(U&Z)
( 2006 ခုနှစ်၏ ဆိုးရွားသော ကြံစည်မှုတစ်ခု ..... )
ဦးမင်းဝေဝေ တစ်ယောက်လုပ်ငန်းအပြိုင်အဆိုင်ကိစ္စတွေကြောင့်လပိုင်းအတွင်းမှာပင်သူ့လုပ်ငန်းတွေ စီးပွားရေးတွေက ယိမ်းယိုင်သွားခဲ့ရသည်။
အကြွေးအနည်းငယ်တင်သွားခဲ့ရတာမို့ ကိုယ်ရစရာရှိတဲ့ငွေတွေနဲ့ငွေဝင်နိုင်မယ့်နည်းလမ်းတွေကိုတွေးတော့ကြံဆရင်း အထည်စက်ရုံ၏ငွေကြေးနှစ်ချုပ်စာရင်းတွေကို ပြန်ကြည့်နေမိလေသည်။
ပြသနာက အဲ့ဒီ့မှာသွားတွေ့လေ၏။ငွေစာရင်းကွာနေတာတွေကို ဦးမင်းဝေဝေသွားတွေ့လေသည်။"ငွေစာရင်းတွေကွာနေပါလား ....
ဒါတွေက ဘယ်လိုဖြစ်တာလဲ ..... "ဦးမင်းေဝဝေက သူ့ရဲ့မန်နေဂျာဖြစ်သူ စိုင်းမောင်ကို ဒီစာရင်းတွေလုပ်ခိုင်းခဲ့တာဖြစ်သည်။ ယုံကြည်ရသည့်မန်နေဂျာမို့ စာရင်းတွေကို သူပြန်မစစ်မိပေ။ အခုမှ ဒါတွေသွားတွေ့တော့ စိုင်းမောင်ကို စကားပြောဖို့ လိုအပ်လာပြီမို့ ဦးမင်းဝေဝေ စိုင်းမောင်ရှိသည့်ရုံးခန်းသို့ လာခဲ့လေ၏။
သို့သော်မန်နေဂျာစိုင်းမောင်၏ ရုံးခန်းအဝင်ဝသို့အရောက်တွင်ဖုန်းဆက်ပြောနေသည့်စိုင်းမောင်ရဲ့ စကားသံတို့ကိုကြား၍ ဦးမင်းဝေဝေတစ်ယောက်ခြေလှမ်းတို့ကရှေ့မဆက်ဖြစ်တော့ပဲ ရပ်တန့်သွားခဲ့ရလေသည်။
"ကိုအောင်သန့်ခင်ဗျားဒီကို ဘာလာလုပ်တာလဲဗျာ ....
ဦးမင်းဝေတွေ့သွားမှာပေါ့ .... "" ... ... ... ... ... ... "
"ပြောစရာရှိရင်ကျွန်တော်တို့ ဆုံနေကြနေရာမှာပဲ လာတွေ့ပါလား ဘာလို့ ကျွန်တော့်အလုပ်ထိကို လိုက်လာရတာလဲ .... "
" ... ... ... ... ... ... ... "
"ကောင်းပြီကောင်းပြီကျွန်တော်အခုပဲဆင်းလာခဲ့မယ်ခင်ဗျားခဏစောင့်နေ ..... "
မန်နေဂျာစိုင်းမောင်က မလုံမလဲနဲ့ဘေးဘီဝဲယာကို တစ်ချက်ဝေ့ကြည့်လိုက်ပြီးနောက်သူ့ရုံးခန်းထဲမှ ထွက်ဖို့ပြင်လေသည်။ ဦးမင်းဝေဝေလဲ စိုင်းမောင်သူ့ကိုမမြင်အောင်လို့ထောင့်ကွယ်နေရာတစ်ခုသို့အမြန်ဝင်၍ ကွယ်နေလိုက်လေ၏။
YOU ARE READING
ငါ မုန်းပါရစေ (Normal)
Romance(Unicode &Zawgyi) အမုန်းတရားတွေမှသည် ချစ်ခြင်းမေတ္တာဆီသို့။ အမုန္းတရားေတြမွသည္ ခ်စ္ျခင္းေမတၲာဆီသို႔။