يالضحكة اللي تضوي سنيني

البارت 46

الساعه ١٠ بيت ابو وليد ام وليد بالمطبخ هي و رهام و نوره يغرفن العشاء و مجد و ساره يحطن السفره للحريم و عساف  و فراس يحطون سفرة الرجال و بعد دقايق تعشوا منقسمين و عقب العشاء ام وليد و ابو وليد نامو اما الباقين جلسو عند النار يسهرون و كانت ودّ الي مسويه شاي نعناع
وليد : الشاي مضبوط وزنيته تسلم يد من سوته
عساف : صُنع يدين ودّي
نوره : الله الله صار اسمها ودّي
فارس : الحب افعال يدلعها قدام الكل
ساره : مو هينه ودّ
ود كانت مستحيه مره و رهام لاحظت عليها و حبت تغير السالفه
رهام : اقول كيف جو الرياض برد ؟
وليد : اي والله برد بس الديره ابرد شوي
مجد : تهقون رمضان برد ولا حر
نوره : احس حر
ودّ : لا احس الجو معتدل
عساف : يمكن
فراس : يمكن يكون نهاية الشتاء
ساره : يارب برد عشان ما نكرف بالحر
رهام : هو كم باقي على رمضان
وليد : حنا الحين بشهر ٦ باقي شهرين ان شاء الله
نوره : يالله حماس احب رمضان
ود : اي والله رمضان غير
فراس : اقول الساعه ١ خلونا نقوم ننام قبل لا ابوي يداهمنا
وليد : صادق و الجو بدا يبرد اكثر
عساف : اجل يلا قوموا
نوره : انا باخذ الشاي يا ساره
ساره : يالله الراحه شكرا
قاموا كلن متجه لغرفته و عند ودّ و عساف الي اول ما دخلوا ود نزلت نقابها و عساف نزل فروته و انسدح يتمدد على السرير
عساف : ياحلو الوجه السمحّ الي اشوفه الحين
ود : و ياحلوك انت
عساف وهو يلمس وجه ودّ : اشتقت للمبسم و للعيون و الغمازه
ود : الله لا يحرمك منه🫢
عساف وهو يتنهد : امييييين
******************
من بكرا الساعه ٩ عبداللطيف يمر يوسف و بيروحون يفطرون
و اول ما وصل عند بيتهم اتصل على يوسف يطلع
عبداللطيف : انا برا اطلع
يوسف : جايك
طلع يوسف لعبداللطيف و اتجهوا للمحافظة الي جنب ديرتهم علشن يفطرون بالمطعم و بالطريق يسولفون
يوسف : انا شفيك لك شهر ونص مو طبيعي
عبداللطيف : ما فيني شي والله
يوسف : شكلك تحب
عبداللطيف بضحكة: لا يابن الحلال بس منشغل بالشغل
يوسف : والله مدري عنك بس الله يقويك
عبداللطيف يضحك من يوسف و كملوا طريقهم
********************
بالديره تحديدا ببيت ابو طارق الي ام طارق جالسه مع طارق و تعلمه ان يمكن الشهر الجاي تخطب له ساره بنت ابو وليد
ام طارق : استعد يا طارق الشهر الجاي بخطب لك
فز طارق من مكانه : منهي
ام طارق : ساره بنت ابو وليد اخت عساف
طارق : تهقين يوافقون
ام طارق : وليه ما يوافقون مو حنا عطيناهم بنتنا
طارق : لا يمه السالفه مهي كذا
ام طارق : اجل وش تقصد
طارق : اقصد البنت ساره توافق
ام طارق : اي ان شاء الله الطريقه عندي
طارق : يمه وش بتخبصين الله يهداتس
ام طارق : رح لابوك ولا تتدخل بشغل الحريم
طارق : يحول طيب طيب
طلع طارق من بيتهم و بالسوق يمشي متجه لمحلهم سافه الي ينادونه و مندمج بهواجيسه مايبي الرفض من ساره ولا يبيها تنجبر عليه لكن ما يعرف ان الدنيا قسمه و نصيب
******************
اما ببيت ابو تركي الي لاهين بتجهيز بيتهم عشان ولادة غزال
و كانن جالسات بالصاله يتقهون ام تركي و حنين و غزال
ام تركي : يازين رمضان
غزال : الله يهله علينا واحنا بخير يارب
حنين : امين يارب ، يمه هالمره اول يوم فطور عند عمي ابو وليد
ام تركي : اي ان شاء الله و حنا ثاني يوم
غزال : عمه انتم كذا دايم ولا بس السنه هذي
ام تركي : لا وانا عمتس دايم من غير شر
حنين : عاد الاجواء تجنن مره
غزال : يمكن ما اروح معاكم بفطر مع امي
ام تركي : يامتس براحتس والله ان ام عيسى تاسعها العين قبل الدار
غزال : الله يخليتس لي ياعمه انتي و عمي و كلكم
حنين : امين يارب
*******************
العصر عساف اتصل على عبداللطيف يسولف معاه
عساف : وينك يا رجل مختفي
عبداللطيف : والله منشغل بالدنيا بس علمني انت شلونك
عساف : بخير الحمدالله انت شلونك كيف حالك
عبداللطيف : كويس الحمدالله
عساف : جعله دوم يارب لكن شوي بالليل حاول تجي للقهوه
عبداللطيف : ابشر غيره تبي شيء
كان عساف بيتكلم بس سكت شوي و سمع عبداللطيف صوت بنت تناديه و كانت ساره حس الصوت لامس قلبه ما يدري ليه بس سكت ينتظر عساف يكلمه احذ شوي و تكلم
عساف : اسمع اشوفك شوي يلا مع السلامه
عبداللطيف : يا هلا
قفل عبداللطيف من عساف و حس ان الصوت هي نفسها البنت ف قرر يصارح و يقول ليوسف لعل و عسى انها ما تكون نوره
********************
عند مجد و فراس الي كانت مجد تلبس عبايتها بتروح لاهلها و فراس ينتظرها برا بالشارع و لان بيت ابو ماجد قريب عندهم راح يروحون مشي على رجولهم و بعد دقيقتين وصلوا دخلت مجد بيتهم و فراس رجع عند اهله ماحب يجي عندهم من اول زياره قرر ان مجد تعيش يومه كله عند اهلها
و بالفعل اول ما دخلت مجد سلمت على امها و ابوها و اخوها و كانو مبسوطين بجيتها و نزلت عبايتها و راحت مع امها بالمطبخ تسوي القهوه و تساعدها و بالمطبخ يسولفن
ام ماجد : ها كيف فراس و اهله معاتس
مجد : والله يمه عسل عسل عمي ابو وليد يقول انتي صرتي بنتي الخامسه و عمتي كاني بنتها و البنات و حتى العيال والله يمه كلهم ما شفت منهم الا الخير
ام ماجد : و فراس
مجد : فراس يمه طييييب و حنون و صح صارم بس حنون
و هو بعد ماشفت منه الا كل خير و ما اسمع منه الا الكلمه الطيبه
ام ماجد : الحمدالله تطمنت عليتس الحين خلينا نروح عند ابوتس و اخوتس
_______________________
.
.
انتهى ✅ عطوني رأيكم بأحداث البارت❤️‍🔥❤️‍🔥!!