#ﻓﻲ_ﺷﺮﻳﻌﺔ_ﺍﻟﻌﺸﻖ
ﺑﺎﺭﺕ 11
ﻧﻮﺭﺍ ﻧﺎﺻﺮ
ﻭﻫﻴﻪ ﺩﺗﺤﺠﻲ ﺻﺎﺭﺕ ﻫﻮﺳﺔ ﻳﻤﻬﺎ ﺻﺮﺕ ﺍﺳﻤﻊ ﺻﻮﺕ ﺍﺑﻮﻳﺔ ﻭﺻﻮﺗﻬﺎ ﻳﺘﺼﺎﻳﺤﻮﻥ ﺑﻌﺪ ﺛﺎﻧﻴﺔ ﺍﻧﻘﻄﻊ ﺍﻻﺗﺼﺎﻝ ...
ﺍﺳﺘﻐﺮﺑﺖ ﻭﻗﻠﻘﺖ ﺑﻨﻔﺲ ﺍﻟﻮﻗﺖ ، ﺧﻠﻴﺖ ﺗﻠﻴﻔﻮﻧﻲ ﺑﺠﻴﺒﻲ ﻭﻃﻠﻌﺖ ..
ﺍﺧﺬﺕ ﺃﺟﺎﺯﺓ ﻭﺭﺟﻌﺖ ﻟﻠﺒﻴﺖ ﻭﺻﻠﺖ ، ﻟﻜﻴﺖ ﺯﻫﺮﺍﺀ ﻛﺎﻋﺪﻩ ﻉ ﺍﻟﺘﺨﻢ ﺑﺎﻟﺼﺎﻟﻪ ﻣﺨﻠﻴﺔ ﺍﻳﺪﻫﺎ ﻋﻠﻰ ﺣﻠﻜﻬﺎ ﻛﺄﻧﻬﺎ ﺗﻜﺘﻢ ﺿﺤﻜﺔ ..
ﻭﻣﺮﻳﻢ ﻭﺍﻛﻔﻪ ﻳﻢ ﺍﻟﺒﺎﺏ ﻭﺗﺼﻴﺢ ﻋﻤﻪ ﺣﺘﻤﻮﺕ ﻋﻤﻪ
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﻭﺭﻛﻀﺖ : ﺷﻜﻮ ﺯﻫﺮﺍﺀ ﺷﺒﻴﻬﺎ ﺍﻟﺤﺠﻴﻪ ﻣﺎ ﻟﺤﻜﺖ ﺃﻭﺻﻞ ﻟﻠﺒﻴﺖ ﺧﻮﻣﺎ ﺃﻛﻮ ﺷﻲ ..
ﺟﺎﻭﺑﺘﻨﻲ ﻣﺮﺗﺒﻜﺔ : ﻫﺎﺍﺍ ﻻ ﻣﺎﻛﻮ ﺷﻲ ...
ﻇﻠﻴﺖ ﺍﺑﺎﻭﻋﻠﻬﺎ ﻣﺴﺘﻐﺮﺏ ﻣﺘﺤﻂ ﻋﻴﻨﻬﺎ ﺑﻌﻴﻨﻲ ﻭﺍﻳﺪﻫﺎ ﻋﻠﻰ ﺣﻠﻜﻬﺎ ، ﺯﻳﻦ ﻫﺴﻪ ﺃﺳﺎﻝ ﻣﻨﻮ؟
ﺍﺧﺬﺕ ﻣﺮﻳﻢ ﻭﺻﻌﺪﺕ ﻓﻮﻙ ﺭﻛﺾ ، ﺭﺣﺖ ﺩﻛﻴﺖ ﺍﻟﺒﺎﺏ ﻋﻠﻰ ﻏﺮﻓﺔ ﺍﻣﻲ ، ﺍﺟﺎﻧﻲ ﺻﻮﺕ ﺍﺑﻮﻳﻪ ﺑﺼﻴﺎﺡ ﻣﻦ ﺩﺍﺧﻞ ﺍﻟﻐﺮﻓﺔ ...
_ ﻣﻨﻮﻭﻭﻭﻭ ؟ ﺷﻄﻠﻌﺖ ﻫﺎﺍﻱ ﻭﺍﺣﺪ ﻣﻴﻜﺪﺭ ﻳﺎﺧﺬ ﺭﺍﺣﺘﻪ؟
ﻫﻨﺎ ﻋﺮﻓﺖ ﺃﻣﻲ ﻟﻴﺶ ﺧﺎﺑﺮﺗﻨﻲ ﻳﺎﺑﻪ ﻭﻛﻌﺖ ﺑﺎﻟﻜﺎﻉ ﻣﻦ
ﺍﻟﻀﺤﻚ ﻟﺰﻣﺖ ﺑﻄﻨﻲ ﻭﻇﻠﻴﺖ ﺍﺿﺤﻚ ﺑﺼﻮﺕ ﻋﺎﻟﻲ
ﺟﺎﻭﺑﺘﻪ ﻣﻦ ﻣﻜﺎﻧﻲ ﻭﺑﻌﺪﻩ ﺍﻟﻀﺤﻚ ﻣﺴﻴﻄﺮ ﻋﻠﻴﻪ -: ﻳﺎﺑﻪ ﺃﻧﻲ ﺷﻌﻠﻴﻪ ﺍﻟﺤﻜﻮﻣﻪ ﺧﺎﺑﺮﺗﻨﻲ ﺗﺼﻴﺢ ﺍﻟﺤﻜﻠﻲ ﺧﺎﻑ ﻣﻜﺜﺮ ﺍﻟﻤﻌﻴﺎﺭ ﻉ ﻛﻴﻔﻚ ﺣﺠﻲ ﺗﺮﻯ ﺍﻟﺤﺠﻴﻪ ﻛﺒﺮﺕ ...
ﺑﻌﺪﻧﻲ ﺩﺍﺍﺣﺠﻲ ﺍﻧﻔﺘﺤﺖ ﺍﻟﺒﺎﺏ ﻭﻃﻠﻌﻠﻲ ﻳﻌﺪﻝ
ﺑﻔﺎﻧﻴﻠﺘﻪ ﺑﺎﻭﻋﻠﻲ ﻭﻇﻞ ﻳﺨﺰﺭ ﺑﻴﻪ : ﻭﻟﻚ ﺃﻧﺖ ﻣﺘﺴﺘﺤﻲ ﻣﻮ ﺷﻔﺖ ﻧﻔﺴﻚ ﺻﺮﺕ ﺩﻛﺘﻮﺭ ﺍﺩﻭﺱ ﻉ ﺭﺍﺳﻚ ﻫﺴﻪ ﻃﺎﻳﺢ ﺍﻟﺤﻆ
_ ﻟﻌﺪ ﻛﻮﻝ ﻟﻤﺮﺗﻚ ﺑﻌﺪ ﻟﺘﺨﺎﺑﺮﻧﻲ ﻋﻴﺐ ﻫﺎﻱ ﺳﻮﺍﻟﻒ ﻣﺎﻝ ﻓﺎﺳﺪﻳﻦ ﻭﺃﻧﻲ ﺧﻮﺵ ﻭﻟﺪ ﻭﺑﻌﺪﻧﻲ ﻣﻐﻤﺾ ﻭ ﻛﻮﻟﺸﻲ ﻣﺎﺍﻋﺮﻑ ﺑﺲ ﺃﻛﻮﻟﻚ ﻫﻲ ﻟﻴﺶ ﺟﺎﻧﺖ ﺗﺼﻴﺢ ؟
:- ﺑﻴﻚ ﺧﻴﺮ ﺍﺑﻘﻰ ﺑﻤﻜﺎﻧﻚ !!!
:- ﻣﻨﻮ ﻛﺎﻟﻚ ﺑﻴﻪ ﺧﻴﺮ ﺍﻟﻲ ﻛﺎﻟﻚ ﺑﻴﻪ ﺧﻴﺮ ﺗﺮﻯ
ﻳﻀﺤﻚ ﻋﻠﻴﻚ ﺣﺸﺎﻙ
ﺑﺲ ﻫﺎ ﺑﻨﺎﺕ ﻋﻤﻲ ﺗﺤﺴﻴﻦ ﻫﻨﺎ ﻭﻋﻴﺐ ﻫﺎﻱ ﺯﻫﺮﺍﺀ ﺟﺒﻴﺮﺓ ﺗﺮﻯ ﺣﺠﻲ ﺯﺣﻤﻪ ﺗﺸﻮﻑ ﻫﻴﺞ ﻭﺿﻊ ﻛﺪﺍﻣﻬﺎ ﻓﺪﻭﺓ ﻟﻌﻴﻨﻚ ﻣﻨﺎ ﻭﺟﺎﻱ ﺍﺧﺬ ﺍﻟﺤﺬﺭ ﻭﻛﻮﻝ ﻟﻠﺤﺠﻴﻪ ﻻﺗﻬﺮﺟﻨﺎ ﺑﺼﻴﺎﺣﻬﺎ ﻟﻌﺪ ﺃﺣﻨﻪ ﻣﻨﻴﻦ ﻃﻠﻌﻨﺎ ﻟﻮ ﻫﺎﻱ ﻋﻴﺎﺭﺓ ﻧﺴﻮﺍﻥ ...
_ ﻻ ﻳﺎ ﻃﺎﻳﺢ ﺍﻟﺤﻆ ﻟﻚ ﺍﻧﺖ ﺯﻭﺩﺗﻬﺎ ﺗﺮﺓ ﺍﺭﺑﻴﻚ ﻣﻦ ﺟﺪﻳﺪ ..
ﺿﺤﻜﺖ ﻭﺗﺮﻛﺘﻪ ﻓﺎﺕ ﺟﻮﺓ ﻭﻛﻔﺖ ﻳﻢ ﺍﻟﺪﺭﺝ ﻭﺻﺤﺖ ﻋﻠﻰ ﺯﻫﺮﺍﺀ ...
ﺯﻫﺮﺍﺀ : ﺟﻨﻪ ﻛﺎﻋﺪﻳﻦ ﺑﺎﻟﺼﺎﻟﺔ ﺍﻟﺼﺒﺢ ﻭﻣﺤﺪ ﻣﻮﺟﻮﺩ ﺑﺎﻟﺒﻴﺖ ، ﻋﻤﻪ ﻃﻠﻌﺖ ﺑﺎﻟﺒﺮﻧﺺ ﻣﻦ ﺍﻟﺤﻤﺎﻡ ﻣﺎﻧﺸﻮﻑ ﺍﻟﻪ ﻋﻤﻮ ﺳﺤﺒﻬﺎ ﻟﻠﻐﺮﻓﻪ ﻭﻫﻴﻪ ﻫﺮﺟﺖ ﺍﻟﺪﻧﻴﺎ ﺑﺎﻟﺼﻴﺎﺡ ﻭﺧﺮ ﺍﻟﻪ ﻣﺎ ﻭﺧﺮ .
ﻇﻠﻴﺖ ﺍﺿﺤﻚ ﺍﻛﻴﺪ ﻋﻤﻮ ﻣﺎ ﺍﻧﺘﺒﻪ ﻋﻠﻴﻨﺎ ﺍﺣﻨﺎ ﻣﻮﺟﻮﺩﻳﻦ ﺑﺎﻟﺼﺎﻟﺔ ، ﺭﺑﻊ ﺳﺎﻋﺔ ﻭ ﺍﺟﻪ ﺻﻔﺎﺀ ﻓﺎﺕ ﻟﻠﺒﻴﺖ
ﺍﺳﺘﺤﻴﺖ ﺍﻛﻮﻟﻪ ﻋﻠﻰ ﺍﻟﻲ ﺻﺎﺭ ﺳﻮﻳﺖ ﻧﻔﺴﻲ ﻣﺎ ﺍﺩﺭﻱ ..
