ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٢٧
ﻧﻮﺭﺍ ﻧﺎﺻﺮ
ﺍﻟﻔﺎﺭﻕ ﺑﻴﻨﻨﺎَ ﺃﻧﻨﻲ ﺃﺣﺒﺒﺘُﻚ ﻛﻤﻌﺠﺰﺓ ﻭﺃﻧﺖ ﺃﺣﺒﺒﺘﻨﻲ ﻛﺸﻲﺀ ﻳﺤﺪﺙ ﻓﻲ ﺍﻟﻴّﻮﻡ ﻣﺎﺋﺔ ﻣﺮﺓ .
ﻓﺘﺤﺖ ﻋﻴﻮﻧﻲ ﺑﺼﺪﻣﺔ ، ﻣﺘﺴﺎﺋﻠﺔ ﺑﺪﺍﺧﻠﻲ ، ﺷﺒﻲ ﺻﻔﺎﺀ ﻫﻴﺞ ﻣﻌﺼﺐ ﻭﻳﻌﻴﻂ ﻣﻌﻘﻮﻟﺔ ﺍﻛﻮ ﺷﻲ ﻳﺨﺼﻨﻲ ؟
ﻗﺎﺑﻞ ﺷﻌﻨﺪﻱ ﻭﺷﻤﺴﻮﻳﻪ ، ﻣﺎﺍﺧﻠﻴﺖ ﻟﻠﻤﻮﺿﻮﻉ ﺍﻱ ﺍﻫﺘﻤﺎﻡ ﺍﺧﺬﺕ ﻣﻼﺑﺴﻲ ﺑﺪﻟﺖ ﺑﺎﻟﺤﻤﺎﻡ ﻭﻃﻠﻌﺖ .
ﻃﻠﻌﺖ ﺩﺧﻞ ﺻﻔﺎﺀ ﻟﻠﻐﺮﻓﻪ ﺑﺎﻭﻋﺘﻠﻪ ﺻﺎﻳﺮ ﺑﺮﻛﺎﻥ
ﻇﻞ ﻳﺮﻭﺡ ﻭﻳﺠﻲ ﻭﻳﺪﺭﺩﻡ !
ﺗﻮﺟﻪ ﻟﻠﺸﺒﺎﻙ ﺍﻛﻮ ﻣﻴﺰ ﻓﺮﻓﻮﺭﻱ ﻭﺣﺎﻃﻴﻦ ﻳﻤﻪ ﻛﺮﺍﺳﻲ ﺍﺛﻨﻴﻦ ، ﻣﺪ ﺍﺩﻱ ﺷﺎﻝ ﺍﻟﻤﻴﺰ ﺭﻛﻌﻪ ﺑﺎﻟﻜﺎﻉ ﻭﻃﺸﺮﻩ ﺍﻧﺼﺪﻣﺖ ﺑﻘﻴﺖ ﺍﺭﻣﺶ ﺑﻌﻴﻮﻧﻲ ﻭﻗﻠﺒﻲ ﺯﺍﺩﺕ ﻧﺒﻀﺎﺗﻪ ﺍﻟﺼﺪﻣﻪ ﺍﻟﻤﻴﺰ ﺛﻜﻴﻞ ﻣﺪﺭﻱ ﺷﻠﻮﻥ ﺷﺎﻟﻪ ﻭﺷﻨﻮ ﻣﻦ ﻗﻮﻭﺓ ﻋﻨﺪﻩ .
ﻣﺘﺖ ﺧﻮﻑ ﻣﻨﻪ ، ﻭﺍﻻﺿﺮﺏ ﺧﻔﺖ ﻻﻳﻠﻮﺣﻨﻲ ﻃﺸﺎﺭ ﻣﻦ ﻫﺎﻟﻌﺼﺒﻴﺔ ﻭﺑﺮﻛﺎﻥ ﺍﻟﻐﻀﺐ ﺍﻟﻲ ﺛﺎﺭ ﺑﻠﺤﻈﺔ ﻭﺑﺪﻭﻥ ﺳﺎﺑﻖ ﺍﻧﺬﺍﺭ ﻭﺍﺳﺒﺎﺏ ﻣﺠﻬﻮﻟﺔ ﺑﺎﻟﻨﺴﺒﺔ ﺍﻟﻲ ، ﺭﺣﺖ ﻭﺍﻧﻲ ﺍﺭﺟﻒ ﺑﺨﻄﻮﺗﻴﻦ ﻭﻛﻔﺖ ﻳﻢ ﺯﺍﻭﻳﺔ ﺍﻟﻜﻨﺘﻮﺭ ﺻﺮﺕ ﺑﻴﻦ ﺍﻟﻜﻨﺘﻮﺭ ﻭﺑﺎﺏ ﺍﻟﺒﺎﻟﻜﻮﻧﻪ ﺧﺘﻠﺖ ﺑﺤﻴﺚ ﻣﻴﺸﻮﻓﻨﻲ ..
ﺭﺍﺡ ﻟﻠﻤﻴﺰ ﻓﺘﺢ ﺍﻟﺠﺮﺍﺭﺓ ﺑﻘﻮﻭﺓ ﺑﺤﻴﺚ ﻭﺻﻠﺖ ﻟﻼﺧﻴﺮ ﻭﺍﺟﺖ ﺗﻮﻛﻊ ، ﻃﻠﻊ ﺑﺎﻛﻴﺖ ﺟﻜﺎﻳﺮ ، ﻧﺎﻃﻴﻨﻲ ﻇﻬﺮﻩ ، ﺳﻤﻌﺖ ﺻﻮﺕ ﺟﺪﺣﺔ ﺍﻟﺠﺪﺍﺣﺔ ﻭﺍﻟﺪﺧﺎﻥ ﺍﻻﺯﺭﻙ ﺍﻟﻲ ﺍﻧﺘﺸﺮ ﺑﺴﺮﻋﺔ ﻭﺭﻳﺤﺔ ﺍﻟﺪﺧﺎﻥ ، ﻋﺮﻓﺖ ﻇﻞ ﻳﺪﺧﻦ ..
ﺍﻧﺪﺍﺭ ﻳﺠﺮ ﻧﻔﺲ ﺑﻌﺼﺒﻴﻪ ﻭ ﻣﻦ ﻛﺪ ﻣﺎﻣﻌﺼﺐ ﻟﺰﻡ ﺍﻟﺠﻜﺎﺭﺓ ﻭﻫﻲ ﻣﺸﻌﻮﻟﻪ ﻭﺟﻌﺼﻬﺎ ﺑﻴﺪﻩ ..
ﺑﻼ ﻭﻋﻲ ﻭﺑﺪﻭﻥ ﺍﻱ ﺧﻮﻑ ﻣﻦ ﻫﺎﻱ ﺍﻟﻌﺼﺒﻴﻪ ﺭﺣﺖ ﺍﺭﻛﺾ ﻋﻠﻴﻪ ﻟﺰﻣﺖ ﺃﻳﺪﻩ ﻣﺎﻳﻬﻮﻥ ﻋﻠﻴﻪ ﻳﺄﺫﻱ ﻧﻔﺴﻪ ..
ﺣﺴﻴﺖ ﺍﻻﻟﻢ ﺑﻴﻪ ﻗﺒﻞ ﻻ ﻳﺼﻴﺮ ﺑﻲ .
_ ﺻﻔﺎﺀ ﻫﺎﻱ ﺷﺴﻮﻳﺖ ﺃﻳﺪﻙ ﺷﻠﻮﻥ ﻫﻴﺞ ﺗﺴﻮﻭﻭﻭﻭﻱ ﺍﻧﺖَ؟
ﺑﺎﻭﻋﻠﻲ ﻭﺳﻊ ﻋﻴﻮﻧﻪ ﻣﺘﻔﺎﺟﺄ ﺍﻟﻈﺎﻫﺮ ﻣﺠﺎﻥ ﻳﻌﺮﻑ ﺍﻧﻲ ﻣﻮﺟﻮﺩﺓ ﺑﺎﻟﻐﺮﻓﺔ .. ﻋﻴﻮﻧﻪ ﺣﻤﺮﺭﺓ ﻣﻦ ﺍﻟﻌﺼﺒﻴﺔ ﻭﺣﻮﺍﺟﺒﻪ ﻣﺨﻨﺰﺭﻫﻢ ﺑﺲ ﺷﺎﻓﻨﻲ ﺍﺧﺘﻔﺖ ﻣﻼﻣﺢ ﺍﻟﻌﺼﺒﻴﻪ ﻣﻦ ﻋﻴﻮﻧﻪ ﻭﺻﺎﺭ ﻣﺘﻔﺎﺟﺊ .. ﺗﺄﻛﺪﺕ ﺍﻧﻮ ﺍﻟﻤﻮﺿﻮﻉ ﺍﻟﻲ ﻣﻌﺼﺐ ﻋﻠﻴﻪ ﻣﻮ ﺍﻧﻲ ﺳﺒﺒﻪ ..
_ ﺃﻧﺘﻲ ﺃﻧﺘﻲ ﻣﻦ ﺷﻮﻛﺖ ﻫﻨﺎ ؟
ﻳﺤﺎﺟﻴﻨﻲ ﻭ ﺻﻮﺗﻪ ﻣﺒﺤﻮﺡ ﻣﻦ ﻛﺪ ﺍﻟﺼﻴﺎﺡ
ﺟﺎﻭﺑﺘﻪ ﺑﻬﺪﻭﺀ : ﺍﻧﻲ ﺟﻨﺖ ﻣﻮﺟﻮﺩﺓ ﻣﻦ ﺍﻟﺒﺪﺍﻳﻪ ﺑﺲ ﺍﻧﺖ ﻣﻤﻨﺘﺒﻪ ﻋﻠﻴﻪ ..
ﺗﺠﺎﻫﻠﻨﻲ ﻭ ﺑﺴﺮﻋﻪ ﺑﺎﻭﻉ ﻉ ﺍﻟﻤﻴﺰ ﺍﻟﻲ ﻛﺴﺮﻩ ﻏﻤﺾ ﻋﻴﻮﻧﻪ ﻭﺣﻚ ﻛﺼﺘﻪ ﻭﻇﻞ ﻳﺴﺘﻐﻔﺮ ﺑﻬﺪﻭﺀ ..
ﺑﻌﺪ ﺛﻮﺍﻧﻲ ﺟﺮ ﻧﻔﺲ ﻭ ﺧﻠﻪ ﺍﻳﺪﻩ ﻋﻠﻰ ﻇﻬﺮﻱ ﻭﺿﻐﻂ ﻋﻠﻴﻪ ﻳﺪﻓﻌﻨﻲ ﺑﺨﻔﻪ ﻭﻇﻞ ﻳﺤﺠﻲ ﺑﺮﺟﺎﺀ : ﺯﻫﺮﺍﺀ ﺍﻃﻠﻌﻲ ﺑﺮﺍ ﺍﻟﻐﺮﻓﻪ ﺍﺗﺮﻛﻴﻨﻲ ﺍﺭﻳﺪ ﺍﺑﻘﻰ ﻭﺣﺪﻱ ﺷﻮﻳﻪ ﺍﺟﺮ ﻧﻔﺲ ﻭﺭﺗﺎﺡ ﻭﺑﻌﺪﻳﻦ ﺍﻧﻲ ﺍﺻﻴﺤﻠﺞ .
