#بارت1
# ﻓﻲ _ ﺷﺮﻳﻌﺔ _ ﺍﻟﻌﺸﻖ
ﺑﺎﺭﺕ ١
ﻧﻮﺭﺍ ﻧﺎﺻﺮ ..
ﺧﻮﻑ ، ﺗﺮﻗﺐ ﻭﻗﻠﻖ .
ﺑﺸﻬﺮ ﺍﻟﺜﺎﻟﺚ ﺳﻨﺔ ٢٠٠٣ ﻭﺍﻟﺤﺮﺏ ﺍﻻﻣﺮﻳﻜﻴﺔ ﻋﻠﻰ ﺍﻟﻌﺮﺍﻕ .. ﺟﻨﺖ ﻛﺎﻋﺪﺓ ﺍﺑﻴﺘﻨﺎ ﺑﺎﻟﻬﻮﻝ
ﺍﻧﺪﻛﺖ ﺍﻟﺒﺎﺏ ﻛﺎﻡ ﺑﺎﺑﺎ ﻓﺘﺤﻬﺎ ﻭﺩﺧﻞ ﺭﺟﺎﻝ ﺑﺎﻻﺳﺘﻘﺒﺎﻝ ﺍﺟﻪ ﻛﺎﻝ ﺟﻴﺒﻮ ﺟﺎﻳﺎﺕ ، ﻛﺎﻣﺖ ﺍﻣﻲ ﺳﻮﺕ ﺟﺎﻱ ﺩﻛﺖ ﺍﻟﺒﺎﺏ ﻭﺍﺟﻪ ﺑﺎﺑﺎ ﺍﺧﺬﻩ ﻭﺻﻮﺗﻬﻢ ﻳﻮﺻﻠﻨﺎ ﻭﻫﻢ ﻳﺘﻨﺎﻗﺸﻮﻥ ﺑﺎﻻﻭﺿﺎﻉ ﺍﻟﻲ ﻳﻤﺮ ﺑﻴﻬﺎ ﺍﻟﻌﺮﺍﻕ .. ﻭﺭﺍ ﻣﺎﻃﻠﻊ ﺍﻟﺮﺟﺎﻝ
ﺍﺟﻪ ﺑﺎﺑﺎ
ﻛﺎﻝ ؛ - ﺍﻻﻣﺮﻳﻜﺎﻥ ﻉ ﺍﻻﺑﻮﺍﺏ ﻭﺣﻴﺪﺧﻠﻮﻥ ﻟﺒﻐﺪﺍﺩ ..
ﻭﺍﻟﺪﻭﺭﺓ ﻣﻮ ﻣﻜﺎﻥ ﺍﻣﻦ ﺍﻟﻨﻪ ﻻﺯﻡ ﻧﻄﻠﻊ ﻣﻨﺎ ..
ﻛﺎﻣﺖ ﺍﻣﻲ ﻣﺮﻋﻮﺑﺔ ﻛﻠﺘﻠﻪ ﻭﻭﻳﻦ ﻧﺮﻭﻭﺡ ؟
ﺟﺎﻭﺑﻬﺎ ؛ - ﺍﺑﻮ ﺣﺴﻴﻦ ﺍﻗﺘﺮﺡ ﻋﻠﻴﻪ ﻧﺮﻭﺡ ﻟﻠﻮﺯﻳﺮﻳﺔ ﻭﻧﻜﻌﺪ ﺑﻴﺖ ﺍﻳﺠﺎﺭ ﻋﻠﻤﺎ ﺗﻬﺪﺃ ﺍﻻﻭﺿﺎﻉ ﻭﻧﺮﺟﻊ ﻟﺒﻴﺘﻨﺎ ﻻﻥ ﻫﻨﺎﻙ
ﺑﻴﺖ ﻃﺎﺭﻕ ﻋﺰﻳﺰ ﻭ ﺍﻟﻤﻨﻄﻘﻪ ﺍﻣﺎﻥ ..
ﻛﻠﺘﻠﻪ ﺍﻣﻲ ﻻ ﺷﻮﻥ ﻧﻄﻠﻊ ﻭﻧﻌﻮﻑ ﺑﻴﺘﻨﺎ ﻭ ﺛﺎﻧﻲ ﺷﻲ ﻣﻨﻄﻘﺘﻨﺎ ﻣﺴﺎﻟﻤﻪ ﻭ ﺷﺎﺭﻋﻨﺎ ﺑﻲ ﻛﻞ ﺍﻟﻄﻮﺍﺋﻒ ﻭﺍﻻﺩﻳﺎﻥ ﻭﻫﻨﺎ ﺍﺧﻮﺗﻲ ﻣﺎ ﺍﻛﺪﺭ ﺍﺑﻮ ﺯﻫﺮﺍﺀ ﻣﺎ ﺍﻛﺪﺭ ﻛﻮﻝ ﻏﻴﺮﻫﻪ ..