ﺭﺣﺖ ﻋﻠﻰ ﻣﺮﻳﻢ ﺳﺤﺒﺘﻬﺎ ﻣﻦ ﺍﻳﺪﻫﺎ ﻭﺻﻌﺪﺕ ﻟﻠﻐﺮﻓﻪ ﺍﻛﻠﺖ ﺭﺍﺳﻲ ﺷﺒﻴﻬﺎ ﻋﻤﻪ ﻭﻟﻴﺶ ﺗﺼﻴﺢ ؟
_ ﻋﻄﺖ ﺑﻴﻬﺎ ﻭﺳﻜﺘﺖ ..
ﺟﺮﻳﺖ ﺍﻟﻤﻼﺑﺲ ﻭﺩﺍ ﺍﺭﻳﺪ ﺍﻋﺰﻝ ﺑﻴﻬﻢ ﻭﺍﻓﻜﺮ ﺑﻌﺒﻴﺮ
ﺳﻤﻌﺖ ﺻﻮﺕ ﺻﻔﺎﺀ ﻳﺼﻴﺤﻠﻲ
ﻧﺰﻟﺖ ﺑﺴﺮﻋﺔ ﺑﺎﻭﻋﻠﻲ ﻭﻧﺰﻝ ﺭﺍﺳﻪ ...بيج قصص عراقيه حقيقيه من واقعنا.روعه الطائي
_ ﻋﻴﻨﻲ ﺯﻫﻮﺭﻩ ﻓﺪﻭﺓ ﻟﻘﻠﺒﺞ ﺍﻋﺘﺒﺮﻱ ﻧﻔﺴﺞ
ﻣﺸﻔﺘﻲ ﺷﻲ ، ﻭﺍﻟﻠﻪ ﺧﺠﻼﻥ ﻣﻨﺞ ﺷﺴﻮﻱ ﻋﺪﻧﺎ
ﺍﺛﻨﻴﻦ ﻣﺮﺍﻫﻘﻴﻦ .
... ﺑﺎﻟﻠﻪ ﻫﺴﻪ ﻫﺬﺍ ﺷﻜﻮﻟﻪ ؟ ﺧﻠﻲ ﺍﺳﻮﻱ ﻧﻔﺴﻲ ﻣﺎ ﺍﺩﺭﻱ ﺑﻠﻜﺖ ﺗﻌﺒﺮ ﻋﻠﻴﻪ
_ ﻟﻴﺶ ﻫﻮ ﺷﻜﻮ ﻟﻴﺶ ﺩﺗﻌﺘﺬﺭ ؟
ﺑﺎﻭﻋﻠﻲ ﻭﺍﺑﺘﺴﻢ ﺑﺨﺠﻞ ﻭﺩﺍﺭ ﻭﺟﻬﻪ ﻭﺣﺠﻰ -: ﻫﺎ ﻻ ﻣﺎﻛﻮ ﺷﻲ ﺑﺲ ﺩﺍﺍﻋﺘﺬﺭ ﻻﻥ ﺭﺩﺗﻲ ﺗﻄﻠﻌﻴﻦ ﻣﻦ ﺍﻟﺒﻴﺖ ﺑﺴﺒﺒﻲ ..
_ ﻫﺎﺍ !! ﻟﻌﺪ ﻣﻦ ﺭﺧﺼﺘﻚ ﻋﺒﺎﻟﻲ ﺃﻛﻮ ﺷﻲ ..
ﺗﺮﻛﺘﻪ ﻭﺭﺣﺖ ﻟﻠﻐﺮﻓﻪ ﻟﻜﻴﺖ ﺳﺖ ﻣﺮﻳﻢ ﺩﺗﺤﺠﻲ ﻭﻳﺎ ﻣﺎﻣﺎ
ﺑﺎﻟﺘﻠﻴﻔﻮﻥ ﻭﺧﺮﺑﺎﻧﻪ ﺿﺤﻚ ﺑﺲ ﺷﺎﻓﺘﻨﻲ ﺳﺪﺕ ﺍﻟﻤﻮﺑﺎﻳﻞ ﺷﻤﺮﺗﻪ ﻋﻠﻴﻪ ﻭﺗﻠﻔﻠﻔﺖ ﻭﺳﻮﺕ ﻧﻔﺴﻬﺎ ﻧﺎﻳﻤﺔ ...
ﺭﺣﺖ ﻋﻠﻴﻬﺎ ﺍﺩﻏﻬﺎ ﻣﻦ ﻭﺭﺓ ﺍﻟﺸﺮﺷﻒ ﺍﻟﻲ ﺗﻠﻔﻠﻔﺖ ﺑﻲ : ﻟﺞ ﻣﺮﻳﻮﻣﻪ ﺷﻜﻮ ؟ ﻟﻴﺶ ﻣﻦ ﺷﻔﺘﻴﻨﻲ ﺳﺪﻳﺘﻲ ﺍﻟﻔﻮﻥ ؟
ﺳﻜﺘﺖ ﻭﻣﺤﺠﺖ ﺷﻲ ﺣﺎﻭﻟﺖ ﻣﺮﺓ ﻭﺍﺛﻨﻴﻦ ﻣﺎﻛﻮ ﻣﺘﺤﺠﻲ ﻋﻔﺘﻬﺎ ، ﺩﻙ ﺍﻟﻤﻮﺑﺎﻳﻞ ﻣﺎﻣﺎ ﺩﺗﺨﺎﺑﺮ ﺟﺎﻭﺑﺘﻬﺎ : ﺍﻟﻮ
ﺍﺟﺎﻧﻲ ﺻﻮﺗﻬﺎ : ﻭﻟﺞ ﺯﻫﺮﺍﺀ ﺷﻠﻮﻥ ﺗﺨﻠﻴﻦ ﺃﺧﺘﺞ ﺗﺸﻮﻑ ﻫﻴﺞ ﻣﻨﺎﻇﺮ ﻛﺪﺍﻣﻬﺎ ؟
- ﺷﺒﻴﺪﻱ ﻳﺎﻣﺎﻣﺎ ﻫﻮ ﺍﻟﺸﺴﻤﺔ ﺻﺎﺭ ﺑﺴﺮﻋﺔ
_ ﺍﻟﺸﺴﻤﺔ ﺷﻨﻮ ﻭﻟﺞ ؟ ﻫﺴﻪ ﺣﺎﻻ ﺗﻠﻤﻴﻦ ﻣﻼﺑﺴﻜﻢ ﻭﺗﺮﻭﺣﻴﻦ ﻟﻠﺒﻴﺖ ، ﻭﻟﺞ ﺍﻧﻮﺏ ﻫﺎﻱ ﺍﻻﺩﺑﺴﺰ ﺗﺨﺎﺑﺮﻧﻲ ﺗﺘﻤﻀﺤﻚ ، ﻛﻮﻟﻴﻠﻬﺎ ﺃﻣﺞ ﺗﻜﻮﻝ ﺑﺲ ﺃﺭﺟﻊ ﻣﻦ ﺍﻟﺒﻴﺖ ﺍﻻ ﺍﺷﻠﻊ ﺍﺫﺍﻧﺎﺗﻬﺎ ، ﻭﺍﻧﺘﻲ ﻣﺜﻞ ﻣﻜﻠﺘﻠﺞ
ﺩﺍ ﺍﻛﻮﻟﻠﻬﺎ ﺻﺎﺭ ، ﺳﺪﺕ ﺍﻟﺨﻂ ﺑﻮﺟﻬﻲ ﺑﺴﺮﻋﺔ ..
ﻗﺎﺑﻞ ﺷﺒﻴﺪﻱ ﻋﻠﻴﻬﻢ ﻫﻢ ﺑﻴﺘﻬﻢ ﻭﻳﺮﺩﻭﻥ ﻳﺮﺗﺎﺣﻮﻥ ﺑﻲ ﺭﺣﺖ ﻋﻠﻰ ﻣﺮﻳﻢ ﺟﺮﻳﺘﻬﺎ ﺣﻴﻞ ﻣﻦ ﺍﻳﺪﻫﺎ ﻋﻄﺖ ﺑﻴﻬﺎ
ﻛﺎﻣﺖ ﻫﻲ ﺭﻓﻌﺖ ﺍﺩﻳﻬﺎ ﺩﺗﺤﻤﻲ ﻭﺟﻬﻪ ﻣﻨﻲ ...
_ ﻟﺞ ﺷﻜﻮ ﻣﺮﺍﺡ ﺍﺿﺮﺑﺞ ﻛﻮﻣﻲ ﺑﺪﻟﻲ ﻣﻼﺑﺴﺞ .. ﻧﺰﻟﺖ ﻣﻦ ﺍﻟﺴﺮﻳﺮ ﻃﻠﻌﺖ ﺍﻟﻬﺎ ﻣﻼﺑﺲ ﻭﻏﻴﺮﺕ ﻭﻫﻲ ﺗﺒﺠﻲ ﻭﺗﺤﺠﻲ
_ ﻫﻮ ﺍﻧﻲ ﺷﺴﻮﻳﺖ ﺑﺲ ﻛﻠﺘﻠﻬﺎ ﻋﻤﻮ ﺟﺮ ﻋﻤﻪ ﻟﻠﻐﺮﻓﻪ
ﻭﻫﻲ ﺗﺼﻴﺢ ﺍﺍﻩ ﺍﺗﺮﻛﻨﻲ ﻏﻴﺮ ﻫﻮ ﺩﻳﻀﺮﺑﻬﺎ ﻟﻴﺶ ﻣﺎﻣﺎ
ﺗﺼﻴﺢ ﻋﻠﻴﻪ ﻭﺃﻧﺘﻲ ﻫﻢ ﻭﻟﻜﻢ ﻭﺍﻟﻠﻪ ﻣﺴﻮﻳﺖ ﺷﻲ ....
ﺧﺰﺭﺗﻬﺎ ﺍﺷﺶ ﺍﺳﻜﺘﻲ ﺑﻼ ﻟﻐﻮﺓ ﺯﺍﻳﺪﺓ
ﺻﺎﺣﺖ -: ﻫﺎ ﺗﺬﻛﺮﺕ ﺻﺢ ﻋﺒﻴﺮ ﻛﺎﻳﻠﺘﻠﻲ ﺍﻟﻔﺘﻨﻪ ﺍﺷﺪ ﻣﻦ ﺍﻟﻘﺘﻞ ﻭﺍﻟﻴﻔﺘﻦ ﺍﻟﻠﻪ ﻳﺬﺑﻪ ﺑﺎﻟﻨﺎﺭ ﻣﻮ ﺯﻫﺮﺍﺀ؟
_ ﻛﺘﻠﺞ ﺍﺳﻜﺘﻲ ﻛﺎﻓﻲ ﺷﺠﺎﺍﺍﺝ
_ ﻭﻟﺞ ﺃﻧﺘﻲ ﺍﻟﺜﺎﻧﻴﺔ ﻟﻴﺶ ﺑﺲ ﺗﺼﻴﺤﻴﻦ ﻋﻠﻴﻪ
ﻭﻣﺎﻣﺎ ﻫﻢ ﻫﺴﻪ ﻳﺎﺭﻳﺖ ﺳﻮﻳﺖ ﺷﻲ ﺩﻳﻼ ﺷﺴﻮﻳﻠﻜﻢ
ﻫﺴﻪ ﻟﻴﺶ ﺩﺗﺒﺪﻟﻴﻠﻲ ﻭﻳﻦ ﺣﻨﺮﻭﺡ ﻣﻮ ﻛﺮﺍﺭ ﻭﺍﻋﺪﻧﻲ
ﺍﻟﻴﻮﻡ ﻳﺎﺧﺬﻧﻲ ﻟﻤﺪﻳﻨﺔ ﺍﻻﻟﻌﺎﺏ؟
ﺑﺲ ﺗﺤﺠﻲ ﻭﻻ ﺟﺎﻱ ﺗﺴﻜﺖ ﺻﺮﻋﺘﻨﻲ ، ﻋﻄﺖ ﺑﻴﻬﺎ ﺳﻜﺘﺖ ﺍﺧﺬﺗﻬﺎ ﻭﻧﺰﻟﺖ ﻻﻛﺎﻧﻲ ﻋﻤﻮ ﺑﺲ ﺷﺎﻓﻨﻲ ﺩﻧﻚ ..
