يالضحكة اللي تضوي سنيني

البارت 18

بعد ما عساف و ودّ قرروا يسافرون لأبها اتصلوا على اهاليهم يبلغونهم و كان عساف يدق على تلفون بيت اهله
عساف : الو
نوره : هلا
عساف : هلا نوره شلونتس
نوره : هلا والله بالمعرس بخير انت شلونك و شلون ودّ
عساف : كلنا بخير الحمدالله امي وين
نوره : راحت هي و ابوي عند عمي ابو تركي
عساف : غريبه وانتي ليه ما رحتي
نوره : بنروح بعد شوي انا و ساره و رهام
عساف : طيب اسمعي بلغي اهلي اني بسافر لأبها انا و ودّ بنقضي اربع ايام ونرجع
نوره : طيب ابشر و توصلون بالسلامة
عساف : امين يارب ولا تنسين تسلميني على الكل مع السلامه
نوره : ما بنسى و هلا يلا
قفل عساف من اهله و رجع لقى ودّ تكلم امها
ود : اي يمه كلها اربع ايام و نرجع ان شاء الله
ام طارق : زين انتبهوا لنفسكم و سلمي لي على عساف
ود : طيب ابشري و انتي بعد وصلي سلامي لابوي و طارق و ريم
ام طارق : ريم تقول اتصل عليتس شوي
ود : طيب خلاص و الحين يمه بقفل مع السلامه
ام طارق : مع السلامه
قفلت ودّ من امها و اول ما قفلت قال لها عساف
عساف : جهزي اغراضتس و كل شيء عشان بننزل بعد شوي
ودّ : خلصت كل شيء من زمان
عساف : اجل خلاص يلا ننزل
ود : طيب بلبس نقابي
لبست نقابها ود و اخذ عساف الشنط و نزلهم حطهم بالسياره و ركبت ودّ قدام و ركب معاها عساف
ود : عساف عادي تمر البقاله ابي مويا
عساف : اي بمرها عشان اعبي بانزين و اشتري اكل لنا
ود : طيب زين
عساف : وش تبين اجيب لتس غير الماء
ود : عادي جب الي تبي اكل كل شيء
عساف بضحكه : لا تاكليني انا بعد
ودّ بعفويه : وش ابي فيك
عساف جاز له الجو : مو انا زوجتس
ودّ انحرجت : زين طيب
فهم عساف ودّ انها انحرجت و سكت وكمل طريقه البقاله اول ما وصل نزل و جاب الاغراض و مويا
عساف : جبت لتس مويا و جبت اشياء ناكلها
ود : شكرا
عساف : العفو بس م ودتس تاخذينهم من يدي
ود : معليش فهيت
اخذت ودّ الاغراض من عساف و حطتهم جنبها بالوسط
طبعا سيارة عساف جيب مرتبة وحده يارب فهمتوا
و طول الطريق كانوا ساكتين و طفش عساف و ودّ بعد بس كلمهم ما يعرفون كيف يبدون يسولفون مع بعض لسى ما تأقلموا خرج عن صمته عساف و قعد يسولف مع ودّ
عساف : ودّ انتي تعرفين خواتي
ودّ : اي اعرفهم كلهم و تقدر تقول علاقتي فيهم حلوه من قبل لا ارتبط فيك
عساف : حلو يعني اذا صرنا عند اهلي ما بشيل هم انتس تتعودين عليهم
ودّ بدون قصد : كلهم اعرفهم الا انت
عساف ضحك : اما ما تعرفيني
ود بينها و بين نفسها انا وش قلت : ها اي يعني وش يعرفني فيك
عساف : غريبه توقعت تعرفيني
ودّ: اعرف اهلك الحريم اما انتم العيال وش ابي فيكم
عساف : كفو عجبتيني
ودّ : ما شفت شيء لسى
عساف : وريني طيب
ودّ: انتبه لطريق
عساف ضحك : طيب طيب لا تخافين منتبه
ود : زين
_________________________________________
اما ببيت ابو تركي الي مجتمعين على الغداء عنده ابو وليد و اهله و ام يوسف و اهلها و عند دخلن عليهن رهام و ساره و نوره و سلمن على ام تركي و ام يوسف و راحن عند البنات بالصاله دخلن عليهن و سلمن على بعض و جلسن
غزال : كان تأخرتن بعد
نوره : يخي كنا بنجي بس عساف اتصل و ضيعت نقابي
حنين : اما عساف اتصل وش يبي
نوره : قال انه بيروح هو و ودّ للجنوب أبها
غزال : ماشاءالله الله يستر عليهم
حنين : متى بيرجعون
ساره : ماهم مطولين بياخذون اربع ايام و يرجعون ان شاء الله
