❣️အချစ်ကွန်ချာ❣️{Part--7}
*******❣️********
" ကြီးနုရေ...မာန်လေးကော "
မနက်က ထူးထူးဆန်းဆန်း ဆေးရုံကိုလိုက်လာပြီး
အရေးပေါ်လူနာနှင့်မို့ ရုံးခန်းမှာစောင့်ဆိုတော့ မစောင့်ဘဲ ပြန်သွားသည့် မာန်လေးကြောင့် အိမ်ရောက်တာနဲ့ မေးမိတာဖြစ်သည်။
" ခြံထဲမှာ ဖြစ်လိမ့်မယ်...သားခေတ် !
ထမင်းစားပြီး ခြံထဲဆင်းမယ်ဆိုပြီး သွားလိုက်တာပဲ ကွယ့် "
" ဪ...ဟုတ်ကဲ့ ကြီးနု !
ဒီမှာ...သူ့အတွက် ပေါက်စီဝယ်လာတာ!
နွှေးပေးထားလိုက်ပါဦး...ကျွန်တော် သူ့ဆီသွား
လိုက်ဦးမယ် "
ခြံထဲဆိုတော့ ခေတ် ခြေလှမ်းတွေက ခြံထဲပြန်ဦးတည်ရင်း
ဟော တွေ့ပါပြီ
မြက်ခင်းပေါ် ပက်လက်လှဲလို့ ကောင်းကင်က ကြယ်တွေများ ရေတွက်နေသလားပဲ။
" သား...မာန်လေးရေ "
" ဟင်...ဗျာ ! ဦးဦး ပြန်ရောက်ပြီလား "
လှဲနေရာမှ ထထိုင်လိုက်ပြီး မေးလာသည့် ကလေး
" ဟုတ်ကဲ့...ပြန်ရောက်ပါပြီ ဗျာ !
မနက်က ဘာလို့ ရုံးခန်းမှာ စောင့်မနေတာလဲ သား
ဦးဦးက စောင့်နေမယ်ပဲ ထင်မိတာ "
" သူငယ်ချင်းတစ်ယောက်နဲ့ ခဏအဖော်လိုက်လာ
တာမို့ပါ ဦးဦး !
အဲ့ဒါကြောင့် မစောင့်နေတော့တာပါ ဦးဦး "
မဖြစ်မနေမို့ မာန် မုသားသုံးရတာ ခဏခဏဖြစ်နေပြီ။
သို့သော် မာန်က သူတစ်ပါးဒုက္ခရောက်ဖို့ရာ ကိုယ်ကျိုးအတွက် မုသားသုံးခဲ့တာမှ မဟုတ်ဘဲလေ။
တစ်ဖက်လူ စိတ်သက်သာရာရဖို့ တစ်ခါတလေကျ
သုံးရတဲ့မုသားတွေဟာ နစ်နာလိုစိတ်ကင်းတာမို့ အဆင်ပြေမှာပါ။
" ဦးဦး ပင်ပမ်းလာတာ ရေသွားချိုးတော့လေ "
" အဟွန်း...ဟုတ်ကဲ့ပါ ဗျာ !
ဒါဖြင့် ဦးဦး ရေသွားချိုးလိုက်ဦးမယ် သား !
သားလည်း အိမ်ထဲဝင်တော့လေကွာ !
လေတွေတိုက်တာ အအေးပတ်ပြီး ဖျားနေမယ် "
ကြီးနုဆီမှာ ပေါက်စီပေးခဲ့တယ် သားစားချင်တဲ့
အချိန် စားနော် "
YOU ARE READING
အချစ်ကွန်ချာ
Romanceမာယာများတဲ့အချစ်ကြောင့် နောက်ထပ်မချစ်မိအောင်မာယာေတွနဲ့ကာကွယ်တတ်ခဲ့ပေမယ့် မင်းရဲ့ ဖြူစင်ရိုးရှင်းတဲ့ချစ်ခြင်းကတော့ ကိုယ့်နှလုံးသားရဲ့အကာအကွယ်နံရံတွေကို ပြိုပျက်စေတဲ့အထိ နူးညံ့စွာအင်အားပြင်းလွန်းခဲ့တယ် ( လရိပ်မြှား ) ကျွန်တော့် အပြုအမူတိုင်းက ရင်ထဲကလ...