ﺳﻮﻳﺖ ﺍﺣﻢ ﻭﺣﺠﻴﺖ ﻭﻳﺎ -: ﻋﻤﻮ ﺣﻨﺮﻭﺡ ﻟﻠﺒﻴﺖ ﺍﺭﻳﺪ ﺍﻧﻈﻔﻪ ﺃﻛﻴﺪ ﺻﺎﺭ ﻭﺳﺦ ﻫﺴﻪ ﻻﻥ ﺻﺎﺭ ﻛﻢ ﻳﻮﻡ ﺍﺣﻨﺎ ﻫﻨﺎ .
ﺍﺭﺗﺒﻚ ﻇﻞ ﻳﺤﺠﻲ ﻭﻫﻮ ﻣﺪﻧﺞ : - ﺑﻮﻳﻪ ﻳﺎ ﺑﻴﺖ ﺗﺮﻭﺣﻴﻠﻪ ﻭﺍﻧﺘﻮﺍ ﺑﻨﺎﺕ ﻭﺣﺪﻛﻢ ﻋﻮﺩ ﺧﻠﻲ ﻳﺠﻲ ﺃﺑﻦ ﻋﻤﺞ ﻭﻳﺎﺧﺬﻛﻢ ...
_ ﻻ ﻋﻤﻮ ﻻﺯﻡ ﺃﺭﻭﺡ ﻫﻮ ﻫﻨﺎ ﻗﺮﻳﺐ ﻋﻠﻴﻜﻢ ﻣﺎﻋﻠﻴﻨﺎ ﺷﻲ ﺑﺲ ﻧﺤﺘﺎﺟﻜﻢ ﻧﺨﺎﺑﺮﻟﻜﻢ ﻋﻮﺩ
_ ﺩﻳﻠﻠﻪ ﺯﻳﻦ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻭﻋﻠﻰ ﺍﺧﺘﺞ ﺑﻨﻴﺘﻲ ..
_ ﺻﺎﺭ ﻋﻤﻮ ، ﺍﺳﺘﺄﺫﻧﺖ ﻣﻨﻪ ﻭﻃﻠﻌﺖ
ﻭﺻﻠﺖ ﻟﺒﻴﺘﻨﺎ ﻓﺘﺤﺖ ﺍﻟﻘﻔﻞ ﻭﻓﺘﻨﺎ ﺟﻮﺍ ، ﻭ ﻣﺮﻳﻢ ﺑﺎﻭﻋﺘﻠﻲ ﺗﺮﻳﺪ ﺗﺒﺠﻲ ﻻﻥ ﺍﻟﺨﺎﺗﻮﻥ ﻣﻮﺍﻋﺪﻫﺎ ﻛﺮﺍﺭ ﻳﺎﺧﺬﻫﺎ ﻟﻤﺪﻳﻨﺔ ﺍﻟﻌﺎﺏ ﺍﻟﺴﻴﺪﻳﺔ ...
ﺑﺴﺮﻋﻪ ﻋﻄﺖ ﺑﻴﻬﺎ -: ﻭﻻ ﺻﻮﺕ ﺍﺳﻤﻌﻠﺞ ﻭﻳﻼ ﺃﻣﺸﻲ ﻏﻴﺮﻱ ﻣﻼﺑﺴﺞ ﻭﺗﻌﺎﻟﻲ ﺩﻧﻈﻒ ﺍﻟﺒﻴﺖ ﺑﺴﺮﻋﻪ .. ﻫﺰﺕ ﺭﺍﺳﻬﺎ ﻭﺑﺲ ﺗﺨﺰﺭ ،
ﺻﻌﺪﺕ ﺑﺪﻟﺖ ﻣﻼﺑﺴﻬﺎ ﻭﺍﺟﺖ ﺩﺗﺴﺎﻋﺪﻧﻲ ..
ﺩﺍ ﺍﻧﻈﻒ ﺑﺎﻟﻤﻄﺒﺦ ﻭﻫﻲ ﺑﺎﻟﺼﺎﻟﺔ ﻭ ﺍﺳﻤﻊ ﺻﻮﺕ ﺑﺠﻲ ﺑﻬﺪﻭﺀ ﺭﻓﻌﺖ ﺭﺍﺳﻲ ﺍﺗﺴﻤﻊ ﺯﻳﻦ ﺍﻟﻬﺎ ، ﻃﻠﻌﺖ ﻣﻦ ﺍﻟﻤﻄﺒﺦ ﻭﺭﺣﺖ ﻋﻠﻴﻬﺎ ..
ﺣﺎﺟﻴﺘﻬﺎ ﺷﺒﻴﺞ ﺷﻜﻮ ؟
ﻣﻦ ﺑﻴﻦ ﺩﻣﻮﻋﻬﺎ ﺟﺎﻭﺑﺖ : ﺃﻧﺘﻲ ﺗﻌﻴﻄﻴﻦ ﻋﻠﻴﻪ ﻻﻥ ﻣﺎﻣﺎ ﻣﺎﻛﻮ ﺑﻘﻰ ﺑﺲ ﺗﻀﺮﺑﻴﻨﻲ ﻳﻌﻨﻲ ﻭﺍﺫﺍ ﻓﺘﻨﺖ ﻗﺎﺑﻞ ﺷﺴﻮﻳﺖ ﻛﻠﺖ ﻣﺎﻣﺎ ﺃﻛﻴﺪ ﺿﺎﻳﺠﻪ ﺧﻠﻲ ﺍﺿﺤﻜﻬﺎ ﺷﻮ ﻛﻠﻬﺎ ﺗﻌﻴﻂ ﻋﻠﻴﻪ ، ﻫﻤﺰﻳﻦ ﻋﺒﻴﺮ ﻣﺮﻳﻀﻪ ﺟﺎﻥ ﺿﺮﺑﺘﻨﻲ ﻫﺎﻱ ﺍﻟﻮﻛﺤﻪ
ﺧﻠﺼﺖ ﻣﻨﻬﺎ
_ ﻭﻟﺞ ﻳﻌﻨﻲ ﺃﻧﺘﻲ ﻓﺮﺣﺎﻧﻪ ﻻﻥ ﺍﺧﺘﺞ ﻣﺮﻳﻀﻪ
ﻣﻮ ؟
_ ﻻﻻ ﻣﻮ ﻫﻴﺞ ﺑﺲ ﻳﻌﻨﻲ ﺍﺛﻨﻴﻦ ﻳﺮﺯﻟﻮﻧﻲ
ﺍﺣﺴﻦ ﻣﻦ ﺛﻼﺛﻪ ...
ﺿﺤﻜﺖ ﻋﻠﻴﻬﺎ ، ﺩﻳﻠﻪ ﻛﻤﻠﻲ ﺍﻟﻲ ﺑﻴﺪﺝ
_ ﻫﺴﻪ ﻛﻤﻠﺖ ﻣﺴﺢ ﺍﻻﺧﺸﺎﺏ
ﺑﻌﺪ ﺷﺴﻮﻱ ؟
_ ﺑﻜﻴﻔﺞ ﺍﻱ ﻣﻜﺎﻥ ﻭﺳﺦ ﻧﻈﻔﻲ ..
_ ﺣﺮﻭﺡ ﺍﻧﻈﻒ ﻏﺮﻓﺘﻨﺎ ﺣﺘﻰ ﺃﻧﺎﻡ ﻭﺍﺫﺍ
ﺍﺟﻪ ﻛﺮﺍﺭ ﺻﻴﺤﻴﻨﻲ _ .. ﺩﻳﻠﻪ ﺭﻭﺣﻲ ..
****
ﻋﺒﻴﺮ : ﻭﺻﻠﺖ ﻟﻠﻤﺴﺘﺸﻔﻰ ﺍﺧﺬﻭﻧﻲ ﺳﻮﻭﻟﻲ ﺍﻻﺟﺮﺍﺀﺍﺕ ﺍﻟﺮﻭﺗﻴﻨﻴﺔ ﺑﺎﻭﻋﺖ ﻣﺎﻣﺎ ﻭﺑﺎﺑﺎ ﻣﻴﺘﺤﺎﺟﻮﻥ ، ﻭﻭﺍﺣﺪ ﺩﺍﻳﺮ ﻭﺟﻬﻪ ﻋﻜﺲ ﻭﺟﻪ ﺍﻟﺜﺎﻧﻲ ...
ﺗﺮﻛﺘﻬﻢ ﻭﻣﺎﺗﺪﺧﻠﺖ ﻣﺎﻟﻲ ﺧﻠﻚ ﺃﺑﺪ ، ﺩ ﺍﺣﺲ ﺣﻴﺎﺗﻲ ﻋﻠﻰ ﺍﻟﻤﺤﻚ ، ﻓﻘﺪﺕ ﺍﻟﺮﻏﺒﺔ ﺑﻜﻞ ﺷﻲ ﺑﺲ ﻣﺎ ﺍﺣﺲ ﺑﺎﻟﺨﻮﻑ ﻭﺍﻧﻤﺎ ﻣﺠﺮﺩ ﻋﺪﻡ ﺭﻏﺒﺔ ﺑﺎﻟﺤﻴﺎﺓ ..
ﺃﺟﻪ ﺍﻟﺪﻛﺘﻮﺭ ﻇﻞ ﻳﺸﺠﻌﻨﻲ ﻋﺒﺎﻟﻪ ﺧﺎﻳﻔﻪ ..
ﺑﺲ ﺑﺎﻟﺤﻘﻴﻘﺔ ﻣﺨﺎﻳﻔﻪ ﻻﻥ ﺍﻻﻋﻤﺎﺭ ﺑﻴﺪ ﺍﻟﻠﻪ ﺑﺲ ﻣﻘﻬﻮﺭﺓ ﻋﻠﻰ ﺷﻌﺮﻱ ﺍﻟﻲ ﺭﺍﺡ ﻳﺰﻳﻨﻮ ﻫﻮﺍﻱ ..
ﻭﺭﺓ ﻣﺨﻠﺺ ﺍﻟﺪﻛﺘﻮﺭ ﻛﻼﻣﻪ ﺍﺧﺬﻭﻧﻲ ﻟﻐﺮﻓﺔ ﺛﺎﻧﻴﺔ
ﻭﺍﺟﺖ ﻣﻤﺮﺿﺔ ﻓﺘﺤﺖ ﺷﻌﺮﻱ ﻭﺑﻠﺸﺖ ﺗﺰﻳﻨﺔ ﺑﺎﻟﻤﻜﻴﻨﺔ
ﻇﻠﻴﺖ ﺍﺑﺎﻭﻉ ﻟﺨﺼﻼﺕ ﺷﻌﺮﻱ ﻭﻫﻴﻪ ﺗﻮﻛﻊ ﻉ ﺍﻻﺭﺽ
ﻭﻳﺎ ﻛﻞ ﺧﺼﻠﺔ ﺗﻮﻛﻊ ﺍﺣﻘﺪ ﻉ ﻧﻔﺴﻲ ﻻﻥ ﺍﺻﺮﻳﺖ ﺍﺭﻭﺡ ﻭﻳﺎ ﺧﺎﻻﺗﻲ ﻟﻠﺪﻭﺭﺓ ﺭﻏﻢ ﻣﻌﺎﺭﺿﺔ ﺍﻣﻲ ..
