بعد مرور ١٠ ايام و وقت ترجع ود لبيت عمها و الظهر تجهز اغراضها و كل شي عشان عساف بيجي ياخذها و الغداء عند عمها و كانت متحمسه ترجع لهم و بنفس الوقت بتفقد اهلها مره و الساعه ١١ عساف عند الباب و طارق يطلع اغراض ود و ود تودع امها و ابوها من غير شر .
ود : يلا مع السلامة
ابو طارق : الله يحفظتس انتي و حفيدتنا
ام طارق : لا تقطعين عاد
ود : لا هين كل خميس ولا جمعة و انا عندكم مالي غنى عنكم
ابو طارق : الله يستر عليتس
طلعت ود و ركبت السياره و اول ما ركبت كان عساف يسولف مع طارق و لف عساف و هو يودع طارق و اول ما شاف بنته و ود انبسسسط حس انه الدنيا رجعت له .
عساف : الحمدلله ما بغينا
ود : اي والله
عساف : اهلي هناك بالبيت يحترونتس و هيفاء كل شوي ياعم متى تجي بنتك علياء
ود : ياحلوهم الله يخليهم لي يلا يلا حرك
شغل عساف سيارته و راح لبيت اهله و اول ما وصل نزل اغراض ود و ود دخلت عند عمانها بالمجلس ابو وليد و ام وليد و عيالها و سلمت عليهم كلهم .
ود : السلام عليكم
ام وليد : وعليكم السلام ياهلا
ابو وليد : ياهلا ب ود بنتنا حياتس
ود : وشلونكم
رهام : ابد بخير الحمدالله
وليد : الحمدلله على السلامه
ود : الله يسلمكم جميعاً
فراس : امانه ابي اشيل علياء
ود : خذها بس انتبه
فراس : طيب
عطت ود علياء فراس و راح فيها عند البنات اما ود الي جلست تسولف مع عمانها و وليد و رهام و بالصاله جالسات مجد و ساره و نوره و اول ما شافن فراس جاي و معه علياء كلهن قامن .
ساره : هذا فراس و معه علياء
نوره : ونااسه ود جت
مجد : اييي
فراس : شوفن علياء
نوره : عطني اياها امانه
فراس : لا
مجد : طيب انا فراس تكفى
فراس : انتي اي خوذيها
نوره : يا نذل اوريك
ساره : واي قلبي علياء امسكي امسكي منصور باخذها
مجد : لا خليها معي
ساره : اقول عطيني اياها بس
اخذت ساره علياء و نوره ماسكه منصور و تقول : انقهروا انا معي منصور
مجد : اهب يالحظ
دخل عساف و الي شاف الهوشه قايمه بينهم جلس يضحك عليهم و دخلت وراه ود الي جايه من المجلس .
ساره بصراخ : ووددد
ود : اييي يا ساره اشتقتي لي
نوره : كلنااا والله
مجد : تعالي تعالي
سلموا على بعض البنات و اخذت نوره علياء من مجد و فراس و عساف طلعوا عند المجلس و رهام راحت البنات و اول ما اجتمعن جلسن يسولفن و يعلمن عن ود وش الي فاته
نوره : الي فاتس صدق خطبة ساره
ساره : اسكتي
مجد : اي والله يا ود بس اضحكي
ود : وش صار وش صار علمني
رهام : تخيلي ساره ام لسان كانت هاجده ذاك اليوم
ساره : يخي ردة فعلي طيب شسوي
ود : شكلتس كنتي خايفه اعترفي
ساره : انا اخاف
نوره : اي لا تكذبين
مجد : شوي و تصيح
ساره : طيب غيرن الموضوع
رهام : الا على الطاري خلصتن كل شي عشان عرس نوره
مجد : اي انا خلصت الحمدلله
ساره : و انا بعد
ود : انا عندي فستاني شاريته ذاك اليوم على اساس البسه بعرس فراس بس كنت حامل و ولا قدرت
رهام : وش لونه
ود : احمر و انتن
ساره : انا اخضر
مجد : انا ازرق
رهام : اسود
نوره : انا ما يحتاج اقول
ود : اي انتي عارفين ابيض
مجد : الله يوفقتس
نوره : امين ياروحي
ساره : حماس باقي اربع ايام على العرس
مجد : ايي
نوره : اسكتن لا توترني
رهام : لا تخافين
ود : اي صدق لا تخافين
وجلسن يسولفن البنات و يضحك و يكملن سوالف و صار وقت الغداء و تغدوا كلهم و عقب الغداء كلن راح ياخذ قيلوله و عند ودّ و عساف الي ود كانت ترتب اغراضها و عساف دخل الغرفه و شافها موجوده
عساف : انتي هنا
ود : اي وين بكون
عساف : احسبتس عند خواتي
ود : لا هنا ارتب اغراضي
