في شريعه العشق

البارت الخامس والاربعون

ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٤٥
ﻧﻮﺭﺍ ﻧﺎﺻﺮ
ﺷﻔﺖ ﻋﻤﻮ ﻣﺘﻤﺪﺩ ﺑﺎﻟﻤﻤﺮ ﻭﻣﻴﺘﺤﺮﻙ ، ﻇﻠﻴﺖ ﺍﻟﻄﻢ ﻋﻠﻰ ﻭﺟﻬﻲ ، ﺍﻟﺘﻔﺘﺖ ﺷﻔﺖ ﺭﺷﺎ ﻭﺍﻛﻔﺔ ﻣﺼﺪﻣﻮﻣﺔ ، ﻋﻄﺖ ﺑﻮﺟﻬﻪ ؛ - ﺍﺭﺗﺎﺣﻴﺘﻲ ﻫﺴﻪ ﺭﺍﺡ ﺗﻤﻮﺗﻴﻦ ﻭﺍﺣﺪ ﻣﻦ ﻭﺭﻩ ﺳﻮﺍﻟﻔﺞ .
ﺩﻧﻜﺖ ﻟﻤﺴﺘﻮﺍﻩ ﺍﺭﻳﺪﻩ ﻳﻜﻌﺪ ﻣﻴﻜﻌﺪ ، ﺟﺘﻲ ﺭﺷﺎ ﺗﻜﻌﺪ ﺑﻲ ﻭﺗﻌﻴﻂ ﻋﻠﻰ ﺻﻮﺗﻬﺎ ﺟﺘﻲ ﻋﻤﻪ ، ﺷﺎﻓﺘﻪ ﺍﻣﺪﺩ ، ﻇﻠﺖ ﺗﻤﺸﻲ ﻭﺗﺼﺮﺥ ﻛﻮﻩ ﻭﺻﻠﺖ ﻳﻤﻪ ﺍﻧﻬﺎﺭﺕ ﻛﻠﺶ ، ﻛﻌﺪﺕ ﻳﻢ ﺭﺍﺳﻪ ﻭﺧﻠﺘﻪ ﺑﺤﻀﻨﻬﺎ ﻭﺗﺒﺎﻭﻋﻠﻨﺎ ؛ ﺗﻌﺎﺭﻛﺘﻦ ﻭﺟﻠﻄﺘﻨﻪ ﻫﺎﺍ ﺍﻋﺘﺮﻓﻦ ﻭﻟﺠﻦ ..
ﻋﻔﺖ ﺭﺷﺎ ﺗﺘﻼﻏﻪ ﻭﻳﺎﻫﻪ ﻭﺍﻧﻲ ﺻﻌﺪﺕ ﺍﺭﻛﺾ ﻟﻐﺮﻓﺘﻲ ﺍﺧﺎﺑﺮ ﻉ ﺻﻔﺎﺀ ﻳﺠﻲ ﺑﺴﺮﻋﺔ ﻋﻤﻮ ﺭﺍﺡ ﻳﺮﻭﺡ ﺑﻴﻬﺎ ...
ﺍﺗﺼﻠﺖ ﻋﻠﻴﻪ ﻣﻴﺠﺎﻭﺏ ، ﻧﺰﻟﺖ ﺷﻔﺘﻬﻦ ﻳﻤﻪ ﻳﺤﺎﻭﻟﻦ ﻭﻳﺎﻩ ﺑﺲ ﻫﻮ ﻣﺎﻛﻮ ﻭﻻ ﺣﺮﻛﺔ ، ﻃﻠﻌﺖ ﻟﺒﻴﺖ ﺍﻫﻠﻲ ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﺑﺎﺑﺎ ؛ - ﺯﻫﺮﺍﺀ ﺧﻴﺮ ﺷﻜﻮﻭ ﻭﺟﻬﺞ ﺍﺻﻔﺮ ﺷﻤﺴﻮﻳﻪ ﻣﻦ ﻣﺼﻴﺒﺔ ﺑﻌﺪ ..
_ ﺑﺎﺑﺎ ﺍﻟﺤﻚ ﻋﻤﻮ ﻭﻛﻊ ﻭﻣﻴﺘﺤﺮﻙ ..
ﺑﺪﻭﻥ ﻣﻴﺤﺠﻲ ﺭﻛﺾ ﻭﻃﺐ ﻟﻠﺒﻴﺖ ، ﺷﺎﻓﻪ ﻭﺭﺍﺡ ﻃﻠﻊ ﺍﻟﺴﻴﺎﺭﺓ ﻣﺎﻟﺘﻪ ﻭﺭﺟﻊ ﻭﻳﺎﻧﻪ ﻛﻮﺓ ﺷﻠﻨﺎﻩ ﺍﻧﻲ ﻭﺑﺎﺑﺎ ﻭﻋﻤﻪ ﻭﺭﺷﺎ ﻭﺻﻌﺪﻧﺎﻩ ﺑﺎﻟﺴﻴﺎﺭﺓ ﻣﺎﻟﺔ ﺑﺎﺑﺎ ﻭﺭﺍﺣﺖ ﻭﻳﺎﻩ ﻋﻤﻪ ﺍﺧﺬﻭﺍ ﻟﻠﻤﺴﺘﺸﻔﻰ ...
ﺑﻘﻴﺖ ﻭﺣﺪﻱ ﺑﺎﻟﺤﺪﻳﻘﺔ ﻭﻛﻠﻲ ﺍﺭﺟﻒ ﻭﺍﻋﺼﺮ ﺑﺎﺻﺎﺑﻌﻲ ﻭﺍﺩﻋﻴﻠﻪ ﻳﻜﻮﻥ ﻣﺎﺑﻲ ﺷﻲ ، ﻭﺭﺍﻫﺎ ﺑﺸﻮﻳﻪ ﺩﺧﻞ ﺻﻔﺎﺀ ...
ﺍﺟﻪ ﺑﺎﺗﺠﺎﻫﻲ ﻛﺎﻝ ﺷﻜﻮﻭﻭ ؟
_ ﻋﻤﻮ ﺗﺨﺮﺑﻂ ﻭﻭﺩﺍﻩ ﺑﺎﺑﺎ ﻟﻠﻤﺴﺘﺸﻔﻰ ﺍﻧﺘﻪ ﻭﻳﻦ ﺟﻨﺖ ﻭﻟﻴﺶ ﻣﺎﺗﺮﺩ ﻋﻠﻰ ﺍﻟﺘﻠﻴﻔﻮﻥ ..
ﺍﻧﺼﺪﻡ ؛ ﺷﺒﻲ ﺍﺑﻮﻳﻪ ﺷﺼﺎﺭ ؟ ﺣﺠﻪ ﻫﻴﺞ ﻭﻫﻮ ﻳﻄﻠﻊ ﺗﻠﻴﻔﻮﻧﻪ ﻣﻦ ﺟﻴﺒﻪ ﻭﻛﺎﻝ ﺻﺎﻣﺖ ﻭﺭﺍﺡ ﺑﺴﺮﻋﺔ ﺻﻌﺪ ﻓﻮﻙ ﻟﻠﻐﺮﻓﺔ ﻭﺍﻧﻲ ﺗﺒﻌﺘﻪ ، ﺑﺪﻝ ﻣﻼﺑﺴﻪ ﻭﺍﺧﺬ ﺍﻟﺒﺎﺝ ﻭﻟﺤﻜﻬﻢ ...
ﺍﻧﺘﺒﻬﺖ ﺭﺷﺎ ﻣﺎﻛﻮ ﺍﺧﺘﻔﺖ ﺍﻟﺤﻘﻴﺮﺓ ﺷﺮﺩﺕ ﻟﻐﺮﻓﺘﻬﺎ ...
ﺑﻘﻴﺖ ﺑﺲ ﺍﻓﻜﺮ ﺑﻌﻤﻮ ﺧﻄﻴﺔ ﻭﺿﻤﻴﺮﻱ ﻳﺄﻧﺒﻨﻲ ﺧﺎﻑ ﺑﺴﺒﺒﻲ ﻫﻴﺞ ﺗﺨﺮﺑﻂ ، ﺧﺎﺑﺮﺕ ﺻﻔﺎﺀ ﻛﺎﻝ ﺿﻐﻄﻪ ﻭﺍﻟﺴﻜﺮ
ﻟﻠﻴﻞ ﺟﺎﺑﻮﺍ ﻋﻤﻮ ، ﺍﻟﺘﻤﻴﻨﻪ ﻛﻠﻨﺎ ﻋﻠﻴﻪ ﻭﻭﻟﺪﻩ ﻛﻠﻬﻢ ﻣﻮﺟﻮﺩﻳﻦ ، ﻳﻄﻤﺌﻨﻮﻥ ﻋﻠﻰ ﺻﺤﺘﻪ ..
ﺍﺟﺘﻲ ﺭﺷﺎ ﻭﻣﺒﻴﻨﻪ ﻣﺘﻨﺪﻣﺔ ﻭﻛﻔﺖ ﻣﻘﺎﺑﻴﻠﻪ ﺗﺮﻳﺪ ﺗﺤﺠﻲ ﻭﻳﺎﻩ ﻛﺎﻝ : ﻭﺧﺮﻭﻫﺎ ﻋﻦ ﻭﺟﻬﻲ ﻻ ﺍﻛﻮﻡ ﺍﺟﺮﻡ ﺑﻴﻬﺎ ﻟﻮ ﻣﺨﻠﻒ ﻭﻟﺪ ﺳﺮﺳﺮﻱ ﻭﻻ ﻣﺨﻠﻒ ﻫﻴﺞ ﺑﻨﻴﺔ ﺍﺧﻼﻗﻬﺎ ﻣﺘﻨﺒﺎﻉ ﺑﻔﻠﺲ ...
ﻋﻤﻪ ﻛﺎﻣﺖ ﻋﻠﻰ ﺣﻴﻠﻬﺎ ﻭﺍﺧﺬﺗﻬﺎ ﺑﺎﺗﺠﺎﻩ ﻏﺮﻓﺘﻬﺎ ﻭﺍﻟﻮﻟﺪ ﻇﻠﻮﺍ ﻳﺘﺴﺎﺋﻠﻮﻥ ﺷﻜﻮ ﻭﺷﺼﺎﻳﺮ ؟
ﻋﻤﻮ ﻛﺎﻟﻠﻬﻢ ﺭﻭﺣﻮﺍ ﻟﺒﻴﻮﺗﻜﻢ ﺍﻧﻲ ﺍﺭﻳﺪ ﺍﺭﺗﺎﺡ ﺗﻌﺒﺎﻥ ..
ﻫﻢ ﺍﺧﺬﻭﺍ ﻛﻼﻣﻪ ﺗﺤﻤﺪﻭﺍ ﺍﻟﻪ ﻋﻠﻰ ﺍﻟﺴﻼﻣﺔ ﻭ ﺭﺍﺣﻮﺍ ..
ﻧﺮﻳﺪ ﻧﻄﻠﻊ ﻋﻤﻮ ﻛﺎﻝ ﺻﻔﺎﺀ ﺻﻴﺢ ﺍﻟﻤﻠﻌﻮﻧﺔ ﺭﺷﺎ ..
_ ﻳﺎﺑﻪ ﺍﻧﺖَ ﺗﻌﺒﺎﻥ ﻋﻮﻓﻬﺎ ﺗﻮﻟﻲ ﻃﺒﻬﺎ ﻃﻮﺏ ﺗﻮﻙ ﺗﻌﺮﻓﻬﺎ ﻣﺮﻳﻀﺔ ﻧﻔﺴﻴﺔ ﻭﻣﺎﺗﺤﺐ ﺍﻟﺨﻴﺮ ﻷﺣﺪ ..
ﺑﺈﺻﺮﺍﺭ ؛ - ﺻﻴﺤﻬﺎ ﻛﺘﻠﻚ ﻳﻠﻪ ..
ﻫﺰ ﺭﺍﺳﻪ ﺻﻔﺎﺀ ﺑﺎﺳﺘﺴﻼﻡ ﻭﻫﻤﺲ ؛ - ﺻﺎﺭ ﻳﺎﺑﻪ ..
