هبة قلبه

🎀بارت 33 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_33

حلات فمها مستعدة تجاوبو عطاها بالظهر وركب في لوطو ديالو قلب الفولون وكسيرا من حداها بسرعة

وقفت مستاعنة بيديها نفضتهم وبعدت على الطريق كتنطق بعدم رضى: ولد الهم بحال الجن بغينا غير نجيبو نهارنا ساعة معامن مع هاد بنادم د *ب .

حمدت الله ووقفت من الطبلة كتبتاسم ليهم كان الكل مجموع من غيرو هو اللي صيفط إحسان تخبرهم انه مافيه مياكل : تصبحوا على خير انا غدي نمشي نعس عيت

نجية : سيري تنعسي ابنتي

حركت رأسها بالايجاب هزات طبسيلها وصلاتو للپوطاجي وتمشت جهة لاڤابو غسلت يديها ، وحلات باب بيتها مستعدة تدخل .

سدات الباب رفعت حاجبها وهي كيبان ليها ظهرو العريض كيطل من النافذة ، قربت ليه ونطقت بتساؤل : شنو كتدير هنا

دار عندها وتقدم ناحيتها ببطء ، عيونه حمرين ووجهو عرقان ، باينين فيه الاعصاب وليسيغن متكونين عندو التحت بفعل الارهاق وقلت النعاس ، هز يديه ، حظن وجهها بين يديه ونطق بنبرة اول مرة تسمعها : فقاش غدي تسالي من هادشي ديالك اهبة ، فقاش غدي تريحيني وترتاحي معايا ، مزال مهداكش الله ؟

هزات يديها حطاتها على يدو ونطقت بنبرة باين عليها الحزن : نتا اللي وليتي قاهرني بتصرفاتك ، وليتي قاصح معايا مكنتيش هكا ، كنتي كتحن عليا اكثر من والديا فاش كنت صغيرة ، مكنتيش تحمل شوفة دموعي ، ودبا رجع كلشي بالعكس ، ودموعي وليتي نتا سبابهم .

تنهد كيقربها ليه اكثر عوج عنقو وهمس في وذنيها : كتقهريني اهبة ، دموعك مكينزلو حتى قلبي كيتجرح بموس ماضي 1000 مرة ويخلي الدم ينزف بطريقة متوالية حتى يرجع لصفاوتو

نزلو دموعها ، واحساس قوي اجتاح روحها ، الرعشة سرات مع جسدها ، هزات يديها حطاتهم خلف راسو ونطقت بهمس في أذنه كتخلي الرجفة تمكن منو : دير شي حاجة تريحني وتريحك .

جملة ليها معاني كثيرة ، خلاتو ياخد ليها الشرح اللي باغيه هو واللي غدي يريحو هو ، بعدها عليه بمسافة جد قليلة ، وعوج عنقو مطابق شفايفها مع شفايفو بتملك ، نار العشق ، الهوس ، الهيام ، حرقت قلبهم بزوووج ، وتحول لرماد بطريقة عنيفة ، شفايفها رجعو بحال شي جاذب مغناطيسي متمكن منهم ، ومضبوط على قوة كبيرة ، الدم تطبع على فمها ، وشفايفو بان فيهم آثارهم ، عيونهم تفيكساو على بعضهم بطريقة متوترة ، والارض حسات بيها كتزعزع وتدور حولهم ، كان لابد تحدث شي حاجة اللي تخليها توقف وتستاعن بيها في حالها هذا .

الدوخة رجعت حالتها الدائمة ، ويديها تحطت على صدرو خايفة تطيح ، رفعت عيونها في عيونه ، كتلاحظ ملامحو الطاغي عليها التعب .

حنات راسها بخوف ، فورما حسات بيديه تحطات خلف أذنها وجبدها لعندو ناطق بهمس : كنبغيييييك

كلمة خلات توازنها يختل وعيونها يتحلو بصدمة ، مقادراش تستوعب هادشي اللي كتسمع ، ممصدقاش انه حلمها تحقق بهاد الطريقة ، وبهاد السهولة ، ممصدقاش انه الشخص اللي كان كيحساب ليها كتبغيه بهاد الطريقة وكان فقط حب من طرف واحد ، رجع متبادل بيناتهم .

حسات بجبهتو لامست جبهتها تنهدت بعنف ونطقت بدموعها هابطين على خدها : كلشي ضدنا

زير على راسها ونطق مفيكسي عيونو على عيونها بأمل : نقدر نوقف ضد الكون كامل

هزات يديها لامسات بيها يدو المرتجفة ونطقت كلماتها بمتابة حجر مثقل على قلبو : ومراتك ؟

صوت الآذان دخل مع آذانها بحال شي هواء دخل لرية مخنوقة مبقالها الا مدة قليلة للموت ، حلات عيونها بطريقة سريعة ، وناضت بقوة كتدور عيونها على بيتها اللي كان خاوي تماما ، مدات يديها لكاس دالما ، عمراتو من قرعة حداها وهبطت عليه كامل في دقة ، قلبها كيضرب ، ونبضاتو متسارعين بطريقة متوالية ، مزال متأثر بالحلم اللي داز كأنه واقع مفرح بالنسبة ليها .

#يتبع......
آرائكن شهيراتي ❤️✨