Unicode
ရှောင်ကျန့်နိုးလာတော့ ညစာစားချိန်ပင်ရောက်လို့နေပြီ။ ကိုယ်လက်သန့်စင်ရန် ရေချိုးခန်းထဲသွားဖို့ကုတင်ပေါ်ကဆင်းလိုက်ချိန် ရိပေါ်ကအခန်းထဲဝင်လာကာ သူ့ကိုပွေ့ချီလိုက်သည်။
"မင်းအားနည်းနေသေးတယ်လေ အချစ် ကိုယ်လာခေါ်တာကိုစောင့်မှပေါ့"
"ငါအဲလောက်လည်းအားမနည်းပါဘူး နုနုရွရွလေးလုပ်နေဖို့မှမလိုဘဲ"
"ကိုယ့်အတွက်တော့လိုတယ် ဘာလို့လဲသိလား"
"ပြောကြည့်လေ"
"ကိုယ့်အတွက်တော့မင်းကကြွေရုပ်ကလေးဖြစ်နေလို့ပဲ"
"ပိုလွန်းတယ်"
"ကိုယ်တကယ်ပြောတာ မင်းကတကယ်လှတာ တစိမ့်စိမ့်ငေးကြည့်နေချင်လောက်အောင်ကိုလှတာအချစ်ရဲ့"
"တော်ပြီတော်ပြီ ငါဗိုက်ဆာပြီ ကဗျာတွေစာတွေနောက်မှဖွဲ့"
ညစာကိုလဲရှောင်ကျန့်အကြိုက်တွေချည်းပြင်ဆင်ပေးထားကာ သူကိုယ်တိုင်ခူးခပ်ကျွေးသည်ကြောင့် အိမ်စေများပင်အံ့ဩနေပြီး သူတို့ကိုစပ်စုနေကြသည်။ ညစာစားပြီးတော့ဧည့်ခန်းထဲထိုင်နေကြချိန်မှာ ရိပေါ်ကအိမ်စေအားလုံးကိုခေါ်လိုက်သည်။
"သူ့နာမည်ကရှောင်ကျန့် ငါနဲ့လက်ထက်မယ့်သူ ဒီအိမ်မှာငါ့ထက်ပိုပြီးသူကအရေးပါတယ် သဘောပေါက်တယ်မဟုတ်လား"
"ဟုတ်ကဲ့"
ရိပေါ်နဲ့အဆင်ပြေနေပြီဆိုပေမဲ့ ရှောင်ကျန့်မှာလုပ်စရာတွေရှိနေသေးသည်။ လုပိုင်ရွယ်နဲ့ရှင်းစရာတစ်ချို့ကျန်ရှိနေသေးသည်။ ရှောင်ကျန့်ရိပေါ်ကိုလည်းမေးစရာတွေရှိနေသေးသည်။
"ရိပေါ် မင်းအဲဒီနေ့ကပြောခဲ့တာ ငါဒုက္ခရောက်လိမ့်မယ်ဆိုတာဘာကိုပြောချင်တာလဲ"
"မင်းကရိုးတယ်ရှောင်ကျန့် ဒါပေမဲ့မင်းသူငယ်ချင်းကတော့မတူဘူး"
"ပိုင်ရွယ်"
"အင်း"
ဒါဆိုအဲဒီနေ့ကပိုင်ရွယ်ကရိပေါ်ကိုမဟုတ်ဘဲ ရှောင်ကျန့်ကိုထိခိုက်အောင်ရည်ရွယ်ချက်ရှိရှိလုပ်ခဲ့တာဖြစ်လိမ့်မည်။ စတွေ့စကတည်းကရှောင်ကျန့်ကအမြဲကူညီပေးခဲ့ပေမဲ့ သူကတော့အမြဲပြဿနာတွေသယ်လာတတ်သည်။ ရှောင်ကျန့်ကသူ့ကိုရိုးအလို့ဟုသာတွေးထင်ခဲ့တာကြောင့်သတိမထားမိခဲ့ခြင်းဖြစ်သည်။
YOU ARE READING
Systemကအချစ်ဆီခေါ်လာပေးတယ် (Systemကအခ်စ္ဆီေခၚလာေပးတယ္ )
FanfictionUnicode + Zawgyi Start Date= 28.9.2023 End Date= 4.3.2024