ﻳﺤﺠﻲ ﻭﻳﺎﻳﻪ ﺑﻬﺪﻭﺀ ﺭﻏﻢ ﻋﺼﺒﻴﺘﻪ ﻭﺍﻳﺪﻩ ﺍﻟﺘﺮﺟﻒ ..
ﻫﻤﺴﺖ : ﺍﻱ ﻫﺴﻪ ﺍﻃﻠﻊ ﺍﺫﺍ ﻳﺮﻳﺤﻚ ﻫﺎﻟﺸﻲ ﺍﻃﻠﻊ ﻟﻴﺶ ﻻ ، ﺑﺲ ﻓﺪﻭﺓ ﺍﻳﺪﻙ ﺧﻠﻲ ﺍﺩﺍﻭﻳﻬﺎ ﻭﺍﻃﻠﻊ ﻭﺍﻟﻠﻪ ﻣﺎﺍﺑﻘﻰ ﺑﺎﻟﻐﺮﻓﻪ .
_ ﺯﻫﺮﺍﺀ ﺭﻭﺣﻲ ﺭﺟﺎﺀً ، ﺍﻧﻲ ﺍﻋﻘﻤﻬﺎ ﻫﺴﻪ ﻣﺎﺑﻴﻬﺎ ﺷﻲ ﺍﻧﺘﻲ ﺑﺲ ﻓﺪﻭﺓ ﺍﻃﻠﻌﻲ ﻻ ﺃﺍﺫﻳﺞ ﺍﻧﻲ ﻣﻦ ﺍﻋﺼﺐ ﺍﻓﻘﺪ ﻣﺎﺭﻳﺪ ﺍﺫﻳﺞ ﻋﻔﻴﻪ
ﻟﺰﻣﻨﻲ ﻣﻦ ﺍﻳﺪﻱ ﻭﻛﻮﻣﻨﻲ ﻣﻦ ﻳﻤﻪ ﻭﻇﻞ ﻳﻮﺟﻬﻨﻲ ﺑﺎﺗﺠﺎﻩ ﺍﻟﺒﺎﺏ ، ﻣﺸﻴﺖ ﻭﺗﺮﻛﺘﻪ ﻣﺠﺒﻮﺭﺓ ، ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺑﺲ ﺍﻓﻜﺮ ﺑﻲ ، ﻋﻠﻰ ﺷﻨﻮ ﻋﺼﺐ ﺑﻌﺪ ؟ ﻣﻌﻘﻮﻟﺔ ﻣﻨﻲ ﻻﻥ ﺭﺣﺖ ﻻﻫﻠﻲ ﺑﻼ ﻣﺎ ﺍﻛﻮﻟﻪ؟ ﻟﻮ ﺧﺎﻑ ﺗﻌﺎﺭﻙ ﻭﻳﻪ ﻋﻤﻪ ﻻﻥ ﺳﻤﺤﺘﻠﻲ ﺍﻃﻠﻊ ﺑﺪﻭﻥ ﻋﻠﻤﻪ ﻣﻌﻘﻮﻟﺔ ﻫﻴﺞ ؟ ﻫﺎﻱ ﺷﻮﻥ ﻓﺎﺗﺘﻨﻲ ﻭﻧﺴﻴﺖ ﺍﻟﻤﻮﺿﻮﻉ ﺍﺻﻼ !!
ﻧﺰﻟﺖ ﻛﻢ ﺑﺎﻳﻪ ، ﺳﻤﻌﺖ ﺻﻮﺗﻪ ﺍﺟﺎﻧﻲ ﻣﻦ ﺍﻟﻐﺮﻓﺔ
ﺻﺎﺡ ﺯﻫﺮﺍﺀ ﺩﺭﺕ ﻭﺭﺣﺖ ﺍﻟﻪ ﺍﺭﻛﺾ ..
ﺭﺟﻌﺖ ﻟﻠﻐﺮﻓﻪ ﻭﻓﺘﺖ ﻭﺍﻧﻲ ﺍﻧﻔﺎﺳﻲ ﻣﺘﺴﺎﺭﻋﺔ ﺣﺠﻴﺖ ﺑﺘﻌﺐ : ﻫﺎ ﺻﻔﺎﺀ ﺻﺤﺘﻨﻲ ..
_ ﺑﺎﻭﻋﻠﻲ ﺷﺒﻴﺞ ؟ ﻟﻴﺶ ﻫﻴﺞ ﺗﺘﻨﻔﺴﻴﻦ ﺑﺴﺮﻋﺔ ﺻﺎﺭ ﺷﻲ ﺟﻮﻩ؟
_ ﻣﺎﺑﻴﻪ ﺷﻲ ﺑﺲ ﻻﻥ ﺻﺤﺘﻠﻲ ﺟﻴﺖ ﺍﺭﻛﺾ .. ﺷﻨﻮ ﺍﻟﻲ ﻳﺼﻴﺮ ﺟﻮﻩ ﻫﻮ ﺍﺻﻼ ﺷﻜﻮ
_ ﺍﻧﺴﻲ ﺍﻟﻤﻮﺿﻮﻉ ﻭ ﺗﻌﺎﻟﻲ ﺷﻮﻳﻪ ﺃﻛﻌﺪﻱ ﻳﻤﻲ ﻣﺤﺘﺎﺟﺞ ...
ﺭﺣﺖ ﻳﻤﻪ ﺟﺎﻥ ﻭﺍﻛﻒ ﻳﻢ ﺍﻟﻤﻴﺰ ﻭ ﻇﻞ ﻳﻌﺎﻟﺞ ﺑﺄﺩﻳﻪ ﺍﻧﻲ ﺟﻨﺖ ﻣﺮﻛﺰﻩ ﻛﻞ ﺍﻧﺘﺒﺎﻫﻲ ﻋﻠﻴﻪ ﺷﻠﻮﻥ ﺩﻳﻌﺎﻟﺞ ﺑﺄﻳﺪﻩ ﺑﻘﻴﺖ ﺑﺲ ﻭﺍﻛﻔﻪ ﻭﺳﺎﻛﺘﻪ ، ﻛﻤﻞ ﺿﻤﺎﺩﻩ ﺭﻓﻊ ﺭﺃﺳﻪ ﺍﺑﺘﺴﻤﻠﻲ ..
ﺍﺑﺘﺴﻤﺖ ﻭﺩﺭﺕ ﻭﺟﻬﻲ ﻣﺎﺍﺑﺎﻭﻋﻠﻪ ، ﻭﺩﻧﻜﺖ ، ﺍﺟﺎﻧﻲ ﺻﻮﺗﻪ
ﻳﻬﻤﺲ : ﺷﻮ ﺭﻓﻌﻲ ﺭﺃﺳﺞ ﺑﺎﻋﻴﻠﻲ ﺯﻫﺮﺍﺀ !
ﺭﻓﻌﺖ ﺭﺃﺳﻲ ، ﺑﺎﻭﻋﺖ ﺑﻌﻴﻮﻧﻪ ، ﻇﻞ ﺻﺎﻓﻦ ﺑﻮﺟﻬﻲ
ﺧﺠﻠﺖ ﻣﻦ ﻧﻈﺮﺍﺗﻪ ، ﺗﻮﺗﺮﺕ ﻭﻇﻠﺖ ﺍﺭﻣﺶ ﻭﺍﻧﻬﺰﻡ ﻣﻦ ﻧﻈﺮﺍﺗﻪ ، ﻓﺮﻙ ﻭﺟﻬﻪ ﻭﻛﺎﻝ .. : ﺍﺣﻤﻤﻤﻢ ﺯﻫﻮﺭﻩ ﺍﺫﺍ ﻧﺰﻟﺘﻲ ﻣﻌﻠﻴﺞ ﺑﻬﺎﻱ ﺍﻟﺠﻠﺒﻪ ﺷﻨﻮ ﺗﺤﺠﻲ ﺃﻧﻲ ﻫﻨﺎ ﻣﻮﺟﻮﺩ ﺗﻌﺎﻟﻲ ﺍﺣﺠﻴﻠﻲ ﺃﺑﺪ ﻣﺎﺍﺭﻳﺪﺝ ﺗﺘﻼﺳﻨﻴﻦ ﻭﻳﺎﻫﺎ ﺗﻤﺎﻡ؟
ﺗﻔﺎﺟﺌﺖ : ﻟﻴﺶ ﻣﻨﻮ ﻣﻮﺟﻮﺩ ﻳﻤﻨﺎ ﻫﻨﺎ ؟
ﺍﺑﺘﺴﻢ ﻭﻛﺎﻝ ﺍﻟﻌﻠﺔ ﻣﺎﻟﺘﻨﺎ
_ ﻋﻠﺔ؟ﻣﻨﻮ ﻫﺎﻱ ؟
_ ﻫﺴﻪ ﻣﻦ ﺗﻨﺰﻟﻴﻦ ﺗﻌﺮﻓﻴﻦ ﻣﻨﻮ ﺍﻗﺼﺪ ﻭﻣﺜﻞ ﻣﻮﺻﻴﺘﺞ ﻣﺎﺭﻳﺪ ﻣﺸﺎﻛﻞ ﺑﺲ ﺗﻀﻮﺟﺞ ﺑﺸﻲ ﺻﻌﺪﻱ ﻫﻨﺎ .
ﺑﻘﻴﺖ ﺻﺎﻓﻨﻪ ﺍﺷﻮ ﺟﻨﻪ ﻳﺤﺠﻲ ﺍﻟﻐﺎﺯ .. ﺭﺍﺡ ﻭﺗﻤﺪﺩ ﻉ ﺍﻟﺠﺮﺑﺎﻳﻪ ﻭﺣﻂ ﺃﻳﺪﻩ ﻓﻮﻙ ﻋﻴﻮﻧﻪ ..
ﺍﺭﻳﺪ ﺍﻃﻠﻊ ﺳﻤﻌﺘﻪ ﻛﺎﻝ
_ ﺍﺣﻤﻤﻤﻢ ﻭﻳﺎﺝ ﻋﻮﺩ ﻃﻔﻲ ﺍﻟﻀﻮﺀ ﻗﺒﻞ ﻟﺘﻄﻠﻌﻴﻦ .
ﺑﺎﻭﻋﺘﻠﻪ ﻟﺤﻈﺔ ﺗﺮﻛﺘﻪ ﻭﺩﺭﺕ ، ﻃﻔﻴﺖ ﺍﻟﻀﻮﺓ ﻭﻃﻠﻌﺖ ﻧﺰﻟﺖ ﺻﺎﺭﺕ ﺑﻮﺟﻬﻲ ﺭﺷﺎ !!!
