(U&Z)
စင်္ဂပူမှာလုပ်သည့်မေနန်းမင်္ဂလာဆောင်ပြီးသွားခဲ့ပေမယ့်ပန်းနုတစ်ယောက်မြန်မာနိုင်ငံကိုမပြန်ဖြစ်သေးပေ။
"ချစ်ခြင်း ဒီနေ့ငါ့ကိုသွေးသစ်က ရည်းစားစကားရော လက်ထပ်ခွင့်ပါတောင်းတယ်..... "
ချစ်ခြင်းနဲ့ ပန်းနုနှစ်ယောက်သားအိပ်ယာဝင်ဖို့ပြင်ဆင်နေစဉ်အချိန်တွင်ပန်းနုက အဲ့ဒီ့စကားကိုပြောလိုက်လေသည်။
"သူနောက်ဆုံးတော့ ဝန်ခံပြီပေါ့ .... "
"ဟင်ဘာလဲ နင်ကအစထဲက သိနေတာလား .... "
"အင်းဟုတ်တယ်ငွေဆောင်မှာထဲက ...
သူနင့်ကိုစိတ်ဝင်စားနေတာကို ငါရိပ်မိသွားလို့ သူဝန်ခံလိုက်တာ ..... ""အဲ့ဒါဆိုကြာပြီပဲ ....
အဲ့ဒါကြောင့်သူငါ့ကို အရမ်းဂရုစိုက်ပါလားလို့ ထင်နေတာ ....
ပြီးတော့ ဒီနေ့ သူ့မိဘတွေနဲ့တွေ့ပေးသေးတယ်....
အဲ့ဒီ့ကအပြန်ကျတော့ ငါ့ကိုသူချစ်နေတဲ့အကြောင်း ဖွင့်ပြောလာတာ .... ""အမှန်တိုင်းပြောရရင်သွေးသစ်က အရင်ကရည်းစားများတယ်.....
နင်နဲ့တွေ့ပြီးနောက်ပိုင်းမှ နင့်တစ်ယောက်ထဲကိုပဲသူကြည့်လာတာ ..... ""အင်း ... သူငါ့ကိုပြောပြပါတယ်သူအရင်ကရည်းစားများခဲ့ဖူးတဲ့အကြောင်း .... "
"သူဖွင့်ပြောတော့ နင်ဘယ်လိုပြန်ဖြေခဲ့လဲ .... "
"သူ့လိုလူကိုငါငြင်းစရာမရှိပေမယ့်....
ငါ့ရဲ့အတိတ်ကို သူလက်ခံပေးဖို့တော့ လိုသေးတယ်လို့ပြောလိုက်တယ်..... ""အဲ့ဒီ့တော့ သူဘာပြောလဲ .... "
"သူလက်ခံနိုင်တယ်တဲ့ သူ့အတွက်အဲ့ဒီ့အတိတ်ကအကြောင်းတွေက ထည့်စဉ်းစားဖို့တောင်မလိုတဲ့ ကိစ္စတွေပါတဲ့ ..... "
"သူ့အဲ့ဒီ့လိုဖြေမယ်ဆိုတာ ငါသိတယ်...
ငွေဆောင်မှာတုန်းက ငါသူ့ကိုပြောခဲ့တယ်နင့်ကိုယ်နင်သေချာအောင်မေးပြီးမှ ပန်းနုကိုဖွင့်ပြောပါလို့ .....
ငါကနင့်ကို နာကျင်မှုတွေထပ်မရစေချင်တော့ဘူး ပန်းနုရယ်....
သွေးသစ်က လူကောင်းတစ်ယောက်ပါ ငါအာမခံတယ်..... "
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။