ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٣٥
ﻧﻮﺭﺍ ﻧﺎﺻﺮ ...
ﺻﻮﺗﻬﺎ ﻃﺮﺵ ﺇﺫﻧﻲ ﺑﻌﺪﺕ ﺍﻟﻤﻮﺑﺎﻳﻞ ﺍﻧﻘﺮﻓﺖ ﻣﻦ ﺻﻮﺗﻬﺎ ﻭﺳﺪﻳﺘﻪ ﺑﻮﺟﻬﻪ ، ﺷﻠﻮﻥ ﻋﻜﺮﺕ ﻣﺰﺍﺟﻲ ﺑﺲ ﺭﻏﻢ ﺗﻬﺪﻳﺪﺍﺗﻬﺎ ﻣﺎﺧﻔﺖ ﻣﻨﻬﺎ ﻻﻥ ﺍﻋﺮﻑ ﺑﻨﻔﺴﻲ ﺷﻨﻮ ﻭﺍﻋﺮﻑ ﻣﻤﺴﻮﻳﻪ ﺷﻲ ، ﻣﺴﺎﻟﻤﺔ ﺍﺭﻭﺡ ﺑﺪﺭﺑﻲ ﻭﺍﺟﻲ ﺑﺪﺭﺑﻲ ﻋﻠﻰ ﺷﻨﻮ ﺍﺧﺎﻑ ﻣﻨﻬﺎ !!!
ﺭﺟﻌﺖ ﺍﺳﻮﻟﻒ ﻭﻳﻪ ﺻﺪﻳﻘﺎﺗﻲ ﺍﺣﺎﻭﻝ ﺍﻧﺴﻰ ﺍﻟﻲ ﻣﻠﺘﻪ ﺭﺷﺎ ﻋﻠﻰ ﺍﺫﻧﻲ ﻗﺒﻞ ﺷﻮﻳﻪ ﻣﻦ ﻛﻼﻡ ﻣﺰﻋﺞ ﻭﻳﺴﻢ ﺍﺍﻟﺒﺪﻥ ، ﻭﻣﻦ ﻭﺣﺪﺓ ﺣﺎﻗﺪﺓ ، ﺑﺲ ﻫﻴﻪ ﻣﺎ ﺍﺳﺘﺴﻠﻤﺖ ﺣﺮﻛﺘﻪ ﻟﻠﻤﻮﺑﺎﻳﻞ ﻛﻞ ﺷﻮﻳﻪ ﻭﺗﺨﺎﺑﺮ .. ﻃﻠﻌﺘﻪ ﺳﻮﻳﺘﻪ ﺻﺎﻣﺖ ﻭﺷﻤﺮﺗﻪ ﺑﺎﻟﺠﻨﻄﺔ
ﺧﺎﺑﺮﺕ ﻉ ﺻﻔﺎﺀ ﻛﺎﻝ ﻋﻨﺪﻱ ﻟﻮﺩ ﺭﺍﺡ ﺍﺩﺯﻟﺞ ﻛﺮﺍﺭ
ﻇﻠﻴﺖ ﺍﻧﺘﻈﺮ ﻛﺮﺍﺭ ﻣﻦ ﻭﺻﻞ ﺧﺎﺑﺮﻧﻲ ﻃﻠﻌﺘﻠﻪ
ﺳﻠﻤﺖ ﻋﻠﻴﻪ ﻭﺻﻌﺪﺕ ﺑﺎﻭﻋﻠﻲ
: ﺷﺒﻴﺞ ﻟﺞ ﺷﻮ ﺟﻨﺞ ﻭﺭﺩﺓ ﺫﺑﻼﻧﻪ
_ ﻣﺎﺑﻴﻪ ﺷﻲ ﺳﻼﻣﺘﻚ
_ ﺷﻠﻮﻥ ﻣﺎﺑﻴﺞ ﺷﻲ ﻣﺒﺎﻭﻋﻠﻪ ﻟﻨﻔﺴﺞ ﺍﻧﺘﻲ ﺑﺎﻟﻤﺮﺍﻳﺎ؟
_ ﺑﻠﻲ
ﺑﺎﻭﻋﻠﻲ ﺑﻨﻈﺮﺓ ﺍﻟﻤﻌﺎﺟﺒﻪ : ﺭﺷﺎ ﻣﻮ؟
ﻣﻦ ﻛﺎﻝ ﺍﺳﻤﻬﺎ ﺗﺬﻛﺮﺕ ﺍﺗﺼﺎﻟﻬﺎ ﺑﺎﻭﻋﺘﻠﻪ : ﻛﺮﺍﺭ ﻫﺎﻱ
ﺭﺷﺎ ﻣﺘﺮﺗﺎﺡ ﺍﻻ ﺗﻄﻠﻜﻨﻲ ﻣﻦ ﺍﺧﻮﻫﺎ
_ ﺷﻨﻮﻭﻭﻭﻭﻭ ﻭﻣﻨﻮ ﻫﻲ ﻫﺎﻱ ﺍﻟﻘﻨﺪﺭﺓ ﺣﺘﻰ ﺗﻄﻠﻜﺞ
ﺍﺣﻂ ﺍﻟﻨﻌﺎﻝ ﺑﺤﻠﻜﻬﺎ ﻭﺣﻠﻚ ﺍﺧﻮﻫﺎ ﺍﺫﺍ ﻣﺴﻮﺍ ﺷﻌﺮﻩ
ﺗﻌﺮﻓﻴﻦ ﺷﻨﻮ ﺷﻌﺮﻩ ﻣﻨﺞ
ﺣﺠﻴﺘﻠﻪ ﻋﻦ ﺍﺗﺼﺎﻟﻬﺎ ﻭﻏﻠﻄﻬﺎ ﻭﻋﻦ ﻛﻞ ﺷﻲ ﺗﺴﻮﻱ
ﺑﻴﻪ ﻣﻦ ﺗﺠﻲ ، ﻣﺎﺍﻋﺮﻑ ﻟﻴﺶ ﺣﺠﻴﺘﻠﻪ ﺑﺲ ﻛﺮﺍﺭ ﻫﻮ
ﻓﺎﺭﺽ ﻧﻔﺴﻪ ﻭﺑﺎﻟﻔﻌﻞ ﻫﻮ ﺣﺰﺍﻡ ﻇﻬﺮ ﺍﻟﻨﺎ
ﺑﺎﺛﻨﺎﺀ ﻣﺎ ﺟﻨﺖ ﺍﺣﺠﻲ ﺑﺎﻭﻋﺘﻠﻪ ﻗﺎﺑﺾ ﻉ ﺍﻟﺴﺘﻴﺮﻥ ﺣﻴﻞ
ﺍﻟﺘﻔﺘﻠﻲ : ﺍﻛﻮ ﺍﺣﺪ ﻳﻌﺮﻑ ﺑﻬﺬﺍ ﺍﻟﺤﺠﻲ ﻏﻴﺮﻱ؟
_ ﺑﻠﻲ ﻋﺒﻴﺮ ﺗﻌﺮﻑ ﺑﺲ ﺍﺧﺎﻑ ﺍﺣﺠﻲ ﻟﻤﺎﻣﺎ ﻻﻥ ﻫﻲ ﺻﺤﺘﻬﺎ ﻋﻠﻰ ﻛﺪﻫﺎ
_ ﺍﻣﻤﻤﻤﻤﻤﻢ ﺯﻳﻦ ﻭﻫﺎﻱ ﺍﻟﺤﻴﺔ ﺍﻧﻲ ﺍﺷﻮﻑ ﺷﻐﻠﻲ ﻭﻳﺎﻫﺎ ﻫﻲ ﻣﻮ ﺻﻮﺟﻬﺎ ﺻﻮﺝ ﺍﺧﻮﺗﻬﺎ ﺍﻟﺒﻌﻮﺭﻩ ﺍﻟﻤﻨﻄﻴﻬﺎ ﻣﺠﺎﻝ ﻉ ﺍﺑﻮ ﻫﻲ ﻭﺣﺪﺗﻬﻢ ﺍﻧﻌﻞ ﺍﺑﻮﻫﺎ ﻻﺑﻮ
ﺣﺘﻰ ﺗﺮﺑﻴﺘﻬﺎ ﻫﺎﻟﺴﻜﻂ ..
ﺳﻜﺘﺖ ﻭﻋﻴﻨﻲ ﻋﻠﻰ ﺍﻟﻄﺮﻳﻖ ..
ﻫﻤﺲ : ﺭﺟﻠﺞ ﺍﻟﻄﻠﻲ ﻭﻳﻦ ﻣﻦ ﻛﻞ ﻫﺬﺍ ﻟﻌﺪ
ﺑﺴﺮﻋﻪ ﺍﻟﺘﻔﺘﺖ ﻋﻠﻴﻪ : ﺍﻧﻲ ﻣﻦ ﺣﺠﻴﺘﻠﻚ ﻣﻮ ﻣﻌﻨﺎﻫﺎ
ﺗﻐﻠﻂ ﻉ ﺻﻔﺎﺀ ﺗﺮﻯ ﻣﺎﺍﻗﺒﻞ ﺍﺣﺘﺮﺍﻣﻪ ﻣﻦ ﺍﺣﺘﺮﺍﻣﻲ
ﻋﻼﻗﺘﻜﻢ ﺍﻧﺖ ﻭﻳﺎﻩ ﺷﻲ ﺑﺲ ﻣﻊ ﺫﻟﻚ ﻣﺎﺍﻗﺒﻞ ﺗﻐﻠﻂ
ﻋﻠﻴﻪ
ﺿﺤﻚ ﺑﺼﻮﺕ ﻋﺎﻟﻲ : ﺷﺒﻴﻚ ﺍﻛﻠﺘﻴﻨﻲ ﻭﺷﺮﺑﺘﻴﻨﻲ
ﺍﺳﻒ ﻳﻤﻌﻮﺩﻩ ﺍﺳﻒ
ﺳﻜﺘﺖ ﻭﺩﺭﺕ ﻭﺟﻬﻲ ، ﺳﻤﻌﺖ ﺗﻠﻴﻔﻮﻧﻪ ﻳﺮﺭﻥ
ﺟﺎﻭﺏ ﻋﺮﻓﺘﻬﺎ ﻣﻬﺎ ، ﺟﺎﻭﺑﻬﺎ ﻭﺍﺳﻤﻊ ﻏﺰﻟﻪ ﺑﻴﻬﺎ ﻭﺍﻟﻈﺎﻫﺮ ﺟﺎﻧﺖ ﻣﻌﺼﺒﺔ ﺍﻭ ﺯﻋﻼﻧﺔ ..
ﺍﺳﻤﻌﻪ ﻳﻜﻮﻟﻠﻬﺎ : ﻟﺞ ﻓﺪﻭﺓ ﻳﺮﻭﺣﻠﺞ ﻛﺮﺍﺭ ﺑﺲ ﻟﺘﺒﺠﻴﻦ
ﺑﻌﺪ ﺭﻭﺣﻲ ﺍﻧﺘﻲ ﻭﺍﻟﻠﻪ ﻣﺎﺍﺗﺤﻤﻞ ﺍﺳﻤﻊ ﺻﻮﺕ ﺍﻟﺒﺠﻲ
ﻣﺎﻟﺘﺞ ﺑﺲ ﺍﻫﺪﺋﻲ ﻭﺍﻟﺘﺮﺩﻱ ﺍﻧﻲ ﺧﺎﺩﻡ ﺍﺳﻮﻳﻠﺠﻴﺎ
ﻭﺍﻧﻲ ﺍﻟﻤﻤﻨﻮﻥ ...
ﺣﺎﺭ ﺷﻠﻮﻥ ﻳﻬﺪﻳﻬﺎ ، ﺍﺑﺘﺴﻤﺖ ﻭ ﺍﺗﻤﻨﻴﺖ ﺍﻋﻴﺶ
ﻫﺎﻱ ﺍﻟﻠﺤﻈﺎﺕ ﻭﻳﺎ ﺻﻔﺎﺀ ، ﺷﻜﺪ ﺷﻔﺘﻬﺎ ﻣﺴﺘﺤﻴﻠﺔ ، ﺍﺷﻬﺮ ﺣﻴﺼﻴﺮ ﺍﻧﻲ ﻭﻳﺎﻩ ﻭﻣﺎﻛﻮ ﺗﻘﺪﻡ ﺑﻌﻼﻗﺘﻨﺎ ، ﻛﻞ ﻣﺮﺓ ﻧﺘﻘﺪﻡ ﺷﻮﻳﻪ ﻭﻧﺮﺟﻊ ﻟﻨﻘﻄﺔ ﺍﻟﺼﻔﺮ ﻣﻦ ﺟﺪﻳﺪ ، ﺍﺳﻤﻊ ﻭﻗﻠﺒﻲ ﺍﻟﻤﻮﺟﻮﻉ ﻳﻨﻐﺰﻧﻲ ﺗﺤﺴﺮﺕ ﻭﺗﻤﻨﻴﺖ ﺍﻟﻬﻢ ﺍﻟﺴﻌﺎﺩﺓ .
ﻭﺻﻠﻨﺎ ﻟﻠﺒﻴﺖ ﻧﺰﻟﺖ ﻣﻦ ﺍﻟﺴﻴﺎﺭﺓ ، ﻛﺮﺍﺭ ﻛﺎﻝ ﻓﻮﺗﻲ ﻫﺴﻪ ﺍﺩﺧﻞ ﺍﺳﻠﻢ ﻋﻠﻰ ﻋﻤﻲ ﻭﻋﻤﺘﻲ ، ﻃﺒﻴﺖ ﻗﺒﻠﻪ
ﻓﺘﺖ ﻣﻦ ﺑﺎﺏ ﺍﻟﻤﻄﺒﺦ ، ﺍﺗﻠﻜﺘﻨﻲ ﺭﺷﺎ ﺗﻌﺪ ﻭﺗﺼﻒ ..
ﺭﺷﺎ ﺑﺼﻴﺎﺡ : ﺍﺩﺑﺴﺰ ﻣﻤﺘﺮﺑﺎﻳﻪ ﻟﺞ ﻻﺷﺎﻳﻔﻪ ﻧﻔﺴﺞ ﺑﺎﺑﻮﺝ ﻭﺍﻣﺞ ﺃﺩﻭﺱ ﻉ ﺭﺍﺳﺞ ﺑﺎﻟﻘﻨﺪﺭﺓ
ﺭﻓﺮﻓﺖ ﺍﺟﻔﺎﻧﻲ ﻭﺍﻣﺘﻸﺕ ﻧﻈﺮﺍﺗﻲ ﺑﺎﻟﺼﺪﻣﺔ
ﻧﻄﻘﺖ ﺑﺸﺘﺎﺕ ﻣﺘﻤﺎﺳﻚ : ﺷﺒﻴﺞ ﺍﻧﺘﻲ ﺑﺎﻟﻌﻪ ﺷﻲ ﺷﻮ ﺍﺧﻼﻗﺞ ﻓﺪ ﻣﺮﺓ ﻣﺎﻝ ﺷﻮﺍﺭﻉ ﻭﻟﺞ ﺍﺧﻮﺝ
ﻭﻟﺪ ﻟﻠﻴﻮﻡ ﻣﺴﻤﻌﺘﻪ ﻳﺤﺠﻲ ﻣﺜﻞ ﺍﻟﻔﺎﻇﺞ
ﻭ ﺑﺰﻓﺮﺓ ﺗﺪﻝ ﻋﻠﻰ ﺻﺒﺮ ﻣﻔﻘﻮﺩ ﻛﻤﻠﺖ : ﺑﻌﺪﻳﻦ ﺷﺒﻴﺞ ﺣﺎﻣﻴﺔ ﻣﻨﻮ ﺩﺍﻳﺲ ﻉ ﺫﻳﻠﺞ ﻭﺩﺗﻨﺒﺤﻴﻦ
ﺗﺮﻯ ﺍﻧﺘﻲ ﺧﻄﺎﺭ ﻭﻫﺬﺍ ﺑﻴﺘﻲ ﺍﺣﺘﺮﻣﻲ ﻧﻔﺴﺞ ..