رهام : ودّ ودي اشوفها مع عساف وهي واقفه جنبه
ساره بضحك : ليكون متوحمه عليهم
رهام وهي تضرب كتف ساره : لا ياحماره بشوفهم متناسقين ولا لا
غزال : حتنا بشوفهم
نوره : خل يرجعون بالسلامه بعدين قولن كذا
حنين وهي تصب قهوه للبنات : اي عطنا اخر الاخبار
ساره : مافيه اخبار
غزال : رهام انتي الحين اي شهر
رهام : بدخل الرابع
نوره : توتس يا روحي انتي
غزال : الله يهون عليتس ولادتس بالشتاء
رهام : اي ان شاء الله
حنين : بنات يخي نبي نطلع نغير جو
ساره : ماضنتي بنطلع هالايام
نوره : وليه ما نطلع
غزال : احس عشان ودّ و عساف
ساره : صح عليتس اي ماهم طالعين الا هم موجودين
رهام : يوه على ما يوافقون بنقعد شهر عشان يخططون
حنين : اهم شيء نطلع
غزال : بنات انا بروح و ارجع تركي يناديني
راحت غزال لتركي الي كان يناديها عند المطبخ
غزال : هلا تركي وش تبي
تركي : حطي لي تمر
غزال : اصبر طيب
طلعت غزال التمر و قعدت تحط بالصحن و شافت تركي طفشان
غزال : تركي حبيبي فيك شيء
تركي : لا الحمدالله
غزال : كأنك فاقد عساف
تركي : تبين الصدتس اي والله فاقده
غزال : كلها اربع ايام و يرجع
تركي : يرجع من وين
غزال : ما علمك عساف
تركي : لا
غزال : ولا دق عليك طيب
تركي : اليوم ما فتحت جوالي عقب الصبح  ليكون متصل علي و انا ما ادري
غزال : اذا جوالك معك افتح شف
تركي فتح جواله و شاف اتصالين من عساف
تركي : اي والله متصل علي
غزال : ارجع اتصل عليه ولا اقولك انتظر بعد العصر يمكن الحين بالطريق لا تلهيه
تركي : يازينتس يخي انتي و كلامتس الله يخليتس لي
غزال : ويخليك لي يارب و خذ الصحن عبيته لك
تركي : شكرا ياروحي
غزال : العفو
طلع تركي للرجال و غزال رجعت للبنات
حنين : وراتس ابطيتي
غزال : احط لتركي تمر
رهام : ياروحي تركي ما شفته امس من عقب المغرب
غزال : اذا جاء الغداء اناديه لتس
نوره : وش رايكن بعرس عساف امس
حنين : يهبل ماشاءالله
ساره : رحمت ريم واضح فقدت ود
غزال : ذكرتني يوم رحت من اهلي متضايقه مره
رهام : احسهم يحبون ودّ
نوره : ودّ احسها هي طعم البيت
ساره : مهي اكله هي وش طعم البيت
غزال : يا دلخه هذي صفه يعني مدح
نوره : خليها وش يعرفها ذي
حنين : هيي لا تغلطون على ساره
ساره : كفو المحزم
حنين : موجوده انا
غزال : ما ودكن تسكتن بس
نوره : ما عليتس منهم و علميني وش بتسوين شوي
رهام : اقول انتم انا بروح عند امي و عماتي طفشت منكن
راحت رهام عند الحريم و البنات جلسن يسولفن
______________________________________
اما عند الرجال الي كانوا جالسين و يسولفون عن السوق و الدنيا و كانوا العيال يشاركونهم السوالف بعدين صاروا يسولفون لحالهم
يوسف : الصراحة الجلسه ناقصها عساف
تركي : اي والله صادق
عزام : يا عيال ما عرفتوا متى بيرجع
وليد : يمكن بعد اربع ايام ان شاء الله
يوسف : وين راح هو
فراس : للجنوب ابها
يوسف : والله يفهم احسن شيء
تركي : اي شكله يبي البراد ما يبي الحر
وليد : عاد الديره صالختنا صلخ
عزام : والله يبي لنا سفره حنا بعد
فراس : خلونا نسافر يالعيال اذا رجع عساف
يوسف : فكره حلوه
تركي : اذا رجع عساف خلونا نتفق و نسافر
وليد : ان شاء الله
حنين صارت تنادي عزام و تركي ياخذون الغداء لانه جهز و جوا العيال ياخذون الغداء و تغدوا وعينوا من الله خير و عقبها راحوا لبيوتهم