ﺍﻧﺼﺪﻣﺖ ﺑﻴﻬﺎ ﻭﻇﻠﻴﺖ ﺍﺭﺑﻂ ﺍﻟﻜﻼﻡ ﺍﻟﻲ ﻛﺎﻟﻪ ﺻﻔﺎﺀ ﻗﺒﻞ ﺷﻮﻳﻪ ، ﻓﻜﺮﺕ ﻟﺤﻈﺎﺕ ﻫﻴﻪ ﻭﺍﺧﻮﻫﺎ ﻣﺘﻌﺎﺭﻛﻴﻦ ﺍﻧﻲ ﻣﺪﺧﻠﻨﻲ ﺧﻠﻲ ﺍﺳﻠﻢ ﻋﻠﻴﻬﺎ .
ﺭﺣﺖ ﺩﺍﺍﺳﻠﻢ ﻋﻠﻴﻬﺎ ﺧﻠﺖ ﺍﻳﺪﻫﺎ ﻋﻠﻰ ﻛﺘﻔﻲ ﻭﺩﻓﻌﺘﻨﻲ ﺑﻘﻮﻭﺓ ﺭﺟﻌﺘﻨﻲ ﺧﻄﻮﺗﻴﻦ ﻟﻠﺨﻠﻒ ..
ﺻﺎﺣﺖ ﺑﻴﻪ ﺑﻌﺼﺒﻴﻪ : ﻭﻟﻲ ﺍﺩﺑﺴﺰ ﺑﻨﺖ ﺃﻡ ﺍﻟﺴﺤﻮﺭﺓ ﺷﻮﻭﻥ ﻋﻴﻦ ﺻﻠﻔﺔ .. ﻭﻟﻲ ﻣﻦ ﻳﻤﻲ ﻳﻠﻪ ﻻ ﺍﺭﻳﺪﺝ ﻭﻻ ﺍﺭﻳﺪ ﺳﻼﻣﺞ .
ﺍﻧﺼﺪﻣﺖ ﺑﻜﻼﻣﻬﺎ ﻭﺗﺼﺮﻓﻬﺎ ، ﺑﺎﻭﻋﺖ ﻟﻌﻤﺘﻲ ﺟﺎﻧﺖ ﻛﺎﻋﺪﻩ ﻳﻤﻬﺎ ﻣﺤﺠﺖ ﺷﻲ ، ﺑﺎﻭﻋﺘﻠﻬﺎ ﺑﻘﻬﺮ ﻭﺟﺴﻤﻲ ﻇﻞ ﻳﺮﺟﻒ ﺍﺷﺮﺗﻠﻲ ﺑﻴﺪﻫﺎ ﺑﻤﻌﻨﻰ ﺭﻭﺣﻲ ﻭﻧﻈﺮﺍﺗﻬﺎ ﺗﺘﻮﺳﻞ
ﻭﻫﺰﺕ ﺭﺍﺳﻬﺎ ﺑﺮﺟﺎﺀ .
ﺑﺮﻃﻤﺖ ﺷﻔﺎﻳﻔﻲ ﻭﺍﻧﻔﺠﺮﺕ ﺍﻟﺪﻣﻮﻉ ﺑﻌﻴﻮﻧﻲ ، ﻭﺩﺍﺧﻠﻲ ﻳﺼﺮﺥ ﻭﻳﻦ ﺍﻭﻟﻲ ﺫﺍﻙ ﻃﻠﻌﻨﻲ ﻣﻦ ﺍﻟﻐﺮﻓﻪ
ﻭﻫﺎﻱ ﺗﻜﻮﻟﻲ ﺭﻭﺣﻲ ، ﺑﺎﻭﻋﺖ ﻟﻠﺒﺎﺏ ﺗﻤﻨﻴﺖ ﺍﻓﺘﺢ ﺍﻟﺒﺎﺏ ﻭﺍﻫﺞ ﻣﻦ ﺍﻟﺒﻴﺖ ﻭﺍﺭﻭﺡ ﻻﻫﻠﻲ ..
ﺑﺲ ﻟﻴﺶ ﺍﺧﻠﻲ ﺭﺷﺎ ﺗﺘﺸﻤﺖ ﺑﻴﻪ ﻭﺑﺼﻔﺎﺀ ﻭﺍﻛﺒﺮ ﺍﻟﻤﺸﻜﻠﺔ ﺍﺭﻭﺡ ﺍﺻﻌﺪ ﻟﻠﻐﺮﻓﻪ ﻭﺑﺲ ﻳﺤﺠﻲ ﺻﻔﺎﺀ ﺍﻋﻴﻂ ﺑﻲ ﻭﺍﻟﻠﻪ ﻭﺍﻃﻠﻊ ﺿﻴﻢ ﻗﻬﺮﻱ ﻭﻋﺬﺍﺑﻲ ﻛﻠﻪ ﺑﻲ .
ﺭﻛﻀﺖ ﻉ ﺍﻟﺪﺭﺝ ﺻﻌﺪﺕ ﻓﺘﺤﺖ ﺍﻟﺒﺎﺏ ﺑﻌﺼﺒﻴﻪ ﻭﻫﺎﻟﺸﻲ ﺳﻮﺍ ﺻﻮﺕ ﻗﻮﻱ ، ﻭﺍﻧﻲ ﺍﺗﻨﻔﺲ ﺑﺼﻌﻮﺑﻪ ﻭﺗﻌﺐ .
ﻓﺰ ﺻﻔﺎﺀ ﻣﻦ ﻧﻮﻣﻪ ﻭﺧﺮ ﺍﻳﺪﻩ ﻣﻦ ﻋﻠﻰ ﻭﺟﻬﻪ ﺭﻓﻊ ﺭﺍﺳﻪ ﻳﺒﺎﻭﻋﻠﻲ ﺑﺼﻤﺖ ﻣﺘﻔﺎﺟﺊ ، ﻛﻮﺭﺓ ﻗﺒﻀﺔ ﺍﻳﺪﻱ ﻭﺍﻧﻲ ﺍﺑﺎﻭﻉ ﻋﻠﻴﻪ ﺑﻌﺼﺒﻴﻪ ، ﺭﺣﺖ ﻳﻢ ﺍﻟﺴﺮﻳﺮ .
ﺣﺠﻴﺖ ﻣﻦ ﻭﺭﺍ ﺧﺸﻤﻲ ﻭﺑﻨﺘﺮ ﻭﺍﺷﺮﻟﻪ ﺑﻴﺪﻱ : ﻛﻮﻡ ﻧﺎﻡ ﺑﺎﻟﻜﺎﻉ ﺍﻧﻲ ﺩﺍﺍﺭﻳﺪ ﺍﻧﺎﻡ ﻉ ﺍﻟﺠﺮﺑﺎﻳﻪ ﻳﻼ ﺿﺠﺖ ..
ﻣﺤﺠﻪ ﺷﻲ ﻛﺎﻡ ﻃﻠﻊ ﻓﺮﺍﺵ ﺍﻟﻪ ﻭﺗﻤﺪﺩ ﻋﻠﻴﻪ
ﻭﺍﻧﻲ ﻧﻤﺖ ﺑﻤﻜﺎﻧﻪ ﻭﻏﻄﻴﺖ ﺣﺘﻰ ﺭﺃﺳﻲ ﻇﻞ ﻛﻼﻡ ﺭﺷﺎ ﺑﺒﺎﻟﻲ ، ﻛﻤﺖ ﺍﺑﺠﻲ ﻫﻲ ﺷﻨﻮ ﻫﺎﻱ ﻭﺗﻐﻠﻂ ﻉ ﻣﺎﻣﺎ؟
ﺗﺮﻭﺡ ﻓﺪﻭﺓ ﻟﻨﻌﺎﻝ ﺃﻣﻲ ...
ﻟﻠﻴﻮﻡ ﻣﺴﻤﻌﻨﺎ ﺻﻮﺗﻬﺎ ﻣﺮﻳﻪ ﺻﺎﻳﻤﻪ ﻣﺼﻠﻴﺔ ﻭﺑﺎﺭﺓ ﺑﺰﻭﺟﻬﺎ ﻭﺭﺑﺘﻨﺎ ﺃﺣﺴﻦ ﺗﺮﺑﻴﻪ ..
ﻣﺎﺗﺤﻤﻠﺖ ﺍﻛﺘﻢ ﺷﻬﻜﺎﺗﻲ ، ﻛﻤﺖ ﺍﺷﻬﻚ ﻭﺍﺑﺠﻲ ﺑﺼﻮﺕ ﻋﺎﻟﻲ ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ، ﻣﺎﺍﺣﺲ ﺍﻻ ﺍﻟﻐﻄﺎﺀ ﺍﻧﺸﺎﻝ ﻣﻨﻲ ﻭﺻﻔﺎﺀ ﻳﺒﺎﻭﻋﻠﻲ ﻣﺼﺪﻭﻡ ..
ﻭﻇﻞ ﻳﺤﺠﻲ ﻭﻳﺎﻱ ﻣﺴﺘﻐﺮﺏ : ﺷﺒﻴﺞ ﺯﻫﺮﺍﺀ ﻣﻨﻮ ﻭﻳﺎﺝ ﺍﺣﺠﻲ ؟ﻣﻦ ﻧﺰﻟﺘﻲ ﺟﻮﻩ ﺣﺎﺟﺘﺞ ﻫﺎﻱ ﺍﻟﻨﺬﻟﺔ ؟
ﻛﻤﺖ ﻋﻴﻄﺖ ﺑﻮﺟﻬﻪ : ﻣﻌﻠﻴﻚ ﺍﻧﺖ ﺍﺫﺍ ﺗﺴﺄﻝ ﻣﻨﻮ ﻭﻳﺎﻳﻪ ﻓﺄﻧﺖ ﺍﻭﻝ ﻭﺍﺣﺪ ﺍﺫﻳﺘﻨﻲ ﻟﺘﺪﺧﻞ ﺑﻴﻪ ﺃﺑﺒﺒﺒﺒﺪ ﺍﻓﺘﻬﻤﺖ ﻟﻮ ﺍﻋﻴﺪ؟
_ ﺯﻳﻦ ﺗﻤﺎﻡ ﺑﺲ ﺍﻫﺪﺋﻲ ﻭﻛﻮﻟﻴﻠﻲ ﻟﻴﺶ ﻫﻴﺞ ﺗﺒﺠﻴﻦ
ﻣﻦ ﻧﺰﻟﺘﻲ ﻣﺎﻛﻮ ﺷﻲ ﺷﺒﻴﺞ ﻫﺴﻪ ﺭﺷﺎ ﺣﺎﺟﺘﺞ ﻣﻮ ﺍﻛﻴﺪ ﻫﻴﻪ ؟
ﺳﻜﺘﺖ ﺑﺲ ﻇﻠﺖ ﺷﻬﻜﺎﺗﻲ ﻋﺎﻟﻴﺔ ﻭﺩﻣﻮﻋﻲ ﻋﻠﻰ ﺧﺪﻱ ..