ﺑﺲ ﺣﺠﻴﺖ ﻫﻴﺞ ﺻﺎﺭﺕ ﻧﺎﺭ ﻭﺷﺮﺍﺭ ﻛﻤﺰﺕ ﻣﻦ ﻣﻜﺎﻧﻬﺎ ﺗﺮﻳﺪ ﺗﻀﺮﺑﻨﻲ ، ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻟﻠﻄﺮﻣﺔ ..
ﻫﻲ ﺍﺟﺖ ﻭﺭﺍﻳﻪ ، ﻇﻠﻴﺖ ﺍﺣﺠﻲ ﻭﻳﺎﻫﻪ ﺑﺘﻬﺪﻳﺪ
ﺍﺫﺍ ﻟﺰﻣﺘﻴﻨﻲ ﻫﺴﻪ ﻭﺍﻟﻠﻪ ﺍﺷﺘﻜﻲ ﻋﻠﻴﺞ ﻭﺍﺷﻤﺮﺝ ﺑﺎﻟﺴﺠﻦ ﻭﻻﺗﻜﻮﻟﻴﻦ ﺑﻨﺖ ﻋﻤﻲ ﻭﻣﺎﺍﺳﻮﻳﻬﺎ ﻭﻻ ﺍﻛﻮﻝ ﺍﺧﺖ ﺭﺣﻠﻲ ﻫﻢ ﺑﻴﻨﻲ ﻭﺑﻴﻨﺞ ﺍﻟﻘﺎﻧﻮﻥ .
ﻣﺎﺍﻫﺘﻤﺖ ﻟﻜﻼﻣﻲ ﻣﺴﺘﻤﺮﺓ ﺗﺮﻳﺪ ﺗﺸﻔﻲ ﻏﻠﻴﻠﻬﺎ ﺑﺲ ﻣﺪﺭﻱ ﻋﻠﻰ ﻳﺎﻣﺎﻝ ، ﺍﺭﺗﺪﻳﺖ ﻟﻴﻮﺭﺍ ﺑﺨﻮﻑ ﻭﻫﻠﻊ ﻣﺎﺍﺣﺲ ﺍﻻ ﺍﻧﻲ ﻃﺎﺧﻪ ﺑﻮﺍﺣﺪ ..
ﺑﺎﻭﻋﺖ ﺷﻔﺘﻪ ﻛﺮﺍﺭ ، ﺻﺎﺭ ﺑﻴﻨﻲ ﻭﺑﻴﻨﻬﺎ ، ﻟﺰﻡ ﺭﺷﺎ ﻣﻦ ﺍﻳﺪﻫﺎ ، ﻋﺎﻃﺖ ﺑﺄﻟﻢ .. ﻣﺎﺍﻫﺘﻢ ﻟﻌﻴﻄﺘﻬﺎ ﻟﻮﺍﻫﺎ ﻻﻳﺪﻫﺎ ﻭﻫﻤﺲ ﺑﻌﺼﺒﻴﺔ ﻭﺻﻮﺕ ﻣﺼﺮﻭﺭ : ﻟﺞ ﺍﻟﻤﺸﻜﻠﻪ ﺍﻧﺘﻲ ﺑﻨﻴﺔ ﻟﻮ ﻣﺎﺑﻨﻴﺔ ﺟﺎﻥ ﺳﻮﻳﺘﺞ ﻧﺼﻴﻦ ﺍﺩﺑﺴﺰ ﺍﺧﻼﻕ ﺷﻮﺍﺭﻉ ﻭﻟﺞ ﻣﻦ ﻳﺴﺄﻟﻮﻧﻲ ﻛﻢ ﺑﻨﺖ ﻋﻢ ﻋﻨﺪﻙ ﺍﺟﺎﻭﺏ ٣ ﺍﺳﺘﺤﻲ ﺍﻛﻮﻝ ﻫﺎﻱ ﺍﻟﻌﺎﺭ ﺑﻨﺖ ﻋﻤﻲ ..
ﻫﺎﻟﻤﺮﺓ ﺍﻋﺪﻳﻬﺎ ﺳﻤﺎﺡ ﻣﺮﺓ ﺛﺎﻧﻴﺔ ﻭﺩﻡ ﺍﻟﺤﺴﻴﻦ ﺍﺣﻂ
ﺭﺍﺳﺞ ﺟﻮﺍ ﺍﻟﺴﻴﺎﺭﺓ ﻭﺍﻧﻌﻞ ﺍﺑﻮﺝ ﻻﺑﻮ ﺍﻟﻴﻄﻠﻊ ﻭﺭﺍﺝ ..
ﻇﻠﺖ ﺗﻐﻠﻂ ﻋﻠﻴﻪ ﺗﺮﻛﻬﺎ ﻭﺧﺮﻫﺎ ﻣﻦ ﻃﺮﻳﻘﻲ ..
ﺩﻓﻌﻨﻲ ﺑﺨﻔﻪ : ﺯﻫﺮﺍﺀ ﻓﻮﺗﻲ ﻛﺪﺍﻣﻲ ﺩﺍﺍﺷﻮﻑ ﺑﻨﺖ
ﺍﺑﻮﻫﺎ ﺗﻤﻨﻌﺞ ﺍﻧﻮﺏ ﻋﻠﻴﻨﺎ ﺯﻛﻴﺔ ﺍﻟﺪﺍﻛﻮﻛﻪ ﻭﺑﺎﻭﻋﻠﻬﺎ
ﺍﻧﻲ ﺍﻋﻠﻤﺞ ﻣﻨﺎ ﻭﺟﺎﻱ ﺍﻻ ﺍﺧﻠﻴﺞ ﺗﺸﻮﻓﻴﻨﻲ ﺣﺘﻰ ﺑﺎﺣﻼﻣﺞ ﺷﻨﻮ ﺷﻘﺎﻭﺓ ﺍﻧﺘﻲ ﻭﻣﺤﺪ ﻳﻜﺪﺭﻟﺞ
ﻛﺮﺍﺭ ﻳﺤﺠﻲ ﻭﻫﻲ ﻣﺴﺘﻤﺮﺓ ﺗﻔﺸﺮ ﻋﻠﻴﻪ : ﻙ *** ﺍﺑﻮ ***
ﺑﻬﺎﻻﺛﻨﺎﺀ ﺩﺧﻞ ﻋﻤﻮ ﺣﺴﻴﻦ ﺍﺧﻮﻫﺎ ﺍﻟﺠﺒﻴﺮ
ﺑﺎﻭﻋﻠﻨﺎ ﻛﺎﻝ : ﻫﺎﻱ ﺷﻜﻮ
ﻛﺮﺍﺭ ﺑﻌﺼﺒﻴﺔ : ﻧﺤﺠﻲ ﺟﻮﺍ
ﺗﻮﺍ ﺩﻧﻔﻮﺕ ﻃﻠﻌﻮﺍ ﻋﻤﻮ ﻭﻋﻤﻪ ﻣﻦ ﺍﻟﺒﻴﺖ ﻛﺎﻟﻮﻭ ﺷﻜﻮﻭ ﺷﻬﺎﻟﺼﻴﺎﺡ ؟
ﻛﺮﺍﺭ ﺧﺮﻁ ﻛﻞ ﺷﻲ ﻛﺪﺍﻣﻬﻢ ..
ﺍﻟﺘﻔﺘﺖ ﻋﻤﻮ ﺣﺴﻴﻦ ﻟﺮﺷﺎ : ﻭﻟﺞ ﻭﺍﻟﻠﻪ ﺧﻠﻴﺘﻲ ﺭﺍﺳﻨﺎ
ﺑﺎﻟﻜﺎﻉ ﻣﻦ ﻳﺎﻣﻠﺔ ﺍﻧﺘﻲ ﺍﻧﻮﺑﻪ ﺗﺮﻳﺪﻳﻦ ﺗﻔﺸﻠﻴﻨﺎ ﻭﻳﺎ
ﻋﻤﻲ ﺗﺤﺴﻴﻦ ﺍﺩﻓﻨﺞ ﻭﻣﺤﻤﺪ ﺍﺩﻓﻨﺞ
ﺑﺎﻭﻉ ﻉ ﻋﻤﻮ : ﻳﺎﺑﻪ ﻟﻌﺪ ﺷﻨﻮ ﺩﻭﺭﻙ ﺍﻧﺖ ﺍﺫﺍ ﻣﺮﻩ ﻻﻋﺒﻪ
ﺷﺎﻃﻲ ﺑﺎﻃﻲ ﻭﺍﻟﺤﻤﺰﻩ ﺍﺫﺍ ﺑﻘﺖ ﻫﻴﺞ ﻣﻮﺗﻬﺎ ﻉ ﺍﻳﺪﻱ
ﻫﻮ ﺩﻳﺤﺠﻲ ﺟﺎﻥ ﺗﻄﻔﺮ ﻫﻲ : ﺍﻧﺖ ﻫﻢ ﻣﺤﺴﻮﺏ ﻋﻠﻴﻪ ﺍﺥ ﻳﻮﻡ ﺍﻟﻲ ﺍﻟﻄﻢ ﻋﻠﻰ ﺗﺎﺑﻮﺗﻚ .
ﺍﻧﺼﺪﻣﺖ ﺑﻴﻬﺎ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﺼﺪﻭﻭﻣﺔ
ﻛﺎﻡ ﻋﻤﻮ ﺑﺴﺮﻋﻪ : ﺟﺮﻫﺎ ﻣﻦ ﺷﻌﺮﻫﺎ ﻭﺩﻓﻌﻬﺎ ﻟﻠﺒﻴﺖ ﻳﺴﺤﻞ ﺑﻴﻬﺎ ، ﻭﺍﻟﻠﻪ ﻟﻮ ﻻﺯﻣﻬﺎ ﻋﻤﻮ ﺣﺴﻴﻦ
ﺟﺎﻥ ﻣﻮﺗﻬﺎ ﻭﺍﻟﻨﺒﻲ ﺍﻧﻲ ﻣﺘﺖ ﺧﻮﻑ ﺗﺮﻛﺘﻬﻢ ﻭﻃﻔﺮﺕ
ﻟﻐﺮﻓﺘﻲ ﺑﺴﺮﻋﺔ ..
ﺷﻤﺮﺕ ﺍﻏﺮﺍﺿﻲ ﻭﻛﻌﺪﺕ ﻋﻠﻰ ﺍﻟﺴﺮﻳﺮ ﻟﺰﻣﺖ ﻭﺟﻬﻲ ﺑﺎﺩﻳﻪ
ﺍﺣﺲ ﺳﺨﻨﺖ ﺑﺴﺒﺐ ﻫﺎﻟﺮﺷﺎ ﻫﺎﻳﻪ ، ﺳﻤﻌﺖ ﺻﻮﺕ ﻣﺴﺞ ﻃﻠﻌﺖ ﺍﻟﻔﻮﻥ ﻣﻦ ﺍﻟﺠﻨﻄﺔ ﻭﻓﺘﺤﺘﻪ ﻗﺮﻳﺖ ﺍﻟﻤﺴﺞ .
( ﻣﺴﺎﺀ ﺍﻟﻐﺮﺍﻡ ﻻﺣﻠﻰ ﻋﻴﻮﻥ ﺑﺎﻟﺪﻧﻴﺎ ﺍﻟﻴﻮﻡ ﺷﻄﺎﻟﻌﻪ
ﺑﺎﻟﻨﻴﻠﻲ ﻏﻴﺮ ﻣﺎﻛﻞ ﻗﻄﻌﻪ ﻣﻨﺞ ﺑﻌﺪ ﻟﺘﻠﺒﺴﻲ ﺗﺮﻯ ﺍﻏﺎﺭ )
ﺻﻔﻜﺖ ﻭﺟﻬﻲ ﻣﺼﺪﻭﻭﻣﺔ ، ﻫﺬﺍ ﻣﻨﻮ ﺻﺨﺎﺍﺍﺍﻡ ﺑﻌﻴﻨﻲ ﺑﻴﺪ ﺗﺮﺟﻒ ﺣﺬﻓﺖ ﺍﻟﻤﺴﺞ ﻭﻏﻠﻘﺖ ﺣﺘﻰ ﺍﻟﻤﻮﺑﺎﻳﻞ ﺑﺪﻟﺖ ﻭﻧﺰﻟﺖ ﺟﻮﺍ ..
ﺣﺴﻴﺖ ﺑﻬﺪﻭﺀ .. ﻓﺘﺖ ﺩﺍ ﺍﺭﻭﺡ ﻟﻠﻤﻄﺒﺦ
ﺷﺎﻓﻨﻲ ﻋﻤﻮ ﺻﺎﺣﻨﻲ ، ﺭﺣﺖ ﻳﻤﻪ
ﻫﻤﺴﺖ ﺑﻠﻲ ﻋﻤﻮ ..
ﻛﺎﻡ ﻋﻠﻰ ﺣﻴﻠﻪ ﻭ ﺑﺎﺳﻨﻲ ﻣﻦ ﺭﺍﺳﻲ
ﻭﻛﺎﻝ : ﻋﻤﻮ ﺍﻧﻲ ﻭﺍﻟﻠﻪ ﺧﺠﻼﻥ ﻣﻨﺞ ﺍﻟﻠﻪ ﺑﻼﻧﻲ ﺑﺒﻠﻮﻩ ﺍﺗﺤﻤﻠﻴﻬﺎ ﻟﺨﺎﻃﺮﻱ ﺍﻟﻠﻪ ﻳﺮﺿﻰ ﻋﻠﻴﺞ
ﺟﺎﻥ ﻳﺤﺠﻲ ﺑﻨﺒﺮﺓ ﺣﺰﻥ ﻭﺭﺟﺎﺀ ، ﺟﺎﻭﺑﺘﻪ ..
ﻭﻻ ﻳﻬﻤﻚ ﻋﻤﻮ ﺍﻟﻠﻪ ﻳﻬﺪﻳﻬﺎ .
ﺭﻓﻊ ﺍﺩﻳﻪ ﻳﺪﻋﻲ ﻭﻛﺎﻝ ﺍﻣﻴﻦ ..
ﻣﻦ ﺭﺧﺼﺘﻚ ﻋﻤﻮ ﺍﺭﻭﺡ ﺍﺣﻀﺮ ﺍﻟﻐﺪﺍﺀ .
ﺍﺧﺬﻱ ﺭﺍﺣﺘﺞ ﺑﻨﻴﺘﻲ ﺯﻫﻮﺭﺓ ..
ﻋﺒﻴﺮ : ﻛﺎﻋﺪﺓ ﺑﺎﻟﻤﻄﺒﺦ ﻭ ﺑﻴﺖ ﻋﻤﺘﻲ ﺍﻡ ﻗﺴﻮﺭ ﺟﺎﻳﻴﻦ ﺍﻟﻨﺎ ﻭﺍﻟﻲ ﻋﺮﻓﺘﻪ ﻣﻦ ﻣﺎﻣﺎ ﻳﺮﺩﻭﻥ ﻳﺘﻔﻘﻮﻥ ﻋﻠﻰ ﻣﻮﻋﺪ ﺍﻟﺨﻄﻮﺑﻪ ﻭﺍﻟﻤﺸﻴﺔ .. ﺷﻲ ﺑﺪﺍﺧﻠﻲ ﻳﺨﻠﻴﻨﻲ ﻣﻤﺮﺗﺎﺣﺔ ﻟﻬﺎﻟﺨﻄﺒﺔ ﺍﺑﺪ .
ﺣﻀﺮﺕ ﺍﻟﻌﺼﻴﺮ ﻭﺑﻘﻴﺖ ﻭﺍﻛﻔﺔ ﻭﺑﺲ ﺍﻓﻜﺮ ..
