يالضحكة اللي تضوي سنيني

البارت 54

بالليل بالبر عند العيال كلهم نايمين إلا فجأة وليد و عساف و طارق جوالاتهم تدق ! و اتصال اكثر من مره من ابو وليد و فراس و ابو طارق اول ما فتح الاتصال عساف انصدم من اللي سمعه م توقع ود تولد الحين ابداً
فراس : عساف حاول ترجع انت و العيال بسرعه
عساف : بسم الله وش فيكم
فراس : ود زوجتك بالمستشفى و اتوقع بتولد الحين ودوها ابو طارق و امها و اختها و انا و امي و ابوي لاحقينهم
عساف بربكه : يلا جاي جاي
وليد : وش السالفه وش فيهم اهلي
طارق : اي والله وش فيهم جوالي اتصالات
عساف بتوتر : زوجتي بالمستشفى خلونا نلحقهم
طارق : يلا يلا
تركي الي قام و سمعهم : روحوا الله يستر عليكم حنا نجي بسيارة يوسف
وليد : طيب طيب
عساف الي ركب السياره و دعس اقوى ما عنده و معاه وليد و طارق و اتجه للمستشفى .
-
-
-
بالمستشفى ود الي بسرعه دخلت غرفة العمليات و اهلها ينتظرون و بعدها بدقايق وصلوا ام وليد و ابو وليد و فراس و بسرعه سألوهم وش صار و كيف و متى
ام وليد : يام طارق ود بالثامن متى امداها
ام طارق : والله مادري بس ادعي ادعي
ريم : يارب يسسر عليها ولادتها
ام طارق : يارب يارب
جلست ام طارق و ام وليد يقرن قران و ريم تدعي و ابو وليد و ابو طارق و فراس جالسين تحت ينتظرون العيال و بالطريق عند عساف الي مسرع اقوى ماعنده و العيال يقولون له يهدي السرعه شوي
طارق : عساف الله يهديك هدّ السرعه
وليد : اي تكفى
عساف : اسكتوا انتم الي ركبتوا معاي مو انا الي اخذتكم
طارق : طيب انتبه ياخي
وليد : عساف تسوق زين ولا وقف على جنب خلني اسوق
عساف : اسكتوا اصلا قربنا خلاص مابقى غير ٦ كيلو
طارق : الله يستر علينا
-
-
-
بالمستشفى الي مرت ساعه و الدكتوره ابدا ما طلعت ولا احد من السسترات طلعن و فراس دق على امه يتطمن
فراس : يمه بشري
ام وليد : لسى لسى و انا امك
فراس : يحول طيب طمنينا يمه تكفين
ام وليد : طيب طيب
قفل فراس من امه و اول ما قفل شاف عساف و العيال داخلين و اول ما شافوا بعض بسرعه اتجهوا عند فراس
عساف : وين ودّ وين امي
فراس : فوق فوق تلقاهم
طارق : امش بروح معاك
راحوا عساف و طارق اما الباقين جلسوا ينتظرون الخبر
و اول ما شاف عساف امه اتجه لها و سألها وش صار و كيف
عساف : يمه وش صاير كيف ود توها
ام وليد : اي يا يمه توها بس عادي لو على ٨ شهور
عساف : طيب ما يأثر على ود هالشي
ام وليد : لا يا يمه ان شاءالله ما يأثر
عساف : يارب يارب
ام طارق : ادع لها و انا عمتك ادع لها يا طارق انت بعد
طارق : يارب يارب
-
-
-
ببيت ابو وليد عند البنات اللي شايلين هم ود و خايفين عليها
ساره : ياعمري ود والله خفت عليها
مجد : الله يهون عليها يارب
نوره : امين امين
رهام : ياعمري الم الولاده قوي يارب تتحمله
ساره : تتحمل ان شاء الله
نوره: عساف درا ؟
مجد : الحين دق علي فراس و قالي انه عساف هناك عندهم
رهام : أشوى الحمدلله
-
-
-
بالمستشفى بعد ساعتين و تحديدا الساعه ٣:٥٠ الفجر ولدت ودّ و جابت بنت طلعت الدكتورة تبشرهم و لقت الكل موجود و اول ما طلعت الابتسامه سابقتها و بسرعه الكل عرفوا ان ود ولدت و قالت الدكتوره : الف مبروك ود ولدت و جابت بنت مبروك للاب و مبروك لكم كلكم
اول ما سمعوا الخبر الي يصارخ والي يضحك والي يحضن الثاني كلهم انبسطوا و عساف سجد شكر لربه و بسرعه قال للدكتوره : الله يبارك فيك بس متى نقدر نشوف ود و بنتي
الدكتوره : اعتذر منكم بس الحين ابدا ما تقدرون ان شاء الله العصر ترجعون و تشوفونهم
عساف : وليه العصر
الدكتوره : النظام كذا اعتذر منكم مره ثانيه و مبروك
عساف : الله يبارك فيك
لف عساف على اهله و بسرعه حضن ابوه و امه و اخوانه
و سلم على ابو طارق و حضن طارق و سلم على عمته
و بسرعه فراس اتصل على مجد يعلمها الخبر و انهم جايين بالطريق .
-
-
-
بالبيت عند البنات الي اول ما وصلهن الخبر نوره تصيح و ساره و مجد يحضنن بعض و رهام تضحك و وصل الخبر عند ابو تركي و عياله و ام يوسف العايله كلها فرحت بالخبر .
-
-
-
ببيت ابو تركي الي ابو تركي بشر ام تركي و ام تركي راحت تعلم البنات ان ود ولدت
ام تركي : يا بنات يا بنات
حنين : وشو يمه
ام تركي : ود ولدت جابت بنت
غزال : ماشاءالله
حنين : الحمدلله
ام تركي : اي والله و ترى بكرا بنروح لليت عمكن نزورهم
غزال : احلا شي خلاص ان شاءالله
حنين : حلو نجتمع
ام تركي : دامكن قايمات قومن توضن لان الفجر بيأذن
البنات : طيب
-
-
-
ببيت ابو وليدي الي اول ما وصلوا و دخلوا البيت البنات يلولشن و يسلمن على عساف و يباركون له
ساره : الف الف مبروك ياخوي
نوره : تتربى بعزك يارب
مجد : اي والله الف مبروك
عساف: الله يبارك فيكن يارب
رهام : مبروك عساف
عساف : يبارك فيتس يارب
ابو وليد : يلا يلا ورانا يوم طويل
فراس : وش فيه بعد
ام وليد : ابوك بيذبح ذبيحة و بيوزعها على الديره كلها
وليد : خلاص انا بروح اجيب الذبيحة
عساف : لا انا اروح عنك
وليد : لا والله اجلس انت ارتاح تنكرف شوي
فراس : اجي معك ولا لا
وليد : اي امش يلا
ابو وليد : اي هذولا عيالي يلا الهمه
وليد : مع السلامة
ام وليد : انتبهوا للطريق
فراس : طيب طيب
-
-
-
انتهى لاتنسون تعطوني رأيكم بأحداث البارت🫣❤️‍🔥❤️‍🔥!