العصر ببيت ابو وليد الي كلهم بيروحون يزورون ودّ و الكل يبي يعرف وش اسم بنتهم و بالسياره مع عساف الي يسألونه خواته و امه وش اسم بنتك
ساره : عساف بسألك
عساف : وشو
ساره : وش اسم بنتك
نوره : اي والله بس اسمها
عساف : عند ودّ تعرفون
ام وليد : علمنا الحين عشان نناديكم ب اسم البنت
عساف : لا يمه مفاجأة
ابو وليد : خلاص خلوه نعرف بالمستشفى
عساف : اي اي
-
-
-
بالمستشفى اول ما وصلوا عساف و اهله و دخلوا عند ود و كانوا اهلها عندها سلموا على بعض و البنات و ام وليد يسلمون على ود و يتحمدون لها بالسلامه
ام وليد : الحمدلله على سلامتس يلا ود
ود : الله يسلمتس ياعمه
ابو وليد : تتربى بعزكم و انا عمتس
ود : امين يارب
نوره : وينه نبي نشوفها
ساره : اي والله
ام طارق : قبل كل شي علمونا وش بتسمون البنت
ام وليد : اي والله قبل شوي اسال عساف يقول هناك تعرفون
ام طارق : و ود تقول اذا جاء عساف تعرفون
ضحكوا كلهم و سكتوا و عقب عساف تكلم و قال : والله قررنا نسمي بنتنا " علياء " تقدرون الحين تنادوني ابو علياء
ابو طارق : ماشاءالله
ابو وليد : يازين الاسم
ود : شرايكم حلو
ساره : يجنن والله
نوره : اي والله الله يحفظه يارب
عساف: امين
جلسوا يسولفون و يضحكون سوا و بعدها الممرضه جابت بنتهم علياء عند ود و اول ما دخلت كلهم يسمون بالله و الي يقول ياحلوها و الي يقول صغيره كلهم انبسطوا يوم شافوها
ام وليد : ياقلبي ي علياء صغيرونه
ام طارق : اي والله
ود : بنتي حبيبتي
عساف : عطيني بشيلها عنتس
اخذ عساف علياء و قعد يبتسم و يناظر ود و بعدها جت الممرضه تاخذ الطفله للحضانه .. و بعد نص ساعه راحوا اهل ودّ و كذلك اهل عساف و اول ما طلعوا جلس عساف شوي عند ودّ لحالهم ..
عساف وهو ماسك يد ود و يبوسها : الحمدالله على السلامه حياتي
ود : الله يسلمك يابو علياء
عساف : ياحلوها منك
ود : يخليك لي
عساف : امين ، بس متى تطلعين ؟
ود : فقدتني
عساف : البيت كاتم بدونك حياتي طفى نورها
ود : قلبي عساف والله انا بعد بس ان شاءالله نقول بكرا خروج
عساف : ببيتنا ولا لبيت اهلك
ود : لا قلبي ببيت اهلي صعبة توني
عساف : كيف بتحمل الايام بدونك
ود : لا تخليني اترك الكل و اروح معاك
عساف وهو يبوس خدها : لا ياروحي صحتك اهم بس عجلي عندي مفاجأة لتس
ود : وش هي
عساف : اسمها مفاجأة ما اقدر اقولها
ود : بتروح ؟
عساف : اي
ود : طيب تعال بحضنك
قام عساف و راح عند ود يحضنها : رجعت لي الحياة بعد حضنك
ود : وانا بعد
عساف : يلا مع السلامه
ود : الله يستر عليك
طلع عساف من الغرفه و راح نزل عند و رجعوا لبيتهم .
-
-
-
بمكان ثاني بديره سرور ببيتهم تحديداً الساعه ٦:٣٠ المغرب تسنيم الي من قالها اخوها سرور تخرب عرس نوره و مطلق وهي خايفه منه و من كلامه و ماتبي تخرب عرس الناس ماتدري وش تسوي و راحت عند مطلق ولد ابو مطلق راحت له بمحلهم اما مطلق الي اول ما شافها انصدم هذي وش تبي جايه لمحلنا و داخله وكانها وراها بلى .