ﻓﺎﺗﺖ ﻣﺎﻣﺎ : ﻫﺎ ﺧﻠﺼﺘﻲ ﺍﻟﻀﻴﺎﻓﺔ ؟
ﺍﻱ ﻣﺎﻣﺎ .. ﺍﺟﺖ ﺩﺗﺎﺧﺬﻫﺎ
ﺭﺣﺖ ﻳﻤﻬﺎ : ﺍﻣﻲ ﻛﻮﻟﻴﻠﻬﻢ ﺑﻌﺪ ﺷﻬﺮ ..
ﺑﺎﻭﻋﺘﻠﻲ ﻣﻌﺎﺟﺒﻬﺎ : ﻟﻴﺶ ﺷﻬﺮ ﺷﻜﻮ ﺷﻌﻨﺪﺝ ﺍﻧﺘﻲ
ﻣﻮ ﺷﺮﻃﺘﻲ ﻋﻠﻰ ﺍﻟﻮﻟﺪ ﺍﻟﺰﻭﺍﺝ ﺑﻌﺪ ﺍﻟﺴﺎﺩﺱ ﺍﻟﺨﻄﻮﺑﻪ
ﺷﻜﻮ ﺗﺄﺟﻠﻴﻬﺎ؟
_ ﻳﻮﻡ ﻫﺬﺍ ﺍﺑﻦ ﺣﻤﺎﺗﺞ ﻭﺻﺪﻳﻘﺔ ﻋﻤﺮﺝ ﺍﺫﺍ ﻋﻘﺪﻧﺎ ﻣﻴﻔﻜﻨﻲ ﻳﻈﻞ ﻛﻞ ﺷﻮﻳﻪ ﻳﺘﺼﻞ ﻭﺍﻧﻲ ﻋﻨﺪﻱ ﺍﻣﺘﺤﺎﻧﺎﺕ ﺧﻠﻲ ﻧﺨﻠﺺ ﻧﺺ ﺍﻟﺴﻨﻪ ﻭﻧﺨﻄﺐ ﻋﻮﺩ
ﻣﺎﻣﺎ : ﺑﻨﺘﻲ ﺍﻧﺘﻲ ﻣﺘﺄﻛﺪﺓ ﻣﻦ ﻗﺮﺍﺭﺝ ﻣﻮﺍﻓﻘﻪ ﻉ ﺍﺑﻦ
ﻋﻤﺘﺞ ﻟﻮﻻ ؟
_ ﺑﻠﻲ ﻣﻮﺍﻓﻘﺔ ..
_ ﻟﺞ ﻳﻮﻭﻭﻡ ﻟﺘﺮﻭﺣﻴﻦ ﺗﺨﺰﻳﻨﻲ ﺍﻧﺘﻲ ﻋﺮﻣﻪ ﻭﻫﻮ ﺍﻋﺼﺎﺏ ﻭﻣﻊ ﺫﻟﻚ ﺑﻜﻠﻤﻪ ﻣﻨﺞ ﻳﻨﺴﻰ ﺣﺘﻰ ﺍﺳﻤﻪ
ﻟﺘﺠﺮﺣﻲ ﺑﻨﻴﺘﻲ
_ ﻫﺴﻪ ﺷﻤﺴﻮﻳﺘﻠﻪ ﻣﺘﻜﻮﻟﻴﻠﻲ ﺑﻌﺪﻳﻦ ﺗﺮﻯ ﺍﻏﺎﺭ ﻭﺍﻟﻠﻪ
ﺍﻧﺘﻲ ﺍﻣﻪ ﻟﻮ ﺍﻣﻲ
ﺿﺤﻜﺖ ﻣﺎﻣﺎ ، ﻭﻃﻠﻌﺖ ﻭﻫﻲ ﺗﺪﺭﺩﻡ ﻋﻠﻴﻪ ..
ﺑﻘﻴﺖ ﺑﺎﻟﻤﻄﺒﺦ ﻭﺍﻧﺘﻈﺮ ﻣﺎﻣﺎ ﺗﺠﻲ ﺗﻜﻮﻟﻲ ﻋﻠﻰ ﺷﻨﻮ ﺍﺗﻔﻘﻮﺍ ، ،
ﻣﻦ ﺟﺘﻲ ﻛﺎﻟﺖ ﺍﺟﻠﻮﺍ ﺍﻟﺨﻄﻮﺑﻪ ﺷﻬﺮ ..
ﺟﺎﻭﺑﺘﻬﺎ ﺍﻱ ﺗﻤﺎﻡ ..
ﻓﺘﺖ ﻳﻤﻬﻢ ﺑﺎﻭﻋﺖ ﻟﻘﺴﻮﺭ ﺟﺎﻥ ﻛﻮﻟﺶ ﻣﺘﻀﺎﻳﻖ
ﻛﻌﺪﺕ ﻗﺮﻳﺐ ﻣﻨﻪ ﻭﺑﻘﻰ ﺑﺲ ﻳﺘﺤﺴﺮ ..
ﺍﻫﻠﻲ ﻭﺍﻫﻠﻪ ﻣﺸﻐﻮﻟﻴﻦ ﻳﺴﻮﻟﻔﻮﻥ ، ﻫﻮ ﻃﻠﻊ ، ﻭﺍﺷﺮﻟﻲ ، ﺭﺣﺖ ﻭﺭﺍﻩ ﻭﻛﻔﻨﻪ ﻳﻢ ﺍﻟﺒﺎﺏ ..
ﺣﺠﻪ ﺑﻨﻔﺎﺫ ﺻﺒﺮ : ﺷﻜﻮ ﺍﺟﻠﺘﻴﻬﺎ ﻟﻠﺨﻄﻮﺑﺔ ﻭﺍﻧﻲ ﺩﺍﺍﻧﺘﻈﺮ ﻳﻮﻡ ﻋﻦ ﻳﻮﻡ ﺣﺘﻰ ﻧﻌﻘﺪ ﻭﺗﺼﻴﺮﻳﻦ ﺍﻟﻲ ؟
ﺟﺎﻥ ﻳﺤﺠﻲ ﺑﻌﺼﺒﻴﺔ ، ﺑﺎﻭﻋﺖ ﺑﻮﺟﻬﻪ ﺑﻬﺪﻭﺀ
ﻫﻮ ﻫﻢ ﻫﺪﺃ ﻭﺑﺴﺮﻋﻪ ﻏﻴﺮ ﻧﺒﺮﺓ ﺻﻮﺗﻪ
ﻛﺎﻝ ﺍﺳﻒ ( ﺑﺤﺴﺮﺓ )
_ ﻗﺴﻮﺭ ﺍﻧﻲ ﺍﻟﻲ ﺍﺳﺒﺎﺑﻲ ﻭﺷﻬﺮ ﺑﺴﺮﻋﺔ ﻳﺨﻠﺺ ﺗﺮﺓ ... ﻣﺎﺭﻳﺪ ﺍﻋﺬﺑﻚ ﺑﺼﺪﻱ ﺍﻭ ﺍﺗﺠﺎﻫﻠﻚ ﻻﻥ ﻭﺭﺍﻱ ﺍﻣﺘﺤﺎﻧﺎﺕ ﻭﺍﺣﺘﻤﺎﻝ ﺍﻗﺼﺮ ﻭﻳﺎﻙ .
ﻫﻤﺲ : ﺍﺣﺒﺞ ﺑﻨﺖ ﺍﻟﺤﻼﻝ ﺍﺭﻭﺡ ﻓﺪﻭﺓ ﻟﻨﺬﺭ ﻟﻄﻮﻟﺞ
ﺑﺎﻭﻋﺘﻠﻪ ﻭ ﺍﺑﺘﺴﻤﺖ ..
ﺍﻱ ﺍﺿﺤﻜﻲ ﻭﺍﻟﻠﻪ ﺿﺤﻜﺘﺞ ﺗﺪﺍﻭﻱ ﺍﻛﺒﺮ ﺟﺮﺡ ﺑﻴﻪ .
ﺛﻮﺍﻧﻲ ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ ﻣﺒﺘﺴﻤﺔ ﻭﻫﻮ ﻳﺒﺎﻭﻉ ﻭﺍﻟﺤﺐ ﻳﻄﻞ ﻣﻦ ﻧﻈﺮﺍﺗﻪ ..
ﺗﻮﺗﺮﺕ : ﻗﺴﻮﺭ ﺍﻧﻲ ﻓﺎﻳﺘﻪ ﺟﻮﻩ .
ﺍﻱ ﺍﻱ ﻭﺍﻧﻲ ﻫﻢ ﺟﺎﻱ ﻭﺭﺍﺝ .
ﻓﺘﺖ ﺟﻮﺍ ﻭﻛﻌﺪﺕ ﻳﻢ ﻣﺎﻣﺎ ﻭﻫﻮ ﻛﻌﺪ ﺑﻤﻜﺎﻧﻪ ﻣﻘﺎﺑﻴﻠﻲ ﻭﻳﺴﺘﺮﻕ ﺍﻟﻨﻈﺮﺍﺕ ﻭﻳﺒﺎﻭﻉ ﻋﻠﻴﻪ .
ﻛﺮﺍﺭ : ﺭﺣﺖ ﻟﺒﻴﺖ ﻣﻬﺎ ﺩﺍﺟﻴﺒﻬﺎ ﻳﻤﻨﺎ ﻟﻠﺒﻴﺖ ..
ﺩﻛﻴﺖ ﺍﻟﺒﺎﺏ ﻃﻠﻌﺘﻠﻲ ﻫﻴﻪ ﺍﺑﺘﺴﻤﺖ ﻭﻇﻠﻴﺖ ﺍﺗﻐﺰﻝ ﺑﻴﻬﺎ
ﺩﺍﺭﺕ ﻭﺟﻬﻪ ﺗﺒﺎﻭﻉ ﻭﺭﺍ ﺑﺤﺬﺭ
_ ﺍﺷﺶ ﻟﻴﺴﻤﻌﻮﻭﻭﻙ ..
ﺟﺮﻳﺘﻬﺎ ﻣﻦ ﻋﻜﺴﻬﺎ ﻭﺟﻠﺒﺖ ﺍﻳﺪﻱ ﺑﻴﺪﻫﺎ ؛ - ﺩﻳﻠﻠﻪ ﺍﻣﺸﻲ ﻟﺒﻴﺘﻨﺎ ﺍﺷﺒﻌﺞ ﻏﺰﻝ ..
ﺳﺤﺒﺖ ﺍﻳﺪﻫﺎ ﻭﺭﺟﻌﺖ ﺗﺮﻳﺪ ﺗﻔﻮﺕ ﻟﻠﺒﻴﺖ ؛ - ﺣﺒﻴﺒﻲ ﺧﻞ ﻧﺴﺘﺄﺫﻥ ﻣﻦ ﻣﺎﻣﺎ ﺍﻭﻝ ﺷﻲ ﻧﻜﻮﻟﻠﻬﺎ ﺭﺍﻳﺤﻴﻦ ﻭﺑﻌﺪﻳﻦ ﺍﻧﺖ ﻫﻢ ﻻﺯﻡ ﺗﺴﻠﻢ ﻋﻠﻰ ﺍﻣﻲ
_ ﺩﻳﻠﻠﻪ ﻳﺎ ﻃﻼﺑﺔ ﺍﻟﻤﺎﺗﻔﺾ ﻣﺸﺘﺎﻗﻠﺞ ﻭﻟﺞ ..
ﻇﻠﺖ ﺗﺴﻮﻱ ﺣﺮﻛﺎﺕ ﺗﻮﺳﻞ ﺑﻤﻼﻣﺤﻬﺎ ﻭﻣﺒﺘﺴﻤﺔ
ﻛﺘﻠﻬﺎ ﺍﺣﺒﺞ ﻛﻮﻭﻭﻭﻥ ﺍﻛﻠﺞ ﺍﻛﻞ ﻭﻟﺞ ﻣﻬﺎﺍﺍ
ﻇﻠﺖ ﺗﻀﺤﻚ ﻭﻓﺎﺗﺖ ﺟﻮﺍ ﻭﺭﺟﻌﺖ ﻫﻴﻪ ﻭﺍﻣﻬﺎ
ﺭﺣﺖ ﺳﻠﻤﺖ ﻋﻠﻰ ﺍﻣﻬﺎ ﻭﺍﺧﺬﺗﻬﺎ
ﺑﺎﻟﻄﺮﻳﻖ ﻣﻬﺎ ﻛﺎﻣﺖ ﺗﻠﺢ ﺧﺎﺑﺮ ﻉ ﻋﺒﻴﺮ ﺧﻠﻲ ﺗﺠﻲ
ﻟﺒﻴﺘﻜﻢ
_ ﻣﻬﺎﻭﻱ ﺍﻧﻲ ﺍﺭﻳﺪ ﺍﺷﻮﻓﺞ ﻋﺒﻴﺮ ﺷﻜﻮ ﺗﺠﻲ ﻣﺰﻫﺮﻳﺔ
ﺑﻨﺼﻨﺎ
_ ﻣﻌﻠﻴﻪ ﺍﺭﻳﺪﻫﺎ
_ ﺷﻨﻮ ﺗﺮﻳﺪﻫﺎ ﺷﺒﻴﺞ ﺑﺎﺑﺎ ﺧﺒﻠﻪ ﺍﻧﺘﻲ ؟
_ ﻛﺮﺍﺭ ﻭﺍﻟﻠﻪ ﺍﺯﻋﻞ
ﺑﺎﻭﻋﺘﻠﻬﺎ ﺻﻔﺢ ﻭﻇﻠﻴﺖ ﺍﻓﺮ ﺑﻴﺪﻱ
ﻟﺰﻣﺖ ﺍﻳﺪﻱ : ﺣﺒﻴﺒﻲ ﻭﺍﻟﻠﻪ ﺷﻮﻳﻪ ﻭﺗﺮﻭﺡ ﺍﻟﻠﻪ ﻳﺨﻠﻴﻚ
_ ﺷﻌﻨﺪﺝ ﻭﻳﺎﻫﺎ
_ ﺷﻐﻠﻪ ﻣﺎﻝ ﺑﻨﺎﺕ
ﻃﻠﻌﺖ ﺗﻠﻴﻔﻮﻧﻲ ﺍﺗﺼﻠﺖ ﻉ ﻋﺒﻴﺮ ﻭﺍﻟﻈﺎﻫﺮ ﺍﻟﻌﻴﻨﺘﻴﻦ ﺟﺎﻧﺖ ﻧﺎﻳﻤﻪ
ﺑﺲ ﺭﻓﻌﺖ ﺍﻟﺨﻂ ﻋﺎﻃﺖ ﺑﻴﻪ
_ ﺍﻧﺘﺘﺘﺘﺘﺘﺖ ﺷﻨﻮﻭﻭﻭﻭﻭ ﻛﻞ ﻣﺎﺍﻧﺎﺍﺍﺍﺍﺍﻡ ﺗﺨﺎﺍﺍﺍﺍﺑﺮ ﻣﻦ
ﺧﺮﺭﺭﺭﺭﺭﺭﺏ ﺳﺎﻋﺔ ﺍﻟﺴﻮﻭﻭﻭﺩﻩ ﺍﻟﻌﺮﻓﺘﻚ ﺑﻴﻬﺎ
ﺳﺎﻋﺔ ﺍﻟﺴﻮﺩﺓ ﺍﻟﺼﺮﺕ ﺑﻴﻬﺎ ﺍﺑﻦ ﻋﻤﻲ ....
