💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_10
مدة طويلة من الوقت وهي كتسكتو شهقاته كتخرج وحدة مور وحدة ، طريقة تعامل ماجد كانت عادية جدا ، لكن ولد صغير معندوش العقل غدي تجيه حكرة وقلة اهتمام من طرف عائلتو .
حاطاه في حظنها وكتدوز يديها على شعرو بشوية لعل وعسى يسكت ، بقوة مبكى النفس كتحس بيها غدي تقطع فيه ، وعيونو حمارو ، تنهدت بصوت مسموع ونطقت مخاطباه : عمراني شوف فيا .
هز فيها عويناتو الحومر ، وشهق بقوة : شنو
هبة سرطت ريقها بصعوبة وهي كتشوف منظره ابتسمت بحب ونطقت موجهة ليه كلامها : نتا عارفني شحال كنبغيك ، وانا اليوم غدي نخرجك معايا انا وحفصة وأمين وياسر ، وحنا كاملين كنبغيوك غدي نتهلاو فيك ونخليوك تلعب معانا ، يلاه سكت من البكى احبيبة
عمران خسر ملامحو اكثر ونطق كلامو مصاحب لشهقاته : بابا كاع مكيبغيني ، ديما كيدير ليا هكا .
هبة تنهدت بقوة : شكون كذب عليك احبيبة ، بالعكس باباك كيبغيك غير مكيبينش ليك .
عمران : لا هو كاع مكيبغيني ، كيبغي ماما اكثر مني وكيدير ليها خاطرها اكثر ، انا كاع مكيديها فيا .
زيرت على يديها بتدمر ووضعت ابتسامة مصطنعة على وجهها : واش دبا نتا كتغير من ماماك حشومة ، راه كون مكانتش هي متجيش نتا لهاد الدنيا ، هذيك راها ماماك خاصك تحتارمها لا هي لا باباك .
______
في خارج الغرفة الكل ملاحظ هدوءه المؤقت ووجهه الظاهرة عليه العصبية ، نجية شافت في البنات ناضو جمعو معاها الطبلة وياسر غمز الدراري خرجو لبرا ، مدة قليلة من الوقت صونا ليه التليفون جبدو شاف المتصل و ابتسم
ياسر : الزين ديالي
أسماء : الكبيدة ديالي
ظهرت على شفايفو ابتسامة مفضوحة ، دور وجهو لجهة الدراري بعد عليهم : مشي حشومة الزيونات مخلياني مقطوع ، يومين مشفتك .
أسماء طلقت قهقهة معروووف أصلها وكملت كلامها: احح يومين شحال طويلة ، صافي الليلة نتلاقاو
ياسر : اك حبيبتي نتشاوفو الليلة في البلاصة المعهودة
أسماء بابتسامة : وخا البگوص
ياسر وسع ابتسامتو دور عيونو جهة ولاد عمتو اللي كيشوفو فيه ونطق بهمس : تهلاي ليا في رزقي
أسماء ردت عليه بهمس : متخافش ها هو كيتسناك .
قطع عليها الخط ، جمع ابتسامتو وتوجه ناحية الدراري كيتافقو على البحر المناسب ليهم .
_______شاهدت عيونه الناشفين من الدموع ابتسمت بحب ونطقت بكلامها مرة أخرى : صافي تفشيتي ؟
عمران عض فمو بإستغراب: شنو كتعني تفشيتي ؟
هبة : زعما مبقيتيش مقلق ؟
عمران : لا مبقيتش
حركت رأسها بالايجاب ، حلات فمها مستعدة تنطق قاطعها الباب اللي تحل وصوت خطواته المتوجهين ناحيتها .
وجه نظراته لجهة عمران ونطق مخاطبو : ولدي خرج خليني نهضر مع هبة .
#يتبع......
آرائكن شهيراتي ❤️✨
YOU ARE READING
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...