ﻭﺗﺎﻟﻲ ﺧﺴﺮﺕ ﻋﺎﻓﻴﺘﻲ ﻭﺑﻨﻔﺲ ﺍﻟﻮﻗﺖ ﻣﺎﺍﻋﺮﻑ ﺷﻨﻮ ﻣﻦ
ﺍﺣﺴﺎﺳﻴﺲ ﺗﻬﺎﺟﻤﻨﻲ ﻗﻮﺓ ﻋﻠﻰ ﻛﺮﻩ ﻋﻠﻰ ﺣﻘﺪ ..
ﺩﻗﺎﻳﻖ ﻣﺮﺕ ﻭﺍﻧﻲ ﺳﺮﺣﺎﻧﺔ ﺑﺎﻟﺘﻔﻜﻴﺮ ، ﺍﻧﺘﺒﻬﺖ ﻋﻠﻰ ﺍﻟﻜﺎﻉ ﻣﻠﻴﺎﻧﺔ ﺷﻌﺮ ﻣﺪﻳﺖ ﺍﻳﺪﻱ ﻟﺮﺍﺳﻲ ﻭﻻ ﺷﻌﺮﺍﻳﻪ ﺑﻲ .. ﺍﺑﺘﺴﻤﺖ ﺗﺬﻛﺮﺕ ﻣﻦ ﺟﻨﺖ ﺍﻏﻮﺭ ﺍﺧﻮﺍﺗﻲ ﺑﺸﻌﺮﻱ ﻻﻥ ﺃﻃﻮﻝ ﺷﻌﺮ ﺑﻴﻬﻢ ﻭﺳﺮﺡ ، ﻛﻠﺖ ﺑﺪﺍﺧﻠﻲ ﺣﻴﻴﻞ ﺍﺳﺘﺎﻫﻞ ﺍﻟﻠﻪ ﻣﻴﻀﺮﺏ ﺑﺤﺠﺎﺭ ..
ﺩﺧﻞ ﺻﻔﺎﺀ ﺻﻔﻦ ﻋﻠﻴﻪ ﺷﻮﻳﺔ ﺷﻔﺖ ﻧﻈﺮﺍﺗﻪ ﻛﻠﻬﺎ ﺃﺳﻰ ﻋﻀﻴﺖ ﺑﺎﻃﻦ ﺷﻔﺘﻲ ﻣﺠﻨﺖ ﺍﺭﻳﺪ ﺷﻔﻘﺔ ﻋﻠﻴﻪ ..
ﺍﺑﺘﺴﻢ ﻭﺍﺟﻪ ﻳﻄﺒﻄﺐ ﻋﻠﻰ ﻛﺘﻔﻲ : ﻫﺎ ﻋﺒﻮﺭﺓ ﺍﺭﻳﺪﺝ ﻗﻮﻳﺔ ﻭﺳﺒﺎﻋﻴﺔ ، ﻋﻤﻲ ﺗﺤﺴﻴﻦ ﺩﺍﺋﻤﺎ ﻳﻜﻮﻝ ﺍﻟﻠﻪ ﻣﺎﺭﺯﻗﻨﻲ
ﺑﻮﻟﺪ ﺭﺯﻗﻨﻲ ﺑﻌﺒﻴﺮ ﺑﻨﺖ ﺃﺑﻮﻫﺎ .. ﻣﺎﺭﻳﺪ ﺍﺷﻮﻓﺞ ﻫﻴﺞ ﺍﺭﻳﺪﺝ ﻗﻮﻳﺔ ..
_ ﺻﻔﺎﺀ ﺣﺒﺎﺏ ﻣﺎﺍﺭﻳﺪ ﻣﺎﻣﺎ ﺗﺸﻮﻓﻨﻲ ﻭﻻ ﺣﺘﻰ ﺑﺎﺑﺎ ﻻﻥ ﺑﺲ ﻳﺸﻮﻓﻨﻲ ﻳﺘﻌﺎﺭﻙ ﻭﻳﺎ ﺃﻣﻲ ﻭﻫﻲ ﻣﺮﻳﻀﻪ ﺷﻮﻓﻠﻚ ﻃﺮﻳﻘﻪ ﺍﻏﻄﻲ ﺭﺍﺳﻲ ﺑﻴﻬﺎ ..
ﺍﻭﻣﺄ ﺑﺈﻱ ، ﻧﺰﻉ ﺍﻟﻲ ﻉ ﺭﺍﺳﻲ ﻣﺎﻝ ﺍﻟﻮﻗﺎﻳﻪ
ﻭﻟﺒﺴﻬﺎ ﺍﻟﻲ ﻟﺰﻡ ﺍﻳﺪﻱ ﻭﻃﻠﻌﻨﻲ .. ﺭﺟﻌﻮﻧﻲ ﻟﻠﻐﺮﻓﺔ ، ﺍﺟﺖ ﻣﺎﻣﺎ ﻣﺪﺕ ﺍﻳﺪﻫﺎ ﺩﺗﺮﻳﺪ ﺗﺸﻮﻑ ﺭﺍﺳﻲ ﻣﻘﺒﻠﺖ ﺧﻔﺖ ﻋﻠﻴﻬﺎ ؛ - ﻣﺎﻣﺎ ﻋﻔﻴﺔ ﺍﺭﻳﺪ ﺍﻧﺎﻡ ﺍﺫﺍ ﺗﺴﻤﺤﻴﻦ ..
_ ﻧﺎﻣﻲ ﻋﻤﺮﻱ ﻧﺎﻣﻲ ﻭﺍﺭﺗﺎﺣﻲ ﻭﻻ ﻳﻬﻤﺞ
ﻏﻤﻀﺖ ﻋﻴﻮﻧﻲ ﻭﺍﺳﺘﺴﻠﻤﺖ ﻟﻠﻨﻮﻡ ..
ﻣﻦ ﺍﻟﺼﺒﺢ ﻛﻌﺪﺗﻨﻲ ﺍﻟﻤﻤﺮﺿﻪ ﻗﺎﺳﺖ ﺍﻟﻀﻐﻂ ﻭﻧﺒﻀﺎﺕ ﺍﻟﻘﻠﺐ ..
ﻭﺟﻬﺖ ﻛﻼﻣﻬﺎ ﻟﻠﺪﻛﺘﻮﺭ -: ﺩﻛﺘﻮﺭ ﻛﻞ ﺷﻲ ﻃﺒﻴﻌﻲ ﺍﻟﻀﻐﻂ ﻭﻧﺒﻀﺎﺕ ﺍﻟﻘﻠﺐ
ﺍﺑﺘﺴﻢ ﺍﻟﺪﻛﺘﻮﺭ ﺑﻮﺟﻬﻲ -: ﻋﻔﻴﻪ ﺳﺒﺎﻋﻴﺔ ..
ﺑﻌﺪﻫﺎ ﺭﺍﺩﻭﺍ ﻳﺎﺧﺬﻭﻧﻲ ﻟﺼﺎﻟﺔ ﺍﻟﻌﻤﻠﻴﺎﺕ ﻃﻠﺒﺖ ﻣﻨﻬﻢ ﺍﺳﻠﻢ ﻉ ﺑﺎﺑﺎ ﻭﻣﺎﻣﺎ ﺍﺳﺘﻌﺠﻠﻮﻧﻲ ﺣﺘﻰ ﻣﺎﺍﺗﺎﺧﺮ
ﺭﺣﺖ ﺳﻠﻤﺖ ﻋﻠﻴﻬﻢ ﻭﺣﺠﻴﺖ ﻭﻳﺎ ﺑﺎﺑﺎ ﺍﻧﻮ ﺃﻣﻲ ﻣﺎﻟﻬﺎ
ﺫﻧﺐ ﺑﺎﻟﻜﻮﺓ ﻳﻼ ﺍﻗﺘﻨﻊ ، ﺍﺟﻪ ﺍﻟﺪﻛﺘﻮﺭ ﻭﺍﺧﺬﻭﻧﻲ ﻟﻠﺼﺎﻟﺔ
ﺩﺧﻠﺖ ﺑﺎﻭﻋﺖ ﺍﻟﻤﻨﻈﺮ ﻣﺮﻋﺐ ﺳﻜﺎﻛﻴﻦ ﻭﻣﻘﺼﺎﺕ ﻭﺑﻌﺪ ﺍﺩﻭﺍﺕ ﻣﺎﻝ ﺟﺮﺍﺣﻪ ﺗﺨﻮﻑ ..
ﺣﺠﻴﺖ ﺑﺪﺍﺧﻠﻲ ﺩﺧﻴﻠﻚ ﺭﺑﻲ ﺍﺫﺍ ﺍﺧﺬﺕ ﺍﻣﺎﻧﺘﻚ ﺑﺲ ﻫﻮﻥ ﺍﻟﻔﺮﺍﻕ ﻋﻠﻰ ﺃﻣﻲ ﻻﻥ ﻫﻲ ﻗﺒﻞ ﻛﻢ ﺳﻨﻪ ﻓﻘﺪﺕ ﻭﻟﺪﻫﺎ ﻭﻣﻨﺎﻗﺼﻬﺎ ﺍﻟﻢ ﻓﺮﺍﻕ ﺍﻟﻀﻨﺎ ﺑﻌﺪ ...
ﻭﺍﻧﻲ ﺻﺎﻓﻨﺔ ﺩﺍﺍﺑﺎﻭﻉ ﻉ ﺍﻻﺩﻭﺍﺕ
ﺍﻟﺪﻛﺘﻮﺭ ﺍﻧﺘﺒﻬﻠﻲ : ﺑﺎﺑﺎ ﻟﺘﺒﺎﻭﻋﻴﻦ ﻋﻠﻴﻬﻢ ﺫﻧﻲ ﻣﻮ ﺍﻟﺞ
ﺗﺮﻯ ﻫﺎﻱ ﻟﻠﻲ ﻧﻔﺘﺢ ﺑﻄﻨﻪ ﻭﺻﺪﺭﻩ ﺍﻧﺘﻲ ﺑﺲ ﻧﻀﺮﺑﺞ
ﺍﺑﺮﺓ ﻭﻫﺎﻱ ﻫﻲَ ..
ﺍﺑﺘﺴﻤﺖ ﻋﻠﻰ ﻛﻼﻣﻪ ﻭﺍﻟﻄﻤﺄﻧﻴﻨﺔ ﺑﻨﺒﺮﺓ ﺻﻮﺗﻪ ، ﻣﺠﺎﻭﺑﺘﻪ ﺑﻌﺪﻫﺎ ﺻﻌﺪﻭﻧﻲ ﻟﻠﺴﺪﻳﻪ ﺃﺟﺖ ﺩﻛﺘﻮﺭﺓ ﺍﻟﺘﺨﺪﻳﺮ ﻇﻠﺖ ﺗﺘﺸﺎﻗﻰ ﻭﻳﺎﻳﻪ
ﻭﺑﻌﺪﻫﺎ ﻣﺤﺴﻴﺖ ﺑﺸﻲ ..