ﺍﺟﺖ ﺭﺷﺎ ﻭﺟﻬﻪ ﻋﻠﻰ ﺍﻟﻜﺎﻉ ﻭﺗﻤﺸﻲ ﻋﻠﻰ ﻛﻴﻒ ..
ﻛﺎﻟﻠﻬﺎ ﻋﻤﻮ ﺍﺳﻤﻌﻲ ﻭﻟﺞ ﻫﺴﻪ ﺗﺮﻭﺣﻴﻦ ﻟﺒﻴﺘﺞ ﻭﺑﻌﺪ ﻣﺎﻟﺞ ﻓﻮﺗﻪ ﻉ ﺑﻴﺖ ﺍﺑﻮﺝ ﻭﺍﻧﺴﻲ ﻋﻨﺪﺝ ﺍﻫﻞ ﻭﺷﻮﻓﻴﻠﺞ ﺍﺣﺪ ﻳﺒﺎﺕ ﻭﻳﺎﺝ ﺣﺘﻰ ﻟﻮ ﺗﺎﺧﺬﻳﻦ ﺍﻣﺞ ﻭﻳﺎﺝ ﺑﺲ ﻓﻜﻴﻨﻪ ﻣﻨﺞ
ﺑﺎﻭﻋﺘﻠﻲ ﻭﺧﺰﺭﺗﻨﻲ ﺗﺮﻳﺪ ﺗﺤﺠﻲ ﺧﺰﺭﻫﺎ ﻭﻋﺎﻁ ﺑﻴﻬﺎ ﺑﺘﻌﺐ ﻭﺍﻳﺪﻩ ﻋﻠﻰ ﻗﻠﺒﻪ ؛ - ﻭﻟﻲ ﻣﻨﺎﺍﺍﺍﺍﺍ ﻳﻠﻪ ﺻﻔﺎﺀ ﻭﺩﻭﻭﻫﺎ ﻟﺒﻴﺘﻬﺎﺍﺍﺍﺍﺍﺍﺍ ..
ﺗﻨﻔﺲ ﺻﻔﺎﺀ ﺑﻌﺼﺒﻴﺔ ﻭﺭﺍﺡ ﺑﺎﺗﺠﺎﻩ ﺭﺷﺎ ، ﺍﺧﺬﻫﺎ ﻣﻦ ﻋﻜﺴﻬﺎ ﻭﺩﻓﻌﻬﺎ ﺑﺎﺗﺠﺎﻩ ﻏﺮﻓﺘﻬﺎ ﻭﻫﻮ ﻳﺄﻣﺮﻫﺎ ﺑﻨﺒﺮﺓ ﺃﻣﺮ
_ ﻳﻠﻠﻪ ﻭﻟﻲ ﻟﻤﻲ ﺍﻏﺮﺍﺿﺞ ﻭﺍﻣﺸﻲ ﺍﻭﺩﻳﺞ ﻟﺒﻴﺘﺞ ...
ﺭﺍﺣﺖ ﺟﻮﻩ ﻭﺗﺒﺎﻭﻋﻠﻲ ﻭﺗﺨﺰﺭ ﺍﺟﺘﻲ ﻋﻤﻪ ﻛﻌﺪﺕ ﻳﻢ ﻋﻤﻮ ﻭﺗﺘﻮﺳﻞ ﺑﻲ ﺻﺪﻙ ﺟﺬﺏ ﻣﻨﻚ ﺗﻮﻙ ﺗﻌﺮﻓﻬﺎ ﺍﻧﺖ ﺯﻳﻦ ﻫﺴﻪ ﺷﻮﻥ ﺗﺮﻭﺡ ﻫﻴﻪ ﻣﺎﺗﻜﻮﻟﻲ ﺗﺒﻘﻰ ﻭﺣﺪﻫﺎ ﺍﺑﻴﺘﻬﺎ ﻭﺍﻟﻮﺿﻊ ﺧﻄﺮ ﻭﺭﺟﻠﻬﺎ ﻣﺎﻣﻨﻪ ﺧﺒﺮ ﻳﻄﺒﻮﻥ ﻋﻠﻴﻬﺎ ﻳﺬﺑﺤﻮﻧﻬﺎ
ﻭﻳﺬﺑﺤﻮﻥ ﺍﻃﻔﺎﻟﻬﺎ ﺍﻟﻠﻪ ﻳﺮﺿﺎﻫﻪ ﺭﺳﻮﻟﻪ ؟
ﺍﺷﺮﻟﻬﺎ ﻋﻤﻮﻭ ﺍﺷﺸﺶ ﺳﻜﺘﻲ ﺍﻧﺖِ ﻋﺎﺟﺒﺘﺞ ﺳﻮﺍﻟﻔﻬﺎ ﺭﻭﺣﻲ ﻭﻳﺎﻫﺎ ﻳﻠﻪ ﻛﻮﻣﻲ ﻣﻦ ﻭﺟﻬﻲ ﻭﻳﻦ ﺻﻔﺎﺀ ﻳﻮﺩﻳﻨﻲ ﻟﻐﺮﻓﺘﻲ ﺍﻧﺎﻡ ﻭﻣﻦ ﺍﻃﻠﻊ ﻣﺎﺭﻳﺪ ﺍﺷﻮﻓﻬﺎ ﻛﺪﺍﻣﻲ ..
ﻋﻤﻪ ﺧﺰﺭﺗﻨﻲ ﻭﺍﻧﻲ ﺩﺭﺕ ﻭﺟﻬﻲ ﻭﺻﻌﺪﺕ ﻓﻮﻙ ....
***
ﻣﺮﻳﻢ ...:
ﻃﻠﻌﻨﺎ ﺍﻧﻲ ﻭﻣﺎﻣﺎ ﻟﻌﺮﺱ ﺇﺑﻦ ﻋﻤﺘﻲ ﻳﻤﻨﻪ ﺑﺎﻟﻤﻨﻄﻘﺔ
ﻋﺒﻴﺮ ﺭﺍﺣﺖ ﻗﺒﻞ ﺍﻟﺤﻨﻪ ﺑﻴﻮﻡ ﺑﻘﺖ ﻳﻤﻬﻢ ، ﻭﺍﻧﻲ ﺑﻘﻴﺖ ﻭﻳﺎ ﺃﻣﻲ ، ﻭﺻﻠﻨﻪ ﻟﺒﻴﺖ ﻋﻤﺘﻲ ﺩﺧﻠﻨﺎ ﻟﻠﺒﻴﺖ ﺟﺎﻥ ﻫﻮﺳﻪ ﻛﻠﺶ ﻛﻌﺪﻧﺎ ﺑﺎﻟﺼﺎﻟﺔ ﻭﺍﻟﻨﺎﺱ ﻃﺎﺑﺔ ﻃﺎﻟﻌﺔ ﻭﺑﻌﺪﻫﺎ ﺍﻟﺤﻔﻠﺔ ﻣﺎﺑﺪﺕ ، ﺻﺎﺭ ﺑﻮﺟﻬﻲ ﻣﺤﻤﺪ ﻇﻞ ﺑﺲ ﻳﺨﺰﺭ ﺑﻴﻪ ....
ﻧﺪﺳﺖ ﻣﺎﻣﺎ ﺍﻧﺘﺒﻬﺖ ﺑﺎﻭﻋﺘﻠﻪ
ﺳﺄﻟﺘﻪ ؛ ﺧﻴﺮ ﻣﺎﻣﺎ ﺷﺒﻴﻚ ﻣﻀﻴﻊ ﺷﻲ ..
ﺟﺎﻭﺑﻬﺎ ﺑﺤﺪﻳﺔ ؛ - ﻻ ﺧﺎﻟﻪ ﺳﻼﻣﺘﺞ ﺑﺲ ﻫﺎﻱ ﺷﻠﻮﻥ ﻣﻄﻠﻌﺘﻬﺎ ﻫﻴﺞ ؟
ﻣﺎﻣﺎ ﻋﺼﺒﺖ ؛ ﻭﺍﻧﺖ ﺷﻌﻠﻴﻚ ﺑﻨﺘﻲ ﻭﺍﻧﻲ ﺣﺮﺓ ﺑﻴﻬﺎ ﻭﺍﺑﻮﻫﺎ ﺭﺍﺿﻲ ﺍﻧﺖ ﻣﻨﻮ ﺣﺘﻰ ﺗﺪﺧﻞ ﺍﺧﻮﻫﺎ ﻟﻮ ﺍﺑﻦ ﻋﻤﻬﺎ ﻭﻣﻦ ﻫﺴﻪ ﺍﻛﻮﻟﻚ ﻛﻄﻨﻪ ﻭﺧﻠﻴﻬﺎ ﺑﺄﺫﻧﻚ ﻟﻮ ﺗﻨﻄﺒﻖ ﺍﻟﺴﻤﺎ ﻉ ﺍﻻﺭﺽ ﻣﺮﻳﻮﻣﻪ ﻣﺎﺍﻧﻄﻴﻬﺎ ﺍﻟﻚ ﻳﻼ ﻭﺧﺮ ﻣﻦ ﻛﺪﺍﻣﻲ ﻳﻠﻪ .
ﺭﺍﺡ ﻭﻳﺘﻠﻔﺖ ﻭﻳﺨﻮﺯﺭ ﺑﻴﻪ ، ﻟﻤﻦ ﻣﺎ ﺍﺧﺘﻔﻰ ﻣﻦ ﻛﺪﺍﻣﻲ
ﻛﻤﺖ ﺍﺩﻭﺭ ﻋﻠﻰ ﻋﺒﻴﺮ ﺍﺭﻳﺪ ﺍﺷﻮﻓﻬﺎ ﻭﻳﻦ ﻓﺘﺖ ﻉ ﺍﻟﻤﻤﺮ ﺍﻟﻲ ﻳﻮﺩﻱ ﻟﻠﺪﺭﺝ ﻣﺤﺪ ﻣﻮﺟﻮﺩ ﺑﻲ ﺩﺍﺍﺭﻳﺪ ﺍﺻﻌﺪ ﻣﺎﺍﺣﺲ ﺍﻻ ﻣﺤﻤﺪ ﺟﺮﻧﻲ ﻭﻟﺰﻛﻨﻲ ﻉ ﺍﻟﺤﺎﻳﻂ ﻭﻛﺎﻝ ﺍﺩﺑﺴﺰﺯﺯ
ﻋﻄﺖ ؛ ﻣﺎﻣﺎﺍﺍﺍﺍ
ﺑﺎﻭﻋﺖ ﻗﺴﻮﺭ ﻉ ﺍﻟﺪﺭﺝ ﻧﺰﻝ ﺑﺴﺮﻋﻪ ﻭ ﺩﻓﻌﻪ ﻋﻨﻲ
ﻟﺰﻛﻪ ﺑﺎﻟﻜﺎﻉ ﻭﺩﻧﻚ ﺻﺎﺭ ﺑﻤﺴﺘﻮﺍﻩ ﻳﺮﻳﺪ ﻳﻀﺮﺑﻪ ﺻﺎﺭﺕ ﻋﻤﻪ ﺍﻡ ﻗﺴﻮﺭ ﺑﻴﻨﺎﺗﻬﻢ ﻭﻓﺎﻛﻜﺘﻬﻢ ﺑﺲ ﻗﺴﻮﺭ ﺑﻘﻰ ﻣﻌﺼﺐ ﻭﺑﺲ ﻳﺮﻳﺪ ﻳﻨﺘﻘﻢ ﻣﻨﻪ ..
