بالليل الساعه ١١ بالقهوه العيال متجمعين مثل العاده و كانوا موجودين عساف و تركي و طارق و يوسف و سليم يسولفون عساف : اخ يالبرد قوي
سليم : انشهد شتاء هالسنه اقو من العام
تركي : يابن الحلال نفس كل دايم ماشوف تغير
يوسف : احس كل سنه تصير البروده اكثر
طارق بضحكة : وجهة نظر
بعد نص ساعه وصل عبداللطيف و اول مادخل القهوه شافوها العيال نادوه و سلمو عليه
سليم : وينك انت مختفي
طارق : اي والله ماعاد شفناك
عبداللطيف وهو يحط يده على كتف طارق : والله مشغول بالدوام لكن علموني اخر الاخبار شعندكم
عساف : ابد نتناقش عن برد الشتاء
عبداللطيف : شفيكم كأنكم زهقتوا منه
تركي : تشوف
سليم : ذبحنا البرد يابن الحلال
عبداللطيف : والله مافيه احلى من برد الشتاء
عساف : اي والله صادق
طارق : يازين الصيف بس
تركي : تحب القوايل يا طارق
طارق : شسوي عاد
عبداللطيف : اجل دام سوالفك كذا هاتو الورق نلعب لنا شوطين
عساف : شكلك تبي اكسر راسك و افوز
سليم : اليوم السهره طوييله
طارق : واضضضححح
تركي : يلا الورق وين
بدو يلعبون بينهم العيال و اخذتهم السوالف و الضحك و الاستهبال
********************
الساعه ١١:٣٠ فراس ياخذ مجد من بيت اهلها و طلعت له محد و اتجهو لبيتهم و بالطريق يسولفون عن يومهم لبعض
********************
بالقهوه عند العيال اللي فاز عساف على عبداللطيف بالتحدي
عساف : قلت لك بفوز ولا لا
عبداللطيف : منتب هين والله
تركي : هذا عساف مهو واحد غيره
سليم : والله يا فاتت ناصر الجلسه اليوم
يوسف : اي والله
طارق : اجل دام انتهت سهره اليوم مع السلامه
طلع طارق و ودعو بعض العيال و كل واحد راح بطريقه الا عبداللطيف و يوسف سوا بالسياره حقت عبداللطيف
يوسف : ولد عندك شي تبي تقوله واضح
عبداللطيف وقف السياره على جنب : اي والله يا اخوي
يوسف : افا وش فيك
عبداللطيف : بسألك الي ذاك اليوم تكلمت و حنا طالعين من بنات ابو وليد منهي
يوسف ب استغراب : تقصد ساره ؟
عبداللطيف : ايه هي هي
يوسف : شكلك حبيتها
عبداللطيف : تبي الصدق اي والله
يوسف : طيب ليه ما تخطبها
عبداللطيف : افكر اليومين هذي اخطبها
يوسف : اخطبها و ابد انا معك
عبداللطيف : يازينك يا يوسف بس يوافقون
يوسف : وش ناقصك عشان ما يوافقون
عبداللطيف : ولا شيء
يوسف : اجل توكل على الله و ان شاء الله انها من نصيبك
عبداللطيف : يارب يارب
يوسف : يالله حرك للبيت
عبداللطيف : يالله يالله
**********************
عند عساف الي دخل الغرفة و شاف ودّ نايمه و اول ما شافها قعد يتأملها تنهد و قال : يارب تحفظ لي هالوجه و تخليه لي
حست ودّ على عساف و سمعت كلامه ابتسمت و كملت نومتها اما عساف اللي بدل ملابسه و على طول دخل بالنوم
**********************
بعد مرور اسبوع كامل بالديره الي كلن لاهي بمشاكله و اللي لاهي بشغله و اللي لاهي مع اهله و من ضمن هالاحداث كانت غزال على وشك الولادة و ايامها قربت
——
عند ام عيسى الي تتجهز بتروح تتغدأ عند ام تركي و جهزت و طلعت للي كان يحتريها تركي و اول ما طلعت سلم على عمته و كمل طريق لبيتهم و اول ما وصلوا نزلو و دخلو للصاله عند ام تركي و غزال و حنين و رهام و ريم و سلمن على بعض و جلسن يسولفن و كانت غزال تعبانه و تحس انها بتولد و فعلا بعد ساعتين قعدت تصرخ ما تتحمل الالم و بسرعه لبسن الحريم و اتصلت حنين على تركي يجي بسرعه
حنين : الو تركي تعال سرعه
تركي بخوف : شفيكم
حنين : غزال غزال بتولد عجل يا تركي
تركي : جاي جاي
طلع تركي من المحل متجهه لبيتهم متجاهل اصوات عيال عمه و هم ينادونه و بسرعه ركب سيارته و اتجه لبيتهم و اول ما وصل ركبو و بالفعل وصلو المستشفى بالوقت المطلوب
اول ما وصلو دخلت غزال عند الدكتوره و كملو الاجراءات و وصل الخبر عند بيت ام يوسف و بيت ابو وليد و كلهم ينتظرون شيء منهم وبعد ساعتين ولدت غزال وجابت ولد و اول ماطلعت الدكتوره بشرت الكل و كلهم انبسطووو و بسرعه ام تركي راحت تحضن ولدها وتقوله مبروك يابو محمد
تركي : الله يبارك فيك يالغاليه
و راح تركي يسلم على عمته ام عيسى و خواته و كلهم انبسطو بالخبر و وصل الخبر عند عمتهم و عمهم و فرحو و كان اليوم عندهم غير من عقب وفاة عيسى ما فرحوا مثل هاليوم🥹
*******************
ببيت ابو وليد الي اول ما وصلهم الخبر فرحوا و انبسطو و كان عندهم ابو تركي و عزام و باركوا لهم اما عند الحريم الي اتصلن على ام تركي و ام عيسى يباركن لهن و ام يوسف اتصلت على كذالك كان يوم سعيد على العايله كلها
*******************
عند غزال الي اول ما طلعت من غرفة العمليات كان اول م كلمها تركي و دخل عندها بالغرفه
تركي : مبروك يا اجمل ام
غزال : الله يبارك فيك ياحبيبي
تركي : يتربي بعزنا ان شاء الله
غزال : امين يارب
كان بينهم الموضوع هادي و بسيط تركي ماكان يبي يتعب غزال بالكلام اختصر و خلاها ترتاح اليوم كامل و بكرا يزورونها
*******************
.
.
لاتنسون تعطوني رأيكم بأحداث البارت❤️🔥❤️🔥!
YOU ARE READING
يالضحكة اللي تضوي سنيني
General Fictionروايتي تصير فيها احداث كثيره و من ضمنها شاب يقع في حُب بنت جيرانهم لكن تصير بينهم مشاكل يضطر انه يتزوج بنت غيرها .. هل راح يقدر ينسى حُبها او زوجته راح تنظلم معاه
