عند البنات في الكوجينه
وجدان:حقي هذي خوها كيف مروح من عركه وهي عيونها قلوب
رنده:هايمه الحيوانه
موده:يناعلي وحق ربي جنتل ويهبل ، مانحملش مروان يهزبني حبيبي والله
وجدان :هذي كنها هذي
موده:تي يؤبرني وخلاص
وجدان:بنكلم عماد انطمنه ، كنت انكلم فيه بعدها صارت هالقصه سكرت وطلعت نجري
رنده :اسمالله عليا وخلاص
كلثوم:هيا يابنات باتكن قال روحن
وجدان:هيا تصبحي ع خير ياهايمه
رنده:سلام انشالله اتهزبي ع تصبايتك
موده:عادي المهم شفته 😍
رنده : 😒 وجك يارا
طلعن الضراير روحن ، ومحمود طلع للجنان هزب مروان ومسح بيه الوطا بعدها عدا لتهاني
مصطفى :باهي ياحمش انت بنروح انا
سعيد:خودني معاك ، سيارتي سيبتها ف الساحه بعد مسكونا
مروان:سلمكم صبايين شباب منورين
منعم ضربه ع راسه :فرحان انت بالي درته يعني
مروان:تي حل يارا ناقصك انا ياعمي المثالي
حاتم :خش يامهزب مزال تلقى من امك
مروان :لا طيبه الحويجه
مصطفى :هيا ياسعيد صاحبك هضا بيجيبلي الجلطه
ركبو سعيد ومصطفى سيارة مصطفى بيبو وعدو
منعم :خش خش ، خلينا انروحو
حاتم :تصبح
مروان:منورين ، انردوها لكم في شي عركه
منعم ضربه كانشو :خش خش
روحو منعم وحاتم وخش مروان جايته ع موده
مروان : انتي يابهيمه شن صباك برا امبدري
عدت موده تجري كرست ورا امها :ياماما قوليله
مروان:سيبيها ياامي وحق الله نضربها البهيمه شن طلعها وسعيد ومصطفى برا بنفهم
نجيه:وبك عين تدوي ياللي ماتحشم ، مش ساد فجغت الراجل بتفجغ اختك مداير فيها فتوه
مروان:تي الزح كنكم انتم
نجيه:خش دارك ربي يه.يك ولا ياخدك ويفكني منك
مروان:ياخدني وبعدها ابكو باهي
موده:امتى بس ، تي يقعد رز عزاك احلى رز ناكله في حياتي
مروان:سكري فمك را انكفخك توا
موده عدت تجري لدارها سكرت عليها ونجيه خشت لمروان في داره تكمل تهزيب فيه
تمت موده في صراع بين تمشي للمدرسه وبين لا لين بعدها قررت تمشي
قعدت توتي في روحها لين رن عليها مصطفى ، سكرت الباب بالمفتاح وردت عليه
موده:ايوا حبيبي
مصطفى :اهلين ياقلبي ، سنجك من الفجعه
موده:حيوان هضا وتوا مداير روحخ راجل وبيضربني ع سبا طلعت امبدري
مصطفى:اها صح شن طلعك
موده:طلعت بنشوف مروان شن صار
مصطفى:ماهو سعيد قاعد
موده:باهي ياحبيبي لبست وشاحي
مصطفى:حتى وكان معش تعاوديها
موده:حاضر ، بس عجبتني تهزيبتك لمروان لما هزبني وقالي خشي جوا
مصطفى:الزح انقهرت قريب ضربته لما هزبك ماتحملتهش فيك
موده:تؤپرني وخلاص
مصطفى:ناعلي انا وخلاص ، ها ماشيه للمدرسه بكرا موده:اها بنمشي
مصطفى:امتى بترقدي الساعه 3 توا را
موده:باهي توا نرقد
مصطفى:سكري توا وارقدي
موده:باهي بنحكي معاك
مصطفى :حتى نا بنحكي معاك بس مدرستك
موده:توا نرقد ماعليك فيا
مصطفى:انحبك وحق ربي
موده:حتى نا قسمبلاه
مصطفى:ههههههه مطرشقه
موده:وانت هبل
مصطفى:عادي، كان بكرا مروان روحك ، بنجي معاه
موده:هو اصلا ديمه يروح بيل
مصطفى:يناعلي تركبي معايا في السياره
موده:تدورني معش تلقاني، تعرف فيش خاطري
مصطفى:شنو
موده:نركب معاك وتجري بسرررررعه وتعلي المسجل ع الاخر لين تقعد السياره تهز
مصطفى:ههههههههه وحق ربي هبله
موده:عادي
مصطفى:رده برده هي
موده:اها امالا شنو
مصطفى:باهي عدي ياهبله ارقدي هي
موده:مزال
مصطفى:نبدا انهزب
موده:لا خلاص توا نرقد
مصطفى:نجيها الي تسمع الكلام ، هيا حبيبي ارقدي
موده:اوكي حبيبي تصبح ع خير
مصطفى:وانتي من اهله ، انحبك
موده:انموت فيك
سكرت موده وهي قريب تنجن بمصطفى وصوته وطيبته وكل شي فيه ، طلعت شافت امها لقتها رقدت والحوش هدوء ، دارت سنونها وخشت افراشها
تاني يوم
نجيه:موده نوضي وقت ع المدرسه
موده: 😳 الساعه كم
نجيه:الساعه 7نوضي يشيلك مروان يرجى فيك حامق بكل
موده:هو امتى قعد مش حامق نضت هي
ناضت موده لبست وشالها مروان للمدرسه
الساعه 12 الظهر عند كلثوم وبناتها ...
