(U&Z)
ဘန်ဂလိုအိမ်လေး၏ ဧည့်ခန်းထဲသို့ရောက်တော့ ရင့်က သူ့ရဲ့အပေါ်ထပ်ကုတ်အင်္ကျီကို ချွတ်ပစ်လိုက်ပြီးဆိုဖာပေါ်မှာမျက်လုံးတွေမှိတ်၍ ခြေပစ်လက်ပစ်ထိုင်လိုက်လေသည်။
"ရင့်.... နင်အခုလုပ်နေတာတွေက အဓိပ္ပါယ်မရှိဘူး .....
ငါ့ကိုဘာလို့ နင်နဲ့တစ်ခန်းထဲနေခိုင်းတာလဲ ....
နင်ရူးနေလား ..... "စောစောက ဟိုတယ်ဝန်ထမ်းတွေရှေ့မှာ ရင့်ပြောခဲ့တာတွေကို ချစ်ခြင်းက မကျေမနပ်ဖြစ်နေလေသည်။ ရင့်ထိုင်နေသည့်နေရာနဲ့ မျက်နှာချင်းဆိုင်မှာ သူမဝင်ထိုင်လိုက်ပြီး ရင့်ကိုပြောနေ၏။
သို့သော်ရင့်က သူမပြောတာတွေကို ကြားသော်လည်း ပြန်မဖြေပါ။ မျက်လုံးတွေကို မှိတ်ထားဆဲပင်။"နင်နဲ့ငါက လက်ထပ်မယ့်ချစ်သူတွေလဲ မဟုတ်ဘူးမောင်နှမအရင်းတွေလဲ မဟုတ်ဘူး .....
ဘာမှမသက်ဆိုင်တဲ့သူတွေက တစ်ခန်းထဲအတူနေဖို့ဆိုတာ မသင့်တော်ဘူးလေ နင်နားမလည်ဘူးလား ..... "ဒီတစ်ခါတော့ ရင့်က မျက်လုံးတွေဖွင့်လာခဲ့ကာ ခပ်လျော့လျော့မှီထိုင်နေရာမှ ခပ်မတ်မတ်အနေအထားသို့ပြောင်းထိုင်လိုက်ပြီး ချစ်ခြင်းမျက်လုံးတွေကို တည့်တည့်စိုက်ကြည့်၏။ ပြီးတော့ .....
"နင်အခု အဲ့ဒီ့ကိစ္စအတွက်မကျေနပ်ဘူး စိတ်ညစ်နေတယ်ပေါ့ ဟုတ်လား ..... "
ရင့်မေးလိုက်ပုံက မဲ့ပြုံးတွေနဲ့ပါ။"ဟုတ်တယ်.... ငါမကျေနပ်ဘူး ..... "
"ရပြီ .... အဓိက,က အဲ့လိုဖြစ်ဖို့ပဲ ..... "
"ဘာ .... နင်ဘာပြောတယ်..... "
"ငါနင့်ကိုပြောထားပြီးပြီလေ .....
နင်စိတ်ညစ်ပြီး စိတ်ဒုက္ခတွေနဲ့ပင်ပန်းရတာမျိုးကို ငါအလိုရှိတာပါလို့ .... "ရင့်ပြောလိုက်တော့မှ သူမကောင်းကောင်း သဘောပေါက်သွားရလေသည်။ သူပြောခဲ့သည့်အစီအစဉ်အားလုံးသည်သူမစိတ်ဒုက္ခရောက်စေဖို့အဓိကပဲပေါ့။
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။