مطلق : انتي من بنات ابو سرور صح
تسنيم : اي
مطلق : وش جابتس و تبين
تسنيم : انا جايه اقولك شي و امشي و والله اني ما اكذب بكلمه
مطلق : تكلمي
تسنيم : قبل بفتره رحت ازور اخوي سرور و قالي اخرب عرس نوره و يوسف بنت ابو وليد و ولد ابو يوسف و قال اذا ما سويت شي هو بيسوي شي
مطلق بصدمة : وش تقولين !
تسنيم : والله والله
مطلق : وش يثبت لي انتس صادقه
تسنيم : والله اني ما اكذب ضميري أنبني اذا صار لهم شي و جيت اقولك دامك تعرفهم و انا عطيتك العلم و الحين ابري ضمتي و اطلع نفسي من الموضوع لكن حلفتك بالله ما تجيب سيرتي
مطلق : روحي الله يستر عليتس ماحد جايب سيرتس
راحت تسنيم واليّ متأكده انها سوت الصح و رجعت لبيتهم اما مطلق الي جلس يفكر وش يسوي وش يسوي و ركب سيارته وراح لبيتهم .
-
-
-
ببيت ابو مطلق الي جالسين بالحوش و مطلق راح ينادي ابوه يلحقه للمجلس جلس ينتظر ابوه و بعدها بشوي جاء ابوه
ابو مطلق : وش فيك انت ناقصك شي
مطلق : لا يبه بس تعال
جلس ابو مطلق و قاله مطلق كل شي و وش صار بالضبط انصدم ابو مطلق مايدري وش يقول
مطلق : ها يبه وش نسوي
ابو مطلق: هالخسيس سرور ماهو تارك بلاويه
مطلق : حتى وهو بالسجن تشوف
ابو مطلق : اسمع بعد اسبوع بشوف يا نروح لبو وليد ولا ادق عليه
مطلق : اسبوع مو كنها كثيره
ابو مطلق : لا خلني اشوف وش اسوي
مطلق : طيب طيب
طلع مطلق من المجلس و رجع لشغله اما ابو مطلق جلس يفكر شلون يقول لابو وليد الي صار .
-
-
-
ببيت ابو تركي الي جالسين يتعشون و عقب العشاء الرجال راحوا للقهوه اما الحريم بالبيت و بالحوش الي يسولفن ام تركي و حنين و غزال و ريم .
ام تركي : بكرا بنروح نزور ود لا تنسن
حنين : ابشري يمه والله ما نسينا
غزال : وش بناخذ معنا
ريم : ما يحتاج لا تكلفن على انفسكن
ام تركي : لا يا ريم لازم ناخذ عيب
ريم : براحتك ياعمه
حنين : ناخذ مصابيب و هديه
غزال : اي اي
ام تركي : يصير خير بكرا
حنين : ان شاء الله
-
-
-
من بكرا الظهر عساف و طارق و ام طارق يطلعون ود من المستشفى و فعلا ود طلعت و راحت مع اهلها اما عساف رجع لبيت اهله و عرف ان ود مطوله عند اهلها بالكثير اسبوعين ثلاث و ترجع .
-
-
ببيت ابو طارق العصر الي كان يطق الباب و فتح طارق و كانت ام تركي و البنات معاها و اول ما فتح دخلن الحريم
الا حنين الي علقت عباتها بالباب و حاولت تطلعها و ما قدرت حتى البنات سبقوها و دخلن مايمدي تنادي الا و طارق يشوفها و يجي يساعدها
طارق : فيتس شي
حنين : ها لالا
طارق : عباتس علقت بالباب
حنين : اي اي
طارق : بفتح الباب و طلعيها
حنين : طيب طيب
فتح الباب طارق و سحبت حنين عباتها و دخلت انا طارق الواقف بمكانه الي استغرب هذي وراها ماقالت شكرا حتى و طلع من بيتهم يضحك عليها .
-
-
-
انتهى لاتنسون تعطوني رايكم بأحداث البآرت ❤️🔥❤️🔥🫣!
KAMU SEDANG MEMBACA
يالضحكة اللي تضوي سنيني
Fiksi Umumروايتي تصير فيها احداث كثيره و من ضمنها شاب يقع في حُب بنت جيرانهم لكن تصير بينهم مشاكل يضطر انه يتزوج بنت غيرها .. هل راح يقدر ينسى حُبها او زوجته راح تنظلم معاه
