يالضحكة اللي تضوي سنيني

البارت 33

ومن بكرا فعلا تحركوا ابو مطلق و مطلق لديرة ابو وليد
واول مادخلوا الديره نزلوا عند بيت ابو وليد وكان عقب اذان الظهر و اول ما دخلوا سلموا على بعض و راح فراس يقول لخواته يجهزون القهوه و الشاي عندهم ضيوف و بالمطبخ
فراس : بنات جهزن القهوه و الشاي بالله
نوره : جاهزه خذها معاك
فراس : حلو اشوى عشان الحق عليهم
ساره : ليه شفيه
فراس : والله مدري بس خليني اروح و عقب تعرفن السالفه
طلع فراس و الاستغراب كان على وجيه الخوات من الموضوع و رجعن للصاله عند امهن و رهام اما ود كانت بغرفتها تتروش و لسى ما خلصت و عند الرجال الي حلف ابو وليد م يتكلمون الا عقب القهوه و فعلا عقب ما تقهووا بدا ابو مطلق يقول موضوعه لهم و الي كان واضح عليه هو و ولده الجديه
ابو وليد : اسلم يابو مطلق قل وش عندك
ابو مطلق : اسمع يابو وليد الي بيتكلم ولدي مطلق و انا و ولدي بنبري ذمتنا
عساف : وش حاصل يالربع
مطلق : انا بقولكم كل شيء شفته قدام عيوني و انا ابي ابري ذمتي من الي شفته و لازم اقولكم
وليد : قل يا مطلق و حنا مصدقينك و عارفينك
مطلق : امس بالليل قبل لا تدخلون ديرتنا كنت واقف على جنب اعد حسابات الدفتر لكن ماهقيت اشوف هالشوفه الي كشفت حقيقه سرور قدام عيوني اي نعم شفت سرور المُتعاطي للمخدرات مع مروجين مخدرات وكأنه يشتري منهم دفعه و كان النقاش بينهم قوي و حالة سرور كانت مره واضحه انه ماخذ جرعه و اول ما شفت هالشيء رحت لبيتنا وقلت لابوي كل شيء و قلنا لازم نجي نعلمكم لان بنتكم بتصير زوجته بعد اسبوعين ولا نبي الظلم لها و انتم بعد
كانت ردة فعل ابو وليد و عياله كلها غضب شلون ابو سرور ما قال عن ولده كذا و شلون ابو وليد رضى على بنته تطيح على واحد مثل ذا و كان الغضب و العصبيه بعيونهم بكن قطع الصما ابو وليد وقال : قليل الخاتمه ابو سرور و سرور
عساف : والله ما اسكت لهم والله
فراس : محد بيفكه من يدي
وليد : استهدوا بالله ولا تخلونا نسوي شيء نندم عليه بعدين
ابو مطلق : وهو صادق وليد لا تتسرعون
مطلق : افصخوا الخطوبه و خلاص لا تطيحون بمصايب عشان سرور
عساف : الخبيث يلعب علينا ولا فكر باختي !!
ابو وليد : انا مدري وش الكلام الي بيوفي حقك يابو مطلق
ابو مطلق : وش هالكلام يابو وليد و بناتك مثل بناتي و عيب علي انا و ولدي نشوف هالشوفه و نسكت
مطلق : اي والله
وليد : ماقصرتوا
ابو وليد : مانتم رايحين الا عقب الغداء
فراس : ما تطلعون والله
ابو مطلق : لا والله هالمره اسمحو لنا
عساف : لا تحاول
مطلق : والله مستعجلين اهلي هناك لحالهم لازم نرجع بدري
ابو وليد : انتم بتروحون لكن الذبيحة معاكم
ابو مطلق : يابو وليد ماهي بيننا
وليد : تستاهلون والله
ابو وليد : وقليله بحقكم
فراس : انشهد
طلع ابو مطلق و مطلق ومشوا لديرتهم اما بالمجلس ما كان فيه الا ابو وليد و عياله يتناقشون بالسالفه
عساف : الله لا يوفقهم
ابو وليد : بنتي ما تاخذ مثل هذا
فراس : والله ما تاخذه و حنا موجودين
ابو وليد : جهزوا حالكم يا عيال بكرا نمشي لديرتهم
وليد : يبه استهدي بالله الموضوع ما يستاهل كل ذا و نوره والله ما تاخذه دام حنا موجودين و القانون موجود
عساف : ونجلس هنا نسكت لهم نخلي اختي معاه
وليد : يخسى و يعقب
