-و لكن الزين بوحدو مكافيش !
- هاا لي گلنا!! وا بلسانك قلتي محترم و شخصيتو زوينة.. وبرزقو!
- وا المهم .. غدا غنشوف شنو كاين و عاد نقدر نحكم !
- تجي ، عاودي ليا كلشي ..
- كوني هانية ..طلبي غير دوز على خير !
- شغايوقع تانتي .. خير ان شاء الله
◽حسيت بالسطريس شادني من راسي تا لرجليا .. غير رجعت للدار ولاو كيبانو ليا سوايع قلال لغدا ، محسوبين بحال الدقايق.. خايفة و فرحانة و متحمسة !!
🔹غدا بدا كيقرب .. اول مرة غانوحل فشنو نلبس ! ماعرفت نمشي كلاس ، و لا سپور. ولا عادي .. تا سارة الا بغيت نتشاور معاها غادي تندمني و دير ليا حالة !
الا كنتي نتي معايا باش غتنصحيني ؟ .. يمكن غتقولي ليا لبس لي يرتاح ليه خاطرك ، باش تكون على طبيعتك معاها !
صافي دكشي لي غاندير ..
و غنكون غير انا وياها .. فايت تلاقينا بوحدنا ولكن على الخدمة !
.. اما غدا ، غنقول شوية من لي فقلبي باش نعرف لي جاي كيف غايكون !قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎[ يوم السبت ]
6:30 AM
🔹صليت الفجر الله يقبل ، وخرجت نتمشا شويا فجو الصباح النقي .. غير رجعت للدار دوشت و بدلت عليا بالخف ! فطرت ، كميت گارو ديالي وگلست كنقرا شوية !9:30 AM
مشيت للريسطو ، لقيت الدراري بداو فالخدمة كل واحد شاد بلاصتو .. كيبداو بكري ، باش بالليل يلاه كيتكافاو مع الكليان ! الخدمة الكثيرة بحال الميناج و دكشي كيحدوها عليهوم الصباح ..
انا طلعت للإيطاج (VIP) و كنفكر كفاش غنقاد الديكور على ود العشا ديالي انا و ماريا !
فهاد المدة لي دوزت معاها ، اكثر حاجة عرفتها عليها هي انها بنت عندها دوق رفيع ، حيت كتركز فليديطاي كاملين .. و عزيز عليها البساطة فكولشي ، مكاتبغيش شي بلاصة عامرة بزاف !
دكشي علاش خدمتي فالديكور غتكون صعيبة .. حيدت گاع التخربيق لي كان تما من ديكورات! جبت الطابلة لي غناكلو فيها بالكراسى ،نقصت الضواو تما و بقيت كانقاد هادي مع هادي تا وصلت لنتيجة لي بانت ليا مزيانة ...10:30 AM
هبطت للكوزينة .. كاينة بلاصة معزولة هي فين كنخدم انا بوحدي ! تما فين وجدت العشا ديالنا ..
الليلة مميزة دكشي علاش بغيتها تاكل شيحاجة من يديا !
..من گاع المرات لي كلينا انا وياها قدرت نعرف لاياش كاتميل كتر فالماكلة ، مكاتبغيش الملحة كتيرة و العطرية بالقياس حيت كل مكون كاتبغي تلذذ فمداقو !
طيابي وخا عتارفو بيه الناس الدواقة فگاع ركاني د العالم .. جاني عادي ! ولكن دبا رأيها عندي مهم بزاف...
عادي ياك ؟
11:30 AM
بديت كنتسطريسا شويا ، و كل مرة كنتاكد واش كلشي مزيان .. خرجت گلست فالبالكون نكمي گارو للمرة الثالثة دبا باش نرتاح ! اصلا ولفتهوم كل صباح فهاد الوقيتا ..
عارفك غتقولي ليا شنو نفع ديال داك السپور الا بقيت كانهلك صحتي بهدشي.. ولكن البلية صعيبا احبيبتي ، وكنعتارف غلباتني هد المرة ! ماقدرت ندير والو ...
أنت تقرأ
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...
𝐂𝐡𝐚𝐩𝐭𝐞𝐫 𝟎𝟑
ابدأ من البداية