ﺟﺮ ﻧﻔﺲ ﻭﻛﻌﺪ ﻳﻤﻲ ، ﺍﺧﺬ ﻛﻒ ﺍﻳﺪﻱ ﻭﺧﻼﻩ ﺑﻴﻦ ﻛﻔﻮﻑ ﺍﻳﺪﻩ ، ﺳﺤﺒﺘﻬﺎ ﻣﻨﻪ ﺑﻌﺼﺒﻴﻪ ﻭﻋﻴﻄﺖ : ﻟﺘﻠﺰﻣﻨﻲ ..
ﻛﺎﻡ ﻭﻛﻒ ﻋﻠﻰ ﺣﻴﻠﻪ ﻣﻌﺼﺐ ﺭﻓﻊ ﺍﻳﺪﻩ ﺑﺘﻬﺪﻳﺪ
ﺗﺤﺠﻴﻦ ﻻﺍﺍﺍ ﺷﻠﻮﻭﻭﻥ ؟
ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﺑﻮﺟﻬﻪ : ﺍﺧﺘﻚ ﺍﻟﺤﻘﻴﺮﺓ ﺗﻜﻮﻝ ﻉ ﻣﺎﻣﺎ ﺍﻡ ﺍﻟﺴﺤﻮﺭﺓ .. ﺣﺠﻴﺘﻬﺎ ﻭﺯﺩﺕ ﺑﺎﻟﺒﺠﻲ ..
ﻛﻮﺭ ﻗﺒﻀﺔ ﺍﻳﺪﻩ ﻭﺿﺮﺑﻬﺎ ﺑﺮﺍﺣﺔ ﺍﻳﺪﻩ ﺍﻟﻠﺦ .. ﻭﻋﺾ ﺷﻔﺘﻪ ﺑﻐﻀﺐ ..
ﺭﺍﺡ ﺻﻮﺏ ﺍﻟﺒﺎﺏ ﻓﺘﺤﻬﺎ ﺑﻜﻞ ﻗﻮﺓ ﻭﻧﺰﻝ ﺟﻮﻩ ..
ﺧﻠﻴﺖ ﺍﻳﺪﻳﻪ ﻋﻠﻰ ﻭﺟﻬﻲ ﻭﺍﺳﻤﻊ ﺻﻮﺗﻬﻢ ﻋﺎﻟﻲ ....
ﺻﻔﺎﺀ : ﺑﻌﺪ ﻣﺎﺳﻤﻌﺖ ﻣﻦ ﺯﻫﺮﺍﺀ ﻧﺰﻟﺖ ﺟﻮﻩ ﺍﻋﺼﺎﺑﻲ ﻧﺎﺭ
ﺍﺫﺍ ﻛﺪﺍﻣﻲ ﺭﺷﺎ ﻳﻤﻜﻦ ﺍﺷﺮﺏ ﻣﻦ ﺩﻣﻬﺎ ، ﻭﻛﻔﺖ ﺑﻨﺺ ﺍﻟﺪﺭﺝ ﻟﺰﻣﺖ ﺍﻟﺤﺪﻳﺪ ﻗﻮﻱ ، ﺟﺮﻳﺖ ﻧﻔﺲ ﺧﻔﺖ ﻻ ﻣﺎﻟﻠﺰﻡ ﺍﻋﺼﺎﺑﻲ ﻭﺍﺟﺮﻡ ﺑﻴﻬﺎ ..
ﻭﺍﻋﺮﻓﻬﺎ ﺍﺧﻼﻗﻬﺎ ﺯﺑﺎﻟﺔ ﻭﻣﻌﺒﺎﻟﻚ ﺍﺧﺘﻨﺎ ﻭﺗﺤﺐ ﺍﻟﻌﺮﻛﺎﺕ ﻭﺍﻟﻤﺸﺎﻛﻞ ﻭﺍﻟﻘﻴﻞ ﻭﺍﻟﻘﺎﻝ ..
ﻭﻗﺒﻞ ﻓﺘﺮﺓ ﺣﺎﻭﻟﺖ ﺗﺸﻮﻩ ﺻﻮﺭﺓ ﺯﻫﺮﺍﺀ ﺑﻄﺮﻳﻘﺔ ﺑﺸﻌﻪ ﻭﺑﻤﺴﺎﻋﺪﺓ ﺍﺳﺮﺍﺀ ﻟﻼﺳﻒ ..
ﻗﺒﻞ ﺍﻳﺎﻡ ﺧﺎﺑﺮﻧﻲ ﺻﺎﺣﺒﻲ ﻭﻛﻠﻲ ﺍﻛﻮ ﻭﺣﺪﺓ ﺧﺎﺑﺮﺗﻨﻲ ﻭﺗﻜﻮﻝ ﻫﻴﻪ ﺯﻭﺟﺘﻚ ﻭﺗﺴﺄﻝ ﻋﻨﻚ ، ﺗﻔﺎﺟﺌﺖ ﺷﻮﻥ ﺯﻭﺟﺘﻚ ﻭﺗﺴﺎﻝ ﻋﻨﻚ ﻭﺍﻧﺖ ﻳﻤﻬﺎ ﻣﺎﺧﺬ ﺍﺟﺎﺯﺓ ، ﺗﺤﺠﻲ ﺣﺠﻲ ﻣﺤﻠﻮ ، ﻋﺮﻓﺖ ﺍﻛﻮ ﻣﻜﻴﺪﺓ ﻣﺪﺑﺮﻳﻨﻬﺎ ﺍﻟﻚ ﻧﺴﻮﺍﻥ ﻣﺘﻜﻌﺪ ﺭﺍﺣﺔ ﺩﻳﺮ ﺑﺎﻟﻚ ﻳﺨﻮﻱ .
ﺗﺸﻜﺮﺕ ﻣﻨﻪ ﻭﺍﺧﺬﺕ ﺍﻟﺮﻗﻢ ، ﺑﺤﺜﺖ ﻭﺗﺤﺮﻳﺖ ﻭﻋﺮﻓﺘﻪ ﻟﺮﺷﺎ ، ﺧﺎﺑﺮﺗﻪ ﺭﺯﻟﺘﻬﺎ ﻃﻴﺤﺖ ﺣﻈﻬﺎ ﻧﻜﺮﺕ ﺣﺬﺭﺗﻬﺎ ﻣﺘﺠﻲ ﻟﻠﺒﻴﺖ ، ﻭﻫﺴﻪ ﺑﻜﻞ ﺻﻼﻓﺔ ﺟﺎﻳﻪ ﻛﺒﺖ ﻭﻳﺎﻫﺎ ﻇﻠﻴﺖ ﺍﺻﻴﺢ ﻋﻠﻴﻬﺎ ﺍﺭﺯﻟﻬﺎ ﻭﺍﻏﻠﻂ ﺑﺲ ﻣﺎﻳﻔﻴﺪ ﻭﻳﺎﻫﻪ ﺍﺣﺠﻲ ﻛﻠﻤﺔ ﺗﺮﺩﻫﻦ ﻋﺸﺮﺓ ..
ﻣﺎﻳﻔﻴﺪ ﻭﻳﺎﻫﻪ ﺍﺑﺪ ﻭﻛﻔﺖ ﺑﻴﻨﺎﺗﻨﺎ ﺍﻣﻲ ﻟﺰﻣﺘﻨﻲ ﻣﻦ ﻣﻼﺑﺴﻲ ﻭﺣﻠﻔﺘﻨﻲ ﺍﻋﻮﻓﻬﺎ .. ﺑﺎﻭﻋﺘﻠﻬﺎ ﺍﺗﻤﻨﻰ ﺍﺟﺮﻡ ﺑﻴﻬﺎ .
ﻛﺎﻟﺖ ﺍﻣﻲ : ﻳﻤﻪ ﺗﻌﻮﺫ ﻣﻦ ﺍﻟﺸﻴﻄﺎﻥ ﻫﻴﻪ ﺟﺎﻳﻪ ﺗﺸﻮﻓﻨﻲ ﻭﺗﺸﻮﻑ ﺍﺑﻮﻙ ﻭﺗﺮﻭﺡ ﻟﺨﺎﻃﺮﻱ ﻋﻮﻓﻬﺎ .
ﻟﺰﻣﺖ ﺍﻳﺪ ﺍﻣﻲ ﻭﺑﺎﻭﻋﺖ ﻟﺮﺷﺎ ﺍﻟﻲ ﺑﺪﻭﺭﻫﺎ ﺗﺒﺎﻭﻋﻠﻲ ﺑﻜﻞ ﺻﻼﻓﺔ ﻭﺣﻘﺪ ﻭﺭﻓﻌﺖ ﺍﺻﺒﻌﻲ ﺑﺘﻬﺪﻳﺪ ﻭﺍﻟﻠﻪ ﻳﺎﺭﺷﺎ ﺍﺫﺍ ﻣﺮﺓ ﺛﺎﻧﻴﻪ ﺳﻮﻳﺘﻴﻠﺞ ﻫﻴﺞ ﺳﺎﻟﻔﺔ ﻭﺣﺎﻭﻟﺘﻲ ﺗﺄﺫﻳﻦ ﺯﻫﺮﺍﺀ ﺑﺄﻱ ﻃﺮﻳﻘﺔ ﻣﺮﺍﺡ ﻳﺤﺼﻠﺞ ﺧﻴﺮ ﻭﺭﺑﺞ .
ﺗﺨﺼﺮﺕ ﻭﻭﻛﻔﺖ : ﺷﺘﺮﻳﺪ ﺗﺴﻮﻱ ﻣﺜﻼ ؟ ﺗﺎﻳﻬﺘﻠﻚ ﺗﺮﺍ ﻭﺭﺍﻳﻪ ﺯﻟﻢ ﻻ ﻋﺒﺎﻟﻚ .
_ ﺍﻧﺖ ﺷﻨﻮ ﻭﻟﺞ ﻣﺎﺗﻨﻜﺴﺮ ﻋﻴﻨﺞ ﺍﻟﻪ ﺍﻋﻤﻴﻬﺎ ﺍﻟﺞ ﻳﻠﻪ ؟
ﺗﺮﻳﺪ ﺗﺠﺎﻭﺏ ﺻﺮﺧﺖ ﺍﻣﻲ ﻋﻠﻴﻬﺎ ﻭﺭﺍﺣﺖ ﺳﺪﺕ ﺣﻠﻜﻬﺎ
ﻭﻇﻠﺖ ﺗﻌﻴﻂ ﻋﻠﻴﻪ ﺗﺮﻳﺪ ﺍﺻﻌﺪ ﻭﺍﺗﺮﻛﻬﺎ .. ﺻﻌﺪﺕ ﻭﺗﺮﻛﺘﻬﺎ ..
