هبة قلبه

🎀 بارت 20 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_20

حلات باب لوطو بعدما خرجو من المنزل ، وخلاو الكل مهتم بأشغالو، ركبت في المقعد الأمامي دارت السمطة ودورت عيونها ناحيتو ، ابتسمت بود مقابلة ملامحو الحنينة عليها .

ماجد : نمشيو ؟

حركت راسها الإيجاب ودورت عيونها للقدام مقادراش تنطق شي حاجة ، مزال مولفت تكون بجنبو كيف زمان ، او بالأحرى مباغاش تولف قربه ليها ، وتنسى حالته العاطفية ، والشخص الثالث اللي كيحكم علاقتهم بشكل حتمي .

طول الطريق مقادراش تنطق ، عيونها فقط مترقبين شوارع طنجة اللي كيدوزو عليهم ، طنجة يا العالية عروسة الشمال ، والمعروفة بمناظرها الفريدة من نوعها ، خصوصا في فترة الصيف الوقت اللي كتضم مختلف الاشخاص من كل مناطق العالم .

ماجد : الظلام طاح ، نتعشاو عاد نديك تشوفي البلايص اللي بغيتي ، فين بغيتي تعشاي ؟

ضغطت على شفايفها ، كطريقة للتفكير ، وهزات كتافها بلا مبالاة : معرفتش ، نتا اللي كتعرف طنجة اكثر مني ، وغدي تعرف فين تديني .

ابتسم وقلب الطريق لريسطو فخم ، معروووف وكان كيمشيلو من زمان ،مدة دقائق قليلة وفرانة قدام الريسطو ، ومخلي الكونطاك للنادل ، نزلو بزوج في نفس الوقت ، وجرها لعندو مخلي راسها متكي على كتفو

هبة : ماجد مشي مشكل قادرة نمشي بوحدي .

دوز يديه على شعرها بشكل عشوائي ونطق كيهمس في أذنها : شنو كبرتي زعما ؟

ابتسمت ووجهت ليها نظراتها : وشنو ولات في عمري 16 لسنة ومبقى ليا والو ونكمل 17 .

ماجد : كيفما كان الحال كنبقى كبير عليك ، وكتباني في عيني بنوتة صغيورة .

كلمات مكان قاصد بيهم والو أصابو قلبها كالسهام ، بعدت عليه وتقدمت داخل المكان كتدور عيونها بهدوء

تعرض ليهم النادل ، رشدهم للطاولة الخاصة بيهم ، وتمشاو جهتها منفصلين ، كل واحد فيهم جلس في مكانو مقابلين مع بعضياتهم ، هز الموني وعطاه ليها ناطق بهدوء : ختاري اللي بغيتي .

حركات راسها بالايجاب ، فتحت الموني ، كتدور عيونها وكتقلب بين صفحاتو ، ابتسمت ونطقت موجهة ليه كلامها : بغيت كريزي تشيكن ، وجيودوغونج .

حرك راسو بالايجاب ، عيط للسيرڤور عطاه الطلبية ديالها مع ديالو ، ووجه ليها نظراتو : هاد العام عندك الباك ياك ؟

هزات راسها بحركات متوالية وحنات راسها كتشوف في لاطابل

ماجد : عاقلة باش واعدتك فاش كنتي صغيرة ؟

هبة : وي قلتي ليا الى جبتي 18 في الباك ، غدي ندخلك لأحسن جامعة في بريطانيا ونتا غدي تكلف ليا بكلشي

ماجد : مزال عند كلامي ، كنتسنى 18 ديالك ، باش تحققي حلمك فين باغة .

ابتسمت ونطقت بنشاط رجع ليها من جديد : ولكن انا مبقيتش باغة بريطانيا .

هز حاجبو بإستغراب ونطق بتساؤل : وشنو وليتي باغة .

حطات يديها تحت ذقنها ونطقت بنبرة أمل : هااح مكرهتش كوريا .

عقد حواجبو بعدم فهم ونطق مرة أخرى مستغرب : علاش كوريا بالضبط بريطانيا حسن منها .

بدون وعي منها تنهدت بصوت مسموع ونطقت متناسية معامن : هاااح كوريا فيها التيتييييز

#يتبع .......
آرائكن شهيراتي ❤️✨
التتمة بعد 25 دقيقة 🥂

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_20_تتمة

ضم يديه لصدره ونطق رافع حاجبو ، كيرمقها بنظراتو المألوفة : حتى نتي مبلية بالكوريين

هبة حركات راسها بالايجاب بسرعة ونطقت بتساؤل : ياكما حتى نتا ؟

عقد حواجبو مستغرب ونطق بنفي : نووووو منيتك ؟ هذوك المسلسلات داروهم غير المراهقات والمراهقين بحالك ، من ديما انا مكنهتمش بداكشي .

هبة : دبا داكشي دالمراهقين ، نتوما اللي كبار في شكل ، انا وياك مغديش نتفاهمو .

ماجد :هي انا شارف

نطقت مبتاسمة : بحالا علمك الله .

قاطع كلامهم، قدوم السيرڤور اللي حط الأطباق قدامهم ، وغادر مخليهم ، مندامجين في حديثهم

ماجد : كولي، باش ترجعي صحتك ، كنتي ضعيفة وزدتي بالخلعة .

هزات راسها فوق الطبق ، مستعدة ترد على كلامو ، وعيونها كيدورو على المكان، قبل ما تتقدم فتاة في أواخر العشرينات ، حانية على ماجد همست بطريقة مثيرة في وذنو ويديها كيدوزو في خدو بإثارة: نقدر نشاركك في هاد الأمسية نتا وهاد الغزالة دبنتك .

#يتبع.......
آرائكن شهيراتي ❤️✨