ﻋﻄﺖ ﺑﻴﻬﺎ ﺑﻨﻔﺲ ﺍﻟﻨﺒﺮﺓ _ ﻭﻭﺟﻊ ﻃﺮﺷﺘﻴﻨﻲ ﺣﻤﺎﺭﺓ ﻫﺎﻱ ﻣﻬﺎ ﺟﺒﺘﻬﺎ ﻟﺒﻴﺘﻨﺎ
ﻭﺗﺮﻳﺪ ﺗﺸﻮﻓﺞ
_ ﺩﻃﻴﻴﻴﻴﺮ ﺍﻧﺖ ﻭﺧﻄﻴﺒﺘﻚ ﺍﻛﺒﺮ ﻋﺎﻭﻳﻴﻴﻦ ﻛﺎﻝ ﺗﺮﻳﺪ ﺗﺸﻮﻓﻨﻲ ﻛﺎﻝ
_ ﻟﺞ ﺍﻧﻲ ﻟﻴﺶ ﺍﺣﺒﺞ ﻻﻥ ﮔﻠﺒﺞ ﻉ ﮔﻠﺒﻲ
_ ﺷﻜﻮ؟
_ ﻳﻤﻌﻮﺩﻩ ﺍﻧﻲ ﻫﻢ ﻛﻠﺘﻠﻬﺎ ﺍﺭﻳﺪ ﺍﺷﻮﻓﺞ ﺍﻟﺞ ﺷﻜﻮ ﻋﺒﻴﺮ
ﺗﺠﻲ ﻟﺰﻛﺖ ؟؟
_ ﺍﻫﺎ ﻛﻠﺘﻠﻲ ﻫﻴﺞ ﺍﻭﻙ ﻫﺴﻪ ﺍﺑﺪﻝ ﻭﺍﺟﻴﻜﻢ ﺍﺑﻦ ﻋﻤﻲ
_ ﻛﺒﺮ ﻃﻤﺞ ﻭﻃﻢ ﺍﻟﻴﻤﺪﺣﺞ ﺳﺪﻳﺘﻪ ﺑﺎﻭﻋﺖ ﻟﻤﻬﺎ ﺗﻀﺤﻚ
ﻣﻬﺎ : ﺷﻜﺪ ﺣﻠﻮﺓ ﻋﻼﻗﺘﻚ ﺍﻧﺖ ﻭﻋﺒﻴﺮ
ﺿﺤﻜﺖ : ﺍﻳﻴﻲ ﺍﻛﺜﺮ ﻭﺍﺣﺪ ﻳﻔﻬﻢ ﻋﺒﻴﺮ ﻫﻮ ﺍﻧﻲ ﻭﻫﻲ
ﻫﻢ ﻧﻔﺲ ﺍﻟﺸﻲ ﺑﺎﺟﺮ ﻋﻜﺒﻪ ﻣﻦ ﺗﺠﻴﻦ ﻳﻤﻲ ﻣﻮ ﺗﻐﺎﺭﻳﻦ ﻣﻨﻬﺎ ﺗﺮﻯ ﻫﺎﻱ ﻋﺮﺿﻲ ﻭﺷﻌﺮ ﺷﺎﺭﺑﻲ ﻣﻬﺎ
_ ﻻﻻ ﺍﺑﺪ ﺍﻋﺮﻑ ﻋﻼﻗﺘﻜﻢ ﺷﻨﻮ ﺍﻃﻤﺌﻦ ﺣﺒﻲ
ﺣﺠﺘﻬﺎ ﺑﺮﻳﺒﺔ ﻭﺩﻧﻜﺖ ..
ﻭﺻﻠﻨﺎ ﻟﻠﺒﻴﺖ ﻛﻌﺪﻧﺎ ﺑﺎﻻﺳﺘﻘﺒﺎﻝ ، ﻭﻇﻠﻴﻨﺎ ﻧﺴﻮﻟﻒ
ﻟﺰﻣﺖ ﺍﻳﺪﻫﺎ ﺑﺴﺘﻬﺎ ، ﺟﺮﺗﻬﺎ ﻣﻨﻲ ﻣﺴﺘﺤﻴﺔ ..
ﺟﺮﻳﺘﻬﺎ ﻟﺤﻀﻨﻲ ، ﺧﻠﺖ ﺭﺍﺳﻬﺎ ﻋﻠﻰ ﺻﺪﺭﻱ
ﺍﻳﺪﻱ ﺑﺸﻌﺮﻫﺎ ﺗﺪﺍﻋﺐ ﺧﺼﻼﺗﻪ
ﻭﺍﻟﺜﺎﻧﻴﺔ ﺍﺗﻠﻤﺲ ﻧﻌﻮﻣﺔ ﺑﺸﺮﺗﻬﺎ ، ﻭﻋﻴﻮﻧﻲ ﺗﺘﺄﻣﻠﻬﺎ
ﻫﻴﻪ ﺗﺒﺘﺴﻢ ﺗﺒﺎﻭﻉ ﺑﻌﻴﻮﻧﻲ ﻭﺗﻨﺼﻲ
ﻭﺍﺭﻓﻊ ﺭﺍﺳﻬﺎ ﺑﺄﺻﺎﺑﻌﻲ
ﻃﺒﻌﺖ ﺑﻮﺳﻪ ﻋﻠﻰ ﺧﺪﻫﺎ ﻗﺮﻳﺐ ﻟﺸﻔﺎﻳﻔﻬﺎ
ﻭﺭﺟﻌﺖ ﻛﺮﺭﺗﻬﺎ ﺑﺎﻟﺼﻔﺤﺔ ﺍﻟﺜﺎﻧﻴﺔ ﺩﺍ ﺍﺗﻘﺮﺏ
ﻟﺸﻔﺘﻬﺎ ﺷﻮﻳﻪ ﺷﻮﻳﻪ .. ﺍﺭﻳﺪ ﺍﺳﺮﻗﻬﺎ ..
ﺭﻓﻌﺖ ﺭﺍﺳﻲ ﺷﻔﺖ ﻋﺒﻴﺮ ﻭﺍﻛﻔﻪ ﺷﺎﻓﺘﻨﻲ ﻣﻦ ﺩﺍﺍﺑﻮﺱ ﻣﻬﺎ ﻭﺍﻧﻲ ﺍﻻﻏﺒﺮ ﻧﺎﺳﻲ ﺍﻟﺒﺎﺏ ﻣﻔﺘﻮﺡ
ﺟﺎﻧﺖ ﻧﻈﺮﺓ ﻋﺒﻴﺮ ﻣﺎﺍﻋﺮﻑ ﺷﻠﻮﻥ ﺍﻓﺴﺮﻫﺎ ﺍﺳﺘﻬﺰﺍﺀ
ﻉ ﺿﺎﻳﺠﻪ ﻉ ﺣﺎﻗﺪﻩ ﻭﺑﻄﺮﻑ ﺷﻔﺘﻬﺎ ﺷﺒﻪ ﺍﺑﺘﺴﺎﻣﻪ
ﺻﻔﺮﻩ
ﻣﻬﺎ ﺍﺭﺗﺒﻜﺖ ﺑﺴﺮﻋﻪ ﻋﺪﻟﺖ ﻧﻔﺴﻬﺎ ﻭﺍﻧﻲ ﻛﻤﺖ ﻭﻛﻔﺖ ...
_ ﻏﻴﺮ ﺗﺪﻛﻴﻦ ﺍﻟﺒﺎﺏ؟
_ ﺍﻟﺒﺎﺏ ﻣﻔﺘﻮﺡ ﻭﻫﺎﻱ ﻣﻮ ﻏﺮﻓﺔ ﻧﻮﻡ ﻫﺎﻱ ﺍﺳﺘﻘﺒﺎﻝ
ﺑﻌﺪﻫﺎ ﺩﺗﺤﺠﻲ ﺷﻔﺘﻬﺎ ﺍﺧﺘﻞ ﺗﻮﺍﺯﻧﻬﺎ ﻟﺰﻣﺖ ﺭﺍﺳﻬﺎ ﺗﺮﻳﺪ ﺗﺴﻴﻄﺮ ﻋﻠﻰ ﻧﻔﺴﻬﺎ ﻣﻜﺪﺭﺕ ﻭﺑﺴﺮﻋﻪ ﻭﻛﻌﺖ
ﻭﺍﻏﻤﻰ ﻋﻠﻴﻬﺎ ...
ﺭﻛﻀﺖ ﺍﻟﻬﺎ ﻭﺩﻧﻜﺖ ﺩﺍﺍﺣﺮﻛﻬﺎ ﻣﺎﺍﺣﺲ
ﺍﻻ ﻣﻬﺎ ﻃﻔﺮﺕ ﻭﺍﺟﺖ ﻳﻤﻬﺎ ﻭﻇﻠﺖ ﺗﻌﻴﻴﻂ ﺑﻌﻠﻮ ﺻﻮﺗﻬﺎ
_ ﻭﺍﻟﻘﺮﺃﻥ ﺍﻋﻮﻓﻪ ﺍﻟﺞ ﻋﺒﻴﺮ ﻭﺍﻟﻠﻪ ﺍﺗﺮﻛﻪ ﺑﺲ ﻟﻴﺼﻴﺮ
ﺑﻴﺞ ﺷﻲ ﻫﺴﻪ ﻫﺴﻪ ﺍﻓﺴﺦ ﺍﻟﺨﻄﻮﺑﻪ ﻭﺍﻟﻠﻪ ﻣﺎﺍﺩﺭﻱ
ﺑﻴﺞ ﺗﺤﺒﻲ ﻭﺩﺍﻋﺔ ﺍﻣﻲ .....
ﺍﻧﺼﺪﻣﺖ ﻫﺎﻱ ﺷﺒﻴﻬﺎ ﻣﻬﺎ ﺷﺪﺗﺨﺮﻁ ﺷﻨﻮ ﺍﻓﺴﺦ ﺷﻨﻮ ﺍﻋﻮﻓﻪ ﺍﻟﺞ ﺗﺮﻛﺖ ﻣﻬﺎ ﺗﻠﻄﻢ ﻭﺭﺣﺖ
ﻟﻌﺒﻴﺮ ﻇﻠﻴﺖ ﺍﻛﻌﺪ ﺑﻴﻬﺎ ، ﻣﺘﻜﻌﺪ ﺍﺿﺮﺑﻬﺎ ﺭﺍﺷﺪﻳﺎﺕ ﻋﻠﻰ ﻭﺟﻬﻪ ، ﺗﻔﺘﺢ ﻋﻴﻮﻧﻬﺎ ﻭﺗﻐﻤﻀﻬﻦ ، ﺟﺘﻲ ﺍﻣﻲ ﻋﻠﻰ ﺣﺴﻲ ﺻﺎﺣﺖ ﻫﺎﻱ ﺷﻜﻮ ﺷﺒﻴﻬﺎ ﻭﻟﻚ ﻛﺮﺍﺭ ﺷﺴﻮﻳﺖ ﺑﻴﻬﺎ ؟
ﺭﻓﻌﺖ ﺭﺍﺳﻲ ﺑﺎﻭﻋﺖ ﻻﻣﻲ ﻭﺟﺎﻭﺑﺘﻬﺎ ﻭﺍﻧﻲ ﻣﻌﺼﺐ : ﻳﻮﻭﻡ ﻳﻌﻨﻲ ﺷﺴﻮﻱ ﺑﻴﻬﺎ ﻫﻴﻪ ﻭﻛﻌﺖ ﻣﻜﺮﻱ ﺷﺒﻴﻬﺎ .
ﻛﺮﻓﺼﺖ ﻛﺪﺍﻣﻲ ﻛﺎﻟﺖ ﻭﻟﻚ ﺷﺒﻴﻬﺎ ﻭﺟﻬﻪ ﺍﺣﻤﺮ ﺷﺒﻴﻬﺎ ؟
ﻏﻴﺮ ﺩﺍ ﺍﺭﻳﺪﻫﺎ ﺗﻜﻌﺪ ﻭﺿﺮﺑﺘﻬﺎ ﻛﻢ ﺭﺍﺷﺪﻱ ..
ﻭﻟﻚ ﻫﻮ ﻫﻴﺞ ﺍﻟﻲ ﻳﻜﻌﺪ .. ﺑﺎﻭﻋﺖ ﻟﻤﻬﺎ ﻭﻛﺎﻟﺖ ﻭﻫﺎﻱ ﺷﺒﻴﻬﺎ ﺍﻟﻨﻮﺏ ؟
ﻣﺎﺩﺭﻱ ﻣﺎﺩﺭﻱ ، ﺭﻓﻌﺖ ﻋﺒﻴﺮ ﻣﻦ ﺍﻟﻜﺎﻉ ﻭﻭﺩﻳﺘﻬﺎ ﻟﻠﺴﻴﺎﺭﺓ ﺩﺍﺍﺭﻳﺪ ﺍﻭﺩﻳﻬﺎ ﻟﻠﻤﺴﺘﺸﻔﻰ .
ﻭﺍﻣﻲ ﻭﺭﺍﻳﻪ ﺗﻤﺸﻲ ﻭﺗﺘﺤﻠﻄﻢ ﻳﺒﻮﻭﻭ ﺭﺍﺡ ﻳﺼﻴﺮ ﺑﺎﻟﺒﻨﻴﻪ ﺷﻲ ﻭﺍﻧﻮﺏ ﺍﺑﻴﺘﻨﺎ ﻭﻧﺒﺘﻠﻲ ﻳﺒﻮﻭﻭﻭ ..
ﺭﺟﻌﺖ ﻟﻼﺳﺘﻘﺒﺎﻝ ﺷﻔﺖ ﻣﻬﺎ ﻋﻠﻰ ﻛﻌﺪﺗﻬﺎ ﻭﺗﺒﺠﻲ ﻭﺗﺪﺭﺩﻡ .. ﺭﺣﺖ ﻋﻠﻴﻬﺎ ﻫﺰﻳﺘﻬﺎ
_ ﻛﻮﻭﻭﻭﻭﻣﻲ ﺧﺎﺗﻮﻭﻭﻭﻥ ﻛﻮﻭﻣﻲ ﺧﻠﻲ ﻧﺎﺧﺬ ﻋﺒﻴﺮ
ﻟﻠﻤﺴﺘﺸﻔﻰ ﻭﺑﻌﺪﻳﻦ ﺍﻟﻲ ﺗﺼﺮﻑ ﺛﺎﻧﻲ ﻭﻳﺎﺝ ﻉ ﻫﺬﺍ
ﺍﻟﺨﺮﻁ .
ﺍﻣﻲ ﻛﺎﻟﺖ ﺍﻧﻲ ﺍﺭﻭﺡ ﻭﻳﺎﻙ ..
ﻻ ﻳﻮﻡ ﺧﻠﻴﺞ ﺍﻧﺘﻲ ﺍﻧﻲ ﻭﻣﻬﺎ ﻧﺮﻭﺡ ..
ﺍﻛﻮﻟﻚ ﻛﺮﺍﺭ ﺷﺒﻴﻜﻢ ﻭﺷﺒﻴﻬﺎ ﻭﻟﻚ ﺷﺴﻮﻳﺘﻮﺍ ﺑﺎﻟﺒﻨﻴﻪ ﻛﺮﺍﺭﺭﺭ ...
ﻣﺎﺳﻮﻳﻨﻪ ﺷﻲ ﻫﻴﻪ ﻣﺪﺭﻱ ﺷﺒﻴﻬﺎ
ﺑﻘﺖ ﻣﻬﺎ ﻛﺎﻋﺪﺓ ، ﺧﺰﺭﺗﻬﺎ ﻫﻲ ﺑﺴﺮﻋﻪ ﻛﺎﻣﺖ ﻟﻔﺖ ﺷﺎﻟﻬﺎ ﻭﻟﺤﻜﺘﻨﻲ
ﻛﻌﺪﺕ ﻳﻢ ﻋﺒﻴﺮ ﻭﺭﻩ ﻭﺧﻠﺖ ﺭﺍﺳﻬﺎ ﺑﺤﻀﻨﻬﺎ ﻭﺗﺒﺠﻲ ﻭﺗﺘﻮﺳﻞ ﺑﻌﺒﻴﺮ
_ ﻭﺍﻟﻠﻪ ﺩﺯﻳﺖ ﻋﻠﻴﺞ ﺣﺘﻰ ﺍﺣﺠﻲ ﻛﺪﺍﻣﺞ ﻭﻳﺎ ﻛﺮﺍﺭ
ﻭﺍﻟﻠﻪ ﻣﺮﺩﺕ ﺗﺸﻮﻓﻴﻦ ﻫﻴﺞ ﻣﻨﻈﺮ ﺑﻌﻴﻨﺞ ﺑﺲ ﻫﻮ
ﻛﺮﺍﺭ ﻣﻜﺪﺭﺗﻠﻪ ﻓﺪﻭﻭﻭﺓ ﻋﺒﻴﺮ ﺍﻛﻌﺪﻱ .