عساف : اغراضتس لاحقه عليها تعالي اجلسي ب اعطيتس شيء
ود : وش
عساف : اجلسي طيب
ود : ها جلست يلا ورني
عساف طلع الهديه من الدرج و عطاها ود : سمي و لبس العافيه
ود الي تفكّ الهديه و عجبتها مره الساعه : الله عساف تجنن والله ياحظي يوم صرت زوجي
و بسرعه ود حضنت عساف و عساف بادلها الحضن و اول ما بعدت قالت ود لعساف : عساف ب اعطيك شي قدييييم عندي لك
عساف بصدمة : لي و قديم وش هو
طلعت ود سبحت عساف الي طاحت منه يوم كان يدور بسيارته مع تركي و اول ما شافها انصدم ما توقع انها مع ود
عساف بصدمة : تمزحين طلعت معتس كيف
ود : اي والله اخذتها انا
عساف : بس انا نزلت و دورتها ما لقيتها
ود : اول ما طاحت انا اخذتها و عقب انت نزلت عاد
عساف : طلعتن انتن الحريم
ود : اي
عساف : كأنتس تدرين انها السبحة الاقرب لقلبي
ود : و صارت معي شفت كيف الدنيا
عساف : اي والله
-
-
-
من بكرا ببيت ام يوسف الي يجيبون الجهاز حق نوره و ينقلون الاغراض و يحطون الكراسي للمعازيم و اما بالديره الي ينصبون الخيمة و يحطون الاساسيات لان العرس ما بقى الا ثلاث ايام و الكل يشتط و يجهز و خلال اليوم العصر دق جوال ابو وليد و الي كان متصل عليه ابو مطلق و السبب معروف سالفة سرور الخسيس النذل اتصل عليه و ياهلا و شلونك شخبارك كيف الدنيا معاك و عقبها دخل بالسالفه
ابو مطلق : المهم يابو وليد انا عندي شين ودي اقوله لك
ابو وليد : سم قل لا تستحي انا مثل اخوك
ابو مطلق قال السالفه كلها ل ابو وليد و قاله انه كيت و كيت و كيت ابو وليد انصدم معقول هذا لهدرجة نذل انصدم ما يدري وش يرد على ابو مطلق اخذ شوي و قال ابو وليد .
ابو وليد : الله لا يوفقه و جعله من سجن الى سجن دام نيته كذا
ابو مطلق : امين يارب و انا قلت لك لاني احبك و بناتك مثل بناتي
ابو وليد : رايتك بيضه و ماقصرت و ترى العرس بعد يومين لا تنسى الخميس
ابو مطلق : اول الحاضرين ان شاءالله
ابو وليد : حياك الله
قفل ابو من ابو مطلق و راح عند ابو يوسف و ابو تركي يقولهم السالفه كلها و انصدموا مثل ابو وليد و تناقشوا بالموضوع و قرروا انهم يسكتون ما يعلمون العيال ولا يسببون مشاكل و العرس ما بقى عليها الا يومين .
-
-
-
اليوم المنتظر عرس نوره و يوسف يوم الخميس العصر الكل مشتط بالديره تسمع ضحكات البزران و استهبال الشباب مع يوسف و اصوات السيارات و وصول الضيوف و بيت ام يوسف بدن الحريم يملن البيت و ام يوسف كانت معاها ام تركي و البنات اما ام وليد و بناتها و حريم عيالها لسى ما جن .
-
-
-
ببيت ابو وليد الي كله ازعاج من صياح عيالهم و الي يقول وين البخور و الي تلبس عبايتها .. و عند عساف و ودّ الي عساف دخل الغرفه و شاف ود ب فستانها الاحمر و شعرها الاسود و عيونها الكبار انبهر بالجمال و بسرعه مسك خسرها و باس جبينها اما ود الي ابتسمت له .
عساف : وش الجمال ذا الي انا مالكه لي
ود : حبيبي عساف انت الحلو شف كشختك كيف قسم بالله امير
عساف تنهد و قال : قسم بالله اني محظوظ فيتس
ود : انا بعد محظوظه فيك يابو علياء
ضحك عساف ل ود و باس بنته و طلع يودع اخته نوره .
اما عند رهام و وليد الي وليد شايل منصور و هيفاء جالسه و رهما تبخر وليد
وليد : ياحلو البخور منتس يام منصور
رهام : ياحبيبي والله
وليد : يلا يلا نطلع تأخرنا
رهام : يلا .
اما عند مجد و فراس الي مجد تلبس عبايتها و فراس يناظرها و يبتسم لانه يحس الجمال كله قدامه
مجد : شكلي حلو
فراس : و تسألين بعد شكلتس حلو انتس كلتس حلوه
مجد : فراس احبك
فراس وهو يحضن مجد : اكثر حبيبتي
مجد ابتسمت له و طلعوا لأنهم تاخروا.