كلثوم :هيا نوضن انتن
صبت وجدان نقزت : امي امي
كلثوم :ها كنك
وجدان :باتي امتى بيرد ع عماد
كلثوم :مزال مادوش معايا
وجدان :حرام عليه والاه ياامي حرام
كلثوم : حرمت معيشتك وعليش حرام
وجدان :اعصابي تعبت راعو مشاعري راعو اني انحبه والله نعشقه
كلثوم :حب عينك هضك ، مافيش شي اسمه حب قبل الزواج
وجدان :بس انا انحبه ياامي كنك انتي
كلثوم :قوليلي ترا شن حصلتي منه الحب غير يشيلك لجهنم وربي يغضب عليك ، قوليلي الحب يوكل ولا يشرب فيك ، ماهو انا انحب باتك قبل مانزوجه وازوجته وخديته من نجيه وشن صار يعني ؟
وجدان :حي امي اتحب بتتي قبل ما يزوجو يارنده ، صبي اسمعي احكيلي ياامي شن صار ؟
كلثوم :جبت حيوانتين جلطني في عمري وكرهنني ف الزيزه ، صبي يابهيمه انتي وياها
رنده 😒: منوضتيني عشان نسمع الهزيبه
كلثوم :صببلن
وجدان :نضنا ياامي خلاص هزيبه
عند مصطفى ومروان ف المحل :
مروان:سعيد غريبه ماجش
مصطفى :قالي نعسان توا انجي في العشيه وامسك انت توا
مروان :باهي بنعدي بنجيب اختي من المدرسه انا
مصطفى :ارجى بنطلع معاك
مروان:والمحل
مصطفى :قايله خلاص بنسكر
مروان:الساعه1 مزال القايله
مصطفى :تي غير هيا بس ، جيب المفتاح انا بنسوق
مروان :هاك هيا
سكر مصطفى المحل وعدو هو ومروان ايروحو بموده
مروان :ولع المسجل
مصطفى :حط هدي اغانيها اسماح
مروان :هاتها
مصطفى :تي امسحها قبل ،
شويه ووصلو للمدرسه
مروان :شن عرفك بالمدرسه انت ، تي نسيت مادويتش لقيتك ماشي ف الطريق الصح
مصطفى :اها 😳 ، تي ماهو انت قايللي من قبل ، من السمستر الاول
مروان :انا قايللك ؟؟؟
مصطفى :تي امالا من وين عرفت
مروان :اها بلكي ، درس هنا ننزل انكلمها وانجي
نزل مروان كلم موده واول ماطلعو مصطفى حط ع اغنيه
ركبت موده السياره وتمت تسمع ف الاغنيه عجبتها بكل حست ان مصطفى مولعها عشانها
قعد هو ومروان يغنو معاه وعمك مروان منسجم
مروان :علي علي تي حشيستي الاغنيه هذي
ماصدق مصطفى وعلا المسجل بكل لين السياره تمت تهز وتما يكسر في عينه ع موده من المرايا ويجري بالسياره ، فهمت موده انه يبي يحققلها الي في خاطرها
مروان ومصطفى : ( اليوم راني معاك غدوه تاني متمني يكتب بالمكتوب ونكون احداك ، اه ياقلبي شوف هواك وين رماني فوق بحر صافي بامواجو داني معاك ،تبع رياح الحب وعندك حطاني وودعني وصاني وقالي حبيبك ماتنساه
هيييي زينه مادرتي فينا ، انا وقلبي حوسنا عليك مالقينا ،ااااه يازينه مادرتي فينا انا وقلبي حوسنا عليك مالقينا ،
قالولي خرجتي في ظلام ،وعليا سولتي ، في غياب القمر بعيونك ضويتي ، قالولي عليك نجمه ،يانجمه مابنتي وين كنتي هذا ايش حال قوليلي علاش هربتي هيييي يازينه مادرتي فينا ،انا وقلبي حوسنا عليك مالقينا ، ااااه يازينه مادرتي فيما انا وقلبي حوسنا عليك مالقينا .....