__ ﻳﺎ ﻣﺮﺓ ﻓﻜﺮﻱ ﺑﺒﻨﺎﺗﺞ ﺗﺮﺓ ﻫﺴﻪ ﺍﻫﻠﺞ ﻳﺤﻴﺮﻭﻥ ﺑﺮﻭﺣﻬﻢ ﺍﻻﻣﺮﻳﻜﺎﻥ ﻣﺒﻘﻰ ﺷﻲ ﻭﻳﻮﺻﻠﻮﻥ ﻟﻬﻨﺎ ﻭﺧﺎﻑ ﺗﺼﻴﺮ ﺣﺮﺏ ﺷﻮﺍﺭﻉ ﻭﻣﺪﻥ ﻭﻳﻔﻮﺗﻮﻥ ﻋﻠﻴﻨﻪ ﻟﻠﺒﻴﻮﺕ ..
__ ﺍﻧﺖَ ﻟﻴﺶ ﺗﺨﻮﻓﻨﻲ ﻳﺎ ﺭﺟﺎﻝ ﻛﺘﻠﻚ ﻣﺎ ﺍﻃﻠﻊ ﻣﻦ ﺑﻴﺘﻲ ﻳﻌﻨﻲ ﻣﺎ ﺍﻃﻠﻊ ﺍﺣﺴﺎﺳﻲ ﻳﻜﻮﻟﻲ ﻫﻨﺎ ﺃﻣﻦ ﺍﻟﻨﺎ ﺧﻠﻴﻨﺎ ﻫﻨﺎﻧﻪ ..
__ ﺍﻭﻭ ﺻﺎﺭ ﺑﻴﻬﻪ ﺍﺣﺴﺎﺳﺞ ﻣﺪﺍﻡ ﻫﻴﺞ ﻟﻌﺪ ﻛﻴﻔﺞ ﻧﺒﻘﻰ ﻫﻨﺎ ﺍﻧﻲ ﻋﻠﻤﻮﺩﻛﻢ ﻏﻴﺮ ﺍﻟﺮﺟﺎﻝ ﺍﺑﻮ ﺣﺴﻴﻦ ﻳﻌﺮﻑ ﺑﺎﻻﻭﺿﺎﻉ ﻭﺍﻟﻤﻨﺎﻃﻖ ﻭﻧﺎﺧﺬ ﺣﺠﺎﻳﺘﻪ ..
__ ﺍﺩﺭﻱ ﻭﻳﻦ ﺗﺮﻭﺡ ﺑﺎﻟﻮﺯﻳﺮﻳﺔ ﻭﻳﻦ ﺍﻛﻮ ﺍﻳﺠﺎﺭﺍﺕ ﺑﻬﺎﻟﺰﻟﻚ ﻭﺍﻟﺤﺮﺏ ﻣﺸﺘﻌﻠﺔ ..
__ ﻫﻮ ﻳﻜﺪﺭ ﻳﺪﺑﺮﻟﻨﺎ ﺑﻴﺖ ﺍﻳﺠﺎﺭ ﻫﻮ ﻫﻢ ﺭﺍﺡ ﻳﺄﺟﺮ ﻫﻨﺎﻙ
__ ﻭﺍﻟﻠﻪ ﻣﻤﺮﺗﺎﺣﺔ ﺧﻠﻴﻨﺎ ﻫﻨﺎ ﺩﺧﻴﻠﻚ ..
__ ﺑﻜﻴﻔﺞ ﺍﺑﻘﻲ ﻫﻨﺎ ﺩﻧﺸﻮﻑ ﺷﺮﺍﺡ ﻳﺼﻴﺮ ..
ﺑﻘﻴﻨﺎ ﺑﺎﻟﺪﻭﺭﺓ ﻣﻨﻄﻘﺔ ﺍﻟﻤﻬﺪﻳﺔ ، ﺍﻣﻲ ﺭﺍﺣﺖ ﺗﺰﻭﺭ ﺍﻫﻠﻬﺎ ﻫﻢ ﻗﺮﻳﺒﻴﻦ ﻋﻠﻴﻨﺎ ﻛﻠﺶ ﻭﺍﺧﺬﺕ ﺍﺧﺘﻲ ﻣﺮﻳﻢ ﺍﻟﺼﻐﻴﺮﺓ ﻭﻳﺎﻫﻪ
ﺍﻧﻲ ﻭﺑﺎﺑﺎ ﻭﻋﺒﻴﺮ ﻭﺍﺧﻮﺍﻧﻲ ﺍﻟﺘﻮﺃﻡ ﺑﻘﻴﻨﺎ ﺑﺎﻟﺒﻴﺖ ﺭﺍﺣﺖ ﻭﺍﺟﺖ ﺩﻣﻮﻋﻬﺎ ﻣﻐﺮﻛﺘﻬﺎ ﻭﺗﺒﺠﻲ ..