_______________________________________
عند عساف و ودّ اللي اذن العصر و قفوا و صلوا و رجعوا يمشون و هم باقي ما وصلوا و بالطريق نامت ودّ و تركها عساف تنام وكان مشغل على المكيف وحاطه على جهة ود عشان ما تحتر من الحر و كان عساف يهوجس بينه و بين نفسه و يفكر بحياته وش بيصير فيها و كيف بيكمل حياته مع ودّ وقال البنت ما شفت منها شيء و واضح التربيه فيها بس يخي كيف بحبها يارب تساعدني بحياتي انت اعلم مافي قلبي و تنهد و كمل مشواره ولما حس انه صار يشوف انوار ابها صار يصحي ودّ و كان يهز كتفها عشان تصحى
عساف : ود ود اصحي وصلنا
ود الي صحت و ماكنت تدري هم وين اصلا : ها وشو
عساف يضحك : اقولتس وصلنا يلا اصحي
ود : اف ما بغينا
عساف : يلا هانت باقي عشره كيلو
ود : عشره كيلو و تقول وصلنا
عساف : اي والله وصلنا شوفي انوار أبها انتي شكلتس نايمه للحين
وكان عساف يقول كذا و حط يده قدام ودّ
ود وهي تبعد يد عساف : وش فيك تحط يدك قدامي
عساف بطقطقه : لا اشوى طلعتي صحيتي صدتس تشوفين يدي
ود : اي صحيت بس يخي تعب الطريق
عساف : احمدي ربتس انا كل هالمسافه اسوق
ود : الحمدالله اني ما اسوق الا بالديره
عساف : اما تعرفين تسوقين
ود :مو مره اعرف بس شوي يعني اهم شيء اعرف الاساسيات
عساف : والله طلعتي مو هينه
ود : قلت لك ما شفت شيء
عساف : وش باقي بعد اشوفه
ود : مدري
عساف : اول ما نرجع الديره بشوف سواقتس
ود : بالجيب
عساف : اي
ود : اخاف ما اعرف له او يصير ثقيل
عساف : تعرفين له سهل تراه
ود : اي بس تقول كذا عشان اسوق
عساف يضحك : والله ابي اشوف سواقتس عاد
ود : طيب اذا رجعنا يصير خير بس كم بقى
عساف : خلاص دخلنا ابها شوفي اللوحه وش مكتوب فيها
ود : اهلا و سهلا مدينة ابها ترحب بكم
عساف : ما بغينا
ود : طيب وين بنروح الحين
عساف : بنروح للفندق عسى القاء
ود : نلقى ان شاء الله
لقوا فندق و نزل عساف يشوف اذا فيه حجز لأربع ايام او لا و لقى حجز و نزل ينادي ود أشر ل ود بيده بمعنى انزلي نزلت ود و استغربت الاغراض و اول ما نزلت راحت لعساف و سألته
ود : الاغراض من بيجيبه
عساف : بوديتس للغرفه بعدين اجيب الاغراض
ود : خلني اساعدك
عساف : ما يحتاج كلها شنطتين
راح عساف يودي ود للغرفه و نزل يجيب الاغراض و اول ما دخلت ود جلست تنتظر عساف اخذ خمس دقايق و جاء عساف معاه الاغراض اخذت منه شنطتها و حطتها على الارض و عساف كذالك
عساف: ها شرايتس
ود : حلوه اهم شيء لقينا
عساف : طيب شرايتس دامنا على حزة عشاء نطلب لنا عشاء الفندق يجيبون و نتعشا و بكرا نطلع
ود : خلاص عادي
اخذ عساف التلفون بيطلب عشاء و طلب و ينتظر يوصل وهم ينتظرون نزلت ود عبايتها و علقتها و اخذت الشنطه و حطت الاغراض بالدولاب و اخذت اغراض عساف بعد حطتهم و عقبها سوت جديله لشعرها و راحت جلست على الكنب و سألت عساف
ود : عساف متى بيجي العشاء
عساف : ليه شكلتس جوعانه
ود : هم تأخروا و انا اي جوعانه
عساف : بدق عليهم اشوف ليه تاخروا
و اول ما كان عساف بيدق عليهم طق باب الغرفه و فتح لقاهم جايبين العشاء اخذه و دخله و حطه على الطاوله
عساف : العشاء جاء تعالي اجلسي
جلست ود و قعدت تتعشاء هي و عساف و اول ما خلصوا اخذت الاغراض و رتبتهم و حطتهم بالمطبخ اما عساف الي صار يدق على تركي يبي يسولف معاه و اتصل عليه و فتح تركي الاتصال
عساف : وينك يا ولد اتصل عليك اليوم ما ترد
