟﻠﻪ ﻧﻌﻤﻪ ...
ﺍﻧﺘﺒﻬﺖ ﻣﻦ ﺻﻔﻨﺘﻲ ﺍﻣﻲ ﺩﺗﻀﺤﻚ ﻛﺎﻟﺖ ﻭﺍﻟﻠﻪ
ﻫﺎﻟﺒﻨﻴﺔ ﺍﻟﻠﻪ ﺍﻧﻄﺎﻧﻴﻬﺎ ﺗﻌﻮﻳﺾ ﻭﺑﺎﺳﺖ ﺍﻳﺪﻫﺎ ﻭﺣﻄﺘﻬﺎ ﻉ ﻛﺼﺘﻬﺎ ﻭﻛﺎﻣﺖ ﺭﺍﺣﺖ ﺗﺘﻮﺿﻰ ﻭﺍﻧﻲ
ﻫﻢ ﺗﺒﻌﺘﻬﺎ ﻭﺻﺤﺖ ﻣﺮﻳﻢ ﺣﺘﻰ ﺗﺼﻠﻲ ﻫﻢ ...
ﻋﺒﻴﺮ : ﻣﻦ ﺷﻔﺖ ﺑﺎﺑﺎ ﻃﻠﻊ ﻋﺮﻓﺖ ﺍﺫﺍ ﻃﻠﻊ ﻭﺍﻣﻲ
ﺷﻜﺖ ﺑﻲ ﺍﻟﻮﺿﻊ ﺣﻴﺼﻴﺮ ﻣﺘﺄﺯﻡ ﺑﻴﻨﺎﺗﻬﻢ ﻛﻠﺖ
ﺧﻠﻲ ﺍﺭﻭﺡ ﻭﻳﺎﻩ ﻭﺍﺫﺍ ﺿﺮﺑﻨﻲ ﻫﻮ ﺷﻮﻳﻪ ﺍﺗﺄﺫﻯ
ﻭﺑﻌﺪﻳﻦ ﻳﺮﻭﺡ ﺍﻻﻟﻢ ...
ﺑﺲ ﺍﻫﻢ ﺷﻲ ﻣﻴﺼﻴﺮ ﺯﻋﻞ ﺑﻴﻨﺎﺗﻬﻢ
ﻓﺘﺤﺖ ﺑﺎﺏ ﺍﻟﺼﺪﺭ ﻭﺻﻌﺪﺕ ﺑﺎﺑﺎ ﺑﺎﻭﻋﻠﻲ ﻭﺧﺰﺭﻧﻲ
ﻭﺍﺷﺮﻟﻲ ﺑﺤﻮﺍﺟﺒﻪ ﻳﻌﻨﻲ ﺍﻧﺰﻟﻲ ﺑﺲ ﺍﻧﻲ ﺻﻔﻄﺖ
ﺍﺩﻳﻪ ﻭﻫﻢ ﺍﺷﺮﺗﻠﻪ ﺑﺤﻮﺍﺟﺒﻲ ﻋﻮﺩ ﺍﻃﻠﻊ ﻫﺰ ﺭﺍﺳﻪ
ﻭﻃﻠﻌﻨﺎ ﻇﻞ ﻳﻤﺸﻲ ﺍﺑﺎﻭﻉ ﺑﻐﺪﺍﺩ ﺭﻏﻢ ﺣﺰﻧﻬﺎ ﺍﻻ
ﺍﻥ ﻫﻲ ﺗﺠﻨﻦ ﺍﻧﻲ ﻣﻦ ﺻﻐﺮﻱ ﺍﺣﺐ ﺑﻐﺪﺍﺩ ﺑﺎﺑﺎ
ﻳﺴﻮﻕ ﺳﺮﻳﻊ ﻭﺍﻧﻲ ﻣﻄﻠﻌﻪ ﺭﺍﺳﻲ ﻣﻦ ﺍﻟﺠﺎﻣﻪ ﻭﺍﺑﺎﻭﻉ
ﻉ ﺷﻮﺍﺭﻉ ﺑﻐﺪﺍﺩ ﻭﺍﺳﺘﻨﺸﻖ ﻫﻮﺍﺀ ﺑﻘﻮﺓ ﻭﺑﻌﺪﻳﻦ
ﺍﺯﻓﺮﻩ ..
ﺑﺎﺑﺎ ﻛﺎﻝ ﻃﺒﺒﻲ ﺭﺍﺳﺞ ﺍﺟﻪ ﺭﺗﻞ ﺍﻣﺮﻳﻜﻲ ﻟﻴﻀﺮﺑﻮﺝ ﻛﻌﺪﺕ ﻋﺪﻝ ﺩﺭﺕ ﻭﺟﻬﻲ ﻉ ﺑﺎﺑﺎ ..
ﻛﻠﺘﻠﻪ ﺑﺎﺑﺎ ﺧﻠﻲ ﺍﺣﺠﻲ ﻭﻳﺎﻙ
ﻛﺎﻝ ﻣﺘﺤﺠﻴﻦ ﻻﺯﻡ ﺣﻠﻜﺞ ﺍﻧﻲ ﺑﻌﺪﻳﻦ ﺗﻌﺎﻟﻲ ﺍﻛﻮﻟﺞ ﺷﻨﻮ ﻟﺰﻛﻪ ﺍﻧﺘﻲ ﺷﻔﺘﻲ ﻭﺍﺣﺪ ﻃﻠﻊ ﺷﻜﻮ ﺗﺤﻄﻴﻦ ﺭﻭﺣﺞ ﺑﺎﻟﻨﺺ
ﺑﺎﻟﻠﻪ ﺍﻧﻲ ﻋﺎﻗﻞ ﻟﻮ ﻭﺍﺣﺪ ﻏﻴﺮﻱ ﻳﻀﺮﺑﺞ ..
ﻛﻠﺘﻠﻪ ﻫﻮ ﺍﻧﻲ ﺍﻋﺮﻑ ﺍﻧﺖ ﻣﺘﻀﺮﺑﻨﻲ ﻓﺼﻌﺪﺕ ﻫﺴﻪ ﺧﻠﻲ ﺍﺣﺠﻲ
ﻛﺎﻝ ﺍﺣﺠﻲ ﺑﻮﻳﻪ
ﻛﻠﺘﻠﻪ ﺷﻮﻑ ﺑﺎﺑﺎ ﺃﻣﻲ ﺗﺤﺒﻚ ﻭﻫﻲ ﺣﺘﻰ ﻣﻜﻠﺘﻠﻚ ﺧﻨﺘﻨﻲ ﻭﻣﻦ ﻫﺬﺍ ﺍﻟﺤﺠﻲ
ﻫﻲ ﺑﺲ ﺳﺄﻟﺘﻚ ﻭﺑﻌﺪﻳﻦ ﺍﺣﻨﻪ ﻧﺤﺒﻜﻢ ﻳﻌﻨﻲ ﻣﻦ
ﺗﺘﻌﺎﺭﻛﻮﻥ ﺍﺣﻨﻪ ﻧﻀﻮﺝ ﻭﻫﺴﻪ ﺍﻡ ﺍﻟﺴﻮﺱ ﺗﻠﻜﺎﻫﺎ
ﻣﺮﺗﻔﻊ ﺳﻜﺮﻫﺎ ﻭﺿﻴﻒ ﻉ ﻫﺬﺍ ﻛﻠﻪ ﺍﻧﺖ ﻫﺴﻪ ﺗﺠﻮﻉ
ﻭﻣﺘﺤﺐ ﺗﺎﻛﻞ ﺑﺮﺍ ﻳﻼ ﺑﺎﺑﺎ ﺍﻟﻌﻦ ﺍﻟﺸﻴﻄﺎﻥ ﻭﺧﻠﻲ
ﻧﺮﺟﻊ ﻟﻠﺒﻴﺖ ...