***
ﺻﻔﺎﺀ : ﺻﺎﺭ ﻋﺪﻧﺎ ﻧﻘﺺ ﺑﺎﻟﻜﺘﺐ ﺭﺣﻨﺎ ﻟﺸﺎﺭﻉ ﺍﻟﻤﺘﻨﺒﻲ ﺍﻧﻲ ﻭﺻﺪﻳﻘﻲ ﻫﻴﺜﻢ ، ﺑﺎﻟﻄﺮﻳﻖ ﺩﻧﺘﻤﺸﻰ ﺣﺴﻴﺖ ﻋﻨﺪﻩ ﺷﻲ ﺑﺎﻭﻋﺘﻠﻪ ﻭﺍﺑﺘﺴﻤﺖ : ﺃﺣﺠﻲ ﺷﺒﻴﻚ ﻫﻴﺜﻢ
: ﻭﺍﻟﻠﻪ ﺻﻔﺎﺀ ﻣﺎﺍﺩﺭﻱ ﺷﻜﻮﻟﻚ ﺑﺲ ﻟﻴﺮﻭﺡ ﺑﺎﻟﻚ
ﺑﻌﻴﺪ ﺃﻧﻲ ﻗﺼﺪﻱ ﺷﺮﻳﻒ ﺍﻟﻠﻪ ﻳﺸﻬﺪ ...
_ ﺩﺣﺠﻲ ﺷﺒﻴﻚ ﺍﺳﻤﻌﻚ ﻭﻻ ﻳﻬﻤﻚ ..
_ ﺫﺍﻙ ﺍﻟﻴﻮﻡ ﺍﺟﻴﺖ ﻋﻠﻴﻚ ﻓﺘﺤﺘﻠﻲ ﺍﻟﺒﺎﺏ ﺑﻨﻴﺔ ﺍﻟﻠﻪ ﻳﺴﺘﺮ
ﻋﻠﻴﻬﺎ ﻛﻮﻟﺶ ﺣﻠﻮﺓ ﺃﺫﺍ ﻣﺎﺑﻴﻬﺎ ﺯﺣﻤﻪ ﺑﻠﻜﻲ ﺗﺤﺎﺟﻲ
ﺍﻫﻠﻬﺎ ﺍﺭﻳﺪ ﺍﻟﻘﺮﺏ ﻣﻨﻜﻢ ﻳﺎﺍﺧﻲ ﺑﺲ ﺷﻌﺮﻫﺎ ﻗﻀﻴﺔ
ﻣﺎﺍﺭﻳﺪ ﺃﻓﻜﺮ ﺑﻴﻬﺎ ﺑﺎﻟﺤﺮﺍﻡ ﺃﻟﻲ ﺍﻋﺮﻓﻪ ﺍﻧﺖ ﻣﺎﻋﻨﺪﻙ
ﺍﺧﺖ ﺑﺲ ﻭﺣﺪﻩ ﻭﻣﺘﺰﻭﺟﻪ ﻫﺎﻱ ﺷﺘﺼﻴﺮ ﻣﻨﻚ؟
... ﺍﺗﺬﻛﺮﺕ ﺯﻫﺮﺍﺀ ﻫﻲ ﺳﺎﻓﺮﺓ ﻭﺷﻌﺮﻫﺎ
ﻃﻮﻳﻞ ﺷﻲ ﺑﺪﺍﺧﻠﻲ ﺍﺣﺴﻪ ﺍﺣﺘﺮﻙ ﻫﺎﻱ ﺑﻨﺖ ﻋﻤﻲ
ﻏﻴﺮﺗﻲ ﻣﺴﻤﺤﺘﻠﻲ ﻫﺬﺍ ﺩﻳﺘﻐﺰﻝ ﺑﺸﻌﺮﻫﺎ ﻛﺪﺍﻣﻲ ﺷﻨﻮ
ﻃﺮﻃﻮﺭ ﺃﻧﻲ ...
ﺑﺎﻭﻋﺖ ﻋﻠﻴﻪ ﺑﻌﺘﺐ : ﺑﺲ ﻣﻦ ﺍﻻﺻﻮﻝ
ﻣﺘﺒﺎﻭﻉ ﻋﻠﻴﻬﺎ ﺍﻟﻤﻔﺮﻭﺽ ﻣﻦ ﺗﺸﻮﻑ ﺑﻨﻴﺔ ﺗﻄﻠﻌﻠﻚ
ﻣﻦ ﺑﻴﺖ ﺻﺪﻳﻘﻚ ﺗﺪﻧﻚ ﻣﻮ ﺗﻈﻞ ﺗﺒﺎﻭﻉ ﻋﻠﻴﻬﺎ
ﻭﺑﻌﺪﻳﻦ ﻋﻴﺐ ﺗﺘﻐﺰﻝ ﺑﻴﻬﺎ ﻛﺪﺍﻣﻲ ﻋﺴﻰ ﻣﺎ ﺗﻜﻮﻥ
ﺟﺎﺭﺗﻲ ﺃﻧﺖ ﺷﻨﻮ ﺗﺨﺒﻠﺖ؟
ﺩﺭﺕ ﻭﺟﻬﻲ ﻣﻌﺼﺐ ﺣﺠﻴﺖ ﻣﻦ ﻭﺭﺓ ﺧﺸﻤﻲ : ﻭﺍﺫﺍ ﺗﺮﻳﺪ ﺗﺨﻄﺒﻬﺎ ﻋﻮﺩ ﺳﻬﻠﻪ ﺍﺣﺠﻴﻠﻚ ﻭﻳﺎ ﺍﻫﻠﻬﺎ ﻭﻳﺼﻴﺮ ﺧﻴﺮ
ﻇﻞ ﻳﻌﺘﺬﺭ ﻛﺘﻠﻪ ﻣﺼﺎﺭ ﺷﻲ ، ﻛﻤﻠﻨﺎ ﺷﻐﻠﻨﺎ ﻭﺭﺟﻌﺖ ﻟﻠﺒﻴﺖ ﺳﺄﻟﺖ ﺃﻣﻲ ﻋﻠﻰ ﺑﻨﺎﺕ ﻋﻤﻲ ﺟﻨﺖ ﺟﺎﻳﺒﻠﻬﻢ ﺣﻠﻮﻳﺎﺕ ﺧﻄﻴﻪ ﺍﺗﺒﻬﺬﻟﻦ ﺍﻧﻘﻬﺮ ﻋﻠﻴﻬﻦ ..
ﺃﻣﻲ : ﻳﻤﻪ ﺯﻫﺮﻩ ﺃﺧﺬﺕ ﺍﺧﺘﻬﺎ ﻭﺭﺍﺣﺖ ﻟﺒﻴﺘﻬﻢ
: ﻭﺍﻧﺘﻮﺍ ﺷﻠﻮﻥ ﻗﺒﻠﺘﻮﺍ ﺗﺨﻠﻮﻫﻢ ﻳﺮﺣﻮﻥ ﺷﻨﻮ
ﺳﺎﻟﻔﺘﻜﻢ ﻟﺨﺎﻃﺮ ﺍﻟﻠﻪ
ﺳﻜﺘﺖ ﺃﻣﻲ ﻋﻔﺘﻬﺎ ﻃﻠﻌﺖ ﻣﻦ ﺑﻴﺘﻨﺎ ﺗﻮﺟﻬﺖ ﻟﺒﻴﺖ ﻋﻤﻲ ﺩﻛﻴﺖ ﺍﻟﺒﺎﺏ
ﻓﺘﺤﺘﻪ ﺯﻫﺮﺍﺀ ﺳﻠﻤﺖ ﻋﻠﻴﻬﺎ ﻭﻓﺘﺖ
ﺑﺲ ﺟﻨﺖ ﻉ ﺃﻋﺼﺎﺑﻲ ﺍﻧﻔﻌﻠﺖ ﻛﻠﺶ ﻭﺣﺎﺟﻴﺘﻬﺎ ﺑﺎﻧﻔﻌﺎﻝ
_ ﺃﻛﻮﻟﺞ ﺯﻫﺮﺍﺀ ﺃﻧﻲ ﻣﻮ ﻛﻠﺘﻠﺞ ﻟﺘﻄﻠﻌﻮﻥ ﻭﺍﺫﺍ ﺗﺮﻳﺪﻳﻦ
ﺃﻧﻲ ﺃﻃﻠﻊ ﺣﺠﻴﺖ ﻟﻮ ﻣﺤﺠﻴﺖ ؟
_ ﺻﻔﺎﺀ ﻣﻘﺼﺮﺗﻮﺍ ﺑﺲ ﺃﻧﻲ ﺍﺭﻳﺪ ﺍﻛﻌﺪ ﺍﺑﻴﺘﻨﺎ
ﻛﺎﻓﻲ ﻣﻠﻴﺖ ﺷﻨﻮ ﻛﻮﺓ ﻫﻲ ﺧﻮﻣﺎ ﻛﻮﺓ ﻟﺘﻠﺢ ﻳﺎﺍﺧﻲ
ﻃﻠﺒﺖ ﻣﻨﻲ ﻭﺑﻘﻴﺖ ﻭﻫﺴﻪ ﺑﻌﺪ ﻣﺎﺍﻛﺪﺭ ﻭﻳﺎﺭﻳﺖ ﺗﺘﺮﻛﻨﻲ ﺑﺮﺍﺣﺘﻲ ﻭﺍﺫﺍ ﺍﺣﺘﺎﺟﻴﺖ ﺷﻲ ﻋﻮﺩ ﺍﺧﺎﺑﺮ
ﻋﻠﻴﻚ ﻣﻮ ﺑﻌﻴﺪ ﺃﻧﺖ ...
ﺟﻨﺖ ﺃﺣﺠﻲ ﻭﻳﺎ ﺑﻌﺼﺒﻴﻪ ﻭﺍﻧﻔﻌﺎﻝ ﺿﺠﺖ ﻣﻦ ﺧﻀﻮﻋﻲ ﺍﻟﻪ ﻭﻉ ﺷﻨﻮ ﻫﺎﻟﺨﻀﻮﻉ ﻳﺎﺭﻳﺖ ﺍﻛﻮ ﺷﻲ
ﺑﺲ ﻟﻬﻨﺎ ﻭﺑﺲ ..
ﺗﺒﺎﺩﻟﻨﺎ ﺍﻟﻨﻈﺮﺍﺕ ﻫﻮ ﻇﻞ ﺻﺎﻓﻦ ﺑﻮﺟﻬﻲ ﻣﺘﻔﺎﺟﺊ ﻻﻥ ﺟﻨﺖ ﺃﺣﺠﻲ ﺑﺼﻮﺕ ﻋﺎﻟﻲ ﻣﻜﺪﺭﺕ ﺍﺳﻴﻄﺮ ﻋﻠﻰ ﺍﻋﺼﺎﺑﻲ ..
ﺻﻔﺎﺀ : ﺍﺷﺶ ﻻ ﺗﻌﺼﺒﻴﻦ ﻭﻧﺼﻲ ﺻﻮﺗﺞ ﺗﻤﺎﻡ ..
ﺟﺮﻳﺖ ﻧﻔﺲ ﺭﻓﻌﺖ ﺷﻌﺮﻱ ﻟﻴﻔﻮﻙ : ﺑﺮﺍﺣﺘﺞ ﺑﺲ ﺍﺫﺍ ﺍﺣﺘﺎﺟﻴﺘﻲ ﺷﻲ ﻋﻮﺩ ﻛﻮﻟﻴﻠﻲ ..
ﻫﺪﺃﺕ ﺷﻮﻳﺔ ﻭﺣﺠﻴﺖ ﺑﻬﺪﻭﺀ ﻛﻤﻠﺖ -: ﻣﻮ ﺗﺨﺠﻠﻴﻦ ﺍﻣﺎﻧﺔ ﺍﻟﻠﻪ ﺗﺮﻯ ﺍﺑﻦ ﻋﻤﺞ ﺍﻧﻲ ﻣﻮ ﻏﺮﻳﺐ ، ﺍﻫﻠﺞ ﺑﺸﺪﺓ ﻭﻻﺯﻡ ﺍﻭﻛﻒ ﺑﺠﺎﻧﺒﻜﻢ ..
