في وسط الهرجه روحو منعم وحاتم من العمل
منعم:السلام عليكم ، كنها كنك ياريهام
محمود:منعم ، سيبها
حاتم تما يفنص مش فاهم شي
محمود:بنرد للمحل انا ، انجي نلقاها راقده ولا تبكي انزيدها طريحه
طلع محمود من هنا وبدت العركه من هنا
انتصار:حسبي الله ونعم الوكيل فيك يامروان الله ياخدك
نجيه:عليش تدعي ع العيل ، هضا كله وبنتك الي غالطه ، ماتبلش عليها هو بيش تدعي عليه
انتصار:وربي انوريكم ، صبي انتي وياها البسن
كلثوم:ياانتصار ماتخربيش حوشك بيديك
انتصار:خرب هو اصلا ، وراس بنتي الي كسرها مانقعدله فيها دقيقه
ريهام:اااااه ياماما
انتصار:صبي صبي ياامي ، منعم شيلني لحوش هلي
منعم:لا مانشيلكش، طالعه من ورا باتي وتبيني انشيلك ، بعدين مش سواق عندك انا بيش تأمريني هكي
انتصار:ربي مايحوجني لواحد فيكم ، سلم هلي ، لكن والله يانجيه الي داره ولدك مايمشي بالساهل
نجيه:لا حول ولا قوة الا بالله
انتصار:ايوا ، ها تعال خودني توا ، قتلك توا ، صبن البسن حتى دبش ماعندنا بيش انلموه
لبست انتصار هي وبناتها وطلعن في الجنان يرجن في خوها
ومابش اي حد يدويلها ولا يعبرها لين جاها خوها خداها
وجدان:خزي هالسلعوه هذ
تهاني:والله مصدومه من الي داراته معقوله هكي
كلثوم:والله ماشفت مرا قويه وقادره كيفها
موده وهي تبكي :باهي انا شن دنبي توا ولا شن دنب خواتي يحلف علينا ع القرايه والله حرام الله
وجدان:وحق ربي بتركبني الجلطه ، اااه ياقهرتي عطك بطاح يسحنك انتي وبناتك ياانتصار عطك ماينكد عليك معيشتك ويقهرك كي ماقهرتينا يلعن الساعه الي انكتبتي فيها في كتيب باتي
حاتم:تي الي قاهرني انها غلطانه وتدوي
منعم:بس مروان وين
رنده:ماروحش
نجيه:اكيده عند مصطفى وسعيد
رنده:من هي بيش اتنكد معيشتنا ، صبو انحطو الغدا ونبدو حوستنا خليها انشالله تطلق ونفتكو منها
كلثوم:لا يارنده الشماته مش كويسه
وجدان:امي بتجلطيني انتي
تهاني:صبن هيا انحطو الغدا
صبن تهاني ووجدان ورنده ايحطو الغدا ، وموده قالبتها بكاوات ع قرايتها الي حلف عليها باتها ، كانت في وقتها محتاجه مصطفى اكثر من اي حد ، كارهه عيلتها كلها مصدومه من الي صار ، وكيف المصايب والمشاكل جن ورا بعضهن ، وكيف انتصار حقيره رغم انهم صبو معاها امس في حرقة حوشها اليوم تمت معاديتهم ع سبا اتدرق ع عار بنتها
حطو تغدو ، وطلعن نجيه وتهاني وكلثوم للمحلات ولا كأن شي صار ، ومابنش يعدلن لأنهن ع حق ومش غلطانات
، وقعدن وجدان ورنده وموده مقهورات ويضمن ف الحوش ، ومنعم وحاتم عدو للسوق يشرو دبش لحاتم ع عرسه
وجدان:تي عماد قتله ع الي صار ، قالي كان انا را عدمتها مش ضربتها بس
موده:الحقيره هذ
رنده:تي انا الي قاهرتدني ان باتي مش حيخلي البنات عندها حتى لو طلقها ،يعني حيجن ياحيعشين عندنا ياعندكم
موده:اااه ياكبدي ، ياجلطتي انا ، تي حتى هضا مايبيش يرد
وجدان:سكري را يقعد احداه مروان
موده:سكرت حتى نا ، مقهوره ع قرايتي وحق ربي
وجدتن:امتى بس نزوجو ونفتكو من العيله المتخلفه هذي
رنده:وحق ربي خاطري نمسكها نفتفتها بمبشرة البصل البقره وبناتها هذ
وجدان:خلاص فكني من سيرتها