ﻋﻄﺖ ﺑﻴﻬﺎ : ﺑﺴﺴﺴﺴﺴﺲ ﻟﺠﺠﺠﺞ ﻻ ﺍﺑﺘﻠﻲ ﺑﻴﺠﺠﺞ ﻭﺧﺮﺭﺭﺭﻱ ﻋﻨﻬﺎ ﻳﻼﺍﺍﺍ ﻭﺧﺮﺭﺭﺭﺭﻱ ﻃﺎﻳﺤﺔ
ﺍﻟﺤﻆ ﻣﻨﻴﻠﺞ ﻫﺎﻻﻓﻜﺎﺍﺍﺍﺭ ﺍﻟﺨﺎﻳﺴﺴﺴﺴﻪ ﻫﺎﻱ ﻟﻴﻴﻴﻴﺶ ﻟﺠﺠﺠﺞ ﻧﺴﻴﻴﺘﺘﻲ ﻣﻨﻮ ﺳﺎﻋﺪﻧﺎ ﻏﻴﺮﻫﺎ ؟
ﻇﻠﺖ ﺗﺒﺠﻲ ﻭﺗﻤﺴﺢ ﺑﺪﻣﻮﻋﻬﺎ ﺑﻈﺎﻫﺮ ﻛﻔﻬﺎ ﻭﺗﺒﺎﻭﻋﻠﻲ ﺑﺨﻮﻭﻑ ..
ﻭﺻﻠﻨﺎ ﻟﻠﻤﺴﺘﺸﻔﻰ ﻧﺰﻟﺖ ﻋﺒﻴﺮ ﺍﺧﺬﻭﻫﺎ ﻟﻠﻄﻮﺍﺭﺉ
ﻃﻠﻊ ﺿﻐﻄﻬﺎ ﻫﺎﺑﻂ ﺧﻠﻮﻟﻬﺎ ﻣﻐﺬﻱ ﻃﻮﻝ ﻣﺎﻋﺒﻴﺮ
ﺑﺎﻟﺮﺩﻫﻪ ﻣﻬﺎ ﻻﺯﻣﻪ ﺍﻳﺪﻫﺎ ﻭﺗﺒﺠﻲ ..
ﺑﻘﻴﺖ ﻭﺍﻛﻒ ﺍﻧﺘﻈﺮ ﺍﺟﺘﻲ ﻣﻬﺎ ﺗﺄﺷﺮﻟﻲ ﻛﻌﺪﺕ ﻓﺘﺤﺖ ﻋﻴﻮﻧﻬﺎ ، ﺭﺣﺖ ﻓﺘﺖ ﻋﻠﻴﻬﺎ ﺑﺴﺮﻋﺔ ﻗﺮﺑﺖ ﻣﻨﻬﺎ ﻭ ﺑﺴﺖ ﺭﺍﺳﻬﺎ : ﻫﺎ ﻋﺒﻮﺭﺓ ﺷﻠﻮﻥ ﺻﺮﺗﻲ ﻳﻤﻌﻮﺩﻩ ﺧﻮﻓﺘﻴﻨﻲ ﻋﻠﻴﺞ
ﻫﺰﺕ ﺭﺍﺳﻬﺎ ﺷﻮﻳﻪ ﺑﺎﺭﻫﺎﻕ ﻭﺗﻌﺐ ، ﺍﺟﻪ ﺍﻟﺪﻛﺘﻮﺭ ﻛﺘﺒﻠﻬﺎ ﺧﺮﻭﺝ ،ﻗﺮﺭﺕ ﻣﺎ ﺍﺑﻠﻎ ﺑﻴﺖ ﻋﻤﻲ ﺧﻄﻴﻪ ﻣﺎﺑﻴﻬﻢ ﺣﻴﻞ
ﻫﺒﻄﻪ .
ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻭﻋﺒﻴﺮ ﺷﻮﻳﻪ ﺍﺣﺴﻦ ﺗﻤﺸﻲ ﻭﺍﺣﻨﻪ ﻻﺯﻣﻴﻬﺎ ﻣﻦ ﺍﺩﻳﻬﺎ ، ﻓﺘﺤﺖ ﺍﻟﻬﺎ ﺍﻟﺒﺎﺏ ﺍﻟﻮﺭﻩ ﻭﺻﻌﺪﺕ
ﻣﻬﺎ ﺍﺟﺖ ﺩ ﺗﺼﻌﺪ ﻟﻴﻮﺭﺍ ، ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﺩﺭﺗﻬﺎ ﻋﻠﻴﻪ ﺑﺎﻭﻋﺘﻠﻲ ﻣﺘﻔﺎﺟﺄﺓ ، ﺧﺰﺭﺗﻬﺎ ﺧﺰﺭﺓ ﺑﺘﻬﺪﻳﺪ ..
ﻫﺰﺕ ﺭﺍﺳﻬﺎ ﺑﻤﻮﺍﻓﻘﺔ ﻭﺍﺟﺖ ﻛﻌﺪﺕ
ﻳﻤﻲ ﺑﺎﻟﺼﺪﺭ ..
ﻣﻬﺎ ﺩﺍﺭﺕ ﻭﺟﻬﻪ ﺗﺒﺎﻭﻉ ﻟﻌﺒﻴﺮ ﻭﺗﺴﺄﻟﻬﺎ ﻋﻦ ﺣﺎﻟﻬﺎ
ﻋﺒﻴﺮ ﻣﺠﺎﻭﺑﺘﻬﺎ ﻭﺩﺍﺭﺕ ﻭﺟﻬﻪ ﻋﻨﻬﺎ ﺻﻮﺕ ﺍﻟﺠﺎﻣﺔ
ﻭﻋﻮﺟﺖ ﺣﻠﻜﻬﺎ .
ﺻﻔﻨﺖ ﻭﻇﻠﻴﺖ ﺍﻓﻜﺮ ﺑﻴﻨﻲ ﻭﺑﻴﻦ ﻧﻔﺴﻲ ﺻﺪﻣﻨﻲ ﺗﺼﺮﻑ ﻋﺒﻴﺮ ﻭﻳﺎ ﻣﻬﺎ ، ﻣﻌﻘﻮﻟﺔ ﻛﻼﻡ ﻣﻬﺎ ﺻﺤﻴﺢ ؟
ﺑﺲ ﻣﺴﺘﺤﻴﻞ ﻋﺒﻴﺮ ﺗﻔﻜﺮ ﺑﻴﻪ ﺍﺻﻼً ﻫﻲ ﻣﺎﻋﺪﻫﺎ ﻫﻴﺞ ﺍﻓﻜﺎﺭ ﺍﺑﺪ ﻭﺣﺘﻰ ﻣﻦ ﻧﺴﺄﻟﻬﺎ ﺗﺠﺎﻭﺏ ﺍﺗﺰﻭﺝ ﺗﻘﻠﻴﺪﻱ ﻣﺎﺑﻴﻪ ﺣﻴﻞ ﺍﻟﺤﺐ ﻭﺯﻋﻞ ﻭﺗﻮﺳﻠﻲ ﺑﻲ ﻭﻣﻦ ﻫﺎﻟﺤﺠﻲ ؟ ﻟﻌﺪ ﺷﺒﻴﻬﺎ ﻫﺴﻪ !!
ﺣﺮﻛﺖ ﺍﻟﺴﻴﺎﺭﺓ ﻭﺑﺎﻟﻲ ﻣﺸﻐﻮﻝ ، ﻭﺻﻠﺖ ﻟﻠﺒﻴﺖ
ﻧﺰﻟﻨﺎ ﻣﻦ ﺍﻟﺴﻴﺎﺭﺓ ﺑﺎﻭﻋﺖ ﻟﻤﻬﺎ ﺗﺒﺎﻭﻋﻠﻲ ﺑﺨﻮﻑ .
ﻋﺮﻓﺖ ﺣﻔﺘﺢ ﺍﻟﻤﻮﺿﻮﻉ .
ﺍﻣﺎ ﻋﺒﻴﺮ ﺑﺎﻭﻋﺘﻠﻲ ﻭﻛﺎﻟﺖ ﺷﻜﻮ ﺟﺒﺘﻨﻲ ﻟﻬﻨﺎ ﺍﺭﻳﺪ ﺍﺭﻭﺡ ﻟﺒﻴﺘﻨﺎ ﺍﻟﺘﻔﺘﺖ ﺩﺗﺮﻭﺡ ﻣﺸﻲ ﺟﺮﻳﺘﻬﺎ ﻣﻦ ﺍﻳﺪﻫﺎ ﻭﺩﺧﻠﺘﻬﺎ ﻟﻠﺒﻴﺖ ﺑﺴﺮﻋﺔ ..
ﻋﺎﻃﺖ ﺑﻴﻪ : ﻫﻴﻴﻴﻴﻲ ﺷﻜﻮ ﺗﺠﺮﻧﻲ ﻛﻮﺓ ﻫﻲ ﺩﺍﺍﺭﻳﺪ
ﺍﻭﻟﻲ ﻟﺒﻴﺘﻨﺎ
ﺣﺎﺟﻴﺘﻬﺎ ﺑﺄﺻﺮﺍﺭ ﻭﺍﺷﺮ ﻋﻠﻰ ﺑﻴﺘﻨﺎ ﺑﺮﺍﺳﻲ : ﺗﻌﺎﻟﻲ ﻋﻨﺪﻱ ﻣﻮﺿﻮﻉ ﻭﻳﺎﺝ ﺍﻧﺘﻲ ﻭﺳﺖ ﻣﻬﺎ
ﻋﻜﺪﺕ ﺣﻮﺍﺟﺒﻬﺎ ﺑﺎﺳﺘﻔﺴﺎﺭ : ﻣﻮﺿﻮﻉ !! ﻭﺍﻧﻲ ﻭﻣﻬﺎ !! ﺧﻴﺮ ﺷﻜﻮ ﻭﻟﻮ ﺍﻧﺖ ﻣﻴﺠﻲ ﻣﻨﻚ ﺧﻴﺮ ﺍﺑﺪ
ﺑﺎﻭﻋﺘﻠﻲ ﺷﺎﻓﺘﻨﻲ ﻣﺮﻛﺰ ﻧﻈﺮﻱ ﺑﻴﻬﺎ ، ﻓﺮﺕ ﺍﻳﺪﻫﺎ ﻭﺭﺍﺣﺖ ﻓﺎﺗﺖ ﺟﻮﺍ ، ﻭﺍﻧﻲ ﺍﺷﺮﺕ ﻟﻤﻬﺎ ﻭﻛﺘﻠﻬﺎ ﺑﺤﺪﻳﻪ ﻭﻣﺨﻨﺰﺭ ﻋﻴﻮﻧﻲ : ﻓﻮﺗﻲ ﺟﻮﻩ ..
ﻓﺎﺗﺖ ﻗﺒﻠﻲ ، ﺩﺧﻠﺖ ﺷﻔﺖ ﻋﺒﻴﺮ ﻛﺎﻋﺪﺓ ﻋﻠﻰ ﺍﻟﻜﺮﺳﻲ : ﺑﺲ ﺷﺎﻓﺘﻨﺎ ﺩﺧﻠﻨﺎ ﺑﺎﻭﻋﺘﻠﻨﺎ ﺑﻌﺪﻡ ﺭﺿﻰ
ﻭﻛﺎﻟﺖ ﺑﻨﻔﺎﺫ ﺻﺒﺮ : ﻳﻼ ﺍﺳﻤﻌﻚ ﺍﺣﺠﻲ
ﺑﺎﻭﻋﺖ ﻋﻠﻰ ﻣﻬﺎ ﺟﺎﻧﺖ ﻣﺪﻧﻜﻪ ﻭﺗﺒﺠﻲ ..
ﻛﻌﺪﺕ ﻉ ﺍﻟﺘﺨﻢ ﻭﺟﺮﻳﺖ ﺣﺴﺮﺓ ﻭﺣﺠﻴﺖ ﻛﻞ ﺍﻟﻜﻼﻡ ﺍﻟﻲ ﻛﺎﻟﺘﻪ ﻣﻬﺎ ﻟﻌﺒﻴﺮ ﻟﻤﻦ ﺟﺎﻧﺖ ﻓﺎﻗﺪﺓ ﺍﻟﻮﻋﻲ ..
ﻋﺒﻴﺮ ﻋﻴﻮﻧﻬﺎ ﺍﻣﺘﻸﻥ ﺑﻨﻈﺮﺍﺕ ﻣﻠﻴﺎﻧﻪ ﺻﺪﻣﺔ ﺭﻣﺸﺖ ﻋﺪﺓ ﺭﻣﺸﺎﺕ ﻟﺤﺘﻰ ﺗﺴﺘﻮﻋﺐ ، ﺑﻌﺪﻫﺎ ﺗﺤﻮﻟﺖ ﻫﻴﺌﺘﻬﺎ ﻛﻠﻬﺎ ﻏﻀﺐ ﻭﻋﺼﺒﻴﺔ ، ﻋﻴﻮﻧﻬﺎ ﺻﺎﺭﻥ ﺑﺎﻟﻄﻮﻝ ﺍﻟﺘﻔﺘﺖ ﻉ ﻣﻬﺎ ﺧﺰﺭﺗﻬﺎ ﻭﻳﻤﻜﻦ ﻟﻮ ﻣﺎﻋﻴﺐ ﻣﻨﻲ ﺟﺎﻥ ﻛﻔﺸﺘﻬﺎ
ﻛﺎﻣﺖ ﻣﻦ ﻣﻜﺎﻧﻬﺎ ﺭﺍﺣﺖ ﻭﻛﻔﺖ ﻣﻘﺎﺑﻴﻞ ﻣﻬﺎ ﻭﺍﻧﻔﺎﺳﻬﺎ ﻋﻠﻰ ﻭﺷﻚ ﺍﻥ ﺗﺘﻼﺷﻰ .