ابو وليد : اجل وش تبينا نسوي 
فراس : وليد يخي خلك معنا
وليد : انا معاكم و المفروض يا يبه ترفع الجوال على ابو سرور وتبلغه ان ما عندنا بنت للزواج و ان ورقة طلاق بنتي توصلني للبيت
عساف : تبون الصدق والله ان اشوف نسوي كذا احسن
فراس : واذا ما فهم و لا سوا الي نبيه
وليد : نرفع بلاغ للمحكمة فسخ عقد نكاح
فراس : و بعدين
وليد : الحكومة تتفاهم معاه
عساف : و بعد عشان ما نفضح انفسنا اننا زوجنا اختي لواحد مدمن لسم الله لا يبلانا
ابو وليد : اجل اسمع اليوم خلوه يروح بكرا اتصل عليه
وليد : خلاص
ابو وليد : و نوره انا الي اعلمها هي و امها
العيال : ابشر يبه
طلعوا العيال من المجلس و راحت ام وليد و نوره عند ابو وليد الي جالس و اول ما دخلت جلسن عنده مستغربات
ام وليد : خير وش فيه
نوره : يبه فيك شيء
ابو وليد الي قال كل السالفه لهن و شرح لهن وش بيسوون و انه نوره ب تتطلق منه و اول ما سمعت نوره ابوها قال كذا فرحت و حست انها انفرجت عليها و على يوسف المهموم
ام وليد : الله يحفظ بناتنا من عيال الحرام
ابو وليد : امين يارب و ها يا نوره عندتس شيء بتقولينه
نوره : ابي اتطلق منه
ابو وليد : ابشري وهذا اللي بيصير
طلعت اول ما حبت راس ابوها و امها و كانت مره فرحانه و تحس انها بتبكي من الفرحه و ودها تشوف ودّ تقولها انها انفرجت و ام وليد بتلت عند ابو وليد جالسه بالمجلس معاه
اما بالصاله عند البنات و كانوا العيال جالسين معاهم الا ود للان بغرفتها وكانت تمشط شعرها و جالسه على التسريحه و اول ما راحت نوره للصاله و كانت مبسوطه مره و عرفوا اخوانها انها كانت ما تبي سرور ولا هي راضيه فيه
ساره : وش هالابتسامات
نوره : ابد احس اني مبسوطه
رهام : جعله دوم
وليد : تعالي اجلسي معانا
فراس : والله فيه مكسرات حلوه
عساف : تدري عنها ياغبي هي الي اشترتهن
نوره : لا مو انا ودّ الي شاريتهن
ساره : طيب اجلسي لا تشغلينا
نوره : وين ودّ
عساف : بالغرفه
نوره : طيب حلو
راحت نوره عند ودّ للغرفه و اول ما دخلت و شافتها ودّ احضنت نوره ودّ وكانت مبسوطه و فرحانه مره
ودّ مصدومه : بسم الله شفيتس
نوره : تحررت تحرررت يا ود
ودّ : من سرور !!
نوره : الحمدالله الحمدالله
ودّ : شلون و كيف ؟؟
جلست نوره : اجلسي و اشرح لتس كل شيء
ودّ الي جلست : يلا انطقي يا بنت
قالت نوره كل شيء و علمتها وش بيسون ابوها و اخوانها
ودّ : الله لا يوفقهم ما عنده خوات ابو سرور ماعنده بنات
نوره : ما فكروا فيهم
ود : والله حلو انهم بيتفاهمون معاهم بالمحاكم
نوره : الحمدالله تحررت
ود : الحمدالله صدق
نوره : الحين اقدر اخذ يوسف و انا مرتاحه
ود : بس لازم تشوحي له انتس ما كنتي تبين سرور
نوره : كيف كيف
ود : هذي خليها علي افكر فيها
نوره : خلاص اجل هذي عليتس
ود :  يلا امشي عند البنات
نوره : ترى اخواني هنا
ود : اجل بطلع بدون نقابي والله يذبحني عساف
نوره : والله عاد عساف غيور
ود بضحكة : فديت الغيور
نوره الي صدمت ود : تحبينه ؟
ود : مين
نوره : لا تسوين غبيه فاهمه مين اقصد عساف
ود : وليه سألتي
نوره : مدري حسيت عكس اول علاقتكم كنتي هاديه معاه عكس الحين
ود : اكذب عليتس اذا قلت لا اي انا احب عساف
نوره : وهو عساف
ود : مدري عنه لكن الواضح لي انه يحبني من كل قلبه
