يالضحكة اللي تضوي سنيني

البارت 9

ببيت ابو تركي تغدوا و خلصوا و راح ابو تركي للمجلس مع ام تركي
ابو تركي : الصراحه يا ام تركي عندي شيءٍ بقوله لتس
ام تركي : سم وشهو
ابو تركي : وش رايتس نزوج تركي
ام تركي : وش تقول والله انه احلى شيء اسمعه اليوم
ابو تركي : يعني نتوكل على الله و نعلمه
ام تركي : اي يا ابو تركي علمه
ابو تركي : طيب فيه بنتن ببالتس نزوجها تركي
ام تركي : الصدق ايه فيه بنت ببالي
ابو تركي : منهي
ام تركي : اخت عيسى الصغيره
ابو تركي : والله و النعم اخوها اخلاق و ادب و ابوها الله يرحمه كان طيب
ام تركي : اي والله وامها معروفه مرتن طيبه و تربيتها لعيالها ماشاءالله حلوه و البنت كلها جمال ماشاءالله
ابو تركي اجل شرايتس نقول لتركي انا وانتي
ام تركي : خلاص شوي بعد العشاء شرايك
ابو تركي : شورتس و هداية الله
الفرح و السعاده ما تنوصف عند ام تركي حتى حنين لاحظت على امها
حنين : يمه فيتس شيء
ام تركي : لا و انا امتس ما فيني شيء
حنين : طيب يمه انا بروح لبيت عمي بروح للبنات
ام تركي : روحي الله يستر عليتس بس لا تتاخرين ارجعي مع العصر و خلي رهام تجي ابيها ضروري
حنين : طيب ابشري
راحت حنين لبيت عمها و اول ما دخلت سلمت على البنات و راحت لرهام
حنين : رهام تعالي شوي
رهام : هلا وشو
حنين : امي تبيتس بالبيت تقول خليها تجي ضروري
رهام : ليه وش صاير
حنين : ما ادري سألتها ولا قالت لي
رهام : بستأذن من وليد و اروح لها
حنين : اجل انا بروح للبنات
راحت حنين لصالة عند البنات
ساره : وراتس ماجيتي على الغداء
حنين : ما امداني تأخرت قلت اجيهن عقب الغداء
نوره : فاتتس كبستي
ساره : كذابه ما تغدينا مو حلوه كبستها
نوره : والله انها كذابه هي اخر من قامت
حنين وهي تضحك : اعرف حركاتها ما تتركها
نوره : الحمدالله ظهر الحق
ساره وهي تقرص كتف حنين : هذا و انا خويتس ما توقفين معي
حنين : اقول وخري اليوم انا مع نوره
ساره : الله يهنيكن
نوره : اسمعن افكر اروح للسوق بكرا
حنين : اذا بتروحن خوذني معاكن
ساره : لا ماراح نمرتس ناخذتس
حنين : اسكتي انا اكلم نوره
نوره : ماعليتس منها امرتس انا اخذتس
حنين : طيب بنات جيبن الفصفص و الشاهي عشان تحلى الجلسه
ساره : رهام وينها
حنين : راحت لأمي تبيها
نوره : اها زين يلا بقوم اجيب الاغراض
__________________________________
رهام : وليد بروح لأمي تبيني
وليد : خلاص روحي بس لا تطولين
رهام : ابشر ماراح اطول
راحت رهام لبيت اهلها و اول ما دخلت كان البيت هادي و امها جالسه بالصالة تنتظرها
رهام : هلا يمه سمي
ام تركي : افرحي يا رهام
رهام : يمه شصاير حنين قبل شوي تقول اسأل امي ما تقول شيء
ام تركي : قررنا نخطب لأخوك تركي
رهام بفرحة : امانه يمه صدق
ام تركي : اي والله و انا امتس بس لا تعلمين احد الا اذا ابوك راح يخطب
رهام : والله اني مبسوطه الحمدالله بس يمه مين بتخطبون له
ام تركي : غزال بنت ام عيسى
رهام : امانه
ام تركي : اي والله بنخطبها لاخوك
رهام : والله غزال بنتن سنعه و كلها جمال و اخلاق بس يمه قلتوا لتركي
ام تركي : بعد العشاء بنقوله ان شاء الله
رهام : واذا وافق متى بتروحون تخطبون له
ام تركي : من بكرا ان شاء الله امرتس و نروح انا وانتي و ابوتس و اخوانتس
رهام : الله يقدم الي فيه الخير والله اني فرحانه
ام تركي : بس تهقين اخوتس يوافق
رهام : اضن اي بيوافق تركي ان شاء الله
ام تركي : يارب
رهام : يمه انا الحين ب ارجع للبيت اذا كلمتوا تركي بالموضوع دقي علي علميني وش يصير
ام تركي : خلاص و انا امتس لا توصين اعلمتس
رجعت رهام لبيت عمها و جلست مع البنات
حنين : رهام ما ابطيتي عند امي
رهام : ماتبي شيء تسألني عن هيفاء
نوره : وراتس ما اخذتيها معاتس تشوفها
رهام : الجو حار و شمس قلت اخليها تنام
.
.
انتهى عطوني رأيكم ب احداث البارت🫶🏻