(U&Z)
ချစ်ခြင်းတစ်ေယာက်သွေးသစ်မေနန်းတို့နဲ့ စကားတွေထိုင်ပြောနေကြစဉ်.....
ပန်းနုတို့ဦးလေး ဦးအောင်သန့်နဲ့သူ့ဇနီးက ချစ်ခြင်းကို သူတို့နဲ့ခဏလာတွေ့ဖို့ လူလွှတ်၍ပြောခိုင်းလိုက်၍ သူတို့နဲ့တွေ့ဖို့ချစ်ခြင်း ထွက်လာခဲ့လေ၏။
သွေးသစ်မေနန်းတို့က သူတို့ပါလိုက်မည်ဟုပြောသော်လည်း သူမလက်မခံပေ။
ဤလူတွေသည်ကိုယ့်ကိုမကောင်းတာတွေပဲပြောမယ်လို့ သိသိရဲ့နဲ့ သူမတွေ့ဖြစ်အောင်လာတွေ့ခဲ့သည်။
ရင့်အနားမှာသူမရှိနေမိတဲ့အတွက်အပြောအဆိုခံရခြင်းသည်တစ်ခါနှစ်ခါမဟုတ်တော့၍ ရှိပါစေတော့ဟုသာ။သူတို့တည်းနေသည့်ဟိုတယ်ကဘန်ဂလိုအခန်းမှာ ချစ်ခြင်းက သူတို့ကိုလာတွေ့ရတာဖြစ်သည်။ သူမရောက်တော့ဦးအောင်သန့်တို့ဇနီးမောင်နှံနဲ့ စံမဒီတို့ရှိနေကြ၏။
သူတို့က အခန်းထဲမှာ မဟုတ်ပဲအခန်းရှေ့က လသာဆောင်မှာ သူမကို ထိုင်စောင့်နေကြတာဖြစ်သည်။ချစ်ခြင်း ဦးအောင်သန့်ကို မြင်တာနဲ့တန်းပြီးမမှတ်မိပေမယ့်သူမကိုခေါ်လိုက်သူသည်ဒီအခန်းထဲကပဲမို့ ဦးအောင်သန့်ပဲဟု ခန့်မှန်းလိုက်မိတာဖြစ်သည်။
ဟိုးအရင်ကလဲ ပန်းနုတို့ဦးလေးကို သူမမြင်ဖူးသည့်အကြိမ်ရေသည်သိပ်မှမရှိခဲ့တာပဲလေ မမှတ်မိတာအဆန်းတော့မဟုတ်ပါ။"မင်းက ချစ်ခြင်းဝေဝေ ဆိုတာလား .... "
ဦးအောင်သန့်၏ ဇနီးကသူမကိုခြေဆုံးခေါင်းဆုံးကြည့်၍မေးလိုက်၏။ ထိုအမျိုးသမီးသည်စံမဒီရဲ့အဒေါ်ဟု သူမသိထားပါသည်။
ထိုအမျိုးသမီးဘေးတွင်စံမဒီလဲရှိနေခဲ့ကာ တူဝရီးနှစ်ယောက်သူမကိုကြည့်နေကြပုံက အထက်စီးဆန်စွာနှင့်...။"ဟုတ်ပါတယ်.... "
ဖြေပုံက ယုံကြည့်ချက်တွေနဲ့ပါ။ ဒီကိုတစ်ယောက်ထဲရောက်လာခဲ့တဲ့ ချစ်ခြင်းဝေဝေဆိုတဲ့မိန်းခလေးရဲ့ သတ္တိကတော့မခေနိုင်ပါ။ ဘာအတွက်ခေါ်တွေ့သလဲဆိုတာ သိနေမှာပေမယ့်သူမကြည့်ရတာတော့ ဘာစိတ်ဖိစီးပုံမှမရှိတဲ့ ပုံစံပါပဲ။
ချစ်ခြင်းဝေဝေကိုကြည့်၍ ဦးအောင်သန့်နဲ့သူ့ဇနီးရယ်စံမဒီရယ်က သုံးယောက်သား စိတ်ထဲကေန ခန့်မှန်းနေကြလေ၏။
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။