موده:امتى بنشرو دبش
وجدان:مش عارفه ، غير نوتو للعرس قبل ، الدبش اخر حاجه
رنده:ريما اترن
موده:شوفيها
رنده:ايوا ريمو شنجك
ريما :الحمدلله شنجكم انتم
رنده:تمام يسلمن عليك مبروكه ومحظوظه
ريما:لنقنهن نسخه هههههه سلميلي عليهن
رنده:شنجك وتيتي ولا مزال
ريما:لا كملنا توتاي صقع عليكم
رنده:ياعوينكم نحنا هضا وين بدينا
ريما:كنها هدوء احداك
رنده:مافيش حد انا ووجدان وموده بس ، الباقي طلعو ريما:اها قالي تومي بيطلع يشري دبش ، شن صار في انتصار وحوشها وجعتنا والله
رنده:ماتوجعك بكل ياحنه قاعده عند هلها قبر يلمها انشالله
ريما :ياساتر كنكم طحنه امالا
رنده:عندش نيه نتنرفز ماصدقت رقت ، خلي حاتم يحكيلك بعدين
ريما:انشالله خير خوفتيني
رنده:انشالله
ريما:وجك توا سلمي ع خواتك
رنده:سلام
ريما :سلامات
وجدان:هيا صبن انكملو حوسه قبل باتي يجي ليلتنا سوده انشاءالله
موده:تهاني خافت ع عيالها ماجبتهمش
رنده:قالت بتحطهم عند اختها
وجدان:وفرت
موده:والله تعز عليا
رنده:لا نشبالله كويسه
وجدان:صبن الزح
موده:هيا باهي
صبن كلهن يضمن شويه وموده رن عليها مصطفى
مصطفى:ها ياقلبي شنجك من الطحنات
موده:حلف ع القرايه يابوفا
مصطفى:لالا
موده:وحق ربي حلف طلاق
مصطفى:ياحول الله ، وشن صار توا
موده:العقربه لمت بناتها وجتها خوها خذاها ، مانظني الا تطلق اليوم
مصطفى:وصلت لطلاق هي
موده:احسن افتكينا منها
مصطفى:المهم انتي شن دايره توا
موده:والله ياحبيبي اعصابي تعبت بكل زدت مرضت
مصطفى:فوتي ياعمري كان ع القرايه ماعندك ماتديري بيها انتي مستقبلي ناخدك وانخليك تقري ، وكان ع مرات باتك اهو افتكيتو منها
موده:انشالله خير وخلاص
مصطفى:شن اتديري توا
موده:انضمو ف الحوش للدفع والعرس
مصطفى:ربي يعاونكم ياقلبي عقبال عرسنا
موده:يارب ، خلاص حبيبي بنشوف خواتي توا نحكو بعدين
مصطفى:تم حبي ، سلام توا
موده:انحبك
مصطفى:انموت فيك
لهن البنات يضمن ، والحوش يربخ اغاني
لين ف الليل روحن الضراير وروحو الشباب ويراجو في محمود والليل السودع الي ح يديرها
نجيه:كلثوم جيبي مناديل الدفع انطبقوهن ونحنا مكسدين هكي
موده:عديتو لعيت عمي سالم
تهاني:اها يسلمن عليكم تغريد ومروه
نجيه:سليمان مريض وجعني
موده:كنه
نجيه:حساسيه جسمه كله
كلثوم:الحاج روح
تهاني :باسم الله شن كنهم الشباب
وجدان:ههههههه لا ماتخلفيش مروان ومنعم يلعبو في سوني
تهاني:فجعوني وحق ربي
رنده:انا كل ماندكر باتي حلف ع قرايتنا قلبي يوجعني
كلثوم:الله غالب تمشي عليكم السنه هذي ع حلفته والسنه الجايه ساهل
وجدان:حرام والله
موده:يارب فرج علينا ونزوجو ونطلعو من هالعيله
نجيه:تحشمي ع وجك
كلثوم:ييييه ياموده ، الواحد يقدر يلقى الحب لكن عمره مايعوض العيله
محمود:نجيه
وجدان:ياليلتنا السوده
نجيه:نعم ياحاج
هاكي هدي حطيها في الثلاجه ، كلمي انتصار
كلثوم : 😱😱😱
تهاني: 😳😳😳
رنده:😰
موده:انتصار خدت خواتي وعدت لهلهها
ومحموديسمع هكي وينفصل فصله معش عرفو حتى يتنفسو ، وكيف ماجا رد طلع وهبد الباب ، وقعدو هما يراجو في شن حيصير وشن حيدير محمود ......
تقييمكم 😍
