💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_19
دقات قلبها اختل انتظامهم ، وعيونهم التقاو من جديد ، الأحاسيس الجديدة مع القديمة ، شكلت نيران قوية كتنهش في كل طرف من قلبها ، زيرت على يديها ودورت راسها ناطقة بصوت خافت : بلاش انا بغيت غير نرتاح ، الى خرجت غير غدي نعيا .
عقد حواجبو ونطق بصوت غير قابل للنقاش : تهزي ، مغديش تعياي ومنعاودش هضرتي 2 مرات .
جر عليها الغطا ، وحط يديه تحت راسها نوضها ببطء ، عوج راسها ونطق بتساؤل : تدخلي تدوشي عاد نمشيو ؟
ابتسمت رغما عنها ، اهتمامه هذا رجعها لأيام كانت باقة صغيرة ، تنهدت بصوت مسموع ، وحركت راسها بالايجاب ، شدات في كويرتو ، متكية عليه ووقفت بشوية غالباها الدوخة ، تمشات بخطوات متوالية جهة الحمام ، حلات الباب ودخلت متكية على الحيط .
ماجد تقدم جهة البلاكار ، هز بينوار كبييير عليها ، وتمشى جهة الحمام دق عليها ، ثواني حلات عليه ، خداتو من عندو وابتسمت في وجهو .
تسد الباب تقدم جهة العائلة جلس في الفوتوي ونطق بهدوء : صافي اللي عندو شي حاجة يمشي ليها ، هبة بيخير غدي نخرجها فاش تخرج من الدوش .
يسرى هزات حاجبها : ولكن هي باقة عيانة غدي تعيا .
إحسان ابتسمت ليها وجرات ولدها عمران كتلعب ليه في شعرو : لا يخرجو حسن ، خاصها تنسى هادشي اللي وقع وهذا أنسب حل ...... دورت عيونها جهة ماجد ونطقت مكملة كلامها ........ ولكن أماجد متديهاش للبحر ، غدي تشوفو تقدر تدهور حالتها .
هز حاجبو ، ونطق كيستعمل التليفون : هو اللي غدي نديها ليه ، مخاصهاش تخاف من اي حاجة هاجماتها ، خاصها تعلم تواجه المشاكل اللي في هاد الدنيا وتوقف قوية قدامهم .
نجية قربت جهتهم : ماجد رخف اولدي على داك البنت راه باقة صغيرة، متبززش عليها شي حاجة مقاداش عليها ، والديها ومكيديروهاش معاها هكا ، هما مفششينها صافي خليها على تربيتهم ، راه هي اللي عندهم وعادي تكون هكا .
طفى التليفون خشاه في جيب الكويرة لداخر ونطق ببرود : غدي يدورو بها الذياب الوليدة الى بقات بداك الشخصية، خاصها تبدل ، وتعلم تسيطر على راسها مشي الريح اللي جا يديها....... لاحظ الصمت بعد كلامو، دور عيونو كيقلب عليه ونطق بتساؤل ...... فين ياسر والدراري
نجية : ياسر نتا اللي جريتي عليه بخصامكم ، جر ولاد عمتو وخرجو ، قالك مغديش يرجع حتى تعيط ليه .
رجع راسو اللور ونطق كيشوف في السقف : من الأحسن .
يسرى : اخويا قلبك قاصح .
رفع حاجبو فيها ، بنظرات خلاها ترجع اللور وتبعد عليهم ، جر ولدو وهزو عندو كيلعب معاه .
مدة 40 دقيقة وخرجت لابسة البينوار ، بدون متلتافت وراها ، تقدمت جهة البيت ، حلات البلاكار ، هزات منو غوب صيفية في الاحمر ، مجموعة من الخسر ومطلوقة التحت ، ملبوسة عليها بطريقة فاتنة .
تقدمت جهة المراية ، فرقت شعرها على 2 وخدات خصلة من جهة ، لواتها وشداتها بمقبط صغيور ، هزات گلوز دوزت على شفايفها ، وردت خدها لعل وعسى صفورية الخلعة تمشي ، وجهت نظراتها للمراية كتلاحظ وجهها كآخر مرة قبل ما تخرخ .
رجعت باللور هزات صاكها وحلات بابا البيت متقدمة ناحيتهم ، فورما وقفت قدامهم توجهت ليها أعينهم
إحسان ابتسمت : شفتو الزين بعدا ، انا عارفة هبة قوية متخليش المرض يسيطر عليها .
ظهرت ابتسامة خفيفة على ملامحها ونطقت بصوت خافت مقابلة مجاملتها ليها : شكرا ختي إحسان لهلا يخطيك
إحسان : قلت غير الحقيقة الحبيبة
نجية جرات هبة ، عنقاتها مزيرة عليها ونطقت بنبرة حنان : الله على بنيتي وكانو أيرزيوك في شبابك ، حفظك ربي ابنيتي حفظك ربي
#يتبع......
آرائكن شهيراتي ❤️✨التتمة بعد 25 دقيقة ❤️
![](https://img.wattpad.com/cover/291789641-288-k68201.jpg)
YOU ARE READING
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...