يالضحكة اللي تضوي سنيني

البارت 51

الصباح الساعه ٩:٤٥ توجهه ابو وليد و عياله للمستشفى و اول ما وصلوا لقسم العناية سألوا عن ولدهم عساف قالوا لهم الاسم هذا مو موجود اليوم
وليد : كيف مو موجود متاكده انتي
فراس : عساف منصور موجود امس كان هنا
السستر : ايوا عارفه امس موجود لكن الحين
ابو وليد : كملي وراتس وقفتي
السستر : ياعم الحين ولدك طلع من العناية و حطوا بالملاحظات
وليد : يعني وين
السستر : بالدور الثاني تحت
فراس : شكرا
نزلوا تحت للدور الثاني و بالصدفه واجهوا الدكتور حق عساف و كلموه و قال لهم ان عساف طلع و الحمدلله حالته افضل و الحين عادي تدخلون و تشوفونه بس ما تطولون لان مو وقت الزياره
ابو وليد : الله يسعدك يارب و يوفقك
وليد : يبشرونك بالجنة يا دكتور
الدكتور : ما سويت الا الواجب
فراس : تسلم تسلم
الدكتور : و الغرفة رقمها 34
وليد : زين زين
اتجهوا للغرفة على طول يدورونها و اول ما لقوها دخلوا و شافوا عساف جالس يقراء قران و اول ما انتبه للي عند الباب كان بيقوم بس بسرعه ابو وليد قاله اجلس لا تقوم و سلم عليه ابوه و اخوانها و فرحووووا بشوفته و عساف الي انبسط مره وهو شاف ابوه و اخوانه
ابو وليد : الحمدلله على السلامة
وليد : ما تشوف شر
عساف : الله يسلمكم يارب و الشر ما يجيكم
فراس : اشتقنا لك والله بيتنا كله مشتاق لك
وليد : اهلي بيجون شوي يزورونك دامك طلعت
عساف : لا لا تكفى
ابو وليد بأستغراب: وليه ما تبي اهلك يجون حتى ودّ بتجي
عساف : ابيهم يا يبه بس الحمدالله انا بكرا ب اطلع و هذاني قدامكم مافيني لا كسور ولا شيء آلحمدالله
وليد : وليه يطلعونك
عساف : انا ابي اطلع بعد انكتمت بالمستشفى
فراس : مجنون انت صاحي ؟ صحتك اهم يا ولد
عساف : والله صحتي بترجع اذا طلعت من المستشفى
ابو وليد : خلاص خلوه و حنا بنرجع لك العصر ان شاء الله انا و اخوانك و عمك وعياله
عساف : خلاص انتظركم
وليد : يلا مع السلامة
طلعوا ابو وليد و عياله مرتاحين انهم شافوا عساف بخير
و اتجهوا للديره راجعين .
-
-
ببيت ابو يوسف الي يسولفون عن نوره و يوسف و عرسهم طول عن الوقت اللازم و صار وقت عرسهم
ابو يوسف : ما ودتس نعجل ب زواج يوسف و نوره
ام يوسف : الا والله بس مثل منت شايف المصايب تكب كب علينا
ابو يوسف : اليوم بكلم ابو وليد بالموضوع
يوسف: وش السالفه
ام يوسف : مافيه شي بس نهرج عن عرسك من نوره
يوسف بصدمة : ليه وشفيه
ابو يوسف : نهرج انه تأخر ولازم نعجل فيه
يوسف : اها زين زين و ايه صح ترى عساف يطلع بكرا
ام يوسف: تقول الصدق
ابو يوسف : الله يبشرك بالخير
يوسف : اي والله و بكرا نروح نسلم عليه
ابو يوسف : و الذبيحة سابقتنا ان شاء الله
ام يوسف : ماتقصر والله
-
-
العصر بالقهوة عند العيال يلعبون و يسولفون
ناصر : دامنا وقفنا لعب ما ودكم نكشت لنا كشته خفيفه
سليم : اي والله وقتها
عبداللطيف: بس خلوا عساف يتشافى و الذبيحة علي
طارق : اي والله لازم عساف معانا
تركي : اكيد
ناصر : اجل ان شالله اسبوع و نطلع
سليم : ايه عساف اذا درا انه فيه كشته بيطلع اول واحد
طارق بضحكة : صادق
بنص سوالفهم دخل يوسف الي توه قايم من النوم وما يدري وش السالفه
يوسف : السلام عليكم
العيال : وعلييكم السلام و الرحمه
طارق :  والله يا وجهك مفقع يا يوسف
ناصر : النومه ذي اعرفها
يوسف : شسوي الجو يخليك تنام
عبداللطيف : يابو النوم انت ترى بنكشت
تركي : جهز نفسك
يوسف : اما متى
ناصر : قرييييب هالاسبوع او الي بعده
سليم: لا شفيك بعدتها هالاسبوع
يوسف : خلاص قرروا و قولوا لي
جلسوا يسولفون العيال اما تركي الي انسحب من الجلسه و راح يزور عساف بحكم انه ابوه و عزام ماراح يزورونه بيشوفونه بكرا .