نوره : الله الله
ود : عقبالتس انتي و يوسف
نوره الي استحت و قالت ل ود : البسي و تعالي
ود بطقطقه : استحت استحت
طلعت نوره و لبست نقابها ود و طلعت للصاله عندهم
_________________________________________
اما عند ام تركي الي شافت غزال تعبانه و حست عليها
ام تركي : غزال فيتس شيء لتس يومين ماش
غزال : والله يا عمه مدري وش فيني دوخه و مالي نفس
ام تركي بفرحة : ليكون حامل
غزال : ها
ام تركي : وشو ها امشي امشي بنروح عند امتس تكشف عليتس
غزال : طيب طيب
ام تركي راحت لتركي تقوله بتروح هي و غزال عند ام عيسى كذا ساعه و يرجعن
ام تركي : تركي و انا امك بنروح عند ام عيسى انا و غزال ساعه و نرجع
تركي : طيب خلاص
ام تركي : اجل قم ودنا
تركي : انا بطلع برا انتظركن لا تطولن
ام تركي : ابشر
راحت ام تركي تلبس عباتها و اخذت غزال و طلعت و اول ما ركبن انطلق تركي فيهن عند ام عيسى و نزلن طقن الباب و فتحت ام عيسى لهن و دخلن
ام عيسى : هلا بام تركي
ام تركي : هلا فيتس
غزال : يمه شلونتس
ام عيسى : بخير الحمدالله
ام تركي : عندي لتس خبر
ام عيسى : عسى خير
ام تركي : خير خير ان شاء الله بس غزال تعبانه وابيتس تكشفين عليها هي حامل ولا لا
ام عيسى بفرح : اجل امشي يا غزال
راحت ام عيسى مع غزال و ام تركي تنتظر وبعد نص ساعه طلعت ام عيسى وهي تلولش و كانت بشارتها واضحه
ام عيسى : الحمدالله لها شهر الحين حامل
ام تركي : الف مبروك والله اني فرحانه بقوه
ام عيسى : عسى دوم عسى دوم
طلعت غزال و كانت مستحيه و قطعتها ام تركي تبويس من كثر ما هي فرحانه و بسرعه دقت على تركي يجي و اول ما جاء نزل و استغرب ليه و بسرعه قالت له امه و فرح تركي مره و بارك لغزال و انتشر الخبر ببيت ابو تركي و كلهم فرحانين و بالبيت بالصاله جالسين الاخوان
عزام : احلى من بيصير اب ياتركي
حنين : والله و كبرت يا تركي
تركي : توني صغير
حنين : وش صغير ترى عمرك ٢٧
تركي : بس صغير مالتس دخل
ضحكت حنين و كانت على دخلة رهام مبسوطه بالخبر مره و اول ما شافت تركي باركت له
رهام : الف مبروك ياخوي
تركي : الله يبارك فيتس
عزام : وحنا طيب يعني ما ينسلم علينا
رهام وهي تحضن عزام : الا شدعوه
حنين : انا انا بعد لا تنسيني
سلمت رهام على اهلها كلهم و جلست و استغربت
رهام : وين غزال ابيها
ام تركي : بتبات عند اهلها اليوم
رهام : عاد معاي سلام من عماني لكم و لها والله كلهم مبسوطين
ابو تركي : الله يسلمهم يارب و عقبال عساف و ود
الكل : امين
اما عند ببيت ابو وليد الي صدق كانوا فرحانين لتركي و غزال
ساره : ياحلوها غزال
ود : اي والله غزال تستاهل
ام وليد : عقبالتس يارب
ود : امين يارب
نوره : عاد غزال بتكون فرحانه الحين
ساره : كل بيت عمي الحين فرحانين
نوره : اي والله
دخلوا العيال الي واصلهم الخبر و يبون يتاكدون
وليد : صدق الي سمعناه
نوره : اي اي
عساف بفرح : اخيرا تركي بيعقل
ساره : والله انت الي اعقل مو تركي
عساف : بسم بالله علي انا عاقل
ساره بطقطقه : اي مره ماشاءالله
فراس : يلا ان شاء عقبال ود و عساف
عساف : امين
ود كانت هاديه لان تستحي من هاذا الموضوع و بنفس الوقت تتحسس منه لان تحس الكلام موجه لها خصوصا
.
.
انتهى ✅ لاتنسون تعطوني رأيكم بأحداث البارت❤️‍🔥❤️‍🔥