***
ﻋﺒﻴﺮ : ﺟﻨﺖ ﻛﺎﻋﺪﺓ ﻭﻳﺎ ﺍﻟﺒﻨﺎﺕ ﻓﻮﻙ ﺳﻤﻌﺖ ﺻﻮﺕ ﻫﻮﺳﻪ ﺟﻮﺓ ﻧﺴﻴﺖ ﻧﻔﺴﻲ ﺑﺎﻟﺒﺪﻟﺔ ﺭﺑﻊ ﺭﺩﻥ ﻭﻗﺼﻴﺮﺓ ﻭﺭﺣﺖ ﻧﺰﻟﺖ ﺷﻔﺖ ﻗﺴﻮﺭ ﻻﺯﻡ ﻣﺤﻤﺪ ﻭ ﻳﺼﻴﺢ ﻟﻚ ﺧﺰﻳﺘﻨﺎ ﺍﻟﻠﻪ ﻳﻨﺘﻘﻢ ﻣﻨﻚ ..
ﻭﻋﻤﻪ ﺗﻔﺎﻛﻚ ﺑﻴﻬﻢ .. ﻭﻳﻤﻬﻢ ﺍﻭﻻﺩ ﻋﻤﺘﻲ
ﺑﺎﻭﻋﻠﻲ ﻗﺴﻮﺭ ﺧﺰﺭﻧﻲ ، ﺣﺴﻴﺖ ﻋﻠﻰ ﻧﻔﺴﻲ
ﺭﻛﻀﺖ ﺻﻌﺪﺕ ﻓﻮﻙ ﻭﺍﻳﺪﻱ ﻋﻠﻰ ﻗﻠﺒﻲ ﻭﺍﻛﻮﻝ ﺍﻟﻠﻪ ﻳﺴﺘﺮ ﺷﻜﻮ ﺷﺼﺎﻳﺮ ﻭﻛﺘﻬﺎ ﻫﺴﻪ ﻳﺘﻌﺎﺭﻛﻮﻥ ﺍﻟﺤﻤﺪﻟﻠﻪ ﻭﺍﻟﺸﻜﺮ ..
ﻟﺸﻮﻳﻪ ﺻﻌﺪﺕ ﻣﺮﻳﻢ ﻛﻮﻩ ﺗﺤﺠﻲ ﻭﺗﺘﻨﻔﺲ ﺑﺴﺮﻋﺔ
ﺑﺎﻭﻋﺘﻠﻬﺎ ﻣﺼﺪﻭﻣﺔ ﻭﻟﺞ ﺷﻜﻮﻭ ﺷﺒﻴﺞ ؟
ﺗﺤﺠﻲ ﻭﺗﺮﺟﻒ ؛ - ﺍﻣﺸﻲ ﻋﺒﻴﺮ ﻣﺎﻣﺎ ﺩﺯﺗﻨﻲ ﻋﻠﻴﺞ ﺗﻜﻮﻝ ﻧﺮﺟﻊ ﻟﻠﺒﻴﺖ ﻣﺘﺸﻮﻓﻴﻦ ﻫﺎﻟﻬﻮﺳﺔ ﺍﻟﺠﻮﺓ ﺑﺴﺒﺐ ﻣﺤﻤﺪ ..
ﻭﻟﻮﻳﺶ ﻧﺮﺟﻊ ﺷﻌﻠﻴﻨﻪ ﻫﻮ ﻫﺬﺍ ﻣﺤﻤﺪ ﻭﺍﺣﺪ ﺳﺎﻓﻞ
ﺣﻴﻞ ﺑﻲ
_ ﻟﺞ ﺩﻣﺸﻲ ﻳﻤﻌﻮﺩﻩ ﺗﺮﻯ ﻫﻢ ﺍﺗﻌﺎﺭﻛﻮﺍ ﺑﺴﺒﺒﻲ ..
ﻭﺣﺠﻴﺖ ﺍﻟﺴﺎﻟﻔﻪ ﻟﻌﺒﻴﺮ
_ ﻃﺒﻪ ﻣﺮﺽ ﻋﺎﺷﺖ ﺍﻳﺪﻩ ﻟﻘﺴﻮﺭ ﺷﻜﻮ ﺩﻳﺴﺤﺒﺞ ﺷﻨﻮ ﺧﻄﻴﺒﺘﻪ ﻟﻮ ﺯﻭﺟﺘﻪ ﺷﻬﺎﻻﺳﺘﻬﺘﺎﺭ ﻫﺬﺍ ﺣﻴﻴﻴﻴﻞ ﺑﻲ ﻫﺎﻟﻨﺬﻝ ﻭﻣﻊ ﺫﻟﻚ ﻣﺎﺍﺭﺟﻊ ﻟﻠﺒﻴﺖ ﻭﺍﺗﺮﻙ ﺍﻟﺤﻨﺔ ﺩﺭﻭﺣﻲ ﺑﻨﺘﻲ ﻣﺨﺒﻠﻪ ﺍﻧﺘﻲ ﺍﺗﺮﻙ ﺍﻟﺤﻔﻠﺔ ﻫﻮ ﺍﻧﻲ ﺟﺎﻳﻪ ﺍﺭﻳﺪ ﺍﺭﻛﺺ ﻭﺩﺍﻋﺘﺞ ﻋﻈﺎﻣﻲ ﻳﺤﺘﺎﺟﻠﻬﺎ ﻫﺰﺓ
_ ﺍﻧﺖ ﻣﺎﺗﺸﺒﻌﻴﻦ ؟ ﻣﻮ ﻣﻦ ﺍﻟﺒﺎﺭﺣﺔ ﻟﻠﻴﻮﻡ ﺍﻧﺖ ﻫﻨﺎ ﺑﻌﺪ ﺷﻜﻮﻭ ؟
ﺑﻌﺪﻧﺎ ﻧﺤﺠﻲ ﻭﻣﺮﻳﻢ ﺗﺘﻮﺳﻞ ﺑﻴﻪ ﺍﺭﻭﺡ ﺻﻌﺪ ﻗﺴﻮﺭ ﻭﺍﺟﻪ ﻳﻤﻲ : ﻋﺒﻴﺮ ﺍﻣﺸﻲ ﺍﺭﺟﻌﻲ ﻭﻳﺎ ﺍﻫﻠﺞ ﻳﻼ ﺑﺴﺮﻋﻪ ﻭﺍﺫﺍ ﺣﻀﺮﺗﺞ ﻣﻌﻮﺯﺓ ﺭﻛﺺ ﻋﻮﺩ ﺷﻐﻠﻲ ﺍﻏﺎﻧﻲ ﻭﺍﺭﻛﺼﻲ ﻳﻼ ﺑﺴﺮﻋﻪ ﺍﻣﺸﻲ ﺣﺘﻰ ﺍﻭﺻﻠﻜﻢ
ﺍﺑﺎﻭﻋﻠﻪ ﺧﺠﻼﻧﻪ ﻭ ﺣﺠﻴﺖ ﺑﻘﻠﺒﻲ : ﺧﺮﺭﺭﺭﺏ ﺷﻜﺪ ﻋﻴﺐ ﺳﻤﻌﻨﻲ ﻣﻦ ﻛﻠﺖ ﺍﺭﻳﺪ ﺍﺭﻛﺺ ..
ﺭﺣﺖ ﻟﺒﺴﺖ ﺷﺎﻝ ﻃﻠﻌﺖ ﻣﺎﺷﻔﺘﻬﻢ ﻧﺎﺯﻟﻴﻦ ، ﻧﺰﻟﺖ ﺟﻮﺓ ، ﺳﺠﻰ ﺑﻨﺖ ﻋﻤﺘﻲ ﻣﺸﻐﻠﻮ ﺍﻏﺎﻧﻲ ﺍﻟﺘﻔﺘﺖ ﻭﺭﺍﻳﻪ ﻣﺎﻛﻮ ﺃﺣﺪ ﻛﺎﺑﻠﺘﻬﺎ ﻭﺭﻛﺼﺖ ﺟﺎﻥ ﻳﻜﻤﺰﻧﻲ ﺻﻮﺕ ﻗﺴﻮﺭ ﻭﻫﻮ ﻳﻌﻴﻂ
_ ﻟﺞ ﻏﻀﻀﻀﻀﻀﺐ ﻭﻳﻨﺞ ﺍﺩﺭﻱ ﺑﻴﺞ ﺩ ﺗﺮﻛﺼﻴﻦ ﻳﻼ ﺑﺴﺮﻋﻪ ﺍﻃﻠﻌﻲ ﻟﺘﺨﻠﻴﻦ ﻏﻀﺒﻲ ﻳﻄﻠﻊ ﻋﻠﻴﺠﺞ
ﻃﻠﻌﺖ ﺍﺭﻛﺾ ﺷﻔﺘﻪ ﻭﺍﻛﻒ ﺑﺎﻟﺤﺪﻳﻘﺔ ﻭﻳﻤﻪ ﻣﺮﻳﻢ
ﺷﺎﻓﻨﻲ ﺩﺍﺭ ﻭﺟﻬﻪ ﻭﻣﺸﻰ ﺑﺎﺗﺠﺎﻩ ﺑﺎﺏ ﺍﻟﺸﺎﺭﻉ ، ﺗﺒﻌﻨﺎﻩ ﻳﻤﺸﻲ ﻛﺪﺍﻣﻲ ﻭﻳﺴﺐ ﺑﺄﺧﻮﻩ ﺧﻔﺖ ﺍﺣﺎﺟﻲ ﻭﺍﻧﻲ ﺭﻭﺣﻲ ﻭﺍﺻﻠﻪ ﻟﺨﺸﻤﻲ ﺍﻟﺘﻔﺘﺖ ﻉ ﻣﺮﻳﻢ
_ ﺍﻛﻮﻟﺞ ﺍﻧﺘﻲ ﺷﻜﺪ ﻏﺒﻴﺔ ﺑﺪﺍﻝ ﻣﺎﺗﻌﻴﻄﻴﻦ ﺟﺎﻥ ﻛﻔﺨﺘﻲ ﻫﺴﻪ ﻫﻴﺞ ﺍﺣﺴﻦ ﺍﻧﺤﺮﻣﻨﺎ ﻣﻦ ﺍﻟﻌﺮﺱ ﺑﺴﺒﺐ ﻏﺒﺎﺋﺞ ﺛﻮﻝ ﺍﻟﺜﻮﻟﺞ ﻛﻮﻥ ﺷﻜﺪ ﺍﻋﻠﻢ ﺑﻴﺞ ﺑﺲ ﻣﻴﻔﻴﺪ .
ﺍﻟﺘﻔﺘﻠﻲ ﻗﺴﻮﺭ ﻛﺎﺗﻢ ﺿﺤﻜﺘﻪ ، ﻫﻢ ﺳﻤﻌﻨﻲ ﺗﻨﻬﺪﺕ ﺑﻌﺼﺒﻴﺔ ﻫﺬﺍ ﺷﺪﻋﻮﺓ ﻫﻴﺞ ﻣﺮﻛﺰ ﻭﻳﺎﻳﻪ ، ﻋﻀﻴﺖ ﺷﻔﺘﻲ ﻭﺗﻤﺘﻤﺖ ﻋﺎﺑﺖ .
ﺳﺄﻟﺖ ﻋﻦ ﻣﺎﻣﺎ ﻣﺮﻳﻢ ﻛﺎﻟﺖ ﺑﺴﻴﺎﺭﺓ ﻗﺴﻮﺭ ﺗﻨﺘﻈﺮﻧﺎ ...
ﺍﺳﻤﻊ ﺻﻮﺕ ﻋﻤﻪ ﻭﺭﺍﻧﻪ ﺗﺼﻴﺢ ﺍﻟﺘﻔﺘﺖ ﺗﺨﺰﺭ ﺑﻴﻨﺎ
ﻭﺗﻌﻴﻂ ﻋﻠﻰ ﻗﺴﻮﺭ ﻭﻳﻦ ﻣﻮﻟﻲ ﺳﻜﻄﺖ ﺍﺧﻮﻙ ﺷﺒﻌﺘﻪ ﻛﺘﻞ ﻋﻠﻤﻮﺩ ﻫﺬﻧﻲ ﺷﺠﺎﻙ ﺗﺨﺒﻠﺖ ﻭﻫﺴﻪ ﺭﺍﻳﺢ ﺗﻔﺮﻓﺮ ﺑﻴﻬﻦ ؟
ﺗﻘﺮﺏ ﻣﻨﻬﺎ ﻗﺴﻮﺭ ؛ ﻳﻮﻭﻡ ﺻﻮﺗﺞ ﻭﺍﺑﻨﺞ ﺳﻜﻂ ﻭﻣﻤﺘﺮﺑﻲ ﺷﻜﻮ ﻳﺘﺤﺎﺭﺵ ﺑﺎﻟﺒﻨﻴﺔ ﻣﻮ ﺑﻨﺖ ﺍﺧﻮﺝ ﻫﺎﺫﻱ ؟
ﺑﺎﻭﻋﺖ ﻟﻤﺮﻳﻢ ﻭﻛﺎﻟﺖ ؛ ﻫﻴﻪ ﺻﻠﻔﺔ ﻭﻣﺘﻨﺠﺮﻉ ..