ﻛﺎﻝ ﻭﻟﺞ ﺍﻧﺘﻲ ﺷﻮﻛﺖ ﻛﺒﺮﺗﻲ ﻣﻨﻮ ﻋﻠﻤﺞ ﻫﺎﻟﺤﺠﻲ
ﺑﺎﻭﻋﺘﻠﻪ ﻭﻋﺪﻟﺖ ﻳﺎﺧﺘﻲ ﻭﻫﺰﻳﺖ ﺭﺍﺳﻲ
_ ﺗﺮﺑﻴﺘﻚ ﺣﺒﻴﺒﻲ ﺗﺮﺑﻴﺘﻚ ..
ﺿﺤﻚ ﻭﺑﻌﺪﻳﻦ ﺭﺍﺡ ﺑﺎﺑﺎ ﻟﻠﺤﺪﻳﻘﻪ ﺍﻟﻌﺎﻣﻪ ﻭﺧﺎﺑﺮ ﺟﻤﺎﻋﺘﻪ ﻭﺍﺟﻮﺍ ﺟﺎﺑﻮﺍ ﻃﺎﻭﻟﻲ ﻭﺩﻭﻣﻨﻪ ﻭﻛﻌﺪﺕ ﺍﺑﺎﻭﻋﻠﻬﻢ ﺷﻠﻮﻥ ﻳﻠﻌﺒﻮﻥ ﻛﻤﻠﻮﺍ
ﻗﺒﻞ ﻟﻨﺮﺟﻊ ﻟﻠﺒﻴﺖ ﺑﺎﺑﺎ ﺍﺧﺬ ﺳﻮﺍﺭ ﺫﻫﺐ ﻻﻣﻲ ﻭﺍﺷﺘﺮﻯ ﺍﻟﻴﻪ ﻭﻻﺧﻮﺍﺗﻲ ﺣﻠﻮﻳﺎﺕ ﺭﺟﻌﻨﺎ ﻟﻠﺒﻴﺖ ﻟﻜﻴﻨﺎ
ﻣﺎﻣﺎ ﻛﺎﻋﺪﻩ ﺑﺎﻟﺤﺪﻳﻘﻪ ﺑﺲ ﺷﺎﻓﺖ ﺑﺎﺑﺎ ﺍﺟﺖ ﺭﻛﺾ ﺣﻀﻨﺘﻪ .
ﻛﺎﻟﺖ : ﺍﺳﻔﻪ ﻭﺍﻟﻠﻪ ﺍﻧﻲ ﻣﺸﻜﻴﺖ ﺑﻴﻚ ﺑﺲ ﺳﺄﻟﺘﻚ ﻟﻮ ﺍﻣﻮﺕ ﻣﺎﺍﺷﻚ ﺑﻴﻚ ﺍﺷﻚ ﺑﻨﻔﺴﻲ ﻭﺍﻧﺖ ﻻ ..
ﺍﺑﺘﺴﻢ ﺑﺎﺑﺎ ﻭﺧﻠﻰ ﺍﻳﺪﻩ ﻋﻠﻰ ﺭﺍﺳﻬﺎ ﻳﻤﺴﺢ ﻋﻠﻴﻪ ﺑﺤﻨﻴﺔ
ﻛﻠﺘﻠﻬﺎ ﺍﻟﻠﻪ ﻳﺴﺎﻋﺪﺝ ﺷﻨﻮ ﺟﺎﻱ ﻣﻦ ﺍﻟﺴﻔﺮ ﻭﻭﻛﻌﺘﻴﻠﻪ ﺣﻀﻦ ﻭﺑﻮﺱ ﺯﻳﻦ ﺍﻧﻲ ﻣﻮ ﺑﻨﺘﺞ ﻭﺟﻨﺖ ﻭﻳﺎﻩ ﺗﻌﺎﻟﻲ ﺣﻀﻨﻴﻨﻲ ﺑﻮﺳﻴﻨﻲ ..
ﺑﺎﺑﺎ : ﺍﻣﺸﻲ ﻭﻟﻲ ﻭﻟﺞ ﺣﺎﻃﻪ ﻋﻴﻨﺞ ﻋﻠﻴﻨﺎ ﺍﻛﻮﻝ ﺍﻟﻴﻮﻡ
ﺗﻌﺎﺭﻛﻨﺎ ..
ﻛﻠﺘﻠﻪ : ﻫﻮ ﻣﻨﻮ ﺻﺎﻟﺤﻜﻢ ﻏﻴﺮﻱ ﻛﻠﺖ ﻟﻤﺎﻣﺎ
ﻗﺒﻞ ﻻ ﺍﻧﺎﻡ ﻭﻳﻦ ﺍﻟﻔﻠﻮﺱ ..
ﻛﺎﻟﺖ ﻉ ﺳﺮﻳﺮﺝ ﺧﻠﻴﺘﻬﻢ
ﻛﻠﺘﻠﻬﺎ ﻋﻔﻴﻪ ﺑﻨﻴﺘﻲ ﺍﻟﺤﻠﻮﺓ
ﻛﺎﻟﺖ ﺗﻌﺎﻟﻲ ﻳﺎﻧﻮﻡ ﺍﻛﻠﻲ ﻭﻧﺎﻣﻲ ﻫﺰﻳﺖ ﺭﺍﺳﻲ ﻭﺻﻌﺪﺕ ﻧﻤﺖ ﻣﻦ ﺍﻟﺘﻌﺐ ﻭﺍﻟﻔﺮﺓ ﻭﻳﺎ ﺑﺎﺑﺎ ....
ﻣﻦ ﻛﻌﺪﺕ ﻧﺰﻟﺖ ﺟﻮﺍ ﺑﺎﻭﻋﺖ ﺑﺎﻟﻤﺮﺍﻳﺔ ﻭﺟﻬﻲ ﺻﺎﻳﺮ ﺍﺣﻤﺮ ﻧﻤﺖ ﻋﻠﻰ ﺍﻳﺪﻱ ﻭﻻﺑﺴﺔ ﺳﻮﺍﺭ ﺻﺎﺭ ﺧﺪﻱ ﺍﺣﻤﺮ ﺑﺴﺒﺒﻪ ﻏﺴﻠﺖ ﺭﺣﺖ ﻟﻠﻤﻄﺒﺦ ﺷﻔﺖ ﺯﻫﺮﺍﺀ ﺻﺎﻓﻨﺔ
ﺩﺗﻐﺴﻞ ﻣﻮﺍﻋﻴﻦ ﺍﻟﺜﻮﻟﻪ ﻣﻤﻨﺘﺒﻬﻪ ﺻﺎﻓﻨﻪ ﺑﻌﺎﻟﻢ
ﺍﻟﻌﻼﺳﻪ ﺍﻗﺼﺪ ﺍﻟﺤﺐ ..
ﻃﻠﻌﺖ ﺑﺮﺗﻘﺎﻝ ﻛﺸﺮﺗﻪ ﻭﺍﺷﻤﺮ ﻛﺸﻮﺭﻩ ﻉ ﺍﻟﺴﻨﻚ
ﻭﻫﻢ ﻣﻨﺘﺒﻬﺖ ﺍﺧﻴﺮ ﺷﻲ ﻛﻠﺖ ﻫﺎﻱ
ﻣﻤﻬﺘﻤﻪ ﺷﻠﻮﻥ ﻳﺮﺑﻲ ﻛﻤﺖ ﻭﻛﻔﺖ ﻳﻤﻬﺎ ﺟﺮﻳﺘﻬﺎ ﻣﻦ
ﺍﻳﺪﻫﺎ ﻫﻲ ﻋﺼﺒﺖ ﻭﻇﻠﺖ ﺗﺼﻴﺢ ﺷﻜﻮ ﺷﻜﻮ ﺷﺒﻴﺞ ﻣﺨﺒﻠﺔ ﺻﺎﺭ ﺳﺎﻋﺔ ﺳﺎﻛﺘﺘﻠﺞ ﻫﺴﻪ ﺍﺻﻴﺢ ﻻﻣﻲ ﻋﻠﻴﺞ ..
