يالضحكة اللي تضوي سنيني

البارت 16

خلال الاسبوعين الي فاتت خلصت ود كل شيء تبيه و العمال خلصوا من بني غرفة عساف و ودّ و صار باقي لعرسهم اسبوع
ام وليد : الخميس الجاي عرس عساف تسمعن يابنات اذا فيه نقص ولا شيء علمني عشان اقول لاخوانكن يجيبونه
نوره : يمه كل شيء جاهز حتى الكراسي جايبينه من الحين و الانوار موجوده و الحلاو حق الحريم عمتي بتجيبه هدية منها
ساره : بس ناقص العشاء هم يتكلفون فيه
رهام : عمه كم صحن عشاء بتحطون للحريم
ام وليد : يمكن ١٠ صحون
ساره : احس كثير يمه
نوره : لا مهو كثير ترا كل حريم الديره بيجن
رهام : اعذروني انا والله ما قدرت اساعدكن هالفتره بسبب حملي
ام وليد : مجنونه يوم تقولين كذا عارفينتس يارهام والله ادعي لتس انه الله يهون عليتس
نوره : صادقه امي رهام حنا نعرفتس ما يحتاج تعتذرين
ساره : اذا ولدتي ان شاء الله اطلع كرف الشهور هذي فيتس
رهام : الله يخليكن لي و ساره اوريتس انتظري بس
ساره بضحكة : ما تقدرين
دخل فراس وقال : مين الي ما تقدر
ساره : ملقوف وش دخلك
عساف : اقول يالملقوفه انتي سوي قهوه عندنا رجال
نوره : منهم
فراس : جايين عند ابوي نعرفهم بعد شوي
عساف : ساره انتي سوي القهوه يلا و يمه جهزن الغداء
ساره : ياربي ما فيه غيري يعني
فراس : اقول سوي بس
عساف : نوره اشتهيت حلاتس سويه لنا شوي
نوره : خلاص جيب الاغراض من البقاله و اسويه لك
عساف : خلاص اكتبيهم بورقه
ساره : جب لي انا عسكريم
عساف بضحك : لا منب جايب
ساره بعصبيه : انا اختك الصغيره جب لي
فراس : لا تجيب لها
عساف : واذا اختي الصغيره مانب جايب
ساره : انا اوريك هين
راحت ساره و ام وليد للمطبخ و نوره رهام جلسن بالصاله
اما عند الرجال جابوا القهوه عساف و فراس و كان ابو وليد جالس و جنبه وليد و كانوا يسولفون مع ضيوفهم و عقبها تغدوا و راحوا ضيوفهم و وصاهم ابو وليد ان ما ينسون يجون عرس عساف الخميس الجاي
_________________________________________
ام تركي : ماشاءالله ام وليد تعلمني امس انهم خلصوا كل شيء
غزال : اي ماشاءالله حتى ودّ تقول لي انها خلصت
حنين : والله فرحانه لها ودّ مره
ام تركي : والله حتى عساف
حنين : اي كلهم اكيد
غزال : عمه تركي و عمي ماقالوا متى بيجون من الرياض
ام تركي : بكرا الاثنين ان شاء الله
غزال : وانا احسب اليوم الاثنين
حنين بضحكة : خلف الله عليتس وش فيتس ناسيه
غزال بضحكة : والله مو ناسيه بس مدري شفيني
ام تركي : عزام بيجي بعد شوي برسله للبقاله تبن شيء
حنين : خل يجيب كيك الاصفر ذاك
غزال : عمه قولي له يجيب ذاك بطاطس الاعواد
ام تركي : اكتبن بورقه و عطنه اذا جاء
دخل عزام وتوه جاي من صلاة المغرب مع عمه و العيال
ام تركي : عزام تعال وانا امك
عزام : سمي يمه
ام تركي : رح البقاله جب الاغراض هذي
عزام : طيب بس بتأخر شوي
ام تركي : وين بتروح
عزام : بروح مع فراس مانب متاخر