ﻋﺒﻴﺮ ؛ ﻋﻤﻪ ﺷﻨﻮ ﻫﺎﻟﺤﺠﻲ ﻫﺬﺍ ﻣﺘﺸﻮﻓﻲ ﻻﺑﻨﺞ ﻻﺯﻙ ﻻﺧﺘﻲ ﻟﺰﻛﺔ ﺧﻠﻲ ﻳﻔﻚ ﺗﺮﺓ ﻋﻴﺐ ﻋﻠﻴﻪ ﻭﺍﺧﺘﻲ ﻣﻮ ﺻﻠﻔﺔ .
ﻇﻠﺖ ﺗﺄﺷﺮ ﻋﻠﻴﻪ ﻭﺗﺤﺠﻲ ﻭﻱ ﻗﺴﻮﺭ ؛ ﻫﻴﻪ ﻫﺎﻱ ﺍﻟﻲ ﻛﺘﻠﺖ ﺍﺧﻮﻙ ﻋﻠﻤﻮﺩﻫﺎ ﺍﻡ ﻟﺴﺎﻥ ﺷﻮﻓﻬﺎ ﺷﻮﻥ ﺗﺤﺎﺟﻴﻨﻲ ﺍﺳﻤﻊ ﻭﻟﻚ ﻗﺴﻮﺭ ﺍﺫﺍ ﻫﺎﻱ ﺗﻔﺮﻕ ﺑﻴﻨﻚ ﻭﺑﻴﻦ ﺍﺧﻮﻙ ﻣﻦ ﻫﺴﻪ ﻻ ﻧﻌﻘﺪ ﺍﻟﻜﻢ ﻭﻻ ﺗﻨﺨﻄﺒﻮﻥ ﻛﻄﻨﻪ ﻭﺷﻴﻠﻬﺎ ﻣﻦ ﺍﺫﻧﻚ ﻓﺎﺍﻫﻢ ؟
ﻃﺒﻚ ﺍﺳﻨﺎﻧﻪ ﻭﺣﺠﻪ ؛ ﻳﻮﻭﻭﻡ ﺭﺍﺡ ﺍﻭﺻﻞ ﺍﻟﺒﻨﺎﺕ ﻭﺍﺟﻲ ﻭﺑﻌﺪﻳﻦ ﻧﺤﺠﻲ ..
ﺍﺷﺮﻟﻨﻪ ﻣﺸﻴﻨﻪ ﺍﻧﻲ ﻭﻣﺮﻳﻢ ﻭﻫﻲ ﺗﻌﻴﻂ ﻭﺭﺍﻩ ﻭﻣﻤﻬﺘﻤﻪ ﻟﻠﻨﺎﺱ ﺍﻟﻲ ﻳﺴﻤﻌﻮﻫﻪ ﺍﺫﺍ ﺭﺣﺖ ﺍﺗﺒﺮﻩ ﻣﻨﻚ ﻭﺍﻟﻠﻪ .......
***
ﻛﺮﺍﺭ : ﻛﺎﻋﺪ ﺑﻐﺮﻓﺘﻲ ﺩﺍ ﺍﻧﺘﻈﺮ ﻣﻬﺎ ﺗﺠﻲ ﻣﻦ ﺍﻟﺪﻛﺘﻮﺭﺓ
ﺩﺧﻠﺖ ﻟﻠﻐﺮﻓﺔ ﻭﺟﻬﻪ ﺷﺎﺣﺐ ﻭﻋﻴﻮﻧﻬﺎ ﻣﻐﻮﺭﻛﺔ
ﺳﺄﻟﺘﻬﺎ ﺷﺒﻲ ﻭﺟﻬﺞ ﻣﻜﻠﻮﺏ ﺟﻴﻨﻜﻮ ؟
ﺳﺄﻟﺘﻬﺎ !!!!
ﻭﻳﺎﺭﻳﺘﻨﻲ ﻣﺎ ﺳﺄﻟﺖ ﺍﻧﻔﺘﺤﺖ ﺗﺒﺠﻲ ﻭﺗﻌﻴﻂ
_ ﺍﻧﺖ ﺭﺍﺡ ﺗﻌﻮﻓﻨﻲ ﻭﺍﻧﺖ ﻣﻨﺎ ﻭﺟﺎﻱ ﺣﺘﺘﺮﻛﻨﻲ
_ ﻳﻤﻌﻮﺩﻩ ﺷﻜﻮ ﺷﺒﻴﺞ ﻟﺞ ﺧﻮﻓﺘﻴﻨﻲ ﻋﻠﻴﺞ ﻛﺎﻓﻲ ﺑﺠﻲ
ﻣﺎﻛﻮ ﻣﺘﺤﺠﻲ ﻭﺑﺲ ﺗﺸﻬﻚ ، ﻋﻄﺖ ﺑﻴﻬﺎ ﺑﺼﻮﺕ ﻓﺰﺯﻫﺎ ﻳﻼ ﺣﺠﺖ ؛ - ﺍﻟﺪﻛﺘﻮﺭﺓ ﺗﻜﻮﻟﻲ ﻋﻨﺪﺝ ﺍﻟﺘﻬﺎﺑﺎﺕ ﻭﻋﻨﺪﻱ ﺿﻌﻒ ﺑﺎﻟﻤﺒﺎﻳﺾ
_ ﺍﻱ ﻭﺷﻨﻮ ﻳﻌﻨﻲ ﺍﻻﻟﺘﻬﺎﺑﺎﺕ ﺗﺘﻌﺎﻟﺞ ﻭﺍﻟﻤﺒﺎﻳﺾ ﺗﺎﺧﺬﻳﻠﻬﻢ ﻣﻨﺸﻄﺎﺕ ﻉ ﻫﺎﻱ ﺛﺒﺮﺗﻴﻨﻲ ﻭﺟﺎﻳﻪ ﺗﻨﻮﺣﻴﻦ ﻭﺍﻃﻤﺌﻨﻲ ﺣﺘﻰ ﺍﺫﺍ ﻣﺎﺻﺎﺭ ﺍﻃﻔﺎﻝ ﻭﺟﻮﺩﺝ ﻳﻜﻔﻴﻨﻲ ﺍﻧﺘﻲ ﻃﻔﻠﺘﻲ ﺍﻟﻤﺪﻟﻠﻪ ﺷﺴﻮﻱ ﺑﺎﻻﻃﻔﺎﻝ ﺍﺫﺍ ﺍﺟﻮﺍ ﻳﺒﻌﺪﻭﺝ ﻋﻨﻲ ﺍﻧﺖ ﺩﮔﺔ ﮔﻠﺐ ﻛﺮﺍﺭ .
ﻣﺴﺤﺖ ﺩﻣﻮﻋﻬﺎ ﻋﺒﺎﻟﻚ ﻣﻤﻘﺘﻨﻌﺔ ﻭﺗﺒﺎﻭﻋﻠﻲ ..
ﻛﺎﻣﺖ ﻋﻠﻰ ﺣﻴﻠﻬﺎ ﺗﺮﻛﺘﻨﻲ ﻭﻧﺰﻟﺖ ﺟﻮﺍ ، ﺗﺮﻛﺘﻬﺎ ﻣﺎﻧﺰﻟﺖ ﻭﺭﺍﻫﺎ ، ﺍﺣﺴﻦ ﺧﻠﻲ ﺗﻬﺪﺃ ، ﺍﺻﻼ ﺃﻧﻲ ﺑﺎﻟﻔﻌﻞ ﻣﻮﺿﻮﻉ ﺍﻻﻃﻔﺎﻝ ﻣﻮ ﺑﺒﺎﻟﻲ ﻭﻫﻲ ﺫﺍﺑﺤﻪ ﻧﻔﺴﻬﺎ ..
ﻃﻮﻟﺖ ﺟﻮﺍ ﺿﺠﺖ ﻭﺣﺪﻱ ﻧﺰﻟﺖ ﻟﺤﻜﺘﻬﺎ ﻟﻜﻴﺘﻬﺎ ﻛﺎﻋﺪﺓ ﻳﻢ ﺃﻣﻲ ﻭﺍﺑﻮﻳﻪ ﻭﺗﺒﺠﻲ ﻭﻫﻢ ﻳﻬﺪﺃﻭﻥ ﺑﻴﻬﺎ .
ﻛﻤﺒﺼﺖ ﻛﺪﺍﻣﻬﺎ : ﻟﺞ ﻋﻴﻨﻲ ﺍﺩﺭﻱ ﻣﺎﻟﻜﻴﺘﻲ ﻣﻜﺎﻥ ﻏﻴﺮ ﺗﻜﻌﺪﻳﻦ ﺑﺎﻟﻨﺺ ﺍﺩﺭﻱ ﺻﻴﻨﻴﺔ ﺟﺎﻱ ﺍﻧﺘﻲ
ﻛﺎﻣﺖ ﺗﺒﺠﻲ ﺑﺎﻟﺰﺍﻳﺪ ﺑﺎﻭﻋﺘﻠﻬﺎ : ﺍﻛﻮﻟﺞ ﺍﺫﺍ ﻓﻜﺮﺕ ﺃﺗﺰﻭﺝ ﻣﻮ ﻻﻥ ﻣﺘﺨﻠﻔﻴﻦ ﺑﺲ ﻻﻥ ﺗﻠﻄﻤﻴﻦ ﻫﻮﺍﻱ ﻭﺍﻧﻲ ﺭﺟﺎﻝ ﺍﺣﺐ ﺍﻟﻀﺤﻚ ﻭﺍﻧﺘﻲ ﻣﺤﺮﻡ ﻭﺻﻔﺮ ﻣﺠﺘﻤﻌﺎﺕ ﻋﻨﺪﺝ .
ﻣﺪﻧﻜﻪ ﻭﻻ ﻳﻤﻲ ﺑﻌﺪﻫﺎ ﺗﺒﺠﻲ ﻭﺗﺸﻬﻚ ..
