#في_شريعة_العشق
بقلم نورا ناصر
#مشهد
ﺳﻼﻡ ﻷﺣﻠﻰ ﻣﺘﺎﺑﻌﻴﻦ ..
ﺍﻟﻴﻜﻢ ﻣﺸﻬﺪ ﻣﻦ ﺭﻭﺍﻳﺔ ( ﻓﻲ ﺷﺮﻳﻌﺔ ﺍﻟﻌﺸﻖ )
ﻧﺒﺪﺃﻫﺎ ﺑﺨﺎﻃﺮﺓ ﺑﻘﻠﻤﻲ ..
ﻓﻲ ﺷﺮﻳﻌﺔ ﺍﻟﻌﺸﻖ ﻛﻴﻒ ﻟﻲ ﺍﻥ ﻻ ﺍﻛﺘﺮﺙ ﺍﻟﻴﻚ
ﻛﻴﻒ ﻟﻲ ﺍﻥ ﻻ ﺍﺧﻀﻊ ﻟﻬﻴﺎﻣُﻚ ﻭﺍﺩﻧﻮ ﻣﻦ ﻗﻠﺒﻚ
ﻟﻢ ﺍﺗﻌﻤﺪ ﺍﻥ ﺍﺣﺒﻚ ﻟﻜﻦ ﺣﺒﻚ ﺗﻌﻤﺪﻧﻲ
ﻭﺗﻮﺭﺩ ﻓﻲ ﺩﺍﺧﻠﻲ .. ﻭﺷﺎﺀَ ﻫﻮﺍﻙ ﺍﻥ ﻳﻐﻤﺮﻧﻲ ﻛﺎﻟﻤﺪ ﺍﻟﺠﺎﺭﻑ ﻓﻤﻠﺊ ﻗﻠﺒﻲ ﺍﻟﻰ ﺣﺎﻓﺘﻪ ﻓﻤﺎ ﻋﺎﺩ ﻫﻨﺎﻙ ﻣﻦ ﻣﺘﺴﻊ ﻟﻤﺸﺎﻋﺮ ﺃﺧﺮﻯ ﻟﺴﻮﺍﻙ ﺍﻧﺖ ..
ﻛﻨﺖ ﻛﺎﻋﺪﺓ ﺑﻐﺮﻓﺘﻲ ﻣﺜﻨﻴﺔ ﺭﺟﻠﻴﻪ ﻭﻣﺨﻠﻴﺔ ﻛﺘﺎﺏ ﺍﻟﺘﺎﺭﻳﺦ ﻋﻠﻰ ﺭﻛﺒﻲ ﺍﺗﺼﻨﻊ ﺍﻟﻘﺮﺍﺀﺓ ﺑﺲ ﺑﺎﻟﻲ ﺑﻐﻴﺮ ﻣﻜﺎﻥ ﻣﺸﺘﺎﻗﺔ ﺍﺷﻮﻓﻪ ﺍﺷﻮﻓﻪ ﻭﺑﺲ ﺣﺘﻰ ﻣﻦ ﺍﻟﺸﻮﻑ ﺣﺮﻣﻮﻧﻲ ﻣﻨﻪ ..
ﺍﻧﻔﺘﺤﺖ ﺍﻟﺒﺎﺏ ﻭﺩﺧﻞ ﻫﻮ ﺍﻱ ﻫﻮ !! ﻭﻛﺄﻧﻪ ﺷﻮﻛﻲ ﻧﺎﺩﺍﻩ ﻭﺟﺎﺑﻪ ﻟﻌﻨﺪﻱ ﺍﺗﺮﺱ ﻋﻴﻮﻧﻲ ﺑﺸﻮﻓﺘﻪ ﻭﺍﻛﺤﻠﻬﻢ ..