ام تركي : رح الله يستر عليك
طلع عزام و كان فراس ينتظره برا
فراس : ما تاخرت هالمره
عزام : اي ما تاخرت مايبون شيءٍ واجد بس يبون اغراض من البقاله
فراس : اجل خل نروح البقاله انا بروح لها بعد عساس عساف يروح بس رحت بداله
عزام : ليه وش فيه
عساف : راح مع امي للسوق ياخذ اغراض لعرسه
عزام : باقي انت يا فراس
فراس : ومن قال بتزوج الحين
عزام : ليه ما تتزوج
فراس : تزوج انت انا مافكر الحين
عزام : انا بتزوج بس مهوب الحين
فراس : ليكون تحب من وراي
عزام : مين بحب بالله عليك
فراس يطقطق : والله مدري عنك
عزام بضحك : تطمن مافيه احد ببالي
وصلوا البقاله و اخذوا الاغراض و حاسبوا
مؤمن: فراس متى عرس عساف اخو انتا
فراس : الخميس الجاي لا تنسى يجي انتا
مؤمن: مافي انسى انا فيه حب انتا و اخو و هذا ( يقصد عزام )
عزام : وحنا نحبك بس لو تترك الكذب
مؤمن: انا مافيه كزب
فراس : صح انت مافيه كزب بس نبي نروح ورانا اشغال
طلعوا العيال و كانوا يضحكون على مؤمن و بالصدفه شافوا يوسف
يوسف : هلا والله وش عندكم
عزام : ابد اشتري اغراض لاهلي
فراس : و انا بعد مثله انت وش عندك
يوسف : بروح أمر عيسى
فراس : سلم لنا عليه
عزام : يلا مع السلامه
يوسف : ياهلا
راح يوسف لعيسى و العيال بالطريق راجعين لبيوتهم
_______________________________________
بعد يومين الثلاثاء رجعوا ابو تركي و تركي من الرياض و اول ما رجعوا بعد صلاة العشاء جاء عندهم ابو وليد و عياله بس
ابو وليد : الحمدالله على السلامه
ابو تركي : الله يسلمك
تركي : شلونك يا عم
ابو وليد : طيب الحمدالله
وليد : ياعم انت و تركي رهام تسلم عليكم تقول اشوفكم بالعرس
تركي : ان شاء الله
ابو تركي : ها بشروا خلصتوا كل شيء قبل العرس
عساف : اي الحمدالله
ابو وليد : خلصوا العيال كل شيء و بكرا بعد صلاة العشاء بيحطون الفرشات ب الديره و الانوار
فراس : يبه العرضه بيجون ترا بعد العصر يوم الخميس
وليد : والله اني متحمس
تركي : اي والله انا بعد
عزام : كلنا نبي نشوف عساف المعرس
ابو تركي : ان شاء الله
راحوا ابو وليد و عياله لبيتهم و كانت ام وليد و البنات ينظفون غرفة عساف و ودّ و يرتبونها و دخل عساف يشوف الغرفة وكانت واسعه و بداخلها حمام عادي عجبته الغرفه لانها واسعه مو ضيقه
نوره : ها شرايك
عساف : عن الغرفه ؟
ساره : اجل عن السقف وانا اختك
عساف و نوره ضحكوا على رد ساره
و قالت نوره : والله انتس صادقه اي عن الغرفه
عساف : حلوه والله واسعه
ام وليد : اي انا بعد عجبني انها واسعه و اسمعن بطلع انا بروح مع ابوكن كملن شغل
طلعت ام وليد و جلس عساف يسولف مع خواته وقال
عساف : انتن وش تسون مو خلصتن
نوره : ننظف و نرتبها و خلاص بكرا ود يمكن تجيب نص اغراضها
عساف : اما بتجي ود بكرا
ساره : اي بتجي بس ما بتطول بتنزل اغراضها و تروح
نوره : هي قايله لنا من الاسبوع الي فات
عساف : وليه توي ادري ماقلتوا لي من اول