ﺍﺗﻘﺮﺑﺖ ﺷﺎﻭﺭﺗﻬﺎ : ﺍﺩﺭﻱ ﺍﺟﻴﺐ ﻛﻠﻨﻜﺲ ﻟﺪﻣﻮﻋﺞ ﻟﻮ ﻟﻼﺳﺘﺨﺪﺍﻣﺎﺕ ﺍﻻﺧﺮﻯ
ﻋﺒﺎﻟﻲ ﺗﻔﻚ ﻣﺎﻛﻮ ﻗﺎﻓﻠﻪ ، ﺍﺑﻮﻳﻪ ﺣﺠﻪ ﻭﻳﺎﻫﺎ ﺣﺘﻰ ﻳﻀﺤﻜﻬﺎ : ﺑﺎﺑﺎﺗﻲ ﺷﻨﻮ ﺑﺎﻟﻄﻔﻞ ﺍﺣﻨﻪ ﻋﺪﻧﺎ ﻛﺮﺍﺭ ﺍﻛﺒﺮ ﻗﺮﺩ ﻳﻜﻤﺰ ﻭﺍﺣﻨﻪ ﻧﻔﺘﺮ ﻭﺭﺍﻩ
_ ﺍﻟﻠﻪ ﻳﺨﻠﻴﻚ ﺣﺠﻲ ﺧﻮﺵ ﺗﺨﻠﻴﻠﻲ ﺍﺣﺘﺮﺍﻡ ﻛﺪﺍﻡ ﺯﻭﺟﺘﻲ
ﻣﺎﺍﻫﺘﻢ ﻭﻛﻤﻞ ﻛﻼﻣﻪ : ﻳﺎ ﺑﻨﺘﻲ ﺍﺫﺍ ﺗﺮﻳﺪﻳﻦ ﻃﻔﻞ ﺍﻭﻝ ﺷﻲ ﺭﺑﻴﻨﻠﻪ ﻛﺮﺍﺭ ﻻﻥ ﺭﺑﺎﻟﻲ ﻋﻠﻪ
ﺑﺎﻭﻋﺘﻠﻪ : ﺍﻛﻮﻟﻚ ﺣﺠﻲ ﻫﻮ ﺍﻟﻘﺮﺩ ﺍﺑﻮ ﺷﻨﻮ ﻫﺴﻪ ﻗﺎﺑﻞ ﺍﻧﻲ ﻃﻔﺮﺓ ﻭﺭﺍﺛﻴﻪ
_ ﻻ ﻳﺎﺍﺩﺑﺴﺰ ﻳﺎ ﻧﺎﻗﺺ ﻗﺼﺪﻙ ﺍﻧﻲ ﻗﺮﺩ ﻳﺎﺩﺍﻳﺢ ﺍﺑﻮ ﺍﻟﺸﻮﺍﺭﻉ
ﺍﻟﺘﻔﺘﺖ ﻟﻤﻬﺎ ﺗﻀﺤﻚ ﻛﻠﺘﻠﻬﺎ : ﻫﺎ ﻫﺴﻪ ﺍﺭﺗﺎﺣﻴﺘﻲ ﻣﻦ ﺷﺒﻌﺖ ﻏﻠﻂ ﺑﺴﺒﺒﺞ !!!!!
ﺻﻔﺎﺀ : ﻣﺮﺕ ﺍﻳﺎﻡ ﻭﺍﺷﻬﺮ ﻭﺍﻧﻲ ﻭﺯﻫﺮﺍﺀ ﺣﻴﺎﺗﻨﺎ ﻣﺎﺷﻴﻪ ﺗﻌﻮﺩﻧﺎ ﻋﻠﻰ ﺑﻌﺾ ﻭﺗﻌﻠﻘﻨﺎ ﺑﺒﻌﺾ ، ﻭﺑﻴﻮﻡ ﺭﺍﺟﻊ ﻣﻦ ﺍﻟﺪﻭﺍﻡ ﺑﺎﻟﻄﺮﻳﻖ ﻭﻛﻔﺖ ﺑﺎﻟﺘﻘﺎﻃﻊ ﻭﺍﺯﺩﺣﺎﻣﺎﺕ ، ﻭﺻﻠﻨﻲ ﻣﺴﺞ ﻣﻦ ﺭﻗﻢ ﻏﺮﻳﺐ ..
ﺍﺧﺬﺕ ﺍﻟﻤﻮﺑﺎﻳﻞ ﻓﺘﺤﺖ ﺍﻟﻤﺴﺞ ﻣﻜﺘﻮﺏ ﺑﻲ
‏( ﺍﻧﺖ ﺑﺎﻟﺪﻭﺍﻡ ﻭﺍﻟﻤﻲ ﻳﻤﺸﻲ ﻣﻦ ﺟﻮﺍ ﺭﺟﻠﻴﻚ ﺯﻋﻄﻮﻃﻪ ﺗﻘﺸﻤﺮﻙ ﻭﺗﺘﻤﻌﺸﻖ ﻭﻳﺎ ﺍﺳﺘﺎﺫﻫﺎ ‏)
ﻣﺎﺍﻫﺘﻤﻴﺖ ﻟﻠﺮﺳﺎﻟﻪ ﻻﻥ ﺍﻧﻲ ﻭﺍﺛﻖ ﻣﻦ ﺯﻫﺮﺍﺀ ﺛﻘﺘﻲ ﺑﻴﻬﺎ ﻋﻤﻴﺎﺀ ﻭﺍﻋﺮﻑ ﻫﻲ ﺷﻨﻮ ﻓﺘﺤﺖ ﻋﻴﻨﻬﺎ ﻋﻠﻴﻪ ﻭﻳﻨﻬﺎ ﻭﻳﻦ ﻫﺎﻟﺴﻮﺍﻟﻒ ﺣﺘﻰ ﻃﺦ ﺑﺮﺍﺳﻲ ﻫﺬﺍ ﻣﻠﻌﻮﺏ ﻣﻦ ﺭﺷﺎ ﻻﻥ ﺍﻋﺮﻑ ﺑﻴﻬﺎ ﻣﺘﻮﺏ ﻭﻫﺴﻪ ﺍﻛﻴﺪ ﺣﺎﻗﺪﺓ ﺍﻛﺜﺮ ﻻﻥ ﺍﺑﻮﻳﻪ ﻣﺎﻧﻌﻬﺎ ﻣﻦ ﺍﻟﺠﻴﺔ ﻟﺒﻴﺘﻨﺎ ﺍﻛﻴﺪ ﺩﺗﺴﻮﻱ ﻣﺸﺎﻛﻞ ﻣﻦ ﺑﻌﻴﺪ ، ﺑﺲ ﻣﻨﻮ ﻋﺪﻫﺎ ﺑﺎﻟﻜﻠﻴﺔ ﻭﻳﺼﻮﺭ !!!
ﺗﻨﻬﺪﺕ ﻭ ﺍﺗﻌﻮﺫﺕ ﻣﻦ ﺍﻟﺸﻴﻄﺎﻥ ...
ﻭﺍﻧﻲ ﺩﺍﺍﻓﻜﺮ ﻭﻣﺤﺘﺎﺭ ﻭﺻﻠﻨﻲ ﻣﺴﺞ ﻋﻠﻰ ﻭﺗﺴﺎﺏ ﻭﺟﺎﻥ ﺗﻮﻩ ﻣﻨﺘﺸﺮ ﺍﻟﻨﺖ ﺑﺎﻟﻌﺮﺍﻕ ﻓﺘﺤﺖ ﺍﻟﻤﺴﺞ ﺑﺎﻭﻋﺖ ﺻﻮﺭﺓ ﺯﻫﺮﺍﺀ ﺑﺎﻟﻜﻠﻴﺔ ﻭﻭﻳﺎﻫﺎ ﻭﻟﺪ ﻭﺟﺎﻧﺖ ﻫﻲ ﻣﺒﺘﺴﻤﺔ ﺑﺲ ﺍﻟﻮﻟﺪ ﻣﻤﺒﻴﻦ ، ﺍﻧﺼﺪﻣﺖ ﻭﻛﻒ ﺷﻌﺮ ﺭﺍﺳﻲ ﻣﺎﻋﻮﻧﺖ ﻳﺨﻠﺺ ﺍﻻﺯﺩﺣﺎﻡ ﻭﺍﻃﻠﻊ ﺳﻘﺖ ﺑﺎﻗﺼﻰ ﺳﺮﻋﻪ ﻭﺍﻧﻄﻠﻘﺖ ﻟﻠﺒﻴﺖ .
ﻭﺍﻧﻲ ﺑﻄﺮﻳﻘﻲ ﺣﺎﻭﻟﺖ ﺍﺗﺼﻞ ﺑﺎﻟﺮﻗﻢ ﻳﻄﻠﻌﻠﻲ ﻣﻐﻠﻖ ﻭﺭﺍ ﺗﻘﺮﻳﺐ ﻧﺺ ﺳﺎﻋﻪ ﻭﺻﻠﺘﻨﻲ ﺻﻮﺭﺓ ﺛﺎﻧﻴﺔ ﻭﻫﻲ ﻛﺎﻋﺪﺓ ﻭﻫﻮ ﻛﺎﻋﺪ ﻳﻤﻬﺎ ﻋﻠﻰ ﻣﻴﺰ ﺑﺎﻟﻜﺎﻓﺘﺮﻳﺎ ﻣﺎﻝ ﺍﻟﻜﻠﻴﺔ ...
ﺍﻧﻮﺏ ﺍﻟﻨﺮﻓﺰﻧﻲ ﺍﺯﺩﺣﺎﻣﺎﺕ ﺑﻐﺪﺍﺩ ﺑﺲ ﺃﺭﻳﺪ ﺍﻭﺻﻞ ﻟﻠﺒﻴﺖ ﺍﻧﻲ ﺍﻋﺮﻑ ﻫﻲ ﻣﺴﺘﺤﻴﻞ ﻋﺪﻫﺎ ﺷﻲ ﺑﺲ ﺭﺩﺕ ﺍﻋﺮﻑ ﻫﺬﺍ ﻣﻨﻮ ؟
ﺑﺎﻟﻒ ﻳﺎ ﺍﻟﻠﻪ ﻳﻼ ﻭﺻﻠﺖ ﻟﻠﺒﻴﺖ ﺻﻌﺪﺕ ﻟﻠﻐﺮﻓﻪ ﺑﻌﺪﻫﺎ ﻣﺎﺟﺎﻳﺔ ، ﻛﻌﺪﺕ ﺍﻧﺘﻈﺮﻫﺎ ﻋﻠﻰ ﻧﺎﺭ ..
ﻭﻛﻠﺴﺎﻉ ﺍﻃﻞ ﻣﻦ ﺍﻟﺸﺒﺎﻙ ، ﻭﺭﺍ ﺳﺎﻋﻪ ﺍﻭ ﺍﻛﺜﺮ ﻳﻼ ﺍﺟﺖ ﺷﻔﺘﻬﺎ ﻧﺰﻟﺖ ﻣﻦ ﺳﻴﺎﺭﺓ ، ﻫﻲ ﺑﺎﻟﻌﺎﺩﺓ ﺗﺠﻲ ﻗﺒﻠﻲ ﺑﺲ ﺍﻟﻴﻮﻡ ﻣﺎﺍﻋﺮﻑ ﻟﻴﺶ ﺍﺟﺖ ﻭﺭﺍﻳﻪ ، ﺍﻧﺘﺒﻬﺖ ﻉ ﻣﻼﺑﺴﻬﺎ ﻧﻔﺲ ﺍﻟﻤﻼﺑﺲ ﺍﻟﺠﺎﻧﺖ ﻻﺑﺴﺘﻬﻢ ﺑﺎﻟﺼﻮﺭﺓ ﻋﻘﻠﻲ ﻛﺎﻡ ﻳﻔﺴﺮ ﺑﻜﻴﻔﻪ ﺑﺲ ﮔﻠﺒﻲ ﻳﺒﺮﺭﻟﻬﺎ .
ﺍﻧﺘﻈﺮﺗﻬﺎ ﺗﺼﻌﺪ ، ﻭﺍﺣﺎﻭﻝ ﺍﺗﻤﺎﺳﻚ ﺑﺲ ﻣﺠﺎﻱ ﺍﻛﺪﺭ ..
ﺑﺎﻭﻋﺖ ﻋﻠﻴﻪ ﻭﺍﺭﺗﺒﻜﺖ ﻋﺒﺎﻟﻚ ﻣﺴﻮﻳﻪ ﻣﻜﺴﻮﺭﺓ ﻭﺍﻧﻲ ﻣﻨﺎ ﺩﻳﻦ ﻣﺎ ﺑﺎﻗﻲ ﺑﺮﺍﺳﻲ ﻭﻫﻲ ﺩﺗﺠﻴﺐ ﺍﻟﺸﻜﻮﻙ ﻟﻨﻔﺴﻬﺎ
ﺳﺄﻟﺘﻬﺎ : ﺧﺎﺗﻮﻥ ﺍﻟﺴﺎﻋﻪ ﺑﺎﻻﺭﺑﻌﻪ ﺍﻻ ﺭﺑﻊ ﻭﻳﻦ ﺟﻨﺘﻲ؟
ﻇﻠﺖ ﻣﺼﻔﺼﻔﻪ ﻭﺗﺒﺎﻭﻋﻠﻲ ﺍﺑﺪ ﻣﺮﻣﺸﺖ ﺟﺮﻳﺘﻬﺎ ﻣﻦ ﺍﻳﺪﻫﺎ ﻭﻗﺮﺑﺘﻬﺎ ﻋﻠﻴﻪ ﻇﻠﺖ ﺗﻬﺘﺰ ﺑﻴﺪﻱ ﻣﺜﻞ ﺍﻟﺴﻌﻔﺔ
ﻭﻭﻛﻌﺖ ﺍﻏﺮﺍﺿﻬﺎ ﻣﻦ ﺍﻳﺪﻫﺎ ..