ﻛﻠﺘﻠﻬﺎ ﺑﺲ ﺗﺼﻴﺤﻴﻬﺎ ﻭﻟﺞ ﺍﻛﻮﻝ ﻟﺒﺎﺑﺎ ﻋﻠﻴﺞ ﺍﻧﺠﺒﻲ ﻭﺍﺷﺘﻐﻠﻲ ﻋﺪﻝ ﻭﻛﻤﻠﻲ ﻭﺍﺻﻌﺪﻱ ﻧﻈﻔﻲ ﻏﺮﻓﺘﻲ ﺍﻧﻲ ﻭﻣﺮﻳﻢ ﺍﻡ ﺍﻟﺤﺐ ﺑﻜﺪ ﺍﻟﺸﺒﺮ ﻣﺎﻝ ﺍﻻﻳﺪ ﻭﺗﺤﺐ ﻋﺸﺘﻮﻭﻭ ..
ﺳﻜﺘﺖ ﻭﺩﺍﺭﺕ ﻭﺟﻬﻪ ﻭﺗﻬﺰ ﺑﺮﺍﺳﻬﺎ ﻭﺗﺠﻠﻒ ﺑﺎﻟﻄﺎﻭﺓ ﺍﻟﻲ ﺑﻴﺪﻫﺎ .. ﺗﺮﻛﺘﻬﺎ ﻭﺻﻌﺪﺕ ..
ﻟﻠﻤﻐﺮﺏ ﻧﺰﻟﺖ ﻭ ﺳﻤﻌﺖ ﺍﻟﺒﺎﺏ ﺗﻨﺪﻙ
ﻃﻠﻌﺖ ﺷﻔﺘﻪ ﻛﺮﺍﺭ ﺍﺑﻦ ﻋﻤﻮ ﻣﺤﺴﻦ .
ﻛﺘﻠﻪ ﻫﺎ ﺷﻌﻨﺪﻙ ؟
ﻓﺎﺕ ﻭﻛﺎﻝ ﺍﺑﻮﺝ ﺩﺯ ﻋﻠﻴﻪ ﺍﻧﻜﻞ ﺍﻏﺮﺍﺽ ﻟﺒﻴﺘﻜﻢ ﺍﻟﺠﺪﻳﺪ
....
ﺑﺎﻭﻉ ﺑﻮﺟﻬﻲ ﻛﺎﻝ ﻭﻟﻚ ﻋﺒﻮﺩ ﺷﻨﻮ ﻫﺬﺍ ﺧﺪﻙ ﺍﺣﻤﺮ
ﺍﺗﻤﻜﻴﺞ ؟ ﺷﻮﻛﺖ ﺻﺮﺕ ﺍﻧﺜﻰ ؟
ﻛﻠﺘﻠﻪ ﺷﺴﻮﻱ ﺷﻔﺖ ﻣﺎﻋﻨﺪﻙ ﻫﻤﻪ ﺗﻄﻠﻊ ﺷﻮﺍﺭﺏ ﺍﻧﻲ ﻗﺮﺭﺕ ﺍﺻﻴﺮ ﺍﻧﺜﻰ ...
ﻣﺎﻣﺎ ﺑﺎﻟﺤﺪﻳﻘﺔ ﺗﺒﺎﻭﻋﻠﻨﺎ ﻭﺗﻀﺤﻚ
ﻛﺎﻟﻠﻬﺎ ﻋﻤﻪ ﺷﻨﻮ ﻫﺎﻱ ﺑﻨﺘﺞ ﺷﻮ ﻛﻮﻟﺶ ﺗﺤﺘﺮﻣﻨﻲ
ﻛﻠﺘﻠﻪ ﻳﺎﻋﻤﻪ ﻫﻮ ﺍﻧﺖ ﻭﻳﺎﻫﺎ ﻋﺒﺎﻟﻚ ﺭﻭﻳﺴﻴﺔ ﻭﺫﺍﻙ ﺍﻟﻴﻮﻡ ﻣﻦ ﺗﻌﺎﺭﻛﺘﻮﺍ ﻭﺍﺟﻴﺖ ﺭﺯﻟﺘﻬﺎ ﺍﻧﺖ ﻣﻘﺒﻠﺖ ﻭﻛﻤﺖ ﺗﺪﺍﻓﻌﻠﻬﺎ ﺍﺫﺍ ﻫﺴﻪ ﺍﺣﺠﻲ ﻭﻳﺎﻫﺎ ﻫﻢ ﺗﻜﻮﻡ ﺗﺪﺍﻓﻌﻠﻬﺎ ﺍﺳﻜﺖ ﺍﺣﺴﻦ
ﻛﺎﻟﻠﻬﺎ ﺍﻱ ﺻﺢ ﻋﻤﻪ ﺍﻱ ﻭﺍﺣﺪ ﻳﻀﻮﺝ ﻋﺒﻮﺩﻱ ﺍﻧﻲ ﻣﺎﺍﻗﺒﻞ ﺗﺮﻯ ﺣﺘﻰ ﻟﻮ ﺍﻧﺘﻲ ﺑﺲ ﺍﻧﻲ ﺍﺫﺍ ﺍﺿﻮﺟﻬﺎ ﻋﺎﺩﻱ ﻻﻥ ﻫﻲ ﻭﻟﺪ ...
ﻛﻠﺘﻠﻪ ﺍﻧﻲ ﻭﻟﺪ ﻭﺍﻧﺖ ﺷﻨﻮ ﺷﻮ ﺍﻧﺖ ﻣﺘﺤﺘﺮﻡ ﻭﺗﺮﻳﺪ ﺍﺣﺘﺮﻣﻚ ؟ ....
ﻛﺎﻝ ﺟﻴﺒﻲ ﺍﻟﻜﺘﺐ ﺍﻟﻲ ﺍﺑﻮﺝ ﻳﺮﻳﺪ ﺍﻧﻘﻠﻬﻢ ﻟﺒﻴﺘﻜﻢ ﺍﻟﺠﺪﻳﺪ ﻭﺗﻌﺎﻟﻲ ﺭﺣﺖ ﺍﺭﻳﺪ ﻭﺍﺩﻳﻬﻢ ﺍﻟﻪ ﻟﻜﻴﺖ
ﺯﻫﺮﺍﺀ ﺩﺗﺠﻠﻒ ﺑﺎﻟﺤﻤﺎﻡ ..
ﻛﻠﺘﻠﻬﺎ ﻭﻟﺞ ﻏﺒﻴﺔ ﺗﺮﻯ ﻣﻴﺼﻴﺮ ﺗﻨﻈﻔﻴﻦ ﺍﻟﺤﻤﺎﻡ ﺍﻟﻤﻐﺮﺏ ﻳﺼﻴﺮ ﺑﻴﺞ ﺟﻨﻲ ﻭﺍﻧﺘﻲ ﻣﻨﺎ ﻣﻘﺎﺻﺮﺓ ﻣﻦ ﻏﻴﺮ ﺷﻲ ﺭﺍﻛﺒﺞ ﺟﻨﻲ ﻛﻮﻣﻲ ﺗﻮﺿﻲ ﻭﺍﻗﺮﻱ ﻗﺮﺃﻥ ﺑﻠﻜﻲ ﺍﻟﻠﻪ ﻳﻬﺪﻳﺞ ﻭﺗﺒﻄﻠﻴﻦ ﺑﺠﻲ ﻉ ﺍﻟﻤﺮﺣﻮﻡ ..
ﻛﺎﻟﺖ ﻣﻮ ﺑﺎﺟﺮ ﺭﺍﺡ ﻧﺨﻠﺺ ﻧﻘﻞ ﻛﻞ ﺍﻻﻏﺮﺍﺽ ﺧﻮ ﻣﺎﻧﺴﻠﻢ ﺍﻟﺒﻴﺖ ﺍﻟﻬﻢ ﻫﻴﺠﻲ ..
