(U&Z)
ဝန်ထမ်းခေါင်းဆောင် မမကြူက waiteress(မိန်းခလေးစားပွဲထိုး) ဝတ်စုံနဲ့အလုပ်ကိုသေသပ်စွာလုပ်နေသည့်ချစ်ခြင်းကိုကြည့်၍ ပြုံးနေမိလေသည်။
သူမအကျွမ်းတဝင်မရှိသည့်အလုပ်တွေမို့လို့လားမသိပေ။ အစပိုင်းတုန်းတော့ အလုပ်မှာအဆင်မပြေတာလေးတွေ ရှိခဲ့ပေမယ့်အခုတော့အားလုံးအဆင်ပြေနေပါပြီ။
ချစ်ခြင်းဝေဝေပြောဖူးသည်က "မလုပ်တတ်ပေမယ့်လုပ်မှဖြစ်မည့်အလုပ်မို့ သူမဘာပဲဖြစ်ဖြစ်တတ်အောင်သင်ပါ့မယ်"တဲ့ စိတ်ဓာတ်လေးကတော့ သဘောကျစရာပါပဲ။ဘယ်သူတွေဘာပြောပြော ဒီမိန်းခလေးကိုတော့ မမကြူ ခင်မင်မိပါ၏။
သူမလုပ်ရမည့်အလုပ်တွေကိုကောင်းကောင်းမွန်မွန်လုပ်ကိုင်တတ်သလိုယဉ်လဲယဉ်ကျေးသည်။ သူမကို ဝန်ထမ်းအချို့က မကောင်းမြင်နေကြပေမယ့်သူမကတော့လူတိုင်းနဲ့ သင့်မြတ်အောင်နေတတ်၏။ပြောရလျှင်ချစ်ခြင်းဝေဝေသည်ပေါင်းသင်းဆက်ဆံရေးကောင်းသူတစ်ယောက်ပါ။"မမကြူဘောစ့်က ဖုန်းလှမ်းဆက်တယ်.....
သူ့အတွက်ဖျော်ရည်နဲ့သစ်သီးစုံယူလာပေးပါတဲ့ ..... "Hotel Restaurantကောင်တာမှတစ်ယောက်က Restaurantထဲမှာ ဝန်ထမ်းတွေရဲ့ ဝန်ဆောင်မှုနဲ့ဧည့်သည်တွေရဲ့လိုအပ်ချက်တွေကို လိုက်ကြည့်ပေးနေသည့်မမကြူ ကို လာ၍ပြောလေသည်။
"ဟုတ်လားအေးအေး ငါတစ်ယောက်ယောက်ကို သွားပို့ခိုင်းလိုက်မယ်.... "
"မမကြူ ....ဘောစ့်က ချစ်ခြင်းဝေဝေကိုပဲ လာပို့ခိုင်းလိုက်တဲ့ ..... "
"ချစ်ခြင်းဝေဝေ ..... "
"ဟုတ်..... "
"ဘောစ့်က ဘယ်မှာလဲ .... "
"သူ့ရေကူးကန်မှာတဲ့ ..... "
သူ့ရေကူးကန်ဆိုတာက လာရောက်တည်းခိုသည့်ဧည့်သည်တွေအတွက်မဟုတ်တဲ့ သီးသန့်ရေကူးကန်ကိုပြောတာဖြစ်၏။
ထိုရေကူးကန်မှာကဘောစ့်အပြင်သူ့မိသားစု သူ့မိတ်ေဆွအပေါင်းအသင်းတွေအတွက်သီးသန့်ပြုလုပ်ပေးထားသည့်ရေကူးကန်ဖြစ်သည်။
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။