__ ﻫﺎ ﻭﻟﺞ ﺍﻧﻲ ﺍﻋﺮﻑ ﻋﻤﻲ ﻋﻨﺪﻩ ٣ ﺑﻨﺎﺕ ﺷﻮ ﺩﺍﺍﺷﻮﻑ ﺑﺲ ﺍﺛﻨﻴﻦ ﻭﺍﻟﺜﺎﻟﺜﻪ ﻣﺎﻛﻮ ﺷﻨﻮ ﺯﻋﻼﻧﻪ ﻋﻠﻴﻪ ﻭﺍﻧﻲ ﻣﺎﺍﺩﺭﻱ؟
ﻃﻔﺮﺕ ﻣﻦ ﺍﻟﺴﺮﻳﺮ ﻭﻭﻛﻊ ﻣﻨﻲ ﺍﻟﻜﺘﺎﺏ ﻉ ﺍﻻﺭﺽ
ﻛﻠﺘﻠﻪ ﺍﻃﻠﻊ ﺑﺮﺍ ﺍﻧﻲ ﺍﻧﻄﻴﺖ ﻭﻋﺪ ﻻﻣﻲ ﺑﻌﺪ
ﻣﻦ ﺗﺪﺧﻞ ﻟﻠﺒﻴﺖ ﻣﺎﺍﺗﻮﺍﺟﺪ ﺑﻨﻔﺲ ﺍﻟﻤﻜﺎﻥ ﺍﻧﻲ ﻭﻳﺎﻙ ﺍﻃﻠﻊ ﺻﻔﺎﺀ ﺍﻃﻠﻊ ﺍﻟﻠﻪ ﻳﺨﻠﻴﻚ .. ( ﺍﺣﺠﻲ ﻭﺍﺭﺟﻒ ﻣﺤﺘﺎﺭﺓ ﺷﺴﻮﻱ ﺩﻧﻜﺖ ﺍﺧﺬﺕ ﺍﻟﻜﺘﺎﺏ ﻭﺭﺟﻌﺘﻪ ﻻﻳﺪﻱ ﻣﻦ ﺣﻴﺮﺗﻲ ﻭﻗﻠﺔ ﺣﻴﻠﺘﻲ )
ﺣﺴﻴﺘﻪ ﺍﺳﺘﻐﺮﺏ ﻣﻦ ﻛﻼﻣﻲ ﻓﺘﺢ ﻋﻴﻮﻧﻪ ﻋﻠﻰ ﺍﻭﺳﻌﻬﺎ ﻣﺘﻔﺎﺟﺄ ﻣﻦ ﻛﻼﻣﻲ .. ﺗﻘﺮﺏ ﻣﻨﻲ ﺧﻄﻮﺍﺕ ﻭﺍﻧﻲ ﺍﺭﺟﻊ ﻟﻴﻮﺭﺓ ﻃﺨﻴﺖ ﺑﺎﻟﺪﻻﺏ ..
ﻛﺎﻝ -: ﻟﻴﺶ ﺍﻧﻲ ﺷﻌﻠﻴﻪ ؟ ﺗﻌﺎﺭﻛﺘﻲ ﻭﻳﻪ ﺍﺳﺮﺍﺀ ﻭﺍﻋﺘﻘﺪ ﺍﻧﻲ ﺍﺧﺬﺕ ﺣﻘﺞ ﻣﻨﻬﺎ ﻭﺯﻳﺎﺩﺓ ﻣﺪﻳﺖ ﺍﻳﺪﻱ ﻋﻠﻰ ﺍﻟﺒﻨﺖ ﺍﻟﻲ ﺍﺣﺒﻬﺎ ﻭﻛﺪﺍﻣﺞ ﻟﻴﺶ ﺯﻋﻼﻧﺔ ﻫﺴﻪ ؟
__ ﺣﺒﺎﺏ ﺻﻔﺎﺀ ﺍﻃﻠﻊ ...
_ ﻏﻴﺮ ﺍﻋﺮﻑ ﺷﻜﻮ ﺍﻋﺘﺪﻳﺖ ﻋﻠﻴﺞ ﻣﺜﻼ ﺍﺫﻳﺘﺞ ﺷﻲ
ﺷﻨﻮ ﻣﻌﻨﻰ ﻛﻼﻣﺞ ﻫﺬﺍ ؟
ﻧﺼﻴﺖ ﺭﺍﺳﻲ ﻛﺘﻠﻪ ﻭﺑﻨﺒﺮﺓ ﻫﺪﻭﺀ
_ ﻭﻋﺪﺕ ﺍﻣﻲ ﺍﻃﻠﻠﻠﻊ ﺻﻔﺎﺀ
ﺍﺟﺎﻧﻲ ﺻﻮﺗﻪ ﻣﻌﺼﺐ ﺭﻓﻌﺖ ﺭﺍﺳﻲ ﺑﺴﺮﻋﺔ ﺍﺑﺎﻭﻋﻠﻪ
_ ﻭﻟﺞ ﺍﺣﺠﻲ ﺷﻤﻮﺻﻠﻪ ﺻﻮﺭﺓ ﻟﻌﻤﺘﻲ ﻋﻨﻲ ﺣﺘﻰ ﻫﻴﺞ ﺗﺴﻮﻱ ﻭﻣﺘﻘﺒﻞ ﺍﻧﻲ ﻭﻳﺎﺝ ﻧﻨﺠﻤﻊ ﺑﻤﻜﺎﻥ ؟
... ﺳﻜﺘﺖ ﻣﻜﺪﺭﺕ ﺍﺣﺠﻲ ﺷﻲ
ﻋﺎﻁ ﺍﺣﺠﻴﻴﻴﻴﻲ ﻻ ﺍﺩﻓﻨﺞ ﺍﻧﺘﻲ ﺗﻌﺮﻓﻴﻦ ﺍﻣﺞ ﺷﻠﻮﻥ ﻋﺰﻳﺰﻩ ﻋﻠﻴﻪ ﺍﺣﺠﻴﻴﻲ ﺷﺼﺎﻳﺮ .. ؟؟
ﻣﺤﺠﻴﺖ ﺷﻲ ﺳﺤﺒﻨﻲ ﻭﻃﺒﻨﻲ ﻉ ﺍﻟﺤﺎﻳﻂ ﻏﻤﻀﺖ ﻋﻴﻮﻧﻲ ﺑﻘﻮﻭﺓ ﻭﻋﻄﺮﻩ ﻳﺘﺴﺮﺏ ﻻﻧﻔﺎﺳﻲ ﻭﻳﻤﻠﻲ ﺭﻳﺎﺗﻲ ﺣﺎﺳﺔ ﺭﺍﺡ ﺍﺿﻌﻒ ﻣﺎ ﺍﻛﺪﺭ ﺍﺗﺤﻤﻞ ﺍﻛﺜﺮ .