ﻃﻠﻌﺖ ﻛﻞ ﺣﺮﻛﺘﻲ ﺑﺎﻟﻐﺮﻓﺔ ﻭﻛﺴﺮﺕ ﺍﻟﻤﻴﺰ ﻭﻣﺎﺟﻨﺖ ﺍﻋﺮﻑ ﺑﺰﻫﺮﺍﺀ ﻣﻮﺟﻮﺩﺓ .....
ﺣﺎﻭﻟﺖ ﺍﻧﺎﻡ ﺍﺟﺘﻨﻲ ﺯﻫﺮﺍﺀ ﺗﺸﻬﻚ ﻭﺗﺒﺠﻲ
ﻋﺮﻓﺖ ﺭﺷﺎ ﻣﺄﺫﻳﺘﻬﺎ ﺑﺎﻟﻜﻼﻡ ، ﻧﺰﻟﺖ ﺷﻔﺘﻬﺎ ﻛﺎﻋﺪﺓ ﻳﻢ ﺍﻣﻲ ﺑﺎﻟﻬﻮﻝ ﻭﺍﻣﻲ ﺗﺤﺠﻲ ﻋﻠﻴﻬﺎ .
ﻓﺘﺖ ﺿﺮﺑﺖ ﻛﻒ ﺍﻳﺪﻱ ﺑﺄﻃﺎﺭ ﺍﻟﺒﺎﺏ ﻭﻟﺞ ﺭﺷﺎ ﻟﻴﺶ ﻫﻴﺞ ﺗﺤﺠﻴﻦ ﻋﻠﻰ ﻋﻤﺘﻲ ؟ ﻭﻟﺞ ﺍﺷﻔﺘﻲ ﻣﻨﻬﺎ ﻫﺎﻱ ﺍﻟﺴﻨﻴﻦ ﻛﻠﻬﺎ ﺣﺘﻰ ﺗﻜﻮﻟﻴﻠﻬﺎ ﺍﻡ ﺍﻟﺴﺤﻮﺭﺓ ؟ ﻃﺎﻳﻴﻴﺤﺔ ﺍﻟﺤﻆ ﺍﻛﺘﻠﺞ ﻫﺴﻪ ﺍﺣﺪ ﻳﻠﻮﻣﻨﻲ ؟؟
ﻛﺎﻟﺖ : ﻟﻌﺪ ﺷﻮﻭﻥ ﻓﺮﺕ ﻋﻘﻠﻚ ﻭﺧﻠﺘﻚ ﺗﺎﺧﺬ ﺑﻨﺘﻬﺎ ﻣﻮ ﺑﺎﻟﺴﺤﻮﺭﺓ .
ﺗﻘﺮﺑﺖ ﻣﻨﻬﺎ ﺭﻓﻌﺖ ﺭﺟﻠﻲ ﺿﺮﺑﺖ ﺍﻟﻘﻨﻔﺔ ﺑﺮﺟﻠﻲ
ﻛﺎﻣﺖ ﻫﻴﻪ ﻭﺍﻣﻲ ﻋﻠﻰ ﺣﻴﻠﻬﺎ ، ﺍﻣﻲ ﺗﺪﻓﻊ ﺑﻴﻪ ﻭﺗﺴﻜﺖ ﺑﺮﺷﺎ ، ﺗﺪﺧﻞ ﺍﺑﻮﻳﻪ ﻭﺍﺧﺬﻧﻲ ﻋﻠﻰ ﺻﻔﺤﺔ ﻳﺠﺮﺟﺮ ﺑﻴﻪ .
ﻭﻭﺟﻪ ﻛﻼﻣﻪ ﻟﺮﺷﺎ ﺑﻨﻔﺲ ﺍﻟﻠﺤﻈﺔ ﺍﻟﻲ ﻻﺯﻣﻨﻲ ﺑﻴﻬﺎ ..
_ ﺭﺷﺎ ﻣﺸﺎﻛﻞ ﻭﺿﻴﻜﺔ ﺧﻠﻚ ﻣﺎﺭﻳﺪ ﺧﺎﺑﺮﻱ ﺭﺟﻠﺞ ﺧﻠﻲ ﻳﺠﻲ ﻳﺎﺧﺬﺝ ﻳﻠﻪ ﺑﻮﻳﻪ .
ﺍﺧﺬﻧﻲ ﺍﺑﻮﻳﻪ ﻭﻃﻠﻌﻨﺎ ﺑﺎﻟﺤﺪﻳﻘﺔ
ﻟﻚ ﺍﺑﻨﻲ ﻋﻴﺐ ﻛﺎﻓﻲ ﺷﻜﺪ ﺗﺼﻴﺢ ﺗﻮﻙ ﺗﻌﺮﻓﻬﺎ ﺭﺷﺎ ﺍﻧﺖ ؟
ﺗﺪﺭﻱ ﺑﻴﻬﺎ ﺗﺤﺐ ﺗﺨﻠﻖ ﻣﺸﺎﻛﻞ ﻣﻦ ﺟﻮﺓ ﺍﻟﻜﺎﻉ ﺗﺠﺎﻫﻠﻬﻪ ﺗﻮﻟﻲ ﺻﻮﺗﻚ ﻃﺎﻟﻊ ﻭﻣﻨﺎ ﺷﺎﺭﻉ ﻣﻨﺎ ﻧﺎﺱ ﻳﺴﻤﻌﻮﻙ ﺷﻴﻜﻮﻟﻮﻥ .
ﺟﺮﻳﺖ ﻧﻔﺲ ﺍﺣﺎﻭﻝ ﺍﺳﻴﻄﺮ ﻋﻠﻰ ﺍﻋﺼﺎﺑﻲ ﻣﺠﺎﻱ ﺍﻛﺪﺭ
ﺭﺷﺎ ﺩﻣﺮﺗﻠﻲ ﺍﻋﺼﺎﺑﻲ ﺍﻟﻤﺸﻜﻠﺔ ﻣﺎﻛﺪﺭ ﺍﻣﺪ ﺍﻳﺪﻱ ﻭﺍﺿﺮﺑﻬﺎ ﻭﻫﻢ ﺍﻋﺮﻑ ﻣﺎﻳﻔﻴﺪ .
ﺯﻫﺮﺍﺀ : ﺑﻘﻴﺖ ﻋﻠﻰ ﻛﻌﺪﺗﻲ ﻋﻠﻰ ﺍﻟﺴﺮﻳﺮ ﻭﺍﺑﺠﻲ ، ﻣﻨﻴﻦ ﺍﺗﻠﻜﺎﻫﻪ ﻳﺎﺭﺑﻲ ، ﺑﺸﻨﻮ ﻭﺭﻃﺖ ﺭﻭﺣﻲ ﺍﻧﻲ ؟ ﻫﺴﻪ ﻫﺎﻱ ﺭﺷﺎ ﺷﻨﻮ ﻣﺸﻜﻠﺘﻬﺎ ﻭﻳﺎﻱ ﺷﺴﻮﻳﺖ ﻭﻳﺎﻫﻪ ﺍﻧﻲ ؟ ﺣﺘﻰ ﻫﻴﺞ ﺗﺴﻮﻱ ﺑﻴﻪ ﻭﺗﻌﺎﻣﻠﻨﻲ ﻫﺎﻟﻤﻌﺎﻣﻠﺔ ؟
ﻭﺍﻧﻲ ﻋﻠﻰ ﻫﺎﻟﺤﺎﻟﺔ ﺍﻧﺪﻓﺮﺕ ﺍﻟﺒﺎﺏ ﺑﺎﻭﻋﺖ ﻣﺨﺮﻭﻋﺔ ﻣﺮﺍﺡ ﻳﻤﺮ ﺑﺴﻼﻡ ﻫﺎﻟﻴﻮﻡ ﺍﻻﻛﺸﺮ ﻫﺬﺍ !
ﺑﺎﻭﻋﺖ ﻭﺍﺷﻮﻑ ﺭﺷﺎ ﻓﺎﺗﺖ ﻋﻠﻰ ﺍﻟﻐﺮﻓﺔ ، ﺑﺨﻄﻮﺗﻴﻦ ﺻﺎﺭﺕ ﻳﻤﻲ ﻉ ﺍﻟﺴﺮﻳﺮ ﻭﻫﺠﻤﺖ ﻋﻠﻴﻪ ..
ﻭﺗﺼﻴﺢ : ﻟﺞ ﺑﻨﺖ ﺍﻡ ﺍﻟﺴﺤﻮﺭﺓ ﺷﺒﺴﺎﻉ ﺧﻠﻴﺘﻴﻬﺎ ﺑﺤﻠﻚ ﺭﺟﻠﺞ ﻓﺘﺎﺍﺍﺍﺍﻧﻪ ... ﺍﻟﻪ ﺍﺧﻠﻴﺞ ﺗﺸﻮﻓﻴﻦ ﺍﻟﺠﺤﻴﻢ ﺑﻌﻴﻨﺞ ﻭﻛﻮﻟﻲ ﻣﻜﺎﻟﺖ ﺭﺷﺎ !!!!
ﺯﺣﻔﺖ ﺻﺮﺕ ﺑﺤﺎﻓﺔ ﺍﻟﺴﺮﻳﺮ ﻭﻟﺰﻣﺖ ﺍﻟﻔﺮﺍﺵ ﺑﻴﺪﻳﻪ ﻭﺍﻟﺨﻮﻑ ﺗﻤﻠﻚ ﻛﻠﻲ ، ﻭﻫﻲ ﺗﺮﻳﺪ ﺗﺼﻌﺪ ﻉ ﺳﺮﻳﺮ ﺣﺘﻰ ﺗﻀﺮﺑﻨﻲ ، ﻃﺒﺖ ﻋﻤﻪ ﺗﺮﻛﺾ ﻭﺭﺍﻫﺎ ﻣﺪﺕ ﺍﻳﺪﻫﺎ ﺗﺮﻳﺪ ﺗﻠﺰﻣﻬﺎ ، ﻟﺰﻣﺘﻬﺎ ﻣﻦ ﻣﻼﺑﺴﻬﺎ ﺗﺮﻳﺪ ﺗﺒﻌﺪﻫﺎ ﻋﻨﻲ .
ﺭﺷﺎ ﻓﻠﺘﺖ ﻧﻔﺴﻬﺎ ﻣﻦ ﻋﻤﺘﻲ ﻭﺗﺼﻴﺢ ﺷﻮﻭ ﻋﻮﻓﻴﻨﻲ ﻳﻮﻭﻡ ﻭﺧﺮﻱ ﻋﻨﻲ ﺧﻠﻴﻨﻲ ﺍﺭﺑﻴﻬﺎ ﺍﻟﻤﻤﺘﺮﺑﺎﻳﻪ ﻣﺮﺑﻮﻫﻪ ﺍﻫﻠﻬﺎ ...