ﻛﺘﻠﻬﺎ ﻫﺎ ﺍﻱ ﺻﺤﻴﺢ ﻭﻃﻔﺮﺕ ﺟﺒﺖ ﺍﻟﻜﺘﺐ ﻭﻃﻠﻌﺘﻬﻢ ﻟﻜﺮﺍﺭ ﻭﻓﺘﺖ ﺟﻮﺓ ﻟﻜﻴﺖ ﺳﺖ ﺯﻫﺮﺍﺀ ﺻﺪﻙ ﺩﺗﻘﺮﺃ ﻗﺮﺃﻥ
ﺍﻟﺤﻤﺪﻟﻠﻪ ﻛﻼﻣﻲ ﺟﺎﺏ ﻧﺘﻴﺠﻪ ..
ﻭﻧﻘﻠﻨﺎ ﻛﻞ ﺍﻏﺮﺍﺿﻨﺎ ﻟﻠﺒﻴﺖ ﺍﻟﺠﺪﻳﺪ ﺍﻟﻲ ﺑﺼﻒ ﺑﻴﺖ ﻋﻤﻮ ﺍﺑﻮ ﺻﻔﺎﺀ ﻭﺭﺣﻨﺎ ﻟﻬﻨﺎﻙ ﻭﺳﻠﻤﻨﺎ ﺍﻟﺒﻴﺖ ﻟﺼﺎﺣﺒﻪ ﺍﻻﺻﻠﻲ ..
ﻭﺍﺳﺘﻘﺮﻳﻨﺎ ﺑﻲ ﻭﺳﺠﻠﻨﺎ ﺑﻤﺪﺍﺭﺱ ﺟﺪﻳﺪﺓ ..
ﻭﺑﻴﻮﻡ ﺑﺎﺑﺎ ﻛﺎﻝ ﺭﺍﺡ ﻳﺠﻲ ﻋﻤﻜﻢ ﺍﺑﻮ ﺻﻔﺎﺀ ﻭﺻﻔﺎﺀ
ﻭﻳﺎ ﻫﻢ .. ﻭﺯﻫﺮﺍﺀ ﻛﺎﻟﻌﺎﺩﺓ ﻣﻦ ﺗﺴﻤﻊ ﺑﺄﺳﻢ ﺑﻴﺖ ﻋﻤﻮ
ﺍﺑﻮ ﺻﻔﺎﺀ ﺗﻨﺨﺒﺺ ﻭﻛﺄﻥ ﻫﻲ ﺧﻄﻴﺒﺔ ﺻﻔﺎﺀ ﻣﻮ ﺍﺳﺮﺍﺀ ...
ﻛﺎﻣﺖ ﺣﻀﺮﺕ ﺿﻴﺎﻓﻪ ﻭﻋﺪﻟﺖ ﻧﻔﺴﻬﺎ ﻭﻛﻌﺪﺕ ﺑﺎﻟﺤﺪﻳﻘﻪ ﺣﺘﻰ ﺍﺫﺍ ﺍﻧﺪﻙ ﺍﻟﺒﺎﺏ ﻫﻲ ﺗﻄﻠﻊ ﺗﻔﺘﺤﺘﻪ ﻣﻮ ﺍﺣﺪ ﻏﻴﺮﻫﺎ ﻻﻥ ﻋﺮﻓﺖ ﺻﻔﺎﺀ ﺣﻴﺠﻲ ...
ﺃﻣﻲ ﺷﺎﻓﺖ ﺯﻫﺮﺍﺀ ﺑﺎﻟﺤﺪﻳﻘﻪ ﻇﻠﻴﺖ ﺗﻌﻴﻂ ﺑﻴﻬﺎ
ﻭﺩﺧﻠﺘﻬﺎ ﻏﺼﺐ ﻟﻠﻐﺮﻓﻪ ﺑﻬﺎﻟﻠﺤﻈﻪ ﺍﻣﻲ ﺩﻙ ﻣﻮﺑﺎﻳﻠﻬﺎ ﻭﺍﻟﻤﺘﺼﻠﺔ ﺧﺎﻟﺘﻲ ﻭﺩﻙ ﺳﻮﺍﻟﻒ ..
ﺯﻫﺮﺍﺀ ﺍﺳﺘﻐﻠﺖ ﻓﺮﺻﺔ ﺍﻧﺸﻐﺎﻝ ﺍﻣﻲ ﻃﻔﺮﺕ ﻟﻠﺤﺪﻳﻘﻪ
ﺳﻤﻌﺖ ﺻﻮﺕ ﺍﻟﺠﺮﺱ ﺭﻛﻀﺖ ﺍﻃﻞ ﻉ ﺍﻟﺤﺪﻳﻘﺔ ﻣﻦ ﺷﺒﺎﻙ ﺍﻟﻤﻄﺒﺦ ..
ﺷﻔﺖ ﺯﻫﺮﺍﺀ ﻃﻠﻌﺖ ﺗﺮﻛﺾ ﻣﻦ ﺩﺗﺮﻛﺾ ﺯﻟﻜﺖ ﻭﻭﻛﻌﺖ ﻉ ﻭﺟﻬﻪ ﺑﺲ ﺷﻔﺘﻬﺎ ﺑﻬﺬﻩ ﺍﻟﺤﺎﻟﺔ ﻃﻠﻌﺖ ﺍﺭﻛﺾ
ﻧﺴﻴﺖ ﺣﺘﻰ ﺍﻟﺠﺮﺱ ..
ﺩﻧﻜﺖ ﻳﻤﻬﺎ ﻛﻠﺘﻠﻬﺎ ﺣﻴﻴﻴﻴﻴﻞ ﻋﺴﺎﺝ ﻻ ﻛﻤﺘﻲ ﻭﻟﺞ ﺑﺲ ﻓﻬﻤﻴﻨﻲ ﺍﻧﺘﻲ ﺷﻨﻮ ﻣﻦ ﺑﺸﺮ ﺍﻭ ﺍﻛﻮﻟﺞ ﻣﺎﺍﺭﺯﻟﺞ ﺍﻭﻛﻔﻲ ﺧﻠﻲ ﺍﻃﻚ ﺍﺻﺒﻌﺘﻴﻦ ﻭﺍﺭﻛﺺ .. ﺍﻣﺞ ﺩﺗﺨﺎﺑﺮ ﻣﺘﺸﻮﻓﻨﻲ ﻫﺰﻳﺘﻠﻬﺎ ﺧﺼﺮ ..
ﻣﻤﻬﺘﻤﺔ ﻇﻠﺖ ﺗﻨﻜﺖ ﺑﻤﻼﺑﺴﻬﺎ ﻭﺗﻌﺪﻝ ﺑﺸﻌﺮﻫﺎ ..
ﻛﻠﺘﻠﻬﺎ ﺧﺮﺭﺭﺭﺏ ﺣﻈﺞ ﻫﺴﻪ ﻫﻮ ﻣﻨﺎ ﺧﺎﻃﺐ
ﻭﻣﻨﺎ ﺍﻧﺘﻲ ﺣﺘﻤﻮﺗﻴﻦ ﻧﻔﺴﺞ ﻋﻠﻴﻪ ﻭﺍﻧﻮﺏ ﻭﻛﻌﺘﻲ
ﺍﻧﻲ ﻣﻨﺞ ﺍﻧﺘﺤﺮ ﻫﺎﻱ ﻣﻮ ﻋﻴﺸﺔ ﺗﺮﻯ ...
ﻫﻲ ﻛﺎﻣﺖ ﺩﻓﻌﺘﻨﻲ ﻭﻻ ﺍﻫﺘﻤﺖ ﻟﻠﺮﺯﺍﻟﻪ ﻭﻃﻠﻌﺖ ﺩﺗﻔﺘﺢ ﺑﺲ ﺍﻧﺘﺒﻬﺖ ﺗﺮﺍﻛﻬﺎ ﺍﻧﺸﻚ ﻣﻦ ﻳﻢ ﺭﻛﺒﺘﻪ ﻋﻠﻰ ﺍﺛﺮ ﺍﻟﻮﻛﻌﺔ ..
ﺻﺤﺖ ﻋﻠﻴﻬﺎ ﻭﻟﺞ ﻭﺟﻬﺞ ﻣﺠﺮﻭﺡ ﻭﺍﻧﻮﺏ ﺗﺮﺍﻛﺞ ﻣﺸﻜﻮﻙ ﻓﻀﺤﺘﻨﻴﺎ ﺍﻣﺸﻲ ﻓﻮﺗﻲ ﺟﻮﺍ ﻋﻄﺖ ﺑﻴﻬﺎ ..