-
-
ببيت ابو وليد الي اول ماعرفن الحريم ان عساف يطلع بكرا و هنّ ينظّفن البيت و يجهزن عشان الضيوف اذا بيزورون عساف و ودّ من اول ما درت وهي بسرعه راحت تسوي الحلا و ترسله مع عمها لعساف ياكله و سوت القهوه و الشاي و كانت فرحاااانه مره هي و ام وليد و بالمطبخ البنات يسولفن
ساره : والله يا ودّ طلعتي تحبين عساف
نوره : زوجها اكيد بتحبه
ودّ : فهميها
مجد : انتي يا ساره بالعالم الموازي
ساره : اخر مره بتكلم فيها
ود بضحكة : لا سولفي احب سوالفتس
نوره : لا تكفين خليها تسكت
ساره : عناد فيتس يانوره بسولف
مجد : ما يوقفها شي هههه
ساره : بسوي فطاير والله ما تاكلن
نوره : اللي باللبنة ؟
ساره : ايه
مجد : خلاص سولفي
ود : يوه اشتهيتها
نوره : انا اسفه بس خليني اكل
ساره : ب اعطي ود لانها حامل و انتن بسامحكن يلا
ود : ياقلبي يا ساره
مجد : ساره احبتس
نوره : و انا بعد
ساره : وش دعوه لو اعرف ان الفطاير بتخليكن تحبني لهدرجة كان سويتها كل يوم
ضحكن البنات و كملن شغلهن عشان يجلسن بالحوش اما ابو وليد و فراس و وليد اخذوا الاغراض و راحوا عند عساف
-
-
بالمستشفى بغرفة عساف تحديدا الي جالس و طفشان و انصدم اول ما سمع صوت تركي الي يقول الحمدلله على السلامة
عساف بصدمة : تركي تروك
تركي بضحكة : اي تركي تركي
عساف وهو يحضن تركي : ياهلا ياهلا اشتقت لك
تركي : وانا بعد اشتقت لك مير اجلس اجلس لا توقف
عساف : طيب
تركي : يا ولد روعتنا خفنا عليك والله
عساف : اخر مره ان شالله
تركي : يارب جعلنا ما نشوف فيك الا كل خير
عساف : امين
جلسوا يسولفون و بنص سوالفهم دخلوا اهل عساف و شافوا تركي مع عساف يتقهوى و يسولفون
ابو وليد : ما شاء الله ياتركي سبقتنا
وليد : اي مو هذا حبيب قلبه عساف
تركي وهو يسام على عمه و العيال : اي والله هذا عساف مو احد ثاني
عساف : هلا يبه ادخلوا ادخلوا
دخلوا و جلسوا يسولفون و يضحون و بنص سوالفهم طلع فراس الحلا و عطاه عساف
عساف : هذا لي
فراس : اي لك من ودّ وصتني اعطيك اياها بيدك
وليد : وترى هي الي سوت القهوة و الشاي عيت على خواتي
عساف الي ابتسم يوم سمع هالكلام من اخوانه و فتح الحلا و جلس ياكل معاهم و مرت ساعتين و مع اذان المغرب انتهت الزياره و راحوا كلهم .. اما عساف الي رجع لسريره و جلس و شاف الحلا و القهوه و بسرعه تذكر ايامه مع ود و استوعب قد ايش هو يحبها و اشتاق لها و جلس يتذكر مواقف الي بينهم و يضحك 🥹 .
-
-
انتهى لا تنسون تكتبون رأيكم عن احداث البارت❤️‍🔥🫣!