ﻣﺪﺕ ﺍﻳﺪﻫﺎ ﻛﻤﺸﺖ ﺷﻌﺮﻱ ﺣﺴﻴﺘﻪ ﺣﻴﻨﺸﻠﻊ ﻣﻦ ﺭﺍﺳﻲ ، .. ﺑﻬﺎﻻﺛﻨﺎﺀ ﺩﺧﻠﺖ ﻋﺒﻴﺮ ﺑﺴﺮﻋﺔ ﺩﻓﻌﺖ ﺭﺷﺎ ﻭﻛﻌﺘﻬﺎ ﺑﺎﻟﻜﺎﻉ ...
ﻋﺒﻴﺮ : ﻣﺎﻣﺎ ﺳﻮﺕ ﻓﻄﺎﺋﺮ ﻭﺭﺍﺩﺕ ﺗﺪﺯ ﻟﺒﻴﺖ ﻋﻤﻮ ﻭﻣﺮﻳﻢ ﺟﺎﻧﺖ ﻧﺎﻳﻤﻪ ..
ﺻﺎﺣﺖ ﻋﻠﻴﻪ ﻋﺒﻴﺮ ﻫﺎﻱ ﺍﺧﺘﺞ ﻣﺘﺮﺩ ﻋﻠﻰ ﺗﻠﻴﻔﻮﻧﻬﺎ ﺗﺠﻲ ﺗﺎﺧﺬﻫﻢ ﻭﺩﻱ ﻓﻄﺎﺋﺮ ﻭﺩﻳﻬﻦ ﻟﺒﻴﺖ ﻋﻤﺞ ﻭﺭﺟﻌﻲ ﺑﺴﺎﻉ ..
_ ﺻﺎﺭ ﻣﺎﻣﺎ .. ﺍﺧﺬﺕ ﺍﻟﻔﻄﺎﺋﺮ ﻭﻃﻠﻌﺖ ﻟﺒﻴﺖ ﻋﻤﻮ
ﺷﻔﺖ ﺻﻔﺎﺀ ﺳﻠﻤﺖ ﻋﻠﻴﻪ ﻭﻻ ﺍﻧﺘﺒﻪ ﻭﻻ ﻳﻤﻪ ﺻﻌﺪ ﺑﺎﻟﺴﻴﺎﺭﺓ ﻭﻫﻮ ﻳﺪﻋﻲ ﻉ ﻧﻔﺴﻪ ..
ﺩﺧﻠﺖ ﻟﻠﺒﻴﺖ ﺷﻔﺖ ﻋﻤﻮ ﺑﺎﻟﺤﺪﻳﻘﺔ ، ﺳﻠﻤﺖ ﻋﻠﻴﻪ ﺍﻧﻄﻴﺘﻪ ﻣﺎﻋﻮﻥ ﺍﻟﻔﻄﺎﺋﺮ ، ﺗﺸﻜﺮ ﻣﻨﻲ ﻛﺎﻝ ﻭﺩﻳﻬﻦ ﺟﻮﺍ ﺧﻠﻲ ﺍﺭﻭﺡ ﻭﺭﺍ ﺻﻔﺎﺀ ﺑﻌﺪﻩ ﻣﻌﺼﺐ .
ﻫﺰﻳﺖ ﺭﺍﺳﻲ ﻭﺭﺣﺖ ﻓﺘﺖ ﺟﻮﻩ ، ﺻﻴﺤﺖ ﻋﻤﻪ ﻋﻤﻪ ﻣﺎﻛﻮ ﺭﺩ ، ﺧﻠﻴﺖ ﻣﺎﻋﻮﻥ ﺍﻟﻔﻄﺎﺋﺮ ﺑﺎﻟﻤﻄﺒﺦ ﻭﻃﻠﻌﺖ ﻉ ﺍﻟﻬﻮﻝ ﻭﺃﺳﻤﻊ ﺻﻮﺕ ﺭﺷﺎ ﺩﺗﺼﻴﺢ ﻉ ﺯﻫﺮﺍﺀ ﻭﺗﻔﺸﺮ ﻉ ﻣﺎﻣﺎ ....
ﻭﺻﻮﺗﻬﺎ ﻃﺎﻟﻊ ﻋﺎﻟﻲ ﺑﺤﻴﺚ ﺍﻧﻲ ﺟﻮﻩ ﺍﺳﻤﻌﻪ ..
ﺻﻌﺪﺕ ﻟﻐﺮﻓﺔ ﺃﺧﺘﻲ ﺃﺭﻛﺾ ﺃﻧﻲ ﺍﻋﺮﻑ ﺯﻫﺮﺍﺀ ﻓﺎﻫﻴﺔ
ﻭﻣﺘﻜﺪﺭ ﻟﺮﺷﺎ ﻭﻻ ﻟﻐﻴﺮﻫﺎ ، ﺩﺧﻠﺖ ﻟﻠﻐﺮﻓﻪ ﻟﻜﻴﺖ ﻋﻤﻪ ﺗﺠﺮ ﺑﺮﺷﺎ ﻭﺫﻳﺞ ﻻﺯﻣﻪ ﺷﻌﺮ ﺯﻫﺮﺍﺀ ﻭﺗﺴﺤﻞ ﺑﻴﻬﺎ ﻭﺯﻫﺮﺍﺀ ﺗﺒﺠﻲ
ﻣﻦ ﺷﻔﺖ ﺯﻫﺮﺍﺀ ﺑﻬﺎﻟﻮﺿﻊ ﺣﺘﻰ ﻧﺴﻴﺖ ﺍﻧﻲ ﺑﺄﻳﺪﻱ
ﻛﺎﻧﻮﻻ ﻭﻻ ﺍﻫﺘﻤﻴﺖ ﻟﻮﺟﻊ ﺭﺃﺳﻲ ﻣﻨﻮ ﻫﺎﻱ ﺍﻟﺤﻘﻴﺮﺓ
ﺣﺘﻰ ﺗﻀﺮﺏ ﺃﺧﺘﻲ ﻭﺷﻨﻮ ﺳﻠﻄﺘﻬﺎ ﻋﻠﻴﻬﺎ !!
ﺭﺣﺖ ﻋﻠﻴﻬﺎ ﺟﺮﻳﺘﻬﺎ ﻣﻦ ﺃﻳﺪﻫﺎ ﺣﻴﻞ ، ﺩﻓﻌﺘﻬﺎ ﻣﻦ ﺻﺪﺭﻫﺎ ﺣﻴﻞ ﺑﻴﺪﻳﻪ ﺍﻻﺛﻨﻴﻦ ، ﻭﻛﻌﺖ ﺑﺎﻟﻜﺎﻉ ﻭﺻﺮﺧﺖ ..
ﺍﻧﺘﺒﻬﺖ ﺍﻛﻮ ﻛﺰﺍﺯ ﺑﺎﻟﻜﺎﻉ ﻭﻛﻌﺖ ﻋﻠﻴﻪ ﺭﺷﺎ ﻭﺍﻟﺪﻡ ﻣﻠﺊ ﺍﺩﻳﻬﺎ
ﻣﺎﺿﺠﺖ ﻭﻻ ﺗﻨﺪﻣﺖ ﻭﻻ ﺧﻔﺖ ﺍﺑﺪ ..
ﻃﺒﻬﺎ ﻣﺮﺽ ﺷﺴﻮﻳﻠﻬﺎ ﻫﻲ ﻣﻮ ﺍﻫﻢ ﻣﻦ ﺃﺧﺘﻲ ...
ﺷﻜﻮ ﺗﻤﺪ ﺍﻳﺪﻫﺎ ﻭﺗﻀﺮﺑﻬﺎ ﻫﻴﻪ ﻣﻨﻮ ﺍﺻﻼ !!!
ﺯﻫﺮﺍﺀ ﺑﺲ ﺷﺎﻓﺘﻨﻲ ﻋﺒﺎﻟﻚ ﻃﻔﻞ ﺿﺎﻳﻊ ﻭﺷﺎﻑ ﺃﻣﻪ
ﺍﺟﺖ ﻧﺰﻟﺖ ﻣﻦ ﺍﻟﺴﺮﻳﺮ ﺑﺴﺮﻋﻪ ﻭﺍﺟﺖ ﻋﻠﻴﻪ
ﺣﻀﻨﺘﻨﻲ ﺗﺒﺠﻲ ﻭﺗﺮﺟﻒ ﻭﺗﺤﺠﻲ : ﻋﺒﻴﺮ ﺍﺧﺬﻳﻨﻲ ﻣﻨﺎ
ﻣﺎﺍﺭﻳﺪﻫﺎ ﺣﺘﻰ ﺻﻔﺎﺀ ﻣﺎﺍﺭﻳﺪﻩ ﻓﺪﻭﻭﺓ ﻃﻠﻌﻴﻨﻲ ﻣﻨﺎ ...
ﺣﻀﻨﺘﻬﺎ ﻟﺞ ﺷﺒﻴﺞ ﺍﻫﺪﻱ
ﺑﺎﻭﻋﺘﻠﻲ ﺗﺮﺟﻒ ﻭﺗﺤﺠﻲ : ﺍﻧﺘﻲ ﺑﻴﻮﻡ ﻋﺮﺳﻲ ﻛﻠﺘﻴﻠﻲ ﻟﺘﻜﻮﻟﻴﻦ ﻣﺎﻋﻨﺪﻱ ﺃﺥ ﺍﻧﻲ ﺍﺧﻮﺝ ﻓﺪﻭﻭﻭﺓ ﻃﻠﻌﻴﻨﻲ ﺑﺎﻋﻴﻬﺎ ﺣﺘﻜﻮﻭﻡ ﺗﻤﻮﺗﻨﻲ ..
ﺑﻬﺎﻻﺛﻨﺎﺀ ﺭﺷﺎ ﻣﺤﺘﺎﺭﺓ ﺑﻴﺪﻫﺎ ﻭﻋﻤﻪ ﻳﻤﻪ ﺗﻌﺎﻳﻦ ﻋﻠﻴﻬﺎ ..
ﺣﺎﺟﻴﺘﻬﺎ ﻟﺰﻫﺮﺍﺀ : ﻫﺎﻱ ﺷﺒﻴﺞ ﺍﻫﺪﺋﻲ ﺗﺮﻯ ﺍﻧﺘﻲ ﺃﻡ ﺍﻟﺒﻴﺖ ﻣﻦ ﺑﻌﺪ ﻋﻤﻪ ﻭﺑﺎﻭﻋﺖ ﻟﻌﻤﻪ ﺑﻨﻈﺮﺓ ﻋﺘﺐ ﻭﻛﻤﻠﺖ ﻛﻼﻣﻲ ﻭﻳﺎ ﺯﻫﺮﺍﺀ ..
ﺍﺫﺍ ﺍﻛﻮ ﺍﺣﺪ ﻻﺯﻡ ﻳﻄﻠﻊ ﻭﺍﺷﺮﺕ ﻉ ﺭﺷﺎ ﻓﻬﻲ
ﻻﺯﻡ ﺗﻄﻠﻊ ﻣﻮ ﺍﻧﺘﻲ ...
