قرب وقت الغداء و كل المحلات قفلوا و طلعوا ما بقى غير محل الاقمشه و كان مافيه غير تركي و عساف
تركي : لو يدري عمي و ابوي عنك والله يهاوشونك
عساف : انت اسكت وهم ماراح يعرفون
تركي : هذي جزاتي هين اوريك ي عساف
عساف : طيب طيب اسمع تجي تتغدا عندنا
تركي : لا منب جاي و قفل المحل انت انا تأخرت
طلعوا كلهم و راح تركي وكان عساف يقفل المحل و شافه طارق و اتجه له
طارق : عساف تعال انا عازمك على الغداء
عساف : خيرك سابق يا طارق بس اعذرني اليوم والله تاخرت عن الاهل ولا قلت لهم حتى
طارق : اليوم معذور لكن بكرا انت و الوالد و الاخوان تتغدون عندنا لا تقول ما جاك العلم
عساف : وشوله ياخوي لا تكلف على عمرك
طارق : ابد ما فيه كلافه هذا حقكم
عساف : م تقصر و عساك على القوه انت و الوالد
كل واحد راح ب طريق و دخل عساف بيتهم
ابو وليد : وينك انت فيه علامك تأخرت
فراس : يمه عجلو حطوا الغداء جوعان
عساف : لا تاخرت ولا شيء بس الزباين اليوم كثار
وليد : عساه دوم يارب
فراس : يمه تكفين وين غداكم
نوره : هذاه جاه شفيك انت
ابو وليد : يلا سمو بالله
..
ببيت ابو تركي
انتهوا من الغداء و كانت ام تركي تسولف مع ابو تركي
ام تركي : يابو تركي ما ودك نفرح ب تركي
ابو تركي : الا والله هذي الساعه المباركه اللي اشوف تركي متزوج
ام تركي : اجل شرايك نخطب له هالايام
ابو تركي : انتي فيه ببالك احد
ام تركي : والله فيه بنت ام عيسى
.
.
كيف البارت عجبكم ؟؟
YOU ARE READING
يالضحكة اللي تضوي سنيني
General Fictionروايتي تصير فيها احداث كثيره و من ضمنها شاب يقع في حُب بنت جيرانهم لكن تصير بينهم مشاكل يضطر انه يتزوج بنت غيرها .. هل راح يقدر ينسى حُبها او زوجته راح تنظلم معاه