ﻋﻄﺖ ﺑﻮﺟﻬﻪ : ﺩﺍﺍﺳﺄﻟﺠﺠﺠﺠﺞ ﻭﻳﻴﻴﻴﻴﻦ ﺟﻨﺘﻲ ﻟﺘﻨﺨﺮﺳﻴﻦ ﻣﻴﺔ ﻣﺮﺓ ﺍﻛﻮﻟﺞ ﻣﻦ ﺍﺳﺄﻟﺞ ﺍﻟﻐﻴﻴﻴﻴﻲ ﻟﺘﻈﻠﻴﻦ ﺻﺎﻓﻨﻨﻨﻨﻪ ﺑﻮﺟﻬﻬﻲ ﻭﺗﺨﻠﻴﻨﻲ ﺍﺧﺮﺑﻂ ﺑﺎﻟﺤﺠﻲ
ﻇﻠﺖ ﻋﻠﻰ ﻧﻔﺲ ﺻﻔﻨﺘﻬﺎ ﻭﻋﻴﻮﻧﻬﺎ ﺗﺒﺚ ﺍﻟﺮﻋﺐ ﻭﺍﻟﺨﻮﻑ ﻭﻣﺪﻣﻌﺔ ﻭﺗﺮﺟﻒ ، ﺗﺬﻛﺮﺕ ﺗﺨﺎﻑ ﻣﻦ ﺍﻟﺼﻮﺕ ﺍﻟﻌﺎﻟﻲ ﻭﺍﻧﻲ ﻣﻨﺎ ﻧﺎﺭ ﻟﻌﻨﺖ ﺍﻟﺸﻴﻄﺎﻥ ﺧﺮﺭﺭﺭﺏ ﺣﻈﻲ ﻫﺴﻪ ﻫﺎﻱ ﺷﻠﻮﻥ ﺍﺗﻔﺎﻫﻢ ﻭﻳﺎﻫﺎ؟
ﻧﺼﻴﺖ ﺻﻮﺗﻲ ﻭﺭﻗﻘﺖ ﻟﺰﻣﺘﻲ ﻻﻳﺪﻫﺎ : ﺍﺣﺠﻲ ﺯﻫﺮﺍﺀ ﻭﻳﻦ ﺟﻨﺘﻲ
ﺑﺘﻮﺳﻞ ﺟﺎﻭﺑﺘﻨﻲ ؛ ﺻﻔﺎﺀ ﻭﺍﻟﻠﻪ ﺍﻟﺴﻴﺎﺭﺓ ﻣﺎﻝ ﺍﻟﺨﻂ ﻋﻄﻠﺖ ﻭﺍﺟﻴﺖ ﺃﺍﺟﺮ ﺗﻜﺴﻲ ﺑﺲ ﺧﻔﺖ ﻣﻨﻚ ﺍﻧﺖ ﻣﺘﻘﺒﻞ ﻭﻣﺎﻧﻌﻨﻲ ﻣﻦ ﺍﻧﻮ ﺍﺟﻲ ﺗﻜﺴﻲ
_ ﺍﻛﻮﻟﺞ ﻫﺴﻪ ﺷﻔﺘﺞ ﻣﻦ ﺍﻟﺸﺒﺎﻙ ﺍﺟﻴﺘﻲ ﺑﻐﻴﺮ ﺳﻴﺎﺭﺓ ﺍﻟﺨﻂ ﺷﻨﻮ ﻛﺪﺍﻣﺞ ﻃﺮﻃﻮﺭ ﻭﺗﺠﺬﺑﻴﻦ ﻋﻠﻴﻪ ﺗﺮﻯ ﺭﺍﺿﻊ ﻭﻳﺎ ﺍﺑﻠﻴﺲ ﺃﻧﻲ ﻣﻨﻮ ﻫﺬﺍ ﺍﻟﻲ ﻭﺻﻠﺞ
_ ﺑﻠﻲ ﺑﺲ ﻋﻠﻰ ﻛﻴﻔﻚ ﺧﻞ ﺍﻓﻬﻤﻚ ، ﻭﺍﻟﻠﻪ ﻫﻮ ﺧﺎﺑﺮ ﺃﺑﻦ ﻋﻤﻪ ﺟﺎﺑﻨﻪ ﻻﻥ ﺳﻴﺎﺭﺗﻪ ﻋﻄﻠﺖ ﻭﺍﺟﻴﻨﺎ ﺍﻧﻲ ﻭﺍﻟﺒﻨﺎﺕ ﻭﻳﺎﻩ
ﺗﺮﻛﺘﻬﺎ ﺑﺪﻓﻌﺔ ﺧﻔﻴﻔﺔ ، ﻣﻮﺑﺎﻳﻠﻲ ﺟﺎﻥ ﻉ ﺍﻟﺠﺮﺑﺎﻳﻪ ﺳﺤﺒﺘﻪ ﻭﻓﺘﺤﺖ ﺍﻟﺮﺳﺎﺋﻞ
ﻭﺷﻮﻓﺘﻬﺎ ﺍﻟﺼﻮﺭ : ﻭﻫﺎﻱ ﺷﻨﻮ ﺑﻌﺪ ﺳﺖ ﺍﻟﺤﺴﻦ ﻋﻄﻞ ﺍﻟﺴﺘﻮﻝ ﻣﺎﻟﺘﺞ ﻭﻛﻌﺪﺗﻲ ﻭﻳﺎ ﻫﺬﺍ ﺍﻟﺘﻴﺲ ﻟﻮ ﺷﻨﻮ ﻟﺞ ﺭﺍﺍﺍﺍﺍﺡ ﺍﺗﺨﺒﻞ
ﺑﺎﻭﻋﺘﻠﻲ ﻣﺤﺘﺎﺭﺓ ﻭﺭﺟﻌﺖ ﺑﺎﻭﻋﺖ ﻟﻠﻤﻮﺑﺎﻳﻞ ﺟﺎﻭﺑﺘﻨﻲ ﺑﻨﺒﺮﺓ ﺗﺤﺎﻭﻝ ﺗﻘﻨﻌﻨﻲ : ﻫﺬﺍ ﺩﻛﺘﻮﺭ ﻋﺪﻧﺎ ﻳﺪﺭﺳﻨﻲ ﻭﺍﻛﻮ ﻣﺤﺎﺿﺮﺓ ﺟﻨﺖ ﻣﻔﺎﻫﻤﺘﻬﺎ ﻭﻫﻮ ﺩﺭﺳﻨﻴﺎﻫﺎ ﺍﻟﻴﻮﻡ ﻭﺑﻌﺪﻳﻦ ﺗﺮﻯ ﻫﺬﺍ ﺭﺍﻓﺪ ﺍﺑﻦ ﻋﻤﺔ ﺑﺎﺑﺎ ﻳﻌﻨﻲ ﻣﻮ ﻏﺮﻳﺐ ﺑﻤﻘﺎﻡ ﻋﻤﻮ ﻭﺍﺫﺍ ﻛﻌﺪﺕ ﻭﻳﺎﻩ ﻭﺑﻌﺪﻳﻦ ﺍﻧﻲ ﺣﺎﺟﻴﺘﻠﻚ ﻋﻨﻪ .
_ ﺑﻤﻘﺎﻡ ﻋﻤﻮ !!! ﻟﻌﺪ ﺑﻌﺪ ﻋﻤﺞ .. ﻫﺬﺍ ﻋﻤﺞ ﻟﻴﺶ ﻣﺎ ﻣﻄﻠﻊ ﻭﺟﻬﻪ ﺷﻨﻮ ﻳﺴﺘﺤﻲ ﺍﺧﻄﺒﻪ ﻟﻮ ﺍﺻﺠﻤﻪ ﻭﻫﻮ ﺧﺎﻓﻲ ﻭﺟﻬﻪ ﻋﻨﻲ ..
ﻭﺑﻌﺪﻳﻦ ﺍﻧﻲ ﻣﻮ ﻣﺤﺬﺭﺝ ﻣﻦ ﺭﺍﻓﺪ ﺍﻟﺴﻜﻂ ﻭﻛﺎﻳﻠﺞ ﻣﺎﺍﺭﺗﺎﺣﻠﻪ ﻫﺬﺍ ﻣﻮ ﺭﺍﺣﻪ ﺷﻜﻮ ﺗﻜُﻌﺪﻳﻦ ﻭﻳﺎﻩ ﻭﺣﺪﻛﻢ
ﺍﺑﺘﻠﻲ ﺑﻴﺞ ﻫﺴﻪ ﻟﻮ ﺷﺴﻮﻱ
_ ﺍﺗﺬﻛﺮ ﺍﻧﺘﻪ ﻣﺮﺓ ﻛﺘﻠﻲ ﺭﺍﺡ ﺗﻮﺻﻲ ﻋﻠﻴﻪ ﻟﻮ ﻧﺴﻴﺖ ﻭﺑﻌﺪﻳﻦ ﻫﻮ ﺣﺒﺎﺏ ﻭﺍﻟﻠﻪ ﺍﻧﺖ ﻇﺎﻟﻤﻪ .