ﺭﺷﺎ ﻣﻦ ﻣﻜﺎﻧﻬﺎ ﻇﻠﺖ ﺗﻐﻠﻂ ﻋﻠﻴﻪ ﺍﺳﻜﺘﻲ ﺍﻧﺖ ﺍﻟﺜﺎﻧﻴﻪ ﻭﻟﺞ ﻣﻮ ﺍﻛﻮﻭﻭﻡ ﺍﺟﻌﺼﺞ ﺑﻴﺪﻱ ﺍﺻﺒﺮﻱ ﺍﻧﻲ ﺗﺪﻓﻌﻴﻨﻲ ﺍﺻﺒﺮﻳﻠﻲ ﺍﻟﻴﻮﻡ ﺍﻧﻲ ﺍﻟﺞ
_ ﻃﺒﺞ ﻣﺮﺽ ﺣﻴﻞ ﻭﺗﺴﺘﺎﻫﻠﻴﻦ ﺷﻜﻮ ﺗﻀﺮﺑﻴﻦ ﺯﻫﺮﺍﺀ ﺍﻧﺖ ﻣﻨﻮ ﺣﺘﻰ ﺗﻀﺮﺑﻴﻬﺎ ؟
ﺑﻌﺪﻧﻲ ﺩﺍﺍﺣﺠﻲ ﺩﺧﻞ
ﺻﻔﺎﺀ ﻣﻦ ﺷﺎﻑ ﺍﻟﻮﺿﻊ ﻇﻞ ﻣﺴﺘﻐﺮﺏ ﺍﺟﻪ ﻉ ﺍﻣﻪ
_ ﻫﺎﻱ ﺷﻜﻮ ﺣﺠﻴﻪ ﺷﻮ ﺍﻟﻐﺮﻓﻪ ﺻﺎﻳﺮﺓ ﺣﻠﺒﺔ ﺻﺮﺍﻉ
ﻭﻫﺎﻱ ﻋﺒﻴﺮ ﺷﺠﺎﺑﻬﺎ ﻫﻨﺎ ...
ﻋﻤﻪ ﻭﻻ ﺟﺎﻭﺑﺖ ﺳﺎﻛﺘﻪ ....
ﺣﺠﻴﺖ ﺃﻧﻲ : ﺃﺳﻤﻊ ﺻﻔﺎﺀ ﺍﺣﻨﻪ ﺍﻧﻄﻴﻨﺎﻙ ﺑﺘﻨﺎ ﺣﺘﻰ
ﺗﺼﻮﻧﻬﺎ ﻭﺗﺨﻠﻴﻬﺎ ﺑﻘﺎﺭﻭﺭﺓ ﻭﺗﺨﺎﻑ ﻋﻠﻴﻬﺎ ﺣﺘﻰ ﻣﻦ
ﺍﻟﺨﺪﺵ ﻣﻮ ﻣﺨﻠﻴﻬﺎ ﻣﻠﻄﺸﻪ ﻻﺧﺘﻚ ﺗﻌﺎﻝ ﺟﺎﻱ ﺃﺧﺘﻚ ﺑﺄﻱ ﺣﻖ ﺗﻀﺮﺏ ﺯﻫﺮﺍﺀ ؟
ﻫﻮ ﺍﻟﺘﻔﺘﺖ ﻉ ﺭﺷﺎ ﺷﺎﻑ ﺍﻳﺪﻫﺎ ﻛﻠﻬﺎ ﺩﻡ : ﻫﺎﻱ ﻣﻨﻮ ﻣﺴﻮﻱ ﺑﻴﻬﺎ ﻫﻴﺞ؟
ﺟﺎﻭﺑﺘﻪ ﺑﺜﻘﺔ : ﺃﻧﻲ ﻋﻨﺪﻙ ﺍﻋﺘﺮﺍﺽ؟
ﺑﻌﺼﺒﻴﻪ : ﻃﺒﻌﺎً ﻋﻨﺪﻱ ﺍﻋﺘﺮﺍﺽ ﺍﻧﺘﻲ ﺷﻠﻮﻥ ﺗﻤﺪﻳﻦ ﺍﻳﺪﺝ ﻉ ﺍﻻﻛﺒﺮ ﻣﻨﺞ ؟
_ ﻭﺍﻟﻠﻪ ﺍﻻﻛﺒﺮ ﻣﻨﻲ ﻟﻜﻴﺘﻬﺎ ﻻﺯﻣﺔ ﺯﻭﺟﺘﻚ ﻣﻦ ﺷﻌﺮﻫﺎ
ﻭﺗﻀﺮﺏ ﺑﻴﻬﺎ ..
ﻣﻦ ﺗﻜﻮﻥ ﻫﻲ ﺑﺪﻭﻥ ﺍﺧﻼﻕ ﺍﻧﻲ ﺃﻧﺰﻝ
ﻟﻤﺴﺘﻮﺍﻫﺎ ﻣﺎﺍﻛﻌﺪ ﺍﺭﺗﻔﻊ ﺯﻳﻦ !!! ﻭﻫﺎﻱ ﺍﻟﻤﺴﺮﺣﻴﺔ ﻛﻠﻬﺎ
ﻫﺴﻪ ﺍﻭﺻﻠﻬﺎ ﻟﺒﺎﺑﺎ ﻭﺍﻛﻮﻟﻪ ﺑﻨﺖ ﺍﺧﻮﻙ ﺍﻟﺤﻘﻴﺮﺓ ﺿﺮﺑﺖ ﺑﻨﺘﻚ ﻭﺍﻧﺖ ﻋﻮﺩ ﺍﻋﺘﺮﺽ ...
ﺗﺮﻛﺘﻬﻢ ﻭﻃﻠﻌﺖ
ﺯﻫﺮﺍﺀ : ﻃﻠﻌﺖ ﻋﺒﻴﺮ ﻭﻋﺎﻓﺘﻨﻲ ، ﺑﻘﻴﺖ ﻭﺍﻛﻔﻪ ﺑﻤﻜﺎﻧﻲ ﺍﺑﺠﻲ ﻭﺍﻣﺴﺢ ﺑﺪﻣﻮﻋﻲ ، ﺍﺟﻪ ﻋﻠﻴﻪ ﻳﺒﺎﻭﻉ ﺑﻮﺟﻬﻲ
ﺩﺭﺕ ﻭﺟﻬﻲ ﻋﻨﻪ ﻣﻘﻬﻮﺭﺓ ..
ﺭﺍﺡ ﻫﺠﻢ ﻉ ﺍﺧﺘﻪ ﺭﻓﻌﻬﺎ ﻣﻦ ﺍﻟﻜﺎﻉ ﻭﻭﻛﻔﻬﺎ ﻭﻇﻞ ﻳﻬﺰ ﺑﻴﻬﺎ ﻭﻳﺼﻴﺢ ﺑﻮﺟﻬﻪ ﺑﺼﻮﻭﺕ ﻋﺎﻟﻲ ..
ﻟﺠﺠﺠﺞ ﺭﺷﺎﺍﺍﺍﺍﺍ ﺻﺨﺎﺍﺍﻡ ﺳﻮﺩﺗﻲ ﻭﺟﻬﻲ ﻛﺪﺍﻡ ﺑﻴﺖ ﻋﻤﻲ ﺍﻟﻠﻪ ﻻﻳﻮﻓﻘﺞ ﺃﻧﺘﻲ ﺷﻠﻮﻥ ﻫﻴﺞ ﺗﺴﻮﻳﻦ ﻭﻟﺞ ﺍﺳﺘﻨﻜﻒ ﺍﻛﻮﻝ ﺃﻧﺘﻲ ﺍﺧﺘﻲ ﻣﻦ ﺍﻣﺪﺍﻧﻲ ﺭﺯﻟﺖ ﺍﻟﺒﻨﻴﺔ ﻋﻠﻤﻮﺩﺝ ﻭﺍﻧﺘﻲ ﺭﺍﺱ ﺍﻟﺒﻠﻪ ؟
ﺍﻧﺘﺒﻬﺖ ﻫﻮ ﺩﻳﺤﺠﻲ ﻭﺧﺸﻤﻪ ﻃﻚ ﺩﻡ ، ﻭﺧﺮﺕ ﻣﻦ ﻣﻜﺎﻧﻲ ﻭﺭﺣﺖ ﻟﺰﻣﺘﻪ ﻣﻦ ﺍﻳﺪﻩ ﻭﺻﺮﺧﺖ ﺑﻮﺟﻬﻪ ﻭﺍﻧﻲ ﺍﺑﺎﻭﻋﻠﻪ : ﺻﻔﺎﺍﺍﺀ ﺧﺸﺸﺸﻤﻚ !!! ﺩﻣﻤﻤﻢ !!
ﺑﺎﻭﻋﻠﻲ ﺛﺎﻧﻴﻪ ﻭﺣﺪﺓ ﻭﺩﺍﺭ ﻭﺟﻬﻪ ﻳﺤﺠﻲ ﻭﻳﺮﺯﻝ ﺑﺮﺳﺎ ﻭﻣﺴﺢ ﺧﺸﻤﻪ ﺑﻄﺮﻑ ﺍﻳﺪﻩ ..
ﺭﺷﺎ ﺍﻳﺪﻫﺎ ﺗﻨﻘﻂ ﺩﻡ ، ﻭﻫﻮ ﻳﻬﺰ ﺑﻴﻬﺎ ﻻﺯﻡ ﻣﻦ ﺍﻳﺪﻫﺎ ﺑﻌﺼﺒﻴﻪ ﻭﻳﺼﻴﺢ ﻭﻟﻠﺞ ﺷﺴﻮﻳﻠﺞ ﻫﺴﻪ ﺍﻧﺖ ﻣﺎﺗﻤﻠﻴﻦ ﻣﺎﺗﺸﺒﻌﻴﻦ ﻣﻦ ﺍﻟﻤﺸﺎﻣﻞ ﺑﺲ ﻛﻮﻟﻲ ﺷﺴﻮﻳﻠﺞ ﺍﺷﻤﺮﺝ ﻣﻦ ﻓﻮﻙ ﺍﻟﺴﻄﺢ ﻫﺴﻪ ﻭﺍﺧﻠﺺ ﻣﻨﺞ ...
ﻭﻫﻴﻪ ﺗﺤﺎﻭﻝ ﺗﻨﺘﺰﻉ ﺍﻳﺪﻫﺎ ﻣﻨﻪ ﻭﺗﺼﻴﺢ ﺻﻔﺎﺀ ﺍﻳﺪﻱ ﻋﻮﻓﻨﻲ ﻣﺎﺗﺸﻮﻓﻬﺎ ﻛﻠﻪ ﺩﻡ ﺍﺗﺮﻛﻨﻲ ﻋﺒﻴﺮ ﺿﺮﺑﺘﻨﻲ ﺍﻧﻲ ﺍﻋﻠﻤﻬﺎ ..