ﻫﻲ ﺍﻧﺘﺒﻬﺖ ﻋﻠﻰ ﻧﻔﺴﻬﺎ ﺷﺎﻟﺘﻬﺎ ﺭﻛﻀﻪ ﻭﻛﺒﻞ ﻟﻠﺒﻴﺖ
ﻋﺎﺩ ﺍﻧﻲ ﻫﻨﺎ ﺣﺴﻴﺖ ﻧﻔﺴﻲ ﺍﻻﺥ ﺍﻟﺴﺒﻊ ﻋﺪﻟﺖ
ﻳﺎﺧﺘﻲ ﻭﻃﻠﻌﺖ ﻟﻠﺒﺎﺏ ..
ﻓﺘﺤﺘﻪ ﻭﺑﻮﺳﺖ ﻋﻤﻮ ﻭﺻﻔﺎﺀ ﻭﺩﺧﻠﺘﻬﻢ ﻭﺻﺤﺖ ﺑﺎﺑﺎ ﻇﻠﻮﺍ ﻳﺤﺠﻮﻥ ﺑﺎﻟﺴﻴﺎﺳﻪ ﻭﺍﻣﻲ ﻫﻢ ﺍﺳﺘﻐﻠﺖ ﺍﻟﻮﺿﻊ ﺧﻠﺖ ﺯﻫﺮﺍﺀ ﺗﺴﻮﻱ ﻋﺸﺎﺀ ﺣﺘﻰ ﻣﺘﻜﻌﺪ ﻳﻢ ﻋﻤﻮ ﻭﺻﻔﺎﺀ
ﺑﻌﺪﻳﻦ ﻋﻤﻮ ﻛﺎﻝ ﻟﺒﺎﺑﺎ : ﺍﺑﻮ ﺯﻫﺮﺍﺀ ﺍﻧﻲ ﺟﺎﻱ ﻋﻠﻴﻚ ﺍﺭﻳﺪﻙ ﺗﺮﻭﺡ ﻭﻳﺎﻳﻪ ﻟﺒﻴﺖ ﺃﺑﻮ ﻏﻴﺚ ( ﺍﻟﻲ ﻫﻢ ﻧﻔﺴﻬﻢ ﺍﻫﻞ ﺍﺳﺮﺍﺀ ) ﻫﺬﺍ ﻗﺎﻓﻞ ﻣﻴﻘﺒﻞ ﻳﻌﻘﺪﻭﻥ ﻫﺴﻪ ﻭﺍﺑﻦ ﺍﺧﻮﻙ ﻣﺴﺘﻌﺠﻞ ﻉ ﺍﻟﺰﻭﺍﺝ ﻭﺍﻧﺖ ﺍﻟﻚ ﺗﺄﺛﻴﺮ ﻋﻠﻴﻪ ﺗﻜﺪﺭ ﺗﺠﻲ ﻭﻳﺎﻳﻪ ﻫﺴﻪ ﻧﺮﻭﺡ ﻧﺤﺠﻲ ﻭﻳﺎﻩ ﺑﻠﻜﻲ ﻳﻘﺘﻨﻊ ﺍﻧﻲ ﻣﺎﺍﻋﺮﻑ ﻟﻴﺶ - ﻗﺒﻞ
ﺧﻄﻮﺑﻪ ﺑﺪﻭﻥ ﻋﻘﺪ ﻫﺬﺍ ﺍﻟﺮﺟﺎﻝ ﻳﻤﺸﻲ ﻋﻜﺲ
ﺍﻟﻌﺎﻟﻢ ..
ﺑﺎﺑﺎ : ﺗﺪﻟﻞ ﺷﻮﻛﺖ ﻣﻴﺼﻴﺮ ﺍﻧﻲ ﺣﺎﺿﺮ ﻭﺍﺭﻭﺡ ﻭﻳﺎﻛﻢ
ﻭﻣﺎﻧﺴﻤﻊ ﺍﻟﻪ ﺻﻮﺕ ﺷﻲ ﻳﺘﻜﺴﺮ ﺑﺎﻟﻤﻄﺒﺦ
ﻭﺻﻮﺕ ﺯﻫﺮﺍﺀ ﻭﻫﻴﻪ ﺗﺘﺄﻟﻢ ﻭﺗﺼﻴﺢ ﻋﻠﻰ ﻣﺎﻣﺎ ..
ﺭﻛﺾ ﺑﺎﺑﺎ ﻭﺍﺣﻨﺎ ﻛﻠﻨﺎ ﻭﺭﺣﻨﺎ ﻭﺭﺍﻩ ﺍﻧﻲ
ﻟﻜﻴﻨﺎﻫﺎ ﻣﺠﺮﻭﺣﻪ ﻣﻦ ﻛﻒ ﺍﻳﺪﻫﺎ ﻭﺟﺮﺡ ﻋﻤﻴﻖ ﻛﻠﺶ ﻭﺍﻟﺪﻡ ﻫﻮﺍﻳﻪ ..
ﺑﺎﺑﺎ ﺗﻌﺼﺐ ﻋﻠﻴﻬﺎ ﻛﺎﻟﻠﻬﺎ ﻏﻴﺮ ﺗﻨﺘﺒﻬﻴﻦ ﺍﻧﺘﻲ
ﺷﻨﻮ ﺑﺎﻟﺞ ﻭﻳﻦ ؟
ﻫﻲ ﺟﺎﻭﺑﺘﻪ ﺑﺨﺠﻞ ﻭﺧﻮﻑ ﻭﺣﻴﺮﺓ ﻛﻠﺘﻠﻪ ﺑﺎﺑﺎ ﻣﻨﺘﺒﻬﺖ ﻭﻇﻠﺖ ﺗﺒﺠﻲ ﺑﺤﺮﻛﺔ ﻭﺍﺿﺢ ﺍﻧﻮ ﺑﺠﻴﻬﺎ ﻣﻮ ﻣﻦ ﺍﻟﺠﺮﺡ ﻻ ﺑﺠﻴﻬﺎ ﻻﻥ ﻋﺮﻓﺖ ﺻﻔﺎﺀ ﻳﺮﻳﺪ ﻳﻌﻘﺪ ..
ﺑﺎﺑﺎ ﺻﺎﺡ ﺍﻡ ﺯﻫﺮﺍﺀ ﺟﻴﺒﻴﻠﻬﺎ ﺷﻲ ﺗﻠﺒﺲ
ﺗﺴﺘﺮ ﻧﻔﺴﻬﺎ ﺑﻲ ﺣﺘﻰ ﺍﺧﺬﻫﺎ ﺍﺧﻴﻂ ﺍﻳﺪﻫﺎ ..
ﻫﻲ ﺳﻤﻌﺖ ﺧﻴﺎﻁ ﺍﻳﺪ ﻭﻛﺎﻣﺖ ﺗﻜﻤﺰ ﻭﻇﻠﺖ ﺗﺼﻴﺢ ﻻ ﺑﺎﺑﺎ ﻋﻔﻴﺔ ﻫﺴﻪ ﺍﺻﻴﺮ ﺯﻳﻨﺔ ..
ﺻﻔﺎﺀ ﺟﺎﻥ ﻭﺍﻛﻒ ﻳﻤﻬﺎ ﻣﺘﺨﺼﺮ ﻭﻳﺒﺎﻭﻋﻠﻬﺎ ﺑﺸﻚ ..
ﻃﻠﻊ ﺑﺎﺑﺎ ﻭﻃﻠﻊ ﻋﻤﻮ ﻭﺍﻣﻲ ﺭﺍﺣﺖ ﺗﻠﺒﺲ ﺗﺮﻭﺡ ﻭﻳﺎﻫﻢ ﻭﺗﺠﻴﺐ ﻟﺰﻫﺮﺍﺀ ﺷﻲ ﺗﻠﺒﺴﻪ ..