ﺣﺠﻴﺖ ﺑﺘﺤﺬﻳﺮ : ﻋﺒﻴﺮ ﺩﻳﺮﺑﺎﻟﺞ ﺗﺮﻯ ﺗﺼﻴﺮ ﻣﻮ ﺯﻳﻨﻪ
ﻭﺍﻟﻠﻪ
ﺍﻟﺘﻔﺘﺖ ﻋﻠﻴﻪ : ﻫﻪ ﻛﻞ ﻋﻘﻠﻚ ﺍﻭﺳﺦ ﻧﻔﺴﻲ ﺑﻬﻴﺞ
ﺯﺑﺎﻟﻪ ﺍﻧﺖ ﻭﺍﻟﻠﻪ ﺑﻄﺮﺍﻥ ﺑﺎﻭﻋﺖ ﻉ ﻣﻬﺎ ﻭﻭﺟﻬﺖ ﻛﻼﻣﻬﺎ ﺍﻟﻬﺎ ﻟﻼﺳﻒ ﺟﻨﺖ ﺍﺣﺴﺒﺞ ﺍﺧﺘﻲ ﺍﻟﺜﺎﻟﺜﻪ ﺑﺲ ﻃﻠﻌﺘﻲ ﻏﺒﻴﺔ ﻭﻣﺘﺴﺘﺎﻫﻠﻴﻦ ﺑﺲ ﺗﻌﺎﻟﻲ ﻛﻮﻟﻴﻠﻲ ﻣﻨﻴﻠﺞ ﻫﺎﻟﺨﺮﻁ
ﺍﻟﺨﺎﻳﺲ
ﻣﻬﺎ ﻣﺪﻧﻜﻪ ﻭﻫﻤﺴﺖ : ﻋﺒﻴﺮ ﻭﺍﻟﻠﻪ ﻣﻮ ﺍﻧﻲ ﻭﺍﻟﻠﻪ ﻫﺎﻱ ﺑﻨﺖ ﻋﻤﺞ ﺧﺎﺑﺮﺗﻨﻲ ﻭﺗﺒﺠﻲ ﻭﺗﺘﻮﺳﻞ ﺑﻴﻪ ﺍﺗﺮﻙ ﻛﺮﺍﺭ
ﻉ ﺍﺳﺎﺱ ﺍﻧﺘﻲ ﺗﺴﺘﺤﻴﻦ ﺗﺤﺠﻴﻦ ﻭﻳﺎﻳﻪ ﻭﺍﻟﻨﺒﻲ
ﺍﻧﻲ ﺍﻟﻴﻮﻡ ﺍﺟﻴﺖ ﺩﺍﺍﺧﻠﻲ ﺣﺪ ﻟﻜﻮﻟﺸﻲ ﺍﻧﻲ ﻣﻮ ﻧﺬﻟﻪ
ﻭﺍﺧﺬ ﺣﺒﻴﺐ ﺻﺪﻳﻘﺘﻲ
ﻣﻬﺎ ﺑﻌﺪﻫﺎ ﺩﺗﺤﺠﻲ ﻭ ﻋﺒﻴﺮ ﺿﺤﻜﺖ ﺑﺼﻮﺕ ﻋﺎﻟﻲ ﻭﺑﺎﺳﺘﻬﺰﺍﺀ ..
_ ﺣﺒﻴﺐ !!! ﺷﺒﻴﺞ ﻳﻤﻪ ﻣﻨﻮ ﻫﺬﺍ ﺍﻟﺤﺒﻴﺐ ﻛﺮﺍﺭ ﻭﺍﺷﺮﺕ ﻋﻠﻴﻪ ﺑﺎﺳﺘﻬﺰﺍﺀ
ﻓﺘﺤﺖ ﻋﻴﻮﻧﻲ ﻣﺼﺪﻭﻡ ، ﻟﻜﻦ ﻋﺬﺭﺗﻬﺎ ﺣﻘﻬﺎ ﻫﻴﺞ ﺗﺘﺼﺮﻑ ﺍﻟﺸﻲ ﻣﻮ ﻣﺘﻮﻗﻊ ﺍﺑﺪ
ﺑﺤﺪﻳﻪ ﺣﺎﺟﻴﺘﻬﺎ ﻭﺻﺎﻙ ﻋﻠﻰ ﺍﺳﻨﺎﻧﻲ : ﺍﺣﺘﺮﻣﻲ ﻧﻔﺴﺞ ﻋﺎﺩ
ﺿﺤﻜﺖ ﺑﺴﺨﺮﻳﺔ ﻭﺣﺠﺖ : ﻭﻣﺘﻜﻮﻝ ﻟﺨﻄﻴﺒﺘﻚ ﺗﺤﺘﺮﻡ ﻧﻔﺴﻬﺎ ﻭﻳﺎﻳﻪ ﻣﻦ ﺍﻻﻭﻝ ﺍﺑﺘﺪﺍﺋﻲ ﺗﺎﻟﻲ ﺗﺼﺪﻙ ﺑﻤﺨﺎﺑﺮﺓ
ﺍﻟﺘﻔﺘﺖ ﺑﺎﻭﻋﺘﻠﻲ ﺑﻐﻀﺐ : ﺑﺴﻴﻄﺔ ﺍﻟﻴﻮﻡ ﻟﻮ ﺍﻧﻲ ﻟﻮ
ﺍﺳﺮﺍﺀ ﺍﻻﺩﺑﺴﺰ ﻭﺍﻟﻠﻪ ﻭﺩﺍﻋﺔ ﺍﻣﻲ ﻣﺎﺍﺳﻜﺖ
ﻓﺎﺗﺖ ﻣﻦ ﻳﻤﻲ ﻣﺜﻞ ﺍﻟﺒﺮﻕ ﻃﻠﻌﺖ ﺗﺮﻛﺾ ، ﺭﻛﻀﺖ
ﻭﺭﺍﻫﺎ ﻟﺤﻜﺘﻬﺎ ﻭ ﺟﺮﻳﺘﻬﺎ ﻣﻦ ﻣﻼﺑﺴﻬﺎ ، ﺩﻓﻌﺘﻨﻲ ﻣﻌﺼﺒﺔ ﻭﻋﺒﺎﻟﻚ ﺍﻟﺸﻴﺎﻃﻴﻦ ﻛﻠﻬﺎ ﻣﺘﺮﺑﻌﺔ ﺑﺮﺍﺳﻬﺎ ﺻﺎﺣﺖ : ﻭﺧﺮﺭﺭﺭﺭﺭﺭﺭ ﺩﻳﺮﺑﺎﻟﻚ ﺗﻄﺨﻨﻲ
ﺣﺠﻴﺖ ﺑﻨﺒﺮﺓ ﻣﻄﻤﺌِﻨﺔ ﺍﺣﺎﻭﻝ ﺍﻫﺪﺋﻬﺎ : ﺑﺲ ﺍﻫﺪﺋﻲ ﻭﺍﻧﻲ ﻭﻳﺎﺝ ﻫﺴﻪ ﺭﺍﻳﺢ ﺗﺮﻯ ﻫﻲ
ﻳﻢ ﺍﻫﻠﻬﺎ ﻭﺧﻠﻲ ﺑﺒﺎﻟﺞ ﺍﻱ ﺷﻲ ﺗﺴﻮﻱ ﻫﻲ ﺭﺍﺡ
ﺗﺮﺟﻌﻪ ﻋﻠﻰ ﺍﺧﺘﺞ ..
ﺑﻘﺖ ﺗﻨﻔﺦ ﺑﻌﺼﺒﻴﺔ ﻭﻛﺄﻧﻬﺎ ﺗﻔﻜﺮ ﻟﺜﻮﺍﻧﻲ .
ﻃﻠﻌﺖ ﻣﻬﺎ ﻭﺭﺍﻧﺎ ﻭﻛﺎﻟﺖ ﺑﻨﺒﺮﺓ ﺧﻮﻑ ﺑﻌﺪﻩ ﻣﺴﻴﻄﺮ ﻋﻠﻴﻬﺎ _ ﻋﺒﻴﺮ ﺗﺮﻯ ﻣﺤﺪ ﻳﺼﺪﻛﺞ ﺍﻻ ﺍﺭﻭﺡ ﻭﻳﺎﺝ ﻫﻴﺎﺗﻬﺎ
ﺍﻟﻤﻜﺎﻟﻤﻪ ﻣﺴﺠﻠﺘﻬﺎ ﺍﺷﻐﻠﻬﺎ ﻛﺪﺍﻣﻬﻢ ﻭﺍﺧﻠﻴﻬﻢ ﻳﺴﻤﻌﻮﻥ
ﺳﻜﺘﺖ ﻋﺒﻴﺮ ﺛﻮﺍﻧﻲ ، ﻋﺎﺿﺔ ﺷﻔﺘﻬﺎ ﻭﻛﺎﺗﻤﺔ ﻏﻀﺒﻬﺎ ﺑﺪﺍﺧﻠﻬﺎ ، ﺍﺷﺮﺕ ﺑﺮﺍﺳﻬﺎ ﻛﺎﻟﺖ ﻳﻠﻠﻪ ..
ﺍﻧﺘﻈﺮﻱ ﺍﺧﺎﺑﺮ ﺍﺑﻮ ﺍﺣﻤﺪ ﺑﺎﻋﺘﺒﺎﺭ ﺍﺧﻮﻫﻪ ﺍﻟﻜﺒﻴﺮ ﻭﺍﺗﺎﻛﺪ ﻣﻦ ﺻﻔﺎﺀ ﻫﻢ ﺧﻠﻲ ﻳﺤﻀﺮ ﻭﻳﺸﻮﻑ ﻋﻤﺎﻳﻞ ﺍﺧﺘﻪ .
ﺧﻠﻲ ﻛﻞ ﺍﻟﻜﻼﻡ ﻳﺼﻴﺮ ﻛﺪﺍﻡ ﺍﺧﻮﺍﻧﻬﺎ ﺍﺣﺴﻦ .
ﻫﺰﺕ ﺭﺍﺳﻬﺎ ﺑﺮﺻﻰ ﺑﺲ ﺑﻌﺪﻫﻪ ﻣﻌﺼﺒﺔ ، ﺧﺎﺑﺮﺗﻬﻢ ﺍﻧﻲ ﺍﺑﻮ ﺍﺣﻤﺪ ﻛﺎﻝ ﺟﺎﻱ ﺑﺎﻟﻄﺮﻳﻖ ﻭﺻﻔﺎﺀ ﻛﺎﻝ ﺍﻧﻲ ﻣﻮﺟﻮﺩ .
ﺭﺣﻨﺎ ﻟﺒﻴﺖ ﻋﻤﻲ ﺩﻛﻴﻨﺎ ﺍﻟﺒﺎﺏ ﻃﻠﻌﺖ ﻣﺮﺓ ﻋﻤﻲ ﺳﻠﻤﻨﺎ ﻋﻠﻴﻬﺎ ﻇﻠﺖ ﺗﺒﺎﻭﻉ ﻟﻤﻬﺎ ﻻﻥ ﻭﻳﺎﻧﺎ ، ﻣﻬﺎ ﺍﺭﺗﺒﻜﺖ ﻭﺧﺠﻼﻧﺔ
ﻓﻮﺗﺘﻨﻪ ﺟﻮﺓ ..
ﺩﺧﻠﻨﺎ ﻋﻤﻲ ﺟﺎﻥ ﺑﺎﻻﺳﺘﻘﺒﺎﻝ ﺳﻠﻤﻨﻪ ﻋﻠﻴﻪ ﻭﻛﻌﺪﻧﺎ
ﻭﺭﺍﻫﻢ ﺍﺟﻪ ﺻﻔﺎﺀ ﻭﺯﻫﺮﺍﺀ ..
ﺗﻮﻧﺎ ﻛﺎﻋﺪﻳﻦ ﻭﻋﺒﻴﺮ ﺗﺮﻳﺪ ﺗﻔﺘﺢ ﺍﻟﻤﻮﺿﻮﻉ ﺭﺃﺳﺎً ، ﺍﺷﺮﺗﻠﻬﺎ ﺑﻌﻼﻣﺔ ﺍﻟﺼﺒﺮ ، ﺗﻨﻔﺴﺖ ﺑﻀﻴﻖ ﻭﺩﺍﺭﺕ ﻭﺟﻬﻪ
ﻭﺭﺓ ﺩﻗﺎﻳﻖ ﺍﺟﻪ ﺍﺑﻮ ﺍﺣﻤﺪ ﺳﻠﻢ ﻉ ﺍﻟﻜﻞ ﻭﻛﻌﺪ ﻛﺎﻝ ﺍﻱ ﻛﺮﺍﺭ ﺷﻜﻮﻭ ؟ ﺻﺎﻳﺮ ﺷﻲ ؟
ﻋﺒﻴﺮ ﻛﺎﻟﺖ ﺍﻧﻲ ﻋﻨﺪﻱ ﻛﻼﻡ ﺍﺭﻳﺪ ﺍﺣﺠﻲ ..
ﺑﺎﻭﻋﺖ ﻻﺑﻮ ﺍﺣﻤﺪ ﻭﺍﺷﺮﺗﻠﻪ ﻋﻠﻰ ﻋﺒﻴﺮ
ﻫﻲ ﻭﺟﻬﺖ ﻛﻼﻣﻬﺎ ﻟﻌﻤﻲ : ﻋﻤﻮ ﻋﻨﺪﻱ ﻣﻮﺿﻮﻉ ﻭﻳﺎﻙ
ﺟﺎﻭﺑﻬﺎ ﻣﺘﻔﺎﺟﺄ : ﺍﻱ ﻳﺎﺑﻪ ﻛﻮﻟﻲ
_ ﻋﻤﻮ ﺃﻧﻲ ﺍﻻﻋﺮﻓﻪ ﺑﻨﺖ ﺍﻟﻌﻢ ﺍﺧﺖ ﻣﻮ ﻟﻮ ﺍﻧﻲ ﻏﻠﻄﺎﻧﻪ ﺑﻬﺎﻱ؟
_ ﻻ ﻳﺎﺑﻪ ﺣﺸﺎﺝ ﻣﻦ ﺍﻟﻐﻠﻂ .. ﻋﻤﻲ ﻋﺒﺎﻟﻚ ﻋﺮﻑ ﺑﻨﺘﻪ ﻣﺴﻮﻳﻪ ﻣﺼﻴﺒﻪ ﺧﻠﻪ ﺍﻳﺪﻩ ﻋﻠﻰ ﻓﻜﻪ ﻳﻔﺮﻙ ﻣﺤﺘﺎﺭ ﻭﻧﻈﺮﺍﺕ ﻋﻴﻮﻧﻪ ﺑﺎﻟﻔﺮﺍﻍ .
ﺍﺳﺘﺮﺳﻠﺖ ﻋﺒﻴﺮ ﺑﺎﻟﻜﻼﻡ : ﻋﻤﻮ ﺑﻨﺘﻚ ﺗﻄﻌﻦ ﺑﻴﻪ ﻭﺧﻠﺼﺖ ﻛﻞ ﻋﻤﺮﻫﺎ ﺗﻄﻌﻦ ﺑﻴﻨﺎ ﻭﻻ ﻋﺒﺎﻟﻚ ﺑﻨﺎﺕ ﻋﻤﻬﺎ ﻳﺎﺑﻪ ﻣﻮ ﻻﺯﻡ ﻣﻮ ﺿﺮﻭﺭﻱ ﺍﺣﻨﻪ ﻫﻢ ﻫﻴﺞ ﺑﻨﺖ ﻋﻢ ﻣﻨﺮﻳﺪﻫﺎ ..
ﻭﻛﻤﻠﺖ ﺑﻨﺒﺮﺓ ﺗﻬﺪﻳﺪ : ﺑﺲ ﻛﻮﻟﻠﻬﺎ ﺗﻜﻒ ﺷﺮﻫﺎ ﻋﻨﻪ ﺗﺮﻯ ﺍﺣﻨﻪ ﻣﻘﺎﺻﺮﻳﻦ ﺑﺲ ﺍﺣﻨﻪ ﻧﺤﺘﺮﻡ
ﻭﺍﻣﻨﺎ ﻭﺍﺑﻮﻧﺎ ﺭﺑﻮﻧﺎ ﻋﺪﻝ ﻭﺍﻧﺘﻮﺍ ﺍﺳﻤﺤﻠﻲ ﺍﻛﻮﻟﻚ
ﺩﻻﻟﻜﻢ ﻓﺴﺪﻫﺎ ﻭﺍﺫﺍ ﺗﺮﻳﺪ ﺗﻄﻠﻊ ﻓﺴﺎﺩﻫﺎ ﺧﻠﻲ ﺗﻄﻠﻌﻪ
ﻋﻠﻴﻬﺎ ﺗﺮﻯ ﺍﺧﻠﻲ ﺑﺎﺑﺎ ﻳﺸﻮﻓﻬﺎ ﺍﻟﻨﺠﻮﻡ ﺑﻌﺰ ﺍﻟﻈﻬﺮ .
