سكرت موده من رنده
نجيه :ياموده صبي قهرتيني
موده :حاااضر ياامي
طلعت موده توضت وصلت وبدت تبرم ع الحوش ، لين كملت خشت عاونت امها شويه ،
بعدها ردت لدارها
اول ماخشت لدارها خطر عليها مروان وضميرها انبها عشانه ، رغم انهم ديما عركه بس ماكانوش يتحملو في بعضهم شي
رنت عليه
موده :ايوا
مروان :ها شن تبي
موده :اسمع هو انت حيوان وبهيم بس والله مانتحمل منك تزعل مني
مروان :باهي والمطلوب توا
موده :كنك ثور انت هكي
مروان :قوليها الزح قولي اسفه
موده :تي كنك بارد انت حتى انت اتقول اسف
مروان :باهي اسف
موده : حي ع امه كنك
مروان :ههههه حيوانه
موده :باهي اسفه حتى نا ، رد للحوش
مروان :ماعندي وين ماشي
موده :ليش انت وين
مروان :ههههههه طلعت وزقبت من روشن داري خشيت للدار
موده :يعني انت من بدري في دارك
مروان:هههه اها خشيت بعد باتي طلع
موده :وحق ربي حقير وجك ، وانا الي متصله خايفه عليك اتفو
مروان :وجك
صبت موده تجري عدت لدار مروان فتحت الباب
موده :حيوان خزي والله يدي تحرق فيا من ضربك
مروان :تي بطلي عض الزح حولي ، شن هالجيعانه هذي
موده : احسن عشان معش تضربني
نجيه :امتى جيت انت
موده :ماطلعش اصلا زقب من روشن الدار
نجيه :ياربي صبرني ع عيالي الي بيجلطوني
مروان :موده جيبيلي اميه
موده :انجيبلك عينك
طلعت موده من دار مروان بعد مسحت كبدها فيه ضرب وعض عدت لدارها تدكرت عماد سكرت عليها الدار وفتحت الفيس خشت ع صفحته خدت رقمه
موده :توا هضا شن انقوله ، شن نكذب عليه ، ياربي مايرن ياربي مايرد ياربي مايرد
عماد :ايوا
موده :الو عماد
عماد :ايوا تفضلي
موده :انا موده اخت وجدان
عماد :اها جابك ربي ، شن صار في وجدان
موده :باتي ضربها وتوا حابسها وقالب الحوش علينا
عماد :حبيبتي ياريته فيا ولا فيها ، نبيك اتوصليلها حاجه ، قوليلها عماد والله ماهو مايسيبك ، الاسبوع هضا انكون عندهم في الحوش
موده : عماد تدوي جد
عماد :ياموده وجدان هذي روحي مانقدرش انعيش بلاها
موده:تي انشالله نفرح بيكم والله انك راجل ، خلاص امتى بتجو
عماد:عادي تعطيني رقم خوك حاتم نتفاهم معاه
موده:لا حاتم معصي نعطيك رقم منعم متفاهم ، كلمه وتفاهم معاه
عماد:خلاص تمام
موده:اندزه لك توا في مسج
عماد:تم انراجي فيك
سكرت موده وع طول رنت ع مرات باتها ردت عليها رنده
موده:رنو تباعدي عن هلك
رنده:مافي حد احدايه شن في
موده:عماد خدا رقم منعم ، وقالي بيجي يتقدم لوجدان
رنده : ووووو ياااي والله فرحتيني بكلللللل
موده: حتى نا بنطير من فرحتي
رنده: وتوا انتي شن حتقولي لمنعم لما يسألك
موده:منعم عارفتيه مايتحمل فيا شي ، توا نتفاهم معاه نكذبله اي كذبه
رنده:ياااربي تعدي على خير
موده:انشالله خلاص وجك عقبيلي شوية رصيد انكلم بيه منعم
رنده: باهي وجك
طلعت موده بعد سكرت من رنده تحط مع امها الغدا ، تغدو وضمت المطبخ بعده قعمزت ع النت لقت مسج ن مصطفى
موده:تي هضا شن قصته معايا
مسج مصطفى :كيف حالك اليوم انشاءالله احسن
موده:الحمدلله احسن من امس ، شكرا ع السؤال
مصطفى : انت الي شكرا لأنك رديتي عليا
موده اول ماقرت مسجه استغربت :ههههه هضا كنه ههههن شن نظام سوما العاشق هضا
موده :وعليش تشكرني ، طبيعي دزيتلي مسج تسأل عليا حنرد عليك
مصطفى :هههه انا الي فرحان بس لأنك رديتي عليا
موده :امممم وعليش فرحان
مصطفى :مش عارف والله
موده :باهي نستإذنك توا بنصلي المغرب
مصطفى :باهي تقبل الله
موده : منا ومنك ، وعدي حتى انت صلي
مصطفى :حاضر ، سلام توا
سكرت موده وهي مصدومه وخايفه ومستغربه من مصطفى هضا ، عدت صلت المغرب وقعمزت اتفرج ع التليفزيون شويه لقت منعم خوها يرن عليها
موده 😱😳 ؛: حي ع امي منعم ، ياربي ياربي نجيني من هذي ونوعدك ماعاد نكذب اخرى يااارب قدرني وماتزلقنيش بلساني قدامه ، ايوا منعم
منعم :ها طشه شنجك
موده :تمام الحمدلله
منعم :قاعده في الحوش
موده :اها
منعم :حد قاعد
موده :مافي حد انا ، وامي راقده ومروان طلع ، كنك
منعم :خلاص اطلعيلي في الجنان نبيك
سكرت موده تمت تخبط ع وجها : حي ع امي لين بطني وجعتني ، شن انقوله ياربي ، يارب كون معايا قدرني يارب عطيني اي كذبه نكذب عليه بيها وولله ماعاد نكذب اخرى
طلعت موده لقاته مصبيلها قدام الحوش ، توقعاته ايكفخها كف ع وجها بس لقاته يضحك ، شدها من رقبتها :انتي تبي كف ع وجك بس الله غالب مش بيدي انحقك نضحك
موده:اه اه رقبتي حول
منعم:من وبن جبتي رقمه
موده:من فيسه
منعم:اسمعي لولا انه هو ناوي خير راك حصلتي طريحه ، بس الراجل ناوي خير
موده:والله عشان هكي انا كلمته لاني عارفته راجل
منعم:المهم هو قالي بكرا بيجيب هله ، ردي بالك اتقولي لحد انك كلمتيه وعطيتيه رقمي ، انا حنقوللهم انه خدا ايميلي من الفيس ودزلي ، وتوا نمشي لباتي في المحل وندويله
موده:تي نجك ليا وانعني مانفقدك ، يالله عثبال مانصبولك في عرسك
منعم:نسيت دزداني الي فيه لفلوس في الحوش والله ، تي شن نظام شحاتات السيمافرو هضا
موده :هههههه خزي بارد
منعم :خشي توا خليني انعدي لباتي ومعش تعاوديها الي درتيه اليوم
موده:حاضر ، سلام .....
تقييمكم 😍