ﺩﺭﺕ ﻭﺟﻬﻲ ﻭﺃﺭﻳﺪ ﺍﻃﻠﻊ ، ﺗﺬﻛﺮﺕ ﻣﻴﺜﻢ ﺭﺟﻌﺖ
_ ﺯﻫﺮﺍﺀ ﺯﻫﺮﺍﺀ ﺻﺪﻙ ﻓﺪ ﺳﺆﺍﻝ
_ ﺟﻮﺍﺏ ..
_ ﺍﻛﻮﻟﺞ ﺍﻧﺘﻲ ﺍﺫﺍ ﻭﺍﺣﺪ ﺧﻄﺒﺞ ﺑﻬﺬﺍ ﻋﻤﺮﺝ ﺗﻘﺒﻠﻴﻦ
ﻟﻮﻻ؟
ﺯﻫﺮﺍﺀ : ﻫﻮ ﻛﺎﻟﻲ ﻫﻴﺞ ﺍﺣﺲ ﻗﻠﺒﻲ ﻳﻨﺒﺾ ﺑﺴﺮﻋﻪ ﻭﺧﺪﻭﺩﻱ ﺍﺣﺲ ﺣﺮﺍﺭﺓ ﺩﺗﻄﻠﻊ ﻣﻨﻬﻢ
ﺃﻛﻴﺪ ﺣﻴﺨﻄﺒﻨﻲ ﻣﻌﻘﻮﻟﺔ ﺣﺲ ﺑﻴﻪ ﻭﺑﻤﻌﺎﻧﺎﺗﻲ ﺑﺤﺒﻪ؟
ﺟﺎﻭﺑﺘﻪ ﻭﺍﻧﻲ ﺍﺣﺎﻭﻝ ﺍﺳﻴﻄﺮ ﻋﻠﻰ ﻧﻔﺴﻲ ﻭﺍﻛﺘﻢ ﺍﺑﺘﺴﺎﻣﺔ ﻛﺎﺩﺕ ﺗﻄﻠﻊ ﻏﺼﺐ ﻋﻨﻲ ،
ﺟﺎﻭﺑﺘﻪ -: ﺑﻜﻴﻒ ﺑﺎﺑﺎ ﻭﻣﺎﻣﺎ ﺷﻴﻜﻮﻟﻮﻥ ﺃﻧﻲ ﺍﻣﺸﻲ ﻭﺭﺍﻫﻢ ﻻﻥ ﺃﻛﻴﺪ ﻫﻢ ﻳﻌﺮﻓﻮﻥ ﻣﺼﻠﺤﺘﻲ ﺍﻛﺜﺮ ﻣﻨﻲ
ﺣﺠﻴﺖ ﻫﻴﺠﻲ ﺑﺲ ﺍﺣﺲ ﺍﻟﺼﻮﺕ ﺑﺎﻟﻜﻮﺓ ﻳﻄﻠﻊ ﻣﻨﻲ
ﻭﻗﻠﺒﻲ ﺍﺣﺴﻪ ﻭﺻﻞ ﻟﺤﻨﺠﺮﺗﻲ .. ﺑﻘﻴﺖ ﻣﺪﻧﻜﺔ ﻭﻣﺎ ﺍﻛﺪﺭ ﺍﺧﻠﻲ ﻋﻴﻨﻲ ﺑﻌﻴﻨﻪ ..
: ﺯﻳﻦ ﺍﺫﺍ ﺍﻟﻮﻟﺪ ﻃﻠﺐ ﻣﻨﺞ ﺗﺘﺤﺠﺒﻴﻦ ﺗﻮﺍﻓﻘﻴﻦ
ﻟﻮﻻ؟ ﻭﻫﻮ ﺍﺻﻼ ﺍﻧﺘﻲ ﻟﻴﺶ ﻟﺤﺪ ﺍﻻﻥ ﻣﻤﺘﺤﺠﺒﻪ
ﺗﺮﻯ ﻛﺒﺮﺗﻲ ..
ﺯﻫﺮﺍﺀ : ﺍﻟﺤﺠﺎﺏ ﻣﻮ ﻣﻘﻴﺎﺱ ﻟﻠﻌﻔﻪ ﻭﺍﻟﺸﺮﻑ ﺑﺲ ﻫﻮ
ﺍﻭﻝ ﻭﺗﺎﻟﻲ ﺃﻧﻲ ﺍﺗﺤﺠﺐ ﻳﻌﻨﻲ ﻣﺴﺘﺤﻴﻞ ﺍﺑﻘﻰ ﺳﺎﻓﺮﺓ
ﺻﻔﺎﺀ : ﺗﻤﺎﻡ ، ﺧﻮﺵ ﺣﺠﻲ ، ﺍﺳﺘﺄﺫﻧﺘﻬﺎ ﻭﻃﻠﻌﺖ ﺑﻘﻰ ﺑﺲ ﺍﺣﺎﺟﻲ ﻋﻤﻲ
ﻻﻥ ﺍﻟﺘﻤﺴﺖ ﻣﻦ ﻛﻼﻣﻬﺎ ﺍﻟﻤﻮﺍﻓﻘﻪ ﺭﺣﺖ ﻟﻠﻤﺴﺘﺸﻔﻰ ﻟﻌﺒﻴﺮ ..
****
ﻋﺒﻴﺮ : ﺻﺤﻴﺖ ﻣﻦ ﺍﻟﺒﻨﺞ ﺃﻛﻮ ﺍﻟﻢ ﻓﻀﻴﻊ ﺑﺮﺍﺳﻲ ﺍﻟﻠﻪ ﻣﺎ ﺍﺗﻤﻨﺎﻩ ﺣﺘﻰ ﻟﻠﻌﺪﻭ ﺑﺎﻭﻋﺖ ﺃﻧﻲ ﺑﻐﺮﻓﻪ ﻭﺣﺪﻱ ﻭﺍﺳﻤﻊ ﺑﺲ
ﺻﻮﺕ ﻧﺒﻀﺎﺕ ﻗﻠﺒﻲ ﺑﻌﺪ ﺩﻗﺎﺋﻖ ﺯﺍﺩ ﺍﻻﻟﻢ ﺍﺭﻳﺪ ﺍﻋﻴﻂ
ﺍﺧﺎﻑ ﻻﻳﺰﻳﺪ ﺍﻻﻟﻢ ﺷﻮﻳﻪ ﻭﺍﺟﻪ ﺍﻟﺪﻛﺘﻮﺭ
ﻛﺎﻝ ﺍﻟﺤﻤﺪﻟﻠﻪ ﻉ ﺍﻟﺴﻼﻣﻪ ﻫﺰﻳﺘﻠﻪ ﺭﺍﺳﻲ ...
: ﺩﻛﺘﻮﺭ ﻓﺪﻭﺓ ﺍﻱ ﺷﻲ ﻳﺴﻜﻦ ﺍﻻﻟﻢ ﺣﻤﻮﻭﻭﺕ
ﺍﺑﺘﺴﻤﻠﻲ ﻭﻃﻠﺐ ﻣﻦ ﺍﻟﻤﻤﺮﺿﺔ ﺗﻀﺮﺑﻨﻲ ﺃﺑﺮﺓ
ﺍﻟﺪﻛﺘﻮﺭ : ﺑﻄﻠﻪ ﻋﺪﺕ ﺳﻼﻣﺎﺕ ﻛﻠﻬﺎ ﻳﻮﻣﻴﻦ ﺍﻭ
ﺛﻼﺛﻪ ﺍﻥ ﺷﺎﺀﺍﻟﻠﻪ ﺗﺮﺟﻌﻴﻦ ﻟﺒﻴﺘﻜﻢ
ﺟﻨﺖ ﺍﺑﺎﻭﻋﻠﻪ ﻭﻣﺎ ﺍﺑﺎﻟﻲ ﺃﻱ ﺷﻲ ﺑﺲ ﺍﺭﻳﺪ
ﺍﻻﻟﻢ ﻳﺮﻭﺡ ﺷﻮﻳﻪ ﺷﻮﻳﻪ ﺑﺪﺍ ﺍﻻﻟﻢ ﻳﺨﻒ ﺭﺟﻌﺖ ﻧﻤﺖ
ﺯﻫﺮﺍﺀ : ﻣﻦ ﺣﺠﻪ ﻭﻳﺎﻳﻪ ﺻﻔﺎﺀ ﺑﻤﻮﺿﻮﻉ ﺍﻟﺨﻄﻮﺑﺔ ، ﺍﻃﻠﻘﺖ ﺗﻨﻬﻴﺪﺓ ﺍﺭﺗﻴﺎﺡ ﻣﻦ ﻗﻠﺐ ﻣﺜﻘﻞ ﺑﺎﻟﻬﻤﻮﻡ ..
ﻭ ﺍﺣﺲ ﻣﻠﻜﺖ ﺍﻟﺪﻧﻴﺎ
ﻣﻌﻘﻮﻟﺔ ﺻﻔﺎﺀ ﺣﻴﺨﻄﺒﻨﻲ ؟ ﺍﻱ ﻟﻴﺶ ﻻ ﻗﺎﺑﻞ ﺷﻨﺎﻗﺼﻨﻲ ﺑﺲ ﻛﻮﻥ ﻣﺎﻣﺎ ﺗﻮﺍﻓﻖ ...بيج قصص عراقيه حقيقيه من واقعنا.روعه الطائي
ﻭﺍﺫﺍ ﻣﻮﺍﻓﻘﺖ ﺃﻧﻲ ﺃﻋﺮﻑ ﺷﻠﻮﻥ ﺍﻗﻨﻌﻬﺎ ﺃﻫﻢ ﺷﻲ ﺍﺗﺰﻭﺝ ﺻﻔﺎﺀ ﻭﺍﺭﺗﺒﻂ ﺑﺤﺐ ﺣﻴﺎﺗﻲ ﺑﺲ ﻣﺎﺍﻋﺘﻘﺪ ﺻﻔﺎﺀ ﺣﻴﻔﺘﺢ ﺍﻟﻤﻮﺿﻮﻉ ﻫﺴﻪ ﻭﺧﺼﻮﺻﺎً ﻭﺿﻊ ﻋﺒﻴﺮ ﻭﻣﻨﺎ ﺃﻧﻲ ﺳﺎﺩﺱ ﻳﻼ ﺃﻧﻲ ﺻﺒﺮﺕ ﻫﺎﻟﺴﻨﻴﻦ ﻣﺎﺍﺻﺎﺑﺮ ﻫﺴﻪ ﺍﻟﻤﻬﻢ ﺍﻟﻠﻪ ﻋﻮﺽ ﺻﺒﺮﻱ ﺍﻟﻒ ﺍﻟﺤﻤﺪﻟﻠﻪ ...