ﺗﻼﻛﺎﻫﻪ ﺑﺎﺑﺎ ﻳﺴﺄﻟﻬﺎ ﺑﻘﻠﻖ ﺧﻴﺮﺝ ﺷﺒﻴﺞ ﻟﻴﺶ ﺩﺗﺒﺠﻴﻦ ﺍﻫﻠﺞ ﺑﻴﻬﻢ ﺷﻲ ؟
ﻛﺎﻟﺖ ﻻ ﺑﺲ ﻛﻠﻬﻢ ﺣﻴﻨﺘﻘﻠﻮﻥ ﻟﻠﻘﺎﺋﻢ ﻳﻜﻮﻟﻮﻥ ﺍﻟﻮﺿﻊ ﻣﺎﻳﻄﻤﻦ ﻫﻨﺎ ﺑﺒﻐﺪﺍﺩ ﺑﻌﺪ ..
__ ﻫﺎ ﺷﺤﺠﻴﻨﺎ ﺍﺣﻨﺎ ﻳﺎ ﺍﻡ ﺯﻫﺮﺍﺀ ؟
ﺯﺍﺩﺕ ﺍﻣﻲ ﺑﺎﻟﺒﺠﻲ ﻭﻛﻌﺪ ﺑﺎﺑﺎ ﻳﻬﺪﺃﻫﻪ ﻭﻳﻘﻨﻊ ﺑﻴﻬﺎ ﻧﻄﻠﻊ ﻣﻨﺎ ﺍﺣﻨﺎ ﻫﻤﺎﺗﻴﻴﻦ ﻭﻓﻌﻼ ﺍﻗﺘﻨﻌﺖ ﺍﺧﺬﻧﺎ ﺍﻏﺮﺍﺿﻨﺎ ﻭﻃﻠﻌﻨﺎ ﻣﻦ ﺍﻟﺪﻭﺭﺓ ﻟﻠﻮﺯﻳﺮﻳﺔ ﺍﺳﺘﻘﺮ ﺑﻴﻨﺎ ﺍﻟﺤﺎﻝ
ﺑﺒﻴﺖ ﺍﻳﺠﺎﺭ ١٠٠ ﻣﺘﺮ ﻃﺎﺑﻘﻴﻦ ﻭﻧﻈﻴﻒ
ﺑﺲ ﺍﻣﻲ ﻣﻤﺮﺗﺎﺣﻪ ﺍﺑﺪ ﻣﻦ ﻳﻮﻡ ﺍﻟﻲ ﻃﻠﻌﻨﺎ
ﺍﺑﺪ ﻭﻻ ﺑﺎﺑﺎ ﺟﺎﻥ ﻣﺮﺗﺎﺡ .. ﺻﺎﺭﺕ ﺍﻟﻨﺎ ﺍﻟﻐﺮﻓﻪ
ﺍﻟﻔﻮﻙ ﺍﺧﺬﻧﺎﻫﺎ ﺍﺣﻨﻪ ﺍﻟﺒﻨﺎﺕ ﻭﻏﺮﻓﺔ ﻧﻮﻡ
ﺟﻮﺍ ﺻﺎﺭﺕ ﻟﺒﺎﺑﺎ ﻭﺍﻣﻲ ﻭﺍﺧﻮﺍﻧﻲ ﺍﻟﺼﻐﺎﺭ ﺍﻟﺘﻮﺃﻡ
ﻓﺪﻯ ﻭﻋﻠﻲ ..
ﺍﺳﺒﻮﻉ ﻳﻠﻠﻪ ﺧﻠﺼﻨﺎ ﺗﺮﺗﻴﺐ ﺍﻟﺒﻴﺖ ..
ﺟﻨﺖ ﺍﺷﻮﻑ ﺍﻣﻲ ﺗﺒﺠﻲ ﻫﻮﺍﻳﻪ ﻋﻠﻰ ﺍﻫﻠﻬﺎ ﻭﺗﺮﻳﺪ ﺑﺲ ﺗﺸﻢ ﺧﺒﺮ ﻋﻨﻬﻢ ﻣﺎﻛﻮ ﻻ ﺧﻄﻮﻁ ﺗﻠﻴﻔﻮﻧﺎﺕ ﻭﻻ ﺍﻱ ﺗﻮﺍﺻﻞ ..
ﺑﻴﻮﻡ ٤ / ٧ ﺟﺎﻧﺖ ﺍﻻﻭﺿﺎﻉ ﺑﺒﻐﺪﺍﺩ ﻣﺨﻴﻔﻪ ﺍﻟﻰ ﺩﺭﺟﺔ ...
ﺟﻨﻪ ﻧﺎﻳﻤﻴﻦ ﻭﺩﺧﻞ ﺑﺎﺑﺎ ﻟﻠﻐﺮﻓﺔ ﻭﺻﺎﺡ ﺯﻫﺮﺍﺀ ﺯﻫﺮﺍﺀ ﻛﻌﺪﺕ ﺑﺴﺮﻋﺔ
البارت الاول
Start from the beginning