ﻇﻞ ﺻﻔﺎﺀ ﻳﻔﺮ ﺍﻳﺪﻩ
ﻛﺎﻝ : ﺍﻧﻮﺏ ﻋﻠﻴﻪ ﺍﻟﺰﻋﺎﻃﻴﻂ ﻭﻟﺞ ﺍﻧﻲ ﻣﻮ ﻛﻠﺘﻠﺞ ﻟﻮ
ﺗﻤﻮﺗﻴﻦ ﻣﺎﺍﺑﺎﻭﻋﻠﺞ ﻣﻮ ﺣﺘﻰ ﺑﻴﺖ ﻋﻤﻲ ﻛﻤﺖ ﻣﺎﺍﻭﺻﻠﻪ ﺑﺴﺒﺒﺞ ﺍﻧﺘﻲ ﻣﺘﺴﺘﺤﻴﻦ ﺣﺮﺍﻣﺎﺕ ﺍﻧﺘﻲ ﺑﻨﺖ ﻋﻤﻲ ﺗﺤﺴﻴﻦ ﺑﺎﻳﻌﻪ ﺭﻭﺣﺞ ﻉ ﺍﻧﺴﺎﻥ ﻣﻴﺒﺎﻭﻋﻠﺞ ﺣﺘﻰ ﺑﻄﺮﻑ ﻋﻴﻨﻪ ﻫﺴﻪ ﺷﺤﺼﻠﺘﻲ ﻣﻦ ﺟﺮﺣﺘﻲ ﺍﻳﺪﺝ ﺷﻨﻮ ﻋﺒﺎﻟﺞ ﺍﻟﻌﻘﺪ ﺣﺘﺄﺧﺮ ﻟﻮ ﺷﻨﻮ ﻭﺍﻟﻠﻪ ﻟﻮ ﺗﻤﻮﺗﻴﻦ ﻣﺎﺍﺟﻞ ﺍﻟﻌﻘﺪ ﺑﻼ ﻛﺮﺍﻣﻪ ﻃﺎﺣﻈﺞ ...
ﻫﻴﻪ ﺑﺲ ﻛﺎﻋﺪﺓ ﺑﺎﻟﻜﺎﻉ ﺑﻤﻜﺎﻧﻬﺎ ﺭﺍﻓﻌﺔ ﺭﺍﺳﻬﺎ ﺑﺎﺗﺠﺎﻫﻪ ﺗﺒﺎﻭﻋﻠﻪ ﺑﺤﻴﺮﺓ ﻭﺍﻳﺪﻫﺎ ﻋﻠﻰ ﻛﻔﻬﺎ ﺍﻟﻤﺠﺮﻭﺡ ﻭﻋﻴﻮﻧﻬﺎ ﺗﺠﺮﻱ ﺩﻣﻊ ..
ﻋﺎﻁ ﺑﻴﻬﺎ ﻛﻮﻭﻭﻭﻣﻲ ﺍﻭﻛﻔﻲ ﻳﻼ ﺧﻠﻲ ﻧﻮﺩﻳﺞ
ﻟﻠﻤﺴﺘﺸﻔﻰ ﺷﺒﻴﺞ ﺻﺎﻓﻨﺔ ..
ﺍﺗﻘﺪﻣﺖ ﻋﻠﻴﻪ ﻛﻠﺘﻠﻪ ﺍﻧﺖ ﺻﺢ ﺍﻛﺒﺮ ﻣﻨﻲ ﻭﺧﻄﺎﺭ ﺑﻴﺘﻨﺎ ﺑﺲ ﻣﺎﺍﺳﻤﺤﻠﻚ ﺗﺮﺯﻝ ﺍﺧﺘﻲ ﻭﺗﻌﻴﻂ ﺑﻴﻬﺎ ﺍﻓﺘﻬﻤﺖ ﻟﻮﻻ
ﺷﻨﻮ ﻫﺎﻟﻤﻴﺎﻧﻪ ﻫﺎﻱ ﻭﺍﺫﺍ ﺍﺑﻦ ﻋﻤﻬﺎ ﻭﺑﻌﺪﻳﻦ ﻳﺎ ﺩﻛﺘﻮﺭ
ﺍﻟﻤﻔﺮﻭﺽ ﺍﻧﺖ ﻣﺜﻘﻒ ﻣﺘﺤﺠﻲ ﺑﻬﻴﺞ ﺍﺳﻠﻮﺏ ﻣﺎﻝ
ﻋﺮﺑﻨﭽﻴﻪ ﺗﻜﺪﺭ ﺗﻔﻬﻤﻬﺎ ﺑﺄﺳﻠﻮﺏ ﺣﻠﻮ ﻳﻠﻴﻖ ﺑﻴﻚ
ﻛﺪﻛﺘﻮﺭ ﻣﻮ ﻛﺤﻢ ..
ﺑﻌﺪﻧﻲ ﻣﻤﻜﻤﻠﻪ ﻛﻼﻣﻲ ﺟﺎﻥ ﻳﻌﻴﻂ ﺑﻴﻪ ﺷﻜﻠﺘﻲ ﻭﻟﺞ؟
ﻛﻠﺘﻠﻪ ﺍﻟﻲ ﺳﻤﻌﺘﻪ ﺍﻧﺖ ﻭﺍﺣﺪ ﻫﻤﺠﻲ ﻭﻣﺎﻣﺜﻘﻒ ﻭﺍﻧﻲ ﺑﻌﺪ ﻣﺎﺍﺳﻤﺤﻠﻚ ﻻ ﺗﺮﺯﻝ ﺍﺧﺘﻲ ﻭﻻ ﺗﺪﺧﻞ ﻟﺒﻴﺘﻨﺎ ﺍﻓﺘﻬﻤﺖ ﻟﻮﻻ ﺍﻣﺸﻲ ﺍﻃﻠﻊ ﺑﺮﺍ
ﺟﺎﻥ ﻳﻜﻮﻝ ﻭﺍﻟﻠﻪ ﻋﻤﻲ ﺧﻮﺵ ﻣﺮﺑﻲ ﺑﻨﺎﺗﻪ
ﻛﻠﺘﻠﻪ ﻧﺴﻮﺍ ﺭﺍﺳﻚ ﺍﺣﺴﻦ ﺗﺮﺑﻴﺔ ﻫﻲ ﺻﺢ ﺣﺒﺘﻚ ﺑﺲ
ﻣﺎ ﺗﺠﺮﺃﺕ ﺗﺼﺎﺭﺣﻚ ﻭﻻ ﺧﺮﺑﺖ - ﻋﻠﻴﻚ ﺍﻛﺘﻔﺖ ﺗﻜﺘﻢ
ﺑﺪﺍﺧﻠﻬﺎ ﻭﺍﺗﻤﻨﺘﻠﻚ ﺍﻟﺴﻌﺎﺩﺓ ﺍﻣﺎ ﻋﻦ ﺭﺩﻱ ﺍﻟﻚ ﻓﻬﺬﺍ
ﺭﺩ ﻉ ﺍﺳﻠﻮﺑﻚ ﺍﻟﺴﺨﻴﻒ ...
ﺧﺰﺭﻧﻲ ﺧﺰﺭﺓ ﺗﻤﻮﺕ ﺗﻘﺮﺏ ﻣﻨﻲ ﻛﺎﻝ ﺷﻨﻮ ﻫﺎﻟﺤﺠﻲ ﻭﻟﺞ
ﺟﺎﻥ ﻳﻔﻮﺕ ﺑﺎﺑﺎ ﺍﺧﺬ ﺯﻫﺮﺍﺀ ..
ﺻﻔﺎﺀ ﻛﺎﻝ ﺍﻧﺘﻈﺮﻧﻲ ﻋﻤﻮ ﺍﺭﻭﺡ ﻭﻳﺎﻙ ..
ﻭﺑﻌﺪﻩ ﺧﺎﺯﺭﻧﻲ ..