_ ﻟﺠﺠﺞ ﺍﻋﺘﺒﺮﻳﻨﻲ ﻣﺤﺬﺭﺝ ﻣﻨﻪ ﻫﺴﻪ ﻭﺗﺮﺓ ﻻﺗﻜﻮﻟﻴﻦ ﺣﺒﺎﺏ ﻣﺎ ﺗﻌﺮﻓﻴﻨﻲ ﺑﺴﻮﺍﻟﻒ ﺍﻟﻮﻟﺪ ﺑﻬﺎﺀ ﺍﺧﻮﻳﻪ ﺟﺎﻥ ﻭﻳﺎﻩ ﻭﺳﻮﻟﻔﻠﻲ ﻛﻞ ﺳﻮﺍﻟﻔﻪ ﻗﺒﻞ ﻓﺘﺮﺓ ﻭﺍﻧﺘﻲ ﺗﻮﻛﻔﻴﻦ ﻭﻳﺎﻩ ﻃﻮﻝ ﺑﻄﻮﻝ ﻭﺗﺘﻤﻀﺤﻜﻴﻦ
_ ﺑﺲ ﺍﻧﻲ ﺷﻤﺪﺭﻳﻨﻲ ؟
_ ﻻﺑﺲ ﻭﻻ ﺷﻲ ﺍﺳﻜﺘﻲ ﻻ ﺍﺟﺮﻡ ﺑﻴﺞ ﻭﻣﺤﻤﺪ ﺗﻌﺮﻓﻴﻦ ﻫﺬﺍ ﻟﻴﺶ ﺩﺯ ﺍﻟﺮﺳﺎﺋﻞ ﺍﻟﻴﻪ؟؟
ﺗﻘﺮﺑﺖ ﻣﻨﻬﺎ ﻭﻛﺰﻳﺖ ﻉ ﺍﺳﻨﺎﻧﻲ ﻫﺬﺍ ﺩﺯﻫﻢ ﻻﻥ ﻣﻌﺠﺐ ﺑﻴﺞ ﻻﻥ ﻳﺮﻳﺪﺝ ﻳﺎﻏﺒﺮﺓ
ﺧﺰﺭﺗﻨﻲ
ﻟﺘﺨﺰﺭﻳﻦ ﻻ ﺍﻓﻜﺲ ﻋﻴﻮﻧﺞ ﺑﺎﻟﻌﺒﺎﺱ ﻫﺴﻪ ﺍﻣﻮﺗﺞ ﻓﺴﺮﺭﺭﺭﺭﺭﻳﻠﻲ ﻟﻴﺸﺸﺶ ﻳﺪﺯﻟﻲ ﻫﻴﺞ ﺻﻮﺭ
_ ﻣﻨﻮ ﻳﻜﻮﻝ ﻫﻮ ﻫﺎ ﺷﻨﻮ ﺩﻟﻴﻠﻚ
_ ﻟﻌﺪ ﻣﻨﻮ ﺩﺯﻫﻢ ﺃﻣﻲ ﻟﻮ ﺍﻟﻜﺎﺋﻨﺎﺕ
_ ﻣﺎﺍﺩﺭﻱ ﻣﺎﺍﺩﺭﻱ ﺗﻌﺒﺎﻧﻪ ﻭﻣﺎﻟﻲ ﺧﻠﻚ ﻭﺭﻭﺣﻲ ﻃﺎﻟﻌﻪ ﺭﻭﺡ ﺍﻧﺖ ﺍﺑﺤﺚ ﻋﻦ ﺍﻟﺮﻗﻢ ﻭﺷﻮﻑ ﺻﺎﺣﺒﻪ ﺍﺣﺴﻦ ﻣﻦ ﻣﺎ ﺟﺎﻱ ﺗﺤﻘﻖ ﻭﻳﺎﻳﻪ ﻭﺗﺘﻬﻢ ﺍﺳﺘﺎﺫ ﺭﺍﻓﺪ
_ ﺷﻮ ﺩﺗﺪﺍﻓﻌﻠﻪ ﺧﻴﺮ ﺳﺎﻟﻤﻴﻦ
ﺳﻜﺘﺖ ﻭﺗﻨﻬﺪﺕ ﺑﻀﻴﻖ ، ﺭﻓﻌﺖ ﺃﻳﺪﻱ ﺍﺭﻳﺪ ﺍﺿﺮﺑﻬﺎ ﻫﻲ ﺑﺎﻭﻋﺖ ﻻﻳﺪﻱ ﻭﺧﺰﺭﺗﻨﻲ ﻭﺍﻟﺼﺪﻣﺔ ﺗﺰﻳﺪ ﺍﺗﺴﺎﻉ ﻋﻴﻮﻧﻬﺎ ، ﻛﻮﺓ ﺳﻴﻄﺮﺕ ﻋﻠﻰ ﻧﻔﺴﻲ ﻭﻣﺎﺿﺮﺑﺘﻬﺎ ، ﺩﻓﻌﺘﻬﺎ ﻭﻃﻠﻌﺖ ﻣﻦ ﺍﻟﻐﺮﻓﻪ ....
ﻇﻠﻴﺖ ﺍﺣﺎﻭﻝ ﺍﺑﺤﺚ ﻋﻦ ﺻﺎﺣﺐ ﺍﻟﺮﻗﻢ ﻭﺍﺗﺼﻠﺖ ﺑﺎﺻﺪﻗﺎﺋﻲ ، ﻃﻠﻌﺖ ﻣﻦ ﺍﻟﺒﻴﺖ ﻻﻥ ﺍﺫﺍ ﺍﺑﻘﻰ ﺍﺟﺮﻡ ﺑﻴﻬﺎ ﺷﻠﻮﻥ ﺻﻠﻔﻪ ﻭﺍﻛﻔﻪ ﻛﺪﺍﻣﻲ ﻭﺗﺪﺍﻓﻌﻠﻪ ﺳﻬﻠﺔ !!
***
ﻋﺒﻴﺮ : ﺧﺎﺑﺮﻧﻲ ﻗﺴﻮﺭ ﺳﺄﻟﻨﻲ ﻋﻨﺪﺝ ﺷﻲ ﻟﻮﻻ ﻫﺎﻻﻳﺎﻡ ﺟﺎﻭﺑﺘﻪ ﻻ ﺑﺲ ﺍﺳﺘﻐﺮﺑﺖ ﻟﻮﻳﺶ ﺩﺗﺴﺄﻝ ﺷﻜﻮ؟
_ ﻣﻮ ﺩﻭﺍﻣﻲ ﺻﺎﺭ ﺍﺳﺒﻮﻉ ﺏ١٤ ﻳﻮﻡ ﻋﻠﻤﻮﺩ ﺍﺫﺍ ﻣﺎﻋﻨﺪﺝ ﺷﻲ ﻧﻬﺎﻳﺔ ﻫﺎﻻﺳﺒﻮﻉ ﻧﺴﻮﻱ ﺣﻔﻠﺔ ﺍﻟﺨﻄﻮﺑﺔ ﻭﻧﻌﻘﺪ..بيج قصص عراقيه حقيقيه من واقعنا.روعه الطائي
_ ﻫﺎﺍ ﺑﺲ ﺍﻧﺖ ﻏﻴﺮ ﺍﻭﻝ ﺷﻲﺀ ﺗﺨﺎﺑﺮ ﺍﻫﻠﻲ ﻟﻴﺶ ﺩﺗﺨﺎﺑﺮﻧﻲ ﺍﻟﻴﻪ
_ ﻻ ﻳﺎﻋﻤﺮﻱ ﺍﻭﻝ ﺷﻲﺀ ﺍﻧﺘﻲ ﺣﺘﻰ ﺍﺫﺍ ﻋﻨﺪﺝ ﺭﻓﺾ ﺍﻭ ﺗﺄﺟﻴﻞ ﻣﺎﻳﺤﺘﺎﺝ ﺍﺑﻠﻐﻬﻢ ﻻﻥ ﺍﺫﺍ ﻭﺻﻞ ﺍﻟﺨﺒﺮ ﺍﻟﻬﻢ ﺑﻌﺪ ﺯﺣﻤﻪ ﺍﻛﻌﺪ ﺃﺍﺟﻞ ﻟﺬﻟﻚ ﺳﺄﻟﺘﺞ ﺑﺎﻻﻭﻝ
_ ﻻ ﻣﺎﻋﻨﺪﻱ .
_ ﻋﺒﻴﺮ ﺍﻧﻄﻴﺖ ﻻﻣﻲ ﻓﻠﻮﺱ ﺍﻟﺒﺪﻻﺕ ﻭﺍﻟﺬﻫﺐ ﺷﻨﻮ ﻳﻌﺠﺒﺞ ﺍﺧﺘﺎﺭﻱ ﻭﺷﻨﻮ ﺍﻟﻲ ﺑﻨﻔﺴﺞ ﻭﺍﺭﻳﺪﻩ ﻛﻠﻪ ﻣﻦ ﺍﻟﺰﻳﻦ ﺗﺮﻯ ﺩﺍﺍﺗﻌﺐ ﻋﻠﻤﻮﺩﺝ ﺍﻧﺘﻲ ﻭﺑﺲ ﺍﺑﺪ ﻟﺘﺒﺨﻠﻴﻦ ﻉ ﻧﻔﺴﺞ ﺧﻮﺵ ﺣﺒﻴﺒﺔ
_ ﻗﺴﻮﺭ ﺍﻧﻲ ﻣﺎﺍﺭﻳﺪ ﺍﺷﻴﺎﺀ ﺿﺨﻤﻪ ﻭﻣﺘﻬﻤﻨﻲ ﺍﻟﻤﻈﺎﻫﺮ ﺍﻧﻲ ﻣﻦ ﻭﺍﻓﻘﺖ ﻋﻠﻴﻚ ﻭﺍﻓﻘﺖ ﻻﻧﻚ ﺭﺟﻞ ﻭﺑﻴﻚ ﺻﻔﺎﺕ ﺗﺸﺒﻪ ﺑﺎﺑﺎ ﺍﻣﺎ ﺍﻟﺬﻫﺐ ﺍﻧﻲ ﺣﺸﺘﺮﻱ ﺑﺲ ﺣﻠﻘﻪ ﻭﻣﻦ ﺗﺠﻲ ﺍﻧﺖ ﻧﺸﺘﺮﻱ ﺍﻟﺒﺎﻗﻲ ﺍﻧﻲ ﻭﻳﺎﻙ ﻉ ﺫﻭﻗﻨﺎ
ﺿﺤﻚ ﻉ ﻛﻴﻒ : ﻫﺎ ﻳﻌﻨﻲ ﻭﺍﻓﻘﺘﻲ ﻋﻠﻴﻪ ﺑﺲ ﻻﻥ ﻋﻨﺪﻱ ﺻﻔﺎﺕ ﺍﺷﺒﻪ ﺍﺑﻮﺝ ﺑﺲ ﺍﻧﻲ ﺍﺣﻠﻰ ﻣﻦ ﺍﺑﻮﺝ ﺗﺮﻯ
_ ﻳﺎﺍﺍﺍ ﻣﻨﻴﻠﻚ ﻣﻮ ﺯﻳﻦ ﻗﺒﻠﺖ ﺑﻴﻚ ﻟﺘﻨﺴﻰ ﺭﻛﻀﺘﻚ ﺳﻨﺔ ﻭﻧﺺ ﻳﻼ ﻭﺍﻓﻘﺖ ﻋﻠﻴﻚ ﻫﻬﻬﻪ
_ ﺫﻟﻴﻨﻲ ﺑﻌﺪ ﺫﻟﻴﻨﻲ ﻭﻣﻦ ﻧﺘﺰﻭﺝ ﺳﻮﻟﻔﻴﻬﺎ ﻻﻃﻔﺎﻟﻨﺎ ﻟﺘﻨﺴﻴﻦ ﺍﺑﺪ
ﺿﺤﻜﺖ ..
_ ﻋﺒﻴﺮ ﺍﻣﻲ ﺗﺠﻲ ﻭﻳﺎﻛﻢ ﺗﺮﻯ ﻣﻦ ﺗﺄﺟﺮﻭﻥ ﺍﻟﺒﺪﻻﺕ
_ ﺍﻫﻮﻭﻭﻭﻭ ﺷﻌﺪﻫﺎ ﻗﺴﻮﺭ ﺍﻧﻲ ﻣﺎﺍﺣﺐ ﺃﻣﻚ ﻧﺴﻴﺖ ﺍﺧﺮ ﻣﺮﺓ ﺷﺴﻮﺕ ﺑﻴﻨﺎ ﺍﻣﻚ ﻛﻠﺶ ﻣﺘﻐﻴﺮﺓ ﻭﻳﺎﻧﻪ ﻭﺍﻟﺴﺒﺐ ﺍﺧﻮﻙ .
