(U&Z)
"သူအဲ့ဒီ့ဟိုတယ်မှာပဲ တည်းနေတုန်းလား .... "
ဦးဗညားဇော်က သူ့လက်ထောက်ကိုမေးလိုက်ခြင်းဖြစ်သည်။
"ဟုတ်ကဲ့ အခုတော့ အဲ့ဒီ့မှာပဲတည်းနေတုန်းပါ .....
ဒါပေမယ့်သိပ်မကြာခင်မှာ တစ်ခြားဟိုတယ်ကိုပြောင်းဖို့ လုပ်နေပါတယ်..... ""အဲ့ဒီ့ကနေ သူက ဘာလို့ပြောင်းမှာလဲ .... "
"အဲ့ဒါတော့ ကျွန်တော်စုံစမ်းလို့မရသေးဘူး ဆရာ .... "
တကယ်က ချစ်ခြင်းဝေဝေအကြောင်းကို သူတို့ပြောနေကြတာပါ။
ချစ်ခြင်းငှားထားတဲ့ ပွဲစားဆိုသူကို ဦးဗညားဇော်ကငွေပေးပြီး သူ့ဘက်ပါအောင်စည်းရုံးထားခဲ့သည်။ အဲ့ဒါကြောင့်လဲ ချစ်ခြင်းဝေဝေ ဘာလုပ်တယ်ဘာတွေစီစဉ်နေတယ်ဆိုတာကို ထိုပွဲစားမှတစ်ဆင့်သူတို့ အားလုံးသိနိုင်လေ၏။"အခုထိ သူတစ်ယောက်ထဲလား ....
စင်္ဂပူက သူ့သူငယ်ချင်းတွေရောက်လာမယ်ဆိုတာကရော ဘယ်တော့လဲ ..... ""ဒီတစ်ပတ်ထဲမှာလို့တော့ စုံစမ်းရတယ်ဆရာ ရက်အတိအကျတော့ မသိရပါဘူး .... "
ပွဲစားကကိုယ့်ဘက်ကမို့ ချစ်ခြင်းရဲ့အမွေရမယ့်လုပ်ငန်းတွေရောင်းချခြင်းကို အချိန်ဆွဲထားနိုင်သော်လည်း ချစ်ခြင်းဝေဝေရဲ့ သူငယ်ချင်းတွေရောက်လာပါက သူရဲ့အကြံအစည်တို့၌ အနှောင့်အယှက်ဖြစ်နိုင်သည်။
ချစ်ခြင်းဝေဝေက မြန်မာနိုင်ငံမှာ သူမအသိမိတ်ဆွေဟူသည်မရှိတာက ဦးဗညားဇော်အတွက်အခွင့်အရေးတစ်ခုဆိုပေမယ့်သူမဘက်မှအားကိုးရာသူငယ်ချင်းတွေရောက်လာရင်တော့ မဖြစ်နိုင်တော့ပေ။
သူချစ်ခြင်းဝေဝေကို လက်လျော့ရပေတော့မည်။ဦးဗညားဇော်အကြံအစည်က ချစ်ခြင်းဝေဝေကိုလဲ အပိုင်သိမ်းမည်။ ဒါမှ သူမရမယ့်အမွေတွေကိုလဲ သူခွဲပေးစရာမလိုတော့မှာ မဟုတ်ပါလား။
ဦးဗညားဇော်ရဲ့ လက်ထောက်က သူ့ဖုန်းမှာ မက်ဆေ့တစ်စောင်ဝင်လာ၍ ဖုန်းကိုထုတ်ကြည့်လိုက်လေ၏။
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။