-
-
-
عقب كل هالفوضى اول ما خلصوا دخل ابو وليد و عياله يودعون نوره من غير شر و كانت نوره شوي و تصيح لانه ابوها يكلمها .
ابو وليد بحزن: الله يوفقتس ي اول بناتي يا سنعة البيت انا اعطيتس ولد عمتس و انا متأكده انتس ما راح تخذليني لانتس نورة البيت و شمعته و الله يوفقتس
نوره بصوت يبكي : يبه ياحبيبي الله يخليك لي يارب
وليد : نوره حبيبتي الله يوفقتس يارب و يحميتس بنفقدتس بالبيت من غير شر و لا تقطعينا من زياراتس
نوره : من عيوني مالي غيركم
عساف بطقطقه : نويره الله يحفظتس بفقد طبختس و سناعتس بالبيت
نوره : بس هذا الي بتفقده يابو بطين
عساف وهو يحب اخته : لالا بفقدتس كلتس والله
فراس : دوري ياولد بعد المهم نوره الله يوفقتس و انتبهي لنفتس و احبتس
نوره : و انا احبك و احبكم كلكم والله الله يخليكم لي يا عزوتي
ساره : حبيبتي نوره من غير شر بفقدتس بالبيت مره احبتس
نوره وهي تحضن ساره : اختي الصغيره الله يوفقتس وانا اموت عليتس
ام وليد : بنيتي نوره اسمعي الكلام الي قلته لتس و انتبهي لنفستس و عمتس ام يوسف و ابو يوسف حطيهم بعيونتس و يوسف كذالك
نوره : ابشري يمه من عيوني
ام وليد اللي قالت : يلا امشوا المغرب اذن تأخرنا
طلعوا كلهم من البيت و اتجهوا للعرس .
-
-
-
بالعرس اول ما دخلت نوره و جلست بالكوشه و ام وليد و البنات يسلمون على الحريم الكل منبهر بجمال البنات و بدا العرس و الطقاقه تغني و البنات يرقصون و اول من رقص بنات ابو وليد و ابو تركي حنين و رهام و ساره و عقبه رقصن ود و ريم و غزال و مجد و كل الحضور منبهر من جمال البنات و خصوصا ودّ الي كانت ماكله الجو لانها توه مولده
-
-
-
و عند الرجال الي يرقصون و يغنون مع العرضه و العيال يطلقون بالرشاش و الكل مبسوط و فرحان بالعرس و عبداللطيف الي شايل كل شيء عليه من التنظين و الترتيب و حجز حق يوسف كله عليه اما يوسف الي يسوف عبداللطيف و هو شايل كل شيء و يحمد ربه عليه .
-
-
عقب العرس الي كلن راح مبسوط و فرحان و بالبيت عند ام يوسف الي راحوا كلهم معدا ام وليد و ساره عشان نوره لانها بتروح مع يوسف .
ام وليد : الله يستر عليتس انتبهي لنفستس
ساره : يلا مع السلامه
نوره : مع السلامه الله يحفظكم سلمي لي على ابوي و اخواني
ساره : طيب
ام يوسف : بتروحون
ام وليد : اي يام يوسف ينروح يلا مع السلامه
ام يوسف : مع السلامه .
-
-
راحت ام وليد و ساره و نوره طلعت ل يوسف و راحت معاه للفندق و بالسياره كانوا هاجديييين و ساكتين و اول ما وصلوا نزلوا كلهم و نزل يوسف الاغراض و اخذ نوره و راحوا لغرفتهم .. و اول ما دخلوا نزل الاغراض يوسف اما نوره دخلت و جلست على الكنب و شافها يوسف و جلس يتكلم معاها و يسولف اما نوره مستحيه كانت .
يوسف : مبروك نوره
نوره : الله يبارك فيتس
يوسف : وراتس متوتره
نوره : طبيعي بتوتر
يوسف : يقولون انتس تحبيني
نوره : و يقولون انك كنت مكتئب يوم انخطبت
يوسف : لانتس نوره قومت الدنيا و قعدتها
نوره استحت اما يوسف استغل الفرصه و جلس يسولف و يضحك معاها عشان يكسر الحاجز بينهم .
-
-
-
إنتهى لاتنسون تعطوني رأيكم بأحداث البآرت❤️🔥❤️🔥🫣!
DU LIEST GERADE
يالضحكة اللي تضوي سنيني
Aktuelle Literaturروايتي تصير فيها احداث كثيره و من ضمنها شاب يقع في حُب بنت جيرانهم لكن تصير بينهم مشاكل يضطر انه يتزوج بنت غيرها .. هل راح يقدر ينسى حُبها او زوجته راح تنظلم معاه