ساره : هذاك دريت
نوره : والله نسينا
عساف : الساعه كم بتجي
نوره : يمكن مع اذان الظهر بتجي هي و ريم و امها
عساف : اها زين طيب
ساره وهي تقهر عساف : ترا وقت صلاة انت ماراح تكون موجود لا تنسى
عساف بضحكة : عارف و انا اخوتس
نوره : طيب يلا رح نام يالمعرس
عساف : ما سويتي الحلا
نوره : الا سويته
عساف : طيب ودي بجلسه معاكن ساره ياوخيتي سوي قهوه احب قهوتس
ساره : اي تتمصلح الحين
عساف : عاد بجلس معاتس افا
ساره : ابشر بروح اسوي
نوره : و الشغل يابنت
عساف : مهو طاير ماشاءالله ما بقى لكن شيء واجد و بعدين روحي جيبي حلاتس انا انتظرتس انتي و ساره بالحوش بالجلسة
نوره : طيب طيب رايحه
راحن البنات يسون قهوه و يجبين الحلا اما عساف راح جلس بالحوش و جاء عنده وليد و قعدوا يسولفون الى ماجن خواتهم
وليد : وش عندك هنا
عساف : تعال تعال اجلس بتجي الحين قهوه و حلا
وليد وهو جالس : وش الحركات هذي
عساف : اي والله صادق خواتي بيجن الحين
وليد : دامنا بنجلس بنادي رهام
عساف : رح نادها يلا
راح وليد ينادي رهام تجلس معاهم و بالغرفه وليد داخل
وليد : رهام نمتي ؟
رهام : هلا لا ما نمت
وليد : تعالي انا و اخواني و خواتي جالسين بالحوش و ينادونتس
رهام : يلا جايه الحين
وليد : اجل انا بسبقتس
رجع وليد لعساف و اول ماجلس جت سلمى و نوره بالقهوه و الحلا و جلسن البنات
نوره : هلا والله بوليد
وليد : هلا فيتس
ساره : مين يبي اصب له
عساف : كلنا نبي
جت رهام و جلست جنب نوره
ساره : وش جابتس
رهام : مالتس دخل
نوره : شوفو الحلا بااارد يجنن
عساف : عطيني ملعقه والله اني مشتهيه
نوره : هاك و عطني رايك
اكل عساف لقمه من الحلا و عجبه مره
عساف : يهبل يابنت تسلم يدينتس
وليد : عطيني بذوق
رهام : انا بعد
ذاقوه كلهم و اعجبهم و هم يسولفون جاء فراس
فراس : ماشاءالله متجمعين بدوني
عساف : لا تزعل تعال اجلس
فراس : بجلس غصبن عليكم
وليد : لا يكثر بس تبي قهوه
ساره وهي تصب له : هاك قهوه
فراس اخذ الفنجال : و ابي حلا بعد
نوره : بالعافيه دوك كل
فراس وهو ياكل : اي ما قلتوا وش سالفة القعده ذي
رهام : والله مثلك ما دري
نوره : ابد سلمكم الله عساف يقول بجلس معاكن يقصدني انا و ساره و انتم جيتوا و اجتمعنا كلنا
عساف : قلت اجلس معاك اخر جلسه و انا عزابي
وليد : من غير شر يابن الحلال
فراس : يحب التهول
ساره : يلا عطونا من سوالفكم
عساف بطقطقه : وش تبين تعرفين بس
ساره : كل شيء علموني
وليد : ما ودتس بعد تروحينا معانا مره وحده
ساره : ماهي شينه الفكره
رهام بضحك : دلخه
فراس : اقول صبي لي قهوه بس
وليد : يلا يوم و يصير عساف عريس
رهام : اي الحمدالله
عساف : طبعا احلى عريس انا
ساره : لان انا اختك
نوره : و انا بعد
فراس : احلى شيء عساف يطلع من الغرفه و اجلس لحالي
عساف : والله لا اقعد على قلبك اوريك
فراس بضحكة : ما تقدر
