من بكرا الصباح بالمستشفى وليد يخلص اوراق عساف عشان يسجلون له خروج و بعد نص ساعه طلعوا من المستشفى و اتجهوا لديرتهم و اول ما جت الساعه ٨:٥٠ دخلوا الديره و كل من شافه من عند السياره يتحمد له على السلامه و اول ما وصلوا عند بيتهم انصدم عساف بوجود عمه عياله و اهله و ابو ويوسف و عمته و يوسف و عمانه ابو طارق واهله انبسط عساف و بسرعه نزل و سلم على الرجال و جلس معاهم و كل الي بالمجلس يضحكون من كلام عساف و نكته و بعد ساعه راح عند الحريم يسلم على امه و خواته و ودّ اول ما جاء عند الحوش طلعت له امه و سلمت عليه
ام وليد وهي تحضن عساف : يمه عساف وليدي
عساف : ياحبيبتي يا يمه
ام وليد : يمه انت طيّب
عساف : اي يمه الحمدلله بخير انتي شلونتس
ام وليد : ابد مو كان ناقصني الا شوفتك ياولدي
عساف : الله يخليتس لي بس يمه وين خواتي و ودّ
ام وليد : بناديهم لك
راحت ام عساف تنادي البنات و ودّ من المجلس
ام عساف : ساره نوره ود روحن للحوش عساف بيسلم عليكن
ساره : امانه
نوره : ياعمري عساف
ام وليد : يلا روحن
ود : يلا يلا
طلعن البنات متجهات للحوش و هن يمشن لفت ساره على ود و قالت لها : ود انتي بعدنا حنا اول بعدين انتي
نوره : اي اي عشان تسولفين مع عساف
ود بابتسامه: ياحلوكن يا بنات طيب طيب
راحن البنات و ود بتلت واقفه تنتظرهن يرجعن اما البنات اول ما شافن عساف نوره صاحت اما ساره جلست تسلم عليه
ساره : هلا هلا
نوره بدموع : عساف
عساف وهو يحضنهن : خوااتي الي اشتقت لهن
نوره : وحنا بعد اشتقنا لك
ساره : الحمدلله على سلامتك
عساف : الله يسلمكن اخباركن
نوره : ابد بخير بس كنا ننتظرك
ساره : اي والله
عساف : الحمدلله دام بيتنا بخير انا بخير بعد
ساره : دوم يارب عاد اسمع يبي لنا جلسة معاك اذا راحوا عماني
نوره : اي لاتنسى
عساف : من عيوني بس ود وينها
نوره : يلا نناديها الحين يمكن بالمطبخ
عساف : طيب
راحن البنات و قالن ل ود ان عساف يسأل عنتس روحي يلا و بسرعه راحت ودّ للحوش و كان عساف معطي ظهره و يشوف الجو و اول ما سمع صوت ودّ بسرعه لف عليها
ود بابتسامة: عساف
عساف : ياعيون عساف
ود : الحمدلله على السلامه
عساف : بس كذا ناشفه
ود : وشو اجل
عساف : تعالي بحضنتس
ود استحت : عساف مو وقتك
عساف وهو يسحبها : اقول تعالي تعالي
عساف بسرعه حضن ود و ودّ بادلته و قالت له : فقدتك
عساف : انا بعد ياكل روحي
ود وهي تبعد : اخر الاوجاع يارب و جعل عمرك طويل
عساف وهو يمسك يد ود : عمري معاك ان شاءالله
ود : ان شاءالله يارب بس الحين بروح و انت انتبه لنفسك لا تشيل شي ثقيل عشان عمليتك
عساف : ابشري
راح عساف عند الرجال اما ود الي شكرت ربها ان زوجها بخير
-
-
-
و بعد اذان الظهر تغدوا الكل و انبسطوا مع عساف و الكل يتحمد له بالسلامه و اول ما مرت ساعه فضى بيت ابو وليد كلن رجع لبيته و ابو وليد راح ياخذ قيلوله اما وليد هو و فراس و عساف جالسين بالمشب و البنات مجد و رهام بالصاله اما ود بغرفتها و ساره و نوره راحن عند اخوانهن و بالمشب صارت جلسه اخوان ضحك و استهبال بينهم
ساره : السلام عليكم
فراس : يوه هذي وش جابها
نوره : بدايه الجلسة كذا
وليد : ادخلن ادخلن
عساف : اي و العلوم يا خواتي
نوره : ابد والله طفش
ساره : نفس كل دايم
فراس : اول مره تقولين الصدق
ساره : انا كل شي اقوله صدق
وليد : اي مره
نوره : انتم علمونا وش اخر اخبار الديره
عساف : هي هي مير كل يوم هوشات راجو و مؤمن
ساره : هذولا للحين يتهاوشون
فراس : والله فاتتكم هوشه قبل اسبوع العصر مت ضحك
وليد : هوشاتهم تحفه تبي تضحك شوف هوشه لهم
نوره : ذاك اليوم رحنا مع امي للبقاله و تهاوشوا
عساف : ابنصدم اذا مر اسبوع ولا تهاوشوا
ساره وهي تضحك : كأنهم انا و فراس
كلهم ضحكوا على تعليق ساره و كملوا سوالف الى المغرب و عقبها كلن راح لطريقه العيال راحوا للمسجد اما البنات دخلن داخل البيت لان الرجال جايين يتحمدونرى ل عساف
-
-
-
مر اسبوعين كامله نفس الروتين ما اختلف فيه شي غير ان عساف صار احسن و ودّ صارت بالشهر الثامن و ابو يوسف فتح الموضوع مع ابو وليد من ناحية زواج نوره و يوسف و وافق انه يصير الشهر الجاي و اول ما انتشر الخبر صاروا يجهزون كل شي نوره تجهز و ام يوسف تجهز لعرس ولدها و يوسف كذلك و طول فترة تجهيز يوسف كان عبداللطيف معاه و اغلب الاشياء هو الي دفعها رافض انه يوسف يدفع شي .
و بالقهوه تحديدا عند العيال مجتمعين يتفقون على الكشته
سليم : ترى ما نسيت الكشته متى تبونها
يوسف : الخميس بعد بكرا شرايكم
تركي : تم
ناصر : كلنا بنطلع ترى
عساف : خلاص ان شاءالله انا وليد بنجي
يوسف : و انا بعد
عبداللطيف : انا بعد
طارق : انا ماعندي مشكله
سليم : اجل خلاص العزبة علي
يوسف : الذبيحة علي
عبداللطيف : خلاص الباقي علينا انا و العيال
عساف : اي والله
اتفقوا بينهم العيال ان الكشتة يوم الخميس و حددوا كل شي بينهم .
-
-
انتهى لاتنسون تعطوني رايكم بأحداث البارت❤️🔥❤️🔥🫣!
أنت تقرأ
يالضحكة اللي تضوي سنيني
قصص عامةروايتي تصير فيها احداث كثيره و من ضمنها شاب يقع في حُب بنت جيرانهم لكن تصير بينهم مشاكل يضطر انه يتزوج بنت غيرها .. هل راح يقدر ينسى حُبها او زوجته راح تنظلم معاه