ﻛﺎﻝ ﺍﻓﺘﺤﻲ ﻋﻴﻮﻧﺞ ﻭﺧﻠﻴﻬﺎ ﺑﻌﻴﻨﻲ ﺍﺭﻳﺪ
ﺍﻋﺮﻑ ﺷﻜﻮ .. ؟؟
ﺗﺸﻨﺠﺖ ﻛﻠﻲ ﺣﺴﻴﺖ ﻭﺍﻧﻲ ﻣﻐﻤﻀﺔ ﻋﻴﻮﻧﻲ ﺍﻧﺘﺮﺳﺖ ﺩﻣﻮﻉ ﻭﺻﻮﺗﻪ ﻳﻤﻲ ﻳﺼﻴﺢ ﺍﻓﺘﺤﻲ ﺩﺍﻛﻮﻟﺞ ﻓﺘﺤﻴﻬﻦ ﺳﻤﻌﻲ ﺍﻟﻜﻼﻡ ﻳﻠﻠﻪ ﺣﺎﺍﺍﻻ ..
ﺯﺍﺩ ﺭﻓﻀﻲ ﺑﺴﺮﻋﻪ ﺗﺮﻙ ﺍﻳﺪﻳﻪ ﻭ ﺩﻓﻌﻨﻲ ﻭﻛﻌﺖ ﻣﻨﻬﺎﺭﺓ ﺧﻠﻴﺖ ﺭﺍﺳﻲ ﻋﻠﻰ ﺭﻛﺒﻲ ﻭﺍﺑﺠﻲ ﺑﻨﺸﻴﺞ ﻣﺴﻤﻮﻉ ..
ﻭﻫﻮ ﻭﺍﻛﻒ ﻓﻮﻙ ﺭﺍﺳﻲ ﻳﺤﺠﻲ
ﻛﺎﻝ -: ﻣﻊ ﺍﻻﺳﻒ ﻋﻠﻴﺞ ﻟﻮﺛﺘﻲ ﺩﻣﺎﻏﺞ ﺑﻬﻴﺞ ﺍﻣﻮﺭ ﻭﺍﻧﺘﻲ ﺑﻌﺪﺝ ﻃﻔﻠﻪ ..
ﺣﺴﻴﺘﻪ ﺩﻧﻚ ﻟﻤﺴﺘﻮﺍﻱ ﺭﻓﻊ ﺭﺍﺳﻲ ﻭﺟﺒﺮﻧﻲ ﺍﺑﺎﻭﻉ ﺍﻟﻪ ﻋﻴﻮﻧﻪ ﻣﺸﺘﻌﻼﺕ ﻭﺗﻔﺘﺮﺳﻨﻲ ﻟﺰﻣﻨﻲ ﻣﻦ ﺯﻧﺪﻱ
ﻭﻛﺎﻝ -: ﻧﺼﻴﺤﻪ ﺍﻟﺞ ﺍﺩﺭﺳﻲ ﻭﺍﺭﻓﻌﻲ ﺭﺍﺱ ﺍﺑﻮﺝ
ﺗﺮﻯ ﺍﻧﻲ ﻣﺎﺍﻓﻴﺪﺝ ﺍﺑﺪ ﻭﻟﻮ ﺗﻤﻮﺗﻴﻦ ﻣﺎﺍﺑﺎﻭﻋﻠﺞ ﻟﺞ
ﺍﻧﺘﻲ ﺯﻋﻄﻮﻃﻪ ﺍﻓﺘﺤﻲ ﺩﻣﺎﻏﺞ ﻭﻳﺎﻳﻪ ﻭﺭﻛﺰﻱ
ﺑﻠﻲ ﺭﺍﺡ ﺍﻛﻮﻟﻪ ﻟﻮ ﺗﻤﻮﺗﻴﻦ ﻣﺎﺍﺑﺎﻭﻋﻠﺞ ﻟﻮ ﺗﺒﻘﻴﻦ
ﺍﺧﺮ ﻭﺣﺪﻩ ﻣﻔﻬﻮﻭﻭﻡ؟؟ﺍﺑﺎﻭﻋﻠﻪ ﺑﺘﻮﺳﻞ ﻭﺩﻣﻮﻋﻲ ﺗﺠﺮﻱ ﻭﺍﻟﻢ ﻳﻨﻬﺶ ﺑﻴﻪ ﻭﻳﺎﻛﻞ ﻗﻠﺒﻲ ﺍﻛﻞ ، ﺍﺗﻮﺳﻠﻪ ﺑﻌﻴﻮﻧﻲ ﻳﺴﻜﺖ ﻭﻳﺘﻮﻗﻒ ﻋﻦ ﺍﻟﻜﻼﻡ ﻭﻳﺒﻄﻞ ﻳﺠﺮﺣﻨﻲ ﻭﻳﻌﺬﺑﻨﻲ ..