_ ﻣﻴﺨﺎﻟﻒ ﻟﺨﺎﻃﺮﻱ ﻭﺑﻌﺪﻳﻦ ﻫﺎﻱ ﺃﻣﻲ ﻋﺒﻴﺮ
ﻟﺘﻈﻠﻴﻦ ﻛﻞ ﻣﺎﺍﺧﺎﺑﺮﺝ ﺗﺤﺠﻴﻦ ﻋﻠﻴﻬﺎ ﺗﺮﻯ ﻣﺎﺍﻗﺒﻠﺞ ﺍﺑﺪ ﺧﻮﻭﻭﺵ
ﺣﺴﻴﺘﻪ ﻋﺼﺐ : ﻫﻲ ﻛﻞ ﻣﺘﺸﻮﻓﻨﻲ ﺗﻈﻞ ﺗﺸﻤﺮ ﺣﺠﻲ ﻋﺒﺎﻟﻚ ﻛﺎﻃﻌﻪ ﻟﻴﻠﺔ ﻋﺮﺳﻬﺎ ﻋﻠﻴﻬﺎ ﺫﺍﻙ ﺍﻟﻴﻮﻡ ﺗﻜﻮﻟﻲ ﻣﺪﺭﻱ ﺍﺷﺎﻑ ﺑﻴﺞ ﻭﺫﺑﺢ ﻧﻔﺴﻪ ﻋﻠﻴﺞ ﺃﻧﻲ ﻟﻮ ﻳﺮﺟﻌﻠﻲ ﺍﺯﻭﺟﻪ ﺑﻨﺖ ﺻﺪﻳﻘﺘﻲ ﺍﻧﺘﻲ ﺷﻜﻮ ﻭﺣﺠﺘﻬﺎ ﻛﺪﺍﻡ ﺍﻟﻜﻞ
ﻟﻮ ﺑﻌﺮﺱ ﺍﻳﻬﺎﺏ ﻣﻦ ﺭﺣﻨﺎ ﻟﺰﻣﺖ ﻣﺮﻳﻢ ﻭﻏﺴﻠﺘﻬﺎ ﻏﺴﻞ ﻛﺪﺍﻡ ﺍﻟﻮﻟﺪ ﻭﺍﻟﺒﻨﺎﺕ ﻭﻛﺪﺍﻡ ﻧﺴﻮﺍﻥ ﺍﻟﻌﺸﻴﺮﺓ ﺗﻜﻮﻟﻬﺎ ﺍﻧﺘﻲ ﻉ ﺷﻨﻮ ﺷﺎﻳﻔﻪ ﻧﻔﺴﺞ ﻣﻮ ﺯﻳﻦ ﺩﺍﺍﻧﻄﻴﺞ ﺍﻟﻜﺎﺩﻭﺩ ﻣﺎﻝ ﺑﻴﺘﻲ ﻛﻄﻨﻪ ﻭﻃﻠﻌﻴﻬﺎ ﻣﻦ ﺍﺫﻧﺞ ﺍﻧﻲ ﺍﺩﺧﻠﺞ ﻟﺒﻴﺘﻲ ﻭﻫﺎﻱ ﺍﺧﺘﺞ ﺍﻟﻤﺴﺘﺮﺟﻠﻪ ﻗﺴﻮﺭ ﻛﺴﺮ ﻛﻠﻤﺘﻲ ﻭﻛﺎﻝ ﻟﻮ ﻫﻲ ﻟﻮ ﻣﺎﺍﺧﺬ
ﺍﻧﺘﻪ ﺻﺪﻙ ﻛﺴﺮﺕ ﻛﻠﻤﺘﻬﺎ ﻗﺴﻮﺭ ؟ ﻟﻮ ﻫﻴﻪ ﺟﺎﻧﺖ ﺭﺍﻳﺪﺗﻨﻲ ﺍﺭﻳﺪ ﺍﻋﺮﻑ ﺷﻐﻴﺮﻫﺎ ؟
ﻛﺎﻝ ﻋﺒﻴﺮ ...
ﻗﺎﻃﻌﺘﻪ ؛ ﺑﻌﺪﻳﻦ ﺗﻌﺎﻝ ﺍﻛﻮﻟﻚ ﺍﺫﺍ ﺍﺧﻮﻙ ﻣﺤﻤﺪ ﺍﻟﺴﻜﻴﺮ ﻛﺎﺩﻭﺩ ﺍﻟﺒﻴﺖ ﺍﻧﺖ ﺷﻨﻮ ﻟﻌﺪ ﻓﺎﻧﻮﺱ ﻟﻮ ﺷﻤﻌﺔ ﺷﺤﻦ
_ ﺑﺲ ﻛﺎﻓﻲ ﺍﺳﻜﺘﻲ
_ ﺍﻭﻛﻲ ﺍﺳﻜﺖ ﺑﺲ ﺍﻣﻚ ﻛﻮﻟﻠﻬﺎ ﻟﺘﻈﻞ ﺗﺸﻤﺮ ﺣﺠﻲ ﻟﻮ ﻣﻮ ﻋﻤﺘﻲ ﺗﺮﻯ ﻣﺎﺍﺳﻜﺘﻠﻬﺎ ﻣﻮ ﺗﻤﺸﻲ ﻭﺗﺸﻤﺮ ﻗﻨﺎﺑﻞ ﻟﻮ ﺗﺼﻴﺢ ﺑﻨﺎﺕ ﺗﺤﺴﻴﻦ ﻣﺴﺘﻬﺘﺮﺍﺕ ﻭﺍﻟﻠﻪ ﺷﻨﻮ ﻻﻥ ﻣﺎ ﻻﺑﺴﺎﺕ ﺣﺠﺎﺏ ﺷﻌﻠﻴﻬﺎ ﺑﻴﻨﺎ ﻫﻲ ﺑﻤﻜﺎﻥ ﺍﻟﻠﻪ ﺧﻮﻣﺎ ﺑﻤﻜﺎﻧﻪ ﻛﻞ ﻟﺸﻪ ﺗﺘﻌﻠﻚ ﻣﻦ ﻛﺮﺍﻋﻬﺎ
_ ﺍﻛﻮﻟﺞ ﺗﺮﻯ ﺭﻭﺣﻲ ﻃﺎﻓﺮﺓ ﻭﺧﺎﺑﺮﺗﺞ ﻣﻮ ﺍﺟﻲ ﺍﺳﻤﻊ ﺍﻟﻤﻮﺷﺢ ﻫﺬﺍ ﺍﺧﺎﺑﺮ ﺍﻣﻲ ﻫﻢ ﺗﺴﻄﺮ ﺭﺃﺳﻲ ﺍﺟﻲ ﺍﺧﺎﺑﺮﺝ ﺗﺎﻛﻠﻴﻨﻲ ﺍﻛﻞ ﺍﺣﺴﻦ ﺷﻲ ﺍﻋﺰﻟﺞ ﺑﻴﺖ ﻭﺣﺪﺝ ﻭﺍﺧﻠﺺ ﻣﻦ ﻫﺎﻟﺪﻭﺧﻪ ﺑﺲ ﺍﺳﻜﺘﻲ ﻟﺨﺎﻃﺮ ﺭﺑﺞ
ﺳﻜﺘﺖ ﺣﺴﻴﺘﻪ ﻛﻮﻟﺶ ﺿﺎﺝ ﻻﻥ ﺣﺠﻴﺖ ﻉ ﺍﻣﻪ ﺻﺢ ﻫﻲ ﺣﻘﻴﺮﺓ ﻭﺗﻀﻮﺝ ﻣﻨﻪ ﺑﺲ ﺗﺒﻘﻰ ﺍﻣﻪ ..
ﺳﻤﻌﺘﻪ ﻛﺎﻝ ﻳﻼ ﺍﺭﻭﺡ ﺃﻧﻲ ﻭﺑﺎﺟﺮ ﺍﻟﺼﺒﺢ ﺗﺠﻴﻜﻢ ﺃﻣﻲ
_ ﺍﻭﻛﻲ
_ ﻣﺤﺘﺎﺟﻪ ﺷﻲﺀ
_ ﻻ
ﻋﺎﻁ ﺑﻴﻪ : ﺧﺮﺭﺭﺭﺭﺏ ﻳﻮﻣﺞ ﺧﺮﺭﺭﺭﺭﺏ ﻋﺸﻴﺮﺗﻲ ﺑﻴﻮﻡ ﺣﺒﻴﺘﺞ ﻟﺞ ﺍﻧﺘﻲ ﻏﻀﺐ ﺍﻧﺘﻘﺎﻡ ﻭﻧﺰﻝ ﻉ ﺭﺃﺳﻲ ﺍﻧﻲ ﻛﻠﺐ ﺃﺑﻦ ﻛﻠﺐ ﻣﻮ ﺷﻠﻌﺘﻲ ﮔﻠﺒﻲ ﻟﺠﺠﺠﺞ ﺍﻧﺘﻲ ﺷﻨﻮﻭﻭﻭ
_ ﺷﺒﻴﻚ ﺷﺴﻮﻳﺖ ﻛﻠﺘﻠﻲ ﺍﺳﻜﺘﻲ ﻟﺘﺤﺠﻴﻦ ﻉ ﺍﻣﻲ ﻭﺳﻜﺘﺖ ﺷﺘﺮﻳﺪ ﺑﻌﺪ
ﺳﺪ ﺍﻟﺨﻂ ﺑﻮﺟﻬﻲ ، ﻋﺼﺒﺖ ﻇﻠﻴﺖ ﺍﺩﺭﺩﻡ ﺩﺭﺭﻭﻭﻭﺡ ﻋﺸﺘﻮ ﻧﺰﻟﺖ ﺳﻮﻳﺘﻠﻲ ﻟﻔﺔ ﻭﻃﻠﻌﺖ ﻛﻌﺪﺕ ﺑﺎﻟﺤﺪﻳﻘﻪ ﺻﺎﺭﺕ ﺳﺎﻋﻪ ١١ ﻧﻌﺴﺖ ﺻﻌﺪﺕ ﺩﺍﺍﻧﺎﻡ ﻭﺍﺟﻴﺖ ﺍﻭﻗﺖ ﺍﻟﻤﻮﺑﺎﻳﻞ ﺷﻔﺖ ١٢ ﻣﻜﺎﻟﻤﻪ ﻣﻦ ﻗﺴﻮﺭ ﺗﻔﺎﺟﺄﺕ ﺷﺒﻲ ﻭﺷﻴﺮﻳﺪ ﺑﻌﺪ .. ﺑﻌﺪﻩ ﺍﻟﻔﻮﻥ ﺑﻴﺪﻱ ﻭﺍﻧﻲ ﺍﻓﻜﺮ ﺭﺟﻊ ﺍﺗﺼﻞ ﺑﻴﻪ
ﺍﻭﻝ ﻣﻔﺘﺤﺖ ﺧﻂ ﻛﺎﻝ : ﺍﺳﻒ ﺳﻴﺪﺓ ﻗﻠﺒﻲ ﻋﺼﺒﺖ ﻋﻠﻴﺞ ﺑﺲ ﻭﻏﻼﺗﺞ ﻋﻨﺪﻱ ﻣﻀﻐﻮﻁ ﻣﻦ ﻛﻮﻟﺸﻲ ﻭﺑﺲ ﺻﻮﺗﺞ ﻳﺮﻳﺤﻨﻲ
_ ﻋﺎﺩﻱ ﻣﺼﺎﺭ ﺷﻲ
ﺯﻓﺮ ﺣﺴﻴﺘﻪ ﻣﻬﻤﻮﻡ . ﻭﺟﻌﺘﻨﻲ ﻧﺒﺮﺓ ﺍﻟﻀﻴﻖ ﺑﺼﻮﺗﻪ ..
ﺑﺲ ﻣﺤﺒﻴﺖ ﺍﺳﺄﻟﻪ ﻳﻤﻜﻦ ﻛﺒﺮﻳﺎﺀ ﻣﻨﻲ ﺍﻭ ﻣﺎﺍﺣﺐ ﺍﺗﺪﺧﻞ ﺑﺨﺼﻮﺻﻴﺔ ﻏﻴﺮﻱ ﺍﻭ ﺍﺧﺎﻑ ﺍﺫﺍ ﺍﺳﺄﻟﻪ ﻭﻣﻴﺠﺎﻭﺑﻨﻲ ﻭﺍﻧﺤﺮﺝ ﻓﻔﻀﻠﺖ ﺍﻟﺴﻜﻮﺕ
ﻛﺎﻝ : ﺧﻮ ﻣﺎ ﺯﻋﻼﻧﻪ ﻣﻨﻲ
_ ﻻ ﺟﻨﺖ ﺿﺎﻳﺠﻪ ﻣﻦ ﻋﺼﺒﺖ ﻋﻠﻴﻪ ﺑﺲ ﻫﺴﻪ ﻋﺎﺩﻱ
_ ﻟﻌﺪ ﺍﺣﻨﻪ ﻻﺯﻡ ﻧﻔﺘﺮﻕ ﺍﺣﻨﻪ ﻣﺪ ﻭﺟﺰﺭ ﻫﺎﻱ ﺑﺎﺟﺮ ﻋﻜﺒﻪ ﺗﺼﻴﺮ ﻣﻜﺎﻓﺶ ﺑﻴﻨﺎﺗﻨﻪ ﻭﻣﺮﺍﺡ ﻧﻌﻴﺶ ﺑﺴﻌﺎﺩﺓ ﺍﻻﺣﺴﻦ ﻛﻠﻤﻦ ﻳﺸﻮﻑ ﻃﺮﻳﻘﻪ !!!!!
ﻳﺘﺒﻊ ....