****
ﺻﻔﺎﺀ ... ﺑﺎﻟﻤﺴﺘﺸﻔﻰ ﺷﻔﺖ ﻛﺮﺍﺭ
ﻳﺒﺎﻭﻉ ﻋﻠﻰ ﻋﺒﻴﺮ ﻣﻦ ﺍﻟﺠﺎﻡ ﺍﻟﻌﺎﺯﻝ
ﺭﺣﺖ ﻳﻤﻪ ﻃﺒﻄﺒﺖ ﻋﻠﻰ ﻛﺘﻔﻪ : ﻫﺎ ﻛﺮﺍﺭ ﺷﻨﻮ ﺍﻟﻮﺿﻊ ؟
ﺍﻟﺘﻔﺘﺖ ﺍﻟﻲ ﺗﺤﺴﺮ ﻭﺭﺟﻊ ﻳﺒﺎﻭﻉ ﻋﻠﻰ ﻋﺒﻴﺮ : ﺧﻄﻴﻪ ﻋﻤﻲ ﺗﺤﺴﻴﻦ ﺍﺣﺲ ﻣﺮﺽ ﻋﺒﻴﺮ ﻛﺒﺮﻩ ٢٠ ﺳﻨﻪ ﺣﺘﻰ ﺟﻜﺎﻳﺮ ﻛﺎﻡ ﻳﺸﺮﺏ ﺍﺑﺎﻭﻋﻠﻪ ﻣﻦ ﻳﻤﺸﻲ ﺣﺎﻧﻲ ﻇﻬﺮﻩ
ﺍﻣﺎ ﻋﻤﺘﻲ ﺑﺎﻟﻀﻴﻢ ﻭﺣﺪﻫﺎ ﻗﺼﻪ ﺧﻄﻴﺔ ﻋﺒﻴﺮ
ﺷﻨﻮ ﺫﻧﺒﻬﺎ ﻻ ﺷﻌﺮ ﻣﺜﻞ ﺍﻟﺒﻨﺎﺕ ﻻ ﻋﺎﻓﻴﻪ ﺍﺩﻋﻲ ﻣﻦ
ﺍﻟﻠﻪ ﻛﻮﻥ ﺗﻌﺪﻱ ﻉ ﺧﻴﺮ ..
_ ﻳﺼﻴﺮ ﺧﻴﺮ ﺍﻥ ﺷﺎﺀﺍﻟﻠﻪ ﻭﺗﺼﻴﺮ ﺯﻳﻨﺔ ﺳﻬﻠﺔ ﺳﻬﻠﺔ
_ ﺍﻱ ﻫﺴﻪ ﻃﻠﻊ ﺍﻟﺪﻛﺘﻮﺭ ﻣﻦ ﻋﺪﻫﺎ ﻛﺎﻝ ﺣﺎﻟﺘﻬﺎ ﻣﺴﺘﻘﺮﻩ ﺑﺲ ﻣﺘﻄﻠﻊ ﻣﻦ ﺍﻟﻌﻨﺎﻳﺔ ﻻﻥ ﻳﺨﺎﻓﻮﻥ ﻳﻠﺘﻬﺐ
ﺍﻟﺠﺮﺡ ﻓﺪ ﺍﺳﺒﻮﻉ ﻳﻼ ﺗﻄﻠﻊ ﻣﻨﺎ ﺑﺲ ﺗﻌﺎﻝ ﺍﻛﻮﻟﻚ
ﻋﻤﺘﻲ ﺳﻜﺮﻫﺎ ﻣﺪﻳﺴﺘﻘﺮ ﻭﻋﻤﻲ ﺗﺼﺪﻙ ﺍﺫﺍ ﺍﻛﻮﻟﻚ
ﺍﻟﺒﺎﺭﺣﻪ ﺧﻠﺺ ٤ ﺑﺎﻛﻴﺘﺎﺕ ﺍﺣﺠﻲ ﺍﺭﻳﺪ ﻣﺎﻛﻮ
ﻫﺰﻳﺖ ﺭﺍﺳﻲ : ﺣﻘﻪ ﻫﻮ ﻣﻌﺘﺒﺮ ﻋﺒﻴﺮ ﺳﻨﺪﻩ ﻭﻫﺴﻪ ﺩﻳﺸﻮﻓﻬﺎ ﺑﻬﺬﺍ ﺍﻟﻮﺿﻊ ﻣﺘﺤﺮﻙ ﻻ ﺃﻳﺪ
ﻭﻻ ﺭﺟﻞ ﻣﺘﻜﻮﻟﻲ ﺷﻴﺼﻴﺮ ﺑﻲ ﻫﺴﻪ ﺃﻧﺖ ﺭﻭﺡ ﻟﺒﻴﺘﻜﻢ ﺍﺳﺒﺢ ﻭﻏﻴﺮ ﻣﻼﺑﺴﻚ ﻭﺍﺭﺗﺎﺡ ﻭ ﺃﻧﻲ ﺑﺎﻗﻲ
ﻫﻨﺎ ﻋﻮﺩ ﺗﻌﺎﻝ ﺑﺎﺟﺮ
: ﻫﺎﻱ ﻛﻞ ﻋﻘﻠﻚ ﺗﺤﺠﻲ ﺍﻋﻮﻑ ﻋﻤﻲ ﺑﻬﺬﺍ ﺍﻟﻮﺿﻊ ﻭﺍﺭﻭﺡ ﻫﻮ ﺣﺘﻰ ﻭﻟﺪ ﻣﺎﻋﻨﺪﻩ ﻭﻳﺴﺎﻋﺪﻩ
ﻉ ﺍﻟﻲ ﻫﻮ ﺑﻲ ﺃﻧﻮﺏ ﺗﺮﻳﺪﻧﻲ ﺃﺭﻭﺡ ﺷﻮﻓﻠﻚ ﻏﻴﺮﻫﺎ
: ﻭﻟﻚ ﺃﻧﻲ ﻫﻨﺎ ﺑﻌﺪﻳﻦ ﻟﺘﻜﻮﻝ ﻣﺎﻋﻨﺪﻩ ﻭﻟﺪ
ﻟﻌﺪ ﺃﺣﻨﻪ ﺷﻨﻮ ﻗﺎﺑﻞ ﻣﻮ ﻭﻟﺪﻩ ﻫﺴﻪ ﺣﺒﻴﺒﻲ ﺭﻭﺡ ﻭﺍﺫﺍ
ﻛﻮﻟﺶ ﺗﻮﺍﺯﻳﺖ ﻭﻏﻤﺰﺗﻠﻪ ﻭﺑﺎﻭﻋﺖ ﻉ ﻋﺒﻴﺮ ﻋﻮﺩ
ﺗﻌﺎﻝ ﺑﺎﻟﻠﻴﻞ ﺩﻓﺮﺗﻪ ﻳﻼ ﺭﻭﺡ
ﻫﻮ ﺿﺤﻚ ﻭﺭﺍﺡ ...
ﻋﺒﻴﺮ : ﺑﻌﺪ ﺃﺳﺒﻮﻉ ﻃﻠﻌﺖ ﻣﻦ ﺍﻟﻌﻨﺎﻳﺔ ﻟﻐﺮﻓﻪ ﺧﺎﺻﻪ
ﻃﺒﻌﺎً ﺧﻼﻝ ﻫﺬﺍ ﺍﻻﺳﺒﻮﻉ ﻣﺸﻔﺖ ﻻ ﺑﺎﺑﺎ ﻭﻻ ﻣﺎﻣﺎ
ﺃﻱ ﺷﺨﺺ ﻣﻦ ﺃﻫﻠﻲ ﻣﺸﻔﺘﻪ ﻣﻦ ﺩﺧﻠﺖ ﻟﻠﻐﺮﻓﻪ
ﻟﻜﻴﺖ ﺃﻣﻲ ﻛﺎﻋﺪﻩ ﻭﻻﺯﻣﻪ ﺭﺃﺳﻬﺎ ﺑﺄﺛﻨﻴﻦ ﺍﺩﻳﻬﺎ ﻟﻮ
ﻣﺎ ﻭﺿﻌﻲ ﻭﺍﻟﻲ ﺃﻧﻲ ﺑﻲ ﺟﺎﻥ ﺭﺣﺖ ﺃﺭﻛﺾ ﻟﺤﻀﻨﻬﺎ
ﺃﻭﻭﻭﻭﻳﻠﻲ ﺷﻜﺪ ﻣﺸﺘﺎﻗﺘﻠﻬﺎ ﺑﺲ ﻣﻜﺪﺭﺕ ﻻﻥ ﺟﺎﻧﻮﺍ
ﺩﻳﺪﻓﻌﻮﻥ ﺑﻴﻪ ﺣﺘﻰ ﻣﺎﺍﻧﺘﺒﻬﺖ ﻟﺒﺎﺑﺎ ﺍﺑﺪ ﻇﻠﻴﺖ ﺃﺑﺎﻭﻉ
ﻉ ﺃﻣﻲ ﻫﻲ ﺳﻮﺩﻩ ﻋﻠﻴﻪ ﺑﺲ ﺷﺎﻓﺘﻨﻲ ﻛﺎﻣﺖ ﻭﺍﺟﺖ
ﻟﺰﻣﺖ ﺍﻟﺴﺪﻳﻪ ﺍﻟﻲ ﺍﻧﻲ ﺑﻴﻬﺎ ﺑﺎﻭﻋﺘﻠﻬﺎ ﻭﺍﺑﺘﺴﻤﺖ ﻟﺰﻣﺖ ﺃﻳﺪﻫﺎ ﻫﻲ ﻧﺼﺖ ﺑﺎﺳﺖ ﺍﻳﺪﻱ ﺍﻟﻲ ﺑﻴﻬﺎ ﻛﺎﻧﻮﻻ
ﻣﻦ ﺧﻠﻮﻧﻲ ﻉ ﺍﻟﺴﺮﻳﺮ ﺍﺟﺖ ﺑﻮﺳﺘﻨﻲ ﻭﺑﺎﺑﺎ ﻫﻢ ﺗﺤﻤﺪﻟﻲ ﺑﺎﻟﺴﻼﻣﻪ ﺍﻟﻲ ﺻﺪﻣﻨﻲ ﻛﺮﺍﺭ ﺷﻮ ﻫﺬﺍ ﻻ ﺧﺠﻞ ﻣﻦ ﺑﺎﺑﺎ ﻭﻻ ﻣﻦ ﺃﺣﺪ ﺍﺟﻪ ﺑﺎﺳﻨﻲ ﺑﺮﺍﺳﻲ ﻭﻳﺤﺠﻲ ﺑﻠﻬﻔﻪ ..
ﻛﺮﺍﺭ : ﻭﺍﻟﻠﻪ ﻣﻤﺼﺪﻙ ﻃﻠﻌﺘﻲ ﺍﻟﻒ ﺍﻟﺤﻤﺪﻟﻠﻪ ﻉ ﺍﻟﺴﻼﻣﻪ
ﺑﺎﺑﺎ ﺟﺎﻥ ﺩﻳﻤﺴﺢ ﺩﻣﻮﻋﻪ ﺭﺍﺡ ﺣﻀﻨﻪ -: ﮔﺮﺓ ﻋﻴﻨﻚ ﻳﺎﺑﻪ ﻛﻠﻬﺎ ﺃﻳﺎﻡ ﻭﺗﺼﻴﺮ ﻣﺜﻞ ﺍﻟﻮﺭﺩ ﺃﻫﻢ ﺷﻲ ﺭﺟﻌﺖ ﺑﺎﻟﺴﻼﻣﻪ ...
ﻇﻞ ﺑﺎﺑﺎ ﻳﻄﺒﻄﺐ ﻋﻠﻰ ﻛﺘﻔﻪ -: ﻣﻘﺼﺮﺕ ﺍﺑﻨﻲ ﻣﻘﺼﺮﺗﻮ ﻛﻠﻜﻢ ..
****
ﺯﻫﺮﺍﺀ : ﺟﻨﺖ ﺑﺎﻟﺒﻴﺖ ﻭﺍﻧﺪﻛﺖ ﺍﻟﺒﺎﺏ ﺭﺣﺖ ﻓﺘﺤﺘﻬﺎ ﺷﻔﺖ ﺻﻔﺎﺀ ﻭﺍﻣﻪ ﻭﺍﺟﺖ ﻋﻴﻨﻲ ﺑﻌﻴﻨﻪ ﺩﻧﻜﺖ ﺑﺴﺮﻋﺔ ﺍﺭﺗﺒﻜﺖ ﻛﻮﺓ ﻛﺪﺭﺕ ﺍﺧﻔﻲ ﺍﺑﺘﺴﺎﻣﺘﻲ ..
