(U&Z)
(2006 ခုနှစ်၏ နာကျင်စရာ အဖြစ်ဆိုးတို့သည်ထိုအချိန်ကစတင်ခဲ့လေ၏..... )
ချစ်ခြင်းတစ်ယောက်အိမ်ကနေ လစ်ထွက်လာဖို့ အချိန်တွေကြာနေခဲ့ကာ ပန်းနုနဲ့ချိန်းထားသည့်နေရာသို့စက်ဘီးတစ်စီးနှင့်နောက်ကျမှထွက်လာခဲ့ရလေသည်။
သူမဘောလုံးကွင်းဟောင်းနားသို့ရောက်တော့ ပန်းနုသည်စက်ဘီးလေးတစ်စီးနှင့်တစ်ယောက်ထဲ ရပ်နေတာကို ချစ်ခြင်းခပ်လှမ်းလှမ်းမှ လှမ်းမြင်လိုက်ရ၏။"ပန်းနု .... ဟင်... "
ချစ်ခြင်းကအော်ခေါ်ပြီး လက်လှမ်းပြဖို့ ကြိုးစားလိုက်ပေမယ့်သူမအသံက တိမ်ဝင်သွားရသည်။အကြောင်းကတော့ ပန်းနုအနားသို့ ကားတစ်စီးထိုးရပ်လာခဲ့ကာ ပန်းနုမျက်နှာကို အဝတ်စတစ်ထည်နှင့်အုပ်၍ ကားပေါ်အတင်းဆွဲခေါ်နေခြင်းကို မြင်လိုက်ရ၍ဖြစ်သည်။
အန္တရာယ်ဆိုတာကို ရိပ်စားမိတာနှင့်ပန်းနုအတွက်စိတ်ပူပြီး ချစ်ခြင်း စက်ဘီးကို တအားနင်း၍ အရောက်သွားလိုက်သည်။ချစ်ခြင်းအနားသို့ရောက်တော့ ပန်းနုသည်ပျော့ခွေသတိလစ်သွားကာ ကားထဲရောက်နေလေပြီ။
"ပန်းနု .... ပန်းနု ....
ဟေ့လူကြီး ဒါဘာလုပ်တာလဲ .....
ပန်းနုကို အခုလွှတ်လိုက်..... ""ဟာ အနှောင့်အယှက်ပဲသေစမ်း .... "
စက်ဘီးတစ်စီးနဲ့ ချက်ခြင်းဆိုသလိုရောက်ချလာသည့်ချစ်ခြင်းကြောင့်ထိုလူက စိတ်ညစ်ဖွယ်ငြီးတွားလိုက်မိလေသည်။ချစ်ခြင်းကစီးလာသည့်စက်ဘီးကို ဖြစ်သလိုလွှတ်ချလိုက်၍ ပန်းနုကို ကားပေါ်တင်နေသည့်လူကြီးကို ချစ်ခြင်း အတင်းထုရိုက်တိုက်ခိုက်နေလေတော့၏။
"ပန်းနုကို အခုပြန်လွှတ်ပေး ....
ခင်ဗျားကြီး ပန်းနုကို ဘာလုပ်မလို့လဲ အခုလွှတ်အခုပြန်လွှတ်ပေး ....
လာကြပါဦး .... လာကြပါဦး .... ဒီမှာ .... ""ဟာ .... ဒီဟာလေးကတော့ တိတ်စမ်း နင့်ပါးစပ်.... "
"ဘာလို့တိတ်ရမှာလဲ လာကြပါဦး လာကြပါ .... အု ... အု .... "
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။