وليد : انا مو مضحكني الا موضوع هوشتكم
كملوا سوالف و ضحكوا سوا و عقب الساعه ١٢ الكل راح ينام
_______________________________________
مع صلاة الظهر ببيت ابو وليد فتحت الباب ساره ل ام طارق و بناتها
ساره : حياكن ادخلن
دخلن و سلمن على بعض و كانت معاهن شنطتين اغراض ود
ام وليد : حيه الله عروستنا
ود : الله يحيتس يا خاله
نوره : تعالن اوريكن الغرفه و تدخلين اغراضك
راحن يشوفن الغرفه و كانت حلوه ماشاءالله
ام طارق : ماشاءالله حلوه
ريم : وسيعه تهبل
ساره : وش رايتس ود فيها
ود : حلوه والله ماشاءالله
ام وليد : تستاهلينها
ام طارق : تستاهلين الطيب يلا انا بنزل الاغراض انا و البنات و عقبها بنروح
ام وليد : لا والله تتعشين انتي و البنات
ام طارق : لا تحلفين والله مشغوله و بخلص كم شغله ما خلصتها نتعشى عند بعض وقت ثاني ان شاء الله
ام وليد : خلاص براحتس
ساره : تبن مساعده يا بنات 
ريم : لا نخلص بسرعه كل شيء مرتب
ساره : تمام براحتكن
طلعت ام وليد و بناتها اما ام طارق و البنات كانن يرتبن و انجزن الشغل و راحن و ودعتهن ام وليد
_______________________________________
بالليل الديره كلها يباركون لأبو وليد و عياله لزواج عساف بكرا و يباركون لأبو طارق و طارق و ركبوا الانوار و فرشوا الفرشات اما ببيت ابو وليد حطوا الكراسي و كوشة العروس و كل الحريم متحمسات
_______________________________________
عند ام تركي و البنات
حنين : يوه مستانسه بكرا عرس
غزال : الله يوفقهم
ام تركي : ماشاءالله كل شيء جاهز
غزال : هذا اول عرس احضره عقب عرسي
حنين : وهو عرس صديق زوجتس
غزال : اي الحمدالله
ام تركي : ودّ مزيونه بكرا بتطلع حلوه
حنين : اي ماشاءالله حتى عساف مزيون
غزال : كلهم
ام تركي : يلا يا بنات خلنا نغرف العشاء و ننام عشان نصحى بدري بكرا و نروح عند ام وليد و البنات
حنين و غزال : ابشري
_______________________________________
الساعه ١ بالليل عند الحلال حق ابو تركي و ابو وليد كانوا عساف و تركي هناك يسولفون
تركي : بكرا عرسك
عساف : ان شاء الله
تركي : عساف قل الصدق انت نسيت سلمى
عساف نزل راسه : اي نسيتها
تركي : لا تكذب يا عساف انا اعرفك
عساف : وش اقولك طيب عشان تصدقني
تركي : عساف افهم شيل البنت من بالك خلاص بكرا عرسك ودّ هي زوجتك هي الي بتكمل حياتك معاها مو سلمى
عساف : و انا وش شايفني مسوي سلمى نسيتها خلاص
تركي : لا تظلم البنت معاك يا عساف
عساف : تركي علامك علي والله ماني ظالم ودّ ولا اني كارها
تركي : ماراح تكرها
عساف : بتقبلها
تركي : و بتحبها بعد عساف البنت ذي بتخليك تنسى سلمى و طاريها وقل تركي ماقال
عساف : مع اني ما اضن بس اتمنى
تركي : صل الوتر اذا رحت للبيت و ادع لنفسك و لحياتك مع البنت
عساف : ان شاء الله ابشر بس ما ودك نروح الساعه قريب بتدخل ٢
تركي : امش يلا
.
.
انتهى ✅ عطوني رايكم بالاحداث❤️‍🔥❤️‍🔥🫣