ﻓﺘﺢ ﻋﻴﻮﻧﻪ ﺑﻐﻀﺐ ﺭﻋﺒﻨﻲ ﻣﻨﻪ ﻭﻋﺎﻁ ﻣﻔﻬﻮﻭﻭﻭﻡ ؟
ﺍﺭﻳﺪ ﺍﺳﻤﻌﺞ ﺍﺣﺠﻲ ..
ﻫﺰﻳﺖ ﺭﺍﺳﻲ ﺑﺄﻱ ﺑﺤﺮﻛﺔ ﺳﺮﻳﻌﺔ ، ﺗﺮﻙ ﺯﻧﺪﻱ ﻭﻛﺎﻡ ﻋﻠﻰ ﺣﻴﻠﻪ ﻭﺣﺴﻴﺘﻪ ﺯﻓﺮ ﻧﻔﺲ ﺑﻘﻮﺓ ﺭﺟﻌﺖ ﺭﺍﺳﻲ ﻋﻠﻰ ﺭﻛﺒﻲ ﻭﺻﺮﺕ ﺍﺑﺠﻲ ﺑﺼﻮﺕ ﻋﺎﻟﻲ ﻛﻠﺶ .. ﻭﺑﺲ ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﺴﺪ ﺑﻘﻮﻭﺓ ..
.
.
.
ﻣﺸﻬﺪ ﺃﺧﺮ ..
.
.
.
ﺩﻧﻴﺎ ﻇﻬﺮ ﻟﺰﻣﺖ ﻣﺨﺪﺗﻲ ﻭﺳﻘﺘﻬﺎ ﺍﻗﺼﺪ ﺧﻠﻴﺖ ﺭﺍﺳﻲ ﻋﻠﻴﻬﺎ ﻭﺍﺳﺘﺴﻠﻤﺖ ﻟﻠﻨﻮﻡ ..
ﻭﺍﻧﻲ ﺑﻌﺰ ﻧﻮﻣﻲ ﺣﺴﻴﺖ ﺑﺼﻮﺕ ﻳﻢ ﺍﺫﻧﻲ ﻳﻨﺪﻩ ﺑﺄﺳﻤﻲ ..
ﺑﻨﺘﻲ ﻛﻮﻣﻲ ﺳﺪﻱ ﻭﺭﺍﻧﻪ ﺍﻟﺒﺎﺏ ﺩﻧﻄﻠﻊ ﺍﻧﻲ ﻭﺍﺧﺘﺞ ..
ﻛﻤﺖ ﻣﺨﺮﻭﻋﺔ ﺷﻔﺘﻪ ﺑﺎﺑﺎ ﻇﻠﻴﺖ ﺍﻫﺰ ﺑﺮﺍﺳﻲ ﻭﺍﻓﺮﻙ ﺑﻌﻴﻮﻧﻲ ﻭﻫﻮ ﺭﺍﺡ ﻃﻠﻊ ﻣﻦ ﺍﻟﻐﺮﻓﺔ ﺑﺲ ﺑﺎﻭﻋﺘﻠﻪ ﻭﺷﻔﺘﻪ ﻣﺎﻛﻮ ﺍﺧﺬﺕ ﺭﻳﻤﻮﺕ ﺍﻟﺴﺒﻠﺖ ﺍﻟﻲ ﺟﺎﻥ ﻳﻤﻲ ﻉ ﺍﻟﺪﻭﻻﺏ ﺍﻟﻲ ﺑﺼﻒ ﺍﻟﺴﺮﻳﺮ ﻋﻠﻴﺖ ﺩﺭﺟﺔ ﺍﻟﺒﺮﻭﺩﺓ ﻭﺭﺟﻌﺖ ﻏﺼﺖ ﺑﺎﻟﻤﺨﺪﺓ ﻭﺍﻟﺒﻄﺎﻧﻴﺔ ﻭﺗﻠﻔﻠﻔﺖ ﻭﻧﻤﺖ ﻳﺎﺑﻮﺏ ﻳﺎ ﺑﻄﻴﺦ ﺟﻮ ﺍﻟﻐﺮﻓﺔ ﻳﺨﺒﻞ ﻭﻳﺸﺠﻊ ﻉ ﺍﻟﻨﻮﻡ ..
ﻭﺍﻧﻲ ﻧﺎﻳﻤﺔ ﺣﺴﻴﺖ ﺑﺼﻮﺕ ﺑﺎﻟﺒﻴﺖ ﻛﻤﺖ ﻣﻦ ﻓﺮﺍﺷﻲ ﻭﻧﺰﻟﺖ ﻣﻦ ﺍﻟﺴﺮﻳﺮ ﺍﺗﻤﻄﻰ ﻭﺍﺗﺜﺎﺋﺐ .. ﻃﻠﻌﺖ ﻣﻦ ﺍﻟﻐﺮﻓﺔ
ﻇﻠﻴﺖ ﺍﺑﺎﻭﻉ ﻟﺒﺎﺏ ﺍﻟﻤﻄﺒﺦ ﺷﻔﺘﻪ ﻣﻔﺘﻮﺡ ﻭ
ﺻﻮﺕ ﻭﻟﺪ ﻭﺿﺤﻚ ﻭﺷﻘﻪ !!