تركي : كنت مقفل جوالي علمني عنك وصلت ابها
عساف : اي وصلت و تعشينا و خلصنا
تركي : ها كيف البنت
عساف : الله ييسر بس
تركي : حلو الله يوفقكم
عساف : اجتمعتوا ؟
تركي : اي و الغداء كان عندنا
عساف : اعترفوا فقدتوني
تركي يطقطق : لا كنا مبسوطين
عساف : اجل انقلع بقفل
تركي : انتظر امزح معاك يا ولد لا والله كلنا فاقدينك من غير شر
عساف : عارف بدون ما تقول
تركي : يلا الوقت تأخر ادق عليك بكرا
عساف : مع السلامه
كانت ود بالمطبخ و تسمع مكالمته مع تركي بس ما تدري عن وش يتكلمون بس فهمت انهم اجتمعوا و بنفس الوقت حبت علاقه عساف و تركي لان طول ملكتها على عساف اذا شافته صدفه تلقى معاه تركي سكتت و جت عنده
عساف : الوقت تأخر خلينا ننام و بكرا نشوف وش يصير
ود : طيب طيب الحين انام
عساف راح للسرير و دخل و قال لها : تصبحين على خير
ود : و انت من اهله
ود بينها و بين نفسها دامه راح قبلي بروح بس ب ابعد عنه شوي و راحت ود ونامت وهي تهوجس
______________________________________
قبل الظهر  بالديره كانو الشياب مجتمعين بالقهوة يسولفون عن الابل و الاغنام اما العيال كانوا كل واحد بمحله وعند عيسى الي جالس على الكرسي عند محله و يشوف الناس يشترون جت حرمه تاخذ منه خضار و فواكة
و بالجانب الثاني بالبيوت عند بيت ابو احمد و ام احمد
سلمى : يمه شفيه ابوي معصب
ام احمد : متهاوش مع حقين البضاعه يقول تأخروا
سلمى : ياروحي هو طيب خل يكلمهم يرجع فلوسه
ام احمد : مانب مكلمته معصب الحين فكيني منه
سلمى : طيب يمه انا بروح لغرفتي اذا تبين شيء ناديني
راحت سلمى لغرفتها و كانت كالعاده شغلتها الشاغله تخرب حياة ودّ و تفكر كيف تعطيها الرساله فكرت فكرت و لقت حل
______________________________________
اما عند ام ماجد الي توصي ابو ماجد ان الاسبوع الجاي بيروحون مكه
ام ماجد : لا تنسى الاسبوع الجاي بنروح مكه انا وانت و مجد
ابو ماجد : الله يرضى عليتس ما نسيت
مجد : اف مشتاقه لمكه
ابو ماجد : كلنا والله بس انتن استعدن عشان الاسبوع الجاي نمشي
مجد : يبه كم بنجلس يوم
ابو ماجد : ثلاث ايام و نرجع
ام ماجد : عمره مقبوله لنا ان شاء الله
______________________________________
بأبها عند عساف و ودّ الي طلعوا من الفندق و قعدوا يتمشون و فجأة وهم يتمشون شافوا قرود على الجبال و هنا خافت ودّ ماعاد تتحمل اول ما شافتهم تمسكت بكتف عساف و عساف انصدم من ودّ وش فيها و انصدم من تقربها لهدرجة
عساف : بسم الله وش فيتس
ود : خلنا نروح الجهة الثانيه تكفى ميته خوف
عساف : اي من وش طيب
ود : ماتشوف القرود
عساف يضحك : اما تخافين منهم
ود : عساف تكفى امشى تكفى
عساف : طيب المكان حلو
ود : الجو حلو كله بنلقى مكان بس تكفى خلنا نروح
قام عساف من الكرسي و اول ماقام قامت معاه ود
عساف بضحكه : طيب اتركي كتفي بنركب السياره
ود بتوتر : طيب يلا
ركبوا السياره و اول ما ركبوا قعد يضحك عساف عليها
ود ميته خوف زياده بس سكتت ما بينت له
عساف : شكلي بجيب قرود بالديره
ود : ياويلك من الله
عساف يطقطق : ليه عادي
ود : عشان تخوفني بس
عساف : هههه ما يسون شيء طيب
ود : الا يسون تكفى خلاص فكنا من طاريهم
عساف يضحك : للحين اتذكر ردة فعلتس
ود : يارب تنسى
ضحك عساف و كمل طريقه لباقي مشواريهم
_________________________________________
.
.
انتهى ✅ عطوني رايكم بالبارت ❤️‍🔥❤️‍🔥❤️‍🔥