ﻛﻠﺘﻠﻪ ﺯﻫﺮﺍﺀ ﻻ ﻻ ﺻﻔﺎﺀ ﻣﻴﺤﺘﺎﺝ ﻭﺍﻟﻠﻪ ﺷﻨﻮ ﻧﺴﻴﺖ ﻗﺒﻞ ﺷﻮﻳﻪ ﺧﺎﺑﺮﺗﻚ ﺍﺳﺮﺍﺀ ﻭﻛﻠﺘﻠﻚ ﺗﻌﺎﻝ ﺍﻣﻬﺎ ﻣﺘﺨﺮﺑﻄﺔ
ﻫﻮ ﺑﻘﻰ ﺻﺎﻓﻦ ﺑﺲ ﺍﻓﺘﻬﻢ ﺍﻧﻮ ﺯﻫﺮﺍﺀ ﻣﺘﺮﻳﺪﻩ ﻳﺮﻭﺡ ﻭﻳﺎﻫﻪ ﻟﺬﺍﻙ ﺍﻟﻔﺖ ﻫﺎﻟﺤﺠﻲ ﻣﻦ ﻳﻤﻬﺎ ﻻﺑﻌﺎﺩﻩ ﻋﻨﻬﺎ ..
ﻫﻮ ﺍﻧﺤﺮﺝ ﻭﻛﺎﻝ ﻫﺎ ﺍﻱ ﺍﻱ ﺧﺎﺑﺮﺗﻨﻲ
ﻭﻇﻞ ﻳﺮﻓﻊ ﺑﺸﻌﺮﻩ ﻟﻴﻔﻮﻙ ..
ﺑﺎﺑﺎ - ﺍﺧﺬ ﺯﻫﺮﺍﺀ ﻭﺍﻣﻲ ﻭﻋﻤﻮ ﺭﺍﺡ ﻭﻳﺎﻫﻢ
ﺍﻧﻲ ﺑﺴﺮﻋﻪ ﻛﻠﺘﻠﻪ ﻳﻼ ﺻﻔﺎﺀ ﺍﺗﻔﻀﻞ ﻭﺑﻌﺪ ﺍﻱ ﺷﻲ
ﻳﺨﺺ ﺯﻭﺍﺟﻚ ﺧﺎﺑﺮ ﺑﺎﺑﺎ ﻭﻟﺘﺠﻲ ﻟﺒﻴﺖ ﺍﻧﺖ ﻣﺘﺤﺘﺮﻡ
ﺍﻫﻠﻪ ..
ﻇﻞ ﺻﺎﻓﻦ ﺑﻮﺟﻬﻲ ﺑﻌﺪﻳﻦ ﻛﺎﻝ ﻟﺴﺎﻧﺞ ﻳﺮﺍﺩ ﺍﻟﻪ ﻛﺺ ﺑﺲ ﺍﺻﺒﺮﻳﻠﻲ ﻫﺰ ﺭﺍﺳﻪ ﻭﺭﺍﺡ ..
ﻭﺍﻧﻲ ﺩﺧﻠﺖ ﻟﻠﺒﻴﺖ ﻟﻜﻴﺖ ﻣﺮﻳﻢ ﺣﺎﻃﻪ ﺩﺑﺪﻭﺑﻬﺎ
ﺗﺮﻳﺪ ﺗﺴﺒﺤﻪ ﻭﻻ ﻣﻬﺘﻤﻪ ﻟﻠﻮﺿﻊ ﻭﺍﺧﺘﻬﺎ ﺍﻟﻲ ﺍﻧﺠﺮﺣﺖ ..
ﺗﻐﺴﻞ ﺑﺎﻟﺪﻭﺩﺏ ﻭﺗﻐﻨﻲ ﻫﻲ ﻭﺻﻮﺗﻬﺎ
ﺍﻟﻤﺰﻧﺠﺮ ﺍﻏﻨﻴﺔ ﻧﺎﻧﺴﻲ ﻣﻔﻴﺶ ﺣﺎﺟﻪ ﺗﺠﻲ ﻛﺪﺍ
ﻭﺗﻌﻠﻲ ﻭﺗﻨﺼﻲ ﺑﺼﻮﺗﻬﺎ ﻣﻨﻄﺮﺑﺔ ﻭﻣﻐﻤﻀﻪ ﻋﻴﻮﻧﻬﺎ
ﻭﺳﺎﻋﻪ ﺗﺮﻛﺺ ﻭﺳﺎﻋﻪ ﺗﺮﺟﻊ ﺗﺴﺒﺢ ﺑﺎﻟﺪﺏ ...
ﺑﺎﻭﻋﺘﻠﻬﺎ ﻭﺭﺣﺖ ﻧﻈﻔﺖ ﻣﻜﺎﻥ ﺍﻟﺪﻡ ﻛﻤﻠﺖ ﻭﺭﺣﺖ ﺍﺷﻮﻑ ﻣﺮﻳﻢ ﺷﻮ ﻫﺎﻱ ﻉ ﻭﺿﻌﻴﺘﻬﺎ ..
ﻛﻠﺘﻠﻬﺎ ﺍﻧﺘﻲ ... ﻟﺞ ﻛﺎﻓﻲ ﺗﻐﻨﻴﻦ ﻻ ﺍﺟﻴﺞ ﻭﺍﻟﻠﻪ ﻭﻳﻼ ﺳﺪﻱ ﺍﻟﻤﻲ ﻭﺧﻠﻲ ﺍﻟﺪﺏ ﺑﺎﻟﻤﺠﻔﻒ ﻭﺗﻌﺎﻟﻲ ﺍﺷﺪ ﺷﻌﺮﺝ ﻣﺎﺍﺩﺭﻱ ﺑﻴﺞ ﻋﻨﺪﺝ ﻋﺮﺱ ﻭﺑﺲ ﺍﻧﺘﻲ ﻣﻌﺰﻭﻣﻪ ..
ﻫﻲ ﺧﺎﻓﺖ ﻭﺍﺟﺖ ﺑﺴﺮﻋﻪ ﺟﺎﺑﺖ ﺍﻟﻤﺸﻂ ﻭﻭﻛﻔﺖ ﻛﺪﺍﻣﻲ ﻣﺸﻄﺘﻠﻬﺎ ﻭﺭﺣﺖ ﺧﻠﻴﺖ ﺍﻟﺪﺏ ﺑﺎﻟﻤﺠﻔﻒ ﻭﺭﺟﻌﺖ ﻛﻌﺪﺕ ﻳﻤﻬﺎ ﺑﻴﻨﻤﺎ ﻳﺠﻮﻥ ﺍﻫﻠﻲ ...
ﺯﻫﺮﺍﺀ : ﺑﺎﻟﻄﺮﻳﻖ ﻣﻦ ﺍﺧﺬﻭﻧﻲ ﻟﻠﻤﺴﺘﺸﻔﻰ ﺍﻻﻓﻜﺎﺭ
ﺗﺘﺮﺍﻃﻢ ﺑﺮﺍﺳﻲ ﻋﺒﻴﺮ ﺍﺻﻐﺮ ﻣﻨﻲ ﺑﺲ ﺷﺨﺼﻴﺘﻬﺎ ﺍﻗﻮﻯ ﻣﻨﻲ ﺩﺍﻓﻌﺘﻠﻲ ﻭﻭﻛﻔﺖ ﺻﻔﺎﺀ ﻋﻨﺪ ﺣﺪﻩ ﺍﻧﻲ ﺷﻮﻛﺖ ﺍﺻﻴﺮ ﻣﺜﻠﻬﺎ؟
ﻭﺑﻌﺪﻳﻦ ﺍﻧﻲ ﺷﻔﺖ ﺻﻔﺎﺀ ﺷﻠﻮﻥ ﻳﻌﺸﻖ ﺍﻟﺘﺮﺍﺏ ﺍﻟﻲ
ﺗﻤﺸﻲ ﻋﻠﻴﻪ ﺍﺳﺮﺍﺀ ﺍﻧﻲ ﻟﻴﺶ ﺍﺭﻳﺪ ﺍﻓﺮﺽ ﻧﻔﺴﻲ
ﻋﻠﻴﻪ ﻭﺑﺄﻱ ﺣﻖ؟ ﺍﺭﻳﺪ ﺍﺧﺬﻩ ﺍﻟﻴﻪ ﺍﻣﻲ ﻛﻠﺘﻠﻲ ﺍﻟﻲ
ﻳﺤﺐ ﻳﻔﺮﺡ ﻣﻦ ﻳﺸﻮﻑ ﻣﺤﺒﻮﺑﻪ ﻣﺮﺗﺎﺡ ﻭﺳﻌﻴﺪ
ﺍﻧﻲ ﻟﻴﺶ ﻣﻦ ﺍﺷﻮﻓﻪ ﻭﻳﺎﻫﺎ ﻗﻠﺒﻲ ﻳﻨﻌﺼﺮ ﻫﺎﻱ
ﺍﻧﺎﻧﻴﻪ ﻣﻨﻲ ..