ﺣﺠﻪ ﺍﺑﻮ ﺃﺣﻤﺪ : ﻳﺎﺑﻪ ﺑﺲ ﻋﻠﻴﻜﻔﺞ ﺧﻠﻲ ﻧﻔﺘﻬﻢ ﺷﻜﻮ ﻭﺍﺫﺍ ﻋﻨﺪﺝ ﺣﻖ ﺍﻧﻲ ﺍﺧﺬﻩ ﺍﻟﺞ
ﺍﻟﺘﻔﺘﺖ ﻋﻠﻴﻪ ﺍﻧﻲ : ﻳﺎﺑﻪ ﺍﺑﻮ ﺍﺣﻤﺪ ﺍﺧﺘﻚ ﺍﻟﻌﺎﺭ ﻻ ﻭﺍﻟﻠﻪ ﺗﺮﻭﺡ ﻓﺪﻭﺓ ﻟﻠﻌﺎﺭ ﻣﺨﺎﺑﺮﻩ ﺧﻄﻴﺒﺘﻲ ﻭﺗﻜﻮﻟﻬﺎ ﻋﺒﻴﺮ
ﺗﺤﺐ ﻛﺮﺍﺭ ﻭﺗﺨﺎﻑ ﺗﺤﺠﻲ ﻭﺍﻧﻲ ﺑﻨﺖ ﻋﻤﻬﺎ ﻭﺍﺟﻴﺖ
ﺍﺣﺠﻲ ﻭﻳﺎﺝ ﻭﺍﻧﻮﺏ ﺗﺒﺠﻲ ﻋﺎﻳﺸﺔ ﺍﻟﺪﻭﺭ ﻧﺎﺩﻳﺔ
ﺍﻟﺠﻨﺪﻱ ﻭﻣﺤﻤﺪ ﺍﺫﺍ ﻣﺘﺮﺑﻮﻫﺎ ﺍﺫﺑﺤﻬﺎ ﻭﺍﻧﻌﻞ ﻳﻮﻣﻬﺎ
ﻻﻳﻮﻡ ﺍﻟﻌﺮﻓﺘﻬﺎ ﺑﻲ
ﻭﻛﻤﻠﺖ ﺑﻌﺼﺒﻴﺔ ﻭﺑﺪﺃ ﺻﻮﺗﻲ ﻳﻌﻠﻰ ؛ ﺷﻨﻮ ﺍﺣﻨﻪ ﻣﺮﺑﻴﻦ ﺣﻴﻴﻴﻴﻴﻴﻴﺔ ﺑﻨﺼﻨﺎﺍﺍﺍﺍ ﻓﻬﻤﻮﻭﻭﻧﻲ
ﺍﺧﺘﺘﺘﺘﻚ ﻧﺎﻭﻳﺔ ﺗﻬﺠﻢ ﺍﻟﺒﻴﻮﻭﻭﻭﻭﺕ ﻭﺍﻧﺘﻮﺍﺍﺍﺍ ﻛﻮﻣﻪ
ﺷﻮﺍﺭﺏ ﻣﺤﺪ ﻳﻜﺪﺭﻟﻬﺎﺍﺍﺍﺍ ﻣﺘﻜﺪﺭﻭﻭﻭﻥ ﺍﻧﻲ ﺍﺭﺑﻴﻬﺎ
ﻋﺪﻝ ﻭﺣﻖ ﺍﻟﻨﺒﻲ ﻳﻮﻣﻴﻦ ﻫﻮﺍﻱ ﻋﻠﻴﻬﺎ ﺍﻻ ﺍﺳﻠﻬﺎﺍﺍﺍﻁ
ﻛﺎﻡ ﻋﻤﻲ ﻋﻠﻰ ﺣﻴﻠﻪ ﻣﻌﺼﺐ ﻭﺻﺎﺡ ﺭﺷﺎﺍﺍ ﻭﺳﺴﺴﻢ ﻭﻭﻭﻳﻨﺞ ﺗﻌﺎﺍﺍﺍﻱ
ﺑﺴﺮﻋﺔ ﺩﺧﻠﺖ ﺍﻟﻈﺎﻫﺮ ﺟﺎﻧﺖ ﺗﺘﺴﻤﻊ ﻋﻠﻴﻨﺎ
ﺍﻻﺩﺑﺴﺰ ﻓﺎﺗﺖ ﺑﻜﻞ ﺻﻼﻓﻪ ..
ﻛﺎﻡ ﺻﻔﺎﺀ ﻳﺮﻳﺪ ﻳﻜﻮﻡ ﻳﺎﻛﻠﻬﺎ ، ﺗﻮﺟﻪ ﺻﻮﺑﻬﺎ ﻭﺻﺎﺭ ﻳﺰﺃﺭ ﻭﻭﻭﻭﻟﺞ ﺍﻧﺖ ﺷﻮﻭﻭﻥ ﻫﻴﺞ ﺗﺴﻮﻭﻳﻦ ﺍﺩﺑﺴﺴﺴﺰ
ﻟﺰﻣﺘﻪ ﺯﻭﺟﺘﻪ ﻭﺻﺎﺭﺕ ﺑﻴﻨﻪ ﻭﺑﻴﻨﻬﺎ ﻭﺗﺄﺷﺮ ﻋﻠﻰ ﻣﻬﺎ ﺑﻤﻌﻨﻰ ﻏﺮﻳﺒﺔ ﺑﻴﻨﺎﺗﻨﺎ ﻋﻴﺐ ، ﻫﻮ ﺑﺎﻭﻉ ﻟﻤﻬﺎ ﻭﺩﺍﺭ ﻭﺟﻬﻪ ﻇﻞ ﻳﺴﺘﻐﻔﺮ ..
ﺳﺄﻟﻬﺎ ﻋﻤﻲ ﺟﺎﻭﺑﺖ
ﺑﻜﻞ ﺻﻼﻓﻪ ﻭﺗﺘﻤﻀﺤﻚ ﺑﺎﺳﺘﻬﺰﺍﺀ : ﺍﻱ ﺣﺠﻲ ﺍﻧﻲ ﺧﺎﺑﺮﺕ ﺷﻨﻮ ﻫﻲ ﻣﻮﺍﺿﺤﻪ ﺗﺮﻯ ﻭﺍﺿﺤﻪ ﻋﺒﻴﺮ ﺗﺤﺒﻪ ﻭﺍﻟﺪﻟﻴﻞ ﺣﺘﻰ ﺑﺨﻄﻮﺑﺘﻪ ﻣﺮﺍﺣﺖ
ﺗﺤﺠﺠﺖ ﺑﺎﻟﻤﺮﺽ ﻫﻬﻬﻬﻬﻪ
ﻋﺒﻴﺮ ﻛﺎﻣﺖ ﻋﻠﻰ ﺣﻴﻠﻬﺎ ﻣﻌﺼﺒﺔ : ﻟﺞ ﺍﻧﺘﻲ ﺷﻨﻮ ﻣﻦ ﺑﺸﺮ ﻣﻮ ﺍﺟﻴﺖ ﺑﻌﺪ ﺍﻟﺤﻔﻠﻪ
ﻭﺍﻟﻜﺎﻧﻴﻮﻻ ﺑﻴﺪﻱ ﻭﺑﺎﺭﻛﺖ ﻟﻜﺮﺍﺭ ﻟﻮ ﺍﺭﻭﺡ ﻟﻠﺤﻔﻠﻪ ﻭﺍﻋﺪﻱ ﺍﻟﻨﺎﺱ ﻭﺍﺷﺒﻊ ﻣﺴﺒﻪ .
ﺭﺷﺎ ﺗﺒﺎﻭﻋﻠﻬﺎ ﻣﻦ ﻓﻮﻙ ﻟﻴﺠﻮﺓ ﻭﻋﻠﻰ ﻭﺟﻬﻪ ﺍﺑﺘﺴﺎﻣﺔ ﺧﺒﻴﺜﺔ ..
ﺍﻟﺘﻔﺘﺖ ﻋﺒﻴﺮ ﻋﻠﻰ ﻋﻤﻲ : ﺷﻮﻑ ﻋﻤﻮ ﻟﻮ ﺗﺎﺧﺬ ﺣﻘﻲ ﻟﻮ ﻭﺍﻟﻠﻪ
ﺍﺑﻠﻎ ﺑﺎﺑﺎ ﺑﻜﻮﻟﺸﻲ ﻭﺳﺎﻋﺘﻬﺎ ﺍﺧﻠﻴﻬﺎ ﺗﻌﻠﻚ ﺑﻴﻨﺎﺗﻜﻢ
ﻛﺎﻓﻲ ﺍﺗﺤﻤﻠﻨﺎ ﻫﻮﺍﻱ ﻣﻦ ﺑﻨﺘﻚ ﺷﻨﻮ ﻋﻠﻮﻳﺔ ﻫﻲ ﻛﻮﻟﻲ ﻋﻠﻮﻳﺔ ﻭﺣﺘﻰ ﻧﺘﺤﻤﻠﻬﺎ ﺷﻮ ﻭﺣﺪﻩ ﺯﺍﻳﻌﺘﻬﺎ ﺍﻟﺪﻧﻴﺎ
ﻋﺎﻃﺖ ﺭﺷﺎ : ﺍﻧﺠﺒﻲ ﻟﺞ ﺍﺩﺑﺴﺰ ﺑﻨﺖ ﺍﻡ ﺍﻟﺴﺤﻮﺭﺓ
ﻻ ﺗﺮﺑﻴﺔ ﻭﻻ ﺍﺧﻼﻕ ﺟﺎﻱ ﺗﺒﻴﻌﻬﻢ ﺑﺮﺍﺳﻲ ﻣﻮ ﺍﺟﻲ
ﻫﺴﻪ ﺍﺩﻭﺱ ﺑﺒﻄﻨﺞ
ﺑﻌﺪﻫﺎ ﺗﺤﺠﻲ ﻃﻔﺮ ﻋﻠﻴﻬﺎ ﺻﻔﺎﺀ : ﻫﻴﺞ ﻫﻴﺞ ﻣﻨﺞ
ﻭﺳﺎﻋﺔ ﺍﻟﺴﻮﺩﺓ ﺍﻟﻌﺮﻓﺘﺞ ﺑﻴﻬﺎ ﺟﺮﻫﺎ ﻣﻦ ﺷﻌﺮﻫﺎ
ﻭﻫﻲ ﺗﻔﺸﺮ ﻋﻠﻴﻪ ﻭﻋﻠﻰ ﻋﺒﻴﺮ ..
ﻛﺎﻡ ﻋﻤﻲ ﺍﺧﺬﺧﺎ ﻣﻦ ﺍﻳﺪ ﺻﻔﺎﺀ ﻭﻟﺰﻣﻬﺎ ﺑﺎﻟﻌﻮﺟﻴﺔ ﻣﺎﻟﺘﻪ ﺟﻨﺰﻫﺎ ﺗﺠﻨﺰ ﺭﺍﺣﺖ ﻋﻤﺘﻲ ﺗﻔﺎﻛﻜﻬﻢ ﻭﻫﻮ ﻳﺪﻓﻊ ﺑﻴﻬﺎ ﻟﺤﺪ ﻣﺎﺗﻌﺐ ﺷﻤﺮﻫﺎ ﻋﻠﻰ ﺣﺴﻴﻦ ﻭﻛﻌﺖ ﻳﻢ ﺭﺟﻠﻴﻪ ﻭﻇﻞ ﻳﺤﺠﻲ ﺑﺎﻧﻔﺎﺱ ﻣﺘﺴﺎﺭﻋﺔ ﻭﻣﺘﻌﺒﺔ
ﻭﺟﻪ ﻛﻼﻣﻪ ﻟﺤﺴﺒﻦ : ﺻﻌﺪﻫﺎ ﻟﻐﺮﻓﺘﻬﺎ ﻭﻧﺰﻝ ﺍﻃﻔﺎﻟﻬﺎ ﻭﺍﻟﺘﻔﺘﺖ ﻋﻠﻰ ﻋﻤﺘﻲ : ﻓﻨﺞ ﺗﺼﻌﺪﻳﻦ ﻭﺗﻨﻄﻴﻬﺎ ﺳﻢ ﺍﻟﺤﺴﻦ ﺍﻃﻠﻜﺞ ﻭﺍﻟﻠﻪ .
ﻋﺒﻴﺮ ﺳﻠﻤﺖ ﻭﻃﻠﻌﺖ ﻭﺍﻧﻲ ﺍﺧﺬﺕ ﻣﻬﺎ ﻭﺩﻳﺘﻬﺎ ﻟﺒﻴﺘﻬﻢ ﺣﺎﻭﻟﺖ ﺗﺤﺠﻲ ﻭﻳﺎﻳﻪ ﻣﺎﺍﻧﻄﻴﺘﻬﺎ ﻣﺠﺎﻝ ﺍﺑﺪ
ﺭﺟﻌﺖ ﻟﻠﺒﻴﺖ ﻧﻤﺖ ﺷﻮﻳﻪ ﻋﻮﺩ ﻣﻤﺼﺪﻙ ﺍﻟﻴﻮﻡ ﻣﻬﺎ ﺍﻫﻠﻬﺎ ﻗﺒﻠﻮﺍ ﺗﻄﻠﻊ ﻭﻳﺎﻳﻪ ، ﻭﺷﻮﻥ ﻳﻮﻡ ﺍﻛﺸﺮ ﺍﻧﻘﻠﺐ ﻋﻠﻴﻨﻪ
ﺍﺧﺬﺕ ﺗﻠﻴﻔﻮﻧﻲ ﺧﺎﺑﺮﺕ ﻋﺒﻴﺮ ﻣﺠﺎﻭﺑﺖ ﺭﺣﺖ ﺳﺒﺤﺖ ﻭﻧﺰﻟﺖ ﺟﻮﻩ ﺍﻣﻲ ﺳﺄﻟﺘﻨﻲ ﻋﻦ ﻋﺒﻴﺮ ﻛﺘﻠﻬﺎ ﺯﻳﻨﻪ ﺿﻐﻄﻬﺎ ﻫﺎﺑﻂ ﺍﻟﻈﺎﻫﺮ ﻣﻤﺎﻛﻠﺔ .
ﻛﺎﻟﺖ ﻟﻌﺪ ﻣﻬﺎ ﻭﻳﻦ ﻣﻮ ﻉ ﺍﻻﺳﺎﺱ ﺗﺘﻐﺪﺍ ﻳﻤﻨﻪ ﺍﺷﻮ ﺭﺟﻌﺘﻬﺎ ﻭﺷﻜﺪ ﺩﻛﻴﺖ ﻋﻠﻴﻚ ﺍﻟﺒﺎﺏ ﻣﺠﺎﻭﺑﺘﻨﻲ .
ﺍﻱ ﻳﻮﻡ ﺟﻨﺖ ﻧﺎﻳﻢ ﻭﻣﻬﺎ ﺭﺟﻌﺘﻬﺎ ﻻﻫﻠﻬﺎ ﻭﻛﻌﺪﺕ ﺍﺣﺠﻴﻠﻬﺎ ﺍﻟﻲ ﺳﻮﺗﻪ ﺭﺷﺎ .
ﻇﻠﺖ ﺗﻀﺮﺏ ﻋﻠﻰ ﺧﺪﻫﺎ ﻋﺰﺍ ﺍﻟﻌﺰﺍﻫﺎ ﺍﻟﻤﻔﻠﻮﻛﺔ ﺷﻨﻮ ﺑﺸﺮ ﻫﺎﻱ ﺻﻮﺝ ﺍﻫﻠﻬﺎ ﻉ ﻳﺎﺑﻮ ﻫﺎﻟﻮﺣﺪﺓ ﻭﺩﻟﻌﻮﻫﺎ ﻭﺩﻟﻠﻮﻫﺎ ﺍﻟﻌﻤﻪ ﺑﻌﻴﻨﻬﺎ ﺷﻮﻥ ﺻﻠﻔﺔ ..
ﻳﻮﻡ ﺍﻛﻮ ﺟﺎﻱ ﻣﺼﺪﻉ ...
