(កូនប៉ា...) សុងហ៊ុនសម្លឹងមើលពោះរបស់ជេគ គេចង់យកដៃទៅស្ទាបនៅត្រង់នោះ តែ...
“លោកប្រុស!!”
សុងហ៊ុនជូតទឹកភ្នែករលីងរលោងចេញយ៉ាងរហ័សមុននឹងងាកក្រោយ។
“មានការអី?”
“យន្ដហោះដែលអ្នកនាងអេលីស និងកូនៗជិះ ត្រូវបានភារវរប្លន់ យន្ដហោះនោះពេលនេះបាត់ដំណឹងហើយ វាត្រូវបានគេសង្ស័យថាបានធ្លាក់នៅតំបន់ភ្នំ”
ឌាំង!!
ពេលនេះទុក្ខជាន់ទុក្ខហើយ...
“អ្នកណាជាអ្នកធ្វើ?”
“ប្រហែលជាពួក Fox”
Fox? ក្រុមដែលអង្គភាពចចកស្វែករកអន្តើ!
សុងហ៊ុនងាកមើលអ្នកម៉ាក់ដែលទើបតែបាត់បង់កូន មុននឹង...
ជុប!
គេឱនថើបថ្ងាស់ជេគមួយខ្សឺតមួយនឹងចេញទៅជួយរកបងស្រីនិងក្មួយៗ។
នៅពេលដែលស្វាមីចេញទៅបាត់ ជេគក៏បើកភ្នែកឡើង។ កែវភ្នែករបស់នាយពោរពេញទៅដោយក្ដីឈឺចាប់និងទុក្ខវេទនា។
“លោកប្រុស លោកប្រុសតូចដឹងខ្លួនហើយមែនទេ? លោកប្រុសធំទើបតែចេញទៅមុននេះទេ”
“...” ជេគមិននិយាយអ្វីទាំងអស់ តែព្រះអើយ! ទឹកភ្នែករបស់នាយស្រក់ហូរមិនឈប់ឡើយ គឺហូរជំនួសការឈឺចាប់ដែលនាយមិនអាចនិយាយចេញមកបាន។
“លោកប្រុសតូច... អ្ហឺ...” សេមលុតជង្គង់ទ្រហោរយំទាំងបេះដូងខ្ទិចខ្ទាំ។ សភាពរបស់ជេគនៅពេលប្រៀបដូចជាមនុស្សស្លាប់យ៉ាងអ៊ីចឹង។
ថ្ងៃបន្ទាប់...
ការរុករកយន្ដហោះ និងជនរងគ្រោះនៅតែបន្តដំណើរការទៅយ៉ាងសស្រាក់សស្រាំ។ សុងហ៊ុននិងជុងហានញាប់ដៃញាប់ជើងស្វែងរកមនុស្សដូចគ្នា តែធ្វើការរៀងខ្លួន មិនឡូកឡំជាមួយគ្នាឡើយ ព្រោះពួកគេទាំង២ក្រុមនៅជាសត្រូវស៊ីសាច់ហុតឈាមគ្នានៅឡើយទេ។ ជុងហានស្វែងរកតាមវិធីរបស់គេ សុងហ៊ុនក៏មានវិធីរបស់គេ។
10AM
“លោកប្រុស មានដំណឹងហើយ!”
“រកទីតាំងឃើញទេ?”
BINABASA MO ANG
គ្រោះស្នេហ៍ក្នុងសមុទ្រព្រិល
Romanceរដូវរងាដែលមានព្រិលធ្លាក់យ៉ាងស្រស់ស្អាតសម្រាប់គូរស្នេហ៍មួយគូរដែលពោពេញទៅដោយភាពល្វីងជូរចត់ ការសោកស្ដាយ ការបាត់បង់ដែលកើតឡើងម្ដងហើយម្ដងទៀត។