_ ﻋﺒﻴﺮ ﻃﻠﻌﺖ ﻣﻦ ﺍﻟﻌﻨﺎﻳﺔ ﻭﻃﻠﺒﺖ ﺗﺸﻮﻓﻮﻫﺎ ﻳﻼ ﺯﻫﻮﺭﺓ ﺣﻀﺮﻱ ﻧﻔﺴﺞ ﺍﻧﺘﻲ ﻭﻣﺮﻳﻢ ﻭﺍﻣﺸﻮ ﺣﺘﻰ ﺗﺰﻭﺭﻭﻫﻪ ﺍﻧﻲ ﻭﺍﻣﻲ ﺣﻨﺮﻭﺡ ﻫﺴﻪ ﺣﺘﻰ ﻧﺎﺧﺬﻛﻢ ﻭﻳﺎﻧﺎ ..
ﺩﻧﻜﺖ ﻭﻫﻤﺴﺖ ﻫﺴﻪ ﺑﺲ ﺍﻏﻴﺮ ﻣﻼﺑﺴﻲ ﺩﻗﺎﻳﻖ
ﻏﻴﺮﺕ ﻣﻼﺑﺴﻲ ﻭﻣﻼﺑﺲ ﻣﺮﻳﻢ ﻭﺭﺣﺖ ﻭﻳﺎﻫﻢ ﺍﻟﻄﺮﻳﻖ
ﻛﻠﻪ ﻓﺮﺣﺎﻧﻪ ﻻﻥ ﺻﺎﻋﺪﻩ ﻭﻳﺎ ﻧﻔﺲ ﺍﻟﺴﻴﺎﺭﺓ ﻭﺩﺍﺍﺳﺘﻨﺸﻖ ﻋﻄﺮﻩ ...
ﺻﺢ ﻣﻮ ﺃﻭﻝ ﻣﺮﺓ ﺍﺻﻌﺪ ﻭﻳﺎ ﺑﺲ ﻫﺎﻟﻤﺮﺓ ﻏﻴﺮ ﺷﻜﻞ ﺗﻠﻤﻴﺤﺎﺗﻪ ﺍﻟﺴﺎﺑﻘﺔ ﺑﺎﻟﺨﻄﻮﺑﺔ ﺑﻌﺜﺖ ﺍﻻﻣﻞ ﺑﻴﻪ
ﻛﻞ ﺷﻮﻳﻪ ﺃﺭﻓﻊ ﺭﺃﺳﻲ ﺍﺑﺎﻭﻋﻠﻪ ﺑﺲ ﻫﻮ ﻭﻻ ﻳﻤﻪ ﻭﻻ ﻣﻬﺘﻢ ﺍﺻﻼً ﺣﺘﻰ ﻣﺎﺍﻧﺘﺒﻬﻠﻲ ﺿﺠﺖ ﺍﺻﻼً ﺟﻨﺖ ﻓﺮﺣﺎﻧﻪ ﺑﻲ ﺃﻛﺜﺮ ﻣﻦ ﻓﺮﺣﺘﻲ ﺑﺄﺧﺘﻲ ...
ﻭﺻﻠﻨﺎ ﻟﻠﻤﺴﺘﺸﻔﻰ ﻫﻮ ﻧﺰﻝ ﻗﺒﻠﻲ ﻭﻓﺘﺢ ﺍﻟﺒﺎﺏ ﻻﻣﻪ
ﻧﺰﻟﺖ ﺃﻧﻲ ﺑﺎﻭﻋﺘﻠﻪ ﺍﺷﺮﻟﻲ ﺑﺮﺍﺳﻪ ﻳﻌﻨﻲ ﻳﻼ ..بيج قصص عراقيه حقيقيه من واقعنا.روعه الطائي
ﻣﻦ ﺩﺧﻠﻨﺎ ﺷﻮ ﻛﻠﻬﺎ ﺗﺴﻠﻢ ﻋﻠﻴﻪ ﻋﺒﺎﻟﻚ ﻳﺪﺍﻭﻡ ﻭﻳﺎﻫﻢ ﻭﺻﻠﺖ ﻟﻠﺮﺩﻫﻪ ﺷﻔﺖ ﺑﺎﺑﺎ ﺑﺎﻟﺒﺎﺏ ﺭﺣﺖ ﺳﻠﻤﺖ ﻋﻠﻴﻪ ﻭﺣﻀﻨﺘﻪ
ﺑﺎﺑﺎ : ﺃﺩﺧﻠﻲ ﺳﻠﻤﻲ ﻉ ﺃﺧﺘﺞ ﺑﺲ ﺑﺎﺑﺎ ﻓﺪﻭﺓ ﻟﺘﺒﺎﻭﻋﻴﻦ
ﻉ ﺷﻌﺮﻫﺎ ﺗﺮﻯ ﺗﺘﺤﺴﺲ ﻭﺑﺎﻭﻉ ﻉ ﻣﺮﻳﻢ ﺍﻟﻲ ﺟﺎﻧﺖ
ﻣﺘﺤﻤﺴﻪ ﺃﻛﺜﺮ ﻣﻨﻲ ﻻﻥ ﺣﺘﺸﻮﻑ ﻋﺒﻴﺮ ﺑﺲ ﺃﻧﻲ ﺑﺎﻟﻲ ﺑﻐﻴﺮ ﻣﻜﺎﻥ ...
ﺩﺧﻠﻨﺎ ﻟﻌﺒﻴﺮ ﺍﻧﺼﺪﻣﺖ ﻣﻦ ﻣﻨﻈﺮﻫﺎ
ﺍﻟﻮﺟﻪ ﺍﺻﻔﺮﺭﺭﺭﺭ ﺑﻤﻌﻨﻰ ﺍﻟﻜﻠﻤﻪ ﺍﻟﺸﻔﺎﻳﻒ ﺑﻴﺾ
ﺍﻟﺸﻌﺮ ﻣﺎﻛﻮ ﺟﺎﻧﺖ ﺩﺗﺒﺎﻭﻉ ﻉ ﺍﻟﺒﺎﺏ ﻭﻛﺄﻧﻮﺍ ﺩﺗﻨﺘﻈﺮ
ﺟﻴﺘﻨﺎ ..
ﻣﺮﻳﻢ ﺑﺲ ﺷﺎﻓﺘﻬﺎ ﺧﺎﻓﺖ ﺧﺘﻠﺖ ﻭﺭﺍﻳﻪ
ﺑﺎﻭﻋﺖ ﻉ ﻋﺒﻴﺮ ﺍﺑﺘﺴﻤﺖ ﺗﻚ ﺧﺪ ﻭﻫﺰﺕ ﺭﺍﺳﻬﺎ
ﺭﺣﺖ ﺑﻮﺳﺘﻬﺎ ﻭﻫﺎﻱ ﻣﺮﻳﻢ ﻭﻻﺗﻜﻮﻝ ﻛﺒﺮﺕ ﻫﺮﺟﺘﻨﺎ
ﺑﺎﻟﺒﺠﻲ ﺣﺴﻴﺖ ﻋﺒﻴﺮ ﺗﻀﺎﻳﻘﺖ ﻃﻠﻌﺘﻬﺎ ﻟﻤﺮﻳﻢ ...
ﺭﺟﻌﺖ ﻟﻜﻴﺖ ﻋﺒﻴﺮ ﺩﺗﺒﺠﻲ ﺑﺼﻮﺕ ﻋﺎﻟﻲ ﻭﺗﺼﻴﺢ
ﺍﻃﻠﻌﻮﻭﻭﺍ ﻭﻻ ﻭﺍﺣﺪ ﻣﻨﻜﻤﻤﻤﻢ ﺃﺭﻳﺪ ﺍﺷﻮﻓﻪ ﻟﺤﺪ ﻳﺠﻲ ﻳﻤﻤﻤﻤﻤﻲ ..
ﺭﻛﺾ ﺑﺎﺑﺎ ﺻﺎﺡ ﺍﻟﺪﻛﺘﻮﺭ ﺍﻧﻄﺎﻫﺎ ﺃﺑﺮﺓ ﻣﻬﺪﺋﺔ
ﻇﻠﺖ ﺗﺼﻴﺢ ﺍﻟﻰ ﺃﻥ ﻧﺎﻣﺖ ﻣﺘﺘﺖ ﻗﻬﺮ ﻋﻠﻴﻬﺎ ﻫﺎﻱ
ﺷﺼﺎﻳﺮ ﺑﻴﻬﺎ ﻛﻞ ﻫﺬﺍ ﻭﻣﺮﻳﻢ ﻭﻻ ﻭﺻﻠﺖ ﻳﻤﻬﺎ ﺃﺑﺪ
ﻭﻻ ﻛﺄﻥ ﺗﻌﺮﻓﻬﺎ ﺗﺒﺎﻭﻋﻠﻬﺎ ﻣﻦ ﺑﻌﻴﺪ ﻭﺗﺒﺠﻲ ...
ﺑﺴﺖ ﻋﺒﻴﺮ ﻫﻲ ﻭﻧﺎﻳﻤﻪ ﻭﻃﻠﻌﺖ ﺻﺎﺭ ﺑﻮﺟﻬﻲ
ﺻﻔﺎﺀ ﻛﺎﻝ ﺃﺟﻪ ﺣﺴﻴﻦ ﻫﻮ ﻳﺄﺧﺬﻛﻢ ﺃﻧﻲ ﺭﺍﺡ ﺃﺑﻘﻰ
ﻳﻢ ﻋﻤﻲ ﺧﺎﻑ ﻳﺤﺘﺎﺝ ﺷﻲ
ﻫﺰﻳﺖ ﺭﺃﺳﻲ ﺩﺍﺍﻃﻠﻊ ﺟﺎﻥ ﻳﺴﺘﻮﻗﻔﻨﻲ -: ﻟﺤﻈﻪ ﺯﻫﺮﺍﺀ ﺑﺲ ﺗﻌﺎﻟﻲ ﻋﻨﺪﻱ ﻣﻮﺿﻮﻉ ﻭﻳﺎﺝ
ﻣﺘﺖ ﻣﻦ ﺍﻟﻔﺮﺡ ﻛﻠﺖ ﺃﻛﻴﺪ ﺣﻴﺤﺠﻲ ﻭﻳﺎﻳﻪ ﺑﻤﻮﺿﻮﻉ ﺍﻟﺨﻄﻮﺑﺔ ﻭﺍﺧﻴﺮﺍً ﺍﻟﺤﻠﻢ ﺻﺎﺭ ﺣﻘﻴﻘﻪ
ﺍﺧﺬﻧﻲ ﻭﺭﺣﻨﺎ ﻳﻢ ﻣﺎﻣﺎ ﻭﺑﺎﺑﺎ ﺑﺼﺎﻟﺔ
ﺍﻻﻧﺘﻈﺎﺭ
ﺻﻔﺎﺀ : ﻋﻤﻲ ﻭﻟﻮ ﻣﻮ ﻭﻗﺘﻬﺎ ﺑﺲ ﺃﻛﻮ ﻭﻟﺪ
ﻭﻳﺎﻳﻪ ﻃﺎﻟﺐ ﺃﻳﺪ ﺯﻫﺮﺍﺀ ﺷﺘﻜﻮﻝ ..... ؟
ﻳﺘﺒﻊ