ﻛﻠﺖ ﺷﻨﻮ ﺑﻴﺘﻨﺎ ﺍﻧﻜﻠﺐ ﻣﻠﻬﻰ ﻭﺍﻧﻲ ﻣﺎﺍﺩﺭﻱ ؟؟ ﻫﺬﺍ ﻣﻨﻮ ﺍﻟﻲ ﻫﻨﺎ ﺟﺎﻱ ﻭﺑﺎﺑﺎ ﻭﺻﺎﻧﻲ ﺍﻗﻔﻞ ﺍﻟﺒﺎﺏ ﻭﻛﻔﺖ ﺑﻤﻜﺎﻧﻲ ﻟﺤﻈﺎﺕ ﻫﺴﻪ ﺷﺴﻮﻱ ؟
ﺧﻠﻲ ﺍﺭﻭﺡ ﺍﺷﻮﻭﻑ ﻣﻨﻮ ؟ ﺍﺧﺬﺕ ﺷﺎﻝ ﻭﺧﻠﻴﺘﻪ ﻉ ﺭﺍﺳﻲ ﻭﺍﻧﻲ ﻻﺑﺴﻪ ﺑﺮﻣﻮﺩﺍ ﻭﻛﻴﻤﻮﻧﻪ ﺷﻠﻮﻥ ﺩﺑﺮﺗﻬﺎ ﻣﺎﺍﺩﺭﻱ
ﺍﻟﻤﻬﻢ ﺍﻟﻔﻜﺮﺓ ﻭﺍﻟﻤﻬﻢ ﺷﻌﺮﻱ ﻣﻐﻄﻰ ﻭﺍﻃﺮﺍﻑ ﺍﻟﺸﺎﻝ ﻧﺎﺯﻟﺔ ﻋﻠﻰ ﺍﻛﺘﺎﻓﻲ ﻭﻻﺯﻣﺘﻪ ﻣﻦ ﻳﻢ ﺭﻛﺒﺘﻲ ..
ﻓﺘﺤﺖ ﺑﺎﺏ ﺍﻻﺳﺘﻘﺒﺎﻝ ﻭﻃﻠﻌﺖ ﻣﻨﻪ
ﺍﻟﺤﺪﻳﻘﻪ ﺗﺼﻴﺮ ﻛﺪﺍﻣﻪ ﺟﺎﻥ ﺍﺷﻮﻑ ﺍﺑﻦ ﻋﻤﻲ
ﻛﺎﻋﺪ ﻫﻮ ﻭ٤ ﻭﻟﺪ ﻧﺎﺯﻟﻴﻦ ﻣﻦ ﺍﻟﺠﻨﻪ ...
ﺍﻟﺠﻤﺎﻝ ﻭﺍﻟﻌﻀﻼﺕ ﻗﻀﻴﺔ ﻋﻴﻮﻧﻲ ﺻﺎﺭﺕ ﻣﺜﻞ ﺗﻮﻡ ﻣﻦ
ﻳﺸﻮﻑ ﺍﻟﺒﺰﻭﻧﻪ ﻭﻋﻴﻮﻧﻪ ﺗﻄﻠﻊ ﻣﻨﻬﺎ ﻗﻠﻮﺏ ..
ﺍﻧﻲ ﺳﺎﻣﻌﻪ ﺑﺤﻮﺭ ﺍﻟﻌﻴﻦ ﺑﺎﻟﺠﻨﻪ ﺑﻨﺎﺕ ﻣﻌﻘﻮﻟﺔ ﻫﻢ ﺍﻛﻮ ﺣﻮﺭ ﺍﻟﻌﻴﻦ ﻭﻟﺪ ؟ ﻻ ﻭﻧﺰﻟﻮﺍ ﻟﻠﻜﺎﻉ ؟؟
ﺍﻧﻮﺏ ﺑﻌﺪ ﻻ ﺑﻴﻪ ﺍﺭﺟﻊ
ﻭﻻ ﺍﺗﻘﺪﻡ ﺍﻧﻲ ﻭﺍﻟﺒﺮﻣﻮﺩﺍ ﺍﻟﻲ ﺟﻨﻬﺎ ﺷﻮﺭﺕ .. ﻳﻮﻧﺲ ﻣﺤﻤﻮﺩ ﻳﻮﻧﺲ ﻭﻃﺐ
ﻋﻠﻴﻬﻢ ﻟﻠﺤﺪﻳﻘﻪ ﺑﺲ ﻣﺤﺠﺐ ﻫﻢ ﻇﻠﻮﺍ ﺻﺎﻓﻨﻴﻦ ﺛﻮﺍﻧﻲ
ﻭﺍﺑﻦ ﻋﻤﻲ ﻭﺟﻬﻪ ﻇﻞ ﻳﻀﺮﺏ ﺍﻟﻮﺍﻥ ..