ﻋﻤﻪ ﻇﻠﺖ ﺗﺘﻮﺳﻞ ﺑﻲ ﻳﺘﺮﻛﻬﺎ ، ﻇﻠﻴﺖ ﺍﻧﻲ ﻫﻤﺎﺕ ﺍﺗﻮﺳﻞ ﺑﻲ ﺣﺴﻴﺖ ﺣﻴﻜﺴﺮ ﺍﻳﺪﻫﺎ ﻫﻠﻜﺪ ﻣﺎﺿﺎﻏﻂ ﻋﻠﻴﻬﺎ ..
ﺻﻔﺎﺀ ﺍﻟﻠﻪ ﻳﺨﻠﻴﻚ ﺍﺗﺮﻛﻬﺎ ﺍﺧﺬﺕ ﺟﺰﺍﺀﻫﺎ ..
ﺑﺎﻭﻋﻠﻲ ﻣﺮﻛﺰ ﺑﻴﻪ ﻭﺗﺮﻛﻬﺎ ﻭﻫﻮ ﻳﺪﻓﻌﻬﺎ ﺩﻓﻌﻪ ﺧﻔﻴﻔﻪ ﺑﺲ ﻋﻴﻮﻧﻪ ﺣﻤﺮﺓ ﺩﻡ ..
ﺑﺎﻭﻋﺘﻠﻲ ﻧﻄﻘﺖ ﻣﻦ ﺑﻴﻦ ﺍﺳﻨﺎﻧﻬﺎ ﺍﻧﻲ ﺍﻋﻠﻤﺞ ..
ﺭﺟﻊ ﺧﺰﺭﻫﺎ ﻟﻠﻠﺞ ﻻﺗﻬﺪﺩﻳﻦ ﻟﻠﻠﺞ ..
ﻭﻛﻔﺖ ﺑﻴﻨﻪ ﻭﺑﻴﻨﻬﺎ ﻋﻄﺖ ﺻﻔﺎﺀ ﻛﺎﺍﺍﺍﻓﻲ ﺗﻌﺒﺖ ﺧﻠﻲ ﺗﺮﻭﺡ ﺗﻨﺰﻝ ﻻ ﺍﻧﻲ ﺍﻟﻲ ﺍﺭﻭﺡ ﻫﺴﺴﺴﺴﻪ ﻭﺍﻟﻠﻪ ﻋﻮﻓﻬﺎ ﺗﻮﻭﻭﻟﻲ ..
ﻫﻮ ﺍﺳﺘﺠﺎﺏ ﺍﻟﻲ ﻭﺗﺮﻛﻬﺎ ﻭﻫﻴﻪ ﻇﻠﺖ ﺗﺪﺭﺩﻡ ﺍﻧﻲ ﺍﻭﻟﻲ ﺍﻧﺖ ﺍﻟﻲ ﺗﻮﻟﻴﻦ ﻳﺎﺣﻘﻴﺮﺓ ﺍﻟﻪ ﺍﻃﻠﻊ ﻫﺎﻟﻴﻮﻡ ﻫﺬﺍ ﻭﻛﻞ ﻗﻄﺮﺓ ﺩﻡ ﻭﻛﻌﺖ ﻣﻨﻲ ﻣﻦ ﻋﻴﻮﻧﺞ ..
ﺻﻴﺢ ﺻﻔﺎﺀ ﻣﻦ ﻣﻜﺎﻧﻪ : ﻣﺎﺭﻳﺪ ﺍﺷﻮﻭﻓﺞ ﺑﻌﺪ ﻫﻨﺎﺍﺍ
ﻛﻮﺓ ﻣﺴﻴﻄﺮ ﻋﻠﻰ ﺭﻭﺣﻪ ﻳﺮﻳﺪ ﻳﺘﺒﻌﻬﺎ ﻭﺍﻧﻲ ﺍﺩﻓﻊ ﺑﻲ ﻭﺍﻣﻨﻌﻪ ..
ﺍﺧﺬﺗﻬﺎ ﻋﻤﻪ ﻣﻦ ﺍﻳﺪﻫﺎ ﻭﻧﺰﻟﺖ ﺟﻮﻩ ﻭﻫﻴﻪ ﺗﺪﺭﺩﻡ ﻋﻠﻴﻪ
ﺍﺛﻨﻴﻨﻪ ﺍﺗﻨﻔﺴﻨﺎ ﺑﻀﻴﻖ ﺍﻧﻲ ﻭﺻﻔﺎﺀ ﻭﺑﻘﻴﻨﺎ ﻭﺍﻛﻔﻴﻦ ﻗﺮﻳﺒﻴﻦ ﻋﻠﻰ ﺑﻌﺾ ، ﺟﺎﻥ ﺷﻌﺮﻱ ﻣﺨﺮﺑﻂ ﺑﺴﺒﺐ ﺭﺷﺎ ﻭﺍﺣﺲ ﺭﺍﺳﻲ ﻳﻮﺟﻌﻨﻲ ..
ﺧﻠﻪ ﺍﻳﺪﻩ ﻋﻠﻰ ﺧﺪﻱ ﻭﺍﺣﺘﻀﻨﻪ ﻛﺎﻝ ﺧﻮ ﻣﺎ ﺍﺫﺗﺞ ؟
ﻭﻟﺰﻡ ﺧﺼﻠﻪ ﻣﻦ ﺷﻌﺮﻱ ﻳﺘﻠﻤﺴﻬﺎ ﻭﻇﻞ ﻳﻌﺪﻝ ﺑﺸﻌﺮﻱ ..
ﻭﺧﺮﺗﻪ ﻣﻨﻲ ﻭﻇﻠﻴﺖ ﺍﺑﺎﻭﻋﻠﻪ ﺑﺄﺳﻒ ، ﺭﺣﺖ ﺟﺒﺖ ﺍﻟﻜﻠﻴﻨﻜﺲ ﻭﺍﻧﻄﻴﺘﻪ ﻳﻤﺴﺢ ﺧﺸﻤﻪ ..
ﻛﺘﻠﻬﺎ ﺷﺒﻴﻬﺎ ﻣﺠﻠﻮﺑﻪ ؟
ﻫﺎﻱ ﺍﻧﺖ ﻛﻠﺘﻴﻬﺎ ﻣﺠﻠﻮﺑﻪ ﺑﻌﺪ ...
ﺷﺴﻮﻳﺘﻠﻬﺎ ﺍﻧﻲ ﺑﺲ ﺍﺭﻳﺪ ﺍﻓﻬﻢ ..
ﺭﺍﺡ ﻛﻌﺪ ﻉ ﺍﻟﺴﺮﻳﺮ .. ﻭﻳﺒﺎﻭﻋﻠﻲ ﻣﻘﻬﻮﺭ ...
ﺿﺮﺑﺖ ﺍﻳﺪﻳﻪ ﺑﺎﺳﻒ ﻭﻛﻠﺖ ﻣﻨﻴﻦ ﺍﺗﻠﻜﺎﺍﺍﺍﻫﻪ ﻳﺎﺭﺑﻲ !! ﻭﻧﻈﺮﺍﺗﻪ ﺟﺎﻧﺖ ﺍﻟﻲ ﻛﻠﻬﺎ ﻗﻬﺮ ﻫﺰﻳﺖ ﺭﺍﺳﻲ ﺍﺭﻳﺪ ﺍﺗﺤﺮﻙ ﻣﻦ ﻣﻜﺎﻧﻲ ﻛﺎﺍﻝ ﺯﻫﺮﺍﺀ ..
ﻛﺘﻠﻪ ﻟﺘﺤﺠﻲ ﻭﻭﻳﺎﻳﻪ ﺍﺳﻜﺖ ﻣﺎﺭﻳﺪ ﺍﺳﻤﻊ ﺷﻲ ..
ﻛﺎﻡ ﻣﻦ ﻣﻜﺎﻧﻪ ﻭﺭﺟﻊ ﻋﺼﺐ ﻛﺎﻝ ﻟﺘﻜﻮﻟﻴﻦ ﺍﺳﻜﺖ ﻟﺞ !!
ﻋﻔﺘﻪ ﻭﺭﺣﺖ ﺍﺭﻛﺾ ﻟﻠﺤﻤﺎﻡ ﺩﺧﻠﺖ ﻭﺳﺪﻳﺘﻪ ﻋﻠﻴﻪ
ﺍﺟﻪ ﻳﺪﻙ ﺑﻲ ﻛﺘﻠﻪ ﺍﺗﺮﻛﻨﻲ ﺑﺤﺎﻟﻲ ﻭﻓﺘﺤﺖ ﺍﻟﻤﻲ
ﻭﺧﻠﻴﺖ ﺍﻳﺪﻳﻪ ﻋﻠﻰ ﺍﺫﻧﻲ ﻣﺎﺭﻳﺪ ﺍﺳﻤﻊ ﺻﻮﺗﻪ ..
ﻛﺮﺍﺭ : ﺭﺟﻌﺖ ﻣﻦ ﺍﻟﺪﻭﺍﻡ ﻭﺻﻠﺖ ﻟﻠﺒﻴﺖ ﺧﻠﺘﻠﻲ ﺍﻣﻲ ﻏﺪﺍﺀ ﺍﻛﻠﺖ .. ﻣﺘﻮﺍﻋﺪ ﺍﻧﻲ ﻭﻣﻬﺎ ﺣﺘﻰ ﻧﺮﻭﺡ ﻟﻌﺒﻴﺮ ﻧﺰﻭﺭﻫﺎ ﻭﻧﻄﻤﺄﻥ ﻋﻠﻰ ﺻﺤﺘﻬﺎ ..
ﺧﺎﺑﺮﺕ ﻋﻠﻰ ﻣﻬﺎ ﺍﺟﺎﻧﻲ ﺻﻮﺗﻬﺎ ﺗﺒﺠﻲ ..
ﻛﺘﻠﻬﺎ ﻟﺞ ﺷﻜﻮ ﻟﻴﺶ ﺩﺗﺒﺠﻴﻦ ؟ ﻣﻮ ﻣﺘﻮﺍﻋﺪﻳﻦ ﻧﺮﻭﻭﺡ ﻟﻌﺒﻴﺮ ﻧﺸﻮﻓﻬﺎ ﻣﺮﻳﻀﺔ ﺧﻄﻴﻪ ..
ﻋﺎﻃﺖ ﻛﺮﺍﺍﺍﺍﺭ ﻛﻮﻝ ﻟﻌﺒﻴﺮ ﺑﻌﺪ ﻟﺘﺨﺎﺑﺮ ﻋﻠﻴﻪ ﻭﺧﻠﻲ ﺗﻨﺴﻰ ﻋﺪﻫﺎ ﺻﺪﻳﻘﺔ ﺍﺳﻤﻬﺎ ﻣﻬﺎ !!!!...
ﻳﺘﺒﻊ