ﺍﺣﺠﻲ ﻭﺍﺭﻳﺪ ﺍﻗﻨﻊ ﻧﻔﺴﻲ ﺑﺲ ﻗﻠﺒﻲ ﺣﻘﻴﺮ
ﻣﻴﻘﺘﻨﻊ ﺫﻟﻨﻲ ﺍﻧﻲ ﺷﻠﻮﻥ ﺍﺑﻄﻞ ﺍﺣﺒﻪ ﻭﺍﻧﻲ ﺣﺘﻰ
ﻛﺤﺘﻪ ﺍﻣﻴﺰﻫﺎ ﻛﻮﻟﺸﻲ ﺑﻲ ﺍﻣﻴﺰﻩ ..
ﻭﺻﻠﻨﺎ ﻟﻠﻤﺸﻔﻰ ﺧﻴﻄﻮﻟﻲ ﺍﻳﺪﻱ ﺍﻧﻲ ﺣﺘﻰ ﺍﻟﻮﺟﻊ ﻣﺤﺴﻴﺖ ﺑﻲ ﻛﺪ ﻣﺎ ﻗﻠﺒﻲ ﻳﻮﺟﻌﻨﻲ ﻉ ﺷﺨﺺ ﻣﻮ ﺑﺤﺎﻟﻲ ..
ﻣﻦ ﺩﻧﻄﻠﻊ ﺑﺎﺑﺎ ﺭﺍﺡ ﺩﻳﺠﻴﺐ ﺍﻟﺴﻴﺎﺭﺓ ﺍﺟﺖ ﺍﻣﻲ ﻭﻛﻔﺖ
ﻳﻤﻲ ﺩﺍﺍﺣﺠﻲ ﻭﻳﺎﻫﺎ ﺍﺷﺮﺕ ﺑﺎﺻﺒﻌﻬﺎ ﻉ ﺣﻠﻜﻬﺎ
ﺑﻤﻌﻨﻰ ﻟﺘﺤﺠﻴﻦ ﻭﻛﺎﻟﺖ ﺍﻧﻲ ﻟﻮ ﺍﻣﺞ ﻭﺗﻬﺘﻤﻴﻦ ﺍﻟﻴﻪ
ﺟﺎﻥ ﻓﻜﺮﺗﻲ ﺑﻜﺮﺍﻣﺘﺞ ﺍﻟﻲ ﻫﻲ ﺟﺰﺀ ﻣﻦ ﻛﺮﺍﻣﺘﻲ
ﺑﺲ ﻻ ﺍﻧﻲ ﻣﻮ ﺍﻣﺞ ﻣﺎﺍﻋﺮﻑ ﺍﻧﻲ ﻳﻤﻜﻦ ﻣﺎ ﺭﺑﻴﺖ
ﻋﺪﻝ ﻻ ﻟﻴﺶ ﻣﺎ ﺭﺑﻴﺖ ﺫﻳﺞ ﺍﺧﺘﺞ ﺑﻌﺪﻫﺎ ﺍﻭﻝ ﻣﺘﻮﺳﻂ
ﻭﺍﺫﺍ ﺗﺤﺠﻲ ﻭﻳﺎﻳﻪ ﺍﻧﻲ ﺍﺳﻜﺘﻨﻲ ﺍﻻ ﺍﻧﺘﻲ ﺍﻱ ﺧﻴﺮ
ﻣﺎﺑﻴﺞ ﻭﺣﺪﻩ ﻋﻮﺑﻪ ﺣﺘﻤﻮﺗﻴﻦ ﻧﻔﺴﺞ ﻉ ﻭﻫﻢ ﺍﻧﻲ
ﺧﺎﻳﻔﻪ ﻋﻠﻴﺞ ﺣﺘﻰ ﻣﻦ ﻧﻔﺴﺞ ﻻﻥ ﻛﻠﺞ ﻏﻠﻂ ..
ﺑﺎﻭﻋﺖ ﻟﻴﻜﺪﺍﻡ ﺟﺎﻥ ﺍﺗﺄﺷﺮﻟﻲ ﺍﻧﺘﺒﻬﺖ ﻉ ﺗﺄﺷﻴﺮﺗﻬﺎ ﻃﻠﻊ
ﺑﺎﺑﺎ ﻭﺍﻛﻒ ﺩﻳﻨﺘﻈﺮﻧﺎ ﺻﻌﺪﻧﺎ ﺟﺎﻥ ﺑﺎﺑﺎ ﻳﻜﻮﻝ ﻉ ﺳﻼﻣﺔ ﺯﻫﻮﺭﻭ ﺍﻛﻮ ﻣﺤﻞ ﻣﺎﻝ ﻫﺪﺍﻳﺎ ﻣﻔﺘﺢ ﺟﺪﻳﺪ
ﺍﻧﺰﻝ ﺍﺷﺘﺮﻳﻠﻬﺎ ﻫﺪﻳﻪ ..
ﻛﻠﺘﻠﻪ ﺑﻐﺼﺔ : ﺷﻜﺮﺍ ﺑﺎﺑﺎ
ﻛﺎﻝ ﺗﺪﻟﻠﻴﻦ ﻋﺰﻳﺰﺓ ﺍﺑﻮﺝ ﻭﺻﻠﻨﺎ ﻟﻠﻤﺤﻞ ﻧﺰﻝ ﺟﺎﺏ ﺍﻟﻴﻪ ﺑﺎﻗﺔ ﻣﺎﻝ ﻭﺭﻭﺩ ﻭﺑﻨﺼﻬﺎ ﺷﻜﻮﻻﺗﻪ ﻭﻟﻤﺎﻣﺎ ﺟﺎﺏ ﻭﺭﺩ
ﻭﻛﺎﻝ ﺍﻟﻮﺭﺩ ﻣﻴﺸﺘﺮﻭﺍ ﻟﻠﻮﺭﺩ ﺑﺲ ﺣﺒﻴﺖ ﺍﻏﻮﺭﻩ
ﺑﻴﺠﻦ ...
ﺍﺑﺘﺴﻤﻨﺎ ﺭﻏﻢ ﺍﻻﻟﻢ ﺍﻟﻲ ﺟﺎﻱ ﻧﺤﺲ ﺑﻲ ﺳﻮﺍﺀ ﺍﻧﻲ ﺍﻭ ﺍﻣﻲ .. ﺍﺛﻨﻴﻨﺎ ﻭﺟﻌﻨﺎ ﻭﺍﺣﺪ ..
ﻭﺻﻠﻨﺎ ﻟﻠﺒﻴﺖ ﻭﺟﺎﻥ ﻧﻨﺼﺪﻡ ﺑﻌﺒﻴﺮ ﻭﻣﺮﻳﻢ ﻟﻜﻴﻨﺎ
ﻣﺮﻳﻢ ﺗﺼﺮﺥ ﻭﻋﺒﻴﺮ ﺷﺎﺩﻩ ﺭﺍﺳﻬﺎ ﻭﺭﺍﻓﻌﻪ ﺍﻟﺒﺠﺎﻣﻪ
ﻭﻻﺯﻣﻪ ﻧﻌﺎﻝ ﻭﺗﺮﻛﺾ ..
ﻳﺘﺒﻊ
