بعد مرور من وفاة عيسى اسبوع مسك عبداللطيف القضية و الشرطة القت القبض على غازي الي لقته بالرياض و سجنوه و كان الي ماسكين حق عيسى يوسف و تركي و كانت القضية راح تبدا بعد اسبوعين من الحكم على غازي سجن مؤبد او قصاص و كان الاسبوع الاول يتردودن يوسف و تركي على المحكمة مع عبداللطيف و عساف معاهم و كان اسبوع ثقيل على ام عيسى و بنتها ما صار عندهم سند من عقب وفاة ولدها حست انه سندها بالحياة راح و اختفى
__________________________________________
ببيت ابو طارق الي ام طارق بالمطبخ تطبخ الغداء و كانت تفكر فعلا تزوج طارق بس اكيد مهو الحين بعد شهر شهرين
و كانت تفكر بين حنين و ساره لطارق تبي تزوج ولدها و تفرح فيه مثل كل الامهات و فعلا بعد الغداء فتحت الموضوع مع ابو طارق و طارق انها ناويه تخطب له
طارق : وش جاب الطاري يمه
ام طارق : بفرح فيك وانا امك من حقي
ابو طارق : حنا بنفرح فيك كلنا
طارق : انا عارف بس مو الحين
ابو طارق : اكيد مهو الحين
ام طارق : و انا قلت بخطب لك الحين
طارق : مدري عنتس قلت يمكن متحمسه
ام طارق : لا و انا امك الحين اوضاع الديره ماش خلها بعد شهرين ان شاء الله
طارق : اذا كذا خلاص انا موافق
ابو طارق : اذا بنخطب لك بعد شهرين عرسك يصير بعد رمضان
ام طارق اي ان شاء الله
************
اما عند ام تركي الي هي و حنين و ريم صارن كل عصر يروحن يتطمنن على ام عيسى و غزال و يرجعن و اما الاسبوع ذا ما راحن لانهن تعبن و ام عيسى قالت لهن تعبناكن معانا خلاص لا تجون والله ما قصرتوا
اما ببيت ابو وليد الي روتينهم مثل دايم الا هالاسبوع كان عبداللطيف يجيهم كثير يسولف مع العيال و يطلع منهم
************
بعد يوم ببيت ام وليد بعد المفرب مجتمعات البنات بدون غزال و كلهن جالسات بالحوش حق ودّ
رهام : الله يعين يخي
مجد : ما عليه تهون والله
ريم : ياعمري يا غزال الله يصبرهن
نوره : لاحول ولا قوة الا بالله
ودّ : ما بيدنا شيء هذا حال الدنيا كلنا ماشين على هالطريق
حنين : اي والله صادقه
ساره : بنات بسوي شاهي و اجي
راحت ساره تسوي شاهي و بالمطبخ دخل عندها عساف
ساره : وش تبي
عساف : وينكن انتن فيه
ساره : بالحوش الي عند غرفتك
عساف : اجل بروح
ساره وهي توقف عساف : تعال تعال وين رايح انت
عساف : ليه ما اروح
ساره : البنات موجودات
عساف : اما
ساره : والله
عساف : وش تسوين طيب
ساره : شاهي لنا
عساف : سوي لنا بعد يالعيال امانه
ساره : ياليل
عساف : امانه ساره
ساره : طيب طيب خلاص
انجزت ساره كل شيء و اعطت عساف شاهيهم و اخذت الشاهي حقهن و راحت عند البنات
نوره : وراتس ابطيتي
ساره وهي تجلس : عساف عندي شلون ما ابطي
ود : يوه عساف عاد
مجد : عطيني اصب الشاي
اخذت مجد الشاي و صبت للكل و قعدن يسولفن بالمواضيع لحد ما فاجئهن صوت ام وليد الي داخله عليهن وقالت : يا بنات قومن البسن بنروح عند ام عيسى كلنا
رهام : الله وناسه نبي نوسع صدورهن شوي
ام وليد : اي يلا قومن
حنين : يلا يلا يا بنات
قامن البنات يلبسن و و راحن لبيت ام عيسى كلهن ام وليد و بناتها و مجد و ود و رهام و ام تركي و حنين و ريم و ام يوسف و دخلن عندهن بالبيت و سلمن على بعض
ام عيسى : حياكن اجلسن
ام يوسف : جايات و معانا قهوتنا و شاهينا و حلانا
غزال : يوه ليه تكلفن على انفسكن
ام تركي : ما فيه كلافه بيننا و انا عمتس
ام وليد : حتى العشاء بنسويه نبي اليوم نطبخ كلنا سوا
جلسن الامهات و البنات سوا و صارت رهام الي تصب القهوه و ريم تفك الحلا و حنين تقطع و مجد و ودّ و نوره و ساره يسولفن مع غزال و الامهات مع ام عيسى و عقب ساعه قامن كلهن يسون العشاء الي تقطع البصل و الي تقطع الدجاج و الي تسخن المويا و الي بدت تطبخ كلهن يساعدن بعض
*****************
اما عند العيال الي يغيرون من جو يوسف و كان عبداللطيف اكثر واحد يروح و يجي مع يوسف كأنه عوض من عند الله عن عيسى الي مات و لا بيبقى وحيد و كانوا العيال بالقهوه كلهم مجتمعين يسولفون و يضحكون و يغيرون من جو بعض
عساف : مين الي يلعب كيرم عشان اكسر راسه
ناصر : قم يلا
عبداللطيف : و انا بعد معاكم
تركي : انا بعد
فعلا بدوا يلعبون العيال و يطقطقون على بعض ى كلهم متحمسين يبون يعرفون مين الي يفوز و فجأة انتهت اللعبه و فاز عساف عليهم الاول الكل ضحك
سليم : طلعت منت بهين يا عساف
عساف : والله قلت لكم بس ما صدقتوني
وليد : كفووو عساف
عساف : كفوك الطيب ياخوي
يوسف : ليكون غاش
عبداللطيف : شكله غاش صدق
عساف : عيب علي اغش ولا انتوا مو مصدقين انكم خسرتوا
تركي : اشغلتنا يابن الحلال بس قل وش تبي و نسويه
عساف : نطلع بكرا للبر بالليل نتعشاء
كان عساف يبي يغير من جو يوسف و قال كذا عشان يوافقون
عبداللطيف : فكرة حلوه خلاص تم
العيال كلهم وافقوا
يوسف : انا يمكن ما اجي
وليد : مو على كيفك بتجي غصب
ناصر : يالمدلل بتجي غصب
يوسف بضحكة : بجي خلاص
عبداللطيف : اخذك وانت ساكت بعد
ضحكوا العيال و تحمسوا لطلعه بكرا و قعدوا يسولفون و يخططون وش يجيبون و وش يسوون
****************
اما عند الحريم الي خلص العشاء و تعشن سوا و ام عيسى و غزال مره مبسوطات ان فيه احد فكر فيهن ولا احد نساهم
.
.
انتهى ✅ عطوني رأيكم بأحداث البارت❤️🔥❤️🔥!!
YOU ARE READING
يالضحكة اللي تضوي سنيني
General Fictionروايتي تصير فيها احداث كثيره و من ضمنها شاب يقع في حُب بنت جيرانهم لكن تصير بينهم مشاكل يضطر انه يتزوج بنت غيرها .. هل راح يقدر ينسى حُبها او زوجته راح تنظلم معاه