ﻛﺎﻣﺖ ﺻﺒﺘﻠﻲ ﺟﺎﻱ ﺷﺮﺑﺎﻩ ﻭﺭﺣﺖ ﻟﺒﻴﺖ ﻋﻤﻲ ﺗﺤﺴﻴﻦ ﻓﺘﺤﺘﻠﻲ ﺍﻟﺒﺎﺏ ﻋﻤﺘﻲ ﺳﻠﻤﺖ ﻋﻠﻴﻬﺎ ﻭ ﺳﺎﻟﺘﻬﺎ ﻋﻠﻰ ﻋﺒﻴﺮ ﻛﺎﻟﺖ ﺑﺎﻟﻤﻄﺒﺦ ﺩﺗﺴﻮﻱ ﻛﻴﻚ
ﺭﺣﺖ ﻋﻠﻴﻬﺎ ﻣﺪﻳﺖ ﺭﺃﺳﻲ : ﺍﺣﻤﻤﻤﻢ ﻋﺎﺩ ﺍﻟﻴﻪ ﺣﺼﻪ ﻟﻮﻻ ﺑﺎﻭﻋﺘﻠﻲ ﻭﺩﺍﺭﺕ ﻭﺟﻬﻪ
_ ﻋﺪﻧﺎ ﺳﻢ ﻣﺎﻝ ﻓﺎﺭ ﺗﺮﻳﺪ
_ ﺍﻫﺎ ﻳﻨﻄﻴﺞ ﮔﻠﺒﭻ
_ ﺑﻠﻲ
ﺳﺤﺒﺖ ﻛﺮﺳﻲ ﻭﻛﻌﺪﺕ : ﺍﻋﺘﺬﺭ ﻣﻨﺞ ﻉ ﺗﺼﺮﻑ ﻣﻬﺎ
ﺍﺣﺴﺒﻴﻬﺎ ﻋﻠﻴﻪ
_ ﺷﻜﻮ ﺩﺗﻌﺘﺬﺭ ﻣﻬﺎ ﺑﻨﻴﺔ ﺟﺪﻳﺪﺓ ﻭﻣﺘﻌﺮﻓﻨﺎ ﺍﻟﻌﺘﺐ ﻉ ﺑﻨﺖ ﻋﻤﻨﺎ ﻋﺸﺘﻮ ﻋﺎﺩ ﺷﻠﻮﻥ ﺑﻨﺖ ﻋﻢ ﻭﻟﻚ ﺍﻧﻲ ﺩﺍﺍﺗﻌﺠﺐ ﻋﻠﻴﻬﺎ ﻟﻴﺶ ﻫﻴﺞ ﺗﻜﺮﻫﻨﺎ
_ ﺍﻟﻌﻴﻦ ﻣﺘﻜﺮﻩ ﺍﻻ ﺍﻻﺭﺟﺢ ﻣﻨﻬﺎ ﺗﻮﻟﻲ ﺗﺮﻭﺡ ﻓﺪﻭﺓ ﺍﻟﺞ
ﺍﻱ ﺻﺪﻭﻙ ﻟﺞ ﺷﻮﻛﺖ ﺧﻄﻮﺑﺘﺞ؟
_ ﺑﻌﺪ ﻣﻮ ﻫﺴﻪ
_ ﺗﺮﻯ ﺍﻧﻲ ﻣﺎﺍﺟﻲ ﻣﻦ ﻫﺴﻪ ﺍﻛﻮﻟﺞ
_ ﻳﺎ ﻟﻴﺶ ﻟﻚ
_ ﺍﻧﺘﻲ ﻣﺎﺍﺟﻴﺘﻲ ﺑﺨﻄﻮﺑﺘﻲ ﺍﻧﻲ ﻫﻢ ﻣﺎﺍﺟﻲ ﺭﻓﻌﺘﻠﻬﺎ
ﺣﺎﺟﺐ
_ ﺩﻧﺞ .... ﺣﻄﺖ ﺍﻳﺪﻫﺎ ﻉ ﺣﻠﻜﻬﺎ ﻋﺰﺯﺯﺯﺯﺯﺍ ﻭﺍﻟﻨﺒﻲ ﻋﺒﺎﻟﻲ ﻣﺮﻳﻢ ﺍﺧﺬﻱ ﺍﻟﻮﺍﻫﺲ ﺗﺤﻤﺴﺖ ﻫﻬﻬﻬﻬﻬﻪ ﻭﺍﻟﻠﻪ ﻣﺎﺍﻗﺼﺪ ﻋﻠﻴﻚ ﻫﻬﻬﻬﻬﻪ ﺣﺒﺎﺏ ﻟﺘﺰﻋﻞ
_ ﻫﺴﻪ ﺍﻧﺘﻲ ﺩﺗﻌﺘﺬﺭﻳﻦ ﻟﻮ ﺩﺗﻀﺤﻜﻴﻦ ﺑﺲ ﺧﻠﻲ ﺍﻓﺘﻬﻢ
_ ﻫﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﻣﺎﺍﺩﺭﻱ ﻳﻼ ﺍﻟﻌﻔﻮ ﻟﺘﺰﻋﻞ ﻫﻬﻬﻪ
ﻛﻔﺨﺘﻬﺎ ﻉ ﺭﺃﺳﻬﺎ ﻭﺭﺣﺖ ﻳﻢ ﻋﻤﻲ ...
*****
ﺯﻫﺮﺍﺀ : ﺍﻟﺮﻗﻢ ﺍﻟﻐﺮﻳﺐ ﺍﻟﻲ ﻳﺮﺍﺳﻠﻨﻲ ﺯﺍﺩﺕ ﺭﺳﺎﺋﻠﻪ ، ﻛﻠﻬﺎ ﻏﺮﺍﻡ ﻭﺳﻮﺍﻟﻒ ﺗﻔﺸﻞ ﻭﺍﻧﻲ ﺑﺲ ﺍﺣﺬﻑ ﺑﻴﻬﻢ ﻭﻣﺎﺍﻛﺪﺭ
ﺍﺳﻮﻱ ﺷﻲ ﻭﻻ ﺍﻛﺪﺭ ﻛﻮﻝ ﻟﺼﻔﺎﺀ ﺍﺧﺎﻑ ﻣﻨﻪ
ﺍﻛﺘﻔﻴﺖ ﺑﺎﻟﺼﻤﺖ ...
ﻭﻛﻠﻤﺎ ﻳﻔﻮﺕ ﺻﻔﺎﺀ ﻟﻠﻐﺮﻓﺔ ﺍﻣﻮﺕ ﺧﻮﻑ ﺍﻃﺮﺍﻓﻲ ﺗﻨﺘﻔﺾ ﻭﻗﻠﺒﻲ ﻣﺘﻮﺟﺲ ﺧﺎﻳﻔﻪ ﺗﺼﻴﺮ ﻣﺼﻴﺒﻪ ﺍﺫﺍ ﺷﺎﻑ ﺍﻟﺮﺳﺎﺋﻞ .
ﻣﺎ ﺍﻋﺮﻑ ﺷﻮﻥ ﺍﻓﺘﺢ ﻭﻳﺎﻩ ﺍﻟﻤﻮﺿﻮﻉ .
ﺣﺬﻓﺖ ﺍﺧﺮ ﻣﺴﺞ ﻭﺻﻠﻨﻲ ﻣﻨﻪ ﻭﺧﻠﻴﺖ ﺍﻟﻔﻮﻥ ﻋﻠﻰ ﺍﻟﻤﻴﺰ ، ﻭﻗﻠﺒﻲ ﻣﻘﺒﻮﺽ ، ﺍﻧﻔﺘﺤﺖ ﺑﺎﺏ ﺍﻟﻐﺮﻓﺔ ﻭﻓﺎﺕ ﺻﻔﺎﺀ ﺭﺍﺟﻊ ﻣﻦ ﺍﻟﺪﻭﺍﻡ .
.
ﻭﺧﺮﺕ ﺍﻳﺪﻱ ﻣﻦ ﺟﻮﻩ ﺧﺪﻱ ﻭﺻﺤﻴﺖ ﻣﻦ ﺻﻔﻨﺘﻲ
ﺑﺎﻭﻋﺘﻠﻪ ﻣﺒﻴﻦ ﻋﻠﻴﻪ ﺍﻟﺘﻌﺐ .
ﻛﺎﻝ ﺑﻠﻄﻒ ﻭﺭﺟﺎﺀ : ﺣﻀﺮﻳﻠﻲ ﺍﻟﺤﻤﺎﻡ ﺍﺫﺍ ﺗﻜﺪﺭﻳﻦ .
ﺑﺎﻭﻋﺘﻠﻪ ﺑﺘﻌﺠﺐ ﺍﻭﻝ ﻣﺮﺓ ﻳﻄﻠﺐ ﻣﻨﻲ ﺷﻲ
ﻫﻮ ﺍﻓﺘﻬﻢ ﻗﺼﺪﻱ ﻭﺣﺲ ﻋﻠﻴﻪ ، ﻗﺮﺏ ﻣﻨﻲ .
ﻛﺎﻝ : ﻣﺎﺍﺭﻳﺪ ﺍﺗﻌﺒﺞ ﺑﺲ ﻭﺍﻟﻠﻪ ﺗﻌﺒﺎﻥ ﻣﻦ ﺍﻟﺼﺒﺢ ﻟﻬﺴﻪ ﻭﺍﻛﻒ ﻉ ﺭﺟﻠﻴﻪ
ﻫﺰﻳﺖ ﺭﺍﺳﻲ ﻭﺭﺣﺖ ﺣﻀﺮﺗﻠﻪ ﺍﻟﺤﻤﺎﻡ ﻭﻃﻠﻌﺖ ﺷﻔﺘﻪ ﻛﺎﻋﺪ ﻋﻠﻰ ﺍﻟﺴﺮﻳﺮ ..
ﺑﺎﻭﻋﻠﻲ ﻛﺎﻝ ﺑﺲ ﻛﻼﺹ ﻣﻲ ﻓﺪﻭﻭﺓ .
ﻫﻤﺴﺖ ﺗﻤﺎﻡ ..
ﻧﺰﻟﺖ ﻟﻠﻤﻄﺒﺦ ﺩﺍ ﺍﺻﺐ ﺍﻟﻤﻲ ، ﻓﺎﺗﺖ ﻋﻤﻪ ﺷﺎﻓﺘﻨﻲ
ﻫﺎ ﻋﻤﻪ ﺯﻫﻮﺭﺓ ﻋﻨﺪﻱ ﺣﺠﺎﻳﻪ ﻭﻳﺎﺝ .
ﺗﻔﻀﻠﻲ ﻋﻤﻪ ؟
ﻛﻮﻟﻲ ﻟﺼﻔﺎﺀ ﺧﻠﻲ ﻳﻔﺘﺢ ﺍﻟﺒﺎﺏ ﻟﺮﺷﺎ ﻋﻤﺞ ﻣﻴﻘﺒﻞ ﻟﺞ ﺣﺘﻤﻮﺕ ﻫﻴﺠﻲ ﻣﻴﺼﻴﺮ ﻭﺯﻭﺟﻬﺎ ﻣﺴﺎﻓﺮ ﺣﺒﺎﺑﻪ ﺗﻮﺳﻠﻲ ﺑﺼﻔﺎﺀ ..
ﻛﻠﺘﻠﻬﺎ ﺍﻥ ﺷﺎﺀﺍﻟﻠﻪ ﺍﻛﻮﻟﻪ ﻋﻤﻪ ..
ﻋﻔﺘﻬﺎ ﻭﺻﻌﺪﺕ ﻓﺘﺖ ﻟﻠﻐﺮﻓﺔ ﻟﻜﻴﺖ ﺻﻔﺎﺀ ﺧﻄﻴﺔ ﻧﺎﻳﻢ ﺑﺤﺬﺍﺋﻪ ﺑﺎﻟﻌﺮﺽ ﻛﻌﺪﺗﻪ ﻣﻘﺒﻞ ﻳﻜﻌﺪ .
ﺭﺣﺖ ﻳﻢ ﺭﺟﻠﻴﻪ ، ﻧﺰﻋﺘﻪ ﺍﻟﺠﻮﺍﺭﻳﺐ ﺑﺎﻭﻋﺖ ﺭﺟﻠﻴﻪ ﺣﻤﺮ ﻓﺮﻛﺘﻬﻢ ﺍﻟﻪ ﻋﻠﻰ ﻛﻴﻴﻴﻒ ﻋﻘﺞ ﻭﺟﻬﻪ ﺑﺎﻧﺰﻋﺎﺝ ..
ﺗﻘﺮﺑﺖ ﻋﻠﻰ ﻭﺟﻬﻪ ... ﻭﺑﻀﻌﻒ ﺍﻛﺘﺴﺢ ﻛﻴﺎﻧﻲ
ﻭﺳﻴﻮﻝ ﺍﻟﺪﻣﻮﻉ ﺭﺳﻤﺖ ﺍﺧﺎﺩﻳﺪ ﻋﻠﻰ ﻭﺟﻬﻲ ..
ﻭﺻﺪﺭﻱ ﻣﺘﺮﻭﺱ ﻋﺘﺎﺏ .
ﺍﺑﺎﻭﻋﻠﻪ ﻭﺍﺣﺠﻲ ﺑﺪﺍﺧﻠﻲ ﺷﻨﻮ ﺍﻟﺒﻴﻚ ﻣﻤﻴﺰ ﻭﻫﻴﺞ ﺍﺣﺒﻚ ﺍﺷﻮ ﺣﺘﻰ ﻣﺴﺎﻣﻌﻪ ﻛﻠﻤﻪ ﺣﻠﻮﺓ ﻣﻨﻚ ، ﺗﺤﺴﺮﺕ ﻧﻔﺴﻲ ﺻﺎﺭ ﺑﻮﺟﻬﻪ ﻛﺮﻣﺶ ﻋﻴﻮﻧﻪ ..
ﺍﻧﺖ ﻳﺎ ﺻﻔﺎﺀ ﻭﺟﻊ ﻭﻣﺤﺘﺎﺟﻪ ﺍﺩﺍﻭﻳﻪ .. ﺭﻏﻢ ﻛﺮﻫﻲ ﻻﻓﻌﺎﻟﻚ ﺍﻻ ﺍﻧﻲ ﺍﻋﺸﻖ ﻗﺮﺑﻚ ﻭﺍﻣﻮﺕ ﺑﺒﻌﺪﻙ ..
ﻏﻤﻀﺖ ﻋﻴﻮﻧﻲ ، ﺣﺘﻰ ﺍﻧﻀﻔﻬﺎ ﻣﻦ ﺑﻘﺎﻳﺎ ﺩﻣﻊ ﺗﺠﻤﻊ ﺑﻌﻴﻨﻲ ، ﻣﺪﻳﺖ ﺍﻳﺪﻱ ﺑﻀﻌﻒ ﻭﻏﻄﻴﺘﻪ ..
ﺭﺣﺖ ﻃﻔﻴﺖ ﺍﻟﻀﻮﺀ ﻭﻓﺘﺤﺖ ﺑﺎﺏ ﺍﻟﻐﺮﻓﺔ ﺩﺍﺍﻧﺰﻝ
ﺳﻤﻌﺖ ﻣﻮﺑﺎﻳﻠﻪ ﺩﻳﺮﻥ ، ﺭﺣﺖ ﺍﺧﺬﺗﻪ ﺍﻧﺘﺒﻬﺖ
ﻋﻠﻰ ﺍﻻﺳﻢ ﻋﺒﻴﺮ ، ﻓﺘﺤﺖ ﺧﻂ ...
ﺍﺟﺎﻧﻲ ﺻﻮﺗﻬﺎ : ﺍﻟﻮ ﺻﻔﺎﺀ ﺩﺍﺍﺭﻳﺪ ﺍﺣﺠﻲ ﻭﻳﺎﻙ ﺑﺲ ﻛﻮﻥ ﺯﻫﺮﺍﺀ ﻣﻮ ﻳﻤﻚ .
ﻳﺘﺒﻊ