ﺩﺭﺕ ﺍﺭﻳﺪ ﺍﻓﺘﺢ ﺑﺎﺏ ﺍﻻﺳﺘﻘﺒﺎﻝ ﻣﻴﻨﻔﺘﺢ ﺍﻧﻘﻔﻞ ﻣﻦ ﺩﺍﺧﻞ ﺑﺴﺮﻋﻪ ﺍﺟﻪ ﺍﺑﻦ ﻋﻤﻲ ﻋﻠﻴﻪ ﻭﺣﺎﻭﻃﻨﻲ ﺑﺬﺭﺍﻋﻪ ﻭﺩﻓﻌﻨﻲ ﻟﻠﻤﺪﺧﻞ ﻣﺎﻝ ﺍﻟﺒﻴﺖ ﺑﺼﻒ ﺍﻻﺳﺘﻘﺒﺎﻝ ..
ﻭﺃﺻﺪﻗﺎﺋﻪ ﺍﺳﺘﺄﺫﻧﻮﺍ ﻭﺭﺍﺣﻮﺍ
ﻭﺍﻧﻲ ﺍﻟﻤﻄﻴﻪ ﺑﻘﻴﺖ ﻉ ﻭﻛﻔﺘﻲ
ﻻ ﻓﻠﺘﺖ ﻟﻠﻐﺮﻓﺔ ﻭﻗﻔﻠﺘﻬﺎ ﻭﻻ ﺧﺘﻠﺖ ﺑﻤﻜﺎﻥ ﻫﻮ ﺍﺟﻪ
ﻳﺮﻛﺾ ﻋﻠﻴﻪ ﺟﺎﻥ ﻳﻜﻮﻝ ﻋﺒﻮﻭﻭﻭﻭﺩ ﻭﺍﻟﻌﺒﺎﺱ ﺍﻟﻠﻪ
ﺍﻟﻴﻮﻡ ﻣﻴﺨﻠﺼﻚ ﻣﻨﻲ ؟؟
ﻭﻟﺠﺠﺠﺞ ﻭﻳﻦ ﻃﺎﻟﻌﻪ ﺑﻬﺬﺍ ﻟﺒﺴﺞ ﻻ ﻭﺍﻟﻠﻪ ﻣﻮ ﻟﺒﺲ ﺻﺨﺎﻡ ﻭﺟﻬﺞ ﺍﺩﺭﻱ ﺍﻧﺘﻲ ﺷﻠﻮﻥ ﺗﻠﺒﺴﻴﻦ ﻫﻴﺞ ؟
ﺍﺷﺮﺗﻠﻪ ﺑﻴﺪﻱ ﺑﺎﺷﺎﺭﺓ ﺍﻟﺼﺒﺮ ﻛﺘﻠﻪ ﺍﻭﻛﻒ ﺑﺲ ﺍﺑﺪﻝ ﻭﺍﺟﻲ ﺍﺗﻌﺎﺭﻙ ﻭﻳﺎﻙ ..
ﻛﺎﻝ ﻭﻳﻦ ﻭﻳﻦ ﻋﺒﺎﺩ ﺍﻟﻠﻪ ﻛﻠﻬﺎ ﺷﺎﻓﺖ
ﻇﻠﺖ ﻋﻠﻴﻪ ﺍﻟﻴﻮﻡ ﺍﺷﻌﻞ ﻋﺸﻴﺮﺗﺞ ﻭﺣﻖ ﻋﻠﻲ ﺍﻟﻔﺤﻞ ...
ﻣﻌﺼﺐ ﻭﻳﺤﺠﻲ ..
ﺍﻧﻲ ﺑﺲ ﻛﺎﻝ ﻫﻴﺞ ﺗﺬﻛﺮﺕ ﺭﻭﺣﻲ ﺷﻼﺑﺴﺔ ﺑﺎﻭﻋﺖ ﻟﻴﺠﻮﺓ ﺟﺎﻥ ﺍﺩﻭﺭ ﻇﻬﺮﻱ ﻭ ﺍﻃﻔﺮ ﺳﻮﻳﺖ ﺍﻟﺪﺭﺝ ٤ ﺷﺒﺨﺎﺕ ﻭﻫﻮ ﻳﺮﻛﺾ ﻭﺭﺍﻳﻪ ﺟﺎﻥ ﻳﺪﻧﻚ ﻭﻳﺠﺮﻧﻲ
ﻣﻦ ﺯﻧﺪﻱ ﻭﻛﻌﺖ ﺍﺟﻪ ﻛﻮﻣﻨﻲ ﻭﻟﻄﺸﻨﻲ ﻉ ﺍﻟﺤﺎﻳﻂ
ﺍﻧﻲ ﺑﺴﺮﻋﻪ ﺑﺠﻴﺖ ...
ﻛﻠﺘﻠﻪ ﺍﻧﺖ ﻭﺍﺣﺪ ﺣﻘﻴﺮ ﺷﻔﺖ
ﺍﻟﺒﻴﺖ ﻣﺎﺑﻲ ﺍﺣﺪ ﺷﻠﻮﻥ ﺗﺪﺧﻞ ﺟﻤﺎﻋﺘﻚ ﺍﻻ ﺍﻛﻮﻝ
ﻟﺒﺎﺑﺎ ﻋﻠﻴﻚ ﻭﻓﻮﻛﺎﻫﺎ ﺗﺮﻳﺪ ﺗﻀﺮﺑﻨﻲ ... ﺍﺣﺠﻲ ﻭﺍﺑﺠﻲ ..
