ساعه وروحو الرجاله من الصلاه وكملن موده وريهام حوسه والغذا طاب
موده:رنده ف الكوجينه
رنده:لا كنك
موده:باب الكوجينه يدق
رنده:صبي شوفيه
موده:باهي هيا
فتحت موده الباب
مروان:امي وين
موده:جوا
مروان:قوليلهم هيا الغدا
موده:هيا باهي ، بس نادي معاك حد يشيل
مروان:غير هيا
موده:امي، اعميمه
نجيه:ها كنك
موده:قالولكم هيا الغدا
كلثوم:هيا
صبن كلثوم ونجيه ومنى وميسون يوتن في الغدا ، ومرام جابت سونيه لولدها توكل فيه ، وناجيه خشت لوجدان وتهاني تسلم عليهن وتصلي الظهر
منى:ريماس
ريماس :نعم
منى:هاك فرشي للعيال المفرش هضا ف الصاله خليني انحطلهم ياكلو هم الاول بيش يريحونا ع الغدا
ريماس:باهي هاتي
ريهام:ويم الكواشيك
كلثوم:كان مايسدنش هذينا في المخزن في صندوق معبي
نجيه:كم نسقي مقعد
كلثوم:توا انكلم حاتم
ريماس:قعمزو هيا بيش اتغدو
دنيا:انحط معاكم
ريماس:لا غير قعمزي بس
دانا:خزي تحساب روحها كبيره اتحوس معاهم
ريماس:اها ياماما اختك اكبر منك
دنيا:بيني وبينك 3سنين بس را
ريماس:باهي اسكتي اسكتي
دانا:خزي شكلها كيف الخنزير خشومها هك كبار
ريماس:والله انحرش فيك امك، اعميمه تهاني
تهاني:ماحد ايخشلي هنا اطلعي وسكري الباب
ريماس:يااعميمه ادوي لدانا اتقولي خشمك كبير كيف الخنزير
تهاني:دانا ياقليلة الادب را انجيك احترمي اختك
دانا:ياماما تحساب روحها كبيره
تهاني:را نمرسك توا اسكتي عيب ، والله انحطك في الحوش وانسكر عليك
دانا:لا والله خلاص
تهاني:امشي شوفي امجد كان روح من الصلاه قوليله قالتلك ماما تعال انغيرلك ادبشك بيش ماتلبزش
امجد:ماما
تهاني:اهو جا خلاص ، تعال هنا ياماما
امجد:بابا قالي حول العربي بيش ماتلبزش وتلبسه بعدين
تهاني:باهي تعال
امجد :وجدان كنك هكي
وجدان:ههههه كني
امجد:انتي قعدتي عروسه
وجدان:اها هههه
امجد:باهي من عريسك
تهاني:بطل اسئله وتعال هيا انغيرلك
في المطبخ..
محمود الصغير:ماما هيا جيعان
نجيه الصغيره:حتى انا
ميسون:هيا هي اعميمه منى تحطلكم
منى:هيا الي ايقعمز الاول نحطله الاول
كريمه (بنت مؤيد) :انا انا
منى:منيا اماني امنيه وين هيا قعمزن ، دانا هيا تعالي انتي ودنيا وين امجد كلميه ، هيا
ناجيه:سلمهم الجواعه ياربي
منى:سلمك عقبال مانشوفو عيال ريما وحاتم ياربي
ناجيه:امين ياربي
موده:مروااان
مروان:ها هنا ، نقصي حسك ، هاتي ، امسك ياسليمان(ولد عمهم سالم)
موده:عمي سالم قاعد؟
مروان:اها هو وسليمان
سليمان:هدا شنجك
موده: هدا تهدك خزي ،شنجك انت
سليمان:تمام
موده:كنهم تغريد واعميمه مروه ماجو
سليمان:باتي بيتغدا ويعدي يجيبهم
موده:باهي امسك كويس راك اتبدد المسير
مروان:تعال ياحامد هاك ، مصبي وخلاص
رنده:هاك هي سفره اخرى ، شوف كان تبي مقعد قول
حامد:بنات شنجكن
موده:تمام شنجك انت
حامد:ميه ميه
نجيه:شن خلاص؟
رنده:عطيته 3مقاعد وقتله كان تبي اخرى قول
موده:قال خلاص
كلثوم:خلاص خلينا نسقو لنا هنا
نجيه:حتى هنا 3مقاعد
ريهام:ها في اماعين اخرى
مرام:مزال ماريتن شي من الماعين
ريهام:المهم الحوض توا فاضي
محمد(ولد مؤيد) :ماما محمود كلا اللحمه متاعي
ميسون:البهيم هضا
نجيه:هاك حبيبي هي لحمه
سقن الغدا ووتنه وقعمزن يتغدن ، وبعد الغدا خشن ميسون وريهام يغسلن الماعين ،ورنده اتلم عليهن ؛ وكلثوم وناجيه ايلمن في باقي الغدا ، ونجيه اتوتي في الشاهي للرجاله ، وتهاني ردت هي ووجدان للدار ، وموده وريماس ايلمن في الحوش والفروخ برا
