سكرت موده وهي قلبها يدق وقلبها قريب يطير من الفرحه ، حطت راسها ع المخده وهي تفكر في كلامه وكيف خلاها تحبه بسرعه هكي ، فطنت لروحها وهي مبتسمه واتنهد ، ساعه ورا ساعه ماقدرتش ترقد ، وفي نفس الوقت كان مصطفى بنفس الحال دارلها الايميل وحط راسه ع المخده وكاين هايم نفس حال موده واشر 😍 مسك فونه كتبلها مسج (تي ياهبله ماعرفتش نرقد ، نحبك وحق ربي )
قرت موده المسج قريل انكلبت من كثر ماهي فرحانه ، مابتش ترد عليه وقعدت تفكر كيف حتكون علاقتهم وكيف حتعيش معاه ليين رقدت
تاني يوم الصبح ...
مروان :موده موده موده
موده :ياصبح يافتاح ، ها ياهمها الاسود يانكبة حياة موده
مروان :اسمعي نوضي صحصحي نبيك في موضوع
موده :ها نضت نعم
مروان :لو انا مثلا بنجيبلك هظيه شن تحبي نجيبلك
مووده :تعطيني فلوس ونجيب بروحي
مروان :صدقت روحها هدي ، تي بنجيب لوحده الزح شن انجيبلها
موده :مروان تعرف تطلع برا
مروان : تي الزح كنك انتي
موده :مروان ليش اتدير فبا هكي ليش اتحب تنرفزني خليني نرقد بالله عليك ، قولي انت تكرهني ولا حاجه ، كنك هكي انت
مروان :والله بصراحه انا مانكرهكش بس نتشائم من وجك كل يوم قدام وجي
موده :اطلع براااا ياحيوان ، يااامي قوليله ياامي
نجيه:يامروان سيب اختك
موده :ربي يفكني منك وخلاص
نجيه :صبي وبطلي تعديد علي عمرك
موده :هو الي عنده عيله هكي يعرف يتريح
نجيه :صبي را انجيك بالب في كراعي
صبت موده اول شي داراته دزت لمصطفى مسج صبحت عليه وطلعت صلت وفطرت وبدت تبرم ع الحوش ، شويه ودق الباب
مروان :من
تهاني :افتح
مروان :هلا صباح الخير
تهاني :صباح النور ، امك جوا
مروان :خشي اها ، امممي
نجيه :من يامروان
تهاني :السلام عليكم
موده :خيرات شنجوك ،
تهاني :الحمدلله بخير
نجيه :تعالي ياتهاني
تهاني :كيف حالكم
نجيه :الحمدلله ، كيف حال البنات وامجد
تهاني :كويسين الحمدلله ، سمعتي بانتصار
نجيه :اها سمعت
تهاني :توا كنت عند كلثوم ، وشفت بناتها والله وجعنني
نجيه :هي اغلطت
تهاني :انا بندوي للحاج نمشو اليوم انردوها حرام والله بناتها
نجيه :والله كان الحاج وافق نمشي ماعندش مشكله
تهاني :خلاص جيت انقولك ، وتوا انروح انكلمه
نجيه :خلاص وقوليلي شن يقوللك
تهاني :انشالله ، هي سلام توا
نجيه:خليك
تهاني:لالا بنشوف البنات وامجد
نجيه:سلمي عليهم
طلعت تهاني ونجيه في المطبخ ومروان في داره ، وموده اتضم ف الحوش
عند كلثوم ..
كلثوم :ياحاتم بكرا بنمشو لشقتك انشوفو شن ناقص ، خلاص ياباتي عرسك قرب
حاتم :حاضر ياامي ، وين منعم
كلثوم :طلع امبدري ، يابنات هيا نوضن وقت ع الحوسه
رنده :صباح الخير
وجدان :صباحو
حاتم :ريماس وريهام وين
وجدان :راقدات مزال
كلثوم :نوضيهن باهي
رنده :حاضر
خشت رنده فتحت الرواشن
رنده :ريماااس ريهام نوضن
ريهام :تؤتؤتؤ هييي شنو هضا
ريماس :تي سكري البلا
رنده :الساعه 12 نوضن
ريهام :انوضو بجونا ماحد ينوضنا
رنده :هضا لما تبقي في حوشكم ، لكن هنا ذوقيا يعني لما انوضو اتنوضو
ريماس :شنو يعني قصدك ماعندنش ذوق
رنده :والله انتي الي قلتيهل
ريهام :باهي انوريك كيف ماعندنش ذوق
صبت ريهام سكرت الروشن والباب
رنده :بنضم الدار معلش انا ماتمشينش ع جوك
ريماس :انتي مش نضتي مادخلكش بينا باهي
رنده :لا ندخل
محمود :كنكن انتن صوتكن عالي
ريهام اول ماسمعت صوت باتها تمت تتمسكن وصبت تجري تبكي لباتها
ريهام :ياباتي رنده ياباتي ماتبينش عندهم اتلز فينا
رنده :😳😱 هيييء وحق الله كذابه ياباتي
محمود :اسمعي انتي وياها احترمن نفسكت خيرلكن را
ريماس :حرام هكي را تخلينا ثقال علبهم نيو امنا نحنا ماتخلينس مع هذينا هنا ،، ياترد امي ياتشيلنا الها
محمود يسمه ريماس من هنا وعينك ماتشوف الا النور انفصل فصله سوده وهزب وطلع عدا لتهاني ......