ﺑﻘﻰ ﺻﺎﻓﻦ ﺑﻌﻴﻮﻧﻲ ﺛﻮﺍﻧﻲ ﻭﻛﺎﻝ ﻟﻌﻨﺔ ﺍﻟﻠﻪ
ﻋﻠﻴﻚ ﻳﺎﻟﺸﻴﻄﺎﻥ .. ﻭﻟﻚ ﺷﻮﻑ ﻋﺒﻮﺩ ﺍﻭﻝ ﺷﻲ ﺍﻧﺖ
ﻣﺜﻞ ﺍﻟﻮﻟﺪ ﻭﺣﺎﺳﺐ ﺭﻭﺣﻚ ﺣﺎﻟﻚ ﺣﺎﻟﻨﺎ ﺑﺲ
ﺍﻟﻴﻮﻡ ﺻﺎﻳﺮ ﺍﻧﺜﻰ ﻭﺷﻮﻛﺖ ﺻﺮﺕ ﺍﻧﺜﻰ ﻣﻦ ﺍﺟﻮ
ﺟﻤﺎﻋﺘﻲ؟؟ ﺍﻟﻪ ﺍﻟﻴﻮﻡ ﻳﻌﻨﻲ؟ ﻭﺣﻖ ﺍﻟﺤﻖ ﻭﺍﻟﻲ ﺍﻧﺰﻟﻪ ﺍﺫﺍ ﺷﻔﺖ ﻭﺟﻬﺞ ﺍﻟﻴﻮﻡ ﻛﺪﺍﻣﻲ ﺍﺳﻮﻳﺞ ﻭﺻﻠﺔ ﻣﺴﺢ ... ﻭﻫﺬﺍ ﺷﻮﺭﺗﺞ
ﻫﺴﻪ ﺗﺮﻭﺣﻴﻦ ﺗﻨﺰﻋﻲ ﻭﺗﺠﻴﺒﻲ ﺑﺄﻳﺪﺝ ﺗﻜﺼﻲ ﻛﺪﺍﻣﻲ ﻭﺗﺸﻤﺮﻱ ﺑﺎﻟﻤﻄﺒﺦ
ﻭﺗﺴﻮﻳﻨﻪ ﻭﺻﻠﺔ ﻟﻠﻄﺒﺎﺥ ﻳﻼ ﺩﺍﺍﻧﺘﻈﺮﺝ ..
ﻣﻦ ﻓﺸﻠﺘﻲ ﻣﺎ ﺍﻋﺮﻑ ﺷﺤﺠﻲ ﺑﻌﺪ ﻟﺴﺎﻧﻲ ﺑﻠﻌﺘﻪ ﻭﺍﻧﻲ ﺍﻡ ﻟﺴﺎﻥ ﺍﻛﺘﻔﻴﺖ ﺑﺲ ﻫﺰﻳﺖ ﺭﺍﺳﻲ ﻭﺭﺣﺖ ﻟﻠﻐﺮﻓﺔ ﻗﻔﻠﺖ ﺍﻟﺒﺎﺏ ﻭﺭﺣﺖ ﺍﺭﻳﺪ ﺍﺭﺟﻊ ﺍﻧﺎﻡ ﺷﻮﻳﻪ ﻭﺟﺎﻥ ﻳﺪﻛﻬﺎ ﻛﻠﺘﻠﻪ ﻣﻦ ﻭﺭﺓ ﺍﻟﺒﺎﺏ ﺑﺼﻮﺕ ﻋﺎﻟﻲ ﻭﺍﻟﻌﺒﺎﺱ ﺍﺫﺍ ﻣﺘﺮﻭﺡ ﻫﺴﻪ ﺍﺣﺮﻙ ﺭﻭﺣﻲ ..
ﻛﺎﻝ ﻣﻦ ﻭﺭﺓ ﺍﻟﺒﺎﺏ ﻋﻼﻭﺍ ﻭﻟﺞ ﺣﺘﻰ ﻧﺄﻛﻞ ﺛﺮﻳﺪ ﻭﺍﻧﻲ ﺍﺧﺬ ﺍﻟﺒﺎﺟﻪ ﻭﺍﻧﺘﻲ ﻳﺎﻛﻠﺞ ﺍﻟﺘﺮﺍﺏ ﻭﺍﻟﺪﻭﺩ ﻭﻣﻨﺎﻙ ﻟﺠﻬﻨﻢ ... ﺑﺲ
ﺗﻌﺎﻟﻲ ﻛﻮﻟﻴﻠﻲ ﻋﻨﺪﺝ ﺟﺪﺍﺣﻪ ﻟﻮ ﺍﻧﻄﻴﺞ ﻭﺍﺟﻴﺐ
ﻭﻳﺎﻫﺎ ﺑﻄﻞ ﺑﺎﻧﺰﻳﻦ؟
ﻫﺬﺍ ﺷﻮﻥ ﻭﻳﺎ ﺍﻟﻴﻮﻡ ؟ ﻛﻤﺖ ﺭﻛﺾ ﻓﺘﺤﺖ ﺍﻟﺒﺎﺏ ﺑﻌﺼﺒﻴﺔ ﻫﻮ ﺑﺲ ﺍﻧﻔﺘﺢ ﺍﻟﺒﺎﺏ ﻭﺻﺎﺭ ﻛﺒﺎﻟﻲ ﻛﺎﻝ ﺍﺷﺘﻌﻠﺖ ﻋﺸﻴﺮﺗﺞ ﻧﺎﻭﻳﺔ ﻋﻠﻴﻪ ﺑﻨﺖ ﺍﻟﺸﺮﻳﻒ ﺍﻧﻌﻞ ﺍﺑﻮﻩ ﺍﻟﻴﺠﻲ ﻳﻤﻜﻢ ﺑﻌﺪ ﺍﻧﻲ ﻋﺒﺎﻟﻲ ﻋﻤﻲ ﻣﺨﻠﻒ ﺑﺲ ﺑﻨﺎﺕ ﺍﺛﻨﻴﻦ ﻃﻠﻌﻮﺍ ٣ ﺑﺲ
ﺍﻟﺜﺎﻟﺚ ﻣﺴﻮﻱ ﻧﻔﺴﻪ ﻭﻟﺪ ﻋﻤﻲ ﺧﻠﻒ ﺍﻟﻠﻪ ﻋﻠﻴﺞ
ﻣﻦ ﺟﻨﺘﻲ ﻣﺴﻮﻳﻪ ﻧﻔﺴﺞ ﻭﻟﺪ ﻭﺗﻠﻌﺒﻴﻦ ﻭﻳﺎﻧﻪ
ﻃﻮﺑﻪ ﺍﻧﻲ ﺟﻨﺖ ﺍﻃﺨﻄﺦ ﺑﻴﺞ ﻭﺣﺎﺳﺒﺞ ﻋﺒﻮﺩﻱ ﺍﺧﻮﻳﻪ
ﺑﺲ ﻃﻠﻌﺖ ﻣﺴﺘﻔﺎﺩ ﺗﻌﺎﻟﻲ ﺑﺎﻟﻠﻴﻞ ﻧﻠﻌﺐ ﺑﻠﻲ ﺣﺘﻰ
ﻫﻢ ﺍﺳﺘﻔﺎﺩ ..
ﺻﺮﺧﺖ ﺑﻮﺟﻬﻪ ﺗﺮﻭﻭﺡ ﻣﻨﺎ ﻻ ﺷﻠﻮﻥ ﻭﻳﺎﺍﺍﻙ ﺍﻟﻴﻮﻭﻭﻡ ..
ﺩﺍﺭ ﻭﺟﻬﻪ ﻳﺮﻳﺪ ﻳﺮﻭﺡ ﺗﺎﻟﻲ ﺭﺟﻊ ﻛﺎﻝ ﺍﻛﻮﻟﻚ ﺍﺑﻮ ﺫﻧﻮﻥ ﻭﻟﻮ ﺍﻧﺖ ﺗﺤﺐ ﻧﺸﺄﺕ ﺍﻛﺮﻡ ﺑﺲ ﻣﻴﺨﺎﻟﻒ ﺷﻨﻮ ﺭﺃﻳﻚ ﺍﺷﺘﺮﻳﻠﻚ
ﺗﺮﺍﻧﺸﻮﺯ ﻭﻧﺮﻭﺡ ﻟﻤﻠﻌﺐ ﺍﻟﺸﻌﺐ ﻭﺗﻨﺰﻝ ﺍﻧﺖ
ﻭﺷﻮﺭﺗﻚ ﺑﻠﻜﻲ ﺗﺴﺠﻞ ﻫﺪﻑ ﻭﺍﺭﻓﻊ ﺭﺍﺳﻲ
ﺑﻴﻚ ﺧﻮﻳﻪ ؟
ﺧﺰﺭﺗﻪ ﻛﺘﻠﻪ ﺭﻭﺡ ﻳﻠﻠﻪ ﺭﻭﺡ ﻭﺣﺴﺎﺑﻚ ﻋﻨﺪ ﺑﺎﺑﺎ ﻋﺴﻴﺮ ﻛﺎﻝ ﺍﻧﻲ ﺭﺍﻳﺢ ﻭﻣﺎﺍﻋﻴﺪﻫﺎ ﻋﻠﻴﺞ ﻫﺬﺍ ﺷﻮﺭﺗﺞ ﺗﺴﻮﻱ ﻭﺻﻠﺔ ﻃﺒﺎﺥ ﻻ ﺍﺣﺮﻛﺞ ﻭﺍﺣﺮﻛﻪ ﺍﻓﺘﻬﻤﺘﻲ؟؟؟
....
ﻳﺎﺭﺏ ﻳﻜﻮﻥ ﻋﺠﺒﺘﻜﻢ ﺍﻟﻤﺸﺎﻫﺪ ﺗﻐﺸﻴﺸﺔ ﺻﻐﻴﺮﺓ ﺍﻟﺒﻨﺖ ﻭﺍﻟﺸﺎﺏ ﺍﻟﻲ ﺑﺎﻟﻤﺸﻬﺪ ﺍﻻﻭﻝ ﻣﻮ ﻧﻔﺴﻬﻢ ﺍﻟﻲ ﺑﺎﻟﻤﺸﻬﺪ ﺍﻟﺜﺎﻧﻲ .
